http://occitanica.eu/files/original/e24a7badef0da87a8be7d6e89a5cdb1e.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/3596664efee7ac6d602092bdee502221.pdf 15173121ea1d583c21c59b62ebd708cc PDF Text Text 24* Ânade. Mars de Ì920 Lou nouste Capdau d'aunou Mous Albin Bibal que s'ey mourt au sou castèt d'Esclassan. Quoan n'y parescoure goayre. que toucabe à l'arraye dous sous oeytante ans lou nouste capdau. N'ère pas dous qui-s dèchen ana. Qu'où bedem encoère à Pau, per setéme de 1919, dens la reuniou qui abè tiengut à présida, dens l'amassade oun debèm encamina ue tempourade nabère enta l'Escole Gastou-Febus, que l'audim debisa d'ue bouts horte de la balentisse dous mourts, de la fé dous bius e de las roéynes qui calé tourna de lheba. Que parlabe en francés, que parlabe en biarnés. Que l'ère dat de debisa en gascou permou qu'ère de souque paysane, de tilhe oubrère e. se Fespiabem bitare sou tepè, que s'y ère agradilhat de bach enla. Hilh d'u talhur de pèyre debirat entreprenur (qu'abè hèyt lou pount de St-Esprit de Bayoune) e doun las entrepréses n'abèn brigue prabat. Bibal, à dèts e uau ans, non besiadeyabe pas e que s'apoudyabe tan mourdentamens, qu'emplegat enço d'auts entreprenurs, lèu, lous sous mèstes qu'où se boutaben de pa à pa dab ets. Qu'ey decap à 1884 qui-s prenè à la cargue la bie dou cami de hèr de Mountreyau d'Armagnac e s'y gagnabe lous dinès qui-u hiquèn à l'endost e lou permetoun de dauneya despuch en bèt sarrot de soucietats endustrièles ou minières de France e d'Espagne. Lou tribalh dou nouste armagnaqués que-s troubabe frutèc. Mes n'ère pas et d'aquets riches auta bentourruts coum sarre-brouquets dou mounde hesteyayre : U cop qui an hèyte la plégue, que tout que s'escourrie coum se boulhe ! Que s'y hasè permou dous bignès dou sou païs, que pataqueyabe e chens fi ni cès ta la creaciou de la ligne Agen-Auch-Lanemesa. Que despensabe à plés pugnats, mes, se desboussicabe lous tins-tins qui s'abè sudats, n'ère pas tapoc à la bambole. Quoan dabe qu'ère ta ue obre, ta u doubé e hère abans que lous abisats dou Goubernamen ayudéssen las familhes numerouses, enta d'ères que coulloucabe aryent en réndes ; cade anade quauques paperous de mile que s'en boulaben dou sou pouchic ta Ço de las mays amaynadades. Qu'a tirât de la grabe quoan de necerous ! Badut gascou e gascou baient, que boulou ha mey qu'aco ta la Gascougne. Qu'où goardabe en présent u mounumen de pèyre doun s'ère hèyt lou bastidou, e, atau l'obre maye de Mous de Bibal que demourara lou castèt renabit de Maubesi. �- 3» Qu'en y'abou mantu d'estounats quoan se digou, en 1906, que la bastisse nabeyante qu'anabe èste lou bé d'ue soucietat quasi incounegude e yoéne— ue soucietat qui n'a que dèts ans n'ey pas encoè madure. D'autes, las soues aynades e de renoumade lustrouse, b'y poudouren pi'etende ? Mes, nou, Bibal que saubabe lou loc hort que Gastou-Febus abè embeyat tan e tan de tems enta la coumpagnie qui caminabe débat la banère dou gran coumte feau e courtés. Despuch ença tout ço qui ère dou castèt que debè tagne à Bibal. Qu'en afèytabe las parets, que las oundrabe de tablèus, que y'apielabe libes e soubenis. Que boulé qu'y biengoussen. Que cercabe toustem à esclari-n l'istorie embruraide e, que m'at an dit, l'an passât que mandabe à Mous de Paillé en Angleterre, ta houruca dens lous pargams de la Tour de Loundres lous pareadyes que lous Anglés s'en abèn carreyats que y-a quauques sègles. Serbidou de la glòrie de Febus, Bibal qu'ère lou plafactou de l'Escole nouste, u amie ta cadu de nous auts. Au micy de tandes de que has que tienè à ço que la cause s'estésse poupulàrie : Tè, sabets bous auts. qu'au darrè counselh, quoan esperucan lous coundes, amuchabem qu'èrem oubligats d'encari l'abounamen de la rebiste, sabets que Mous de Bibal qu'en ère abeyat ? Que boulé, maugrat lous prêts carestious de l'emprimayre, que la nouste hoélhe qu'abousse hère d'estenude e qu'estésse leýide dous qui nou poden paga que chic. Malaye ! B'ey dounc ue esçousou ta nous de .nou l'abé seguit à la soue darrère demoure : Tan per tan se tournabem de Lesca, e Masseube qu'ey dens las estremères, à hore-ma dou cami de hèr. Sus la hosse frésque, l'u dous noustes que pourtara toutu la couroune debudé : L'Escole Gastou-Febus recounechénte. Mustre petite d'il déute mayourau ! Que Daune de Piganiol, que la familhe dou défunt e pousquen trouba dens las moumbrances d'aquere bite de tribalh, d'aunou e de bé-hasénee, drin-d'apadsamen au gran boeyt qui s'ey hèyt à loue. Per nous auts, tan qui siam ço qui èm, tan que l'Escole GastouFebus goalhardeye, lou noum benedit de Bibal que sera yunt e yunt dab lou noum laudat dou Capdau d'Orthez qui dabe l'abiade à l'obre nouste que y-a ballèu bint e cinq ans. Nou lous se desbroumbaram, sa Diu plats, ne l'u ne Faut ! Miquèu de CAMELAT. �39 — L'Amassade de Pasques Lous dou Burèu e dou Counselh de l'Escole Gastou-Febus que soun pregats de biéne à l'amassade qui-s tienera lou dilus 5 d'Abriu, sou pic de nau ores dou mayti à la Halle-Nabe de Pau. Que s'y debisera de : i° Haunous à rende à Moussu Bibal defun. 2° La crampe de las noustes amassades. 3° Libis enta l'array dou libiè de Febus. 4° Antoulougie dous pouètes lirics. 5° Las hèstes de Saubaterre. 6° La loéngue, a) à las escoles purmères, b) à las escoles nourmales, c) à las escoles secoundaris (publiques e libres), d) au teatre, e) à la glysi. 7° Las anounces taus Reclams. 8° Lous coundes dou dinerè, lou budget de 1921; listre de demissiounàris, etc. 90 Quauques létres à léye. io° Las hès,tes de 1921. ' J.-V. LALANNE. : POUES1ES Lou Repaus benedit 1 LOU DISSATTE Lou die que ba cade c l'ayre que s'eschaure. En coucan-se lou sou per delà lous terres, Qu'estire u loung poutou sus la brume qui daure : L'escu ballèu qu'embluara noustes tarés. Hens la douçou dou brèspe, à fore oun tout s'amante, L'omi dons cams, — tau lou brout, qui de fresc tournât, S'esquisse sou hougnat de la sabe puchante — Que-s trobe hens soun cos pélhe-estrete, cscanat. Dab lou sou-couc tout se', lou mounde las dou die, Arroussegan l'csclop s'ou peyrat dou cami, S'en tourne. Lou bestia cap-bachat que s'abie E lou car que-s boule'gue enta s'ana droumi. Mes douma, lou pourtau à las taules gauckides Nou Ihebara pas l'aspre bouts de cade se, Las atrunes, p'ou parc, s'estaran esmudides, Qu'armugara lou boéu à la borde, à lésé. (Parla de Biarn) P. TOUYAGA. �A perpaus cTu centenari L'OUEIL TROUMPEDOU Lou pouète J. Larrebat, de Bayoune qu'ère, coum saben, badut en 1820 ; que balham dounc ue de las soues j'ences pouesies coupiade ta nous auts per mous de Bourciez dens lou libe : Poésies Gasconnes, 1868. Lous oueils blus de le parisienne, Tan langourous, Lous oueils nègres de l'italienne, Fiers é yelous, Ne balen de le Bayounese Nou, nou, Ne balen de le Baj-ounese, L'oueil troumpedou,.. Nou. Oueils de duchesses, de barounes, Pleis de grandous, Flambeyan débat les courounes D'or, de bijous, Ne balen de le Bayounese, Nou, nou. Ne balen de le Bayounese, ■ L'oueil troumpedou... Nou. Ni lous de le brune créole, Tan amistous, Ni lous de le bibe espagnole, Hos, amourous, Ne balen de le Bayounese, Nou, nou, Ne balen de le Bayounese, L'oueil troumpedou... Nou. Les estelles quen se miraillen. Aou fres arous, Goutines qui le houeit ara)ren Dessus les flous, Ne balen de le Bayounese, Nou, nou, Ne balen de le Bayounese, L'oueil troumpedou... Nou. Justin Ariel, 8 Juin 1845. LARREBAT. La Dinerole Qu'an balhat : MM. Lefèvre (Marselle) Larrouture (Bligny) Camors (Tours) G. Cérez C. Pomès (Coarraze) Mme Annesley (Orthez) Amasse Dab la darrère listre Amasse encoère 10 fr. 5 » 10 » 2 > 10 » 5 > 42 100 > » 142 > �— 4i — Debis sus quauques bielhs libes de Biarn hèyt à l'Amassade yenerau doa 22 de Setéme DAUNES E MESTES, En aquestes amassades de Gastou-Febus, lous us que soun aci catsus sus ue taulete, au pourè, si boulet, e lous autes suòu sotou; lous us sus u pitè, lous autes au plané ; lous us qu'espien e qu'escouten, lous autes que soun espiats e que parlen. Nou sèy pas perqué lous més amies m'an boulut hica aci, au soum dou pourè. Per choès, que m'agradéré dehèt mey d'esta deus qui espien e qui-s caren que deus qui parlen e qui soun espiats. Mes nou-y a pas abut baga de dise « moun bel ami », e de ha à la barre-panade. A touts lous més rébirèris que m'an respounut coum lou Caddetou de Gabard : « Tute ! Tute ! que podes tuta ! » Qu'a calut enguisera lou talhuc, per pregoun qu'estesse. Lou Présiden que m'a heyt de hère beroys coumplimens, més que-s soubiengue de l'arrépourè nouste : Gat bantat N'a pas jamey arratat. ou de gnaute, en biran u mout : Tambourî laudat d'abance Qu'a toustem u machan sou. Que-u poudéra apari de* trouba déns la mie ayude mey de brén que 'de harie. Aco dit, que bau cambia de brouquet. Lou Présidén qu'a heyt recouti ta d'aqueste amassade u hère bielh amie biarnés e que m'a cargat de-u pe ha counéche, de-b ha fraya dab ét. Aquet bielh Biarnés, hères de bous autes que-u counéchen e n'an que ha de la mie ayude ta d'aquére enterbiste. Bielh, que n'éy, puchqu'ey badut en 1352. Qu'a dounc 367 ans, e que bad béde qu'ey encoère goalhard e sâ : n'a pas quère aus pituràus, ni cussous à l'estoumac. Aquet Biarnés, antic, de bonne tilhe, qu'ey lou libe deus Fors. Qu'ey lou prumè libe emprimat — ou imprimit, coum disèn alabets, — à Pau e en Biarn. Lou pay-gran d'Henric Quoate, lou marit de Marguerite de Nabarre que boulou hica drin d'ourdi au sourroun-bourroum de las leys, ourdounances deus bescoumtes, arrests de la Cour Majour, coustumes dou pèis. Tout aco que hasè ue mesclagne, u tramalhis �— 42 — doun lous mey abilles nou poudèn pas tira patade. Que carquè quauques omis de ley, beroy aletrats, de ha aquet tribalh, e quoan l'obre esté pitade, dus emprimayres, Johan de Vinglés e Henry Poyvre, qu'arribèn de Toulouse ta Pau e qu'emprimèn 2000 Fors. Lou pargam, ta ha lou cubertis qu'esté fournit per Daniel Loyard e Menot, sabatès à Pau. Bère troupe de counselhès e d'aboucats, — aperats per Olhagaray « las mielhes cabosses deu tems >/. — que tribalhèn ta affeyta aquet libe e ta-u hica d'aploum. Que souy segu que nou-b hé pas nade reyte de sabé lous noums d'aquets foristes. Toutu, que n'y a u qui esté cargatde préne soegn que lou biarnés deus Fors qu'estousse de boune ley e coumprés per tout lou mounde : que hé las courrectious, que merquè lous tillets sus lous moûts e que hé la taule de la fi. Aquet balén que s'aperabe Johan Valerian de Lescurre e qu'ère aboucat à Pau. Ta-u recoumpensa de la soue balentie e deu sou sabé, Henric d'Albret qu'anoubli las terres qui l'apartieben à Pau, à Gelos e à Jurançou. Cade bile, cade biladye, cade loc de Biarn que debè croumpa u libe deus Fors per 5 sos jacques. (U so jacques que balè 24 baquettes). Lous particuliès qui-u boulèn croumpa qué-u pagaben lou double, 10 sos jacques. Aqueste libe deus Fors qu'ey tournât esta emprimat u hardèu de cops, en 1602. - 1625, - 1682. - 1715, - 1723. Toutes aquéres réimpressious nou-s trebuquen pas à tout bire plec de carnî e, au die de oéy, l'amatur n'a pas soubén l'escadence de poude arrecatta e hica à la soue libérère ue édition deus Fors. Més la mey riale, la mey resercade, la qui tire la prime suòu marcat deus libes, qu'ey la prumère, la mey bielhe. aqueste. la de 1552. Per que sie bielh aquet pay-bou, drin esblasit, drin rougnous e ahumat, nou caléré pas créde que sie u praube. Quoan parech suòu taulè deus liberayres. de clâ en clâ, qu'ey arrecattat autalèu per 50 escuts peu petit cap. En 1896. u deus sous frays, que puyè, à la maye-dite, dinquio 500 liures. Coum bédét, n'ey pas biande de tout estoumac, ni sustout de toute bousse. Per quoan de mâs soun passais aquestes Fors ? B'at héré mau dise ! Autalèu badut e sourtit de las mâs de l'emprimayre, lou libe qui bédét aci qu'esté dedicat à l'abesque d'Aulourou, coum parech per lous moûts d'escriture qui soun à la prumère hoelhc, en letres d'aquet tems : « A M. leuesquedoloron ». Lou syndic e lou thesaurè deu pèis qu'èren cargats de distribua lou Fors. De segu, qu'esté l'u ou l'aute qui l'embiè ou balha à l'abesque. Aquet abesque qu'ère Guiraud Roussel, gran predicant, aumouniè de Marguerite de Nabarre, e qui abou l'abesçat d'Aulourou de 1539 à 1555. �— 43 — Que sourti bahidc deu libiè de l'abesque à la soue mourt e, à la fî que gahè lou camî de Saucéde, au miey de l'arribère deu Gabe biarnés; aquiu, Mous de Lalanne que l'abè anat deshourata, deu tems oun escouliabe au bourg de Lucq. Penden lous très sègles de la soue bite, qui s'en ey serbit, qui l'a passât hoelhe per hoelhe ? Quauque yudye, loctenent deu Senescàu au parsâ d'Aulourou, quauque yurat — lous yurats tabé qu'abèn lou dret de yudya lous ahas de la loue besiau — dilhèu tabé quauqu'u d'aquets... gents de proucès, Moussus lous aboucats, Gents de prouccs, Moussus lous aboucats, Qui, quoan soun en estalh, criden coum bùts aucats, Dab lours bounets cournuts e lours granes raubioles, coum dits lou Fondeville de Lesca, hens sa Pastourelle deu Paysâ. Ey, en passan aqueste libe que lou yudye, doun parle u deus noustes countes, abè balhat respounse à u pleyteyayre sus l'oèu ? Que counéchét de segu la bénalèye de l'oèu, més que la pe bau counta u gnaute cop, coum si nou la counéchét pas. U câ qu'abè. anat da u tour per lous buyaùs d'ue borde e que s'abè clacat e hourrupat u oèu. Lou meste de l'oèu qu'anè trouba lou yudye ta ha dise dret au meste déu câ. Lou yudye que-s hiquè las bayaules, qu'ourbi lous Fors e que-s bouté à-us passa hoelhe per hoelhe ta serca la rubrique : Per u oèu... Per u ocu ! per u oèu !.. si hasè en lunan cade paye. Coum nou troubabe pas cap d'artigle qui coumençesse per aquets moûts, que barré lou bielh libe, que-s tiré lou calot, e que digou au pleyteyayre qui atendè lou bonnet à la mâ : — Per u oèu... e dounc... que bad coumença de m'en pourta ue doutzéne ! Més que-s pouderé tabé qu'aqueste libe nou sie estât jamey enter las mâs d'u yudye ou d'il aboucat. Lous porte.-esclops que sabèn quauquecop las leys autan coum lous omis deu mestiè e que maneyaben lous ahas dab autan de sabé-ha que lous mey rouats de la chicane. Quoan n'y abè, miey-aboucats, qui sabèn mant'u artigle deu For coum lou Pater ou lou Catéchisme ? Que counéchét l'arrépourè : Tas pleytz nade gén bail Coum éra d'Aussaù. E lou cantadou de Bielle, lou F. de Laborde, que disè coum ta coumpli aquet dise : Peu plasé de pleyteya Que-s bénéré tout so qui a. E so qui afi dit d'Aussaù. que-s pot dise de bèt aute parsâ de Biarn, de Higorre, de Lanes ou d'Armagnac. �— 44 — Més, que sie u yudye ou u pique-talos qui aye maneyat aqueste bielh For, nou-y hè pas arré. Qu'ey ulibe presiu e degrane nautat. Qu'ey u temoegn de la bite de quauquecop e que débém balha-u aunou. Lous Fors qu'èren u libe de ley, qu'èren u libe prou riale. Que-b bouy présenta gnaute libe mey coumu — qui-s troubabe à tout oustau, à tout larè — e qui ey escriut tabé en biarnés : qu'ey lou Catéchisme à l'usadye deu diocèse d'Aulourou. Aqueste n'ey pas tan bielh coum Faute. N'a pas que 200 ou 210 ans. Qu'ey lou prumè catéchisme deu diocèse d'Aulourou emprimat. L'abesque d'Aulourou d'aquet tems, Monségnur Joseph de Revol, u Proubençau qui gabidè lou diocèse d'Aulourou de 1705 à 1735, qu'abè heyt aquet libe, ou, coum disèn, que l'abè dressai. Que-u hé tradusi en bascou e en biarnés. Lou qui hé la traductiou biarnése qu'esté Meste Pierre de Lailhacar, « curé de Léguignon et notre Promoteur... dont la capacité et la probité nous sont également reconnus », si dits l'abesque dens la letre oun announce la publicatiou d'aquet liberot. L'arré-nebout de Joseph de Revol. François de Revol. qui esté abesque d'Aulourou de 1742 à rj.83, que hé quauques cambiemens,— chic de cause, — au bielh catéchisme, lin 1743. que-u hé réimprima. Que porte coum titre : « Catéchisme à l'usadre deit diocèse d'Aulourou. dressai per Monseignmt Joseph de Revol, augmentât et réimprimât per ourdi de Monseignott François de Revol ». En 1788. Monségnur de Yilloutreix de Faye. lou darrè abesque d'Aulourou. que-u tourné ha publica chens y ha nat cambiamén. Aquére édition de 1788. qu'ey la qui-b amuchi assi. Aqueste étseiïiplari qu'ey estât de Lespy e qu'ey u gran amie de Lespy, Mous de Lasserre, l'aboucat. u deus mey fis biarnés qui marche sus dues cames, qui m'en a heyt présen. Arroun la Rebouluciou. Monségnur Loison, abesque de Bayounc, que tourné ha publica lou medich catéchisme. Que l'abet assi. N'a pas que 100 ans. Que l'ey troubat u die enter las mâs d'u maynadot qui s'en debertibe. Sa may que l'y abè balhat ta-u ha cara — permou qu'ère u tros de papè chens balou. —e lou maynadye que s'y hasè, coum pensât, à-u segouti e à-u hica en miussats. Atau qu'ey lou sort deus bielhs libes. Abandounats en u houns de tirete, en u cor de graè, que soun arrouduts per l'arratalhe, houradats coum u segounè per las arles, pouyrits per las goutères, ou, si caden enter las mâs deu canalhè, hiquats en chaquets. Ta que goarda e hica au recatte aquet bielhumi? So de nau qu'ey mey beroy e mey lusén. E quoan n'y a atau de libes, bielhs papous, qui èren cou mus autescops dens la mendre de las maysous, qui-s soun perguts ou qui-s perden ? �— 45 LIBES DE LEY : Constantes d'Aspe, de Nabarre, de Soûle, — Stil de lajusticy, — Pribiletyes e Rcglamens deu Pèis de Biarn. LIBES DE GLEISE : Catéchismes de Lcscar, Aire, Tarbes, Dax, Catéchisme proutestant tabé de la reyne Jane, en 1563 e 1583, aqueste darrè emprimat à Orthez. Libes de counfrayries. LIBES DE CANTIQUES : Noëls de d'Andichou. Cantiques deu diocèse d'Aulourou. Cantiques qui debin canta lous qui ban en deboutiou de Lcscar enta Betharram. Cantiques gascons à l'usatye deu puple de la campagne. E nou parli pas de u hardèu d'autes, en francés, qui soun estats emprirriats à Pau, à Lescar, à Orthez, libes de polémique, Calendriès, Cansous, Memories ta défende u aha daban lou Parlamen, etc., etc. Quoan m'aparech de manéya e de léye u d'aquets bielhs libes, ahumats, esblasits, luséns e esbourlats suoùs cantès, permou de la prem'ude e deus digts ensudourits deus antics qui-us an passais, que-m senti tiquateya lou cô. Que porten dab ets u aram. u perhum de la bite de quauquecop, qu'an goardat enter las loues payes quauqu'arré de l'amne deus pay-grans. Que soun u temoegn deu passât coum u bielh mounumén, coum ue peyre picade, coum u pourtrèt, ue mounéde, u cabinet deu tems de quauquecop. Sus aquet libe qu'a perpereyat l'oelh de u Biarnés deu tems escourrut, que l'a legut à la luts mouquirouse de quauque candéle de rousée, au cor deu larè, e la soue amne que-y a pusat drin de sapience, drin de hourtalesse. que s'ey eslhebade au dessus de las pênes coentibes de la bite-bitante, qu'a seguit u moumén la mousque blue, e qu'a bist ourbi-s daban ère u cor de céu blu e lusi ue flou d'Ideau. Daunes e Mestes, que-b coumbidi à houruca per las maysous anciénes, à serca. à serçouteya aquets bielhs amies deus noustes Paybous, à-us tira deu desbroum, à-us hica en recatte en u libiè, oun lous qui aymen lou passât, — e touts lous de Gastou-Febus que l'aymen. — e-us pousquen béde, leye e estudia. Qu'abém u libiè ta d'aco au castet de Maubesi. Que n'abém gnaute mey à pourtade. L'Escole qu'a lougat à Pau ue crampe ta las amassades deu Burèu. U libiè ou ue liberère, coum boulhat, héns aquére crampe, be séré u beroy recatte ta d'aquets Soubenis deu Passât, deu passât nouste ! Tout so qui tagn, tout so qui toque à l'Històri nouste, à la nouste race, que hé mey horte, mey tilhouse, la cadéne qui estaque la nouste amne au sòu qui s'a bist bade e oun boulém mouri. J.-B. LABORDE. �- 46 - A l'Escole Nourmale de Lesca Lou nouste président qu'abè décidât de coumbida lous amies à la prumère batalère qui-s haré à l'Escole Nourmale de Lesca. Lou 12 de heurè, coiime at anounçabem l'aut cop, que s'èm coundats ue doudséne à la debarade dou tri e sus la puyade dou tucòu oun sémble que s'ey adroumide l'antique Benearnum. Aquiu qu'ey Mous de Gailhard enspectou d'Académie, aquiu qu'ey Mous de Bauby counserbadou dou Musée de Pau, aquiu qu'ey Mous de Lorber archibiste (u nabèt counfray) e puch lou capdau nouste Mous de Lalanne, lou Simin Palay, l'Auguste de Lacaze e u beroy ligot de reyents : J.-B. Laborde, Loussalez-Artets, Eyt, Castaingt, etc. Sus la carrère lou directou de l'Escole que-ns e bié arcoélhe dab lous proufessous Coudier e Roques e qu'ous ne toucam cinq. E, chens mey pleyteya, que bam ta la sale oun deya en ahoalh lous eslhèbes de l'Escole se demouren. Lou Capdau que parle lou prumè. Que presénte aus yoens audidous. lou Simin Palay ; qu'où dits ♦ pouète gagnayre de quoan de yolhes, ouratou poupulàri, omi de teatre ; qu'amuche quin l'Escole Gastou-Febus chic à chic e pè per pè s'ey hèyte counéche dens las escoles gracis aus reyénts Loussalez, Eyt, Baudorre e d'auts ; quin tout doucines e drin bergougnouse a trucat au pourtau de la Nourmale. Oey, qu'y bam caplhebats e chens cragnénee pusque Mous d'Etchart aubrech aus felibres la soue maysou, coum se hé l'arcoelhénce per la Soûle e pou Labourd. E debisan [tout dret aus eslhèbes qu'ous te hè : « L'homi qui sab dues loéngues lous mèys amies, qu'ey autan habille coum lou qui-s sab serbi de la mâ gauche autan plâ coum de la dréte. O bé, escribets lou francès coum Fenelon e Voltaire mes tabé lou biarnés coum Fondeville e Nabarrot. Si sabets pla las dues loéngues, qu'en poudets créde lou bielhot qui-b debise e qui estudeyabe que y-a cinquante-cinq ans hens aqueste sale ; que serats dus cops Francès ». Be pensats que lous trucs de mas qu'arriben ta d'aquet beroy dise ! E lou Capdau, tan qui y'ey, que bòu saluda Mous de Gailhard, l'enspectou d'Académie qui-ns a toustem ayudats e qui ère dab nous auts. quoan de parla gascou n'abè pas l'ayre ne riche ne poùmpous. Mous de Gailhard en aqueres que-s lhèbe. Que balhe d'abord u soubeni aus anciens de l'Escole Nourmale, caduts à la guerre e puch que dits mercés aus felibres d'ana-s'en coume aco semia la �— 47 — boune paraule ; que soun ça dits, lous nabèts oubrès qui deben basti la Patrie macade e tourna de pès lou païs que l'Aleman a sannat. Mes Palay que parle. De la soue counference sus la Pouesie biarnése nou-n poudem que da las endiques. Las hounts de la nouste literature qu'y soun espugades e quauques cops d'espincèu que soun balhats aus noustes mèstes : Arnaut de Salettes. arrebirayre dous Psaumes, Despourri lou nouste Teoucrite. Fondeville lou pay dou teatre nouste, Nabarrot lou gran cansoè, Bincens de Bataille lou nouble cantadou, Lacountre lou bouhémi amie dous auserots e lou sauneyayre d'enyenie. Tout aquet mounde que soun hicats beroy en biste daban lous eslhèbes. E coume acabe, lou Simin, qu'où demanden l'u dous sous caps d'obres, Caddêts de Gascougne, que lou pouète clame dab la bouts tringlante qui sabets. E, sus l'embit dou Capdau. caps nuts, de pès, lous gouyatots e lous felibres que canten « Aqueres mountines ». Ah. mey d'u. à l'audi la cante ennayreyante dens aquere sale qui mey, lhèu, nou l'entenou brouni, que-s sentech las larmines à la perpère e que-s dits : Qu'èm sus la bie ! Lous tems que soun coumplits ! Ayòus qui esprababets ue amarou quoan Francès Iè e Louis XIII horebandiben la léngue, Arnaut de Bordenabe, aboucat au Parlamen de Nabarre, qu'èts benyats ! La yournade de oey n'ey pas ue amassade coum s'en hèn souben, qu'ey de nautat. Tabé lous présidents, lous proufessotis e lous escouliès que soun pregats de sinna lou paperou qui seguech : « Coune^ude cause sie : « « « " « € «r. "Aqueste didyaus 12 de heure 11)20, anade tint e quoatau de l'Escole Gastou-Febus ; à Lesca, dens la maysou de l'Escole nourmale dous reyents, daban Mous l'Enspeclou d'Académie de Pau, Mous lou Directon de l'Escole Nourmale, Mous lou Capdau de l'Escole GastouEebus, lous eslhèbes de l'Escole e tabé bèt alwalh d'amies coussirats de ma dréie e senéstre, lou Simin Palay quia hèyte beroye batalcrc. « Coum probe e testimoni d'aço, e, ta que la yoilrnade aqiiéste- nou sie desbroumbade dens las Annales dou nouste Pople, qu'au sinnat aci débat *. Aquet acte que sera arrecattat dens lous papès dou Castèt de Maubesi e dou Libiè de Pau... Mes, dehore, Yan de France, quoan nou s'en abisaram que-s ba couea. Que puyam ta la catedrale gabidats per Mous de Bauby : que houram las pèyres de toumbes, qu'espram la mosaïque (nou-s hèn pas mau lous cachaus aus qui l'abèn hèyte !)■ que s'estam ue �- 48 - pause en biste de la mountagne, la mountagne que Fondeville abè daban case entre 1633 e 1705, e que dous sous oelhs de nèn espiabe Despourri (quoan ère eslhèbe enço dous Barnabites de Lesca). Amantoulade d'ue brume bluéngue, la mountagne oey nou-s bòu amucha. Que s'estregném las mas : A Faute ahutade ! E que s'en bam, lous us decap à Orthez, lous auts decap à Pau, dab drinou mey de yoye au co e drinou mey d'amou ta la Terre sacrade. M. C. ^Sg^ Létre d'Alemagne AMIC, \ Que-m demandais de bous parla dou pais dou « Rhin ». O plan ! Ey forço causos à dise desumpey un an lèu que souy à praci. Au sigu ac ey pas tout bist, mes ey les oelhs plan prou escarabilhats en d'où auése pas tapoc dechat passa tout. Cau pla reténgue caucoumet de ço que l'on beds, quan l'on beds caucoumet de boun. Ac cau reténgue enta la Causo nosto. Tout ço que hasen, tout ço que besen, tout ço que disen, ac hè, ac bése, ac dise dambe au co l'amou de ço de noste, as oelhs l'imadye de la Terro mayrano. Aquiu ço que hèn e ço que harey s'a Diu plats ! E oats aci las espigos mios : Que cado cabelh porte abounde ! L'an passât decapsau 15 de Decéme, après auése passât per Metz, St-Avold, Forbach, en aquet païs lourrenc oun tout un pople amourous mous benguèuo à cade pas dise soun am.au, qu'entran curiouses coum cas de becaris diens le païs « rhénan » oun cado pèyro bèt-tens-a recebè cops de cisèus des nostes, mes prou encaro end' èste à l'escayre francès. Desumpey César, b'y batalhejon diens lou sang latis e germans ? Trauesèn Sarrebruck. Las chemineyos de las usinos que mountauon nèros diens le cèu, piliès géants d'un temple dou trabalh, la neyt èro enhalhado d'un hoec infernau e le jour las maysous au courdet coumo caulets enregatsau ca'sau mous jitauon tristesso au co dambe las nouos grisos dou cèu. E débat aquet drap de do, de do coumo un jour d'iuer, las rodos birauon, les martets tustauon, les chisclets chiulauon, las machinos e les ornes trabalhauon neyt e jour. Le 16 de Decéme entrèn dens Mayenço, Mayenço l'antic cam de Drusus, l'ancieno capitalo des abesques electous. Besouy le « Rhin » ! Large, large e sensé coulèro que roussegauo batèus �— 49 — cargats de marchandises, cargat de primos e d'iuers, de soubenis, d'esperanços. Passauo coumo soun fray dou Miedjour lou Rose? Nani, macarèu ! Mancauo le sourelh. Praubo de jou. Toustem un cèu gris, un bent fret, uyo chiligardo, me benguèuon pruse au co, au nas. L'iuèr, l'iuèr au païs dous germans. Qu'èri sus la termièro latino oun las imadyes de Franço soun pas mes que soubenis. Besouy Biebrich, bilo de trabalh, d'usinos ; Wiesbaden, bilo d'aygos e de plasenço au miey dous bosques ; Bingen diens las bignos plantados oun me hasquèn béue d'aquet binot qui se ben ta care, sensé balé le noste, pramo que le rasim pod pas madura e que le cau prépara, chimicaleja, ac sabi jou ! Uyo brico mes haut decaps à Coblentz entrèy diens la Pfalz. castèt bastit au miey dou « Rhin » e oun benguèuon les Emperurs d'Alemagne bèt-tems-a. E sou libe d'or d'aquet castèt qu'ey escriut, le prumè des francéses desumpèy 1913 les bèrs de Mistrau : Foundavian dins l'espàci L'Empèri dou Soulèu ! Me pensèy que les Boches coumprengueren, pramo qu'en Alemagno, ac sabets, s'apreng nosto lengo mayrano. Mes tout aco seré pas pla noutable se bous coundaui pas ço qu'ey entenut au miey des repics de la cansoun que se cantauo loungadomen à cado pas ; ço qu'ey entenut mounta coumo un imne de cade biladge e de cado bilo, de cado tupè e de cado coumbo, de cado castet e de cado bordo, coume un imne de trabalh e d'abeni. Desumpey Sarrebruck dinquo à Mayenço l'ey escoutado aquero cansoun, à trauès les biladges farcits de drolles, que sourtichèuon de pertout, diens aqueros routos, camis de her, lignos d'electricitat, que téchen sus aquero terro un prougrès beritable. E me pensaui en jou mémo : Se au loc de discuta poulitico, se hasèuon atau ? Quin trabalh e ourdounat ! Se trabalhauen coumo aci diens las Pirenéos ! Qu'auen le cèu esclarit que hè pataqueja le co, ères l'an pas ; qu'auen le sourelh d'or qui escauho le praube mounde, ères l'an pas ; qu'auen l'aygo claro que balho la forço capbat les roucasses, ères an pas que le carboun nère coum lou pecat ! Mes an l'ourganisacioun ! Ah, me pensaui jou, aqui counfienso e fourtuno. Aqui qu'en y-a. Aqui l'aymon la Terro, l'istorio de la Terro e la lengo de la Terro. L'ensegnon la lengo, l'ensegnon l'istorio dou païs. Tiets, un etsemple. A Baccharach, petito bilo entre la mountagno e le « Rhin », proche Bingen e Coblentz e oun demoro bas- �— 5° — tissos canoiihados per Turenne le méndre petit drolle me sabèiio dise caucoumet dous murs, dous mounumens e las datos. — En quin païs me pensaui jou, enta nous aus, au sourtit de l'escolo, cado escouliè me pouyré dise à l'embejo caucoumet de soun biladge ? En loc. D'oun ey nescut, d'oun biu, d'oun trabalho e oun mourira ; d'oun a le larè, d'oun soun morts touts les sous, ne sabera pas un mot, un quiti mot. Belèu, me diran quauqucs-us. aciu bach ac troubats tout pla hèyt. Aci tout au rebès. En aqueres direy : Ey coumparat. Ey bist tout ço que hey pla le pople « rhénan ». E ço que hen dambe lou trabalh ourganisat e dambe las escolos qu'ensegnon l'amou de la Terro que nouyrich le pople ac pouden hè. E se hasen ço que cau angueran mes louy pramo qu'em gascouns couraus e naturaus. Aquiu, amie, tout ço que me pensaui. (Parla d'Armagnac) Ismaël GIRARD. 6-3*2*— La batalère dou Charlata Tablèu de l'Acte dusau de Pansard e Lamagrcrv. MOUS DE PARLABÈT (U hranlou de musique ; û cop d'esquire, la musique que-s care cop sec). Bouryés e paysas, Hilhots de touts parsas, Daunes e damisèles, Mascles barbuts, fumèles Hèt-b'ença, brabe yén : Aci qu'ey lou sapién Lou mes gran de la terre : Lou Douctou Parlabère, U mètye chens parié, Mèste en pè bacheriè De las granes escoles ; Nou-b coùndi pas babioles : Qu'èy, sus papès mercats, De bous santificats Qui nou mentéchen brique ; Leyits aço ! Musique ! U branlou. Atretan, que bire las hoelhes d'û gran libéras. U cop d'esquire. Qu'èy courrut lous païs De Bayoune à Paris. Qu'èy biatyat per l'Afrique, L'Urope e l'Amérique, �— 5i — Que soy lou Mètye en choés De l'emperur Chinoès En toutes las countrades, Qu'èy abut las entrades Dens lous palays reyaus, Oun èy soegnat malaus. Qu'è}r blanquit la périsse E goarit la yaunisse Aus Kroumirs, aus Zoulous, E las panles coulous A las Moukers d'Afrique ! Ey aco hort ?... Musique ! (U branlou tout court. U cop d'esquire.) Que-b darrîgui û cachau Sensé bous hè nat mau ; Las arredits goastades, Rau ! en dues hutades. Que dressi lous boussuts, Que hèy parla lous muts Que goaréchi en dus dies Toutes las malaudies, Dab l'engoén Ratapom, Lou Varvarum Flisçum. La pelade, la gale, L'entée, la frèbe mâle ; Roumatismes, doulous', Mau-caut, panles coulous, Sarampics e pigotes, Brouchâmis e martrotes ; Pelade, caps tignous Oelhs guèrlis, legagnous, Lou flaquè, la chétique, Touts lous maus, qué... Musique ! (U branlou tout court. U cop d'esquire.) N'ey pas tout, brabe yén : Que bouy hè-b û presén. (Que muche û paquet de poudre negrouse.) Aci qu'èy ue proube Hèyte dab péu de loube E plume de gahus, Qui 'mpousoue las pus, Lous pedoulhs, las roumigues, Lous courbachs e las pigues, Las murgues, lous arrats, Lous grits, lous saute-prats ; �— 53 — Purnaches, gatamjnes, Renards, tachous, hagines, Limacs, esgrîpis, sèrps, Sernalhes e lusèrps, Gahus, houes e cuques, Bèrmis de terre, arruques, Tout lou herum hastiau, Qui hè tan de dou-mau. Oerats quin s'y eau préne : ÍQiie pren ue prese de proube.) Qu'ey aysit de coumpréne : Quoan auét ue pus, Boutat-lou ne su-ou mus Ue prese minude ; Autalèu qu'estournude Atchoum ! û cop ou dus ; Que-s bire de eu 'n sus, Que hè l'estournepique, , E... mourte qu'ey !... Musique ! (U branlou tout court. U cop d'esquire.) Malauts, harts de soufri, Bengats, que-b bouy goari, Ou soulatya-b, qu'espèri, Dab aquéste rcmèri. (que rauche lou pot de poumade.) Sensé pou de-m troumpa. Dechats lous pècs croumpa, Dens las bères boutiques D'aqueres farbaliques Qui-b an û noum sapién, Qui costen tan d'aryén, E bouéyten la bousséte. You, dab ue pecéte, (Pas même), per dèts crouts, - Que bouy balha-b à touts La proube renoumade, Dab lou pot de poumade, E, s'èts conténs de you, Que-m herat la gauyou De m'embia pratique. Dèts sos !... Qui-n bôuf... Musique ! (Pendent lou brànlou que bén lous paquets.) (Parla de Bigorre) P. ABADIE. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 24, n°03 (Mars 1920) Alternative Title An alternative name for the resource. The distinction between titles and alternative titles is application-specific. Reclams. - Annada 24, n°03 (Març 1920) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - mars 1920 - N°3 (24e Année) Creator An entity primarily responsible for making the resource Camelat, Miquèu de (1871-1962) Lalanne, Jean-Victor (1849-1924) Touyaga, P. Larrebat, Justin (1816-1868) Laborde, Jean-Baptiste (1878-1963) Girard, Ismael Abadie, Pascal (1856-1932) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1920-03 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2683">http://www.occitanica.eu/omeka/items/show/2683</a> INOC_Y2_9_1920_03 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel