http://occitanica.eu/files/original/08559b45c99aaaf281454b94c0f33697.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/bf0580282043d5df7f85b1acbdc51bd8.pdf d31d922ae160467dd2229f520323ccd1 PDF Text Text 38au Anade Abriu de 1934 L'AMASSADE DE PASQUES Lous mémbres dou Burèu, lous counselhès de l'Escole que soun pregats de coussira per Pau aquéste dimèrs pascoau 4 d'Abriu, decap à las dèts ores dou mayti, à la maysou daurade, carrère Latapie. OURDI DOU DIE : 10 Las hèstes dou Mount de Marsâ ; Des nouminacious au Counselh ; 3° Lous coumptes dou dinerè ; 4° Las counferénces à las Nourmales de Lesca, de Pau e d'Auch; 5° L'Ensegnamén de la Léngue e de l'Istorie dens lous noustes coulèd}res ; D'autes questious de toute ley. 2° En mey de las daunes : 0. Coustet, M. Longue, Elise Tonnet, e nouste reyne Clotilde de Lamazou, lou counselh qu'ey coumpousat de MM. Léon Arrix, Abat Badiolle, A. Baudorre, E. Bourciez, Y. Bouzet, G. Cadier, M. Camelat, J. Canton, Y. Casabonne, P. Claverie, abat Costedoat, P. Courteault, C. Daugé, G. Destriau, J. Duboscq, B. Escoula, J. Eyt, P. Fauqué, J. Forsans, Y. Hustach, J.-B. Laborde, P. Laborde-Barbanègre, A. Lacaze, abat Laffargue, P. Lamazou-Betbeder, E. Larroque, A. Lasserre-Capdebile, Loussalez-Artets, E. Marrimpouey, Felis Mascaraux, abat L. Medan, E. Moulia, abat P. Mounaix, abat Paillé, S. Palay, A. Pic, C. Pomès, P. Sabathé, Y. Tucat, De Viforano. Lou Capdau : S. PALAY. N.-B. — Lous mémbres dou Counselh qui nou pouderén pas assista, lou 4 d'Abriu, à l'amassade, que soun pregats de da poudé en u counfray ou de bouta per courrespoundence adressade au Secretàri en pè. �— 248 — CLAMS DE DOUCTRINE Lou Poudé d'ue Cansou Lou poudé d'ue cansoû qu'ey sénse tèrmis ni barralhe, permou qu'arrés nou sap ço qui-n poudera sourti, e mench que mench lou qui l'a hèyte. Lous qui disen que l'enspiraciou poetic qu'ey de Diu, que poden trouba-n ue probe en aquet fèyt estraourdenàri, quàsi miraculous. Qu'y pensàbi tout escas en leyin, aquéstes darrès temps, lous coumentàris dous escribâs de Catalougne qui a célébrât, à la fî de l'estiu, la soue recoubrance. Touts que s'acorden à dise que l'ode famouse de l'Aribau, Adèu siau, turons (adiusiat, turoûs) qu'esté lou crit de l'amne catalane qui pantachabe e doun la retrenide desbelha lou pòple à de bounes. Qu'ère en 1833 ; que Fa calut cent ans ente parbiéne à las soues fis, mes, que y ey arribade, permou lous bèrs de l'Aribau n'an pas yamey perdut lou lou poudé sus lous omis qui-us abèn entenuts nou housse qu'û cop. Daubûs qu'an cercat à debina las rasous d'aquet poudé, mes qu'où crey endebinable, coum l'enspiracioû mediche : que y a causes atau qui nou saberam yamey. Cèrtes, que s'y pouderé pensa au talent, à l'enyenie ; mes, si l'Aribau ère û letrat capable, si abè û boû talent de plume, ne passabe pas goàyre lou nibèu dous bous yournalistes (qu'en ère û) per l'époque ; qu'ère û escribâ estimable, sénse plus. Partit encoère yoén enta Madrid, qu'escribou toustém lou castelhâ de la Capitale ; en lengue catalane, qui ère, toutû, la soue lengue mayrane, nou-s sap pas qu'aye yamey escriut aute cause que l'ode famouse : permè fèyt estounable. Adèu siau, turons, qu'ey û plagn pougnent de despatriat, de horebandit à qui lou soubiéne de la patrie darrigue lou co. Quin l'abè poudut senti coum aco l'Aribau qui semble, d'après ço qui saben lous qui l'an counegut, esta-s acoumoudat sens degrèu de la soue bite à Madrid ? Que tourna poc en Calalougne e nou parech pas que las idées catalanistes l'ayen goayre balhat coénte ; e, toutû, per Barceloune e Malhorque, en aqueres tempourades, lous esprits que bouriben prou, e qu'at sabè. Aco tabé qu'ey endebinable. E coum ta coumpli l'acte miraculous, lou poète que prenè lou halans de l'ode, qui ey la forme poetic la mey noble e nécessite ù toun de grandou qui-s déu mantiéne de l'û cap à l'aute, sinoû l'obre que s'escagasse en camî e qu'ey, labets, û cop mancat. E dab aco (tournât leyi l'ode de l'Aribau qui a parescut aus Reclams d'aoust darrè) qu'ey ço qui y a d'estraourdenàri ? Au �— 249 — permè cop de oelh, arré ou quasi. U poète de simple plâ-boulé, dab las idées qui s'y troben, qu'aberé poudut ha, dab drin de soegn e de tribalh, ue boune pèce de bèrs — e quoandes ne sabém d'aquéres ! — La berou de la terre, lou soubeni dous mourts, la bertut de la lengue mayrane, que couneguém aco ! Que-ns y èm touts esmerats aquiu sus, e Diu sap !... Mes lou poète enspirat, quoan nou sera qu'aquét die, de las idées de tout lou mounde las mey usades que tirara û cap-d'obre ; ço qui seré praubère en ço dou besi, qu'ey richè à sa case ; ço qui seré simplét e méndre, que-s debire noble e mayestuous dab las mediches paraules ; qu'ey dab rasoû qui disen que la mey bère obre d'art qu'ey la oun l'art nou parech pas. Permou d'aco, endebinable coum lou restant, lous Catalâs qu'an troubat en aquet crit sens parié tout ço qui demandaben : lou reclam esplendent de las loues aspiracioûs patriaus. Aquet fèyt, û cop de mey, qu'illustre, coum disen, lou poudé merabilhous de la cansoû. Ey besougn de remembra ço qui an hèyt e hèn toustém las noustes ? Aquéres mountines, La-haut sus la mountagne, Mountagnas régalades, e, taus Francés, la Marselhése ? Cade pòple qu'a la soue oun trobe ço qui-u hè besougn, oun biénen recouti touts lous eslans de la soue amne, hèyts dou soubiéne dous sous Mourts, de la berou dou sou Terrayre, de las aspiracioûs qui eslhèben lou sou esprit e qui-u hèn coumunia dab Diu. Qu'abém aquiu, toc-toucante, û cop de mey, la probe de la force sénse mesure de la poésie. SIMIN PALAY. ^tC'g" •8 LOU S- COURNÈ DOUS POUETES LOU SEMIADOU L'arribère s'estén liberté. A l'eslremère rousade, lou sourelh lusech coum û miralh, emproubat tan per tan per la brume leuy'ere qui hume dous laurats e puye en bèt ahoalh de houlets blus : tau l'encens hume en la capère. E la terre esmiusade en u bareyt brasous, passât e trebersat pou roullèu e la cléde, empregnadére e preste à neuri lou blat rous, desnouse lous ribans de soun tramât de séde... L'òmi qu'ey prèst : ploumat, lou cap dret, Y oelh gauyous, qu'espie, dous arrècs, la hoeytibe arruade, mesure lous escats, counte lous estirous... �— 250 — U fièr paysa ! goalhard e baient coum l'espade ! qu'ey dret coum û pachèt, coum û bencilh, tilhous ; qu'ey came loung ; tabé, qu'a loungue la camade. La poupe ubèrte, manye argussade ent'au cout, sa ma gauche qu'abrasse e mantién la tesure emparade s'ou malh. U drin que la segout ; dab la dréte que puse, e sa pougne segure enter lous dits ubèrts, lèche picha l'esgout dou grâ qui cay tout dous. Ue pause l'espie à chourra, coume û pay espie sous magnats. Que ba ! Lou pugn barrât, lou semiadou s'abie, arrounçan lou roumént en arcoulins daurats, à cade estrém, coum qui benadech ou bâtie. Lou pas plà mesurât, espartit e parié, chens destourna lous oelhs dou branquèu qui l'apère, qu'en ba pausadamén, lou pè ferme e leuyè, e chens s esdebura ni triga chic ou hère ; û cop au cap dou soue, lèste, hè l'arrè-pè : Dréte, esquèrre, endaban semie e tourne encoère. * * * Tapèc s'audech lou truc, de l'Anyèlus qui trangue, coum escousent se hè l'estenilhét dou sou, s'ou pic dou campanè lou semiadou s'estangue e s'ou darrè trangat, Vomi que-s dit : Qu'ey prou . Tout choau que s'ajulhoue e que-s pause la saque. Cap bachat, dab lou pugn encoè sursit de blat, que-s ségne, drin s'esta, pregàrie simple e braque ! Que-s drésse e tire au cèu aquet darrè pugnat. * * * Qu'ey l'ore dou brespè, l'escudèle boeytade, û croustét, drin de lard, dus hourrups au barrau, atau qu'a brespeyat. E dinque à l'escurade, tout lou brespau, balént coum n'estou lou matiau, que desplégue cent cops lou bras à la boutade e cent cops qu'espartech lou grâ s'ou barèyt nau ; toustém que tourne ha la mediche camade ; dou medich pas segu qu'en ba, dret coum û pau. Quoan lous courbachs nerucs s'estiren de la lane, en rasan lous arrècs, arregoulats de grâ, quoan debare l'escu e s'adroumech la plane, lou semiadou qu'a hèyt ! A la luts dou lugrâ que-s bed acabat lou tribalh de la semmane, e s'en tourne gauyous en alounga lou pas. « Coénte hèyte ! », si-s dit. Toutu, nou s'doutte pas dou poudé dou sou bras,... quin l'obre soue ey grane ! D°u DOLERIS. �— 251 - PENSAMÉNS Encoère u cop, à la frinèste, béde quin die e bam abé, au prat dou gay, au cam dou bé, e Ihèu, dinquio la Sent-Silbèste, pou miey dous grans trebucs, dalha ! Mes, coum me Ihèbi à las aubèles, b'ous èy aquiu quoan de tesics ! Quin ban lous hilhs e lous amies ? Dens lou saquet, quines noubèles lou factur déu ballèu pourta ? Coéntes asprudes ! Que s'y passe de Faute estrém dou gabe Rhî ; ya sèy que, bielh, nou y'aneri, nou seri de la gran ligasse quoan lou trang-d'orde ba tringla ; Mes, se lous mes dében, au courre, tourna parti ta d'autes trucs, se nou bim prou temps desestrucs, e se lous hilhs soun dens la hourre, baleré mey d'esté au houssa. Qu'èm à la pats ? Bertat pot este ; toutu, be carrinque lou bros ! Que baleran noustes bint sos, aquéste ibèr quau sera mèste : moussu Ba-Mau, moussu Ba-Pla ? Bèn, àmi, gra de sable, arée, n'es mey qu'il chètre passadyè, e maugrat lou maye esbariè, maugrat l'ourgulh de toue idée, que-t ba calé desatela... Encoè drin mey, que que t'arribe, cure drin mey u praube soue, tout sé, despuch dou sourelh-couc : Pousques, à cops, aubri bèt libe oun as leyil quarante ans-a ! �252 — AURÉNYE O : Yigante parét oun lou,bouryés roumâ, tout escarrabelhat p'ou Rey-Sou de Proubénce, hase lou bèt arcoelh à felibres dous yénces. Bèt Tiatre : que-s pretén qu'ey û loc soubirâ... E tu, Arc trioumfau, qui 'strouncat e t'arrayes, que m'an dit qu'abès bist mantu capdau antic carrussan, prouberous, lou Galés enemic, qui marmoune, sannous, las douléntes malayes... Ya deu este bertat... mes ay ! Quin esmudits m'èren lous escharroulhs, quin praubes de perpits !... E sou cop, de parti, oè que-m bienè l'entrigue Quoan, me bedén sadout d'aquet grandous passât, ue bouts, en puyan nou sèy d'oun m'a bouhat : « Qu'at troubarés tout bèt s'ères dab toun amigue... ». ANDRÈU PIC. LA BOUNE PARAULE Enyusticie qui eau crida Lous candidats ta Bacheliè que poden présenta l'arabe daban la Facultat d'Alger (e aco qu'at coumpreném) d'Ays-Marsélhe, de Toulouse, de Bourdèus, de Paris e d'Estrasbourg ; lou russe, à la d'Alger (e aquero n'at coumpreném brigue), d'Ays, de Toulouse, de Grenoble, de Liou, de Nancy, d'Estrasbourg, de Lile, e de Paris ; lou pourtugués daban las Facultats d'Alger, d'Ays, de Toulouse, de Paris e ... de Rennes (e d'aquero lous Bretous, à qui denéguen lou medich dret tau bretou, qu'en dében èste urous !) Mey qu'aco, daban d'autes Facultats causides, que poden présenta Fanamite, lou camboudgiâ, l'afghan, lou danês, lou nourbegiâ, lou poulounés, lou roumanesc, lou tcheco-slovaque, lou youyoslave, lou persà ; trédze léngues qui-s hournéchen à las quoàte ensegnades adarroun : l'aleman, l'anglés, Fitalian e l'espagnòu ; ço qui hè de toutes dèts e sèt ! E la léngue d'O, qui a balhat à la France lou sou maye pouète, e qui ey coum la bouts de la Patrie, n'y pod èste agradade ! La France, païs de luts e de libertat (qu'at leyim tout die) qu'anira dinque au Cambodge mantiéne cultures estranyes, e que miara ue guerre à mourt à ço qui a de mielhe à case soue ; que soun, aus examéns dou bachelierat, mey pla arcoelhuts lous estranyes que lous sous propis maynats. De que pensa d'ue may qui, ta quauques perles de beyre e yetaré à l'escoube-sòu las yolhes de la soue familhe ? MARIUS JOUVEAU. �— 253 — MOUNDE E CAUSES DE NOUSTE Adentour de Louiset de Lacountre (1809-1889) Tant per tant se-s clucabe tous oelhs dens ue praube crampe — au n" 69 de la carrère Castetnau de Pau — e lou noum de Lacountre qu'ère autalèu mentabut enço dous patriotes de Biarn e de Bigorre. Merquém lous punts, balhém quauques dattes : 1893, la Soucietat Académique de Tarbe qu'où hè l'aunou d'ue taule marme à la soue maysou nadau d'Aryelès ; lous debis de Yan Palay e d'Armand Silvèstre que luséchen s'ous yournaus. Tout medich, coume enter lous bius n'arribe, quoan u cap de nautat ey ayassat dens la hosse, que s'y peléyen adentour. Ta l'Indépendant de Pau, « Lacontre fut non pas un poète de la grande taille de Despourrins et de Navarrot, mais une étoile de bonne deuxième grandeur ». D'ue mâ hort pesante, lou desestruc qui escriu aquero, ya prém sus la rèyte, sus la nacère de las soues darrères anades. Que crey pla, suban ço qui m'en assegurabe la béude de Lacountre (Madelène de Caballè) qu'aquéres amarous qu'èren debudes à mous de Darricade, amie de Lacountre, musicayre coume et, e l'autou d'u recoelh de Nadaus. Mes, dies despuch, l'Impartial, yournau paulin qui bienè d'espeli, que dabe loung e benyatiu prousey sus lou défunt auserè, yougayre de quilhes, flahutayre e pouète. E, oerats quin tournéyen las causes, qui oey ense hè coupie d'aqueres payes de laudous ? Que-s trobe esta benauraméns la nouste reyne Elise, nore de mous de Tonnet, qui hou lou directou de l'Impartial. Que las troubarats hens aquéste medich numéro d'abriu. 1897 : Publicaciou d'u petit estùdi oun disém ço qui sabém, e coume at sabém, dou fabuliste dous Herums. 1903 : Amassade de l'Escole Gastou-Febus, en Aryelès ; que bam u segoun cop en beuraymàdye ta la maysou de Lacountre. 1907 : Anade de las counechénees qui hèm, à Maubesî (ta l'estrée dou castèt) e à Cautarés, dab lou beroy nayés, Jules de Garrive. Recrube de plasénte ley ! Amie de Lacountre, que l'a counegut dens lous sous bèts dies, e que l'a coenteyat dens las méchantes ores. Que-ns en counde mey d'ue de las plaserouses. 1926 : Au cap de hère, dens lous Reclams, que sayam de pintra u cop,de mey la care dou hilh d'Aryelès, e que-nse passeyam dab et s'ou cantè de las aygues yumpantes e débat las oumpres de las castagnères. 1933 : Dusau amassade de l'Escole Gastou-Febus, en Aryelès. En seguide, Les Echos de St-Pé, per las bies d'u calam sapiént e amistous, que-y hèn rampèu e que presénten loungadaméns l'òmi e las soues obres. Bitare nou boulerém que besiadeya u cop de mey pou tour dou pouète labedanés ; mabe, se eau, dues ou très questious. �— 254 — Que-nse demandam soubén aço : D'oun poden èste bienguts lous sous ancèstres, e perqué doungues e-s causibe la fable e la cansou, e nou pas l'ode ou lou pouèmi, coum tribalh de pouesie ? Ta-ns at esplica que-nse disém : Lou nouste Louiset n'ey pas de souque aryelesiane. N'abém pas dens Aryelès ue bile anciène ; bastide qui s'ey enter lous bilàdyes d'Ourout e de Biusac, n'a prabat que drins e drins permou dou sou marcat. La soue poupulaciou qu'ey debarade de l'Estréme, d'Azu e de Dabantaygue. De gn'aute mâ, se lou pay de Lacountre ey dit marchan, lou sou payran Bernât qu'ère aulhè, pusque hasè pèche la soue troupe en Terrenére. E Terrenére oun ey ? Nou pas brigue per Aryelès, de segu, mes dens lous adentours, drin capsus dens la mountagne. E seré, Terrenére, lou bourdalat dous cagots en Aucun ? En tout cap, que y-a Lacountres en Arras, prumè bilàdye d'Azu, e d'aquiu enla, per las trabessades, nous soun loegn dou bosc Bergouns e de l'Arragna doun parle dens las Fables : U die en Arragna, l'àsou Marti broustabe... En u bosc dous Bergouns... De ço que lous sous ayons e soun, proubable, bachats d'Azu, qu'en escaderém gn'aute ourdi d'endiques dens lou sou lengàdye, qui n'ey pas parladure de biles, meylèu prousey de bilàdye estremat tout entermesclat de tèrmis bielhs, d'arrepourès antics, e tout aquero demiat dens ue sintaxe, doun n'an pas mancat dou crida permou de mantue escuride e mantue toursedére (1). Toursut qu'ey lhèu, lou parla de Lacountre, mes escurit, nou. L'encause d'aquéres estranyes tirades que serén dens l'emplec de tèrmis incouneguts en plane e de coumu-dise dous dus coustats de las noustes mountagnes. L'Azués coum l'Aurés, coum lou Barèdyés, l'Aussales e l'Aspés que soun dialectes sarrats, garroucuts e que-s sentéchen encoère de ço que noustes bats èren, dinque à 1860, dinque aus camis de hèr, lou pount qui-nse separabe d'Espagne, la gran bie coumerciau ta cheys e oeyt mes de l'anade. Escàmbis d'atrunes : Que-nse benèn sustout la sau (dou tems de la Gabèle) e tabé blat e mounyétes aus tems de disèste ; nous auts qu'ous hasèm passa bestia, baques e mulatàdye ; escàmbis de mounde : noustes gouyats, per escabots qu'anaben dalha sus las arribères dou Gallego, quoan per nouste la yèrbe n'ère pas encoère madure ; à la gran sasou n'ère pous sendès mountagnôus que proucessious de roumius qui s'en anaben ta Sent-Yaques de Coumpoustèle, tau SentPiala de Saragosse, ta la Moreneta de Mount-Serrat. Mes, noun-se destriguém à d'aquéres bistes sus ue mesclagne de lengue e de race, e sus ue bite-bitante mediche entre l'Aragou e las noustes bats. Beyam la segounde questiou : Quin se hè que Lacountre qu'aye boulut escribe fables ? De segu permou d'ue mode. De Fenfluénce de Lafontaine que (1) U amie que-m hè abisa que lou pouète, latiniste e grecisâ, qu'abè goardat de la soue enstrucciou de coulèdye la frase sarrade dou bèrs lati; mes qu'ey lou gascou de noustes mountagnes sounque ue natre léngue roumane ? �— 255 — debèn bade au sègle XVIIIau las fables aperades loungtéms de Batbedat e qui soun, dilhèu, l'obre d'u abat Daretche e d'autes bayounés. Bantades e suberbantades, en dehore de la riche ediciou de 1776, que s'en soun hèytes hère de coupies. Decap à 1890, que s'en escadèn encoère dens lous papès de familhe bouryése e dens lous libiès. Se Despourri, cansoè langourous, e goardè toustém à la loungou dou darrè sègle, la soue estatue de segnou floucat e poumpounat, se miabe lou roundèu dous aulhès e de las aulhères, adarroun que s'y hasèn capbat nouste ue couderilhe de coundayres en bèrs. Fables e coundes que soun escributs per quauques autous doun lou fabuliste francés ey de segu lou reyént. Dab utis magrilhots e de poque hourtalésse : Hatoulet, Picot, Vignancour, Alexis Peyret, de 1820 à 1850, Porte de Nestier, en seguin, qu'en coumpausen prou ta que la tradiciou se tròbi mantiengude. Qu'ey per labets que l'esperit d'u Lacountre se coutibe, s'oundre, se bire de mâ dréte à mâ rebès, s'abie à de bounes ta la fable, la cansou doulénte e la cansou poulitic. Coum la mode gascoune ey encoère decap à la fable, de hore Biarn, en seguide de la bouharrade roumantic, coum n'an prou de la redou empesade dou classicisme, lous esperits nabeyants que cèrquen dens la memôrie dous pôples, saubàdyes tras d'ue berou prumère. A la seguide d'u gran amie de l'istòrie nouste e dous mounuments noustes, Fauriel, que rebiscolen lous cants grées, irlandés, bretoûs, bàscous, etc. Lou Goubern de labéts (lou de Napoléon III, e lous aymadous de la tradiciou que-s broumben dou ministre Fortoul) que mande dens lou Mieydie coelhedous balénts de leyéndes, de cansoûs, d'arrepourès. Ya que lous erudits gascoûs d'aquéres ores : Jubinal, Cenac-Moncaut, Nouléns, etc, e s'esdeburaben à boulé sauba ço que la bite nabère endustrialisade anabe ha desparéche. Nou cerquém doungues perqué Lacountre e boulou basti lous sous pouèmis sus las credénees poupulàris dou sou Labedâ e perqué, debiengut biarnés, e cercabe dens lous sous soubenis de yoenésse la flou leyendàri coelhude au païs mountagnòu. Mes las resous de la mode be serén méndres dens la boucaciou de Lacountre au pa de gn'aute. Aquére aute qu'ey la parentèle esperituau, dou nouste abusée dab lou sauneyayre francés d'acera bach, Lafontaine. Quoan e quoan de semblances dens la loue coumprenedure de la bite ! Ne l'u ne l'aute n'an que ha d'amassa-s dequés ta las yournades ibernibes ; ne l'u ne l'aute nou s'an bergougne d'esta-s sénse tribalha ; nou créden de que eau gagna-s la garbure ta si medich e Padescade taus de qui soun dens la nouste cuyole. Nou sèy ço qui respounè Lafountaine aus qui-u né cridaben, mes Yules de Carrfve ya-nse e coundabe la respounse escadude dou sou amie Louiset. Coum lou coumissàri de poulicie de Nay lou disè u cop : « Bam, toutu, Lacountre, que-b eau hica en u tribalh ; que harats quoan, mey bielh, n'ayats mey force ta ha baie u mestiè ? » — « Que-m harèy coumissàri de poulicie ! » si tournabe. Lafountaine que pagara l'eschibèrne dab mounéde de madrigaus ahoegats e de coundes de pélhe-lhebade, lou nouste Lacountre que �— 256 — yougara sus la soue flahute lous cheys sos d'u pintoû de bî. Se y-a choès, dens aquet desbroum de las realitats asprudes de la bite, que crey que l<*u nouste besiat labedanés que-s gagnaré lou floc. Touts dus, d'aulhous, dens la batalhe d'aquéste mounde (l'u despuch qui nou hou mey à la minyadére de Fouquet, e l'aut despuch passade la frèbe republicane de 48 e dou cop d'Estat de 51) qu'en an prou d'espia-s au deguéns d'ets lou rèbe abiscat, tout u mounde qui s'y prouséye e qui cante. Se-s truquen au ras d'ets, nou saberén ha-s nat enemic, nou s'ey dit tapoc que yamey e houssen yelous d'arrés, tabé nats nou an la force d'embeya-us, meylèu qu'ous plagnerén. Amies, qu'en counden drin pertout, e que eau béde quin s'y enténen ta canta lous psaumes de l'Amistat douce e pouderouse ! Touts dus que-s troben amies enço dous omis, tout medich enço dou bestia, enço dous ausèts e dous barbôus. Dens lou sègle mentabut gran oun la soûle noublésse e deu ampleya, ha biahore e pourta espade, en Tore oun, sus lous empounts, nou hèn batala que reys, marqués e princesses, e, toutu, las cadières de bertat nou brounéchen que de grandous qui s'eslurren ; coume lous pòples en proubère nou an oelhs que tau castèt de Bersalhes e ta las soues segnouries, Yan que-s plats à rima las hèytes dou c.àssou e de la brouste, dou renard e de la gahine, dou couloum e de l'auroungle, de l'arroumigue e dou mousquilh ; en plée tempourade roumantic (per labets encoère, Soulras, lou pouète de Bagnères, que rimabe dens les Pyrénéennes la pèce Emilia, dens lou goust de Musset) Louiset nou bôu sabé que « drin de counterilhets ». — Biarn e Gascougne, territòris estremats, nou debèn audi de bères pauses la merabilhouse cansou de Mirèio (1859) ne lous imnes suberhauts de Calendau (1866). La cante de Lacountre, mesurade, sabourouse, obre d'u gran co e d'u gran artiste, que-s debane, coume at digoum aulhous, sénse que hàssi yamey esclacassa sus la soue pélhe l'aygue pipaute dous barats : U maynat qu'où pod léye d'u cap à l'aut. Aquiu que soun lou parelh de questious qui-nse pausabem oey. Que-nse sémble que s'abém dilhèu esclaride prou pla la parentat dous esperits de Lacountre e de Lafontaine, que pouderén u die ou gn'aut prouba miélhe las ouriyines azuéses dou pouète dous Herums. Aço qu'at disém ta que de mey yoens e de mey esbagats e houruquen dens lous bielhs actes de batésme — se per cas nou-s soun perduts. Ets tabé, ayam-ne ahides, que tiraran encoère d'autes chues de l'obre suberbère e que la hiqueran dens la luts debude aus cantadous soubirâs. Aquéstes quoàte payes d'aulhous, nou bouloun èste que trucs de simboulet e cops de campane : D'aci à poques anades, en 1939, que celebraram, se ou mén n'èm pas partits ta ha toupîs, lou cinquantenàri de la mourt de Lacountre. Qu'ey tems de pensa dens ue tirade beroye de las soues obres : Hens aquére ediciou, qui-nse bedém deya ploumade, qu'y boulerém lous Herums, sancés, quauques boucis de la Pastourale : Des pourri à St-Sabi, e per aquiu miéye doudséne de cansous e de rebirades. MIQUÈU DE CAMELAT. �BIRADES Lou chibau, de Yob Lou qui reyech lou foudre e la tempèste A Yob, aco, d'u tourbilhou dichou : « Cinte-t l'arrée en òmi e tén-te preste, Bau questiouna-t, puch e-m haras resou. Ey tu qui das au coursiè qui-s turménte La goalhardise e mey l'ayilitat, Ou, Ihèu, empregns dens sa gòrye oupulente, Lou tringuilhiant de l'ilhét relhebat ? Ey doungues tu, dens las granes quereles, Quoan sas narits glouriolen dab rumou, Qui-u hès pinna tau coum las sauterèles, Esparrisclan à tout pas la terrou ? E de soun pe lou sòu eth pataquéye E dens l'espàci eth lance u oelh ardent E roeyte l'ost ? Sus soun roeyt, à l'embeye, Eth s'abourrech riscat impacient, Atau, n'a pòu déus guerriès en batalhe Ni déus hourras qui heréchen lou co, Ni déus cops dats per estoc ni per talhe, La fièrre bèstie à d'arré que n'a po. Bit autour d'et siulen e lampadéyen Lances e dards déu hèr lou mey 'stiglat, E sous perpits de mey en mey s'ayréyen Au countempla d'aquet mayique esclat. Ardént, bouriént, crousca, minya la terre E de sous pots l'escume ha 'sguincha ; Bitare entén la troumpéte goerrière, Dresse lou cap de gay e de pla 'sta. Sifèt, sifèt, que souabe la hourre, Qu'ey soy, ça dits, e n'ère pas trop lèu ; De loegn, hè loegn eth esbénte l'esbourre, Decap aciu s'abourrech autalèu. Qu entén la bouts deus màyous de l'armade, Qui dan couràdye aus sourdats espaurits, Lou brut counfus de la descampourrade, A toutes mâs gaha lous espartits. Lou qui reyech lou foudre e la tempèste, A Yob aco d'u tourbilhou dichou ; E Yob, doucile à la bouts d'u tau mèste, Tout esmudit adourè soun Segnou. LOUISET DE LACOUNTRE. �— 258 — LAS REBISTES L'Impartial dou 7 de setéme 1893. On nous écrit de Nay : L'Impartial nous a apporté il y a deux jours la nouvelle que la ville d'Argelès s'est honorée en rendant des hommages publics à la mémoire de son glorieux poète J.-L. Lacontre, que nous avons connu à Nay dans notre enfance... Outre le poète, il y avait dans Lacontre un oiseleur passionné et un grand joueur de quilles. Comme oiseleur, il n'avait pas de rivaux, ou plutôt... si, il avait un maître dans son ami Garrapit, surnommé Thia. Venir au second rang, être placé après Garrapit, c'était surpasser de loin tous les autres et il en a cette gloire. Si Lacontre avait plus de science, Garrapit avait plus de passion : le savoir de celui-là échouait devant le goût de celui-ci, tous les deux avaient la même oreille, mais allez donc disputer le premier rang à l'oiseleur de génie, à Thia ! Tous les deux se seraient passé de manger, de boire et de dormir pour écouter le chant d'un bon chardonneret, mais Thia aurait fait le sacrifice de sa dernière paire de culottes pour posséder l'oiseau. Sitôt qu'un bon chanteur était signalé à l'un ou à l'autre, qu'il fut sur nos montagnes ou dans nos plaines, n'importe où, une expédition était organisée pour l'aller prendre. Que de soupirs, que de regrets, s'ils retournaient bredouilles ! Mais que de chants de victoire et quelles ripailles s'ils ramenaient l'oiseau captif... Lacontre, qui a mis le chant du chardonneret en musique, était le second oiseleur du monde et Thia, son ami, le premier. Mais, où Lacontre n'avait ni maître ni égal c'était au quiller. La boule, dans ses mains, obéissait à sa volonté et les quilles tombaient comme par enchantement. Généreux, noble et beau joueur, il laissait quelquefois volontairement gagner son adversaire. Mais quand la partie était sérieuse, il fallait jouer franc, et quand l'adversaire sautait à choix, qu'il sortait du rond, Lacontre lui disait : c'est à refaire !.., DÉSIRÉ SOUYEUX. NABETHS COUNFRAYS MM. Ducournau, 10, rue des Gazons, Nogent-sur-Marne (Seine). Coudeu, instituteur honoraire, 12, rue Rivarès, Pau. Martinet J., 232, avenue Pasteur, Pessac (Gironde). Abbé Trescazes, La Sauvetat (Gers). �— 259 — LAS LETRES Mountmartre, lou die de la Candelère de 1934. Mèste aymat, E que disét, hèy, de touts aquéstes aharots ? Qui s'aberé poudut pensa que Bayoune e housse u die lou capdulh de l'aboucasserie e dous pleyteys ? B'èren dounc endebinayres lous qui cantaben chens malici : Qu'aniram touts enta Bayou-ou-ou-oune, Ta besita lou port de ma, si nou plau pas ! Qu'aberé poudut créde qu'u die la yénce flou dou Parlamén, dou journalisme e de la Finance parisiène e prengoure lou cami de la Billa Chagrî ! Pas au men, per ma fé, you ! En France, qu'èm hère atau : que tiram toustém prou de bé dous entées e dous maus qui-nse caden dessus. Aquets escandales qui garnéchen lous yournaus, que-nse aprénen lou noum de quoan de biles !... Tiét, quoan de francés qui nou saberén, chens lou défunt Astavisky (lou bou Diu dous russes qu'où se goàrdi !) que Bayoune qu'ey ue charmante ciutat qui s'estén sus las arribères de l'Adou e de la Nibe, au cap dou pount Sent Esperit ; e que l'ibèr tant hechuc aulhous, que y'ey dous, e que lou carnabal que y'ey autadamén eurious e estranye qu'à Nice. Bisque lou beroy mounde de la Finance ! Dab et, nat besougn d'abé estudiat, d'abé passât santificats tad apréne la geografie ! Moussu Oustric be-nse hé desnida, l'aute cop, lou Huanchaca en Bolivie ? Qu'en tirèm touts gran proufieyt, — e et tout lou prumè. Autapla lous financiès n'an pas acabat de-ns estouna, e, probes qu'aquéste qu'ey u ômi, e dous peluts, que s'a carculat aquéstes dies qu'où ne mancabe de bint e dues ores quarante cinq minutes, cheys segoundes e quart enta d'abé acabat lou sou tems de presou. Autalèu fenits lous carculs loungs e délicats (ta franc dise, n'an durât que très ans !) qu'anè truca à la pourtéte de la presou : « Pam, pam, aci que souy. En fé d'aunèste ômi, nou sera pas lou dit que nou counéchi las mies oubligacious. En prumè loc, bachère e counciénse nétes ! En t'at pregan, barre-m, claberè ». N'ey pas sounque en geografie, en quoan d'autes sciénees touts aquets escandales ense hèn la leçou ! Medich en chimie. Nou y-a goayre, que-ns aprengoun la fabricaciou de l'or e dous diamans, de la séde chimique e dou pla-hesén octozone. L'or, si-s parech, qu'où hèn are dab ue mesclagne d'estagn e de coéyre ; lous diamans dab brasilh, la séde dab èrbes de St-Yan, l'octozone qu'ey sourelh en boutélhes. Tout aquero qu'ey à la pourtade de cadu. Ya toutu n'ey pas tant aysit de bouta de pès ue soucietat, tout ço que y-a de mey �— 260 — anonyme, de poudé quilha quauques capulats à la debanture e de ha arrecouti la mounéde dous couyous, à truques d'afiches merabilhouses, de reclames e de tourroum-bourroum. Aquiu qu'abét tout lou tribalh. Si b'en y dats à gagna hort d'ardits atau, qu'èts riche pouyrit, e aus souscriptous qu'ous demouren pèts de castagne. Mes, qu'ey toutu en aritmetique financière que l'ensegnamén nabèt dous escandales e tién dou miracle. Lou mey pèc dous endarrerats que sab, adare, que dus e dus que hèn bint e dus. Cinq cents que balen u miliou : aco qu'at apèren u boû. Degu n'at pouderén créde. Toutu, si escribét d'u coustat cinq cents, de Faute u miliou (quoan seré cinq ou cheys ou trénte), si boutât débat lous milious dus ou très sinnets, si destacat beroy lous milious de las centénes, e si anat cruba aquet boû en quauque banque, autalèu touts lous cotres que s'oubréchen e lous dinès que debaren dens la boste bousse e tout lou mounde que-b tiren de grans cops de berrét, e qu'abét amies de la haute soucietat à nou sabé mey qu'en ha. Nou pàrli pas de las madames. Au ras dou boû, qui pod tout enia-b amia escuts, que y'ey lou chèque. Pla beroye embenciou. Qu'ey u paperot, coum lou boû, e coume et que-b emplée las potches, quauqu'arré de tant aysit. Nou sufech que d'u sinnét. Ah ! la bère cause ! Nous auts, lous pele-câs, lous sarre-brouquéts, lous brame-hàmi de Biarn e Gascougne, paysagnots, aulhès ou crabès, tout parié coum lous aganits e lous piche-courdétes, nou counechém brigue lou chèque. Que poudét îoustém cerca aquet mout dens lou dicciounari de Simin Palay. Qu'y leyit à la paye 265 : Chèque (Mt.) ; sf. — Coup sec. E qu'ey tout. Que passam tout biste à chésque. Praube talhur, quin bos bade riche e tout puchant, si nou sabes mey qu'aquero ço qui soun lous chèques ! Quin bos passeya-t en tourroumbiole, touca manéte à la yent de coundiciou, e ha-us crouchi Fesquie daban tu ? Bèn, praube amie, nou-t mérites pas de sourti de la coucarralhe e dou canalhè oun t'ès eslurrat. Toutu, si nou bos pas passa per abé ue méchante coumprenedére, croumpe-t u carnét de chèques, e tire tout biste ue nabère ediciou dou tou dicciounàri oun aberas hournit aquéstes dus articles : Chèque (Bay.) ; sm. Paperot de coulou dab imadyes, qui porte lou sinnet d'u financiè qui n'a pas de force gran cabau, mes qui ey plé de bounes intencious — d'intencious chifrades — entau chequàyre. Chequayre (Bay.); s. des 2 genres. — Amie de la haute à qui u financiè bòu ha dou bé ; à cops, qu'où porte tort, permou de la nécessitât oun ey d'escribe sus lou chèque lou noum dou chequàyre. E bedét, mèste, per u cop que-b pàrli oey de causes seriouses e de gran counsequénee. Que seré tabé lou moumén de-b dise quoate moûts dou boste amie, l'aunourat Moussu de Monzie, ancièn ministre de l'Educaciou naciounau. Que l'apèri ancièn permou que bien de ha la capihoune dab toute la carretade dou Chautemps, e que Daladier a pensât que-s poudè passa dous serbicis d'aquet ômi suber-capable e sabent en toute cause, bou ta la guerre, ta las �— 261 — finances, taus tribalhs publics, ta la yusticie, etc., etc. Gran biadyadou, b'ey anat d'u cop de pè ta ço dous Soviets ? B'ou crey prèste à ha de tout e encoère. Nou ỳ-a qu'ue cause qui l'ey defendude : qu'ey la lengue mayrane. Coum nou la counech, que la mesprése, e en la mespresan nou-n bôu pas enténe à parla, que dits que nou pod serbi tad arré. Labets dounc, nou sabera yamey lou sou charmatôri ; e aquero ya sémble pla cabilhat e lou fèyt d'ue maye entelliyénce : Nou s'en mourira toutu que lou mey malaut ! Aunèste tabé qu'en ey, lou respectât mous de Monzie ! Qu'at sab, adare, qu'en ey aunèste, e si n'at sabèn per boste, que-b prègui hère d'at ha publica p'ou mande-coumû. Que y-a ue léngue de hissou bourdalése qui l'encusabe d'abé... b'at sèy, praubes de you ! Lou gran mounde qu'ey per l'ore hère prim de crèch. Qu'a calut ha aus pelats, hèy ! Per u punt, aquets messius que s'anaben bate à l'espade e que-s poudouren trauca lou bounoû coum dus pourets à l'aste ! Ay ! ay ! ay ! quine estrangle, sounque d'y pensa ! Dus deputats de manque, mèste ; n'aberém pas boulut béde encoère aquére. Que y-a prou de malurs atau. Qu'ey toutu bertat qu'aquéste nabère anade que-nse hè male-care. De tout coustat escandales, esbàryes, eslurs. Mounde qui despillen, mounde qui bouten à l'assès, mounde qui, hens lous tris qui-s tumen, e soun echaquetats, alebats ; aeros qui s'esbrigalhen... E douma, qu'aberam de nau ? Lous noustes mèstes nou soun pas d'arcord e que discutéchen à cops de pugn. Touts que boulerén esta blancs coum leytéte. Mes, coum dits l'arrepoè : « Qui ba droumi dab u carboè nou s'a à 'stouna-s si-s lhèbe nègre. » Lou pôple de Paris qu'a lous nèrbis (1) ; que desarrigue lous arboulots dou boulebard, qu'abourrech las catanes en l'èr. Que ba hère lè. Mes, ço qui m'escots tabé, qu'èy lou troupèt marfandit. Dab aquéste ret, que las m'a caludes arpasta, las crabotes, deguéns la barguère, e, nou sey per quin hat, que-m tousséchen hères coum barquis de haure, e las autes que m'an la pedère. Aus dies riales oun Yan de France e s'amuche drin, nou las pôdi tira pous coustalats de Mountmartre. E nou sèy que ha ta las goari. Que las m'aberén embroutchades ? S'ey aquero, que counéchi ue biélhe amigue à Aujéu, chibalière dou mànyou d'escoube, sapiénte e pouderouse. Qu'où demandarèy ue counsurte. Adichat, mèste, qu'èy prou batalat atau. Que-m bat encoère crida de nou-b abé dit arré de la darrère reuniou de la Goudale, ni tapoc dou coungrès de la Federaciou regiounaliste. At crederéts, ad aquéste coungrès que hey u report coume u ministre, e à la Goudale qu'en cantàbi ue coume u... crabè. Que b'en parlarèy lèu de tout aquero. Hèt beroy ! Lou CRABÈ DE MOUNTMARTRE. (1) Aço qu'ère, coum pensats, escribut abans lous de desarrouts dous C é 7 de heurè. �— 262 — PUNTS DE DRET BIARNES Lou Dot A l'ore de oey lou die, lous qui-s mariden, chens passa enço dou noutari, enta régla per abance lous drets dous espous sus lous bés qui s'aporten ou qui-us s'escaderan despuch dou maridadye, aquets que soun, se-ns aprén l'artigle 1393 dou code cibiu, susmetuts au reyime legau, ou coum s'apère, reyime de la coumunoutat dous bés. Aquet reyime que hè dues parts dous bés. En prumè loc : las maysous, las terres, ço qui disen en francés prouprietats « immoubilières », e en segoun loc ço qui ey bé « moubiliè » : lous mobles, lous dinès, lous bestissis. Lous prumès d'aquets bés que demouren la prouprietat dou qui-us se pourtè, lous autes que ban cade « en coumunoutat » e quoan s'acabe lou maridadye, que sie empermou de la mourt dou marit, empermou de la desparescude de la hémne, ou empermou à bèts cops dou diborse ou de la separaciou aquets bés mobles e tabé lous qui s'aberan gagnats amasse au tems dou lou maridadye que-s deberan partadya en dues pourcious parières enter l'espous qui biu encoère e lous eretès dou mourt, ou enter lous dus espous, se per cas e s'acabèsse per diborse lou maridadye. D'autes cops qu'ère hort beroy aquet reyime, que las terres, las maysous, causes qui balèn hère que demourèssen la prouprietat dou qui-us s'apourtabe. Hère pla aquero. Que tabé lous mobles, toustém de poque balou e cadoussen en coumunoutat, aco ray. Hens aquets tems d'aulhous quauques mobles, tau que lou bestia estacat à la borde, maugrat que mobles qu'èren près couine immobles per destinaciou de la ley, coume terres e maysous. Mes, à l'ore de oey las coundicious de la bite qu'an beroy cambiat. Lous mobles qu'an prés u endoum, ue balou de las mayes. Lous « titres de rénte » que soun toustém mobles, e que hèn oey lou die la maye part de ço qui apèren richésse. Espiats labets, quin ey danyerous aquet reyime. Que bam balha-b'en u exemple. Yan que-s maride dab Yanéte. Yan n'ey qu'il petit paysa riche brigue, mes toutu en tribalhan qu'a de que bibe e que s'at bire, Yanéte, ère, n'a pas bés de qui s'arrayen, mes que porte lou die de las apariades cinq cents mile liures en papès. Au cap de dus ans Yan que-s mourech. Qu'ey ço qui bam béde ? Yanéte n'abè pourtat que mobles, qu'ous se ban partadya, Yan n'apourtabe sounque terres e bestia, qu'ous se goardara, e de mey lous sous eretès que toucaran la mieytat de ço de Yanéte ou autan bòu dise dus cents cinquante mile ; pourciou de la coumunoutat dous bés. A l'ore de oey aquet reyime n'ey mey brigue yuste. L'anade darrère, lous deputats que l'an boulut cambia per gn'aute e seguramén en prencipi qu'an abut rasou. Quoan se parle d'aquet reyime enter espous, qu'ey mâchant, e enter lous maynats que debié ue bertadère enyusticie. �— 263 — D'oun bié tau reyime : Dou code hourgat per Napoléon e qui-u se prengou tout natre, tout madu dens lou bielh dret francés de coustumes. * * * A nouste, au countrari lou reyime matrimouniau qu'ère lou reyime rouman dens lou sou prencipi, e qui apèren lous yuristes despuch toustém, lou reyime doutau. Doutau, segu que bié de dot. Mes qu'ey ço qui ey lou dot ? Aquére questiou sénse esta per trop mau ayside, n'ey pas toutu dehèt clare coume s'at crederém au prumè cop d'oelh. Dots de chic ou de hère, qu'en y-a toustém e lous qui à l'ore de oey se mariden sénse passa enço dou noutari que poden abé u dot, se lou pay lou bòu ou lou pod balha. Lou dot doutau, qu'ey toutu drin à despart e que bam saya de defeni-u en partin dou dot tout escas. Om pod dise que lou dot qu'ey ou mobles, ou aryént, ou terre, ou maysou qui balhen à u gouyat, mes soubén à ue gouyate quoan se maride ta l'ayuda dens las cargues dou larè qui ba founda. Lou dot, e disen lous yuristes, qu'ey toustém dat en biste de maridadye. Lou dot doutau qu'ey aquero, mes en aquet reyime qu'ey sousmetut à ue ley drin à despart, qu'ey inaliénable ; aco que bòu dise que lou dot balhat enta empara la maysou, lou larè nou pod èste ne balhat ne benut a mench que nou sie dat au maynat yenut dou maridadye, de tau sorte que sie emplegat coume at bouloun lous qui-u balhaben, ço qui bòu dise ta serbi la familhe. Atau qu'ère lou reyime rouman. A l'adye mieyè la Bretagne, l'Alsace, la Bourgougne, lous païs de dret escriut que l'abèn seguit e lou Biarn de qui lou dret naturau ère lou dret rouman segu que s'abè aplicat lou reyime rouman mes dab quauques aplicacious yuridics drin estounantes taus Francés. A nouste la maye emparance ou autademéns dit, lou fray bessou dou reyime doutau qu'ère lou dret de l'aynat. Nou-s eau pas tapoc desbroumba-s lou respèc de la « Cause de Case », l'esperit de familhe. Qu'ey aquero, tout aquero qui a permetut aus ayòus noustes d'esta ço qui soun estats, qu'ey aquet « aunou familhau » qui hasou aquéres biélhes cases qui à l'ore de oey soun encoère drétes e qui-ns espliquen quin se hè per fis que la mediche familhe e sie despuch cheys cents ans estacade à la mediche terre e à la terre soue. Qu'ey per de bounes lou dret de l'aynat qui a balhat au nouste bielh dret matrimouniau ue semblance estounante. L'aynat nou bòu pas dise lou gouyat aynat coume se bed en France. Nou, aynat que bòu dise lou prumè yenut, quoan seré ue aynade. Qu'ère aquet prumè yenut, gouyat ou gouyate, qui ère l'aynat, l'eretè, lou cap de case coum disen encoère en Labedà e enço dous noustes rays de léngue d'o lous Andourrans. L'eretè ou l'eretère, qu'ère bertadèramens lou cap de la familhe, qu'abè drets qui n'abèn pas lous caddèts sous, mes lous drets qui abè qu'ous tienè de la familhe ; enta la familhe. L'indibidualitat yacoubine doun abém tant à soufri per are nou reyentabe labets à nouste e miélhe que balè. �— 264 — Ëspiats quin oey e y-a quauques lèdes qui nou s'an troubat esclop tau lou pè e nou-s poudoun marida, e qui-s créden mey que d'autes, que hèn ço qui apèren « Féminisme ». Nou partéchi pas au countre, que sèy que y-a hère de hémnes qui balen mielhe que nou pas hères de marits mes toutu que-m hèn arride ! Lou « Féminisme », lou bertadè, lou qui ey libre de serbi la familhe qu'existabe per nouste abans 1063 ! Qu'èm coume at bedèts drin d'abance sus aquet punt. Nou eau pas béde dens aquére egalitat enter lous sexes, si dits lou proufessou J. Bonnecase (u biarnés badut à Bielle en Aussau) doun èy abut l'aunou d'èste l'eslhèbe, nou eau pas espia en aquero ue sorte de « gynecratie » qu'ey à dise u goubern per las hémnes, mes l'expressiou d'aquére idée qui abou nouste pople yuste e aunèste e qui-s pod dise atau : La hémne qu'ey auta capable coum l'òmi d'esta la daune, toutu coume ey et lou mèste. E are, que caleré drin tourna ha las aulhes qui abém dechades courre, coume at disè l'aute cop lou mèste aulhè Guilhot ; tournems'y dounc. L'aynat ou l'aynade, eretè ou eretère nou toucaben yamey u dot. Qu'ère lou mèste de la case quoan se mouriben lou sou pay ou la soue may, e n'abè pas besougn d'arré pusqu'ère deya prouprietàri. Lous sous rays e sos que toucaben lou dot en «abance d'horie » qu'ey à dise en abance sus l'eretadye dous pays, e dab aco que-s maridaben lou mey souben dab u eretè ou dab ue eretère, e tout qu'anabe hère pla. Lou dot n'ère dounc balhat qu'aus caddèts, qu'ère soubén dinès ou quauque cop u petit tros de terre qui nou-s poudè ne béne, ne balha pusqu'ère lou dot inaliénable. E labets, si-m diseran, lous sos qui abi you recebuts coume dot, qu'ous debi goarda dens lou cabinet e nou yamey touca-y ? S'atau ère, lou pay qu'ous se poudè sarra au pouchic. De segu lous sos que soun estats hèyts ta nou pas estuya-s dens u cabinet, qu'èren « aliénables », mes lou qui-us abè pourtats (e que poudè esta lou marit autapla que la moulhè) qu'abè sus lous bés de l'aute espous, u dret qui et nou-s poudè béne ta-s ha tourna lou dot qui s'abè pourtat. Lou marit caddèt, e qui per seguide e pourtabe lou dot à l'eretère qui espousabe qu'abè medichs drets que la hémne tau se ha tourna ; maugrat d'aco qu'ère sousmetut à quauques fourmalitats, empermou qu'abèn pòu ya que nou housse que lou marit « adventice » ço qui bòu dise chic de cause en dret à case, e coumandèsse toutu, pusqu'ère òmi. A d'aco près, nade diferénee enter l'òmi e la hémne qu'èren à egalitat. Gn'aute exémple que-nse hara miélhe coumpréne ço qui n'ère. Hiquem dounc que Yan, aynat de Bordebiélhe qu'espouse à Yane caddète de Bordenabe. Yan eretè, que sera cap de case à Bordebiélhe e Yane que l'apourtara u dot ; lous bés de Yan que seran sousmetuts à l'ipoutèque legau de Yane, à la fi dou maridadye, aquiu, s'ey encoère bibe, lous sous eretès s'ey mourte qu'où pouderan demanda e oubtiengue lou « tournadot ». D'u gn'aute coustat : �— 265 — Pè, caddèt de Bordebiélhe, qu'espouse à Marie eretère de Bordenabe. Marie que sera la daune, lou cap de case de Bordenabe e lou Pè qu'abera lou tournadot countre aâ ère e countre au s sous eretès, mes sounque per tant qui aye l'estimaciou dou sou dot quoan se maride. Qu'aperam la Yane, la nore de Bordebiélhe ; e lou Pè, lou yéndre de Bordanabe. Lous moûts de yéndre e nore qu'abèn doungues u gran pés labets, lou marit que-s prenè s'ère « adventice » lou noum de la maysou doun anabe yéndre, aquero qu'esplique lous noums doubles coura Brau-Tapie, Lamazou-Betbeder, Massot-Bordanabe etc., qui s'escaden u drin pertout capbat nouste. Qu'arribabe de quoan en quoan que dus caddèts que s'espousèssen, qu'ère labets u « estèrle » lou marit e ue « estèrle » la hémne. D'aulhous, maridadyes d'aquets, que s'en hasèn pocs. Maynats toutu qu'en y'abè permou que sabèn que y'aberé place ta touts, lous caddèts qu'aberén lous sos, lhèu quauque tros de cam, e l'aynat eretè, que seré cap de case, mèste ou daune de la prouprietat sancére de la Terre familhau. Prou soubén qu'arribère que lous rays qui nou-s maridaben e demourèssen dab l'aynat e aquére hèyte qui-ns estoune are, qu'ère de coustume permou que noustes ayòus qu'abèn ço qui-nse manque lou mey, l'amou de la case, de la familhe. Partits dens ue bie plée de galihorces, sénse espia decap à las causes ères mediches, lous redactous dou code que sauneyaben de libertat e d'egalitat qui nou poden loudya que dens las estéles e que-ns an dats sus lous bés de la familhe artigles à nou mey acaba-n dou 811° au 1550e. Qu'an hèyt aquiu beroy tribalh, tè ! e miat la France oun n'ey bitare, que bouy dise en tri de ha lède bachère. Qu'an boulude la libertat de l'òmi e que l'an darrigat dou mieyloc souciau oun ère libre, qu'an boulude l'egalitat e qu'an abudes peléyes e batsarres. Que eau béde lous pleyteys qui-s hèn cade die à perpaus dous cretadyes : Cadu que pretén abé lou sou dret... e drin mey ya s'entén ! Aquére egalitat maladite que-nse amie à d'aço : qu'ayam ue maysou d'ue balou de tant, e dab aquero parière balou en titres, se lous eretès nou-s bolen arrenya enter ets, que ba calé béne la maysou e toustém mench que nou baleré. D'autes cops la maysou que rebienè de dret à l'aynat, las sos ou lous caddèts cadu qu'en abèn u drin, e touts qu'èren countents, e las familhes que demouraben sus las mediches terres. Oey, u partadye qu'at boute soubén tout dehore. Mes, prou de dit atau. * * * Ta quoan s'acabe lou maridadye, que-b èy dit que calé tourna lou dot, e tad aquero lou dret biarnés, en seguide dou dret rouman, qu'abè enstituat lou « tournadot » acciou de ha-s tourna lou dot, coume at dits lou mout medich. L'espous caddèt de soue case, qu'abè sus lous bés de l'aute qui ère eretè, ue ipoutèque legau unibersau qui nou poudè béne ; mes ue ipoutèque parière que hasè bade inaliénables touts lous bés de �— 266 — l'eretè, de tau sorte que touts lous bés ou chic s'en manque, qu'èren «■ toucats de doutalitat » e debèn de force demoura dens la mediche familhe. Dens lou dret rouman e dens lou dret francés d'adare, que counéchen tabé lou reyime doutau countractuau, causit dabans lou noutari e abans dou maridadye, mes lous efèyts d'aquet reyime que s'estanquen quàsi touts à la fi dou maridadye. En Biarn qu'aboun ta debise : La familhe d'abord, e l'inalienabilitat qu'ère se-s pod dise eternau ; hère riales lous bés aliénables. Toutu nou hasè nat dou tort aus ahas. La bite ecounoumic à nouste qu'ère de grane estenude à l'adye mieyè. D'aulhous la grane endustrie n'ère en loc, e qu'ey ère qui a proufleytat dou code, pusque roeynats, e sénse mey d'estaques, lous paysas an courrut ta la bile auheri oubrès au « Machinisme trahidou ». D'aulhous, se lous eretès se demouraben à case doun èren mèstes, ue part dous caddèts que-s hasèn sie sourdats, sie caperas, sie marchans, e que-s maridaben enter ets (qu'ey sustout Aulourou qui s'a bist estèrles permou dou sou coumèrce). Lou lou reyime matrimouniau, qui ère lou reyime de la coumunoutat de causes acquesides, que-s semblable u drin à la coumunoutat d'adare. Se lou code cibiu a horebandit lou bielh dret de l'aynat, lou dret familhau antic, lous Biarnés e drin pertout lous Gascous, sustout en mountagne, permou qu'ère tad ets ue nécessitât maye, qu'an cercat de decha à l'aynat d'ue familhe mey que lous sous drets suban la ley. Aquéres coustumes successouraus que las estudiaram gn'aute cop, se nou-b desagrade, amie leyidou. MANUEL •s LABOBDE-BABBANEGRE. ^tern LAS FABLES La Luts Qu'ère dou tèms oun la luts rouye e chàrre Pr'estrem de la Truhe a négue chamarre Tirèbe hum chens gran eslamalh E s'ou demia d'abugles au tribalh. Qu'èren très : Bibalè, Cherbit e Glèbe, Lous permès ta fourni l'aute ta recébe ; Lou magre Bibalè pr'un your que disou : Amigues adare qu'en èy prou, Plegat e bielh chens bénte ni poupes, Qu'en souy hart d'estorse las estoupes »■ �— 267 — Qui debi tiéne agripades au nas, Salut, que-m tiri d'ahas. La dusau : You badude en Bibale Que m'an roubide en la yème hastiale. E que debi dab lou noum de Cherbit Perde lous sentimens en tiran escoupit A l'estrém de broyés hieledoures, Tu, lou mey pay, se ne demoures, Quin pouderi bibe abandounade atau ? Se tu t'en bas you tabé que m'en bau. La Glèbe, arrequignade en bec de guite, Chèns lou Cherbit de hàmi que-s despite Per terre en cadèn de bou plagne cop séc : Que hari you tabé chèns candéle ni hoéc ?... Lous 1res qu'en èren ducs : fin de luts, fin de mounde, Chèns eth noeyt négue e pregounde. L'estup, mouri, desparéche segu ! Mé chou... Qu'ous arribe un droite de moussu Qui chudèbe e tabé qui pudibe... La Luts, se dits, que deu arrebibe, Qu'es ère qui bòu lou tribalh dab la pats ! Que s'espian estounats. Que ne-m prenit, se dits, pr'un minable bartòli, Que souy lou riche mèste Petròli Dab manicgles à you que-b muchi la luts ! » E lous auts dou respoune : Que puds Que-t cèdem la place ! E Diu boulhi qu'y parechis en gran Dinqu'au your oun te remplasseran. Moussu Petròli adare se-u pegnique Des béde enlugarnat pr'u madame Electrique Qu'ère gran, mèste, riche e sapién, Mé oey, quin contenteré la yèn ? P. TASTET (Chaloussés). ESPLIC DE MOÛTS. — Trahe : plaque de fer au mur du foyer; Bibalè : petit outil en forme de Z qu'on tenait dans la main pour tordre la mèche; Cherbit : mèche d'étoupe bibale qu'on trempait dans la résine; Glèbe : espèce de tenailles fixée, au mur ou sur pied comme chandelier; Hieledoures : fileuses. �— 268 — LOUS PASSEYS Adentour de Verdun Verdun, oun passèm bères mesades, que semble èste ue bilote secrète, mench-hidèque. Tournade à basti de nau, la soue pélhe de pèyre blanque qu'où da quauqu'arré d'à male-ayse. Que diserén d'ère coum de quauqu'us qui-s boute la harde dous diményes e se pénse : Douma que la me calera trouca. Ue cause que-b sarre lou ganitèt, autalèu que b'y passeyats : la redou d'aquéres yens e la grisalhe d'aquet cèu. Que sentéchen que lous gus de Yermanie que soun encoère per près e aquet besiàdye que pèse sus tout. Las campagnes qu'an au ras dous caminaus cemitèris hère pla dalhats e présentais suban u moudèle reglementàri, e quoan decap au sé e tournais d'u passey à becieléte, per aquéres terres oun nou-s parech nat passadyè, per aquets èrms espelats de mitralhe, que poudets audi la rigue-rague de la dalhuséte à mâ qui couye, qui arrase la tasque dens l'immensitat de las nécropoles. Lou méndre tue, lou méndre rapalhou qu'a u noum glourious. T'ana ta Douaumount, la Tour dou silénei, qixe eau passa per coustalats pelats e bougnuts coum camèus. Qu'an traucat lou camî per las trabessades de Verdun estan : hosses, hourats d'obus brigue arrasats que dèchen paréche l'aryéle blanque e clare coume ue carn de moustre gigant, ue gran plague beremotise oun houruquen lous ausèts dou cèu, que bouy dise lous courbas. Tout aquero qu'ey la cantère rouye (la zone rouge) la cinte roeynade per loungues anades. Lous arbes n'y soun encoè qu'arboulets, e, plés de sabe, lous lous arrams que sémblen afrounta lous càssous desruits e mourts, esbrancats e estrouncats, esnasats de touts estrems par la destrau de la mitralhe. Pocs de cams coutibats. Lous hourmentas que soun mirgalhats d'u ourdi d'arrousèles hère mey bères que las dou mieydie e d'ue tinte sannouse qui deberé plase à quauque pouète, si n'abi nat ta coumpagnou. Tout que-s care adentour, lou silénei coumplit que daunéye, que ploume adarroun. Fleury, daban Douaumount que hou desruit en plé p'ou charruscle : Per aquets sendès, estrategics d'obus, e y'abera doungues nat grilhou, nade cigalhe, nade d'aquéres bestiotes qui hourruquen e cansounéyen curiousétes, e lhèu mespresibes dous besitàyres ou dous amourous ? La prime qu'ey dens la soue bertut. Qu'esph arberalhe bibe, binétes saubadyes de la hahtou d'u pau, e per aquiu terrés d'oun plouren aygues eternaus. Dens « Es probes d'amou » lou nouste counfray Caseboune qu'abè pintrat lou cam batalhè coume u òmi qui l'abè bist à las ores dou terre-trém. Que soun bères arréques, apariables per la yustésse à ço qui en digou, Faute cop, Tacite besitan, et tabé, lou cam batalhè de Crémone. Are, amie biarnés, qui-b passeyabets per aci à l'ore dous �— 269 — trucs e dou sang qui chourréye, nou-n troubarets mey la terre gouhide, las tuques qu'èren amatulhades per las plouyes e. lous barats que s'arrasen chic à chic. Toutu, que pouderets encoère amassa tros de coés pouyrits, càscous traucats, herretalhe erouic e aturmentade, chens noum, chens forme, pregn d'aygues grasses e trebouses. Que troubaréts sus u punt, u mounumént, lou dou 104° Reyiment d'artilherie : U liou alebat, herit à mourt, que ranguilhe lous oelhs clucats, la léngue séque de miey pam, aloungat dens lou sauney chens h d'aquet sourelh-couc de yulh. L'ossuàri de Douaumount qu'ey soulitàri e alandat, tout mut, coum se goardèsse lous praubes mourts. Cade sé, lous sous oelhs de Becut que houruquen l'escu d'ue immense barre de luts. Per débat d'aquére eslame, lou gigant que counsèrbe, coum dens bère leyénde yermanic, l'ourrou dous os apieloutats, amassats s'ous cams batalhès, blanquits, yaunous e qui-s poden aquiu espia : cabilhas, dits, mâcheras, costes e esquiaus, tout à barréye. Qu'en coelhets loungue e crude estarissou au co, qu'en abets u frémit qui-b hè pernebate. B'abets leyit sus l'Armanac de la Gascougne, lou counde de la Poume d'Aran, dou nouste amie Saint-Bezard ? E bé, aci, à Douaumount, lous os qui criden yusticie, presounès dou Becut, que soun per carretades. L'ousseralhe de Douaumount, la trencade de las Bayounétes que soun locs de bisite oubligade ; qu'ey çourren lous cars chardinats d'estranyès, e la bile de Verdun qu'arditéye cheys mes dab toutes aquéres anyéles e ténques au bénie d'or. Lous mèstes d'oustau que saben téne hialats, bergats, berguiches e que hèn pla. Tant de bou que troupes de moussus e de madames de delà dou gabe RM s'en y biénguen, nou y-a qu'à tira-us quauques plumes, e aquero que seré ue manière de patrioutisme touristic. Verdun qu'ey ue ciutat qui a saubat bèts tros de fourtificacious de Vauban. Louis XIV, qui ère u gran pacifiste au pa dous noustes goubernàyres de poples, que l'abè cintade de kiloumètres de bàrris, e aquéres pèyres, ligades dab barats boeyts, qu'an fière parechénee. Las arèstes e las escarpes que demouren nétes coum talhs de coutères, permou coume me disè u bielh armagnaqués « las yens de bèt tems-a qu'èren bèt drin adrets enta basti ». Hère de cops que-m passeyàbi decaps à la Méuse, e franquin la Porte Caussade per oun èren entrats lous reys-emperàyres Caries V e Filipe II, que-m plasè de ha dens lou me cap drin de literature, que pensàbi au seguissi d'aquets princes, aus lous atelàdyes oun l'or treslusibe sus las raubes dous chibaus blancs. Belhèu sus la soue cabale, au trot cagnè, quauque ségne armagnaqués de nouste, d'aquets qui serbiben l'Espagne qu'ère per aquiu tabé... La glèyse-may de Verdun que debè èste arrousade coum eau pous Tudescs, mes lous baléyts berdunés que la tournen aplouma mey bèrè, dab l'ayude dous sapiénts arqueoulogues qui an aquiu de que peleya-s, en sapients bertadès. tant qui maséden e puyen lous tribalhs. Lous obus qu'aboun las loues, que plaboun tant pla que houdilhèn hort cabens, e atau que permetoun de dessoupeli, per débat de las foundacious, ue crypte magnifie dab pialas lambrats e illustrats. Tout aquero qu'èren lous suberhos dous abésques, toum- �— 270 — bes desbroumbades despuch sègles e sègles e caperades de labas, de hangasses e de mourterius. La moussurralhe istouric, cargade de bayaules s'ou nas, que biengou béde tau cause e qu'estoun bèts sudyècs, boune hournade taus crudits ; qu'aboun aquiu de que pleyteya, de que yeta-s memòiïs sus memòris. Lou palays de l'abescat de Verdun qu'ey ue perline dou sègle XVIII*", coupiade rie per rie coum dispousicious sus la Galerie dous miralhs dou castèt de Bersalhes. Qu'escapè à las bouharrades, e are que l'an tournât à las poumpes de l'abescat. Mes nou m'èy à desbroumba gn'aute cause de nautat : que soun las tûtes, las espelugues de la citadèle. Débat aquéste, que y-a ue bilote de sounye, aquiu deguéns qu'an biscut, sénse ayre e sénse sourelh, mey de quoàte ans lous defensous de la ciutat magnifie Milès d'omis que y'èren en roumiguère e qu'abèn medich plantât u empount ; à cops qu'ey hasèn tiatre. Aquiu que soun lous cournès d'oun yeneraus e capitènis e daben lous ourdis : qu'en y-a ta n'èste drin esmabuts. Dens la bile que s'y escaden hère de mounuménts en memòrie dous qui cadoun à la guerre : Lou maye qu'ey ue Crypte oun ban sinna lous mayouraus passan per Verdun. Tè, qu'abouy la sorte, u cop de qu'y coussiràbi, de bedé-y à moussu Raynal lou defensou dou fort de Vaux e tabé lou yenerau Weygand. Qu'èren aquiu per las hèstes e lou Raynal que dè la boulade à bèt ahoalh de couloums, en moumbrance dou fanions couloum de Verdun. Lou Berdunés qu'ey ret, mes l'esperit lou mey agut que tringueréye dens lou sou prousey quoan (coum hère de nourdescs) e cred d'èste cap e cap d'u amie sancé. Lou Berdunés que-m plats permou dou sens patriau qui lusech en tout ço qui hè — Dab lous de l'aute mà dou Rhî, que s'amuche fièr, e qu'où debise de capsus e mespresiu coum lous at déu — Nouble mustre de la France eternau ! La musique dou sou parla qu'ey drin asprude per aquero, mes yamey nou troubarats en et d'aquéres bulgaritats ni d'aquéres bachésses qui soun la mérque de d'auts. Ue punte trufandère daban la care de l'òmi dou mieydie; qu'abera drin la soue arrise en audin la nouste léngue braque coum lou bou bî. Moussu Clan et, u hilh de l'Ariè je qui s'ey acuyalat per aciu, que-m coundabe quin èren brabes aquets Lourréns, e présentât per et, que poudouy assegura-m d'aquero. Hères que-m parlaben de las loues anades de guerre, permou qu'en mandèn mantu decap au Mieydie. Aquéste que-m broumbe l'arcoelh qui la Proubénce lous hasè dab lous peyròus d'arrasims qui-u presentaben lous paysàs, coum lou tri e s'eslissabe tout doucines per las estacious. Ugn'aute que-m counde las ores blues de Pau e l'ayre atic de' Simin Palay, « u felibre » si-m dits, e qu'y hourneclr : « Lou Yurancoû qu'ey bî de reys. » U bielhot que-m hè franquemén : « Quand les Gersois ont vu que je me soûlais quelquefois, notre popularité a baissé ; ils auraient peut-être voulu que j'aie le vin silencieux comme les Allemands. » E, o, permou que soun coum lous qui n'an pas nade bigne. Dab u tros de saucissot, u talhuc de pà que-b desquilhen u pichè dens ue �— 271 — pause de las braques. Dens aquéres amassadotes autour d'u pintoû, qu'abi toustém l'ayre abstenciouniste, e la bergougne de tira tad aquet peguè de l'Armade dou Salut que-m sarrabe la cane dou cot. La race berdunése, coum dens aquets parsâs de l'Est, qu'ey bère. Las bloundes maynades aus oelhs nègres e, medich, las pastenagues (carrotes) saures que poden engountra-s à pièles, e aco que probe que las arlaténques qu'an à renouncia de créde que nou y a qu'ères à poussedi aquéres qualitats. Hère de cops que m'anàbi fuma ue cigarréte au ras de la Méuse. S'ous grans bachèts de marinès, que hasi counechénces dab ue poupulaciou aspre de gouyats, de drolles, de hémnes à l'oelhade metallic, à l'arride brac e sarrat. Pòple de marinès, aristoucracie mestierau, praube mes hère e pla educade. Aquets bachèts que soun petits palays, tant pla tienguts e tant escricats. Arré de brastous, toute cause dens lou sou loc, couyres e hèrs qui-s miralhen à la luts dou die e au sourelh bòrni. Oun èts, bachèts, pegous e pipauts, dou canau dou Mieydie, e lous brams e las cridères doun s'eschorden lous pescayres moundis, oun soun ? Lous noustes arrius d'Armagnac peressous, estèrles, magremén proubesits de quauques pesquits e trauguéns b'aberén besougn d'ana mendica quauques escudèles d'aygue à la Méuse ! Aquére Méuse que deu èste ue nimfe à las douces oundes bérdes, semiade qui ey de saussingles e d'aubadéres oun poden estuya-s la nuditat. E pous adentours, grans pradas yrerbuts oun canère la pastenague maridade à la canabère qui talhe lou cèu. Be m'anàbi plase tout die, quoan e quoan, despuch de las quoàte ores, per aquets prats oun u pòple de pescayres trepabe ! La Méuse qu'ey la maye neurisse de pechs de toute la France. Tout cadu, aci, dinque aus nèns, que saben empeuta u bèrmi à la fine anquéde e coume eau. Quoan n'y a qui biben las mesades d'estiU en béne la loue pcsque au troupèt touristic dous Alemans en biàdye sus Verdun ? Mes estanguém aquiu la batalère de oey. Que-b bouleri mey que mey debisa-b de Nancy, de Metz, d'Estrasbourg, acera, au ras dou pount de Kehl — que sera ta gn'aute ahutade. ANDRÈU PIC. ■a ^yf'y— !>■ LAS TRADICIOUS Ta ha saba Sabe, sabe, — corn de crabe, — sabarin, sabaran, — ères crabes det marchan ; — se bos saba, quant anénquie ta Saubè, — que t'apourtèri pâ è sè, — quant anénquie ta Coumeli, — que t'apourtèri pâ e bi. — Se nou bos saba, — que-t yetèri pet gabe embat. (coelhut à Yèdre en Barèdye.) ESPLIC DE MOÛTS : Saubè e Coumeli, dues mountagnes qui-s hèn bis à bis à Yèdre. — Sè, petit lait. J. RONDOU. �RECLAMS DE PERQUIU De quin partit èm. Que crey qu'at eau tourna clama. Débat la banère de GastouFebus, nou hèm ne poulitic ne reliyou ; cadu aquiu dessus qu'ey libre de pensa ço qui-u plats, mes quoan escriu dens lous Reclams, que-s goarde pla de pataqueya countre aquéste e countre aquéste aute. Malaye ! Qu'en y-a prous capbat lou mounde de patacs, d'afrounteries e de desestruguès, ta que boulham abé u assès oun tout cadu se pousque trouba en pats. Qu'aperam à la nouste ayude lous de dréte, lous d'esquèrre e loUs dou miey, touts aquets de qui aymen la léngue mayrane e se plàsen à broumba-s de las hèytes dous lous pays gascoûs, quines qu'estéssen las loues idées, laïcs où reliyouses. E lous escouliès de la Gastou Febus que soun d'esprit prou làrye e que soun de prou boune educaciou ta sabé bibe en coumpagnie ; arrés nou pot dise que yamey e s'y aye largat aci ue paraule desplasénte ta qui que sie, au mens dab l'intencioû d'afrounta : nou y a pas abut, e nou y abera yamey ço qui apèren per las gazetes, polémiques. Si, per cops, e y a quauque pounchade ou quauque leuyère trufandise — nou poudém goayre toustém ploura e que y-a pauses oun hè gran bé d'arride ! — coume à l'Escole n'èm que de brabe mounde, qu'èm segus que tout aquero qu'ey dit sensé malicie ou machancetat. Lou Felibridye, obre de tradiciou e obre d'abiéne, que toque à tiopes de questious ta que u die ou gn'aute nou calhe parla en felibre de causes qui nou soun brigue literàris ; la bertat que déu esta dite quoan ey besougn qu'en sie : Luse tout ço qu'es bèu, tout ço qu'es laid s'escounde. si clamé Teodor Aubanèu. Tout ço de bèt qu'ey à la soue place dens lous Reclams, qu'arribe de Roume ou de Paris, de Pau ou dou Mount de Marsâ ; à nouste la Pouesie e la Pats que soun daunes. Mes, encoère u cop, l'Escole Gastou-Febus qu'ey mentabude « obre d'educaciou poupulàrie » permou que l'òmi qui bòu esta u òmi que bòu toustém apréne e de tout adarroun. Que cercam dou ha counégue tout ço doun nou-s mench-hidabe e qu'u hilh dou sòu gascoû e déu sabé : A d'et de ha lou despartit, de pesa, d'esperuca e d'estudia. Puch, se per aquero eau èste, boulouns ou nou, d'u partit, qu'èm dou nouste, qu'èm, e que-nse en bantam, lous disciples dou pay de Malhane, de F. Mistrau. Se calousse encoère mey préme aquiu dessus, que broumbarém lou dise dou capouliè Jouveau dens u dous sous darrès debis annaus : « Gascoûs, Lengadouciâs, Proubençaus ou Catalâs, quoan èm per nouste, mes Francés daban l'estranyè ! » L'Enstitut d'Estudis de Léngue mayrane. « Lo Gai Gaber » que-ns e balhe noubèles miélhes de l'Enstitut foundat à l'Unibersitat de Toulouse per Anglade. Qu'èy toustém de pès, gràcis aus soegns dou proufessou de léngue roumane Gavel, e �— 273 — tabé ya-t eau dise, permou d'ue yoentut de mey en mey abiade taus estudis sus la patrie d'O. L'u d'aquets, Fernand Gaulhet, que bié de passa, dab menciou hère pla, las esprabes dou diplôme d'estùdis superious, e oerats sus que hou examinât pous proufessous Gavel, Calmette e Galabert : Ta l'escriut : Birade dou pouémi e esplics sus « Lo primier jorn, domna que-us vi » d'Armand de Maruelh ; coumpousiciou d'istorie. Lou Rousselhou au tems de Louis XI ; coupie e analise d'u manuscrit de 1164. Ta l'ourau : Esplics sus ue pouesie de Paul Barbe ; las obres de P. Barbe e Arnaut de Maruelh ; las Pirénées au sègle XVau. Ya caleré que d'autes estudiants nou triguèssen de segui l'exemple de Gaulhet. Grane brespade gascoune Que s'ey tiengude lou 11 de mars darrè, à Dihort, dens la gran sale de la coumune dab l'ayude dous artistes de las aygues (de St-Loubouè). Qu'an yougat Lou Bartè de Cesari Daugé, nouste capdau d'aunou e qu'an cantat cansous ou dites couyounades à mouri-s d'arride. Que clababen dab lou co de Mountagnes puntagudes, e qu'at eau dise permou qu'ey bertat, despucb nou hèn per aquiu qu'echourda las aurélhes dou caperâ de Dihort en lou dise : E labets, ta quoan balhats gn'aute representaciou ? Permou de las courses landéses. Despuch de 1930 las courses de baques que soun à la debarade. Las yournades hestaus qui èren au païs de la course, puyades à 180 dens lou cours de l'anade, qu'an bachat à 106 en 1933. Boutém que la plouye que hé dou mau en 1933. Mes s'en eau créde : l'Art Taurin, lous escarturs medichs que soun per u tros dens aquet abandou, qu'an perdut lou goust d'aquet tribalh, qu'an ayres de s'en trufa. Qu'ey dise que lou mounde de case que tournaran ta las courses se lous coursiès e s'y ayuden u drin. Qu'ey à d'ets à s'y prépara e à tribalha ta mantiéne lou bielh lustre à d'aquére debertissance naciounau. U dise dou pay Duboé. Suban u article dou Buleti de l'Amicale de Garasou (n" 47, noubémbre 1933), lou pay Duboé, qui ère en tourneyade apoustoulic en Republique Argentine (1896), que-s abeyabe per aquiu, e se dits lou redactou « sa solitude lui pesait d'autant plus que ne connaissant pas l'espagnol, il était muré en lui-même sans contact avec une population qui lui demeurait étrangère. » Aquére que la troubam drin horte ! Se per cas lou superiou yenerau de Garrasou se bi soulet au miey dous gautchous, qu'ey permou que s'abè desbroumbat lou parla dou sou biladye (d'oun ère yessit ?) S'abousse pourtat en Argentine lou parla de Gascougne, que s'y troubère adayse e au cap de oeyt dies, que poudoure debi sa e plasé-s dab lous d'acera bach. �— 274 — Las noustes cansous. Nouste yoén amie Yan de Maupoumè que perseguech, dens l'Union Pyrénéenne, de Paris, lous sous cops de calam sus l'acciou gascoune. Que hè soues las idées de Bouzet sus la cansou, lou prumè dous utis enta ha baie nouste parla tant mespresat ; que parle de las biélhes coum : Maudit sie l'amou, Roussignoulet qui cantes, Dus pastous à Voumbréte, Lou Crabe de Mugrou, encoère plées de bite e doun cadu sab l'ayre e lous couplets ; que da tabé — u cop de mey — la listre d'aquéres dues doudsénes de cantes debiengudes poupulàris : Bèt cèu de Pau, Beroye flou, Lou rey dous Cantadous de Darrichon ; Mountagnes puntagudes, de C. Daugé ; Lou Paysâ, Que m'an dit, A Lilou de Baudorre ; Lous Piquetalos de Lacoarret, Bigorre, Bords de l'Adou, de Pascau d'Abadie ; La Biélhe d'Aulourou, Lou Chalibardoun, de S. Palay ; Lou Yan de Peyrehorte, La cansoun dou Lin, de P. Tallez ; Lou Petit Moulin, de Daune de Libertat ; e enfingues las de Charles Bertrou : Au bî de Yuransoû, La Pauline, Au Roussignou, Las Sedades, etc. Tad acaba, que segnalabe lou recoelh magnifie de Yan Poueigh : Chansons populaires des Pyrénées françaises. Permou de Delhostal. Lou nouste amie, partit tant lèu, doun balhabem au darrè numéro lou salut esmabut de B. Fournier e la birade d'ue pouesie soue, qu'ère ensegnadou de prumère. Reyént dens nou sèy quau bilàdye d'Aubèrgne, que hasè l'escole à la soue fayçou, fayçou qui nou plasou brigue aus sous counfrays quoan at aprengoun. Qu'ensegnabe lou francés dab l'ayude de l'aubergnat. La cause arribade à las aurélhes de l'espectou, aquéste que truque u die à l'Escole de Delhostal, qui hasè ha u debé de coumpousiciou francése. Lou reyént, sénse abeya-s'en, que perseguech lous sous esplics, mieytat francés, mieytat patoès. L'espectou que pause questious e qu'ey coume esmiraglat de las respounses d'aquets petits paysâs qui semblarén sénse létres. Lous cayès, amuchats, tout parié que l'encanten. Bèt drin gaiiyous, chens at ha bédé, qu'où balhe au mèste d'escole ue sarradote de ma en partin, e qu'où dits : « Que ba, anats atau ! » Aquero, que m'at coundabe lou brabe e balerous Delhostal, la brèspe de Pentacouste de 1932, coume s'èrem tustats à la SénteEstéle d'Ate. Mes lou sou exémple tant frutèc, per quoandes e sera seguit ? Enço dous amies de la Goudale à ParisAu darrè disna de la « Goudale », serbit coum de coustume enço de daune Daloux, 19 carrère Bayard, e que nouste counfray mous de Labric d'Arzaacq presidabe, u sarrot d'amies de Gastou-Febus que s'y escadèn ta plega la came e tringa. A l'ore dous brindes, qu'en cantèn ue ségue-l'y-coude de las biarnéses : Yan de Bouzet, Gastou de Lamazou e Andrèu de Sarrail que-s hén audi bèt drin, toutu que mous de Caula (u biarnés qui calera coussira ta la nouste Escole) lous hasè esmeliga d'arride dab lou Sermou du curé de Biderén. �— 275 Per ço qui ey de Latourréte, u perigle de rume que l'oubligabe à cara-s, senou be-b pensats pla que coum bèt roussignoulet dou bosc de Pau, qu'aberé cantade la soue ! Mes qui sera de la partidote dab lous coumpagnous tau disna de mars, e aquéste cop, goarit de segu, que s'y hara per dus à ha retreni las bitres de la sale, bras se-m séqui ! Lou Coungrès de Lenguistic. Lou quoatau Coungrès de la Soucietat de Lenguistic que-s déu tiéne à Bourdèu dou 31 de may au 2 de yulh. Las adesious que dében èste mandades abans lou 15 d'abriu à mous de Terracher, rectou de l'Unibersitat, à Bourdèu. Lou capdau d'aunou d'aquéres amassades sapiéntes, que sera lou degâ dous estudis roumâs mous Edouard Bourciez. Coum tribalhs prencipaus que recoumanden lous parlas pirenéncs tant curious e encoère dab partides tant incounegudes : lou gascou, lou bascou, l'espagnòu e lou pourtugués. Lous Councours. Que tournam broumba aus noustes amies qui bolen councouri taus Yocs dou Mount, que poden d'are enla ha lous lous mandadis, y-a qu'ayen dinque à la fi dou mes de yulh. Nou sien embarrassais tapoc : 1° L'Escole deres Pirenées que hè councours de pouesie, prose e tradicious. Qu'a coum prêts ue flou d'or « Prêts Artigue) e medalhes. Demanda lou prougram à mous de Sarrieu, segretari, 121, carrère de Lacapèlle Mountaubâ abans la fi de may. 2° La Soucietat d'Estudis ouccitâs que pod auheri très prêts de dus mile liures cadu : Prêts Vidal, tau mielhe estudi cretic d'ue obre de literature d'O, tau miélhe rouman ou pèce de teatre ; Prêts Dom Vaissette, tau miélhe tribalh sus lou passât naciounau d'O ; Prêts Anglade, ta u estudi lenguistic. Ha lous mandadis abans la fi d'abriu à M. Louis Alibert, à Montréal de l'Aude. Gauyous. En ço de Cerciat, de Peyrehite, u nèn esberit que piule au capseroû ; lou sou pay-boû qu'ey l'emprimàyre-en-pè dous Reclams, mous de Marrimpouey, à qui mandam, e tabé aus urous parents dou poupounét, lous noustes coumpliments amistous. L ^ ■« i ggffO- . ». QUESTIOUS La Ressègue Lou proufessou Kruger de Hamburg (que noustes amies e-s tranquilisen, qu'ey encoère u aleman !) que bién de ha ue enquèste en hautes bats catalanes e per Aran, à perpaus dous moûts, tèrmis e arrepourès qui toquen à la ressègue, ou autademéns la sarre, qui ba dab l'aygue. Coum bòu hourni à las soues ressèrques la mestiou de las bats gascounes, que prègue de l'at boulé manda : Seminar fiir romanische Sprachen und Kultur Hamburg 13, Bornplatz 1/3 1. Qu'at poden embia tabé au nouste segretari en pè qui ligaré lous mandadis. g �— 276 — BITE-BITANTE La Truhej N'èren pas mey à nouées enço de Yan de las Grilhoères ; que bienèn d'èste sasits. — Pla hèyt ! qu'abousse tirades ungles en tribalhan coume nous auts, se disè l'u. — À force d'estira, las cordes que-s coupen, e mau usa nou pod dura, se disè Faut, qui abè toustém arrepourès en bouque. — Aquero que l'aprenera de boussa-s lous hourats dab dinès emprountats, se disè u tresau ; e se atau parlabe, qu'ey permou que, per pietat, y-a s'ère dechat ana de presta-u dus cents liures, e yamey nou-n bi nat hum ne de l'òmi ne de las tàryes. E doungues, coume aquero, per u sé de noubémbre, lou mèste, la daune e lous maynats, qu'aboun à quita case, permou que lous moussus de la ley que bienèn de hica-us dehore. Mes, nou siats dous de co. Se Yan ère meylèu u adroumit, la soue moulhè, Fine, qu'abè u noum qui la caussabe depla, fine e agude, tant que saboure pèche sus ue taule lisse. Coume, touts aquets dies, lou sou marit se plagnè, e dab l'oelh mourt e seguibe lou tribalh dous de la yusticie qui, d'abord, pourtaben papès, ère, à l'escounut, qu'abè sabut esdebura-s e ha camis. Dens ue noeyt escure coume la goule dou loup, qu'abè cargat u carretot de causes : u armàri, cadières, utis e hardes coume n'y à dens la méndre maysou. Que hén dus ou très biàdyes, lou Yan aus brancards e la Fine poussan darrè ; atau que s'abè ayergat lou sou nabèt nid. Aquero que-s sabè, mes nou n'aurén troubat u dens lou bilàdye tad at dise ? Nàni hèy ! Toutu, b'en y-abè caps à las frinèstes quoan passaben aquet sé, Fine, cap-lhebade, dabanteyan u maynat per cade ma, Yan cap-bach e drin au darrè, coum se l'ère degrèu de segui. Qu'anaben abriga-s dens ue borde au teyt mau lousat e au sòu de terre batude. Sénse truhe ! Que dabe, aquére manque, u gran segoutit au Yan, quoan s'en abisabe, mes n'abém pas à trop dabanteya lou nouste counde. Que s'ayerguèn, e talèu la prumère susprése passade, lous maynats que-s hén à l'endret e dous ditous que sayèn de hourada u élut dens lou sòu de la borde ta coumensa ue partide de caniques. Cade àdye qu'a las soues debertissances e lous sous tesics. E sabèn, ets, e coumprenèn ço qui n'ère d'aquets cambiaméns d'alòdye ! Lou pay, et, que-s hicabe en debé d'aluga lou hoec : — Hè-t ana, bam, hè-t ana ! si-u cridabe la hémne. Que sayabe de ha peta lous aluquets e d'apiela quauques buscalhs. Puch, que penou lou cautè de la broyé sus aquet hoec qui, pleyteyan, n'amuchabe encoère qu'ue praube eslame. �— 277 — — Hè-t ana ! si tournabe la Fine qui, coentade, estrussabe causotes pausades à la bambole, toutu que l'aut qui semblable sourd, esmudit, ère dab las soues pensades e largabe souspits de las^itut, de langou, qui bòu sabé de que ? — Hè-t ana, si-u biengou ha la moulhè enmaliciade. Ballèu que l'anabe segouti, quoan lou Yan, d'u sacat, se lhebè e-s demourè aquiu de pès, coum se semblèsse espia lou hoec de misère qui yamey nou s'apoudyabe ta ha eanta l'aygue e ta la ha bouri. A la soue hémne que digou : — Nou cremara, aquéste hoec. — Quin bos que brùsli, hé la Fine, la légne que piche las plouyes d'aquéste abor e nou-n bòu sabé arré. Se-m abousses escoutade e boutât quauques cargues à l'arrayòu, que s'alugaré adayse are. Mes... y-a t'abi dit de t'y ha drin mey, e oun s'as miats à la fi ! — Que t'at abi dit ! hé lou Yan coum se boulousse escarni-u la bouts. — Pàntou d'òmi ! hé l'aute, que t'estousses amaneyat, qu'abousses tribalhat drin mey e nou tant pintourreyat ! E d'u mout à gn'aut, mey que cridabe, coum ta croubi ço que Yan e disè encoère, permou que-s parlabe, que-s hasè u sermou qui ère soulét à enténe, toutu que la soue coumpagnie e s'y hasè tabé : — Au loc de segui lous marcats, au loc d'emprounta, au loc de bouta-nse oun èm anoeyt ! Nous auts qui aboum maysou beroy arrecaptade, moubiliè tout nau, e linye pròpi e dou fi, que ba calé droumi lous drolles dens aquéste palhasse de peroque ! E la hémne, que-s boutabe à prépara lou lheytot dons maynats. Yan, nou tournabe arré. Au pregoun de la soue idée que-s disè : — Que-s pod y-a, de qu'àyi trop coundat sus lous dinès que pay e may ens abèn dechats. Nou-s debèn acaba, si semblable, que poudouren dura toustém, toustém ! E à bouts bâche que hournibe : — S'èm oun se troubam, que-ns y aydabem touts dus ! Quoan estangabes touts lous marchands, qu'aberés croumpat adarroun u costume ta cade diménye, u chapèu, u pa de boutines ta cade hèste, u pa de bach ta cade die, e yamey n'èren prou clas e yamey nou s'en y escadèn de la coulou qui boulès ! E taus tous hilhs, quoan houren de Palaminy, coum m'at gausaben dise, de que lòus aberés abilhats ? O, u sé qu'abi drin pintat, atau que m'at chuchurreyaben à l'aubèrye. La hémne, auloc d'escouta lou bèt debis dous dòus dous tems de l'aboundanci, qui mey nou tournaré enç.o de las Grilhoères, are, à sacs e à macs que hasè ana las cadières e qu'escoubabe, qu'escoubabe. — Sabs ço qui bouy ha ? si-u hé Yan, en lou prenén l'escoube. — Balha-m'en dab l'escoube, mes Diu que t'en goardèsse, sabes ! — Nou, mes disé-t quauqu'arré qui nou-t pénses brigue. — O, e per bounur que seras aquiu ta m'at apréne. �— 278 — — Que bouy tourna-m'en ta nouste, qu'èy besougn d'ana-m coélhe ço qui-m manque aci. ■ E tout que t'y manque encoère, praubas, e mey que t'en y manquère se nou m'y èri hèyte. Aberés pensât, tu, de pourta-t u lheyt taus maynats, e quoan e quoan d'atrunes qui-t serbiran, bèn. Nou, tè ! qu'ès toustém dens la lue, e dab lous tous oelhs de misericôrdie e lous tous yemits, n'anirém pas loegn. Mes, Yan, hart dou predic, que s'ère lhebat, qu'abè hèyt dus pas, e qu'anabe èste dehore, quoan la hémne qui-u se penè au bras e l'oubligabe à tourna-s d'assède. — Malurous, e que hès ? Nou sabs que y'an boutats lous scelats sus la maysou, e qu'are s'en tirabes arré mey que-ns e boutes dens las mas de la yusticie ? — E bé ! que-m bouy ana cerca la truhe, que la bouy aquiu dens lou larè. — La truhe, e ta que ? — O la truhe, la biélhe cauhe-panse à las très flous de liri qui l'enyéncen, la truhe qui a bis à passa quoan e quoan de payrans e de mayranes. D'u arride f'urious la daune que hasè : — Bèt qu'ous podes mentabe, lous tous payrans ; qu'ous hès aunou ! Ets que s'en saboun gagna e tu n'as balut que ta barreya. Aquets moûts qu'acababen d'aluga l'òmi qui digou : — O que la bouy la truhe ! N'ey qu'u tros de hèr, qu'ey bertat, e nou goarira lous noustes maus. Mes, à you, au cournè dou hoec que-m sera u gay taus oelhs, dens la mie désole de borde. Que m'a bis à bade. Daban ère que m'an labat e que m'an bestit dab lous panets tèbes, e pou prumè cop que m'y boutaben lou camisou, las tules dou me batiòu ; may-boune en hialan que m'a ayumpat aquiu e quoan de tems dab lou sou pè e hasè ana lou dindôu, coum m'en passeyàbi dab lous ànyous ! Puchance de la paraule ! La hémne soupteméns que s'estangabe de mespresa, que prenè ue care pregoune e, doulénte, que tournabe: — Mes nou bouy que-t boudyes d'are, que y-a prou de malurs atau. — Migue, e persegui lou Yan, qu'ey daban la truhe qui-ns èm neurits lous frays e you, e lous sés d'ibèr qu'y hasoum l'iroulade. E las cautères d'aygue dab qui hasèm la hournade, qu'ey countre la cauhe-panse qui bourlecaben. E, marna, la praube d'ère, d'aquéres coques qui-ns e pausabe sus la sole ardénte e quin lous mes dentous e s'essayaben de-y gnaca ! E, touts dus, l'òmi e la hémne, coum gahats d'ue mediche pensade, que-s biraben decap au yas oun lous dus nèns e s'èren adroumits, fatigats d'aténde lou soupa. Lou mèste qu'en disè encoère à la soue daune, qui nou l'entenè goayre, y-a que lous sous oelhs de may nou-s tiraben dou petit lheyt. Bouléns ou nou, qu'ère tant esmabude. E Yan, coume adès, mes are lou co dens u baume de gauyou, que marmousteyabe enter sous dents : �— 279 — — Hémne, nou-t bouy countraria, que pods abé rasou de-m tiéne aci, mes que l'èy besougn, sabes, la truhe, e nou souparèy, nou-n tastarèy d'aquére broyé que nou l'àyi estacade à la murralhe d'aquéste larè. Lous oelhs bèt drin brumous, que-s tournèn d'assède, espian lou cautè de la broyé. A pous de bouha, puch d'atisa, puch de tourneya dab la paléte que s'ère acabade de cose. Que la tiraben dou hoec. Mes, coum la Fine e cercabe à desbelha lous nenès e lous ne dabe quauques culherades, Yan qui bère pause-a se pensabe las soues, que gahabe ta dehore. — Yan ! mau que t'en s'abera, se digou la Yane, dab crits qui-s perdoun dens la noeyt nègre, que bas coupa lous scelats ? E lous nèns, de trepa e de ploura. Mes l'òmi qu'ère deya au ras de la maysou dechade adès. Auloc d'entra per la pourtalade de daban, que s'estuyabe p'ou casau e de la sègue de bimis que s'en dabe à l'aie dou teyt. Lèste coum u gatesquiròu, que s'arrapabe sus lou teyt e qu'arrecoutibe à la biélhe seminéye d'oun tirabe dus calhaus. P'ou hourat, que-s dechabe eslurra dinque à la cousine ; qu'en abè dues ou très herésses à las mas qui s'èren macades dab lou mourtariu, mes e las sentibe ? La truhe ! Que l'abè aquiu, estacade despuch toustém, mes quoan la boulou descabilha, malaye, qu'èren las dades. Oun abè lous utis ? La soue hémne aboure pensât de s'en amia la cachéte oun èren coulloucats martèts, estenalhes e alicates ? Meylèu hèyt que dit, que garrapetabe per la seminéye enhore e que-s troubabe à la borde dab la familhote atelade à culhereya dens lou cautè. La daune, à l'enténe tourna, nou l'espiabe, mes Yan que y'anè : — As pensât à la cachéte dous utis ? — Que l'as darrè l'armàri dou pà, si hé ère, hechugue. Que y'ère, ya. Munit are de ço qui-u calé, Yan que puyè gn'aut cop s'ou teyt, que bachè ta la cousine, que desgahè la truhe prou adayse, e que la se boute s'ou cot. Pênes qu'abè ta passa-la per capsus de la seminéye, cargat coum ère, toutu que poudou encoère ha boéye dus auts calhaus e, coum se pourtèsse ue glòrie, qu'arrecoutibe dab la hémne e lous maynats. Que-s pausabe lou hèch, las perlines de sudou qu'où gourgueyaben sus la machère, e yougan dou inartèt qu'estacabe la truhe, aus oelhs esmiraglats de la moulhè. — Praube pegam ! si-s countentabe de dise, ère, chens l'espia, permou que maugrat que housse gauyouse de la hèyte, n'at calé pas brigue decha paréche. E d'ue bouts qui-s hasou tant e tant amistouse, Yan que digou labets : — Are, qu'abém la coumpagnie qui-nse fautabe ; que la bouli daban lous oelhs quoan m'apressèssi dou larè : que y'ey ! Desbroumbém drin las ores crudes, gahém la de qui passe. E, sabs, qu'ey daban aquére truhe que, l'aute cop, mama e hasou cose lous pastis de las noustes nouces ! M. C. �— 280 — COPS DE CALAM U qu'en eau. Aquét an, nou hasè pas gras per las maysoûs. L'estiu qu'ère estât terrible : ni mounjéte ni milhoc. Toutu, l'arreprouè qu'ai dits : que eau esta plâ praube enta nou pas pela-s'en û. E de rifou ou de ràfou, en ço dou Barraquét auta plâ que s'abèn neurit û porc, atau que s'apère. E qu'en y abè abut de jelous, — que bouy parla dous besîs. Lou Barraquét qu'en abou hum, de ço qui-s disè. Lou permè cop qui rencountrè la Lifréte, qui abè ue lengue de hissou, que l'arcalhè chens préme : « Qu'en y a, si-u dits, qu'an toustém ue habe de mau còse ; que soun yelous permou qu'abém pelât... Que seré 'stat lou permè cop, despuch qui èm bius, si s'en èrem passats ; que s'ey hèyt e que-s hara, s'à Diu plats ! E sapiat aço, Marioune : à nouste, tant qui you y serèy, û porc que y abera ! » L'AUTE. * * Sus et caminau. Dissatte mayti, Yusepou det Poupilh e Piarréto dera Balaguèro que debarauon amasso, à pè, ta-t marcat de Bagnéros. Non pas qu'aoussen arré à bené-y ou à croumpa-y, mes manièro de tira-s drin det tour dera dauantièro deras hénnos e d'ana-s brespalha de senglos coustétos ounacoum p'ets Bignaus en-dauan. Sus et caminau, pignou-piagnou, cant e cant qu'en anauon. E ta desaueya-s, sénglos à bèro ourde que s'en countauon. U sé d'aquéstes, ço de Tirobi, — oun s'èro ataulat dab quauques autes assecarats ta beye de tira-s drin era sét de tout dio, — qu'où demandauon à Toènou de Crestomousquit quantos de pintos èro capable de-s boeyta auan d'ana-s droumi. E nouste hartèrou d'arrespoune : — Acò, hòu, que depén, mahilhs !... Se n'èy lapât que batissos ta soupa, dab u parélh qu'en èy prou... S'èy minyat mandorros n'a couquèlo, de très que m'accountenti... S'èy craquât mounyétos fricassados, qu'en èy à besougn quoàte... E se nou soy pas you qui pàgui, alabéts, tiet, au Diu biban ! cinq, quan seran toutos at arras det tudèt, yàmes nou m'an hèt nado pòu !... * * * Quan agou cluquat et oélh era praubo bielho Yanetougno, Mario de Pelotrouch que-s prenou gn'auto gouyo. Mario qu'èro hèro deras estirados... Nou dauo pas et lard ats cas... �— 281 — Ta éro u so qu'èro u so, e nou dechauo perde era mendre griualho de ço que hicauo n-a oulo ou passauo pera padéno. Tabé, d'òu dise à ra gouyo nauèro tape qu'agou passât et pèd dera porto : — Be sàbes, mahilho, acitau era mòdo qu'ey de minya-s eras soubros. E ra gouyo d'où se tourna : — Plà que hèt de m'at dise, Mario... N'ayat pou, que las be sauberèy... * * * Ta ra darrèro hèyro de Sen-Marti, Louiset de Poteschuc que la gahè ta Bagnéros pramou d'ana-s croumpa drin de sébo ta planta. B'òu ne demandèn, eras de Trebouns, yunco cinq liuros det mendre paquetou ! E nouste òme de marchandeya : — Quaranto tàryos, e que b'en preni quoàte paquéts. — E b'y trufat, moussu ! Sébo coumo aquésto, dera de qui nou cabélho pas... Dat-me très e cinq, e qu'ey bosto. — Nàni, quarante tàryos ! — Eh be, pramou qu'èt bous, à cinquante que la be dèchi. Alabéts, moun Louisét, bèt ana-s'en : — E you tabé ! * * * Bèt pesca n-Adouréto, à matastos, Menico det Sarrauét u beroy berbal que s'auè amassât. D'auri-s era bousséto ta paga-u, aco n'òu coumbenguè brico. Que l'anè demanda à Moussu Noguès de l'at hè tira. E. countént y-at poudét creye, qu'où digou à ra hénno bèt tourna: — Be sàbes, et berbal ?... Eh be ! dab era pòu, quitte qu'en soy... Moussu Noguès — quin brabe òme toutu ! — que l'a dit at Prefèt, e p'et telefono encoro sampa t'ana mes biste : « A l'eau ! A l'eau !... » * * Quan l'esté partit et loucatàri, Felip det Trauerou que-s tourné louga et crampet det dabat det escalè. Et lendedio qu'auèuo at nauèt loucatàri deguéns. — L'ase-foute, Felip, et de qui ey partit que m'a dechat et darrè dera cauhopanso tout couhit de cafards nègres coumo et brente det loup e grans coumo àsous... Qu'en èy à hè you ?... — Qu'en as à hè ?... Eh be ! demouro u oeytenat de dìos... E si arrìs n'òus te beng arreclamà, y-òus te pouderas arrecouneche coumo tués.., RENÉ ESCOULA, de Bagnéros. �— 282 — MOUNDE E CAUSES DE CATALOUGNE A LA BIRADE DOU CATALANISME A la nachence de las republiques, que soun lous omis dou cap qui hèn l'enstitucioû e, tout en seguin, qu'ey l'enstitucioû qui forme lous caps de las republiques. MONTESQUIEU. Macia qu'ey mourt, la Catalougne qu'a u nabèt Président. Lous yournalistes Parisiâs e Francés, à la seguide dous de Madrid, qu'an dit e redit mantus cops : « La mourt de Macia que sera la mourt de l'Autounoumie de la Catalougne ». Lous noustes escribassès qu'an ue manière particulière d'ana pesca lous rensegnaments e las endiques yustes : demanda à Madrid ço qui-s passe à Barceloune, qu'ey esta bèt drin maynàdye. Bediam ço qui-n ey. Companys qu'ey au cap de daban au Goubèrn de la generalitat ; qu'ey u òmi d'esquerre, mieytat bouryés, mieytat socialiste. L'arribade de Companys, aco nou-s pot denega, que balhe au Catalanisme, u sens nabèt, permou lou cambiament, au me abis, nou-s porte pas sus lou partit ou la politique : que porte sus l'òmi. Qu'an poudut lève, darrèrament, sus Je suis partout, que lou ministèri de Macia n'ère coumpousat sounque « de bandits ou d'anciens bandits » ; aco, qu'ey parla depla... Oh ! de segu, lous coumpagnoûs de Macia, coum lou capdau medich, n'èren pas demourats toustém en u fautulh, à-s cauha lous pès au corn dou hoec. La grandésse, la force de l'obre à réalisa qu'abè douminat e hèyt escoune l'egoïsme dou moussurot, si n'abè ; permou, toutu, l'aha n'anabe pas sens risques... Aquets omis qu'an minyat, droumit, biscut coum an poudut ; mantienguts per la loue idée, lou sourelh aus oelhs, que soun estats tremudats en dius. Rebouluciounàris qu'èren e que soun estats trattats coum anarquistes e bandoulès. Qu'èren prèstes à gaha-s lou fusilh mes à balha tabé la loue sang ; n'an pas espiat darrè ets e n'an pas dechat cade u soul moument la loue fé. Que soun ets qui, tournats à Catalougne, an prouclamat la Republique Catalane dab quauques 24 ores d'abance sus la de Madrid. Coum de yuste, qu'ey ets qui an prés lou poudé. Aco tapoc n'a pas anat sens pene e difficultats ; que las an bençudes quasi toutes. Countre lous « intellectuels » rasounayres de Madrid (dou péu de Unanumo), ets qu'èren la force dou pòple, la force de l'instinct, la force sensuau, dab ue douctrine, u rasounament : « Lou pòple de Catalougne que bòu esta, que bòu demoura Català ». Mes, lous omis ctou mestié qu'an cridat labéts : « Macia nou counech arré à la politique ! » Ah ! per aco, n'ère pas u pouliticayre, nàni ; n'en ère pas, n'a pas �— 283 — boulut, n'a pas yamey sayat d'en esta. Qu'ey mourt, demouran ço qui ère toustém estât : ue force qui boudye. E lou Companys ? Ah ! Companys qu'ey gn'aute pa d'esclops. Qu'ey de la classe mieyère, d'ue petite bile ; qu'a estudiat à l'Unibersitat de Barceloune ; qu'a biscut ue bite classique, qu'a hèyt lou journaliste ; qu'a bist de près, de débat e per dessus, lous « impounderables », las soucietats secrètes (Franc-Maçounerie) lou yoc e la force dou capitalisme reyiounau, naciounau, internaciounau ; partit dou pè, que s'ey abançat tout dous, poc à poc ; de d'ore, qu'ey estât acoustumat à las coumproumissioûs ; de segu, qu'ère catalaniste de gauche e coum tout lou mounde d'aquet bord, qu'a counegut la persecuciou e sabut la presou de Primo de Rivera. E boulét lou me abis ? Macia qu'ère u souldat, u souldat de mestié e d'amne. Companys, si lou bent n'abè pas birat au Catalanisme, nou seré pas estât u patriote, au sens qui eau da au mout aci ; à nouste, que seré estât u Barthou, u Bérard cridant : Bisque lou Biarn ! quauque cop, en boune lengue biarnése mes, que seré anat ta Paris, e aquiu, qu'aberé troubat lou camî : que seré radicausocialiste, au ras dou poudé centralisàyre e de las « aunous ». Mes, labéts, que-m bat dise : Aquet Companys, qu'ey u Catalâ de countrebande ? U faus ? Hè, nàni, praubots ! Lous Campanys, et iabé, qu'a ue fé, mes enter et e Macia que y a la diference enter u ômi « entelliyent », tout simplament. Macia qu'abè la hourtalésse de creaciou, Companys qu'a l'entelliyence de l'enterpretaciou ; Pu qu'abè l'esperit tenut réde de-cap ue soûle idée, Paute qu'ey lou qui sap léye aus libes dous auts. En toute bertat biste à la clarou de las esperiences, au darrè d'u Macia, qu'ey tout d'ue, que diseri ballèu qu'ey yuste que y aye u Companys. Macia e lous sous artistes qu'an hèyt l'obre, lous auts que ban saya de la ha bibe, de la bibe ; atau qu'ey la ley de l'umanitat. Que disi, tout are, que y abè quauqu'arré de nabèt dens lou Catalanisme ; aci que y èm. Lou Catalanisme qu'ey u fèyt politic, qu'ey sedut, qu'a lous sous politicayres. Lous creatous qu'an acabat lou lou tribalh : lou Catalanisme qu'ey entrât sus la place publique ou, coum diserén en francés, dans le domaine public. E coum se bet pertout, adare que soun lous qui-n saben de létre, lous « intellectuels » qui ban esta lous mèstes d'ahas. Qu'abém ue nabère republique de proufessous. Mes, urousament, que y a lou pòple catalâ e et, qu'a las idées de marcha toustém en daban. Nou-s dechara pas adroumi per lous debisayres ; que counech la balou dou sou efïors e que sabera ha demoura touts lous Companys sus lou dret cami. Lous pouliticayres que pouderan passa, que passaran, mes l'obre de Macia nou pot pas mouri, permou qu'ey obre dou pòple, e u pòple qui a créât qu'ey d'eternitat. ANTÒNI DE BASTARD. �— 284 LOUS DEFUNTS B. de Montaut. Lou Biarn qu'a perdut aquéste tour u artiste d'eley e la nouste Escole u counfray charmant. Bernard de Montaut, pintre-artiste Oulourounés que s'ey anat mouri, yoén encoère, à Paris oun l'abèn cargat d'u gran tribalh qui l'anabe assegura lou pâ pendent bèts dies. Permou, per tant qui sie de grèu d'at dise, que-s sap plâ que lous praubes artistes, p'ou temps qui court, ne soun pas à la nouce tout die. B. de Montaut que s'en ère tournât ent'Oulourou que y a quauques ans permou de la soue santat délicate ; l'ayre dou païs que l'abè requinquilhat, mes, las ! lou tribalh qui abè troubat lous permès temps que s'ère acabat e bibe que calé ; que trouba que ha per Paris e que s'en y ana, mes nou y a pas poudut tiéne. Artiste de haute counscience, tribalhadou baient, que dèche ue obre estimade per touts lous qui s'y counéguen. Qu'a decourat la Maysoû Coumune d'Oulourou e pintrat de hères beroys paysàdyes biarnés ; lou Musée Beyiounau dou Castèt de Pau qu'a d'et u hère beroy pourtrèyt de la Reyne Margalide. Lous dus caps biarnés qui abém lou plasé de reprouduisi, mercés au nouste aymable counfray mous de Broquès, que soun ue beroye mustre dou talent dou nouste amie plâ regretat. Que pregam la soue familhe de créde au noustes regrèus pregouns. S. P. �— 285 — Leoun Arrix. Prou yoen encoère — n'abè pas goayre mey de la sichanténe — lou nouste sost-capdau ta la Bigorre que bié de passa. Malaut, que calanqueyabe très ans a e nou l'abèm goayre mey bis à las noustes amassades despuch las hèstes de Bayoune. D'Arudi en Aussau, e badut dens ue maysou que Félis Mascaraux se debè croumpa, que s'ère engadyat au 53e, e de sous-ouficiè dens l'armade que hou puch coumptable à l'Arsenau de Tarbe. Omi baient, que hou membre ou segretari d'u escabot de soucietats e d'obres d'assisténce. De d'ore que s'ère boutât à escribe e que l'agradabe de councouri loungtems aus noustes yocs. Mantu cop que s'en pourtè lou bou e medich en 1921 lou prêts dou Ministre. E are, qu'ey acera hore, dab noustes mèstes e noustes amies. Qu'auherim à la soue familhe, au sou yéndre mous de Noulibos lous noustes sentimens de dôu. L. R. •s $ '<j?> — <a n OUBRÉTES DESBROUMBADES Crit d'u malau L'oéu pascau qu'ey à la padère : U loung yune que rend goulut... De quoan lou mau m'abou per terre, Que hè, oey, lou mes reboulut. O rumatisme, o frèbe, o rampe, ■ Que m'abét blaudat e murtrit ! Quîn bouleri quita la crampe !... Goarit, goarit, cames, goarit ! Abriu qu'ey aquiu, que m'apère : Oun ès, moun pouète barrât ? Lou sap que puye e qu'apoupère L'àrbou per l'ibèr esgoarrat. Quoan bey la prade qui berdéye E lou casau qui s'en arrit, De-m passeya qu'auri l'embéye ! Goarit, goarit, cames, goarit ! — »• �— 286 — Quin ey beroye la nature, Caute d'amou, frésque d'arrous ! Quine luts d'or, gauyouse e pure ! Quin pot, lou sourelh amourous, Ne balhe à l'eslou de la rute ! Pous sendès dou bosc estarit, Quin cerqueri nids de pourrute ! Goarit, goarit, cames, goarit ! Mes n'ey pas tout de béde hoélhe, E lou cèu cla coum u miralh ; Que deu semia lou qui bòu coélhe, Qu'ey la sesoû dou gran tribalh. Tau milhoc la terre ey coumode ? Lou roumén ey brigue esberit ? Quin ba la bit qui bien de-s hode ? Goarit, goarit, cames, goarit ! Be se-m tarde de-b tourna béde Abans la mousque e soun pegnic, Péu cambial, fi coum la séde, Boéus e baques, mayram amie ; E bous à la tant bère alure, Chibaus, atelàdye hardit, Qui-m hèt u lheyt de la boeture !... Goarit, goarit, cames, goarit ! E bous lous amies dou bilàdye Coum n'èren yé, fidèus douma, Yoens ou madus, ou drin sus l'àdye, Quoan pouderèy touca-b la ma ? A toustém, Vomi, l'umou gauye E la hémne, beroy l'arrid ? Ta m'escapa loegn de la cauye, Goarit, goarit, cames, goarit ! NARCISSE LABORDE. �HOELHETOU DOUS RECLAMS LOUS TRÈS GOUYATS DE BORDEBIELHE (Seguide — N° 5) Las fîatouses paraules de moussu-ou Président qu'èren cadudes en ue terre qui nou demandabe pas qu'à las arcoèlhe e l'Andréu que s'at bedè tout en planes : après lou stadje d'oubligaciou, dab û ou dus ahas d'aquets qui hèn brut, e qui nou mancarén pas, en s'y ayda drin si calé, lou joén aboucat qu'oubribe û cabinet. U proucès d'assises, seguit, aco be-s dit tout soul, d'û aquitament, e nouste aboucat qu'ère « lançât ». Mes aco si ère lou coumençament, n'ère pas la fourtune ; or la fourtune qu'ey ue luèque e qui-s plats à ha courre lous sous pretendents ; autâ-plâ, ne-u desplats pas d'esta gahade de force. Per n'abé pas encoère hère d'esperience, Andréu qu'at sabè toutû e tabé que lous saloûs qu'èren û boû terri de casse. La bourgesie de Toulouse, per labéts, que tienè lou hort, drin coum pertout ; qu'ère dou sou estrém qui calé guigna. Mes, de Faute part, la noublésse, la mieyère mey que mey e dab qui poudè rega lou caddèt de Bordebielhe, qu'aymabe hère lous ahas e nou la calé pas perde de biste : û boû proucès de familhe, d'aquets qui duren dèts ans en s'y sabé préne de loegn, que l'asseguraré la bite-bitante, en aténde lou boû. E puch, que y abè tabé la politique ; dab las idées qui brouniben per l'àyre, en quoàte ou cinq ans, quoan l'àdje l'at permeteré, perqué pas û fautulh de députât ? A la fi de la semmane, tout aco qu'ère réglât : lou plan qu'ère boû, nou calé que tiéne-s'y. Andréu de Bordebielhe qu'ère de sang de paysâ e que-s sap nou y a pas coum û paysâ, quoan s'a tirât û plan, tau persegui, quoan y calera cabourrerie. Nou chauma pas durant las très semmanes qui abè de libres permè la Cour nou partisse en bacances. Diu sap quoan de besites e hasou, quoan de coumpliments e débita, de tau manière que lou die oun se tienou l'audience d'acabalhes, coum disen, nou-n poudè pas mey ; lou sé-medich, que-s hasè pourta la maie à la poste e lende-matî, que gahabe la deligence de-cap Auch e Tarbe ; qu'arriba sénse trebuc à Bordebielhe', drin gourpit, segu, mes countent de ço de hèyt e mey emparaulat que jamey. * * * En trabersa lou Palloung de Pau, au petit trot de la cabaléte grise qui tant aymabe, n'ey pas besougn de dise si lous oelhs dou joén cabaliè cercaben à deléje, per acera, sus l'esquèrre, au miey dous teyts de Lesca, û drin mey haut que lous dou broulh de maysoûs qui couneguè plâ ; mes, per tant d'embéje qui-n abousse, n'abè pas gausat trabessa lou bourg ; quin aberé esplicat lou bire-plec qui �— 288 — l'aberé calut ha hore dou camî dret ? E puch, troulhat, aganit per lou biadje coum ère, ne-s troubabe pas présentable, e qu'abè rasoû : û amourous nou-s déu pas ha béde mau en punt, permou las hemnes que soun atau hèytes qu'û bèt noû-arré : û abilhè sens élégance, ue barbe de oeyt dies ou quauque peguessote atau, qu'ey capable de las part-bira e de ha-us trouba défauts là oun, û moument aban , nou bedèn que mirabilhes, qualitats e berouyè. Mes Andréu ne demoura pas hères de dies de ha ue besite à la noutarie. A sa case nou-n abè pas bouhat û mout. Cèrtes, lous très frays, que-s sap, qu'èren amies, mes toutû, la diferénee de l'educaciou dou darrè que l'abè drin desapariat dous auts dus e nou y abè pas enter ets aquet beroy abandou de l'amistat co à co qui hè qu'om s'at pod dise tout permou de l'assegurance qui an lous us e lous auts d'esta coumprés. Mes, toutû, qu'ey de remarcà qu'en fèyt de certéns ahas e mey que mey si y a coentes d'amou, las counfidénees qu'aymen miélhe d'autes bies e qu'om se trobe mey à l'ayse dab quauqu'û qui n'ey pas de case. U fray, û aynat sustout, n'ey goayre endicat ta d'aco ; que pouderé boulé da counselhs e abis doun û amourous n'a que ha pusque toutû nou-n seguiré proubablament nad. Lou qui a dit : « Quand l'amour parle, la raison se tait » que couneguè lou mounde ; e lous antics be representaben lou diu d'amou dab û bandèu s'ous oelhs ? Que l'aberén poudut tabé hica û pa de boussoûs à las aurelhes. D'alhurs, Andréu que-s couneguè prou l'aynat enta sabé que lou die oun lou parlaré de Sourine de Labalut, la permère cause qui-u diseré que seré : « Quin die e passam lou countrat ? » Cèrtes, l'idée d'Andréu qu'ère d'espousa la qui aymabe, mes toutû, arré nou pressabe ; tout plâ estudiat e coumptat, n'ère pas même brique lou moument ; n'ey pas au miey dous coupe-caps e tribulocis d'û establiment doun l'abiéne e déu depénde e la fourtune, qui eau ana-y hourni lou coumbat d'û maridàdje. Parla-n dab Louis ? Qu'ère û tros coum lou défunt Manescau de Gassioû, qui abè toutes las hemnes en hàsti. Dab sa may ? Madame de Bordebielhe ne couneguè pas, ta dise, à madamisèle Sourine, e puch, per ço d'aute, n'aberé pas parlât diferentament que l'aynat. Qu'ère dounques à d'et de s'at bira tout soul. L'oucasioû qu'arriba coum hèyte esprès. L'abésque, en tournade de counfirmacioû, que debè passa per Lesca. En tau auhèrte toutes las parròpies que daben tau cap-d'ulh. Lous de Bordebielhe, mey que mey, mèstes coum bayléts qu'èren de hèste aquet die, permou, de toustém en-çà, û moussu dou castèt qu'ère dous cheys noutables qui tienèn û courdoû daurat dou subercèu de Mounsegnou à la proucessioû rituau ; d'aquero, tout lou mayne que s'en troubabe aunourat, e lous serbicis, hèy ! n'èren pas lous qui s'en credèn lou mens. Beroy temps, beroy esprit, qui ligabe atau touts lous d'ue maysoû en û medich sentiment de fieretat ! Mèstes e bayléts, cadû en soun joc, be hèn bibe e prouspera l'endrét ? Que soun, lous us, lou cap qui mie, lous auts lous bras qui manejen lous apès, dab ue mediche amne, l'amne de la case coumune. En ço dou noutàri, que y abè gran tranlay, permou si madame de Labalut ère dame patrounésse, las damisèles qu'abèn tabé la loue �— 289 — place aus oucups de la glèyse-catedrau ; toutû, n'ère pas aco qui preoucupabe M. de Labalut. Que s'abè pensât d'embita la familhe de Bordebielhe apuch la misse cantade, mes quoan n'abè parlât à la noutarésse, que l'abè hèyt enténe qu'ère risca û refus qui, per poulit qui housse nou-n estoure pas toutû hère abeyiu ; madame de Bordebielhe nou quitabe pas lou dòu e que s'ère coum retirade dou mounde despuch la mourt dou défunt moussu ; de segu nou bouleré pas demoura. E puch, qu'ère la coustume que lous noutables, aquet die, disnèssen dab Mounsegnou, au prebitèri; l'aynat de Bordebielhe que seré d'aquet disna... Labets, moussu de Labalut que descida que s'en tienerén à ue petite refresquide à la noutarie, permè de tourna-s'en tau castèt ; aco nou-s poudè pas refusa. E puch, las lengues, qui n'aberén pas mancat de chapitra permou d'û gran disna sens rasoû counegude, per û simple plegue-came nou serén pas en cèrques de pleyteys. Lou noutàri qu'escribou ue beroye létre e que la hé pourta de tire à Bordebielhe per lou Joanicot, û d'aquets coumissiounàris qui hasèn dèts lègues per bingt sos, e pès descaus, n'at eau pas dise. La respounse qu'esté « quio » e touts plâ countents à- la noutarie, dinqu'à la damisèle l'aynade qui anabe poudé sourti dou bufet lous carafloûs e lous bèyres de fî cristalh doun tirabe prou de glòrie, mes qui-s demouraben embarrats quasi tout l'an, permou las oucasious qu'èren hère esclarides à Lesca taus ha serbi. Nienéte e Marie n'aboun pas û moument l'idée qu'aquet embit estésse aute cause qu'ue poulitésse tournade aus de Bordebielhe qui abèn hère plâ trattat M. de Labalut, e Sourine, ère, nou sabou pensa à d'aute cause qu'à l'urouse pause qui l'anabe tourna p^rméte de debisa dab l'Andréu. * * Lesca, à maugrat qui n'abousse pas mey l'abésque dou diocèse, qu'ère toutû bile episcoupau e Mounsegnou que la counsiderabe atau toustém. Qu'arriba d'Orthez aban lou dissapte brèspe. Lous gouyats, à chibau, dab lou proupiau oundrat e lou pistoulét en mâ ta las randades de mousqueterie, que l'anèn arcoèlhe de las parts dou Poey. Lou carros qu'esté saludat de très ou quoàte « hoées de platoû » seguits d'anilhets tringlants, puch toute la cabalerie qu'où hé l'escorte. A la bache-bile, Mounsegnou qu'esté recebut per lou Counselh de bile e toute la besiau ; las campanes, lous anilhets, lous pistoulets nou manquèn pas, tout qu'ère en susmaute ; la hèste que s'anounçabe plâ. Lénde mati, lou cèu qu'ère blu coum ne sap esta lou cèu de Pau quoan s'y boute ; qu'anabe ha û d'aquets dies d'estiu francs doun lou bisam de la horte calou, escoubat per l'aurey dou gabe, n'ey pas toutû mourdent e dèche bouga lou mounde. Per touts lous bilàdjes arroun, las hémnes, lhebades aban l'aube, que s'y hasèn coum sarrazines enta 'sta prèstes à l'ore. Ta bère troupe, la camade qu'ère encoère prou loungue ; lous qui-n abèn, qu'èren partits dab lous atelàdjes oun s'apielaben lous countirmants e lous petits doun las camotes èren trop trendes. E que poudét créde nou s'y abejaben pas ! Tout dou loung dou biadje, que hasèn puja cantics dinqu'aus �— 290 — darrès lugràs qui perperejaben acera cap-sus, permè de s'amourti. Lous curés, suban la coustume, que seguiben à chibau. A Bordebielhe, qu'abèn bugadat e roubit lou gran carros jaune e blu dou temps dou caddèt, counselhè dou Parlement ; qu'ère l'esticle dous omis de raube de rénde-s au palays en esquipàdje ; d'alhouns, touts ou quàsi qu'abèn, hore bile, demoures d'estiu ou castèts, ço qui apèren adare billàs. La maje partide de las qui-s béden au miey de la berdure, pigalhan de blanc lous coustalats de Gelos, de Jurançoû e de Gan qu'estén bastides per lous moussus de la Cour. Nou s'y counfirmabe pas touts ans d'aquet temps ; la ceremounie que dura ; mes lous qui sustout la troubèn loungue, qu'èren Andréu e Sourine. De las loues places, que-s poudèn, lhèu, apercébe, mes n'ère pas lou moument ni l'endrét ta-s da guignades ; cèrtes, lou sermoû de l'abésque nou s'adressabe pas à d'ets, que serén estats, dab aco, bèt drin embarrassats l'ue et l'aute ta répéta ço qui abè dit. Quoan esté la misse acabade, madame de Labalut e las soues damisèles que s'abancèn poulidament decap à madame de Bordebielhe enta la saluda, permou lous omis, qui abèn seguit à Mounsegnou dab la proucessioû dinqu'au prebitèri, nou debèn biéne ta la noutarie qu'apuch hèytes las aumenances respectuouses. Las dames que s'en anèn dounc, au petit pas, à trabès la hourrère dou mounde, qui s'esparricabe p'ous estréms, lous de trop loégn ent'ana brespeja per las oumbres dab la bioque qui s'abèn hèyt segui de case ; lous qui abèn parents qu'ous seguiben — e qu'en y abè prous, permou qu'ère la coustume encoère de-s marida hens lou parsâ — lous auts, que la gahaben, ta s'en tourna, de-cap aus atelàdjes dechats hens las parquies dous couneguts serbiciaus ; la petite bile, per ue pause, que retroubabe la bite de d'autes cops, quoan l'abésque y abè la sède. Tout escas si la hemnes èren arribades à la noutarie, que moussu de Labalut, dab Louis e Andréu de Bordebielhe qu'entrèn ; l'aynat qu'ère demourat au prebitèri. Qu'abèn dechat lous countrebents acatats, permou d'entertiéne la frescure e, atau, la sale qu'ère miey escure, urousamén taus dus amourous, sinoû, qu'ous aberén bist à bade, ère rouge coum lous carboûs dou hoec e et, au countre, tout pàlle, ja qu'estésse lou medich pous qui aboussen sentit au co touts dus. Drin ceremounious, lou noutàri que hé las « presentacioûs » en règle, coum en ço de Moussu-ou Permè Président e, biste, Sourine que s'escapa au darrè de l'aynade ent'ana cerca la coullacioû. Lèu, sus la taule que s'arrenguèn las beroyes siétes à flous en Samadet de la boune époque, la cristalerie de Bacarrat e, s'ou miey, Sourine que pausa dues tourtes de talhe ; arré nou y abè hèyt dòu, que-s bedè, e qu'èren de las escadudes ; enta que tout parescousse prou, que calou da drin de luts. Aquets tampats qui abèn enteroubèrts, qu'ère lhèu ço qui l'Andréu abè troubat de miélhe « escadut » ; que poudè, sens, per aco, decha de debisa dab mous de Labalut, countempla Sourine dount lous pès nou toucaben pas terre e qui hasè lou double de pas qui nou aberé calut arroun de la gran taule ; e be-b pensât si lous �— 291 — oelhs e-u courrèn tabé... Moussu Louis, drin abandounat au miey d'aquet batalis de hemnes e d'omis, que s'oucupabe d'espia lous mòbles anciens, qui aymabë hère, coum aymabe tout ço qui ère dou pèys e de hèyt en case, e ne-s poudou pas empacha de-s lheba t'ana de mey près espia û cabinet doun lou tribalh ère, de segu, hère bèt e qui l'esmiraclabe. Quoan tout sus la taule esté ajergat, mous de Labalut que demanda que l'escusèssen drin ; que tienè à bâcha, etmedich, ta la cabe oun sabè la place de las bounes boutélhes. Andréu nou manca pas lou parât e, coum qui nou-n hè arré, que s'apressa tout dous de Sourine, au moument oun se troubabe au cantoû d'ue frinèste. — Be se-m trigabe de béde aquéste die, si-u hè à mieyre bouts ; e à bous ? — Hè, si respounou la maynade, francamén, tout parié. Lou cô qu'où se desglarabe e n'aberé pas poudut denega. Si, à d'aquet moument, Andréu l'abè poudude sarra countre d'et, quin urous òmi ! — Que tournarèy soubént, si persegui ; que soy, d'are enlà, l'amie dou boste pay. — E de touts à case, pensi tabé, si acaba Sourine, dab û arrisoulét charmant. Mes, lou noutàri que tournabe dab û pa de flàscous proubassuts e entelaracats ; l'aynade e Marie qu'èren tournades de la cousine, e touts que s'apressèn de la taule. Coum de juste, las cousinères qu'estén coumplimentades, lou noutàri bantat p'ou sou bi ; poulitésses, si boulet, mes n'èren pas mensoungères, permou las coques qu'èren fines e lou bî, autan lou dous coum lou rouge, qu'ère, coum disen, dou pelut. Ja que n'estésse pas brique hemniu, moussu Louis que-s prousejabe au miey de las très gouyates e, per manca d'abitude, qu'ous tienè de tole prou beroy. E puch, quoau ey lou gouyat, sustout drin madu, qui n'a pas gay à-s « rega » dab joenésse fresque e beroyre coum aquére ? Las raubes leujères doun las très sos e s'èren apelhades, n'èren pas tapoc enta ha desaguis ; que dechaben debina, permou lou courset balenat n'ère pas encoère de mode, lou corps tilhous e frement qui reguilíabe à la calou dou debis — praubines, toustém embarrades à case e countrengudes ! — ques- bedè qu'èren toutes au plasé d'abé coumpagnie, coum aqueres laudétes qui, gahades au hielat, parbiénen à-s libéra e piulen coum holes, ta lèu qui an poudut junta lou boulum qui s'atrasse après l'escapade. Mes tout qu'a ue fi. Madame de Bordebielhe que s'ère lhebade, que hasè besougn au castèt. Coum si s'abèn dat lou mout, tant qui lous auts e daben ta la sourtide, Andréu e Sourine que s'èren estats lous darrès, e lou gouyat, au recantou de la porte, qu'abou lou temps de gaha la mâ de l'aymade e d'y pausa, biste, biste lous pots. Qu'en ère hèyt : l'amne de Sourine que s'ère dade à tout jamey. Lous qui semblen endiferents qu'an soubent lous oelhs pertout. Moussu Louis qu'abè bist lou gèste e que s'en trouba drin estounat. Lou sou caddèt que l'abè plâ dit de qu'abè biadjat, de Pau à Mourlâs, dab mous de Labalut e ue de las soues damisèles, mes que l'abè �— 292 — celât tout ço d'aute e nou debinabe pas ço qui-s passabe. Aquet poutou, per esta hêyt sus la mâ, que debè esta aute cause qu'ue poulitésse de gens afinades e de bères manières, mes, nou bedè pas quin las causes enter madamisèle de Labalut e l'Andréu aurén poudut ana tant biste. * * * Despuch lou partàdje, Jan e Louis que-s troubaben, cade matî, à la borde, à l'ore de jugne lou bestia. Aquiu, lous ourdis que-s daben d'acord, de tau fayçoû que, sénse courre lou bé, l'aynat, coum mèste e cap-maysoû, que'sabè quin tout anabe. La dilûs, û cop lou tour hèyt, Louis nou-s poudou pas retiéne de dise à l'aynat ço qui abè bist en ço dou noutàri. Jan qu'en debiengou tout pàlle, mes auta-lèu ue bouharade caute qu'où pujabe tau cap, la sudou qu'où bagna la teste e que calou que s'anèsse assède. — Qu'ey arré, si digou en saja de sourise. Tranquilisat, lou caddèt qu'où hé : « Que touques trop au Jurançoû dou prebitèri, gouyat ! Bè-t da gnaute cop de couchî, bèn ! Que y a d'aquets maus qui semblen -^— e qui soun, quauque cop, — adroumits, mes doun lou méndre countràri ey prou taus desbelha e ta renabi la doulou. Jan de Bordebielhe qu'at esprababe en-l'ore. D'aquet mau doun pourtabe au co la toucadure, degû nou-n abè jamey sabut arré, — mau pesant e dous tout en u cop, doun lou temps abè quauque drin aleujerit la premude, mes qui demourabe barrât entau dehore. Qu'ey ço qui lou mounde e y aberé poudut ha ? Que-nse semble, à bèts cops, qu'en descargan-se l'amne qu'en seran tranquilisats per ço qui d'autes e partadjaran la nouste péne ; mes que y a doulous qui nou s'apadsen goàyre, per partadjades qui sien, e si lou counfident tradéch, qu'ey u mau en suberpés. Jan que s'abè goardat en co-hens lou sou, permou qu'où credè sens remèri. * * * U die, dou bibén de sou pay, que s'ère troubat embitat au castèt de Denguî ; moussu de Saletés qu'abè ue casse au porc-sangla e lou coumbit qu'ère dous bèts. De-miey lous cassadous, quauques cassadoures que-s troubaben, qui debèn segui la batude à chibau. Jan de Bordebielhe qu'abou lou hèyt de remarca ue bère joéne fdhe qui ère à pè, pelhe courte e haut boutade ; qu'abè ue petite carabine de cabalerie passade au saute-cor e dus pistouléts qu'où lusiben à la cinte, mes aquet armalh, suban et, qu'ère mey lèu de parade que capable de serbi tau sangla. Que poudou sabé que la bère cassadoure qu'ère madamisèle de Larray, d'Arbus, la hilhe d'û capitèni de l'Emperur Permè, qui abè dechat û bras à Mountmiralh e qui-s benjabe de la soue malachance, coum dise, en eslheba hilhs e hilhes à la manière dous « enfants de troupe », arrecattats p'ous régiments aus temps glourious. La joenésse qu'apère la joenésse ; coum l'aynat de Bordebielhe e-s troubabe lou soul gouyat, ou quàsi, de la trouperade, que-s hé lou chibaliè serbant de madamisèle de Larray durant la casse. Nou y a pas coum l'accioû ta balha beutat en û bisàdje de hemne : �293 — la batude à trabès lous ahourès, la hide de béde à passa lou herum à pourtade, qu'abèn animât lous oelhs e rousat la pèt de la casssdoure ; en passant à trabès u arroumega, la manje dou cors qu'où sère desafaytade e que calou que Jan l'at aydèsse à pedassa, mes, d'abé regat aquére pèt fremente e caute, que l'abè toutu hèyt û nou sèy que doun ère bèt drin segoutit. De-cap à miey-die, lous haméts de la mute que parescoun apressa-s dou poste oun lou mèste de casse abè plaçât lous dus joéns ; lèu, au brut de las branques séques crascalhades e dous boussats qui s'esperrequen, que recounegoun que la bèstie n'ère pas hère loegn ; en ue esclarèje, lous cas que la juntèn e que la fourcèn à s'arraca. — Aprestat-me lous pistouléts ! si crida la cassadoure au sou coumpagnoû. Déjà dus praubes câs que-s toursèn sus la pradole, lou bénte esquissât per las terribles cachiles dou sangla. Resoulude e segure —: e Diu sap quin bère à d'aquet moument ! — madamisèle de Larray qu'ana dret sus lou heràsti e, à quoàte pas, qu'où descarga lous dus pistouléts en plé cap ; l'û cop de baie qu'abè troubat l'aurelhe. Jan n'abè pas abut sounque lou temps de s'abeta lou fusilh sou e qu'anabe tira, quoan, dab û beroy gèste de chibaliè serbant, qu'où hica enter las mâs de la couradjouse gouyate qui, sautan de part, tira s'ou pic, trauca l'espalle dou sangla, qui s'aclepa à tout de boû ; lous cassàyres arriban en hourrère au mey courre, que troubèn lou tribalh hèyt ; las aunous qu'estén enta madamisèle de Larray, qui-n ère toute fière ; que boulou que lou sou coumpagnoû s'en abousse la part, mes Jan que s'ère hèyt enta darrè ; qu'où permetou d'enténe û parelh de cabalières qui chapoutaben que « lou lusilh de moussu de Bordebielhe qu'en abè hèyt mey que lous pistouléts de madamisèle de Larray » ; mes, aco n'ère que « mounéde de cours » ; et que sabè ço qui-n ère ; en soun sicap de paysâ, û esclam que remouliabe : « Biban ! quine hemne que haré per deguén ! » Qu'ey en segui d'aquet aha qui abè parlât au sou pay de maridàdje. U aluquét que pot, en û arré de temps, hica ue lane à hoéc ; d'autes cop, lou hoéc que coue e qu'ey au moument oun ne s'y atendèn brique qui s'abambe e eslamate. De segu, Jan que-s brembabe, soubent, dab plasé, lou matiau de Denguî, mes que semblabe plâ que n'estésse arré de mey que lou soubiéne agradiu d'ue agradibe rencountrade ; toutû, sustout si croudsabe s'ou camî quauque maynade alurade e cinglante, la pensade qu'où se pourtabe, per coumparesou, de-cap à la gaymante coumpagnie de la casse de l'aute cop, e qu'ère toustém enta la trouba mey beroye e mey escahide que nade aute. Atau, chic à chic, lou co tout soulét qu'où s'embescabe. U die, que sabou que Madamisèle de Larray que-s maridabe. Dab qui ? Be l'ère dounc parié ! Mes, au mau qui-n ressenti, que bedou plâ que l'aymabe, e Diu sap quoan ! Per aquére tempourade, que s'iniciabe, dab moussu de Bordebielhe, au mestiè de cap-maysoù ; qu'ère permou d'ère, dount boulé �— 294 — esta û espous digne, û pay de familhe capable e fier dou sou noum, e tout aco, d'û rapat, que s'esbounibe, lou rèbe qui hasè tout desbelhat lou die e qui perseguibe la noeyt auta-plâ, que s'esbaubibe sens espérance. Quoan se poudou rasouna, que recounegou plâ de qu'ère partit en bire-hôu quauque drin e que n'ère pas ue rasoû, permou qu'û die madamisèle de Larray lou s'abè gaymantejat, ta que-s debousse pensa d'et ço qui et se pensabe d'ère, mes, quoan lou co s'ey dechat gaha, ne soun pas lous rasounaments qui-u goariran. Jan de Bordebielhe qu'ère de trop boune trempe, trop leyau e trop iièr, tabé, ta-s plàgne à qui qu'estésse. Quoan s'esté assegurat que lous bruts dou màridàdje qu'èren segus, que sabou cara-s e goarda-s per si la delère ; jamey amne qui bibe nou s'apercebou d'arré. Lou màridàdje que-s hé ; lous nabèts espous que desparescoun dou parsâ. E puch, si lou temps ne goarech pas toustém lou mau d'amou, que l'apadse chic ou hère ; mes, nou eau pas qu'û mout, soubent, entau desbelha. * * Tournât à la crampe soue, Jan, doun lou cap tournejabe encoère, que s'ère ajassat tout bestit. Qu'abè drin acatat lous countre-bents, permou dou sourelh qui déjà hasè ninaroles sus la couchinère ; la clarou drin amourtide de la luts dou die que plasè mey au sou turment e, sénse quàsi cluca lous oelhs, que poudè béde à dansa las imàdjes qui-u jessiben dou cerbèt e qui dechabe bàde au grat de las bouharades. Au cap de drin, quoan la soue pensade abou prou bagamoundejat, que-s dé û segoutit, coum hèn lous mounjes en meditacioû qui-s soun lechats drin ana p'ous estrems e qui, d'u cop boulentàri, s'en tournen enta sus la bie. Oun n'ère ?... Lou sou mau de co n'ère pas mey coum lou s'abè counegut. N'abè pas abut lou parât, despuch lou sou màridàdje, de lebéde madamisèle de Larray ; en se remembra de la casse de Denguî, qu'esté tout estounat de-s soubiéne de tout lou mounde e de béde que la bère cassadoure, en toute-escatse, n'abè pas goayre arré qui la hésse diferente de las autes damisèles qui èren aquiu. « Aném ! si hé, tout en se passa la mâ sus la tèste, tout aco qu'ey passât ». E qu'où sembla tabé que, despuch dies, lous ahas que î'abèn hère cambiat las idées de joenè ; las gouyates qui rencountrabe, que las troubabe toutes parières de corps e de bisàdje : lous nèrbis que s'èren ataysats ; n'ère pas mey û joén garçoû e que dechabe à d'autes lous jocs qui n'èren pas mey dou sou temps. Que-s troumpabe. Toute cause creade que bad dab lou besougn d'ayma, e toutû coum la hàmi nou-s tire qu'en minja, lou mau d'amou nou-s goarech qu'en ayma. Lou nouste co, quoan la hamoulère e-u gahe, que déu trouba qui-u respounie, sinou, que risque de s'en mouri. E lous ancièns, quoan disèn de quauqu'û de qu'abè lou co sec, que' sabèn plâ ça qui-n ère. (Que seguira.) SIMIN L'Emprimayre Mèste en pè : E. PALAY. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 38, n°07 (Abriu 1934) Alternative Title An alternative name for the resource. The distinction between titles and alternative titles is application-specific. Reclams. - Annada 38, n°07 (Abriu 1934) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - avril 1934 - N°7 (38e Année) Creator An entity primarily responsible for making the resource Palay, Simin (1874-1965) Camelat, Miquèu de (1871-1962) Pic, André (1910-1958) Jouveau, Marius (1878-1949) Lacountre, Louiset de Souyeux, Désiré Lou crabé de Mountmartre Laborde-Barbanègre, Manuel Tastet, P. Rondou, J. Escoula, René (1895-1975) Bastard, Antoni de Arrix, Léon Laborde, Narcisse Marrimpouey Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1934-04 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (48 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2899">http://www.occitanica.eu/omeka/items/show/2899</a> INOC_Y2_15_1934_04 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-23 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel