http://occitanica.eu/files/original/aff1ce128f252c6896b11f0213d7e2a0.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/ca3cf1e4d2d8cca6d6b30d7851d915ba.pdf 5db9aca9cbf39e5fec29aefcd4a25a6c PDF Text Text 38«« Anade May de 1934 L'AMASSADE DE PASQUES De Pasques, lou tems dous, e las tréndes berdous que-ns amien las flous de hère de coulous, tant que lous aymadous soun gays e cantadous, si disè, Bernât de Bentadou, lou pouète de l'amourousie, que y-a mey de sèt sègles. Mes, augan, Pasques e prime que seran meylèu frescotes, augan au 4 d'abriu, medich dens las arribères assoubacades, la yèrbe qu'ey au ras dou sòu e be soun bergougnouses las flous dous cerises e dous pesseguès ! Ayre ret e frescure nou estangaben toutu lous balans dous amies de Febus, e la loue amassade que hou de las mey numerouses. Qu'abèm lou gay riale d'y béde de coumpagnie, dab la reyne Clotilde, la soue serou Marie, Daune Coustet, daune Elise Tonnet', e dab ères u bintenat de counselhès. Noumentém-lous de seguide. Lou capdau d'aunou Daugé, pla goarit dou malandrè de que y-a dus ans, lou capdau Simin Palay, lous mèstes en gay sabé, J. Eyt e Augustou de Lacaze ; nouste dinerè Tucat ; Loussalez oubrè de Fore prumère ; J. Forsans (l'amie de Lalanne) dab Bouzet, Lasserre-Capdebile, Pomès, qui soun de la segounde toucade. Lous qui aperam de la lhebade de la guerre Caseboune, Moulia, Andrèu Sarrail (lou crabè de Mountmartre) e enfingues lous coue-nidès, lous darrès espelits Andrèu Pic, Marcel SaintBezard, Antòni de Bastard. Ya que mey d'u tabé debèn escribe de ha coume se y'èren, pusque lous coumbats de la bite ou la malaudie lous estacaben. Lous sost-capdaus Andrèu de Baudorre e P. Sabathè toustém drin marfandits ; lous caperas Y.-B. Laborde, P. Mounaix, L. Médan, gahats p'ous debés dou lou menistèri. De mey mous de Laborde-Barbanégre, pay e hilh, — payris d'ue campane qui batisaben per Pasques à Huningue en Alsace, en soubeni dou defensou de 1814, lou lou arrè-ouncou — nou poudèn tapoc trouba-s à la nouste partidote. A las dèts qu'èm à la Maysou daurade. Sus Fembit dou capdau S. Palay, Cesàri Daugé que-nse debise de las hèstes dou Mount ; qu'a bist à moussu-ou Mayre, qu'a bis nouste counfray Henric de Sequè e lous mayes coumbienguts que soun hèyts, y-a que la Lane, doun lous yemès e soun roeynats per très ou quoàte ans de male-bénde, e sien en susmaute, d'aci au dusau ou tresau diménye de setéme, las causes que s'apatsaran, bessè. �— 296 — Lou capdau que parle de las nouminacious au counselh necessàris per la desparescude de dus counfrays : Leopold Bauby e Leoun Arrix. « Coume la Bigorre, si dits, ey chic representade au counselh, que proupousarém de balha lous sètis à dus amies d'aquet parsâ. » Lou counselh que causech u parelh de yoens : Yan de Maupoumé, de Tarbe, estudiant de l'Escole dous Hauts-Estùdis de sciénees poulitics, e Antòni de Bastard, de Peyraube, estudiant1 de la Facilitât de létres de Toulouse. En places de Leoun Arrix, Bené Escoula que passe sost-capdau ta la Bigorre e Antòni de Bastard qu'en sera lou segretàri. Puch, coum Yan de Maupoumé e s'y hé bèt tems-a per la capitale, ta la recrube de counfrays nabèts e ta la proupagande dens lous yournaus, d'are enla, qu'y sera lou nouste delegat. Mous de Tucat dinerè que présente lous coumptes, punt per punt. Qu'amuche quin las 48 payes dous Reclams se minyen la mounéde de la dinerole. Cade numéro que coste u bilhet de mile e nou-nse soubren que 4.967 fr. 85 taus dus trimèstres de 1934 à mâugrat l'estrée de 1.500 liures qui-ns esté hèyte per mous de Daugé, en Aryelès. Se, coume ey proubable, nou poudém acampa cent ou cent cinquante abounats de mey, qu'aberam à-s countenta, despuch de 1934-1935, d'ue rebiste de 32 payes. U gran mercés à nouste dinerè doun lou tribalh de manobre y-a qu'escounut, ey au pè de la nouste acciou ; u gran mercés tabé ta mous de Marrimpouey doun lous soegns de cade die hèn dous Reclams u gay, u plasé taus oelhs dous leyidous. Qu'en èm à la quoatau endique : Las counferénees de las Nourmales, retardades per la machanterie de l'ibèr, mes, are, dab la prime Yan de Tucat e Simin Palay que s'apoudyaran ta Lesca e ta Pau. Oun n'èm ta l'ensegnamén dens lous coulèdyes ? Om que sab qu'ey dat dens las Institucious de Garrasou, St-Pè, Betarram, Nay, Aulourou, Mouncade, mes d'autes coume Auch, Euze, Dacs, Samatan, Mountreyau qu'aténden encoère lou pla-boulé d'ensegnadous. Y-a eau espéra que l'exémple dous abats Vignau, Cassagnard, Laborde, Mounaix, Badiolle, e Cambus qu'encitara quauques proufessous dous yoens à s'abia per aquet cami. Qu'ëm ballèu à mieydie, que s'en bam plega la came. A l'ore dous brindes, permou qu'en aberam augan, — n'ey pas tout die hèstes, e ballèu nouste capdau que hara lous sous sichante — lou counselh qu'a tiengut à nou decha passa l'escadénee sénse auheri-u u testimòni de la soue amistat, de la soue admiraciou, ta ue obre qui, bounureméns, n'ey pas acabade. Quoat'e ou cinq counfrays qu'an pourtat prousey ou cante : Lou pay Mounaix qu'a rimade ue pouesie ; l'abat Laborde qu'a tescut u article sus lou darrè prèts-hèyt dou capdau ; Andrèu �— 297 — de Baudorre qu'a lièyte ue cansou. Qu'ey nouste reyne Clotilde de Lamazou e lou sou fray caddèt qui la hèn brouni sus l'ayre de « Roussignoulet qui cantes » : Que la troubaran dens aquéste numéro : Pensats se lous patacs de mas arcoélhen aquéres beroyes e tringlantes bouts ! Qu'ey lou capdau d'aunou qui-s lhèbe puch : Amies counfrays, Que mégne lous 38 ans. Lou XIXau siècle, hilh de la Reboulucioun qui abè esbrigalhat la bielhe France en départeméns, heyts de pedas qui s'espiaben souben coum can e gat, e, pramou d'eco, trufandè de tout so qui n'ère pas Paris e las soues modes desarrigantes de case, que-s mouribe, e l'Escole Gastou Fébus que hasè beca de l'oéu sept pioucots, qui piulaben austalèu p'ous parsans de Biarn, de Bigorre, d'Armagnac e de Lanes. Mes pioucots qu'an bet que piula per hort qui sie, jamé ne soun que pioucots. Qu'ous calé ue may ent'aus apriga, ent'ous escalouri débat las aies entertan qu'estoussin prou plumits. N'ère pas estât ue may, mes un pay balén, aymable se-n y abè nat, lenque desligat coum nat aboucat de Paris, agradiu à touts e agradat de touts, qui abèbe escalourit la coade e la megnabe espernica e canta p'ous parsans de Gascougne. Lou beroy omi qui ère mous de Planté que s'y hasè ta plan que banlèu lou sept, plumits e croudzats, que poudèn d'arenlà ana-n cap-quilhats e hardits. De tan liardits qui èren, un ahoalh d'escouliès qu'ous arribaben, e un gran amie plan munit d'ardits e de hoec felibrenc, Meste Bibal qu'ous apourabe touts en un bielh castet oun Gastou-Fébus, lou payrin de l'Escole, abè heyt bouta à la mode dou soun tems : J'ay belle Dame. Aquere Dame, n'èy pas besouy de-b at dise, lou nouste capdau Simin Palay qu'at a prou dit à cade amassade de l'Escole, qu'és enta nous la Gascougne aymade, dab la soue bère lenque toute pigalhade de dialectes, rays, riches d'idées sancères e d'arrepouès, cadun à là soue mode, qui soun tout en un cop de parsan e de case puja cade maysou qu'a sa faysou. Lous 38 ans, — lou tems qu'és un lè esparbè, —qu'an esperrecat la praube coade. Lou capdau Planté e Lalanne que soun partits tabé coum lou beroy poète abat Labaig-Langlade, coum lou tan plasén calamejayre d'Orthez, Lafore. Très que damouren, lou Camelat de la Beline e de Mourte e Bibe, qui a heyt dous noustes Reclams la mey bère Bebiste felibrenque, aco sie dit chens ne boulé tira mey de glori qui nou eau, Eyt, toustem hardit e joen, e lou nouste balen e ahoegat capdau, Simin Palay, qui douman, — perqué nou pas disé-c ; s'ère enta la reyne n'at diseri pas, — ba ha lou saut en plen sessante ans plan emplegats, — qu'at eau dise coum ey e la bertat n'a pas sounque ue face, — à la rebiscoulade de la nouste bère e lusente lenque de Gascougne. Cantes, pouèmes, trajedies, coumédies, batalères, roumans, tout que l'éy boun e à tout qu'éy oubrè de prumè escantilh. Coum a hèyt ét enta trouba lou temps de hica sus pè, tabé coum Mistrau abè �— 298 — hèyt enta la soue lenque de Proubénce, un dicciounàri biarnésgascoun plan bastit, encoè ne sie pas dous mey emparlits ent'ous mile detalhs qui l'aurén poudut ha dise, mes qui sera un mounumén dou Biarn e de la Gascougne ? De hiu en agulhe lou talhur qu'apelhe lou soun mounde. Coum hiu e agulhe èren lous utis dou nouste Capdau, qui-s hè toustém un plasé e ue aunou de sinna las soues batalères lou Talhur, qu'a poudut ha obre literari, didactique e de proupagande felibrenque, qui passe de toute la hautou dou pic dou Mijour tant so qu'an poudut ha lous capdaus de l'Escole aban lou nouste Simin Palay. Bertat lou dicciounàri qu'a début ha un tarrible esquich à la potche, esquich d'austan mey escousén que n'èm pas riches en Gascougne felibrenque. Quin un malur Bibal dou Castet de Maubesin que sie mourt ta lèu ! Coan de cops aquet omi m'abè dit : « Brabe caperan, bouts qui bats courre un tchic pertout, lièts-me doun un dicciounàri gascoun e qu'où harey emprima coan me cousteré las sessante mile liures ! » Las sessante mile liures que soun desegu passades lhèu de quinze ou bint. Bibal qu'èy mourt, mes la Gascougne que biu e que bo bibe ; se n'èy pas oey que sera douman qui l'esquich sera barrât e l'aunou que sera aquiu per un cop se lous sos ne j'èren pas. L'aunou ! E se-b broumbe, amie capdau, que-b demandabi l'an passât, arroun abé heyt — n'ère pas ue gascounade, nou, — dens lous Reclams lou crit dou blasoun de majourau — majourau que-m parechèbe esta un titre de noublésse — perqué ne haréts pas lou boste coum jou e Camélat abèm heyt cadun lou soun. « Qu'a bère pause que me l'èy heyt, se-m respounouts dab un arrisoulet. — E so ((ne j'ats boutât dessus ? — Un hasan dab asso : Que canti à toute are ». La boste moudestie e-n deboussi bé sanna, aquiu que l'ats, amie Capdau, lou boste hasan qui a cantat coum jamé hasan de Biarn e Gascougne n'a cantat. L'amie Lacoste, lou pintre dou Castèt de Maubesin, que l'a dessinât, Auch que l'a photogravurat Camélat e jou, e tabé touts lous de l'Escole, bertat ? qu'où dam aus bostes sessante ans joens e hardits, en espéra lou bintenat d'anades qui-b damouren à courre que-b trouberan austa joén, hardit e balen coum l'èts estât aus sessante ans escourruts. Lou Blasou dou capdau que hè lou tour de la taulade, e et, b'at eau pla, en quauques moûts, Simin Palay que respoun dab l'arrise aus pots : Aymables Reynes, Amies, Si n'èri pas barbut coum soy e que-m poudoussi ha passa per ue hemne, lhèu que-m fachari permou que-m hèt préne per mey bielh que nou soy ; e aco qu'ey hère desagradable, enta ue madame, si disen las mâchantes lengues, de clama que n'ey pas mes yoéne. Mes à you, nou m'ey pas brique de grèu de-b aboua que soy badut lou 29 dou mes de May en 1874, sus las oeyt ores dou matî — que y èri, dounc qu'at pouch sabé au yuste — e ne b'en bouy pas brique, �— 299 — permou que sèy qu'ey la boste amistat qui-m bau d'esta hesteyat permè que nou m'y seri atendut. Aquére amistat, que la m'abét proubade tant de cops, amies, que n'ey pas mey paraule en bouque ta b'en dise mercés coum at bouleri; urousament, que-nse couneguém e que-ns aymam prou touts, enta qu'en tau auhèrte lous moûts nou sien de toute nécessitât enta-b dise quin soy toucat dous bostes souhèyts. Si débi encoère abé la force de serbi la cause nouste, la terre mayrane, la Patrie, you tabé que demàndi à Diu que perlounguéye l'àdye dou me tribalh, dinqu'au moument oun s'y pousque atégne. Trinquém dab aquére espérance ! Que bouy yunta-y toutu gnaute santat: la boste e la de toutes las bostes familhes, amies, e coum nou eau yamey desbroumba lous absents, tringuém tabé à la santat de touts lous escouliès de Gastou Febus ! Loungadaméns ! Que tringam dab Yurançoû dou pelut, que perloungueyam encoère lous batalis. Se mantu s'en deu ana ta las quoàte, la maye pourciou qu'èm aquiu dinque à sèt ores. Bounes pauses, pusque las maynades demiades per Bouzet que-ns e balhen, à gratis, u councert de cantes biarnéses enço de Bérot. Que seré de souheyta que lous amies noustes e biengoussen per escabots à la reuniou pascoau, que coussirèssen medich lous qui nou s'y soun yamey escaduts : Mous de Balagué, mayre de Baigts, nou s'en manque nade, e Bouzet, augan, que-ns amiabe lou sou amie lourdés, Mous de Mathurin. Aquéste que poudera dise aus de la ciutat de Bernadéte, quin lous de Febus e soun brabe mounde e se saben deberti quoan eau e coum eau. Ta Pasques, n'abém pas lou hourbàri, lou tourroum-bourroum de las hèstes de setéme ; mes anats, lous qui tastaben u cop d'aquéres amassadotes amistouses, nou-s saberén esta de tourna-y. M. C. �— 300 —■ LA SICHANTENE Ta SIMIN PALAY, nouste Capdau. (Sus l'ayre : Roussiynoiilet qui cantes.) Amie, enta-t ha hèste Qu'èm touts aci bienguts, permou boulém, gran Mèste, oey, da-t noustes saluts. Qu'as dounc la sichanténe ? Moun Diu, quins grans ahas ! Autour de la binténe nou, n'y pensabes pas. Lou tems de la yoenésse que s'ey dounc acabat, mes nou n'ayes tristesse deplâ l'as emplegat. Brabe e baient manobre de goust e de sabé, s'ès fier de ta bère obre, qu'en èm nous auts tabé. Ayes tousiém couràdye ; oun Diu e t'a hicat hè toustém toun oubràdye e nou-t digues macat. E, ta l'ore darrère, hère loegn, Diu qu'at sab ! seras urous encoère : Qu'as l'Immourtalitat. May de 1934. ANDRÈU DE »% A BAUDORRE. A En aunou dous Sichante de Simin Palay Lou beroy Caddèt de Gascougne, Espiat-lou, qui-ns e bié decap ! Aquet, tè ! que-n ba chens. bergougne E fier, lou berrét sus lou cap ! Chens qu'où pèse au mendou la barbe, Que-n passeye ue bère garbe Qui pertout amie lou gay. B'a doungues et la boune care ! E quoan debise, qui nou-s care Enta 'scouta Simin Palay ? Lou gayman e fi. debisayre, Plé d'esperit e de gauyou ! Dab pëbe e sau, drin d'alh, chens ayre Nat de pègue pretenciou, Que-y sab hourni drin de mesture, Ta ha mey sabre la garbure Qui tourrine en gran cousinè. Be caleré bouque eslincouse Ta nou pas la trouba chucouse ! E n'ey pas brique hartanè. �— 301 — De « Febus » en las amassades Be-s trobe à d'ayse sus l'empount ! Dous poi's qu'où sorten las pensades En chourran, coum aygue de hount. Que l'escoutat, l'amne atendride ; Puch lèu, que-b hè ploura d'arride, E yamey nou-s pause lou briu... Quin Mèste de la batalè.re ! Sichante ans-a, la mayroulère Que l'abè pla coupât lou hiu ! Si parle miélhe que nat lïbe, En natre e puchan ouratou, Tout parié, quoan lou plats d'escribe, Que l'ey dat tabé : qu'a lou dou. Que boulet, amies ? Couyounades ? Sie ta gouyats, ta maynades, Que-b poudét, perma, deberti : Prose ou bèrs, drames, coumedies, Que-b èn balhe ta trente dies, E qu'où ne demoure au toupi. Espiat e causit : «La Bugade... L'Asou embroutchoat... Lou tems que cour... Nadau... La Reyente mancade... Bugadè... Testament dou Mourt Qui tourne bibe... » U sé de plouye, Yougat « Lou Marcat de la trouye » Ou « Caddetou », plat de gourman ; « Lous lapis », « La Remue encrabade »... E — pèce tandes cops yougade En tout parsâ — «Lou Franchiman». B'abét seguit las « Batalères » Hens lou « Patriote » de Pau ? Be-n a, «Lou Talhur», bastat hères, A pous d'agulhe e de didau ! Be-n a yetat « Clams de douctrine » .' Que de peleys dab lou «Pierrine», Lou « Desesîruc » e « l'Esbagat » / Coum n'an pas ets la bouts arrauque, Au yournau, lous quoate, chens auque, Que ifénin soûls tout u marcat, �— 302 — Simin Palay sustout que cante. Aus bint ans, hardit coumpagnou, La soue bouts deyà qu'encante Coum ue bouts de roussignou. « L'Arquet », en « Bercets de Yoenesse»,' Lou bèt sauney plé de finesse ! Prou soubentetes, dab aco, Lou gay troubadou, ta tout dise, Qu'ey passât Mèste en trufandise : U mèrlou qu'où siule en lou cô. Mes en lou bèt libe de « Case » Lou mèrlou que s'ey estuyat ; E lou roussignou qui s'eslase D'u gran cop d'ale qu'a puyat Dinqu'atégne la haute brangue D'u hau, besi de l'arriu blangue, D'oun, en gras d'or e de cristau, En la noeyt blue, à l'aube clare, La bouts esmabude desglare Rabalays d'amou sus l'oustau. Mey haut, afranquin las espàcies Capsus l'arcouli, yénce arcèu, Dens « Las Pregàries e las Gràcies » Lou pouète qu'ategn lou cèu. En aquet libe, quin perpite L'amne crestiane ! Qu'ey la bite Dibine qui rayoune aquiu. Urous coum et qui sab atégne Lou parsâ d'or, oun Nouste Ségne L'arcoèlh à la fàcie de Diu ! Segnou, dechat oubra sus terre Loungtems nouste baient Capdau ! Que-ns gabide loungtems encoère Bat la cape dou cèu de Pau ! Touts que-y hournim gn'aute pregàri : Goardat tabé lou Segretàri ! De yoens enlà, coum rays, touts dus Qu'an sabut toustém se-n entene, E que soun, à la sichantené, La glôrie e l'aunou de « Febus ». �— 303 — Felibres de Biarn e Gascougne, Darrè d'aquets, « Febus aban » / Lhebém la care chens bergougne, E siam fiers d'ets, au double-ban ! Que-s bed de soubres, chens candéle, Qu'à la clarou de Sente Estéle Qu'an touts dus prou haut escalat, Truquém de mâs ta d'aquets brabes ! Loungadamens, pou cant dous Gabes, Bisquen Palay e Camélat ! 9 de mars de 1934. P. MOUNAIX. BALADE DOU BIELHUM1 Quoant om ey yoén, la Muse, noeyt e die, N'estangue pas au tour de-b roudeya, A tout moument qu'où gahe la houlie, E nou eau pas, aquiu, marcandeya ; Passa-n que hèm per tout ço qui demande, Que debatém, mes que seguim à l'oélh. — Las ! dies a, goayre arré nou-m coumande... Qu'at èy à créde : adare que soy biélh. Sus lous bint ans, au rebat de mieydie, Que hè plasé de poudé-s oumbreya, E, mey que mey, si lou boû hat amie, Au ras dous pots, ço qui-b hè souneya. De tout aco la bouque qu'ey gourmande, Permou que pot gousta-n lou yus bermélh, — Mes, dies a, nou-m porten nade oufrande... Qu'at èy à créde : adare que soy biélh ! Bibe, autâ-plâ, qu'ey ue malaudie. Pâ que boulém, mes nou pas hourneya ; Lou maynadot, qu'ey au gouyat qui 'spie, Mes que disém, quoan bién l'àdye : « Deyà ! » Qu'arrougagnam sus tout ço qui-nse mande La bite pègue, en bélhes ou soumélh, Toustém cercan de Vue à Faute bande... — Que-b abisat, si-m pénsi, que soy biélh ? MANDADE Prince ! Tout que partech à la desbande, Que sie à l'oumbre ou que sie au sourélh, Arré nou bòu respoune à la coumande... Qu'at èy à créde : adare que soy biélh ! SIMIN PALAY. (1934) �MOUNDE E CAUSES DE NOUSTE I LOU DICCIOUNARI DEU BIARNÉS E DEU GASCOU de SIMIN PALAY Lou Dicciounàri qu'ey sourtit de las premses de Marrimpouey. Qu'ey partit en dus libes de bèth drin d'endoum : en tout, que hè mey de 1200 payes in-8° e que countié u aha de 60.000 moûts ou articles. Abans de quilha lou tloc de las acabialhes, qu'a calut au Capdau, Simin Palay, cinq ans de tribalh pacién, de recercs sapiens e abeyius ; quoan pretén que n'a pas passât u soul die, ta dise, d'aquets cinq ans chens y da u cop de ma, e que l'a aparit de ha yournaus de mey de oeyt ores, que-u ne bouy créde. Amassa moûts, qu'ey ue coente, per segu, mes aco n'ey pas lou tout. Lou mandican tabé qu'apièle hens la biasse tout ço qui trobe ou tout ço qui-u dan, mes aquet atrassadis que hè ue mesclagne chic gayhasente, ue gaholhe de mau debèrse. Mes arrua aquets moûts à l'arrèque qui eau, enyassa-us coum lous gras de cése hens la téque, trouba la significaciou natre, yuste, la « nuance », coum disen en francés, de cade tèrmi, hica aquets moûts à l'es-dret deus lous parious, serca lous dises sabrous e escarrabelhats qui courren esbarrits capbat la memori poupulàri, aco n'ey pas biande de tout estoumac. Nou sufech pas de boulé, que eau sabé. Lou Mayourau Palay que dits que, ta coumpli aquére obre, n'a pas maneyat l'arnés tout soulét. Que l'an aydat, que l'an dat bèth cop de corde. N'ey pas u petit meriti de sabé trouba l'ayude qui eau e quoan eau. Lou cap-mèste d'obres qui a quilhat ue catedrale n'a pas tapoc picat cade pèyre deu mounumén. Toutu, lou noum soul deu qui abè ayergat lou plan que demoure. Aci tabé, lou Dicciounàri que porte lou signet deu Mèste Palay. Eth qu'ey e que demourera lou cap-mèste. Qu'en abéra l'aunou e que l'ey début. Si laudi lou Dicciounàri, qu'èy mantue resou t'at ha e que-b en bouy balha las probes. Ta arrecatta lous moûts, Simin Palay qu'a hèyt coum lou qui ba cepa ; lous céps nou-s coèlhen pas peus casaus de las biles, mes per dehens lous arrècs, las heuguères, las castagnères estremades. Lous mèstes, lous proufessous de la loengue mayrane que soun lou mounde deus cams, las bielhotes qui n'an pas francimandeyat, lous qui nou soun pas goayre sourtits hore deu crit deu hasâ. Aquets moûts de boune traquete u cop atrassats, que-us a acrucats per familhes, suban la loue tagnence, e nou eau pas courre Sagorre e Magorre ta trouba la parentat qui-us ligue enter eths. Qu'ey u tribalh hèyt dab « méthode ». Ço qui ey tabé de grane nautat, qu'a mercat lous « synonymes » e aco que balhe la mustre de la richesse deu loen- �— 305 — gàdye nouste, aco que hournech ue ayude de las granes au qui bòu coumpréne las mey fines « nuances » deu parla de case. U mout tout esquilh, tout esbarrit, qu'ey coum à qui dits u secalh chens chue ni bite. Mes aquet mout ligat dab d'autes que hè u arrepouè, u acoumparè, u dise, ue loucuciou qui tire à l'arrepouè, e aquiu que-y a coulou, bite, nèrbi, aram chucous e aulourén. L'arrepouè, la loucuciou qu'amuchen la care bertadére deu parla poupulàri. Birat-lous en gnaute loengue, nou trouberat pas en aquére birade lou sapte de ço de hèyt à case, e que eau abé poupat en baden aquéres fayçous de parla ta poude endebina tout ço qui tiénen. Aquéres loucucious, sourtides de la race, miralh de la race, soul u de case, coum Palay, que las poudè espiga. Riales que soun las qui s'a desbroumbat de hica à l'estrus, lou coelhedou entenut. Suban lou me abis, aquiu qu'ey la trie deu Dicciounàri : la medoure, lou cô de la loengue qu'ey aquiu. Tabé, lou Dicciounàri n'ey pas u segrat oun droumen hens u tahuc lous tèrmis mourts e dilhèu desbroumbats. Nàni, qu'ey coum u berdurè, u yardî oun s'esplandech la bite. Qu'ey Coum u casau flandit, de flous tout pingourlat, suban lou bèrs yumpan de Seignor. Lous qui boulhen coumpréne la finesse de la loengue nouste, aquiu que trouberan la clau deu secret; lous qui boulhen escribe u biarnés escricat e coulourat, e nou pas u gnirgou embastardit e pacan, que trouberan aquiu la mestiou de bou escantilh, lou matériau soulide coum pèyres de las Balées. Cade loc, cade cap d'òmi que porte u noum e aquets noums que bolen dise quauqu'arré ; nou soun pas estats atau balhats à la bambole. Ta us-quoans d'aquets noums, la houn d'oun an yessit qu'ey estadide ; lou mout qui abè serbit ta noumenta tau ou tau loc, tau ou tau familhe, qu'ey cadut tau clot deu desbroum. Trouba sus quine caus a broutoat lou noum de la nouste case, lou noum qui signam, nou n'y a pas nat de nous autes qui n'aye lou curiousè d'at sabé ? Dab lou Dicciounàri, lou qui s'en boulhe enquéri qu'abera u esplic segu e bertadè. Coustumes, tribalhs à la mode bielhe, passe-tems, dibertissances, yocs de maynadè, quoan de causotes qui s'en anerén ta la bie de las sèrques, si quauque balén nou las amassabe tau nouste plasé, tau nouste proufieyt ? Que haran bère plégue capbat lous tournés deu Dicciounàri lous qui s'agraden de las coustumes de quauquecop, de l'ana deu mounde deu tems passât. Yèrbes e flous deus cams e deus casaus, herums e pechs, auserous e auyamiots, tout qu'a u noum, per segu, mes qui-u te counech, amie ? Riàles que soun lous qui pouderén noumenta cop sec cade causilhote. Gràcis au Dicciounàri, qu'en pouderan sabé de loung aquiu dessus. Lous caps de Gascougne, lous qui an escribut en dialecte, pouètes ou prouseyadous, que soun aquiu noutats dab l'endic de la loue obre maye. Lous Sents poupulàris, qui an lechat u soubeni en quau- �— 306 — que hount goaridoure, eu bèt arrepouè, qu'an troubat tabé la mâ pietadouse qui a ligat ta d'eths lou bouquet d'u soubeni. Lous moûts qui an aleteyat su-òus pots deus payrans, ço qui a hèyt perpiteya lou cô deus debanciès, ço qui a hèyt arride, ço qui a hèyt ploura, ço qui porte lou reclam de la nouste race, aquiu qu'ey tout natre, tout sancé. L'Istori que goarde ou que hè rebiscoula lou passât, mes que parle sustout deus ahas, de la bite, de las guerres deus grans, deus capulats. L'istòri deus petits, deus lous trebulòcis, deus lous plasés, deus lous tribalhots, oun ey V Oun ey ? Hens u dicciounàri coum aqueste. Arrepouès, cantes, loucucious, badineries, trufes e yangles, chaires enter bilàdyes, aco tabé qu'ey u talhuc d'istòri, l'istôri deu petit mounde. Laudat e suberlaudat sie lou Capdau Simin Palay qui a quilhat aquére obre, yence enter las yences, débat lou cèu de Pau ! Lou pouète lati que disè, en parlan de si-medich : Exegi monumentum ! (qu'èy bastit u mounumén). Lou Mèste Palay qu'aberé dilhèu pòu de passa per bantàyre si hicabe aquets dus moûts su-ôu lindau deu sou libe. Mes lous qui espiam lou sou prèts-hèyt, qu'abém lou dret de-u clama : Dab lou Dicciounàri, qu'abét pitat u mounumén de grane payère à l'aunou deu Biarn e de la Gascougne. Qu'abét saubat ue richésse. Qu'abét counstituit u Thesaur. Nou s'y gahera yamey la rougne ni lou cussou. J.-B. LABORDE. P.-S. — Lou Ie de May, l'Académie des Jeux Floraux, de Toulouse, qu'a hèyt l'estrée d'u prêts de mile liures au Dicciounàri. II DAB SIMIN PALAY à " Case Caséte " Que y a omis qui per ue loungue bite e per la tire-corde dous estùdis, dous tribalhs de tout pés e de tout ourdi counsacrats au lou païs, e soun debienguts coum la mustre sancére de case loue. U Planté d'Orthez, u Lacoarret de Salies, u Sarran d'Auch, lous dus priimès de souque bouriése, lou tresau de tilhe paysane, au lou tems, qu'èren atau coume lou simbèu, coume lou segnau medich de la loue ciutat. Tout cadu que sabè oun demouraben ; quoau se boulhe dous qui, de chic ou de hère, se credèn letrats, qu'ous anaben béde, qu'ous hasèn parla sus mantu punt escu de nouste biélhe istôrie, sus ue coustume qui hiu encoère, sus u tros de murralhe antic, sus quauque tablèu, sus quauque bitrau sénse sinnet, sus lous bèrs d'ue cansou desbroumbade, e quoan lous sapiénts estranyès e coussiraben qu'ey decap à d'ets qui cercaben la paraule, l'esclaride soub ira ne. Qu'en demandarèy escuses au Canounye Dubarat, e tabé au �— 307 — Dou Sabatier, se calèbe enqueri-s d'u cap dab qui poudoussen soubrasa questious de pouesie, d'istôrie ou d'art, se cerquèssem dens la patrie dou nouste Henric lou beroy debisàyre, que Paberém, chens manques, dens lou Capdau de l'Escole Gastou-Febus. Ya que nou-y sie estacat que despuch de 1902, que-s pod dise que soun chics lous qui saberén coum et passeya-b dens lous soubenis de Pau la beroye. Quoandes ne bi à passa, coum sus l'empount d'u teàtre, d'omis ploumats ou saute-la-brouste, quoan de talamès de la poulitic, e medich de felibres qui, d'ourdenàri, arrecoutéchen tau capdulh de l'esprit gascou ? Quin lous ère plasént de ha-u parla bères pauses ? E nous auts, amies leyidous, s'en hasèm parié, se bachèssen ta Yelos, ta la demoure qui s'a bastide dens la balée Urouse, e que lous turouns e biren dou bént de Bayoune ; se l'anabem béde au sou la ré ? L'oustau qu'ey aquiu à l'oumpre dous poumès e dous perès. Poussém lou pourtalet, entrém dens lou beriè, hourém lou sendè. Tant per tant au sou coulidor, e deya que s'amuchen las arrengades de libes. Gahém la porte d'esquèrre, se Daune Palay nou-ns a hèyts entra dens la crampe beroye, lou mèste que-ns y arcoelhera. Oerats sus la parét lou sou pourtrèyt, u pastel de Castaing, sus lou sou burèu de courau lou sou buste per Gabard, usquoandes aygues-hortes e dessîs ouriyinaus dou libe illustrât de Case ; ença, cnla, flous d'aryént gagnades aus Yocs Flouraus e la palme que lou counsistòri dou Felibridye auheribe en 1906 à l'Escole GastouFebus. S'ou miey, lou burèu dab bèt endoum de libes e de paperalhes. N'ey pas la piéle amountounade de la taule de Sarran oun abourem pênes à trouba dus pams de place enta pausa-s lous canets, enta escribe, qu'èm daban ue taulade oun se poden recounéche adayse, e oun cade cayè ey dens lou sou loc, à la pourtade de la mâ. Que parlam, coum pensats, en prumères, de la darrère obre dou Capdau, d'aquet Dicciounàri sus qui plaben lous coumpliméns dous sapients de France e de hore France, dou tribalh atendut bèt tems-a pous roumanistes, e oun lous noustes e troben l'adret counselhè, lou riche endebinayre, lou beroy escri de la paraule gascoune. — Tè, si-m dits, labéts, lou nie amie, talèu acabat aquéste telè, qu'en eau ayerga gn'aute : Oère lous hoelhots dou Lexique Francésgascou. Qu'en èy per très ou quoate ans... N'ey pas sénse gauyou qui dam u cop d'oelh au libe qui-s hournéye, coume à d'auts cayès oun s'einbarren pèces de leàtre tant per tant calameyades, dus roumans e lou recoelh de pouesies Lou Bent qui passe, biengudes quarante ans-a, die per die, suban la debise dou hasâ que lou mèste a hicat dens las soues armes : Que canti à toute are ! — E labéts, aquet libe de pouèmis, quoan lou tires à luts ? s'ou hèy you. — « Amie, si-m tourne, de ha paréche courdères de bèrs, que débes sabé ço qui-n coste ; qu'ey u gay qui dèche escousous e nou-t �— 308 — aprenerèy brigue que se tout felibre en biste ey coume oubligat tt'auheri cent ou cent cinquante exemplàris aus counfrays qui, c^um et, e soun mesuràyres de rimes, ya sabes ço qui-u n'arribe. U libe laudat, bantat, cridat adarroun coum lou maye dous caps-d'obres passais e à biéne, u libe yessit dab ue raube escricade e qui plats sounque de l'espia, nou troubara, lhèu, dues doudzénes de croumpadous ! E puch, be sàbes ço qui biéni de despéne tau Dicciounàri ? » E au loc de mourgagna — ta que serbiré ? — que-ns en arridém touts dus, coume m'en bau decap au libiè, decap au segràri dous libes presius oun me plàsi à desnida u bielh Dastros, las Fables gascounes de Bayoune, las très ou quoàte edicious de Pouesies biarnéses de Vignancour, lous reàles Psalmes de Salette (de l'abat Bidache), qui nou houn tirats qu'à cent exemplàris, las Grammatics e lou Dicciounàri de Lespy, las Cansous de Nabarrot de 1868, lous Debis gascouns d'Isidore Salles (1885), lous Coundes biarnés de Yan Palay (lre tirade de 1899), las Hèytes de Caddetou per Gabard, lou Libe noubiau de M11" Manuella Planté (tirât à 33 ex.), e pensats s'y soun tabé toutes las obres espelides despuch de 1896 ! E n'ey pas à dise que lou Capdau n'a hèyt que las pausa e las arreca, sénse yamey espia-y, que las a leyides, espugades, anoutades, qu'en a debisat dens lous yournaus e rebistes oun la soue cretic e hou meylèu amistouse. Qu'où plasè de hica endabans las qualitats, quoan n'y abè, e quoan lous plaps èren embisagglants, nou s'y estangabe qu'à la courrude. E toutu, misère de nous auts ! Que l'arribabe de nou benedise prou lous caps-d'obres (?) qui ère aperat à yudya ! Qu'abém, dens lou Felibridye — coum drin pertout capbat lou mounde — d'aquets artistes qui soun elamats subergrans, mes doun lous bèrs tourtéyen e doun l'enspiraciou ey bouharoque. Nou béden arrés qui-s pousquen payera dab ets-medichs, e labéts n'ey pas aysit, credéts-m'en, de parla de ço qui hèn ; n'ey pas sénse cragnénces qui eau gabida ue obre au miey dous garrocs puntuts e dous gourgs troumpius de las yelous felibrénques. E passan dab amou la ma sus u d'aquets bielh s libes, Palay que m'aboue : « Mantu cop, à las ores de rèyte, quoan me calé tant de dinès enta entertiéne lous mes quoàte dròlles, qui èren en pensiou en u cop, qu'èy oubèr aquéste libiè dab l'intenciou de béne lous oubràdyes reàles qui m'abi poudut amassa, Diu sab dab quoan de péne ; mes, lèu, en ne tourna bira las hoelhes oun abi troubat tant de soulas e de plasé, lou co que se-m sarrabe e que disi, coum lou Raguenau de Rostand : « Nou ; pas aquéste !» « E per la fi nou-n mandàbi pas nad enta dehore ; la hemne e you que sarraben labéts drin mey la bretèle e, auta pla, per quauque gràcie d'estat, coum disen, que parbienèm à boucla lou trimèste. » Mes, birém-se dens la gran sale de Case-Caséte. Aci qu'ey lou piano, aci qu'ey la flahute, qui an brounit en toute sasou dous ayres de nouste, cansous de danse, couplets de batiôu, de nouées e de tribalh, nadaus e cantics. — Se-ns en cantabes ue ! s'ou hèy. E lou Capdau, sénse ha-s prega, coume s'ère dens ue hèste annau, �— 309 — qu'aubréch lous abans darrès Reclams, e que hè parti l'ayre coelhut en Aussau per lou pay Abadie : A la tour de Marmande, Landeriréte, Bèt presounè y'abè, Landerirè. Tant que y'èm, dues ou très autes de Despourri, de Nabarrot, de Lacountre, e ço de curious, Le Tilleul, de PÀleman Schubert, oun s'aparien lous bèrs de la nouste cante poupulàri Cessât boste ramadye. Ey quauque souldat biarnés de Napoléon qui abè pourtat aquet ayre en Alemagne, oun Faute lou s'abè amassât ? E dechan-se de canta, que bam ta gn'aute cournè : — A d'aquéste place, si-m dits, que biengou soubén assède-s lou inaynat dous oelhs blus e de la paraule doucine, Francés de Lartigue, labéts sourdat au 18° R. I., e qui au toque-ségnes d'aoust de 1914, e s'anabe ha esbrigalha en Champagne ; aci qu'abém prouseyat quoan e quoan, e tirats plans d'abiéne, dab Yan Batiste de Begarie... Bèt drin esmabuts, que bam ta la galerie qui da sus Pau, e doun se lhèben dens la loue raube de marme e dens lou « bèt cèu » : lou Castèt e l'agulhe de Sent-Marti. Qu'ey per las soues carrères, prôpis coum la nine de l'oelh, qui bederats quasi tout die à passa e countrepassa lou nouste Capdau. E oun s'en ba coume aquero ? B'at hè mau dise ! Lhèu ta l'Académie de Biarn ou ta l'Assouciaciou Regiounaliste qui tiénen amassade ; lhèu tau Musée reyiounau doun ey counserbadou ; lhèu tau Sendicat de la Prèsse doun ey presidént, lhèu tau coulèdye, doun ey proufessou de biarnés... autapla s'ey coumbidat en quauque debisère ? Autapla se porte enço de Marrimpouey lou paquetou dous Reclams ; permou que, sabéts, bous auts, nouste rebiste mesadière que-s pause u drin sus lou sou burèu abans d'èste balhade à la mécanique... Mes lou me amie que s'en ey anat tau sou taulè gn'aute cop, e que-m porte lou plegot de létres de la semane : Noubèles dous malauts, noubèles dous qui soun hardits, noubèles dous qui prouméten u article ou ue counferénee, noubèles dous qui hèn youga teàtre, noubèles dous qui soun sourdats, noubèles — bibe que eau ! — de las nabères recrubes de l'Escole Gastou Febus ; noubèles de la soue familhe — qu'ey payran ! — e coum arrè-hilhs qu'en a per Arcachou e per Agadir... Ue ore, dues ores lou brouquet dou prousey que s'y, ey hèyt. Qu'abém toucat u mout medich de las hèstes e dou councours d'augan. S'anabem ha u tour de bile ? Qu'èm puyats dens lou tram, e que hoéyen aus noustes oelhs las maysous de Yurançoû, e lou gran Gabe ; qu'agradilham dinque au turoun de Pau, e nou-m pôdi esta de broumba-m de las prumères bistes qui hasèm per aquiu dab Yan Passy (1894), dab Yan dou Bousquet (1895), e, en 1896, dab lous qui abiaben la nouste obre. Soubén, à d^aquets tems deya loegnècs, que-m disi : « Aboussem, au cap, l'u d'aquets omis de capàdye qui poden « paréche », clareya dens ue amassade de beroy mounde ; aboussem dab nous l'u d'aquets qui �— 310 — saben créa u ayre de te e d'espérance autour d'ets ! Abans que nou muden tous pots, que-nse sémble que nou destecaran que causes plaserouses, sounque dous béde sus l'empount que coundam que nou-nse mandaran que couplets semiadous d'arride ou hèytes bounes à ha trebate tous noustes cos. » E doungues, lou Diu qui bòu mantiéne ue Gascougne bibe e sancére, que-ns e balhè d'abiade lou mayourau besiat e emparaulat : Adrien Planté. Qu'ey et qui-nse ploumabe e 'nse hasè bira decap lous qui, labéts, reyentaben l'Idée gascoune : Isidore Salles, Lespy, Couture, Bladé, Bourciez, Lanusse... Se, malaudous, bielhit abans d'ore, nou-nse dabe de 1906 à 1912 que ço qui-u soubrabe d'ue liourtalésse arreulide e amendride, l'obre que-s troubè prou pla cabilhade ta tiéne pè dens lous eslurs dous quoàte ans de guerre. Lou segoun capdau, Batcave, òmi de sapiénce, esbarrit per Paris, que-s desmetè de la soue cargue en 1919, mes lou tresau, J. V. Lalanne, en poc de tems que sabou ha entra l'istòrie nouste à la Nourmale de Lesca e mantiéne toustém la pats dens lou nouste aròu. Despuch de la soue presidénce, lous Reclams que-s debiraben d'u cap à l'aut en léngue mayrane. E are qu'en èm dab lou quoatau capdau. « Dou brès enla, Diu qu'où prebedibe de quandes dous sous bés. Nou, de segu, de la richésse dous dinès, de l'abounde embriagant, mes ya ! lhèu se housse badut en u castèt de richards, que seré oey au cap d'ue firme d'autos ou d'abious, que haré courre chibaus, qu'aberé la mestrise de très ou quoàte cinémas. Qu'où debèn estaca d'autes cordes. Arrè-hilh d'u cansoè, hilh d'u coundàyre, s'abou ue i'ourtune, qu'ère de youi de bères lampades d'ayre de la luts dibinau; de sabé léye dens lous libes de l'escole, dens lou carnet dou sou co e dens lous grans tablèus dou Dehore. Qu'abou l'amplôu d'ue memòrie oundrade, e que-s debè plàse de d'ore ans prouclams dous disedous. Yessit dou pòple, nou boulou da que drin mey de gauyou aus sous amies dou pôple. Subertout, nou desesperabe. yamey de l'abiéne, e, à cade trebuc, — qui nou-n a sus aqueste terre ? — que-s tournabe lheba d'u nabèt balans, urous toutu, de ço que Diu l'estaubiabe d'aquets dòus qui maquen, qui estramouléchen e qui sàben crouchi à bèts cops u omi dinque à la fi dous sous dies. « Atau, dous sous sédze ans enla (1890), que s'ey poudut dedica sénse fi ne ces au tribalh felibréne. Pouète liric, qu'at demie tout, que qu'entrepréngue, en pouémi ourdounat e clareyant, e qu'ey u bé-hèyt que l'ayen, despuch de 1923, causit tau goubèrn de l'acciou la mey numerouse, la mey bouriénte de yoénes sabes de las qui-s partadyen las Terres d'O. » Tout aquero que m'at j>ensàbi, coume s'en puyabem l'aut die de Yelos enta Pau, toutu qu'au ras dou nouste Henric quilhat sus la Place reyau, engountrabem lous dou counselh de Febus. E coum lous balhabem ue boune apretade de raâ, en lous béde goalhards e atrebits, dens yqu medich que-m disi tabé : « Lou Capdau qui toque aus sous sichante, que deu encoère mantiéne l'obre loungues anades, mes aquéstes caddèts, quoan la loue ore e truqui, ya s'y saberan tabé ha, e per de bounes, qu'en souy segu adare. » MIQUÈU DE CAMELAT. �— 311 — LOU COURNÈ DOUS POUETES LÉNGUE DOU ME PAÏSO Au pa dous superbious, ô praube mespresade, Léngue dou me Païs qui m'as yumpat au brès, Bestide en reyne bère, aci, que t'èy haussade A l'aunou dous Payrans qui houn de fiers oubrès. En-permou qu'umblamén que t'estabes à case, Counténte de canta dab lous ausèts dou cèu, Serbide per paysâs, en gounèle de rase, Nou-t bedèn pas au tèsí' lou clareyant lambèu. Amuche-t tau coum es : riche, beroye e fière, Hilhe de Roume — e Ihèu l'aynade ? — aus qui disèn Que n'ères qu'ue gouye au miey de la ganguère. E que bédien, au mens, que lous ans qui passèn, Nou t'an pas esblasit la care ni la pélhe, E qu'es u floc d'or biu deguéns l'aube bermélhe. SIMIN PALAY. (1) Aquéste Quatourzî que clabe, ta dise, lou darrè « tome » dou Dicciounàri. 15e calé que lou poète que digousse lou sou mout ? ■« ' i aKsgg^^. »• EN POUSSAN L'AGULHE Nenéte, si sabès quin lou me co perpite En tribalhan lou hiéu sus aquéste triscat Qui, ballèu, boutaram sus lou brès escricat Oun arrids en droumi, quoan la hade chebite ! Que bouy couse ta tu sounque ço qui-ns embite Au bounur aci bach : Ausèts, casau floucat, E beroys parpalhòus. Ah, poudoussi merca-t, Coume aci, tout aco s'ou sendè de la bite ! S'ès badude per Creil, lou tou sang proubençau Notre, qu'ey dou bouriént e chens brigue fourça-u, Qu'auras l'arride aus pots coum la yent dou Mieydie. Qu'ayes santat e gays, e, mey tard, bou gouyat. Que toustém bosle amou que sie par'adyat... Qu'èy hèyt, agulhe ! Oun ès ? Que-ns èm troumpats de bie. ZABIÈ DE PUCHEU. �— 312 — OUBRETES DESBROUMBADES Lous Au;ois Ende / I'ANTOUNIN oumadye PERBOSC, amistadous. De la part dou men pay, tiri de noble race — Lou de la mie may n'estouc qu'un mèste hau Qui sabèue harga lou dalh e la destrau — Mes i'outs dus dens moun co tenguen parière place. L'un, lou « moussu » l'aut, lou « paysan » l'aunou de case, M'an dechat un laurè tout basut au casau E qu'où hèy berdeya s'ou deuan de l'oustau, Lou cap au cèu, lou pè tout recoubrit de brase. Aquére brase qu'es la don noste larè : Lou càssou de capsus e lou pin de darrè L'an hèyte en tout mescla la double hlambe clare. Brase dous soubenis dous càssous carsinols E dous pins lanusquets, be-i tournaras, adare, Abrita, per ma boues, dens lou cant dous aujols. MANUEL DELBOUSQUET. Abriu 1908. •a =ÇS&&- ■ =» BIRADES Eslouride d'Abriu Oè quin arrit lou cerise E quin tout n'ey en allegrie ! Aquéste cop de gauyousè Que-m ba ha bibe u beroy die ! Ençà, 'nlà, quoan ey arribat, U Abriu qu'a hèyt tremi las branques E, sus lous pots, que m'a mandat Dues gaspades de flous Manques. — Nou-m béds ? s'a dit : que soy aci, Dab gnaute sasoû, gnaute anade !... Ah ! quin arride que hasi De béde la gauyou tournade ! Qu'a hèyt yessi de l'arboulét, La pastoure, u cant de tourtére... E que m'en soy arrit dab et, E que m'en soy arrit dab ère. (Birade de S. Palay). ' APPELLES MESTBES, (Catalâ). �LOUS MOUNUMENTS NOUSTES Las bielhes peyres de cementèri Clas que soun lous cementèris qui bouten oey lou jour ue crouts de peyre talhade en cerc s'ou tabuc dous mourts. D'auts cops, crouts de boy ne sabèn pas so qu'ère. Lou boy que-s pouyrech, la peyre que damoure. Mes disém adarroun so qui-s hasèbe en l'aunou dous mourts. Au tems de la préistòri, coan lou mounde-pastous n'èren acasits sounque débat un balin, ou tente, qui-s hasèn segui d'ue part e d'aute siban que j'abè aygue e erbe à pourtade dous troupets, que bruslaben lou mourt e que boutaben brases, armes de peyre ou de hè, utis, joyes e tout, hens un toupin débat de granes peyres lounques dab un gran pielot de terre à l'endessus : qu'èren lous tumuli en Gascougne e tabé lous menhirs à so qui-s pensen, mes qui at sab ? cabbat Bretagne. Aquere mode de crasma lous mourts e de bouta las brases en toupins ou toupinots qu'a durât per nouste prou bères pauses, dinc'au IXau ou Xau siècle. Garos, proche d'Arzacq, qu'abè la renoumade de ha toupins dous qui s'emplegaben enta-d aco. Encoère oey, en ue troupe d'endrets, que disen d'un mourt: «Que hè toupins. Que hè toupins de Garos ». Parié que diseran d'un malau qui cresen que se-n ba passa : « Aquet que se-n ba ha toupins ». Se lou malau s'arregahe à la bite e hè enta goari, que disen : « Que tourne tira habes dou toupin ». Lous toupins de Garos e d'alhouns que pourtaben bite s'èren deban las brases emplegats à ha boune soupe e que pourtaben mourt s'èren enta-y bouta las brases dous qui dechaben de bibe. Mes decham aco e arribam à las noustes peyres. Talèu lou cristianisme empéutat en Gascougne payène, tout qu'a cambiat. Au loc de brusla, qu'enterraben. Que dechaben lou cos batiat counsumi-s à la terre, qui debè tourna lou mourt biu e sansé au judjemen darrè. Lou mounde qu'abèn biscut de la fé ; la fé que plantabe ue crouts s'ou mourt. Penden la bite, ana coum bouns iidèus à la gleyse oun èren estais batiats, coumuniats e mandats, aco lou débé. Coan lou boun Diu s'ous aperabe, touts que boulèn tourna à la gleyse enta las darrères pregaris e damoura-s dehens la gleyse, se-s poudè, en aumouyna l'auta, ou, per lou mens, damoura-s lou mey près de la gleyse en terre benaside, aperade lou cementèri ou endret de droumi. Pertout labets lou cementèri qui cintabe la glèyse, e atau la crouts dou cluchè que s'aprigabe lous souns coum la may-clouque aprigue lous souns pioucots débat las aies. Atau tabé la pregari dou sacrefici de la messe e la dous parens qui ne-s countentaben pas de ploura, mes qui pregaben e hasèn prega, que tournaben dise emper éts lous actes de fé, d'espérance e de caritat, pramou, se disèbe sent Pau, lou qui ère batiat n'ère pas coum lou payèn qui-s mouribe chens espère. En aquet tems qui bòlen ha un tems d'escurade, cade familhe qu'abè lou soun tros de terre au cementèri, tros de terre qui ère lou soun. Lou testamen dou mey praube que disèbe : « Que dèchi la �— 314 — megne amne à Diu e lou cos à la terre, e que bouy que sie sepelit à l'endret oun an acoustumat esta sepelits lous de nouste ». Qu'abèn biscut en ha brase de casse ou de tauzin au medich larè : que boulèn atende lou dechida dou judjeraen darrè en bet mescla las loues brases dab la dous aious : atau la familhe, la race que-s countuniabe e que s'apielabe en atende l'éternitat oun se debèn tourna touts amassa en bese, urous per toustem, so qu'abèn espérât sus terre. Que-m diserats : E las peyres ? Adare que j'èm. Sus cade tros de terre familhau, ue peyre toute d'un tros, lounque ou braque, qu'ère plantade ente merca lou dret de maysoun, e, souben, so qu'ère aquére maysoun, maysoun d'oubrè de terre ou de cors de mestiè. Lou tros de peyre qui partibe enta terre qu'anabe meylèu en s'eslarja à mens n'estousse un tchic puntude en s'eslarja per haut coum un pa d'espanles : aco qu'ère enta ne segoutissi pas. Lou dessus, qui-s muchabe hore terre, qu'ère talhat en cerc. S'ou cerc plané, ue crouts simple, ue crouts de malte, ou talhade artistemen, cauque cop dessus ue soûle part, mey souben sus las dues parts dou cerc. Figura pé ue pecete de mounéde dous XIIau ou XIIIau siècle, grane de 40, 50, 60 centimètres e plantade un cop per toutes s'ou tabuc familhau. Qu'abém dit au tems dous publes pastous qui hasèn courre lou troupet d'un pechedé à l'aut, coum hasèn dou tems d'Abraham, que L-outaben lous utis dequet tems au coustat de las brases dous mourts à so qu'aperam oey lous tumuli. Lous noustes anciens que boutaben souben dessus ou débat lou bras de la crouts lous utis dou lou mestiè. Sus la peyre dou labouredou, lou bôme de l'aret, l'arraseroun de passa lou milh ou lou milhoc, la haus soulete ou manchade coum éy encoère oey, l'agulhade. La peyre dou massoun que pourtabe truelle, martet, cisèu de talha la peyre, la malhuque de truca lou cisèu, martet de hè dentat, etc. ; la dou hau, l'enclùmi, lous martets, las espincetes, etc.; la dou talhur, lou carrèu, lou cifran, lous cisèus, lou didau ; la dou bignè, lou coutet de pouda las bits, etc. ; la dou bouche, lou marrassan, las balances dab un pés entermiey, lou boéu qui plégue lous joulhs de daban enlardat qui éy per ue barre de hé plantade s'ou cap entermiey lous dus oelhs, e.atau siban so qu'èren la familhe e lous defuns. En dequet tems, cadun qu'ère dou soun estât, acasit de pay en hilh s'ou medich tros de terre au medich larè : n'ère pas coum oey oun passen hounte d'esta de case, oun hèn au mey ha à boulé esta tout, de pertout e d'enloc. La Rebouluciou de 1789, qui boulé bouta tout s'ou medich pè e qui arrasabe tout au noum d'ue egalitat qui serquen encoè e qui serqueran toustem chens la poudé bouta d'aploum, pramou lou praube de oey que sera lou riche de douman e lou riche de oey que sera lou praube de douman, qu'a desheyt lou bielh larè de la mourt en ha la ley de la hosse coumune, autemen dit en enterra lous mourts coude-li-coude, touts en segui coum planten patates au casau, à mesure qui-s dèchen mouri. D'are enlà, lou testamen ne pourtabe pas mey que boulèn esta enterrats dab lous aious. Lous d'ue familhe que s'.espartiben d'oun s'escasè au hasard de la mourt. Las peyres ne mercaben pas mey so d'ue maysoun ; à petits tchics �— 315 — que las tirèn coum un puchiu e que se-n serbin ta plan enta basti coum enta-n ha hites de bira lous bros d'escarna murs ou camins en cauque birade. En d'auts endrets, que pouyrém dise juste pertout, qu'an tirât lous cementèris louy de las gleyses ent'ous bouta hore bile ou hore bourg, e labets las bielhes peyres estoun dalhades coum lou lou bruc e la brane per la lane e lous herms. Toutun que se-n trobe encoère cauque d'ue en cauque cementèri de Gascougne qui n'a pas échamiat dous entours de la bielhe gleyse. A Baudéan, proche Bagnères, que gn'a ue de marme. A Aux-Aussat, proche Miélan, que se-n trobe tabé. A La Coumande, que gn'a que soun mercades de l'anade 1600 e cauque arré. Cabidos que-n pot mucha ue troupe coum tabé Haussarrius, Mounget, Peyre, Mourgans, etc. Que se-n beyt de Boulin, Moungalhart proche Sen Sebé, Suzan. Départ, proche Orthez, que-n a de las nabes qui ne balen pas las bielhes ; mes aco que muche la peyre-cerc qu'és encoère à la mode ent'ou cisèu dous qui talhen la peyre de cementèri. Que-n pouyri dise d'autes, e, se jamé publique las qui éy troubat, que beyran la mode qu'ère de pertout e que balè bèt cop mey que nou pas las modes de oey. A l'ancien tems, nat noum : sounque la crouts e l'endic de so qu'ère la familhe dous defuns. Crestians e trabalhedous : lou boun Diu que sabè lou reste. La doulou pègue e dou cap dous pots n'abè pas embentat de dise: Qu'ère boun pay, boun espous, boune espouse. Aco souben bertat se-n ère. Regrets éternaus ! e, l'an d'après, la béuse que-s tournabe marida : lou béus qu'at abè heyt au cap dous très ou cheys mes. La malici n'abè pas embentat, coum decap à la lin dou siècle XVIIIau epitaphes coum aquéste : ACI, DEBAT AQUESTE PEYBE, REPAUSE LOU MEY GRAN DE TOUTS LOUS MEDECINS QUI, DE POU D'ESTA CHENS BESINS, EN A PLEGNAT LOU CEMITEYRE. Lou Bascouat que s'a saubat lous cementèris qui cinten la gleyse e las peyres-cerc que-y soun toustem à palhats. Pramou d'aco, Moussu Colas, proufessou au Lycée de Bayoune, qu'abè cresut aquere mode de las peyres-cerc qu'ère ue mode basque e sounque basque. Camille Jullian que s'abè même pensât aquere mode que bienè dous Ibères qui abèn oucupat l'Espagne e la Gascougne 4 ou 5 siècles aban Nouste Segne. Colas qu'ère anat mey louy ; que s'abè esinaginat las peyres basques que pourtaben sinnes de magie dous qui abè amassât en un libre lou gran pec Paracelse qui hasè dou sourciè. De tan boulé ha dou sabén ne probe pas arré. Countentamsé de dise la peyre-cerc, plantade en terre ta plan s'ou bord dous camins — que-n ara encoère en Gascougne — coum aus cementèris, qu'ère coumune en France aus XIIau et XIIIau siècles. Enta nous que representabe lou crisme de las Catacoumbes de Roume e tabé dou dessus dous pourtaus de las bielhes gleyses romanes dou XIau, XIIa" e XIIIau siècles. La crouts que debarabe dou pourtau de la gleyse s'ou tabuc dous qui èren mourts dab lou sinne de la fé, e que disèbe lous mourts que s'aclucaben à tout l'entour de la gleyse enta-s proufita de las messes, qui disèn toutes au Mémento dous mourts : « Broumba-pé, moun Diu, dous bostes serbidous e de las bostes �— 316 — serbentes qui an prés lous debans dab lou sinne de la fé (la crouts e lou batesme) e qui dròmen lou sounelh de la pats. » Qu'èy dit Colas qu'abè troubat sinnes de magie en so dou peys basque. Qu'abè aperat swastika un sinne qui enta jou endique lou sou. A Dihort, qu'èy troubat en un mantet de cheminée, plan escultats, d'ue part ue estéle e de Faute lou sou représentât coum sus la peyre basque. Lou larè qu'ère lou sou d'iber e l'estéle que mercabe las belhades d'iber en bet dise coundes e berdiuses berdauses, literature parlade de jeneracioun en jeneracioun aus larès plan ameynadats de la bielhe Gascougne. y Sinnes de sauba las aulhades de Paracelse (1493-1541) Mounumens de l'époque gallo-romaine à'Lès et à Montserré (H.-P.) (d'après J. Lacaze) I La crouts gammade ou swastica. Peyre basque, à Villefranque (d'après L. Colas) Que balham dues peyres, l'ue dab lou swastika, l'aute dab so qui Colas s'abè pensât qu'ère lou swastika dou pays basque, e qui, enta jou, merque lou sou qui bire e qui arraje encoère per darrè la mourt qui ey la porte dou cèu. Tout so qu'èy à dise, en acaba aquéste debis juste trop loung, qu'éy d'einbita à sauba las peyres-cerc qui-s troben encoère aus bielhs cementèris e qui merquen la bite crestiane dous fidèus acasits de la nouste terre gascoune. ç DAUGÉ �— 317 — LOUS DEBIS AYMA LA TERRE Lou nouste Capdau qu'a hèyt à Baigts, aquéste tour, parlan coum delegat de La Conférence au Village, u debis sus ço qui apèren « La désertion des campagnes » ; que s'en a parlât prou de cops aus Reclams e que s'en y parlera en bère troupe d'endrets encoère permou qu'ey ue questiou qui n'ey pas près de-s resòlbe pertout, sustout coum n'ey en tri p'ou Biarn. Lou debis de Baigts, hèyt entaus paysâs dou Biarn mieijtadè, qu'a dounc, coum disen per las gazétes, la balou d'u doucumeni e que pensam que lous noustes leyedous, paysâs ou nou, que s'en troubaran enteressats. Que ba de si medich que nou-n dam, aci, que las idées prencipaus : LA DESERCIOU DE LAS CAMPAGNES Déserta, qu'ey u mout qui soue lè toustém permou qu'a la significaciou de lachetat : û desertur qu'ey û òmi qui manque de couràdye. Ne eau pas parla toustém de desercioû quoan s'ayéch d'u paysà qui abandoune la campagne : soubént, nou la quite que per force, permou que ço de permè qu'ey bibe ; lou die oun û oubrè nou trobe pas mey de que minya à la campagne, qu'ey fourçat de s'en ana t'aulhou : aquet, qu'ey mey à plagne qu'à blasma (1). Mes, nou eau pas desnega toutû que hères qu'an désertât: que soun lous qui abèn « las costes en loung » d'abord, e aquets, n'ey pas de dòu ha que sien partits ; d'autes, qu'an troubat que nou y abè pas mouyén, à la campagne, de ha fourtune autant biste coum à la bile e que soun partits enta courre l'abenture : ne soun pas noumbrous lous qui s'y soun escaduts. Despuch la guerre, nou partéchen pas goàyre mey enta l'Amérique (oun ère entenut qu'en dèts ou quinze ans que s'en y amassabe prou enta esta tranquiles per toute la bite), arrés, ou quàsi arrés, nou s'ey abisat de ha lou coumpte dous qui s'y èren mourts à la pêne ; nou n'y a pas û sus cent qui a poudut béde ço qui s'esperabe en parti. Enfingues, que y a gnaute ley d'omis qui n'an pas, ta dise, désertât la campagne, mes qui n'an pas seguit la tradicioû : que soun lous qui serén estats cap-maysoûs mes qui, maii abiats p'ous parents, soubent trop ourgulhous dou lou hilh, après abé seguit las granes escoles, s'an benut lou bé patriau e an coum qui diseré renégat lou lou bilàdye. Mes, tout coumpte hèyt, ey à regreta qu'aquets deserturs ayen boeytat horgue ? Quin proufieyt en aberé tirât la coumunautat, si èren demourats ? La terre qu'a besougn d'omis qui l'aymen e qui l'aymen prou enta sabé soufri, si eau, permou d'ère ; gràcis à Diu, qu'en y a encoère d'aquets e en prou bèt noumbre, pusque, per nouste païs au mens, nou y a pas û yournau de terre dechat en bousigue. Que y a maysoûs qui-s soun boeytades, mes las terres (1) Qu'ey ço qui ey arribat, tabé, ta hère de mestieraus : menusès, sarralhès e haures, tisnès, etc., à qui las usines an, ta dise, tirât lou gagne-pâ de las mâs per la campagne oun bibèn. �— 318 — qui-n dependèn qu'an troubat mèstes prou couradyous e balents enta nou pas que houssen abandounades. Tant qui n'y aye d'aquets, las campagnes nou seran pas malurouses autant que las biles ; si ey hasè tant boû coum s'at créden bère troupe, e s'y bederé tant de grèbes e de chaumàdye, per aquéres biles ? Mes, nou caleré pas que la situacioû que debiengousse piri. La guerre darrère qu'a dechat miey milioû de paysâs mourts s'ou camp batalhè e autant d'autes que s'en soun tirats alebats, estroupiats, incapables de s'en tourna taus camps. La poupulacioû paysane qui passabe d'u tiers en noumbre la de las biles e de las usines, qu'a perdut aquet tiers e drin mey ;si bienè à s'achica encoère, l'aploum qui mantién la France sus lou boû pè qui a, que seré roumput e Diu sap, labéts, las misères qui-s caleré béde. Permou qu'at eau plâ dise : la poupulacioû paysane qu'ey la mey sane d'esprit e de corps qui sie e que eau que-s counsèrbe permou de tiéne cap aus éléments de desourdi e à touts lous bandoulès qui, au loc de pensa à l'abiéne de las familhes e de la patrie, nou bòlen que proufieyta dou moument e, que ba de si, aus despéns dous qui an tribalhat enta s'aquesi û teyt, e û tros de terre oun se pousque cruba lou pâ de cade die. Qu'èm bitare en plée « crise de mouralitat » : ue terrible hàmi de youi qu'a gahat lou mounde qui bòu abé plasés sens coumpta e dinès sénse tribalha. Lous campagnars que s'an figurât que lou lou mestié qu'ère lou mey pénible de touts, tout en esta lou mey chic pagat ; e lous minurs, lous dockers, lous manobres de las biles e tant d'autes, qui, per las usines, soun coum galerièns à la cadéne ou tribalhen au miey dou hoéc, dou hum, dou pousoû, qu'ey ço qui disen dous cultibatous ? Qu'en soun yelous... Trops e trop loungtemps qu'an troublât l'esprit dou paysâ e tribalhat au rénde hastiau lou sou estât, qui ey toutû autant noble que quin que sie ; que eau que lous pays e las mays de familhe, lous reyénts e touts lous qui an drin de poudé sus lou mounde que s'y hassen enta que lous petits campagnards, au loc d'en abé hounte, sien fiers d'esta campagnards e hilhs de paysâs. Que eau que lous Counselhs municipaus hàssien tout enta amielhoura lou plaesta de la coumune : ha de bous camîs, aproupi e emberouyi, da luts, boune aygue pertout, ourganisa, si-s pot dise, la boune santat, en û mout, ha ço qui eau enta que lou mounde qu'ayen plasé de bibe d'oun soun. Nou sèy quin sent a dit : « Lou plâ-esta qu'ey necessàri enta la pratique de las bertuts » ; qu'ère bertat que y a dus mile ans e qu'en ey toustém, mes aquet plâ-esta nou pot abé poudé que si ey aquesit per lou tribalh e l'ourdi e suban la ley de toustém, aperade p'ous anciens la ley dou dret camî. Nou eau pas esta pressais de bibe à hartère pigou ; lous paysâs bertadès que soun pacients permou que saben ço qui bau la pacience : qu'eslhèben las loues familhes sus la mustre dous qui saboun ha toustém de-plâ e, sustout, ne-us ànen pas ha créde que lou lou estât qu'ey lou piri dous mestiés, permou n'ey pas bertat ; au countre, qu'ous at amùchen coum eau, e las noustes campagnes que demouraran la resèrbe de tout ço qui la nacioû a de miélhe. Que lous paysâs que s'estouen paysâs, SIMIN PALAY. �LAS LETRES Encoère lou soubeni de Yan Batiste de Begarie Goumer lou 22 de Heure 1934. Car amie, Dab la boste permissiou, que bouleri da ue seguide à la mie létre parescude au numéro de heurè darrè ; dens aquére letre, qu'esplicàbi aus lectous dous Reclams, lou trebuc dou me pla aymat nebout, Yan-Batiste, au bachot de 1910, e qu'acabàbi per aquéstes moûts : « Chics que-s mench-hiden de ço qui l'an coustat de tribalh aquéres doutze pèces dou sou Floc ; qu'ey aquiu u tribalh de Benedicti coumençat en 1910, e acabat sounque la bèlhe de la soue mourt, lou 17 de heurè 1915, à Roclincourt, proche d'Arias. » E doungues, lou prumè de heurè de 1915 qu'escribè à bous medich : « Anoeyt, qu'èy coumpousat la darrère, lou Berret ; qu'espèri que la troubarat pla, que la be mandi ; tout ço qui hèy qu'ey ta que nou-s pèrdie, se m'arribabe maie sorte, mes qu'at retoucarèy. Qu'en èy d'autes, toutes pouesies d'anyou, de luts, embaumades de glòrie ; digat-me que soun pla, e que serèy urous. » E lou 16 de heurè dens la soue darrère létre : « que soy urous qu'ayat troubat pla las mies eantes. Quoan èy lugras de berou deguens la chéchia, qui sera cantade u die, boulét que plouye d'obus que las arrèste ? Qu'àymi trop lou mestié de troubadou, que soy badut ta d'aco, e arré nou croubira lou cant de la mie harpe de hide. » Toutu, qu'at sèy, quauques-ûs que diseran : « Que s'at hase adayse aquet maynat ; quin boulét ? Hica cinq anades enta bouta de pès doutze pouèmis, qui nou hèn, en tout e per tout, que 340 bèrs ! qu'où bagabe d'ana à plaserines, de sauneya à soun lésé, de bate e rebate toustém lou medich hèr ! Que l'aberém boulut béde, si, coum d'autes, e s'abè abut à gagna la bioque, en se lheban à l'esguit dou die, ta s'en ana dalha lou blat, ou arpasta lou bestia ! » Qu'ey bertat, que eau lésés à l'òmi d'esperit, au pouète sustout, enta hourga obre bère ; qu'en calou à Beryèli, à Ouràci ; qu'en calé à Mistrau, à Camelat e à Palay ; qu'en a calut tabé à Yan-Batiste de Begarie. Aquet tems qui parech tems pergut, nou-n ey brigue entau qui at sab, e qui at pod coumpréne. Doungues, que tourni dise e dab resou : O, aquet tribalh qu'ey estât u tribalh de Benedicti ; pas d'u Benedicti qui houruque las biblioutèques enta cerca-y, e apuch ha parla lous bielhs papès; aquet tribalh tout d'erudiciou nou-n abè que ha ; lou sou tribalh qu'ère tout d'embenciou, de l'esperit à la recerque de la pensade ouriginale e noble, de la forme destingade e de la coumpousiciou classic. Aquet tribalh, qui at sabét, nou-s hè pas chens de loungues e pregounes meditacious ; aquéres meditacious que las poudou ha, permou que lou sou pay e you, en toute councience, non poudoum que respecta, en u tau maynat, aquére bertadère boucaciou. �— 320 — Qu'at sabét, bous qui èret lou sou mèste e gran amie, quoan ère entrî d'ue pèce, n'y abè enta d'et nat repaus ni dè noeyt, ni de die ; n'ère pas labéts d'aquéste mounde. E toustém la mediche inquiétude si l'obre esteré digne de l'oubrè : « E sera pla, la pèce qui coumpausi ? E boulara ? Qu'ey ço qui bederam ; nou sèy si bienera tau ou tau die ; que hèy quoan pouch, e pas quoan bouy ; que y a dies oun nou pouch pas boulé ; que-m eau dies esprès. » Si-n y a qui poden plouma ue pèce en u bouhat de bént, et nou poudè pas, qu'où calé tems, e d'arriba au cap que l'ère souben loung e peniu. En 1911, que hé la soue prumère pèce : La Lue. Enco la Lue, nou sabèm arré, tout que s'ère passât en dehens d'et, desempuch tout maynat. Dab la Lue, que-nse boulou ha enténe quauqu'arré d'aquére musique interioure, qui, enco labets, n'abè yougat qu'enta et soul. Nou la coumprengouy goayre brigue, e, bitare encoère, nou-m eargari pas de l'esplica à quauqu'û qui m'at demandaré. Mes, aquére prumère pouésie qu'abou lous aplaudiméns de Palay, qui esté lou prumè à la léye e qui digou autalèu : « Aço, o, que-s pod apera pouesie. » — Bous medich, amie Camélat, qu'escribout au yoén autou qui n'abèt lhèu encoère bist : « Maynat, qu'as u brigalh d'estéle dehens lou tou berret ; qu'as l'endabans de la prime, la richésse dous moûts, l'embisagglamén dous imàdyes. » — E Sully-Andrèu Peyre, dens lou yournau Marsyas : « La Lune est, dans un rythme étrange, une évocation unique, hantée de rêve. Lisez et vous croirez sortir d'un soir d'essentielle nouveauté, d'une nuit reforgée, et, pourtant, il n'y a là que des choses anciennes et simples ; mais la cause, mais le geste, l'étonnement tranquille sont devenus une hantise, un geste, un étonnement qui n'avaient pas encore été dits. Dans une accalmie fantastique, il semble que les songes même aient rêvé du côté d'un monde et d'un ciel étranges, qui ne sont cependant autre chose que le monde et le ciel de tous les soirs. » Daban aquets testimònis qui nou-m parechèn de coumande, que calé ha ? Que calé que héssi, you qui nou m'y counéchi, que-s pod dise brigue, en fèyt de pouesie ? « Maynat, si-u digouy, puch qu'as aquet talén, hè-u baie, à ue coundiciou toutu : que tout que sie dou prumè escantilh. » Qu'-ou parlèy atau, permou qu'où sabi trop saye, trop resounable e trop sousmetut enta qu'abusèsse d'aquére toulerénee ; permou que sabi la sayésse d'aquéste arrepourè : N'y a nat le mestiè, n'y a que de lès mestieraus ; e d'aquéste : nou eau yamey encabestra lou naturau d'u òmi, qu'où eau gabida ; e d'aquéste encoère : Fiunt oratores, sed nascuntur poetse. Autalèu que-s metou à la soue obre ; que-s hé lou plan de prépara u recoelh de dets-oeyt à bint-quoate pèces qui estéren pla. La prumère, qu'at èy dit, qu'esté la Lue. En 1912 que parescoun : A las Boles dou Bielh Pourtau, e Lou mé Blasou ; en 1913 : En segoutin Perracs, e Pregarie. En octoubre d'aquére anade, qu'anabe parti ta-u serbici ; qu'ère désignât ta Constantine. Abans dou béde parti qu'où digouy: « Aciu nou pouderas persegui toun aha, e, labéts, quoan s'acabara lou recoelh au tri oun ne bas ? B'en y a ta loungtems ! » Que-m respounou aço qui ey d'u maynat, si boulét, més tabé d'u �— 321 — òmi : « Lou recoelh que sera acabat quoan se pousque ; bé sabét pla qu'à u pouète, enta que hasquie quauqu'arré de bou, nou eau pas mesura lou tems ; lou bouhét n'arribe pas quoan bouy, qu'arribe quoan bòu, e, chens et, n'y a arré à ha. Si bouli, que pouderi ha u pèce per niés, ou per semmane, e medich per die ; que balerén aquéres pèces ? Nou-n bouy pas hourga d'aquéres. Chens me boulé coumpara aus grans mèstes, que-b diserèy que Hérédia qu'a hicat bint ans enta ha lou boulùme dous Sounets, lou soul qui a hèyt, e, que-b assegùri que-n y a dous fébles qui nou-y deberén esta, à coustat d'autes qui soun hort bous. Qu'èy legut que Hugo que hasè tout die quoàte bins bèrs, coum u mestierau qui-s déu gagna lou pâ de cade die. Aco, si ey bertat, n'ey pas à imita d'u ta gran pouète, e que-ns aprén qu'en a hèyt trop enta que tout ço qui a hèyt que sie gran e bèt. Per you, qu'aymari mielhe decha de ha pouesie, que de la basti tant à la courrude. » Encoère u cop, que calé ha ? Que sabi que Yan-Batiste n'ère pas u lanternàyre, e que prenè au serious lou sou prèts-hèyt ; que seré estât ue paraule criminau que dou dise : « Arrèste-t, ço qui hès nou-t baiera arré ; hè quauqu'arré aut. » Qu'où respounouy au countre : Bèn, qu'as resou, perseguech la toue obre, e toustém à la mediche coundiciou : que tout que sie ta pla qui-s pousquie. » Aquet mout qu'où hé gay ; que-s tourné hica au telè coum u bou oubrè de l'esprit qui sap ço qui hè, qui at ayme e qui at a en horte estime. De Constantine, de Batna qu'embiè Lou me Fusilh, La mie permère Flou ; dou froun d'Arras : Coum en y a per lou Cèu, e Lou Berret. Aquet bèt tribalh qu'esté arrestat, souptemén, per ue baie Alemande, lou 17 de heurè 1915, à cheys ores dou mati. Digam miélhe. Aquet tribalh, aquet rèbe d'ideau qui ère estât lou rèbe de toute la bite de Yan-Batiste de Begarie, n'esté pas arrestat ; que-s persegui chens nade estangue, e de quoan mey bèt, dens lou gay de Diu. Adichat. Siat toustém lou sou amie, e lou mé. Abat J.-B. BEGARIE. NABETHS COUNFRAYS MM. Denis Palu-Laboureu, 4, rue du Hâ, Bordeaux. François Dulcire, au Tueo, Mont-de-Marsan (Landes). François Lapeyre, inspecteur des contributions indirectes, chemin des Lazaristes, Dax (Landes). D1 Pierre Puyo, Hôpital Maritime, Toulon (Var). Louis Lacarrau, Capdau dous Dansayres, Baigts-de-Béarn. Cazaban Max, instituteur, Beuste, par Bénéjacq. Abbé Ricaud, directeur au Grand Séminaire, Tarbes. �— 322 — ARREPOURÈ Puchéu, òmi petit... A nouste, la porte, drin coum la de la glèyse, qu'ère toustém ubèrte à tout lou mounde. Aco qu'at èy bist e, dab lous dabancès qu'ère parié, si-m an dit lous de case. Reyént coum curé quoan abèn u trebuc que bienèn boeytà-s'y lou cô, e toustém que s'en tournaben dab la calou de nou pas esta souléts hens la hourrère. Lou me pay qu'abè la soue « debise » si boulét : — « Mam, pacience, lou tems que dara luts » si disè. Aco n'ey pas ta dise qu'ère coum lou defun Paciénce qui-s lécha brusla la maysou en trop pacienta, toutu que dab lou medich remèri que la tournesse de quilha ! Nàni, qu'ère daban lous qui, plés de beré, bienèn demanda-u counselh dab l'idée de benya-s de tire, qui pay tienè de taus perpaus. Sus aquets caps alugats qu'ère toustem oli e doussous qui barreyabe. Quoandes n'èy bist, despuch qui m'en broumbi, d'omis ou hemnes cntrigats, arrauyous, emberiats, biené-s demanda : — « E y'ey ta pay, e y'ey Yausèp '? » E papa, quin tribalh que hasousse, qu'où dechabe de tire ta serbi-us, ta escouta-us. Qu'ous hasè da ta hens la crampe besie, yamey nou boulé que-s destequèssen yuràmis, crits de hayne hens la cousine oun èrem maynats e bayléts. — «-Ça-y, ça-y, si hasè, que seram mey à d'ayse touts dus soûls ». B'abè resou ! Talèu seguts, coum au couhessadé, pay qu'escoutabe. Més, n'ère pas u pénitent qui parlabe, qui-s accusabe enter-lets ; tout lou countre que cridabe, qu'encargabe lou qui l'espleytabe, si disè. A bèts cops qu'ère lou yudye de pats qui-us abè dit : « Anat trouba Yausèp de Puchéu, et, qu'ey sou loc, que-b counech touts dus miélhe que you ; que-b arranyara. » E bertat soubén qu'ère. Quoan l'esmalit abè dit ço qui-u pesabe, dab lous perpaus qui papa lou tienè, que-s amatigabe e que bedèm sourti gn'aute care. Lous oelhs nou hissaben pas mey. Abeyat qu'ère meylèu de s'esta hèyt béde haynous. Apatsat que s'en tournabe. L'òli dous counselhs dats à cade cabélh (permou qu'ère riale si l'aut nou bienè pas, et tabé, ta nouste) que hasè detaleya loUs alugats e, ballèu, qu'èren acoundiats. Enter touts lous arranyaméns hèyts sou pic, quoan lou me pay tienè lous dus pleyleyàyres, nou-b coundarèy qu'aquéste. La serou de Frayrou, quoan parti per Bourdèu, que-s goarda ue pèce sus las dues de la maysou de case. Que-s mouri, la praubasse, chens yamey abé poudut paga-s lou biàdye de tourna ta loue dab lou drolle. Aquet hilh que boulou, chic de tems après, desmescla l'ayretadye. Qu'arriba bèt mati ta ço dou sou ouncle. Nou-s counechèn pas coum pensât, ço qui n'ère pas ta pedassa las causes. �— 323 - Frayrou non sabè parla brigue francés, Faute brigue n'entenè lou gascoû. L'u que disè « cho », Faute que respounè « hay ». La tante nou-n sabè tapoc hère de létre, mes que coumprengou toutu qu'ère ta la crampe qui bienè lou gouyat (de segu lou nebout). Ta coupa court à la cause Tresou que-n embia lous dus omis enta Puchéu. « Yausèp qu'ous arranyara », si-s digou. Tout esqueth, lou gouyat que counda, daban papa perqué bienè. « Be coumprenét, se disè, que bouy yui dous mes dequés ; aquére crampe que bau mey de dus mile liures. » Pay que l'espiè, que guigne lou Frayrou béde si abè coumprés, permou qu'aqueste mant'u cop qu'abè dit que yamey nou paguère mey de bint pistoles. B'èren loegn d'ahas aquets caddèts ! « B'ey ta la crampe qui bién ? Quoan ne bôu, digues, Yausèp ? — Dus mile liures qu'en bôu ? » L'ômi nou hè labets qu'u saut e que-s trobe nas à nas dab lou nebout : , — « Bédés e coum aco, foutut gatot, si biés ta-m estrangla, que-t hèy passa lou goust dou pâ. Gourmandot, que-t harèy counéche qui soy, que-t hèy boula coum ue plume tu e la maysou tabé si-m y boùti. — « Que dit-il ? si hè lou gouyat en se han en darrè. — Qu'ey arré, si-u respoun papa, lou boste ouncle qu'ey drin biu, mes arré de mâchant, que-b croumpara medich boste pourciou de maysou, mes pas au prêts de la bile. — Si nou bôu pas, tournabe lou Bourdalés, qu'où harèy l'escàrni de bene-u à gn'aute. » Pay que-s goarda pla de counda rie per rie ço qui l'u disè de Faute. Que-s hasè demandes e respounses. Qu'ous digou ço qui calé, ta que héssen marcat en 400 liures. O, n'esté pas chens pleyteys, lous dus que hasèn eslambrecs, mes papa soul qu'ous bedè. Si-us abè lechats parti, chens encabestra-us que-s aberén minyat la crampe, la maysou e encoère. Papa nou parla d'arré, mes toutu p'ou bilàdye que Saboun per Frayrou que dab lou Bourdalés qu'èren loegn d'èsta d'arcord quoan se presentèn daban Yausèp. Qu'ey labets qui daune Larentade e digou : « Puchéu, qu'ey u ômi petit, mes qu'a u gran paraplouye. » E, à nouste, aquet dise qu'ey passât despuch en arrepourè. ZABIÈ DE ■(jj ■ PUCHEU. ■= *ssm= i—»■ LAS TRADICIOUS Ta ha sába Sabe, sabe, corn de crabe, — se nou bos pas saba, — que-t bouy ^eta — en u segarra, — oun y-a serps e luserps — e candéles sus ets bèrns. — Sabari, sabaro, — se lou boun Diu at bo. Coelhut à Sarlabous (Barounies). YAN ROTGÉ. �— 324 — BITE-BITANTE Lous Linsôus Que s'ère toutu mourt ! E aquiu qu'ère dens lou sou lheyt, réde, las mâs yuntes dab u cap de la coulou dous sous linsôus. Ue hémne en dôu, la soue bessè, qu'anabe dens la crampe, toucan pertout, trucan sus lous mobles, trebucan las cadières, yemin, marmousteyan, arrougagnan : Ere hole ou que ? Gn'aute hémne, en bestissi de dôu tabé, qu'ère aquiu ayulhade. Que desglarabe lous gras dou chapelet, que cercabe à prega Diu, mes endeballes. La doulou que poudè mey qu'ère. Nou parechè brigue abisa-s de l'aute qui-s passeyabe, qui pataqueyabe per aquiu ; toute à espia lou défunt, de quoan en quoan que-s lhebabe la biste sus las blangous dou lheyt mourtuàri, puch que la bachabe s'ou sôu coum ta segui ue pensade de turméns e de desôus. Aquéste qu'ère la serou de Yanin de Trubès ; que s'èren coum disen tourneyats dens lou bénte de la mediche may. Lou défunt, abans de s'abé clucats lous oelhs qu'abè hèyts arrenvaméns, coéntes dous pocs bés qui dechabe, e coéntes de la soue amne. P'ous ahas de l'amne nou poudèn èste cargatius. L'ômi arribat de chic, coume lou maye escabot, coum n'y a tandes sus aquéste terre d'abeyès e de lûtes, e baylet à doudze ans, qu'abè toustém estaubiat u so quoan s'en gagnabe dus. Sourdat e libre, que s'en boulou tourna tau medich paysâ oun abè serbit. Puch, decap à la quaranténe, las d'èste toustém au darrè dous auts, que s'abè croumpade ue aulhade e que s'ère maridat. Pla hèyt de bouta-s en aulhes, mes marida-s ! Lou Yanin de Trubès, qui abè passats lous tems engalinàyres, lous dies de las houlies que s'abè prés, si semblère, esclop tau sou pè, la Menou de Péle-prim. Aquéste qu'abè la soue idée, quoan se ligabe. Se-s prenè l'aulhè, ère qui dinque à labets abè seguides las pratiques e lous cournès dous hoecs ta coustura, n'ère pas ou men ta gaha-s à l'arroussec dou tribalh: Yanin que s'en abè gagnât, Yanin que la deboure neuri. Ba pla. Mes la bite que goarde tant d'estréms incouneguts : L'aulhè que cadou malaut. Yamey la soue moulhè n'ère boulude puya tau cuyala, pourta-u lou casas, autademéns dit lou dequé de la semane, qu'ey et qui-s hasè lous camis, qui bibè acera capsus de miussat e d'aygue frésque. Au segoun estiu que s'at debè trouba. N'ey pas en déballes qui s'arrayabe au sourelh cremént, bou ta nega-u de sudou, e ballèu ère au bent ret qui passe sus las nebères. U cop la calou arderouse e gn'aut cop la nèu ardoune qui encroque lous mémbres e b'entre deguéns dous os. E de s'abeya soulet dens las yournades estibénques, et qui ère acoustumat de batala, d'abé mounde au ras, de n'espia mey daban que calhabères, pênes e aygues en pindole, que s'ère tout deshèyt, tout pallit coume u Ecce homo. Ya que lou sou boulé e housse dous soulides, lou sou cos nou-s �— 325 — countentabe mey ta droumi dou yas de las cabanes. Que s'abou à béne la troupe pusque nou poudè mey amountagna. Anère loegn, atau ? U die qui èren au cournè Yanin e Menou, Yanin qui toussiqueyabe e à male-ayse s'atrapabe l'alet, que parlé à la soue moulhè : — Oère, que-m senti miélhe ; que m'en dises ! — Tu que t'at sabs, e digou l'aute. — Miélhe que souy, mes coum nou sabém quine ore abém de lhebade, boune ou mâchante, que-m bouleri prouseya drin dab tu. — Parle labets, si tourné hechugue, bèts dies-a que-t bédi e que t'estudh coum t'atéles à batala hort dab la toue beroye de serou, nies que-m disi : Bain se serèy toutu, you, aquiu per quauqu'arré ! E Yanin de Trubès, passan-se la mâ per la care, e segoutin lou cap coum ta cassa lou bol d'aquéres paraules agrouses, que hé : — Hémne, ta que tant de lès moûts. ? Escoute, (e autalèu la bouts qu'où se hé mey amistouse) au corn dou gabinet, entre lous plecs de las capes, qu'èy las cheys mile liures qui tirèm de l'escabot quoan l'anèm béne. — Ah ! e digou Menou, ah ! e que semblé apressa-s drin dou sou marit. E dens la soue cabole mau empastade que-s disè : Que credès de las m'abé estuyades, mes que las y abi trebucades, ya, que las abi coundades e tournades à counda mantu cop. Yanin que perseguibe de la mediche bouts : — Que soun aquero dinès qui-nse gagnabem amasse, e que seré yuste que-t demourèssen toutes, mes... — Que, mes ? e hé l'aute countrariade, emberiade, que bos dise atau ? — Nou-t despaches tant de courre, dèche-m acaba, e puch à la toue ayse que diseras ço qui boulhes. — Que m'at pénsi ! E la hémne mudade per la malicie, que-s lhebabe enta parti quoan l'òmi l'atengou, permou qu'ère hort encoère, e que la hé assède. — Anem, nou tant de hoec e de prèsse, assèd-te drin mey. Coum nou hém nat countrat e persegui lou malaut, n'as pas à cragne... — Que cragne ? Se nou las podi touca bitare aquéres taryes qui soun mies, sus qui débi counda, sus la toue paraule quoan nou sies en loc ? Enténes, pusqu'as encoère las cheys mile liures au tou pouchic, que sàpies de las me balha. — Mes, mes qu'èy tabé ue serou. — M'estounabi ! Are que coumpréni. Bèn ! E qu'où débes à la toue serou ? Bèn (e Menou de Péle-prim de ha l'oelh hissant e de sarra-s las mas arpudes) bèn, qu'at bos ? qu'en sie au tou grat. — Au me grat, nou, au grat de touts dus, héinne. La serou, n'ey pas souléte, que s'a neurits cheys maynats, l'u d'aquets qu'ey lou nouste hilhòu, qu'où bouleri da-u ue estrée, dus mile liures, bos-at ? — Estrées que bòu ha lou qui nou n'a taus sous cachaus ! E you qui t'èy seguit aus tous coumbats, qui t'èy supourtat, bugadat, soegnat ! — Dus mile liures, n'ey pas hère. — E qu'at dises, tu ! �— 326 — La moulhè qui s'alugabe de mey en mey, que coumensabe de gaha las cadières, de las yeta per terre, de-s segouti lou mouchoèr qui abè s'ou cap e de crida : — Miserablot ! B'en abèn poc d'entelliyénce quoan te hén bade ! Qu'où débi you à la toue serou ? Balhe-us tout ço de tou, mes à ço cle me nou toques, ya m'enténes ! E Menou de Péle-prim que passé ta dehore couine u coutre. Que la cerquèn tout lou sé, per bies e carrères, enço dous besis, lou loung dou gabe... — E-s seré ou men negade ? disè lou fray à la serou. E la serou de tourna-u : — Que sera réde l'aygue ! Mes nou bouleri este cause d'ue peléye enter bous auts. Que t'y as à bibe, se nou-m bòu da nat so, dèchel'at, qu'ous se goàrdi bèn aquets dus mile. Couine fatigats de cerca, ya s'en anaben ta case à luts d'escu, béde se s'ère ou men estuyade en quauque crampe, quoan l'aboun débat ia sègue dou beriè, estenilhade de toute la loungou de la bèstie, dens la yèrbe gouhide : — Que hès aquiu, hémne, en danyè de gaha gran mau ! — Pas prou ta ha-m mouri ! si tourné. E nou poudoun tira-n arré mey. U die, coum Yanin de Trubès se passeyabe encoère, qu'anè coélhe la soue serou : — Ya sabes quin èm despuch acéré auhèrte, bos la biéne drin apatsa ? — Coum tu boulhes, mes se-m bed dab tu, be sera hica légne dens lou brasè ! La serou qu'ère toutu biengude ; nou s'y pod countraria u mourinioun. Qu'abè sayat de parla : — Aném, hicats-be d'accord. N'èts que dus, n'abets pas tandes misères que d'auts ; n'abets pas tant à pensa de trouba lou dequé de tout die ta sèt ou oeyt bouques, e pélhes.e dabantaus, e pantalous, e cayès e que sèy you ! — Ey ta canta-m aquére cansou qui ès arribade ? e digou mespresibe, la Menou de Péle-prim. E, sus aquets moûts, nou s'ère mey dade à nat tribalh, ne boudyade goayre dou corn dou hoec. Aquiu, acourroucade, dens lou hum dous escarbots, sénse boulé mey ne minya ne bébe quoan lou ne presentaben. Yanin, d'aquets segoutits, que s'abou à hica au lheyt. La soue serou que hasè camis tout lou die ta poutingueya l'u, ta saya de ha parla l'aute. Puch l'aulhè qu'abou noeyts hère mâchantes e que l'estremouncièn. U sé, la longue qu'où s'ère drabade e nou-s mudabe de nat mémbre ; Falét que-s hasè tabé braque e l'aprigue dou lheyt qu'ère coum suslhebade à cade aledade. — Menou, e digou la serou, nou crey pas que lou fray e sie loung ! Sénse nat yèste, sénse ue paraule, sénse u cop d'oelh tau lheyt oun la soue coumpagnie e s'anabe mouri, la moulhè que-s tirabe dou eournè e que s'en anabe ta l'aute crampe. Quoan lou calou amourtalha : — Dab que lou eau besti, e digoun lous besis ; que caleré lou coustume d'espousa, se ou men l'at bouten, e tabé lous linsòus. �— 327 — Arrés nou respounè : La serou, clabade, nou gausabe boudya-s. E Menou de Péle-Prim oun ère ? Que la cerquèn bères pauses, e que l'anèn tusta emparade à la frinèste qui da sus lous beriès, aquiu que-s fresqueyabe dab l'ayre noeytiu cargat de sentous qui l'arribaben. Dehore qu'ère doungues la prime, la bite dens la soue plasénce e la soue berou, deguens la malure hastiau e la mourt escusère. — Menou ? hé tout doucines ue besie. — Que bos ! — Ya sabes que-nse eau linsòus ta amourtalha lou défunt. Ere, sénse bira-s de cap ta la qui parlabe, que yetè u plegot de claus aus miey dou sòu en dise toutu : Linsòus ? que soun au gabinet, aquiu qu'abets las claus. Mes coum la besie las s'amassabe e anabe tau gabinét, e paupabe dens las piéles de linye, Menou, darrè que bienè d'u sacat : — Dèche-m ha ! E qu'ous coundabe, u, dus, très, dinque à cheys ! E que hournibe: — Aquiu qu'en aberats bessè prous. Quoàte dous beroys qu'en penoun adentour dou lheyt, e dus, lous mey usats, que serbiben à troussa lou cos de l'aulhè. — Praube frayrou ! e hasè la soue so, en dan lous darrès gadyes ííus omis qui l'amourtalhaben, lou chapelet, la crouts, lou boèle, lous ciris, praube, nou t'aberas bis que mâchant teins ! Aquéres aulhes be t'en coustaben quoan de courrudes, quoan de droumides dab la pélhe gouhide ! Mes yamey nou-t troumpès, Diu m'at perdouni, coum de boulé-t marida. Aquet die, si, que hés lou gran pecat... Ploura que bouloure mes, e poudé ! Que digou toutu encoère à bouts bâche : — Que-t housses demourat dab nous, quoan n'y a ta sèt qu'en y a ta oeyt. Nou-t demandère lou me òmi que drin d'ayude entre yèrbes e ardalhs, abé l'oelh s'ou bestia pous pechedés, gabida lous maynats; nou, yamey, nou lous ensegnam prou. Espian encoère aquére care qui ballèu nou bederé mey, hounide, la serou que s'en anè cade sus ue cadière. E u ploura ! — Ploure, s'ou disè ue besie, de ploura qu'ey à cops ue bère gràcie ! Bèn, nou-t boudyes, e se-t parle ta que tourna-u respounse. Mes, nou, nou gausara cerca de brut daban lou cos encoère tèbe dou sou marit ! Mes, arregagnade, lous oelhs esbariats, lous bras anius, Menou que parechè sus la porte. Dous sous pès empertinénts que patasseyabe e que s'apressabe dou lheyt, nou tienè counde de las hémnes, de las belhadoures qui èren aquiu ayulhades ; que semblable espia loungademens aquet cos aloungat dens la blangou eternau de las télés e dous ciris. Que s'y anabe passa ? Lous pots toursuts e lous oelhs heroudyes que hé labets : — E toutu, òmi, lous qui toucaran lous dus mile qui m'abi estaubiats, qui m'abi sudats, n'an pas abut de que tro.ussa-t, qu'a calut que m'at tiréssi dou me gabinet, e tu, tu que t'ès boulut ayassa dens lous mes linsòus ! M. C, �RECLAMS DE PERQUIU Lou soubeni de Delbousquet. Aquéste 27 d'abriu qu'a hèyt sichante ans que lou pouète dou Labrit e badè à Sos la biélhe ciutat. Toulouse, oun debè estudia qu'où s'aperabe de d'ore, e que hou de la yeneraciou balénte qui, cop sus cop, e hasè esplandi-s las rebistes L'Effort, l'Ame latine, La Terro d'Oc. Per labets, que publicabe roumans en francés: Le Mazareilh, Miguéte, L'Ecarteur e u recoelh de pouesies Le Chant de la Race, e tant per tant u sounet en léngue mayrane. Mes, lèu que s'en tournabe tau païs, tau sou nid de Sos e que s'y hasè ta re-apréne la léngue dous sous payrans. Qu'où bim en 1904 à las hèstes d'Euze. D'abiade, qu'ère counquesit, e tout biste que-s ligabe dab lou lanusquet Daugé, lous armagnaqués Laclavère, Ceserac, Tallez e Sarran, dab nous auts touts, tant tirous si-m escribè pocs dies despuch « de poudé canta la cansoun Tout Euse fialudo felibres de Lane, Lous de la Bigorro dambe lous de Pau, e de bouta-s au tribalh sus lous dialectes d'O. » Gouyat doun l'amne cremabe, arderouse e turmentade, n'abou pas lésé de pintra coume at boulé la Lane dous piadas e de la yéme, nies las yolhes de pouesie qui dechabe : Lou Larè, Au bord d'il Tap, Las Lauadéres, Lous aujols que soun coum pès de brane flouride, que goarden lou bou sentit d'aquére terre sablude oun biscou, oun patibe las soues darrères anades, e qui s'aubribe d'aulhous hère biste tad et en 1909. Las Idées de C. Jullian. Camille Jullian n'aymabe pas l'emperialisme, permou que l'unificaciou, la centralisaciou, ta d'et, que soun countrences- qui nou hèn qu'estreti, aprima e coumprima l'esprit patriau. Que pensabe tout parié coum Mistral aquiu sus. Enta d'et, lous grans empèris que-s poden acoumpara à d'aquéres granes bèsties, lous moustres d'aban lou Delùdye, « frappées d'incohérence organique et de sénilité précoce. » Que tuen l'enyenie de las patries qui an amagat ; mes après, au loc de ha camina lou progrès à la loue place, qu'arrèsten la bite e qu'aflaquéchen l'idée. La Bureaucratie, l'Administraciou qui multiplique lous founcciounàris, que debiénen las soûles preoucupacious e oucupacious ; PEmpèri de Roume qu'en ey mourt ; à u moument dat, ni las obres de l'esprit ni las de la science nou troubèn nade place à Roume, e qu'ey toutu per l'esprit, lou 'spiritualisme qui-s mantiénen las races e las nacious. Enta Camille Jullian, que semble que lous poètes, lous artistes, enta da la mesure de la loue force de creaciou, « ne doivent pas sentir autour de soi de si grandes multitudes, perdre leurs regards dans des horizons si vastes et si vagues » ; qu'où s eau u cadre mey petit e mey armounious, « ils réclament le soutien, la chaleur et l'élan qui naissent des foyers plus proches, de réflexions plus concentrées, d'une entente plus intime entre leurs âmes et leurs �— 329 — entourages » ; en brac, ço qui eau à l'òmi enta bibe d'ue manière coumplide, sancère, qu'ey la terre de la patrie, lou parsâ mayrau, per estret qui sie. A d'aquéres idées, lous felibres, lous reyiounalistes qu'an recounegut u defensoU de la boune douctrine. Benaye Diu qu'en y aye hères coum Camille Jullian. Mèste Edouard Bourciez que-nse parlara tau numéro de yulh, dou gran instouriâ qui hou lou sou amie. Lous Prouseys de Paul Froment. Las obres de prose dou pouète agenés, ligades per nouste amie Paul Mesplè e mous de Delseriès, que ban paréche ballèu. Qu'y seran lous coundes e fantesies publicats dens lou yournau Lou Calel, e tros causits d'ues-quoandes létres : Lous Reclams que daben nou y a goayre la mey loungue e ue de las mey plaséntes. N'abém pas besougn de préme sus l'interès d'ue tau publicaciou ; la glòrie dou paysa de Flouressas nou pod que puya e esplandi-s. Mes, que per u cop, lous souscribedous de las pouesies nou-s hiquen la mâ au pouchic, que dében recébe per arré lou recoelh de prose, que lous editous qu'an acampat prou de dinès. Aquero que bau toutu u gran mercés taus dus balénts amies de Froment, e coum n'ey pas cause coustumère qu'at debèm pla segnala. Yocs escoularis de Léngue d'O. Coum touts ans lou coulèdye d'Ouccitanie qu'aubrech yocs entaus escouliès d'escoles prumères e segoundaris : Lous qui-n boulhen sabé lou prougram que poden escribe au segretàri dou coulèdye d'Ouccitanie, 2 place Montmorency à Castelnaudary (Aude). Lous yocs que-s barren lou 15 de may. La Revue des Pays d'Oc. Las Rebistes d'idées que s'en béden de crudes aquéste tour. La hère hoélhe mesadière que nouste counfray F. Mistrau (nebout) abè quilhade e doun hé tout biste — entau mounde de parladure francése e ta l'estranyè — coum u reclam de la bouts dou sou ouncou, lou Malhanén, que s'ey debude cara. Dab degrèu qu'apreném la soue desparescude. Que y'ère toute escadude la soue place au ras de Calendau e de las autes rebistes d'O, e de dòu ha qu'ey que n'aye poudut tiéne pè ; Le Feu, aute rebiste qui-s publique en Proubence e qui pren la seguide de l'obre de F. Mistrau, nou-ns e parech tant qu'aquero de case nouste, e ya qu'emprimade dens lou Mieydie, que sémble tanti-tantè ue rebiste hourneyade per Paris. L'Armanac de la Gàscougne. Qu'ey estât mandat à gratis à touts lous noustes escouliès, mes que-ns en a tournât quauques us doun lous destinatàyres abèn cambiat d'adrésse. Dab lou destrouble de la poste, si d autes liberéts n'èren pas estats distribuais, lous counfrays qui nou l'aberén pas recebut qu'où pôden demanda à mous de Marrimpouey : hiça u timbre de 5 sos entau mandadis. �— 330 — Lou riban rouye. Nouste aymable counfray, Henric de Sequè, lou gaymant poète chaloussénc, que bien de recébe la crouts d'aunou au titre militari, per fèyts de guerre. Dab pacience tout qu'arribe, si disen ; lous qui counéguen la moudestie dou nouste amie nou seran pas estounats que lous de Paris, qui escouten sustout lous qui criden, se sien abisats dous sous meritis drin de tard. Nous auts ne tardaram pas autant dou ha coumpliment e touts que-nse reyuim d'aquére beroye auhèrte. Gauyous. Que-s hèm u debé d'anounça la nouminaciou dou proufessou de longues roumanes Millardet à La Sorbonne ; la soue cadière à l'Unibersitat de Mountpeliè que sera tiengude d'are enla per gn'aute coullabouradou dous Reclams Yan de Bourciez, douctou en létres e hilh de mèste Edouard Bourciez. L'Escole sus aquére boune escadénce que pod ha claca drin pous ayres la soue banère : Dus dous sous, se soun à la manobre, que soun tabé à l'aunou. Dòu Au darrè moument, qu'abém après la mourt dou nouste bielh amie Cantou, de Mirepech. Lou nouste dòu qu'ey pregoun. Que diseram ta l'aute mes co qui-u déu FEscole. L. R. •s <*$s^---— »■ COPS DE CALAM Lou Charlatan. « Hèts-b'en daban, gens dou païs, Biengat béde ço qui n'abét pas james bis. U peu de la Bierge Marie, Lusent coum lou sourelh e cla coum lou die. » Lou charlatan, aus curious esbatouhits, Que l'amuchabe au cap dous sous dus dits, E tout lou mounde que badabe En ha oelhs grans couine tistèts, Tant qui l'òmi, s'ous capitèts, Lou famous péu e passejabe. U paysâ, per la fi, que dit : « Nou bey arré ! » ' — Nou bedét pas arré ? Nou-m coste pas d'at créde, Qu'ey lou countràri que m'estounaré : Jou, que y a très ans qui-u hèy béde A trabès aqueste païs, Mes nou l'èy pas encoère bis. » J. F. ROUX. (Rebirat dou Marselhés per S. P.) �331 — Bouhe-te-Iou. Au Moun de Marsan, que s'èren boutais à boulé parla francés. Que calé ha coum lou gran mounde qui bienè de Paris. Pensais un tclnc : qu'ère la mode de las crinolines, e las hemnes, daines e tout, que-n anaben coum se lou judje las abè coundémnades à nou pas ana-n sounque empéutades sus ue barrique de très cens ou ue pipe de cheys cens. Un petit « mèste d'hôtel », qui boulé la soue hilhe qu'estoussi à hautou, que se l'abè heyte ensegna en francés : ét tabé qu'où balhabe cauque lessoun, coum bats bése. Lou prumè soegn de la gouyate ta plan ensegnade qu'ère estât de-s préne un gouyat à la mode. Pay e may, qui n'èren pas prou pecs dinc'à nou pas bése la hilhe que hasè ue peguesse, n'at boulèn pas. Mes la gouyate qu'abè la maridère au cap e que l'abè calude decha lia. Lou pan de nouce n'abè pas durât : la gouyate, au soun baromètre, qu'abè bis Bét oun mercabe Plonge. La qui se-n ba plagne au pay. Aquesti que la respoun cop sec : « Tu l'as boulu ? Bouhe-te-lu ! » Braque pregari. Braque pregari que pouje au cèu, se disen. En Gascougne, de qui gn'a que hèn pregari braque. A probe, lou defun La Hire, lou gran gascoun dou tems de Jeanne d'Arc, qui s'abè heyt aqueste : « Moun Diu, hèts ent'ou praube La Hire so que bouleréts lou La Hire que hasèbe enta bous s'ère Diu e se bous èrets lou praube La Hire. » A probe encoère lou marchan de jambouns qui ne mancabe pas nat marcat d'Ayre e qui s'abè maridat la hilhe dab un mouliè. Coum n'atrapabe pas au cabilha dou gran La Hire, aquet tranfican de jambous que disèbe à la soue mode : « Moun Diu, se ne boulets pas au cèu nat boulur, qu'èy bien pòu que-bs e dèchin tout soul. » Proubable aquet tranfican qu'ère jelous de la pugnère dou mouliè oun s'abè maridat la hilhe, pugnère qui hasè dise d'un cap à l'aut de la Gascougne : Cambia de mouliès, qu'éy cambia de boulurs. Doumadje lou Staviski, ou meylèu Stavinski, qui, oey, hè tan parla d'ét, ne sie pas estât mouliè de Gascougne ! Aquet, belhèu, qu'auré sabut pugnera : qu'auré hèyt pregàri courte e pugnère lounque. N'ou bouy pas assi Coum p'at poudéts pénsa, lou nouste Enric n'ère pas nat pèc. Un cop, que boulé sabé quin nas é hasèn lous qui s'èren hèyts bouta à las galères e que se-n ère anat bése aquét béroy mounde. « Tu, so que que hès assi ? se dit én un. — Jou, se respoun lou galérien, que-m an coundamnat n'ère pas bertat : n'abèy pas hèyt arré. » — E tu, se dit én ugn'aut. — Jou ? Ne sèy pas perqué m'an boutât assi. Se touts èren coum jou lous qui eau, n'aberén pas hèyt las galères. — E tu ? �— 332 — — Jou, que soun jélous qui soun l'éncause que souy assi. » Mey e-n parlabe, e mey que-n troubabe qu'èren mey blancs que las nèus dou pic d'Aussau. « E tu ? se dit én un qui-s carabe, so qu'as hèyt ? — Jou ? que souy un misérable pecadou. Qu'èy tubat e panât e jamé ne me-n haran bése prou enta-m ha paga so qu'èy hèyt de mau. — Misérable ! se dit lou nouste Enric, qu'as hèyt aco ? Tirats-mé dehore aquét couquin qui-m biraré de parts tout aquét brabe mounde qui n'an pas hèyt arré. Que se-n tourni à case : n'ou bouy Pas assi 1 * C. DAUGE, lanusquét. Que-t eau béue mey d'aygue que de bin... Lou praube défunt Came-de-boy que s'abeusèc, l'anade de las picotes, à la borde de Lèsemine. Lou chagrin s'ou minjaue, atau coum disen. Mé, que cresi melèu que s'ou beuè, pramou qu'auè bét que gourruta coum un guit, qu'auè toustem sét. N'y boutaue praco, bé ! De tan ploura, lous canèts que s'asséquen... e lou bén qu'a « boun retour », se disè. Mé tabé, cade sé, quan lou campanè trucaue las campanes, lou Camede-boy qu'ère embeulat coum un carrét de brégnes... Aco que ba e que nou ba ! Que dure tan que pot ; au loung ana, pot pa toustém dura. Que-s boutée à malauseja, à pa poudé droumi ne minja. La défunte Poundarrère qu'où balhaue quauque counsurte ; ne oariue pa toutun. — Qu'et deurés ha bése pou médecin ! s'ou hasè. — Que bos que m'y hèssi lou médecin ? Quan seré passât per Paris, créses que ba counégue ço qu'èy ? — Belèu que dat un gataplam de harie de liole sou clot de l'estoumac, que-t tourneré las coulous ? Qu'en lou disouc tan e tan qu'un diméche matin lou Came-de-boy que-s prenouc lou bastoun e que s'arrousseguèc coum poudouc au crampot d'oun Moussu Denux lou pay, arcoelhè lous malaus à la bile d'Estang. Lou médecin que l'espie ; qu'on hè tira la lenque ; qu'où tuste lou hitge e lou moulet, qu'où hè courre la man capbat las costes e pou bounic : — Oère, se dit, n'as pas besouy de nat remèri ; sounque que-t eau beue un tchic mey d'aygue que de bin !... — Que disets, Moussu ? Aco n'es pot pa ! Ne-m podi pa ha un pesquè au bente !... — Ne-t disi pa de t'y ha un pesquè !... — Que-ts disi, moussu, ne pòdi pa. Que béui cinq litres de bin per jour : un en de dejuna, un en de dina, un en de soupa, e entermiey gn'aut la matiade, gn'aut la tantoussade. Aoun boulets que hèssi cabe l'aygue ? Lous céres dou barricot que tenélhen prou à pauses ; mé, n'ous podi pa esloucha prou en de cercla ue barrique... Quant se déui, Moussu ? — Très liures. — Oarat-las aquiu ! En de m'enténe causes d'equéres, que-m poudèy damoura-m à nouste... LAFFARGUE, armagnaqués. c �— 333 — LOUS COUNDES LOU HASAGNÉT BLU Enta PEYOT. E sàbes lou counte dou hasagnél blu ? Si ne-u sàbes pas, lou counte dou hasagnét blu, e bos sabé-u ? Si bos sabé-u, qu'où bas sabé. Que y abè u cop u hasagnét blu. Tout en espernican lous peyrilhous que hé sourti bère pecéte d'or. Autalèu de canta : « Cacaraca ! Pecéte d'or que-m bouy cerca ! Pecéte d'or que-m bau troubn ! » Cacaraca ! Nou-t bantes yaméy de ço qui t'arribe de bou. Lou réy que l'entenou e que digou à l'escudè fidèu qui-u seguibe pertout : « Escudè fidèu, bè-m coélhe la pecéte d'or qui s'a troubat lou hasagnét blu. » L'escudè fidèu que parti coum u eslambréc e que s'apleguè dab la pecéte d'or. U youlh à terre ,que la balhè au réy e lou réy qui ère u gran aganit que la se hiquè déns la bousse. Mes lou hasagnét de crida : « Cacaraca ! Lou réy que m'a pqnat ! » Si bos bibe en pats, nou hés yaméy doumau à d'arréns, quoan seré au petit mounde. « D'aquére, hòu ! si dits lou réy à l'escudè fidèu. Per ue pecéte d'or aquét hasagnot que-nse boutara à hountes. Escudè, tourne-l'y la pecéte d'or. » L'escudè qu'aubédi. Alabéts lou hasagnét de s'apita, en quilhan la cléque e segoutin las aies : Cocoroco ! Lou réy que m'a pòu ! Bét drin esmalit, lou réy que bramé en ha tout tremoula à cinq lègues à d'arroun : « Escudè fidèu e tu, baylét de bouque, gahat-me aquét auyàmi, plumat-lou tout biu e hèt lou cose. Qu'où me minyerèy ta brespeya, si plats à Diu. » L'escudè fidèu e lou baylét de bouque que gahèn lou praube impertinént e que l'empourtèn à la cousine. Més lou hasagnét de clacasseya : « Cacaraca ! Lou réy que m'a embitat ! » �— 334 — e dehens la coquèle, au niiéj^ de las sébes, nadan dens la saucéte que cantabe toustém : Cacaraca ! Be-m ban pla bagua ! Quoan hou coéyt, lous bayléts de bouque que hiquèn lou hasagnét sus u plat d'or e,béstits de blanc, caloutats de haut, à la coudeli-coude, qu'où pourtèn coum u Sant-Sacramén sus la taule dou réy. E lou hasagnét de-s trufa : Caracaca ! L'amie dou réy en-ça ! Arrauyous, lou réy que-s hesè crouchi lous cachaus. Nou-n hé que dus moussées e que pensabe que tout seré finit atau. Ya, ya ! réy, praube réy ! La malicie qu'ey tousténi punide. Déns lou bénte reyau que s'entenè la bouts trufandère dou hasagnét blu : « Quiquiriqui ! B'ey hère e.strét aci ! Cocoroco ! B'ey hère nègre aço ! » Blanc coum u lire, lou réy que digou: « Que souy maudit ! Escudè fidèu, prén-te l'espade dous més ayòus e tu, baylét de bouque, ahièle la ganibéte la méy puntude. E si cante encoère aquét demoun, trucat, traucat e trencat la soue ganurre de l'ihèr. Que lou boun Diu bous ayude ; atau sie ! » Alabéts, qu'audin ue bouts qui bienè coum de débat terre : Quiquiriqui ! Be put hère aci ! « Haut ! » si digou lou réy, en se desha lou bestissi. Lous plous que cadèn dous oelhs de l'escudè e dou baylét de bouque, coum l'aygue dous gouterous. « Hardit ! e hourni lou réy, dau ! dau ! ! » E dounc, l'escudè e lou baylét de bouque que henoun lou réy de cap en pès e que cadou mourt. Més lou hasagnét blu que prenè la boulade e quilhat sus lou pouralhè que cantabe : « Cacaraca ! Bibe la libertat ! Cacaraca ! Lou counte qu'ey acabat ! » ANDHÈU SARRAIL. �— 335 — HOELHETOU DOUS RECLAMS LOUS TRÈS GOUYATS DE BORDEBIELHE (Seguide — N" 6) Ue ore apuch la benalèje, Jan que tournabe esta de pès ; ballèu, qu'ère dab Madame, au houns, ataulat daban lou miussat de l'esdejoa, e qu'où coundabe de hiéu en punt lou disna de FAbésque, sensé desbroumba la courderilhe dous plats, permou la cousine qu'enteressabe autant madame de Bordebielhe que ço qui s'ère dit de la politique de Paris e de las eleccioûs, dount se coumençabe de parla. A d'arroun, Madame que counda l'arcoelhance qui-Us abèn hèyt en ço dou noutàri. Aquéres maynades qu'èren charmantes e madame de Labalut qu'ère ue sente hemne. La maysoû, lusente coum ù didau de cousturère, qu'ère riche per laguéns, sens nad tralala. Certes, mous de Labalut qu'ère sourtit de boune case, mes, au darrè de ço qui s'ère passât, qu'abè plâ calut que mièsse lous ahas coum eau enta s'esta sedut coum n'ère adare, permou qu'arré n'amuchabe misère à lou. De dòu-ha qu'ère aqueres damisèles nou-s inaridèssen pas ; que parechèn toutu plées de qualitats. Qui sap ? Lhèu lou pay e boulé espia drin trop cap-sus ? Que l'abè semblât de qu'ère prou countent d'et... — Qu'ous ba calé tourna la poulitésse, si digou Jan, enter dues tirades, permou Madame, coum arribe à las hemnes qui nou sôrtin pas soubent, de tant qui-n abè à dise sus la soue journade, ne-u dechabe pas plaça û mout. — O, de segu ! Qu'èren estats trop aymables. Qu'ous at calé tourna, la poulitésse, d'autant que Madame de Bordebielhe qu'ère estade plâ urouse de-s poudé pousa drin à la noutarie, de tant qui l'abè dechade à malayse aquere ceremounie qui nou s'acababe pas jamey. Permou dou dòu, nou poudèn pas trouba-y à dise. A la campagne, que eau toustém abisa-s de segui la coustume enta nou pas lheba lou batalh de las coumays ; que goayten l'oucasioû coum lou renard la garie e û cop abiades, anat-las be ha cara ! * ** A la quinzenade, per û beroy brespau, à l'ore oun la calourasse s'amatigue, toute la easade de, Labalut, sounque Madame, qui nou poudé pas marcha trop loungtemps, qu'entrabe à Bordebielhe. La camade que s'ère hèyte à pè, nou y abè qu'ue lègue despuch Lesca, en segui las oumbres, e l'escabot, en debisan, b'at pensât plâ, qu'ère arribat sens de goàyre s'en apercébe. De segu, Sourine, si abè boulut dise la bertat, qu'auré début aboua qu'aquet biàdje nou-n ienibe pas, mes pusqu'arrés nou l'at demandabe, que s'at goarda ta d'ère. Ê, d'aute part, tout b'ère p'ou miélhe, pusqu'ère arribade e qu'An- �— 336 — dréu qu'ère aquiu, daban ère, arrisoulént, e esberit coum û rey-pinsà quoan ey d'amou. Mme de Bordebielhe qu'abè de sa may, parisiane dou Directoère, lou goust de las douçous sucrades. Despuch qui ère entrade au castèt, que s'abè recounegut û cabinet dount toutes las tauletes pourtaben, per ourdi, dus ou très rengs de béyres e de bòlous plés de gaudougnes, d'arrasimats, de jus de toute hèyte, e que y abè tabé pintes de sirops daurats e roses de nou sèy quoandes de qualitats ; qu'ère lou sou hèyt e qu'où hasèn û gran plasé, lous embitats, si-n tastaben de touts e... qu'at troubèssen boû. Tabé, quoan la familhe de Labalut s'esté sedude arroun de la gran taule, lous coumpliments nou-n feniben pas de tant e tant de causes doun las goujes hasèn estallàdje. Entaus omis, que y.abè dus flàscous de bî d'Espagne, doun lous graynous, en chourra hens lous béyres, hasoun arriba las eschalibes s'ous pots gourmands dou noutàri. E puch, qu'at eau tabé dise : lou biàdje que l'abè hèyt amassa set, e que trinca dab gran plasé. Boulouns ou noû, que calou gousta de tout, e que s'y passa ue boune ore, mes, lou brèspe qu'ère encoère de durade e nade coente nou pressabe. Moussu Louis, qui s'abejabe lèu per deguéns, que trouba lou boû parât en proupousa d'ana ha û tournot autour dou castèt ; arré nou poudè miélhe agrada à las damisèles de Labalut ; drin estoumagades per tant de sucrerie, qu'abèn û besougn d'ayre. Moussu de Labalut, en òmi galant qui ère, que digou que tienè de coumpagnie à madame de Bordebielhe e que dén lequét à la joenésse. Ah ! la charmante prousejade ! Aquéres fis de brèspe, quoan lou die ey estât caut e franc, qu'an ue douçou sénse parie per nouste, e que caleré esta de calhau enta nou pas ne senti lou charme ; or, de calhau, nou-n èren diable la brique lous qui l'aledaben dab tout lou deleret qui hè reguilla lous qui soun mey lèu payrats de taus rencountres. Cadû pensant à d'et, lous très couples que s'èren drin separats au loung dou passey ; e quoan, de l'arribère enlà, carrejat per l'aurey qui s'ère lhebat, e-us arriba lou tranguet bergougnous de l'Angélus qui souaben à Siros, e qui disè que s'en calé tourna à las damisèles de Labalut, qui sap ço qui aberén dat, autà plâ l'aynade, lhèu, coum las caddètes, enta poudé retiéne lou sourelh qui s'ahounabe acera, darrè la coustalade bluengue ! * * * Jan de Bordebielhe que goarda d'aquere besite la sensaciou qui balhe û brespau d'estiu esclarit e fresc au darrè d'ue tounerrade. Las damisèles dou noutàri qu'èren, de segu, hère aymables, e ta parla franc, plasentes toutes très ; la darrère, permou dous sous ayres d'auserete esberide e leujère ; madamisèle Marie, que l'agradabe permou de toide la douçou de sa persoune, dous sous oelhs de belours fi e de la soue paraule qui la disè brabe coum ue petite maynade qui nou sap pas ço qui mau bòu dise e, auta plâ, l'aynade, que-u hasè gay, dab soun goalhardè de horte gouyate, à l'aste pla �— 337 — malhade, lou sou parla franc qui disè la bère santat e la force de la race. E qu'où hasè quasi dou de nou pas abé-las abisades penné. Atau que s'ère hèyt, e que-s demandabe quin, permou, toutu, tout diménje ou poc s'en manque, qu'anabe ta Lesca, qui ère la parròquie de Bordebielhe, sie à la misse de matî, sie à la de haut die e que s'estounabe de n'abé pas mey qu'aco remarcat las damisèles de Labalut ; lou sou caddèt qu'abè abut lou nas mey fî. Permou qu'aberé calut èste abugle enta nou pas s'apercébe, à las manières d'Andréu e de Sourine, qu'enter ets dus que y abè ue counechence qui dattabe de mey loegn que dou diménje de la counfirmacioû. Perqué lou caddèt ne-u n'abè pas dit arré, aco que s'at esplicabe : ahas d'amourous n'an pas besougn de counfidents ; e ne-u ne boulé pas brique ; quoan lou moument housse proupici, Andréu que parlaré, de segu. Entertant, l'aynat que-s soubienè de qu'ère cap-maysoû, que remplaçabe e countinuabe lou pay défunt ; qu'abè lou debé de nou pas s'estanga, si lou cas ère, à las peguessotes. Enter mounde de la loue ley, nou s'y poudé pensa qu'au maridàdje e nou pas sounque à las perpincalhes d'ue amourine de passàdje. Labéts, que-s boudja, coum disen. Qu'abè prou d'amies e counechences enta poudé sabé ço qui boulé de la pousicioû de mous de Labalut. En Biarn, las causes que-s sàben toustém, per tant qui las boulhen cela : qu'en y aberé ta créde que toutes las maysoûs qu'an las murralhes houradades enta que-s pousque béde en cadue ço qui s'y passe e enténe ço qui s'y dit. Ço qui l'aprenoun qu'où permetou d'esta tranquile per ço qui ère de la fourtune ; en abé réglât la soue situacioû de familhe coum at abè hèyt, mous de Labalut qu'ère capable de da ue légitime doun se poudousse countenta lou caddèt de Bordebielhe. Qu'at debè sabé, per segu tabé, permou qu'autament nou-s seré pas dechat ana tant loegn dab Sourine, au sou entenut. Lou diménje en seguin de la besite dou noutàri à Bordebielhe, Jan que goardabe, tant qui lous auts èren ta brèspes. Que s'ère drin assoupit au cap de la taule, en léje lou Mémorial e que rebedou lou beroy tablèu de la oeyténe ; û cop de claroû d'û hasâ countre la Irinèste qu'où desbelha, mes daban lous sous oelhs, oubèrts toutû, las très sos que papilhoaben encoère, e que-s senti quauqu'arré passa enter pèt e carn. « Que y a sang encoère », si hé tout en se lheba enta-s da ue estirade, permou la calou que l'abè drin alanguit, e que s'ana da ù tournot aus endrets oun, oeyt dies aban abè passât û moument agradiu. La campane, anounçant la fi de brèspes que hé layra lous cas de casse per l'en-là. Jan que-s troubabe juste au cap dou casala, d'oun la biste pourtabe sus l'arribère bluengue dou Gabe e que bî, lusents au sourelh, lous teyts de Denguî. Ue bouharade de calou qu'où puja la las machères e qu'aleda dab force. « Que soy bastit enta ha û ouncle », si abè dit aus sous trays, lou die dou règlanient dous ahas, e que s'en èren arriduts. Toutû, b'ère atau qui s'at pensabe ; aço �— 338 — n'ère qu'ue passadote ; ne boulé pas abentura-s au darrè de gnaute cassadoure : dab û cop qu'ère prou. Que s'arrebira sec enta-s pourta de-cap à madame de Bordebielhe, qui debè sourti, à d'aquet moument, de la capère ; atau que hasèn, cadû au tour, lous ires frays, tout diménje, despuch la rnourt dou pay. * ** De cap à miey Aoust, la garbe qu'ey batude e lou paysâ que pot aleda drin. Que s'escad, lhèu permou d'aco, la hèste annau en tant d'endrets. A Lesca, lous de la bile que l'an aquet die, au loc que lous de bach que hèn sent Gulia, qui seré estât, au dit dou mounde, û dous permès abésques dou loc. Aquet die, que s'y hournéje dab carn en cade oustau, per praube qui sie, e lou brèspe, apuch l'oufici, toute la besiau que danse sus la place. Au die de oey, la gent, si-s parech, qu'ey mey dissoulude qu'autes cops ; permou d'aco, daubus que troben que n'ey pas destingat d'ana, quoan sera per la hèste, dansa coum Péyrot e Bloundine, au miey de la hourrère, mes au temps dount parlam, arrés, de (juin reng qu'estésse, nou troubabe brique desplaçat de-s segouti las gambilhes coum tout lou mounde ; soubent, qu'èren auta plâ lou moussu e la dame dou castèt qui oubriben lou bal ou moussu-ou Mayre e lous besis. Nou hasèn pas lhèu tapoc, labéts, las diferences qui bedém à la soucietat de bitare. Lous praubes qui sabèn qu'abèn besougn dous riches e lous riches qui sabèn que nou-s poudèn pas payra dous qui tribalhen, que s'abèn hèyt enter ets ue manière d'arranjament sens papès, enta bibe à masse p'ou miélhe qui-s poudousse. Que probe, auta plâ, que n'èren pas brique pècs, pusque, en fi de couinpte, lou boû secret de passa sus aqueste terre, qu'ey de sabé-s arranja. Lous estrangès que-s soun toustém estounats dou calme de la bite coumune en Biarn, de l'afabilitat dou nouste mounde, de la loue poulitésse, de quine ley que sie la persoune, permou qu'èm autan poulits dab û praube qui s'en demande que dab û moussu ; qu'an bantat s'ous libes la race courtése, alissade e afinade qui pople las noustes arribères e qu'an dit qu'ère aha de climat ; qu'ey poussible que sie d'aquet estrém la bertat, mes que eau tabé pensa à ço d'aute. * * * La hèste annau de Lesca, d'ue part, qu'ère renoumade permou de la splendou de la gran' misse, qui ère autan bère qui jamey à Pau e, tabé, ta la joenésse dous entours, permou de la gotchère e de la danse. Qu'ère de mode d'ana-y minja û guit à quoàte, dab ue boutelhe de bi per cap, e lou de Sent Haus, aquets ans, qu'ère dou qui da ressorts à las cames, quoan nou las coupabe pas. Andréu qu'abè sabut, per Sourine, qu'à la noutarie qu'atendèn, �— 339 — tau brèspe de Nouste Dame, quauques amies de Pau, e lous dus amourous qu'abèn hèyt lou coumbiengut de prouflta de l'auhèrte ta-s béde drin mey loungadament qu'au panât, coum hasèn aci ou aquiu, au hasard dous parais e dous rencountres. Lou die de la hèste, Andréu que demanda lègrament aus sous frays : « Que hèt, bous auts, aquéste brèspe ? Si anaben da û tournet per Lesca ? » Louis qu'où boulou badina drin. « Tu, caddèt, que manicles quauqu'arré per aquiu ? » — Bos t'ana ! si repica l'Andréu en denegan, mes dab û floc de rouge à las machères, be eau ha ue sourtide de quoan en quoan ! E l'aynat, coum entau tira d'embarras, que hé tout biste : « Que t'y seguirèy, si bos ; que-m hara sourti à jou tabé. » — E siat sages, hé ! si hasou Louis en s'en arride ; à jou, qu'at sabét, la danse nou-m dit pas. L'Andréu n'abè pas atendut mey ; en quoàte sauts qu'ère estât au soum e déjà que-s poumpounabe e que s'apapichoabe daban lou miralh, enta qu'estésse p'ou mens au pa dou bèt mounde qui anabe rencountra. Coum lou sourelh e hissabe, lous dus gouyats que s'anèn sera las mountures e que partin au petit pas, en segui las oumbres. L'aynat que s'abè pensât û moument que l'Andréu qu'où debisère de las damisèles de Labalut, mes qu'ey en bàlles qui atendou ; lou caddèt nou batala que de Toulouse e de ço qui l'anabe oucupa ta lèu enstallat. — E quin ne hèm ? si entercalha, quoan parescoun las permères maysous de la bile ; e miam lous chibaus à l'Estanguét ou à la noutarie ? A l'aubèrge, lhèu que riscaran... — E si genam moussu de Labalut ? — Que crey qu'at hara toutû, si respounou l'Andréu, qui bedè l'oucasioû de demoura drin mey per laguéns. — Risquém dounc ! E que s'en anèn de dret enta la noutarie. Sourine que goaytabe, la couquinote, e que sabè plâ perqué. Autâ lèu qui apercebou lous dus cabaliès, que crida biahore. Mous de Labalut, tout escas, que bienè de tourna de brèspes, oun abè hèyt û cluquét repousant ; biste, que-s tourna passa la lebile taus ana de cap e nou boulou pas, ja que lous gouyats e s'escusèssen, qu'anèssen mia las mountures enloc qu'à la soue escuderie ; la court, Diu mercés, qu'ère prou grane enta recébe dus chibaus de mey ! Per deguéns, qu'esté la grane allegrie talèu qui lous moussus de Bordebielhe estén entrats à la parquie. Madame de Labalut que sourti la permère e, de tire, qu'ous boulou arremercia de la beroye arcoelhance qui abè hèyt madame de Bordebielhe à las soues hilhes. Faute diménje ; nou-s caraben pas de las soues amistats mes, moussu tabé qu'en ère estât hère toucat ; lous dus frays que-s desencusaben coum poudèn d'abé hèyt tant poc de cause ; labéts, qu'esté gnaute ahutade de coumpliments e qui sap quoan se serén �— 340 — acabats, — en Biarn, qu'èm, si choès y a, prou coumplimentàyres — si mous de Labalut n'ère arribat ta ha entra tout lou mounde. Deguéns, las aumenances e las coulades dab las gausialhes de coustume qu'en dén gnaute reboum, pueh toute la couinpagnie que-s hica à taralha, de tau manière que lou gran saloû que brouni, û moument, coum ue haie de marcat. Lous embitats de Pau qu'arribèn sus aquéres e pensât ço qui 'sté labéts : que y èren lous dus gouyats de Moussu-ou Proucurur dab la loue so e ue amigue, pendent ue pause, qu'esté ue brounitère à nou pas enténe lou pet de pericle, si per cas s'ère abisat de boulé 'sta de la partide. Lou noutàri qu'ère au miey d'aquet ahoalh de mounde coum lou pech hens l'aygue ; qu'où semblabe d'èste tournât joén, quoan la case mayrau ère riche e gauyouse ; puch qu'ère û brabe pay, qu'aymabe las soues maynades mey que tout, e, de las se béde atau eountentes, esberides e beroyes, cèrtes, autant que las autes, que l'empleabe lou co de bounur. Lou qui ère urous tabé, sénse que s'y estousse atendut, lhèu, qu'ère moussu Jan ; autalèu qui s'ère troubat daban las damisèles (Se Labalut, lou charme de Faute diménje, au miey d'aquére joenésse charmante doun la bite s'esplandibe toute, que l'abè tournât senti, e qu'où dechabe ha. Despuch mey d'û an qui ère miat e acoudilhat coum per û hat crude e hacanè qui ne-u dechabe pas soulamén lou lésé de pensa drin à d'et, nou s'ère pas troubat coum oey desdrabat e libérât de toutes las idées qui-u hasèn plega las espalles ; que tournabe trouba plasé à la bite. E per ço qui ère d'Andréu, n'ey pas besougn d'at dise. Chic à chic, l'ahoegadis que s'amatiga per laguéns ; las cames que-s pleguèn autour de la taule de la sale à minja oun la gouje abè pourtat la grane tourte de la hèste annau. U branlou dous briuloûs que s'entenou per dehore ; lous menetriès qu'èren empouricats sus las barriques e lou bal que coumençabe. Qu'ey hère mau-aysit, quoan s'audech û ayr-e de countredanse, de retiéne las gambilhes dou joenè... Permou dou dòu qui n'ère pas encoère escourrut, lous gouyats de Bordebielhe nou hén pas semblant d'arré, mes lous hilhs dou Proucurur n'abèn pas las mediches rasoûs e que coumencèn de-s remuda sus las cadières. Moussu de Labalut que s'en apercebou e, aymable toustém, que proupousa que passèssen au saloû ; la sounsayne dous briulous que s'y entenè coum si èren estais aquiu ; pensât si calou qu'at digousse dus cops ! A puch, tabé, aquet saloû que dabe entau casau, u d'aquéts grans jardîs à las bères alées oumbradjades, dab biès mey estréts en coupant entaus qui nou boulèn pas gena ni esta genats en se passeja... Que boulét ! Qu'ère la gran hèste, la qui nou tournaré qu'enta î'aute anade... Déjà, las mountagnes, acera, qu'èren briulétes de la noeyt qui bachabe, quoan lous dus frays de Bordebielhe e poudoun hica-s à chibau enta s'en tourna ; per tout lou camî de la Lanusse, l'Andréu, qui per aco nou s'ère pas carat lou brèspe durant, que batala, miey briac de countentè, coum û claquèt de moulî e Jan, drin estourdil de ço qui-u barabe p'ou cap, qu'où dechabe dise, la pensade à d'au- �— 341 — tes causes e que s'empléabe la poutrine à grans aledades de l'àyre lïesc qui pujabe de l'arribère e qui-u hasè besougn enta l'amatiga la frèbe qui-u bouribe au sang. II En û moument d'adiré ou de tranquiletat, bous auts qui èt p'ou tour de la quaranténe, e b'èt jamey estangats enta 'spia drin lou camî hèyt despuch la bintau anade ? Quin tién en chic de cause ? Quine petite place qu'oucupe ! En u cop d'oelh, om qu'où pot béde tout e, per cops, lous bras que càden e lou cap que s'enlue. Qu'ey labéts, esbariats qui èm de ço qui-nse demoure à coumpli si boulém acaba de plâ lou biàdje, qui-nse retroubam resouluts e goalhards tau coumbat enterprés ; soubént, à d'aquet moumenl, l'i'biéne que-s décide ; si lou cop n'ey pas estât abignat de dret, qu'en ey hèyt de tout : qu'arroussegaram. ou qu'ey reàle, ue bite mancade dinqu'à la fi finale. * * * Mey d'u an que s'ey passât despuch la hèste de Lesca. Cèrtes, qu'a lissât hère d'aygue de la clare e de la treblouse au passelis dou Gabe, mes las causes qu'an seguit per aci û cours tranquile e nade benaléje trop mâchante ni nade auhèrte de counde ha, n'an biengut hica destrouble ni à Bordebielhe ni à la noutarie. Las dues maysoûs qu'an countinuat de-s béde de quoan en quoan, e coum à la familhe desemparade dou défunt moussu de Bordebielhe e calé toutu ue amistat à entertiéne, Madame que s'ey ligade dab la Noutarésse, urouse, ère tabé, de poudé-s alanda lou co, qui abou toustém premut. Adare, lou mounde que disen que pouderén pla, permè de hère, béde dues nouces aquiu, e que s'acorden à trouba que lous nòbis nou pouderén pas esta miélhe apariats. Las gens que hèn atau lous maridàdjes sens de préne l'abis d'arrés : enta touts, Jan de Bordebielhe que déu espousa madamisèle Marie — que-s prouséjen à masse tout cop qui l'aynat bién acoumpagna Madame à Lesca — e Sourine que sera ta l'aboucat, pusqu'ous abèn bists à dansa touts dus à masse per la darrère Nouste Dame. E coum eau plâ ouncles e tantes, madamisèle Ninéte e moussu Louis qu'en soun touts hèyts. Mes, ço qui dit lou mounde n'ey pas paraule d'ebanjèli e lou hat qui mie las destinades n'en tién pas hère de coumpte ; que despille, coum si boulé ha pèce, lous castèts bastits dab paraules p'ous trachamans qui an la rauje de batala de tout e sus tout, sens de sabé arré de segure, soubent. A Bordebielhe, lou bé que prousperabe dehèt, mercés au tribalh ourdounat dous dus frays qui s'en entenèn ta d'aco coum las agulhes d'ue mountre. A Toulouse, M. Andréu qu'abè déjà drin dou renoum prédit per lous sous proufessous ; n'abè pas gagnât, coum at auré boulut, lou sou permè proucès à las assises, mes, au dusau cop, qu'abè toutu saubat lou cap à l'assassî qui Fabèn cargat de détende e qui, de l'abis de touts, en abè hèyt dus cops prou tau se ha trenca per la �— 342 — guilhoutine. L'aboucat, aco be s'entén, que s'ère sabut arranja ta que-s hasousse autour dou crime d'aquére brute mounstrouse prou de brut e, durant dus ou très dies, per Toulouse, nou s'ère parlât que de Mèste de Bordebielhe. Mes que s'ère prou lèu destacat d'aquére part de mounde d'assises e qu'abè jetât lou sou hielat en aygue autâ trouble, lhèu, mes hère mey aboundouse. Ue bielhe coumtésse, atacade de la rèume dous pleytéys, que bienè d'entama û proucès countre û besi riche qui acusabe de l'abé panât, à pechics e pelades, quàsi tout û bosc ; que y abè û acus de desplaçament de bornes aus couhîs e de gratàdjes de papès, cause délicate e qui demandabe û tribalh d'espèrts, toustém loungs à cade d'acord ; dab û aha d'aquets, û aboucat qu'en a per anades ! E si la baque ey boune leytère, coum ère aci lou cas, qu'ey tranquile s'ou lendedie per bèt temps. Cop sus cop, mieje doudzéne d'ahas au cibil que l'arribèn à d'arroun ; la bielhe coumtésse qu'abè lou renoum de s'y counégue en omis de ley — que y abè prou qui pleyteyabe ! — e lou choès qui abè hèyt de Mèste de Bordebielhe qu'ère ue endique segure entaus parioûs. De tau sorte qu'en û bèt-nou-arré, las tirétes de l'aboucat ne-s pleèn pas de dossiès sounque, mes de bèts bilhéts de banque e de louis d'or. U sé, qui-s hasè lous coumptes — permou qu'ère ourdounat coum touts lous de sa case — qu'esté coum enlusernat per la soume qui bienè de noumbra. Ue bouharade de calou qu'où puja tau cap e que-s quilha, coum si l'abèn dat û pous de ressort à las cames : « Moun amie, si-s digou, parlan à si medich, qu'ès pla partit ! Qu'ey lou moument d'en proufita. » Lou cerbèt qu'où brounibe e qu'esté fourçat d'ana préne l'ayre per dehore ; que-s passeja mey d'ue ore sénse poudé segui û hiéu de pensade, de tant qui las idées e-u bourroumbejaben p'ou cap. Per la fi, las d'arroussega lous pès sus lou sable groussiè de las allées, qu'entra en û café oun s'amassaben lous joéns aboucats ; qu'y trouba lous amies, batalan hort e pintan dur en discutin politique ; qu'abè besougn de s'esbate la frèbe e, de tire, que parla haut mey que touts ; dab la soue paraule redounde e la soue bouts plée e tringlante en medich temps, que hé cara ballèu lous discutàyres e nou n'y abou mey qu'enta d'et. — « Dirion que te créyres à la tribuno de la Campro dels députais », si-u hasou û Toulousâ ; e lous auts que l'aproubèn en s'en arride à tartalhs. Toulouse qu'ère, coum toustém, la bile ardente oun las passioûs nou-n ban pas soubent à miejes. Las idées libérales, qui debèn quauques ans mey tard, amia la Bebouluciou de 48, qu'abèn aquiu apòstous ahoegats, e mey que mey la joenésse, toustém pourtade de-cap à ço de nau e, sustout au cambiament, permou lous joens que créden que haran miélhe que lous qui-us an precedats. Coum ne ba lou dise coumû, n'an pas pou d'arré. Que seguira. SIMIN L'Emprimayre Mèste en pè : PALAY. E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 38, n°08 (May 1934) Alternative Title An alternative name for the resource. The distinction between titles and alternative titles is application-specific. Reclams. - Annada 38, n°08 (Mai 1934) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - mai 1934 - N°8 (38e Année) Creator An entity primarily responsible for making the resource Camelat, Miquèu de (1871-1962) Baudorre, André (1866-1941) Mounaix, Paul (1882-1942) Palay, Simin (1874-1965) Pucheu, Zarbié de Delbousquet, Manuel (1874-1909) Daugé, Césaire (1858-1945) Bégarie, Jean- Baptiste (1892-1915) Rotgè, Yan Laffargue, Celestin (1879-1946) Laffargue, Celestin (1879-1946) Sarrail, André (1896-1981) Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1934-05 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (48 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2020">http://www.occitanica.eu/omeka/items/show/2020</a> INOC_Y2_15_1934_05 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-23 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel