http://occitanica.eu/files/original/19017d4b97122a9adc05004b01b8e2fc.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/e0af0fbfc4a88edae0ef21555cf36259.pdf be66dc7930a253167a8c8581d2c7aca8 PDF Text Text 27au Anade. Aoust de 1923 »• LAS HESTES D'AUCH Que seram dounc en bile d'Auch lou 26 d'Aoùst. La capitale de la Gascougne que s'aprèste à recébe lous Felibres suban l'usàtye ancien : la porte uberte e l'arride s'ous pots ; e, per segu, Yan de Capsus, lou Febus nouste amie, que sera coum toustem de la partide. Sous terrés d'Armagnac que j'a de brabe monnde ! coum disè lou défunt poète ; de brabe mounde e de bou bi e lou bou bî que da cô, esprit e gauyou ! Permou de mespresa lou chue dou cherment e de-n boulé descounégue la bertut, lous américains que soun en tri de bàde pècs. Diu s'en goarde ! Au numéro prouchén dous Reclams, que daram toutes las indiques necessàris : aquet numéro que parechera drin permè que de coustutne enta que tout cadu que sàbie à que s'en tiéne prou lèu. Mes toutu que poudém dise d'aci-aban que la reyne qui dèche la couroune — qu'ey ère qui at bòu — que pausara la yolhe reyau s'ou frount de la reyne nabère. Aquiu tabé, las Reynes qu'esplingaran la cigalhe d'aryent au berret dous dus nabèts Mèstes en Gay sabé : Pascau d'Abadie e Yan de Casassus, noumats au darrè Counsistòri felibrenc dou Pouey. E d'autes causes encoère que-s pouderén dise, mes goardat-b'en la hide ta ballèu. Ço qui y a de segu, la hèste que sera suber-bère, permou que lous d'Auch que la ne bòlen e que s'en daran la péne. Lou Capdau. Simin PALAY. CROUNIQUÉTE DOUS RECLAMS Au lendedie de la guerre, permou de goarda las amistats biélhes e d'escauha-n de nabes, lou goubèrn que mandabe lous sous messadyès capbat dous dus moundes. B'èrem estais clamats bencedous perla bouts dous poples? Tabé, yeneraus e manescaus, Fayolle, Joffre, Mangin, Gouraud e Foch que s'en anaben en terres loegnègues, débat d'autes cèus me y brumous ou mey ahoegats que lou nouste, touca manétes, gourgueya discours e passa rebistes. Puch, coume lous omis s'adésquen autademens que dab la pòu d'enyibanes murtrères, obus, curassats e abious, coum las nacious, bèt drin hémnes, ta balha lou lou co e bolen qu'ous sien dites causes de sens, moûts engalinayres e yumpants, quauques debisadous de �— 170 — prumère régue, Msnou Baudrillart, Le Goffic, Ripert, que counferenciaben dens l'Argentine, en Italie, bantan l'esperit francés, l'enyenie e lou sabé-ha francés. L'enemic qu'abè plegat mes n'ère pas de bouque-hens. Mey que yamey qu'ère dounc besougn d'amistouseya l'oupiniou. Tabé à d'aquets mandataris, que-s yugnèn lous capulats qui reyénten dens la Souçietat de las nacious e medich, lous poulitics qui, de quoan en quoan, se couhèssen aus yournalistes. L'u d'aquéstes, òmi de lustre e de renoumade bère, mantu cop ministre de la République, be-ns disè nou y-a goayre, daban lous amies dou « Rapprochement franco-espagnol ». que lous noustes interès e la noustes pensades que-ns e coumandaben d'espia d'are enla decap au Rhin e nou pas tan darrè de las mountagnes? Aquere paraule, s'ey estade largade, que parech bèt drin de mautalh e, se nou m'engani, que gausara ha mey de puchéu à la poulitic apatzade de France que nou lou harén adayse bère troupe de passeys, d'arcoelhénces, de bantaroles e de brindes. Lous qui gabiden la nau qu'an bèt s'en créde, qu'an bèt èste segus de l'endret oun coue la brase qui alugara las lûtes de l'an qui bié, qu'an bèt cerca daban ets lous gourgs e lous méchants brius, e n'audi que lous trebulossis qui partéchen de Coulougne, de Munich, de Berlin, que s'abisen tabé dous estrems. Bèt tems a la Gaule qu'abou coéntes à desbate sus l'Alpe e las Pirenées; que seram encoère besis d'Espagne e d'Italie. La mediche aygue que léque las loues costes e las noustes; au die dous nabèts espants que calera tourna de ha coumpay e coumpagnou dab aquéres puchances de léngue roumane, enqueri-s de ço que l'Alemagne ou l'Angleterre manéyen per loue. Nou sera pas tan l'ore de presti sus la pesantou d'esperit, sus la maie fé dous tudescs, sus l'unibersalitat, la sabou e la claretat de la léngue de France, de la France eretère d'Athènes e de Roume e autes parloutis doun èm echourdits dèts-ans a. Aus Catalas que 'calera parla catala, aus Espagnòus que calera parla castelha, aus Italiens que calera parla italien e se n'abem après ne lou catala, ne l'espagnòu, ne l'italien, qu'ey en proubençau qui parlaram aus italiens — que coumpreneran — qu'ey en gascou qui parlaram aus catalas e aus espagnòus — que coumpreneran tabé. Drin abans de 1870, très sabents en léngues e tradicious. de Charencey, de Gaulle e H. Gaidoz, b'escribèn au Parlamén ta demanda-u l'ensegnamén dous noustes parlas dens las Escoles? Lou bretou, lou flaman, l'alsacien, lou bàscou, lou proubençau e lou gascou que debèn èste coume lou ligami amistous de las noustes races antics dab lous Gallés d'Angleterre, lous Flamans de Belgique, lous Alemans, lous Italiens, lous Espagnòus. Tout parié, abans e despuch, F. Mistrau e lous sous disciples dens lous �ous escriuts e debis, qu'an boulut èste lous yénces embassadous us parsas dou sourelh. Mes nou sémble pas que lous gouberns arisiens s'en sien abisats e n'ayen mudat lou dit menin. E toutu ! S'en y pot abé, dens las canceleries de Françe, noums qui musiqueyarén à las aurélhes italiènes coume noustes pouètes, artistes ensegnadous de la ley de Folco de Barouncelli, Gantelme d'Ille, P. Devoluy, M. Jouveau ou V. Bernard, etc.? Quins mandataris, en terre de Catalougne, nou serén l'abésque de Perpigna, Msnou de Carsalade, e lou cantadou Sebastia Pons? Moundis de Toulouse e biarnés de Pau, b'en sabém dous qui pouderén ana-s'en decap à Saragosse, Burgos e Madrid ; nou lous noumentaram, permou que diserén lhèu, que biram l'aygue tau nouste mouli. Omis d'Estat à la hechugue paraule, escoutats se-b plats, qu'at boulhats ou nou, aquets hilhs dou Mieydie qui ban toustém dab l'arram d'oulibiè en ma, e debisan la lènguedous ayòus, nou bolen tan per tan que serbi la Patrie. Que soun ue hourtalesse e oey lou die, despuch las houlies, lous goasts, las illusious d'ue guerre doun malaudeyam toustém, nou sémble pas qu'en ayats de soubres, hourtalésses. ta que pousquiats mespresa-n nade ou d'are enla decha-n nade aute à l'estuyòu. Miquèu de ■8 CAMELAT. 8- PEY DE GARROS (1620? - i583) Pey de Garros qu'ey lou prumè pouète gascou qui aye heyt brouni la loengue mayrane despuch lous Troubadous e la soue obre qu'ey lou mounumen littérari lou meyantic qui-s sie emprimat en gascou. Qu'ère hilh d'u marchan de Lectoure e que badou hens aquere bile enter 1520 e 1530. Lou sou pay que l'embiè ta» Toulouse ta estudia las leys e lou gouyat que tourné ta case sapién e capable. Qu'esté counselhè de la bile de Lectoure e cargat en ue troupe de begades d'ana au noum deus cossous parla à la reyne Yane, qui segnoureyabe sus lou Biarn e d'autes terres de Gascougne. La Reyne que poudou béde que lou Laytourés qu'abè lou cap ploumat et que sabè de letre. Tabé que-u hiquè au cap de daban coum yudye au Senescau de Lectoure. E puch, que l'aperè tau pèis de Biarn e, en 1571, que-u bouté aboucat-yenerau au Counselh Soubirâ de Pau. Garros que-s mouri à Pau en 1583. Pey de Garros qu'abè coumençat de rima en francés e u Gant reyau en 1557 que l'abè méritât la briulete aus Yocs fiouraus de �— 172 — Toulouse. Mes que debou tabé gaha-s de d'ore à rima en gascou e que s'y escadou hère mielhe qu'en francés. La Reyne Yane, qui boulé cbumberti touts lous sous sutyècs de Biarn e de Gascougne à la ley proutestante, qu'abou lou tesic de ha rebira la Sente Escriture en gascou, en biarnés e tabé en bascou. Que counéchè de segu lou sabé-ha deu Laytourés e que-u demandé de hica lous Psiaumès de David en loengatye de case. Aco que pressabe lou mey : hens lous temples proutestans, lous ouficis que-s passaben sus.tout à canta e à predica. Lou francés n'ère pas à la mode per nouste e riales qu'èren lous qui-u counéchèn drin ; que calé dounc ue traducciou de David en loengue mayrane, si boulèn ha canta lou mounde. Pey de Garros que hé lou tribalh demandât per la Reyne e, en 1565, enso de Colomiès à Toulouse, la soue obre que parescou emprimade. N'abè pas birat touts lous Psiaumes, mes 58 soulamen, en chausin, en sautan. Lou libe qu'ey dedicat à la Reyne e l'autou que dits aquiu lou perqué de la soue traducciou. Qu'at a hcyt per amou deu pèis, ta ha couneche e ayma aus Gascous las beutats deu Rey proufète ; qu'at a heyt permou que la Reyne e lou sou h il h. lou nouste Henric, que l'at abèn demandât. Assegurat jo son, que u Gascon y pot prene De bonas instructios, mes et lo qau entene, Perqé donq libe plen de doctrina tant bona Siâ còmunicat a la nation Gascona, Per l'amo deu pays qau qe jô m'diligente, E qe David Gascon en public jo présente : Pux que lo Rey ac vô. et tant de gens sçabens Me pican, accusàns mos trigotejamens. Lou prèts-heyt deu pouète n'ère pas deus mey aysits. La loengue gascoune n'abè pas l'abitude de-s mesura dab u sutyèc tan capulat; qu'ère, la praubine ! estrosse, pacante e Garros qu'at dits beroy : Lo lengatge Gascon no s'ieixa coeytiùa. Mes lou pouète-n'ère pas nat desestruc, que counéchè lou sou mestiè; que-s boulé ha entene e coumprene deu petit mounde e qu'a prés lous moûts e lous imatyes simples e couréns qui poudén coumbiene à la counechense deus sous leyidous. Quauques etsemples que haran béde quin Garros a maneyat l'arnés e prestit la paste : Serà coma l'arbe plantât Au long d'ua ribera correnta, Qui porta a l'opportunitat Phruta saboroza e plazenta, De qui la hoelha n'es cajenta ; Atau la persona cregnenta �- 173 — La Ley de Diu prosperara; Mes coma l'auratge e tormenta En l'aire las palhas esventa : Com un esporbilh, l'amna atenta D'impietat, se perdera En judici no s'ievara. [Psaume I.) Tu hes, qu'en cabana segura lo m'eston acoydat, La phresca, e la gaya verdura, Lo loc herbos m'as dat. Aus estrems l'arriu cla murmura, Qui suau hilant son cos, Pauc a pauc he la vista escura Per un dromilhon dos : L'amna tu m'as arrecreada, E tirada en darré Taper que l'as vista aviada Peu camin esqarré. (Psaume 23.) Coma lo Cervi cassât Alassat Brama e l'arriu phresc dezira, Atau mon co combatut Abatut Au Diu hort, viven, aspira. Auta hont ma set n'escant Helas, quant Arrivara u jorn de gracia, Au quau jo compariré E veyré De mon Creato la phacia ? (Psaume 42). Pey de Garros n'a pas soulamen heyt aquere rebirade deus Psiaumes. Qu'a rimât 8 Eglogues, 4 Epitres, 6 Gants heroïcs e quauques autes bers. Tout aco qu'esté amassât en u libe en 1567, publi'cat dab lou titre de Poesias gasconas, e dedicat à Henric de Nabarre, lou nouste Henric. Aquet libe, aquets bers, lou pouète que dits que-us a.lissats, pentiats, apapichoats, coum ue may ourgulhouse passe tout u matiau à pentia, à emberouyi ue hilhote aymade : ... quant la may curosa, De sa hilha los peus embolhatz escarmoà E passe lo matin mentre que l'atezoa, �— i74 La tornéja de l'un e de l'aute costat, Si praste y a quacom mau en son loc botat, La côha d'un hilat on s'entortulharan Los gentius amoros qui d'éra appropiaran. Las cheys Héroides, oun hè parla Hercule, Alexandre, Pyrrhus, etc., que soun plâ tourneyades ; l'autou nou puye pas trop taus trabatèts dab aquets grans persounatyes ; que parle de las causotes de tout die, que tire lessous ta la bite-bitante, e si n'èri pas drin pressât, que-b hari Jéye quauques arrèques escadudes qui soun bertadéres autan oéy coum alabets. Las oeyt Eglogucs que soun so de mey plâ tirât. Aquiu l'autou que s'ey hicat adayse e lous sous bers, à pauses drin réalistes, coum disen en francés, que balhen la mustre de so qu'ère la soucietat d'aquet tems, soucietat turmentade, oun lou praube pè-terrous ère minyat, raubat, trucat, roeynat per las.gens de guerre qui-u cadèn dehens coum loups ahamiats; la guerre, bertat, qu'ey toustém parière e so qu'abè bist Garros, so qui-u hè esmalicia, qu'at abém bist tabé e qu'aberém poudut repica mant'u bercet dau bielh pouète, chens passa ou cambia nat mout. * Las quoate permères Eglogucs nou parlen que de las rauberies e de Fana hastiau deus omis de guerre e que soun plâ quilhats e plâ tirats lous caddets coum Mauberdot e lou Herran. Ta ha bis à bis, l'autou qu'a pintrat tabé, dab coulous gayhasentes e amistouses, lou pourtrèt de la Pats, la pats tan desirade, qui arrebiscole e hè desbroumba lous malurs e las pauses escousentes. La pats qu'aporte dens lou pèis' la tranquilitat e las très Eglogues en seguin nou soun que dialogues amourousoun aulhès tremoulens d'amou e aulhères, qui n'an pas la loengue trabade, se counten peguessines e hèn au tu per tu. La oeytau e darrère Eglogue qu'ey u pourtrèt toustém bertadè deu paysa balén e estaubian doun lous bés créchen coum leyt à la cautère, e qui ey yalouseyat péus besis qui nou hèn pas lous ahas coum et e qui cerquen a-u hica parrats au cap. Aquere race n'ey pas pergude. De las quoate Epitrcs de Pey de Garros qu'en y a.ue, la darrère, oun se eau drin estanga. Garros aquiu qu'ey fier d'abé cantat e escribut en gascou ; qu'enhountech lous de nouste qui abandounen lou parla de case, qui an bergougne d'esta gascous. Que bouleré arma touts lous bras, nou pas ta s'ana bate ou peleya à cops de lance ou d'espade, mes ta tiene u calam agut e ta escribe et ta oundra lou « gascon lengatge » : Cadun la leixa e desempara Tôt lo mond' Tapera barbara, E, qu'es causa mes plagnédera Nos autz medix nos truphan d'éra. �- i75 — O praube liatge abuzat Digne d'esté despaïzat, Qui leixas per ingratitud La lenga de la noyritud, E no hes conde de l'ajuda Au pays naturau deguda Aies de ma part, jo-bz asseguri E religiosament vos juri, Que jo scriuré dam vehementia, No m' cararé, n'auré patientia, Deqia qe siam totz acordatz E d'ua conspiration bandatz, Per l'hono deu pays sostengue, E per sa dignitat mantenguc : No pas d'espazas aguzadas Ny lansas de sang ahamadas,... Mes au loc de lansas pontxudas, Armém nos de plumas agudas Per orna lo Gascon lengatge, Perqe om prezique d'atge en atgc La gent, la bera parladora Com en armas es vencedora. Que eau coumbiene que Garros qu'ère u felibre tout natre e que-u poudém saluda coum u payri bertadé de la nouste rebiscoulade e prene mire sus et ta parla u gascou simple e cla, chens rantoynes escures, e ta ayma de horte amistat la terre e la loengue de case. J.-B. LABORDE. ■a = »• MOUNDE E CAUSES DE LENGADO FERROUL 1907 ! Fa sèt ans que lou vin se vend pas la mitât de so qui costo ! Tout lou païs vignè es arrouinat, lou Lengadoc n'es al daruiè badal ! Que la recolto siegue aboundouso o noun, lou coumèrse troumpant la Regio ambe de fausses papiès (acquits fictifs) sap ambe d'aigo e de sucre recoumensa lou miracle de las nossos de Cana e impausa als vigneirouns de prèses de famino. Lou vin que dins moun païs coustabo alaro 15 fr. lous cent litres per fa veni, s'es vendut juscos à quarante sôus ! �— 176 — Alaro dins un pichot vilage del Narbounés s'airisso un orne, Marcellin Albert, lou redemptour. Maigre, lou frount testut, la caro bristoulado pel soulelh. frounsido pel travalh e pels soucits, a 56 ans. Es d'aqueles enluminais, estrambourdats, grands parlaires, que pla souvent vésen las causos mas que simples e sensé instruccioun s'avisoun pas de las dificultats materialos. A d'autouritat dins soun endrech e, un journ, lou 11 de mars 1907, ambe uno manado d'ornes, lous 87 d'Argelliërs, partis à pè per Narbouno pourta à la Coumissioun d'enquèsto las revendicaciouns de lous que voloun viure de soun travalh e la proutestaciéu countro la « Fraudo ». A troubat lou mot per soulleva lou pople e ambe lou mot Testée de fa veire al Gouvern la forso d'aquel pople. La boulegadisso coumenso e lou rolle de Ferroul. Ferroul es médecin. Dempei dech ans es prumier Conse de Narbouno, counselher gênerai. Es estât députât. Soun noum, simboulic, (ferroul, farroul, barroul à Beziers) es lou mot occitan que marco Tome que barrara la Fraudo, que la pestelara. Nascut al Mas-Cabardès, dins la Mountagno-Negro, es dur coumo sous rocs e ten dels aujols pacans, belèu del vielh Ferroul qu'appareis al temps de la Crozado, soun amour de la terro-maire, soun caratère e soun eime ferouge. Bel parlaire de la lengo mairalo, es un ouratour, un tribun qu'en francés coumo en lengo d'Oc estrambourdis soun pople. Amie e escoulan dels grans felibres lengadoucians Fourès e Ricard, embegut de la dòutrino mistralenco, plen de la fe patrialo qu'a pousado dins la Cansoun de la Crouzado o eiretado de Ramon de Miraval, lou vielh trobador de MasCabardès, es tout lest per Tobro qu'entrepren e sa nauto intelligenso, sa valentiè lou quilhoun al prumiè rang. Apasendat cade journ per sous malautes, sa courespoundenso, Tourganisacioun de tout, l'anam veire, cado dimenche, à Capestang, à Lezignan, à Narbouno, à Beziers, à Perpigna, à Nimos, à Mount-Pelhers, la barbo majestouzo fioutejant sus la larjo peitrino, marchar al-cap d'aquelos armados pacificos que s'organisoun à cha pauc. Dins lous vilages toutes, otnes, femnos, venguts per camin de ferre, en carreto, à bicicléto, per barco, à pè, seguissoun sous clarouns, sarrats sous la bandièiro coumunalo, pourtant de pancartos sinnificativos, San al damier crotistct ! — De misère n aban prou ! — Lou sucre à la iisano, l'aigo al moulin. — Pas de poulitico! voulem lou vi natural ! — De pan o la mort. — Cailho-te, Caillcaux '. — Lou Miejoum val lou Nord ! La poudrò costo o fr. 65 lou kilo ! — Mourirem pas qu'un cop ! Satisjaccicu 0 grevo de las talhos ! Lous vigneirouns d'Arbois (Jura), las federaciouns viti'eoles de Sàuno e Lèiro, d'Algerio, de Prouvenso, lous sindicats de Fouis �— i77 — de Toulouse-, de lTzero, del Tarn, del Var, de l'Anjou etc. aproboun, mandoun de counselhs e de mounedo, venoun à las manifestaciouns. Mistral telegrafio de Malhano « Vivo la terro maire e l'abitant que la boulego ! Plus de poulitico ! Unioun en lengo d'O ! » Tout lou païs s'esperto, coumo lou vin nouvel que boulis dins la tino, mas lou Gouvernament sap pas de que faire. Amai que las manifestaciouns siegoun tranquilos, que sens poulisso, sens gendarmariè tout marche en reglo, pamens i a de cops que la maladresso d'un founciounàri. la malofacho d'un afrountaire fan brama lou lioun poupulàri. Un coumitat d'omes travalhaires e afeciounats ajudo Ferroul qu'a la cargo de tout prevèire. de tout ourganisa.- Es pas pauc de causo ! Iéu qu'ambe la moulhè e lou pople de moun endrech, ai seguit toutos las manifestaciouns, ai vist so que n'ero, e pensarets que per mena à Mount-Pelhè lous 700.000 ornes qu'i vengueroun, calguet mètre en marcho mai de 2ootrins, sens coumpta de milherats de carretos, d'autos, de bicicletos, e lous que vengueroun~à pè, coumo las femnos d'Es-Fagel (sa pancarto disiò « Las femnos seran pas en arrè. ») que fagueroun mai de 200 kilomètres. La situacioun, cado journ, mai dificilo, pot pas dura, e dauans l'inercio del Poudé, aro, Ferroul va abèiro l'ounour de dire lous mots desclavelaires. Es à Mount-Pelhè, lou 7 de jun 1907. Fa calimas ! Sem lasses, aguts de fatigo e de calour dempèi quatre ouros que sarrats, esquichats, tnarcham e trepejam dins las larjos carriéiros. Marcelin Albert montosus uno estrado, parlo, e pèi Ferroul s'i quilho. Sa voux trounadisso que porto lent dins lou silènei de toutes, crido las juitos revendicaciouns. « D'abord que lou Gouvern en loc d'ajudalou quetravalho, d'assousta lou que prouduch, a per el que menassos, que talhos crescudos, ique presoun — d'abord qu'arrouïnats per la Fraudo, poudem pas soulament ambé l'obro de nostres brasses gagnar lou pan de l'oustalado — arrè ! — aquel malgouvern, lou voulèm pas pus counouisse! Cal que davans très journs franc de traïsoun, i aje pas pus de Municipe dins lous quatre despartaments federats. Lou Miejour, aro s'arresto de parla : agis !.., Ambé grand gauch, deman, pourtarai lou prumiè truc : e quand aurai rendut à lous que me lou baileroun mon Poudé municipal, jitarai moun escharpo al mourre del Gouvern ! » L'astrado del tourn de vilo m'abiô arrestat contro lou tauliè dels ouratours. Perdèri pas un mot d'aquelo dicho enfioucado e moun cor de pè-terrous barbelabo rette quand sus l'acabado del discours de Ferroul, Faucilhon, de Carcassouno, se decintant mandèt sul pople amassât sa talholo municipalo. Tout lou pople occitan fernis ! En Alger, 50.000 vigneirouns, �— 178 — dins lou Var 8.000 s'assoucioun dins Brignoles à las revendicaciouns Lengadoucianos, del temps que Mistral, retengut pel vielhounge, telegrafio de Malhano : « Li patrioto de Prouvènço, acampa vuei en Avignoun, i festo dàu Palais di Papo, mandon à si coumpatrioto, li vigneiroiin.de Lengadó, lou counfort calourènt de sa fraternita c de sa pleno coumunioun dins si demando mai que justo. » E lous attes, aro, seguissoun las paràulos ! Es la 'coumuno de Narbouno, pèi las autros, que se clavoun ! Las naissensos, las morts, res pus se va marca ! Lous maridages soun pas pus célébrais ! Las talhos se pagoun pas e sous recebèires soun foursats de daissar pausar lous uchès. Dins l'Erau, ero degut encaro 20.000 fr. sus las talhos de 1904, 35.000 fr. sus las de 1905, 34.000 fr. sus las de 1906, e quand la grevo de l'impost sieguet decidado i abiò pas que 2.400.000 de pagats sus 18.000.000. Dins l'Aude ero so mesme e l'atardieirat per 19(37 ero de 15 miliouns. Es pas encaro 11110 revolto, mas s'ausis bufa la trumado ! E alaro lou Gouvern de Paris s'eneversis, d'autant que vèi la Champagne» pels mesmes moutiùs coumensa de manifestaciouns. En loc de las sajos mesuros qu'auriô presos un Sully, un Colbert (forobandi la fraudo, empachalou sucrage, douna de temps per las talhos degudos, etc.) e que finalament Ferroul e lou coumitat d'Argelliers lou foursaran de prene-amasso de troupos, las ciutats de Lengadoc sembloun de fourtaressos e enfin, lou 10 de Jun mando 400 gendarmos e un régiment de cavalariè per arresta dins Argelliers lous valents que menoun lou pople occitan à la renaissenso, à la vido ! Adejà dins Narbouno i a 3 régiments d'infantariè, 2 de cavalariè, 500 gendarmos, un fum de pouliciès. Pamens. arresta Ferroul seriô pas un joc, que lous Narbouneses, rasso valento e fisèlo, soun prestes à tout ! Mas lou grand Conse vol pas que lou sang raje per el, e lou 19 de Jun se liuro à la poulisso qu'acoumpagnado de 2 Ciès del i39era0 e d'un escadroun de cuirassiers, à 4 ouros del matin, lou ven arresta. Dins un trin especial partis, gardât per 100 gendarmos, per la presoun de Mount-Pelhè ount vendra lou rejugne lou coumitat d'Argelliers. A Narbouno, tant lèu l'arrestacioun de Ferroul couneigudo, lous magasins soun tancats, la grevo viticolo decidado, de tout lou terraire arribo de manifestants, Mas lou Coumitat que ven de se counstitua per remplassa lou qu'es en presoun, counvido per sas afichos lou pople à la mouderacioun. Lou mounde pracô s'amasso davans la Coumuno, pèi s'en va à la joust-prefecturo demanda la libertat de Ferroul. Sens cap de respounso, d'unes s'asarcloun de bouta foc à la porto de la court grando, gardado per 80 gen- �— i79 — darmos e 250 ornes del 130e. Sul cop lous fusilhs partissoun e 5 narbouneses tomboun, blassats. Ai'o es nèit. Subran lous lums s'atudoun e lou 10e cuirassiers partis al galaup, revoulver en man, sul boulevard Gambetta. Dins lou bar Paincout, cruvelat de balos, Ramoun es tugat, sa filho blassado afrousament. Dins la carrièiro Littré, de curiouses mountats sus uno levado de 2 mestres d'aussado soun canardats pels cuirassiès. Lou lerideman, 20 de Jun, lous omes del 139° counsignats à la Coumuno, sens prouvoucaciojin, tiroun : 3 omes. uno filho soun tugats sus plasso, un autre mourira lou lendeman. E aro dins Narbouno i a un corps d'armado : 8 régiments de ligno (9, 11, 14, 18, 50, 80, 108, 139), 3 de cavalariè (10e dragouns, 7e e 10e cuirassiès), e lou préfet Aubanel, lou coulounel Gérard, delegat especial de Clemenceau e. que sens respèt delà dissiplino, coumando gênerais de brigado e gênerais de divisioun, podoun se crèire à l'abric. Mas Mount-Pelhè proutesto, lous Catalans se remenoun, boutoun fioc à la préfecture e lou 17e de ligno reven à Beziers e menasso de se revoulta. Lous deputats Aldy, Leroy-Beaulieu, Brousse, Bedouce cridoun la veritat à n'uno Cambro qu'a per dous cops voutat sa counfienso al Gouvern que nous mitralho, e lou Miejourn, coupât de sas coumunicaciouns telegraficos e telefounicos, semble presouniè dins un cèucle d'aciè. Lou moument poudio sembla boun à lous que nous acusoun de séparatisme per prouclama l'independenso de l'Occitanio, mas lous Coumitats, lou segound coumo lou prumiè, s'arrestoun pas de crida la Pax, de predica la Councôrdi ! Finalament lou Gouvern de Clemenceau, per tant maladrech que siegue e ignourent de la vertadièiro situacioun ecounoumico e mouralo, coumprendra. La lèi del 29 de Jun qu'interdis lou mouillage e lou sucrage, .que decreto la declaracioun foursado de recolto, d'efet tout so qu'à quicon proche demandabo lou Lengadoc, coumenso d'apasimar lou Païs, mas la tranquiletat noun torriara qu'un cop que Ferroul, Dr Senty, Marcelin Albert, Bourges, Cabannes. Richard, Cathala, Bernard sourtiran de presoun. Lou Coumitat n° 2 d'Argelliers, counstituat tant lèu lou prumiè Coumitat arrestat, coumenso per décida de « basti sus uno baso soulido, legalo e duradisso la Counfederacioun generalo dels Vigneirouns miejournals (C. G. V.) ». Ferroul, en libertat aprep dous meses de presoun, sieguet lou prumiè président d'aquelo grando soucietat regiounalisto que fa l'ourganisacioun dins la proufessioun e l'es estât juscos à sa mort. Aro prou de temps s'es escourit e à l'obro facho poudem jujà lou travalh ! L'ounestetat enrebelido de Marcelin Albert a derevelhat la vigouriè de sous fraires de rasso, mas barrejadis estrange de tra- �— i8o — valhaire, de coumedian, de jougadou, de cafetiè, bel parlaire mas sens instruccioun seriouso, ero qu'un paure ome ! Enebriat de sa victòrio, coumprenguet pas que caliô per que fruchesse la boulegadisso ourganisa las forsos vigneirounos dins un groupament pouderous e coumbatre la fraudo ambé las armos nouvelos qu'anabo nous douna la lèi. Albert es estât l'animadou de l'accioun, mas Ferroul ne sieguet l'afric e poutent cervel. Dins sa presoun s'acountento pas de recita à sous amies, arrestats amb'el, lous verses e las dichos de Mistral, de trosses de la Cansoun de la Crosado Albigeso, parlq, réfléchis, discuto, e pauc à pauc tout s'adoubo*. E quand ambe lous d'Argelliers, es mes en libertat prouvisôrio, coumenso d'ensegna valentament l'unioun en lengo d'Oc per la Pax e lou Travalh. Es la lucho contro la Fraudo, l'ourganisacioun dels Sindicats de vigneirouns, l'estùdi de las questiouns de douano, de l'utilisacioun de l'aigo-ardent, e enfin, lou 22 de setembre 1907. la creacioun de la C. G. V. Es aquelo counfederacioun l'unioun, lou groupament en 6 sindicats (Narbouno, Carcassouno, Perpigna, Beziers, Mount-Pelhè, Nimes) de lous que vivoun de la vigno. Aprep la defenso de faire de vi autrament qu'ambe lou rasim de la souco, abem impausat al Gouvern la declaracioun de recolto facho per cado prouprietàri, so qu'empacho lous coumersants de vendre mai que s'es recoultat. Es de boun survelha, d'abord que lou vi pot pas sourtir de la cavo del prouprietàri sens un papiè en reglo (acquit) e sens paga à l'ouro d'aro 15 fr. lous cent litres, très sòus lou litre. La Regio compto so que dintro dins lou chai del négociant, so que ne sourtis. e aro es pas aqui que se pot pla frauda. Mas es vesible que lou « bistro », qu'el es pas assujetit à n'aquel compte, qu'es pas « exercé », pot mètre d'aigo tant que vol dins lou veire que buvets sus -sa tàulo, dins la flasqueto qu'empourtats. Mas lous vigneirouns sindicats se soun impausats de paga d'abord un sôu, pèi dous sòus per cent litres, e ambé aquelo mounedo entretenoun uno colo d'agents que visitoun la Franso e à forso de croumpa d'echantilhouns que portoun à l'analiso, arriboun à forobandi uno grosso part de la farlabico qu'empouisounabo lou pais e nous arrouïnabo. Toutes lous sindicats s'acampoun cado mès e mai à Narbouno per las questiouns generalos. mas cadun a soun burèu qu'estudio tout so que nous interesso, e seguis lous proucesses que cal faire, e que soun pas pauc. Lou numéro del 11 de Jun del journal counfederal, la C. G. V., p. ex. porto que lous agents del sindicat de Beziers qu'operoun en Lourèno an fach coundanna 15 débitants per abeire batejat soun vin (7.000 fr. d'amendo e 20 journs de presoun) e lous qu'operoun en Bourgougno an fach douna 9.000 fr. �— I8I - d'amendo e 4 meses de presoun. De mai 12 débitants soun estais coundannats à 270 fr. per abèire pas marcat sul vin que vendion lou degrad que proubabo. Coumprenets pla que se legissets sul vin que crompo per l'analisar l'agent déjà C. G. V. que probo 90, e que l'analiso ne trobo pas que 8°, es qu'es aigassejat. Es simple, e sens cap de countesto poussiblo, en loc que se lou pés-alcool es pas marcat la probo qu'es sermat, es de cops malaisido. Es per açò, e_lou beveire i es intéressât tant coumo lou vigneiroun, qu'abém finit per oùtene (e sieguet la darnièiro victòrio de Ferroul I) que lou débitant dèu marca sus sous barricots lou degrad del vi que vend e qû'i es garantit per lou negouciant à quai l'a croumpat. Mas Ferroul es pas estât soulament un menaire de pople, un grand tribun poupulàri, es estât un Felibre, un Regiounalisto de marco. Ero d'aqueles Conses que « quand sabion Ion Dre! dedans — sabion quita lou Rèi deforo ». Calio l'ausi parla familheirament dins las felibrejados d'aquelo roujo bandièiro Lengadouciano à la Croux d'aur qu'aimabo d'auboura sos la paret gigantalo de la Coumuno narbouneso, e de nostro Lengo e de nostros Libertats coumunalos bandidos pel poudé centralisaire ! Ailas ! la Mort nous es estado crudelo ! Lou 25 de Mars 1914 nous preniò Mistral, el al més de desembre 1921 la negro segairo fasio demest lous cepouns de nostro rasso uno larjo endalhado que daisso nostro cor endoulentit. Lou 15 de desembre 1921 mourissiò Marcelin Albert, lou redemptou ! Lou 21, un dimecres, nous preniô, cargat d'ans e d'ounours lou Cardinal de Cabrières, lou bel regiounaliste catoulic dount an remembrât lou rolle de bountat dins la grando journado del 9 de Jun 1907, per lou junta à lou dels salvaires de nostro terro. Enfin, lou 29, es tu que nous as quitat, Ferroul, grando amo que res espaurucabo pas, claro e valènto intelligenso. Aro, çoumo ca nto lou Mèstre. Soun mort li bèu disèire, Mai li voues an clanti ; Soun mort li bastissèire. Mai lou tèmple es basti. Vuei pou boufa L'aurouso malamagno ; Au frount de la Tour-Magno Lou sant signau es fa. . Coumo l'a dich sul cros de Ferroul, al noum del Felibrige, moun amie lou majoural Albarel. « Patrioto miechjournal, t'en sies anat : més se la Mort a près toun cos, toun amo demourara ame nous autris, e, recouneissents, Narbouno, l'antico capitalo e lou païs tout entié, gardaran lou souveni dal filh glourious que jusqu'à soun darriè bufal counsacrèt sa vido à lous aima. » Dr VINAS, Président de la seccioun coumunalo de la C. G. V., à Bassan. �— 18a — SOUNEY DE GRILHOU Cri-cri ! que soy lou grilhou Negrilhou, Ausèt de la chemineye. . . Lou petit grilhou, darrè Lou larè, Quoan nou cante que souneye. . . La marna que-u dits : « Chou ! chou Nenichou ! E-t bos cara, ploure-miques ! Enten deu grilhou lou crit : Que s'arrid De tu, gran pèc, quoan saumiques. » — E qu'as dounc tu souneyat, Bain, gouyat ? Si-m a dit l'eslame blue, Que-m tùi ta ha bouri Lou toupi, Tu, que cantes à la lue ! Nou hè arré, saloupet ? Quiri toupet ! Au nenin de las bâties James èy mancat d'oufri Moun refri : « Diu, mic, que-t dàssi Ioungs dies ! » — E-u harés bouri chens you î Belhèu nou, Lhèu nou cantaré tan biste, Beroy hoec !. . Chens lou me crit Esberit, Toun larè be seré triste ! Malaye ! cap à la Mourt Qui nou court î Ouoan soul à case demouri, Au glas de l'enterramén, Tristemén, Cô doulén, coum touts que plouri !. — Care-t, bèn dab tas rasous, Ourgulhous, Si-m a hèyt, labets, la cuque... Denquio-u houns de l'estuyùu, Tros de hòu, Toun carrascle que-m houruquc ! E y-a nouce en la maysou ? Chens fayçou, Per darrè la cauhepanse, Quoan nou serèy embitat, Per coustat, Que preni part à la danse... —• Toustém la lengue que-t prud, E lou brut Que t'agrade e la pelcye. . . Quoan seras la me serou, Aném, prou ! You, de-m fâcha, n'èy embeye. Mes ta you, la hèste-annau Qu'ey Nadau ! Oère, amie, quin pla se trobe : Que demouram, alabets, Touts soulets En ta ha bouri la dobe ! Pertout, tu, que bas leca, Houruca.. . Be hès dounc hàsti, cascante ! You, que soy aymat de touts ; La me bouts Qu'adroum, qu'apatse, qu'encante ! So qui mey aymi, toutu, Hoec, qu'ey tu ! La to clarou que m'embite Ras de tu, hoec, à m'esta Ta canta, Ta canta toute la bite ! — Boh ! chibiteye u tisou, Ta cansou E serb d'arré tau menàdye ? — Si tu n'at sabs, you qu'at sèy ! So qui hèy ? Quoan ploure quauque maynadye, Tan qui biu. en la maysou, U tisou, Diu que proutèdye la case ! Que m'y demouri estacat Coum lou gat Ou coum lou ca sus la brase... Abat MOUNAIX, �- i83 - COPS DE CALAM Pesats toutun. Au marcat de Gèune. Un peysan d'Arboucabe qu'abè un betètà béne. Que-s dèche marcandeja e que bén. Lous betèts que-s bénen au pés. Moun peysan que porte lou betèt au pés coumunau e qu'où boute sus la bassecule. Lou basseculayre qu'anèbe pesa quoan lou peysan ou balhe cinq sos. « Enta que cinq sos ? s'ou dit lou basseculayre. — Enta paga. — Ne j'èts pas, l'ômi. Tout qu'a encarit e de pesa tabé. Ne pas mey cinq sos. — E quoan ey i — Dèts sos. — Dèts sos.'' se dit lou peysan. — Que-m eau dèts sos ou qu'at dèchi. > Lou peysan que tourne balha lous cinq sos : « Pésats toutun, se dit, e ne-m disits pa's sounque la mitât de so que pèse. Que harpy bé ! » En aquét counde. A bescops un judge que se-n entén de toutes. Qu'ère en so dou judge de pats d'un cantoun d'Armagnac. Lou Pelic, boulurot en pè de petit aban, qu'abè à respoune de piocs glaupats, de pastenagres e caulets panats, de palaures lèses à ha héne las murralhes pramou qu'abè mey resoun que nou pas lou qui ne panabe pas. Ue troupe de temoegns que carquèben l'ase, e lou judje, cap pelât e pet lusénte coum se s'y poudèben miralha, qu'escoutèbe lou dise dous temoegns. De tout so qui s'entenù, lou Pelic que se-n dabe coum un ase d'un cop de herret. Enta hanlèu, lou judge espaciéntat qu'où dit": « Escoute, Pelic, s'ère bertat sounque la mitât de so qui-t acusen, qu'aberés la counciénee bèt cop mey nègre que nou pas lou peu, e que-n as un cap de péu ! — Moussu lou judge, se respoun lou Pelic, en aquet counde e se eau mesura la counciénee au cap de péu qui poden abé, que souy à-m demanda oun la poudets abé, bous, la counciénee ! > Un cap pelât nou caleré pas parla de péu. C. DAUGÉ. lanusqtcet. V �— 184 — L'ACCIOU A l'aunou dous sourdats noustes. Quoan, Faut die, dens u biladye de Labeda, à St-Pastous en Dabantaygue, Mous lou Dou Meillon decidabe de pourta u brinde gascou, que pausabe aquiu u acte qui sera arcoelhut dab yoye pous patriotes de Gascougne. Que-ns e despacham de da lou prousey esmabut dou nouste aunourat counfray e, au noum de l'Escole, qu'où ne mandam u mercés dous mey sentits. « En biran la France, qu'an saubat lou mounde. Aquets maynats qui plouram oey que-b an saubats bous auts medichs, de tandes de bachésses, de tandes de pòus, daban la bite e lous sous debés. Permou d'ets qu'èts libres de poudé tribalha, sauneya e apréne. Pagatslous. Siam dinnes d'ets. Demourém-se credents de la loue fé, oundrats de la loue bertut, amourous de la loue bite simple, estaubiante, suberbère dens l'obre de cade die, noble permou dou sou estacamén à tout ço qui hé la grandou de l'ómi e la soue )ro}Te bertadère. Boulhats que sie, aquéste biladye de Labeda ue patrie coume la sauneyaben en l'ore oun se soun escurits lous lous oelhs macats, ue patrie amistouseyade oun, permou que-s soun bis quoate anades de seguide, frays dens lous danyès e las doulous, lous omis de toute payére e de toute traque se debireri frays de tribalh e d'ahide, destacats de las mayes desoundres e de las coéntes oun nou s'y parle que de bénte e de hartère. Amaneyats-be, ta basti-u aquet mounde nabèt oun per dessus dous bachs e enganius interès l'umanitat purificade e bugadade pou sang barreyat tournara néte[en sourtin de las soues hangues e alateyara decap à u cèu de tribalh e de pats oun nou s'y bedera mey esplandi-s qu'amistat, aunou e bertat ! » D°U MEILLON. LA DINEROLE Ta ha mayemens beroys lous Yocs flouraus d'Auch. Darrère listre Léopold Lacouture, à Lauréde. Yan Arram, à Bizanos Maryléne Arnautou, à Lussagnet Dinque oey lou die...„ 70 > 10 » 10 » 10 » 1001 > �- i8 5 - LAS BIELHES CANTES BEROYE, 1 —JL-à + ;—\-à BEROUYINE ) le - , ^ * 1 ro ye, Be^rou yi - 7ie, ỳ * f ....à m » ■ BOL'S <ŷJJZ '— - tous, 3ous yui ay - rnâttoutf tous au - tes I — Beroye, berouyine, Bous qui aymat lous pastous, Bous qui aymat touts lous autes, Si m'aymarets à jou t 2 — Jou qu'aymi touts lous autes Tabi': que-us aymarè ; Touts lous qui à jou m'agraden Be-us acountentarè. 3 — Beroye, berouyine, Si-m haréts à jou atau, Bous croumpari raubetes, Y beroys debandaus. 4 — Galan, jou nou-b counéchi Ni que nou sèy d'oun èts. Goardat-be las raubetes Ta las qui counéchéts. Si 7T>'3t/ % —# à- t -mat /oui pas- h V •} c?—-—<Lï } *~ ~à ý t ■ ) * |> „ ma-'-^rets £ -M ou J ? 6 '— Galan, b'èts gran parlayre, Plasé e)r de p'escouta : Semblats parén de l'ayre Qui pertout bóu entra. 7 — Quoan la mâ seré encre, La terre tout papè.j N'y aurè pas ta 'scribe Lou regret que jou è. 8 — De loegn jou-n soy biengude, Tourna que m'en boy jou Dab las mies camarades Biengudes soun dab jou. 9 — Au cèu n'a autan d'esteles, Au boy autan de flous, Coum j'èy bersat de larmes, Mie bère, per bous. S — Dens boste co, beroye, Tan de frinestes j'a, Toutes qu'en soun barrades Que jou ne-y pouts entra. (Cansou d'Aussau, cantade per Jean Lacrouts, de Bescat. Coelhude e noutade per Mous J. Poueigh, au mes d'Abriu de 1921). �— i86 LOIS LIBES P. — Batalères de Pierrine. LIBE II, in-12 de 235 p., Pau, 11, carrère Maréchal-Joffre, 1923. Que-s bén : 5 liures 1/2 enso de l'emprimayre ou enso de l'autou, à Agnos, per Aulourou. BADIOLLE. LESCIIKR-MOUTOUÉ, Mous de Badiolle que bié de ha paréche lou libe n de las Batalères de Pierrine. Lou bou soegnadou, quoan a u beroy neuris, que serque à l'aparia e lou qui sab escade u beroy apariadye n'ey pas nat estros. Aci, l'apariadye qu'ey hèyt : Rouyete qu'ey adare dab Blanqucte. La segounde garbe de las Batalères que s'en abién bèt drin beroy dab la prumère. Que-y a benedous qui paren ue partide de so qui bénen, qui hèn en chausin, ta ha passa au miey ou au houns lou miutalhè : u beroy roumàdye qu'en hè passa u méndre, ue mesure de mounyetes triades au soum deu sac qu'escounen so de praube, l'escarradis. Lou carbouè Pierrine n'ey pas d'aquets marchans ; qu'ey aunèste. Hens la prumère cargue de Batalères, lou grâ qu'ère deu fi, chens orb, irague ni cussou ; la segounde qu'ey deu medich escantilh e, si choès y a, miélhe encoère. Permou l'autou qu'ey coum touts lous bous oubrès : à truques de maneya l'arnés, qu'aprènen à ha quauqu'arré de mey fenit, de mey plâ alisat. Lou qui bôu apréne àdesquilhau biarnés de laboune hount qu'a aquiu u mèste ta-u dabanteya e ta-u courdeya tabè, si eau. Mous de Badiolle qu'a segoutit lous plechs e lous bruchous deus sous soubenis d'Aussalés e que n'a hèyt sourti ue boulade de moûts triats, passats au sedas e à la téle, d'aquets moûts de la balée tan escricadets, tan berouyous, qui-b dan hàmi de-us ha dus poutous, quoan lous bedét sourti e ha-b aumenances daban lous oelhs. Aquet Pierrine qu'ey dilhèu u carbouè drin pouliticayre e qu'en tire à pauses bère ue de drin arrebouhièque : que-u semble toustem de maneya la destrau ou la pale. Mes nou m'abùsi pas à espia las soues esperissades ; n'escouti pas so qui dits, mes la fa3'ssou doun at dits, la manière doun sab presti la paste deus moûts, deus dises, déus arrepouès. La harie qu'ey fine, lou bouridé qu'ey bou, lou. hour qu'ey cauhat en u bou punt • lou pà qu'auloureye coum pastis e que s'en y minyeré sus lou cap d'u tignous. Biarnés d'aquet, que passeret ores de las loungues à l'escouta musiqueya chens bouha teque e chens gausa coum à qui dits badalha. Las benalèyes de Pierrine que-s semblen bèt drin à las hèytes de Caddetou. Lou qui bôu tira-s l'abeyè e ha-s u bente d'arride n'a pas à ana paga places au tiatre. Tout soulet, cap e cap dab las Batalères, que pot passa ue pause e ha hoéye touts lous brumalhs e lous perpits, qui biénen à brts cops, coum mousques tarritantes, ha broûnitère ou pegnics autour de la serimane deu cap ou hens la tirete deu cô. Que souhèti au Carbouè de béne lou libe 11 de las Batalères autan d'escatse que lou prumè. Be seré hère si lous dus frays bessous n'abèn pas medich espleyt e mediche escadence capbat la bite ! J.-B. LABORDE. �— 187 — RECLAMS DE PERQUIU U Tesaur chens parie. Aquestes paraules, tradusides dou bretou, que soun tirades d'u yournau de Paris : « Tout peuple a, sous la voûte des cieux, trois choses de la plus haute valeur, son territoire, ses costumes et sa langue. S'il est chassé de son territoire, s'il abandonne ses costumes, assurément c'est une grande pitié. « Mais la perte de sa langue est un malheur irréparable, car cette perte est aussi celle du peuple lui-même. Il cesse d'exister en même temps qu'elle et disparaît pour toujours. « Des trois trésors qui font sa joie tant qu'il reste vivant, la terre natale, les vêtements nationaux et le parler des ancêtres, c'est le' dernier, sans contestation possible, qui a la valeur la plus précieuse. « Notre Bretagne bien aimée comprend, à merveille, cette belle vérité et considère sa langue, aussi vieille que le monde, comme celui de ses joyaux qu'elle préfère à tous les autres. Dans la crainte qu'il ne disparaisse à jamais, ses prêtres, ses poètes et ses savants travaillent de tout l'amour de leur cœur, de toute la puissance de leur esprit, à le conserver intact. « Dans toutes les églises de Bretagne, le sermon du dimançhe est toujours fait en breton, tant par les vicaires que par les recteurs. Il en est de même du catéchisme des petits enfants. Quand les jeunes gens, sous la direction du clergé, jouent une pièce de théâtre, c'est encore en breton qu'elle est écrite. « Une paroisse dont nous tairons le nom a récemment un peu négligé le breton. Toutes les paroisses voisines, dressées conue elle, l'ont immédiatement accablée de reproches. Il ne faut pas s'en étonner. La Bretagne sait qu'elle a, dans l'antique idiome de ses pères, ce qui maintient sa foi, ce qui la fera vivre elle-même, indéfiniment, puisque la nationalité ne se maintient que par une langue saine et vivace. « Adrien de CARNE. » Ah! si me sabën e.nténe ! coum at dits la Coumtesse, dens la cante célèbre, de Mistrau ! U trentenàri. Lou tems que camine e nous auts dab et. Aquéste 27 d'Aoust, que hara quauqu'arré coum trénte ans, que lous amies de la Terre mayrane : Dsabiè de Cardaillac, N. Rosapelly, P. Lavigne, S. Palay, qui gracies à Diu soun bius e pla bius, puch C. Du Pouey, C. Dulor, Yan Palay, P. Labrouche, l'escultayre E. Desca, lou pintre �— i88 L. Capdevielle, qui aylas, soun bèt tems a de l'aute estrem, s'en èren anats ta Aryelès estrea ue pèyre-marme mercan la maysou oun Louiset de Lacountre, l'autou d'U Reclam de mountagne, ère badut. 1 Debis, cantes, cour d'amou presidade per Armand Silvestre, disna oun ère estade coumbidade la béude dou poète, tout aco qu'at bim e qu'at bedém encoère coum s'ère de yé. Hère d'ahides, d'aquets yoens dies, que-s soun coumplides, d'autes, nou, mes mandém toutu aus de qui y'èren e qui an lou cap sus las espalles, aquéstes arrèques coum ta disé-us : « Be b'en broumbats ? o Au Certificat d'estudis de Lembéye. Coum l'an passât aus examens cantounaus de Lembéye, Andrèu de Baudorre qu'a hèyt u councours de cansous biarnéses e ue doudzéne de maynats e maynades qu'an dit cadu la loue ; lous us prou pla e lous auts hère pla. Ah, qu'en aboussem Baudorres, u per pais, e l'ensegnamen de ço de nouste nou seré mey dens lous plans qui bastam trénte ans a. e qui yamey nou maduren, que seré ue cause hèyte à de bounes. Las hèstes d'Orthez. Lou 7 de garbe, au teatre dou Cinéma, que daben representaciou au proufieyt de la dinerole : « Mutuelle-Naissance ». Qu'abèn coumbidats disedous e cantadous de las hèstes annaus : Bordes de Birou qui-n cantabe de las de Baudorre, S. Palay, Serraplaa e Solans qui-n hén audi, cantes e coundes. Que s'y yougabe tabé a Lou Franchiman » e « Lou Crit de la Race ». L. R. •s »NABETHS COUNFRAYS MM. Lacrouts (René-Jean), 24 bis, Carrère Bernadotte, Pau. Foix (abat), Lauréde per Poyanne (Lanes). Combes (Félix), Yudye à Palestro dép. d'Alger. ' Tauziède (Abat Marius), curé d'Escource (Lanes). L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 27, n°10 (Aoust 1923) Alternative Title An alternative name for the resource. The distinction between titles and alternative titles is application-specific. Reclams. - Annada 27, n°10 (Aost 1923) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - août 1923 - N°10 (27e Année) Creator An entity primarily responsible for making the resource Palay, Simin (1874-1965) Camelat, Miquèu de (1871-1962) Laborde, Jean-Baptiste (1878-1963) Vinas, Jean-Marie (1860-1936) Mounaix, Paul (1882-1942) Daugé, Césaire (1858-1945) Dr. Meillon Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1923-08 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (20 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2725">http://www.occitanica.eu/omeka/items/show/2725</a> INOC_Y2_10_1923_08 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel