http://occitanica.eu/files/original/ce33f4df0c6979821c171d598e64142a.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/74def24a413010cee08bc38e7a396a52.pdf a83737a87dfa1d11094eb8bf2b099f87 PDF Text Text 24* Anade. Setémç de 1920. Las Létres A Mous de Daugé qui bié de publica gn'aut libe : Le Livre d'Or des Poilus de Duhort-Bachen, e, oun s'a goardat u cournilhot taus sous pouémis : Un bosc de Liris, Haut en daban, etc., Mous de Lalanne lou nouste capdau que mande aquéste escriut : Bidache lou 12 de Garbe 1920. AMIC, De touts lous bostes libis, qu'éy lou Libi d'Or, qui arredisera lou méy lou boste noum aus sègles qui bièyran. Que disi aus sègles, praraou que sera counserbat en ûe familhe ou aute, e, en cén cinquante ou dus céns ans quoand lou trobin enterrât, praubot, debath ûe pièle de causes, lhéu de trastous, qu'où leyeran dab plasé, dab amou e qu'où hiqueran en mustre en quauque libiè oun lous debots dou peys e l'aneran béde e léye. Atau qu'éy arribat de la bère ediciou dous Fors dou Biarn qui-s pague hoèy cinq ou chèys céns Hures ; lou boun Diu de nouste que boulou, qu'y a trente-cinq ans ou lhèu quarante que m'en y cadousse entèr lous dits û escantilh de choès qui ère estât dediquat pèr lous Estais a l'abesque d'Aulourou : que l'èy goardat chens maucuta-m qu'abi ûe yolhe ; qu'estou l'abat Laborde qui-m at amucha ; tabé y'en èy héyt presén au libiè nouste de Pau. Que-m sémble béde lou plasé dou Lanusquét qui hera û die dou sègle qui bién, la trobe dou libi boste ! Biban, b'ou pernebatera lou cô. La préface, trop braque au mèy êntenut, qu'où hera arrebibe las hores de herésse dous sous ayòus. Lous noums dou peys qu'où parecheran oundrats d'ûe glori toute clareyante de las sèt coulous dou cére ; adare ne-s hè pas lou medich efèyt. E las pouesies gascounes doun ! « Tè, se disera, que sabèn debisa, escribe, senti e pensa au téms d'auts cops ; de segu, lous biélhs n'èren pas pècs. » Que-b feliciti, nou pas de la punte dou calam soulemén, més de toute l'ardou qui lou mout de patrie e hè coula en las mies bégnes. Qu'abi pensât ha quauqu'arrèy de tau enta Bidachej oh, en hère méy petit. Qu'auri boulut, en ûe binténe de hoélhes de papé de choès, escribe dab de beroys cops de mâ coum aus téms antics, lous noums dous quoatebints martyris qui an balhat la countribuciou de Bidache sus l'auta de la patrie, ha-n dus etsemplaris ; l'û que seré enclabat hén ûe pèyre dou mounumén, l'aute depausat a la Merie, au mièy dous libis riales. Lou boste etsémple que-m ba balha nabèth couradye e que-m bau hiqua a l'obre. Mercés dou counsélh amistous arribat p'ou boste libi. Hèts plâ, amic ! J.-V. LALANNE. �— 134 — POUES1ES Ta ue nobi Qu'escouti plâ souben la bouts de la campane Qui puye cap au cèu dap la yoyeou lou dàti, Que soy lou sou besi ; de sa bouts soubirane. Qu'aymi plâ lous tintans, que plouri au sou dindùu. Qu'ey que soy drin de_ boste 'adare, tout de boste Despuch u hardèu d'ans qui bibi per aci. Que truqui de las mas aus qui puyen la coste, Bouleri counsoula lous qu'an trop de souci. Mes. n'èypas plous toustem ; qu'y a dies deyoye. La bouts de la campane oey que cantabe cla ; O, que cantabe cla la bouts ta tu, beroye, Que-t dise Ion bounhur e qu'où mérites pla. Dou printems eslourit qu'auram lèu la biengude A l'estrem dous sendès briuletes coelheram : Briulete dou printems, à tu que fan coelhude E d'ue flou coum tu, lou bounhur qu'ey Varam. Qu'en sèy qui crâden Ihèu que eau ha gran tapatyc Dap de bèts tralalas qui passen coum lou hum. Mes n'ey pas lou bounhur toustem lou lou partatye, Mey s'estnye la flou, mey ère qu'a perhum. Qu'aymeras, qu'es l'Amou, tabé seras aymade! Aus bras delà marna que crescous chens nat brut, Adare en d'autes bras, nobi, seras yumpade, E qu'auras lou bounhur permou que t'ey début. Ah ! Que-m hasè gran gay la bouts de la campane, Car que disèbe oey la yoye, pas lou dóu. Que tourne lèu canta de sa bouts soubirane Quoan u frut de l'amou s'esgalhe en toun berçôu. (Parla de Biarn) Andrèu BAUDORRE. �- 135 ~ La Lhebade II i Abans que lou sourelh ne-s Ihèbe Un arrauyous de campane Apouricat au bielh duché Dou maynadye echente lourèbe. . Per nous, dab dret e dab resou, Yens d'Armagnac ou de las Lanes Ne maudirem pas las campanes Se disèn mediche cansou. L'ômi tabeng s'ès dechidat A la permère tringalhade, La care mau escarquilhade Au pe dou Iheyt s'es ajouelhat. Aubrin au larye la ferneste Qiioan arrepiquen l'anyelus, En saludan nabère luts Cadun preyré sa part de heste. Dou tribalh puch que soune l'ore Après un moumen de repaus, Chens cagnouteja de sous maus En chiulan que part per dehore. Mes, de segu, qu'at sabets touts Si cade ausèt a soun ramadye E cade besti soun peladye Tan de duchés autan de bouts, Lous auserots tan esberits Espugan la plume leuyère Prèguen touts en lengue estranyère Lous becs quilhats hors de lous nids. E si l'un chiule, Vaut que cante, Vaut qu'esmarrogue per coustat : Déut esta lou plus escantat Dous campanes qui dit la cante. En touts lous coûts, à la courrude, Per las bâches e sus lous tues Talèu reboumpèchen lous trucs, L'arroumiguère que remude. Pouthoun de CANTELAUSE. (Parla de Lanes) tti^aa. Permou d'u Trentenari Lou mes d'Aoust 1890 que déu counda per quauqu'arré dens l'istòri de la Renachénce nouste. Qu'a hèyt doungues trente ans batuts e rebatuts que de Paris aban e bachaben ue couderilhe de yournalistes qui-s mentabèn cigaliès e felibres. Que s'estangaben à Agen, Mountauba, Auch, Tarbe, Aryelès, Aulourou ; e, lheban lous caps de Cortéte de Prades, de Du Bartas, de Théophile Gautier e de Nabarrot qu'y gourgueyaben discours à la loue aunou e que saludaben en tout passa la couloune de Cyprien Despourri' en Adast (au ras d'Aryelès). L'arcoelhénce hèyte à d'aquet mounde qu'estou dinne de la Gascougne. Medich, la Soucietat Académique de Tarbe e la Soucietat de Sciences e Arts de Pau, que hen councours de léngue mayrane (b'ère lhèu lou prumè cop ?) e lous noums dous medalhats que coumençaben de paréche atau sous yournaus. �— I3Ó — Dab quine yoye, aquets dies, aboum nous auts lésé d'aplaudi e d'y frayreya dab P. Labrouche, Zabiè de Cardaillac, Paul Lavigne, Yan Palay ! Aco que soun passades qui yamey nou-s desbroumben. Aqueres hèstes, se nou embitaben à escribe Peyrè, Daune Filadèlfe, D. Lafore, H. de Pellissou e d'auts, doun lou cop de ma n'ère pas d'aprentis, qu'ous balhaben à touts u segoutit. En memòrie d'aquet trentenari que hicam sous oelhs dous noustes leyidous lou gauyous e trufandè debis que Daniel Lafore publicabe lou 23 d'Aoust 1890 sou Démocrate d'Orthe^. Moussu LOU MESTE D'AHAS DOU Démocrate, Per Pau, per Aulourou, que-m souy drin esbarrit E que m'en souy tournât beth drin entounerrit. S'ey l'estoumac carquat n'ey pas de minya sébe Se lou cap se-m escalhe... aco n'ey pas chets bébe. " E pramou dequero, Moussu, lou boste serbidou ne seré pas en estât, aqueste semane de-b ha lou rendut en francés de las hèstës de Pau e d'Aulourou à l'aunou de Nabarrot. Mes tout que s'ey arranyat. A Pau e à Aulourou qu'abi heyt rencountre de dus brabes amies ta-us ha l'aunou d'ue gauyouse arcoelhénce : arribat à Orthez qu'en ey troubat u tresau dou medich e bou escantilh ta-s carqua de ha à la mie place lou tribalh en francés qui-m soubienè tan. Ne pouyra pas que gagna à esta hèyt per eth. Merci aus très amies de Pau, d'Aulourou e d'Orthez. Que b'at aboerèy, Moussu, toustem drin trufandè. que m'èri apoudyat decap Pau dab la méchante pensade : Que Messius lous Cigalès Qu'èren de truque-taulès, E que la loue cigale Brounibe coum la timbale ! Qu'èri lou purmè (pou cap de darrè) au councours biarnés Nabarrot : Que eau espéra que.s'en y hè yamey u en francés, qu'aberèy mey de chanse. Aquero qu'ey ue bergougne ta la-mie bile e en ta la mie familhe. Urousemén que la mie familhe que s'en trufabe e que l'aunou de la bile qu'ey estât saubat per u omi escouliat, e qui-n sab de plume, per Mous de Planté, qui n'abè pas yamèy escribut u mout de biarnés. Ne-n a que mey de mérite e que souy lou purmè entau ha' coumplimén de la soue medalhe. " N'èri pas tapoc tan propi que lous autes Moussus qui èren touts en chenilhe e en chapèu pelut, à très soulès : Praube Michè, n'abi que berret e bestou ; De fresc n'èri rasât ta d'aquere aucasiou. �— 137 — Pramou dequero, qu'abi ue pòu dou diable que lous qui coumensabi à apera lous fébriles e lous timbales que-m dechassin à l'estuyòu. Que-m troumpabi. N'abi pas encoère ubert la bouque que deya u beroy omi que m'arriba enta decap en me disén : « — Pourquoi donc, frère, n'avez-vous pas une cigale à la boutonnière ? « — Moussu, se n'èy ni crouts ni cigale à la poulacre, qu'èy u auyamiot encoère mèy beth ! « —Monsieur, de grâce, le nom de cet animal ? « — U escarbalh, Moussu ! « — Un escarbalh... un escarbalh... où pourrai-je trouver un escarbalh ? « — Au dicciounari Lespy E dehcns lou me toupi. » En disen aquero que-m balhèy dab la ma u truc sou cap. Touts lous cigaliès que debèn esta hère capables. Que coumprenoun detire lou mèy biarnés, e l'u d'eths que-m hé coumplimen en me disén : « Que Dieu, Monsieur, vous conserve le hanneton que vous avez au plafond : C'est ce qu'il y a de meilleur en vous. » Beroye yén, moussu, lous felibres e lous cigalès. Poulits, courtés, debisan cadu au sou tour e escoutan lous autes quoan debisen... en aben l'èrt de coumpréne. Qu'en y-a qui mentaben lous felibres coume agasses cridassères. Qu'èy abut lou plasé de nou pas béde e enténe — Moussu Paul Arène au cap de deban — que rouchinous qui gourgueyaben dous coum flabûtes. Qu'èy abut beth cerqua, espèces de bahurlès, aperats Tartarins qui soun dou païs dous felibres... n'en èy pas poudut béde nat. Que-s parech que touts que hesèn l'ouberture de la casse en Biarn. La cigale, Moussu, qu'ey u grith. Qu'abèn hèyt courre lou brut que lous cigalès qu'èren atau aperats pramou que courrèn lous moundes enta ha la casse à d'aqueths auyamiots. Mes que-s parech qu'aquero qu'ère u alèp. S'apèren lous gauyous e beroys omis doun èy abut lou plasé de ha la counechénce, cigalès, qu'ey pramou que canten coum lous griths chets se coupa lou cap s'en poden tira proufieyt, e que-s décheri demia per l'escarbalh qui-us brounech hens lou toupi. Lou bounur sancé n'ey pas sus terre, Moussu ! A las hèstes de Pau e d'Aulourou, qu'èy abut dus crèbe-cos : N'èy pas abut lou plasé de béde Moussu Lespy, famous reyen de biarnés de tan de mounde, ni Moussu Isidore Salles, lou cantayre gascou, lou luga dou péis de Lanes, dinquo hère à l'endaban. �- i38 Moussu Lespy, quin plasé aberi abut de recébe lous bostes counselhs, de m'enténe amucha per bous « lous moûts qui emplégui e qui ne soun pas biarnés. » E bous, Moussu Salles, quin b'aberi arremerciat de toutes las bounes paraules qui abets de tout tems embiat au praube Biarnesot qui b'ayme autan coum tout ço qui hets l'agrade. Salles, you bey_ perque bous e-m hèts tan d'aunou : Pramou qu'èts hère gran, entau petit qu'èts bou. Gauyou de brabe yen dous mechans que repause : A bous, Salles, merci dequere boune cause. Mes se n'abèm pas Moussu Lespy ni Moussu Salles, qu'abém abut lou plasé de béde e d'enténe en l'amie Peyrè, d'Aulourou, e en Moussu Faisans, de Pau, Nabarrot e lou Nouste Henric en car e en os. Quin decha ana, quin beroy dise biarnés hens lou pouète d'Aulourou ! Quin èrt fi de yumpa per debath came en Moussu Mayre de Pau ! Se Nabarrot e lou Nouste Henric abèn abut la permissiou de mieye-noeyt de Sent Pierre enta biéne da u tour per Pau, dou cèu dou brabe mounde oun soun arrecattats enla, Nabarrot ni lou Nouste Henric n'aberén pas ayit ni debisat autademén, B'ey doun estât pla biarnés, Moussu Mayre de Pau, badoun que debisassi en francés, quoan s'a u drin debisat dequeths Biarnés, bestits de belours, cintats de rouy, lou berret sus lóu cap, lou pihareth aus pots, e la piqueté à la ma « qui s'en vont par les mondes portant le fer dans les sources de la vie. » U franciman n'a pas coumprenut qui èren aqueths Biarnés, en sourtin que m'a demandât : « — Mais ces gens-là, de quelle région du Béarn sortent-ils ? « — Dou parsa d'Arudy, Moussu au boste serbice. « — Mais quel est donc leur métier ? « — C... assedous, Moussu, au boste serbice. » Beroy omi, Moussu Mayre de Pau e pla emparaulat : Dequeth petit discours que m'èy lecat lous dits Que bey que lou Faisans qu'ey mey fi que perdits. A Aulourou tabèy, en la persoune e en lou coumplimén de Moussu Mendiondou, qu'ey troubat de que aparia Moussu Mayre de Pau. Nou, dab omis atau, nou, lou Biarn ne lous Biarnés ne poden pas creba. Mes qu'aneri trop loegn. Lou mau de cap qui m'abi gahat dissatte. que se-m tourne arroude lou cerbèth. Pramou dequero que-m damouri au ras dou hèyt, e que-b prègui, Moussu, de boulé arcoelhe las mies aumenances las mey biarnéses. Un Orthésien (Daniel LAFORE). �— 139 Reclams de perquiu Councours dere Escole deres Pirenées. Lous Yocs flouraus de l'Escole-So, que soun d'are enla aubrits e que s'y pod manda quin sudyèc se boulhe de bèrs ou prose, en gascou, à Mous de Sarrieu, proufessou au Lycée 121, carrère Lacapelle, à Mountauba (Tarn e Garounej. Lous prêts que soun de gran balou. Oerats m'aco : i° Ue guinsane d'çr que Mous d'Artigue auherech ta la mey beroye pouesie sus las berous e las glories de las Pirenées; 20 Ue plaquete d'aryent balhade per Madamisèle Foch (serou dou Manescau e rèyne dous Yocs flouraus) enta la pouesie oun s'y debisara mey pla sus la hémne francése en tems de guerre. Ta d'aquet pa de sudyècs sus coumande, que eau cent bers pou petit cap e goayre mey de dus cents. Ha lous mandadis entersie lou 23 d'Aoust. Decap à la fi de Setéme, l'Escole deres Pirenées que tienera la soue hèste annau à Salies, dou Salât. Pou Cinquantenari de la Soucietat Ramond. Las hèstes qui abém anounçades, e que Mous Fernand De Cardaillac présidé, que-s soun debirades hère pla dens la ciutat oun baraméye encoère lou soubeni dous Cantadous mountagnòus de Rolland e de l'amie dourèc de l'Escole Gastou-Febus, lou D°u Dejeanne. Que s'y audin lous debis aplaudits dou barou De Cardaillac e dou mayre Mous de Noguès e ue pouesie bigourdane de Daune Filadèlfe. Oun que sab quin la felibrésse de Yèrde segnouréye quoan dits lous sous bèrs. Dens lous lauréats de Prousey francés lou Coumte de RoquetteBuisson que-s gagne u prumè prêts, medalhe d'aryent, e, lous prêts de Léngue mayrane que ban à Pascau d'Abadie, la medalhe d'aryent, e à J. de Cabadur, à J. Fachan séngles medalhes de brounze. Nabèt proufessou d'Escole Nourmale. Que-ns ey u gay de ha sabé aus amies qui an leyit lou beroy rouman de Rousin e Dauninc que Yan de Hustach qu'ey recebut au proufessourat d'Escole Nourmale. Nou diseran pas. tad aquet tapoc, que de maneya lou biarnés que l'estou ue trabe taus edsamens de francés. Coumplimens doungues à l'ensegnadou nabèt e qu'où béyen lèu dens ue Escole de per nouste, Auch ou Lesca. L. R. �— 140 — Entau libiè de l'Escole La nouste Escole qu'a û libiè à Pau, sòu soulè de la Haie. Quoan lou burèu abou descidatd'ou ha, lous qui an lou goubèrn dou libiè municipau, •— e pou cap da daban, Mous de Dubié, que-ns proumetoun û corn d'armari enta-y arrecatta so de nouste. Aquét brabe mounde qu'an tiengut paraule. Soulamén, si eau oéus enta ha ue mouléte, que eau libes enta ha û libiè, e qu'ey yuste aco so qui manque drin. Quauques baléns counfrays que m'en an dat us-quoandes. Que m'en an mandat de Bidache, d'Arrens, d'Aulourou, de Pau e d'aulhous. Qu'en y a û de hère riale. Si boulét, qu'où pouderam mentabe : « lou pay-bou », permou qu'ey lou mey biélh. Que soun lous « Fors et costumas de Bearn » — permère ediciou— 1552; que soun passats per las mâs de l'abésque d'Aulourou. Lous qui èren a l'amassade de l'an passât que-s dében moumbra dou beroy debis qui hè sus aco-dab la sapiénee qui a d'aquéres causes, lou caperâ de Brudyes. Si abét talén de sabé qui l'a balhat, que p'at diserèy tout doucines au houratou de l'aurélhe. Sustout nou cregat que soy you. Dou houns dou co que disi dounc û gran mercés aus qui an embiat quauqu'arré. Diu boulhe que s'y pousquen tourna ! E que sèy que nou demanden qu'aco. Mey qu'en y a hère d'autes qui n'an pas encoère coumensat. Ad aquéts que cridi biahore, que clami la nouste reyture. Be soun riales lous qui escriben libes e qui n'an arré entau nouste libiè ! E chens esta autous que soy segu qu'en hourucan per aquiu, en quauque corn de cabinét, que s'y troubaré quauqu'arré enta nous auts. Tribalhs sus l'istòri de la nouste countrade, obres escriutes en léngue d'O, gramatiques de Biarn, de Gascougne ou dou mieydie, autografes etc., tout que-ns agradara e que sera plâ arcoelhut. "Si cadu s'y hè, en dan à l'Escole nouste lous utis qui eau, que la haram mey horte e que-s poudera payera dab las autes escoles. Qu'aneram enta Maubourguet dab las biasses enta amassa lous libes dous counfrays qui-n boulhen ha presén entau libiè. Lous qui nou biénguen que m'en pouderan embia a Pau (14, rue Marca). Que serèy au serbici dous us e dous autes. Lou libiè que sera oubèrt ounze més per an e quoatc dies per semmane. Aném, que-s beyram ballèu e dinque a las permères. A. LACAZE, Mèste dou libiè de l'Escole. �— i4i Théophile de Bordeu à la soue balée d'Aussau Bordeu qu'a escribut ue pièle de libes de médecine e aquets escriuts que soun deus mayes qui bedoun l'abiade au sègle oun a biscut. Lou darrè libe d'aquet òmi pouderous e sapién que s'apère : « Recherches sur les maladies chroniques... Paris, Ruault, 1775.— Tome 1, — in-8° de 592 pages. » Coum l'autou s'ère serbit d'oubservatious heytes à las aygues per lou sou pay Antoine e lou sou fray François, touts dus medyes de renoum, aquére obre qu'ey sinnade deus très de Bordeu : Antoine, Théophile e François. Lou purmè tome soul qu'a parescut. La mour que s'en pourtè trop biste Théophile ta-u perméte de balha la seguide. Lou gran Bordeu, qui, au miey de las soues coentes de Paris, au mîey deu mounde de segnous, lous mey capulats de la cour deu Rey, qui l'abèn prés ta médeci, nou-s desbroumbabe ni lou biarnés, ni lou balou d'Aussau, que boulou dedica lou sou tribalh aus mountagnòus de la soue balée. Tabé, à la fî deu libe, qu'ayustè u quinzenat de payes en loengue de case : « Hommage à la vallée d'Ossau. » Qu'ey u tros de prouséy oun hè coum bère istoérote deu tems ancien de la balée; au darrè, qu'a rimât ue fantésie sus lous truquetaulès d'Aussau, qui nou balharam pas d'aquéste cop empermou de la soue loungou. E que parech esta autan fier d'abé heyt aquére biarnésade que la soue estudi sapiente de médecine. Lou 22 de séteme 1775, qu'escribè au sou fray Jean François, counselhè au Parlamen de Pau, en l'embian mubles e libes : « Il y a dans la caisse des livres ; mon dernier s'y trouve en feuilles ; il faut le faire brocher sans le couper et en donner à qui tu voudras; et Y Hommage à la valide, tu le répandras aussi aux environs. » — Jean François que-u respounè lou 17 d'octoubre 1775 : « Votre caisse me parvint la semaine dernière en bon état ; je l'ouvris dans l'instant pour y prendre les exemplaires de vos Recherches sur les maladies chroniques. Je les remis de suite à un relieur qui me les a rendus ce matin très bien reliés et je les ai distribués en conformité de vos ordres. Je répandrai aussi les exemplaires de votre Hommage à la vallée d'Ossau ; je ne doute point que cet ouvrage charmant ne soit lu avec le plus sensible plaisir. » L'autou que tourne parla d'aquets bers, lou 11 de mars 1776, en escriben à soun aute fray, lou médeci, e aquiu que-s bed quin �—■ 14.2 —■ tienè à so qui lou sou prouséy e las soues rimes estoussen agradats e aproubats per lous Aussalés : « Il faut obtenir de M. de Laà (le docteur François de Laà, maire de la vallée d'Ossau) une délibération sur les registres (de la jurade d'Ossau), par laquelle la vallée adoptant les idées et les vers de l'auteur, vous les renvoie avec sa délibération où elle vantera vos aïeux de tous les temps pour leur attachement à la Vallée. La copie des vers vous sera livrée avec la délibération extraite des registres et signée du maire sur votre copie. Cela vaudra la couronne civique. » Nou sèy pas si lou biarnés de Bordeu esté calameyat sus lou gran libe de la yurade d'Aussau. Aci que-u balham tau coum estou emprimat en 1773, chens cambia nat tillet à la grafie. A la mie counéchence, lou tros de prouséy n'ey pas jamey estât réimprimât. Lous bers sus lous truquetaulès de la balée qu'an abut u hardèu de cops l'aunou de la létre de moulle ; que-s troben dens las Estrécs béarncses en ta l'an 1820 e tabé densjou libe de Poésies béarnaises publicat per Vignancour en 1827 e en 1860. J.-B. L. HOMMAGE A LA VALLÉE D'OJSSAU Ce morceau de Béarnois est ortographié comme on le prononce aujourd'hui. Peu de gens sont en état d'entendre cette Langue écrite suivant l'ancienne ortographe. On avoit d'abord voulu mettre à côté la traduction Françoise ; mais cette précaution est peu nécessaire pour ceux à qui ce Discours est adressé. Il est terminé par quelques vers Béarnois, qui peuvent servir d'exemple de la versification en cet idiome. Il mérite encore quelque considération, puisque c'est le même qu'on parloit à la Cour d'Henri IV, lorsqu'il n'étoit que Roi de Navarre. Les Etats Généraux de la Province de Béarn écrivent ainsi leurs délibérations : les Prônes des Paroisses de Village se font en Béarnois : tout le monde l'entend et le parle en Bearn depuis plus d'onze cens ans. L'accens des Béarnois les rapprocheroit beaucoup plus de la prononciation Espagnole que de la Françoise. Aus Brabes Ossalés Abbats, Rectous, Bicaris, Caperas, Prebendés et Clercs Nobles, Seignous, Jutges, Graduats, et Cabés �— i43 — Maïre, Cossous, Jurats, Deputats, Casalés, Noutables et Besis ; Bourgés, Marcandiers, Mestieraus et Oubrés ; Paisaas, Baqués, Ouillés, et Pastous ; Mestes, Baillets, Heretés, et Catdets Biels et Jouens Touts Hazen lou Corps de la Ballée, A touts, Coum à lous Coumpatriots et Parious, Despuch loungtems en ça, A lous Parens, alliats, amies Très de Bordeu Be ban présenta aqueste permè tome de las aiguës En langatge antic de nouste Peïs. Prou longt tems y a (be n'aïe Diou) qu'aqueres hautes mountines oumbratgen nouste bal et la brabe gen qui l'habita. Bertat ei, Aunestes et Brabes Ossalés, que de l'ancien atge trop nou y reste noubellês ny escritures. Et qui curiousamén bouleré sabe ço qu'in ère, au coumençamen, deous rocs et deous bals et de las aiguës troumpa bé s'y pouiré. Assegura baubademens b'es pot que despuch la grand plouïe et lou grand ouratge de Paibou Noé, jamei la mar nou passa sus lous pics, qu'ip gouarden lous caps deou sou et de la bise. Lechat dise qui autamens parle. J'oub bouleri pourtan prega de crede, que la Ballée et sas Bezïes crusades hon, coum bets barats, et eadùe per son arriou bienen deu soum. A donc se bet que lous bics de haut hon lous permés qu'hommis poublen. Chrestias n'ou eren aquets antics Montagnards et de la Geanterie bet drin, si n'oum troumpi tienen : Race biengude, en quauques sauts de las planes de Sennaar. Las ribères en aquet tems et las planes, qui are tan braguen, n'ou eren que mars, lacs, pesqués et gabes. Mei quoan las mars se hon retirades et las planes eschucades, lous Ossalés, seguin lou cours de l'aiguë, et lous débris de las montagnes, descendoun habita lou plat Peïs : et mestes qu'en houn junqu'au poun loung, qui engoere tiennen. Labetz que s'y countabe au moun. deous heits d'Aquet Hercule, et deous Houecs qui cresmaben las Pyrennées, a la mal-hore per lous Habitans. Aquo nou eren que tremblamens de terre, ouratges, et esclats de boulcans et dérangamens deous arrious, et chutes deous rocs. Countes de biels, qui lous jouens broudaben. �— 144 — Labets tabé, las Dibinitats deous Païens que s'eren emparades de la terre entière, et lous Faunes et las Nymphes deous boscqs et deous bals. Lous Ossalés que hazen coum lous auts : Peguesses, praubeires, et ignorence qu'es partatjaben lou mon. Mei mainats que baden, et nouces qu'es hazen, et guerres atabe, et la terre qu'es cultibabe peous plus balens ; de baqueries et de troupets d'ouilles qu'es garniben las montagnes. Atau biben, de leit et de broje de mill noustes paibous. Las loues mouillés qu'eus hielaben laa, et qu'eus saben tieche cappes et dehauts et débats, bragues et pourpoins et berrets. Telle de lin nou s'en y caneïa que loungtems après. Acatats hon en las ballées et lous boscqs et lous rocs, junqu'aus miracles que Diou hé en ta daquets Roumains tant celebrats et qui deu plus loin de l'Italie hon miats per lour estelle courrière et harniouse en noustes riberes. Be s'en y hé haroulis, et bé s'y prépara patacts quouan lou César trabersa noustes mounts, peu bet miei deus besis d'Aspe. Labets qu'ens apperabeij Cantabres, de mieitat dap lous Basquous; et coum se sab, César qu'ens enjaoula per proumesses et gauzialles, et qu'ens lécha bibe à nouste guise, per ana mette en capiloutade lous d'eu coustat d'Espagne. N'ou y abou per nous auts ni esclabatjé, ni serbitude ; d'equet entec, l'Ossalés toustem s'e gouaita. En pero bei abou mantiie querelle dab lous Bearnés de Mourlaas, deu Bicbiel, d'Hortès et de Nay. Be s'y de quauque cop de billot, et be s'y entenou souben biahorehorses et anillets ; coum ère labets d'habitude aux Montagnards qui descendén picoura las planes. De las limites et bournes que s'agibe et deous emplaçamens destinais à chaque Bilatge, d'oun hères se troubaben en las terres d'Ossau. Laujou de la prud-houmie de Roume et l'esclat de sas leys que den ouccasion aus purmés Fors de Bearn. Pourtan lous Ossalés considéra qu'es hen, en tout lou Bearn, labets et despuch en ça sagemens establit en souberenat. Lous heits se saben et qu'en y a probes : b'es bet aquet Castet de Pau bastit sus la terre d'Ossau e lous pactes et alliances dab lou Soubira et la Ballée engouere se troben. B'es sab quin lous Ossalés s'engatjaben de boulountat à da quauques cops de maa, en las guerres deous Princes de Bearn, et quines bournes aben aqueres guerres. La Milice d'Ossau escarta n'ous poudé, d'eu coustat de France, pusch que calé toustem batailla dap las Ballées d'eu coustat d'Espagne. �— 145 — Nouste jouennesse Ossalese toustem hou causide per ha la Garde auprès d'eus Soubiras de Bearn. D'equet aunou houm cargats et jalous autant coum de nat aute de noustes pribiletges. Place que s'y marqua, en probes de grandou en taus Ossalés, en las salles d'eus banquets d'eus Princes et de la Nation Bearnese. Plus d'un cop hommis causits et de gran estât en la Ballée, pactes et escritures passen per ère, dap lous Princes de Bearn, qui bienen ets medich en Ossau ratifia leys et jutjamens. Aqueres planes deu poun loung houn souben sutjet de discussions, oun lous Ossalés receboun et rendoun marques et sermens de prouprietat, en las beres maas d'eus Soubiras et deus Estais de Bearn. Tabe troupets et baqueries descendén cade anade de Diou, d'en haut de las mountagnes per ana libremen pacatja et passa lous hibers, en lou medich poun loung : ço qui hazé et qui he engouere Testât de la Ballée. Coum aquets Reys nomades et Pastous de l'Egypte, coum aquets Patriarches tan renoumats, lous Ossalés que miaben lous troupets oun lous boulen en Bearn. De la Ballée que s'estenén sus tout lou reste deou Peïs, en toute libertat et tout aunou. Atau se he junqu'aus Gastous de Fox, junqu'aux Mouncades, et lous Albrets, races soubiranes de Bearn et tabé d'Ossau qui s'y ère dat. Atau se he junqu'au tems de tan d'esclat, oun lous Bourbous s'esten units aux d'Albret, qu'en jessi lou gran Bearnés Henric, badut à Pau, amic d'Ossau, deus Reys l'eslou. Atau se he tabe despuch, deu tems de Louis Tretze qui bisita soun Bèarn, et de Louis Quatourze, junqu'à Louis Quinze, qui abem bist despuch chic bibe et mouri. Atau Diou qu'ens mantiengue penden lou loung règne qui proumet Louis Setze qui abem bist naiche et qui arraïe la France coum lou souleil qu'is llebe arraïe lous pics de noustes montines. Pechets dounc ouillettes, sautât crabottes, galoupat jegoues, et bous baquettes anat l'herbe coueillen. En libertat per las riberes, per las claberies, per lous bedats et las mountagnes Bearneses qu'ep poudet passega. L'aiguette per bous qu'eslourech lous prats, l'autou deu soureil qu'eus he arride. Dats nous en tout tems de que ha cabaous, et de que minga, de qu'ens esgaïa, de que Diou aima, et lou Rey cànta ! Et bousauts brabes Ossalés arestappe engouere bet drin, per entene quin un de bostes Pouetes, qui n'ou ei here ancien, parle àeousTruquetaulés de la Ballée, d'on hè lou sutjet de sous bers. Théophile de BORDEU. �— 146 —* Cops de Calam La Lengo perd ado Le Guirounet ey tant che-pu simple, le manco un tour e s'ou diguèom d'ana planta cébos au cap à un barrot partiré cop séc, mes i brabe coum' un so, batisaré un calhau. Sa henno, per countro, ey un paucbijarro e quan hè tant-de hè la mino, i graciouso com'uo porto de presoun. S'èro fatchado dempus un més. Le maytin dou prumè de l'an le Guirounet se dechidec de douro entau poudè disé le prumè : Bonjour, boun'an L'astrio de cad'an. Mès la henno digouc pas rén ; au countrari arrupec mès les pots e embliquèc a-fèt la uardaduro. S'èro pas estât le prumè de l'an, s'en seré chautat, le Guirounet mès passa un jour coumo aquét sensé bada, èro trop auejous. Le Guirounet auèc uo idèyo. Prengouc la rousio alugado, e hascouc semblant de cerca quaucoum per débat le leyt, per diguéns la courno, per detras le cabessè, pou houns de la palhayssèro. Ero taloméns aferat que boutée le huée as ridèus dou leyt. La henno, en dus ou très bouhéts, l'auéc bien lèu amourtit mès bengouc roujo coumo le sang : — Es pèc, ou en bengués, ça dits touto en coulèro. — Que nou praubo, ça dits et, més qu'èri mort de chagrin. _? — Eri mort de chagrin, pensaui qu'auos perdut la lengo, la uardaui pertout, e bengui d'entene que l'as toustén. D'aquét punt en la, se tournén bouta à parla toutes dus, e le bounur tournée esclayra la maysoun. (Parla d'Armagnac) H. DAMBIELLE. NABÈTHS COUNFRAYS MM. Labat, instituteur, à Larreule par Maubourguet (H.-P.). Laterrade, à Maubourguet (H.-P.). Larradet (Roger), rue Bernadotte, Pau. Lagarrigue (Léo), dessinateur, 30, place du Pont, BordeauxBastide. Sarda (Paul). Ingénieur E. C. P. 7. Grande Allée, Toulouse. �— 147 — Et Cabaret de Sent-Pastous Se-'b troubabet, à dues ores après mieydie, at soum dere mountagne de Dabantaygue, sinse esta-be encore esdeyoats, qu'ey ço qui harit ? Per u bèt dilus d'estiéu u amic mié qu'ère partit d'Arguilès despuch quoate ores det mayti, qu'ayébe courrut det bosc d'Artalens dinque at bosc de Sent-Pastous at darrè deres yèrbes, e, et plasé de trouba-ne e coelhé-ne, qu'où hèbe desoubliga qu'ère dab et brénte sinse municious. A ra fi, aquet brénte qu'où hèbe us clacs de hàmi ta grans que-s décidé à debara ta-t biladye de Sent-Pastous. Qu'entré en cabaret : — Adichat Daune ! — Adichat Moussu ! — Boulet-me hè disna, que soy mourt de hàmi. — E praube Moussu..ya-b bouy hè minya ya, mes que eau que-b douey ? — Hèt-me cose très ou quoate coustétes ta coumensa e puch ya beyram. — Coustétes? Que las ayébi e deres bères, mes que las èy toutes benudes adès. — Hèts-me labets cose u tros de pus. Dat-me u tros de pus. — Ya b'en dari dab plasé e dab plasé ya b'en dari, mes, grat, ère besie que s'a heyt u maynat e qu'a abut embéyes dere darrère qui-m soubrabe. E que calèbe hè? Dà-l'ac bessè ! — A ha ! Qu'et abut pou que nou-s hisse u nenè dab ue pus at cap det nas ? — Nou s'en eau arri, nou, moussu, que s'en bén d'auta curiouses en èste mounde, e Diéu sab ço qui poudoure arriba ! — Bertat qu'ey. Anat hè u tour en beriè, gahat-me u beroy pouret e hèt-lou-me sauta ene padéne. Et brénte que-m cride. — Ah moussu ! S'èret estât aci ère aute semane que b'en ayri poudut da ya, pourets, e dets goàpous, mes aquet couletou de malur que-m hèbe ère persute e qu'ous m'a caluts béne dimars en Arguilès ta hè taryes e engrecha et goubernamén. — Mes s'èt benuts ets pourets, ères garies que-b demouren, que m'en eau escana ue e... — Aquero, nani, ni per or ni per aryent. Que las me gardi tats oéus, auta segu coume b'at disi. — Dounc, labets, hèt-me ue moulete, e lèu. — Ere moulete que la be bouy hè ya ! E ra daune qu'anè cerca ets oéus, e poses e poses que-s demourè dab ets oéus ene ma toute empensade e à ra fi que-s birè decap at mié amic : �— 148 — — Mes, moussu, s'ou digou, nou m'èt dit quin boulet ère moulete. Dab que boulet que la hasiey? Et me amie, mourt de hami, que nou s'estabe de farceya bèt cop, quan s'apariabe. Dab et ayre et mes serious que digou à ra cabaretière : — S'èt u fusi en case? — O ho ! Et òmi qu'en a u ta cassa ras lambrusquères e ets tours en Abor, e ras cot-baylades enta Mars. Boulet-lou? — Apourtat-lou-me. Ere hemne que-s despachè d'apourta-l'at. — Are, que-m eau poudre e ploum. S'en èt? — O, et òmi qu'en a éne tiréte dére commode, mes que s'en a pourtat ère clau. — Labets, nou m'en poudet da ? — Nou, nou, brique. — Ah, ça hi et amie, coume enfurounat, qu'èt pla urouse de nou abey ère clau... — E perque, praubete de you ! — Pramou que si ayebi abut poudre e ploum, que-b tuabi d'u cop de fusi. — Jésus ! Mes nou b'èy hèt arré... — Qu'at gousat dise ? Que-b demandi ue moulete, e enloc de la hè tout biste que-m biet demanda dab que la eau hè. Dab que? Dab oéus, dab oéus, dab oéus ! Et-me entenut? Ere cabaretière estounade nou sadyèbe mes ço qui-s hèbe e que-s despachè de coupa dèts oéus au loc de cinq ou ches. Mes et amie nou s'agoeyè d'aquero e que hi ra pats dab ère daune en minyan-lous-se touts ! (Paria de Bigorrc.) Yan de BOURDETE. LA TOUMBE DE YAN PALAY Lou Simin Palay qu'ère à Bic l'aut die, aperat per u debé pious. Que cambiabe de place, au cemitèri, ço qui ère estât lou cos dou sou pay e qu'at hasè bouta dens ue toumbe cimentade. De touts lous amies dou coundayre gascou, Mous de Rosapelly soulet que l'acoumpagnabe. E, are, hem lou bot que sus aquet sòu mercat qui goarde la proube sacrade, e planten dens quauques ans (coume ère lou desi dou défunt) ue couloune de marme pirenenc dab quoate bercets de la soue obre immourtau. M. C. L'Emprimayre Mèste en pè : E. M ARRIMPOUEY. �� Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 24, n°09 (Setéme 1920) Alternative Title An alternative name for the resource. The distinction between titles and alternative titles is application-specific. Reclams. - Annada 24, n°09 (Seteme 1920) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - septembre 1920 - N°9 (24e Année) Creator An entity primarily responsible for making the resource Lalanne, Jean-Victor (1849-1924) Baudorre, André (1866-1941) Cantelause, Pouthoum de Lafore, Daniel ( 1843-1910) Lacaze, A. Laborde, Jean-Baptiste (1878-1963) Bourdeu, Théophile de Dambielle, Honoré (1873-1930) Bourdete, Yan de Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1920-09 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (17 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2689">http://www.occitanica.eu/omeka/items/show/2689</a> INOC_Y2_9_1920_09 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel