http://occitanica.eu/files/original/e0a94cda77ea758c78280029d479d526.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/567d49d051aa3eb19b512efa68bc5a17.pdf 7d4eae7ae360c4022546525118a66bc9 PDF Text Text 22" Anade. 15 Yulhet 1918 TAUS LEYEDOUS DOUS RECLAMS Cotisations et Dons volontaires pour assurer la publication des « Reclams » pendant la durée de la guerre. Règles suivies : a) Les mobilisés qui ne peuvent payer ne payeront rien. b) Les mobilisés et les civils qui peuvent payer, donneront chacun selon ses moyens et sa générosité. Tout donateur recevra la prime superbe offerte gracieusement par M. Bibal : le De Viris itlustribus Vasconiœ pourvu qu'il fasse connaître son adresse complète. En l'absence du Trésorier, adresser les souscriptions soit à M. Miquèu Camélat, à Arrens, H.-P., soit à M. J.-V. Lalanne, secrétaire général, à Bidache, B.-P. 16e Liste 'i'r VERSEMENT 2« VERSEMENT 3' VERSEMENT M. M. M. M. M. Mautnus à Mirande JeanMinguet, directeur Société Générale, Oran. Gardère, à Loubieng.. E. Marrimpouey, imprimeur, à Pau Laborde-Barbanègre, avoué, notre Trésorier, à Pau M. Bibal à Masseube TOTAL REPORT N° d'Août 1917 N"de Janv. 1918 N° de Mai 1918 TOTAL 6 fr. 10 fr. 5 10 10 20 fr. 61 fr. : . 1294 136 157 de la Souscription à ce jour i 1648 fr. * Mau grat la rèyte pourtade dab tan de malandrès pèr la guerre, la souscripciou que ba beroy. Qu'anira encoère mélhe, qu'en èy l'ahide, quoand la cigalhe e sie tournade p'ous cams, enta canta la maye garbade qui abém biste desempuch ans. En atendén, mile cops mercés aus baléns counfrays qui an tirât la pistole dou pouchic p'ou sigoun cop : MM. Bourciez e Tastet, Faute die, lous escributs assiu dessus, hoèy. �— 34 — Mercés e haunou aus quoate qui-n ban au deban, amuchan la bie, en pagan p ou tresau cop : MM. lou Coumte de Viforano, Locténent Colonel Camors, Eygun, Bibal. La loue semialhe yenerouse que pourtera bère frute, qu'en èm segus, Soulide d'aulhous, que hè besougn. Beyats oun n'èm dous noustes ahas. Recrube pèr la souscripciou Despenut enta-us Reclams desempuch 1914 Qu'y soubre 1 648 00 1.374 85 273 15 E cade n° nabèth que couste adare 175 liures. Badoun que boulém paréche touts lous dus més ! Arroun û repaus de sèt més, coum at bedéts, assiu que souy, amies leyedous, decap a l'obre oun m'a hiquat, quoate ans a l'Assemblade yenerau d'Auch. De hoèy enla que-m tourni gaha au tribalh ; més que-m préni ûe ayude méy yoéne que you, enta ha l'obre méy agradibe. Lou Camelat, lou bou felibre d'Arrens, que s carque dous Beclams. Qu'y porte ûe boune boulountat, û sabé e ù sabé-ha qui counechéts. dab û noum deya poupulari qui prabera encoère. Tout so qui toque a la redacciou que déu doun esta mandat ad éth. Enta you que-m goardi la partide dou tribalh d'administraciou qui se-m rebièy, suban lous Statuts. Camélat et you que pregam lou felibres qui saben maneya lou calam d'embia enta-d Arrens, prousèys ou pouesies, cantes ou coundes de may boune : qu'en abém rèyte. J.-V. LALANNE. P. S. — Pour que tout le monde comprenne bien, nous répétons en français ce que nous avons dit en béarnais. Adresser les souscriptions à MM. Camélat et Lalanne ; tout ce qui concerne la rédaction à M: Camélat seul. Ajoutons pour être complet que les changements d'adresse, les demandes de Nos supplémentaires doivent être faites à M. Marrimpouey, jeune, imprimeur à Pau et non à MM. Camélat et Lalanne dont ce n'est pas l'affaire. �- 35 - Crouniquéte dous Reclams Adès lou secretari dou burèu qu'a hèyte ue guignade au pelut en lou dise : — Çà y est, tu pars ! Que s'en anaré dounc ta case oey ? 0 ho, qu'où te balhen lou papè de la permissiou ; qu'ey libre per dètsdies. Au mey courre que-s lodye las atrunes, que hè boula pantalous biélhs e bestes nabes, que pause lou fusilh... lèste que s'apoulingue daban lou miralh. Lous camarades dou cor de l'oelh que i'espien coentat e, drin yelous, qu'où hèn : — Alors, tu vas voir ta vieille ? # * De cla en cla, qu'en ey atau cade quoate, cade cinq ou cheys mes e souben mey Tan de panât au mechan tens, ue hestote au miey dous cent coumbats de la mécanique militarie. Toutu, eh, que partech. Qu'aledara l'ayre amistous, que batalara dab la soue familhote, que poupara drin (coum disen) ; que sabera quin lou nèn e prabe e se la gouyate maridadere a toustem noubèles dou sou proumetut ; que dara u tour per aquiu ; que droumira dens lou sou lheyt ! Quine cause pla endebinade la pèrm ! Autalèu sou tri, que s'y trobe ue adayse, u pla-sta ! Qu'au bèt cànta, dansa, houleya, segouti-u, nou bed à d'arrés e que-s goarde pla de respoune aus coumpagnous en balade. Dens la noèyt, las estacious que-s despachen de hoéye ; nou s boudye dou sou cournè, qu'y peruque lou- sou plasé. Mes las ores que s'abancen tabé coum tournéyen las arroudetes dou cami de hèr e ballèu, ue arraye ensafranade que-s parech acera sou soum de las terres gouteyantes d'arrous ; Taube que-s lhèbe coum s'aprèssen de Bourdèu. Que l'ey bou d'estaca la biste sus la Patrie benedide qui ey mey la souè ; que l'ey ue bouniquerie, après la desoulaciou dou frount e lous lanès sensé u floc d'arbes, sensé ue aygue de la Beauce, de passa débat l'endoum dous pignadas e de camina pou miey delà brane flouride. Are, coum dens u rèbe, que bâche de la cabale nègre ; qu'ey arribat. Au ras, tout plé de counéchences, toque-mas à l'u coume à l'aut. �- 36 - Mes, quin se hè, qu'aberé dounc perdude la memòri ? Que bed lous caps, que sab qui soun e nou diseré mey quin s'apèren. Bah !... e que-s truque la tèste. U amie de yoenésse que l'a yuntat. Aquéste nou s'ey boudyat d'ue escloupade e per ue rasou, segu, per ue boune rasou, qu'ey demourat à l'endarrè : — Qu'ès aquiu ! — E o! — Tan lèu, loustem en permissiou! — Qu'ey bertat, que y a cheys més de la darrère. — Ah, quin passe lou tems! — Nou at as sabut tu ? — E b'ès goalhard ? — Quio !... E lounouste sourdat qu'où te plante aquiu l'amie d'abans-guerre, lou barlic-barloc qui n'a sabut da-u que bestieries. Pou caminau qu'en trebuque d'autes. Touts qu'an en bouque la gran carèstie de la minyance. Tout que coste, tout que puye e tout que s ben : lou milhoc qu'ey à tan la mesure, lou bi qu'ey à tan la barrique, lous agnets à cheys pistoles, lau aulhes à dou'dse, las baques à mile liures e mey. En tout debisan las maynades que s'amuGhen. Ta que soun hèytes, sounque ta pareche? Qu'en y-a u ligot de hilhes dou biladye qui a bistes à bade e arè damisèles de bile, la Lisete, la Mariou, la Serafi qui s'ayumpen, qui parpalhéyen... E nou soun pas soûles anat. . Lou permissiounari qui sourtibe de parla dab u mau-aprés que tire en dabans en se dise : — Que la me goasten la bachade dou cami de hèr ! Que dében èste à l'usine, la minyadoure de yeneracious paysanes que las a tentades. L'esquie plegade nou s'espie d'arré mey. Aquiu qu'ey la coste abans d arriba, drin enla qu'ey la maysou soue, que hougne las musétes qui-u sèguen l'espalle, lou co qu'où s'enle dens l'estoumac e ue lèrme qu'ey prèste à barreya-s sus la machère prouberouse. Ya ! qu'ey ategnut per u gn'aut qui l'a counechut e qui-s presse d'ana-u sarra la ma. Moubilisat sus place, aquet tapoc n'ey pas sourtit dou sou nid de plume. L'agradamen sou qu'ey de léye lou communiqué., d'esplica-u à la taulade dous pintounès e de ha lou gran patriote ; qu'ey toutu à plagne. Pensât, que eau cinq cents liures ta u baylet de quatourze ou quinze ans, nou soun mey en abounde lou sucre e lou toubac e IQU pa qu'ey talhucat à petits boucis^ �— 37 - Nou s'y pod mey tiéne. — Ah, s ou te dits, au sourdat qui fatigatabè l'idée de s'en desha qu'èts mey besiats, bous auts; que disen que-b neuréchen pla e las bostes hémnes que toquen per mes u palhat de taryes : l'altoucuciou. E coum lou pelutnou respoun, tan n'ey hart, l'aute, qui nou-s perd lou siulet, qu'où mesure dou cap aus pès : — E, la probe qu'èts pla neurits. qu'es hardit hòu, e que-t débes coullouca loegn dous trucs, n'èspas estât blessât ?... Ne la méndre esgarrauche ! — Nou, nou-n souy pas estât encoère toucat, e hè lou permissiounàri qui s sentech à puya lou sang au cap e partech sensé disen mey. Ah, biban ! qu'esperabe d'èste arcoelhut coume u maynat qui tourne de malaudie enou saben qu'afroimteries ! N'ey pas prou de serbi, de pati, de cara-s, encoère que bolen que sie dens u cèu de plasénces e tout ço qui echugue, nou counde, se nou lou manquen ou lous bras, ou las cames, ou lous oelhs ! # * Bahurlès de la ley dous qui pintre, nou n'y a pas à troupes, mes lous chics qu'y soun, qu'y soun de trop : Nou caleré pas que s'en ybedousse nat quoan lousnoustes omis e tournen. Lou qui bié per ue semane, qu'ey senticous e n'a pas lésé d'abisa s, ne de pesa las causes. Qu'arribe d'u païs heroudye oun la mourt cad coum la grêle. Qu'ey estât loungademens mespresat, tiengutcoum d'ue race bençude, atacat coume meridio despuch la segoutide de 1914 e trattat de pauruc e de hoeytiu. Se n'ey pas en ligne, s'ey prou bielh, ou prou entecat, ta demoura dens u dépôt, que biu toutu desbesat de ço qui hè la gauyou de la bite. Qu'où debém d'èste tranquilots, de ha bouri lou nouste toupi, à nouste, d'èste beroy apapuchats débat u teyt amistous : Gracies à d'et, s'en abèm lou bici, que poudém pouliticasseya. Que demoure toutu de nous auts, dous cibils de l'endarrè, paraules douces, moûts d'amistat e nou parloutis e peguésses. Anem decap à d'et e, quoan lou touquem la ma, que béye qu'èm de payère ta coumprene la soufrénce soue e que la yoye qui esprabè en tournan ta case — per dèts dies — qu'ey ue yoye de hèste annau enta tout lou besiadye. Lou REY-PETIT. �— 38 9 POUESIE L'Amou qu'ey u ausèt... L'amou qu'ey l'auserou qui dens lou co s'anide Fer u die d'abriu plé de luts e de flous. Que porte ue clarou deguens l'amne encrumide E tan que lou printems e dure, sas cansous Qu'espandechen arroun e la yoye e l'ahide. Praube co qui l'amou s'a rescauhat tout dous ! Aquet ausèt qu'ey u haroulè qui n'abite Deguens lou medich nid yamey dues sasous, Se bié l'ibèr dab las auroungles que-ns e quite. Mes l'auserou que bad esparbè, quoan partech E tau coume u bandit traçât, que derruech tleroudyamén.soun nid dab lou bèce la garre E hè tan que nou pousque abriga d'arrés mey. Per la plague dou co qui yamey plus nou-s barre, Ta loungtems qui bisquiam, lou noste sang que hoey... Yan de BOUZET Lou Maridadye de Yan d'Abadie Permou d u dòu cousent e de las calamitats qui echugam, lou maridadye de Madamisèle Cuyalaa dab lou nouste counfray nayés que-s hé sounque entre lous de case. Que lou cèu de î'arribère qu'amantoule, amistous, lous qui d'are enla s'en ban amasse ; que lou Gabe nou gourguéye que ta la loue yoye e quoan touts dus passen sou pount de pèyre, que sien en santat. Acera, sou bielhcampanè negrous, que las campanesnousounen tad ets que per bâties ou per nouces ! M. C. �Lous Gouyats noustes (Diplôme de medalhe bermelhe) Musique de E. de Paroles de LESCAZES A. COSTEDOAT •tcai 0 —1 —a ■—J -0# J 5^ n,.n|J..D -Tzau Gaïu/ûtis a>um &t fa Áej&'evz nazi , C3 I J U Que Cait.ta-. f^T. ^ l J: _- - e Tan ^ai haram a-feu tfa-ni.i'aj)tj>asta at-je^TançaiÂznvna.£zx /ttz. il Lous goujats noustes 's soun uatuts Coum lous bielhs caddèts de GascouTa mata !a race carougne [gne; ,Lous gouyats noustes 's soun batuts. Aus dies de grane pelade Quoan hoeyè lou Boche cascan Que-u cridaben en arrounsan La bayounéte plâ 'hielade. KEPIC : Tan qui haram atau Bienerats pas ta case ! Tan qui haram atau N'anirats pas ta Pau ! III Lous gouyats noustes tourneran Au die sent de la Bictori Lous oelhs enlusernats de glori Lous gouyats noustes tourneran. 'ayats pas pou, beroyes causes, Céu 'smiraglan, peys deu Boun Diu ; Lous gouyats noustes soun aquiu « Febus aban ! Toque-y si gauses ! » REPIG : Tan qui haran atau Seram mèstes a case ! Que-s mouriran si eau Ta-u beroy cèu de Pau ! �Reclams de perquiu La batalère dou yenerau Carbillet. Après la tumade de Charleroi e la prumere abourride dous alemans en France qu'esté lou dit, sus lous grans pourtayres de noubèles parisiens, qu'èren aquets sourdats dou Mieydie la cause dous malurs de la Patrie. Lou chaire arriban de Paris, nou poudè qu'èste la bertate autalèu.enco.quauques yournalotsde proubincie, qui nou bouy pas nouma ta nou hica mey binagre sus la plague, que-s hiquèn à crida els tabé. Lou mau qu'ère hèyt. Mantu dous hilhs dou Mieydie, qui poudèn parla, que proutestèn d'aulhous e sus lou noumbre lou capouliè dou Felibridye V. Bernard, lou yenerau Carbillet... Aqueste que coumandabe à Dieuze la 29e dibisiou de Nice, la qui ey estade lou mey enhountide, e que-DS en pod dounc apréne. Dens ue batalère hèyte à Nice (1), aqueste prime, qu'esclarech aharots qui èren demourats coume bestits de brume. Nou y-abou e, qu'at probe, ne panique, coum digou lou yenerau Zurlinden dens Le Gaulois, ne un moment de vertige, coume at pretendè lou yenerau Cherfils dans Y Echo de Paris, ne énervements passagers, coume l'òmi dous canous Ch. Humbert at clamé dens Le Journal, nou y-abou arré de tout aco mes ourdis qui oubligaben lous noustes d'abança e coume d'autes cops s'ey bist, que y'esten à u countre quoate. La 29e dibisiou nou poudè qu'èste dalhade. « Né sur le plateau fortifié de Langres (Haute-Marne) loin de ce Midi que j'admire,-je ne parle qu'en témoin impartial et je n'ai, qu'un désir, qu'un but : dire la vérité, toute la vérité, je le répète hautement : Je commandai à des braves! Aux coupables médi sances dont on a voulu les salir, j'oppose une protestation sincère, loyale, catégorique, le plus formel démenti. » Degn'aute coustat Mous de Helleudy, ancien prefèt dou Vaucluse, qu'ey en tri d amassa lous materiaus d'u gran libe oun lous peluts dou Mieydie, de touts lous Mieydies, seran benyats. Après lous mensdises la bertat que déu lusi. La proupagande de Simin Palay. La Soucietat tarbése Les Amis des Arts, presidade pou nouste amie l'escultayre Caumont, qu'a hèyt en Mars ue espousiciou d'esculture e de pintrure dens la gran crampe de la Maysou coumune. Ta la brespade de las acabalhes qu'embitèn lou roumiu dou felibridye, Simin de Palay, à batala dous cants anciens, dous ayres qui serén sourtits de cants de glèyse. (1) Premières armes d'une division du Midi, par le général Carbillet, 1° broucadure (que coste 20 sos, aus burèus de YEdaireur, à Nice). �- 41 — Mounde qu'en y-abè e dou yénce, e lous trucs de ma nou manquèn pas au batalayre. Dus mes après, qu'ey à Pau qui hase baie las cansous de nouste, aperat per YUniou Regiounaliste, Mous de Lavigne que presidabe e lou pouète dous Caddèts, de l'Arquet e dou Mariât, qu'amuchè, encoère u cop, quin dens lou méndre ayre doulén de case e pataquéye l'amne dou pais. N'ey pas tout. Palay que déu èste à Bic de Bigorre lou 21 de Yulhet, ta parla de l'istorie de la biélhe proubincie ; à Bic oun a passât ue boune temsade de la soue yoenésse e oun s'èren bists, que y-a bint e cinq ans, ue bère toucade d'amies de ço qui aymam, pintres, escultayres, pouètes : Mous Fernand e Dsabiè de Cardalhac, l'escultayre Desca qui bié de mouri), lou pintre S. Lestrade, lou coundayre Yan Palay, lou pouète Cyprien Dulor, lou tradiciouniste N. Bosapelly - ■ f Tems, e que t es hèyt ! Que lou Palay, maugrat las tumades de las sasous qu'ani endabans, e que, lou sou claquet. e sie bou coum metau fi: Que la barbe qu'où se goàrdi mourete loungtems, loungtems encoère. Un chic de luts. Que leyim dens la Petite Gironde dou Í) de Yulh : Becette des représentations de Un chic de luts, 3000 francs. Que pod êste aco. ue pèce hèyte en gascou ? L. R. ^jj^eUe pièle de coumparesous Sabre coume ue abera. Bèstie coume u arrascle. Magre coume ue came de ca. Beroy coume u co. Hart coume et tambour det diable. Magre coume u gat qui-s neurech de sentas. Radyous coume u lusèr escoat. Bèt coume ère luts. Loung coume ère hami de may. Biey coume ères mountagnes. Parèys coume dues mounyetes. Entené-s'y coume u asou ta cassa calles. Dret coume et bras quan me mouqui. Blanc coume ère coue d u ca nègre. Gountén coume ue garie qui s trobe u coutèt. Yan BOURDÉTE. d'Aryelês en Labeda. �— 42 — Lou Yan e la Marie i La Marie de Cantemerle qu'ère la mey heroye gouyate de la paropi; qu'abè lou péu nègre e lis coum lou courbas las aies, lous ouélhs plèys de gaymance estelats pèr l'amou ; qu'ère amoullade coum nade aute, cinglante coum û bimi, frésque e tegnère coum l'arrague. Lou Van de Claberie qu'ère u bèth gouyat de pèr nouste, brincliut e inourét, lèse e gauyous coum û pinsâ au més d'Abriu. Lou Yan e la Marie que-s parlan, que s'agradan e que s proumetoun. Mes, malaye ! Quouan la may e digou a case que boulé yunta s dab lou Yan, la may soue que sauça liens l'aygue benedite lou laurè dous Arrams e que l'escounyura. K quouan lou pay de Claberie sábou que lou sou eretè que boulé espousa la Marie, que s'ourbi lou libi huganaut, qu'apera a l'ayude Gog e Magog, Abraham, Isaac e Jacob, e qu'où maladisou... Maladit e escounyurade, que boulèt que hasoussen ? Pèr bèth mati, arregoulats d'esta cerquats de brut, harts de damoura que pays e mays bouloussen amassa-us, ahamiats de s'ayma, que gabau la bie... A Diu me dau quin escandale! Lous limechourds debots de la Glèyse e lous cagots dou Temple qu'en aboun ta trachamandeya quouate niés de seguide... Que gahan la bie detap ent Paris, la grane bile qui s'arrecatte tout. A Paris, iou Yan que s'y gagna la seutade en escribasseyan, so qui-b probe que n'ère pas nat pèc e qu'en sabè de plume. Mes cadesé, lou yournau acabat, be hasè dehèt de s'en tourna ta-u nidau oun sauneyabe la Marie. E b'abèn doun lèu hèyt de s'amigalha, lous praubes esbarrits ! La daunéte, autan coum se poudè, qu'adoubabe a la mode biarnése, garbure e mascadure. E puch, haut en aban, lous soubiénes de case ! La Marie que s'acloutab-î sus la haute dou Yan e, au mièy de las gausialhes e dous amigalhéts, dous debis e dous rabalays, que tournabe toustém, coum « l'ora pro nobis » de las Rougacious l'engalinante litanie de l'amou. . E lous poutous que brouniben e que la perucabe las machères, lous ouélhs, lou nàs, lous pots rouys coum la guille... Lou prumè cop qui-ous a couelhuts qu'ère u lusén brespau dou més d'Abriu, darrè lou plèch tout cantant d'auserumi, que sabèn au printéms... — Que t'aymi ! que t'aymi !... sedisèn lous dus. �— 43 — Oh, que m'en broumbi, la toue machère que chacabe la mie, e que-m hiquès lou Paradis au cô. — Que t'aymi ! Que t'aymi !... ïéms benadit oun courrèm p'ous sendès. Ilourits e p'ous prats pingourlats, e tournera yamèy ? — Que t'aymi ! Que t'aymi ! Que t'aymi ! Chic a chic arroun d'éths, tout que s'escounè e tout que-s desbroumbabe. Quouau ey la hade pouderouse qui, d ue'tire d'ale Tous pourtabe au parsà. Qu'y èren, qu'où bedèn ! Lou peys de las cantes ! Oh ! lou Biarn aymat, qui paréch, dou bèc dous coustalats, gauyous arridén e tout bérd, cintat de la cinte azuline qui l'a dat lou boun Diu, e qui ey hèyte dou blu clareyan de la mountagne, dou blu estiglau de la mâ, dou blu ilamboureyan dou cèu !... L'ibèr qu'ey dourèc pèr aquiu e que-s perlounquéye... E de sauneya chens paus au bèth parsà pergut e de nou pas abé deban si sounque lous tèyts nègres, las cheminèyes ahumades. û cèu de tampourres ou lou plouyét plouyét qui nou s'estanque gouayre... E d'esta, Diu sap quouan lou cap countre la frinèste qui riuleyabe coume riuleyaben lous sous ouélhs, quin boulét que lou calanquè nou la gahasse pas, e que ne badousse pas malandrouse, dap ù machan toussit, presén de la bilasse? De quouan en quouan per aco, quouan lou sou arrayabe be hesèn dehèt touts dus, quauque diménye, de ha-s'en la camade, arroussegats per la cabale nègre, ta la campagne de Paris. N'ey pas la de per nouste aquére. Mes, qu'ous hesè gay toutû, de béde lou plèy dou cèu. lou bérd dous arbous e dous cams, e, ta d'ère, qu'ère la maye de las gèudes... E que s'en tournaben. mantû cop hens la nouèyl, au mièy dou hourbari dou camî de hè e dous sous estanquéts, gourpits, mes arrebìscoulats. dap ù amassadis de bounur ta ùe troupe de dies... U sé, en caminan capbath las carrères ta tourna-s'en, qu'audin, — ère u ayrét amie qui-ous pourtabe a trubès la France, la grane France, - û reboum dous èrs mountagnùus? Ere auta plâ quauque embit biarnés qui-s regaudiben hens quauque oustau pariséne?— qu'audin coum si bienè de louégn, de hort louégn, d'acera proche delà mountagne, la cansou yumpedoure dou soubirà cansouè, moussu (îastou-Febus : Aquéres mountînes qui ta hautes soun... Lou cô claberat, que s'èren estancats, Quouan you canti, you be canti, Nou canti pas pèr you... Oun ère qui cantaben ?... A Diu |me dau, si at abèn sabut, be s'y �— 44 — serén anats lèu recouti, au mièy de quéths Biarnés qui, de segu, aurén plâ arcouelhut lous praubes esbarrits ! Hautes, b'en soun hautes ! Que s'abacheran E mas amourétes que parecheran... Lou se de la Marie que se l'enlabe e qu'estregnèbe lou cap aloulat sus la soue espalle ; lou Yan qu'abè lous ouélhs engourgoustits... Toutu que s'abian. E hens l'escuragne de la nouèyt û gran toussit qui ne s'estanqua pas, que segouti la Marie coume ey segoutide pou bén d'abor, sus quauque tue dous quouate béns, ûé maysouote pergude e dechade liante e desruide... 11 Qu'ey l'ibèr e qu'ey torre e lou Yan qu'ey soulét. Sedut deban lou houée estupat, qu'escoute la bentoulère qui arrounque hens la cheminèye e que-s moumbre dou téms escourrut despuch qui la Marie e s'ayasi tremoulante e esgarranside, dinquù-u die oun la mourt ey biencudè e s'en l'a miade... La Marie qu'ey inourte !... Qu'ey mourte la Biarnesote bayoulade, mourte louégn dou Peis aymat e dous sous encantamens !... Nat medecî sapién n'a bis luts au sou mau. Ere doun quauque Bat qui l'aberé yetat quauque machan esperit ? Ta gouari-le auré calut, en plasses de poulingues d'apouticayre, lous remèris de las mayrànes de pèr uouste ? Auré calut ana-s'en a l'esguit dou die, cerqua lous sèt pès de mendras, hiqua-s de youlhs deban cadû, da-us lou pâ e la sau e disé-us : Adiu, que-t saludi, mendras, Qu'èy la frèbe. tu ne l'as pas, Aci que-t yéti pâ e sau Ta que-m gouaréchis dou mèy mau ?... Qu'aberé dilhèu début auta plâ de prim enla, bouta fenoulh au hourat de la sarralhe, en disén : Si passe p'ou hourat, a nouèyt nat sourciè hòu, Hèt plâ senti fenoulh e d'entra qu'aurá pòu ! Mes tè, bahide quio, tout aco ne soun pas que peguésses, lou diatche qu'où ténte... E puch oun trouba fenoulh e mendras pèr capsus las carrères ? .Mes, ah moun Diu Segnou ! Quine misèri grane, de béde chic a chic lou malandrè praba ! Adiu, las beroyes coulous de brouth de pesquère en eslou e la gèude esberide ! A las prumères tourrades. au cor dou houée, la Marie que s'aclouqua toute arissade, lous sous ouélhs oun l'enlame clareyabe que miraben bères causes qui ne tournarén yaméy béde : l'esmiraglan peys !... �— 45 — Que s'ayasi bellèu, blanque hens lous linsòus blancs, au mièy de la soue care empallide, qu'ardè l'auyou dous sous ouélhs nègres, e a d'arroun, loungs e nègres tabèy, lous péus que s'esparpalhaben mourdéns e sedeyans. U die — ah ! praubes qui èm — û moussu que biencou, cintat dab la cinte a très coulous ; e de seguide, û caperà, dab lou paraulis qui saube e l'untami qui netéye,.. E puch que demanda la touye... ûe tuste de touye qui abèn couelhude touts dus, au peys berd, û brespau de diménye, prumè de s'en ana, p'ou parsà de Sent Bouès, s'ou cantè de la Lane... Soubenî dou peys ! Soubenî de bounur! Ah ! b'ey louégn lou peys e b'ey louégn aquét téms ! Praube tuste saubadye ! Labéts qu'ère lusénte e bérde e plégne de flourétes yaunes, adare las flous que soun cadudes e que s'ey enlasside... Lou Yan que l'y pausa s'ou lhèyt loungtéms que se l'espia la tuste de Biarn, choualines que ploura e puch que s'estupa... Dehore la bentoulère que boumbouroumbéye ; la maysou que crouchéch ; darrè lous partiméns que courren plagnéts e rangoulhs d'agounie, e p'ou hourat escuragnous de la cheminèye que brounéchen las granes bouharades qui sémblen pèr pauses las lamentacious d û ahoualh de damnats qui passerén dehéns la nouèyt, capbath lous èrs, au gran galop decap, enta l'ihèr. Qu'y torre. E soulét sedut deban lou houée mourt, lou Yan ne s'en abise pas... E que s'entén lou dindou d'ûe campane qui ploure hens la batsarre, Qu'ey la nouèyt de Nadau. (La fi ta l'aute cop) P. D. LAFORE. c#>~ Yocs Flouraus _ (I9i7-i9i8), T Partide. Musique de la c.ansou Lous Gouyats Nousles, de Costedoat. Qu'abém abut hoèyt coupies. L'artiste escricat qui éy Mous Léandre Czerniewski, deya mémbre de la yurade au Councours d'Auch, qu'a hèyt lou claSsemén coum asso : 1° La musique, debise Bravo lous Gouyats 12puilts/20 2° — Chéns debise, més biencude d'Angleterre. 10/20 3° — Caméra Bigarre 8/20 4» — Cèu blu..'. 7/20 1 ,'i » — Ne passeran pas o/20 ()° — Vhens debise (d'Arrast) 4/20 7° — liiarn e Bigarre 3 20 8° — Febus aban 2/20 L'autou dou n° I qu'éy Mous Emmanuel Lescazes a Bizanos ; que publicam hoèy la soue beroye cante ch< ns 1 sco impagnemén de piano qui balheram detire qui ayim méy de place e a la tiréte méy de mounéde. Au noum de l'Escole, que l'embiam touts lous noustes coumpliméns. J.-V. L. �— 46 — Lou Chicatoèr de la Catinoun Lou praube défun Poulet qu'ère cantouniè. Qu'abè susat, cause qui lou chef ne l'abè pas dit de ha, e que-s plagnèbe de puntes. Coun p at pensât, que s'ère alheytit e qu'abè hèyt apera lou médecin : qu'ère lou de Cazères. Lou médecin que toque lou pous, escoute dab ue aurelhe e dit: — « Aquet omi, qu'où eau un boun vésicatoire. Que-b ou bau ha, qu'où bienerats coelhe e que l'y bouterats. — E coan, moussu ? — Pas douman, nou ! Oey matin que l'y eau bouta. Talèu tournât, que-b ou hèy e qu'où bienet coelhe. — Moussu que j'aniram. » Que manden un gouyat à becycléte ana coelhe lou remèri, e, talèu arribat e desplegat, las hemnes qu'où biren, que l'arrebiren, e toutes de disé : — « Ah ! lou beroy chicatoèr ! Aco que s'apère un chicatoèr ! Lou médecin de Cazères qu'ous sab ha. » Que l'y calé bouta. — « Jou l'y bouti pas, se dit ue. — Ne jou, se dit ugn'aute. — Cau toutun bouta-u, lou médecin qu'at a dit, » se hè ugn'aute. Que tiren abis. « Tè, que l'y cau ha bouta per la Catinoun de Pinteséque Que-n a abut nau e touts que l'abèn gahat. S'ére ou boute, qu'où gaheran. » Se-n ban trouba la Catinoun de Pinteséque : — (( Qu'am lou Poulet malau. — Lou Poulet ? E so qu'a ? — Ue reflexioun de poutrine. — Lou praube ! Qu'où plagni ; jou tabe que-n èy abut. — Lou médecin de Cazères qu'a dit calé bouta-u un chicatoèr. — A jou tabé me n abèn boutât. — Aco que sabém. Qu'èts bous qui cau bouta lou chicatoèr au Poulet. — Jou ? Perqué. — Pe-n abèn boutât nau ? — Qu-é bertat, me-n abèn boutât nau. — E touts que-b abèn gahat ? — Touts que-m abèn gahat. — Pujà que-b abèn gahat à bous, qu'où gahera adét se bous é l'y boutât. �- 47 — At créséts ? — Que-n èm segus. — Labets que-y bau. » Qu'arribe én so dou cantouniè. — « Adichat, praube Poulet. Atau que-b ats gahat ue reflexioun de poutrine ? — Coum besets, là, praube Catinoun. — E que-b cau un chicatoèr ? — Atau qu'a dit lou medécin de Cazères. — Là, se dit ue hemne, aquiu que l'ats, e qu'és un famus chicatoèr. » La Catinoun qu'où prén au cap dous dits, qu'où bire, que l'arrebire, que l'espie deban, darrè, aus estrems. — « Ab ! lou bèt chicatoèr ! É qu e lou médecin de Cazères qui l'a hèyt ? — Lou médecin de Cazères ; que tourni de l'ana coelhe. — Qu'ous sab ha, hòu, lou médecin de Cazères ! » E ma Catinoun de toustem bira e arrebira én bèt dise : — « Ah ! lou bèt chicatoèr ! Aco que s'apère un chicatoèr ! — N'é pas tout d'espia, l'y cau bouta, se dit ue hemne. Aném, Catinoun, pausat-lou. — Eoun? — A la part dréte de l'esquie, » s'a dit lou médecin. La Catinoun que pause lou chicatoèr à la part dréte de l'esquie dou Poulet, qu'atutole lou malau, e que s'en tourne. S'ou tantos, lou Poulet ne hasè pas enta mielhe. Las puntes qu'où sarraben la lèn e qu'où hasèn pantuha coum un tach. Que bon espia lou chicatoèr s'abè gahat : arré. Labets ue hemne que dit. — « Q'at créy, bé, ne l'a pas gahat : espiats! >) La Catinoun, qui abè abut nau chicatoèrs qui l'abèn gahat, ne-n abè pas jamés boutât nat, e lou dou Poulet que l'abè boutât de la part qui n'ère pas bertat. C. DAUGÉ. . _ 1_ ERRATA A cadu lou sou : la cansou dou darrè n° La Biarnèse, signade J. Cazassus qu'ey de Yan d'Aspe. Qu'aquet pa de beroys cantayres que desencusen l'errou qui s'ère hèyte. �Noubèles dous noustes sourdats Oun lous abém lous counfrays de 1914, lous qui, lègres e cantayres, pensaben d'esté à Saubaterre au mes d'Aoust, en beroye amassade? Qu'en y déu abé drin pertout, débat lous eèus de Flandre, de Champagne, d'Alsace e de Grèce e, maugrat lous trebulòcis, lous cambiaméns e lous espants que manden noubèles soubén. soubén. Quoan b at disi : escribe, ta case e taus amies e couneebénees. qu'ey debiengut u besougn ; mey qu'aco, las'letres e lou pinard que souu lous dus gays de la yournade dou pelut. Bam, e VEsbagat oun seré passât? Et rnedich que-ns at disera, nou y a goayres de dies qu'en aboum ue cartote : De las Armades lou 18 de Yulh. Amie, Que b'abi embiat la darrère dous bords de la Moselle, mes desempuch, qu'èy courrut lègues e camis e, per la pause, que hèy estanquet dens lous boscs de Champagne de suspart lous grabassès de St-Gond, oun Faute cop e hén la terrible susmaute. Qu'aboum ue quinzéne de timbalabaste à carreya omis e municious à las lignes e qu'en y-abè batsarre cabbat dous caminaus. Bitare lou tribalh que s'ey drin apadsat e que poudem bouha. Aquestes parsas nou soun pas hère plasents, ni pèis, ni rnounde nou hèn care d'oste Lou tems que y'ey loung e pourtan n'ey pas lou moumen de-s béne ou de perde la biasse de la pacience. La tumade boche que pot tourna balha ue andade, abans de hère, e que calera courre, abala proube e trubersa la plouye de la mitralhe. Pourbu que pousquiam sourti bius e sancés de la periglade, tout qu'anera. Ah, qu'en calera encoère enguisera de crudes abans de poudé gaha la bie de case, agusa lou calam e abelha l'escritori ; lous bielhs papès qu'ous troubarèy, ou que sera hère, cussoats ou arrouduts per lous arrats. Si lou boun Diu at bem, que tournaram parla dou pount d'Orthez. Emilien BarreyreK après abé hèyt, coum fusilhè mari, la Marne e l'Yser, la Champagne e Salounique, qu'ey estât blessât mantucop, qu'a estibat dens mantu espitau e per las fis, boutât dens l'auxiliari, que hè lou grate-papè dens Rochefort. Ta ballèu, bessè, que s'en tournera sous bords de la gourgue grane qui brame e escoupech, ou s'esten hore de las bistes brabe coume ue tarrisse d'oli, dinque aux païs qui balerous s'en bienguen à la nouste ayude. B'en alignara bercets lou nouste pouète de la ma, quoan sie au sou nid d'Arès ! XXX. (que seguira). L'Emprimur Yérant : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 22, n°03 (Yulhet 1918) Alternative Title An alternative name for the resource. The distinction between titles and alternative titles is application-specific. Reclams. - Annada 22, n°03 (Julhet 1918) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - Juillet 1918 - N°3 (22e Année) Creator An entity primarily responsible for making the resource Lalanne, Jean-Victor (1849-1924) Lou rey-petit Bouzet, Yan dou Camelat, Miquèu de (1871-1962) Bourdète, Yan Lafore, Pierre-Daniel (1863-1942) Daugé, Césaire (1858-1945) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1918-07 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2665">http://www.occitanica.eu/omeka/items/show/2665</a> INOC_Y2_9_1918_07 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel