http://occitanica.eu/files/original/eb77214b9fcc1d9ba6188d9b7c367164.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/8d26880d3041fe03c6a8a8b9a5491746.pdf d02f0326f8a04c1b305ee4d620646a9d PDF Text Text 15 Décembre 1918. 22' Anade. Crouniquéte dous Reclams Enta Maxime LANUSSE. La lute •mayourau que parech èste à las acabalheSf Qu'èm doungues tentats de bira-s à l'endarrè, coum ta mesura la bie. Ballèu que-ns e plasera de parla-n d'aquére hèyte e de ha n parla lous qui s soun arregoulats de hangue, de pedoulhs e de hoec. Que-ns apressaram tabé dou mounde que l'adye ou las malaudies abèn hicats en dehore de la batsarre. Hère d'aquéstes, à l'escounut, autapla que d'auts, que-s soun estacats au lou debé. # # # Tourném-s'en dinque à las mesades de 1914, quoan èrem segus, que dens ue passade de prougrès e de cibilisaciou, parière à la nouste, nade tèste courouuade nou mandarélous sous fidèus empala s coume esgripis. La guerre que sounabe e nou-ns en goastabem l'arrisoulet. Be hasèm aus de qui partiben en cantan : « Qu'en y-a per dus ou très mes ; que siats per case ta Nadau. » Mes, mantu dous qui demouraben, que nou desplegaben que chic de paraules e que s'en pensaben mey que nou-n disèn. Que dechèn courre lous ayres dous moubilisats, que dechèn siula lous buletis de bictòrie prendibe e suberbère. Quine estrangle, lous Alemans que-ns acoudilhaben sus la Somme, e decap à Paris, e, sous yournaus, que gagnabem toustém ! Tapoc, "despuch dou sangboutit de la Marne, n'esperèn brigue èste au soum dou coustalat peniu oun n'y a mey dous qui caden que dous qui-s tournen de quilha. Lous lous frays caddèts, lous lous maynats, aperats, qu'Ous hen séngles poutous coum s'en anaben, e aco, sensé plagnénces, sensé yemitères ; puch, coum la maye part cinquanteyaben ou sichanteyaben que-s gahèn à la cabésse, à la dalhe, au martèt ou à l'arrebot. Reyents, que s'en soun tournats ta la maysou d'escole ; caperas, qu'ous an hidades miéye doudséne de parròpis. Aus prumès tris de blessats, que s soun auherits à l'ayude. Lous esbrigalhats qu'empliaben lous espitaus, qu'ous an mandades la moulhè e las hilhes, nou pas permou qu'ère ue mode, mes permou qu'at abèn à ha. Mantue daunine, de las mey presades e de las mey pressades, be s'y prestiben en gran seguissi ; mes, lèu que s'achoalaben ; qu'at troubaben hère loung tout aco. La balentie de d'áuts que durara autan que la batalhe duri, que �— 66 — tienera autan que la mourtalère s'esténie. Mounde de la boune ley, mounde de la bère ley que s'en y ey escadut en France. Qu'en sabi dous qui n'an pas biscut u die sensé tesic, .ue noeyt sensé quauque lè desbelh Este d'ue tempourade tan douloureuse, sensé ha-s'y ! Nou e nou, perma ! Las familhes que s'esclariben, e qui pod dise que n'a pas abut à quita de force, pay, hilh ou cousi ? Qu'auaben de l u à l'aute, talhucan lou pa dou counsoulè e sayan d'aleuyeri las douléntes cargues; que predicaben, qu'amelhourabeu, qu'enhourtiben. Aunouran lous mourts, que s'echugaben las lèrmes au mey biste e que balhaben lou lou tems, lou lou aryentaus qui èren bius. Dab quine fieretat e pouderén amucha ns, mes, n'at haran pas, dens u cournilhot d'armàri, lous ligòssis de letres biengudes de touts lous frounts, létres souben sarcides d'amistat e souben negrouses e souben enhonliades. De cade amie, de cade counegut, qu'an sabut lou sectou, lous tours e las birades, las permissious. A tout cadu qu'an embiades. en colis, la neuritut dou cos, e per escriut la neuritut de l'âmne. Que s'an dit : « S'aquéste guerre ey sus nous auts, n'ey pas u tau ou u tau qui n'ey l'encause, qu'ey nous auts mediclis. Que-ns e peleyabem coum cas, nou sabèm qu'esquissa-ns e que-ns e bantabem de las noustes plagues souciales. Que-ns e credèm horts. B'alièm lous yénees sourdats... e lou 75, hòu ! Qui-ns e gausaré ataca ? Que-ns an atacats ya, e se lous ayutòris bertaderaméns sayes e bertaderaméns puchants n'èren arribats, oun serém loungtems-a ? » Mounde de balou e de pés, qu'an espérât maugrat tout. Las miasses d'u enemic heroudye: ciutats cremades e esdarroucades e aplanides, bielhésse castigade, yoenesse miade hore-païs en esclabadye, n'an semblât qu'assegura-us dens la loue ahide. N'ey pas que las tourneyades amares nou lous ayen macats, nou lous ayen crouchits. Lous plecs qui an sus las machères e lous lous péus qui-s blanquéyen, qu'en soun la probe maye. S'en y-a dous qui pansourréyen e s'esplinguen, à centénes, lous bilhets blus, ets, qu'an abut à estaubia-s lous sourigots e que s'an sarrade la cinte. Que s'an dit : « Nou-m boudyarèy de la mie maysou ; qu'y beberèy l'aygue terreuse de l'esprabe, nou-m darèy nade coumplasénce ! » E coum lous urous de la guerre s'abiabetf toustém enta d'Oun èren las dibertissances, que-s soun ahounsats dens la loue escounatère .. e qu'an tiengut ! E s'an u dòuau pregoun dou co, sabets de que ? Qu'ey de s'èste �— 67 — coucats lou brèspe au lheyt, dens u pa de linçòus blancs, d'abé minyat à la loue taule e de s'èste cauhats au lou cournè. Que s'en bolen de nou pas s'èste trempats, gouhits, choupits dinque au grut dous os, dens lous gourgots de las trencades e de nou pas abé poudut hica s lous pots au quart de hèr blanc dou pelut. Lous dusfrounts, lou cibil e lou militari, coume at an dit, que s'emparaben l'u sus l'aute. Permou que lous de per darrè n'an pas abandounat lou yoc murtè,- mes saubadou, lous de l'endaban qu'an tiengut e qu'an bençut. # # # Per are, lou maye pas qu'ey hèyt. Qu'ey d'u yèste agradiu qui s'en bam ta la carte qui s'esplaûdech sus la murralhe e qui mercam d'u parpalhòu de papè las camades enayreyantes dous noustes : Péronne, Cambrai, Yerusalèm, Sofia, Bisance, Trieste e lèu Bruxelles e Belgrade. S'ey pous sourdats de case qui s coumplech tout aco de bèt e que l'Aleman se tire dou pucliéu, qu'y soun per quauqu'arré bère troupe dous qui an pèrremat e an hèyte espalle e an credut dens l'abiéne bictourious. En seguide dous coupe-caps de toute ore e de tout moumen, que bederam à lugarneya l'aubèle de la desliurance. Toumbes, que s'en y soun aubrides, toumbes que s'en y trebuquen, aylas ! Aném' toutu, lou cap lhebat ; d'are enla que-ns estara beroy de marcha sou caminau de la Pats e que sera ue nautat de disé-s.encoère hilhots dous païs de France. Lou REY-PETIT. (Marterou de 1918). . Engountre Très berouyines, très maynades Que debaren d'aquiu en bat, Dessus séngles asous puyades, Pous sendès de Pè de Hourat; Quoan très gendarmes, très bied-d'àsous E passen fièrs, lusents, coum eau : — Oun ban las saumes e lous asous? — Lous asous ? Que ban à chibau! Y. LOUBET �— 68 - POUES1E Nebade de cap d'an La nèu que simse per las branques Dou casse gran é de Vagrèu. Que diserén abelhes Manques QU'èchamien én pluméts de nèu. De haut aban lou bire-bare Que s'enlermescle chens brouni. En échamia la nèu que-s care : Arré ne gause retréni. Be soun aco tristes abelhes ! Chéns mèu, chéns bite, chens cansoun Que se-n ban plegna las arrellies E qu'an lou rét enta hissoun. Sàben pas boula, sounque case, Bioulounades p'ou bén d'autan. Casait qu'ous ba coum lane rase E doun ban case que s'estan. L'un cop, que hèn coum qui fesilhe, Pressades à perde la lén, E tourrades coum la gresilhe Que-s dan un ert maliboulén. Vaut cop, que bàren coum qui danse Mey léuyères que pélusoun, E hèn margagnes à la canse Dou bros qui drom tout lourradoun. # La nèu, seré l'aygue puncèle Là haut espousade p'ou rét, E qui, bestide én damisèle, Se-n ba mouri sus un caulét ? Doits oelhs dou gran iber qui ploure Macat, doulén, tourrat, chens bouts Au pèys oun ardole la toure, Sérén aco lous blancs dégoûts ? Seré belhèu la plume d'auque Dou paysan oun bayt lou tourroulh, Plume qui porte un rét qui tr&uque Camise é pet, porte é barroulht *** Beroy bestide chens fdouse f.a terre, nabe coum un so, Que prén atau Vert d'ue espouse Ou d'u mourte dab lou linso. MoUrte n'éy pas la terre nousle. Bère n'obi d'iber, qu'où priil Banlèu de tourna tira brouste E, dab eslous, prouméte frut. Uïber, que drom bestide en nobi. Qu'où eau lou sou plasén é dous . Dou joén prinléms enta que-s Irobi, En deehida-s, pelhe de flous. # # # ■ Bla'nque atau, jou que me Vèy ÎHstë Chens bite é chens cante d'auSèt, Lou lendouman, lendouman triste De mile nau cens dets è sèt. Toute linso ! Countên que-n èri D'at bése tout nébat atau. 'Verre de nousle, qu'at espèri, Se drom qu'a lousoumelh bilan. La France, débat la nébade, Que drom dab l'espade à la man. Lou sou de bictori (loucade Que la desnebera douman. E mey que nou pas l'arribère, Mey (pie rutès au pachera Qu'aura rute é hoelhe nabère Oun lou mounde s'oumpréjera. C. DAUGÊ, �— 69 — Gran Mercés 1° Au brabe mounde qui m'an embiat pecétes chéns debé arrèy despuck la souscripciou barrade : Comte de Viforano, 50 fr. ; G a P..., 10 fr. ; L. Lacouture, 40 fr. ; Abat Costedoat, 3 fr. ; X. de Gardaiilac, 6 fr. ; L. Labeyrie, 10 fr. ; Abat Camelat, t> fr. ; Darclanne fTArtè), 10 fr. ; Moncassin, 5 fr. ; Louis Arripe, 10 fr. = 120 fr. 2° Au brabe mounde quim'an embiat pecétes en sus de la coutise : Mme Coustét badude Prat, 5 fr. ; Pierre Dieuzeide 2 fr.; Calestrémê, 17 fr.; .Abat Garrère, 14 fr. = 38 fr. -|~ 120 fr. Aco que hè amasse : 158 fr. Encoère u cop, gran, gran mercés. Qu'èy bèyt lou més darrè la recrube dous dinès pèr la poste : qu'èy abut refus, que s'y cale aténde, pas trop toutû. Més que soun a paga touts lous counfrays qui demouren hore de France. Qu'an toustém pagat p'ou canè d'amies ou de paréns. Que pregam ad aquéstes d'embia las chèys liurotes e méy se bolen, a-u qui hè lou dinerè pèr û supendén. J.-V. L. — Lou pouète Lamoulère de Mourlas En parlan de so qui s béd pou parsâ Mourlanés, dies-a qu'abèm escriut asso : Mey Mourlas de segu qu'a la permère plasse ; Qu'a de tout ù drinot : beroys garfous daurats, Maquignous proubedits de cbibaléts de rasse E famous medecîs pou marme rem'oumbrats... Edounc, que s'abèm desbroumbat lous pouètes. Permou qu'en abém tabé e dous qui parlaben biarnés dab plasé, chens ha lou mus. U d'aquéts qu'esté Silba de Lamoulère, badut a Pau en 1773 e mourt a Mourlas en 1863. Carculat : qu'abè biscut nabante ans ! Aco que probe que lou pèys nou déu pas esta mau-sâ e que lou mestiè — qu'an bèt preténde lou countre — que hè beroy bibe soun òmi. Qu'ey bertat qu'ère subertout noutàri, noutàri abisat e �— 70 — sapién, e qui p'auré hèyt — s'at abèt boulut — lou countrat de maridadye en rime biarnése. * * * En 1827, Vignancour, emprimayre e pouète aymadou de la nouste léngue, qu'amassa bère garbe de pouesies biarnéses e que las bouta en létres de moulle. Qu'ey atau qui-ssoun counserbades. Que y a û bintenat de pèsses de Lamoulère, e si leyét la prefàci que beyrat que lou Mourlanés que y éy mentabut dab laudous. Yassit de biélhe souque, òmi de boune coumpagnie e courtés coum n'èren d'autescops, Lamoulère n'a pas a abé bergougne de s sède au ras de Picot, Hatoulet, de Mesplès, de Bordeu e d'autes qui èren touts de brabe yèn. Enta ha yudja l'obre que eau da quauques berséts — so qui y a sustout que soun cansous, dab l'ayre enta las canta. Per malur, aquéts ayres que semblen desbroumbats. Refrîs dou téms passât, oun p'estuyat adare? (1) Lamoulère — nau cops sus dèts — qu'ey surious, reserbat, û drinot triste ; mey toutu quoaud hè cansous de taule que sab arride e falseya. E boulet sabé so qui dits d'Alexine de Caubios qui debè esta la soue moulhè ? A la fourma nature s'ey presade : De tout en tout que m'agrade e que plats. Pèus de Gypris, oélhs d'Hebè, mas de Hade, • U cos, dus pès coum las dibinitats !... Quin Alexine encoère ey proubedide De so qui hè braga las nau Serous ! En ère oum béd la briulète flouride Qui nou-s doutta yaméy de sas aulous. Lou tros qu'ey beroy e plâ escriut. Que-s béd que Lamoulère qu'a leyut lous escribâs de France. Si parle de Cypris, d'Hebé e de las nau Serous, qu'ey permou qu'ère atau lou goust dou téms. Despourrîs ét tabè qu'a mentabut quauque cop Caliste, Philis e lou maynadye Arbalestè. e toutu las soues cansous que-ns agraden toustém. En gnaute endrét quetroubam Lou retour de Timaréte, la gaymante pastoure. De countén qui ey lou co que pataquèye a l'ayma(1) Au recoélh de Rivarés que y a très cansous de Lamoulère. �— 71 dou. Que cante la soue gauyou d'ueboutsqui tremoule,-d'ue bouts doussine co.um lou sou dou clarî : U cop ayam aci la Pastouréte Qui m'a praubét, tan hèyt perpçreya ! You n'aurèy mey coénte que d'amouréto : Boys e pradéts qu'at beyrat d'are-en-là. Arré nou-m pod mey engourga la nine ; Lou hat ambrée s'ey rendut pietadous ; Y at dits tabé l'arrepoè qui camine : Yechin lous brocs permè que las eslous. N'ey pas aysit de canta mielhe e de maneya la léngue de case dab mey d'assegurénee. Lamoulère qu'a subertout lou richè dôus moûts e de las coulous. Adès, que disèm que lou cansoè de Mourlas — mayemén Surious coum ne soun lous noutàris — que sabè desboutoua-s quauque cop, counta trufandises e badinadyes. Dab Lou bielh yougat ou lou darrè hoéc que-ns amuche lou delerét dou qui arribe drin sus l'adye chens s'esta maridat. La souletat e l'abeyè qu'où se curen adare — Lou maynadye Arbalestè — coum dits Despourris, que l'a dat mantue hissade, mey dab drin de pacience lou biéih garsou que s'a goarit lou mau. 0, mes las ânades que l'an hèyt madura e lou praubas que coumense de pudi a l'eslourit. Badut ransous, ou ba gaha embéyes de s'acasa ? - 0 bé, o. Soulamen n'a pas mey lou drét de causi ; qu'a trigat trop, e labéts que eau préne so qui bié. Euta nou pas béde la houlie qui ba ha, lou bielh gouyat que-s cluque e que hè lou sautét liens la counfrayrie.... E credét que cragn quauque maie abenture? Que s'en trufe e que p at dits : So qui m'engadye a lia lou pas Qu'ey, si nou-n sort boune. harie, De-m poude plagne en aquèt cas En prou noumbrouse eoumpagnie... Atau enso dous malurous Lou qui s'ey cresmat nou-s hè faute De s'adroumi las escousous Eu admiran lou qui s'escaute. Qu'an bèt dise ; de béde lou mau dous auts que goaréch û drin lou nouste. De tout téms qu'ey estât atau. Lamoulère qu'at a escribut en létres de moulle e l'arrepoè enyassat eu sous bèrs que camine toustém. Dens la canson Desjiièyt e rebut, que pintre la gouyate qui n em- �_ 72 — bie... entau fresc û bantarioù. Lou clacassè que dits dou mau de l'ue e de l'aute; a l'euténe nou-n y a yamey abut najde qui l'aye barrât la porte sou nas. Escoutat l'arcast de la gouyate au lénguelounc : Si plà m'abès aymade, Qu'at auri counegut Si t'aben troubat mut A la belhàde, Oun as semiat lou brut Qui m'an rendut. N'ey pas per û auserè coum aquét qui-s dechara embesca. L'amou nou boù tan d'arroèyt e la gran clarou nou l'agrade goayre : Plus lèu mique eslouride, Dab bèt amistousèt Qui parle a mieye alét, Qui cragn l'audide E sab goarda de rét Lou sou secrèt. ' Si quauque estrembiade Goustabe û bahurlè, Tu qu'ès lou qui boulé ; Bè-u da l'aubade : You-t barri l'escalè Dou mè soulè. Aquéste cop lou bahurlè nou-s bantara pas d'ue bictùri. Quin tinglat sòu mus ! Plà hèyt ! Perqué nou s carabe ? * # * Qu'acabaram aquéste tribalhot dab las cansous de taule. En Biarn que s'y tauleye hère. Quoan y a û batiou, ue pelère ou û maridadye, autalèu qui biénen lous esquilhots e lou roumadye qui y a toustém quauque embitat qui-s Ihèbe après s'esta drin hèyt prega, e qui-n cante ue. Quoan sera drin peberade, nouy hè arré, permou, sabèt — autes yén dou pople — nou eau pas boule trop moussureya. Lamoulère qu'ey òmi de boune eoumpagnie e tout en cantan las bits e lou bî de Yuransou nou dits pas û mout qui nou pousque esta dit. Escoutat aquéste coumandamén ... de la bouque : Aném dounc toute l'escoade Que salude lou pingot E, de hourrup en lampade, Hasque mantu passecot ! Bit tan aymade ! Que-t yuram, pou barricot, A toun aunou, dinque au clot Prou soubèn de tiula rasade. �— 73 — Lous Biarnés n'an pas arreculat yamey sou cam batalhè. N'ey pas doungues û. pintou de mey qui-us hara abé pòu. Que sie dou biélh ou dou bóurrét. chuca qu'où hèn dab plasé. E perquè boulerét que héssen lou mous a so qui bié dou chay ou de la cousine? Tabé, quoan lou cansoè, dab lou béyre en mâ e l'arrisoulét sous pots, e da counsélh de ha ue tringade e de bébe ù cop, que eau ha coum ét, autemén...! Si moun sentimen p'agrade. Amigous, tau hèyt tau dit, Dem-ne touts ue alenade Dou boussat, de l'esblasit ; E si nat hè reculade, D'aygue blouse pou délit, Qu'aye lou cot enfadit ! Atauque rimabe Lamoulère de Mourlas cent ans-a balleù. L'obre soue qu'ey de balou e que s meritaré d'esta yudyade per û calam mey abille e mey desligat que lou nouste. *# * A qui caleré acoumpara-u? Nou s semble ni a Despourris ni a Nabarrot. La pouesie de Despourris qu'ey simple, dousse, graciouse, mey la léngue qu'ey praube. Enta canta lous aulhès, las pastoures, lous lous goèys, lous lous plasés, n'a pas lou parié — soulamen n'a pas sabut ou boulut canta qu'aco. Nabarrot qu'a l'esclat, l'umou gauyouse. de quoan en quoan l'esclame e soubén l'esperit. Qu'ey û cansoè bertadée driu bouhèmi quauque cop. Lamoulère, ét, n'ey pas pouète de 'mestiè : ue escadénee qu'où ne hè. Qu'a lou riche dous moûts, la coulou ; qu'a tabé la pregoundou d'esperit qui eau enta poude parla d'aute cause que de la prime ou de l'amou. Lespy que l'estimabe e qu'a arrecattat hère de mòuts dous sous au Dicciounari. Si Lamoulère abè biscut adare que seré estât û dous mayous de l'Escole Gastou-Febus e qu'auré aymat de ha retreni a las noustes atnassades la beroye léngue de case. A. LACAZE. Esplic de quauques moûts : Ambrée . rigoureux; Braga : faire le le lier; Delerét : vit désir; Engourga la nine : faire pleurer; Estrembiade •' dévoyée; Garfou : sorte de gâteau; Hat : destin; Pingot : pot à vin. / �— 74 - Reclams de perquiu Obres de P. D. Lafore e de Y. B. de Begarie. Que ban esta coulloucades dens u pa de libes qui dében paréche à las ores de cap d'an. Abam de mouri-s, en 1912, P. D. Lafore, qui sinnabe Yan- dou Bousquet ou Yan Naulè, n'abè pas de segu pensât, moudèste coume ère, à s'amassa lous debis semiats aus Reclams, à VArmanac dou bou biarnés e à VIndépendant ; que nou s poudè que demourèssen loungtems à 1'estuy.òu lous petits cap d'obres coum Lou Nadau dou Petit Yan, Courses Lanusquetes e d'autes. U òmi de bou courau, u amie dou Biarn, qu'a hèyt ço qui calé e, maugrat la tristésse dous tems oun èm, e la carèstie de las empressious, qu'aberam lou P. D. Lafore, sancé dens ue cinquanténe de payes.Coume b'at endebinats, que nou y an hicat que tros de prumè escantilh. La familhe dou Yan Batiste de Begarie n'a pas boulut tapoc que lous cants printanès dou sou maynat (segat daban l'enemic lou 17 de heurè 1915) se poudoussen desbroumba pou miey de las hoélhes oun esten publicats. Qu'en a hèyt u hechot e qu'y hournéchen à las pouesies, las létres mandabes dou frount e lous adichats dous amies qui l'an plourat e qui goardaran d'et lou soubeni pious, e tan qui bisquen. Mous Cesàri de Daugè lauréat de l'Enstitut de France. L'Académie de las Euscripcious e de bères létres qu'auherech u prêts de cinq cents liures au calameyayre de tan de tribalhs d'istòrie e d'erudiciou : Monographie de Taron (1907), Habas 1906), Riou des Landes (1912) Grammaire gascoune (1905), etc. Per aci que saben pla qui ey Mous de Daugé, mes que-ns agrade qu'at diguen mounde estranyè à la nouste proubincie. A l'u dous sous mayouraus lous mey balents, l'Escole GastouFebus que mande u brassât de coumpliméns. Que bint ans, que bint ans per lou mendre, qu'où sie dat de mia dab ue ayside me diche lou sou calam tilhous e escricat. Ne Bourdèu ne Toulouse mes, Pau. Aquéste tour, lou Goubernamén qu'embite lous counselhs yeneraus à balha-u endiques sus la questiou tan barincouleyade de las regious. L'aha que bau d'èste estudiat ; qu'ey u talhuc dous bèts qui nou saberém esclari dens ue bintenade d'arrèques : Qu'en debisaram �— 75 — dounc, dab la loungou debude, ta gn'aute hute. Per are, que sémble que las assemblades departamentaus e boulhen goarda s ço qui an coume cantou, arroundissimen e departamen; que caperarén l'oustau de Sente Administraciou per encoère quauques enyibanes, per encoère quauques burèus. Armagnac e Bigorre que serén ligats dab Toulouse, e aco qu'ous mande en plé Lengado; Lanes e Biarn que passarén dab Bourdèu e que-s mesclarén dab lous parsas de Dourdougne e de Charente. Biarnés de Biarn, quin la troubats l'ourdounance ? S'abèm bouts dens la amassades, que diserém toutu, d'après P. Foncin (Le Pays de France) que la Gascougne nou pot èsteesmieytade e que la ciutat bère e beroye e arcoelhénte, Pau, qui ey au miey de las noustes planes, de las noustes costes e daban las noustes mountagnes, Pau que déu èste la nouste capitale. L. R. , Lou Nadau dou Petit Yan Qu'abèn bèth drin iroulat enso de Lamaysoéte ; lou bî bourrét qu'abè escauhat las aulhéres, e quoand entran héns la glèyse, lou petit Yan que credou d'entra au Paradis. L'auta qu'enlambrequeyabe. touts lous cièrỳes qu'èren alucars, lous aurs qu'ardeyaben, las pèlles fines qu'estigglaben. Au bèc, la grane crouts d'aur que lusibe, ensafranide ; e, s ou mièy, lou Sén-Sacremén que semblabe û sou d'aur qui-n embiabe lous arrays qui at ahoecaben tout. Moussu curé qu'arriba, afîaytat dab la capemissau de las hèstesennau. Lou petit Yan que-s sentibe proubétes héns lous oélhs e que perpereyabe / Puch, quoand déns lous doudse trucs de mièye-noèyt, l'orguen que-s hica a brouni. que s'y audi ùe bouts de cantayre, û brut de cadèyres maneyades, ûe brousside de coutilhous. ù chuchurreyét de pregaries. Lou petit Yan qu'estou coum suslbebat de terre; e, yumpat au mièy de la brounitère, que clucha l'oélh a de bounes. B'éy doun beroy, moun Diu, lou boste paradis, dab lous anyes, lous arcanyes, lous serafîs, qui boulasséyen, lous séns e lous bienhurous bestits de raubes enblanquides ! Manterû que porten a la mà û bèth arram d'aur e que canten dab allegrie las laudous dou Méste dou mounde D'autes qu'an esturméns d'aur tabéy : �— 76 — tout qu'ey aur, au cèu coum sus l'auta d ue capère, més n'en hèn pas mounéde coum lous homis pecadous; e aquéths esturméns qu'an courdétes d'aur qui hèn ûe musique hère plasénte e hère dousse. E Jou boun Diu! Ah! lou boun Diu ! Que diserén û payran biélh, biélh,... méy que la tou dou poun d'Orthez, més ta gayhasén, dab la soue grane. barbe Manque e la soue raube de mediche coulou! Qu'apera lou petit Yan : — Qu'ès aquiu, petit Yan, ès toustém saye ? — 0, moun Diu. — Obé, Méste, se disou labéts sén Yan, lou sou patrou, lou méy amistous dous apostous, n'a pas soubén minyat la garbure dab las mâs, ne-s plégne pas lous oélhs d'arrasimat e ne-s chuque pas yaméy lou dit pos. — Aném puchque atau éy, seguéch-lou, sén Yan, enta-u petit Jésus. E lou sén qu'estaca sus las espalles dou petit Yan û beroy pa d'alétes d'aur. B'ère doun countén, lou petit Yan de Lamaysoéte ! Lou petit Jésus qu'ère héns lou sou brès; daune Marie que l'espiabe coum las mays saben espia lou lous maynadyes ; Sént Yausèp qu'ère aquiu tabéy, e û agnerou méy blanc que la néu la méy blanque, e qui abè au coth û ribantou blu que pinneteyabe au ras de la sénte familhe. — Adiu, petit Yan, se disou Jésus. — Adechats, petit Jésus. — E bos esta lou mèy amie ? — 0. si a bous plats, petit Jésus. Qu'abè héns lou dindò'u û hardoulot d'estéles barreyades, pramou qu'où hasè hère de gay de ha a la paume dab ères ou de las ha courre sus lou sòu dou cèu. Manterû cop quauqu'ûe, arrounsade dab trop d abourride, qu'en anabue, qu'en anabe, que cadè hore dou paradis, e lous homis que bedèn lusi û lugrâ de méy au haut^oum de las nubles. — Be sabs ha a la canique, petit Yan ? — 0 quio, petit Jésus. — E doun, se bos, qu'en y bam ha ûe partide. Gahé-t û pugn d'estéles. Lou petit Jésus que s quilha e qu'en y hasoun ûe grane partide. E, a l'entèrtan qui las estéles se perseguiben e se tumaben, tout lou cèu que retreni de granes crideries : �- 77 - — Tout que bau ! Toque ni toque! Couthe digt ! Mà bâche!... — Ah ! las bères caniques d'acera bèc ! Equoand abou fenit, Jésus que digou : — E bos toustém demoura dab you, petit Yan ? — Oh ! si at boules, petit Jésus ! — Ne t hera pas dòu de nou pas tourna yaméy béde la terre ? Lou petit Yan que demoura tout tristan e lous sous oélhs que s'engourgoustin. — Qu'as doun adare a ha lou mus? — Que bouleri, petit Jésus que la may qu'y biencousse tabéy. — Aco ne-s pot pas augan, oère, praube petit Yan ; que eau que la toue may qu'acabi lou sou téms e qu'aténdi lou boun Diu que l'apèri. Labéts lou petit Yan que-s hica a ploura, a ploura tan e tan que-s desbelha. . E que-s gaba la may a tout brassât e que se l'estregnou en s'estuyan lou cap héns la soue haute. P.-D. LAFORE. . sfefiaa Noubèles dous noustes sourdats Edmond Cazaux, lou nebout dou nouste counfray Cyprien de Pomès, qu'ey loungtems-a sus u lheyt d'espitau. Quin s'y ey escadut ? La cause que bau la péne d'èste coundade. Cazaux, en biarnés de la boune souque, qu'a batisat lou sou abiou dou crit de Caddetou : Qiie pods tuta ! Aquéste mes d'Abriu qu'èren dounc en casse, quoan de la brume e hounin ue boulade d'ausèts enemics. Batalhe. Que coussire dues baies au cap e ue tresau à l'estoumac. Que s'esta dinquio la partide e sie gagnade e qu'ey prou urous de bâcha dens las lignes noustes. Mes, malaye, coum se perd lou sang, la counechénee qu'où manque e en toucan lou sòu l'abiou qu'ey de pilles, l'essence qui-s barréye que s'eslame el'omi qu'ey débat : Tout parié coum las auques de Caddetou, qui s'en anaben tau marcatde Pau, èren estripades dens la proube, et qu'ère esbrigalhat dens u mesclagne de boès coupât e de herrulhes. Que la se birè prime, mes que la se birè, abans que lou hoec nou l'abousse qu'où tiraben dou danyè. L'abiou « Que pods tuta » qu'ey mey malaut qu'et pusqu'a arcoelhut 82 baies. Edmond Cazaux que porte à la poulacre la crouts de guerre e la medalhe militari ; que lou maye dous bés, que la santat qu'où tourni ballèu. [Que seguira) XXX. �Tros de bielh Nadau Sur l'crt : Bère crabate tju'èy pergude. Cantém Noél dab rejouissenci Gantém Noél, Noél, Noél. Ilonorém la sainte neichensi De noste grand Emmanuel Qui es bengut per nouste desliu Despux lou cèu : car ed es Diu. Gantém touts, touts, touts Gantém touts dab allégrie Per Jésus e per Marie. Cantém Noél, etc. Puisque Jésus l'Enfant s'apère, Pastous, qui dens bostes cabannes Sus, cantém touts à son amou. Belhats de pou que lou traidou Digam cauque cansou nabère : Nou liasse mau à bostes mannes, Jésus bou dise Saubadou. Biedz bede boste Saubadou. Lou nuin (?), la car e lou pecat, Bous lou trouberatz dab sa may Satan acqueyt anjou damnât Qui es be pencele de beray. N'auran plus, plus, plus, Sus donc, sus, sus, sus, N'auran plus nad abantadge, Anats besita Marie e Jésus : Car Jésus es badut à leur damnadge. Car et es nouste Messie. Cantém Noél, etc. Cantém Noél, etc. Anjous qui eds la haut en glory, Debarats dise la cansou : Aus hommis pats, à Diu la glory, Car Jésus pague la rançou Que l'hommi peccadou debè Per lou pecat. qui heyt abè Quoan lou frut, frut, frut. Assi, lou papè qui èy troubat que s'estanque, abracat dè mey de la mitât de las hoelhes. Aquet Nadau, dab ue troupe d'auts, que-s cantèbe én Marensin aban 1789. Oéy tout aco que s'éy perdut e lous qui abèn lou papè ne-m an pas sabut dise coum se cantèbe. So qu'és aquére bielhe cante : Bère crabote qu'èy pergude? Cauquedun é pouyré balha lou tros qui manque én aquét Nadau? G. DAUGÉ. �Lou poulet e las poumes de terre. La bielhe Janine, la hénne dou Jaquet de Pindole que hasouc la bugade quauques jours après brégnes e coume à l'acoustumat que l'angouc laua au lauadè de Las Bouts, au ras de Goundrin. En d'aué mèbiste hèyt ques'auè mandat quauques besies. Quan aoun acabat, qu'èren bien estarides d'aué tan hèyt ana la malhe e taben la paléte, pramo que l'auèn prou bien penude coume d'alhurs toutes las lauayres. Lou sé, la Janine qu'ère prou de boune imou, tabén, ende las regousta tansepurot qu'empougnèc un poulard, que l'estoursouc lou cot e après l'aué tirât lous mayes turocs, que-s boutée en trèn dou hè sauta a la padére dab un hoec batalhè, e que-ts e respouni que las poumes de terre que y aboundauen. A soupa, quan las autes s'estèn serbides, la Janine s'en pregouc ue gran sietadecarramulade e quanat aouegoustat, qu'ous digouc coume aco en se leca lous pots : « Ah, praubes ! 0 saquela, hennétes, be soun bounes aqueres poumes de terres, milodus! M'en podi pascara ! La ! bous at dise franconien, qu'en decheri lou poulet ! » — « E be la, satro !... sa digouc labets la Menichete, que-ts e prèngui au mot ! Balhat-me lou boste poulet e oerat-bous aquiu las poumes de terre ! » — « Ohatendèts, fougnéte ! Qu'at aymi tout! » Armand LAMOTHE. «B»NABETHS COUNFRAYS MM. Victor Rolland carrère Pasteur, Colombes (Seine). Loctenént Y. Cazenave pilote, camp d'Avord (Cher). Loctenént Teissier, 12e Cie dou 416e d'Inf. Sectou 198. Mèle Jeanne Berous, à Bernac-Debat, Hautes-Pyrénées. �— 80 — Yacques Lhept Lou 17 de Yulhét darrè que s'estupabe tout dous, couru lou crusòu qui a rèyte d'holi, a la soue case nadau de Serres-Castet, lou nouste amie Yacques Lhept : qu'abè 64 ans. Reyén de la biélhe mode, que-s semblabe, pèr lou boun^boulé e la balentie e la boentat au pourtroèt qui èy hèyt dou dominé d'autes cops liens lou Frousèy d'û Marnés. En sourtin de la Nourmale, en 1872, que hé, coum sigoun, l'aprentissadye dou mestie en ûe escole de Pau ; puch, que boula de las soues aies rount-a-rount a St-Armou, a Buros e pèr fis a Mourlaàs, oun demoura 18 ans, dinquo la rëtrète, en 1909. Qu'ère moudèste autan coum sapién. Arrèy ne s'ou birabe de mâ : que sabè ha e amucha tout dab û talén coum ne s'y canéye pas soubén. Lou sou espettur Bancal, û amie de Febus, partit trop de d'ore, malaye, éth tabé, que m disè : Espiats lou brabe Lhept û die de counferénee : touts que debisen haut, qu'arriden, que trabatéyen a cops, quoand s'escat ; éth, hurous de bedé-us counténs, qu'ous escoute entèr-arris coum s'ère bergougnous. Més sabiéts-lou béde a l'escole, au mièy dou canalhè : quin cambiemén miragglous ! U espettur yenerau qui l'abè û die entenut ha û prousèy de mourale ne s'en poudè pas cara. Que l'èy boulut hiqua pèr cap de la yénse escole dou Biarn : Lou plâ n'éy pas l'amie dou miélhe, se-m respounou aquéth saye e que s'este a Mourlaàs. Toutes las recoumpénses qui û reyén e pot abé de très ministres : Estrucciou, Paysanterie, Guerre, éth que las a abudes. Aus councours de Febus qu'abè gagnât dues medalhes de brounie, dues d'aryén e ûe de bermelh. Tabé, en 1913, quoand e senti, you, lou besougn d'ûei ayude au Secrétariat Yenerau, que m'ou balhan enta sots-secretari : lous serbicis qui m'a hèyt qu'an dehèt endoum. Qu'abi l'ahide de poudé-u a la purmère amassade yenerau, pita u a la mîe place. Malhurousemén, fatigat pèr ûe lounque bite d'escouliadye, que prenou la merie de Serres-Castet en plégne guerre, qu'en éy mour! Deban la toumbe dou mèy balén adjoégn, au noum de l'Escole, que dèchi coula ûe larme d'amistat e de dòu. E a la soue moulhè, a las soues hilhes, au sou hilh, coum en abèn coustume lous biélhs papous, que disi : Lou boun Diu que sie la boste counsoulaciou ! J. V. LALANNE. L'Emprimur Yérant : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 22, n°05 (Decémbre 1918) Alternative Title An alternative name for the resource. The distinction between titles and alternative titles is application-specific. Reclams. - Annada 22, n°05 (Deceme 1918) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - decembre 1918 - N°5 (22e Année) Creator An entity primarily responsible for making the resource Lou rey-petit Loubet, Joseph (1874-1951) Daugé, Césaire (1878-1945) Lalanne, Jean-Victor (1849-1924) Lacaze, A. Lafore, Pierre-Daniel (1863-1942) Lamothe, Armand Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1918-12 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2667">http://www.occitanica.eu/omeka/items/show/2667</a> INOC_Y2_9_1918_12 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel