http://occitanica.eu/files/original/db2945861f13014bc21bc7a95c51a020.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/42a7d48a9a572568433da0bd29ce8f15.pdf a55f3eb71f8b5eb9757f676685798a3b PDF Text Text 38au Anade Aoust de 1934 CLAMS DE DOUCTRINE L'OBRE DE LA YOENESSE Nous auts qui-n bam adare per las debarades, nou poudém pas goàyre counserba l'espérance de ha mey e miélhe : l'adye qu'ey aquiu ; sénse decha per aco de tribalha, que-nse eau dise que lous yoens que haran ço qui n'abém poudut ha. Aquere yoenésse, que la bedém à l'obre dens lous Reclams. Mes la qui s'ey amassade autour de VAraire debiengut Occitania qu'ey tabé plée d'arsec e si discute encoère autour de las idées e dous mouyéns d'acciou, qu'ey d'accord s'ous principis e qu'ey ço de boû ; qu'ey estacade à la pensade de Mistral, que bòu segui la douctrine mistralenque : aco be la saubara de hères de trebucades e que la poudera mia tout dous au port, oun calera plâ, — si n'ey pas oey, que sera doumâ ; — si n'ey pas nous, que seran lous hilhs, — que feniscam per atégne. Nous auts, lous hilhs dous qui hén la guerre de 70, qu'aboum la boune sorte, en nouste yoenè, de nou pas counégue las patacassades heroudyes e maies qui abém bistes despuch ; que partiscoum en canta, au darrè de la flahute e dou tambourî ; en Proubence, tabé, que farandoulaben e que countaben galéjades e Mistral medich que hasè coum lous coumpagnous : enter-miey dou tribalh dous sous grans poèmis, ne l'ère pas de grèu, tout lou countre, si sémble, de counta patricoles à YArmana Prouvençau, de tauleya gauyousamén en brabe coumpanie, de présida hèstes dou pòple miejournau e que y anabè de la soue cansoû autâ plâ e de boû grat. En Gascougne, que seguibem lou tras. D'alhous, en toute grane hèyte qui s'abie, si b'en èt abisats, que soun toustém lous poètes qui hiquen las campanes dou toque-segn en branle ; lous ouratous qu'arriben après. Aco n'a pas empachat lous felibres de segouti lou mounde autademén que dab cansoûs ; las granes questioûs sociales, nou las an pas perdudes de biste : ensegnament populàri, reyiounalisacioû de l'administracioû e de l'économie, ourganisacioû dou tribalh, etc., etc., tout aco qu'ey estât estudiat e pourtat à la counechence dous citoyens de France e mayemén dou pòple dou Miey-die per la paraule e per l'escriut ; qu'abém, lous bielhs, educat e reéducat lou nouste mounde autâ plâ qui abém sabut e arrés nou denegara que nou s'y aye hèyt obre despuch cinquante ans per aci e per alhous. Suban lou principi �— 440 — mistralenc, que-ns èm atelats, subertout, à la grane questioû dou parla mayrau e sus aquet punt, arrés tapoc nou bienera dise que n'abém pas hèyt de boû tribalh. Si lou pòple nouste n'a pas encoère toute l'educacioû hèyte, coum desirarém qu'estousse, û escabot qu'en sàben toutû mey que nou-n sabèm. Malurousamén, n'abém pas abut en mâs lous utis de mesure enta coumbàte las idées holes e pègues mandades tout die de Paris à cops de gazetes e de libes. Qu'aberé calut temps e dinès, ue ourganisacioû establide sus aute cause que la boune boulentat de cadû, coum en ey lou Felibridye. Touts ou poc s'en manque, qu'abém abut d'abord à pensa à craca e la bite nou-s gagne qu'en tribalha d'û mestié qui estaque l'òmi tout lou die ou quasi e ne-u permét goàyre de s'oucupa qu'au panât de ço qui bouleré poudé ha en marye d'aquet estât. De manière que lou tribalh felibrenc, hèyt en dehore per force, qu'ey estât poc de cause au pa de l'accioû de tout die dous centralisàyres ; qu'an toustém enta d'ets la force dou poudé de Paris : l'ensegnamént qui gahe noustes hilhs au brès, lous yournaus ; que-s soun enstallats au coumandament e que s'y tiénen à pugn sarrat, tiran de barres lous qui-us boulerén desapita. E puch, qu'at eau dise tabé, la politique dous partits, touts gamats per las idées centralisàyres e mey preoucupats de-s peleya, de-s truca enter ets, autour dou goubèrn, qu'a retiengut, hère mey que lous lous interès, plâ coumprés, l'atencioû dous citoyèns trebatents, la hourrère, coum toustém, demouran à despart e n'ayan coénte que dous sous petits ahas. Aus omis de partit, lou Felibridye n'oufribe pas ue mestiou qui-us poudousse serbi de tire — e ets nou soun interessats que per lous beneficis immédiats. — Qui mey, dab las soues idées, lou Felibridye que fourçabe lous poltiticiâs à préne gnaute direccioû de pensaméns : qu'ère tout û tribalh nabèt qui calé ha, la Counstitucioû à moudihea, e ya-s sap que, à maugrat qui la Counstitucioû de 1875 e sie quasimén antidémocratique, ya-s sap que lous partits, qui-s disen toutû abançats, nou l'an yamey boulude cambia permou dou gran tribalh qui aberé demandât, ou permou de d'autes rasoûs sus lasquoaus e decham tout cadû libre de pensa-y. En fi de counde, qu'at eau plâ dise, n'abém pas encoère poudut segouti las endiferénees ni amassa prou de bounes boulentats enta créa Testât d'esprit capable d'atégne lou punt de force d'û partit, au sens qui dam, en France, à d'aquet tèrmi ; qu'en èm entaus partits ; qu'ey de segu malurous, mes atau qu'ey ! Nou eau pas que-nse bienguen oupousa lou flaquè — ta daubus lou peguè — de la nouste douctrine, l'impoussibilitat de �— 44Í la méte en pratique e d'autes rantoynes dou medich escantilh, tout aco nou tién pas enta û òmi de dret sens, per chic qui sie enstruit de la bite souciau e de la politique. La bertat, au mens atau qu'at pénsi, la bertat qu'ey que, trop pourtats à créde à ço qui apèren la rasoû triounfante, qu'abém crédut qu'ère prou de ha brouni la bouts de la rasoû enta que-nse escoutèssen e... que-nse seguissen. Que calé ana au mey pressât e d'abord mantiéne la léngue mayrane. Per aco (arré que nou-s pousque) autâ plâ nou s'y escaderan pas encoère dab gnaute « metode » : la bite, l'ana de las soucietats, de las nacioûs que cambie, que pot cambia en û birat de mâ, qu'at bedém tout die hore France, mes, pas mey que nou-ns èm descouradyats, nou s'aberan pas à descouradya tapoc : la réussite est souvent une longue patience, si disè Pasteur. En tout cap, que crey toutû qu'abém esproubassat, escoubat prou plâ lou camî ; segu, per-ci per-quiu, que demoure quauque plab dab pousque e rabaudès, mes que soun de poc de cause : nou eau que hardidésse e boune pougne, e qu'ey lou pribilèdye de la yoenésse d'abé courau e force. You qu'èy boune hide. SIMIN ■a PALAY. ^yfif» s- LOU COURNÈ DOUS POUÈTES HILHOUTÉTE Qui-m sabera perqué tròbi lou co se-m founde, Quoan yiimpi sus la haute aquet petit bournalh De droulline, au cos sâ coum ue pèrne d'alh, E qui m'ey coum la mey bère cause dou mounde ! Tout-are que-m hase : « Dits-me encoè gnaute counde, Mes dous beroys e loung. Bèn, dits ! » Lou bèt tribalh ! E you qu'èy hèyt sourti lou Prince e soun armalh E la Princésse qui-u balhara hilhs d'abounde, E puch, la bère Hade e la Brouche au darrè, Qu'at èy hèyt trepa tout à trabès la campagne, Dinqu'au castèt de màrme blanc, mey loegn qu'Espagne, Oun l'ausèt blu se yumpe au brout d'û sausarrè, Mes, la nène, s'ous youlhs, que se m'ey adroumide E que fenech lou counde en souney e rabide. Gelos (1934). SIMIN PALAY. �— 442 — DEYA BINT ANS ! Abans d'escribe aco, paupat que-m soy, cregat ! Toutu qu'ey lou moumén, amies, Ihèu de-s soubiéne Que y a bint ans, aquéste mes, talèu segat, Biahore qu'entenoum e prèst que-s cale tiéne. Que-m semble qu'ère yé ; tems, b'ès dounc tu hoeytiu ! Que trucabet, tabars, qu'aperabet, campanes, De France lous souldats ; per bèt die d'estiu Que debèm decha tout enta coéntes mey granes. Que plantèm lous hourcats ta gaha lous fesilhs, « Lous de case « adichats » Ihèu per ue mesade » Si digoum en parti : lous pays, lous frays, lous hilhs. E quoate ans que dura la nouste desbesade. De Puchéu partim très, drin mey yoén, lou quoatau Souldat qu'ère deya. Sou camî de Coarraze Oun debèm amassas, quàsi de tout pourtau Que sourtibe quauqu'u desarrigat de case. E que-s dechèm carga, brabes coum lous aguets... Despuch aquet moumén, de cibot en cousséye, Que hém ço qui bouloun lous gradats, touts aquets Qui soubén haut plaçais hèn au mey qui 'strousséye. De Toul ta Charleroi, que houm trimbaleyats, Chic de dies après n'esté mey que courrudes, Escapa-s que calé, noeyt e die abeyats, Chens droumi, nou cracan soubén que poumes crudes. Ahanats, esbarrits, que tournèn amassas Ta houni tout d'il cop sus lous qui t'embadiben, France ; labéts cadoun lous mey horts, lous mey sâs, Qu'arrestèm l'aleman, mes ne-u horebandibem... Labéts que-s entuta. Quoàte ans hens lous barats, Engrabats, pedoulhous, mourts de ret, au pudimi, Chasclats, tuats, amies, lous qui n'èm debarats Qu'abém de bibe encoè ta parla-b dou gran crimi. Nou bouy pas desglara lous maus co-hens patits ; Lous yoèns qui nan pas bist nou-n crédin l'esmapade : Diu qu'ous garde toutu de medichs sang-boutits, Qu'ous dèche dens la pats de qui-us abém croumpade. ZABIÈ DE PUCHEU. �— 443 — MOUNDE E CAUSES DE NOUSTE YAN PALAY Lou coundàyre La dignitat d'ue literature que-s payère au noumbre de libes qui pod amucha en neuritut de prumère harie entau mounde sancè. Ábans dou sègle XIXau, la Gascougne qu'abè à Pèy de Garros e tabé à Guilhem Ader. N'at diseram yamey prou : Lou Gentilome gascoun qu'ey hère mey qu'u essay miat à la bambole, e que crey que lou proufessou Yan de Bourciez qu'at a proubat dens aquéstes Reclams de 1927, ya que lous filologues ayen abut u drinou trop idées de cerca-y aute cause qu'esplendou de pensade e ue bertadère e coumplide teourie de l'esperit gascoû. Se lou Catounet dou medich, ey u ligot de sayésse qui sufech tau gouyat apoudyat capbat dou mounde ta estaubia-s hère de trebulòssis lou Gentilome gascoun qu'ey lou chibaliè en accioû. U cop tournât dous bàrris, quoan a penut la baléste aus anquéts de la cheminéye, lou guerriè qu'a besougn d'èste carat e mench-hidèc. Nou soun mey sourdats, mes cibius lous qui-u haran la countre-carre : que sera Ihèu sourdeys. Tout aco enta dise qu'Ader qu'a dechat quauqu'arré de counde-ha, quauqu'arré qui eau counégue, medich quoan noustes autous nou seran d'aquets de qui nouménten « auteurs de culture générale ». La Gascougne n'ey pas de oey, e aquero tapoc n'at cridaram yamey de soubres : Qu'aboum à trabès dous sègles u ana ouriyinau, qu'èrem sustout « goarrès » coum dits Ader ; qu'aboum d'aquets �— 444 — tems anciens lous mayes défauts : ue sensibilitat meylèu de courdelhat que de séde, u goust ta la biahore bragarde e bantariole ; liens l'esperit ue abiade taus arrepourès, ta la senténci hourgade en dus trucs e très patacs ; hens lou co ue tendrésse qui carabem e escounèm dab pudou mascle. Ço que y-a cabut hens l'amne gascoune, nou balhe brigue la clau de la nouste persounalitat. Per boune sorte, lou quoatau (ou cinquoau) gran libe de nouste Renachénce, Lous coundes biarnés, que dan quauques endiques segures sus la questioû. Nou pénsi pas brique que Casaussus e sie l'imàdye coumplit dou biarnés, aco noû. Lou biarnés qu'a toutes las qualitats e touts lous plaps dou héros de Yan Palay, mes Casaussus que s'a desbroumbat d'abé lou « cap epic » e aco (ta nou dise qu'aquére) qu'ey tabé de Gascougne. Lous coundes de Bladè qu'at sàben ha baie e las tradicioûs gascounes que soun aquiu. Casaussus, et, qu'ey hastialemén abisat, que cèrque à esbita la despénse e Ihèu qu'en fèyt de reliyoû n'a que lou fourmalisme dous ayòus roumâs. Aquets défauts, qu'ous abèn lous pè-terrous de Maupassant. Lou gran Nourman, dab La Couhessioù de Casaussus, La Ribote à bou coumpte, Lou Biarnés à Paris, qu'aberé poudut escade ue d'aquéres payes qui soun taus lelibres de las preciouses, mes de las bèt drin hastiaus. Palay, et, qu'a sabut esbita la farceyade grechouse e peberade, nou debare yamey dinque à « l'esperit de las istôries dites « gauloises » ou marselhéses que lous Sourbounayres escouliats e créden èste la mustre de l'esperit poupulàri. Lous paysâs de Yan Palay que « tiren au fi », l'arrise que bad mey dou mout que de la situacioû, e aquero, au countre de las hèytes galéses. Toute la lustrou dou « Presic de las notices de Cana » que suberpuye pou mescladis beroy de la longue e per la gràcie dous tèrmis. Se lous lauradous de Maupassant e tiren l'arrise, qu'ey permou que pintren « la bêtise au front de taureau ». Que soun premuts e carats e lou coumic que bien de las afrounteries granasses badudes de tire. Que cerqueréts en de balles lou méndre entec parié dens lou cap d'obre gascoû. La suberbalou dou « Bi de VEspcrgatùri » e d'« Enric e lou paijsâ » que biénen d'aquére armounisacioû de tintes e de dises qui hèn l'obre classic. Lous « Coundes biarnés » que biben sustout per dus persounàdyes : Casaussus e lou caperà de Seroù. Aquets nou soun ue creaciou absoulude de Yan Palay, que bouy dise que lou pòple que-s coundabe de loegn enla las remouncinades eternaus d'u paysâ dab lou sou curè. Yan Palay qu'ère talbur, e lous talhurs, dou sou tems, que hasèn yournades, maysoû per maysoû, e que-s troubaben èste lous einbassadous de la gauyou aus larès oun s'assedèn tout die ta couse. Que las a dounc apréses e coundades de maynat enla, mes couine ère tabé pouète, que las a batiades, pucli, espourgades dous défauts qui carruche toute creaciou poupulàrie, qu'a pipalhat las soues amnes dous lilòus de la léngue classic. Tè, qu'a hèyt taus sous persounàdyes ço qui abè escadut La Fontaine taus omis e hémnes dous « fabliaux », qu'ous a capsats e oundrats. Ue partide dou �— 445 — « curé de Serou e dou mounye » qu'ey yesside d'u bielh counde biarnés balhat per V. Lespy dens lous sous « Proverbes du Pays de Béarn » e mey tard per .1. V. Lalanne dens lous sous « Coundes biarnés » (1889). U caperâ que ba èste aperat à l'Abescat permou qu'en a hèyte ue, mes lou mouliè que-s cargue de bira-u la coénte ; qu'où se boute la soue soutane e que s'en ba respoune per et au Mounségne : « — Qu'ès aquiu, caperâ, si-u dits l'abésque. — Obio, mounsegnou. — Respoun dounc à ço qui-t bau demanda. — Si à Diu plats, mounsegnou. — Quoan y-a d'aci au sourelh dou cèu ? — U cop d'oelh. — Quoan pèse la lue ? — Ue liure pusqu'ey de quoàte quarts. — De qu'ey la pregoundou de la mar ? — D'u yet de pèyre. — Quoan de toumbarous caleré ta pourtâ tout lou sable de la mar ? — U soulét, si ère prou gran. — E be t'en tires coume û demoun, caperâ ! Tè, aci dilhèu que sera ta tu lou perhoc. Respoun : Quoan bàli, you ? — Bint-e-nau dinès. — Sounqu'aco ? — Obio, mounsegnou, lou Hilh-Diu, Yèsus, que hou benut per trénte, be b'èy dounc hèyt boune mesure ! » Lalanne que debè hica drin mey d'ayside dens aquet prousey, mes espiém la merabilhouse transpousicioû de Yan Palay, e quin a sabut planta las arrames afaytades de la soue muse paysane : ...Lou prélat que-u balhe ue cadière E que-u dit : « Sèd-te dounc, qu'ès pénsi fatigat ? Lou curé que-u respoun : « Mounsegnou, mercés hère, Lou baylét nou-s sèd pas quoan lou mèste ey quilhat. » — « Biam, mes precisemén, que soij lou mèste à case, Que pouch ha ço qui-m plats qu'ey aus auts d'aubedi. — Que-m sèdi, mounsegnou, pusqu'ey boste desi. » Yudyat si lou curé mesurabe la frase, Si pesabe lous moûts e si tirabe au fi. — « Biam, que m'an escribut, si credi, chens malice, Si reprén Mounsegnou, qu'estroussabcs la misse E qu'abès lou renoum d'esta drin cap-bariat. Si t'èy hèyt demanda, qu'ey enta-m rende counde Que bau enterrouga-t e que serèy ficsat. Beyam : Oun ère Diu, abah nou hé lou mounde ? — A case, mounsegnou, qu'ère mèste pertout. — Hère pla respounut. Mes aquiu n'ey pas tout, Que bau soulemén ha-t encoère ue demande : Diu qu'ère dounc à case. E qu'ey ço qui hasè ? �— 446 — — E per segu, coum bous, ço qui pla lou plasè, Lou baylet qu'aubedech, lou mèste que coumande. — Aném, n'ès pas nat pèc, que soy countén de tu, Que t'en podes tourna... Dens la prefàcie dous Coundes, mèste Edouard Bourciez que debise de ço que Palay a début peruca dens lous coundes de Bladè, e are que poden hourni à la hount de la Tradicioû d'Armagnac, la Tradicioû biarnése, mes proubable, lou nouste coundàyre, n'abè pas poudut léye aquets coelhedous doun las obres tirades à quauques exemplàris n'èren debudes passa qu'entre amies. Coum se bed, u cop remirade « l'entrigue » que la tourne houne e enhourti au goust de la soue biste d'artiste. Au ras dou sou dise, yessin acabat dou sou calam, las dades tradiciounaus que paréchen causes amassades per terre e bulgàris. Atau, u bî d'Armagnac dous peluts, ya que trop cargat, que sort de las mas d'u mèste de chay claret e bou ta èste tastat e chourrupat à lésé. Hens lou pregoun, Casaussus e lou caperâ de Seroû, que soun la mediche e ue persoune desdoublade e qui-s balhe lou dit e lou countre-dit. L'abat dous coundes biarnés qu'ey hilh de la Tasque, ço qui gauseri noumenta d'aquéste chaire nouble : « U curé en esclops ». Casaussus, escouliat au seminàri, qu'aberé hèyt coum lou sou coumpagnoû : u moussu dous fis e adrets, brigue proufessou, brigue reyént e d'u « optimisme » pouderous, auherin la douctrine de la Glèyse-may dens lous exémples renabits per la bite-bitante. Quauques batalurs de ley que trabèssen lou libe. Casaussus qu'ous oragn e qu'ous couyoune : qu'ous « hè marcha ». Que tiéni « l'Aboucat e lou Paysà » e « lou Counselh de l'Aboucat » per las dues perlines dou libe : que soun de bitare, oun quauques courbachs de ley an dat tribalh aus tribunaus. Segu, quoan l'escribà biarnés e hicabe s'ou papè de taus counsurtes, nou bedè goàyre enlà, que boulé ha arride, mes la hade dous grans calams que bou que l'òmi nou béye la pouriade unibersau e eternau de ço qui dits : Atau qu'en ban las causes. Qu'èy abançat, toutare, que l'aure erouic que hase drin rèyte au iibe : que-m souy enganat. Au coustat dou paysà biarnés la care d'Henric, lou rey gascoû que-nse bien sourrise. U bent de glòrie e de pats (Vue hilhe de l'aute coum toustém) que bouhe sus las darrères payes. « N'ey pas mey l'Henricou, qu'ey lou Rey deus Francès. » Atau tout que s'acabe deplâ, permou qu'at eau dise, hens la literature nouste aquet persounàdye haroulè e magnifie, lou « Caddèt de Gascougne » qu'ey ue oumpre, que diserén ue amne en péne. Lous qui an leyit à Dumas e à Guilhèm Ader qu'en an ue idée mey carnau. Que manque au Gentilome magnifie, l'amie de tout die, lou counselhè de toute ore. Hens lous coumentàris de Montluc, que troubabem grane la souledat dou capitàni badut à nouste, à Mansencoume. Ad aquet Don Quijote que manque lou Sancho. Que-m sémble que Casaussus, ray bertadè de l'escudè espagnòu, nou haré trop praube care au seguissi d'aquet yentiu qui, suban lou grandous Sarran, barreyade dab lou plumach dou capèt lous empounts marmoulencs de Bersalhes. Que �— 447 — m'abìsi prou de Montluc, dechan l'armade d'Italie e bienén ta Paris darriga au Rey la permissioû de liura la batalhe de Cerisolles, seguit per u gouyat abisat. Aquéres enteliyénces mayouraus qu'an besougn de prouba lous lous sauneys à la sane rasoû paysane. Casaussus que-m parech u cretic dous yénces, escouliat per la bite e brabe quoan at eau. N'ey pas et qui escriboure yamey lous bersets tant couneguts : La Race gascoue Espian la couroue Dous courrius lugrans Per lou cèu boulans, yamès s'esmiragle e d'ue aie d'agle counceb d'enayra-s toustém mey enla... Sus aquet punt, Casaussus qu'a troubat dens lou Poulet de Soubère (doun b'an debisat au numéro de Garbe) coume u fray. Touts dus, que harén escudès coumplits, beroy pausats per ue creacioû artistic, testimònis d'ue Race. Yan Palay qu'amuche per capsus aus calameyàyres, la glòrie dou sègle d'or nouste, lous sous omis d'espade, lous sous boès resounàyres qui s'en ban chens yamey trebuca e qui hèn lou maye dous abalans à la nouste may Gascougne. ANDRÈU PIC. B1RADES La Bite Bite qu'ès ? Bourlire que lou bent coussire, que lou béni, soubén, per capsus encare, ayumpe c debare, e hè courre, hòu, de pertout oun bòu. (Birade de M. C.) Bite marfandide ! Toutu, dab l'ahide au sou co, o, quio ! maugrat les esprabes, e las mayes trabes, lou pouète las que crubè soulas. YAUSEP LOUBET, (Proubençau). �— 448 — PUNTS DE DRET BIARNÉS Coustumes successouraus d'adare Lous qui hasoun lou Code cibiu de 1805 qu'abèn, qu'at tourni repica, y-a que b'at àyi dit mey d'u cop, l'idée d'ue Egalitat d'ue Yusticie qui poudém chens pòu apera « utopiques ». A nous autis, mounde dou Mieydie, que-nse hèn prou soubén l'arcast d'èste cap-leuyès e d'espia decap à las estéles. Toutu, la nouste cibilisacioû, la nouste manière de bibe de cade die qu'ey, qu'at pénsi, you e raciounau e pousitibe. Mes, aylas, quoan parlam per truferie, qu'at créden suriousamén. N'abém brigue la mediche hèyte de pensa, qu'èm lous hilhs dou sourelh, nous autis, qu'èm baduts d'ue terre besiade e n'aymam goayre plouremiqueya ! Enta-nse coumpréne que-nse eau counéche, probes que dits bertat l'arrepoè : Espie dus cops, sinou que diserés peguésses. Quio, qu'aymam drin (Ihèu hère) batala de causes leuyères, counda istoerotes gauyouses, mes nou crey pas qu'aném yamey courre en bertat, au darrè de d'autes qui sabém chens cap ni coude. Se nouste dret antic e pod paréche oey lou die u drin endarrerat, ço qui-s pod permou qu'ey prou bielh lou code cibiu l'rancés qu'en ey et tabé, endarrerat, e pas sounque u chic. Lou nouste que sémble enyuste dab aquet dret especiau de l'aynat, qui Ihèu ère seguit à i'adye-mieyè en d'autes countrades, mes à l'ore de oey, lous yuristes que soun oubligats de dise qu'ey l'espressioû de la bertadère sapiénce. Naciounau qu'ère, e souciau, lou nouste dret antic, aquero qu'at an dit e prou soubén, mes las causes mentabudes cent cops que las eau tourna dise ta ha-les sabé adarroun, cent mile cops clama-les, e toustém parié, enta-s ha coumpréne... se, per fis, s'en y escaden dous qui bolen coumpréne ! E que-s trobe que lous qui hén l'obre maye qui aperam lou code, nou l'an ne coumprés ne tapoc medich boulut saya de coumpréne. Lou punt de biste pratic, lou punt de biste souciau de las leys noustes, nou l'an yamey coumprés. Que seguiben la luts esmiraglante de la yusticie ; que boulèn plouma la Republique ideau e yuste. Que bedéts ço qui-n pod esta de la Republique ideau, quoan la eau hica de pès ! L'an de Diu 1775, lous Estats de Biarn qu'embiaben au Rey, qui-us counsurtabe sus « l'oupourtunitat dou prencipe de l'egalitat dou partàdye », u mandadis entau ha sabé « que per nouste las proupielats que soun trop « estrétes », riches per aci e praubes per aquiu, de tau manière que tau bé de touts, enta esbita lous destroubles, la ley dou partàdye inegau qu'ey yuste e que coumbié hère pla au bé yenerau, permou qu'atau que soun pagades talhes e impousicioûs... e tabé au bé familhau, pusqu'ey lou sustién, l'emparance uecessàrie, l'estabilitat de la souque familhau. » Mes, lou maye sourd qu'ey, aylas ! lou qui nou bòu audi. Ço que lou Rey abè boulut au sou tems, mey tard lou pôple soubirâ (ou lous sous mandatàris) n'at debè pas boulé. Lous deputats, lous capdaus �— 449 — nou bouloun enténe la bouts sancère de la sayésse e de la sapiénce antics, que credoun meylèu à la Libertat, à la Yusticie, à l'Egalitat. Qu'èren amiats per l'Idée; l'idée qu'ère aco: A cadu la soue pourcioû, parière à la dou sou ray. E nou pas parière sounque ta la balou, nou, parière tabé enta la « nature ». Qu'ey à dise parière, nou pas sounque en dinès mes en bés. Aquero que debè, si-s disèn, ha omis libres e egaus. Nou s'abisaben brigue, embuglits qui èren, d'ue cause qui nous autis abém biste, bère pause-a, hère abans que biengoussen : En toustém partadya las terres, qu'ey ço qui-n demourara au cap de dues ou très yeneracioûs ? Ço qui-n demoure qu'at sabét : Maysoûs boéytes, campagnes abandounades. Au mench e soun libres e egaus lous omis ! Nàni ! Malurous qu'en y-a parié coume abans, Ihèu mey, au segu nou n'y a pas mench. Que soun anats ta la bile, lous paysâs roeynats p'ou code, e à la bile que soun baduts esclaus dou maquinisme ; à l'ore de oey, beyat ço qui n'ey arribat. Nou b'at èy pas à dise ; quoan n'y a qui eau ha bibe d'aumouyne, qu'at sabét coume you. Ere aco, ço qui an boulut lous yuristes qui an hourgat lou Code ? E toutu, per force qu'en debèm arrecouti aquiu. Aci nou parli goayre que dous paysâs e de las terres, permou qu'ey ço qui-ns interèsse lou mey. La richésse bertadère qu'ey la terre. Qu'an dit, lous pouètes, qu'ère la mestrésse la mey yelouse, mes tabé la mey sabrouse, que l'apèren « terre mayrane ». Segu taus qui nou an en prouprietat sounque dinès, bés mobles, lou partàdye egau nou hè puchéu, au countràri, qu'ey u bé dous mayes ; mes, beyat doun l'aute peguésse dou Code dab la soue egalitat, que s'aplique à touts parié reyime. Abans de ha ue ley, be caleré abisa-s de la ha yuste, e anats, l'egalitat n'ey pas toustém yusticie. Per toute la France, païs de petite prouprietat, lous paysâs qu'an, la maye part dou tems, à béne la maysoû familhau, la terre de case, permou nou-s poden partadya que dab lous mayes empaths : Soubienem-se toustém que las pourcioûs e dében èste egaus en nature e nou sounque en dinès. Nou-s bénen pas toustém mes soubén, trop soubén en Biarn, païs oun las terres soun petites, e s'aquére ey riche e boune, la d'acera qu'ey u èrm ou u touya ; nou soun pas doungues yamey parières en nature, nou soun pas de la mediche hèyte e nou poden coumpara-s, «. suban la ley ». Quin abèn dounc rasoû lous Estats de Biarn quoan at escribèn en 1775 : « Que eau que lous prouprietàris e pousquien trouba aci ço qui-us manque acera » ; mes aquére sapiénce qu'ère trop biélhe, que pudibe à l'ancièn tems ignourént e maladit ; n'en cale pas mey. La birade qui eau préne, qu'ey aquéste à l'ore de oey : Béne, pusque la part mie nou-s pod coumpara-s à la dou me ray ; béne e parti e descarra, béne à mâchant prêts, empraubi-s, e apuch que lous pays aboussen tribalhat ta-m decha de que bibe, demoura coucàrrou dab très sos en poche. Urousemén que-s pòden arranya-s lous eretès ; la cause que-s hé mantu cop, e pla rasoû qu'an. Mes lou prencipe, et-medich, qu'ey : Egalitat sancére, e aquet prencipe qu'ey roeynous, pusque, coume at bam béde, e soun oubligats de bira-u. Ya, toutu, e sie hèyte enta �que l'apliquen e nou pas enta que la tòrsien ; ue boune ley nou déu pas, nou pod pas esta birade. E toutu birade que l'abém e aquero, de dues manières ; l'ue, qui an aplicade aylas ! drin pertout en France, e tabé dens quauques corns de Gascougne ; lous mey riches, qu'at eau dise, e qu'ey aquéste, nou pas abé qu'u maynat ; atau que s'amassara tout ço qui l'aberan gagnât lous pays sous. Mes, se nou biu, coum s'ey bist nou y-a goayre, tuat en guerre, se et n'a pas maynats ? Ue familhe mourte de mey. La terre benude aus estranyès riches de maynats e, ets, soulides. Atau que-s croumpen toutes las terres noustes doun èm horebandits chic à chic. Beyat senou dens lou bach Armagnac e l'Agenés. Beroy tribalh, au segu, e qui hè aunou aus pays de las noustes leys. Gràcis à Diu, toutes las familhes nou n'arriben à d'aquets boeyts. Qu'en y a qui empléguen e despuch loungues anades, birades d'interès maye ta que las estudièssen lous yuristes l'rancés, drin estoumagats qu'at eau créde, de l'adretie d'aquets Biarnés fis e comtés, e d'aquets Bàscous íìdòus à la tradicioû. Qu'en abém u sarrot d'aquéres fayçous d'ana countre la ley mourtau ; nous las bam pas estudia toutes, qu'en y a tropes, mes abans d'en béde quauques-ues, qu'èy, si crey, à-b dise en prumères ço qui escaden per lis aquéres birades: Tout escas se hèn tourna bibe lou dret de l'aynat e soun la counsecracioû dou reyime inegau, mes pratic e raciounau, qui tienera de pès la case dous ayôus. A l'ore de oey, drin pertout, que-s desbélhen las enstitucioûs yuridics e souciaus de d'autes tems ; lous sendicats que soun lous arrè-hilhs de las courpouracioûs, ta balha-n u exémple ; se tournen bibe qu'ey permou que soun necessàris (1) e d'ue nécessitât qui nou-s pod discuti, pusque à maugrat tout e demouren. Arribém-ne au partàdye d'ue successioû. Digam que se lous hilhs e soun prou entelliyénts (ço qui per cas arribe !) que-s ban arranya enter ets, sénse brut. L'u que-s prenera tau tros de terre qui-u coumbié permou d'aco ou d'aco encoère ; l'aute que-s ba goarda lou bé quasi sancè, mes que pagara quauqu'arré au sou ray ou serou ; aquet, en fi de coundes, nou bou sounque dinès. Aquero, la ley mediche qu'at permet, e qu'ey ço qui liaran de miélhe lous eretès se soun de boune te e brabes. E, senou, artigle 815 dou code cibiu e toute la tire-corde, annulacioû, partàdye yudiciàri e lous sents seguissis qui costen hère ca. Mes lou pay et medich que pod prebéde l'abiéne e ha dou sou boulé la successioû soue. Lou cas lou mey coumû qu'ey aquéste : Per dounacioû enter bius, per testamén e per partàdye abançat, que lègue à l'u dous sous hilhs tout ço que la ley au balhe la permissiou de da, qu'ey ço qui apèren la « quotité disponible » en l'rancés. Se per cas e y-a prou de dinès enta poudé paga à cadu dous auts maynats la soue part leyitime, nou y-a pas partàdye, e la terre mayrane, lou bé familhau, bé de paysà, que biu. Nou y-a pas partàdye se nou soun pas chicanous lous eretès, (1) Que eau remarca que n'an pas yamey desparescut per nouste ço qui aperam adare coustumes successouraus. Qu'èren toustém hère arrebouhiècs. �— 451 — senou (toustém la ley) e haut, gouyat, tire la bousséte e pague lous aboucats, lous noutàris, lous « experts ». Toutu, aci, e pusque autapla e parlam de yusticie, que-y pod abé beroye enyusticie e nou pas decap aus caddèts, mes decap à l'eretè et-medich: Que-b pod estouna, mes ue esplicacioû hère simple que-b èy à da. Hiquém que lou partàdye e sie estât hèyt abans la mourt dou pay, per dounacioû, ço qui s'escad soubén. L'aynat que ba tribalha dab lou pay, que goagnara sos. La soue hémne, quoan se maride qu'où porte u dot. Aquet dot, e tabé ço qui s'abera goagnat lou hilh qui semblabe abantadyat, que passara taus sous rays, que sera la loue leguitime. Aquets dinès qui n'èren en arré lous, qui n'èren brigue dens l'eretàdye (qu'ey l'aynat qui-us se goagnè en tribalhan, e la soue daune qui-us a pourtats) nou-y seran que lous autes rays qui-us se ban partadya, l'aynat nou-n toucara nade pille (1). Que-s pouderé aysideméns arranya la cause si-s partadyaben cade anade lous dinès atau goagnats pou pay e pou sou aynat, aquero que-s hè decap à Salies, e que s'en troben plâ, mes n'at counéchen goayre en d'autes parsàs Biarnés. Toutu, à maugrat de tout, lou hilh eretè dou bé familhau n'ey pas trop à plagne ; qu'ey mèste de case e que eau espéra que tournaran prou lèu lous sos hens la bousséte soue. Mes qu'arribe mantu cop que dinès nou n'y a pas prous ta paga la leyitime dous caddèts, e labéts toustém... lou partàdye. Enta bira-s d'aquet trebuc, enta sauba la terre, que coumbiénen que las parts dous caddèts qu'ous seran pagades chic à chic, quoan se pousque. Qu'arribe tabé, e aquero qu'at èy bis en hère d'endrets, sustout en Labedâ, que lous caddèts qui an hèyt estudia, nou bolen arré pusque lou pay lous hé capables de goagna-s la bioque. Soubén, enfingues, lous caddèts qui nou-s mariden, que tournaran lous bés qui s'an amassats, au nebout lou, eretè de la terre. Aquiu qu'ey lou prencipe, mes l'aplicacioû n'ey pas toustém ayside ; qu'abém à espia bitare quin se hèn lous partàdyes, ou meylèu enta noumenta las causes coum s'apèren, e per aco emplega lou tèrmi drin especiau : « L'Enstitucioû d'eretè ». S'ey per dounacioû, que-s hara lou partàdye au moumén dou maridàdye de l'aynat (aynat-eretè, atau qu'aperaram lou qui ey abantadyat sus lous autes, e quau que sie). Que-s coumbié alabets, de que l'eretè que la recébe autalèu « per preciput e hors part » lou quart dous bés. Qu'ey yuste la « quotité disponible » dous sous payrans e de mey lou quart de ço qui s'amassaran touts dus, lou pay e lou hilh. Dou sou coustat, la nore que da au sou bèu-pay lou sou dot enta paga, si-b èy deya dit, la leyitime dous caddèts. Se lou partàdye e-s hè per testamén que-s hèn coumbienguts pariés. Se biu encoère lou pay, ou la may (s'ey mourt lou pay) qu'abantadyaran lou medich maynat per dounacioû entre bius, ço qui aperaben lous antics « donatiô en bida » ou per testamén, de tau hèyte que poudousse, l'eretè bertadè, abé lous dus eretàdyes e senou au mench la maye pourcioû. (1) La hémne qu'a balhat lou sou dot, mes pla entenut que goarde la soue hipoutèque legau sus lous bés dou sou marit, e que bau mlélhe tad ère ; lous mobles que-s poden estuya, mes estuya ue borde nou-s hè pas cade die e la soue hipoutèque qu'ey sedude sus las prouprietats « immoubilières ». �— 452 — Mes, ço qui arribe soubén, qu'ey ço qui toutare aperàbi partàdye abançat e la « donatiô en bida » e labéts que y-a trénte-cheys manières d'at maneya. Broumba que-s eau aço, qu'aquére enstitucioû yuridic que nou dèche pas ha dab ayside « la circulation des richesses » aunourade dens lou sègle darrè coume ue ley dibinau e qui ey mau aperade p'ou code. Nou l'an pas gausade horebandi, l'enstitucioû aquére e per fis, espiats quin ey : Abans de mouri-s, lou pay que partàdye lous sous bés aus maynats, à cargue tad ets dou ha « mourt e bite », de neuri-u, de l'enterténgue, « se besougn ey » coum disen lous Fors. Quoan at debiren atau, u eretè que-s trobe au cap de la maysoû. Soubén nou y-a pas qu'et qui toque quauqu'arré, mes que debera neuri lous sous rays, la may, lou pay. Que sera, en u mout, capmaysoù en loc dou pay. Coum pertout aci que y-a hort de place taus pleyteyistes, taus mau-countents, e labets toustém medich arrepic ; Partàdye yuridic e terre abandounade. Despuch lou code, drin pertout, lous Gascoùs e lous Bàscous y-a s'y soun hèyts à bira la ley. Qu'at eau ha counéche ; à l'ore de oey, quin nou s'abisèren que lou code qu'ey trop sec. Nabères leys que soun biengudes, mes lous résultats qui daben sustout la counstitucioû dou « Bé familhau » nou soun ço qui poudèm espéra. Si at boulém espia, qu'ey toutu cause hère triste que ta sauba lou bé dous pays, lou bé gagnât, so per so, en hort tribalhan, que eau ana countre la ley dou païs de France. La ley, hèyte per quauques malestrucs, nou poudè èste aplicade, n'a pas dat doungues ço qui debè da : La prouteccioû dou tribalh. Que y'abou aquiu ue faute maye, ue faute de sens. La Reboulucioû que hé de l'òmi, u Diu, e ya s'en cred encoè bitare. Praubot ! Que eau meylèu dise que l'omi n'ey pas arré, ou senou poc de cause. Qu'ey la familhe qui ey tout. E toutu qu'ey l'òmi qui parech èste dens lou code l'unie à abé drets. Aquero qu'ey tant faus que, de force, las leys darrères que soun estades oubligades de recounéche ue « persounalitat cibile » aus sendicats. E, digats-m'at, qu'ey ue familhe senou lou sendicat prumè, lou sendicat naturau ? Ta segui lou bou camî, ta ha-s'y coum eau, que caleré doungues, chens pòu, cambia la sole, lou soust dou Dret francés de la familhe e plouma u dret bertaderamén souciau. Bertaderamén souciau, qu'ey à dise que haré mey de place aus debés de cadu, auloc d'ana dise à touts : Qu'abets drets, goardat-belous ! Dous drets qui poudém abé, y-a s'en parle, dous debés, nat n'en bòu discuti, e toutu sénse debé, nat dret. L'u coum l'aute que biénen de la yusticie. En acaban aquéste batalis bèt drin loung, à maugrat lou degrèu qui èy de béde la ley ana countre de ço de suber-umâ qui-s trobe en aquéste terre, lou tribalh e la familhe, que-m sie permelut de dise : Arré n'ey per encoère perdut hens nouste corn de Biarn ; omis qu'en y-aura toustém capbat nouste, omis dens lou sens bertadè dou mout e qui s'at saben bira, à maugrat leys entecades. Qu'abém lou dret d'espera en l'abiéne. MANUEL LABORDE-BARBANÉGRE. �— 453 — PAR AU LES A LEYE Régionalisme, Fédéralisme, Patriotisme Les preuves d'attachement à la patrie, à l'idée nationale abondent dans l'œuvre de Mistral et, s'il évoque les luttes du xme siècle pour la défense de la patrie méridionale, loin de lui était la pensée d'orienter à nouveau les pays d'oc vers leur vie politique du moyen-âge. 11 regrettait seulement que, sans porter atteinte à l'unité nationale, on n'eût pas laissé à ces pays l'ensemble des libertés nécessaires à leur existence. Il est on ne peut plus facile, en s'inspirant du principe mistralien, de répondre à ceux qui prétendent que l'évocation des luttes du moyenâge nuit à l'unité nationale. Depuis sept cent ans que le Midi a subi la défaite, n'a-t-il pas toujours fait preuve de la plus grande loyauté vis-à-vis du conquérant ? et, s'il plaît à certains de ses enfants d'évoquer les luttes contre les envahisseurs septentrionaux, ne doit-on pas se souvenir que les diverses régions de France, tout en s'appuyant sur la tradition latine, ne cessent pas d'évoquer la résistance des populations gauloises aux envahisseurs romains ? Si l'on approuve ceux qui reconnaissent les bienfaits de la civilisation latine et qui, en même temps, exaltent la lutte patriotique de Vercingétorix contre César, pourquoi reprocherait-on aux peuples d'oc, s'ils se tiennent en dehors de tout esprit de parti, d'évoquer les luttes du xiue siècle contre les barons du Nord ? Doit-on interdire le rappel de ces luttes aux descendants de ceux qui, depuis leur entrée dans la nationalité française, ont, pendant plus de trois cents ans, fourni au pouvoir central ses meilleurs légistes et ses plus habiles diplomates, formés en grande partie par l'Université de Toulouse, tandis que d'autres, depuis la guerre de Cent Ans jusqu'à la dernière guerre, ont, sur tous les champs de bataille, fraternellement lutté avec les peuples d'oïl pour maintenir l'intégrité du territoire national ? Voilà plus de sept siècles que cette collaboration intime est assise sur des bases inébranlables : viendra-t-on soutenir que l'évocation de la patrie méridionale au moyen-âge porte atteinte à l'unité nationale ? Nous avons une preuve tangible, en dépit de ce que peuvent penser les unitaristes, qu'il n'y a pas plus de séparatisme dans le rappel de l'histoire ou dans la fidélité à la langue du pays d'origine qu'il n'y en a dans le fédéralisme ou le régionalisme. La vie régionale, fondée sur la langue et les traditions, n'est-elle pas l'un des meilleurs adjuvants de la Vie nationale ? Si l'on ne veut pas voir la France isolée dans le monde, on doit, pour entretenir de bonnes relations avec les pays voisins, conserver la langue et les traditions ancestrales. C'est ainsi que le Dauphiné et la Provence continueront leurs rapports de bonne fraternité avec le Piémont, le Languedoc avec la Catalogne, les pays gascons avec PAragon, comme les peuples d'oïl avec la Belgique ou la Suisse. Mistral savait mettre en avant ce principe d'une vie des peuples en conformité avec leur langue et leurs traditions, lorsqu'il disait dans son discours de Montpellier en 1876 : « Si nous voulons relever notre pauvre patrie, relevons ce qui fait vibrer les patriotes : la religion, les traditions, les souvenirs nationaux, la vieille langue du pays et, cité par cité, province par province, rivalisons de travaux pour exalter, chacun selon notre caractère, le nom de France. » Louis SAINT-RAYMOND. �— 454 — LAS NOUBËLES DOU PESQUITOU LOU RÈBE E LA BITE Bicens de Bordenabe qu'aymabe la Margalide de Loustau e que-n ère aymat. Yoens touts dus, — que toucabe aus bint e cinq quoan ère bienè tant per tant de passa lous très cheys — b'aberén hèyt tous beroys parious ! Et qu'ère u gran brun, baient e brabe coum nat, per aquero drin brusquet à pauses ; ère qu'ère ue fine bloundéte, esberide e gauyouse, mes ta tout dise, prou « pause-l'y dous » perinou d'esta trop minouseyade per case, coum ue caddète de boune maysou. Que s'èren aymats de maynats enlà e qu'abèn coumbiengut de loegn de s'aparia u die. E dounc, si-b pensât, aysit qu'ous ère labets de besti-s de nau, et de nére, ère de blanc, dab la trène aus talous e la flou d'iranyè sou cap, e de se-n ana, seguits d'ue loungue proucessiou de parents e d'amies, recébe la benedicciou de la glèyse. O bé, lous aymadous nou boulèn qu'aco, soulamén, malaye ! que-y abè u empatch dous mayes : lous de Bordenabe qu'èren trop praubes aus oelhs dous còssous aysits de Loustau, hort embeyous de marida la loue hilhe dab u cousi qui abè de qué. Tabé, quoan lou Bicens e gausè presenta-s enta ha la soue demande, maugrat plagns e plous de la Margalide, qu'estou mau arcoelhut e medich afrountat, e labets, de malicie e de pêne que parti ta las Amériques. * * * La gouyate que plourè loungtems, loungtems qu'atendou. Lou Yustî, à qui la pretendèn coulouca, qu'abou bèt lou ha la cour e biéne passa toutes las serades d'ibèr au corn dou hoec, ras de la cousiote : aquéste que-s demourabe bouque sarrade, qu'où hasè lou mus, suriouse, réde e toute empensade. L'aute que fenî per se-n fatiga e qu'anè serca mey loegn. Coum ère riche, per esta drin madu, que troubè biste gn'aute partit... E labets, Margalide, iranquile e miey apatsade, que recrubè la gauyou en se pensa de que lou Bicens que tournère lèu dab ue ligasse de bilhets de mile, qui l'nlandarén toutes las portes de Loustau. * * * Bicens, lou cô malaut, coum pensât, qu'ère partit tabé dab aquére ahide : de tribalha hort e d'estaubia tant qui poudousse enta tourna prou lèu. Tandes autes, per pèys estranyès, que hasèn fourtune ! Bessè be saboure, et tabé, que ha dous sous bras t'amassa aquére mounéde qui-u hasè rèyte, t'atégne aquére branque flouride qui-u proumetè lou bounur e nou demandabe que d'esta coelhude ! Medich en la nau qui-u pourtabe sus lou gran charoc, qu'abè sabut engadya-s coum garçou de serbici e paga-s atau lou passàdye. * * * Ta lèu arribat à Buenos-Ayres, oun debaren tant de bàscous e de biarnés, que serquè tribalh, e coum abè la balentie de gaha-s à tout, cade semmane que hicabe de coustat quauques bilhetots e qu'ous �— 455 — plegabe dab amou dehens d'u gran portefulhe qui pourtabe tousteni sus et. En balles lous sous coumpagnous que l'encitaben à segui-us t'ana chuca dab ets pernods, bermouts, curaços ou d'autes apelitifs : aquéres poutingues, si respounè, nou poudèn ha sounque doumau à la santat e atau qu'où dechaben bibe soul, à despart. Yamey n'entrabe en u cale, ni tapoc en tiàtres ou cinémas ; mes cade sé, u cop retirât en la praube crampéte qui abè alougade e barroulhade la porte, h art de fatigue mes plà countent, que coundabe coum u abare la soue mounéde, e qu'où semblabe que l'oumpre de la Margalide que bienè sède-s au ras, la bouque arridénte e lous oelhs lusents, enta counda-la dab et. * * Au cap de l'anade, à truques de trima e d'estaubia sus tout, qu'abè poudut atrassa-s p'ou tourn de mile pesetas aryentines, qui cambiades en ue banque francése e debèn baie labets dèts mile liures, sinou mey : ue petite fourtune deyà. Mes tabé, praubin, quoandes mestiès abè hèyts ! Lou permè qui s'ère auherit, que l'abè gahat : atau qu'ère estât pendent ue mesade manobre ta descarga lous nabius qui de die e de noeyt bienèn amarra-s au port de la grane bile. Tribalh au cant d'aquet arriu pouderous, nou n'y mancabe yamey ; mes qu'ère peniu e cascant... Sustout, nou l'agradabe pas de bibe au miey d'aquére lède mesclagne de yent de toute race e de toute traque, chense fé ni ley. Gn'aute mesade, que-s hé baradè, en lou gran ort public de « Palermo », oun centenats d'oubrès curaben arrius laryes e pregouns, ta recébe ou tiéne à despart lous herums saubàdyes, toques e caïmans, ous, tigres e lious. Puch, qu'estou baylet d'escuderie e carretè, en la borde d'u brabe leytassè bàscou, oun passé très mes hort tranquiles. Que seré demourat aquiu dab plasé, e lou mèste, countent d'abé au sou serbici u gouyat tant aunèste, que l'aberé aumentat la soutade ; mes lou tesic de gagna mey, adare qui coumprenè e parlabe prou plâ Fespagnòu, qu'où hé serca d'autes bies. * * * Que tribalhè labets quauques més per las aubèryes ; en permères, en moudestes oustaus oun n'entraben goàyre que lous oubrès e lou petit mounde ; puch en cates de mey en mey riches. Si-s lhebabe de d'ore e si droumibe de tard, au mens que-y toucabe de bounes estrées. Deyà que bedè apressa-s lou die oun poudoure tourna-s'en ta case. Encoère chéys, oeyt ou dèts més de tribalh fourcat... Puch, dab quine alegrie anabe trabessa gn'aut cop la ma ! Qu'at abè deyà escribut à la soue may, e segu, chens besougn de-n esta pregade, aquéste que l'aymabe prou ent'apréne tant boune noubèle à la béroye Margalide... La Marie de Bordenabe nou manqué pas l'oucasiou : que surbelhè lou cami per oun passabe la gouyate quoan miabe au prat lou bestiâ, e u brèspe qui l'encountrè soûle, qu'on passé au ras en lou dise : — Escoute, maynade ! Qu'aberas, si-m pénsi, gay d'at enténe : qu'èy abut létre d'Amérique, e lèu, si plats à Diu, que bam rébéde lou Bicens �— 456 — La Margalide que badou palle de susprése, puch rouye de plasé, e quoan abou après tout ço que la béude e sabè, qu'où yetè lous bras au tourn dou cot, coum s'ère deyà la soue may, qu'où hé crouchi dues poutines, e que-s separèn, toutes dues lou cô plé de hide... * ** Perqué dounc Bicens nou l'abè yamey hèyt noubèles à d'ère ? — Segu, nou gausabe pas, permou lous bielhs que l'aberén arrestat las létres, e labels... Puch, qu'ère tant estros ta calameya ! Toutu, adare qui pensabe au biàdye de retour, be debè Ihèu atrebi-s à la-n abisa Y — Que-y pensabe chens cès e que rembiabe de die en die. U sé, que s'ère décidât per il à l'escribe auans de droumi ; quoan, u cop puyat au souleret de la soue crampéte, débat la lose, e-n troubè la porte grane ubèrte... Quin se poudè, puch nou-s desbroumbabe yamey de claba-la e que-n pourtabe toustem la clau sus et ? Suspres e miey eslasiat, que cour à l'armàri oun, p'ou miey de la harde, e s'escounè lou portetulhe. Aylas ! quin estrangle ! L'armàri tabé qu'ère ubèrte, que-n abèn hèyt peta la sarralhe, houdilhat la pelhe, e que l'abèn dechat dessus lou portetulhe, u cop boeyrtat de toute la ligasse dous biihets amassats à truques de tandes pribacious, pênes e sudous... Miey mourt de chegri e hòu de malicie, lou gouyat que courrou plagne-s au mèste, qui hé apera la poulicie ; mes maugrat recercs e inquèstes, aquéste n'arribè pas à descoubri lou boulur. * * Dus més après aquére estrèyte, u mayti, assedut en u corn dou medich estanguet — (n'abè pas cambial de loc permou de nou-n abé lou couràdye) — Bicens, lou cap enter las màs, que plourabe encoère, tout en aténde lous clients. U moussu qu'entré e qu'où coumandè u cafè. Lou gouyat, en se lheba ta serbi-u, que s'eschugabe lous oelhs. Lou bouryés, qui s'ère assedut, que l'espiè permou d'aco dab mey d'atenciou, e qu'où debou trouba u cap de biarnés, puch qu'où digou atau : — Si nou-m troumpi, qu'èt bous de noustè... Ço qu'abet doungues à ploura ? — Labets, que-n èt, bous tabé, dou pèys berd ? — Que soy de Coarraze. — E you, de Buzy. E de batala, e de batala. Bicens qu'espliquè perqué abans e plourabe, e tant qui-y ère, que coundè toute la soue bite à d'aquet brabe omi qui bienè tant à perpaus d'encountra. Lou moussu que l'escoutabe de mey en mey esmabut e quoan lou gouyat abou debanat la soue praube istùrie, que demourè u mouinentot pensatiu, puch qu'où digou : — E-t trobes plâ aci ? — Que-y gagnàbi plâ de mounéde... mes despuch qui la m'an panade, que m'y tròbi mey estranyè. — Perqué labets nou te-n bienerés dab you ? E que l'espliquè de qu'abè ue grane estancia à cinq lègues hore de la bile, cams, praderies dab troupèts de chibaus, de baques e d'òulhes. �— 457 — — Coum as ue care de feau e aunèste biarnés, maugrat nou-t counégui que de toutare, que-m hidi en tu. Çay-te-n dab you. Que-m surbelharàs oubrès e baylets e que seras à nouste coum à case. L'aha qu'estou coumbiengut autalèu. Lou Soubielle de Coarraze que proumetè au Bicens de Buzy ue boune soutade, e medich de doubla-la, s'ère countent d'et e que l'anade estousse boune. Atau lou garçou, la cause esplicade au mèste, que quitè chens dôu aquet café de malur, e lou cô aleuyerit d'u gran pés que segui ta la campagne lou riche « estanciè ». * * * Tout aco, que s'esdeburè d'at escribe à la soue may ta qu'at espliquèsse à la Margalide e que preguèsse l'amigue dou boule aténde dus ans encoère... En la maysou de Soubielle qu'esté pla arcoelhut e trattat lèu coum s'ère de case. E que s'at meritabe, permou d'esta dab touts tant respectuous e toustem baient e aymable. Tabé, lou mèste, recounechent dous sous serbicis, qu'où pagabe hère au dessus de ço qui ère estât coumbiengut. Trop urous que-y ère, au ras dous bielhs, de très fièrs gouyats e de la loue yoéne serou. Toutu, au cap de la dusau anade, Bicens que digou au mèste de Soubielle : — Que-b abi coundat perqué èri partit ta las Amériques. Nou-m debeyi pas dab bous auts, que se-n manque hère, e si n'ère permou de la mie praube bielhe may qui sera tant urouse de-m rébéde, e tabé permou de la Margalide qui m'atèn, que-m demourari toustem aci... — Que-t coumpréni, amie. Dôu que-m hè de-t decha parti... Toutu, si yamey as besougn, aci que troubaras toustém la porte alandade. * * Embarcat oeyt dies après, au cap de très semmanes lou Bicens que dabarabe à Bourdèu, lou portetulhe beroy enlat, mes pas toutu autant coum lou cô. Que puyè d'ue came leuyère e tilhouse lous coustalats de Buzy e que poussé gauyous lou pourtalet de case. Quoan la soue may ou s'abou minyat de poutous, tout en ploura e arride, qu'où troubè l'ayre meylèu triste, e labets la may que l'abou de couhessa de que la Margalide, fatigade de demoura-u e nou-s hidan pas dilhèu à la soue paraule, u cop qui l'abou coundat lou panatori, que s'ère maridade prou biste après, dab lou caddèt de Larriu, e que bienè medich d'acoucha-s d'ue hilhe. Ere nou l'at abè gausat escribe, permou de cragne nou tournèsse yramey... Bicens que-n abou, dab aquére terrible noubèle, u dusau estrangle bèt drin mey escousent que lou permè e que-s metou à ploura coum u praube nén. Dues semmanes que-s demourè dehens, chens boule béde à d'arrés, parents ni amies. Toutu, que feni per se counsoula en se soubiéne quin touts lous de Soubielle, acéra, abèn abut tant de péne è bede-u parti, medich la hilhe de case, ue fine brunéte de bint ans. Labets, en loc de-s péne ou de s'ana nega, coum hèn tandes pèpis, qu'arrecoumandè à la soue may de dise à la Margalide que la perdounabe, e de mey qu'où souheytabe d'esta urouse dab gn'aute... E que tourné embarca ta las Amériques... �— 458 — * ** Quoan se présenté en ço de Soubielle, qu'estou u crit de susprése e de yoye, tant l'abèn touts prés en amistat en aquére tan boune familhe ; lous oelhs de la brunéte sustout que lusiben de countentè. Quoan Bicens abou coundat perqué abè tournât enterpréne lou biàdye ta biste, lou pay qu'où prenou à despart e qu'où digou : — Parléin francamens e chense lanterneya. Que-s counechém prou, dus ans a, ta nou pas serca rantoynes. Dilhèu nou m'at gausalés demanda permou de nou pas esta riche coum nous auts, mes aco ray. Qu'ès bèt drin brabe gouyat e que-m plases ; que crey de qu'agrades tabé à la mie hilhe. Si-t ba d'esta lou mé yéndre, beyes de-t 'arranya dab ère : la may e you qu'èm counsents. ** Dus més après, que-s celebrabe en ço de Soubielle une nouce suberbère. Lou hilh que s'ère amaneyat, qu'at poudet créde, d'escribe à la béude de Bordenabe ta counda-u la noubèle dou sou maridadye, dab ue beroye maynade à qui lous parents balhaben ue dot sounque de cinq cents mile. En acaba, que la pregabe de régla touts lous aharots de case, d'aferma las terres, de louga la maysou e d'arriba tant lèu qui poudousse. Dèts més après, quoan la praube hemne desbarquè à Buenos-Ayres, lou Bicens qui l'ère anade arcoèlhe, que la miè de tire à l'oustau de Soubielle oun la yoéne daune ou présenté u iièr nenè escarrabelhat, badut oeyt dies abans : qu'arribabe à perpaus ta-n esta mayrie. Bicens e Yanine qu'estén urous amasse, qu'aboun ue beroye coade de maynats e coum èren riches, cade cinq ou dèts ans qu'anaben da-s u tourn pou pèys dous Gabes. A bede-us tan coussuts, lous bielhs de Loustau nou-s poudèn decha de dise l'u à l'aut : — E-n a abut chance lou Bicens ! — Praube Margalide ! Segu, n'ey pas à plagne, més... — Toutu, s'abèm sabut ! — O ! s'abèm sabut ! * * * Atau que-n ba la bite d'aqueste mounde. A l'esguit de la yoenesse, quoan aubrim lous oelhs sus lou mounde, qui nou saunéye chic ou hère d'u abiéne de plasés, de richè e de lésé ? Soulamén, coum disè la bielhote : « Après l'amou, que eau bibe ! » Qu'aberé poudut hourni : « E abans tabé. » Urous lou qui coumprén de d'ore que lou debé déu toustém mestreya sus tout. La bite, aylas ! n'ey yamey tant hère coum l'abém sauneyade, e sustout nou-s debire pas soubén autapla. Diu qu'at sab, mes que-m menshidi que medich ta-u brabe Bicens de Bordenabe dilhèu la bite nou balè lou rèbe. LOU PESQUITOU. �LAS LETRES Lou nouste capdau d'aunou qu'a ue troupe d'amies, aco que-s sab. Qu'en a u, mèdye de la marine, qui a hèyt yuste tout lou tour dou mounde, bis yens e modes de toute payère e yamey ne s'a desbroumbat la Gascougne frésque, berdeyante, assourelhade, au parla sancé, nerbious e aymable à lésé. A Cherbourg despuch ballèu dus ans, quauques amies artistes coum et, que l'abèn demandât de ha ue counferénee sus la literature proubençale. « E de la Gascougne, que m'en hèts ? S'ous abè respounut. Que sèy que s'y tournéye aquiu tabé quauque arré deplâ ». Lou qui-s boute labets à boulé sabé ço qui s'ey hèyt en Gascougne dab l'Escole Gastou-Fébus. Coum b'at poudets pensa, lou nouste capdau d'aunou, à qui at abè demandât, que l'a de tire embiat de qué ha-s ue idée de ço qui l'Escole a espernabatut ent'arrebita la longue e arrebiscoula l'amne gascoune. U ray qui a per Arzacq, u baient qui a cantat lous mourts de la guerre Arzaqués, que l'a tabé mandat u hèch de Reclams e oerats ço qui lou nabèt counfray escribè lou 25 de mars au nouste amie de Dihort. Cherbourg, le 25 mars 1934. Cher monsieur l'Abbé, Vous devez me juger bien ingrat d'avoir tant tardé à vous répondre pour vous remercier des brochures et renseignements sur la question félibréenne que vous m'avez adressés avec tant d'empressement et de générosité. Voici la cause de ce retard. J'ai tout d'abord été occupé à préparer un voyage en Bavière, que j'ai fait le mois dernier avec un camarade curieux comme moi d'art et de beaux pays. Le but principal était la visite de Nuremberg, le joyau de l'Allemagne moyennâgeuse, patrie d'Albert Diirer et des Minnesingers. Ceux-ci, cousins germains de nos troubadours, ne sont-ils pas vos frères aînés, ô félibres ? Comme vous, ils chantaient la beauté de la terre et des saisons, le bonheur des champs, le charme de la vie patriarcale, et, peut-être à votre avis un peu trop, le vin et l'amour. Votre muse est plus chaste et l'œuvre de nos félibres se distingue par la hauteur morale de leur inspiration. C'est au retour de ce voyage, qui fut comme un prélude, que je me suis plongé dans l'élude de cette œuvre. Outre les livres que vous m'avez envoyés, j'avais reçu de Ferdinand (mon frère d'Arzacq) un choix de Reclams... et j'ai puisé dans ce jardin. Comme vous avez raison ! Si j'avais moins négligé la lecture de ces Echos, je connaîtrais un peu mieux la question félibréenne. Quels trésors n'y découvre-t-on pas ! Quelle matière à une riche anthologie ! Autour de votre nom et de celui de Simin Palay, qui me sont familiers, une pléiade d'autres écrivains brille d'un éclat que ne saurait éclipser la pléiade provençale. J'ai lu avec le plus grand intérêt les notices biographiques — les vôtres et celles de J.-B. Laborde, de Camelat — qui nous font connaître les auteurs disparus, depuis Pey de Garros jusqu'à Isidore Salles, et, tout près de nous, J.-B. Bégarie, notre Chénier, ou mieux notre J.-P. Calloch (l'auteur de Ar en Denlin). Si attachante fut cette étude qu'elle m'a pris beaucoup de temps; c'est �à peine aujourd'hui que je vais pouvoir communiquer a mes amis le résultat de mes recherches. Excellent exercice pour moi, qui m'incite à me tenir désormais plus au courant de vos travaux. Aussi vous prierai-je, cher Monsieur l'abbé et félibre majorai, de bien vouloir m'agréer au nombre des « nabets counfrays», si, du moins, vous me jugez « dignum intrare», comme membre sympathisant, en attendant mieux. Plus tard, quand je rentrerai comme Ulysse « plein d'usage et de raison » dans mon petit Arzacq, je pourrai me consacrer plus sérieusement à l'étude du Béarnais. Pour l'instant, je dois encore rouler ma bosse du Ponant au Levant... et j'ai précisément le plaisir de vous annoncer que je viens d'être nommé à l'hôpital maritime de Toulon. Je vais donc quitter le pays des Normands et des « Cicambres » pour la Provence aux lignes pures. A jou, lou sou biu de Malhane E de Mistral lou parpalhou ! Mes, charre cantadou, Loegn don mé Gabe e de l'Adou Ne desbroumberèy pas la Lane : Coundat sus jou. DR PIERRE S'abèm u abis à balha au nouste nou pas aténde d'esta tournât enta cap en sourtin dou co. Qu'ey trop disèbe toutare u de l'amassade de entén, ya m'en poudets créde. ■a -— PUYO. beroy nabèt counfray, qu'ey de calameya ço qui-ou passe p'ou pla partit enta s'estanga, se-m Pasques, e aquét amie que s'y — g^sas— j ». LAS TRADICIOUS Yocs de maynat Debisets ta ha serbi. a) U, dus, très e quoàte, sèt e oet e bint e quoàte, bint e quoàte e bint e cinq, sèt e oet e nau e bint. U, dus, très, quoàte, cinq, siés, sèt, truque martèt. Une, midune, mitréne, miclau, sancéte, pourréte, castilhe, chibau, sère, hère, litchère, la castilhéte ba canta, sus la coste de la ma, qu'en ba ha : Péu, péu, sorte t'en tu d'aquièu ! Uni, uno, cani, cano, passan per u desèr, de péle de bèrn. Coelhuts à Arrens (Bigorre). M. C. �— 461 — MOUNDE E CAUSES D'ALGERIE LOU MARCAT DE BOU-SAADA Qu'ey dilus, die de marcat. Touts lous omis à dèts lègues à d'arroun, que s'abien decap à Bou-Sàada. E hens aqueths parsâs lous auts dies, tant curts e tant boeyts, que s'y mie, aumén, u beroy hourbàri. Dou méndre bireplec, dou mey petit cutour, de la halhasse d'arroque la mey thicoye, dou bioth lou mey escounut qu'arriben touts lous Arabes, e que gahen lou caminau. Lou die n'ey pas lhebat, las darrères estéles que tremblouléyen hens la noeyt qui s'acabe, lou sou ne hè pas encoère rouyeya lous terrés calhabuts e tout aqueth mounde que s'en ban enta la bile. Capbath lous tues e lous penéns, à trubès las planes sabludes, coum ue asse qui-s desgusmère, lous Moures que caminen, lous burnous segoutits pous bras qui balanqueyen e pou bent dou mati. Aqueste qu'ey pouyat deça-enla sus u asoulot gris tan thicoy qu'à cade ensacade, lous pès de l'òmi que réguen la proube. Ue saumote aus oelhs lagagnous, arroudude d'escauye, que-s carrusse sus l'esquiau qui crouchéch, ue carque mey mourdente qu'ère. N'a pas, segu, abut hère de cibade abans de gaha lou cami de la bile, lou mèste que largue chens nat dôu cops de bardole qui caden en priglade. E à cade bourrade, coum s'abè la frèbe, u erissoû que passe sou coey pelât de la bestiote. U troupèth que blanquéye hens la noeyt qui s'esquisse. Crits, courrudes, chiulets ! Lous moutous espaurits que culhebéten e que sauten las arrèques ; mes perlas ! n'ey pas aysit de tourna-us ha gaha l'abiade. Trucs secs que marteréyen lou pabat. U chibau enferounat que trauque la troupe dous biadyadous, la grame aus pots e la coude en houlie. Lou cabaliè qu'ey assedut sus ue haute sère de coey rouy, qui-ou gahe lou daban e darrè coum l'endost d'ue cadèyre. Lou capulet abachat sou nas, lou burnous oun ey troussât e dèche pas passa que las botes broudades d'or. E lou « caïd » (mèste dou douar, e lou douar qu'ey la reuniou de quauques biladyes), trufandèc e cap-lhebat, qu'en ba à l'en-daban chens da u cop d'oelh au moundot qui-s hè de pous enta l'estrem, à d'aquetchs pè-descaus, en perrecs e minyats de bermine. Tout aquero pendén ores e ores, que reboque de-cap enta la bile, que houre las carrères e qu'arribe sou plané oun se tiey lou marcat. Enta-us Arabes, lou die de marcat qu'ey u die de hèste. Quauquesus qu'y biénen taus lous aharots, enta croumpa e enta béne, mes ta yuste touts, n'ey pas qu'ue desencuse. Qu'an besougn de chanya de parsâ, de huma ugn'aut èr, de béde caps nabèths. Be las aymen doun, aquéres ores d'arrey-ha qui coupen la lounque seguide dous dies e qui soun enta nous auts, lous d'Europe, ores pergudes. Que passéyen pendén oeyt dies u crabot, u pa de garies, mieye doutzéne de oéus, de Sidi-Aissa à Aumale, de Bou-Sàada à Msila. Que tournen au « douar » oun las hémbles ous aténden, chens thepic, de segu, �— 462 — mes toutu dab gayère. Que porten soubén quauque gourmande d'aqueth misterious marcat, qu'ères ne beyran pas yamey : u drinot de café, dus tarrocs de sucre. E lhèu tabey, au sé, qui y'aura u talhucot de carn hens lous couscous. Apuch qu'arriben carcats de noubèles, soubén fausses, quauque cop bertadères, mes toustém alouncades qui sab quoan. Que soun lous crounicayres e lou gazetayres d'aquéres populacious qui léyen coum sapiéns au gran libi de la nature, mes qui soun hort magnecs enta desquilha lou mendre petit escritot. Las bèsties que soun barrades sou bec, au tenedalh dou sou. Lou sôu qu'ey cubert coum lou d'ue parguie, de la hemse dous bourricous e dous chamèus, de las caniques nègres dous moutous e de las crabes e dou héms de la pouralhe. Tout aquero que hè coum u lheyt dous e moufle de balous debalh lous pès mourdéns dou bestia e lous pès-descaus dous omis qui-ou thaupéchen à d'arroun. Lous moutous, estacats pous corns, cap à cap, qu'aténden arrencats e sayoulots, la ma dou touquedou qui hera frounsi las régnes de lâ frisade. Las crabes arebouhièques, lous oelhs hôus, que pèlen coum diablotes sus las cordes d' « alfa », en segoutin las barbes e cridan chens arrest. Lous ases que sounéyen, cap bachat hens lou hems. Lous chamèus aclepats, lous quoàte pès plegats debath lou bente, que gnaspen à plasé. Lous oelhs mourts pleys de resignaciou ne-s dèchen pas troubla pou hourbàri dous entours ; que soun aquiu pariés aus « sphynx » de la biélhe Egypte e que-m demandi ço qui-s pod caneya debath lous trabatètchs d'aquéres testères. La pouralhe trabade, ère tabé, qu'atén, las perpéres à miéyes cluchades ; e de cla en cla, la halhe lhebade, u hasâ, d'u cop d'ale arrauyous que-s maute puch que-s tourne ayaca. Lous omis que passen, que gahen ue machère, que toquen ue esquie ou ue coéche, que pèlen u braguè inlat. Qué baren pous entours, que ban e que tournen coum la habole de male-coeyte, qu'assoumen e que-s meshiden. Tout d'u cop lous debis qué s'alenguen e de-tire la cridéte que-s lhèbe : arneguéts, pregàris, plagnets, la mâ sou co, lous oelhs au cèu. Se soun d'accord, lous dits que-s toquen e se nou, de cade part, u escoupit de mesprèts que biey plapa la proube assecade d'ue estéle de grame. Aciu lou fratèr que tribalhe. Las manyes arrecussades que tiey u d'aquetch « bou-sàadis » aguts coum u rasé. Au cap dous dits que ba cerca dues goûtes d'aygue hens ue bielhe boeyte de pechotes e que las segoutech sou cabelh dou praubas assedut au ras d'eth, lous pès debath lou eu. Lou sablou, de segu, ne déu pas esta à bou counde. Cop séc à l'en-daban, cop sec à l'en-darrè e en très minutes, la euye que seré auta néte que lou youlh d'ue gouyate si n'ère pas lou sang qui desgoute de mantadues garauches. L'omi que s'eschabourre tout doy la tèste e lous templous e que-b respouni que dab aqueth cap pelât que diserén u coundamnat qui-n ba ta la guilhoutine. Petites tentes bâches tenudes sus quoàte barroulhes (pue hen, au �miey de tout aqueth mounde ue carrère enta d'arride. Asseduts, dehén, lous Kabyles debarats de las hautes mountagnes qui dan de cap la ma, que porten sous marcats dou « Sud », estofes, hiu, agulhes, miralhs de tout escantilh, perhums e sabounétes, u hardèu d'aharots qui ne-s bénen pas goayre. En séguin, lou marchand de pélhes qu'apère las pratiques. Que-b assegùri que lou choès ne manque pas e qu'en y-a enta toutes las bousses : ue bèste de capitèni qui amuche lous galous baduts escuragnous, pantalous de zouaves làryes coum raubes, capotes de souldats à la coulou fanide, sarcides d'ales ; entio ue chenilhe, si-b plats au coth lusent de crasse e à las espalles berdouses, arribade qui sab d'oun. Darrè, u pa de soulièrots, pas trop ajsedassats, més que soun touts dus d'où medich pè e l'u qu'ey dab boutous e l'aute dab lastique. Que crey que tout aço que heré beroy la baie d'u perrequè. Qu'arribam au quartiè de las bouniqueries. U praube misérable qu'a hicat sus u pan dou burnous pausat coum u tapis quoàte grenades encoère berdes. Aquéste que porte sus ue taulote cruspetchs au méu, yaunes de safrà. Las garbances e las habes que bouréchen, e sus u hoec de carbou, méusse, hidye e courade que gresilhe en perhuma lous entourns d'ue bère aulou de grèche usclade. Ue sabou de sang qu'aflaquéch. Qu'èm au ras d'ous bouchés. La sègue que flule, lous hachedés que truquen. Coustétes e yigots que soun talhucats drin coum se boulhe. La sang que coule hens l'arroulhe coum se y plabè. Debath lous taulès las tripes entermesclades coum culaures qué berdéchen e que puden. Lous pès que s'empatben hens las pètchs encoère cautes. E per dessus tout aquero, u nublàdye nègre qu'at aprigue tout. Qu'ey la mouscorbe : Aciu que soun toutes amassades, las mousques berdes, blues ou pingalhades, las granes e las thicoyes, las peludes e lous mousquilhs. Que sufech d'alounca lou bras ou de Iheba la mâ ; tout aquero que-s lhèbe en brounin, coum arrauyous, que-b embuglech, que-b coupe lou bouhét, enta tourna-s auta lèu pausa e countinua lou repach estancat. Qu'ey prou d'aquéste tablèu enta coupa la hami au mey agougnous. L'épicerie francése qu'ey cougnude de pratiques. Lous Arabes qu'entren à très ou quoàte enta croumpa cinq sos de higues séques ou u pugn de cacaouètes. Lous fruts que soun birats e arrebirats, la ma nègre qu'ous taste, qu'ous suspése coum s'èren d'or. E lous auts, esmudits, qu'espien la daune qui counde la mounéde, assedude darrè la « caisse ». Qu'ey u bèth tros de hémble, frisade de très, mourdente coum ue estatue, lou coth gras e u daban d'auta iioti-b disi qu'aco per dessus la tiréte entéruberte. Aqueths saubadyes dou « bled » qui biben debath la tente dab fumèles bielhes abans l'àdye, hartes d'abé canalhe, arroududes pous pedoulhs, auloureyan Fagoulhe e la pichore, secades pou sou, la misèri e lou siroco.que l'espien coum ahamiats. Que-s plégnen lous oelhs de la peth curte dous bras, d'aquéres mas blanques, de toute aquére béutat qui enta d'etch ey chens �— 464 — parière, e que coumence toutu à madura u drin à l'oumpre dou magasi, au miey dou sabourau dous roumàdyes, dou pébe e dous clabets. Enta arrenca, sus la tauléte de coéyre, lous souricots, que lhèben lou corn dou burnous, que s'orben lou yelét e que herruquen à la piaume hens la gandoura. Que tiren labéts u portemounéde d'u hardèu de pothes e coumpartiméns. Que s'en ban yetan u darrè cop de oelh à la daune. D'autes qu'arriben chens cés espian, au lou tour la « roumia » (la hémne dou roumi), coum si seré quauque rèyne ou quauque sultane. Lous mendicants ne manquen pas tapauc. Que criden de l'ue porte à Faute en pregan Mohamed ou Sidi-Abdelkader e que s'arrèsten la mâ tenude au pè dou troutoèr. Que soun lous dou mestiè ; ne bèn pas aute cause que courre de l'u marcat à Faute enta cerca-s Fadescade. Ne soun pas d'en-loc. Que-s carrussen chens cés la gayne cap-bath lous camis, entio que la mourt ous estànqui, debath dues bielhes loses, au cantè de quauque cemitèri arabe. Toute la misèri dou mounde que s'èy amassade aciu : lous pecs, lous echamangats, lous alebats e lous qui an la trembléte. Ço de mey triste qu'ey las mâchantes anades, quoan la hami acasse dous « douars » lou publot qui n'a pas arrey mey à d'arroude. Touts dounc, qu'arriben enta la bile. Aus youlhs, aus couds, à las inachères, lous os que semblen hourada-us lou coey. Aqueth troupèth, au mati, coum lous cas, per nouste, que ban herruca las escoubedures, abans lou passàdye de la carréte dou bourriè. E quoan las thanques ne seran pas mey de lasé, lous mey tlacs, harts de mau e lous budetch arroumerats, que creberan hens ue arroulhe dou cami calhabut, lous oelhs au cèu, lou bente hen Fèr e la bouque plégne d'èrbe. Urousemén qu'aquéres granes misèris n'arriben pas tout an. Dounc aqueth marcat qu'ey hèyt, tout en bèth cop; de moubemén chens cés de coulous estiglantes e de cridéte... de bite, d'aquére bite naturau, toute simple e chens recerque, coum la mien lous d'aciu. Lous omis que s'aneran herupa à petits cops u caferot bouriént e arroude u croustet hens la frescure dous embans. Puch que s'apoudyeran decap enta case, la biasse sus l'esquie e lou bastou à la mâ. A noeyt barrade qu'arribéran au ras de las tentes qui humen, arcoelhuts pous cas miey saubàdyes qui gnaulen coum arrauyous, entio qu'u mout dou mèste ous apadse. Lou lendouma-mati la plaçote qu'ey curte. Las escoubedures apielades que-s hen encoère soubiéne dou marcat. Lous piyous à doutzénes que pingalhen lou sôu. Las aies enterubèrtes e pinnan de plasé que bouhilhen e que cèrquen lou gras qui-s soun esbarrits yé de las saques ou dous cousserous. Puch, lou guisè redoun e mourdén, que s'en ban amourouseya per pa, au cantè d'ue terrasse, en pensan lhèu que Mahoumet (lou bou Diu de l'Afrique), ous embie aqueth marcat enta que-s pousquien enguisera, u cop touts lous oeyt dies. L, BOURDETTE. �— 465 — LOU COURNÉ DOUS SAPIÉNTS RABELAIS ÈRE BIENGUT EN BIARN ? Lou pay de Gargantua qu'ère û terrible diable d'ômi ; aqueste begade, que s'en parle hère d'et per la Sorbone, las gazétes e lous libes ; que y a, coum aco, de temps en temps, noums qui tournen à la mode ; que sufech que quauqu'û de capulat s'en oucupe e, de tire, us-quoandes que-s soubiénen qu'an, ets tabé, quauqu'arré à-n dise. E soubén qu'ey intéressant. Dab Rabelais, que-n y a toustém à dise, quoan n'ey pas de l'òmi qu'ey de l'obre, permou qu'abou la sorte d'abé la bite la mey curiouse qui sie e d'escribe lou libe lou mey estraourdenàri dou sou temps ; e digam tabé que lou sou temps que hou ue époque de las qui coumpten tau nouste païs, e enta l'umanitat autà plâ. Que sufira de-s soubiéne que François Rabelais que badou en 1483 e que biscou dinqu'à 1553, d'après lous us, dinqu'à 1559, d'après d'autes ; qu'esté ue de las périodes las mey plées de l'istòrie dou mounde. Quoan om seguech la bite de l'omi, si-n y abè hères dou sou escantilh, nou y a pas enta s'en estouna. Lou nouste amie Pè d'Azema, mayourau dou Felibridye e mèste d'obre de la balente rebiste Calendau, de Mountpeliè qu'a, darrèrament, countat la bite de Rabelais quoan estudiabe e reyentabe à Mountpeliè, bile unibersitàri célèbre per labéts ; ço qui boulerém sabé, qu'ey si Rabelais s'ey biengut passeya per nouste. — Perqué ? si bat demanda. — Perqué ! Permou qu'à tout pip-pap, que hè sourti de la bouque dou sou mounde û mout biarnés, û dise gascoû ; oun lous a pouduts pesca ? Lous cercayres qu'an aquiu tribalh, si an pauses de lésé, e si-us plats de sabé si ère per Orthez, per Pau ou per alhouns qui Rabelais lous abè bienguts apréne. Tantya qu'ous sap ; à la bertat, qu'ous estroupie soubén, mes que eau sabé que l'ômi qu'ère Touraiiés, pusque badut au ras de Chinon, franciman en counsequence e poc hèyt de nachence enta gaha lou parla nouste tout d'ue. Daubûs que diseran, lhèu, qu'aquets moûts qui baptiam Biarnés qu'èren auta-plâ de Lengadoc ; qu'ey poussible qu'en aquet temps la lengue natre housse mey estenude que nou n'ey adare ; qu'ey segu que y a û founs coumû de lengue d'oc — que m'en soy poudut rende coumpte en ha lou nouste dicciounàri — mes, qu'ey toutû de remarca que lous moûts dount bouy parla que-s soun demourats à nouste e que nou-s disen pas mey en delà de Garoune, si yamey s'y soun dits : aquiu qu'ey tout lou « problème » à resòlbe. Qu'ey daban lou permè chapitre de Gargantuas (1) qui troubam aquéste frase : « ...Escoutats, viedases, que le maulubec vous trousse... et je vous pleijerai tout-ares-metis. (1) Aci que disém Garganiuàs e qu'ey proubable qu'atau que-s disè en permères, pusque-s trobe atau escriut e nou pas Gargantua, en y reyistre de Limoges en 1470, hère aban que Rabelais nou Pempleguèsse. �— 466 — Biét d'àse, lou mau-loubét, tout-are-medich, n'ey pas besougn d'esplica aquets tèrmis. En segui, tout au loung dou libe, beyat encoère quoan de moûts : « En un recoin accroué (acroucat) accroupi ; baratter (barata) tromper ; en une bascaudc (bascoye) panier ; y allait baudement baudamén), gaiement ; baudufe (gaudufle), toupie ; à nouta que Rabelais qu'escriu nou pas Béarn, coum lous francimans, mes Biart: eappe de Biart ; biller (bilha, bilhoa) attacher avec un câble et serrer au moyen du bilhoû ; en Armagnac, que yuren toustém en cridan : May de Bitèrne ! Tout-medich, Rabelais qu'emplégue diable de Biterne ! En d'autes endrets, que parle d'û cabadé, de las canaules, d'ue capse (châsse, coffret), dou capifou (capihòu) écervelé, de la chamarre de l'òulhè, de la choijne (pain blanc), dou companage (coumpanàdge), la mascadure qui an « en grand copie » ; qu'apère ù lâche couillut e couilleau û couyoiì ; coum en Gascougne, qu'apère douzil, lou brouquét (fausset) de la barrique e que dits eluer la touaille coum diserém « ellua la tabalhe », passa-la à gran aygue ; Pantagruel poinct ne se laissait enganner (engana), tromper ; que dits engouler (engouli) avaler, e qu'apère la mâchante umou engrouin, coum nous auts engrégn ; que dits de quauqu'û : sec comme esque, en biarnés, tout parié, sec coum l'esque (amadou) ; û panatòri, coum en bielh parla nouste, qu'ey un furt (hurt) ; que disén encoère : gaha s'ou hurt, prendre sur le fait ; qu'apère garbouil ue peléye, en biarnés garoulhe ; e ue troumperie guille ; tout cadû que sap l'arreproè : « Qui cret guilha Guilhot, qu'ey Guilhot qui-u guilhe » ; qu'apère magaigne (magagne) û malandrè e que dits mascarer coum disém mascara ; en aquet temps, oun ère toirtu poc counegut, qu'apère milloc ço qui ey mentabut en France « blé de Turquie » e d'û pipaut, que dits qu'ey ord; que sap que la « cruche » que s'apère pegà e que lou mâchant bi qu'ey piscantine ; que dits puts au loc de puits, riotte au loc de querelle e sogre au loc de bellemère ; la cour dous porcs — atau que s'apère — qu'ey la soute (sout) e que dits le solier coum nous auts « lou soulè », pain tosté coum nous « pâ toustat. » Au libe III, chap. XLII, que hè parla coum aço u souldat, u certén « Gratianault, natif de Sainsever », si dits, qui ey au camp de Stockolm : « Pe-u cap de bius, hilhots, que mau de pipe bous tresbire ! Ares que perdudes sount las mies bingt e quoàte baquetes (dinès), ta plâ dounarèy pics e patacs. Se degû de bous auts se boulhe truca ambe you, à bèt embit ! » Drin mey enlà, dou medich chapitre, lou Gascoû que dits encoère en u Aleman qui l'a desbelhat : « Cap de sent Arnaud ! quau s'ès tu qui me rebélhes ? Que mau de taberne te gire ! (En gn'aute endret qu'a dit : Lou diable de Biterne te crème !) Ho, sant Sebé, cap de Gascougne, ta plâ dormibi you quoan aqueste tacagn m'a bingut ester, » (Aquet darrè mout qu'ey estât, per segu, mau coupiat p'ous editous). « Hè, praubét, you t'esquineri, ares qui soy plâ repousat ! Bay t'un pauc te pousa coum you, pus se truqueram. » Que-m soy debertit à d'aquéste tribalhot tant qui la gripe e-m �— 467 — fourçabe à demoura embarrat, manière de passa lou temps, e nou pas au mens dab l'idée de ha dou sapiént — qu'ey û yoc hore de la mie pourtade —. Mes autâ-plâ, si poudè plàse à quauqu'û mey e qui-u boulousse poussa, n'auri pas perdut la pause. (1) En tout cap, que-m probe que Rabelais n'ère pas nad pèc — e hères qu'aberén e que pouderén préne mustre sus et, d'aquets qui s'en ban cerca moûts en Angleterre enta-n farci lou lou francés. Lou pay de Gargantua, quoan abè besougn d'û mout, que s adressabe au permè besî, au qui parlabe coum et la lengue-may de Roume, prou riche, Diu mercés, enta nou pas abé besougn d'anas'en à l'emprount hore-ma. SIMIN PALAY. (1) Despuch escriut aço, qu'èy sabut que d'autes — e de mey sapiénts quoan serén Couture e Lanusse — que s'en èren oucupats permè que de oey ; mes per fèyt de sabé quin Rabelais abè après lous moûts de nouste, nad n'at a poudut destuta ; per aco, pusqu'ey demourat per Toulouse, Agen e Bourdèu, que y a pla poudut enténe Biarnés e Gascoûs. ■a - ...il LOUS i . . — ■ i ■ —». COUNDES GAUYOUS LA LÈBE A d'en-bat de la caminole de Segos, Caddèt lou cantouniè que tribalhabe doucetamén, couine quauqu'û qui n'ey pressât de gran cause sounque de béde debara lou sourelh entertant que lou temps passe. La sudou dous cantouniès qu'ey care, qu'en y a mêmes ta dise que nou s'en trobe en nad prêts. Mens que lou mandat béngue à la fi de la mesade... e se nou bién, ya l'aneran.coèlhe : atau ya pot ana. Tabé, qu'abousse à grabiela camîs, pela banquétes ou cura barats, lou Caddèt, quoan hasè mâchant temps, que s'anabe cauha en quauque maysoû arcoelhante, e dab lou sourelh, coum lous lusèrps, au yas darrè ue parèt, lou cap à Foumbre e l'esquiau à la calou, que s'estirabe e que rouncabe ni mey ni mens que s'y ère estât û bienurous. Passabe lou Yan ? Que debisaben. Passabe lou Pierre ? Que batalabe encoère mey ; qu'arrestabe tout lou mounde à pauses e lauses ; dab sa blague de cifèr, qu'aberé hèyt arride û esclop. Dounc, aquet die, en s'esdressa l'esquie endoulouride ta guigna d'oun bouhabe lou bent, que-t ba béde, dou coustat de la caminole, û pericle de lèbe qui s'en arribabe aus quoàte pès de-cap ta d'et. « Hè, la ! t'à d'oun te-n courres atau ? si-u te cride quoan l'abou tout proche, en esparpalhan lous bras, coum si l'abè boulude gaha à la boulade ; b'en bas plâ biste, foutude saume ! Oère, n'as pas besougn d'ana mey loegn ; tourne-t bira, si-m bos créde e bèn ta moussu Laganit qui a tout ço de qui eau enta-t ha còse, bèn ! » Susprése, la lèbe que s'estanguè û moument, aquiu, sus place clabade ; que-s setou, qu'assouma ta béde, per segu, si lou counselh ère intéressât ou noû, mes ne-u debou pas trouba rasounable ni dou sou goust, permou que sens dise ni quoan bau ni quoan coste, que s'arrebirè cap sus coude e que tourna parti s'ou camî d'oun �— 468 — bienè, coum si lou diable l'abè agulhoade, ou mey lèu coum si quauque cagnas l'abè acoudilhade de près. Nou birè pas lou cap, nou hasou pas semblant tout-medich d'enténe lou cantouniè qui-u cridabe encoère mey hort : « Bè-t'en enta ço de moussu Laganit ; nou sies pas bergougnouse, puye i'escalè, tuste à la porte, n'ayes pas pòu : que t'oubriran cop sec. » Lou Caddèt, dues ores après, que-t bet arriba, seguin l'oumbre de la bourdure, moussu Laganit qui-s dabe û tour de passeyade : « Aquiu, ça dits, qu'en y a û qui nou-s hè pas trop péne de la maumaridade ; si toursèn las noustes dues camises, l'àsou fiche si plearén u didau dab la sudou qui-n coularé ! » Atau que rasounabe lou nouste Caddèt quoan lou moussu l'arriba daban : que-s tira lou berret, qu'où hé la reberénce e tant bâche que lou nas que l'anè tuma lou youlh : — Que-b souhèti plâ lou bounjour, moussu, adiusiat. — Adiu, Caddèt ; e bos ue prése ? — Au boste plasé, moussu, si respoun lou cantouniè en se mouca dab la fourchéte dou sou arrè-gran pay ; e que s'en gaha ue chinade de las bounes. « Moussu, si persegui, tout-are qu'èy mandat ue lèbe enta boste... — Ue lèbe ! Gran mercés, amie, e tant miélhe ; yustamén qu'èy û embit ta doumâ ; ne poudè pas càde mey à punt. Té ! si hasou en se tira û escut de la poche, qu'en as aquiu enta-t croumpa toubac ». E que persegui lou sou tournot. — Yanetoû, se dits à la gouye en arriban, entau disna de doumâ, en mey de ço qui t'èy dit, que y abera la lèbe dou Caddèt. — La lèbe dou Caddèt ! cride la Yanetoû, mes que boulét arride pénsi ? Nou-b èy bist ni Caddèt ni lèbe, moussu. — N'as pas bist ni Caddèt ni lèbe ? — Nàni, de segu ! — Toutû, que m'a dit de qu'abè mandat ue lèbe enta nouste. — Que-s pot que b'at aye dit, mes you nou l'èy pas biste. — Que l'èy mêmes dat û escut de cinq liures en passan. — Plâ que-s pot, moussu, mes autâ-plâ coum Yanetoû m'apèri, Diu me damne si-b mentéchi ! — Aném... Moussu Laganit que s'en tourne entau Caddèt : « Digues, hòu, yfrountur, quoan ey qui m'as embiat la lèbe enta nouste ? » — Tout-are, moussu, qu'a ue pause. — Qu'a ue pause ? E degû nou l'a biste. — Degû nou l'a biste ! Eh dounc, toutû que l'abi plâ dit de y ana e qu'estére beroy recebude... Dus ou très cops que l'at èy recoumandat... E n'ey pas biengude ? Sente Bièrye ! Si yamey la fourni béde, que-b prouméti que m'entenera ! Enta d'aco, moussu, que poudét coumpta sus you ! PAUL FROMENT, garounéne. Note, — Aquéste beroy counde qu'ey tirât dou recoelh de proses e de letres dou praube poète de Flouressas, amassades piousamén p'ou nouste counfray Paul Mesplé, Aristide Salères, l'amie dou défunt, e Paul Delseriès. �— 469 — RECLAMS DE PERQUIU Reclams dou Coungrès dous Roumanistes. Loa Capdau que tourne debisa dens Le Patriote d'aquet coungrès oun representabe nouste Escole e nouste acciou en terre de Gascougne. Nou poudém balha la soue létre sancère, mes per aquero espiats-m'en u parelh de tros. Lou prumè sus la richésse insabude de nouste léngue mayrane, richésse ta tout ço qui toque à la bite tamiliau e aus tribalhs dous prats e dous cams, richésse tabé dens las afrounteries : En Biarn, qu'an ue pièle de tèrmis ta engoumi lous marits feniants e bandoulès. Parlat-me d'aco ! Quin plasé n'a pas la Marioutoû quoan pot apera lou Bernât briac, bebèt, ibrougne, tripe-hart, peliè, mouquecuyoûs, truque-taulè, acabàyre, lripét, lipét, pot-de-cuque, truque-tantos, aganit, arrousegàyre, pacantas, feniantas, sénse counda mourt-de-sét, tatay, argoèyte-pintous, tarras de bî, galèfre, e d'autes bantòris encoère, permou ne-us sèy pas touts coum ère... Lou Bourdèu d'Izeste que pretén qu'en y a p'ou mench quarante ! E toutû, quoan la se guignabe permè de l'espousa, qu'où hasè plâ gay, de trouba la Marioutoû beroye e d'enténe à dise p'ous auts qu'ère berouyéte ou sounque berouyote. E adare, nou la se trobe pas lhèu même berouyasse ? E, are, u segoun bouci sus lou mounde de sapiénts trebucats dens lou coungrès. Que biéni de passa quauques dies dab ue troupe de proufessous arribats de toutes las parts dou mounde, de l'Amérique, de la Suède, de l'Allemagne, sensé counda lous Pourtugués, lous Italiâs e lous Espagnòus, enta estudia, en û coungrès, lou nouste parla Gascoû —- doun lou Biarnés ey lou mey bèt escantilh — touts que s'esmiraglaben dou sou richè... E si-b disi de qu'èy rencountrat aquiu û Angles, adare proufessou en ue grane unibersitat d'Angleterre, qui ère badut à Billère, au ras de Pau, oun ey demourat dinqu'à doutze ans; que parle biarnés coum nous auts e que-m disè : « Oerat quin èri pèc, jou tabé ! A Billère, nou tiéni pas mey de coumpte que lous mes petits camarades dou boste biarnés de tout ana; qu'ey û cop en Angleterre qui m'en soy soubiengut e qui l'èy apreciat. Are, que soy proufessou de lengues roumanes e que m'en serbéchi tout die entau me ensegnamént. » Nou troubat pas que sie ue beroye leçoû ta hères ? Que soy tournât d'aquet coungrès urous e fier — perqué n'at abouari pas ? — de ço qui abi hèyt, en moun petit sabé, ta la nouste parladure e tau nouste Biarn aymat, urous e fier de béde amirade à tout trabès lou mounde aquere lengue dous payrans. La troupe felibrénque d'Orthez. Que s'y hè bèt drin à youga, Yan de Latuque, la coumedie dou nouste amie Moulia; e de Salies à Orthez, en coussiran per Nabarréns, nou parlen mey que d'aquero. La darrère serade dou 13 de garbe, dens la bile de Saubaterre s'ou gabe d'Aulourou, qu'amiabe �— 4?0 — mounde de tout lou parsâ. Qu'abiaben la hèste dab la cante dous Peluts dou nouste counfray Çlaverie e doun lou Rallye-GastouFebus e dabe boune ayude — coum l'abè balhade Faute cop à nouste amassade de Peyrehourade. Ya m'anabi desbroumba que lou Yantet de Birou que y'ère e qu'en cantè dues ou très. Que crey que tau 20 d'aoust la Troupe felibrénque que sera à Orthez, e apuch à Amou en Chalosse. Bam, se la hèm, hém-la ! Nou lous pouderém béde au Mount de Marsà ta la nouste hèste annau ? Que diséts d'aquère, Mous de Daugé ? Ue rebirade dous Sents Ebanyèlis Lou canounye Laffargue doun sayabem, au nouste numéro de Garbe, de ha counéche l'obre de predic e la soue noubèle, Paulet de Soubère, e qui publicabe aquéste prime ue bersiou de Ruth, la hèyte biblic, qu'acabe de bouta lous quoàte Ebanyèlis en gascou d'Armagnac. Ad aquére traducciou, lou Directou de l'Escole biblic de Yerusalèm qu'où hé u beroy abans perpaus, lou cartografe de la mediche Escole qu'y hournibe la carte de la Palestine, e l'archebésque d'Auch que hiquera u mout d'escriut s'ou pourtalè dou libe. Parié tribalh nou hou yamey entreprés en Gascougne e qu'èm tranquiles sus la yustésse e la sabou d'aquére rebirade : N'ey pas de oey que lou canounye Laffargue amuchè lou sou sabé-ha. Laudat doungues qu'en sie, ya que las payes aquéres e biénguen de Barceloune bestides à la mode catalane. De las béde e de las léye quauque lebite de nouste qu'en arcoelhera bère chacade e que's disera : Qu'ey en nouste parladure qui bau bouta la Bible sancére, de la yenèse aus actes dous apostous. Bèth cèu de Pau. U escabot de cantadous « mixte », coum disen, que bién de counstitui-s à Pau ; que s'a dat per loque de ha balé las cantes dou pèys e de las ha enténe en toute oucasioû. La mode qu'ey de mey en mey à las manifestacioùs dites « régionalistes » e si, dou Biarn y bédèn lous de Yelos, de Baigts e d'Aussau, de Pau nou s'en y abè pas bist encoère ; qu'ère besougn, tau renoum de la ciutat, qu'aquet manque nou-s poudousse pas ha remarca. Coum de segu, cantadoures e cantadous que pourtaran lou beroy bestissi de quauque cop. Lou Coumitat de las hèstes, qui-n a prés la decisioû, qu'a boulut que lous felibres e y aboussen la mâ ; lou capdau qu'en ey président d'aunou e Paul Laborde-Barbanégre président ; l'animatou de las cantes qu'ey mous de Labarthe, proufessou au Lycée de Pau e mous Gastou de Mirât lou counselh artistique. Loungue bite à d'aquets balents ! L'amassade « dére Escole déres Pirenées. t> Qu'ey aquéste 5 d'aoust qui la soucietat so de l'Escole GastouFebus e hara las soues hèstes-annaus à Sarrancouli en Bigorre. Que dében tabé noustes counfrays de perquiu, ha gn'aute felibreyade à St-Gaudéns lous 8 et 9 de setéme. �— 471 — Lous felibres-mantenéyres que soun pregats d'assista, à Sarrancoulî, à l'amassade de la Mantenence de Biarn e Gascougne qui-s hara lou brèspe. Lous amies qui boulhen e pousquen ha la camade que poden escribe à Mous de Sarrieu, segretàri en pè, carrère Lacapelle 121 à Mountaubâ (Tarn e Garoune) se cèrquen d'autes endiques. Felibreyade à Portet*. Amiats p'ou counfray Lajoinie, lous felibres dou bourdalés que-s soun amassats, aquéste 1* de Garbe, à Portèts, û charmant cantoû enter las aygues. Filadelfe que y ère, toustém estrambourdante e qu'ey segu que s'y hasou, gauyousamén, de boû tribalh. La Sayésse Catalane. Bèt tems-a, lous qui hèn Fouprniou (e sénse noumenta-us que sabéts oun nidéyen) ya-ns asseguraben qu'Espagnòus e Catalas, en discutide sus lou partàdye dous grans bés, que y'anaben ha à pics e à patacs... Toutu las causes que-s soun adoubades, e tant pis pous qui créden que nou eau qu'ue ley ta touts e u moulle, lou medich, taus qui demouren aus glaces dou Groenland ou aus arrayòus de la Coste d'Ebòli. Ue ley que reglara l'Espagne e gn'aute, agradade pous Cortès, que sera boune ta la terre de Catalougne. L'Ensegnamén dou « dialecte ». Mous de Chéron que bién de ha sabé au Counselh dous Menistres que la Lengue francése que tire endabans en Alsace. Se 72 % dous counscrits de la haute Alsace e parlaben en 1930 la léngue naciounau, que soun 93 % en 1934. Ba plà ! Mes Cheron e lous yournaus qui-nse counden la hèyte, que-s desbroumben de hourni que lous maynats de la Terre recrubabe (per u pribilèdye qui-s partadyen dab lous Hovas e lous Arabes) s'estudien lou francés à l'escole qu'y coutiben tabé lou lou « dialecte ». Aquet ensegnamén bi-lingue que porte doungues la soue frute, e qu'eslé de toustém ença l'idée dous felibres d'ue ensegnance parière tau Mieydie de la Gaule : Bessè quauque ore qu'arrecoutiram. L. R. « — — gjffi^r — ». NABETHS COUNFRAYS MM. Loustau (Bobert), 26, rue Guanille, Orthez (B.-P.). Ballé (colonel), «El Patrio », avenue de Lons, Pau. Laban (Jean), étudiant, Coarraze (B.-P.). Lafont (Pierre), étudiant, Baliracq par Garlin (B.-P.). �— 472 — MOUNDE E CAUSES DE PROUBENCE VITOU GELU Pèr aprèndre lou ciéure dou mounde, Estève-Vitou Gelu, tout en batènt l'estrado poussé fin-qu'en Espagno. L'èro pastaire à la panatiero reialo quouro, près dòu làngui dòu païs vo, bessai, souna pèr soun vièi paire, regagné Marsiho ounte, tant lèu, prenguè lou gouvèr dòu four peirenau. Gaire après, lou 2 de prairial, an VI, si maridavo emé Rousalio Margalet, nativo de Pue-Loubié, poulido courduriero de 28 an, soun iàgi à-n-éu tambèn. Benesi vo noun pèr Dieu, leis espous manquèron pas d'enfant. N'aguèron nòu. Très soulamen li subre-visquèron. Aquéu que nous òucupo. Andriéu-Vitou Gelu, lou 12 de setémbre 1806, en venènt au mounde, fè tresana de joio soun grand, Vitou Gelu, di lou Moudòurrou, gavouet, d'Embrun, vengu bousca sa vido dins lou grouiin marsihés. Pensas, après quatre pissoue, sa nouero li dounavo, em'un mascle, l'esperanço de vèire perdura soun noum. Aquesto s'es realisado autramen que v'imaginavo. Cantre pouderous de la pauraio marsiheso, soun fihòu a bèn rendu soun noum immourtau, mai sa lignado es toumbado en fieloue. Noueste futur troubaire manjavo dins sei quatre an quouro sei gènt lou fisèron à-n-uno tata. Dei faudo d'aquesto, que l'aprenguè sa santo-crous, passé sus lei banc d'un pau tòuti leis escolo libro de la Bourgado. Taiavo souvènt l'estùdi e metié, d'esperéu, de ralongo ei dijòu. Landrinavo alor pèr ouarto, en coumpagno de gourrinot coumo éu. Acò li permetè de bada 'n touei leis evenamen dei doues restauracien : arc-de-triounfle espetaclous, recepcien princiero, massacre dei mamalou vo bràndou galoi dei dameisello dòu gros grun agantant, pèr carriero, leis anglés en brasseto. A dès an, soun proufessour, lou capelan Chabert, metè fin à-naquelo vido de fèsto en li garçant uno rousto pèr uno fauto qu'avi pas couniesso. N'eu toumbè malaut à mouri. Un coup gari lou mandèron à-z-Ais, encò dei terriblei Fraire Gris. Li resté dous an. Si n'escapè, pèr uno courreicien pas mai meritado qu'aquelo de l'abat Chabert, après avé manda soun encrié de ploumb en plen front dòu fraire que l'avi pica. Lou placèron, alor, au pichoun semenàri de Marsiho. A 15 an, quand n'en sourtè, franc d'aquélei de poulitesso, de tengudo e de religien, empourtè touei lei près. Pèr assegura soun ramplaçamen au four famihau, emai lou sort dei siéu, soun paire, si sentènt alor enana, vouguè l'aprèndre soun mestié. Lou paure n'aguè pas lou tèms. Lou sort lou privé d'aquéu soulas, éu, toustèms lèst à secouri léi malurous, e que, pèr pas pour- �— 473 — ta tort en d'àutrei travaiadou, refuse de s'enrichi dins d'afaire segur. Mai lou souveni d'éstéi liçoun servè, pus tard, d'emparo à noueste troubaire, l'engardant, quouro bourdejè lou garagai. de li toumba tèsto proumiero. Soun ome mouart, misé Gelu deguè barra boutigo. Lei marrit jour pounchejavon pèr lou joueine Vitou. Servè de mitroun à soun cougnat jusço à sa majourita, tèms ounte, emé sa part d'eiretàgi, durbè un four à soun comte. Dins dous an li manjè sei sòu. D'aquéu moumen, 1829, faguè que courre bourrido un pau d'en pertout, e co, sèt an de tèms. N'en passé de tant crudello dins aquelo pountanado qu'un jour, à Touloun, avisajè de si tua, e qu'un autre jour, en Aubagno, v'assajè. Es, de-segur, lou souveni d'aquélei terriblei jour d'esprovo que l'a fa, pus tard, s'escrida, dins Lou Credo de Cassian : « Que l'ome es rèn s'a pas soufri. » Es pamens aquito, en Aubagno ounte manqué mouri, que la muso coumencè de li faire bouqueto. Eu que, despuei sei sege an, « cessavo pas, nous dis, de legi, de relegi, d'estudia, de médita, de débita e de canta lei prouducien de Béranger. Que lei sabié tòutei de couar », en trevant dins esto viloto lou ciéucle dei « Pur », l'auvissè de rimejaire dire emé croio lei paureta qu'enfantavon. Pensé, poudé n'en faire bèn autant. Aguè pas tort. Pamens fau va recounoueisse, s'avié countunia de canta dòu même biais qu'avié 'ntamena, degun, vuei, parlarié d'eu. Sérié counfoundu dins la moulounado dei pàleis engaugnaire francihot de Béranger, trépassa, pèr éu, tant lèu que vouguè bèn si leissa pourta sus leis alo de sa lengo maire, la lengo marsiheso, dins qunto pensavo e qu'avié pas agu besoun d'estudia pèr l'aprendre e s'en servi afin de « mètre en relèu d'ùnei naturo eicepciounalo que n'en dévié pinta amirablamen lei passien despestelado. » Aguè la revelacien de soun engèni pèr asard. Veici coumo. Lou président deis « Endourmi », group de vièi renaire deis armado emperialo, qu'avié treva avans sa partènci de Marsiho, e mounte tourné si refresca lou couràgi dre soun retour, en 1836, — l'aguènt dich, un jour, qu'esperavo la vengudo d'un amie toulounen, Ventroun, establi negouciant au Senegau e que s'escacalassavo, vint coup pèr jour, en répétant esto barroco massimo : « Qu'es pas groumand... qu'un tron de Diéu lou cure ! » Gelu troubè lou crid de Ventroun talamen amusant que, lèu, lèu, s'enanè trouba 'n cansounié dòu noum d'Adòufe Jan, incounouissu vuei, mai foueço en vogo alor. Li demandé d'adouba 'no cansoun aqui sus, li proumetènt de la canta, davans Ventroun, lou jour dòu dina que lou presidènt deis « Endourmi » dévié l'òufri. Jan enfanté quicon de tant paure que Gelu si n'esfraiè. Lou tèms quichant jujè bouon de refaire ce qu'avi demanda. Plen de soun sujèt, lou 16 d'outobre 1838, dounè jour à la cansoun terriblo que lou refrin, répéta pèr touei lei fraire « En dourmi » faguè 'nfin counoueisse soun noum en tout Marsiho e d'aquito en touto la Prouvènço. Es que soun eros, la cauvasso de Guihèm, avié pas vergougno de glourifica publicamen ce que, dins �— 474 — lou founs de l'amo, fa ligo en tout travaiadou: lou Drech à la Pereso, e ce que nòu sus dès estimon èstre lou paradis sus terro : « Bouon vin, bouon lié, bouon fricot, bouon pan blanc. » D'aquéu jour sa vio èro troubado. Regardant pus bas qu'éu, soundo lei couar de la pauraio e, d'uno plumo virilo, en de fraso counciso, touto en verbe e sustantiéu, que rendon soun vers dei mai vigourous que l'ague, e li dounon un balans assegura, coumpauso, cansoun après cansoun, lou pouèmo acoulouri mounte viéura, tant que lou mounde sera mounde, lou pople miserous dòu Bagatòuni marsihés : « Chausisse pèr eros de sei tablèu li gus de nouesto plajo e de noucstei crousiero de camin. Tout en éleis estènt rufe, lou mourau de mai que lou cors, es pas sa fauto, nous dis, se fan descouar. » An dounc tort leis esperil bourna que lou represènton coumo desprouvi de mouralo, e s'agradant à retraire lou vici, à raport que, gardant vivènt lou souveni dei jour ounte manqué toumba dins talo rafataio, s'apietousisse sus seis eros, e n'en parlo em'un couar freirenau, car, coumo dis dins Marlusso : « Lou fre, la fam, n'en fau avé pati Pèr saupre plagne un paure dins sei peno. » Entre tèms si maridè, lou 27 de mars de 1848, emé Clarisso Tremelat de Roco-Vaire, ounte menavo, alor, un moulin pèr lou counte de soun fraire Nouvè. La mémo anado lei nouvèus espous s'establissien à Marsiho. A la preguiero de sa cougnado, e pèr faire pèço à soun fraire, en qu sa novo richesso dounavo l'enterigo d'un sèti à PAssemblado Constituante, Vitou si présenté, sènso sucés, à la deputacien. Dins aquelo estiganço s'èro afiha au clube de « La Fraternita ». Manqué de n'èstre fouero-bandi pèr lei mèmbre, toumba de l'ai en viant que, luego d'uno amo de descaladaire, l'autour dei terriblei cansoun marsiheso, avié soulamen aquelo d'un pichoun bourgés. La neissènço de soun fiéu Vitou, en desèmbre d'aquel an, lou counsoulè sènso peno d'aquélei desfèci. En 1853 perdè soun fraire. En 1855, sa maire. En 1856, sa fiho Fousseto, mouarto de l'estrangloun dins sei trenti mes. Pau après durbè, pèr soun counte, un moulin à Roco-Vaire. Li visquè pauramen lou pus grand teins de soun vieiùgi. En 1870 èro, tourna-mai, à Marsiho. Li perdè alor sa fremo au vilàgi de Sant-Barnabèu, ounte s'èro retira 'ncò de soun enfant, dins lei bras de qunte mourè, lou 2 d'abriéu 1885, aja d'un pau mai de 79 an. Pas eima de sa maire, que « sachè pas lou coumprèndre », e qu'aurié vougu faire d'éu un capelan ; mespresa de sa parentèlo, que si servè d'éu tant que pousquc mai Fajudè jamai ; mau-trata dòu sort, que li siguè tant crudèu qu'assajè dous coup de si tua ; troubant soulamen sus lou tard un pau de soulas dins l'amour de sa mouié, puei dins aquéu de soun enfant, aguè besoun d'avé, dòu caloutoun, d'èstre un grand pouèto pèr, au mitan dei tressimàci de sa longo vido, garda la voio necito à la creacien de sei cansoun inmourtalo e deveni, pèr Marsiho, uno meno de pouèto naciounau. ANT. CONIO. �— 475 — COPS DE CALAM Tau Paubou de Birehoélhe. Gastounet que-nse bién dise De quoan en quoan ço qui n'ey E plasé qu'ey quoan debise D'escouta lou sou prousey. A la dusau debisade Gastounet qu'a proumetut De ha-nse aquéste mesade Rebacha la neuritut. Lou permé cop qu'embitabe Emplegats e bielhs peluts A 'sta brabes, si broustabe Drin sus lous lous rebienguts. Qu'abet la nouste ahidance Mes, mata lous recardès ! Qu'èy pou que boste puchance Qu'ounse lèche coum adès. Lous miassats, qu'ère de béde U drin qu'an arrougagnat, Mes ya, coum at poudet créde Lou Goubern qu'a lou gagnât. Parié tau qui Lous imposts Bat segouti-u E lou budget B'ey hère aysit au qui pague, Si bóu pla de pugnera ; Toque-y dounc, Goubern, que-t Chens brique t'arrcbera. [bague, Tournarat à la yustici E las cames e lous oelhs '? Nou sèy ! Lou boste seguissi N'a qu'utis qui soun trop bielhs.. N'a calut que très semmanes. Tau coum dit qu'ey estât hèyt ; Las bacotes n'èren mânes Pusqu'an ya bachat la lèyt. Toutu, puch qu'èt à Penglùmi, Hourgat-be punde ou coutèt ; E hèt yessi lou poustùmi Qui tien France au ganitèt sab escoune qui deu paga ; ta que poune alouga ? ZABIÈ DE PUCHÉU. Per fèt d'esta boussutCoan de cops èy entenut à dise : « Ne j'a pas coum lous torts e lous boussuts ent'esta malins. » Que eau plan lou boun Diu qu'ous balhi cauque arré emper so qu'ous manque. Toutun que j'abè un cop un boussut n'abè pas gagnât dab un predicatou qui-n sabè mey que nou pas ét. Aquet predicatou qu'at basé gaha à las murralhes e que hasè arriba mounde tan qui à la glèyse é-n y poudè cabe. Per un cop que dit : « Lou boun Diu qu'a plan hèyt tout so qu'a hèyt. » Un boussut, qui pourtèbe la carque per déban e per darrè, que-s lhèbe au miéy dou mounde e que dit : « Espiats-mé à jou e disem-mé se lou boun Diu a plan hèyt tout so qu'a hèyt. — Eh ! praube òmi, s'ou dit lou predicatou, per fèt de ha un boussut, lou boun Diu ne s'y poudè pas miélhe escase ! » Dé biélhèQue j'abè un cop lou pèc d'un rey que-n abè hèyt ue de las de calhau rousat au soun mèste. Que sàben touts que lous rèys qu'abèn un pèc qui ous hasè arrise; �— 476 — més lou pèc qui parli qu'abè passât la mesure e lou rey que l'at boulé ha paga. Qu'où hé apera : « Misérable, s'ou dit, so qu'as hèyt ! Que-m at bas paga, que-t bau ha mouri. Es près ? — Mèste, s'ou dit lou pèc qui-s boute de bénte à terre, mèste, hèts-me gràcis, ne-m y tournerèy pas. — Nade gràci enta tu sounque ue : que-t bas causi de quine mode é bos mouri. — De biélhè, mèste », se dit lou pèc. Lou rey que-s boute à d'arrise e qu'abè déchat lou pèc mouri-s de biélhè. Tourna pé-bira. Lou poun d'Abignou qu'a grane renoumade. Un cop un ouficiè gascoun que y passèbe à chibau : que créy qu'ère d'Ayre. Estarit de courre, lou chibau ne-n poudè pas mey e que trebuque dous dus pès de déban : més un boun cop de bride n'ou dèche pas ana à terre. Ue hemne qui passèbe que-s boute à-d arrise de bése atau trébuca lou chibau e l'ouliciè qu'où dit : « Madame, pe-n dounquits pas. A cade cop qui trobe ue pègue, qu'èy lou chibau que-m hé coum aco. — Oh, labets, s'ou respoun la dame, tourna pé bira; passits pas lou poun e n'éntrits pas à la bile, pramou que risclats mey que méns de-b y coupa lou cot. » Nade hemne de Gascougne n'aberé parlât de las soues coumays coum aquére d'Abignoun. Counten. Dou coustat de Pissos, que j'abè un omi n'escoupibe pas au bin. Toustém decap à la barrique, que se-n anabe souben decap à terre, de tan qui ère briac estoursedé. Toutun que s'ère hèyt bielh : que se-n trobe de quets qui serén estats de bouns boys de barrique. Lou biélhè que l'abè boutât sus ue cadeyre au cournè dou hoec, e, coum ne poudè pas mey trop courre ente s'ana tira bin au tchay, que s'abè hèyt méte la barrique à pourtade en un estrém de la cousine. Per un cop qui abè balhat pots au brouquet mey que nou pas de gnacs au pan, ne-s ba pas doun enténe coum cauque arré qui dechabe bessa. Que bire lou cap : lou brouquet eslouch e juste darrigat que dechabe courre lou bin à terre, e lou bin que se-n anabe decap au hoec. Lou qui-s boute à dise dab l'arris aus pots : « Jou que souy counten de tu. Dinc' adare, jou qu'anabi à tu ; adare, tu que biéns à jou. Jou que souy counten de tu. » E, de counten qui ère, ne pensabe pas que bin bessat ne bau pas aygue. C. DAUGÉ. �— 477 — Esgarrapiades. D'u tau, à bèts cops, que s'entén A dise : « Qu'a 'sprit ta rebéne. » Pegou qu'en saberé lhèu préne, Mes pas à lou, seguramén. * * * Lou Mounine qu'ey toucat de la pepide ; Tout die qu'ey briac e cadû qu'où ne cride. — Qu'ey toutû drin foutan aço, si repique et, Quoan èy trop but, que-m tratten coum û perrequet, Mes arrés nou s'abise de jou quoan èy set ! * * * — Que-s parech lou Pelhot que biénen de-u trouba Mourt ; que s'a hèyt sauta la cerbèle. — O bah ! — Si, si ! Qu'at èy après à la boutigue. — Quin a hèyt ?... Que disèn que nou n'abè pas brigue. * * * — At sabès, tu, que lou Lanière Que s'a croumpat ue maysoû fort bère ? — Ey boû, l'aha ? — Ta d'et, segu qu'en ey, Pusque nou pague pas jamey. * * La Janine que bouleré plâ lou Janoû... Mes, et, que-s hè 'stira l'aurelhe. — Lhèu que la se trobe drin bielhe ? — Ou... nou la ne trobe pas prou ! * * * — Quoau ey aquet moussu qui-s passéje bitare Dab la dame de moussu-ou Permè Président ? Qu'ous guigni despuch u moument E que-m semble de près bèt drinot que la sarre... — Tè ! Nou l'as pas recounegut ? Qui bos que sie ?... Per segu lou Substitut. * * * U paraplouye, quoan hè bèt, b'ey aburau De calé, ta d'arré, carreya-u ! — Qu'ey encoère mey aburau De carreyau-s'en e si plau. �— 478 — Lou Moyse de Sent Esprit Qu'es riche, — au men qu'en ba lou crit — E que ba marida la hilhe. « Qu'abera très cents mile au men, « N'es pas un dot de pacotilhe, Si dit. Qu'où ne balherèy cent ; « Lous dus cents auts, pos pas ha mendre, « Que l'at harèy balha p'ou yendre. » L'AUTE. •s M » , —■ i •« LOUS QUI S'EN BAN Pè, Théo Bouget Que bién de-s mouri, sus lous 76 ans, à Bagnéres de Bigorre û òmi doun toute la bile esté haute e counsacrade au sou petit païs qui aymabe coum yamey arrés nou l'a sabut miélhe ayma ; mes qu'ère moudèste e que calé counégue-u enta sabé ço qui balè. Hilh d'û yardinè, yardinè et-medich, proubedit d'ue beroye entelliyénce, que s'abè moblat l'esprit de mile causes e qu'ère capable de parla de tout dab qui qu'estousse, permou qu'ère ahamiat de sabé. Yoén encoère, lhèu permou de l'amou qui pourtabe à Bagnéres e au sou parsâ, qu'esté enhadat per la curiouse ligure d'Alfred Roland, qui abè yetat sus lou païs de Bigorre tant d'esclat ù moument dat e qu'où boua quasi touts lous lésés qui-u dechabe lou hacanè de la bite à gagna. De la troupe desbandade dous cantàyres mountagnols, que tourna atrassa ço qui-n demourabe e cinquante ans durant, qu'a perseguit la soue obre de deboucioû ; lou sou rèbe, que seré estât de recoumença lou périple dous ancièns, que s'y saya, mes lous temps n'èren pas mey pariés ; tant qui poudou, toutu en de courtes courrudes, que mia lou sou escabot de cantàyres qui mantienguè iidèus à la pensade dou mèste. Amie de las flous au miey de qui ère badut, amie de la mountagne e de las soues esplendous, poète à la soue manière, Bouzet que gagna l'amistat de hère de sapients enta qui ère lou mey agradiu dous guides ; en darrères, que counserbabe, s'ous penents dou Bedat, lou yardî botanique de la Facultat de Paris. Poète, si èy dit... Tabé, nou sabou pas bàde plâ riche, mes l'aryént qu'ère enta d'et poc de cause e que s'en soucia toustém prou chic, à maugrat las bounes oucasioûs qui abou d'en gagna. Per you, qui èri û dous sous bielhs coumpagnoûs e qui l'aymàbi hère, — nou y a pas très més que-ns e prouseyabem au miey dous soubenis de Roland e de la troupe dous cantàyres qui abè atrassat enta-n ha û petit musée — que goardarèy piousamén lou soubeni d'aquet brabe òmi, qui counsacra la soue bite à la béutat, à l'art e à l'exaltacioû de la soue terre mayrane. S. P. �— 479 — HOELHETOU DOUS RECLAMS LOUS TRÈS GOUYATS DE BORDEBIELHE (Seguide — N" 9) — Nou disi pas lou countre; mes, si s'at bét tout planes, enta nous auts, n'ey pas lhèu parié. — E perqué ? — Qu'a besougn argent mes, sustout, qu'a besougn d'en amucha, si pénsi ; tantia que bòu béne la soue légitime, permou de la gouyate, si-s parech, qu'ey de las qui an endoum, coum disen; que-s parlaré de dus cents mile liures. — Qu'abét rasoû, si hé lou noutàri drin enterprés : qu'ey ue borte dot e nou sèy pas si dab ço qui-u rebién, lou boste fray... — Que b'at disi. Or, lou me fray Louis e jou, si abèm pensât aco — permou nou poudèm pas ha prou, quoan seré dab tout ço qui a la nouste may en argent lequid — que s'y serém prés diferentamén, quoan hasoum lou partàdje; las terres d'Andréu que soun à barréje dab las noustes, enclaberades de tau manière soubént que ne-s pòden pas goayre eschebra. Si nou l'at poudém paga, que sajara de las se béne, de segu, e labéts, ja bedét lou trim-tram : qu'ey lou bé de Bordebielhe eschaquetat, deshèyt ; que soun lous coupe-caps dab lous croumpadous debienguts besîs... — Lou qui a besîs qu'a soucis... si hé tout dous moussu de Labalut. — O-bé, soucis e lhèu proucès ? E que-in couneguét prou enta debina quin aco m'enquiète. — Qu'at coumpréni. — Mes, lou darrè mout n'ey pas dit, si persegui Jan, drin mey hort. Andréu, certes, que manejabe plâ la paraule, mes l'aynat que s'y entenè tabé e n'ère pas per arré qui lous de Bordebielhe s'abèn hèyt û renoum au Parlament; que cassabe de race, coum disen. — Lou bé ne-s benera pas ! Que soy l'aynat e qu'èy la goarde de case ; partàdje qu'y pot abé dab papès passats, que respouni daban l'abiéne dou noum dou me pay e ne-u decharèy pas càde, dab la gràcie de Diu ! Mous de Labalut qu'ère tout d'aquerò ; la bouts retiengude mes redoune e seriouse dou joén òmi, lou sou gèste de bras brac e segure que pourtaben en plé, coum at calè. Toutu, l'òmi d'ahas que reprengou lou dessus e que digou : « Cèrtes, nou-n èt pas encoère en aquéres : lou tout que sera de sabé ço qui eau au boste caddèt e que coumptarat au segure, labéts, ço qui-b mancara. Jan qu'en ère au punt qui boulé. Despuch très més qui s'abè prés ù partit, qu'abè tout pesât e repesat ; que sabè que la légitime de l'aboucat que-s pouderé ha e d'autant mey à l'ayse que la mourt de la soue gran may qu'anabe ha entra ue boune soume à Bordebielhe, mes en parla coum at bienè de ha au noutàri, que l'abè permetut �— 480 — de l'apréne tout ço qui boulé que sabousse sens de s'at ha demanda. — Nàni, si persegui sus ù toû mey délibérât, nou-n èm pas aquiu. Que m'èy dat ourdis, permou que presentibi qu'a bèts dies ço qui arribe ; mey d'û an a, que m'èri poudut apercébe qu'Andréu qu'ère perdut enta Bordebielhe. — Despuch tant ! si nou-s poudou retiéne de ha moussu de Labalut. Lou brabe òmi, et, nou s'ère pas sabut apercébe d'arré ; tout countent de s'abé escadut la soue hèyte, qu'en ère anat tranquile en créde que lou rencountre de la deligence que-s councluiré per û maridàdje qui boulé... — Mes Bordebielhe que demoure e que demourara ! si hé Jan, d'ue bouts segure ; dab la gràcie de Diu, e dab boste ajude (e que premou sus lous darrès moûts) : que m'èy pensât que nou la me refusarét pas. — La mie ajude ? si hé lou noutàri drin estramousit. — Que soy aci enta la-b demanda. — Moussu Jan, siat segu que harèy ço qui pousqui. Jan qu'ère arribat à las soues fis. « Mèste, si persegui, que b'èy coundat en que n'èren lous noustes ahas : la légitime de l'Andréu que sera coumptade e pagade quoan boulhe; que b'at èy dit, que m'èy dat ourdis. Darrè las soues bajaules, mous de Labalut que hasè oelhs touts grans ; nou poudè pas doutta de la paraule dou mèste de Bordebielhe. E permè qui s'estésse poudut retourna, Jan que hournibe : « Mes, n'ey pas tout aquiu ; la questioû d'argent reglade, que-m demoure quauqu'arré mey à ha e, ta d'aco, qu'èy besougn de bous ; qu'ey de bous qui déu biéne la respounse. » E labéts, qu'en manda lou gran cop : « Que m'aberét à da Madamisèle Marie. Ue hemne que hè besougn à Bordebielhe e nade nou tienera miélhe la place qui l'aténd. » Si cause estrange ère jamey aparide au noutàri, qu'ère aquére. Lou gouyat qu'abè tant plà miat lou sou debis que lou brabe òmi que s'ère demourat à cent lègues de ço qui-n debirabe. Dou sou coustat, Jan, mèste d'et dinqu'are, que-s troubabe gagnât p'ous nèrbis, de manière que lous dus omis que s'estaben aquiu, cap à cap, autan emberbequits, enta dise, l'û que Faute. Lou brut de la gran' porte qui s'oubribe qu'ous segouti. Las daunes que tournaben de brèspes ; moussu de Labalut, coum si s'ère troubat suslhebat dou fautulh per û ressort, que-s quilha e d'û rapat qu'alanda la pourtière de l'estùdi en crida quàsi à madame : « Amigue, moussu de Bordebielhe que-m demande si-u boulém balha Marie » ! E séns d'où da lou temps de-s recounégue, que hasè à madamisèle Marie : « Maynade, que bos, tu, qu'où respouniam ? » Madame que demourabe coum plantade, sens muda ni poudé parla; Marie que bi coum û eslambrec daban lous oelhs e que cadou hens lous bras ouberts dou sou pay ; soûle, madamisèle Ninéte n'abè pas perdut lou cap, mes que s'ère escapade entau soum, de manière que lous quoàte auts qu'èren aquiu, esmudits e esmabuts tabé, sens sabé trouba ço qui calé ni dise ni pensa. En bertat, que y abè de que. �— 481 — Mous de Labalut qu'estira la soue hilhe dinqu'au fautulh, tout doucines e que l'y sedou, permou las cames qu'où mancaben ; per darrè, madame que l'arranjabe la colerète qui s'ère drin froustilhoade, mes que-s bedè que nou sabè pas goàyre ço qui hasè, permou qu'abè lous oelhs engourgats de larmes. Labéts, Jan que s'apressa e, de sa bouts d'orgue, pregoune e douce, doun Marie n'abè pas sentit la baylade despuch tant de dies, qu'où demanda, en lou téne la mâ : « Madamisèle, qu'ey ço qui pouch espéra de bous ? ». Mes dise arré que nou poudou, la praubine ; tout juste si abou la force de méte la soue manéte hens la de qui l'ère oufèrte, aquiu, large e franque ; entau qui la sarrabe à d'aquet moument, qu'ère prou. Per l'estrém, madame que plourabe coum ue bit talhade e lou noutàri que-s moucabe tant hort qui poudè enta s'empacha de ha-n autant. Toutû, que-s retourna lèu, e gahan amistousamén à moussu Jan per débat l'eschère, qu'où s'en amia tau saloû, en aténde que las hémnes que-s remetoussen de la benalèje urouse qui-us aparibe au moument oun, cèrtes, nou s'y atendèn pas brique. Si ère countent, moussu de Labalut, n'at eau pas dise, mes qu'ère trop fi Biarnés enta qu'at dechèsse béde mey que nou debè. Apuch abé passât per tant de hides e d'espérances, qui s'èren ahounides au clot de la praube Sourine, que-s tournabe trouba de pès e la bite que countinuabe : ue damisèle de Labalut qu'anabe entra daune au castèt de Bordebielhe ; qu'ey ço qui poudè boulé de mey ? Qu'atrapa hens lou cabinet ancièn, qui plasè tant à moussu Louis, ù bielh carrafloû pansut oun lusibe ue aygue de bite daurade p'ou biélhè : be calé plâ que lous dus omis que-s remetoussen ets tabé ! — Que-m hèt aunou, si digou lou noutàri en tringan, gran aunou, mes que serét estounat, de segu, si-b disi coum aco, au penné semblan : que boulét la mie hilhe ? Aquiu que l'abét ! Jan que s'en arridou francamén. « Pensât, au mens ! si respounou gaujousamén ; que soy trop urous que nou m'ajat pas hicat dehore, de tant en-daban-hèyt qui soy... » — Oh ! per aco, qu'èm amies de trop de temps ! — Que si, que si ! Que soy tout counfus dou me manque de sagesse... Aquéres causes que-s aprèsten de loegn... Mes, pusque toutû qu'at calé ha, autant s'ère de tira dret ; escusat-me dounc. — Qu'èt tout escusat. Pusqu'ey hèyt adare, coum disét, que seri mau-biengut de m'en fâcha, per tant qui siam estacats à la coustume ; dat-me quauques dies sounque. Madame e la maynade que soun toutes biroulejades, qu'at abét bist, mes n'ajat pas pòu, que-b barèy dise û mout prou lèu. Lou noutàri que s'ère lhebat ; Jan, poulidamén que s'abança decap à la sourtide; en passa daban la porte, demourade oubèrte, de l'estùdi, que bi que las hemnes nou y èren pas mey ; que prega moussu de Labalut de las saluda per et e puch, après encoère coumpliments amistous, lous dus omis que-s separèn. * * * En arriba daban lou castèt, Jan que trouba lou sou fray s'ou banc de pèyre pesante oun se pausaben soubént lous praubes, de tras la pourtéte d'entrade. �— 482 — — Çay dab jou, si-u digou tout esberit, en bâcha de chibau. E tant qui tirabe la bride e que Louis desbouclabe la sère, Jan que counda ço qui bienè de-s passa. — Tè ! qu'as plâ hèyt ! si hé lou caddèt ; que crey qu'aberas ue boune hemne e lous de Labalut que soun de brabe gent. — E lou passât que sera passât. Atau lou mounde qu'aberan la bouque barrade. — Qu'as encoère rasoû. — Quin crédes que may at ba préne ? E l'at bau dise ou quin ? — Ha per ha, que baleré miélhe d'at régla, permou que nou caleré pas qu'at aprenousse per lous de dehore. — Hè dounc, qu'y bau. Touts aquets dies, lous dus f'rays e madame que s'embarraben, lou sé, hens la sale à minja enta discuti l'aha de la légitime de l'Andréu, qui-s mountabe p'ou tour d'û cinquantenat de mile liures. En aquet temps, qu'ère ue soume counsiderable e coum la mounéde ne roullabe pas autant coum l'abém biste à roulla, qu'ère û tour de force d'atrassa-n ue pièle atau ; mes lous dus frays que serén anats tau cap dou mounde si abè calut. Urousamén, madame, coum toutes las hemnes de nouste, quoan pòden, que s'abè atrassat û prou beroy cabau despuch qui ère entrade nore à Bordebielhe, e quoan abou, dab Jan e Louis, hèyt lou tour de tout, qu'ous digou, coum qui nou-n hè arré, de que hourniré ço qui pouderé manca ta ha la soume. Qu'ey labéts qui Jan, desliurat d'û terrible soupic, s'ère décidât à demanda Marie de Labalut, segu qui ère de-s poudé passa de la dot, si calé, e de poudé prouba, à d'et-medich coum au noutàri, que lou besougn d'argent ne-u fourçabe pas à-s marida. Madame de Bordebielhe que-s cauhabe à la gran sale. Per esta-n à las fis d'Abriu, la frescure que-s hasè senti, sustout à l'entrade de la noeyt, e madame qu'ère, si choès y a, drin enredoulide. — E d'oun arribes ? si digou en béde entra lou sou aynat ; nou f èy pas bist de tout lou brèspe ? — Nou b'at a pas dit Louis dounc ?... Que tourni de Lesca. — E quin ban lous de Labalut ? Praube mounde ! e-us ey drin passade la helère ? — Madame que s'ey plâ crouchide, si m'a parescut, permou n'èy pas hèyt tout escas qu'enterbéde-la au tourna de las brèspes : qu'èri à l'estùdi dab moussu. Moussu Jan, dab sa may que hé drin coum dab lou noutàri : arriba de prou loegn au hèyt. — Qu'ey ço qui dit dou nouste règlamént ? si hé madame. — Que-m pénsi que déu abé troubat de qu'abém plâ hèyt. Que calé que digou sse Jan ? De que n'abè pas debisat dou règlamént dab lou noutàri ? — E qu'ey ço qui pense d'Andréu ? — Nou m'en a pas dit û moût de mâchant ; quoan l'èy anounçat lou sou maridàdje, que m'a hèyt, simplamén : Lou boste fray que bé plâ ; qu'ey joén, que hè flòri au palays, enta d'et qu'ey lou boû inoumént ». Qu'èy coumprés labéts de que nou soupçounabe pas arré de ço qui sabém. �— m — — Tant miélhe ! Lou Boun Diu qu'at boulousse ! si hé madame dab û gran suspi. — E sabét ço qui m'èy pensât, may ? — Hè ! qui pot sabé ? — Madamisèle Marie e-b agradaré ta nore ? Jan qu'abè dit tout aco en tisouqueja lou hoéc, d'û ayre destacat, qui ère lou qui calé ta nou pas estoumaga madame. — Perqué-m dises aco ?... E t'agrade à tu ? — Que y a dies qu'abi pensât à d'ère. — Qu'ey tu qui-t marides, amie ; qu'ey enta tu qui hès... — N'èy pas à pensa qu'à jou-medich, may ; qu'èt la daune de Bordebielhe... Qu'an toustém bèt drin taquinât las bères-mays e lous géndres, ja sie que lous géndres e las bères-mays en desacord sien prou reàles, mes ue nore qu'ey aute cause ; enta la may, soubént, qu'ey la qui-u pane lou hilh, e aco n'at pot pas debèrse. Cèrtes, madame de Bordebielhe qu'ère trop hemne de capàdje e d'esprit cla ta nou pas boulé qu'escouta lou sou co de may, mes qu'ère hemne... « Que bos, si respounou, be eau arriba-y ? Qu'ey la ley de las mays de calé soufri toute la bite permou dous maynàdjes e de tribalha toustém entau lou bounur... Mes, té, qu'as rasoû de-t marida ; madamisèle de Labalut ne-m desplats pas. » Jan nou couneguè pas trop ço qui ey ue hemne au pa de gnaute, permou que hé, coum drin picat : « Qu'aymari que-m digousset que-b plats, permou nou crey pas qu'en y àje goàyres, per aci, qui...» Madame que bi de tire de qu'abè hèyt péne au sou gouyat e ne-u decha pas acaba la soue pensade : « Cèrtes, si hé, qu'as sabut ha û boû choès e n'èy pas boulut dise arré ta-t countraria... Lhèu en aberés poudut trouba ue de mey riche, mes n'ey pas l'argent qui eau espia de permè. » Jan que-s trouba tranquilisat. — Que b'en semblaré, si digou, d'û aha qui seré biste réglât ? Qu'aymari autant de-m marida permè que lou caddèt. D'abord, que seré deguéns l'ourdi, e puch... — Oh ! per aco, si ès décidât, lou miélhe qu'ey d'en fini lèu. Qu'ey ço qui t'a semblât de l'idée de mous de Labalut ?... Que pot dise quio ; n'ès pas û géndre coum s'en trobe à tout bire-plec de camî... e si crédes que madamisèle Marie... — Qu'at gausi créde, si respounou Jan en sourise. La gouje qu'entra ta méte la taule ; moussu Louis qu'arriba sus aquéres ; en cas qu'où prudisse la léngue, l'aynat que gaha las abancétes e qu'où hé, coum si nou sabé arré : « Que parlabem de ço de Labalut ; que t'en semble de madamisèle Marie ? » — Qu'ey ue charmante persoune e plâ brabe, au mens que m'en a l'àyre... Perqué e-m demandes aco ? Qu'esté madame qui enterbiengou : « Jan qu'auré l'intencioû de la se préne. » — Té, que boulét que-b digui, si hé lou caddèt dab lou sou àyre partiras, que pouderé escàde mey mau... Are, per ço qui ey de la pousicioû... Mes, si persegui, ou que-m troumpari hère ou que-n y déu abé p'ou crofe dou noutàri : que y a bèts dies qu'en y hique, tintins e bilhéts ! �— 484 — Touts très que s'en arridoun francamén e lou soupa que-s passa en debisa de l'aha coum d'ue cause hèyte. Jan qu'abè gagnât la partide e roundamén. Lou dimercs brèspe, lou Joanicot que biengou pourta û bilhét de las parts de mous de Labalut qui pregabe à Jan de biéne soupa lénde-sé, à la noutarie. L'aretè de Bordebielhe que passa aquiu las dues ores las mey agradibes de la soue bite. Lou diménje qui segui, madame que biengou ta la misse à Lesca, dab lou sou hilh e, au darrè, qu'ana ha la demande en règle. Per poulitésse, enta l'estaubia gnaute desranjamént, mous de Labalut que proupousa de que-s renderé, pendén la semmane au castèt ta régla la questioû d'intérêt. Lou noutàri que couneguè la fourtune dou sou gendre e que s'y poudou aparia, ço qui nou desplasou pas brique à madame de Bordebielhe; de tau manière que lou maridàdje que poudou esta arrestat enta la quinzéne ; pusque-s debè ha sounque daban lous parents e sénse nade ceremounie, arré n'oubligabe dou retarda. Lou qui-s trouba bèt drin estoumagat per la hèyte, ya-s debine, qu'esté l'Andréu, mes que-s goarda plâ d'en ha béde nad despieyt ; Jan qu'ère l'aynat e que-s maridèsse lou permè, qu'ère de ley ; per aco, que seré menti de dise que nou-n toursou pas drin lou nas. La nouce que-s hasou à la glèyse catedrau, pusque suban la coustume lou gouyat que déu ana ta ço de la nòbie. Andréu que y ère, nou s'en ère pas poudut escapa ; mous de Labalut, urous à maugrat tout, lou praube òmi, qu'esté dab et autan poulit e aymable qui sabou; arrés nou poudè pensa que s'y abè passât quauqu'arré per entermiey. Lous de Bordebielhe qu'abèn boulut que tout lou mayne dou castèt, despuch la bielhe Mariounine, qui abè amuchat au petit Jan à ha cames, dinqu'au baquerot de l'Espitau qu'assistèssen à la ceremounie, per simple qui housse. Per aco, moussu curé qu'y hé û coumpliment oun banta, miéje-ore duran, las bertuts de las dues familhes, mes que s'y ère esmerat e qu'ère hère plâ dit. En sourti, la Mariounine qu'esté prou estounade, permou que la couneguè de toustém ençà, de béde countre d'û pielà, la Bièbe dou Poey qui passabe lou chapelet. La hemnote que pregabe Diu enta Sourine. E qui sap si ne-u semblabe pas de béde aleteja Famne de l'infourtunade auseréte à trabès la glèyse soumbrouse !... * ** Très més après, las nouces d'Andréu dab madamisèle de Peyresac que-s hén à Toulouse en gran tranlay, mes au castèt nou hasou pas nade susmaute ni p'ou besiàdje, permou qu'enta touts qu'ère coum segu que lou caddèt nou tournaré pas mey tau pèys sounqu'en passa. La bite à Bordebielhe, au darrè de toutes aquéres benalèjes, que s'ère apadsade e mey que mey dab la daune joéne dount l'ana plasént e la douçou qui embaranabe tout au tour d'ère, la hasèn ayma dou mey joén dinqu'au mey ancièn de la maysoû. �— 485 — U an après la soue entrade, die per die, û nenerot que piula sus la bourrasséte d'û brès tout nau, e de labéts enlà, lou castèt que sembla que tournèsse bibe, plé d'espérance gaujouse e de sourelh. II Lou temps qu'arranje hère las causes, si dit l'arreprouè. L'an dou lou maridàdje, Andréu e sa moulhè nou hasoun que passa, ta dise, per Bordebielhe, au moument de las bacances. Coum n'abèn pas hèyt biàdje de nouces permou de trouba-s à la période dous grans pleyteys, que-s daben ue passejade de-cap l'Espagne, coussiran per las biles d'aygue e de plasés : Luchoû, Bagnéres e Cauterés, mes ta l'an d'après, qu'esté coumbiengut que demourarén très semmanes ou û més au castèt. La politique qu'ère toustém l'aha de darrè-u cap ent'Andréu e que seguibe la soue idée, mes à Toulouse, permou de la pousicioû dou sou bèu-pay, nou-s poudè pas goàyre ha béde. Ne calé pas dounc que perdousse pè en Biarn, qu'ère aquiu, d'ue part ou de gn'aute, qui troubaré lou mey à l'ayse de-s pourta, quoan y abousse eleccioûs; enta segui lou bent, que s'ère abounat au Mémorial, qui ère la gazete dou Goubernament, e à L'Observateur des Pyrénées, qui ère countre. De tout temps, en Biarn, la politique qu'ey estade, si-s pot atau dise, de las tranquiles. A despart de quauques esbariats e dous aganits qui an toustém la gaute oubèrte de-cap au « tos de la tabous », coum disè lou Nabarrot d'Aulouroû, lous Biarnés nou s'en dan pas goàyre qu'enta la période de las eleccioûs ; e encoère, si y a brut en daubûs endrets, qu'ey mey lèu permou dou bî qui chourre à barrique pichante ; que y abè, tabé, ue ley de pertusâs, soubén arribats dou dehore e qui aperaben lous propagandistes, pagats lous ùs p'ou goubernament, lous auts p'ous qui èren countre, grans palabràyres, cridassès e trucassès per cops, qui courrèn las aubèrges e las reunioûs e qui-s cargaben de ha tapàdje e de hica lou destrouble si lou cas ère que hasousse besougn taus lous candidats. Que desparechèn û cop « bregnes hèytes » dinqu'à gnaute tour. Mes lou bî que demourabe encoère lou gran utis de coumbat. Ah ! d'aquéres tempourades ! Qu'en y abè — e qu'en y a toustém — qui las atendèn dab dus paras de lengue de hide, souhqu'enta s'en poudé da quinze dies de hàrtous e de pintères. Lou Nabarrot nou perdounabe pas aco aus electous, ja qu'et medich n'escoupisse pas sus la chuquéte. Hartanès, tripe-harts, peyrigors, si-us aperabe en sas cansoûs de l'Observateur, e sourdeys encoère, mes lous Biarnés n'an pas jamey prés ue cansoû per ue enfamie. A francamén parla, toutû, coum lou dret de bouta se pagabe prou ca, pusque nou y abè que lous qui hasèn lou cens qui boutaben, que eau dise qu'en aquet temps las eleccioûs n'èren pas autan « pouyrides » coum las n'abém bistes despuch, per tant qui las ne digoussen. Per aco, lous Biarnés que soun touts maquignoûs plus ou mens e nou prèsten pas sens intérêt : si dan la bouts, qu'ey dab la hide que lou qui-n proulite qu'ous sabera tourna la... poulitésse, en serbicis e tabous be-s dit, oubtiengudes de Pierrot, de �— 486 — Guilhot e dou Goubernament. Que boulét ! U candidat, qu'ey û moussu qui bòu ue place ; si ne-y debè pas trouba plasés, aunous e... prouflt, nou la demandaré pas, per segu ? Que ba dounc de si que pusque l'electou hè serbici au députât, lou députât que-u déu las tournes; arré de mey aysit à coumpréne. Lou qui boulhe rasouna miélhe, qu'at digue. * * * Au coumençamén de 1847, la Crambe dous Deputats de Paris qu'abou à discuti la proupousicioû Duvergier de Hauranne qui bachabe lou cens à dèts pistoles, ço qui aberé permetut la bote à la maje part dous citoyèns. Aquet aha que hasè debisa hère, permou Louis-Philippe qu'ère countre. Petits mèstes, qui debersèn mauaysidamén las « patentes », mestieraus, charroûs e mouliès, paysâs qui èren tabé hère enmalits permou dou « permis » de cassa qui-us hicabe lous gendarmes au darrè tout cop qui sourtiben dab lou tesilh, touts qu'èren enta la ley Duvergier de Hauranne ; hères tabé dous qui n'aurén pas boutât ni plus ni mens, que lou cens qu'estésse à dèts coum à bint pistoles, permou de-s trouba en darrè d'û escut tout matî qui-s lhebaben, que hasèn brut dab lous auts, e lhèu mey hort que lous auts. Dab aquére discute, que rebourin d'anciènes idées semiades à trabès lou pèys p'ous « républicains », lous Rouges, coum lous aperaben, qui abèn hèyt courre peticioûs despuch quauques anades enta demanda lou sufràdje universel ; Nabarrot, enta nou parla qué d'et, que s'en ère oucupat en 1841 e qu'abè amassât mey de dus mile signatures sounqu'arroun Aulouroû ; aquet aha qu'ère estât la cause de la supressiou dou Montagnard des Pyrénées, mes l'Observateur que l'abè remplaçât e que hasè ue propagande à tout coupa; qu'abè coum redactous quauques aboucats doun lou cisèu en punt picabe e descousè, soubént dab malice, mes lou partit dous nobles e dous bourgés que demourabe lou mey hort. D'alhous, dab l'esprit large qui abèn touts aquets messius, omis enstruits per lous mèstes de la science e quauques us, persounàdjes de gran capàdje, passats per las hautes escoles, dab lou bé qui hasèn e quoan nou seré estât que la prousperitat qui mantienèn au pèys en emplega lous oubrès per centenats s'ous grans bés qui hasèn bàle ets-medichs, qu'ey aysit de coumpréne de qu'abèn hère de petit mounde qui-us escoutabe e-s hidabe à d'ets mey qu'à touts lous pleytejàyres, per tant plâ qui pourtèssen la paraule coum mous de Cassou, Marcel Barthe ou aquet bire-hòu de Dantoû de Lannegrasse. Las causes que s'an à dise coum soun. (Que seguira.) SIMIN L'Emprimayre Mèste en pè : PALAY. E. MARRIMPOUKY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 38, n°11 (Aoust 1934) Alternative Title An alternative name for the resource. The distinction between titles and alternative titles is application-specific. Reclams. - Annada 38, n°11 (Aost 1934) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - aout 1934 - N°11 (38e Année) Creator An entity primarily responsible for making the resource Escòla Gaston Fèbus Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1934-08 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (48 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2903">http://www.occitanica.eu/omeka/items/show/2903</a> INOC_Y2_15_1934_08 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-23 Contributor An entity responsible for making contributions to the resource Palay, Simin (1874-1965) Pucheu, Zarbié de Pic, André (1910-1958) Loubet, Joseph (1874-1951) Laborde-Barbanègre, Manuel St-Raymond, Louis Lou pesquitou Puyo, Pierre Camelat, Miquèu de (1871-1962) Bourdette, L. Froment, Paul (1875-1898) Conio, Antoine (1878-1947) L'auté Marrimpouey, E. Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel