http://occitanica.eu/files/original/4af9223b21ffeb0c360881d185f1e2d0.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/55e3a03f9b71e53954d5d7af62133cee.pdf 9e48cfed681cc2943c9dc4db255dfb76 PDF Text Text 36 »u Ánade Setéme de 1932 CLAMS DE DOUCTRINE Lou Biarnés qu'ey ue léngue Ta créde au sou abésque, u dega (ou coum disen are : u curé doyen) d'aquets qui saben u francés apoulingat, que boulou ha, per bèt diménye, lou predic en biarnés — « Oh ! moun Diu, segnou ! si disè ue hemnote en sourtin de misse, lou nouste capera que tourne lous dies ! » Aquére, de segu, qu'ère ue biate qui-s pensabe coum tropes en ya, que lou biarnés n'ey arrey mey qu'u patoès man-poulit e qui nou pouderé apelha coum se déu la paraule dous omis pla educats e tabé e sustout la paraule de Diu ! Lous qui atau e pénsen ou debisen, ou qu'an mâchant cap ou que soun bèt drin ignourénts. Sayém d'amatiga lous us e d'ensegna lous auts. E sàben lou arrepròpis qui-s arrebendéchen countre lou nouste parla beroy, qu'ère emplegat d'auts cops per mounde en gran. Pous prumès biscoundes de Biarn : lous Sanches, lous Centots, dinque à la rèyne Yane e lou nouste Henric ; qu'ère la léngue dous fors de Biarn, dous yùdyes e dous aboucats, la léngue de toute l'administraciou despuch qui Gastou VII, lou biscounde de Mouncade d'Orthez, e l'abè boulude léngue ouficiau au XIIIau sègle ; que deya la parlaben lous Croudzats de Gastou IV qui courrèn à l'ayude dous segnous aragounés e castelhas countre lous Mourous mèstes d'aquets péïs ? E sàben que l'Henric IV que s'en serbibe ta escribe à mey d'u dous sous frays de batalhe e que u cop qui hou à Paris que la hasè brouni aquiu medich ? que Jeliotte que la hé ayma à la cour de Bersalhes ; e qu'a retrenit, despuch, sus touts lous cams batalhès d'Urope dab Barbanégre, d'Arnaudat e lou barou de Boussilhe ? Quoan nou seré qu'aco, nou seré la léngue prou antic e prou noble ta merita-s lou respèc ? E qu'en y-a mey.. A l'estudia de proche, que-s bed qu'ey ue mestiou blousse e nàtre de latî sustout e d'autes bielhes parladures, lhèu permou d'aco drin trufandère, mes qui trobe toustém lou tèrmi yùste, lou mout sarrat qui pintre ue situaciou e amuche ço que l'amne a de mey hort e de mey délicat. Om que sab quin Montaigne, segnou de Lahounta, aymabe la léngue d'O e ne disè : « C'est un langage beau, sec, bref, signifiant». Digam, nous, que lou biarnés coum l'espagnòu, l'italien e lou pourtugués qu'ey u patoès latî, mes pas u patoès francés. D'aulhous, despuch lou tribalh dou Lespy de Pau, qu'a la �— 334 — soue Grammatic, lou sou dicciounàri oun soun mercades règles seguides bèt tems a e lous sens dous moûts emplegats pous noustes ayòus. E lou francés labéts ? E dounc, n'ey qu'u ray, si boulét, u ray mey riche, lhèu, mes toutu hilb de la medich may, la léngue latine. Au sou caban qu'ayustabe bères proubagnes e debiengut lou parla, lou bèth parla de France, qu'abou calams coum lou de Rabelays, de Bossuet e de Voltaire. Malaye-pu, quoan ue eretère riche e beroye e-s trobe galans d'aquet èscantilh ! Mes la caddète qui ey dou medicli sang nou-s mérite d'esta deslechade. E quoan talamès coum soun lous felibres, e quoan e quoan d'amies de la léngue mayrane Ihebats en l'ore ta la mantiéne e ta la ha baie, àyen dit pertout la soue noublésse, la soue béutat, lou sou berojr ana chens counda (ço qui arrey nou goèste) la dot qui l'an hèyte lous payrans, ère tabey au sou tour, que troubera beroy partit. A. CAMBUS, •(! I ^SSm »• LOU COURNÉ DOUS POUETES A MISTRAL end'ou cent dusau cap d'an de sa nechénee Qu'ei de la boste bée, ô boas, lou nouste Mèste, Que gisclèc, aboundous coum un esdarrabei, Lou sang dous bèrs, de las cansouns e dou prousei Qui mourmounéjen per aci déns cade teste. Lous pècs disèn : « Arré de boun, arré d'aunèste Ne sourtira de quet parla groussiè ; bau mei Decha-u mouri ! » Que hasouts « la Mirèlhe », e oei Proubençau e gascoun que ban de hèstë en hèste ! E que s'i dit ço de mei bèt, ço de mei frés, Pensades e perpaus que-y claréjen sancés Coum hèn lous arrasims arrous débat sa téle. Lou boste noum pertout adare retrenéis : Lou mounde qué-ts embeye e cadun que-ts graséis D'aué pihat au cèu ue tan bère estéle. C. LAFFARGUE. armagnaqués. �— 335 — AMES DE MAYNADGES Oh ! dichats rebeni las âmes Qu'an roumput trop lèu lus ligames, Aouan que lu cos n'este belh. Se podèts pas ana las quèrre, Dichats las rebeni sus terre Pourtades pr'un ray de sourelh. S'aquet ray paude une couroune Se las flouretes que paroune E hèy rebiure lus coulous, Aco's qu'une âme rebingude, Au mey de las flous retingude, Se mude en l'âme de las flous. Se lou bèn dau dessèy soubale Lous belhs aubres, e que rebale La musique das estiulèts, Aco's qu'une âme armouniuse Dens aquere bouàs passe eruse Mudade en l'âme das audèts. O petites flous lèu flagides, Bouàs abinèntes lèu partides, Ournamen qu'au cèu èm prestat, Dans un ray de boste inoucènce Hadèts senti boste présence Au praube co das qu'an restât. BRION. giroundi. ANDRÉ (1875-1903) ESPLIC DE MOÛTS : quèrre, coélhe ; soubale, segoutech ; audèts, ausèts ; dessèy, brespau. LAS TRADICIOUS Ta ha saba Sabe, sabe, sabedére — ta la hount de Lamasére ; — sabe, sabe hè (1), — ta la hount de Cap de hè. \ Coelhut à Sent Haus (Biarn). ANDRÈU DE BAUDORRE. (1) Hè=hère. �MOUNDE E CAUSES DE NOUSTE LOU CENTENARI DE B. GASSIAT 1^32-l8qq Que megne lous cent ans adare. A Estibaus, enter Dax e Orthès, ère basut un maynadje escarrabilhat coum un pech. A batesme que l'abèn aperat Bernât. Encoè l'arrepoè margagnous que disousse : Bernât, Au cèu ne-n y ba nat Que ne sie tort ou escanat, lou droulot n'abè pas brique Ter de serca-s enta-d-ét so qui s'apère lou martiri. Malin coum un sinje, qu'abè banlèu toutes las arrebirades, e, se s'abisaben d'où boulé pienta à l'arrebouhin, qu'ère aymable coum un pugn de brocs. A sa case, coum à tout larè en aquet teins, la lenque gascoune qu'ère s'ous pots de pay e may, e lou gouyat que s'abè gahat arré de mey beroy lou parla peysan autan coum nat boè d'Estibaus, de Habas ou de Poulhoun. Aus dus seminaris d'Ayre, encoè qu'estousse d'ue « classe » numerouse e qui a balhat omis de balou coum Doniez e Darthos, qu'ère ét qui abè lou mey d'escoupit gascoun ; que basé lou bet e la plouje ent' ous pès de porc à jouga, enta las trobes qui hasèn esclaquera d'arrise. Dab aco, trabalhedou de cap e de plume, que s'aprestabe à ha un omi sapien e gascoun dinc' au cap de las uncles. Abè à Sent Estèbe de Bayoune, qui ère labets dou diocèse d'Ayre, que s'ère trufat dous canounjes bayounés. Esperit que-n abè à béne e la lenque qu'où prusibe à tira malicis : la plume que basé courdét à la lenque e à la pensade. Se lous uns arrisèn, lous auts que hasèn la moune. Trop à l'estret pr'aci, que part enta Paris e Roumes oun se gagne galouns en dret canoun e lou titre de « mounsignor ». Aqui dessus que predique, coum pas un, sermouns tirats au courdet. En ue troupe de granes gleyses, coan serén gleyses cathedraus, que se-n ba ha predics de-coaresme, e pertout que se-n tire mey que dab aunou. Lenque e plume qu'où prusiben enta la bite bitante d'escriban e de predicatou. En prumères au diocèse de Paris, en darrères au diocèse de Bersalhes, tout « mounsignor » coum ère n'ou boutaben pas �— 337 — sounque en parròpis mendrotes e aco que l'escousibe. Per un cop, mounségnou Fleury-Hottot, noumat abesque de Bayoune, qu'où balhe letres de becari-jenerau. Mes bèn t'arraja ! Lous canounjes bayounés, qui n'abèn pas debersut las trufanderies de d'auts cops, que hasoun assabé que lou becari-jenerau n'ous anabe pas, e lou praube « mounsignor » que-s damoure curelot à CarrièresSt-Denis et Marnes-la-Coquette. A so qui-s parech, l'abesque nabet qu'abè passât un machan coart d'ore. Gassiat qu'ère doun en ue de queres parròpies coan, un bet matin, chens l'abé heyt nat cbiulet, Félix Despagnet, l'oculiste, qui a lou soun cap proche dou poun d'Ayre, que l'arribe dab très ou coate amies, qui boulèn ha-s dab ét un bente d'arrise hore dou barraboum de Paris. Qu'èren las Rogaciouns e Gassiat que cantabe las Letanies dab lou chantre qui respounè. Lous parisiens, coum qui s'estujen, poujen à la tribune e, coum s'èren estats au miey d'ue lane, que-s bouten à respoune : Ora pro nobis ! Moun Gassiat que bire lou cap en s'enténe aquere tounerrade ; qu'arrecounech lou soun mounde e que-s boute à canta coum s'ère à las Letanies : Que-m bey aciu haut coate beroys amies. E lou chantre, qui pren aco per esta parla latin, de respoune : Ora pro nobis . Pénsi se-n aneran pas chens me biene bede : Ora pro nobis. Que-m haran lou plesi de disna dab you : Ora pro nobis. E lou chantre de respoune toustem Ora pro nobis en aquet nabet latin de Gascougne. E doun aqui qu'abets tout natre ' lou Gascoun qui ère « mounsignor » Gassiat. Qu'é lou Félix Despagnet qui m'a countat l'aha, un cop qui disnabi en so de soun à Biarritz. Adare parlam dou poète. So que j'abè de boun en aquét omi qu'ère ne s'abè jamé desbroumbat lou peys. Tout an que-y tournabe passa dus més, per lou mens, e ne passabe pas hounte de-s bouta ue grane belouse enta troulha — que gn'a que disen fabrica — la bregne. La soue arribade qu'ère ue heste ent' ous amies. Estibaus qu'où brounibe p'ou cap, e lou fla-fla de Paris que l'ère arré à pa dou larè natau de case. Dou coustat de Bersalhes, un cop sermouns e libres heyts, la plume qu'escribè bers de Gascougne dab encre de Paris. Tout an que hasè parla d'et au disna dou Piquepout, oun s'amassaben lous desarrigats de nouste. Et e Isidore Salles que-y hasèn lusi lous arrays dou parla de nouste. Gassiat, malin, gnaquén, à moumens grechut coum un de quets countayres d'espourguère ; Isidore Salles, fin, aymable, poulidemen arrisén : touts dus hasèn ringa bers hargats sus enclumis dou bord dou Gabe e de l'Adou. Abescops, en bet ana se-n, lous disnayres que disèn à I. Salles : « Bous qu'èts estât lou caperan e Faut lou laïque». Aquet dise que hara coumprene aquere strophe de �— 338 — Gassiat dens la soue pèce Lou Lare, l'ue de las mey escasudes doun soun libre : B'é doun pecat, o lencou de Gascougne, Ne pousquin pa dou toun croucan debis Escribe tout ! Mé lou gouelh qu'a bergougne Mè que Faurelhe, en lou nous broy peys... Gassiat qu'abè la métrique boune, ayside, encoè qu'à plaps l'aboussi franchimande : de roubi-s à la paret qu'an la manche plapade de blanc e de trop roubi-s à Paris qu'an la plume que franchimandéje. Aquet omi qu'ère un disedou de prumè escantilh. Que disè lous bers dab ue bouts de hade e qu'ous hasè balé souben... belhèu mey que ne balè la cause dite. A l'enténe, tout qu'ère bet, estoumagan. Au léje qu'où troben mey countayrè bersificatou que nou pas poète de founs. Lou Cout dou Hoec publicat à Dax en 1897, espourgat d'ue troupe de « joyeusetés » coum dit à la préface I. Salles, ne hè pas goayre de Gassiat sounque un poète de duzau esparroun. Ne trobe pas, autemen dit n'é pas un troubadou : qu'amasse so qui-s dit e qu'at bestech à la soue mode. Sus coate pèces qui an un tchic de bouhet, que-n bire, en parla d'Estibaus, dus de Jasmin : l'Abugle de Castèt Culhè e Marthe la Hole, e ue de François Coppée, Lou Pater. Talén que-n abè mey qu'en abounde, mes lou talén n'é pas tout ; souben que sab au sequè. Lou sentimen n'é pas goayre l'aha de Gassiat ; qu'abè trop d'esperit — e qu'at sabè — e qu'aymabe trop las pignicades. Escoutats aquesti L'endejour de Carnabal. LOU DOCTUR Repaus ! Repaus ! Que-b eau repaus, madame, Pramoun qu'abéts, elas ! à so que bey, Coque tems a, fort segoutit la came... LA DAUNE Espiats me doun la lencou, que-b at prey... LOU DOCTUR Repaus ! Repaus enta-d'ére tabey ! Disem-me se asso-ci ne-s trobe pas ente ha arrise aus journaus : « Mamisèle ! se-s boute à dise, Qu'ats u bèsti darrè l'esqui !... » Ed ère, dab un dous arrise : « Moussu, ne-p sabi pas aqui !... » Soulide tout aco qu'amuse, mes n'é pas créa. Amusayre, lou nouste omi que-n ère autan e mey que digun ; que s'at dit et �— 339 — medich, ou tchic se-n manque, en acaba lou libre dab aqueste Yutyemen dou Libiot dit à la neboude à la coau lou Cout dou Hoec ère dedicat. Tout counde heyt, que saps, ô terrible fumèle ! So qu'a coustat asso de tems e de candèle. Après abè leyit, e bos sabé coan bau ? Que-t at direy tan bien que mail : S'as arridut, Un bèt escut ; S'as plouricat, Un sac de blat ; Mè, s'as droumit... Un escoupit ! Encoère un cop, tout aco qu'amuse e que-s hè leje, e Gassiat que damourera pramou qu'ère boun oubrè de bers. Toutun qu'a cauques pèces prou plan dites e tirades de la soue plume, coum Lou Cout dou Hoec, e d'autes qui I. Salles a boulut mentabe à la soue « préface ». Qu'amuse mey que ne toque, e lous amusayres que soun plan bis. D'alhous, toutes aqueres péguessotes qu'èren meylèu jocs d'esperit, e lou « mounsignor » qu'é toustem damourat lou qui calé, sounque que prenè ers d'Artagnan de plume e de lenque qui hasèn d'ét un franc Caddèt de Gascougne. Tabé dab plasé que boutam aci la soue «epitaphe», qui s'a heyte, pramoun que, basut en Gascougne, qu'a boulut tourna droumi lou soumelh de la mourt en Gascougne, à Estibaus. Counflat à la eau, lou gran parech niouri. Mé ne mou pa ; que drom. Ou printems que-s rebelhe. Atau lou cos crétien, coum u segnte soumi, Dou segrat ent'au cèu reflourech e cabelhe. Prumè d'acaba, disém Gassiat qu'ère dou tems oun s'esmaginaben lou gascoun litterari ou escriut n'ère pas boun sounque ente ha bers. Ne Pedegert, ne Isidore Salles n'an pas dechat prose gascoune. Qu'a calut l'Escole Gastou-Fébus ente ha counéche à la Gascougne se, en lou soun parla, lou bers pot esta un bèt moussu, la prose plan bestide que pot esta ue bère daune. C. DAUGÉ. �— 340 — LAS LÉTRES Quauques létres de Francés de Lartigue Aquéstes darrès ans que dabem dens lous Reclams dues ou très létres dou pouète d'Arrayades Gascounes en dise que lhèu, u die, qu'en amucharém d'autes. L'ore de hica dens la luts d'autes troussots de la yénce parladure armagnaquése que-nse parech abé trucat, pusque dens ue semane e seram pous parsas de Nogaro ta hesteya quauques défunts, e merca tabé las ahides qui abém dens las yoentuts qui-s lhèben capbat de Gascougne. A d'aquets nabèts pourtadous de l'Eslame nou sabém que crida : Hèts counechénces dab lous qui deya s'y soun hèyts ! Cantats las cansous de Tallez ; coundats lous coundes de Bladé ; yougats las pèces de Sarran, leyits las pouesies e las létres de Francés de Lartigue ! I A perpaus dou pouèmi de Mirèio 13-8-1910. Talèu recebut m'en souy hartat, coume poudets pensa ; l'ey hourrupat à lampatots coume un beyre de piquepout bielh e coulou d'or. E adare, embriagat p'ou flùbi de pouesie qui s'en desglare, lou cap eslamat d'u cop de sourelh proubençau, atau coume la praube Mirèio quoan s'ahutabe à trauès la plane de la Crau peyrude e aule, au rebat dou sou hissât que-ts biengui remercia de-m aué hèyt biue un moumentot de bite urouse e chens brumasques. Qu'èy legit soubén aquet pouémi, p'ous fres matins, quoan lou sou bén esblinsa las brumes de la neyt, quoan l'arrous eslugragne au co de cade flou ou thume de las branques e que lou hasan dechide tout de soun clam ahoecat. L'èy legit p'ous brèspes estiuerencs à l'oumpre dous pins mahùtres c canturlejants de cigales, proche d'un arriu gargoulhejan, d'oun pouje coume un alén, la frescure. L'èy legit aus sés estelats, quoan lou camin Sent-Jaqués oundre lou cèu de plaps de lèyt ; aus sés tranquiles, plegns de las esquiroulejades dou bestia tardiu qu'agulhoue un pastou busouquè. E toustém qu'èy sentit perpita l'amne antic de la Proubénce lustrouse. Abuscops qu'ère l'armigalhance d'un bouhét qu'alatejaue, abuscops la maie passejade dou mistrau desruidou, e pertout la musique dous moûts, dous poulits moûts tringuerejants, qui canten. II Sus ço qui hasè labets 7 d'Abriu 1911. L'arrèque qui mégne dens lou cam felibrenc qu'ey chiroque, perma ! mes qu'ey bertadère e plégne d'ahise... �— 341 — Que beyrèy l'an que bién de ha quaucoum de beroy endous yocs de Toulouse. Pou moumén, que souy negat pous mandadis dous councours. Qu'èy mandat ue pouesie : Lou bielh oustau, à l'Escole deres Pirenées. Serèy sulamén menciounat ? Nou m'y hisi. Que bau embia à la Beroye Cansoun, à Toulouse, ue cante armagnaquése dat ue pèce mentabude : Petits Esclops. Ta la prose, nou souy pas encoère décidât. Aus Reclams mandarèy un pouèmi qu'ey s'ou telè. Que-m souy mêmes atelat en ue pèce tau councours anounçat per Lalanne ; lou sudyèc qu'ey : Lou clam dou Terradou. Beséts, amie, que ne-m manque pas lou trabalh ; urous se souy digne de ma tasque. III 29 de Juin 1911. Escusats un chic, que-ts en prègui, lou men femiantè... Las desencuses, b'at sabéts qu'abounden, trobes end'ous councours felibrencs. Que sàbi jou !... Qu'escriui, que tribàlhi. Que-m souy boutât en cap d'amassa las bielhes yoyes e caniques dous pastous de per nouste tau coum : chiulets, flahutes, pihurlècs, mounaques hèytes dab flous ou pèt de pin. Qu'èy u libe aquiu dessus sus las Amusettes populaires de la Basse-Bretagne per Sébillot. Que m'encoénti tabé de las flous de nouste, dat lou noum latin e gascoun, de ço qu'en hèn e de las cresénsos que pode sabé. IV 21 de Jè 1912. Oey, en sourti de la messe, lou factou que m'a dat un sarrot de létres ; pou miey qu'èy auut biste hèyt de recounégue lou boste calam. E dat quin plasé ! Que se-m trigaue d'aué noubèles dou men mandadis (1) e d'apréne que-ts auè agradat un chicot. Que-ts dèchi toute libertat à perpaus d'aco ; que poudéts prené-y ço qui boulhits ende la Bouts de la terre (2). Que-m demandais perqué nou hari pas quauque pouèmi, pèce de teàtre ou rouman... Coume b'y bats, bous ! Jou que crési que pouèmis qu'en y-a prou. Bous auts lous Bielhs (?) n'ats pas dechat arré à ha ser aco. E après un pouèmi que demande un amou mancat ou nou e lous darrès benguts, se noun an un cap genèc, que dan de nas, chic ou hère, countre las obres dous debanciès. Que-m sémble que lou sendè dou teàtre n'es pas estât tant hourat : qu'èy au cap lou plan d'ue peçote, mes que-ts en tournarèy parla. La prose tabé qu'ey un drin adroumide, qu'enténi la prose literàri coum noubèles e rounians. Qu'ey au cap u recoèlh de coundes e d'istoerotes sus las gens e causes de Gascougne. Besets que trabàlhi... Qu'ey tabé s'ou telè ue pèce de teàtre en bèrs qui bouy noumenta : Lou Diu Nanet. Que diri aqui la bictori dou Crist countre lous Dius pagans, dou Diu de luts countre lous dius de l'Escu : tout aco n'ey pas encoère qu'en pensade... FRANCÉS DE LARTIGUE. armagnaqués. (i ) La eoupie ditArrajades gasconnes, (2) Yournau per quinzée qui a parescut de 1910 à 1914. �— 342 — LOU MATRICULE 1628 (seguide e fi) Lou Câ 37 Aquet mati, maye noubèle p'ou péis. Lou yenerau de l'armade qu'a hèyt sabé que la guerre qu'ère au cap e que calé barra l'escole ta que tout lou mounde estousse aquiu tau darrè cop d'isop. E l'escole qu'estou barrade. Qu'estou lèu hèyt : Lous artiIhurs que-s bienoun cerca las grenades, las boumbes e las petadéres, u pa de territouriaus que demouran ta arrecapta la paperalhe, e lou câ (coum pertout que y abè u câ dé souldat batiat 37, parié coum lous canous qui amuchaben aus escouliès) qu'où dechan en eretàdye aus dus cibils dou parsa. Ta m'estaubia lous dèts kilomètres, you que gahèy la carréte tio la gare de Blainville. E ue ore apuch qu'atendi lou tri qui-m debè mia au dépôt dibisiounari (D. D.). Qu'anàbi puya tau tri, quoan me senti capbath las cames quauques hulades. Lou brabe câ de l'escole, bahide escapat coum se s'ère abeyat soulét, adare qu'ère aquiu à ha-m amigalhes coum ta disé-m : « Que bouy parti dab tu ! » La fière bèsti ! Que eau dise que l'abi prou douceyat à l'Escole. En soubeni dou FIoc qui abi dechat à case, qu'èri lhèu lou soul de la dibisiou à bicia-u drinou sus touts lous souldats qui-s passaben per las mas. U câ qu'a pus, se disen lous us, ou que pud, se disen lous auts. E la praube bèsti que sabè beroy recounéche lous qui ne l'acassaben pas à cops de pè. Aquère hèyte que-m hesou quauqu'arrey. « Aumén, si-m disi, qu'ànis t'oun se boulhe, qu'auras toustém u amie dab tu ». Permou qu'ey u besougn d'abé counechuts à la guerre. A dus, qu'an mey d'escout, se sémble. E quoan ne seré que ta abé ayude, en cas. Lou tri qu'arriba doun, e touts dus, dab lou câ, que-s troubèm u cournilhot au miey de la hourrère de souldats. E lou sé que bachabem au D. D. oun débi arrecouti. Tè ! qu'arribàbi à punt ta boussa u hourat dens ue coumpagnie qui s'apoudyabe tau frount. E gn'aute cop que calou gaha lou tri, très dies apuch. Ta nou pas toutu ha despieyt au capitèni, qu'estouy foursat de decha lou brabe 37 au cousinè qui s'estabe aquiu. Atau ne creberé pas de hàmi. Apuch u die de passeyade que debarèm quauque part e que-s loudyan dehéns barraques en planches en aténde que lou reyi- �— 343 — mèn qui anabem plegna e bachèsse de las lignes. E o, l'endedie que y-abè cheys ou sèt malaus à la besite ; qu'abèn lous aulherous. Praubes blus ! Qu'en èrem touts d'abé la barraque en quaranténe u quinzenat de dies. Meylèu d'ana empousoa lou reyimén dab aquére malaudie gahèthe, que calé aténde que l'aram e s'estousse achoalat. Ducs semanes à l'endost ! Lous bielhs coum you n'èren pas curious per choès, ni lous yoens tapoc. Qu'abonni dounc tems ta youga la manilhe à l'oumpre. U soulét enfirmiè que-ns e pourtabe de qué e lous remèdis taus malaus. U mati en pourtan-se lou café que-m disou : — Je crois que votre chien est là sur la place. Personne ne peut l'approcher. La place dou parsâ qu'ère ço qui demourabe d'escoubat à trubès lou mourtè e las pèyres de las défuntes maysous. Lou mey cà, aquiu ? E ne l'abi dechat au D. D., à bint lègues enla ? Tè, au cap d'ue pause que-m arroumeguey quin lou diatche abè poudut recouti, e, ta nou cerca-m istoères, que sourtibi de la cabane ta ana béde. Qu'arribey sus la plaçote. Au miey, u câ sedut que-m birabe l'esquie à bint pas. Qu'ère nègre coum l'aut mes cascant e arrougnous. Ey lou 37 ? Qu'at bouy sabé e qu'embiyi u souldat ta qu'où pàssi au ras en l'aperan. Lou câ que quilhe las aulhéres, que da ue sentidote e que s'esta sedut. « Toutu qu'ey et, se-m pénsi ». Que mude la coude coum si sabè que ne souy pas loegn. E ta espia s'a lou nas bou, que m'en bau à countre bent ta que l'èrt ou pòrti la miye aulou (puchque-s parech que cadu qu'a la soue) e que-m estùyi darrè dus souldats. Miragle ! Lou 37 que remude mey biste la coude ; lou cap que-s lhèbe, ta senti. Que-s bire e quoan souy à cinq pas que s'arribe en gnaulan decap à nous. Ne-s couyoune pas e de tire que l'ey dessus en plouriqueyan à mey ha, coum si Fabèn estripat la coude : Brabe 37 ! Ne m'ou poutch tira de dessus de hère pause. Qu'ey cascant, magre, legagnous, que m'ey parié. Eth que ploure, you tabey. Qui at auré dit ! Qu'abouy l'esplic apuch de quére hèyte estounante. Lou câ qui abi dechat au cousinè, que se-u hasou segui u capourau qui s'en anabe apuch you dab gn'aute coumpagnie. E quoan lou tri e passa à 4 kilomètres de l'endret oun èri, tout d'u cop, coum s'ère badut pèc, lou câ que sauta dou tri -ta terre. Qu'abè hicat très dies ta recouti t'aciu. , E que diseran que lous câs n'an pas counechénse ! Ta you qu'en estouy esmudit, e quoan tournèy ta la barraque, qu'esloun beroy estounats lous souldats. Aquiu que l'abi dounc l'amie, lou couinpagnou fidèu ! Tabé quoan partim gn'aute cop qu'où me hesouy segui. Ne hesè pas aumen empath, lou praubot ! Quoan �— 344 — eaminabem, que l'abi au ras de you cantè la came, coum s'abè abut bergougne de m'abé hèyt crida. Lou me capitèni, d'aulhous, ne-u poudè pas senti e permou d'eth que m'abè dat u petit mes de presou dab l'ourdi de tua-u. Aquero, yamey ! que-m hesè, puchque serém bellèu en ligne - Quin doumau e poudè ha la bestiote, puchqu'en dressaben adare ta ha las coumissious dens las trencades ? Atau lous dus amies, l'omi e lou câ, que passèn u parelh de mes à courre. Lous boches qu'abèn gahat l'escoupitère e que s'y hasèn dab lous grans tabâs. Que las arrecaptam espésses las pralines, maugrat que nou siam qu'enta «empara». E cade cop qui-n péte ue, lou reboum que-s hè tuma d'abourride las parets, la terre que boule, lous omis que soun esbrigalhats coum céses quoan s'en y trobe debath. La mourt que coussire à d'arroun. Rrrau ! qu'èrem très sarrats coum carn e uncle darrè u cutour de trencade. En u bouhét de bént (lou bént poussât per dus quintaus de saloupè qui brounéchen à dèts pas) que-s troubam dab ue piéle de terre sus Fesquie, chens counda las légnes e lous cabirous de la tute. Mâchante pousiciou aquére ! Enterrais bius qu'èm touts très... Ha ! las pauses debath l'aryéle ! Lou pés de la catabe qu'estofe ; lous plagnéts dous auts que-m desarriguen lou co. You qu'èy lou cap s'ou bras dret e que m'at bau d'abé u petit clot debath lou nas ta bouha Mes se arrés ne biey tira-s d'aquiu ? Qu'ey la mourt biencude à pous de bouhét... Qu'at sèy... Bessè nou seran touts mourts pous estréms e que s'en y troubera de prou couradyous ta biéne houdilha. Chou ! Que s'y audéch u tras per dessus. Que truquen. Bahide la pique e la pale que hourruquen. Quoan de tems ous calera ? Deya las aulhéres que-m hèn la brounitère. E bau pèrde counechénse ! Tè, u cabirou que-m hè din de tèyt, qu'at sénti à Fesquie, que poutch medich muda u pè !... La pique qu'arribe, qu'enténi bouts adare ! Ay ! u cop de pique sus la came. Hèt-b'y hort, brabes amies ! — Tiens, un talon, un pied. Qu'ey lou mey, qu'at remudi tant qui sàbi. — Vite, ils ne sont pas morts. E, à mey ha que s'y hèn lous houssayres e, per fis, que poutch esta chirgat ta la luts. Mercés, moun Diu ! E lous dus auts, que-s troubèn ,ya, mes mourts, lous praubes ! Ue pause, coume u câ qui-s segoutech en sourtin de l'aygue, �— 345 que-m segouti you tabey. Ta béde... Tout qu'anabe sounque ue premude de costes e l'espalle guèuche tresbirade. Que-m dechèy ha. E lou se, dab ue tiquéte à la poulacre e l'espalle desgansoulade que puyàbi tau tri sanitàri qui-m debè mia oun bouloussi. N'èri pas encoère sedut quoan ue oumpre me passa debath las cames. Que pensàbi mey à las bourrougnes qui m'escousèn qu'au câ 37, e badoun qu'ère eth ! Quin lou diatche e m'abè seguit ? Quin abè poudut trabessa tiou tri chens pesca nat cop de barre ? En tout cap, aquiu qu'ère e lou sou estaquemén ta you que-m hé quauqu'arrey. E quoan lou mèdye e biencou guigna lous malaus abans de larga lou tri (en cas que quauque caddèt dous sancés e s'estousse esbarrit p'ou miey) que m'ou sarrèy debath la banquéte. Lou tri que s'estanque à Chaumont. Decourat de la tiquéte rouye que souy pourtat à l'espitau, oun me hiqui toutu debath lous cinquante escalès dinque à la crampe. Tout d'u cop, batsarre pou coulidor. Que criden : « Allez coucher ! » B'ey lou 37 qui m'a seguit e qui arribe en coudeyan t'au lheyt oun souy. Que s'y ayaque debath. Quine hèyte ! L'enfirmière ne l'y bou pas : — Non, je ne puis tolérer un chien dans cette salle dont j'ai la garde. — Mais, mademoiselle, faites-en ce que vous voudrez ! U câ n'ey pas u auyàmi qui-s manéye adayse. A forse de pleyteya, lou câ que demoura toutu. La prumère noeyt quoan u camerade s'ey lhebat lou câ qu'a rougnat : — Care-t si-u hèy. Quoan lou major e hara la besite ? si-m disen. Mes tau major, 37 n'a pas boudyat. Au cap d'u doudzenat, que boeytabem lou pàti e lou câ dab you, seguin la carriole, e quoan gahey l'abiade ta case «en coumbalessénce », qu'en estou d'ue brusade p'ou Floc quoan passé lou pourtau, mes qu'estou mèste dens la mie crampe ! E arrés, ne calé pas trebuca lou frisquet quoan y ère darrè ! Qu'ey u peguè, lheù, de mentabe u câ coume aquerò. E-n poutch de mey, you, s'èy toustém credut qu'ue brabe bèsti que balè u machan òmi ? D'aqueths en quoàte ans qu'en èy bis, à pauses, e, à pla pensa, be-m souy you dit soubén que n'èri tabey qu'ue bèsti ! A la guerre, n'an besougn que d'amies e que-s ous préne oun lous troben... Edouard MOULIA. �— 346 — BITE-BITANTE La cresperade de la Celina — Quin doungues e hés eouncchénces dab la toue Celina ? e disi u cop au me amie de trénte ou quarante ans, lou Bastia, u bou paysa de nouste, dab qui abi seguides las escoles, sautât à las barres, deshèyts nids e passeyades las carrères. Ya qu'en saboussi drin, permou que dens u biladye que y-a poques de causes qui-s demouren escounudes, cadu que pod sabé, ou que cred sabé, punt per punt quin s'en débite enço d'u tau on d'u tau : Amous, peléyes, rencures e dòus, tout que-s bié à counda, se n'ey pas are, que sera ta l'ibèr ou ta la prime, tout que-s bié à senti quoan serai) las amistats acabades ou nou per u maridadye. — Qu'as bos sabé quin m'y maridèy dab la daune ? si-m hé Bas tia en se boutan llou berret s'ous oelhs, coum ta m'espia dab mey de soegn. — Si, si, counde-m aquero, s'ou tournabi. E i'òmi autalèu, en s'assède que-m liasè : — Pusqu'at bos, ya bas béde, nou t'y cambiarèy ne' u dise ne ue hèyte, e labets qu'en y-a ta bère pause, hòu ! K que-s hiquèm ras e ras toutu que lou me amie e s'apoudyabe à batala. * ** Aquet mayti dou mes de mars, e se pla m'en broumbi, nou hasè brigue calou, que-m Lhebábi abans de dies, que-m bestibi, que-ni lababi e : S'esdeyoabes ? si-m digouy. Que bau decap à l'armari, que bédi lou pâ hèyt dou die abans e qui auloureyabe à la flou dou hour mén, qu'espii au ras la boutélhe, e que m'en anabi barreya u beyroulat : Ya ! si-m disi, qu'abi proumetut d'èste au crit dou basa enço de Saderni, que eau que l'ayudi oey ta carreya lié. Lhèu qu'a coumensat lou tribalh e que m'espère; au soum de l'escale. Aiiè ! Que barri l'armari, que-m tourni lou coutèt dens lou fausset, que-m caussi lous eselops e « Harri que t'y pounchi ! » de caml na coum se lou pet dou perigle me pourtèsse. Qu'ère l'ore fresque e escure qui dabantéye l'aube. En cèu, nad estéle, sus terre, ue bruine réde qui-m eargabe d'aygue coum mai ehabi décidai, meylèu coum gahabi las à quoàte. Qu'abi lou bastq la nou trebuca, ta nou eslurra-m per quauque galiborse. Puch qu'entenbuy lou marmoulih dou Gabe. Oun èri ? Qu'èri sou cami de Saderni, ya. Que passèy lou Gabe sus la palanquéte, e despuch de m'èste trucat dus ou 1res cops, qu'arribabi à la borde : En darrères, �— 347 — at boulets créde, que houy gabidat per ue candéle d'arrousie que Saderni abè alugade daban la soue porte. Et qu'ère à pè d'obre deya : Dus àsous qu'èren estacats touts prestes à parti dab lou hèch sus l'esquie. — Tè, si-m digou, qu'es aquiu ! S'en hasèm ue ? E que-s tiré la blague dou toubac. Abans de fuma, que caloure lhèu ue boune escudèile de tisane per la ganurre embat, e que houre miélhe de crousteya drin, mes, tè ! Qu'où hey : Ue chigarréte, balhela touslém. Que la me troussahi, (pie la m'âlugabi, e créde que m'en podes ou senou qu'at dèches, aquiu, abans de dies, sénse que m'en abolisse passât ne ue goûte d'aygue ne ue brigalhe de pâ, que carga bi hé. E de suda ! Lou tribalh hèyt, Saderni que-m dits : Mercés, amie, quoan ayes à besougn, hè coum you, parle. Oère, lou die que blanquéye, que m'as dit adès de que n'as pas esdeyoat ? — Nou, tè, que m'en saberé mau, e n'ey pas l'embéye qui-m manque. — E bé, coum nou-t pouch segui ta case,, are qui-s soun apartades las mayes bèsties, la daune que-s lhebara. Cride-là, e se nou-t respoun, truque hort e dits-ïou qu'ey you qui t'embii. Quoan të béye, ya-s sabera hica lou toupi ou la padéne sus lou hoec e la siéte sus la taule. E. d'aquiu embat, que debari ; que poudèn gabida-s. Ue arraye rouye que soumeyabe entre cèu e mountagnes, acera sus Dabantaygue, mes nou sèy perqué, ya frebucabi mey qu'adès, >la lassère. dilhèu la rèyte de quauqu'arré de caut dens lou bounou. Toutu que troubabi la palanquéte, qu'èri au miey, quoan à l'aute cap e bédi arriba ue hémne acoucoulade sus u àsou : Qu'èrela Celina. — Tau marcat que débes ana, s'ou hey, e de mayti ! — Nou lè, nou bau tau marcat de oey, e que serèy per mey près, mes que s'at bau de t'engountri, e se housses à case loue à d'aquéstes ores n'y anèri brigue ta-t coussira. Bos m'ayuda drin, mes sounque. u parelh d'ores ? —■ E tout lou die se bos, s'ou tournabi. — Seguéch-me doungues, que bau carga héms, que ba esta biste hèyt, ya ! A dus, lou tribalh que-s demie adayse ! E, aco dit, ue arride de gouyate que Iriiiguercyabe s'ous pots de la Celina. — N'èy pas esdeyoat, mes n'y hè pas arré, si hasi tout dous. Celina qu'at. debou enténe, e coum abè deya bou claquet quoan s'y gahabe, que-m disè : — Bèn, gouyat, arré de dit, bèn esdeyoa ! Segnou, moun Diu, quoan nou abets besougn tout cadu que-b bon biéne ayuda, mes lou die oun cercats mounde, nou troubarets ue amne bibe. �— 348 — E aquero que m'at digoU gnaquénte, permou que coum sabes la mie moulhè quoan ey eounlrariade que eau que plant i lou hissou. Té ! qu'en badouy rouy coume ue ceriése rouye. E, chacat, dou dise mourdentaméns you tabé : — Au gran triple haut ! Que bos que t'aydi, Celina, non sera pas lou dit oey qu'aberas rèyte d'ue boune brasse. Quoan t'en ca'lhe ue, sabs, que bouy este aquiu. — Bèn ! si-m hase, coum d'arrecules abi dechade la palanquéle, e s'escadèm are de l'aute bord, e que dè u cop de bastou à l'àsou. Coum me passaben daban, la gouyate de-m dise encoère : — Pusque n'as pas disnat, bèn disna, ya m'en escaderèy gn'aut ta carga-m lou héms : Hay, àsou, hay ! Coum mey s'en anabe, mey qu'èri tentât de la segui. Mudat couna nou sèy perqué, qu'où hasi u « hèp, hèp ! » e que s'estanguè driia lou lems de l'atégne en dus sauts. Qu'èri lèsle, que, las tripes qu'èren leuyères. E. arribats à la borde, que l'èstacabi l'àsou, qu'où desplegabi la lheytère, e dens quauques cops de hourcat la cargue qu'ère plée. Qu'en y-a bigou aus pugns quoan l'idée accoumpagne : — Hè-t enla, s'ou disi à Celina, nou t'anis emplia la pélhe de hems ; qu'ey tribalh d'omis aquero. E que carguèm atau, la prumère cargue. — Bèn, bèn, s'ou hasi labets, cour decap à case, alugue lou hoec, prépare 'la tisane c tant qui-s passe, hè culhebeta bèt doudsenat de crespères sus la padéne ! — Quio si-m tournabe la daunéte, que bos crespères oey ta brespalha, mes, òmi, nou-m bague. — E qu'as à ha ? — E n'at sabs, carreya hems. qu'abém dit adès u parelih d'ores, mes qu'en y-a hens aquéste cournè, que hara abounde e lou die que-s bara petit quoan ayi acabat. — Que eau boeyta loute la piéle ? si'digouy. E ue redou que-m passé per dessus. N'anabi pas esdeyoa d'aquéste j)ause ? De segu nou houre ta l'anyelus de mieydie, meylèu ta l'anyelus dou sé. Ya s'en calp amaneya sénse pòu de las goûtasses de sudou. — E bé, si disi à la Celina, proumét-me crespères e que boéyti lou cournè ! N'ère pas lou prumè cop qui m'en hasè e lou gonsl nue m'en puyabe ta la bouque. — Ta Carnabal que l'as le prouméti ! — Nat Carnabal coum lou die de oey. — E dounc ! si-m hé dab ue amistouse guignade. Atau que hasèm boulega l'espassé e la hourque, quoan poumpoum audibem u esclop qui s'apressabe de la borde. Lou caddèt de Hique-nas que s'amiabe, e coume urous de trouba-ns aquiu amasse, �— 349 — Celina e you, que s'en bi ue arrise de las bères. Que s'en debè pensa lhèu mey que nou n'y abè encoère : — Boulet que b'aydi drin ? si digou. — Nou, dus que soun prous e très que soun trops, s'ou tournabi you tabé arridént drin per force. E que hournibi : Nou bédés qu'ey deya haut die e qu'abém ballèu acabat ? Que ba calé ana brespalha drin... — E bé, si hé tout en se gahan au tribalh Hique-nas, tant qui bachat dab ue cargue, you que-b aprésti l'aute, e tout que ba mey biste • Tics que s'en amanéyen mey que dus ! — Nou, nou ! si hèy tout sec, gouyat, dus que soun prous ! E, l'àsou cargat, qu'où dabi u cop de bastou. Celina que miabe, you darrè la bestiotc, e qu'èrem de biadye dechan aquiu lou nabèl biengut daban la piéle de hems. Qu'èrem u tros enla quoan Hique-nas se décidé à crida-ns : — Que-b bau segui Ì que crey qu'où n'abet boutât per despieyt à l'àsou, c se per cas e s'ayuilhèsse que-b pouderi ayda... E ta passa la palanquéfe susjou Cabe, quin bat ha ? — Care-t òmi, s'ou cridèy tabé haut e cla toutu que la Celina e-s birabe lou cap d'estrems ta nou ha béde quin s'en arridè, care-t doungues, quoan te die que nou ! La palanquéte ? que la counéchi e que-m counech, que la pàssi de dies e soubén de noeyts, e nou m'a yamey hèyt pòu. E perseguin cami, que dàbi gn'aute cop de barrot à l'àsou qui s'ère birat de trabès ; quoan èts eoentats, nou y-a coume aquéres bèsties arrebòhies ta destriga-b. E, tout doucines, que hasi à Celina : Prou de coundes e d'anliènes, bessè qu'aquéstc lè gus nou-ns e ba- pas harta de mau ad are. Toutu que m'abisabi, en l'espian d'arrè-oelh, que l'ère degrèu d'anà-s'en, coume se nou sabousse que ha-s dou cos, que demourè plantât aquiu e puch, dab u arrougagn, que gahè cami. E nous auts, à hum ! nou boutabem iloungues pauses ta descarga lou héms, ta tourna ta la borde, ta carga-n d'autes cargues, la las lheba sus lous currous de l'àsou. A la darrère ahutade qu'où hey à la mie amigue (permou que senlibi deya <|uc y'abè quauqu'arré enter nous auts dus !) qu'où digouy doungues : — Que la-ns abém birade bèië ! — O, si-m respounou, que bam à las merabilhes, e gràcis à tu, senou, oère, qu'en abi la toute la sente yournade ! — Non ! n'ey pas aco ! si-u toiirnàbi, as bis quin lou Hique-nas e parlabe de-ns ayuda, coum se n'èrem pas prous de tu e de you ! quin mus e déu ha bitarc, quin mus ! — O, si hé Celina, que boulé crespères de las mies, e doungues qu'où sera bou de s'en passa per oey. Arribats à case, qu'anèy cerca légne, que hey u hoec batalhè toutu �— 350 — que la gouyatc s'en anabe tau nid de las garies béde s'abèn pounut : Doudze oéus que pourtè dens lou sou dabantau argussat, e doudze qu'en cracabe dens la paste de las crespères. La padéne au hoec, dues birades e qu'èren dens la siéte : — Taste la prumère ! si-m hé en yetan dessus préses de cassounade. Que la me dabe, e que la m'anabi préne : « Boum ! » per la seminéye embat, que eadou coume u calhau nègre sus l'oli bouriént de la padéne, u pipautè qui anè puch reboumbi deguéns la terrisse. — Poutius ! qu'ey aco ! e Celina de ha dus chisclets. You qu'en demourèy ue pause coume estròpi. Mes que bi lèu ço qui n'ère. Ue pèyre nou poudè cade atau de la seminéye toute nabe, e coum se-ns e tournabem d'amassa lous esperits qui s'èren esba riais, que digouy à la maynade : — Nou crides ! Oère lou calhau qui-ns e pensabem, n'ey qu'ue sabate nègre, ue palade de hems que lou Hique-nas a yetade. Quoan a bis que nou l'y boulèm, que-ns a yougade aquére. Bos qu'où seguésqui dab lou me barrot ? — O ba, dechém-lou dehorc, e hase la Celina, b'as ou m'en barroulhade la porte ? E sabes quin las hém toutu las crespères ? Que s'anèm escoune dens la hournère oun aluguèm lou hoec. U cop l'aygue bouride que troubabem encoère doudze oéus de la semane e nou trigabem d'abé bère sieterade de crespères. Pénse, amie, se las tripes me gourgueyaben ! Cause curiouse, dab aquero n'abi mey de hami, meylèu ue set, mes ue sel ! Que s'at endebinabe la gouyale e abans que nou digoussi que bouli bébe que m'abè hicade la boutélhe e lous beyres sus la taule. Qu'en lirabi ya, dues bonnes chucadoles. e ère de disé-m labets : — Que credi qu'ères esdcyoat e que tout ço qui-m coundaben'èren que badineries. — Bo ! s'ou hasi en coupeteyan bi dou rouye, hàmi que y'aye, tè, que coum bédés la set, se-m bouten dequé daban lou nas, ya la me sèy toustém bira. * — Espie quin ey, si-m hasè lou Bastia dab ue bère carcanade, tout en tournan-se de bouta lou berret sus lous oelhs, d'èstc anat abans dies ayuda lou Saderni, qu'engountrabi la Celina sus la palanquéte qui encoère e danse sus lou Gabe. Nou-m hasi trop prega lapoc de la segui ta la borde, que crespereyabem, que gahabi la couslurne de m'escade à case soue tout die, qu'y troubabi adréte la cadière oun me hasè asséde, c, de cresperade en cresperade, qu'adbiengoun amistats, nouces e ue courderilhc de hilhots. Toutu, toutu ! M. C. �— 351 LA BOUNE PARAULE Permou de F. Mistrau — Mes, nou h ara arré, aquet gouyat ! — si disè dab mesprèts l'autou de Notre-Dame de Paris. — Que boulets que hàssi, se nou sab cscribe qu'en u patoès qui n'ey coutibat en loc ? — Qu'ey u pouète d'enyenie ! — Si clame l'autou de Jocelyn. i— Qu'ey d'aquets pouètes qui hèn tras e qui aunouren la patrie. Qu'ey u nabèt Oumère ! De segui lou critèri de Hugo la litcrature que demouraré l'aha de quoàte ou cinq léngues las mey counegudes dens lou mounde, méntre que lous escribas qui-s plasen à neteya lous parlas dou lou brès, nou serén tenguts per escribas, ne pouderén este près per bius, pusque la loue obre, qui nou serbiré brigue (dens lous examens foundats pous Estats) e seré sénse frut, boune à d'arré e eoundanmade à passa incounegude, pusque nou lou bolen recounéche lou dret de bibe. Ey la léngue qui hè l'obre ou ey l'oubrè qui la bastech, qui-u da mesures e ne hè quauqu'arré d'acabat ? Lou prêts Nobel balhat au pouète de Malhane, que-ns e serbira ta sabé ço qui n'ey dou critèri de Hugo. Mistrau que s'y debè partadya lou prêts dab lou dramaturge castelha Yausèp Echegaray. Ta yudya lou teàtre d'aquéste nou harèy parla nat catala, mes u castelha, medich l'autou de la Hermana San Sulpicia, lou Palacio Yaldés, qui dits : « Ço qui s'esplandech dens l'obre d'Echegaray qu'ey la faussetat. En hère de pèces coum dens « En el puno de la spada » la faussetat qu'ey pègue ». E mourt, Echegaray n'ey mey leyit d'arrés : Dou prêts gagnât qui s'en broumbe ? Au countre, la hourtalésse dou noum e de l'obre de F. Mistrau que hasè esplandi la lustrou dou prêts Nobel, e aco qu'ey la counsequénee bertadère de la balou de l'enyenie, d'aquet enyenie qui escriu en léngue mayrane. Mistrau que dits tout ço qui cante en et. Qu'a la councebude de l'òmi de gran payère, e ya que las soues pouesies et prouseys qu'ayen u cam nou trop estenut, qu'ey la soue mérque d'enyenie qui lous balhe bite. N'ey pas souléte la Proubénce â sabé qui ey Mistrau, nou ey sounque la France ne las terres d'O, ne la Race latine ; pertout oun y aye sinn'es de culture, que saben qui ey Mistrau e qu'an la counechénee segure de la hautou d'aquére obre. Alexandre BULART i RIALPH. Catala. (Tirât de Sinopsi mistralencd). �— 352 — RECLAMS DE PERQUIU A Mouncade. A la distribuciou dous prêts dou Coulèdye de Mouncade, mous de Cambus proufessou de Brarnés, que hé batalère sus la Léngue mayrane ; qu'en esté hère audit e aplaudit. Que hé abisa sustout de ço que lou biarnés n'ey pas u « patoès », coume at créden quauques pècs, mes u parla arrè-hilh dou lati coum lou francés, Fespagnòu, l'italien e autes léngues roumanes. Noustes leyidous qu'an au cap dou numéro la maye partide d'aquet dise que l'ouratou e boulou pla destaca ta nous auts dou sou bèt e sapiént debis. Lous Dansayres de Baigts. La yoéne e baléntc soucietat, counechude pou parsà per la soue adretie à mantiéne lous yocs naciounaus, qu'ey anadc ta Lesca oun a ayudat las debertissances dou centenàri de l'Escole nourmale. Au 7 d'aoust qu'èren à Salies-de-Biarn. Ue thèse sus lou <( Bros *. L'enquèste dous unibersitaris d'Alèmagne sus noustes parlas que-s perseguech. Aquéstes prumès dies de Garbe que coussirabe per Toulouse, oun a bis lou proufessou Gavel, lou yoen estudian de létres, Walter Schmolke, de Hambourg, qui ba ha u estùdi sus lou bros (bialos, yelos) e tout ço qui n'ey dous carreys e atelàdyes : moûts, coustumes, arrepourès. A Campa que s'at abè dab René Escoula, à Yèdre dab Rondou, en Arrens dab Camelat. Segades acabades, que s'en tournabe ta las cantères brumassouses de la mar dou Nord oun ploumara lèu beroy tribalh sus lous carreys en Bigorre. Permou de Pèy de Garros. L'antic pouète gascou, mourt que y-a mey de très sègles, que ba per fis abé l'estùdi qui l'ère début bèt teins-a. Coum saben, sus très exemplaris qui demouren de l'ediciou de 1565, hèyte sus l'ourdi de Yane de Labrit, may dou nouste Henric « très illustra e très hauta princessa regina de Nauarra, senoressa majoressa de Bearn » l'u dous exemplaris que-s trobe à la Bibliotèque Mazarine à Paris. Lou leytourés Durrius (nouste counfray de YEcoIe GastouFebus qu'en hé, decap à 1895, ue tirade de 100 exemplaris dedicade à Léonce Couture. Mes, qu'ey aquero centîibes publicats labets ? Autant bau dise qu'en l'ore Garros nou-s pod léye, e qu'ey taus gascous sapients e coutibats, coume se nou abousse yamey escributs lous sous Psaumes, Heroïdas, Eglogas, etc. U hilh d'Artés, e à miéyes de Gascougne, A. Berry, proufessou �— 353 — au Lycée St-Louis, qu'aprèste ue thèse de douctourat qui presentara ballèu en Sorbonne ; que deu balha au medich cop tirade nabère de las Eglogues. B'en ey aquero boune noubèle, e doungues, mantu dous noustes, be sera gauyous d'abé en mas la cansou yuste e espugade dou gran Leytourés ! U councours de Léngue mayrane. L'assouciassiou literari de l'Armagnac qu'aubrech u councours : Prose : Counde ou Istorie dou païs de Gascougne ; 150 à 200 lignes lou mey. Pouesie : Ode au paysa de nouste, 60 bersets ou per aquiu. Lous mandadis que dében èste hèyts en 3 coupies dab ue debise (lou noum estuyat dens u plec barrât)) abans lou 15 de setéme à M. Freyche proufessou au Coulèdye de Coundom, capdau de l'assouciassiou. Lou Coungrès flaman de Hondschoote. Aquéstes dissattes e diményes de fi de Garbe que s'ey tiengut lou Coungrès annau francés de la Léngue flamande, nou poudém que mentabe quauques punts d'aquet parelh de dies. 1° Soubeni au maye òmi de teàtre Michiel de Swaen (1654-1707) per J. Werquin agrejat de l'Unibersitat, proufessou au Lycée Rollin. Declamaciou de scènes causides d'aquet ancèstre de l'empount. 2° Batalère sus la Benachénce dou teàtre flaman per lou canounye Looten, dega de la Facultat libre de letres de Lille. 3° D'autes batalères per l'abat Vergriete sus la Flandre belge, Yves Le Moal sus la Bretagne, Ch. Daudier sus la Lourréne, E. Leroy sus la Proubénce, e Mlle Bernadéte Mihura sus lou païs bascou. Medich l'abat Salvat, mayourau dou Felibridye que sera de la hèyte e que parlara dou tribalh de culture oucitane qui èm en tri d'adouba. Bonnes yournades permou de la Rebiscoulade de las noustes Terres ! L. R. Gauyous. Aqueste fî dou mes de Garbe, que-s soun maridats M. Eugène Eyt, Ingénieur de las Menés, hilh aynat dou nouste bielh amie e balén Escouliè Jan Eyt e de Madame, dab Madamisèle MarieLouise Ousset, de Tarbe. Jan Eyt qu'a prou d'amistats liens aqueste Escole enta sabé que la soue gauyou qu'ey partadyade per touts ; dab lous noustes coumpliments, qui-u mandan de tout cô, que hèm lous miélhes bots entaus urous nòbis. Dòu. Lou pouète de la mar, Emilien Barrèyre, lou beroy cantadou de las Malinèyres que bié de pèrde la soue may. B'en ère dounc l'aymàble e beroye Gascoune aquere sente �— 354 — hemne ! Tan qui abè poudut que s'ère demourade aus cantès de la laque nadale, en soun bilàdye d'Arès, mes l'àdye nou perdoune pas. Que s'ey anade adroumi au ras dou sou hilhot esloegnat de la mar per la bite arrebouhiègue et tabé, en yumpan ue petite Beline. Qu'abè 78 ans. L'amie Barrèyre que boulera eréde aus noustes sentiments de dòu e à l'amistous soubeni dous qui nou se desbroumben pas. S. P. ' LOUS LIBES DICTIONNAIRE DU BEARNAIS ET DU GASCON MODERNES, embrassant les dialectes du Béarn, de la Bigorre, du Gers, des Landes et de la Gascogne maritime, par Simin Palay, majorai du Félibrige. — Tome I (A-E). — Pau, imprimerie Marrimpouey jeune, 2, Place du Palais de Justice, 1932. — Grand in-8° de XVI, 576 pages. Aci qu'abém u déus yénees tribalhs quilbats per l'Escole Gastou-Fébus. Lou Mèste J. Bouzet qu'a publicat en 1028 lou Manuel de Grammaire béarnaise. Lou Dicciounàri que bien ha rampèu à la Grammaire. Aquiu que soun lous dus testimònis de gran capàdye en fabou de la noublesse, de la richesse, de la hourtalesse deu nouste parla. Lou gran roumaniste V. Lespy qu'abè hicat sus Pescoubat en 1887 ue obre de sapience e de counscience : lou Dictionnaire béarnais ancien et moderne. Lous qui an desempuch alabets biarneseyat chic ou hère qu'an troubat aquiu u dabanteyàyre déus segus. Lous qui hourucaben papès bielhs e qui boulèn coumpréne lous moûts antics, oey desbroumbats ou perguts, qu'an troubat aquiu la clau ta-us ourbi la sarralhe déu secret. Mes be-y a lues qui nou beden mey nat exemplàri d'aquet libe sus lou taulè deus marchans ! E puch que eau dise que bère troupe de moûts couréns deu nouste parla n'èren pas estats amechats e atrassats au courrau de Lespy. Despuch loungtems, l'Escole Gastou-Fébus qu'abè abut lou tesic d'aparia u Dicciounàri. Mes tribalh coum aco nou-s hèn pas en u matiau ni à la bambole. Abans de hourneya, que eau sega e que eau moule. En 1904, lous qui dabanteyaben l'Escole qu'abèn noumat ue Coumissiou deu Dicciounàri. U presidén balén e entenut, A. Lacaze, qu'ère au cap de daban d'aquere Coumissiou ; eth n'a pas yamey lechat escourre l'ahide de quilha aquet mounumén. Mes quoan s'y parlabe d'aquet aha à las amassades deu Burèu de l'Escole, la dinerole qu'ère eslouche e que calé minya pacience. Cop sec, lou mayourau Simin Palay que s'ey d'escatse gahat au manyou e qu'ey partit dab abourride. Hens la « Préface » dou Dicciounàri, que demande coum qui diseré escuse au mounde d'abé alengat l'enterprése aquere, permou, si dits, n'ey qu'il « poète ». O be quio ! mes en oubran atau eth n'a hèyt que segui la bie d'u dabanciè e d'u gran dabanciè : Mistral qu'a agarbat lou Trésor du Félibrige e que mestreye aquiu autan coum da blous bercets de �— 355 — Mireille. Qui sab tabé si nou calé pas esta drin pouète ta-s gausa atela à ue obre parière ? Au die de oéy, que eau mounède ta basti mounuméns d'aquet escantilh. Lous souscriptous, per tant qui n'y aye, nou suféchen pas ta hourni lou dequé necessàri. Que m'èy lechat dise que ta paga lous très deu prumè tome deu Dicciounàri biarnés que ba calé tira de la boussete mey de 32.000 liures. Lou qui camine en espian decap à terre que seré espaurit ; abans de parti que bouleré sabé oun ba ana, qu'atenderé u tems mey prouplci. Lou pouète qu'orb las aies decap à l'ideau, decap à las esteles ; nou coumpte pas coum u arratè quoan eau d'ardits ta ha u patràcou. Diu qu'ayude lous hardits e lous qui an l'ahide. L'aunou e la glôri n'an pas toustem amassât mounede, aco que-s sap, mes lous «rans ensacàyres de doubletes que soun biste desbroumbats, au loc que l'umanitat que goarde à trubès tout lou soubeni deus qui an aydat lous praubes pè-terrous à espia drin à capsus, qui-usj an hèyt pensa à quauqu'arré de mey gran e de mey nouble que de-s bouquilha hens la proube e de camina lou nas birat decap au soul de que minya e de que bébe. Simin Palay qu'ey- u pouète e u gran pouète; mes nat nou poudè dilhèu coum eth hica-s à l'arrèque e mia la cabesse dinquiòus arpuns. N'a pas la memòri bouharoque, lou nouste mayourau ; qu'a entenut debisa tous lous dialectes gascous, que-us a parlats chic ou hère, e nou s'a pas desbroumbat ço qui a entenut. Qu'a tabé counechences e amies per touts lous corns de l'arribère de l'Adou e touts lous omis de sapience qui abèn amassât u pielotou de moûts especiaus déu lou parsâ qu'an barreyat au sou sacot la loue coelhude. L'obre aquere qu'ey de nautat per ue troupe de resous. Qu'abém aquiu lous tèrmis qui-s disen en Biarn e tabé lous déus parsâs gascous déu besiàdye. Ha u Dicciounàri de cade dialecte que seré esbarri la pene e la despençe. Lou gran interès de la « méthode » seguide per lou Mèste Palay, en hican ras e ras lous moûts de toute la Gascougne, qu'ey d'amucha quin, en grane partide, aquets moûts e-s tàgnen e an broutoat sus la mediche arradits. L'esplic en francés de cade mout que balhe toutu las significacious qui pod abé, au pròpi e au figurât. Lou mout n'ey pas tapoc plantât tout esquilh, magre coum u pau, estadit coum u aspre de céses ou de mounyetes : u brassât d'exemples bèt drin plâ troubats que-u balhen bestissi, coulou e chue. Lous « synonymes » ou formes desparières, mes parentes, qui cade tèrmi pod abé dens cade parla dialectau que soun mercats bèt drin coum eau. L'accent tonique, qui a hère d'impourtence en gascou, coum tabé la fayçou de prounounça l'a l'e e l'o, suban lous parsâs, tout aco qu'ey espariat clâ e néte, à la pourtade de touts ; nad coupe cap ta s'y recounéche. Que eau ayusta que la pelhe deu libe qu'ey de prumè escantilh : papè, letres de moulle, tout que hè u beroy cop d'oelh e lou Mèste emprimayre Marrimpouey nou mérite que laudous. Touts lous amies, touts lous fidèus de la tasque qu'embiaran u mercés courau au Mèste Simin Palay de-us abé hournit aquet libe qui bau bèt drin mey que nou pèse e que nou coste e qui-s pouderé apera lou Trésor de la Gascougne. J.-B. LABORDE. �— 356 — MOUNDE E CAUSES DE PROUBÉNCE FREDERI MISTRAL (1830-1914) (1) La darrièro letro qu'ai reçaupudo de Mistral èro un mot amistadous, dou 14 de mars 1914, sus l'estiganeo d'un miéu comterendu dis Oulivado dins la Revue des Langues romanes, ounte ié demandave de rejougne en uno auto garbo pouëtico li trobo siéuno que soun ni dins lis Oulivado ni dins lis Isclo d'Or. E m'escrivié en finido : « Quant à la publicacioun de tòuti li retaioun que vous interèsson, pènse proun de la faire, un d'aquéstis an, souto lou titre Mi rapugo ». Dintre li retaioun qu'ansin, tant moudestamen, noumavo lou Mèstre, i' a noun sai quant de cap d'obro, e sarié grèu pecat que noun se publiquèsson. Mai noun es éu que li publicara. Lou 25 de mars, aganta per uno soulo e brèvo malautié, s'es douçamen amoussa, earga d'anado e de glòri coume Goethe, dins soun Maiano que l'avié vist naisse lou 8 de setèmbre 1830, dins Maiano ounte avié passa quàsi touto sa longo vido. Es un dòu naciounau per la Prouvènço, es un dòu courpouratiéu per li pouèto e lis escrivan — e per li lenguisto — de touto terro civilisado. « La poésie de Mistral sort de son âme, qui a pour ainsi dire absorbé toute la patrie provençale et qui l'exhale à chacun de ses mouvements (Gaston PARIS, Penseurs et Poètes, p. 129). Di grandour de Pepoupèio e dis auturo lirico i menudaio de la vulgarisacioun scientifico, de Mirèio, de Caleridau, dòu Pouèmo dòu Rose, dis Isclo d'Or e dis Oulivado à-n'aquélis article a bòudre larga dins YArmana prouvençau, dins YAiàli e dins Prouvènço ! pèr espandi li leiçoun de l'istòri vertadiero, la mesirio de la lengo e jusquo de couneigudo de cousmougrafio e de boutanico prouvençalo, Mistral aubourè li titre de la noublesso de la sento vièio lengo de Prouvènço plus aut encaro qu'i tèms li mai glourious de l'Age mejan ; si pouèmo an fa d'un parla persécuta pèr lis un e mespresa pèr lis autre uno lengo literàri que soun trelus espetaclous i'a counquista l'amour de l'elèi e lou respèt de tòuti ; soun obro entiero, ounte ges de pres-fa prouvençau fuguè tengu per indigne de soun engèni, a moustra que tout pres-fa d'art e de sciénci pòu èstre coumpli en lengo prouvençalo. « Le génie d'une langue ne se révèle tout entier que s'il est (1) L'Estudi qui ban léye que hou escribut per Jules Rounjat, mémbre perpetuau de l'Escole Gastou-Febus, quauques mes despuch la mourt de Mistrau (27 de mars de 1914) e publicat dens lou «Bulletin de Dialectologie romane» dou D°u B. Schadel, proufessou à Hambourg (Allemagne). Que sera leyit, dab plasé permou qu'ey coume inédit, tiens aquéste cap d'an cent dusau de la badénce dou Mèste. — N. D. L. R. �évoqué par un grand poète : ainsi l'amour dort dans un cœur qui s'ignore ; si celui qui doit l'éveiller ne se présente pas, ce cœur pourra se fermer sans avoir soupçonné les trésors qu'il récélait ; mais vienne le prédestiné qui dira le sésame attendu, et tout le printemps qui y sommeillait sans se connaître s'épanouira en une vie ardente et embaumée. « Penseurs et Poètes, p. 109». Aqui Mistral fuguè lou Siegfried prouvençau, lou qui dereviho la vido en foro-bandin l'escur. « Lou pouèto universau » de Proubénce, ansin l'a nouma N. Welter en un libre de fervour amanto e d'èime clar-vesènt. Sa lengo e sa pensado soun prouvençalo ; prouvençau soun lis eros de si pouèmo, e l'acioun n'es de longo en terro prouvençalo. L'umble escoulan dòu grand Oumèro es esta Prouvençau coume Oumèro fuguè Grè. Mai, coume Oumèro, encourpourè dins li gènt de sa terro li sentimen eterne e primadié de tôuti lis orne. Lou cantaire de la Prouvènço — e bèn lou mostron li traducioun de sis obro en tant de lengo civilisado — fuguè un pintre universau de la vido umano, coume d'autre que mens estrechamen s'estacavon à sa patrio particulière. Dins Mirèio coume dins Hermann e Doroteio, dins Calendau c lou Pouèmo dôu Rose, coume dins Faust aven li pouèmo soubeiran de l'amour, dôu travai e de l'acioun, « la poésie de la lutte que l'homme soutient contre la nature pour gagner son pain, contre les autres hommes pour conquérir son bonheur» (Penseurs et Poètes, p. 150). E, pensant au cant de la jouvènço de Faust, pensan à Prometèu e au cant dis Engèni en subre dis aigo, diriam voulountié goethenco l'auturo dôu Mirage dis Oulivado e d'aquéù Gaudre « majestous e terrible que dins quatorge vers d'un ritme nouvèu e delieious, encourpouro la tragico pouësio de la vido » (P. Devoluy). Acò n'es pancaro l'avis de tôuti, e lis escoulan que laisso Mistral sus aquesto terro auran, mai d'un cop, de lucha contro certano « ignourènci de la sciénço literàri » ; mai la pousterita, que coumenço, noun nous fara menti se disen, émc Devoluy, qu'uno forço talo que Mistral, enaurant lou reau vers l'Ideau, enracinant l'ideau dins lou reau, se provo en foro eniai en subre de tôuti li classificacioun ; e auren l'ounour de noun avé longtèms per pensa coume, au testimôni de R. "Wagner (dins li Mèstre cantaire pensavo lou bon Hans Sachs : « Lis ai trouvado nouvelle- e noun escuro la meloudio e la cansoun dôu cliivalié, s'a quita nôsti draio, camino plan plan, zôu ! Se voulès mesura seloun di reglo ço que noun marcho d'après vosti normo delembras-lei e bouscas de reglo nouvello ». Un di grands amiraire de Mistral, Paul Heyse, nascu la mémo �— 358 — annado qu'éu e mort lou mémo mes, èro un flloulogue devengu literatour. Mistral èro un pouèto, e s'es fa, sènso l'ajudo de res, leissicougrafe per amour patriau. Au chap. XII de Moun Espelido nous conto qu'avié di à si coumpan, qu'em' éli en 1854 éu foundavo lou Félibrige : « Vous jure que, devrieu aqui mètre vint an de ma vido, pèr faire vèire que nosto lengo es lengo, encarta lis article de lèi que la regisson ». E apound : « Sèmblo un conté, e pamens es d'aqui, d'aquel engajamen près en un jour de fèsto, un jour de pouësio e d'embriagadisso, que sourtiguè l'einorme, l'achinissènt pres-fa de moun Trésor dôu Félibrige o diciounàri de la lengo prouvençalo, ounte s'es foundu vint an d'uno carriero de pouèto ». Autambèn, tout en coumpausant Calendau e lis Isclo d'Or, Mistral furnavo dins sa magnifico memòri, interrougavo li ràfi di mas maianen, li pescaire dôu ribeirés marin, tout orne que ié poudié douna li mot e li biais de dire dôu terraire, aproufichavo dis entre-signe d'uni courrespoundènt e despuiavo tôuto li libre, broucaduro, couleicioun de journau qu'avié pouscu destousca, de tôuti tèms despièi lou siècle XVe, e de touto parladuro miejournalo. Ansin espeliguè lou Trésor, pareigu pèr liéuresoun de 1880 à 1886, « un des dons les plus magnifiques que l'amour d'une langue et d'un pays ait faits à la science » (Penseurs et Poètes, p. 89)... obro veramen couloussalo, qu'es quasi pas de creire qu'un ome soul, e nou lenguisto de mestiè, l'ague pouscudo basti ! Li roumanisto i' an trouba vino foundamento largo e seguro pèr si recerco de touto îneno ; lis etimoulougisto, en particulié, sabon ço que valon tant de mot lèime e de formo cnsignarello. Uno lengo nouvello, aboundousamcn atestado, intravo dins lou cor di lengo mouderno, armado d'un diciounàri coumparadis que mancavo à forço autro, pamens de longo toco estudiado em' afecioun e tenesoun. La publicacioun dôu Trésor a founda l'estudi dôu prouvençau mouderne e ansin escleira dôu biais lou mai prccious la gramatico coumparadisso di lengo roumano. Coume lis ié counvidavo lou bèu sounet liminàri, li felibre voulountous de saupre an pesca à bôudre e pescaran longo-mai dins lóu Trésor pèr recounquista l'empèri de sa lengo. « Un pouèto atrino sis escoutaire, e saub lis enjoulia, e ço que vuci noun coumprènon, l'aprendran deman. Ansin desvertouio si lengo e la siéuno, e à l'eisèmple dis escrivan soubeiran que coungrèion lou nôu e reviscoulon lou vièi endrudis sa lengo e aquelo dis autri. A n'ano lengo adeja engaubiado noun reprocbon d'estre uno lengo artificialo coume s'es fa pèr li pouësio de Mistral. Mai an qu'a legi Dante, creaire de l'italian, quand parlo de soun travai journalié de plantacioun e d'esfatage dins la fourèst lenguistico de sa patrio. LTtàli ié rèn gràci mentre que de soun tèms, noun �— 359 — i avié gaire que voulién dire dins la lengo dôu pople de causo sublimo perèu coume aquéli que soun tratado dins la Divino Coumèdi. (BOCHMEK : La Pouësio prouvençalo d'aro). Ansin lou Trésor e lis obro literàri de Mistral se coumplèton de l'un is autro : an founda la lengo literàri prouvençalo. E àn aquéu regard Mistral a servi la Prouvènço coume Luther serviguè l'Alemagno en tradusènt la Biblo dins sa lengo, coume Dante Alighieri serviguè l'Itàli en plegan lou vulgàri touscan i plus aut près-fa de la pouësio. Ansin oubrè lou mai oumeri di pouèto mouderno, l'Alighieri e lou Gœthe au cop de la Prouvènço, aquéu que nàutri tôuti qu'escrivèn en prouvençau o qu'estudian lou prouvençau, sénso mai dire, noumavian lou Mèstre. E, filoulogue o lenguisto, nous sara ounour eterne qu'un artisto e qu'un orne d'aquelo estampo ague vougu coumta dins nosto counfrarié, aguènt recampa lou Trésor e aceta lou dôutourat decerni honoris causa per l'Universita oun ensignè lou grand Diez. Jìili ROUNJAT. prouvençau. •et gg%<^ -i » OUBRETES DESBROUMBADES L'amou e la mourt A l'auyou d'un broy hoec d'arredits qui flambèben, E, Ihèu, atendridets pr'un goutic de bin caut, Dus bielhouns, cap e cap, doucemén debisèben De la grane amistat que-ts abèn l'un per Vaut. — « You, dise lou marit, que t'èy tustém aymade, E que t'àymi taplan que ne pouyri yamè Passa-m de tu. Tabey, tout your, à la thebade, Que prègui lou boun Dui de-m apra lou permè. » — « Praube amie ! Nou pa 'co ! repliquèbe l'espouse ; A parelh coumbienut you ne pouch counsenti ! Car, soulete aci-bach, trop seri malurouse... Nou ; que damoureras, qu'es à you de parti. » Un boun co, quin trésor ! Desempuch mè d'ue ore Dou mè tendre parla que-s yumpèben atau, Quan, tout d'un cop, un brut arribe de dehore... — 7'oc / Toc ! — « Tè ! dits lou bielh, que truquen ou pourtau. — Qui-es aqui ? — Que souy you, cride u buts insoulente. — Qui, tu ? — La mourt ! Ourbits, aci you qu'ey aha ! — Orb, tu, fumèle, car qu'ey u gran mau de bénte, E prémses ous budèts que biénen de-m gaha. �— 360 — — Que senti, you tabey, dits la hémne espouyride, Quoucarrey qui m'estrangle e qui-m tire la lén ; Qu'èy un pè fort pathoc, u' couéche endoulouride E que m'es impoussible are tout moubemén ». D'aténde tan e tan, la Mourt anfin s'abéye ; E, per méte d'acor nouste bielh pa de gus, Que hèy ? Que-s da debi capbat la cheminéye, E, chens mè de faysoun qu'ous hé hope à tous dus ! Are, boulets sabé so que sort d'aqués counde ? Qu'at dirèy, mé dab pou que sie en baganaut : Lou qui cred à l'amou tan yurat en lou mounde, Que si yoen, que si bielh, né pas qu'un gran nigaut. U. GASSIAT, lanusquet. ■a — — <*szm »• LOUS DEFUNTS Lou proufessou Saroïhandy. Encoère u de segat de d'ore ! Que malauteyabe bèt tems-a e que s'en sera anat abans la soue retrèyte. Hilh d'u bàscou de las Aldudes e d'ue lourréne de Remiremont, agrejat d'espagnòu, qu'abè seguit au Coulèdye de France lòus cours de Gilliéron e après la léngue cscuariéne. U bintenat d'ans, à cade mes d'aoust e setéme, que debè courre e ha la casse dous bielhs parlas catalas c aragounés de las hautes bats pirenénques ; que hém counechénces quoan, en 1910, e passabe d'aquestes estréms e coelhè mustres dou parla biu gascon doun tirabe leçous dens lous coungrès e qui publicabe dens las rebistes de lenguistic. Qu'abém mentabuts soubén aci lous sous Vestiges de Phonétique ibérienne oun boulé prouba Penfluénce dou bàscou sus la fourmaciou dou lati de Gascougne. Aquets estùdis qu'où debèn ha agradilha dinque au Coulèdye de France oun ère cargat d'u cours sus lous noustes parlas, puch sus lou Pourtugués. Ya-s dében broumba, quauques-us dous noustes, que proufessou au Lycée dou Mount, que s'ère mesclat à la nouste proupagande : qu'ère de las hèstes de Madira (1910), d'Arrioun de Lan es (1913). Tant lou nouste païs lou plasè, que s'y abè hèyt basti u acès, ue maysoéte à Saubaterrc de Biarn, sus lou gabe d'Aulourou ; que s'y bienè pausa dab lous sous, e, soubén, qu'en partibe taus recèrcs, dens lou Bascoat. N'ey arré de dise quin ère brabe coumpagnou, amie fidèu e chens pretenciou nade. Mes qu'en sera de tout ço qui a coelhut ? Quauque ma sabénte e piouse e poudera balha-n ço qui deu èste goardat ? M C. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 36, n°12 (Setéme 1932) Alternative Title An alternative name for the resource. The distinction between titles and alternative titles is application-specific. Reclams. - Annada 36, n°12 (Seteme 1932) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - septembre 1932 - N°12 (36e Année) Creator An entity primarily responsible for making the resource Cambus, A. Laffargue, Célestin (1879-1946) Brion, André Baudorre, André (1866-1941) Daugé, Césaire (1858-1945) Lartigue, Francis (1893-1914) Moulia, Edouard (1889-1939) Camelat, Miquèu de (1871-1962) Bulart, Alexandre Rialp Laborde, Jean-Baptiste (1878-1963) Rounjat, Jules Gassiat, Bernardin (1832-1899) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1932-09 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (28 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2873">http://www.occitanica.eu/omeka/items/show/2873</a> INOC_Y2_14_1932_09 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel