http://occitanica.eu/files/original/0b558909c24299a805c5aeb6c50ffa55.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/e2295344ecbd073d425776e749e42202.pdf 9a59c046d3c7ecfc74dd3d31e7930932 PDF Text Text 27au Anade. Garbc de 1923 ■8 LAS HÈSTES D'AUCH Lous çounfrays que sàben que la hèste nnnau de l'Escole Gastou Febus que-s hara, lou darrè diménye d'Aoust, en bile d'Auch, cap-d'ulh de la Gascougne, Coum touts ans, lous escouliès qu'y seran atrebits e gauyous, assegurats d'abance d'esta. coum pertout, beroy arcoelhuts. Auch qu'esté de tout temps en-çà u larè de sapience e de poésie gascoune. Lous esprits fis, lous bous poètes de lengue mayrane qu'estoun, que soun, autan numerous en aquet cantou de France qui s'apère adare le Gers, qu'en nad aute païs qui sie ; nade proubîncie, au sècle darrè, n'a dat omis qui surpassen en balou J. F. Bladé, l'abat Couture. A. Lavergne, Ph. Lauzun. ni poètes mey gauyous que lou medeci Cassaigneau, que lou charmant toucayre de la Flahuto Gascouno J. M. Noulens, ou que lou sabrous cantayre Laclavère, ta nou parla que dous défunts. Aquets omis, en u moument, que hasoun d'Auch ço qui apèren bitare en francés « un centre intellectuel » de permère balou. Lous biarnés que troubaran aquiu, mercat à cade pas, lou soubeni de l'intendant d'Etigny e de Mounségne de Salinis, e lou mounde qu'ous parlaran dab gratitude dou qui 'stou l'amie de touts, dou brabe Moussu Bibal. Lous bius que soun trop modestes e que m'en boulerén si disi d'ets,aci, tout lou bé qui-'n pénsi, mes qu'ous couneguém e que sabém ço qui balen : lous anciens qu'an aquiu omis qui nou dèchen pas escourre lou bé ; l'aretatye qu'ey en bounes mas. Qu'abouy lou parât de passa per Auch Faute niés ; que bedouy quauques amies e que tournèy parti dab l'assegurance que l'amassade d'Auch que seré digne dou cap-dulh de la Gascougne. S. P. . P. S. — Despuch lou nabèt serbîci dous tris, Auch qu'ey pla serbit de tout coustat : qu'ey aysit d'y arriba biste e. s'en tourna ; lous tris qu'an courrespoundences assegurades dab toutes las granes « lignes ». — •s "j'f LA BOUNE si- PARAULE Boulé qu'ue léngue e tourne bibe, sénse boulé tabé que rebiscole lou pople qui la parle e sénse boulé qu'aquet pople bisque dens las coundicious necessàries ta parla-la, qu'ey parié coum de boulé qu'u mou-rt tourni de parla e encoère que parle sensé muda-s ne desgaha-s de la hosse oun lou coucaben. Picò i CAMPAMAR. �CAPS DE GASCOUGNE OUNOURAT DAMBIELLE Se hèy lou tour dous mes soubenis, s'ous apèri, lous soubenis de nau, dèts, ounze ans. e s'ous hèy bira dabans mous oelhs lou roundèu de las rebrembrances, qu'èy lou gay d'en y trouba dens lou roundèu enhouliat, d'aquéres qui-m hèn un sinne, d'aquets qui^bon dise : « Que-m counégues pas, mes... jou?E oèrde autour de tu. que-m tournes trouba cade jour sou toun camin pujant. Que souy lou qui te prengouc un jour per la man e te hou legi sou libe dou-quau debès legi cade page e sauneja-y dessus loungadomens. » D'aquets soubenis qu'en y-a un, ta jou, mes clarejant e mes puchant que lous autes. Qu'ey lou dou jour oun encountrèy pou prumè cop Ounourat Dambielle, orne d'accioun. Orne d'accioun, o, qu'ey bertat. Qu'aui dounc nau ou dèts ans, escouliè d'ue escole de Samatan en Couménges, d'ue escole oun lou mèstre (perdounat sie, sabè pas ço que hasè !) se tustabe sus dits cade cop que nous entenè parla « patoès ». Tau ey l'engenie naturau de la race que, maugrat lous bastouns e las puniciouns, gascoun que parlauem taplan. Lèu, un orne que lou boun Diu mandabe au noste secours que nous prenguèc en prouteccioun : aquet ome qu'ère l'abat Ounourat Dambielle. Coume s'arrenguè, coume hascouc, nou sèy, mes ço que sèy, qu'ey qu'un bèt jour de jugn tustèc à la porte de l'Escole e lou mèstre que nous tustaue sus dits quan parlauem gascoun (perdounat sie, sabè pas ço que hasè !) daubiscouc la porte e Mous de Dambielle que nous prengouc quauques-uns, lous qui parlauen « patoès » e que nous digouc la berou de noste léngue, soun istòrie e soun abéngue. De tire que nous hascouc hè un counde, ue bercioun e un thème sus las hiejades e que nous arrecoumandec de pas se desbrumba james la léngue dous aujòus. Qu'ey la prumère bictòrie, de jou counegude, de Mous de Dambielle ome d'accioun. Au sigu, desempey loungtems, aube tant bère nou s'ère lheuade sus Samatan, coume aquet jour de jugn oun aquet ome. h la barbe dou regent, aprengouc à quauques maynadjes que lou «patoès», que calèue pas parla, ère noste léngue que deuèm hè rebiue, maugrat lous horebandits e maugrat tout ço qui s'en pouyré dise. L'estiu que seguiscouc aquére hèyte, lous felibres de l'Escole d'ères Piratées, coundusits per B. Sarrieu, èren recebuts à Samatan. La hèste estouc bère e Mous de Dambielle, que belhèu �— i55 — passée per pèc aus oelhs de quauques-uns, besèue lusi lou mes beroy dous abéngues. E jou, perqué nou pas at dise, taplan m'en tirèy dambe un prêts de bercioun gascoune, ou quaucoum atau. Desempey s'es espassat force causes e la bite nous a trigoussats. Mes, jou nou-m desbrumbey pas mes lou qui, lou prumè, m'auè parlât d'ue cause tan bère que mous oelhs de maynadje ne hasèn un counde de hade : la rebiscoulade d'ue léngue, la rebiscoulade d'ue race. E, quauque tems apèy, quan rencountrèy las leçons de Mous de Medan (que s'ey carat dempuch !) à Gimount, èri déjà de l'oustau. Per tan que hàsqui, per tan de causes que s'espassen, nascudes dou tremouladis de la rebiscoulade noste, Mous de Dambielle que sera toustems ta jou lou qui lou prumè me digouc lou « secret». Parla d'et qu'ey ta jou parla d'un mèstre men, d'un amie. Qu'ey nascut à Sant Disiè, lou 10 d'Aoust 1873. Hasouc sous estudis à Gimount e à Auch e tournée en terre coumengése apey ne birade en Armagnac. Qu'ey à Samatan, Eue de las castelanies dous coumtes de Couménges, à Samatan fray de Murèt. que Moussu Dambielle a trabalhat e trabalhe desempey 1909 à l'obre de noste respelide. Ome d'accioun, qu'èy dit toutare. Ac tourni dise : Au countràri de force felibres, qu'a prés dou prumè jour la barre en man e la tenc toustems. Orne de la terre, milhou que nat a poudut espiga pous cams coumengés lous cabelhs perduts de noste léngue. E qu'ey la sue prumère obre, aco. Ue doudzéne d'ans, coume Verdaguer, a chucat la flou de la parladure per coumbes e tupès. De Moussu Dambielle se pod dise ço que Falguera dits au plus près dou poète catalan : Sab furgar per munis i planas, fins à trobar un mot o una rondalla coin quicerca una herba o uuapedra ». Las espigues dou Coumengés las counégui. Que soun hicades en garbe en mes de cinquante cachetés. Mots, arreprouès, birades, coundes, Dambielle a tout amassât e arrapat au mos dou tems destruidou. Lou qui boulera establi lou dicciounàri de la léngue gascoune, per tout ço qui toque lou Coumengés, que-s diura adressa à Dambielle coum tau Biarn à Lespy, coum ta las Lanes à Daugé, coum ta l'Armagnac à Sarran. D'aquet trabalh, a sounque publicat arreprouès dins YArmanac de la Gascougno e en ue broucadure, en 1920, oun se troben lous arreprouès dous doudze mes de Panade. Se pouyré téngue per countént e publica sous trésors, mes dèche à d'autes aquét soén : Qu'ey un ome d'accioun. E boute en prumè, coume deué de tout felibre, d'aquets qu'an coumprés Mistrau, la counquiste dou pople. Febus aban, ioustem en-daban ! L'ome qu'en 1909, maugrat lou maubbulé de touts, nous hasè ue leçoun de léngue, qu'ey aquiu, cap e tout. E ço qu'a tròubat de milhou ta « coumberti » lou mes �— 156 — de mounde qui-s pousque, qu'ey lou teâtre. Mes en Couménges y auè pas nade pèce. Coum hè ? Mous de Dambielle se hascouc ome de teâtre, hascouc coumedies. E ne hè encare : La Prumèro cscapado, La Caritat, Uno Belhado, Las Duos sourdos, Machanto cousino e quantes mes ! Daugé e d'autesan dit de las sues pèces qu'èren sensé « acciou ». L'autou at sab e nou s'engane pas sus la balou de sas coumedies. Sab que ta hè obre grane y eau bouta tout lou tems necessàri e lou tems necessàri lou boute à l'accioun. Lou teâtre de Dambielle, s'ey un teâtre que pèque per manque d'accioun, ey subre-tout un teâtre d'accioun : Que bau per la léngue e pou dialogue. Aquiu Dambielle qu'ey mèstre. Aquiu qu'a garbejat, qu'a escoutat, l'orne que sab la sue léngue que-s mostre. Enténe legi ue coumedie de Dambielle per Dambielle, qu'es un plasé de rey. Bertat, Vidouze ? Lou jour oun aura lou tems de s'atela à ue obre grane, à ue obre maje, proun que sera, segu, ue obre de la terre, ue obre de la race. Doumage que lous jours nou sien de 48 oures e las neys de 64. Doumage que Dambielle noun auje quoate mas, dues enta l'accioun, dues enta escriue. Lou cap qu'ey prou hort ta tout. Ome d'accioun, hè pas sounque teâtre. (E que-m eau pas desbrumba de dise qne hè pas sounque las pèces, mes que beng de hè basti un teâtre coum n'y a pas nat en tout lou païs de Couménges, un teâtre oun tout l'iuèr se jogue causes de Gascougne) hè pas sounque teâtre : Mous de Dambielle que s'ey hèyt editou. Lou teâtre e l'ediciou ! Y-a d'aco quinze ans hascouc un armanac que tiraue à 500 exemplaris. Auey ne hè cinq e tire à bint mile exemplàris. Desempey la guerre, clamen en francés e en léngue d'O; desempey l'an passât, un armanac nauèt ey nascut : Y Armanac Occitan que s'en ey parlât de tout cayre e que publicara cade an mes de causes nostes. Aquere questioun d'edicioun s'arrestera pas aquiu e qu'èm segus que lèu, dambe et, hiqueram de pès ue maysoun d'edicioun d'obres en léngue d'O. Aquiu n'ey Ounourat Dambielle, ome d'accioun, en l'an de grâcies de 1923. L'abéngue qu'ey dauan et. Que-m hèy aunou d'èste lou soun escoulan. Ismaël GIRARD, [coumengés-de-bach ). ■Î •• ' NABETHS gKSgi £>• COUNFRAYS MM. Durey (Marcel), capiscol de l'Escolo Gascouno, à Nérac. Fulbert (Abat), proufessou au roulètye St-Charles, à Juvisy-s.-Orge (escriut per errou au coulètye-d'Ayre). �— i57 — LOUS OELHS QUI-S CLUQUEN Que s'èren proumetuts en escouleyan. Qu'en anaben, labets, la ma hens la ma, amassan briulétes, amoures ou aberas, cercan nids d'ausèt. E l'ibèr, quoan lous barats chourrouten, qu'embiaben barques en papè e que perséguiben en reban lou lou gran passey capbat l'aygue : L'arriu, lou Lez, l'Adou, la ma, acera la grane ma ! Que badoun grans, n'anèn pas mey ta l'escole e nou-s bedoun pas mey goayre. Mes lou diménye, à la misse, dou soulè enla, Yan que s'encantabe lous oelhs per toute la semmane. B'en ère dounc gaymante l'Annéte hens lou sou capulet blanc floucat de riban nègre ! E quin s'entenè beroy, au miey de las auts, la soue bouts limpre, quoan puyabe coume ue pregàrie decap au Segnou ! Per las hèstes annau e per las nouces, qu'ère la soue dounzèle, e qu'ère hèyte per espia, quoan birouleyabe, graciouse e soupte sus la yèrbe dou prat. Que s'aymaben, anem. L'u qu'ère toute la bite de Faute e quoan l'u abè chegri Faute qu'en ère engourgoussit. * Mes aquet beroy brèspe d'abor Annéte que plourabe. Yan que partibe decap à Alger, decap au loegnèc reyimén qui-u s'anabe recatta très loungs ans. . . La noubiéte que-s rememouriabe tout lou bounur escourrut : Lou die dou counselh, aqueres cansous qui brouniben de Lembéye enla e lous gouyats flouqueyats. E Faute mayti lou Yan tan estrangalhat, ue bilhéte à la ma : — Alger ! Alger, Annéte. qu'ey à Alger qui bail serbi ! — Alger ! Ta loegn, au delà de la ma bluc ! E la maynade que-s desoulabe... Lou barrerou qu'esgremi. Yan tout enpensat qu'entra. — Annéte, la mie amigue, e digou lou gouyat, toutu be m'as proumetutd'èste couradyouse. De-t béde en plous atau, que m'esquisse lou co. Escoute, que eau esta mey horte. Que bos ? Qu'ey lou debé. Mes la mie bite qu'ey la toue, qu'at sabes e b'as ahide en you, miguéte ? — Qu'en èy ! Que-t counégui prou. Mesdaban aquet parti qu'èy lou co blasit e que tremouli. Si t'anabe arriba malur, Yan ? E si, n'at crédi pas, mes si te-m anabes desbroumba ! — Annéte, qu'as aquere escurouse pensade ? Qu'ey mau-hèyt. Nou, n'as pas lou dret. Mes oère : Aban de parti que-ns bam yura l'u e Faut amistat sancère. �- i58 - — Qu'atbouy. Mes pas aci. Anem ta la glèyse daban la Bieryine toute Manque hens lou sou màntou blu. Ere, Yan, que sera lou testimòni qui soubre e qui-s soubién. S'abem besougn que-ns e dara l'ayude d'ue bonne may. E pou cami lou mey brac, lous dus aymadous qu'en anèn. Lou sendè qu'ère daurat de héus rougnouses, d'abranes en flous. Lou cèu qu'ère chens nuble. Toutu. ets, tristes dens la gauyou dou die, tristes à ploura qu'arribaben à la glèyse. Qu'entrèn. Ue aulou misteriouse que bagnabe lou sent loc e u aram d'encens que demourabe dens l'ayrc. Li pat; sente qu'ère au miey d'aquére clarou, d'aquere flayre e d'aquet repaus. Qu'anèn daban Nouste Daune. L'auta qu'ère tout blanc. Ue lampe qu'y lugreyabe. Dous beyriaus enla la luts cernude que cadè e la Bieryine d'or qu'en ère mey estiglante. Débat l'array lous sous pots, mey qu'à la coustume qu'abèn lou dous sourrise qui balhe counsoulè. Lous sous oelhs qu'èren miey bachats ta ha-s mey àmistous e lous sous bras aubrits que semblaben aténde nèns doulents, nènes dens l'abeyè ou encoère espéra ue pregàri enta barreya coume à fanègues las gracies e lous bounurs. E apatsats daban aquere may. lou parelh de maynats que s,'ayulhaben dab estrambord : '( Bo'une may, yumpat nouste doulou ! Be bedet quin èm malurous, que s'aymam, tan e tan. Bieryine. Que b'en pregam. counserbat-se l'u e Faute ! — Que b'en èy tan de cops parlât dou Yan ! Goardat-lou-me ! — May, que partéchi. Qu'èt lou testimòni dou nouste amou. Qu'ey boste d'are enla. Daban d'aquéste auta que tournarèy pourta à Annéte la mie amistat sançére. — Per toustem, may dou cèu ! + * Las permères mesades, Yan qu'escribè soubent. E b'en èren loungues aquéres létres. La tendresse dou gouyat que s'y esplandibe dab beroyes paraules. Acera qu'ère u arboulet desarrigat qui-s delech sou sòu estranyè. Que bibè dab la soue case. Que-s broumbabe de tout. Que s'at rememouriabe tout. Lou biladye amassât dab maysous blanques qui lou mayti manden lou hum blu dens l'ayre ; lous camis e camiots ; las aygues, lous tues. Que-s broumbabe de las hèstes oun dansabe, de la hèste de Marterou e de las hosses blanques. A pauses, en dehore de la ciutat d'Alger, pous cams qu'où semblabe senti l'aulou de las arrèques quoan embòben e tout d'u cop, débat lou sou casquet de sourdat. que bedè lous bros plés de milhocs rous ; qu'ère au miey dous coumpagnous e qu'entenè lous lous esclacassats d'arride. E suber �— J?9 — tout que pensabe à l'amigue, soulete coume et e coume et malurouse. Tau sé d'estiu, be s'en tournaben amasse dou pradòu e lous bèrmis de luts sou bord dou caminau, e lou tu-tu dous hàrris dens lous barats e lou roussignòu sus la branque. Que passabe, hoelhet per hoelhet, lou libe pla-aymat dous sous soubenis. E que rebabe enta l'abiéne. Qu'escribè soubent, soubent. E, de faute part de l'aygue, l'Annéte nou bibè que d'aquéres létres. Dèts, bint. cent cops que las leyè. Perpitante que las poutouneyabe e que las s'estuyabe sus lou co e à toute ore que s'en chibitabe las paraules, piousament coume ue pregarie. Puch l'ibèr qu'arriba dab lou nére seguîssi de la nèu e dou chac. Yan qu'esclaribe las létres. Enta cap d'an, malaye, Annéte nou-n recebou nade. — Praube amie, qu'ey lhèu malaut, e disè l'amigue descounsoulade. Dilhèu las létres que-s pèrdin. La darrère qu'ère ue bilhéte echugue, mes que fat perdouni. Praubot, qui sab ! Nou, bertat, nou se-m desbroumbe, ne-s pot pas aco. Au cournè dou hoec, lou sé quoan tout droumibe, las broques sus la haute que-s parlabe à d'ère mediche e l'amne esglachade que plourabe chens brut. Espian lou brasilhas qui pallibe e-s mouribe chic à chic, que-s disè : Lou Yan qu'ère sounque ue petite espurue de hoec ; acera lou cambi de bite que l'esparpalha lèu las idéyes. La primabère encantadoure qu'arriba e que passa, e las soues doussous e las soues berous que clababen lou co de la maynade. Qu'en abè sangboutits : « Ah, d'augan passât, d'aquets dies de prime, d'aquéts sés dou mes de Marie e de las halhères de Sent Yan ! « S'anabe esta acabat ? Mourt. aquet bounur doun abèn l'ahide ? Nani, nani ! Troumpa-m lou Yan, boulet b'ana ! » E lousabors rous que seguin lous estius ahoegats e Yan n'escribè pas yamey, yamey. U abor, lou tresau, lous sourdats despuch ue semane qu'èren tournats. E coum be pensât, Yan n'ére pas anat béde Annéte. En balles, eslanguide e palle qu'abè atendut : Adare qu'en ey hèyt, e yemibe, tout qu'ey acabat ! Bieryine, que m'en mourirèy ! Ta que bibe, ta que ! E aco dit la maynade que s'estaribe coume ue flou c'resmade, Toutu, per u brèspe, coum Annéte pour-tube flocs sus las hosses e que Yan, esbagat, ère perquiu, que-s trebuquèn. Et, ret, cercan à èste agradiu, ère, perpitante. �— ióo — Ere, la féble, la bergougnouse, bedén que nou parlabe dou lou amou, badude souptamén hardide que digou : « Que y-a dies, hòu Yan, dou sermén qui s'abèm hèyt u brèspe d'abor coume oey. — Tè, tè, e nou m'en soubiéni pas ! Maynade, pari ! — Maynadè ? Qu'apères maynadè u sermén hèyt daban la Biéryc ? — Mes, nou t'enganes? Nou m'en broumbi pas brigue. — E-m crédes dounc mensounyère ? Say labets ! Daban l'auta que-m balharas lhèu, rasou. Say ! » Per las fis, Yan, trufandè, que segui. Mes quine ideye qu'abè aquére hémne ! Daban la Bièrye ëe marine, testimòni dou segret tan dous, drin drin que-s soubienè, drin... Mes Annéte d'ue bouts qui heneré ue pèyre : c May, qu'èm aci coum l'aute cop ! Aylas que crey que Yan que se-m a desbroumbade. Perqué l'aymàbi tant se et nou-m debè ayma ? Bieryine que m'en bouy mouri-m d'aquere, mes aban digat-me : b'ey bertat qu'aci, daban bous que-s yurabem fidelitat ? Bièrye aymade, aydat-me. Hèt u sinne coum ta dise : O, coum ta assegura lou prouclam d'aquéste nène abandounade. E labets, dens lou sou buyau, à la biste dous dus proiimetuts qui s'anaben esbarri, tout dous; la Bieryine que cluca lous oelhs. * Nou, nou-s debèn pas marida lou Yan e l'Annéte. Et, que tourné gaha lou cami de l'armade, ère, dens l'oumpre benedite d'u counbent que-s hé mounyéte blanque. E, despuch, sou tue, acera hore, dens la capère que poden béde ue estatue qui n'ey pas coum las autes. La. Bièrye que bâche drin lou cap sus l'espalle esquèrre e qu'a lous oelhs clucats. Marie-Hélène ■3 — ARNAUTOU. ». GAUYOUS Lou 12 dé Yulh à Tarbe, que s'ey maridat lou nouste amie Louiset de Vidouze, medeci à l'espitau de Tarbe, dab Madamisèle Yvonne Dugave e lou 14, à Labatut-Figuère, en Mountanerés, que s'ey maridai. tabé lou fray dou nouste cap-dau, Napoléon Palay, dab Madamisèle Térèze Courtade. Lou qui escriu aço qu'ey trop amie de l'u e de l'aute ta-n poudé dise tout lou bé qui-n pense. Mes que Fey permetut, per aco, d'assegura que touts, à l'Escole. nou haran qu'u ta désira lou mey gran bounur aus dus amies de l'obre qui n'an yamey marcandeyat quoan a calut tribalha ta d'ère. Diu boulhe que tout qu'ous s'escàdie au lou grat e que hàssien boune souque de felibres ! M. C. �— 6I I — MOUNDE E CAUSES DE CATALOUGNE LOUS PROUSATOUS CATALAS Qu'abem dit mantu cop, aci, quin lous Catalas dab l'ayude de la loue léngue soûle, èren arribats à mantiéne sancére l'amne de la race. En han baie la léngue en tout e pertout, lous omis qui mien aquet païs qu'an puyade la loue naciou dinque à las destinades esperades. Coum d'ourdenari, lous pouètes que coumencèn de souna l'aubade : Verdaguer, Guimera e Joan Maragall auta gran que lous dus prumès. Mes autalèu que la Soulidaritat catalane, 1893, lhebabe la soue banère d'uniou, yuntabe lous catalas de touts lous partits poulitics ou reliyous, e dressabe u prougram d'acciou naciounau, la prose que parech coume ue nécessitât de culture poapulàric. Ta pla dise, nou la béden à punteya qu'aus darrès bint ans dou sègle xix. E las soues bounes gragnes yermiadoures que soun las obres dou beroy autou dramatic Emile Villanova e dou gran roumanciè Narcis Oller. D'Emile Villanova e de Narcis Oller aus de oey, aus mèstes de bitare, que y-a coume u bètsaut, que s'y amuche ue ley d'escriture hère mey horte, qu'ey coume ue rebouluciou lenguistic e aco permou d'aquet fèyt merabilhous de la counstituciou d'ue naciou catalane, naciou assegurade de bibe, maugrat que per encoère nou sie coundade ne agradade dens las canceleries de capbat lou mounde. Lous prousadous noustes de labets ença (coum la pouesie ey hounude dens ue perfecciou qui n'aurén sauneyade lous mey ahoegats), que créchen, qu'arriben per escabots, dinque au punt de que, la petite Catalougne que counde u noumbre d'escribas maye que quau que sie nade aute naciou cibilisade. A masse que frayréyen lous qui bolen las leys de grafie publicades en 1912 per l'Enstitut d'estudis Catalas — bère soucietat qui b'a u libiè e se trobe èste lou muyòu de la nabère entellectualitat catalane — e lous anciens escribas arrebouhiecs qui tiénen, aco ya-s coumpren, à escribe encoère coume dous tems de la loue yoentut. Ue listre de prousadous de Catalougne que seré de mau ha. Toutu, om nou pot decha dens las estremères hère de noums : J. Pin i Soler, qui s'abie en 1874 e publique dens « La Revue des Langues Romanes » u bou estudi sus la pouesie poupulàrie catalane. De loungtems ença, hore de la soue patrie, qu'y tourne per prou e qu'y balhe lous sous très roumans de « La Familia dels Garrigues » (1087), « Jaume » (1888), e « Niobé » (1889) nobles e �IÓ2 graciouses noubèles qui aboun largue arcoelhénce enço dous leyidous ourdenàris e enço dou mounde sabent. Qú'a escribut tabé de quoan en quoan tau teatre, publicat très libes d'empressious débat lou titre de « Varia » e birat d'ue fayssou mestrésse en léngue catalane : F. Morus, Machiavel e Erasme. L'estille e las idées de l'aunourat autou que soun d'u esperit chens plap, d'u esperit douminayre. Qu'ayme, et, qu'ayme hère aquere prose clareyante, oun, lous moûts goarden lou lou ourdi lati coum la pensade cabélhe toustém ennayreyante toustém noble e toustém umane. Santiago Rusihol, — qui coum disè u amie dous sous, escriu en pintran e pintre en esçribén, qu'ey auta fâmous coum pintre que coume escriba. Qu'ey u autou proudic d'obres qui s'apoudyabe dab u libe dens lou goust décadent, quoan ère abançade aquere mode d'escribe, puch que seguiben dus auts « Oracions », e, « Fulles de la Vida » e que dabe au teatre la soue prumère pèce birade en u sarrot de lèngues, representade mile cops : «L'allegria que passa». L'ouriginalitat de Rusinol que ba d'ue cause à gn'aute e que méscle à las armounies deliciôuses l'agrou de la bite, e dab aco l'humour, l'arrise qui nou-s sémble à nade aute e doun nou troubarén la payère qu'enço de quauques autous saxous : Hoffman, Sterne, Swift. Las soues obres dramatics birades en espagnòu qu'an hèyt lou tour d'Espagne e de l'Amérique latine. P. Corominas qu'a hicat à luts quoate libes soulides doun lou prumè « La Vida Austera » estou hère discutit, e lou darrè : « Las Gracias de l'Empordà » (1921) ey coume la pesante debertissance d'u Hercule bèt drin doulent e triste. P. Corominas que hè quauque poc dou reyent dens lous sous libes, oun s'eslame ue alet d'ensegnadou, oun da u ayre mouraliste à la soue prose larye, clare, de tirades au ritme patsiu, sarcides de pensades. P. Corominas qu'ey la hount oun an pudzat lous très grans mèstes dou calam : Gabriel Alomar. au prousey nerbious, à la frase de metau ; Prudenci Bertrana à la hourtalésse leuyère de mountagnòu amiç dous boscs e doun lou lexique de moûts ey tan numerous, e Joaquin Folguera (mourt en 1919 à bint e quoate ans) gran pouète espugayre e hourucayre de l'amne dous autous e doun lou mestiè, quoan d'ue fayssou d'enyenie, fayssou pregoune, dréte e braque, estudie las obres de literature catalane. Prudençi Bertrana qu'ey l'escriba de mantu libe e d'ue noubèle suberbère, « Naufregs ». Hens aquéres payes l'artiste e loucercayre d'idées que soun de la mediche traque e aquiu la prose qu'ey néte coum las aygues de la mountagne haute. Aquére noubèle daune e puchante qu'ey tan pla capsade e presentade, que pot èste agradablemén leyide pous omis counechedous e senticous de toutes las countrades de la terre. �- i63 La prose escarrabelhade dou gran pouète Yausep Carner, nou-s pot goayre coumpara-s qu'à la soue pouesie. Qu'escad hère Yausep Carner, la cretic literàrie, la crounique poulitic e lou counde. Lous sous coundes amassais, dits, tescuts dab hère chic de paraules, coume bounes epigrames de l'Antologie grèque, que soun biscuts e gauyous e natres. Et qu'a dat à la léngue mayrane de Catalougne ue finésse qui nou-s seré yamey endebinade que ỳ-a bint ans. Lou balans, la doussou, lou plec, lou sentit de l'idiome nou poden, oey per oey, èste pourtats mey enla. Lou hèch de moûts amiat au lexique e à la léngue literàrie per Joaquin Ruyra e Daune Victor Catala (dou sou noum bertadè Caterine Albert) qu'ey de counsequénce. Joaquin Ruyra qu'ey u yénce e beroy pouète. Daune Victor Catala, dens lous sous « Drames Rurals » (1902) e-sustout, per la soue famouse noubèle « Solitut » (1905), qu'ey lou cap de l'escole réaliste e que l'agrade de ha béde lous cournès oumprius de la bite-bitante. La tragédie estuyade, moustrouse, doun nou-s dan counde las petites amues dou mounde chic aletrat dou pople, que soun lou perqué dous sous coundes aspruts, dus, aguts, desoulats. Aquéres pintrures d'art, que soun mantiengudes de pès e toutu agradables per ue manière de parla d'estounante bigou. Que hiquen encoère dens l'escabot dous yoens prousadous catalas : E. Duran Reynals. (mourt en 1921), E. M. Fernando e Caries Riba. Lou pouète e autou dramatic J. M. de Sagarra qu'ey tabé lou prousadou e, coum dits dous sous bèrs lou fi cretic Alexandre Plana, « que ba coume u troupèt de bestia qui marche ». A. Maseras, roumanciè qui publique hère, qu'ey deya birat en espagnòu, en francés e en italien e hort counechut hore de case. Lou sou estile qu'ey couladis e musicayre. Caries Riba, proufessou de literature, helléniste, cretic e pouète suberbèt qu'ey lou mey baient dous prousadous. La soue frase sabénte, dab mile reclams de mèstes, qu'a la claretate l'arrebat d'u diaman mirabilhous, qu'ey ue bouniquer'ie ta l'esperit e las soues cretiques que soun obres d'art, E. Durand Reynals que proumetè u Guy de Maupassant goarit dou sou scepticisme. Las « Quatre historiés » (1918) que soun autan de petits liloys, escnbuts dab ue libertat clare. E. M. Ferrando, que broumbe Farrise d'Anatole France e de hère loegn l'autrichien Schnitzer. Lou sou counde darrè « El desig de l'Abadesa //(1922) qu'ey digne dous mielhes coundayres. Toutu, lous dus prousadous mey en biste en Catalougne e lous qui encoère oey embésquen la yoentut que soun de segu : Eugeni d'Ors (Xenius) e Francés Pujols, l'esmiraglant, lou qui nou tié lou sou pariou en nade aute literature d'are ne de yamey. CD. DOMENECH �— iÓ4 — POUESIE QUOAN SIEY BIELH Quoan siey u bielhot ransut, Arrebouhièc e babassut, — Aco qu'arribe, — Que pensaréy, dab bèts souspis, A m'en ana, lèu, ha toupis, Sus l'aute ribe ! En gargoulhan, crouchit d'entec, Qu'escoupirèy, au cor deu hoec. Dehens la brase ; E, ta bit drin m'escalouri, Hargnousas, que herèy soufri Touts lous de case. Su-us òots que-m bederan trembla Coum u batalh d'esquire, la Dent aberoère. Au loc de péus, aute iniscap, Drin de capit dessus lou cap Si-n y a d'encoère ! Mey lèu sera, si-m pénsi jou, Pelât e lis coum u cujou ; Mes, à l'aurelhe, En càmbi, qu'aberey peu loung Coum au milhoc lous qui-y b ado un Tan qui cabelhe ! Deu cap deu nas, esgalanchit, E sus la bouque tout crouchit Coum ue tèque. A taule, dab gran m au de cô, Oue bederan, dens lou frico, Cade-m la béque ! L'estat nou manque de sab ou ; Lous chins m aperaran paybou Enta que-us goàsti ; E que-m daran, praubes gâtons, Sus la barbe quoauques poutous... Dab drin de hàsti ! Quoan siey u bielhot ransut, Arrebouhièc e babassut, — Aco qu'arribe — Que pensaréy, dab gratis souspis, A m'en ana lèu ha toupis Sus l'aute ribe ! F. MASCARADX, biarnés d'Aussau, — COPS DE CALAM Sabinote. Qu'ère u sarralhè yames embarrassât en arre. U die, méntre qui fouryabe e que dues ou très pratiques qu'èren athéu, sinse counda et garsou e et aprentis, u paysa qui-s tiébe ère ma sus ère machère coume s'en soufribe, qu'entré e qu'où digou : «Sabinote, qu'ey u cachau qui-m hè bey ères sèt crabères despuch yè �- i65 mayti. Arris, ça m'an dit, nou arringue cachaus autaplaque bous. Arringat-me aqueste e que-b pagarèy ères bostes pênes. > Et sarralhè que gardé at paysa ta sabey se parlabe à de bounes ou ta arri, e d'u cop de oey que bi que quauqu'u que s'ère boulut trufa d'et. Mes, coume at èy dit, nou s'embarrassabe adayse : — Aubrit ère bouque ! Pla ! Quau ey et cachau qui-b hè mau ? Et paysa que s'y hiquè et dit dessus. — Pla ! Nou-t boudyet e tiet ère bouque aubèrte. E Sabinote que-s pçengou u loung tros de hiéu d'arrechau, qu'en entourtilhè et cachau puch qu'estaque et cap det hiéu en englum. Que metou en brasè dere forye ue biélhe halabarde qui-u serbibe de tisounè e méntre qui-s cauhabe, que digou at paysa : — Que-b boy esplica ra manobre. Tiét-be tranquile e bouque aubèrte. Quan ère halabarde sie blanque de calou, que diserèy u, dus, très e quan ayi dit très dab ère punte que-b harèy sauta et cachau, sénse doulou. E me coumprengut t — Sabinote ! Omi diable ! Destacat-me, dechat-me ana ! Et haure qu'ayébe deya et hèr en mas e que disèbe u, dus, très ! Toutu et paysa, qui estirecoussiabe espabentat, que dabe n gran sacat e d'aquere et cachau que partibe dere bouque e que s'en dabe en terre. Nou s'en ayébe sentit arré, mes que'gahabe ère porte dere forye oun Sabinote lou seguibe dab ère halebarde en ma. Nou èy besougn de dise que nou tourné ta ra forye de bèt tems e qu'abandounabe et cachau à Sabinote, per pagamén. Yan de BOURDÉTE, iabedanés. RECLAMS DE PERQUIU La Léngue d'O à l'Escole. Lou paperou de Y, Loubet e dou proufessou Bonnafous, mandat aus ensegnadous de toute traque, e de capbat coum de capsus, que s'ey croubit de sinnets : Capulats de l'Académie francése, dou Coulèdye de France, de las Unibersitats, dous Lycées, dinque aus simples reyents, que bolen que lou parla dou brès e sie ensegnat dens las proubincies d'O. Que eau, medich, espéra d'are enla que Ledit de Villers-Cotterets (1539) qui poudou tiéne pè quoate cents ans, maugrat cambiaméns de goubèrn e reboulucious, nou trigara d'èste horebandit dou Libe de ley. �— i66 — U aperet au Pople dou Mieydie. « Loungtems Toulouse qu'ey estade endroumide e desmemouriade » ça disè l'aut cop, aci medich, nouste amie Ismaël Girard, mes que sémble boulé segouti lou droumi qui pèse sus las soues perpères e tourna d'èste la ciutat daune e broumbadoure d'u passât glourious. Sus usinne, quauques balents que s'y soun amassais en Abriu e qu'an pausat las soles d'ue acciou estenude hèyte ta prépara, dens l'abor qui bié, u coungrès de la Race dou Mieydie. A Toulouse que soun coumbidats lous tribalhadous dou calam e de l'espincèu, de la Terre, de l'Endustrie e dou Coumèrce, e pou prumè cop, despuch quauques sègles de desbroum e de flaquère, que s'y parlara de la prabe dous noustes bés e de las noustes libertats. Que noustes counfrays sien numerous au clam dou président de la « Ligue de la Patrie dou Mieydie » lou Dou Soula e dou segretari Ismaël Girard. La hèste dou « Yansemi » d'Agen. Qu'estou per ma fé ue beroye hèste e dens lous counfrays floucats au councours, qu'ey dab plasé qui bedém lou noum dou nabèt pouète nouste F. Mascaraux. Que s'y gagnabe ue medalhe d'aryent permou de la soue pèce : La Sèrp, e que m'ey estât dit que sus l'empount maugrat que biarnése. qu'estou debitade per l'autou e arcoelhude per la coumpagnie à bèts esclacassats d'arride e patacs de ma. Hèstes à Bourdèu. Dinqu'are, la bile de Bourdèu que s'ère demourade à Festrem de ço qui apèren « le mouvement populaire » felibrenc. N'ey pas toutu que M. Bourciez, lou sapient e reputat proufessou de lengues romanes, n'àye hèyt en quantitat de bous eslhèbes, mes quoandes soun de Bourdèu medich ou s'y soun estats, u cop acabades las estùdis ? Tant-y-a, qu'arrés n'abè sayat de béde si per cas la bile respouneré, si l'aperaben. Mous de Lajoinie e daune Filadelfe qu'an gausat.., e Bourdèu qu'a respounut. Aquiu tabé, la partide que poudera gagna-s per poc que s'y hassiam. Sus ue simple anounce de las gazetes, la dissatte (9 de Yulh) u rfiilè de persounes que biengoun audi e aplaudi u beroy escabot de debisàyres. En permères, M. Galtier. permè adjoent, u felibre �— 167 — ». de la bono » coum disen en Proubence ; puch, M. l'abat Bergey, Ì'aumouriiè dou 18e de Pau, qui hé u debis esmiraglant ; M'ne Filadelfo. M. Fr. Mistral, qui digoun, haut e sec, ço qui boulèm, ço qui abém lou dret de boulé : la libertat ! Simin Palay, qui en canta quoate de nouste, e qu'esté prou ta ha coumpréne que yamey lous de Paris nou-n hasoun d'aquere ley. M. Lajoinie, qui tourna ha bibe la praube Lianor d'Aquitàni, l'amigue dous Troubadous, la soubirane qui tant soufri permou de l'amou qui pourtabe au sou païs. Dues ores durant, que-s pot dise que las mas nou dechèn de truca. La dimenye, ue misse qu'esté dite taus felibres défunts à la glèyse catedrau. Cantiques Gascous e predic en Gascou. Que y abè 30 ans, parech, que nou s'ère pas hèyt tau cause en tau loc. Au banquet, tout escas si y abou dus toasts en francés sus mieye doutzene de brindes en gascou, lengadoucia ou proubençau. Lou poète Joseph d'Arbaud que digou u poèmi superbe au Ferre (le trident) dous goardias de Camargue. Mes ço qui y abè de beroy, qu'ère de béde aquiu u centenat de dames e damisèles mey beroyes las ues que las auts débat la cohe, lou capulet ou lou foulard. Qu'ère coum u parterre flourit de las coulous las mey estiglantes. Lou brèspe, au Parc Bourdalés, cougnit de mounde, que s'y debisè, que s'y cantè, que s'y dansé au miey delà yoye coumplide. Daune Filadelfo que courouna la yoene reyne, Mlle Louit. Lou nouste counfray, Casassus, de Bilhères e sa hilhe, Mme Bareilhes, en proupiau de la Balée, qu'estén aplaudits autant çoum se pot esta. Lou poète de la mar, Emilien Barrèyre, que clama u d'aquets bèts poèmis de maris coum soul u mari lous pot escribe. Simin Palay que hica tout lou mounde en gauyou dab coundes e cansoUs de case... E tout lou mounde qu'esté countent. La hèste dou Gritch. L'an passât, l'Assouciaciou Reyiounaliste dous païs de l'Adou que descida de ha rebibe per aci l'anciène hèste dou Gritch, counegude p'ou Miey-die, à Toulouse sustout, mes qui s'ère perdude. Nou y a goayre que quauques parsas d'Italie qui l'an counserbade. A d'aquere oucasiou, que s'y hé u councours de cansous e de pèces de teatre ; qu'abém dit que lous prêts qu'estén gagnats per noustes counfrays Baudorre, Eyt, Daune Fremat e M. Lahargue, ta las cansous, daune Filadelfe e M. Bourda tau teâtre. La hèste que-s passa lou 24 de Yulh, hens lou bèt casala dou castèt Loubie à Yurançou, prestat per M. e Mme Deville. Qu'esté suber-bère. �— i68 — Autant se bau de dise que tout que y esté de case. Daune Filadelfe que présida la Cour d'Amou, amiroade dou mey beroy escabot de gouyates qui-s pousqui demanda, toutes bestides dou proupiau biarnés ou gascou. Las bèstes rouyes d'Aussau dou Rallye-Gelos qu'ous serbiben de ridèu estiglant dab lous gouyats de Yurançou en camiséte e pantelou blanc sarrat de la cinte blue. M. Liétot, en Jeliotte, e daune Marie Thierry d'Artigueloube. en pastoure mountagnole que biengoun canta las glòris dou Biarn ; lous lauréats que hén aplaudi las loues beroyes trobes, e l'amie Matheu Castaingt qui abè hèyt la musique de la cansou d'Eyt, qu'en abou la soue part. Simin Palay que hé ue debiséte sus la héste dou Gritch, anounciayre dou Printemps ; la Chorale de l'Assouciaciou que canta Là haut, sus la Mountagne, armounisat per G. Mirât, lou Berdurê e Aquéres mountines e. ta fini, que-s youguè Et Biroulet de daune Filadelfe. Que eau sabé grat à l'Assouciaciou Reyiounaliste d'aquero brespade felibrenque. En sourti nou y abè pas qu'u crit ta dise quin tout aco ère estât plasent e beroy. L. R. LA DINEROLE A noustes Amies. Qu'ey passât adare à la coustume qu'enta ha mayemens beroye la nouste hèste annau, lous qui at pòden ha barréyen quauques pecétes en ue dinerole hèyte esprès. Dab aquets ardits, que poudém croumpa libes taus maynads qui councouréchen, e, tabé, quauque yolhe, quauque soubeni qui decham aus qui-ns an prestat l'ayude dou lou talent e dou lou pla-boulé. Lou dinerè M. Daugé, à Duhort-Bachen (chèque postal n° 15.484 Bordeaux) e lou dinerè ayude M. Marrimpouey à Pau, que receberan lous dous, sounque-us n'enbien. Darrère listre F. Mascaraux Abat C. Daugé Marrimpouey Dinque oey lou di^ . 40 10 10 10 » > > > 701 > L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 27, n°09 (Garbe 1923) Alternative Title An alternative name for the resource. The distinction between titles and alternative titles is application-specific. Reclams. - Annada 27, n°09 (Garba 1923) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - juillet 1923 - N°9 (27e Année) Creator An entity primarily responsible for making the resource Palay, Simin (1874-1965) Pico i camparar Girard, ismael Arnautou, Marie-Hélène Camelat, Miquèu de (1871-1962) Domenech, C.D. Mascaraux, Félix (1864-1945) Bourdète, Yan de Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1923-07 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2724">http://www.occitanica.eu/omeka/items/show/2724</a> INOC_Y2_10_1923_07 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel