Explorar los documents (54 total)

Lenga d'òc/Lengo d'o : Rubaiyalo au Pont de Gard / Tè Vé Òc [Émission audiovisuelle]
Tè Vé Òc. Producteur
Emission dau 15 de setembre de 2017

Rubaiyalo es un projècte de Calame Alen. Es una mesa en scèna de poèmas d'Omar Khayyam, amb de tèxts de Françoise Bouvard. Rubaiyalo es una deambulacion au trelutz. Raconta l'istòria de pòples qu'an pas de nom ni mai d'origina, quicòm d'intemporau e d'universau. Barrutlan amb un cariòt entre leis aubres de la garriga. Aqueste reportatge vos mostrarà lo foncionament de la pèça, de sa creacion a son adaptacion, e lo trabalh de mesa en scèna, fins a sa representacion publica.
Un reportatge d'Amada Cròs.


Lenga d'òc/Lengo d'o : Estagi de formacion a Fònt de Vauclusa / Tè Vé Òc [Émission audiovisuelle]
Tè Vé Òc. Producteur
Emission dau 8 de setembre de 2017

La còla de Tè Vé Òc prepausèt una formacion a la vidèo per lei estagiaris dau CFPO Lengadòc. A l'escasença d'aquela session d'aprendissatge a l'entorn de la lenga e la tecnica audiovisuala, vos prepausam una revista que sotalinha lei metòdes pedagogicas emplegats per l'estagi. Leis estagiaris an beneficiat d'una formacion intensiva que permetèt un trabalh vidèo complet.
Un reportatge de Miquèu Gravier.


Lenga d'òc/Lengo d'o : UOE 2017 : escritura e oralitat / Tè Vé Òc [Émission audiovisuelle]
Tè Vé Òc. Producteur
Emission dau 1èr de septembre de 2017

L'Universitat Occitana d'Estiu festejèt sa 41ena annada en julhet a Nimes. Lo tèma d'aquest' an èra « Occitània granda e plurala » mai Lisa Gròs vos a preparat una emission mai especificament centrada sus la plaça de la lenga e sa cultura dins l'escritura e l'oralitat. Ansin, una revista dei talhièrs e dei libres pareguts recentament vos donarà una idèia dau pes que pòdon aver dins la literatura generala. Que siá anciana ò modèrna, en occitan ò en francés.
Un reportatge de Lisa Gròs.
Lenga d'òc/Lengo d'o : La Ronda Europenca dei Gigants e Totems / Tè Vé Òc [Émission audiovisuelle]
Tè Vé Òc. Producteur
Emission dau 20 de julhet de 2017

La primièra dimenchada de julhet vei una manifestacion novèla qu'a vocacion a se perennizar. Se tracta d'un acampament deis emblèmas dei comunas concernidas per la cultura totemica. Son de representacions que rebaton l'identitat d'una vila, d'un vilatge. L'enjòc d'aquela partida dau patrimòni culturau immateriau serà au còr de la manifestacion. S'i vei tanben la creacion oficiala de la federacion "Totemic", que permet ai sòcis d'aver una tribuna e una communautat.

Un reportatge d'Amada Cròs.
Lenga d'òc/Lengo d'o : La Fèsta dau flume en Agde / Tè Vé Òc [Émission audiovisuelle]
Tè Vé Òc. Producteur
Emission dau 14 de julhet de 2017

En Agde, la Fèsta dau flume met en avans lei mestièrs ancians, la cultura de l'aiga e lei tradicions modeladas per lei flumes e la mar.
Aquela immersion dins lo quotidian e l'imaginari marins es ponctuada d'imatges bèus, e nos racònta una istòria luènh d'èstre acabada. Lo rapòrt de l'òme a l'aiga pivela despuèi totjorn, e la Fèsta dau flume ié rend omenatge. Embarcatz e escapatz-vos dins un trajècte devèrs un monde fach de blau, de verd, de lum, de patz e de moviments.
Un reportatge d'Amada Cròs.
Lenga d'òc/Lengo d'o : La Crotz occitana / Tè Vé Òc [Émission audiovisuelle]
Tè Vé Òc. Producteur
Emission dau 7 de julhet de 2017

Un pauc d'istòria per dubrir lo mes, amb un documentari consacrat completament a la crotz occitana. I analisam sa formacion que l'origina remonta ai primièrs temps dau crestianisme. En fons dau subjècte, la question dau percors d'una crotz d'Orient Mejan enjuscas en Occitània. De la crotz religiosa de la primièra crozada, es venguda un simbòl de religament entre gents de País d'Òc. Es puèi au sègle XX, la crotz occitana simboliza lo militantisme per la lenga e la cultura d'òc.
Un documentari de Miquèu Gravier.
Lenga d'òc/Lengo d'o : Finala deis Cafès Òc a Somèire / Tè Vé Òc [Émission audiovisuelle]
Tè Vé Òc. Producteur
Emission dau 30 de junh de 2017

A Somèire (30), un recampament particular : lei sòcis de sièis cafès òc lengadocians festejèron per lo tresen còp la fin de la sason. Sonada « Finala dei Cafès Òc », aquela manifestacion onora lo trabalh annuau dei Cafès Òc de Somèire, Pompinhan, Sant Privat dei Vièlhs, Clapiers, Argeliers e Sant-Cristòu d'Erau. Au programa, contes, musica, conferéncia e un repais de tria !
Un reportatge d'Amada Cros.
Lenga d'òc/Lengo d'o : DYNAMOGÈNE / Tè Vé Òc [Èmission audiovisuelle]
Tè Vé Òc. Producteur
Emission dau 23 de junh de 2017

Avèm recentament aguda l'escasença d'assistir au rodatge de la scena d'un filme destinat a la creacion d'un espectacle nòu. Es una òbra de la companhiá Dynamogène, e se sonarà Encore râté... La sortida es prevista en 2018. Fuguèt l'oportunitat de conéisser un pauc mièlhs aqueleis artistas e de nos interessar a seis espectacles que realizan despuèi 1995. L'emission pòrta sus la biografia de la còla, amb de sequéncias filmadas e de presentacions de talhièrs, puèi lo foncionament de l'organizacion.

Un reportatge de Marc Cartheyrade.
Lenga d'òc/Lengo d'o : Total Festum au Grau dau Rei / Tè Vé Òc [Èmission audiovisuelle]
Tè Vé Òc. Producteur
Emission dau 16 de junh de 2017

Lo festenau de cultura d'òc Total Festum se durbiguèt aquest an au Grau dau Rei. Lo tèma d'aquesta manifestacion inedita dins lo vilatge balneari èra Mistral e Mirèio. Dins nòstra emission, veirètz mai particularament lo trabalh dau Centre Comunau d'Accion Sociala auprès dei publics per lei sensibilizar a l'òbra Mirèio e son univèrs. Leis elegits, leis artistas de l'opèra Mireille, lo CIRDÒC et les associations pròchas lo Felibritge prepausèron un eveniment nòu, dins una perspectiva sociala fòrta.
Un reportatge d'Amada Cròs.
Lenga d'òc/Lengo d'o : Aqueles e son CD "Punk's Not Born" / Tè Vé Òc [Èmission audiovisuelle]
Tè Vé Òc. Producteur
Emission dau 09 de junh de 2017

Es a la Bòria marina deis Aresquièrs que vos convidam per descubrir lo CD d'Aqueles, un triò inspirat de la Bèla Epòca e lo repertòri musicau lengadocian. Per la presentacion de son primièr album, Aqueles causiguèt un luòc bèu e una còla simpatica, lo duò Falco/Charrier, per l'animacion. E pendent la degustacion de la brasucada, Aqueles cantèt una cançon en òc pròche cada taula. Solèu, fruchas de mar, amistats e cançons novèlas : un bonaür !
Un reportatge de Lisa Gròs.
sus 6