http://occitanica.eu/files/original/8bbc363050684e5df46524d76ef38870.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/265c0625d3e3d13f7bedf14f053d9a2f.pdf e571022dd18f57bd4e270baf487b4915 PDF Text Text 37»« Anade Aoust de 1933 Las Hèstes d Aryelès en Labeda (Argelès-Gazost) Coume at disèm deya dcns lou counde de l'amassade de Pasques, aquéstes 10 e 11 de setéme que puyaram t'a Aryelès. L'aute cop, en 1903, VEscole Gastou-Febus qu'y liou arcoelhude per Mous Gastou de Fourcade, qui ère màyre ; ballèu, lou medich òmi qué-nse y toucara de mas, e que-s cargara tabé de Farcoelhénee d'augan. Qu'en ey atau ta hère de cos : las anades qu'an bèt bouni, ue mediche amistat c u medich aunou que s'y demouren cabilhats. Tout parié coume at dîgoum, las hèstes que s'aubriran lou diménye mayti au jTessit de misse ; Fourcade que-ns e recebera à FOustau Coumunau au noum de la municipalitat. Apuch, qu'aniram saluda lous oustaus de Lacountre c de Bourdéte, lou cap de Despourrî, qui ey sou cami de Peyrehite. Ta las très ou quoàte de la brespade, que yabera councert dens lou Parc e, coum lou mayti, la courale d'Aryelès que hara brouni lous bielhs cants de nouste. Lou sé, au teàtre dou casino, representaciou. Dilus mayti, lou counselh de l'Escole que s'amassara s'ou pic de oeyt ores à FOustau coumunau ; à nau que partiram en autocar ha u tour de balée, per St-Sabi (la glèysc roumane), per Miramoun (couloune e castèt de Despourrî), per Bèucén (lou castèt en roéynes dons biscountes de Labeda) ; à dèts que-s tieneran lous yocs flouraus dens lou Parc ; puch, pou tour de mieydie, que disnaram de coumpagnie. D'are enlà, lous counfrays que soun pregats d'embia lou lou escot dou disna : bint liures, à Moussu Gastou Fourcade. Se bolen droumi ue ou dues noeyts, que eau que-s hàssien merca Falodye. N'ey pas que lous oustaus e manquen dens lou capdulh dou Labeda, mes coum seram encoère en sasou estibénque, que bau miélhe d'aberti per abance. (Hica u timbre blu de 10 sos ta la respounse). En tout escas, aci que dam lou noum e lous prêts de quauques oustaus : De 40 à 50 liures la yournade : Hôtels d'Angleterre, du Gabiso, Villa Marie ; dens lou prêts de 30 à 35 liures : Beau-Séjour, Regina, Pensions Duffau, Jeanne d'Arc, Martha ; dens lou prêts de 30 liures lous Hôtels Baron, du Cercle, du Lavcdan, des Touristes, des Voyageurs ; Pensious dou Balandrau, Bernéde, Beau Site, etc., etc. �— 306 Ta Aryelès, qui ey s'ou caminau de Lourde à Cautarés ou à Gabarnie, que ban e que tournen d'u cap à Faut dou die u binter/at de tris, sénse counda lous autobus ; despuch 7 ores dou mati, qu'en partech u toutes las ores de la place de la Halle de Lourde. Que s'y pod doungues ana bèt drin adayse. Per aquero, lous qui boulhen d'autes endiques, n'an qu'a escribe sie à M. Gastou Fourcade à Aryelès, sie au Capdau de l'Escole, sie au Segretàri en pè. Lou Capdau : SIMIN PALAY. •a ^gaatg^ T — Í ■ CLAMS DE DOUCTRINE Drin de Politique * Lou numéro de May de Calendau, la balénte rcbiste doun abém anounciat la badude nou y a pas goàyre, e qui-m parech boulé ha la haute dens lou cor felibrenc, que balhe dus articles, Fu d'Azema, Faute de Jouveau, dus articles qui pausen la questiou felibrenque en u punt qui pouderé pla merca lou parti d'une nabère hutade dou Felibridye. Lous escouliès de Febus, qui saben à que s'en tiéne, pusqu'abém mey d'u cop dit aci ço qui-h ère e ço qui-n ey, qu'escoutaran dab interès aquets dus mayouraus parla coum hèn ; lous lous parlaments que-s pòden resòlbe coum aço : Azema que dits : La questiou felibrenque (ou, si boulet, la douctrine) nou tien pas toute hens la frase (de circounténce u drin) de Mistral : Tout ço qui n'eu pas per la lengue, qu'eu prudent de s'en menshida, frase qui s'aplicabe à la politique francimande d'aquet moument, de segu. Quauques felibres, si hournech Azema, qu'en an bèyt la règle de la nouste acciou — que baleré miélhe dise de la nouste inacciou. — Per you, que y a dies qu'at èy dit aus Reclams, que soy d'aquet abis ; mes, permè d'ana mey en daban, que bouy tourna esplica la mie pensade. En France, lou pòple n'entén lou mout de politique qu'au sens d'aha de partit (ou de partits), idées de cadu per si, «l'assiette au beurre », sectarisme, etc., clubs de blancs, de blus, de rouyes, quoan sera dous pigalhats. Or, politique que-s deberé enténe au sou sens nôtre e bertadè: lou mestié, Fart de gouberna, mes aquet sens, n'èm que pocs à Fenténe. Boulouns ou nou, qu'abém à prénc las causes coum soun e lous moûts au sens qui-us balhe lou pòple. La prudence de hères de felibres que s'esplique pusque la lia de hou tribalh las realitats que soun de coumpte-ha. Partin d'aquiu, la nécessitât qu'aparech d'establi u .plan de . �— 307 — politique felibrenque, nou pas au dessus dous partits mes dab lous partits, en eoullabouraciou dab toutes las « théories » particulàris, e qu'enténi per aquiu lous partits réalistes qui coumprénen que l'ourdi que déu esta sedut sus la bite tradiciounau dou pòple, de la naciou, sus Fana dous omis en soucietat ourganisade. Que pàrli cla, si-m semble. E per segu, Mistral qu'at enteneré coum aco si ère encoère aquiu enta-nse da lou sou abis. Mes, quoan metè la lengue en cap de tout, n'abè pas toutu tort : que eau en tout u foundament sus ploumasous segus, e toute la politique felibrenque, sedude sus lou mantién de la lengue, qui countién e goarde la nouste pensade sancére, que déu esta, que-s pot apea sus aquet ploum. Digam dounc dab Azema, si déu esta mey cla : que-s eau menshida de tout ço qui n'ey pas dab la lengue ou dens la lengue ; d'autant que lou sens de per, au mens ta nous, Biarnés e Gascous, qu'ey lou medich ou chic s'en manque. Qu'ey au yoéns d'establi lou plan necessàri en l'aplica francament à Festat de fèyt de bitare ; lous bielhs qu'an oubrat tout parié suban l'escadence dou temps oun èren : qu'an hèyt la loue politique auta pla, pusqu'èm, ta dise, fourçats de bibe dab lou nouste temps. Qu'ey ço qui esplique Jouveau à l'article qui seguech lou d'Azema. Coum at hè lou Capouliè, qu'abém esplicat aus Reclams las diferences de la situaciou dous Catalas dab la nouste. (Qu'ey à perpaus dous Catalas qui soun escriuts lous dus articles de Calendau). Ets qu'abèn u punt de biste politic qui n'ère pas lou dou goubernement de Madrid coum en abém u qui n'ey pas lou dous de Paris, mes lous dus climats ne soun pas pariés. Ue murralhe de ciment n'ey pas hèyte coum ue murralhe de caussée e de calhau ; toutu, Fue e Faute que poden ha ue maysou. Si, au loc d'èste enclabats en Espagne, lous Catalas èren estats estacats à la France, n'ey pas segu qu'aboussen tribalhat diferentament que lous felibres francés. E Jouveau que councludéch : « Qu'oubram en dehore dous partits. Aco n'empache pas omis de partit de tribalha dab nous e dens la mediche abiade. Las bistes de Mistral, chic à chic, qu'entren dens las bistes de la boune e grane politique. Tout die que crech lou noumbre dous qui béden au Fédéralisme lou mouyén de tira nouste naciou de la crise oun se perdém. Or, lou fédéralisme qu'ey la counsequence naturau dou moubement felibrenc, qu'en ey, de segu, la counsequence necessàri si nou boulém pas qu'aquere abiade e s'estangue coum la mountre d'u mourt... e que yamey e trùque la nouste ore. �— 308 — « N'èm pas madus. Qu'ey ue bertat pénible à dise... Mes, que s'amaduram. N'èm pas madus. Regretém-at sénse pèrde espérance e couràdye. Hens la cansou (qui ey tabé de nouste), lou catalâ Francés Mathèu, qu'aprenè à Mistral las higues n'èrem pas madures : Pan-patapan, las higues soun berdes, Pan-patapan, mes s'amaduraran ! « Toutu, are, noustes frays de Catalougne qu'en tasten gauyousament la car e lou méu. Nous auts... E bé, nous auts qu'èm à l'aube d'u estiu qui nou s'anouncc pas trop mau. Qu'ey de créde que pouderan, lous gouyats, béde la paciente semence dou prius e la nouste tira cent per u e lou pòple, engourmandit pér la frute, enténe e segui lous omis qui-u bolen, berladèrament,*ha-u mèste de ço de sou ». Tribalhem dounc, e toustém Febus aban ! SIMIN PALAY. .<( . ■ —_ LOU gsao „. COURNÉ DOUS POUÉTES LOU NID Tout soulet aquel cop, que goardàbi Débat dous castagnes. Qu'entenouy E prou lèu que Iroubey, estuyat per Au hourquet d'u bruchou, nidau de las gègiies « tit » « lit » « tit » las sègues, rey-petit. P'ous de case sabi, p'ou reyént à l'escole, Que nou eau pas touca dous ausèts la maysou. Toutu, mam ! si-m disi : dehens ue cuyole Auta plâ que serén, e que-m harén cansou. D'aco questey tentât. La mâchante pensade D'ana paupa, malur qui la me dé ? N'at sèy ; Mes, curions, qu'en anèy chens pòu d'embrouquissade A pundetes au nid la manote e passèy. Quoate caps esberils ! Que-t bouy, coade beroye. E maugrat lous pius-pius eschourdans, desoulats, Dou pay e de la may doun ets èren la yoye You qu'ous m'en empourtèy : quèren mieytat pelats. �— 309 — Dab lou hougnat au cô seguit d'aquére estrèyte Que hesouy quoan touquèy lous petits esbariats, Perqué nou-m arrestèy ? Aylas, tau cap la hèyte Que la debi poussa coum hèn lous estrabiats. Quoan marna me bedou : « Qu'as dounc hèyt, misérable ? Desnidat lous ausèts ? Qu'es estât criminau ; Si, coum at as hèyt tu, quauque embiat de lou diable E te-m Mené pana, quin desòu ! Quin dou-mau ! Labets que coumprengouy, l'amne toute estranside, Que plourèy hort loungtéms en espian lou berret Oun lous quoate perguts — familhote abalide — Tremoulaben de pou, de hàmi, Ihèu de ret. Que-m digoun qu'ère hèyt, qu'arré mey nou poudoure Sauba lous desraubats. Bouats à l'abandou Que-s abèn de mouri. Desoulat, au gran courre Qu'anèy tourna-us au nid en demandan perdou. Per segu que-s mourin — atau qu'ey d'abitude — U ou s tau dou rey-petit bioulat per l'estranyè Toustem qu'ey espudit"; oun la mâ s'ey métude L'auset nou bòu couca-s, que-y sentech lou danyè. Qu'ère lou permé cop qui hasi parelh yèste E qu'esté lou darrè. Bé l'èy dounc regretat ! 0 ! bous qui poudet tout, bous Segnou, lou gran Mèste, Lou bras dou criminau ras dou nid arrestat ! ZABIÈ DE PUCHEU. PRAUBE CO ! Pràube co !... B'auré mey bcdut qu'estésses pèyre, Pèyre réde, sens nad frémit, sens nade estrèyte, U quauqu'arré de sec qui n'a besougn ni rèyte, Coum u càssou gamat e sec débat la yèyre. Despuch autan loung-tems qui-m brémbi, qu'as soufrit. — Lous maynadots au brès autan pla qu'an turments ; E que m'estoune, quoan y pénsi per mouments, Au hoéc de la doulou quin nou t'ès pas arit. �— 310 — Mey lèu que d'espraba de bibe la carèstie E d'essayà. countre au hat crùde de ha teste, Quin seré miélhe, quoan s'abranléch la tempèste, De para pègament coume pare la bèstie ! Permou, toutu, n'èm yamey que lou de débat ; Que-nse menlim si cridam qu'abém la bictòrie ; Lou mey goalhard n'ey qu'il pegas de bante-glòrie Pusque de tout coumbat que s'en tire alebat. Las mey bères enlusious de la yoenésse N'an debirat sounqu'en eschebucs e soufrence. — Demande au tou Passât e"Véyes ço qui-n pense, Si de tout e soubre aute cause que tristesse. Praube co, praube co ! B'aberé mey balut Que housses u calhau, u tros de pèyre mude, Qu'aquet bèt-nou-arré qui pantache e qui sude E ploure e sanne aus gnacs dou Hat aspre e goulut. SIMIN PALAY (1927). •3 ayf/y» BIRADES " Adeu siau turons " Que-b die adiu, turouns, per toustém adichats, o poeys brigue pariés, qu'en la patrie mie, e cercabi pous brums e per la bentanie, locs de pats eternau e de blus arrebats ! Adiu, tu bielh Mounsegn, aus palays encantats qui 'spies per u trau la toumbe dou Yudiu, e de Malhorque sus la mar mantu nabiu coum u goardia croubit de màntous nebassats. Lou tou supèrbe tèch labets, b'ou sabi, you, autant coume la care amigue dous tagnénts, coum la cansou dou Gabe aus repics gayliasénts, coum la bouts de may mie e dous mes hilhs lou plou. Mes, aclapat despuch d'u hèch perseguidou, que nou-t sentéch autan coume en miélhes begades ; arbe horebandit en terres estremades, doun la rute ey chens goust e chens aram la flou. j. �— 311 — Que bau que-m darriguèsse ue engardbe sort ta ha-m bédé de mey près las tours de Castêlhe, si lou canta dous troubadous n'èy à l'aurélhe ta desbelha-m au co bèt plaserous recort ? En balles dou pais besiat nou-m bey nat corn, nou bey dou Lhobregat l'ayguéte serpentine ; que, hore las cansous en lengue lemousine, nou n'èy nat aute gay, nou n'èy nat acounort. Quoan e quoan me plasou dous bielhs la counechénce, d'aquets qu'en l'unibèrs hén coustumes e leys, e la lengue dous horts qui 'mparaben lous reys, biran lous drets, e dous afrounts tiran benyénce. Que-s mourésque l'ingrat, audin chens coumplasénce moûts de case hore-païs, lou qui nou plouri pensan au sou teyt ; lou qui, 'smabut, e-s demouri chens coelhé-s au mur sacrât la citole yénce. En lemousi que dèy lou me prumè yemit, quoan dou sé neuridou la boune lèyt chucabi ; e Diu, en lemousi tout die que pregabi, reban d'il cantic nouste autalèu adroumit. Se, quoan m'escadi soul, me parti en esperit, que-m parli en lemousi, que gn'aut parla nou sèy, sus la bouque labets nade mensounye n'èy, ço que lou co sentech lous mes pots qu'at an dit. Bèn dounc, ta ha balé l'amou lou mey sacrât que yamey en nat co 'scribou la ma dou cèu, o léngue, suban you mey douce que la mèu, que-m tournes las bertuts de quoan èri maynat. Cride, adarroun, que mey lou me co n'ey ingrat, nou cessara de canta dous payrans la glòrie, qu'aprénguen per ta bouts, lou lou noum, la memòrie e noustes, e 'stranyès e la pousteritat ! (Birade de M. C). ARIBAU. Catala. (24 d'Aoust de 1833). BONAVENTURÂ NOTE. — Aquéslc bère poésie qu'esté, quoan esté publicade, coum lou trang de campane qui desbelhe l'amne de la Catalougne. Qu'ey d'aquet mou'ment qui coumença J'acciou politic doun bicnèm de béde l'aboutissirnent. �La Cansoun dous Segayres Poulido qu'es la terro Bestido d'or pou blat ! Ta mountagno qu'ey bèro Bierges de Mounserrat ! Oh, hauto majourauo Segayro, bous nou l'ets, May coum bous ignourauo Au sourelh bous tintets. Soun cam lou paysan lauro De blats lou bestissês, Lou sourelh ray lous dauro Se nous benasissés. Balhais-lous bouno anado Quan ben la granissado Coum un arriu ligado Dechats-la à bostes pès ! REPIC : Lou blat ey rous, Coum bous, 0 beroyo moureto, Lou blat ey rous Coum bous, Goardats lous segadous ! Au miey de la baniero Pintrado bous auran, Au cap d'uo garbero, Segan se pauseram. D'espigos courounado, Bous, amiats la segudo, E qu'en la ma daurado Cado haus sio un ram ! D'espigo y'a doublo arrego Bouté-mous lous dedalhs, Que-ns criden, a la sègo, Roumics e perdigalhs, Dab bosto coumpanio, Benguets, très cops per dio, Diran : L'abé maria En esrnole tous dalhs. (Birade de Marcel Saint-Bezard, armagnaqués). JACINTO VERDAGUER. ■(! I ■ 1). QUESTIOUS Que bouleri pla sabé si quauqu'û counéch lou mout singlà ou senglà qui seré u mout de la mountagne ; suban ço qui èy coumprés, que bouleré dise « précipice », mes, que-s pouderé tabé qu'estousse lou bord, la cantère d'û précipice, d'û peridc. La single, dou constat de la ma, qu'ey la bourdure d'ue barque ; auta-plâ se pouderé que lous dus moûts qu'aboussen û raport. �— 313 — MOUNDE E CAUSES DE NOUSTE LOU SOUBENI DE F. SARRAN Lou prouseyadou Lous qui aboun la yoye e tabé lou degrèu de debisa dab nouste amie à las soues darrères semanes (abor de 1928) que poudourén pla dise suban lou mout dou bielh Troubadou : « Qui l'abè bist e qui-u bedè ! » Quin la malaudie lou-ns abè dounc cambiat ! Oun ère lou coumpagnou cantayre e batalayre de las hèstes d'Aryelès e d'Euse, lou predicayre trebatént de Coundoun, de Mirande, d'Auch, de Bic, lou capera doun lhèu e-s broumben quauques-us lou pourtrèyt oun abè sinnat : « Pla ha, pla parla ! » Pla ha, de segu, e pla parla, tabé, batala cap e cap dab lous sous amies, dab lous sous escouliès que hou toustém tad et ue plaserouse recreaciou, coume ue estangue dens lous sous prèts-hèyts aclapadous. Audi-u hens aquéres ores de baga, qu'ère u encantamén. Tabé, tant qui biscou, la soue. arcoelhénce qu'ère sabude, e dens la soue crampe de directou dou coulèdye de Salinis, acera au cap de l'escalè de marine, que passaben ad arroun, caperas e laïcs, proufessous, médyes, cùssous, artistes, estafiès de la poulitic, omis d'obre, mounyes e surs, sapiénts e felibres. Que-m diserats: Mes, se tandes èren arcoelhuts, quin lou mèste de l'oustau e s'en amaneyère dab lous mile quehas ? Quin tabé, per fis se desligabe de la hourrère dous esbagats, quin poudè ha passa ta dehore la couderilhe dous abeyius qui-u bienèn counda loungademéns las loues sounsaynes ! Anats, tad aquero, qu'ous se sabè tira dou puchéu. Quoan l'aha se ])erloungueyabe, la sur Angèle, qui de bèt tems-a ère dens la maysou e ne sabè las coustumes, que hasè paréche s'ou lindau la soue cournéte blanque e que disè tout doucines : -— Monsieur le Directeur, il faut prendre le train. E lou bisitayre, coum lhebat de la cadière per u hausse-prim, que s'escusabe, que saludabe e que boeytabe la horgue... Pusque pla parla n'ère dens lous yénees gousts de l'abat Sarran, be harén u recoelh, ue garlande de las soues dites, yudyaméns, maximes escapades sénse nat ayre d'ensegnance, sounque atau. Hens las noustes darrères bistes, maugrat que nou housse mey que l'oumpre d'et medich, qu'abè goardade l'agudésse dou sou esperit e qu'aymabe toustém de passeya la soue paraule adentour de l'antic e de la presénte istorie dou pòple gascon. Coume u cop e batalabem dou nouste caractari de race e de la prumère tumade dous Rouraans aus parsas de la Garoune que-m disè : « N'èm pas latis, coume at canten sus lous libes, qu'èm galés, �— 314 — batalurs sénse goayre de seguide, francs per aquero e mespresan se eau la mourt daban l'enemic, touts pariés coum ense yudyabe César dens lous Coumentaris ». Soubén que-ns at abèm permou dou pay dou Felibridye, F. Mistrau. Sarran que m'en disè : Enta ha counechénees dab l'Omi de Malhane, va sufiré de léye Mirèio d'u cap à l'aut, la mieytat de las cantes de Lis Isclo d'Or, e quàsi tout lou Pouèmo don Rose. « Mes, Mirèio, si hournibe, qu'ey la merabilhe chens parière e cade an, decap à Nadau, que la me eau léye ! Espie, quoan escriu, que parle ta l'Eternitat. N'as qu'à léye, senou la soue Ode à la Catalougne : « Pople de Catalougno, escoutas. Nous an di Que fasiès, perIMin, revieure e resplendi un di rampau de nosto lengo... » L'ana dou Felibridye, la soue espelide de rimayres que l'agradabe poc, que troubabe que las publicacious noustes n'èren pas prou au ras dou pople. Estremat qui ère de la Proubénee, n'abè pas Ihèu goayre seguit las obres dous qui acera hasèn brouni la corde poupulari, lous cansoès Charloun Rieu e Auzias Jouveau, lous predicayres Zabiè de Fourvière e Arnavielle, l'autou dramatic Chabrand, lou crounicayre Dezeuze. Toutu que hasè yusticie à Roumanilhe e à_ Batiste Bonnet. La perfecciou dous coundes dou cascarelet (u drin lou sou mèste pusque l'abè près lou sou subernoum de Cascarot) qu'où hasè dise : « Roumanilhe qu'abè u segret ta escade las soues truf'eries. Que las calameyabe e courridyabe u cop, dus cops, puch, que las dechabe assoubaca e droumi loungtems, puch que las tournabe de plouma, e atau de droumide en espugade que hourgabe caps d'obres ». Be-b endebinats dab quine amistat de disciple ou de hilh e parlabe dous sous très anciens : Couture, Laclavère, Carsalade ? De Couture que coundabe quin abè au pregoun dou fausset u petit ỳ cayè oun à fin e à mesure noutabe idées courredisses, pensades qui l'arribaben per escadénee ; de Laclavère que mentabè la boentat, la calou ebanyelic de predicayre ; de Carsalade, l'u dous foundatous de la Soucietat Histouric de Gascougne, que hasè-bale la bidentie, lou hoec qui pourtabe à la cause catalane despuch qui l'abèn sacrât abésque d'Elne e de Perpigna. B'abè boulut, coum lous abésques d'Elne àutes cops, ha lou pelerinadye de Mountserrat acabalat sus ue mule ? N'ère pas abeyat brigue, Sarran, ta cerca lous barcalhous oun pausabe noustes escribas de Gascougne. U d'aquets, bèt drin las soues admiracious, qu'ère lou cansoè Tallez. Nou bedè artiste qui lou poudoure atégne, e que-m broumbi d'ue loungue prouseyade qui abonni aquiu dessus en 1913, deban la téle grandouse d'aygue blue e de mountagnes Manques, s'ou cantè dou lac d'Estagn. Ya-n hicabe d'auts hère capsus. A Bladé que perdounabe adayse d'abé-s hourgats quauques coundes e que l'amuchabe dens la soue demoure de Leytoure oun se plasè de ha plega la came aus ;ountrays qui l'y anaben béde. Bladé que neuribe ue gâte qui, à taule, abè lou prebilèdye de minya au ras dou mèste. Qu'ère prou edueade �— 315 — ta s'en sabé préne tabé dens la siéte de l'embitat. Bladé, suban ia soue boune coustume, que batalabe, que brassadeyabe, qu'embisaglabe, qu'embriagabe la coumpagnie toutu que mimi,uqaï semblable soumelha, d'u cop de pate, e hasè cade ta terre la coustéte qui bienèn de serbi, e la s'en pourtabe en trioumfe, que-s pod dise, coume u gat qui porte u tros de carn ! E, Bladé, de toursé-s d'arride. Gn'aute à qui hasè maye atenciou qu'ère Palay. « Qu'ey, si-m disè, lou maye liric de la Gascougne, lou liric-badut, pusque medich e hè tuta lou sou corn dens las soues pèces de teàtre ». De Baudorre qu'on plasè la delicade e sabourouse abiade ; que saben de quine amistat e yudyabe la gràcie, la berou d'u Lartigue, d'u Begarie. De Daugé que laudabe aquet esperit chisclant dens las soues numerouses coumedies, sustout dens las prumères scènes dou Bartè. Soubén que regretabe, dab d'auts, qu'u moundi au noum pouderous e coucardiè, e ue daune doun lou noum a retrenit de Bagnères à Marsélhe, nou s'en houssen entenuts ta presenta-ns e las pèces de teàtre d'ana tragic : « Touts dus n'aberan pas coumplit la loue destinade, si-m disè ; que dcbèn decha aquiu l'u lous roumans franchimans, Faute las pèces à dise enta youga sus lous empounts! » Lou teàtre, coume at èy destecat mey d'u cop à perpaus dou nouste amie, b'ère lou sudyèc de prousey qui mey lou plasè : « Pas tant de dansatères, si-m hasè, mes quauqu'arré de serious, la bitebitante dens las soues gauyous e las soues doulous ». Que credè qu'ue troupe pla ligade que poudoure courre capbat de las noustes ciutats e cade ibèr, e de Marterou à Pasques ha-s enténe. Au ras d'obres dramatics, qui bertadèreméns s'en poden apera, que bouloure roumans, ou pou petit cap, noubèles. Que pretendè, e non crey qu'arrés que l'y pousque ha tourna, que ta pintra de segu la bite d'u pople que eau serbi-s de la léngue d'aquet poplemedich. Quoan Sarran e hasè dou cretic d'ue ma qui pesouteyabe bèt drin, que chacabe e que talhabe. Pocs qu'èren lous qui, aus sous oelhs, abèn recebut lou dou de pouesie ; nou credè pas qu'en poden debiéne escrihas se nou-n soun dou brès enla : « Qu'an bèt emprima libes, qu'an bèt ha leçous, qu'an bèt ha passa pous escoidiès lous caps-d'obres grècs, latis, francés, ou estranyès, qu'an bèt balha-us esplics, se nou soun baduts artistes, yamey nou saberan calameya dej)la, e nou seran que manobres ». Atau que yudyabe l'obre de bère troupe qui an hèyt emprima hort de bers. Pouète, b'en ère et ! E dens tout ço qui hasè. Dou cantadou sauneyayre qu'en abè lous loungs besiadès, lou destacamén ta ço qui ey ardits, dinès e escuts, medich lous desbroums quoan per cas e boulé acaba u tribalh ; qu'où mandèssen létres labets, létres pressades qui demandaben respounse ; nou boudyabe. Pla parla, lhèu mey que pla escribe, qu'ère u dous-sous tesics, e quoan à la soue mourt an hèyt la listre de ço de sou, qu'en y abè ta estouna-s que nou-n dechèsse mey d'obres. Tant per tant quauques crouniquétes e coundes d'armanac, sèt ou oeyt predics, très petites pèces de teàtre qui nou hasèn que l'amplou de cinq actes, e lhèu �— 316 — Iniéye doudzéne de cansous ou de pouesies lirics. Tout ço d'auts, la founetic, lou dicciounari qu'èren tant per tant abiats, e qu'ey à créde que quoan aboure biscude ue tère d'òmi, nou troubère tems d'at acaba. Perqué aquero ? Permou dou sou tribalh de toute ore e de l'oubligaciou de ha escole e de courridya coupies dinque endabans dens la noeyt ? Qu'at an dit, ya, mes n'at pénsi pas ; qu'y deu abé d'autes mayes rasous. N'ey pas per arré que nouste défunt amie aymabe, coum d'aulhous lou sou mèste Couture, de besiadeya tout en léye hort. Au loc d'atela-s de pè-rem à l'obre coumandade (e qu'ey permou d'aquero que s'ous bancs dou coulèdye nou hou mesurât per ço qui balè) que tourneyabe, que parpalheyabe e qu'abè toustém lésé de bouta lou debé per escriut : L'autou qui bòu basti ue obre de gran payère que pane las pauses, que saute lous empachs, que-s barroulhe las portes, que s'aparte, que biu à la mode dous gahus dens loti sou buyau estremat. E Sarran, dinque au cantè de la hosse, en mey dou goust de la batalère qu'abou coum la gauyou de léye e de léye. Se dabets u tour daban dou sou libiè, qu'y bedèts, touquéts, sermounaris e obres classics, autous mistics de tout tems e de tout païs, prousadous e pouètes de France, de Proubénce, de Gascougne e de Catalougne (qu'ey lou sou amie Branet qui-u perbedibe de las noubeletats espelides cade ibèr à Barceloune) ; libès, cayès, paperoles be n'y abè ! ue mountagne, autandes senou mey qu'enço dou Palay ou dou Daugé : — » Nou m'at méscles, si-m hasè quauque cop, qu'at ayi tout débat la ma ». Bertat que calé que housse et medich ta s'y recounéche. Léye, prouseya, qu'èren tad et coume ue founciou, coume u debé, e ta mey d'ue obre qui n'ey yamey yesside de la soue idée e qui mudè quoan e quoan (gn'aute seguide de pèces de teàtre, ue couronne de predics sus lous Sents gascous, etc., etc.) que-s debè dise : Douma, tè, que m'y boutarèy ! Douma !... E hère abans que nou cadousse, quoan lou hasèn courre lous coustalats d'Armagnac tans Emprounts, ta la coelhude de l'or, qui lou-nse saberé pintra dens aquére bie d'apoustoulat ta qui semblabe hèyt esprès ; quau, dens lous sous amies, e bouleré hilare counda-ns quin ère debiengut coume ue autouritat abachan lous turouns, ligan lous entermieys dou Cibil e de la Cleryie ? Sarran, hourtalésse souciau, quin sudyèc ensegnayre e tentadou ! B'ère, de labels ença u cap leyendari e lou sou noum soulet, quoan ère prounounciat dens u debis, b'estiglabe coume u baram, e touts, en pensade, b'ou bedèm à lusi capsus de las tours de Ste-Marie d'Auch ? Per près e per loegn que sabèn qu'il ômi d'aquére ley, que parlèsse ou qu'escribousse, nou poudè mabe que causes de pés, e toustém beroyeméns dites. De que nou l'aberém credut capable de ha, e de ha depla, e coum lhèu nat aute nou saboure ? MIQUÈU DE CAMELAT. �— 317 — LAS REBISTES Lo Gai-Saber. Sou Pencnt de la Bite (Sur le Penchant de la Vie), par M. l'abbé Mounaix, professeur à Notre-Dame de Bctharram, est une ample méditation en béarnais qui emploie, suivant la nuance de la pensée, le vers libre de La Fontaine ou le majestueux alexandrin en strophes variées. L'humble prêtre du Christ, parvenu au sommet de sa vie et prêt à descendre la pente du couchant, s'examine lui-même à la lueur de la lampe implacable de sa conscience. Il revoit les années de sa jeunesse, l'appel de Dieu. Il se reproche, dans son humilité, comme le disciple de l'Imitation, de ne pas avoir assez bien servi le divin Maître. « Je suis couvert de confusion sachant que je dois vous rendre compte, et cette pensée me ronge l'âme : le peu de bien accompli depuis que je suis au monde tiendrait peut-être dans le creux d'une seule main ! » Il appelle à son secours ses chers morts, ses amis du Séminaire, son père aimé, sa pieuse mère, ses tendres sœurs, les saints prêtres, ses premiers guides, que Dieu a depuis longtemps rappelés à Lui. Ils lui répondent, comme les saintes à Mireille, des paroles de consolation et de réconfort et ils lui enseignent les suprêmes élixirs du travail et de la prière. La Vierge lui montre son étoile matutinale et Dieu lui envoie son secours. « Dorénavant, dit le prêtre-poète raffermi, les yeux suspendus à l'étoile de l'espérance, je descends vers l'automne et l'hiver sans fleurs... Puisse le pauvre parfum d'une vie bientôt flétrie s'élever, Seigneur, vers Vous seul ! » C'est là, écrite en bonne langue et en beaux vers, une méditation sincère et sans fausse rhétorique ; ce sont les accents d'une poésie profonde dans une âme de prêtre comme eût pu les faire entendre Jocelyn, mais un Jocelyn sans Laurence et sans panthéisme. A cette belle âme de poète, qui se dit à son automne, mais qui a conservé toute sa fraîcheur native, l'Académie offre, avec sa sympathie émue, une Primevère du printemps, (Extrait du Rapport sur le concours de Langue d'Oc). J. ROSÉS DE BROUSSE, mainteneur. La Campana de Magalouna. LETANIES TA ERCULE — O gran Ercule qui tuès touts lous guits dou lac Estimfale, hè-n parié sus la terre à touts lous yournaus de quine coulou que sien. — O gran Ercule qui escanès lou lion de Nemée escane touts lous Fonografes de l'Unibèrs. — O gran Ercule qui seguès la cabosse de l'idre de Lèrne, dalhe la T. S. F. e lous Picups rauyous. — O gran Ercule qui neteyabes las bordes d'Augias, netéye e purifique lou Palays Bourbou, lou Sénat, lou Reichstadt, lous Courtès e la crampe dous Lords. — O gran Ercule qui debarès dinqu'aus ihèrs e qui encadenabes lou ca cerbère, debare dens toutes las assémblades publiques e hique lou mourrau à touts lous qui an lou doû hartanè de l'elouquénce. �— 318 — -r- 0 gran Ercule qui cstupès lous dus coulobres qui se-t boulèn minya dens lou tou brès, estupe la mode qui-s craque las fumèles, estupe l'alcol qui-s craque lous mascles de la Race dous omis. — O gran Ercule qui crebès la crabote de las cornes d'or e dous pès de couyre, crèbe toutes las caches qui passéyen tandes d'esbagats tentais de cambia de place sénse sabé perqué. — O gran Ercule qui castiguès à Diomède qui-s neuribe lous chibaus dab carn d'ômi, castigue aquet moustre de Fisc qui-s neurech dou sang dou nouste boussicot. — O gran Ercule qui trioumfès de las Amazounes, desbarrasse lou mounde de las féministes e dous lous discours abinatats. — O gran Ercule qui-t carguès lou cèu sus l'esquie, empare lous budgets de las nacious dinque e s'y sien boutats lous punts necessaris. — O gran Ercule qui tuabes lou bùtre qui s'arrougagnabe lou hidye de Prometée, brusle aquére mounéde de papè qui s'arrape la fourtune de tout cadu. — O gran Ercule, tire-nse dou puchéu lou cinéma, lou chifre d'ahas, lou toubac e lous microbes... L'ESCOUTAIRE. )■ LAS TRADICIOUS CANSOUS B en abém u pastou... 1 B'en abém u pastou Bienut nou y a pas goàyre, B'a lou bèt àyre, Qu'en charme la qui bo ; Si jou sabi dou plàyre, Qu'où dari lou me co. 2 Qu'ey u plasè d'audi La soue bouts tringlante ; Aquet be cante Mey beroy qu'il clari. Ta l'audi, tant m'encante, Nou sèy d'oun courreri ! 3 Si-u bedèt à dansa Quin bande la timplégue E quin se plégue Tout en se balança !... Sade ùuie qui l'y ségue En tout nouste parsâ. 1 Quoan lou béden passa, Be l'arfeguignen hère ! B'en seri fière Si-m dabe soun amau ! E nade aille sus terre Nou l'aymaré coum jou Recoelhude per S. P. NOTE. — Lou permè berset, tout soul, que-s trobe pourtat e noutat per J.-L. Lacountre hens la soue pastourale Despourri à Sent-Sabî. �LAS NOUBELES DOU PESQUITOU QUE-N ÈY TUAT U De soubres qu'ey sabut de qu'abém touts, petite ou grane, la nouste cargue de défauts ; e si la bougne dous us e poudè goari la plague dous autes, que coumbieneri de que lou hèch dous omis n'ey pas, per ma fé, dous mendres ! Que soun, au dise de las hemnes sensiades, desestrucs, mahutres, hastiaus, bahurlès, trucassès, hartanès, afrounturs, arnegadous, enferounats, gaymans, coucàrrous, peliès, pertusâs, encreguts, pagans, en dus moûts, cougnits e caupits de bicis. Mes si boulet escouta lous omis — pas lous gouyats haroulès — lous omis madus, per ue hemne suriouse, miralh de bertuts, que-n troubarat dèts, cent, dilhèu mile, entecades pou fadè, minouses, escalancides, i'eniandes, trachamandes, mensounyères, leque-padères, gaudroussères, arrebouhiègues, desgansoulades, embei'emiades. Nou-m cargui pas de yudya tau proucès, bielh autan coum lou mounde : amie leyidou, que-n pensaras ço que boulhes. * * * La Margalide n'abè nat d'aquets lès défauts ; au mens aus oelhs dou Caddèt de Laguite, qu'ère beroye, prouse, limpre, estiglade, balente... Tabé, quoan s'ère maridade, aus très cheys, que sabou perloungueya la lue de méu. Toutu, passats lous cheys mes, l'òmi que feni per s'abisa de qu'abè espousat ue gouyate leuyère coum calendrete e mey lengassude que nade agasse. Ta dise la bertat, l'ausère nou sabè pas goarda-s nat secret ; la lengue toustém qu'où prudibe ; e maugrat lous arcast dou sou marit, qui l'encusabe d'ana clacasséya mayti e sé dab las besies, e de counda touts lous aharots de case, en loc de cambia en miélhe, dab las anades que hasè toustém sourdeys. Per n'esta pas de las mayes, aquere pèque qu'ère estade souben l'encause de bruts e peleyes enço de Laguite. * * * Be counechet, si-m pénsi, la paye de Rabelais, oun aquet Meste trufandèc e-s debertech à mucha « quin lou hemnis embeye d'ourdenàri causes défendues ». U cop, lou Pape Yan XXII1"1 que passabe per l'abadie de Hountebraut. Las mounyes d'aquet coumbent qu'abèn lou perpit de couhessa-s enter ères, e biste que proufieytèn de tan boune oucasioû ta demanda au St-Payre u tau poudé. — Nou bouleri pas denega-b ta grane fabou, si respounou l'ômi blanc ; mes toutu que bédi aquiu, malaye ! u empach dous yénses : la couhessiou qu'a de goarda-s secrète, e bous autes- bannies, dab péne que la cararets. �— 320 — — Nàni, nàni, si tournèn toutes autalèu ; que la saberam cara mielhe que tous omis ! — Puch que m'at assegurat... — Que-b at yuram sus tous Ebanyèlis ! Ue ore, après, lou Pape qu'ous hasè remete u croufet barrât, en las pregan sustout de nou pas l'aubri : sinou, arré de hèyt ! E de mey, s'abèn lou malur d'atrebi-s à boule sabé ço que-y abè d'estuyat, que las miassabe d'escouminye à perpétue. Nou coste arré de proumete ni de yura ; mes tiene, hèy ! Ta lèu entenude la défense, Fembéye deyà que las pegnicabe d'aubri lou croufet, e nou saboun ou nou bouloun acassa lou pensamen lentayre. Tabé à pênes lou Pape abou passât lou pourtau de l'abadie, que s'amassèn toutes au mey courre autour dou croufet e... que Foubrin chens nade bergougne. Dab u piulet gauyous, que s'en escapè u cardî. Pensât si n'estoun, las praubines, escaramussades ! L'ende mayti, lou Pape que tourné ta-us dise misse, puch que las hé apera coura ta balha-us lou poudé doun souneyaben ; mes abans, que calou pourta lou croufet : nade, aylas ! nou sabou esplica perqué l'auserot n'y ère pas mey. Aysit qu'estou labets au St-Payre de dise-us, dab u arrisoulet trufèc, puch n'abèn pas poudut tiene barrât lou croufet, mench encoère que saberén cara lou secret de las couhessious. * ** La Margalide de Laguite qu'ère la seroulete toute natre d'aqueres mounyes tan curiouses e tan embeyouses. Si l'òmi, u maquignou, se-n tournabe dous marcats u drin escauhat, qu'at abèn autalèu de sabé las amigues. — Escoute, si-u hasè lou Caddetou. Bertat, que m'arribe bèt cop de pintouneya : mes bessè be recounéches de que n'èy pas lou bî machan ? Si dèchi escapa labets quauques peguesses, n'as qu'à te-n arride soulete, en loc d'ana-las semia per tout lou besiadye, ta ha-s trufa de nous auts. La Yane de Laclouque, la Yustine de Pouloy e la Marie de Laucatè nou s'at an pas dab omis brabes coum you, dit sie chens bantòri ; qu'ous aparech medich d'esta trucades, mes que s'at an sabut toustém goarda ta d'ères. Perqué nou hès tu parié ? Predic perdut. Encoère, aco ray ! Qu'ère mey counsequen quoan Caddetou coundabe à la hemne lous sous ahas : que proumetè pla de demoura bouque cousude, e nou pourtabe lou secret goayre mey loegn que las mounyes de Hountebraut. Ta lèu l'òmi abè birat lous talous, que-s sabè per tout lou parsâ lou Caddetou que s'abè gagnât, la bèlhe, trénte pecetes sus u betèt, dèts pistoles sus ue baque, cent escuts sus u boéu, autan mey sus u carcan de chibau. Bertat que hournibe : « Sustout, nou digat à d'arrés de que b'at èy coundat ! Lou Caddetou. que-m cridaré ! » Las amigues que proumetèn, segu, puch que hasèn coum ère. Atau l'arrut que courrè que lou Laguite gagnabe yamey tan d'aryen, aryén coum terre. Dab rasou labets l'òmi que-s fachabe : — Migue, permou de parla coum ue chabraque, qu'ès l'encause �— 321 — de que lous emplegats que bienin de haussa-m de mile liures lou « chifre d'ahas ! » Ue noeyt, coum lou Caddetou se-n tournabe de Mourlâs u drin piratât que desquilhè, à l'entrade dou biladye, u poustèu de lectricitat. Arrés n'at abè bist, n'at sabou que la Margalide ; mes qu'esté prou e trop : Tende mayti de boune ore, lou praube deseslruc qu'entenou per dessus las marraines lous besîs qu'èren deyà abertits, nou pas sounque de l'accidén, mes tabé dou meste de la tourroumbiole... e lou sé medich qu'où calou pouna quoate cents liures ! — Qu'èy doungues de ha you, dab la mie pègue de hémne ! Crida-la, qu'ey pèrde chalibe ; truca-la, que seré lèd ; tua-la, nou-y eau pas pensa... qu'aberi d'esta arrauyous, e gracies à Diu... Quin remèri trouba ta goari-la d'aquere malaudie ? * * * Dus més après, ue noeyt de heure, coum l'òmi tournabe tard dou marcat de Soumoulou, que perloungueyè per la borde mey que de coustume, e quoan per fî parescou à la cousine, la Margalide, qui boulé crida-u d'arrecouti sounque à la noeyt barrade, que demourè estranglade e chense paraule en l'espian dou cap aus pès e dous pès au cap, dab oelhs de bîme esbariade. — Mes, òmi... b'ès tout plapat de sang ! — Quio ? Nou m'estoune pas... Que m'ey arribat u malur... — Yèsus ! Que-t seras, pari, peleyat ?... ou que-t seras dechat pana la mounede ? — Si n'ère sounque aco... — Yè, moun Diu !... e que-y a labets ? — Ço que-y a ! Nou t'at deberi pas couhessa, permou qu'at tournes dise tout... Mes aqueste cop toutu, bessè nou gausarés pas ! U malur... u gran malur... Nou-m demandes quin ey arribat... Que-n èy tuat u ! — Tuat !... Malurous !... Que dises que n'as tuat u ! Qu'ès tû doungues u assassi ? — Escoute, Margalide, que-n èy prou de chegri ; mes per tan de dòu qui n'ayi, hèyt qu'ey. Labets, nou serbiré d'arré adare de ploura e de yemica. Que haras mielhe de laba-m toute aqueste pelhe de tire, nou-s pousque recouneche la sang sus la harde. You que m'èy deyà labat lou camioû, e coum soy miey mourt de pene e de fatigue, que pùyi tau lheyt. Si bienèn arrés, sustout assegure que droumi desempuch ores... Toutu, abans d'ayassa-m, que-t yeti toute la pelhe sus l'escalè... Que sie pla neteyade J Et Margalide, chens respoune, que-s dechè cade, en saumucan, sus ue cadière ; puch, quoan entenou cade la pelhe, que la s'anè coelhe. Diu dou cèu ! Quine estrèyte ! Sang, que-n bedè pertout : pantelous e blouse, camise e caussetes, tout que-n ère caupit ! Miey mourte de pòu, la hemne que hé biste bouri ue grane cautère d'aygue, e coum n'abè mey nade embeye de droumi, que labè e que gribè toute la noeyt. �— 322 — L'assasi, et, qu'abè rounglat coum u yuste. En se desbelhan tout escas, à l'esguit dou die, qu'où semblé d'entene la porte de dehore que la desbourroulhaben tout doucetes, e temsot après la pourtete. Que sauté i dou lheyt, e de darrè la bitre, per ue henercle, que bedou, à la clarou de la lue, la Margalide gaha la carrère. — D'aquere garce, toutu ! B'ey capable de m'ana bene ! Chens se-n da mey per aco, que tourné ayassa-s, enta gaha, si poudè brique, gn'aute droumit. * * * Lou praube Caddetou nou s'ère pas troumpat : u quart d'ore après, sous talous de la Margalide, qu'arribaben lous yendarmes. — You nou sèy arré, si yemicabe ère, en lous han puya lous escalès... Demandât l'y à d'et ! Ay, ay ! quin malur ! Qu'èy à debiene, d'are enla, praubine de you, dab la familhote ! Lous yandarmes n'aboun pas à desbelha Caddetou : chens lia de l'adroumit ni de l'estounat, que-s lhebè en s'eschugan lous oelhs, e nou sayè tapoc brique de denega. — Labets, qu'ey bertat ? Qu'abet hèyt dou lèd, aqueste noeyt ? — Trop bertat qu'ey, malaye ! Mes que me-n diset, d'aqueste yudiu de hemne, qui n'a arré de mey pressât que de courre denouncia lou sou marit ? — N'at crégues pas, au mens ! Nou soy pas soulamen sourtide ! — Mensounyère, bèn ! Que t'èy entenude, e de mey recounegude, entertan sourtibes au cla de lue ! — Aco, que-b arregarde à bous auts. Oun abet, bous, dechat lou mourt ? — Que l'èy escounut pou bosc de Lagos, en u barat pregoun. — E dounc, que-s bat mi a sou loc de tire ; èt prest ? — Dat-me lou teins de bébe u cop, ta prene couradye ; e tabé, d'apresta la tourroumbiole : nou bouy pas que-b anet fatiga en garrapetan à pè. — Qu'abet rasou. E puch, atau, que seram permè arribats. * * * N'estou pas petite susmaute au biladye quoan bedoun pareche lou Laguite enter dus yendarmes. La yen, deya enfourmade de la hèyte, permou la Margalide qu'at abè dit tabé au souadou qui anabe tranga l'Anyèlus, que s'ère lèu amassade ; e maugrat qu'ous estousse degrèu à touts de crede lou Caddetou, tan braboulas, poudousse esta u assassî, qu'espiaben parti la tourroumbiole touts esmudits. Quauques gouyats que la seguin dab cicletes. Caddetou que coundusibe, drin palle, e toutu tranquile, autan coum si-n anabe tau marcat ; nou boulou dessarra lous pots dinquiò, lou bosc puyat, estoussen arribats à l'endret : que s'y bedè encoère, à l'estrem dou cami, u lagas arrouy, que lou sable n'abè pas acabat de bebe. — Labets, qu'ey aci ? — Segu, si respounou l'assassi cap-bach, en amuchan lou lagot. — E lou cos, oun ey ? �— 323 — — Pas loegn, nani : que l'èy estuyat au ras, en aquet barat, débat d'aqueres broustes fresc coupades. Lou brigadiè que coumandè au sou coumpagnou de Iheba las branques. Caddetou, lous oelhs clucats, que-s dechè cade sou cami. Que credoun qu'ère de hountes, permou que s'estuyabe la care dab las dues mâs. U cop suslhebat lou brassât d'arrames, yendarmes e gouyats, arribats en medich tems, d'alounga lou cap dous oelhs esbariats, mes... quine susprese ! En loc d'u assasinat, que descoubrin, au houns dou barat, u... gran pourcas escanat ! Lous gouyats que s'espien en arride, mes lous yandarmes deyà que-s fachaben. — Quine coumedie ey aco ? Que-b èt trufat de nous autes ? — Aném, aném ! si-us disè lou Caddetou tout arridén. Nou-b esmaliciet pas ! Bessè, be bau mielhe atau ? Qu'èy dit, yé sé, à la hémne sounque quoate moûts : « Que-n èy tuat u », chens hourni s'ère òmi ou bestie. Be bau mielhe toutu d'abé escanat u porc meylèu qu'ue persoune ? Bertat, qu'abet hèyt ue passeyade maytinière, mes b'ey lou boste mestiè, e de mey, que-b èy carreyats. Puch qu'ous espliquè : be sabet de soubres quin la praube Margalide ey lengassude ? Qu'èy pensât de balha-u ue boune Ieçou, doun se pousque loungtems soubiene. En me-n tournan yé sé dou marcat de Soumoulou, drin cauhat per aco, dab quoate porcs fi gras, Tu que rounglabe coum si s'anabe estoufa. Biste labets, ta qu'au mens la carn n'estousse pergude, que l'èy escanat aci hens l'escu, dab u coutèt de fourtune ; tabé, que m'a chisclat toute la sang per dessus. A case ,1a hémne qu'a boulut sabé ço qu'ère. Que l'èy respounut de que n'abi tuat u. Chens nat aute esplic, qu'a cregut, la pègue ! de qu'èri u assassî ; bous autes, parié... Labets, be méritât pla de m'ayda à carga la bestie sus la tourroumbiole. Nou-y perderat arré : que-b embîti à biéne soupa dab you : La Margalide que hara rousti u boucî de choès d'aqueste mourt e que-n desboussaram dou bou à la santat de l'assassi mancat. Ey pla entenut ? * ** Lous yendarmes, aleuyerits d'u gran pés, que coumbienoun chens péne de que balè mielhe atau enta touts e que debarèn la coste en debisan gauyousamén, entertan qui lous gouyats sus las cicletes s'esclaqueraben d'arride. Que s'en parlé loungtems pou bilàdye d'aquére hèyte ! La praube Margalide que-n estou tan escaramussade e bergougnouse que nou s'atrebi mey à counda nat aha de case, e desempuch labets que sabou toustem, quoan at calé, goardà-s la lengue en la bouque. Lou PESQUITOU. �— 324 — RECLAMS DE PERQUIU La Sénte Estéle de 1933. Daune P. Fountan, reyne dou FeMbridye, qui n'ey ballèu au cap dous sous set ans de reynàdye, que boulou (pie, per la darrère anade, e héssen dens la soue ciutat bèt arcoèlh au Felibridye : Que-y celebraben doungues ue Ste-Estéle toulounénque, cause qui nou s'ère biste despuch 1908. Las rebistes de Proubénce : Calendau, La Pignato, Lou Felibridije ya destecaran adayse ço que s'y hé dens lous dies de Pentacouste ; nous auts, aci, qu'en anirara au courre. Poques hèstes de la Patrie qu'aboun u balans parié e que-s bed d'abiade, coume m'at disè nousté capdau Simin Palay, que lous amies de Proubénce qu'an sus nous auts ue abanse de miey sègle. Lou dissàtte à sé, qu'èm au Fougau de la Targo (qui abèm bis dens u oustau minable dou quai dou Partit e qui ey estalat, are, coume lous musées de Pau ou de Tarbe) Esclangoun, P. Fountan, M. Jouveau, grans oubrès e apòstous de ley, que saluden lous mandatàris de la Terre d'O, e de las Terres estranyes ; lou Druide Taldir (Francés Jaffrennou, doun debisabem aus Reclams de Yulh) que porte lou salut amistous de la Bretagne ; mous de Rebstock de Strasbourg, qui a dab et u ahoalh d'alsacianes, que-ns e dits (juin Ste-Odile e salude à Ste-Estéle ; artistes (medich lou hilh de Jaffrennou qui yogue la Coupe Santé sus lou sou corn-bout) que-s hèn audi : cansoils, declamacious, etc. Lou diménye, reuniou au gran Teàtre, debis de la Reyne Roumaneto, dou Capouliè, cants e danses per las soucietats de Marsélhe, d'Yère, de Limoges (qui biengoun gabidats pou mayourau Farnier) ; e representaciou dou Sastre de Matefiéu, coumedie en dus actes per Francis Gagliola. E aco, amies, qu'ey quauqu'arré de nautat ; Nice, cap de Proubénce, dab la soue troupe teatrau de Barba-Martin, que-s puye au cap daban per la soue presentaciou estiglante. La serade dou diménye, representaciou au medich teàtre : Mirèio, pèce en proubençau per P. Giran, musique de Yan-Francés Marie. Lou dilus s'ou pic de mieydie, disna de Ste-Estéle ; dens la serade passey en mar sus las costes de Touloun ; lou dimars, camade au loung de la mar dinque à Yère ; aquiu arcoelhénce de la municipalitat e tourna per las mountagnétes oun créchen lous pis parasols, lous càssou-lèuyes, lous higuès de Barbarie, oun las arroses dous casaus e caden en garlandes e s'eshoélhen sus las carrères ; aquiu tabé ue mar blue, blue, e u cèu — u cèu de Proubénce. E puch, la grane langou, que eau touca de mas, dessepara-s dous amies, A. Doinergue, Y. Loubet, etc., disé-s à l'an qui bié, si à Diu plats. M. C. �- 325 — Las « Fables gascounes » de Cesari Daugé. Qu'ère enço dous « Amies de la Léngue d'O », au café Voltaire, à Paris, que s'y ey hèyte, lou dibés 16 de yulh, beroye batalère sus lou nabèt libe dou nouste yoen lanusquet. Yan de Maupomè que s'en ère cargat, e maugrat que Yausèp Loubet, lou presidént dous amies se housse escapat ta la Ste-Estéle de Touloun (d'aquet caddèt hòu !) numerous qu'èren bienguts lous counfrays. Dou prousey de Yan, qui hasou si-m disen u bèt reclam qu'en pouderam lhèu balha tros ou gn'aut. En tout cap que serbibe à ha echemia dens la sale quauques paperous de souscripciou. En Noubémbre, u cop l'obre parescude, lou recoelh en mas, que haran ue lecture coume enta prouba que touts lous balents nou soun ne à Marsélhe ne à Barceloune, e per ma fé, que y-a encoère gascous de Gascougne, dens la patrie dou nouste Henric e de Bincénts de Paule. Permou dous Cantayres mountagnôus de Bagnères. Au nouste darrè numéro, qu'abém publicat u boucî dou yournau de Delacroix, disén qu'ère inédit. Nou, que-nse escusen d'aquére trebucade, lou Journal de Delacroix que hou publicat per M. André Joubin en très libes, l'anade passade, enço de Pion, à Paris. Qu'ey dens aquére ediciou que l'oundrat amie P,. Mesplé e coupiabe la paye qui abém balhade à la glôrie dous cantayres bagnerés. De mey, pusque s'escad atau, ya diseram que mous de Joubin qu'ey yessit de Bourdèu e que, loungtéms counserbadou dou musée de Mountpeliè, qu'en publicabe lou catalogue, tabé u beroy e u mèste libe. Lous Gascous de Paris. Lou dimars 23 de may, que s'ey tiengude l'amassade annau de l'Uniou Pirenénque de Paris, soucietat foundade que-y a trente très ans e qui coumpte, au die de oey, mey de 4.000 darrigats gascous, biarnés e bascous. Amassade gauyouse, pla entenut, dab musique, cansous dou pèis e discours. Mous de Berard,. qui a toustem la paraule ayside e flouride, que tourné de canta u cop de mey lou charmatori dous noustes parsâs, la claretat dou nouste esperit, la berou de la nouste lengue ;. que rapelè que la se calé pas decha perde, e, en parlan de la broucadure de Yan de Tucat qu'ère d'acord ta qu'où balhèssen la soue place en las escoles, au ras dou francés. O pla ! Tout aco qu'ey hère pla, mes aquére place nou l'abera Ta nouste parladure ne dab bots ne dab discours, mes s'at bolen lous segnous dous Counselh de l'Enstrucciou public, e moussus lous menistres, ausèts boulayres qui passen cade très mes à FOustau de la Carrère de Grenelle. A mench tabé, que nous autes lous y sapiam oubliga. Cours de bacances à Ripoll en Catalougne. Coume en 1032 que ban ha cours à Ripoll entaus estudiants dou nouste Mieydie, de Catalougne ou de l'Espagne : Mous Louis Saltet que parlara de l'arqueoulougie lengadouciane e l'abat Salvat, de la nouste literature. �— 326 — Lous cours que ban dou 1 au 24 d'Aoust. Lous de qui-n boulhen èste n'an qu'a escribe sie à l'abat Salvat proufessou à Castelnaudary (Aude) sie à M. Zenon Puig à Ripoll (Espagne). Abounats, nabèts abounats Qui-ns'en cercara, qui-ns'en pescara ? U counfray, qui capbat Paris ne coussire ballèu dus ou très cade més, que-nse hè abisa que se las anades 1930 e 31 ne balhaben u trentenat, augan qu'en acampabem sichante dens las oeyt prumères mesades, ço qui bòu dise que seram à cent despuch de las hèstes d'Aryelès. Aquero que-nse permetera lhèu d'encamina 1934 à resou de 48 payes au numéro. Anem, amies, ayudats-se à ha dous Reclams ue rebiste mey counsequénte e mey agradable ! Lou riban briulét. Qu'abém après dab plasé per l'Officiel que M0,c Suzanne Castèts, de Dax, la charmante disedoure gascoune, e M'1" Suzanne Labatut, doun lou talent de pintre ey despuch loungtemps apreciat. qu'an recebut lou riban briulet de l'I. P. A d'aquéres escoulières fidèles de G. F., l'Escole que mande lous sous coumpliments respectuous. — Gn'aute decouracioû qui hara plasé à touts aci, qu'ey la qui ba flouri la poulacre dou nouste amie René d'Escoula, reyent à Campa. Touts aci que counéguen e qu'aymen lou poète e lou coundayre qui sab, dab tant de boune umou, ha debisa lous toys de la balée. Que boulhe arcoélhe lous noustes coumpliménts dats de tout co. Dou. U dous noustes escouliès fidèus, mous de Rancèze, ancien reyent, que-ns a quitats aqueste tour ; qu'en anabe s'ous 73 ans. Qu'ère lou bèu-fray dou nouste amie J. Eyt. Pertout d'oun abè reyentat que s'ère hèyt ayma e estima. A Yurançou, oun s'abè hèyt la retirance, que l'abèn pourtat au Counsélh ; que dèche regrèus à touts lous qui l'an counegut. L'Escole qu'assegure la familhe que s'y assoucie couralament. L. R. • —ggW NABETHS =8- COUNFRAYS Mlles Emilienne Cazabonne, 8, Avenue, Bernadotte, Jurançon. Marcelle Cazabonne, 8, Avenue Bernadotte, Jurançon. Hélène Canton, 16, rue Sault, Tarbes. Isabelle Bergugnat, Argelès-Gazost. Hélène Bergugnat, Argelès-Gazost. mes M Gendre, institutrice, Sère-Argelès (H.-P.). Marie Faussèt-Crévilli, Hyères (Var). Limargues, draperies, Garlin (B.-P.). MM. Peyret, receveur de l'Enregistrement, Argelès-Gazost (H.-P.). Rouquette, Hôpital Civil, Toulon-sur-Mer (Var). �— 327 — OUBRETES DESBROUMBADES Ugn'aute dou Poulet (Seguide e fi) Un cop qui l'esquipatye e coumensa à da-s tour, touts que-s hican à crida : « Bibe moussu Wrigth ! », e lheba canes e chapèus : que s'esganurrèben, au double foutches ! Lou Poulet e you que se-n paguèbem, yutyats. Ta ballèu, qu'entenoun à pene à bourni e que bedoum la manibèle barda au houns de la lane grane coum ue serbietote, puch bara sus la guèuche é tourna abia-s decap à nous coum un eslambric. Que-s dépasse enta decap la bile, qu'aparech beth tros louegn sus un tus de berns, bire sus man drete e tout doucemen, coum un gran hàli, que-s pause deban nous. Qu'espièbem aqui bouque uberte yuste pecs, tan èrem abasourdits. Que eau créde que goey lou yourn, se-m pensèy, lou mounde qu'an terrible cap ta poudé esinayina causes coum aco. « Ce Wrigth, se disou un moussu, il est extraordinaire d'impassibilité, de sûreté de lui-même... C'est certainement le premier aviateur du monde et désormais... » En medich tems, moussu Wrigth que debara de la soue cauye. Qu'estou félicitât, coumplimentat per ue troupe de mounde capulats tché hasèn dous entenuts dab las loues téories ; mes, per you, nat n'at poudè ha, e quan estou de boulé pouya ta ha un tournot, nat ne bouha. Moussu Wrigth que disè bien que n'y abè pas arrey à cragne ; qu'abè heyt prou d'essays tch'ad aco e tché seré lou hasart dou diable s'y arribèbe coque destoubiére. O bé, te-n fouti ! Toute aquere pouralhe que hasou lou pot ; que-s pensèn qu'abèn permè peth que camise. Labets, s'adressan au mounde tch'èren à l'entour, Moussu Wrigth demanda s'ère coucr'un tch'y bouloussi pouya. « Yustemen, se-m dits labets lou Poulet, qu'èy ue embeye terrible d'y ana. — Es tu hou, s'ou disi. Que bos coth-toursé-t, e-m pénsi, ou coupa-t la barre de l'esqui. T'at prèy, dampuré-t de repaus ; dèche pouya lous tché boulhin. — A tu tabey, pec dou diastrou. Que beden bien que n'as pas yamé bis arrey. Deche-m ha ; que bouy mucha qu'à Estibaus ne soun pas soumence de pouyrucs ». E autalèu que s'abança en han ha place. Que-m hiquèy à acoudilha-u e gaha-u per la blouse t'à arresta-u ; mes que-s despesca e que s'enquieta yuste. You qu'où disi de tout ;' mes que-m embia faire foutre en me disén de-m ocupa de so de mey ou que-m foutè un manat. Que-m arrebirèy e tchic s'en manca que ne se las aboussim. Lou mounde s'espièben ha e un baylet de bile que-m arriba decap, pensan que hesèm au patac. Que-m demanda perqué l'arrestèbi : que disouy que ne bouli pas que pouyassi. Ue troupe labets dous tch'èren aqui ne-s hican doun pas à ensurta-m e dise-m : « Laissez- �— 328 — le donc faire. Cela ne vous regarde pas ». Dus moussus que-m gahan au pugnet e que-m hesoun larga lou Poulet : qu'inlèbi de malici. Bedén que ne poudi pas ha-y, que disouy que s'anàssi péne oun bouloussi, que me-n fouti ! Moussu Wrigth que s'aabnsa labets puch quoucr'un que s'ofribe. Lou mounde que se-n arridèn e touts que-s dressèben t'a béde moun Poulet. Aques que hasè l'arrode couni un poutch arrepastat, espian à drete e à guèuche, las mans darrè l'esqui, lou berret sus l'arrè dou cap, dab un er de-s créde dou mench très pams au dessus de tout aqueth auyàmi. « Bien, mon ami, s'ou disou moussu Wrigth, en lou pausan la man sus l'espalle, vous êtes vraiment décidé à monter dans mon appareil ? — Oui, monsieur, se respoun l'aut, et je n'ai pas peur moi que je ne suis sonque un labourateur quand tous ceux-là tirent en arré. Par moun amne ! j'irai jusqu'au bout du monde, même en aperoplane », e que-s foutou un gran couhat sus la coéche en s'arrebiran t'à bede quegn effeyt e hesèn las soues paraules. — Eh bien, mon ami, venez, montez. — Haut, que-m ba ! » e deya que coumensèbe à apourica-s, coan moussu Wrigth l'arresta. « Il serait bon auparavant, mon brave, de prendre quelques précautions. D'abord vous allez me poser ces chaussures qui alourdissent singulièrement votre personne. Puis, il serait prudent que vous vous enveloppiez la tête, les oreilles en particulier et la poitrine ; car l'air est très vif pendant le trajet ». Lou Poulet labets que-p pause lous esclops, que-s corde bien plan la beste e la belouse sus l'estoumac, puch s'ahoune lou cap e las aurelhes en lou berret. « Parfait ! Montez à présent ». L'aut que-s hique à pouya en se gahan à las tringles, ne sèy pas so que pensa destoubia. Mes moussu Wrigth qu'abou biste tout réglât, que pouya eth tabey e que s'assedou près dou Poulet, darrè aquere grane arrode tché hè tout ana. Un gran cril labets que s'entenou de toutes las bouques : « Bravo le compagnon ! Bravo ! » e aplaudi que podéts créde. Lou Poulet que-s boulou lheba t'à arremercia, mes moussu Wrigth qu'on hasou assede de boune punte pramoun qu'aqui au bec ne eau pas hort yumpa-s e pencha-s ent' à fouté-s de pès en haut. Enfegn, las mani? hèles que tournan manicla e moun Poulet que barda en lous ers. Malgré you labets que-m disouy : « Praube hilh dou diable, qu'ès foutut ! ! : » Couqu'arrey, en effeyt, queni disè que pramoun qu'ère pouyat en aquere manicle ne-n calé pas de mey enta que tout e-s chambardèssi. En so pensan en you même, l'aut que biatyèbe. Pr'ou segoun cop que bedoun l'aparegn bara fort lauyè au houns de la lane au dessus dous cassous, tourna decap à nous en bournin, despassa-s decap la bile, ha un gran bireplec : tout qu'anèbe coum lou miragle. Qu'enteni au ras de you moussus tché disèn en espian dab luné- �— 329 — tes : « Ce matin d'homme a un courage extraordinaire. Il est là tranquille et calme comme sur son bros. Il a une fière audace pour un paysan ! Tenez, regardez-le avec ma lorgnette ». Que me la hasouy presta you tabey en la demandan polimen, e que-p bedouy moun Jeantoun apitat en lous ers, cabilhat, crampounat. Lou ben s'ou halèbe la belouse en arrè, qu'aurén dit ue mounaque au ras d'un baro sus un burguè t'à eschenta lou hàli. Que-m semblèbe que rebèbi. Après aubé passeyat e barat ue pausote, que tournan arriba sus nous. D'abiade encoère crits, esclamaciouns ent'au Poulet e ent'à moussu Wrigth. Tout d'un cop, l'esquipatye n'ère pas trop haut ne trop louegn e que s'arrestèbe yuste ent'à boulé poura-s, qu'enteni apera : « Yustin! Yustin! » Que-m bey lou Poulet tché-s tubèbe de ha-m sinnes en segoutin à l'arrebire-bras lou soun mouchoère rouye : mé bèn t'au diable ! lou broy yoc tch'estou labets ! Aqueth gran malestrugas, en trop boulén ha dou soun òmi, que-s pert Paploum e... barraboum, la destournère decap ent'ou houns, las gaynes capsus eslaricades coum las pâtes d'un sàpou tch'an heyt sauta dab ue planche. Autalèu que-m gahe ue tremoulère en lous youlhs e ue premse en l'esqui ; que pensèy cade, ou double foutches ! Un gran crit tché poussan que-m hasou tourna arrebiscla-m lous séns. Puch, que bedouy lou mounde yeta-s à gran pous decap l'endret ount ère cadut de las nubles moun boulayre ent'à béde s'abè prés mau. Que-m hiquèy you tabey à courre margré l'estoumaguère tché-m coupèbe bras e cames, e après aubé barat e sercat, ne-p bau pas doun you béde lou Poulet de pès e dus moussus qu'où tchenèn debath las eschères ; ugn'aut qu'où frétèbe las temples dab aygue de bie e que-n lou hasè bebe à hourrups ent'à remeté-u. Aqués, la figure berde, yaune, lous gouelhs esbarrits coum ue clouque tché sort de coui goéus en piastre chens poudé ha bàde, ne sabè pas mé oun-t-ère ne so que calé pensa. Que-s plagnèbe de la came guèuche, e, en lou boulén ha marcha, que bedoun que tourteyèbe hort. « Dechats-me, hilhs dou diable, que-m bats coupa las tchanques », s'ous disè. Qu'arribèy auprès dou nos estroupiat, e, en me bedén, que s'ahissa un tchic, puch que-m disou : « N'y a pas gran cause... la came lhèu foursade, quoque nèrbi... mé de pou que de mau... solide ». Qu'où gahèy debath lous bras, ent'à ha-u ha quoques pas ; mé ne poudé pas foutre ana-n. En medich tems, quoate sourdats tché hesèn piquet qu'arriban e un officié médecin. Qu'où hican sus un brancart, qu'où doun quoques fretades dab oli, qu'où cameligan bien plan lou youlh tch'à miey coéche e qu'où recoumandan lou repaus. Puch que-p hesoun neteya tout aqueth mounde à l'entour e tché s'estripèben yuste. Cinc ou cheys moussus que bienoun sarra la man au Poulet e felicita-u. Un bielh angles, tché tchabourréyèbe ne sèy pas trop qué, que boulou à toute force ha-u bebe rhum de la soue gourde : lou �— 330 — Poulet que-s decha ha. Eniins lou Préfet qu'arriba ent'à prene noubèles. Qu'où demanda se soufribe, d'oun t'ère e tout un chapatoère de custiouns. En medich tems un beylet de bile qu'escribè. Puch que disou en se-n anan : « C'est bien, mon ami, votre courage ne peut rester sans récompense », e que tira un bilhet de cinquante liures. Qu'où prenouy ent'à d'eth en disén merci e que cridèy : Bibe la République, so que tournan crida tout lou mounde en aplaudin lou Préfet e moussu Wrigth drabat ent'à bede so què s'ère heyt lou soun ancien coumpagnoun. Mé la neyt qu'arriba ; que calé pensa à tourna se-n. Qu'aprèy un cochè, qu'aydam,lou Poulet à pouya en boiture e que bardam decap à la gare. Aqui qu'aprenoum que n'abèm pas d'aut tregn entch'à nau ores. Que ha, sounque atende ? Qu'estoum d'abis labets de minya un gnac. Que hasouy assède lou desgansoulat en la sale d'attente. D'un cop de pè qu'anouy croumpa ue tchoyne, roumatye, pechotes à l'oli, ue pinte dou rouye c que soupam. Un cop tch'estoum cap à cap, que disouy au Poulet : « Sas amie, qu'ès urous de te-n tira à boun counde e per you qu'é lou miragle dous miragles que ne-t sis pas au double ban ! cotch-toursut. S'ère arribat, toutun ?... » Aqués que bachèbe lou cap en espian lou planché. « Qu'as mau ? qu'at regrèti mé que n'at creis ; que eau dise que te l'as boulut, e, quén m'embièbes faire foutre, que bouy majinam que n'abès pas tout lou boun séns. Mé, n'at crédis se bos, que bouy esta penut e arrepenut, entens ? se yamey e-m tournes pesca à tourna parti dab tu : que-n as trop heyt ». Entertems, en so que fenibem de soupa, lou nos tregn qu'arriba. Que partim, e, un cop arribats à case sus las ounze ores e mieye, que-b prouméti que las hembles qu'estoun de boun péu e que se las aboun broy aban d'esta d'accord ent'à droumi. Aqui que l'abets aqueth diantrou de biatye à Pau : ne-n carré pas d'abiade dequére punte. F. DUTHIL. lanusquet. COPS DE CALAM CouyeralhoQu'eehàgatauo à desligo de cèu quah Mayous de Poupobi, caussat' de nau e arrasat de fresque, e debarè det trèn, aquét dimars mayti, n-a garo de Bagnéros. Qu'auè acabat, era bèlho, d'embourdà et ardalh, e coumo touts ans, à meytat septéme, que-s benguè dà quoàtes dios at pè det Bedat. Préne drin eras aygos, nou pot hé nat mau, ey bertat, sustout si om las barreyo d'aro-en-adès dab u sarrot de bi. * * E dounc, té, Mayous que s'en auè hèt segui duos balisos : uo granasso, bielho coumo ets camis e cubèrto de pèt de lapi, e gn'auto toute choyo — une mallette — de qui s'auè desbroumbat, à caso, era noro de Paris quan bengou t'at darrè pelo-porc. �— 331 — N-a balìso grano, Mayous que s'auè arremat drin de fricot at escounut dera hénno : mey cambalhou, quoate saucissos, duos bòlos de burre, quauquos asclos d'alh e autantos de matos de sebards. N-a choyo, que s'auè atrassat de que cambià-s au mench u cop et diménye. Carreyà-s'en-ot tout, tout soul, sus era rio, tho r'arretiranso, n'ey calé pas pensa. Era baliso grano, touto soulo, que pesauo u asou mourt. E puch dab aquero lèuo plouyasso qui brico nou s'assesauo... Tabé, tapé passât et cledou dera garo, qu'aperè u portofaix. — Biam, mahilh, s'ou digou, quan me bos prene ta pourtà-m èste parélh de gadyes tho et pè dera Pelado ? — U escut t'at permé e cinq sos t'at segound, moussu. — E dounc, te-te. Athéu qu'as cinq taryos... Pren-te et segound, you que-m car gui ded permé... E que l'ahouquè era baliso grano sus et carriot at portofaix. * * * Tapé qu'estou ne-t crampét det alòdye, Mayous qu'où dè duos toursudos at berrét tout choupit, e qu'aperè era mastrésso. — Digat-me, migo, s'en y a nado, n-a palhassèro Tl'acitau, deras de qui pudisen quan om las esmousto ? — Nou coumpreni pas ço qui-m blet dise, Mayous. — Que-b demandi se y a... — Pus, dilhèu ? —, Nàni, purnachos. — Se b'y trufat, Mayous !... Tout, aci, qu'ey néte coumo era léngo det gat. Purnachos, à nousto, nou n'y a nado... E ra pròbo... — E ra pròbo ? * * T'at tour de meydio, que debarè t'anà disnà. Que y auè uo maysou de mounde. Que s'estrussè coumo poudou, n-u arrecoégn, at cap dera taulo, que-s nudè ra serbiéto darrè et cot e qu'òu hasou u chiulét à ra gouyo. — Que faudra-t-il servir à Monsieur ? — Que depén... Qu'auét croumpat de bou, n-et cantou, oué mayti? -— Nous avons, comme entrée, d'excellent poisson frais. — Peristre hòu ! Acò, tè, n'ey pas et amerac de tout dio. — Alors, limande, colin, merlus ? — Nàni, nàni, dab duos echardinos at òli qu'en aurèy prou. *• * * Et brèspe, quan n'esté hart de badà pets Coustous en dauan, nouste couyè que la gahè pignou-])iagnou t'ats Tèrmes. Que s'en entré n-et Muséum Salies. • Et berrét en-a ma e sensé dise hapo, que dè dus ou très cops et tour dera Salle de Peinture. Puch que-s planté dauan u cadre oun èro pintrat u ateladye. — Tè, et chibau de qui hè courdèlo qu'ey serat de trauès, se digou tout horto Mayous. �— 332 — U moussu, dab ue chenilho qui l'estauo coumo era esquéro at porc, que s'apressè. — Vous avez un rude toupet de critiquer cette peinture, vous qui n'en avez jamais certainement fait. Mes Mayous de tournà-u-se, e biste prèste : — Escoutat, Moussu, que sàbi tastà si u ouéu ey bou, e toutu, be sabet, nou n'èy pas yàmes hèt nat. * * * Et sé, tapé soupat, coumo èro drin fatigat, que pouyè t'at crampét t'anà-s droumi. Que-s despoulhè. Mes quan se blou hicà 'n lhét, qu'at troubè tout, cubèrtos e linçoSj gouhit coumo se sourtiuo dera bugado. Mayous qu'aperè ets besis ta hè-us-ot beye. Qu'en arribèn u parélh qui nado pòu n'auèn de hè-s echaureyà ra loto. — Qu'ey déu aué cletéros en tet, se digou ed aù, e dab èsto plouyo... - Cletères en tet, acò hòu que m'estouno, se digou et aute. — E perqué ? s'òu demandé Mayous. — Et mèstre, adès encoro, que disè que ra maysou nou-n poudè pas esta jnes pla cubèrto. — De que ? — D'hypotècos. RENÉ ESCOULA. de Bagnères. En tourna dou marcat U d'aquéstes marcats, lou Caddèt Qu'abè miat u fîèr betèt, Cèrtes, lou mey bèt de la place, E lou Péle, au plaça dous porcs, — Atau s'apère — qu'abèbe u d'aquets perigors Qui tirabe tabé de boune trasse : (Que hasè p'ou tour dous très cents). U cop benut, beroy countents, Péle e Caddèt que s'en tournaben E, coum pensât, que batalaben, E cadu banta-s ço de sou, Coum de rasou. — D'aquét betèt !... N'èren que turelure, Lous auts ! si hasè lou Caddèt. — Per aco, per fèyt d'u betèt, Chens countèst, qu'abès lou mey bèt ; Mes, si digou lou Péle, de segure, Si s'en abè calut pourta lou bou, Lou mey gran porc, qu'ère you. L'AUTE. �— 333 — LOUS LIBES HISTOERES E RIMALHOTES, per Fernand Bernéde. — En ço de l'autou, carrère Gambetta à Dacs. Prêts, 12 liures. Lou nouste counfray chaloussénc que bien de larga las soues aymables fantesies, amassades hens gazetes e rebistes oun riscaben de demoura desbroumbades «un chic», permou que-s sap que ço d'emprimat aus journals qu'ey, de nature, haroulè. Per demiey de las poésies délicates, que y a mantue èrbe horte — qu'en eau de tout ta lia ù mounde, si dits lou bielh arreprouè. A cadu de ha lou choès. Per oey, qu'èm lirons de poudé balha la beroye Préface escriute ta las Rimalholes per lou Mèste dou calam Jean Rameau, Poste benerat dou Pourtaou e íìdèu escouliè de Gaston Febus. PRÉFACE DE JEAN RAMEAU Un poète gascon veut bien me demander, à moi qui ne suis qu'un poète français, quelques mots de préface pour son premier livre de vers. J'en suis fort heureux. Je vais avoir ainsi l'occasion de répéter combien j'aime cette langue expressive et pittoresque dont mes oreilles d'enfant furent charmées, comme le seront, j'espère, mes oreilles de vieillard, puisque j'ai quitté Paris, où sévit le patois de Voltaire, pour le Tue de Cauneilhe, où retentit encore le noble parler d'Henri IV et de Saint-Vincent de Paul. Quand je dis le patois de Voltaire, je suis sans doute bien ingrat et ma parole trahit quelque peu ma pensée. Elle exagère, comme le doit toute parole vibrante de Gascogne. Cependant, pour parler net, que faut-il appeler patois ? Une langue peu exploitée qui n'a pas varié depuis quatre siècles, ou bien celle qui change constamment grâce aux néologismes ou aux tournures nouvelles que des milliers d'auteurs ignorants ou désireux de se distinguer emploient sans vergogne ? Un paysan illettré des Landes comprendrait encore le gascon de noire La Hiré, tandis qu'il faudrait être chartiste pour déchiffrer son français. Donc, le plus patois des deux n'est pas celui qu'on pense. Il convient de rappeler en outre — ce dont les gens du Nord ne se doutent guère — que si Raymond de Toulouse n'avait pas eu la maladresse de se faire battre jadis, dans la plaine de Muret, par certain Simon de Montfort, il est fort probable que la langue d'oc serait la langue officielle des Français, et que les belles dames qui sirotent des cocktails dans la plaine Monceau s'exprimeraient comme nos muletiers à la foire de Labouheyre ou comme nos pourailhères au marcat de Peyrehourade. Corneille aurait écrit le Cid en gascon, Racine sa Phèdre en gascon. En gascon ou en provençal — langues sœurs — auraient été les Mémoires d'Outre-Tombe et la Légende des Siècles ; et moi — toutes proportions gardées — je ne serais pas réduit, en ce moment, à jargonner dans le style d'un Bossuet au lieu de faire sonner le verbe clair de Noste Enric aux oreilles de mes compatriotes... Votons un blâme à Raymond de Toulouse. * * * Mais, si notre langue n'a pas eu ses Corneille ni ses Lamartine, elle a eu Isidore Salles, que Mistral considérait comme son égal ; elle a eu le truculent Arté dou Pourtaou, arrière petit-neveu de Rabelais ; et le �— 334 — spirituel abbé Gassiat, qui prêchait aussi éloquemment en vers gascons qu'en prose parisienne. Je ne parle là que de poètes disparus ; mais nous en avons de bien vivants, qui chantent ou fredonnent avec sentiment ou gaillardise après ces trois glorieux défunts. Leur nombre est si considérable qu'une Académie Gasconne vient de se fonder au confluent de la Nive et de l'Adour, dans notre aimable Lapurdum, et celles des bords de la Seine n'ont qu'à se bien tenir. Notre ami Louis Ducla, nouveau Richelieu, fonde également une Académie sur les bords du Gave de Pau. Et il a joliment raison. Le pont de Jurançon vaut bien le pont des Arts ; et le pic du Midi, où naissent des aigles, peut se mesurer, il me semble, avec la Montagne Ste-Geneviève, où il ne pousse que des avocats. * * M. Ferdinand BERNÈDE, que j'ai l'honneur de présenter aujourd'hui aux fervents de littérature gasconne, n'est encore d'aucune académie, dit-on ; mais son tour viendra. Il est poète. Il l'a toujours été. Tl y a trente ans, et peut-être davantage, il lança chez nous certaines cartes illustrées qui furent les premières à montrer la poésie intense des Landes : les beaux pins blessés, les mélancoliques lagunes, les troupeaux de moutons pâturant parmi les bruyères, sous la surveillance d'un pasteur-échassier et d'un gros chien velu, aussi rêveurs l'un que l'autre. Certains de ces cartons avaient bien l'air de petits chefs-d'œuvre. Ils émouvaient bien plus — parce que plus vrais — que les tableaux de peintres célèbres, exposés dans les Salons de Bordeaux ou de Paris. Cela se faisait aux environs d'Arjuzanx, terroir ignoré alors des artistes et que mit en lumière, un peu plus tard, un Anglais de sang royal, grand amateurs de forêts odorantes et d'étangs lumineux. Maintenant, Fernand BERNÈDE n'est plus poète-photographe, mais il est poète-planteur. Il a eu naguère une idée émouvante comme la plus belle des odes. Savez-vous ce qu'il fait ? (Vous pourrez l'apprendre en lisant quelques pages de son livre). Il se promène dans les bois qui entourent l'antique cité d'Acqs ; il y choisit des églantiers robustes, et il les greffe, les soigne, les transforme en rosiers superbes, et cela pour que les amoureux futurs s'en embaument, en deviennent plus tendres, dans ces forêts solitaires où il fut lui-même un amoureux si tendre... Peut-on être plus poète ? Oui, sans doute ; car, pour l'amour de son pays, il ne s'est pas borné à planter ; il s'est mis à écrire, et avec quelle abondance de gascon passionné pour sa Gascogne ! Les roses ne lui suffisent plus : il lui faut des lauriers, et il en cueille de toutes parts. Ses poésies landaises sont fort appréciées. Beaucoup de journaux les publient ; beaucoup de sociétés savantes les couronnent. Médailles, diplômes, citations honorifiques pleuvent sur lui, non seulement dans ses Landes natales mais encore dans les départements voisins où sont organisés des Concours de langue d'oc. Peut-être n'a-t-il pas encore la maîtrise des grands aînés dont nous parlions tout à l'heure. Mais, autant qu'eux, il connaît son pays et l'aime et lui consacre son patient labeur. Il en sait les coutumes, les traditions, les mœurs, les particularités profondes. Il n'ignore aucune des histoires gaillardes ou sentimentales qui se disaient jadis, au coin du feu, durant les veillées d'hiver, dans la cuisine sombre où tremblotait une flamme �— 335 résineuse, tandis que, par un fenestron voisin, quelque bœuf allongeait sa tête rousse, comme pour écouter, lui aussi, ces beaux contes dont s'émerveillaient ses maîtres. Aucun auteur n'a dû montrer mieux que Fernand Bernède le véritable visage des Landais d'autrefois : visage rude certes, et souffreteux souvent, mais malicieux quelquefois, et loyal, honnête, bon presque toujours. C'est pourquoi ce livre, ne fût-ce qu'au point de vue documentaire, devrait être conservé, pieusement dans les foyers gascons, entre le paroissien et l'almanach, comme on faisait au temps jadis. Plus tard, quand tout sera banalisé sur la planète ; quand le visage gascon ressemblera au visage picard, qui s'appareillera au visage russe ou groënlândais : quand tout ce qui faisait la personnalité d'une province : costumes, cérémonies, superstitions, aura sombré dans la fosse commune où le Progrès nous pousse, il sera doux de découvrir ce que furent nos aïeux avant l'universelle vulgarisation. Et, si quelques-uns de leurs descendants s'amusent à lire un de ces poèmes vieillots grâce auxquels le passé ressuscite, bourdonnant comme un essaim engourdi que le soleil effleure, l'âme des antiques Lanusquets sera contente sans doute, dans ce paradis merveilleux où ils s'efforcèrent d'aller, et qui existe certainement puisque tant de malheureux y ont cru et que tant de poètes le méritent. JEAN RAMEAU. ■« — -gSffi^ —-^— —■ g. MOUNDE E CAUSES DE CATALOUGNE Sus las cansous de IVlontserrat de Verdaguer Hens las obres de Verdaguer que sabi u corn doun me plasi mey qu'enloc : las cansous de Mountserrat. Que nidéyen aus estréms dou libe « Canigo Montserrat » fions estuyades mes flayreyantes, floc ultim aùherit sus l'auta de la « Moreneta ». Verdaguer qu'ey lou maye pouète mariau, proubable de la nouste literature. Mistrau qu'a hèyb bertat, ue pèce suberbère coum tout ço que badè dou sou calam : auta pla n'ey qu'ue pèce de circounstanci. « Las cansous de Mountserrat, ères, que soun la frute d'ahoelhs mistics, au grat de l'amne esmabude tout die suban lou balans de la bite-bitante. Aquets reiocs, af'rayrats à la leyende franciscane que soun natres coum s'èren neurits d'arrous e de sourelh coume la cigale ta parla à la mode dous anciens. L'èrbe, l'estele, lous escoulas, lou marine, lous roumius, las flous, �_ 336 — lous segayres, lous ausèts, cadu en sa lengue, qu'y biénen dise lou sou laus hens l'arredoulet verdaguerénc. Qu'ey u bagn de musique, ue leçou de pats. Que eau leyi-las aqueres cantes per fi d'ue tantoussade de yulh au ras d'ue laque héns un prat dalhat e coum dise Mistrau « à la sournuro » ; las mile bouts dous cams, labets, qu'acaben de da-us la bite : e l'illusion qu'ey sancére... Lou lirisme de « las Cansous de Montserrat » qu'ey daurat : permou que lous tèrmis qu'en soun sénse nat recère : noums de haserénes, noums de flous plés de sabe entau qui la sab ha saba : aquiu segu qu'ey lou Secret dab u « S » maye, lou secrét que las Muses e prèsten ans omis» très, quoàte ou cinq cops per sègle... Héns Verdaguer, nat plap escurous, nat d'aquets retourtilhs oun se taste la nature fourçade : Lous qui serén usclats per l'eslame dou « valerysme » que pouyrén médita la ligne subersimple mes quoan armouniouse d'aqueste repic : Roseta o Estrella flor d'or Roseta o Estrella Fes cel del méu cor. ou aquet : Cotolius, seguin-la cantau amour a Maria cantau. encoè aqueste : Rosa catalana flor d'or Rosa catalana qui us tinguès al cor. Mes qu'abet leyide la birade de la cansou dous segayres per lou noste amie Marcel Snint-Bezard. Aco que baiera hort mèy que d'autes peserades capbat lous èrms misterious e llayreyants de la terre catalane. L'obre de Verdaguer : mèy lèu que de debisa-n que eau tourna dise la biélhe paraule lugarneyante : Toile Lege. ANDRÈU L'Emprimayre Mèste en pè : PIC. E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 37, n°11 (Aoust 1933) Alternative Title An alternative name for the resource. The distinction between titles and alternative titles is application-specific. Reclams. - Annada 37, n°11 (Aost 1933) Subject The topic of the resource Occitan (langue) -- Périodiques Littérature occitane -- Périodiques Gascon (dialecte) -- Périodiques Littérature gasconne -- Périodiques Description An account of the resource Reclams. - aout 1933 - N°11 (37e Année) Creator An entity primarily responsible for making the resource Palay, Simin (1874-1965) Aribau, Bonaventura Verdaguer, J. Sarran, Fernand (1876-1928) Camelat, Miquèu de (1871-1962) Rosés de brousse, J. L'escoutaire Lou pesquitou Duthil, F. Escoula, René (1895-1965) L'aute Bernède, Fernand Rameau, Jean Pic, André (1910-1958) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p></p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1933 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2888">http://www.occitanica.eu/omeka/items/show/2888</a> INOC_Y2_14_1933_08 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Béarn Gascogne Reclams Revue