http://occitanica.eu/files/original/4eb83c2e4ae50ad82bf6df65aa3e07e0.JPG df0dc7a08ed9adf502be91f4d6b97c46 http://occitanica.eu/files/original/4e9f9e3facc1fa2ef6eda3abf89b28fd.pdf 8ba9471fe0583200f2cab118df052966 PDF Text Text JUTJAMENT DE LA GISÈLA JUTJAMENT DEL CARNAVAL DE LIMÓS DE 1987 Publicat amb l'aimabla autorizacion de La Beluga de Limós Edicion electronica : CIRDÒC (ed.). Jutjament de la Gisèla. Ed. numerica, revista e corregida [en ligne]. Béziers : CIRDOC, 2018. (Occitanica/Tèxtes occitans. Jutjaments de carnaval). 14 p. Edicion originala : Jutjament de la Gisèla. La Beluga de Limós, 2nd trimèstre de 1987, n° 55, p. 1-12. Reutilizacion liura jos condicions : Atribucion (citar l'autor) – Pas de modificacion - Pas d'utilizacion comerciala �TRIBUNAL : Mèstre VENTRE D'ÒLI : Jutge al Tribunal de la Nauta Autoritat de Panafavas Mèstre POPET DE CORTÈINE : Avocat mistoflet e messorguièr, diplomat de l'Universitat dels galejaires : la defensa Mèstre BORRABUFA : Avocat general e caporal alengat que presenta l'acusacion Le BORRÈL : chut e mut, la capeta sul cap e la cara. Un tròç de masclàs malgraciós. Le 5 d'Abril de 1987 1 �LE JUTGE Pòble de Limós, vos saludi plan coralament. Som plan urós de venir aquí, per que sabiá que le mond d'aquí sabián receure coma cal las gents de qualitat nauta coma ieu. MÈSTRE BORRABUFA Òu ! Escotatz-le aquel ! Me refan quand plòu LE JUTGE Excusatz-me ! Mèstre de Borrabufa vos ai pas presentat al pòble de Limós coma l'avocat general mèstre de l'acusacion. E vos, Mèstre Popet de Cortèine, ètz plan dins la pèl del defensor de la partida. Pòble de Limós, vos disi, per avanças, qu'ai pas jamai de ma puta de vida condemnat una femnassa a èsser cremada perque vesi aquí un fogairon que me ditz res que valga. MÈSTRE POPET DE CORTÈINE Monsur le jutge Ventre d'Òli, nòstras aurelhas ne'n revenon pas d'ausir las vòstras paraulas. Som tresvirat e estabosit pel primièr còp de véser un jutge tant amistadós. Non, podèm pas e disi coma vos, podèm pas cremar una tan polida femnòta, una tan simpatica cafetièra, una tan brava cosinièra que nos fasiá regalar. Non, per cap de prètz, podètz pas condemnar la Gisèla. MÈSTRE BORRABUFA Arrestatz ! Arrèsta e còta, galapian. Te creses aver ganhat la partida. Seriá tròp aisit, tròp lèu expedit. Vos cal téner compte, Monsur le Jutge Ventre d'Òli, que sus tèrra i a un ramat de Gisèlas. Gisèlas que son rossèlas o maurèlas ; Gisèlas que son cafetièras o especièras ; Gisèlas que son cosinièras o gasta salsas. Gisèlas de carrièras o de lèit... Per contra aquela Gisèla son les molinièrs de Limós que la trigossèron aquí sus le plaça. S'èra amagada sus la sèrra de La Canal. Es ela qu'aviá carrejat aquí totis les malurs de l'an passat. MÈSTRE POPET DE CORTÈINE E que la Gisèla qu'es aquí darrièr sa banca ambe son acolit es pas brica çò que ne ditz aquel emplastre. MÈSTRE BORRABUFA 2 �A ! Comences pas a alargar tos bèlis mòts de putassièr, bogre de malaprés que siás tan plan diplomat, mas diplomat de balordisas. MÈSTRE POPET DE CORTÈINE Te seguirai pas sus aquela dralhada. Auriái paur que ma reputacion d'òme plan fargat ne'n sofrisquèsse. LE JUTGE Sioplèt ! Nos caldriá tornar a jutjar, se podètz, aquela Gisèla que m'agrada fèrme. MÈSTRE BORRABUFA De qué ? Vos agrada aquela bandufa ? Volètz pas rire ? Ambe totas las calamitats jos la pèl, aquela gomarra ! Que n'es una vertadièra vergonhassa que siasque encara aquí. MÈSTRE POPET DE CORTÈINE Te caldriá far véser aquí les certificats dels medecins per poder dire qu'es una calamitat. Ieu, disi que la Gisèla es pas brica aquò. MÈSTRE BORRABUFA Certificats ? Al cap d'un paissèl de vinha, te'n vòli balhar tota una carretada cargada a abocar dins les rodals. MÈSTRE POPET DE CORTÈINE Ne pòdes pas mostrar un sol, paure braulhard e rechauchaire. E quin mal a fait la Gisèla ? MÈSTRE BORRABUFA Quin mal ? Mas, siás avugle o cabordàs ? Un mal ? Tiò ! Tota una descada, tres semaladas que nos caldriá gaireben una setmanada per totis les legir ! MÈSTRE POPET DE CORTÈINE Som pas brica cabord, avugle o sord. Som un òme que crei çò que vei. E çò que vesi es que la Gisèla es pas brica çò que dises. 3 �MÈSTRE BORRABUFA Vielha saumassa ! Veses pas alavetz que totas las malautiás de l'annada passada es ela que nos las balhèt ? E d'una la cochilis a las socas, la gamadura a la fruta, la picòta als mainatges e le sarrampiu, sens parlar dels gautissons als òmes que les fasquèt totis impotents... LE JUTGE Aquò es pas un mal terrible, Mèstre Borrabufa... Que las femnas tenon pas mai de préner la pilula. MÈSTRE POPET DE CORTÈINE Es aquò que nos cal per enraiar las naissenças les gautissons a totis les òmes. Le Papa de Roma serà benlèu pas contr'aquò, el, que vòl pas ausir parlar de pilulas per las femnas. MÈSTRE BORRABUFA E ben ! Mèstre Ventre d'Òli, la campardina qu'es aquí es ela que fasquèt venir le Papa sus la plaça per verificar se las femnas de Limós prenián la pilula. MÈSTRE POPET DE CORTÈINE La deves aver presa, tu, la pilula. Que te fasquèt mai fadurla que ta maire te fasquèt. MÈSTRE BORRABUFA Te siás gaitat, tudèl de tina, escana-cabras, te disi que le Papa venguèt a Limós per recaptar las pilulas. E la Gisèla, aquela valpauc, i las mostrèt : es per aquò que dins las botigas dels apoticaris se'n trapa pas mai. E del còp, als gautissons pels òmes ! LE JUTGE Es per aquò que les òmes de Limós se pòdon pas mai botonar le còl de la camisa. MÈSTRE POPET DE CORTÈINE Se l'escotatz vos farà batejar un teule... 4 �LE JUTGE Som pas le Papa, ieu. Som pas aquí per batejar mas per jutjar. MÈSTRE BORRABUFA Per batejar ongan avèm çò que cal ! Sens parlar del Papa que fasquèt una visita plan remarcada, avián tanben monges e monjas. MÈSTRE POPET DE CORTÈINE Les monges èran pas monges de glèisa, mas monges per escaudurar le lait. MÈSTRE BORRABUFA Te vòls calhar, tròç d'amòrri. I aviá aquí sus la plaça un fum de monges que portavan monges e qu'a la nuèit cremèron le paure Daumàs, l'electrician de la Banda del Tivòli, qu'aviá pas res fait. Se es pas una vergonha ! MÈSTRE POPET DE CORTÈINE Ba fasquèron per despièit, per far plaser als ingleses qu'èran aquí per filmar las fecas. MÈSTRE BORRABUFA Auriás melhor fait de te calhar. Mèstre Ventre d'Òli, les Ingleses nos cremèron la Joana d'Arc, la piusèla d'Orléans. Se coneisson, pel fèt, sensat de fècs. Per l'entremièja de la Gisèla son elis que fasquèron cremar le Daumàs. Èra per far la publicitat de las fecas. LE JUTGE Som plan urós que la publicitat de las fecas siague faita dins le mond entièr. Val le còp ! MÈSTRE POPET DE CORTÈINE Mèstre Ventre d’Òli, aquí rendi gràcias a la vòstra justícia. Borrabufa, el, n'es pas content. Es reganhós coma un gos que ten un òs. MÈSTRE BORRABUFA 5 �T'i coneisses coma un pòrc a ramar pesas. Aquela d'aquí crema al lum ! Som pas contra la publicitat plan faita. Las femnas sortisquèron per nos far véser çò qu'es la publicitat mal engalhada, messorguièra. MÈSTRE POPET DE CORTÈINE E cossí la veiriás, tu, la publicitat plan faita ? MÈSTRE BORRABUFA Coma la blanqueta, pardí ! Aquí avèm la blanqueta, las fecas e le solelh en mai ambe la foto d'un crane godilh a costat d'un pierròt. Anatz ne quèrre endacòm mai atal. Solament, per ara, dins cada publicitat vos cal una femnòta plan polideta que mòstra a qui ba vòl véser, e sas popas, e sas pèrnas e son tafanari. Es aquela que mostrarà le mai. E la Gisèla es pas en darrièr per aquò. MÈSTRE POPET DE CORTÈINE Mèstre Ventre d’Òli, daissatz de costat, se volètz plan, la publicitat. Le nòstre brave Badòc se'n carga pro ben plan. Se passa pas una setmana que fasca als unis o als autres un discors sus las beutats de la vila de Limós. Ne’n fasquèt un, plan sentit, als angleses que venguèron aquí. Aquelis penjalums ! Venguèron aquí per èsser recebuts coma le rei de picas. Un chapar aquí, un estofat endacòm mai, flors aquí e blanqueta que raja. Vos disi plan melhor qu’al Club Méditerranée. MÈSTRE BORRABUFA E ne siás gelós coma las cabras a la sal. E tenes que far çò mème. Te cal anar en Anglatèrra armat coma un miquelet de cameràs e de lampas. E te'n vas tot dreit a Buckingham. Tan plan que la Reina te receurà coma un prince. Solament ela te farà passar la visita per sàpier se as pas le Sidà. MÈSTRE POPET DE CORTÈINE Le Sida ? A Limós, sabèm pas çò qu'es ! Deu èsser quicòm coma la ganarra. Es vertat que les angleses son plan fòrtis per aquò. MÈSTRE BORRABUFA 6 �Son tan fòrtis qu'an inventat la famosa capòta, e ambe aquela capòta agafas pas mai le Sidà e plan d'autras salopariás que la Gisèla aquí es cargada de te servir... pas dins las cantinas, non !... dins un autre dosilh. LE JUTGE La Gisèla vendriá salopariás per un autre dosilh ? Es una traficanta ? MÈSTRE POPET DE CORTÈINE Cal reconéisser, Mèstre Ventre d’Òli, que la Gisèla poiriá, benlèu, vos balhar le Sidà, pas vos le vendre. Mas, desempuèi les Grècs de l'Antiquitat, les òmes tanben pòdon vos le balhar. Le Sidà es una canilha pudenta, un bosièr enfarnissat, una pesolhina dolenta, un cusson patacaire, un escorpiu cagadur. LE JUTGE Avètz aquí una plan polideta litania per aquel Sidà ! L’aimatz pas gaire ? MÈSTRE POPET DE CORTÈINE Per plan vos dire, brica. Brica, Monsur le Jutge, mas es pas per aquò que condemnariái pas la Gisèla qu'es, ela, en plan bona santat e que ten pas le Sidà, vos b'asseguri. MÈSTRE BORRABUFA De qué b'asseguras ? I as banhat l'aucèl ? Cossí pas dire aquò ? Ela que ten pas una sola capòta. I'n demandèri, ièr delà : « Ne teni pas cap » te me respondèt. MÈSTRE POPET DE CORTÈINE E, pardí, tròç de sens èime, las aviá totas balhadas als òmes e a las femnas de Limós que n'aviá recebut quatre carretadas. LE JUTGE Alavetz, se compreni plan, cada ostal de Limós es garnit ambe las capòtas. MÈSTRE POPET DE CORTÈINE 7 �Si fèt, Monsur Ventre d'Òli. MÈSTRE BORRABUFA E ben ! Siam polits, fotuts, acabats. Ambe aquela sansònha, Limós es finit, mòrt, enterrat. Se las femnas prenon las pilulas e les òmes las capòtas, cossí se faràn les mainatjons ?... Dins las « provetas », las cantinetas, las flaütas ? Vos disi Monsur Ventre d'Òli, aquela Gisèla es le flèu, la pèsta negra, la garramanha, la morina. Es piri que l’escarlatina o le sarrampiu. Que le diable se l'embarre a l'infèrn que nos fotriá la castapiana. LE JUTGE Me fasètz páur, Mèstre Borrabufa. Totas aquelas malautiás del diable son a Limós ? E es le Gisèla que las a balhadas ? MÈSTRE POPET DE CORTÈINE Pas tan cargat ! Segurament que la Gisèla per aquel temps fosquèt enraumassada o enrauquida per aver begut tròp fresc. Mas Limós es una vila en plan bona santat per pròva que las equipas que jògan cada dimenge al balon son las primièras de tot le departament. MÈSTRE BORRABUFA Es tanben que le Lacoma, le famós tirur de las bòlas, se fasquèt metre Fani aqueste estiu. E qu'a la petanca las bòlas son pas mai rondas. Totas davalan cap al Parador per las carrièras de la Gotina e de la Tolzana. MÈSTRE POPET DE CORTÈINE Escotatz-le, aquela relòpia. MÈSTRE BORRABUFA Relòpia, ieu ? Te siás vist, tu, vièlh crostet afastigós rumat, rastumat e rabinat. MÈSTRE POPET DE CORTÈINE E tu, vièlh taisson falsièr, tiul [cuol] de mandra bramaira, falquet gisclarèl, crostet poirit. LE JUTGE 8 �Avètz passat aquí totis les sants ? Qué podètz dire de mai sus la Gisèla ? MÈSTRE BORRABUFA Per la fin, vos ai gardat le melhor bocin coma ba podètz creire... Mèstre Ventre d'Òli, la Gisèla val pas la còrda per la penjar o la bofanèla per la cremar. Dins pauc temps, tot Limós se desgrunarà ambe aquela gomarra. L'usina de Subirós s'es venduda a l'enquant... Que las cauçaduras se son balhadas tant val dire... e pas un parelh, sioplèt ! A còps de desenats de mila... E las maquinas... Al pes de la ferralha ! LE JUTGE Es un malaür. Mas la blanqueta ten le còp ? MÈSTRE POPET DE CORTÈINE Òc-ben ! Per ara la blanqueta ten le còp, mas le champanha a las bretèlas solidas ! MÈSTRE BORRABUFA Te cresi, estabornit ! E l'usina Myrys que se fa chapar per Bata, encara les angleses, le capmèstre mondial de las sabatas. E es encara Gisèla que butèt a la ròda... E la teulièra... Aurem pas mai un teule dins qualque temps... E le collègi ? Res que cinc professors que se'n van e son pas remplaçats... E las botigas ? Una que se dorbís, doás que se tampan... Es aquela bruèissa aquí qu'a getat un missant uèlh. E l’asili que se fond coma nèu al solelh ? MÈSTRE POPET DE CORTÈINE Aquò es le fèt qu'a Limós, a part la blanqueta, pas res se fa per l'exportacion. MÈSTRE BORRABUFA De qué ? Res per l’exportacion ? A París, al salon nacional de l'Agricultura, le nòstre amic Aymeric, le famós carnsaladièr, le bèl filh de Chauvet, teniá la mai granda taulada de tota la fièra e aquí un fum, tant plan qualques centenats per repais, una conflada d’alemands, bèlgas, olandeses, angleses, tanben japoneses, sens comptar les parisians, s'afartèron de caçolet a freginat cosinats pel mèstre de Limós. Es pas l'exportacion aquò ? MÈSTRE POPET DE CORTÈINE Tiò ! Val mai petar en compania que de crebar tot sol. 9 �LE JUTGE Vos trapi plan sevèr aquí, Mèstre Popet de Cortèine, pr'amor que m'agradariá plan de tastar al freginat d'Aymeric que mespresatz tant. MÈSTRE BORRABUFA Es la Gisèla que ba desplega tot, aquela saumassa ! Anatz véser per de qué al mes de novembre passat les estudiants fasquèron tot aquel rambalh ? Que se passegèron dins las carrièras en cantant e fasquent las fecas... Es pas le Monory, aquel garatgista patron dels professors que n'es en causa. Le brave òme, i entend pas res. Es la Gisèla qu'i butèt las idèas. MÈSTRE POPET DE CORTÈINE E diràs tanplan que se les trins s'arrestèron e que la michelina passèt pas aquí, es la fauta de la Gisèla. MÈSTRE BORRABUFA Calha-te encara, embrueissat ! E tiò ! Es la Gisèla que les aturèt ! Es ela tanben que fosquèt la conselhièra sul capcoissin del Pasqua e del Pandreau... Ne vesètz le resultat... Trucs aquí... E las gabinhòlas que son de tròp estreitas. Se ditz pr'aquí que la podra de lessiu Omò ne deu far una privada a Taich de mai de mila plaças. Es Chalandon, le ministre de la Justícia que ba ditz : « Omò que lava mai blanc que blanc. » MÈSTRE POPET DE CORTÈINE Nos fas aquí la reclama per las presons privadas, e quina vergonha ! LE JUTGE Daissatz aquí las presons, que vòli pas èsser destituit pel miu ministre. I teni, pauròts, me vòli pas véser al caumatge. MÈSTRE BORRABUFA Vos compreni. E de qué fariatz aquí ? Vos b'ai dit : Limós se despelha e fèrme. Tenetz, per vos fortificar sus aquel sient, le nòstre amic Chacha Bac escriguèt aquela cançon de carnaval sus le paure Sant Martin, le patron de la glèisa de Limós qu'i demòra 10 �que la mitat de la siuna manrega. Dins un pas res de temps se traparà tot nud e las margalhièras se metràn lunetas de cuèr. LA CANÇON DE CARNAVAL MÈSTRE POPET DE CORTÈINE Cantas melhor qu'un ase, mas corrisses pas tan viste. Monsur Ventre d'Òli, vos pòdi pas ne cantar una que seriam negats per las brumas. LE JUTGE Vos som plan reconeissent, Mèstre Popet de Cortèine. MÈSTRE BORRABUFA De qué ? Vos anatz pas daissar embelinar par aquel janfotre ? Es un brave pauc bosòla. Es pas de sa fauta. Sa maire le fasquèt atal. LE JUTGE Alavetz ? En qui me pòdi fisar ? MÈSTRE POPET DE CORTÈINE Ieu vos ai dit la vertat vertadièra sus aquela paurassa de Gisèla e de son acolit plan coma una semal. MÈSTRE BORRABUFA E ieu ? Som pas un messorguièr, Monsur Ventre d'Òli e avètz aquí un fum de mond qu'es del miu avís. Se volètz vos entornar en çò vòstre tot entièr sens que ne manque un bocin, vos cal seguir le miu plaidejar. Aquí siam, pas terroristas o racistas, mas tenèm a la vila de Limós e avètz aquí aquela que b'engruna tot. Vesètz aquí çò que vos demòra a far per que la vila de Limós visca dins la patz revenguda. LE JUTGE Vièt-d'ase ! Aquí n'i a pro. Vesi que d'un costat penja la romana. Pòble de Limós, - constatant totis les malaürs que ploguèron sus la vila, - constatant que la Gisèla es en causa dins cada afar, 11 �- constatant que son acolit l'a plan mal conselhada e l'a tan plan ajudada, - constatant que i a pas cap de circonstàncias ateunantas, Decidèm que la Gisèla de las Fecas e le siu acolit son condemnats a èsser cremats sus la plaça de Limós e sul còp. Borrèl fòc aquí e l'aiga luènh. 12 �Se avètz desbrumbat... o se coneissètz pas... mistoflet : mignon alengat : beau parleur maurèl : brun braulhard : braillard rechauchaire : rabâcheur la picòta : la variole le sarrampiu : la rougeole les gautissons : les oreillons la gamarra : la mauvaise humeur enfarnissat : barbouillé la pesolhina : les poux patacaire : bagarreur sansònha : radoteuse la garramanha : l'épidémie la morina : l'épidémie mortelle la castapiana : toute maladie honteuse relòpia : vicieuse aturèt : arrêta le capcoissin : l'oreiller las gabinhòlas : les prisons la manrega : le grand manteau embelinar : charmer bosòla : borné le plaidejat : le plaidoyer ateunantas : atténuantes. Fasètz-ne le vòstre profit... 13 � Document Tout document ayant servi à la production d'un contenu (images d'expositions virtuelles etc.) et non destiné à la publication en tant qu'item sur Occitanica Variante Idiomatique Languedocien Région Administrative Languedoc-Roussillon Graphie Graphie classique / Grafia classica Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Jutjament de la Gisèla / Beluga de Limós ; CIRDOC pour l'édition numérique Alternative Title An alternative name for the resource. The distinction between titles and alternative titles is application-specific. Carnaval de Limoux 1987 : jugement de la Gisèle Carnaval de Limós de 1987 : jutjament de la Gisèla Subject The topic of the resource Carnavals -- Limoux (Aude) Limoux (Aude) -- Moeurs et coutumes Beluga de Limós Creator An entity primarily responsible for making the resource Beluga de Limós Publisher An entity responsible for making the resource available CIRDÒC-Mediatèca occitana Date A point or period of time associated with an event in the lifecycle of the resource 1987 Date Issued Date of formal issuance (e.g., publication) of the resource. 2018-11-20 P.A. Contributor An entity responsible for making contributions to the resource Centre interrégional de développement de l'occitan (Béziers, Hérault). Éditeur scientifique Vernet, Florian (1941-....). Correcteur sur épreuves Rights Information about rights held in and over the resource Beluga de Limós License A legal document giving official permission to do something with the resource. Creative commons = BY - NC - ND Is Part Of A related resource in which the described resource is physically or logically included. <a href="/items/show/19989" target="_blank" rel="noopener">Totes los jutjaments del Carnaval de Lim&oacute;s</a> Format The file format, physical medium, or dimensions of the resource application/pdf 1 vol. (13 p.) Language A language of the resource oci Type The nature or genre of the resource Text texte électronique Identifier An unambiguous reference to the resource within a given context http://www.occitanica.eu/items/show/20077 Coverage The spatial or temporal topic of the resource, the spatial applicability of the resource, or the jurisdiction under which the resource is relevant Limoux (Aude) Spatial Coverage Spatial characteristics of the resource. point(43.0538068,2.2176533) Temporal Coverage Temporal characteristics of the resource. 19.. Description An account of the resource <div style="text-align: justify;">Tous les ans, apr&egrave;s presque trois mois de festivit&eacute;s toutes les fins de semaines, le carnaval de Limoux prend fin avec comme apog&eacute;e la nuit de la Blanquette. Ce dimanche-l&agrave; &agrave; minuit carnaval, qui a si&eacute;g&eacute; toutes ces semaines sur la place de la R&eacute;publique, est jug&eacute;.<br /><br /></div> <div style="text-align: justify;">Ces jugements permettent de r&eacute;gler en place publique tous les probl&egrave;mes de la soci&eacute;t&eacute; limouxine de l&rsquo;ann&eacute;e &eacute;coul&eacute;e. Parfois, il est compliqu&eacute; de comprendre et d&rsquo;expliquer les allusions, les noms de villages ou de personnes, car ils font r&eacute;f&eacute;rences &agrave; des lieux, des personnages ou des &eacute;v&eacute;nements locaux. Mais ces jugements permettent aussi de faire un r&eacute;capitulatif des &eacute;v&eacute;nements internationaux et nationaux majeurs de l&rsquo;ann&eacute;e.<br /><br />Carnaval est invariablement accus&eacute; de tous les maux, quel qu&rsquo;en soit le niveau, local, national ou international, jug&eacute; coupable et ex&eacute;cut&eacute;.<br /><br /> <div>En 1987, la Gis&egrave;le sera accus&eacute;e de tous les maux limouxins, et au-del&agrave;, et dans tous les domaines : les ministres qui ne sont pas bons, les manifestations d'&eacute;tudiants, la fermeture des boutiques, cinq professeurs en moins au coll&egrave;ge, la vente de l'usine Soubirous aux ench&egrave;res, le rachat de Myrys par Bata (entreprise anglaise), le m&ecirc;me probl&egrave;me &agrave; la tuilerie, mais aussi le meilleur p&eacute;tanqueur limouxin qui se fait mettre Fanny et toutes les maladies de l'ann&eacute;e pass&eacute;e (&agrave; la vigne, aux fruits, aux enfants, aux hommes&hellip;).</div> <div>L'ann&eacute;e 1987 correspond aussi &agrave; la premi&egrave;re apparition du SIDA dans le jugement de carnaval. D&eacute;couvert quelques mois plus t&ocirc;t, il fait partie du lot des choses que l'on voudrait voir br&ucirc;ler avec la Gis&egrave;le. Avec le SIDA vient le th&egrave;me du pr&eacute;servatif et cette question qui inqui&egrave;te le Tribunal : si les femmes prennent la pilule et les hommes doivent se mettre des pr&eacute;servatifs, comment se feront les enfants &agrave; Limoux ?</div> <div>N&eacute;anmoins, si de tout ceci la Gis&egrave;le porte la culpabilit&eacute;, deux points essentiels p&egrave;sent dans la balance de la D&eacute;fense : il ne semble pas possible de br&ucirc;ler une femme et d'autre part qui mieux qu'elle pour faire de la publicit&eacute; au carnaval, &agrave; la blanquette etc.</div> </div> <div style="text-align: justify;">Cada an, apr&egrave;p gaireben tres meses de festivitats cada fin de setmana, lo carnaval de Lim&oacute;s s'acaba amb coma apog&egrave;u la nu&egrave;ch de la Blanqueta. Aquel dimenge a mi&egrave;janu&egrave;ch, carnaval, que demor&egrave;t totas aquelas setmanas sus la pla&ccedil;a de la Republica, es jutjat.<br /><br />Aquestes jutjaments permeton de reglar en pla&ccedil;a publica totes los probl&egrave;mas de la societat limosenca de l'annada passada. Qualques c&ograve;ps, es complicat de comprene e d'explicar las allusions, los noms de vilatges o de personas, per de que fan refer&eacute;ncia a de lu&ograve;cs, de personatges o d'eveniments locals. Mas aquestes jutjaments permeton tanben de faire un recapitulatiu dels eveniments internacionals e nacionals m&agrave;gers de l'annada.<br /><br />Carnaval es invariablament acusat de totes los mals, quin que ne si&aacute; lo niv&egrave;l, local, nacional o internacional, jutjat colpable e executat.<br /><br /> <div>En 1987, la Gis&egrave;la ser&agrave; acusada de totes los mals limosencs, e al-del&agrave;, e dins totes los domenis : los ministres que son pas bons, las manifestacions d'estudiants, la barradura de botigas, cinc professors en mens al coll&egrave;gi, la venda de l'usina Soubirous a l'encant, la crompa de Myrys per Bata (entrepresa anglesa), lo meteis probl&egrave;ma a la teuli&egrave;ra, mas tanben lo melhor petancaire limosenc que se fa metre Fanny e totas las malauti&aacute;s de l'annada passada (a la vinha, a la frucha, als enfants, als &ograve;mes...).</div> <div>L'annada 1987 correspond tanben a la primi&egrave;ra aparicion del SIDA dins lo jutjament de carnaval. Descob&egrave;rt qualques meses abans, fa partida del l&ograve;t de causas que se voldri&aacute;n veire cremar amb la Gis&egrave;la. Amb lo SIDA ven lo t&egrave;ma del preservatiu e aquesta question que fa de lagui al Tribunal : si las femnas prenon la pilula e los &ograve;mes se devon metre de preservatius, coss&iacute; se far&agrave;n los enfants a Lim&oacute;s ?</div> <div>Pasmens, se de tot aqu&ograve; la Gis&egrave;la p&ograve;rta la culpabilitat, dos punts essencials pesan dins la balan&ccedil;a de la Defensa : sembla pas possible de brutlar una femna e d'autra part qual melhor qu'ela per faire de publicitat al carnaval, a la blanqueta etc.</div> </div> Relation A related resource Vignette : http://www.occitanica.eu/files/original/4eb83c2e4ae50ad82bf6df65aa3e07e0.JPG Source A related resource from which the described resource is derived Mediatèca occitana, CIRDOC-Béziers, BI 1 Occitanica Jeu de métadonnées internes a Occitanica Type de Document Le type dans la typologie Occitanica Texte electronique Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Catégorie La catégorie dans la typologie Occitanica Documents Contributeur Le contributeur à Occitanica CIRDOC - Institut occitan de cultura Jutjament de carnaval = Jugement de carnaval