http://occitanica.eu/files/original/a86e11bf6ec754395ab62da5ffc781ac.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/eaf0aaef332044108fd42e23fd5c5d7b.pdf 55fe7fd10996247f5a6b30797d551c85 PDF Text Text Heurè de 1921 25* Anade. Recouvrement des cotisations Le Trésorier serait reconnaissant aux membres de l'Escole de lui faire parvenir ce mois de février le montant de leurs cotisations et il prévient ceux qui ne le feraient pas, qu'il les fera recouvrer à partir du premier Mars, mais dans ce cas la quittance sera augmentée de 1 fr. 75 pour frais. N. B. — Le Trésorier serait heureux de recevoir directement tous les fonds de quelque nature qu'ils soient pour lui faciliter la tenue de sa comptabilité et éviter ainsi des réclamations fâcheuses mais involontaires. Paul LABORDE-BARBANÈGRE, Avoué près le Tribunal 2i, Rue Serviez, Pau. Sus l'escadénce dou centenari d'Isidore Salles POUESIES Sabi 'nça Sabi 'nça ! Bin cerca Hin laba Berouyine ! Le bugade Bin dansa, Hens l'arrésque Unpega Maynadine ! D'aygue fresque ! T)e leHade! Sabi 'nça, Bin cerca Bin laba Tiïn dansa ! Lou pega ! Au peyra ! — Le marna — Le marna — Le marna Vfat bo pa ! N'at bo pa ! N'at bo pa ! Bin goayta, Bin barra Bin charma, Sus l'arrèye, Le manique Bin maynade ! Lou bestia T>ou cteda Hin m'ayma, iAu peyra Qui houlèye ! De le bique ! Tan aymade ! Bin goayta, Hin barra Bin charma, Lou bestia ! Lou cteda ! Hin m'ayma ! — Le mania — Le marna N'at bo pa ! Droumira ! N'at bo pa ! — Qiien mania �— i8 — Les Mudalhes à le Sent Martin 'abè GABARRA, curé de Capbretoun. i /// Luc, de le borde d'Arroudyé Despuch trente ans qu'es metayé En pats d'Orthe : Trente ans au silhoun qu'a sudat, Dou yendre e de le hilhe aydat, Le hemne, morte. E quent tout Voustau es mudat, Le béude auparet desnudat, Que s'en ba coélhe Le brigne de lauré bénit. Com lou soun co, triste, estarit, Yaune de hoelhe ! E lou yendre qu'es mort, tabey ! Bielh e soulet, trop gran, lou bey Per ha Voubradye ; L'arrè-hilh, fort brabe, deya, N'a que dits ans: enta bouya Qu'es trop maynadye. E s'adressan au maynadot, En se signan qu'où dits : « Yantot, « Pasque passade, « Coum tout an,près de toun bercèu « Toun praube pay, adare au cèu, Que l'a pausade. Lou sort qu'at bo, parti que eau E dise adiu au bielh oustau A le countrade, Aus amies, au do com au gay, Au segrat oun le praube may Es enterrade ! « Pren ben goeyte de l'esgara ! « Oun s'en bam, Diu que-ns seguira « Dab sotie ayude : « Quent lou praube quite un pais, « S'es bien saye, Diu de lodyis « Tabey que mude ! » II IV Lou tristeyoum de Sent Martin Que-s arribat : de boun matin, Lou. desmenadye, Louspraubes mubles, tros per tros, Que soun passais au pè dou bros, Parats au biadye. Deya lous bèus soun aprelhats Pr'ou darrè cop qu'ous a yiuats Le man amigue ! Douman ugn'aut qu'ous guidera Mes nat, com et, ne balhera Pastenc, aprigue ! Chic de plume, au nid de l'oubrè : Lou Iheyt, le meyt, lou bacherè, L'armari bielhe Oun tin lou linye, au sér, hilat, E blanquit le noevt sus lou prat A le tenelhe. Sus lou camin que soun partits Lous praubes mubles segoutits Aus dots de hagne, Quent lou bros es près d'eslurra, Com s'aben amne perploura, Qu'an l'èrt de-s plagne ! Au bros arriben, adarroun, Pega, salin e cauteroun, Cadirés, taule... E bedent parti dou lare Lous landes oun se tin darrè Loti gat que miaule ! Lou bielh Luc ne parle à d'arrès ; Mes en passan oun lous cyprès Hèn triste oumbradye, Boutan louberret à le man : ■— « Lous praubes ! Ets, yé... ! You, Anein, couradye !» [douman! Isidore SALLES. �— i9 — Isidore Salles La bite e lomi Isidore Salles que badou à Sente-Marie-de-Gosse, densles Lanes, lou trètze de houré 1821. Qu'ère hilh e arre-hilh de mètyes. Lou soun paygran que s'ère bienut marida en d'aquère paròpi, dap Mamisele Cécile Loustaunau, qui damourèbe au «Boy», puch que croumpa le meysoun dou « Sabaté », oun badou lou pay d'Isidore, e oun se marida, mey tart, dap Mamisele Marie Hountebeyrie. Qu'ès en d'aquère maysoun, tabé,—le Maysoun Blanque— qui-es badut lou nous pouète : Aqui bibén, hurous coum réys, Brabe familhe ! Un pay, mé balén que nat pay, Ue may, mélhe que nade may, Dus hilhs, ue hilhe ! Isidore qu'abé doun ue so é un ray. Le so — Cécile — que mouri youéne. Més Isidore que goeyta tustém le memòri de le soue gràci e.de le soue bountat. Qu'en abé 'ncoère lou co esmabut quén escribèbe : Le so, Taynade, Que biné dou peys doun bin L'anyou dou céu, e s'en soubin, Sente me5rnade. Lou ray—Alexandre — que-s hasou mètye. Labets, coum adare, que coustèbe ca d'aprène aquet mesti. Tabé que-s disé, pr-ou péys, que lou pay que s'ère yuste rouynat entàu ha acaba les estùdis. Pramoun d'aco, ne poudou pas ha lous frés qui-auré calut enta ha segui les escoles au darré meynatye. Aqués — Isidore — tout thicoy, qu'ère doublât de le pet de Mahomet. Un your, sa may que debisèbe, dap ue besie; dens lou « petit casau plan oubrat » qui-ère deban le porte. Coum un esloumbric, et que s'escape, que pouye dinque au gré, qui-s trobe débat lou « pignoun puntut », que passe lou cap p'rou fernestroun e que-s hique a crida : — Que-m yèti, marna ! Marna, que-m yèti !... — Malurous, decén biste ! decén ! se dits le may, toute esmagade. En dus sauts, qu'estou deban ère é qu'acaba : — Que-m yèti... aus bos pés ! U gn'aut cop, le gouye que biené de pela ue garie é qu'amuchèbe a le daune le soue esquie sarcide de grèche. L'Isidore que s'en ba �enta dehore, que gahe u gn'aute garie au mey courre, qu'où darrigue les plumes de le cruspe, maugrat lous souns crits eschourbans, é que le porte à le soue may en lou disén : — Espiats, marna, s'aqueste e broyé é grasse ! Aquères espiègleries qu'èren de tout your. A l'entour de cheys ans, que l'embian a l'escole dous meynatyes. Lou bielh reyén que s'en bedou de pigourlades dap aquet escouliè trop esberit. Et inedich qu'at recounech dens le pouesie titulade : « Lou tems d'auts cops. » Lou reyén, Moussu Lacoste, Que disé touts lous matins : « Be-m hén damna, Diu bib...oste ! « Aquet pa de libertins ! « Auyamis e pouralhatye « Mé bestis que lous dou bos, « N'at pas doun hounte, au bos atye, « D'esta au libi de chis sos ? » Hurousemen, Moussu Lacoste qu'ère lou mey braboulas dous omis. Apuch, le soue moulhé, Caterine Hountebeyrie, que-s troubèbe d'esta le tante dou nous coucart de coucharrot. Que-n lou passèben doun, e de les capulaJes, pramoun d'aco. A doutze ans, que l'embian ent'au coletye d'Ayre. Qu'abé boun cap, é qu'aprenèbe dehét, e hort adayse, tout so que l'amuchèben; mé ne l'y dachan pas tan coum auré calut. Arroun, qu'où hican comis en un marchan de Bayoune. Aquet marchan qu'ère yediu. Praquet téms, n'aymèben ;pas goèyre lous yedius, assi cabbat. Tabey lou nous Isidore qu'où hasou toutes les farlasques qui-ou passèben p'rou cap, e Diu que sap s'en l'y passèbe ! Tan e tan que lou soun meste qu'où rembia enta case ; é parti que calou. Mes, aban de sourti de la boutigue, lou comisot que tira encoère ue malici dou soun sac : — « Qu'ey batiat lou toun hilh ! » s'ou crida en barran le porte. Qu'ère, aco, lou mey gran afroun qui poudoussin ha, labets, en un yediu. D'aqui, lou nous gouyat- qu'entra en ue meysoun de banque. Qu'y damoura quauques téms, puch que-s plaça, à Tarbe, enço d'un omi hort riche : Moussu Fould. Ne saben pas, p'rou segu, so que hasou ens aquére familhe, més que-n sourti méy estruit, é qu'y hasou counechénses qui-ou balhan l'abiade cap a le poulitique. A l'atye de 27 ans, en 1848, qu'estou noumat sous-prefét de Dax. De tire que-s hasou, en d'aquère bile, le reputacioun d'un esprit estiglant é qu'y an goardat loungtems lou soubeni de le soue poulitesse fignoulade é de le soue paraule sabrouse. Le segounde Republique darroucade, lou sous-prefet qu'estou �Auta léu que tourna gaha-s lou camin decap enta Sente-Marie. Mé le nabèle qu'ère deya counechude. Un cousin soun, lou chirurgién Dabadie, qui l'abé en hàsti, que l'atendèbe à le trubessade de Lane : — « Adieu, sous-préfet destitué », s'ou disou. Lou sous-prefet, encoère qu'estoussi destituât, ne les abou pas en serques : — « Adieu, grosse bète indestituable », s'ou respounou. E, hay ! chibaloun, que segui lou camin chéns s'arrebira, sus lou cabrioulet ringueyan qui-abé lougat. Lou nous omi, coum dits l'arrepouè, a tout pléc que sabé trouba le birade : Le republique que l'abé hèyt un cop sous-prefèt ; l'empire qu'en lou hasou u gn'aut cop. Qu'estou noumat à Verdun. Aqui, coum à Dax, que s'amucha courtés, aymable, é sercit d'esprit dens lous souns debis. Ta plan, qu'un your, en s'en tournan de Paris, que biatya dap ue madame qui-ou trouba tan armigalhan, que 'n arriban à le gare de Verdun ère que boulou sabé lou noum dou coumpagnoun qui l'abé hèyte passa ta biste e tan agradibemén les ores de camin de hé. — C'est notre nouveau Sous-Préfet, s'ou disoun. — Vraiment ? Merci ! Je l'inviterai à mes thés. Atau hasou, é mélhou encoère, puchqu'ou balha en maridatye le soue hilhe — Mamiséle Martel et — dap méy d'un milioun de liures d'adot. Isidore Salles qu'ère un balén. Lou riché nou tira pas lou gous dou tribalh. Que damoura sous-prefet quauques téms encoère, puch qu'estou noumat préfet dou departemen de l'Aube. Aquiu tabey que sabou ha-s ayma de touts lous qui-ou counechoun e qui poudoun rendé-s counde de les soues riales qualitats. Qu'abèbe l'amne d'un pouéte. Qu'at amucha en publican, à Troyes, un, sarrot de pouesies francèses, plègnes d'armounie, qui-ou hasoun lou renoum d'un omi dous mey aletrats. De Troyes, que s'en ana 'nta Paris, directur de l'Emprimerie naciounale. Au cap de quauques més, que tourna 'sta préfet, dens lou departemén dou Haut-Rhin. En 1870, que quita lou hourbàri "de le poulitique e les trabes de l'administracioun : que boulou esta libre de tout en tout. Moussu Thiers que l'ofri emplecs dous mayes : n'en boulou pas nat ! Aban d'esta crouchit p'r-ou bielhé, se disèbe, qu'abé lou tesic d'emplega lou soun sabé-ha au soun grat, e de tribalha coum lou méy ou plasèbe. Que s'ocupa doun de finances, é qu'estou causit coum presidén ou administratou d'un héyt de Coumpagnies. Aquets emplecs que l'obliguèben a courre cabbat touts lous péys : en Angleterre e en Belgique, en Italie e en Autriche. Més le �soue pensade ne quitèbe pas lqu cor de terre oun-t ère badut. Au countrari : méy en ère lougn, méy qu'où semblèbe de l'ayma. Au coût d'un bagoun, ou dens ue crampe d'«hôtel», et que prenèbe plasé en souneyan a le soue youenesse e au soun laré de d'auts cops, aus bielhs camerades, au broy péys de Gosse, à l'Adou, au Gabe, au Bagn bourén de Dax. E qu'e labets, à cinquante ans, qui coumença à musiqueya en lencou mayrane. Qu'é doun au biroulis dou camin de hé qui'scribou la maye part de les soues pouesies gascounes, tan amigalhantes e gauyouses. Qu'en hasou d'abort regala lous abounats de quauques journals dou péys : « La Revue des Basses-Pyrénées et des Landes », « Le Rural », « La Croix des Landes », etc.. Mey tart, en 1885, qu'en hasou dus libis : l'un, titulat : K Debis Gascouns, Adou-Gabe-Nibe », l'aut : « Gascounhe. Le Brabe Yén de Noste. » Quént ère préfet ou sous-prefet, Isidore Salles que hasèbe, de quoan en quoan, un tour au peys. Qu'aymèbe à-s trouba, à SenteMarie, dap lous dou sou atye ; qu'ous aprèbe cadun p'r-ou sou noum, que debisèbe dap éts en gascoun, e qu'ère countén d'ous menta lous pisnets, lous escàrnis e lous patacs de quént èren còchous amasse. E lous de Sente-Marie — brabe yen, labets ! — qu'où merquèben amistat e respec. Lous bielhs que diseben encoère, qu'y a bint oubint cinq ans : « Qu'éri dou sort de Moussu Isidore », ou plan : « Qu'éri dus ans aban ou dus ans arroun Moussu Isidore. » Toutun, maugrat lou soun riché, maugrat l'amou qui-abé ent'a le « Maysoun Blanque » — qui s'é bénude e arre-benude — lou pouète nouste n'a pas abut l'idée de le croumpa, enta-y tourna saluda, lou co esmabut, Le. crampe aus cabirouns touts nuds Oun lous meynatyes soun baduts, E le may morte ! Que s'é acountentat de dise a l'amie qui-anèbe chens et au péys : Dou cassourat ou dous lambrots Oun cantaben lous carnirots, Coupé-m u' branque ! Disém, en claban, que lou nous broy pouète lanusquet qu'abé ue gran deboucioun enta l'emperadou darré, e que l'emperadou que boulou ha-u aunou, puchque dacha le princesse Matilde esta le mayrie de le soue hilhe. Aquére hilhe, mey tart, que-s marida dap lou coumte Benedetti, hilh de l'ambassadou de France a Berlin en 1870. �— 23 -r Moussu Isidore Salles qu'abé tabéy un hilh. Que l'an bis un cop, à Sente-Marie, dap lou soun pay. Qu'ère, labets, un youen ouficié de cabalerie. Isidore Salles qu'es mourt à Paris, en 1901. Lou soun pourtret, embiat per la béude, que-s trobe a le gran sale de le maysoun coumune de Sente-Marie-de-Gosse. Eugène LAVIGNE Léopold LACOUTURE. II Escarrabilhat coum un péch e amistousot coum nat, qu'abé hèyt coum lous maynadjots dou soun téms : parla gascoun, ha passa pou à la may e arroun aco minja-sé-lé de poutouns, courre lous plèchs e desnisa lous ausèts, espérissa las culotes à boulé atrapa cérises, esquilhots ou ha passedés d'ana pana cauque arrasim, ha bisca lou réjén, ana dab lou payrin au marcat de Peyrehourade, ségui las espourguères oun se hasèn coundes de loups garous à ha arissa lous péus s'ou cap, tchéne la coude au péle porc chén ploura brigue, chuca tan qui poudè à las poupes de la bite gascoune, qui labéts ère la bite de touts, grans e pétits, de la Garoune galupère à la mountagne couhade de nèu. Aco qu'abé hèyt. Tout so de case, tout so dou larè gascoun que l'ère entrât p'ous oélhs e per las aurelhes e que se l'ère damourat bertadè au cap e au co. Lou ray aynat, Alexandre, que s'abè pourtat juste touts lous prêts au coulèdje d'Ayre (1827-1833), oun ère escouliè dab moussu Coutin qui debè esta prencipau dou coulèdje, e Dzabiè de Laborde, qui debè esta mayre de Sén Sébé, counselhè jenerau d'Ayre e députât de las Lanes, e qu'ère partit enta Paris apréne à esta médecin coum lou pay. Isidore, lou caddet, que ba préne la place de l'aynat (1834-1837), au coulèdje d'Ayre, oun se boute prumè dab Lucien Lagleyze qui débè émbénta ue sténographie, damoura-s mey de bint ans proufessou de Philosophie e mouri meste canounje dous canounjes d'Ayre. Qu'anèbe passa à la troisième coan lou pay s'ou mouréch e dèche lou praube Isidore chéns ajude. Lou gouyat ne hè pas ne ue ne dus. Qu'ère s'ous sedze ans. Que part enta Paris tira-s d'ahas tout soul, e, dab lou diplôme dou soun ray, que-s boute proufessou én ue boune maysoun de meste. Ta plan que-s débirèn las causes que proufessou e eslhèbe e-s présénten amasse au baccalauréat e amasse passen bacheliès : Isidore Salles qu'abé lou pè à l'estriut. Se lou ray aynat se-n tourne à Sénte Marie de Gosse esta médecin, marida-s e mouri chens décha familhe, Isidore que houruque à Paris, e, au truc de la gahe de la Rébolucioun de 1848, qu'arribe à Dacs dab lous galouns d'arjén de Sous Préfet. Oéyt més e ue sémane, prou ente bése la Houn caute qu'ère lou baromètre de �— 24 — Dacs, que damoure e qu'atrape à esta lou Peysan de Cagnote qui tourne las pères au sac au Peysan de Grenade, mey tard Y Henri de las Teulères. Lou binte coate d'Abriu 1849, que dèche la Gascougne e se-n ba courre la patantène de las places dou goubernemén, oun lou qui e-y disne ne sab pas se-y soupera. Sous préfèt à Verdun, que passe préfet à Colmar, e, per la fin, lou Napoléoun que se l'apère à Paris oun lou plante Directou de la Presse. Aquiu, l'Isidore que-s bésè, à cade matin qui lou boun Diu hasè, arriba lous mestes escribans dous journaus e journalots de Paris, qui s'assiétaben coum escouliès déban ét e escoutaben so que calé dise de la poulitique au puble de France e à l'estranjè. Aco que l'amusabe hort de bése lous grans calamayres de quét téms balha-s pataumades.e tira-s margagnes dinc à ét qu'arribèbe, e, taléu coum lou bésèn, assieta-s coum hasèn lous drôles à l'escole dou réjén, moussu Lacoste. Lou hilh dou médécin de Sénte Marie de Gosse e l'escoulian dou coulèdje d'Ayre ne s'aberé pas jamé pensât d'abé ue aunou coum aquére e qu'aymèbe à counda, coan tournabe per Ayre, so qu'un cop abè bis. Lous journalistes que hasèn aus cops de léngue e à la gniquegnnque, coum lous drôles dou coulèdje, coan se bésen éntra Louis Veuillot, toustém surious coum un philosophe, lous papès d'escribe débat l'ache. Sén Marc Girardin que truque las mans e que dit : « Caram-sé touts : assi qu'am lou nouste meste ! » E touts de-s cara e de bâcha lou cap ente saluda Louis Veuillot, qui passe toustém surious dab un arrisoulèt enta cadun. Un cop ous a assietats, Isidore Salles qn'ous esbarje so qu'abé aus dise e lous journalistes que s'at amassen dab lou calam coum lous'pioucots s'amassen dab la punte dou bèc lous grouns de milhoc qui la daune ous barréje ente s'ous apastura. La guerre de 1870 qu'abé tirât de place Isidore Salles qui, riche de las parts de la hemne, counéchut pramou dous grans émplécs qui abè abut e aymat pramou dou soun sabé-ha, n'abè pas mey sounque a-s décha ha : lou "pan que l'arribabe tout gagnât. Ue troupe de Souciétats de finances qu'où boulèn bouta sé-u administratou, e, coum ne croumpabe pas mey lou pan à la liure. qu'anèbe à Loundres, Biène, Berlin, e que galoupèbe l'Europe coum, esta maynadje, galoupèbe camins e bire-plécs de Sénte Marie de Gosse. Se-n sabè, dous qui l'abèn aydat esta maynadje, qui aboussin besouy, que-n lous balhèbe aymablemén én lo-us dise qu'at poudè ha. Aqui la bite, adare l'òmi. Ségoutit de place én place, de saloun én saloun coum lous calhaus de l'Adou soun ségoutits dou soum de la mountagne à las planes d'Ayre e de Chalosse, Isidore Salles que s'abè perdut tout so d'agut ou de peysantè qui poudèbe abé de pétit aban, e que �— 25 — s'abè amassât manières poulides qui sab coan : que s'ère hèytl'ômi aymable, serbiciau, arrisén, jamé carquiu. Meylèu pétit que nou pas gran, prim chén n'ésta, qu'abé care fine dap un pa de oélhs esclarits qui-n disèn mèy encoè que nou pas la lénque. Fin coum l'or, toustém bestit coum s'ère diménche, boun coum lou boun pan, mes malin coum un gat e gascoun dinc 'au cap de las uncles, qu'ère lou plan bis pertout oun lou poudèn abé. Las poulitésses las rney margagnouses qui poudèbe ha qu'èren bertadères poulitésses, pramou se-y hiquèbe esprit ne-y hiquèbe pasmalici; aco n'at abéré pas boulut per cén canouns. Un cop dues bielhes damisèles — qu'èren las damisèles de la Ville Mirmont, — lèses à nou pas s'esta jamé poududes marida, qu'éntren à la Maysoun Blanque. Isidore Salles que las arcoélh dab coumpliméns qui las estoumaguen e qui estoumaguen éncoère mey la bère-so qui ou dit. un cop las dues damisèles partides : «Praube Isidore, e-b trufats de jou ou de qu'ères damisèles ? Que-n lous abéts balhat coum hèts à jou e n'èm pas brique parières. Que sabèts aquéres damisèles que soun lèses coum lou pécat dou dibès. — Praube amigue, se respoun Isidore Salles, aquéres damisèles touts que- h hèn à la patibourre. Déchats-mé un cop au méns ha-les plasè : toute la bite qu'en soun estades desbésades. » Isidore Salles qu'abé passât proche de cinquante ans hore Gascougne : lous oeyt més d'esta sous-préfet à Dacs coundaben pas. E doun, pertout oun ère, la moumbrance de Gascougne qu'où séguibe e qu'où hasèbe un cadre — oéy que pouyrén dise un cinéma — de tout so qu'abé bis e énténut à case, én esta maynadje ou gouyat : labéts que-s gahèbe lou calam e qu'escribè so que lou cinéma dous soubenis ou hasè passa déban lous oélhs ou lou co, pramou que-y bésè dab lou co austan coum dab lous oélhs. Aquére baléntisse gascoune que-ms a balhat dus libres qui caleré qu'èren à tout larè de Gascougne : Dcbis Gascouns e Gascougne. Paris qu'abé destintatun cop ou aut s'ous moûts mey que n'aberé calut: mes toustém lou Gascoun que l'abé lou dessus. Un binténat d'ans prumè de mouri qu'ère tournât au peys e juste tout an après que tournèbe. Lou soun plasé qu'ère de débisa dab lous qui èren anats à l'escole dou soun téms e de tourna ha de bères boucades de mesture. Lou ray médecin, qui se l'ère mourt, que s'at abè tout déchat à la hemne qui s'at déchèbe à la soue paréntat d'ère, e l'oustau de case que cambiabe de meste : aco que-ms a balut la Maysoun blanque, so de mey beroy qui sie sourtit dou calam dou meste Isidore Salles. Tourna bése un amie de coulèdje. qui damourabe Ayre, que-n abè hàmi e set. Qu'arribe én so de mous Henri Du Moulin de Labarthète, qui ère estât procurur de la Republique, lou soun cousiot, hilh de damisèle Pouydenot de Prous : lous de Prous, �26 Isidore Salles qu'ous tagnèbe. De countén qui ère de tourna ha crouchi dus pots au bielh canounje Lagleyze — ne s'èren pas bis désempuch aoûs 1837 — que l'abè boulut serbi la messe : qu'ère aco lou 28 de Sétéme 1890. Qu'abèn dit au richard de Paris que au meste canounje Lagleyze lou pan que s'ou tourrabe au hour, Isidore Salles que passe à la man dou biélh amie un bilhét blu de cén liures e qu'où dit : « Que-m diséras dues messes, Lue ent'ous amies e Faute ent'ous énémics qui pouch abé. Aquet matin, lou pan qu'ère estât caut au hour dou brabe canounje. Tournât à Paris, que l'abè hèyt ue pouésie qui lhèu publiqueram un jour. Aco que muchel'òmi qui ère Isidore Salles, braboulas, aymablot, agradiu, qui, dab loun pétit èrt fmot, arrisén e proupét, sémblabe esta un boun paysan de Gascougne passât gran moussu. Que disi jou? Gran moussu e pouète qui a déchat ue obre Gascoune qui ou baleré ue bère peyre à Dacs. Quantes qui-n an ue e ne l'atrapen pas au cabilha ! Coan p'aji dit tout an, à l'amassade dous Lanusquéts de Paris, Isidore Salles que lejibe ue pouésie gascoune atramade e téchude esprès e qui hasè toustém mey que plasé, que saberats juste tout so qui sèy dou nouste gran pouète, hilh de Sente-Marie de Gosse e dou coulèdje d'Ayre, Gascoun de Gascougne à Paris coum pertout, e papoun de la nouste Escole Gastou Fébus, qui a hèyt érétère de toutes las soues pouésies, escriutes à la man, la Souciétat de Borda, de Dax, bielhe banlèu de cinquante ans. {Parla de Lanes) C. DAUGÉ. ^Cg. Au peys de Gosse Lou peys de Gosse, enclabat enters-e-miey l'Adou, lou peys d'Orthe, lou de Maremne e lou de Seignanx qu'es un dous mé béroys corns de las Lanes e lheu de la Gascougne. Touts lous félibres biarnes e gascouns que saben que lou nos troubadou lanusquet, Isidore Salles, qu'y ey badut, en SenteMarie, la mey escricade de las très parropies dou peys de Gosse. Lou trétse de héurè qui arribe que sera lou centenari dequére badude. Aquet yourn, lous félibres que bourran hesteya lou nos méste e que s'en haran, bissé, le camade de Sente-Marie... Lou pount de Lanne trubessat E lou Cahurt un cop passât, que s'en aniran, de cos ou d'esprit, tout dret à la Maysoun blanque. Qu'y seran arcoelhuts per lous esprits de touts lous défunts : l'Isidore �— 27 — Salles qu'y sera, embaramat de glori, au miey dous souns tagnens, dous amies e counechenses d'auts cops : toute le Brabe yen de noste, coum disé et. Au ras d'et : soun pay, sa may, soun ray, sa so, la bielhe gouye Yanete... e lou bet can Bayounc. A man drete, tout un eschami de hemnes e gouyates : le Marceline dou Cahurt, l'ertère de Bulette, le Ninète de le Teulère, le daune dePrat, le Yane de Mancestat, le Yanètede Peyrous, le nore de Larribau, le torte de Pedardit, le Ninote de Buga, Marioun, le brune, les dues sos de Guillemin, le Catherine dou Castet, e d'autes. A man gauche, lous omis, yoens e bielhs, tout mesclat : Yan de Hourcade, lou tichené ; Dubedat, lou caperan ; Lacoste, lou reyen ; Salbat Bignoun, lou mèste de poste ; lou baroun d'Olce, lou doctou Depetoun, Quiro, lou cantayre ; Rous, lou cassedou; Peyrous, lou coundayre ; Yan de Hiquet. lou poupe-piquepout ; lous mouliès de Gayrosse, de Marticot e de Carmentroun ; lou talhur de Burosse, lou mé famus de Gosse (qu'ère soulet); Yan de Bartelayre, lou gran bantayre ; Nini Duhart, lou courdounié d'Arrihourcat ; lou Bermis, arrauyous countre lou camin de hè ; e d'autes encoère. Touts en bouluc que partiram de le Maysoun Blanqne enla e en arredisen lous Debis gascouns que-s passeyeram capbat lou tue de Bounehount, la lane d'Arrihourcat, Capdepount, l'Estanquet, Hourgabe, Perdoun, Begores, Chin, Caminnau, Butelle, Peloun, le Teulère, Borse, Mancestat, Prat, Peyrucat, Castet, Buga, Burosse, Bordus. En passan que saluderam lous Bielhs amies Baduts en lous bos, lous casaus En lous cams, en les arribères : lou higuè d'Artiguenabe, lou castagné de Guilhem, lou bèt poumé de Begars, lou cerisé d'Aspremount, lou perchegué de Caumount, lous cassous de Labat, lou pesqué de Casaunau, lou cassou-courcié de Hourmat e lou pin dou Luc Patroun de le countrade, Coumplice dous yourns amourous, Parasol dous amourous, Bielh camerade ! E lou yourn que sera biste passât. S'ou truc de sou-couc, à l'ore oun soumbrusque bachi dou céu enta apriga la ma grane, las mountagnes puntagudes, lou Bascoat, las arribères dou Gabe e de l'Adou e tout à l'entourn, coum adichat au nos Gran mèste ta plan aymat, qu'où diram touts en co : B'aymen plan, lou Biarn, le Lane, Le Nabarre, aus parlas ta dous, Petite patrie aus bets sous ! Mé qu'aymen encoère mé la grane ! Lou 30 dou mes mourt. {Parla de Lanes) S. LACOSTE. �Las Létres Lous amies de la bère pouésie que s'an croumpat las obres de Yan Batiste de Begarie e qu'an début leye dens lous yournaus (e parié dens l'Action Française dou 30 de Noubémbre, u article d'Orion) quin, aquéres payes d'u gouyatot, proumetèn u escriba sabent e hort, u òmi de pés, u rebiscoulayre de la Gascougne. Quoan n'y a qui s'at an dit ! En soubeni e aunou d'aquet amie tuat, que hara cheys ans au 17 de heurè, que causim aqueste létre, qui n'aberé pas besougn d'èste sinnade, e oun recounecheran lèu lou cop de calam castigat e nouble de Mous Auguste LabordeMilàa : Paris, ce 31 Octobre 1920. Mon cher ami, . .. Par ailleurs, comme, certainement, après demain, jour de la Commémoraison des Morts, vous penserez tristement à ce cher Jean-Baptiste Bégarie^je veux vous dire que ma pensée s'unira à la vôtre, et vous dire aussi combien je vous suis reconnaissant de m'avoir fait connaître de plus près, et aimer (ce qui est tout un), ce glorieux enfant. Comme il était poète ! poète dans tous les sens du mot ; surtout dans son sens indéfinissable ! On sent bien qu'il a été touché par le rayon divin, et que ses sentiments, tout naturellement exprimés dans la langue maternelle, prenaient tout naturellement aussi, une forme musicale et imagée. Et comme à ces dons, à ce « génie » il ajoutait un talent, un « métier » qu'il pratiquait avec amour, que n'eut-il pas donné ! « Les fruits auraient passé la promesse des fleurs... » Pleurons-le donc comme il mérite de l'être !... A. LABORDE-MILAA. «ê^So La Boune paraule Si les peuples du Midi de la France, dans les classes inférieures, ont plus que ceux du Nord de ce qu'on est convenu d'appeler de l'esprit, une conception plus prompte, une expression plus vive et plus originale; la raison en est, je crois, que les premiers ont une langue à eux, et non pas les autres; les méridionaux parlent très bien une langue qui leur est particulière, et les peuples du Nord parlent très mal une langue qui n'est pas la leur, puisqu'ils n'ont pas pu en suivre les progrès. Les uns possèdent mieux que les autres l'instrument de la pensée, et les peuples du Midi parlent mieux leur idiome que le peuple picard ou normand ne parle le français. Cette observation s'applique aussi aux Basques, renommés par leur esprit et leur vivacité, et qui parlent aussi leur propre idiome. DE BONALD. �La Dinerole Balhat en presén ta-d ayda a l'obre de Febus : MM. E. Bernès-Lasserre Louis Sentous, à Los Angelos Abat J.-B. Laborde, à Bruges P. Laborde-Barbanégre, à Pau j.-V. Lalanne, à Bidache M. Camelat, à Arrens Amasse Darrère listre Amasse 50 10 10 10 10 10 » > » » » » 100 » 400 » 500 » E bedéts, amies counfrays, quin èm riches? Mercés a la boentat de quauques escouliès qui saben que chéns drin de suberpés ne pouyrém pas ana hère loégn. Nou, dab las dèts liures de coutise, ne hèm pas tout doy sounque yunta. So qui la brabe yén e balhen en sus, que ba serbi ta las recoumpénses dous Yocs d'Orthez : que bam recébe hère de coumpousissious de tout escantilh e que s'en ba calé medalhes, flous e tout lou restan enta flouqua lous caps d'obre qui ban poussa dab las flous dou printéms ! Ourbits doun la bousse, touts loiis qui poudéts. E toustém, Febus aban ! J.-V. L. Reclams de perquîu Lou Musée pirenenc de Lourde. Se-s bam desbelha dou nouste pesant droumi ? Qui sab. A l'entan Lourde que ba establi sus lou sou roc, oun s'ey pausat lou bielh Castèt-hort, u musée pirenenc. Aco nou sera pas ta ha dou tort au Musée de Maubesi. Mes, coum lou mounde sancé arrecoutech à Lourde, be eau ha counéche que la nouste naciou qu'a aute cause que marchands de lèyt de crabe e oussatès qui hèn dansa l'ours de la tute ; que-s sabera bessè que la Gascougne qu'a escribas esberits, e artistes de toute ley. Toutes las richesses dou païs qu'aberan la loue mustre dens las sales dou castèt ou sou turoun qui-s miralhe hens lou briu dou Gabe :. Marmes) metaus, arbes, flous, herums, auseralhe qu'y seran, e tabé las bistes miraggléyantes. Quauques crampes mublades qu'amucharan l'òmi de plane ou de mountagne dens las ores de la soue bite bitante : au batiòu, à las nouces, aus mayes tribalhs. Dens u libiè que seran lous libes qui an debisat de la lane, de las arribères e dous pics blanguinous. Lou Touring-Club que hè abances de dèts mile liures e n'ey pas �— 30 — trop dise d'assegura que lous touristes, doun cent mile ou men debaren en gare de Lourde cade estiu, que balharan, à ue pecete per cap, dequé ha praba l'obre coumençade. Qu'ey tau dilus de Pasques 27 de Mars qui s'en déu ha l'estrée. Mes qu'anounçaram tout aco en aloungan drin mey ta l'aute cop. Obres en biste. Lou proufessou Edouard Bourciez qùe hè lou sou cours d'augan à la Facultat de létres de Bourdèu sus « le type du gascon dans la littérature française » doun lou mèste ensegnadou se balhara quauques payes dens lous Reclams, aqueste estiu. C. Daugé qu'ey en tri de coupia cartes dou ségle xniau de l'abadie de Bonefont; tout aco taus benedictis de l'isle de Wigt en Angleterre. De mey qu'a idées d'amassa, en u recoelh, las istòries, coundes e arrepoès qui tagnen à Couhet, au pè-hourcut malecarous, doun debisen tan souben las noustes mayranes : Lous qui-n sapien que soun pregats de l'at manda. S. Palay, doun l'obre de pouésie Lou blat madu, ey prèste que y a dies, que bou, abans de larga lou sou gran libe, ha-n u petit dab las soues cantes reliyouses qui apère : « Las Pregaries e las gracies ». D'aqueres trobes : Lou Plagn dous de Siou, Laus, etc., qui soun dauneyantes e d'u talh nabèt dens la nouste literature, qu'en parlaram talèu que lou tribalh de l'emprimayre aye biste la luts. Lou Gentenari d'Alexandre Langlade. La mode qu'ey aus centenaris e nou y-a pas que plagne pusque, à d'aquère coustume, e debém ceremounies qui tournen à ha baie quauques amies de la Terre d'O. Lansargue, petite bile dou bach Lengado, qu'ère dounc en hèste lou 2 1 d'Ouctoubre darrè, per bèt die de sourelh d'abor. Qu'estreaben la pèyre marme estacade à l'aunou dou sou pouète paysa badut aquiu en T820. De d'ore, P. Vezian, lou capdau de YEscole dou Vidourie, qu'ère anat arcoélhe lous amies de Lengado e de Proubénce, la rèyne dou Felibridye MWe Marie Vinas, lou capouliè Fallen, lou D°u Vinas e A. Arnaud, félibres de VEscole Gastou-Febus, lous cabaliès de la « Nacioun gardiano » e tabé u echam de gouyates d'Arle. Que parlèn ou cantèn : L. Abric, L. Fourmaud e Fedières, lou cansounayre de Mountpeliè, qui aplaudibem l'aut cop à Pau en 1901. Hère, hère beroy, mes, are, quoan bam poudé léye, nous auts, dens ue ediciou à bou marcat, las obres causides d'Alexandre Langlade ? En Ecosse. Boulouns ou nou, tout cadu, au die de ouey, que sap ço qui ey lou foot-ball. Pocs que soun, doungues, lous qui n'an pas après que lous francés qu'anèn, u d'aquéstes dies, en Ecosse, acera haut, per delà l'Angleterre, enta y ha ue partide, doun sourtin mèstes, sic dit en passa. Lou sé, que y abou banquet à la loue aunou e, u cop las trin- �gades hèytes que calou canta. E sabét qu'ey ço qui entenoun, labéts, lous Ecoussés? Aquéres Mountagncs e Bèt Cèu de Pau, représ en chor per touts lous françés, gascous ou nou. E tè ! auta pla que hè gay d'apréne d'aqueres causes... Lou Teatre nouste. Lous gouyatots dou patrounadye de Sent-Bisents de Salies que yougaben l'aut die : Lou Crit de la Race, la pèce toucante e enayreyante de Mous Auguste Costedoat. Las Rebistes. Qu'en abém u palhat e qu'en debisarém hère, mes quoan ne caleré payes dous Reclams ? Que-s countentaram doungues de chic de paraules sus cadue. Notre Gascogne, d'Auch, qu'a dat quauques estudis dou nouste sabent counfray Mous de Bregail sus Pèy de Garros e Dastros (1594-1648). — Hens Lou Felibrige de Malhane, que troubam lou counde de l'inouguraciou de l'estatue de Mirèio à las Séntes Maries. N'ey pas estupade la paraule félibrénque e aquet die, daban la béude dou mèste, lou capouliè Fallen, lou marqués de Barouncelli, Jan Grand e F. Mistrau nebout (e cap d'oustau dou Mas dou Juge) que saboun dise ço qui calé dise. — La crounico de Sent Maiâu, dou Poey en Belay, que da lou counde de l'amassade de l'escole félibrénque d'aquet païs tan pla mestreyade pou beroy pouète Boudon-Lashermes. — Lou Gai-Saber, de Toulouse, que publique d'are enla lou pouémi : Sent Exupère per Simin Palay. —Le Réveil Basco-Béarnais, que tourne de paréche à Paris e que serbéch de ligami enter lous amies dou Biarn : Mous L. Franc qu'en ey toustém lou segretari. — Salies-Journal, que da en cade numéro u counde d'Al-Cartero, lou puchant pouète saliè, e, despuch l'estiu, ue noubèle hère beroye : La Bertranete de Sent Bisents. — La Revue de Gascogne, numéro de Noubembre 1920. Qui-ns e disè que l'abat Dégert, directou d'aquère rebiste d'erudiciou, qu'abé sus la balou dou parla de Gascougne, las mediches ideotes que Mèste Léonce Couture? N'at sémble pas mey en léye lou rendut qui balhe dou libe de pouesies : A Perucades, dou capera de Dihort. Que yougari, cinq liures countre cinq sos, que lou proufessou de la Facultat de Toulouse, qu'ey u coumbertit de l'abat Daugé. O bé ! Le Démocrate Libéral, le Franc Parler. Abans la guerre lous yournaus de Pau, que daben, cade semane, létres ou coundes en léngue maj'rane. A l'entan que s'y tournen, que s'ey agradiu e bou de dise qu'à Orthez las tradicious dou païs que-s mantiénen. Qu'y calaméye, au Franc Parler, Edouard Moulia, l'eretè dou calam peberat de Nostradamus e dou calam sabourous de Yan dou Bousquet. En mey, coume ue aubade qui daban- �— 32 — téye las hèstes d'Aoust, l'abat J.-B. Laborde que balhe, en biarnés, ue seguide de Prouseys dens las dues hoelhes orthesiennes : Le Démocrate Libéral e Le Franc-Parler. Despuch l'abor que y-a trattat dous anciens escribas de Gâscougne, de la badénee de l'Escole Gastou-Febus, de l'ourganisaciou felibrénque, e, d'are enla, que balhara endiques susloutras dechat hens la nouste litefature pous mèstes qui an biscut aus entours de l'arribère d'Orthez : Lescun, Hourcadut, Seignor, D. Lafore, P. D. Lafore, U. Palàa, A. Planté e d'autes. L. R. Lous Libes Armanac de la Gascougno, 1921. — Que couste dits sos e, per la poste, quinze sos, enso de Cocharaux, emprimur, 18, carrère de Lorraine, Auch. Nou ban pas trouba las belhades loungues, lous Gascous, en se cauhan lous cabilhâs penden aqueste fî d'iber. Que parli deus Gascous qui an abut l'abisamén de croûmpa Y Armanac de la Gascougno ta 1921. N'éy pas u Armanac, mes u libe deus bentourruts, cougnit de cansous, de couyounades, d'arrépouès, de counsultes de bielh pousouè, de tout so qui pot tira coum eau l'abeyè e lous qui an la mèusse malaude n'an pas besougn de despéne dinès t'ana cerca nade poutingue : nat rémédi coum u bente d'arride, e l'Armanac aquet que-u balhe dab abounde. Lou Cascarot qu'en sab toustem de bounes, d'aquéres qui semblen « lou piquepout d'Armagnac qui pétrilhe hens lous beyres coum uc halhère de Sén Yan ». E lou Daugé dab lou sac de haies ? Aquére qu'éy plâ f... ichude ! E lou Ceset, e lou Dambielle, e lou Caddet e lou Girard, touts que s'y hèn au mey ha coum claquèts de bargue. Hardits, lous Gascous ! Que-y a tabé per aquiu u talhuc chucous de Mourte e Bibe, de Camelat, doun se poden léca lous pots lous leyedous, quoan séren autan gôurmans coum Moussu de Bouhobent. L'Armanac que couste dèts sos, coum las counsultes deu suryén Drougan, mes cade istoérote que bau la pécéte e, à d'aquet coumpte, que-s pot dise que lou croumpadou nou pague pas soulamén lou papè. J. B. L. NABÈTHS COUNFRAYS Mmes Bories, à Soorts Hossegor (Landes). Ohyamburu, institutrice, à Capbreton (Landes). MM. Puyo (Fernand), sellier, à Arzacq (B.-P.). ïachoires (Alphonse), maire de Loubieng, par Orthez. Escoula, instituteur, Ecole Jules Ferry, à Bagnères-de-Bigorrc. L'Emprimayre Mèste en pù : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 25, n°02 (Heurè 1921) Alternative Title An alternative name for the resource. The distinction between titles and alternative titles is application-specific. Reclams. - Annada 25, n°02 (Heurèr 1921) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - février 1921 - N°2 (25e Année) Creator An entity primarily responsible for making the resource Laborde-Barbanègre, paul Salles, Isidore (1821-1900) Lavigne, Eugène Lacouture, Léopold Daugé, Césaire (1858-1945) Lacoste, Sylvain (1862-1930) Laborde-Milaa, A. De Bonald Lalanne, Jean-Victor (1849-1924) Laborde, Jean-Baptiste (1878-1963) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1921-02 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2695">http://www.occitanica.eu/omeka/items/show/2695</a> INOC_Y2_10_1921_02 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel