http://occitanica.eu/files/original/438a328dc4f47f1c0eab46e45f087d07.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/000fef6351cbfe86422bcc7b72a66991.pdf 362521bd2eeddf34ffe0071daca8ebcd PDF Text Text 38«" Ânade Setéme de 1934 e au Moiiiit-cleJVÍ arsan lou l5, 1 eme Coum touts lous counfrays at sàben, la hèste annau de YEscole Gastoû Febus que-s hara ta miey septéme au Mount-de-Marsâ. La coumissioû, qui s'ey amassade à l'aperét de moussu-ou Mayre, qu'a deya réglât l'emplec dou temps e que poudém balha las endiques ta d'aquéres très yournades. DISSAPTE, 15 DE SEPTEME. — A bouque-de-noeyt, Passecarrère dab lous Présidents dous sendicats de quartiè e las musiques de la bile. DIMENCHE, 16. — Lou matî, arcoelh de la Reyne de l'Escole sus la place dou Sabla, per las damisèles dou Mount ; que l'acoumpagnaran, pucb, en courtèdye, ta la Maysoû coumune oun la Municipalitat recebera l'Escole; que s'y hara ue trincade. En sourti, qu'aneram touts tau Mounument dous Mourts de la Guerre. A 11 ores e û quart, ue misse que-s disera taus noustes défunts ; coum de coustume, que s'y predicara e que s'y cantara en gascoû. E apuch, cadu que s'en anara disna coum boulhi. Lou tantos, à 3 ores e mieye, Hèste Gascoune, councours de bestissis à la mode anciène. Lou sé, à 9 ores, au teàtre, que s'y yougara Lou Bartè, de C. Daugé. DILUS, decap à las 10 ores, à la Pépinière, Cour d'Amou e Yocs flouraus; à miey-die-e-miey, banquet felibrenc (20 fr. per escot). * ** Lou Mount-de-Marsâ qu'ey sus la bie dou camî de hèr de Bourdèu à Tarbe, que s'y pot arriba de toute part à l'ayse. �488 — Lou banquet dou dilûs, coum à la coustume, qu'ey oubèrt à touts, au mens si-u se paguen. Que calera ha-s escribe per abance au Secrétariat de la Mairie, qui-s cargara tabé de trouba lou lodyemént. Taus auts endics, escribe au Capdau (qui ey à Bagnères-deBigorre dinqu'à miey septéme, 18, rue de la République), ou au Secretàri en pè, en Arrens (H.-P.). * * * Que y abera ue Permanence taus Escouliès à la Maysoû coumune lou dissapte brèspe e lou diménche matî dinqu'à 10 ores. Lou Capdau, S. PALAY. * * * Liste dous oustaus dou Mount-de-Marsâ HOTEL St-MARTIN. — Repas : 16 fr. Chambres : 15 fr., 20 fr., 30 fr. ; (5 chambres disponibles dont 2 à 2 lits). HOTEL DES PYRENEES. — Repas : 13 fr. Chambres : 12 fr. ; 2 lits : 1C fr. (12 chambres disponibles dont 3 à 2 lits). HOTEL DU SABLAR. — Repas : 12 fr. Chambres : 12 fr.; 2 à 2 lits : 20 fr. (5 chambres disponibles dont 2 à 2 lits). HOTEL DE FRANCE. — Repas : 15 fr. Chambres : 12 fr. Lits à 2 personnes : 16 fr. ; 2 lits : 20 fr. HOTEL St-GENEZ. — Repas : 12 fr. Chambres : 12 fr. (4 chambres disponibles à 1 lit). HOTEL LAVARDAC. — Repas : 14 à 16 fr. Pas de chambres. Om que pot retiéne-y las crampes en y escribe de dret, ou per lou Secrétariat de la Mairie. �— 489 — CLAMS DE DOUCTRINE Abançam ou Pieteyam ? La bite qu'ey plà courte e toutû que troubam que las causes n'en ban pas prou biste; mes quoan, enta que courrien, e-nse demanden de poussa l'arrode, que troubam, à case, quauqu'arré de mey pressât à ha. « On constate toujours avec stupeur, si escriu J. Schlumberger, combien les hommes s'enthousiasment paresseusement pour leur intérêt, s'il n'est pas tout proche et tangible. » Aquiu que y èm ! Lous qui an credut, en certénes nacioûs, que harén prima, quoan seré per force ou per pacience, la rasoû, l'interès d'Estat sus l'interès particuliè, que-s soun troumpats. L'aute cop, en û café de Moscou, û amie nouste qu'aprenè dou garçoû qui-u serbibe, que ço qui ère hère mau, de las parts dou Soviet, qu'ère d'abé suprimat las estrées; e à Milan, Moussu l'abat Daugé qu'abè entenut lou qui-u cirabe lous souliès plàgne-s que Mussolini qu'abousse réglât à très sos ue cirade, au loc de decha lou client libre de balha ço qui boulousse; mes qu'ey proubable que troubabe plà que lou medich Mussolini qu'abousse fourçat lous prouprietaris à bâcha de 30 % lou prêts dous lougàdyes... Que pôden crida, lous teoricièns de la science souciau, que dou richè coumû que bién lou plâ-esta de cadû, ta la màye part de la yent, tout aco nou soun que rantoynes, dises de gabilats à qui nou manque arré ou d'ahamiats qui estimen que nou n'an pas prou : qu'ey toustém lou cadû-per-et qui miara lous omis. En France, per dessus lou marcat, qu'èm hère de l'abis dou decha-ha, decha-courre; las reboulucioûs n'y estén, yamey, que lou fèyt d'û pugnat de descidats qui, û cop mèstes de las claus de la maysoû, hasoun segui lou troupèt dous lougatàris atau-qu'atbouy, ya que nou tardèssen à rougagna countre ço de hèyt, permou que ne soun pas goayre lous qui hèn las reboulucioûs qui persisten : que soun d'autes, d'ourdenàri, qui gahen la barre dou goubèrn e hèn tira. Lou Felibridye, nou eau pas lassa-s d'at tourna dise, n'ey pas ue assouciacioû de poètes e d'artistes sounque, mes encoère de sociologues e de poulitics au sens oun eau enténe la politique « pure » : qu'a û corps de douctrine au dessus dous partits taus coum lous qui bedém à s'espernabàte au miey dous peleys e de las « coumbines ». En ue pousicioû coum aquere, qu'ey plà segu nou pot pas da la mustre d'ue force aperade en francés « agissante » ; perbatente e cridassère que seré mey proche dou sens bertadè. A maugrat de ço qui-n disen — e qui-n pénsen tabé — quoandes e quoandes, lou Felibridye n'ey pas ue soucietat de biahores, trucs e patacs, mes, tout lou countre : lou sou tribalh que-s hè en pregoundou. Quoan lous felibres primadiès s'amassèn, l'aute cop en biste de l'entreprése decidade, que-s troubèn coum ue troupe de desbousigàyres daban ue terre qui ère estade boune mes adare coubèrte �— 490 — de sègues, de branes e de gabarres qui estoufaben lou sème ancièn. Qu'ey ço qui calé ha dabord ? Desfounça, laura, ha entra la cabésse autan en-bat qui-s poudousse cabèn la terre, bira ço de dessus enta débat; puch, à mesure qui las mâchantes èrbes e tournèssen paréche sus lou sòu, coupa-las sénse da-us lou temps de tourna eslouri e gragna. Mes, entertan, que calé tabé ha plantagnes, « pépinières » de las bounes leys d'arbes e d'èrbes doun serén garnides las terres à mesure qui aparecherén neteyades de la malagagne e dou pipautè; aquets tribalhs que demanden pacience e temps. Que calé tabé basti la maysoû e las bordes. Au grat de hères, lous oubrès que lausenquéyen, que semblaré la péne qu'ous hè pòu e que pietéyen ; d'û oubré qui haré atau que diserén : nou-ii abance pas. De qui ey la coupe ? Quoandes soun lous qui tribalhen tout die à apresta las terres e à basti la maysoù de touts e quoandes soun lous qui, las màs à las poches, espien tranquilamén à ha ? Au coustat dous pause-b'y-tout dous, que y a lous impacients. Lous felibres, per la maye partide, n'an pas la sorte de candidats à la deputacioû, d'aquets à qui nou coste goàyre d'at prouméte tout e biste hèyt. Que sàben que Mistral n'abou yamey gran hide à l'acciou pouliticassère, e toutû be sabè que la France que-s goubèrne per las eleccioûs à la mayouritat de las bouts; mes que s'ère poudut abisa que la trouperade dous electous nou hasè qu'û yoc de boute-dessus, boute-debat, desapitan touts lous quoàte ou cheys ans lous qui abè puyats au pinacle, pusque n'abèn pas tiengut ço qui proumetèn; la politique de partit que hè proufieytàyres e... pagàyres : n'ère pas aco qui boulé, mes au countràri, yusticie e plâ-esta enta louts. Nou bouy pas denega l'utilitat, en certéns cas, de l'accioû poulitic : que s'en eau serbi si hè besougn e si lou parât s'escat, mes nou debém pas manca de s'abisa de qu'ey û coutèt à dus talhs e que eau esta hère abille tau maneya. Que lous empaciénts dounc s'y abisen. Mes, pause-l'y-tout-dous ou trebatents pressais, aquets de qui serén toutû countents de béde lou tribalh hèyt, qui sap si an yamey pensât à da û cop de mâ soulide aus oubrès dou chantiè ? Quoan tiraben la lengue de sét, e-us an pourtat û bèyre de bî, quoan nou seré qu'û béyre d'aygue ? Dechats souléts à la manobre, lous tribalhàyres, en escabot trop magre, n'an hèyt que ço qui rasounablamén pot ha lou qui a las forces limitades. Lous dou me àdye, omis hèyts de 35 à 40 ans, de-cap à 1910, qu'abèn lou dret d'espera que lous hilhs que gaharèn au lou tour l'arét ou la truèle : la guerre qu'a desruit per loungtemps aquére espérance, pusque n'ey goàyre que bitare qui-s béden quauques yoéns prestes au tribalh. Despuch bint-e-cinq ans, que-s pot dise, que soun las bielhes « équipes » qui an countinuat lou prèts-hèyt dou Felibridye. Si n'an pas encoère acabat lou tribalh, que l'an hèyt abança drin toutû, au mens qu'ous at semble. Mes, nou bôu pas dise que lous qui ban, adare, préne la place dous bielhs e-u pouderan tapoc coumpli; quoan, au lou tour, pas- �— 491 — seran lous utis à d'autes, qu'ey poussible qu'en y demoure à ha prou beroy encoère. Quoan om bet lous hustès à pousa la charpente dou teyt sur las quoàte paréts, la maysoû que parech abançade, mes que s'en manque toutû que sie finide ; que y a dounc encoère de que ha taus yoéns. Quoan partim, nous auts, lous noustes anciens que-nse prenèn drin per saute-prats, per rebouluciounàris e qu'ous semblabe qu'at anabem coupa tout : n'abém pas coupât arré, que crederi tout medich qu'ey estât lou countràri. Lous yoéns que haran atau ; l'arsec qui-us s'emporte nou-ns esbàrie pas : qu'en eau. A mesure qui lou temps passe, que s'amatigaran ets tabé; mes ço qui-us demandant, qu'ey de nou pas descouradya-s si nou béden pas l'obre ana prou biste au grat dou lou desi; que-s saberan soubiéne que la maysoû soulide qu'ey la qui-s bastéch à paus. Lous qui coumencèn las noustes bères catedraus nou y entenoun pas la misse ; toutu que-s soun acabades e la recounechence dous qui las n'an bistes qu'ey lou pagament d'aquere loungue manobre. SIMIN PALAY. LOU COURNÈ DOUS POUÈTES 1914-1954 Que soun urous lous qui soun mourts ta la Yustice E qu'ey segu que Diu qu'ous a recoumpensats. Si lou lou noum, û die, entau passât s'eslisse, Qu'y hè ? Ta quauqu'arré de gran que soun passais. Mes ta nous qui bedoum l'ourrou dou terre-trémble E qui soufrim encoè de l'afrous soubeni, Per tan loégn qui lou temps de taus ores e semble, hou noum d'aquets praubots nou-s pot pas esbani. N'ey pas besougn, ta nous, de bédé las arrelhes, Quoan lou bent de l'autoune e destaque las hoelhes, Amanta-s d'û linçòu qui-nse parle de mourt, Enta-s bremba dous qui cadoun enta la Terre ; E nou-nse bienguen pas dise : Lou temps que cour ! Nou cour pas ta bous auts, Mourts de la Grane Guerre ! SIMIN PALAY. �— 492 — BIELHS MOULIS Lous bielhs moulîs de bent moulében... qu'an moulut dèts sègles, belhèu mey. En presti la harie, en minja deu lou pâ, lous ayòus qu'an biscut. U à per u, lou tems qu'ous a crouchit l'esquic, aus bielhs moulîs ! Per ta chic que l'aurey désse sou coustala, dous bielhs moulîs, tout dous, las aies tourneyaben ; lous bouhets de l'autà bengoussen à praba, las aies à bara, labéts, s'amaneyaben, dous bielhs moulîs. Aus braméts don mistrau, quoan segouiech la poudje, la tique-taque dou moulî e de l'aie Yarremou.lt qu'anaben à galop ; e la moule heroudje esglachabe roumén, ségle, milhoc, carroû... Blouse chourrabe la harie. Lou moulî, per sa balentie, t'au paysâ, dou tribalh qu'ère u ensegnadou. * * * Aus bielhs moulîs carats, n'a mancat bère istoère d'amou, lèu amourtide au tic-tac dou claquét. A descus dou mouliè, la beroye moulière per dessus lou moulî jetabe soun bounét... e de l'eslou la mey leuyère que-s sabè blanqui la machère rouye pous pots de soun baylét. Tapoc nou-y manca pas de galante abenture /... Mantu puchant segnou, mantu joen escudè à Youmpre dou moulî tirabe sa mouillure ; embracat hore dou sendè, deslechade sa coumpanie, que puyabe au soulè, coum qui serque soubac e nou bachabe de l'escale, que la moulière, tout à trac, mey enhariade que nat sac, nou l'abousse muchat quin se barabe l'aie. * * A Yestrem dou moulî, qu'ère u casau flourit. Gouyates e gouyats amasse s'y juntaben �— 493 — e sus la yèrbe fresque oun cantabe lou grit, au sou dou tambourî, tout dimenche dansaben. * * * Digats-me que-s soun hèyts lous praubes bielhs moulîs ! Quoaus soun aquets qui d'ets e-s broumben ? Que-s pèrden lous soubiés, las cansoûs, lous debis... Lous amies serbiciaus aida plâ que-s desbroumben ! Mes lous claquets loegntâs dous darrès qui èy you bis gauyousament à las aurelhes que-m reboumben. Dus fiers moulîs de bent ! Sou puntét de Labié Vu qu'ère apitangat ; lou pî de Paperdut l'oumpreyabe u tros loegn, sus l'estrem de la bie. L'aute, sus lou soumat de Bedelhe assesut, pous bèts bladas de las enclabes bigourdanes, e per lous cams granius dou haut Mountanerés, oun nou-s bet nat aygat gourgueya per las lanes, que moulèbe dehèt, quoan lous arrius-moulès, l'estiu, d'aygue reytius, per las sequères granes, daben gagnât au bent... lou barquî dous planés. * ** A pêne tan per tan s'en soubre quauques peyres, adare d'aquets bielhs moulîs ! La paret eslurrade e cougnide de jeyres. De las aies, arré, sounque Vech tout estrouch... Au casalét, mendras, ourtigues, brocs e bouch. * * * Moulîs mourts, eschalats, teyts houradats coum listes, escounuts, bergougnous, sus l'estrem dou camî, quins plagnéts hèts au bent ! E quines cantes tristes, las qui-u cantals quoan passe e hoey en esgremi ! En balles l'aurey bouhe, arré de biu nou boudje en bous, qui èrets la bite e l'aunou dou Parsâ ; carats soun lous claquets, la gaujou de la Poudje... Arrés mey nou b'espie en be countrepassa /... Sus bostes cabiroûs rebestits de mistèri, quoan l'aurangle fidèu s'entén à prouseya, que dit, tout dous, e coum qui prègue au cemitèri : « Droum, moulî ! lou paysâ nou bou mey hourneya. » D°u DOLÉRIS. �— 494 — B1RADES Tros de " Nerto Lou Palays de Roudrigue. Qu'èren, dens lou castèt, sèt sales oun poudèn bate de las aies lous sèt demouns, lous sèt capdaus, princes dous sèl pecats mourtaus. L'Ourgulh qu'ère dens la prumère ; l'encens, coum hum de humalère, qu'y hasè lou die brumous. Au sou lahut, u îroiibadou à sounseyneya que-s destrigue, cantan la glòrie de Roudrigue, priu, beroy, nouble e saberut, qui, dou sabé, coelhén lou frut, e deu capsus pausa-s en glòrie, dab lou demoun cridan : Bietòrie ! Cantan lous poples desbesats qu'au pè dou cèu s'y hèn coentats, cantan l'Umanitat qui-s mude adarroun en daune absoulude, e daban l'òmi qui bad gran Diu, qui ballèu n'ey mey puchant. Dens la segounde qu'ey VEmbéye. Qu'ey la poulilique, qui bélhe lous cridassès lous mey ardents qui layren en clacan dous dents ; — Aus tous palays, eternau Roume, en escoupin toute la groume, e passeyan la halhe en mâ bederam à Catalina ! Quine gauyou se tout crebèsse ! E se lou cèu s'en debarèsse ! Bisque Vihèr ! Bisque Satâ ! Bisque lou maye Lebiatâ ! — Dens la tresau qu'ey l'Abaricie : Dab soue tufe de malicie, oelhs ahoegats, bras estenuts ; au Diu Mammoun que-s soun benuts lous qui youguèn au qui mey pane. �— 495 — L'or d'Abignou, l'or de Catane, l'or de Toulouse, per pialès, que iringueréye s'ous taules ; e las cares blanques coum cére seguéchen la tourneyadére... — Quoau gagne mey ? — La Crabe d' qu'arrid e 'spie de biscorn, en courneyan dessus la hourre. La quoatau que loudyè la Goule qui tau plasé mie gran tri, e danse à truc de tambourî. Qu'enténen brouni la bachère, bî de toutes coulous, hartère ! Sardanapale qu'ey lou rey, lou qui coumbide. N'an ta ley sounque d'arride à carcanades, lous hemnassès, las estaloades... Mes, sus lou màrme greherous, coum càden e se manden pous, darrè la porte miey barrade, quine biahore nou-nse ey dade ! Quin baliclam s'ey echemiat ! Lazare, tu, s'ès ahamiaî, dous bayléts béu l'afrounterie. Dens la cinquoau, la Pourcarie, poumpousamén, mie lou bal. Qu'y soun las hilhes de Baal, qu'y soun las daunes de Citère e las Berous sénse payère qui lou lou cos benoiin au yoc, damnades e, bardic-bardoc, aquiu que soun rebiscoulades, per la musique de Couhét. Poe bestides e cos mouflet, que soun blangous qui s'esparpalhen à la claretat de las halhes que birouléyen. Qu'ey Tais, qu'ey Cleoupatre dab Lais doun s'eslamè toute l'Asie ! Qu'ey de Periclès l'Aspasie, qu'ey Messaline, gabe gran, �— 496 — toutes qu'arriden en l'espian, mes lous sous oelhs que-b hèn lampades à ha pòu coume ialhs d'espade. Dens la cheijsau, qu'ey lou loudyè de la Coulère — qui bruglè. Sus las paréts de pèyre-marme, au ctau, que nou s'y béden qu'armes, e lou sòu qu'ey plapai de sang. Dus escrimàyres, que s'en dan, dab gran herou que maquignouen, que-s bàlen mourts ; coume hurgouen lous qui-s presénten lou duel : Dau, lsmaël countre Israël ! Dou sou briuloù la mourt que régue, tout en sentin per la henèrcle. Dens la sale sètau, per fis, dessus lou moufle que y'an bis estenilhade la Perésse. Hoec de cents luts qu'y hè clarésse aus qui, de raubes, soun bestits ; lous bagans, lous engourrinits. Que soun au tiàtre. Langourouse coume la bouts d'ue amourouse, qu'ous yumpe de bèts arreboums musique bère e qu'ous adroum. Mes sus lous bàrris de Ninibe dab masses e ganibets qu'arribe mantu Barbare, flèu de Diu, deya que puye, benyatiu ! F. MISTRAU. (Tros dou cant vu de NERTO, 1884, birade de M. C.) € fr NABETHS COUNFRAYS M. Durand (René), professeur, 10, rue du Castillet, Perpignan. M. Noguès (Pierre), Directeur de Laboratoire à l'Institut Marey, Parc des Princes, Avenue Gordon-Bennett, Paris (10"). �MOUNDE E CAUSES DE NOUSTE DEBISET SUS L'AMNE GASCOUME i Nou sèy arré de mey dous qu'aquéres semanes armagnaquéses de fî setéme. Labéts lous trouihs untats que hèn pati la gaspe d'or ; lou paysâ, qui bien de decha lous tribalhs patriarcaus de seguères, que tourne pensa à s'amassa mounde e que passe la rebiste de nauquéts e de cisèus. L'alquitra que hume hens û bielh toupî, la moule qui gnigoutéye, l'escabot dous bregnàyres que pod parti à las cliques, nou mancara pas d'utis. Aquet tribalh à l'arrebat dou sourelh, coumensat dab l'esguit de l'aube, quoandes cops, aquéstes darrères anades, que m'a hèyt coumpréne ço que lous sourbounàyres tant sapients m'aboussen dechat ignoura ! Quin interès e pod abé û bèrs de las Yeourgics dou gran felibre de Roume se n'ou se ban coélhe entermiey d'û béyre de Yurançoû ? Lou qui n'a yamey segat ue coude d'arrasim, lou qui nou sab la péne que y-a à laura pregoun û sòu binatè nou sab gran cause. Que-m broumbi que poc despuch las guerres de 14 e 18, qu'abouy toutu la sorte de béde aus dits dous mes bisayòus las darrères ganchétes. Qu'ère lou tems oun à mieydie e disnabem encoère au bregnadé dab chardines e garbure. Aquéres anades, ya debèn esta sepelides per lou prougrès, e oey nou-s da nat pic en nat bregnadé chens cisèus. De la ganchéte, — lou qui n'a ! — que s'en cure lous souliès ou lous esclops. E despuch de 1923, las enyibanes las mey adrétes qu'an hèyt entrade au ras dous trouihs e dens las bignes. Que dèchen de craba las semaus e d'espouti aus pès lous arrasims. Lou troulh e lou carrét de hèr qu'an dit à las semaus : « Anats aus youquès ou pous embancs hourni nids à las clouques e à las pouloyes. » E atau que s'en ey debirat. Autaplà, lous mayes punts d'aquét tribalh de brégnes qu'an demourat. L'obre que-s hè de coumpagnie e lous escabots de gouyats e de gouyates que-s moustéyen coume d'autes cops. L'esperit gascoû qu'y trobe lou soû coumpte, e qu'ey ço qui eau. Quoan ayen troubat ues machines endemouniades qui pousquen remplaça lous coupàyres lhèu, l'esperit armagnaqués que patira ue seriouse afrounterie. Lous tribalhs sasouès e seran mey ço qui èren ? U bagn d'amistat, ue escadénee enta trouca idées e amourétes e ta ha brouni d'û cap dou die à l'aut la léngue dous anciens ? Nou eau brigue créde aus Franchimans qui hèn dou Gascoû l'òmi batalur e gauyous per dessus tout. Sus aquet punt, lou Caddèt de Gascougne que-nse hé drin de tort. L'òmi de la ciutat nou bed en nous auts sounque lou mousquetàri qui, d'û capèt emplumachat, e bare; au countre, lou Gascoû qu'ey frounsit e en deguéns, carat coume û castelha daban lou serious de la Bite. Om nou lou �— 498 — counech permou que parle tant chic ; om nou sab quin aquet filosofe esmudit ey encoentat, esbariat per lou charruscle dou mounde de bitare, las hausses e bâches de prêts debudes au plâboulé de negouciants afrountius qui hèn bères plégues de dinès dab û bî qui pague tant per tant lou pas dou boè qui laure lou coustalat; lou destrouble de la mounède qui roéyne lous pocs estaubiants e emplie la loue amne de cragnénces e d'arregagns. Tout aquero, e hère d'autes causes, que hèn de l'Armagnaqués û ômi prudent, û òmi menshidèc coume èren lous sous ancièns, ets tabé soubén sannats e soubén prestits. Qu'ey la sorte de las poupulacioûs paysanes d'abé lou lésé de pesa la péne e lou tribalh qui eau ta gagna la bioque. L'òmi de la bile que sude lhèu mey, mes qu'où manquen las loungaynères ores p'ou miey de la nature carade, en yulh, quoan las darrères chigales e s'an clabat las parabastes. Qu'a tant poques pauses tad entra en si medich e ta ha pensère. Enhounça-s en si-medich, que-s debire hastiau ; e, d'aulhous, « l'individualisme meditatiu » dou gascoû, que pod acoumpara-s en û estât d'enteliyénce mey que de sensibilitat. Lou nourdesc, quoan pénse à causes tristes, qu'y pénse dab lou sou co, lou gascoû dab lou sou cerbèt. Que hèn dues hites à l'encountre. Mes, ta tourna-n à las noustes bignes, que diserèy que lou gascoû carat e escoutàyre dous reclams interious, qu'a à besougn, lhèu mey que d'autes, d'aquets tribalhs sasouès oun arrecoutéchen bourdès e mèstes, ta desbounda-s de las noubèles, ta questiouna-s sus tout, ta pouletiqueya à bouts mieyère, medich ta semia couyounades e tira marcats e coumbienguts. Se lous pòples nourdescs an nacère de bibe amasse, toustém en escabot, e de pensa touts amasse, ue amne latine n'ey pas d'aquet talh. Hens ère, lou besougn de ha rampèu qu'ey coum las grans passioûs, coum l'amou, coum la hayne : sasouè. Lous pays de Roume, atau qu'anaben barreya s'ou Forum (lou Patus) la frute de meditacioû e de coumbiccioû ensacade au hiu de las loungues yournades, en gabidan l'arét de boys. Magnificaméns que cridaben en pauses braques ço que la pats dous caras e lou trémpe dibî de la loue amne abè councebut... Aquets escoube-sôus despuch seguères e brégnes, aquéres tauleyades débat dous sarrès, perloungueyan-se dinque à las très ores de la tantossade, que-ni represénten û petit Forum. Qu'èm enter Gascoûs. La léngue roumane dab lous sous bire-plecs, dab lous sous dises ambrées e toutu clareyants, que tourne canta labéts coume lous proufessous legagnous nou pouderén menshidà-s'en. Hens las antics coustumes armagnaquéses, que-s bed que bèt tems-a lou goust de l'unioû enter besîs qu'ère hort. Lous tribalhs oun are e suden amasse, que-s hèn riales au pa de ço qui-s praticabe û sègle-a. En l'àdye mieyancè, lou castelâ lou mey chin qu'ère daban la ley de l'ayude lou parié dou mey proubesit e noû y-abè pas barrères entre lou segnou e lou pè-terrous autandes coume at bolen dise oey. Nou s'y parlabe d'electous, labéts, mes enter lous omis que y'abè ue ligasse mey soulide. L'encause qu'en ère dens la bite de cade die ; las soufrénees �_ 499 — qu'en èren las mediches e que-nse poudém adayse pensa ço qui n'ère d'aquéres regaudissances simples mes pròpis. Quauques bielhs yocs abandounats coume : « As-tu lou coup ? Da-m'ou, pitchoû ! », qui acabe are en Armagnac lous sous dies ultims, que suféchen à balha-n ue idée. Que y'abè yocs de goèyte, yocs de sale, yocs de tour enta broumba û charmatôri à las ores loungues dou camî de rounde : « Argoeyte-plâ, goeytéte dou castèt ! » Enço dous mestieraus qu'ère parié. Lous teulès qu'èren ue tradicioû; que s'at y hasèn tout à case. Hère de cops, lous frays que s'assoumaben e coume abèn labets familhe numerouse, que hasè, aquero, beroy escabot de pausàyres e de bardissès ; las escalhes dou hour que-s hasèn de coumpagnie en arressegan tisocs ou arbes ta neuri lou gran hoec batalhè. Hère de cops lou seré de la noeyt que-s birabe en periglère, e que calé desbelha la familhe, e n'èren pas prou de dèts ou bint persounes ta entra e sauba en mieye ore lou tribalh d'ue semane. Cops e y'abè oun lous téus èren berds e se gouhaben : tout qu'ère perdut. Dous mougnocs de las teulines qui s'èren gouhades, que hasèn cabanes taus lapis. Are, aquet tribalh patriarcal! qu'a dechat la place à hère d'enyibanes qui pichen, dens û quart d'ore, centenats de canaus e de téules ; lous bielhs embancs que saunéyen e qu'abriguen esquiròus e hayines. E, espiat quin ba la bite : que houn lous Espagnôus qui, en Armagnac, se dechèn lous darrès d'èste lous oubrès teulès à la mode biélhe. Atau la boune race d'Aragoû e de Castilhe, qui abou au sou serbice dens lous sègles xviau e xvuau tant de gascoûs entaus tribalhs groussès, que hasou las tournes aus de nouste, sus las fis dou sègle xixau, despuch las guerres oun l'Espagne e perdou las darrères coulounies. Lous bardissès de las teulères de labets qu'èren aragounés. Lous mestieraus doungues qu'an abut à desparéche en Armagnac tabé. Que crey que lou darrè toupiè d'Armagnac-de-Haut e de Gascougne garounénque que-s dechè de tribalha decap à 1924. Soul û noum de borde e d'endret que goarde la noumbrance d'aquets mestiès sepelits : Aus toupies, à l'Oubrè, aus Crestias ; ahoalhs de causes que lous noustes arrè-hilhs aberan en testimòni hidable, coume û reclam de la léngue saubadoure. Mes, tant que lou souvietisme e l'americanisacioû n'ayen pas entecat lou paysà, que y'abera ahides. Que y-abera ahides, permou qu'y sera toustém lou bou bî. Lou bî que hè partide de l'amne gasconne. Hens lous sègles passats, la Gascougne qu'a toustém counegut lou bî. Lous pargams que soun aquiu tad at ha sabé. Abadies coum la de Flaran qu'èren las gabidàyres abisades de la culture binatère en Armagnac, e quoan n'aberém pargams, b'èm encoère bebedous de piquepout ? Que sufech. Que-m pòdi perbale d'ue estangue hèyte aus païs de la bière. Lou bebedou de bière n'a brigue, nou, nat droumilhou hens l'enteliyénce, mes que l'a, lhèu, dens las parts bibes dou co, las de l'amistat. U bebedou de bî qu'ey au dessus de tout per la souciabilitat e que l'agrade hort de batala de coumpagnie. Montaigne que disè que eau aubri-s noustes usances à las usan- �— 500 — ces estranyères e bouta coume ue ley de nouste bite lou curiousè. Aquero qu'ey ue idée de gascoû, e nou pas brigue û dise coumû de literature. Susprés que souy toustém de las qualitats qui prèsten à l'esperit francés, qualitats qui soun pròpies à l'esperit dous aquitâs. Qu'ey au bî que l'Armagnaqués emprounte la soue courtesie, courtesie que l'òmi dou mieydie nou troubara mey sus lou sou camî se deu ana bibe enço dous omis blounds. Ço que las anades nou pouderan esclari e amistousa en Gascougne, ue besite au chay qu'at hè : lou brouquet que dèche chiscla û array de bî saure, las simpaties que poden flouri, coum flocs grasits, la terre qu'ey prèste. Trop, hère de cops e qu'at eau dise, yeneracioûs e yeneracioûs de bebedous de yurançoû qu'an hèyt dou gascoû la mustre de l'arcoelhedou. Se lous Grecs e tournèssen, ets qui alandaben las cases aus horebienguts, que troubarén dens nous auts lous eretès de las loues bounes coustumes. Aquiu, lhèu, l'esplic d'aquéres fourtunes esbariantes d'estranyès, e poulitics e financières qui nou-s béden goàyre qu'en Aquitàni. U pôple qui-s hide, que debié d'aubus cops û pôple enganat e tounut. L'Estavisky qu'at sabè. Gascougne mie qu'ey tabé lou païs dous boscs, coum n'ey de l'arrasim. Us parsàs coum Goundrî, Courrensan e Bretagne d'Armagnac qu'en an en l'ore de magnifies. Bèt tems-a qu'en y-abè mey e que m'abisi que lous boscs de càssous e surrès abarreyats dab pîs que-s troben dinque sus lou Labrit qui ey païs de Lanes : has très plantagnes que mariden atau l'arrousie dab l'agland. — Biste beryeliane, coum souléte l'Italie ne pod amucha en Fore; quoadrats de bignes blues qui nidéyen enter lous escabots plagnénts dous càssous e dous surrès ! L'amne dous ayòus que hou mercade doungues per lou silénei de las séubes e per las eslasous yaunes e estèrles dous touyas. Lous coundes de case que soun aquiu tad at prouba. Nou eau da-s hère loegn ta bedé-y numerouses allusioûs, ya que bergougnouses, ya que temeruques, aus grans boscs oun arpatéye lou mounde misterious dous Becuts, miey bèstis, miey omis, pouderous e mâchants. La « ma grane » tabé (suban las endiques de Bladè e de Bourciez) que debè hourni de pariés sauneys aus noustes ayous, la « ma grane oun ilourech la flou rouye, la flou yamey esblaside qui arrebiscole lous praubes mourts ». Qu'abèn sustout ue ourrou maye dou « Païs de las Lanes, oun nidéye l'ausèt d'or, l'ausèt coulou de sourelh, l'ausèt qui bibera dinque au die dou yudyamént, e se trobe cade cent ans û pintoû de la sang d'û hilh de Rey ». De segu, lous bouscassès dous Bours de Goundrî que sabèn p'ous Sent-Yacàyres ço qui n'ère de la yelade ourrou de las mountines; que l'abèn coundat aquets gourgs pregouns, aquets arrius aryentius, aquets prats penècs oun puntéyen las aulhes « lou païs oun las aulhes an ue cournie d'or, lou païs de las mountagnes subornantes oun lous arrius e caden de très mile pès » ; e toutu, que seran lous boscs de case qui hourniran ço de qui eau ta idéalisa lous coundes; que seran ets lous qui prestaran imàdyes de mistèri. Qu'ey poden audi « lou roussignoulét saubàdye qui cante la passioû de Nouste-Ségne lou dibés, las sèt doulous lou dissàtte e la rebiscoulade dou die de Pasques à l'esguit dou sourelh ». �— 501 — Dens l'ahourèst, lou pè-terrous qu'a poudés : que s'y sègue touyes e boys ta l'embanc; que-y hè légnes « qui daran eslamerades granes ta la seminéye dou « Rey de las Agraules » e om sab qu'aquet cournè « qu'eslambrequeyabe coum lous hours dous teulès ». Au bosc, enfingues, que pod engountra ue d'aquéres gouyates estranyères, anan capbat dou mounde, que sera « brabe coum las pèyres, aunèste coum l'or, bère coum lou die... ». Lou qui n'a pas bis aquets tréms daurats per l'Abor, aquéres yèyres souples desligades qui counsolen amourouseméns lous bielhs càssous, aquéres lèches-crabes aryentades per la limarrère dous limacs, nou sab brigue ço qu'ey û bosc d'Armagnac. Lou qui, gabidat per lou nouste gran cepàyre Marcel SaintBezard, n'a pas sautât l'arriu de Piche-porc, qui, sègles a, poudè amucha bagns oey sepelits débat lous arroumècs; lou qui, enta mieydie, n'a pas poupat la bouhigue de coé oun se fresquéyen bèts chourrups de bî, nou counech pas lous boscs de Gascougne. Berou e silénci ! Medich la cigalhe milhère nou pod neuri-s aci, que s'ayme mey s'ous biules de las carrères e que dèche mèstes e daunes de zounzouneya la maure e lous coupe-dits ; e soul lou piulay, l'ausèt de la lebite sedouse, qu'arrauquéye lous sous agrès crits esglasiant la proucessioû de las arroumigues s'ou sable fî. (Que seguira.) ANORÈU PIC. QUESTIOU Qu'abém, dens las Serenos, emplegat us tennis escus qui nou soun mey emplegats en Armagnac, mes qui l'èren à las temsades au de la fi dou segle xvm : qu'abem birat hameau per « ayrauts » qui ey lou termi nàtre coum at proben lous actes noutariaus armagnaqués. Que serem curious de sabe quin lou bielh Cazeaux abè dit en gascou à Bladè. La lengue armagnaquese que s'a perdut atau quauques chiscles d'aur. Lou biarnés et, que n'a encoè hères, per sorte. A. PIC. RESPOUNSE Lou Cazeaux, coundayre epic, tau que Bladè lou ploume dens las soues prefàcis n'a, proubable, yamey biscut que dens lou cabos dou coelhedou. Lou Bladé, biengut à Paris quoan lous creadous de brouchimis i0 literàris, Mérimée e C , èren en gran bogue, n'a pas boulut que, et, gascoû, e housse à l'endarrè : qu'a seguide la mediche agau roumantic. M. C. �LAS CIUTATS NOUSTES ORTHEZ Bère e clareyante istòrie, la de quere bile de 6.000 amnes (oey desgarnide de sos-préfecture e de tribunau e qui hè tout ço qui pod ta segui lous prougrès dou sègle) dempuch qui Gastou IV lou Croudzat e l'abè prese sus lou bescounde de Dacs en 1106, dinqu'à la mourt de Gastou Febus qui-n abè heyt lou centre de tout ço qui l'Urope e coundabe de princes de sang reyau, de segnous, d'abésques, de poètes e de sapients lous mey capulats de labets. N'ey pas lhèu prou sabut que penden proche de 200 ans qu'ey estade lou cap-dulh dou Biarn qui a heyt tremoula lous coundes e bescoundes besis, quoan sera lou rey d'Angleterre à medich tems ineste de Gascougne e suzeri, si disè, dous Biarnés. Que l'at hesoun pla bede ! Centulle V au sègle xi deya qu'abé heyt tout ta-s ha balha per Guy-Geoffroy, duc de Gascougne, la soubiranie dou Biarn, ço qui-u balou d'esta subernoumat « lou gran douminatou de la terre ». Drinou mey tard, Gastou Febus, au xivau sègle, que s'en déclara pas soulamen bescounde mes « Senhor ». E dou sou castèth d'Orthez, au Prince Nègre, qui-u boulé abassalha, que manda « dins ue letre, très figas en pintura per li dar à entende que petite paor avia de lu ». La famuse debise d'Orthez, « Toque-y si gauses », que seré lou mout embiat dou casteth de Semboès (soum dou bosc) canounisat �— 503 — Diu sap quin en St-Boès, per Gastou VII au medich prince qui-s troubabe au casteth de Saut. Qu'ey à Gastou VII qui Orthez déu lou principi dou sou renoum. Per beth die que lécha Mourlaàs, capdulh dou Biarn dinqu'à labets, ta s'en ana ta Orthez oun bedè lou punt mey segu ta ha cap à l'Anglés miassan dou coustat de Bayoune. Mourlaàs, si disen, qu'en ploura hère e nou boulou pas esta counsoulat permou n'ère pas mey arrey « noluit consolari quia non sunt ». Que fourtifia la bile, qu'y basti sou terré u casteth sou plan dou qui abè à Mouncade, en Catalougne, e que Tapera de queth noum de Mouncade : « Mons Catalauniœ ». * * * LOU CASTETH DE MOUNCADE. — Coum la soue toû dauneye encoere sus Orthez, qu'ey d'eth qui eau parla en purmè. Lou plan que debè esta hère espacious, si-n eau yudya per lou sou triple enclau e las espesses murralhes qui-u defendèn. Oun ey aqueth plan ? Ne n'y a pas nat tras en loc, ni medich en las archibes naciounaus. Adrien Planté, mayre d'Orthez, qu'essaya dou ha restabli per u ingeniur espagnòu, amie sou, don Eduardo Saavedra, d'après lou plan oriyinau de Catalougne. Mey aquiu tabey lou tems qu'abè tribalhat à countre. Pas manière de trouba arrey de sansé. Que s'en eau rapourta au dise dous bielhs payrans. Lous qui l'an bist apitat au coumençamen dou sègle 19 qu'an lechat dit qu'y abè sèt toûs. Lou bielh Lacoste dequeth tems qu'a escribut ue nouticie oun assegure qu'après las guerres de l'Emperur, qu'abè puyat lou gran escalé d'oun se beden adare sounque las merques, t'ana dansa en la gran sale dou casteth, dab la yoenesse de labets. Que-s hèn ue idée de ço qu'ère aquere pèce pou courdou rectangulari de las foundacious qui punteyen au racim dou sòu e d'oun se lhèbe hardide encoère maugrat lous 500 ans qui porte, la toû de cinq cants (donjon pentagonal) coumençade en 1242, acabade e haussade per Febus au 14au sègle. Qu'at hesou lou prince, si disen lous pouètes, pramou que : Aqueres mountines qui ta hautes soun L'empèchen de bede sas amous soun ! ou meylèu pramou d'argoeyta mielhe l'Anglés desembarcat à Bayoune. La toû que mesure oey 40 mètres. Las frenestes à clethères loungues y estretes (archères) à arcèus coupats (ogives) e à croisilhous (fenêtres à menauts) que soun lous sinnets de las diferentes trasfourmacious qui-u hesoun pati. Aban de lécha l'escalè, mentabe que eau la hèyte bertadère ou nou, coundade par Froissard, dou tarrible hercule, Ernautou d'Espoùng qui aurè, per aqueth escalé, puyat sus las soues espalles, u asoulet carcat de legne, e u cop en la gran sale, yetat tout lou hèch en la haute chimeneye ta ha cauha las dames, dounzèles e segnous apressats à tout l'entour, e sustout ha-us arride à tartalhs. �— 504 — Ne s'y poudè pas arriba tau casteth que per daban y encoère ! Gare à la barbacane qui-n barrabe l'entrade : ue porte espesse e pesante hen ue murralhe de 2 ou 3 mètres de pregoun capulade dou macharaby ou guérite de belhayre d'oun yetaben sus l'enemic, òli bourient, pèyres e sayetes. Decap au darrè que-s troubaben lous lodyes, la sale à minya e cap au nord las cousines. Aquere part de la plateforme (60X50) qu'èren defendudes per houlhs pregouns picats en las arroques e plés d'aygue. Sus la part esquèrre en entran que y'a u puts hort pregoun d'oun partiré, au dise dous anciens, u biot debath terre dinqu'au gabe. Dab mistèri tabey qu'amuchen aus maynadyes la toû oun Febus he péri de maie mourt lou sou hilh Gastou per se lécha mouri de hami en lou cachot oun l'abè yetat, oun Gastou XI tabey auré heyt empousoa la soue bère-sò Blanque, coupable soulamen d'esta î'eretère dou reyaume de Nabarre qui et e boulé tad et. Lèu après, permou dou remords qui l'escousè, Gastou XI qu'abandouna lou casteth noble de Mouncade ta-s retira au casteth menou de Pau. Qu'estou la fi de Mouncade. La soue glorie qu'abè durât tant qui Orthez se mantienou cap-dulh dou Biarn, haut ou bach de 1240 à 1460. Sic transit gloria mundi ! * ** LOU POUNT D'ORTHEZ. — Parlera drin adare dou pount d'Orthez, pas coum at dits l'arrepoè, mey à tout de bou. D'aulhous qu'ey lou mounumen lou mey curious de quere antic ciutat. Quin adye a... ey toustem estât coum ey adare ? Ço qu'y a de segu qu'ey en l'ensemble, dou xivau sègle. Que disen plà que lous Roumans, suban l'itinerari d'Antonin, qu'auren atrabessat lou gabe à dequeth endret oun ey mey estret. Que-s pod, mey nou hem pas per despieyt mey bielh que nou ey. Qu'a u adye respectable. Paul Raymond que dits que lous pialas de la gran arcade qu'amuchen ue architecture d'aban lou xmau sègle. Qu'ey per aquiu qui s'esliupe lou gran briu. Las autes arcades qu'estoun heytes au xmau sègle permou d'esparti las aygues qui puyaben, à la hounide de las nèus, dinqu'à 12 e 16 mètres de hautou e miassaben lous pialas de sustien, coum arriba en las anades 1856 — 75 — 79. Lou pount de oey n'a pas qu'ue toû sou miey. Toutu autes cops qu-en y abè dues soues estrems coum se bed en u quarteron de 1254. Lous pés de mey tard ne-n porten pas qu'ue. En tout cap, la defénse de la ciutat que las coumandabe. Qu'auré hèyt la garnisou de la toû, si ère cadude au purmè segout ? Que calé dounc de la part gauche per oun s'y arribe cap à Orthez, qu'y abousse gn'aut toû dab pount mabedis qui arrestasse cop-séc l'enemic ta balha à la garnisou de la segounde toû sus l'aut estrem, lou temps de-s aprepara au tuma. Au xvmau sègle qu'ey sabut, la purmère arcade de gauche qu'ère religade per u dabantau de �— 505 — boys mabedis qui ey oey u dabantau de peyre. Qu'ey lhèu touts aqueths cambiamens qui an heyt dise : « Lou pount d'Orthez qu'ey heyt de pedas. » B'ous hè hère de dòu en de qui n'y a, la toû chens teyt oun courrè yèyre qui la bestibe y qui-u hesè agradibe couroune ! Lou teyt plat qui la croubech e qui ey de l'époque, qu'estou reheyte pou Counselh dous Bastiments sus las ourdis de l'inspectou Boeswilwald, ço qui s'a balut lou beroy cop de calam de D. Lafore (Nostradamus) : Tout aquero que ba coum à Gastou Febus Souliès dap crouchidere e lou chapèu gibus. Plà pourtat ou nou, qu'ey à la mode dequeth temps. Sus la part S.-O. de la toû, à 4 mètres haut ou bach dou dabantau dou pount que-s bed ue espèce de freneste loungue y estrete qui lous ignourens apèren la « freneste dous Caperàs ». N'ey pas en realitat que l'ouberture de las ancienes coumouditats de la garnisou. La bertadère freneste aperade atau pramou que de quiu aban que yetaben à l'aygue lous caperas dous coumbents de la ciutat, au temps de la reyne Yane, que-s troubabe en la murralhe dou pount. Qu'ère u simple trauc per oun hasèn escourre tau gabe las escoubadures de las carrères. Ne y ey pas mey dempuch qui estou reheyte aquere murralhe coum at leyém en ue deliberaciou dou Cos de Bile dou 4 de Seteme de 1768. De segu toustem la leyende qu'ey mey beroye que l'istorie. Leyende n'ey pas toutu lou feyt dous caperas negats sus lous ourdis de Montgommery, lou capitàni de la reyne de Nabarre. Embriagat de las bictories gagnades sous catoulics à Rabastens y à Nay oun abè heyt gran mourtalhe, que-s boulou atau benya de Terride qui abè fourçat l'entrade d'Orthez, lou capdulh de la reyne. Quin at pouyren denega quoan Bossuet en parle en la soue istorie des Variations, que u emprimat empertinent at publique en 1618, e quoan Bordenave, ministre y crounicayre proutestant, e boute à 2.500 ou 3.000 lous catoulics auciguts ou negats à d'aquets eslurs. Urousamen que dempuch lou pount bielh que-s croubi de glorie quoan 45 boultijurs de Soult en defendoun lou passadye penden tout lou die dou 27 de heurè de 1814. Maugrat las mines qui l'enemic essaya tau ha sauta, lou pount que tiengou, lous boultijurs tabey e lous Anglés ne passan pas ! (Que seguira.) A. CAMBUS, Proufessou d'istorie à Mouncade (Orthez). �— 506 — CIRCULARIS La guerre aus " Patoès " Lous centralisàyres de la Reboulucioû, dab lou famous Grégoire en cap, qui abèn enterprés la destruccioû de tout ço qui, si credèn, en mantiéne l'esprit de las Proubinces, empachaben lou Progrès, dab u P mayuscule, qu'abèn dechat eslhèbes. Lous departaments qu'èren creats, mes lous « patoès » que persistaben las proubinces destrusides : qu'ous calé dounc destrusi tabé. Qu'esté Louis Philippe, autan centralisayre que degû, qui carga lou sou ministre de l'Instruccioû Publique de ha lou necessàri enta d'aco; en 1835, la campagne qu'ère en plé. Lous inspectous qu'escriboun circulàris oun daben ourdis enta que lou parla dou pòple n'estésse pas mey toulerat à l'escole primàri; hères d'escoles publiques qu'èren tiengudes per lous Frères qui aperaben per aci frays dous quoate bras, permou dou màntou qui pourtaben per dessus la pélhe, ets coum lous reyents laïcs que s'y hén tant qui poudoun enta plàse au ministre e coulèdyes coum petits seminàris que seguin tabé d'abiade. Lous mèstes, auta pla, que troubèn u truc qui, au punt de biste de la morale crestiane n'ère pas dous mey « orthodoxes » : lou permè eslhèbe qui susprenèn à parla « patoès » qu'ère munit d'u îros de cartoû gran coum u escut e qui-s poudè estuya hens la mâ; enta s'en desbarrassa, permou qu'ère ue punicioû, que calé que hasousse dou mouchard enta escouta, coum qui nou hè semblan d'arré, quoau ère lou qui dechabe escapa u mout d'aquet patoès maladit e, s'ou pic, qu'aperabe lou mèste surbelhan entau denounça lou coupable, qui ère labéts cargat dou tros de cartoû; qu'en y abè qui aymaben meylèu ha la punicioû que de ha lou mestié de denounciatou. Mes la guerre nou s'estangabe pas à l'escole soûle : que calé touca tabé lous parents e tout lou mounde; qu'ous enhountin de parla u lengàdye groussiè coum lous saubàdyes, si-us disèn; nou n'y abè pas qu'u de distingat, e qu'ère lou de Paris la gran bile. Lou me gran Pay, qui toutu n'ère pas u pèc, que s'ère auta pla dechat touca per aquét « argument » e, ta esta distingat, lou brabe òmi, que francisabe lou sou biarnés tant qui poudè. Lou sou hilh, urousainent, ne l'imita pas. Nou eau pas denega qu'aquére campagne nou pourtèsse e que s'en ressentira encoère : lous moûts francimandats qu'an près la place d'us-quoandes beroys moûts de la tasque coum chèse au loc de cadière, mounta au loc de puya e d'autes ! Enta-s ha ue idée de ço qui èren aquéres circulàris dous inspectous de labéts, qu'abém lou parât de poudé ha léye aus counfrays u tros de l'inspectou de Rodez, en 1835. Qu'abè u noum de coumedie, e n'ey pas estounable qu'en boulousse aus qui l'at abém �— 507 — dat : que s'aperabe Caucanas ; qu'ère u chafre, au segu. Mes, escoutat-lou : « L'idiome vulgaire appelé patois est la langue que parlent les habitants des communes rurales et la classe ouvrière des villes dans le département. « C'est un fait malheureusement trop certain que le Rouergue n'a pas atteint le même degré de civilisation que la partie septentrionale de la France. A quoi attribuer ce retard ? A plusieurs causes qu'il serait trop long d'énumérer; mais la plus puissante et la moins douteuse est l'influence du patois. « Si la perfection plus ou moins grande du langage indique l'état moral d'un peuple, si la littérature, comme l'a dit un auteur célèbre, est l'expression de la société, que penser d'une contrée où un idiome grossier, chargé de mille dialectes, se mêle, se confond sans cesse avec la langue nationale, où les classes agricoles et industrielles semblent séparées autant par leur manière de parler que par leurs habitudes où les gens instruits obligés de recourir à ce jargon barbare pour se faire entendre, prennent malgré eux des inflexions si contraires à celles du français ?... « Dans ce mélange continuel, la pureté du langage se perd et la société reste dans un état de stagnation complète si elle ne rétrograde pas. » Mes aço, coum disen, que passe l'osque : « ...Si la vaccine... le calcul décimal et le système métrique..., les poids et mesures... n'ont pas encore pénétré intimement dans les mœurs de la masse... cette répugnance est due au patois. » E qu'en y a dues payes d'aquet escantilh ! E aci qu'abét la fî : « Je ne parle pas des mœurs et des manières villageoises ; on m'accuserait de faire la caricature de la vie pastorale si élégamment retracée par Théocrite et Virgile. Mais qu'est-ce qui rend cette rusticité si repoussante ? le patois. N'est-ce pas aussi cet idiome grossier qui donne à nos campagnards cette âpre sauvagerie devenue proverbiale ? « Si les élèves de nos écoles primaires et même de nos collèges parlent mal le français et ont une prononciation détestable, ne faut-il pas en accuser l'usage habituel du patois à l'extérieur ? « Si nos instituteurs et nos institutrices ne sont point à l'abri de pareils reproches, c'est encore incontestablement le patois qui est en cause... » E-b aberét pensât aco ? Hères toutu qu'at credoun — e qu'en y a qui at créden encoère — e qu'aydèn lous enemics dou nouste parla à-u ha la guerre. Si lou mounde sapiént ey rebiengut de ço qui credè Moussu Caucanas sus la « vaccine » e lou « calcul décimal », nou l'empache pas — que sabén ço qui s'ey dit mantu cop au Counselh Superiou de l'I. P. — de counserba l'oustilitat dous lous parious dou temps de Louis-Philippe. N'empache pas tapoc u ministre de la République de biéne lauda e célébra Mistral... E dise que la France qu'a la reputaciou d'esta lou païs de la « logique ». Quin enténen aquet moût, dounc, lous qui at créden ? S. P. �— 508 — MOUNDE E CAUSES DÉ PROUBENCE ADENTOUR DE F. MISTRAU Entau pay L. Vignau. Maugrat que goàrdi coum tout felibre, létres e cartes dou Malhanén, n'abouy pas brigue la sorte de m'en apressa dens las ores de la mie yoentut. N'èrem pas besis, e que y'a gran trote de las noustes arribères dinque aus planés calhabuts de la Crau. Mes, quoan l'Escole nabèraméns badude e coumbidabe à Pau lou pay de Mirèio (1901), ya m'y hasi endabans tant qui poudi. Se n'ère pas aysit, dab l'ahoalh dous debots, dens la mousquilhère dous boussalous qui parpalheyaben de canta-u lou me berset, per très ou quoàte ahutades que l'audibi debisa, qu'èri de l'atenciounade coumpagnie dous qui l'escoutaben. * * * Lou mayti dou dilus de Pentacouste coume s'escadèm ue doudséne, à ha-u aròu, dens la seguide dou prousey oun lous capulats e disèn la loue, coum parlaben labets de la dignitat de l'òmi e de sénte Pouesie, Mistrau que hé cade aquéste : « You qu'aymi mey u galerià, u mâchant sudyèc qui trobe quauqu'arré de nau (ou beroys bèrs, ou remèdis à ue soufrénce) qu'u bouriés pansourrut qui s'arpaste de las réndes qui l'an gagnades. » Espian la garlande de daunétes qui èren per aquiu, abisan à Daune Jourdanne de Carcassoune qui, yoenine e alihèrre, e boulou agrada-s d'u òmi qui quaranteyabe : « Bedéts quin las beroyes maynades se dèchen amistousa p'ous felibres ! », e hasè dab ue arrise. Despuch d'abé hort espérât lou me passèy au brès dou Felibridye, que m'y escapabi toutu en 1903 ta la Ste Estéle d'Abignou. E coume èrem dens l'iscle de la Bartelasse, très ou quoàte, dab l'abat Bessou, lou coundayre gauyous qui bienèn de ha mayourau, Mistrau en lou toucan de mas qu'où hasè : « Caperâ, que b'an début dise las lèngues de sèrp que nous autis, lous Proubençaus, nou boulém sabé arré de las autes parladures d'O, e toutu, ya b'anèm coélhe acera hore, dens las bostes mountagnes dou Rouergue ! » E coum l'u dous noustes e s'ahidansabe labets : « Mèste, que hèts bitare ? », qu'abou coume u sinne d'impaciénce lèu amatigat e que-nse tournabe : « Ieu ? mai moun obro es bèn finido, es à vàutri, li jouvènt, à m'entèndre e à. me sègre ! » La Sénte Estéle de 1904, lou cinquantenari dou Felibridye, que-ns amiabe encoère per Abignou. Sus la cantère de la gare, qui engoùntri ? A Bermenouse, tant per tant debarat d'Ourlhat. Lèu que hèm coumbienguts e que-m bédi au ras d'et, en boeture, s'ou �— 509 — caminau d'Abignou à Malhane. Lou me amie d'Aubergne que-m counde quin a engountrats soubén — dou tems oun hasè marcat de bi e d'aygue de bite dens las sèrres d'Aragou — mey d'u biarnés dous qui yuraben per Diu-biban, gouyats trebaténts e balénts qui pertout èren coume à case. Mes qu'ey de Roumanilhe, de Mistrau qui debisam ahoegats. Que seguim lou caminau larye qui passe dens ue plane coutibade dens lous sous méndres cournès e cournilhots, la proube qui s'en lhèbe qu'ey tant espésse que balhe ue coulou de brase aux cantès dous cams, e, pausade sus la téule dous teyts, qu'ous hè griseya. De quoan en quoan lous plèchs d'ifs nègres que barren beriès e casaus, que hèn coume u ridèu qui saube las leytugues, lous caulets, las arragues dou heroudye e descabestrat minye-hangue, lou Mistrau — cade sé, bagous cougnits d'ourtalissis que s'apoudyen decap à Paris. Tè, qu'èm à Sant-Roumiè, patrie de Roumanilhe, e lou cochè qu'estangue l'ateladye daban l'oustau dou pay dou Felibridye. Qu'abèm toustém l'idée de trebuca : ...lou mas que s'escoun au mitau di poumiè, mes nou, lou prougrès qu'a coussirat per aci tabé, e are la maysou puyade à très soulès, qu'ey ue manière d'usine, e adentour nade plantagne, nade oumprère de ceriesès ne de poumès. Ey tad aquero qui èrem de biadye ? Tourném de parti : — « Mistrau, si-m dits Bermenouse, qu'ey u segnou de la terre. Lou sou pay que l'at dechè, la soue may, tout die, que l'aprestabe ço de qui eau, e sustout ço qui bouten sus ue taulè au truc de la gahe. Besiat de maynat enla, pous ourdis d'u pay e per l'amou d'ue may, quin aboure embéyes de hore-bandi-s ? La terre mayrane que l'ère tant douce ! Per you, nou coumpréni brigue que lous yournalistes e lous cretics lou banten de s'èste ayergat au sou larè. » Lou me amie nou m'en digou mey, e ya crey que boulousse ha enténe que se tandes de gouyats noustes, yessits de praube souque, e baduts coum Mistrau dab « u lugra débat lou berret » an à decha lou nid, en cèrques dou pâ de cade die, et medich, qui abè bitare lésé de sauneya e de passeya-s, qu'ère début parti de d'ore capbat dou mounde ta s'en cerca. En debisan, qu'arrecoutim à Malhane. Lou cochè nou sab oun demoure lou mèste dous felibres. — Ya eau créde que Mistrau, qui nou arcoelh besitayres que de cla en cla, n'a pas encoère à case soue ue renoumade de counsequénee. Que bachi, e qu'abisi ue may-boune couhade dou riban d'Arle : — « Me voulès dire, ounte demoro Mistrau ? — Avès qu'à dévala la costo, si-m respoun la daune, e arrestasvous au proumiè tenemént à man drecho. » E, harri chibalet ! qu'èm débat Malhane à ue maysoasse qui bourdéye lou cami, daban cams e prats oun recounechém lou Mas dou Juge, tant de cops noumentat e pintrat dens lous noustes libes. Diis gouyats, dus baylets dab qui parlam, que-nse e hèn bira gn'aute cop tau biladye. Qu'èrem anats enço dou Mayre de Malhane. �— 510 — cousi de Mistrau, e la hemnote adès qué-nse abè dades fausses endiques permou que Mistrau, proubable, n'ère counegut dous sous que p'ou subernoum de Lou Pouèto. Qu'abém passât lou pourtalet de hèr, ya que lous dus cas nègres, layran tant qui poden, e bolen tasta-ns lous cabilhas. Mes ue bouts qu'ous apère e qu'ous apatse. Qu'ey la gouye, la Mario dou Pouèto. E lou Mèste que parech sus lou lindau dab Yan Carrère lou gascou de Nerac, que lou yournau Le Temps a embiat ta las hèstes felibrénques... Qu'èm asseduts dens la crampe doun las finèstres e dan sus lou casau e espien las mountagnétes dis Aupiho. Crampe prou nude, doun la loungou ey tiengude per u gran armari oun deu èste lou libiè, e per la taule de tribalh oundrade de très ou quoàte yolhes. L'ue, se pla m'en broumbi, qu'ey Pestatuéte de Mistrau en marine blanc per Ferigoule. E Carrère que debise, que batale e que batale. La hèste prencipau n'ey pas lhèu la qui celebraran au lendedie au castèt de Font-Segugne, nou, et qui s'arrayabe à Naples dens la sasou ibernibe que bòu lheba ue estatue à Graziella, la mistoye de Lamartine : Sur la plage sonore où la mer de Sorrente Déroule ses flots bleus au pied de l'oranger. Qu'ey l'amistat de las dues sos latines, loungademéns cercade e toustém hoeytibe qui s'escribera dens las nubles e tabé dens lous cos. Lous omis dous Gouberns de Paris e de Roume que barreyaran Pelouquénce e Proubénce, de segu qu'en crubara quauques arrebats glourious. B'ey lou pay de Mireio qui sera président d'aunou dou coumitat e hara lhèu la camade de Naples ? Mistrau qu'ey counquesit pou pleytey dou hilh de Nerac, l'idée qu'où plats mes lou biadye qu'où seré lassère « mai per aco, si hournech, vous mandarai uno brassado de lauriè de Maiano ! » Qu'ey are à Bermenouze à hica-y lou sou mout. Tout escas que bié de ha espeli enço de Pion lou sou recoelh de bers francés « Mon Auvergne ». Que l'a présentât à l'Académie francése. Mes nouste amie qu'ey prou bielh dens lou mestiè de rimayre ta sabé quin se cousinéyen lous councours yudyats per beroys moussus. Dens l'abounde, dens la pièle dous libes, quin s'y recounecherén ? Anats, anats, nou s'en abéyen. Hens aquéres souciétats que y-a endicatous, recoumandayres qui saben ha lusi l'obre qui eau soegna. Mistrau qu'a hèyt doungues la soue coumissiou enta « Mon Auvergne » — n'a pas lou qui bòu u payri d'aquére traque ! — Boune respounse qu'ey toutare biengude de l'Académie gràcis à Heredia (qui bessè trobe dens « Mon Auvergne » reclams dous sous Trophées) que haran ço de qui calhe, e lou libe que despenera lou sou bilhet de mile. En aquéres, Daune Mistrau qu'ey entrade e que bòu pla demanda-m noubèles dous de Gascougne. Be goarde, coum lou mèste, u esmiraglant soubeni de las hèstes de Pau ! Quin ban Planté (qui sera aquiu douma), Palay, Pelissou, Lalanne, Daugé, Baudorre ? �— 511 — Que-nse coumbide à ha ue tringade e qu'anam ta la sale à minya, fresc endost oun rouyéyen cautères, candelès e utis de couyre. Que saludaram au passadye lous caps de Gounod e de Lamartine, e Mistrau qu'alandara ta nous auts las portes dou salou oun ey en très ou quoàte pourtrèyts (poc escaduts, d'aulhous) e oun s'estangam daban las aygues-hortes ouriyinaus de Burnand qui berouyéyen la Mirèio illustrade enço de Hachette. Lou die qu'ey à la bachade. Lou Malhanén que-nse seguech dinque à la boeture, nou sénse abè-ns hèyt léye la taule-marme pausade au cantou de la maysou dite dou Lesert oun biscou dab la soue may dinque à las ores doun se maridabe. Aci qu'ey (nou pas taus leyidous dous Reclams qui la counéchen) mes taus noustes yoens qui lhèu nou n'an audit parla : Bèu lesert, béu toun soulèu, L'ouro passo que trop lèu E deman ploura belèu. (Beroy lauserp, beu lou tou sou, Fore nou passe que trop biste, e lhèu douma que plabera.) — « Aquiu sus, si dits encoère, que-ns èm soubén droumits dens la mediche crampe, Alfounse Daudet e you ! » Aquére yournadote de counde-ha dens la mie bite de felibre, pusqu'abouy lou gay d'èste de coumpagnie dab Mistrau e dab Bermenouse, que-s debè acaba bounureméns e amistouseméns à l'Oustau dou Loubre en Abignou. Qu'abi l'agrat de trouba-m'y dab Laclavère, Tallez, Sarran, qui passan per Abignou e Font-Segugne s'en anaben béde l'abésque d'Annecy — u armagnaqués tabé !... Lendedie, diménye de Pentacouste de 1904, qu'èm gn'aute cop en Bartelasse. Que y-a amassade dou counsistori dab Mistrau e Devoluy : Discutides, parlaméns oun nou manquen ne l'asprou de las yelousies escounudes ne lous crits batalhès e tringlants coum se bouloussen croubi lous bourits e lous brounits dou Rose qui garlape aus noustes pès medichs. Lou sourelh de Proubénce qu'en dèu èste l'encause; mey que lou nouste, ahoegat, arderous, que cauhe lous toupis. De touts aquets clams, lou Mèste nou-n parech esmabut. Qu'en a audides tandes ! Toutu, souben, d'u mout que clabe lou prousey qui semblabe nou debé-s acaba. Coume èm à l'aha de las coutises (enço dous felibres tapoc n'ey pas aysit de las recruba). « Hicats dehore lous mâchants pagadous ! », se-nse dits u counfray. — « Nou, e tourne Mistrau, que-s pod que lou bielhè qu'ous aye lou dessus, es marrit de se faire vièi, mes quoan èren à la loue prime be hen serbices à la cause; goardém-lous. » E atau qu'en ey décidât. Article per article, que eau espuga l'Estatut nabèt, doun Devoluy e Rounjat e soun lous noutaris. Qu'ey u cachau dous méchants à darriga. Mes lous dus arrebouhiècs (qu'ous abèn hèyte aquére reputaciou, per you qu'abouy toustém dab ets dus amies brabes e ensegnadous) que saben ha baie las loues resous. Que parlen u proubençau sarrat e néle coum �— 512 — se la loue may lous at abousse ensegnat. E lou Mèste de bira-s decap à nous auts, lous de Daufinat, d'Aubergne, de Lengado, de Gascougne (Planté medich qu'ère aquiu) e de ha-ns : « Mis ami, aco's bèu, vesès coume aquéli jouvènt an sachu apréndre de soun sicap lou parla de Maiano ! » Mes lou gran die que s'ey esplandit. De touts lous cutours de la Proubénce que s'encaminen decap au castèt de Font-Segugne. Qu'èm dens lous dus ou très cents, e, en suberpés, mounde dous biladyes qui sercn mau-aysit de counda. Mistrau que parech sus lous escalès de pèyre au ras de las pouralhères (que parli taus de qui soun anats tad aquet endretou, testimoni de la hèyte de 1854), Mistrau, segnou de Proubénce, Mistrau qui dab Tavan e demoure soulet, que dits la Cansoun dou cinquantenari : Soun mort li bèu disèire mai la voués a clanti ; soun mort li bastissèire mai lou temple es basti. Qu'esta pla, que b'at prouméti, cantan simplaméns e grandouseméns ço qu'ère besougn de canta. Que l'ayudam au repic. Mes, per aquiu, ue bielhote, que cèrque à coumpréne la cante semboulic. Biengude permou que l'an dit que quauqu'arré de bèt que s'y passaré, que hè à gn'aute bielhote : « Quau es aquèu vièi que parlo ? » Parlats-me drin de la glorie ! Devoluy que puye sus l'empount, d'autes au darrè, toutu que Planté, tilhous encoère, que gourguéye lou sou salut de Biarn e Gascougne. Dens l'escabot dous audidous, que y ey Régis Michalias, lou beroy òmi, lou pouète d'Ambert e qu'ey aquiu dens aquet ayre de hèste-annau qui sinnabem ue amistat que la mourt soûle e debè trenca. Que bi encoère lou Mèste en Arle (1905), à Nime (1906) mes nou y'abou mey manière de parla-u. Chic à chic, despuch qui l'auheriben lou prêts Nobel, nou-n s'en poudèm mey apressa, permou dous ouflciaus qui l'embarraben dens la loue Barguère, de las bères Madames, artistes de poc ou de trop, barounes, coumtésses aus blasous destintats ou treslusénts, dous auyàmis de la poulitic e de la literature, dous fotografes hicanècs qui-u hasèn ue barralhe de las soulides. En 1909, dens la hèyre de l'estatuficaciou sus la place dou Forum d'Arle, be bouloùri, praubot, disé-u lous mes adichats ! Mes qu'abi dabans las hourrères dous admiratous. Labets, lou sé, sus ue cartote, qu'où ne mandabi quoàte, e tournât ta Gascougne, que hasi lou me counde dens lous Reclams. Oerats ço qui-m respounè : Gènt Camelat, lou remèmbre d'Arle, tant amistadous per ieu, qu'avès enseri dim li Reclams de Biarn e Gascougne me douno lou remors de noun vous avé fa, au cinquantenari de Mirèïo, l'acuei que meritavias, mai que voulès ! ère desmemouria per Pinnoumbrablo foulo dis ami couneigu e descouneigu que m'envirounavon e que me levavon lou vèire �— 513 — e l'ausi. Adounc perdounas-me. Aquèu regrèt es la pago dôu triounfle de Mirèio, car fau que tout se pague... Coum bedets, Mistrau n'ère pas toustém cousi dab Moussu-ou mayre Lassagne e, à pauses, qu'où plasè de tira-s dous flocs coumplimentayres, de las bouhades asédes de l'encéns embriagant : Que tournabe d'èste Mistrau. Be sabè mia lou sou mounde ! Qu'abè u segret tad amatiga lous rencurous, lous cridassès : ue petite carte, ue paraule en respounse, qu'en amiaben decap au Felibridye hères dous qui, à cops, e s'en èren trufats. Nat coume et ta mesura las soues laudous. Nou crey pas que dou sou tems nat aut que s'y sie escadut autaplâ ta mantiéne l'arsec e l'estrambord dens lou co dous tribalhadous d'O, per méndres qui houssen. Se per labets n'abou pas mey lou baga d'escribe adarroun, poques paraules que l'èren prou, ta èste loungademéns de coumpagnie dab lous sous debots : « Sieu de mai en mai aclapa de courrespoundènci, si-m mandabe u cop, lou bon marcat de la posto manjo lou tèms e li lésé di pauri pouèto « célèbro » coume lou bon marcat di journalet finira per tua li libre, coume la foutougrafio qu'aboulira la pinturo. » En 1910, dab Palay e quauques auts, que decidabem de bandi La Bouts de la Terre. Quoan hère d'amies abèn prou queha de merca-y lous plaps e lous défauts, de Malhane enla que-nse bienèn la benedicciou soubirane — e quarante sos ta l'abounamén. E aquets quarante sos qu'arrecoutiben cade anade enço dou dinerè, medich au mes de yenè 1914, dab ue arréque, e lous bots dou Mèste, coum ta dise que maugrat las anades qui s'amountounaben, que seguibe l'obre dous sous disciples. Mistrau, cap de pople e « aunou de la Terre », nou credè pas abacha-s en pensan à d'aquets aharots de taryes e de galabis. Atau que hèn lous bertadèraméns mayes qui nou soun mayes que permou qu'an lou medich soegn enta las mayes coume enta las qui sèmblèren petites coéntes. Aquiu que soun toutes las mies bistes de l'Omi de Malhane. Lou me testimoni nou n'amie de nau, e nou pod qu'assegura ço que de mey urous an dit de la brabou soue. Mes lous qui aboun, dinque à 1914, lou beroy hat d'engountra-u e de parla-u que s'esclaréchen, tems que seré doungues de que digoussen ço qui saben. Qu'ous hèm u amistous aperét. Se soun gascous, prega qu'ous hèm de balha-us lou lou counde que sie brac e leuyè coume aquéste ou, se poden, mey cargat de soubenis. MIQUÈU DE CAMELAT. �— 514 — RECLAMS DE PERQUIU Lou certificat d'estùdis primàrîs à Orthez. Sus 127 escouliès de presentats à qui demandaben de canta ço qui saboussen, qu'en coundèn ue doudséne qui s'at birèn dab ue cante biarnése. Brabes maynats !... causi per causi que causibem ço de lou ! Caddetou à Bourdèu- Qu'abets leyit per segu qu'à las hèstes bourdaléses que poudoun béde à l'arcoelhénce dou presidént Lebrun, u Caddetou qui pourtabe lou drapèu dou Nouste Henric, dessinât per Gabard. Mes n'an pas dit quau ère lou paysà qui hasè dou Caddetou per ue die. Si-s parech qu'ère lou nouste Ulysse de Lasserre-Capdebile; que dabanteyabe couhat dou berret blu dous anciens e caussat d'u bèt parelh d'esclops. Obres causides de Labaig-LangladeBroumbém que nou abém encoère nade ediciou, ou tant se bau, dous mèstes de la nouste literature (autant bau dise que nou n'y a pusque arrcs nou-n bénen mey !) de Garros, de Dastros, de Despourri, de Narcisse Laborde, de Louiset de Lacountre, e de d'autes. Toutu qu'abém l'agrat d'anounça la parescude de las obres causides de Labaig-Langlade. Lous qui las boulhen que poden escribe à 1' « Imprimerie Nouvelle » à Orthez e hourni u mandat de 4 liures e 1/2. Lou Dicciounàri nouste e lous Sapiénts. Toutes, ou poc s'en manque, las Unibersitats estranyères qui an ue cadière de lengues roumanes, qu'an souscribut au Dicciounàri de Simin Palay. Las rebistes sapientes que s'en oucupen e au darrè numéro de las Archiv fur studium der ncueren sprachen, lou proufessou Rohlfs, de Tubingue, qu'en dits aço : « Le tome Ier de ce dictionnaire a déjà été annoncé dans cette Revue avec beaucoup d'éloges; l'ouvrage est à présent complet avec le tome II qui vient de paraître et il est dû des félicitations reconnaissantes et sans réserves à l'auteur pour l'immense travail accompli, avec la collaboration des félibres de l'Escole Gastou Febus. « On peut dire, en effet, que depuis le Trésor dòu Felibrige, publié en 1878 par F. Mistral, aucun ouvrage d'une telle importance n'avait paru, enregistrant les parlers d'une vaste région française au vocabulaire particulièrement riche et beau. Aussi, peut-on croire avec certitude que cette œuvre produira un nouveau mouvement dans l'étude des dialectes aquitaniques, qui sont si intéressants. « C'est ainsi que pour la signification et la détermination de termes « rares » de l'ancien Provençal, dont le sens, jusqu'à présent, n'était pas complètement fixé, on pourra s'adresser avec certitude au dictionnaire de Palay. » E M. Rohlfs, en segui, que cite û ligot de moûts demourats escus enta Meyen-Lubke, Lévy e d'autes qui soun esplicats, mercés au Biarnés. Tant miélhe, doungues, si lou tribalh de Simin Palay e pot ha serbice à la science; nou poudém aci que reyoui-nse de l'auhèrte. �— 515 — Ue thèse sus lous moûts dou mestié pastourau. N'ey pas — encoère u cop ! — l'obre de quauque estudiant dous noustes, qu'ey u escouliè dou proufessou Rohlfs de Tubingue, Alfons Th. Schmitt, qui dens lous estius de 1927 e de 1929 miabe ue enquèste hère soegnouse sus lous parlas mountagnòus de la bat d'Aran à la d'Estagn en Bigorre. Que debisaram lèu, mey loungademéns d'aquére obre, hère pla presentade, qui bié de lusi enço de Droz, à Paris. L'Enquèste dou proufessou Rohlfs. Tant qui èm en Alemagne qu'abém à dise qu'aquéste mes d'Aoust, l'amie de l'Escole Gastou-Febus que ba ha ue tourneyade dens las mountagnes de Gascougne e dou haut-Aragou. Munit dou dicciounari dou nouste capdau que bòu ha lou coumparè dous parlas separats are per ue fermière poulitic e qui d'auts cops nou-n hasèn qu'u. Que partira d'Arrens, e qu'estudiara de seguide lous parlas d'Arbeost, de Béost, d'Aydius, d'Ousse; passan ta Espagne que s'estangara à Hecho, Biescas, Broto e Bielsa; puch que tournara per las bats d'Aure e de Barèdye. E bessè que lous Reclams, cop ou gn'aute, que balharan mustres de la soue bère coelhude ! Ço d'ancièn. La mode qu'en ey aus centenàris. Lou nouste Capdau, qui passe, coum touts ans, l'estiu à Bagnéres-de-Bigorre, qu'a debisat, à la Soucietat Ramond, dou Bagnères de que y a cent ans. En s'ayda de ço qui tienè dous bielhs bagnerés qui a counegut permè, de las Gazétes e dous Guides, qu'a poudut recounstitui la bite souciau d'aquét temps, p'ou tour de 1834, qui esté coum lou moument de transicioû qui merca l'entrade de Bagnéres hens l'époque « moderne ». Bastisses nabes, oustaus entau bèt mounde, modes nabères de-s besti, counstrucciou de las granes usines qu'aparéchen à d'aquet moument en medich temps qui desparéchen las bielhes murralhes qui cintaben la bile despuch mey de mile ans. Lous assistants que-s soun hère plasuts à d'aquet debis plé de bistes curiouses. Lou Cèu de Pau. Lou beroy escabot de cantayres e damayres doun abém, darreramén, anounçat la creacioù, que s'en ey anat ha bâties — qu'ey lou cas d'at dise pusque eschalagassè — en bile d'Ourlhac (Aurillac), daban lou Président de la Republique, au pè dou mounument-memouriau dou Président Doumer. Laborde-Barbanegre, Eyt, Labarthe, lou Douctou Casassus e d'autes paulins que l'acoumpagnaben; gahat per l'esquinance au darrè moument, lou Capdau que debou, per force, demourà-s à case, dab lou mau de co qui-s debine, permou que sabè que lous felibres d'Aubèrgne que l'atendèn. Dabanteyat per R. Brefeil, de Laruns, tambourinayre de permère, per yoén qui sie, lous Biarnés que hèn mirande e las gazetes d'acera, �— 516 — lous grans illustrats de Paris qu'an pourtat pertout lous reclams de l'arcoélh qui-us estou hèyt e de las aclamacious qui saludèn las loues cantes e las loues danses. Febus aban ! Permou de Yansemî. A pauses que poudoun créde que la glòrie de Mistrau que debè escoune lou baram luminous dou pouète d'Agen, mes aquero nou-s hara. Sènse que toquen à la renoumade presibe dou Malhanén, à la soue unibersalitat, lou soubeni, l'estùdi de Yansemî que deu èste mantiengut. Aci medich, que-ns estangam soubén daban l'autou de tandes pouèmis badinàyres e trebaténts en u cop, qui hou tabé, capbat dou Mieydie, lou disedou chens parié e lou pelerî de la praubère. Que seguim tabé lous essays de rebiscoulade agenése, e qu'ey dab gran plasé qui anounçaram oey la badénce d'ue soucietat : Lous amies de Yansemî, qui déu ha mey counéche e mey léye lou gran gascoû. Qu'ey nouste counfray, mous de Luc-Labadie (Le Frou-Frou, cami de Montbran, Agen) qui-n gahe en mas lou goubern : Qu'où poden d'are enla embia las coutises qui soun de 5 liures per an, ou mey se bolen. Lous Amies de Yansemî, reunits débat la presidénee dou mayre d'Agen, que-s prepausaben de manda à Scèus ue delegacioû tau Ie de Garbe ; qu'y soun anats, mey tard que pénsen quilha dens lou casau dous Pouètes lou cap de Yansemî. Mes nou trigaram de da-n noubèles mey estenudes. Destinccious. M. lou proufessou Guillaumie, de Bourdèu, que bién d'esta hèyt chibaliè de la Leyiou d'Aunou. — Mous de Pitangue, sost-biblioutecàri de la Facultat de las Letres de Bourdèu, qu'a bist la soue poulacre oundra-s, aquéste tour, dou riban briulét. Que pregam lous dus boûs amies de l'obre nouste d'agrada lous coumplinients couraus de touts lous qui-us reynéchen, aci, de l'auhèrte qui-us s'escad. Dòu. Qu'abém après dab hère de péne la mourt de Mous de Costedoat, lou brabe pay de Moussu-ou Doyen de Mourlàs, nouste respectât counfray de Gastou-Febus. Lou défunt qu'ère ço qui-s pot apera û brabe òmi e û charmant Biarnés. La mourt crude de dus hilhs tuats à la guerre que l'abè transit lou co, mes la fé qui-u sustienè qu'où permetou de subi lou sort dab couradye e l'amistat dou sou aynat que l'a sabut ha la bielhesse pasible e douce. Que pregam la familhe Costedoat de créde aus noustes sentiments de dòu plâ respectuous. L. R. �LAS TRADICIOUS Yocs de maynat Debisets ta ha serbib) Pejitchou, — galine, — qui cour ena estrade, — qui téches, — ni boles, — ni bos — ni counéches. — Tu t'en entres, e tu t'en yésses; — pères portes de Milepésques, — que troubares — ue mousque mouscardère, — que-t daré de co — cami, carrère : — Bole, bole Pelegri — at casau de tou payri, — pi-pi e tu parti. Coelhut à Yèdre (Barèdye) per J. RONDOU. * Petitote, — la bergole, — qui s'en ba — pères portes de Begole, — que troubaras — u mousquet — qui-t dara deu pâ, deu bi, deu frut de la terre. Escalougne, — la ma, — bè-t'en gadagna ! Coelhut à Arcizas-dessus. * c) Poume — bergère — qui mounte la serre — pountoun — pountan — couméte — batan. Coelhut à Arras. Poume — pére — lendebére — petit-yan — amourous — sourtit, bous. Coelhut à Yèdre. Poume — pére — lendebére — sent andrèu — la pescadére — Girounde — counfounde — bergère — moun père — filhe coume bous — sourtit-be bous. Coelhut à Arrens. * * * d) Poumpoun d'or — la reberanse — pique ra chance — tirât at sort. Coelhut à Estagn. Poumpoun d'or — la reberanse — pique la chaque — dou rey de France — per sêmi poumpoun d'or — tire-t tu det for. Coelhut à Marsous. U pount — bergoun — yausep — Simoun — lou père — estère — lou fi —■ louroung — coumpère — presoun. Coelhut à Arbeost per M. C. �LOUS COUNDES LAS SERENOS A la mio May. A. Pic. (Aquet counde, Bladè qu'où tenguèuo de Cazeaux, coum redes d'autes. Més que l'auè birat en francés dab la souo fldelitat coustumero. Qu'am pensât de tourna-us a la lengo d'Armagnac endòus leyidous de Reclams.) ANDRÉU PIC Que y auè Serenos dens la mà. Que-gn-a tabé dens lous arrius. Tout-aro, que serats soulides que-gn-a auùt dens lou Gers. Las Serenos, qu'an lou peu loung e fin coumo la sedo é que-s pintouon dab pientous d'aur. Dou cap a la cinto, que semblon esta beros gouyatos de dètso-oèyt ans. Ço d'aute dou cors, qu'at an parié au bente e à la cuicho dou péch. Aqueros bestios qu'an lou soun parla ende debisa entr'eros. S'an afas dab Cristias que debison gascou ou francés. Que disen que las Serenos biuran dinc'au Jutjomén darrè; d'aubus crésen qu'aqueros creaturos n'an pas nado amno. Rede, taplan, que penson qu'an au cors las amnos dous qui se neguèn entecats de pecat mourtau. Ser aco, que souy horo de bous pousque assegura arré. Pendén lou jour, las Serenos que soun coundemnados à biue en débat de las aygues. Ço qu'y hèn, n'at pouscoun jamès sabe. Dab l'escu que tournon mounta per trouperados e qu'argolon, en nadan, à l'array de luo, dinc'au prumè trang de l'Anjèlus dou maytin. Que s'escay d'abus cops que-s trucon : qu'éy labéts quand s'esgarraupion, quand se gnacon ende chuca-s la san. A la prumero campanado de l'Anjèlus, que soun fourçados de tourna-s-en débat l'aygo. Forço marinès, en biatjàn ser la mà, bèygoun troupèts de Serenos nada costo lous sous bachèts : forço bateliès que-n beygoun tabé dens la Garouno. Cantauon eros, tout en nada, cansous ta beros, ta beros, que n'ausiscouts ni n'ausirats jamès las parieros. Mes lous mèstes dous nabius e de las barcos, que s'escajen que-s mefion e sabon ço que eau pensa-s d'aqueros cantayros. Que-t gahon un barrot e cajen à rebiro-bras, s-ous joèns marinès près a plountja end'ana trouba las Serenos. Lous patrous, taplan, non poden goayta toustéms de toutos parts. Labéts, las Serenos que gahon lous plountjayres, qu'ous chucon lou cerbèt e la san, qu'ous minjon lou hitje, lou co e las méusos. Lous cors dous praubets negats que-s biron en Serenos, dinc au Jutjomén darrè. E oerats aro la probo que y a Serenos dens lou Gers : Bèt-tems-a, que y auè aus ayriauts de la Costo, au rie de la bilo de Lèytouro, un joèn tichanè gran pescayre : qu'ero tan empesquit, tant empesquit que l'auèn dat lou chaire de Bernat-Pescayre. Cado sé, au sourelh-coulc, que s'en anauo tene dens lou Gers tramalhs e cordos e las auauo colhe l'endouman maytin à l'esguit de l'aubo. �519 — Un sé ende segueros, lou Bernat-Pescayre que s'anouc pausa lous tramalhs e las cordos faci à la bordo de Talaysac, dens la coumuno dou Castera-Leytourés. Aco hèyt que-s digouc : « Souy louy de nosto : la bordo de Talaysac qu'éy aciu ; counechi lou bourdilè. Que-m dara l'alotye ende la nèyt. Douman qu'où harèy lou présent d'uo carpo ou d'uo anguilho. » Lou bourdilè que hasouc soupa lou Bernat-Pescayre e qu'où dèchèc jase-s dens u boun lhèyt. Lou sou prumè soum hèyt, lou Bernad-Pescayre sautée à terro, se bestiscouc à tastos, daurechouc la crosèo, espièc la luo e lous lugras e pensée : Que seran dàuit très oros. Qu'éy teins de m'ana leua tramalhs e cordos. Austa lèu, lou Bernat-Pescayre que debarèc decaps à l'arriu. A cent pas dou Gers, qu'ausiscouc crics e arrises de gouyatos. « Au Diantre ! que-s pensée. Las drolos dou Castera que s'an bengut bagna-s praci. Qu'auran echantat lou péch. N'aurèy oayre besouy d'emprounta la cabalo pourièro dou bourdilè de Talaysac, end'enpourta-m-en la mio plego a nosto. Labéts, lou Bernat-Pescayre que s'aprouchèe tout lis, tout lis de l'arriu en s'estujà darrè lous brocs, lous herèchous, lous aubàs ende bien bese las drolos sénse qu'eros se pouscoussen abisa-s qu'ero aquiu. Las gouyatos pintouaon dab pientous d'aur lous sous péus fis coumo la sedo. Que nadauon e argoulauon au cla de lue. Lou Bernat-Pescayre qu'ausiscou lous sous crics e arrises. « Que lou Diantre, e-s pénsèc, si counechi nado d'aqueros drolos ni se coumprengui chapo aço que disen. » Lou puntet de l'aubo qu'ero aquiu e lou Bernat-Pescayre qu'espiauo toustém. Per fin, uo de las gouyatos qué l'aperçebouc e braulèc : « Un ome, un ome ! » Austa lèu, toutos las gouyatos que-s birèn decaps au BernatPescayre : — « Bernat-Pescayre, Amie, say, say nada dab nous autos. » — May de Diu, que souy cajut ser u troupet de Serenos. — « Bernat-Pescayre, Amie, say, say nada dab nous autos. » Labéts, las Serenos que coumencèn uo cansoun ta bero, ta bero que n'ats jamès ausit ni n'ausirats tapoc la pariero. Per la bertut d'aquero cansoun, lou Bernat-Pescayre qu'ero fourçat que-s hasousse mèy e mèy decaps à l'aygo. Las Serenos que cantauon tout jour. — « May de Diu ! pensée lou Tichanè, que souy cajut ser un troupèt de Serenos. » Las Serenos que cantauon toutjour. — « May de Diu, que souy cajut sér un troupèt de Serenos. » Las Serenos cantauon toutjour. Lou Bernat-Pescayre qu'ère s'ou tap de l'arriu. Qu'anauo plountja, sensé boule-c, quoan las campanos de la gleyso dou Castera embièn lou prumè trang de l'Antjèlus. Austa lèu las Serenos qu'acabèn la souo canto e que s'estujèn débat l'aygo. Tremoulauo lou Bernat-Pescayre coumo la hoelho dou tréule. Qu'ero pâle coum un mort. Que-s leuèc lous tramalhs e las cordes : �— 520 — jamès lou tichanè n'auè prés tantes e de ta bèts péchs. Mès nou s'en saubèc nat end'ét e qu'ous dèc touts au bourdilè de Talaysac. Hèyt qu'aouc, tournée enta souo, a la Costo e que s'y estouc sèt jours, sénse sorte. Lou oèytau, que partiscouc, dauant jour, decaps à Nosto-Damo de Bèt-arram qui es u endrét de debouciou de gran pratico au païs de Biarn. Aciu, qu'y passée touto uo mesado a hè burla cierjes, a ausi messos despuch lou sourelh leuat dinco mijour. La tantoussado que brespejauo en passà-s lou chapelet dinco l'oro dou lhèyt. En tourna a la Costo, lou Bernat-Pescayre que-s cramèc lous hilats e las cordos. Que-s dechèc de pesca e qu'acounselhèc aus amies de-n ha austant. La nèyt, que s'escartauo dou Gers pramo que cragnèuo de tourna caje ser un troupèt de Serenos. (Birat per ANDRÈU PIC.) J. FRANCÉS BLADÈ. •et ■ gfflfe s. OUBRÉTES DESBROUMBADES Lou Louis d'Or (Bielh counte de la carrère dous Agulhetès) Yantin qu'ey u gouyat gayhasént e charmant, Qu'où trouberén perfèyt n'estousse tant feniant. Pertant, lou pay que l'ayme e, de pou dou 'scandale, Que cèrque à courridya-u en lou ha la morale. Dimars darrè qu'où trobe, en tournait dou marcat, A nau ores, au Iheyt, lou countrebent barrât. — Ho ! Yan, n'y penses pas ! s'ou dits, e n'as pas hounte, De passa tout lou tems atau, gran nouchalénî ? E toutû se sabès quoan bau d'esta baient E quin risquen, soubén, de ha û boû rencounle... Espie lou Bernât : en sourtin lou matt, L'aut die û louis d'or que-s trouba s'ou camî. Mes tabéy, lou Bernât que-s Ihèbe aban l'aubéte E ne hè pas coum tu de la damiscléte. — O, pay, respoun Yantin, que-b demandi perdou, Mes dou boste counselh ne-m réndi pas resoû. Chens nad doutte, ù louis d'or qu'ey beroye troubalhe, E dab aquet louis d'or pouderén ha ripalhe... Mes, disét-me, si-b plats, qui ère prumè Ihebat Dou qui se l'a perdut, ou de qui l'a troubat ? » Lou pay bòu repica, mes Yantin que s'estire E de Vante coustat, en badalhan, que-s bire. UUSSE PALAA (d'Orthez). �— 521 — COPS DE CALAM N'at sèy pas encoère. Pay e hilh s'en èren anats cassa la paloume : — Tu, se dit lou pay, damoure-t au houns de la coste. Jou que me-n bau au cap. Que tireras se jou manque. Hèyt coum dit. Lou pay que s'apite en u arbre e qu'atén. Au cap d'ue pause, la branque que croch e lou pay que-s boute à gourrilha coume ue pèyre. Lou hilh qui beyt aquet esglas qu'où cride dou houns de la coste aban : — Papa, e b'ats hèyt mau ? — Atén, s'ou dit lou pay, en gourrilha cabbat la coste, n'at sèy pas encoère, que t'at diserèy coan siy arribat au houns. Enta ha serbici. Lou Janoun dou Camp qu'ère un de quets qui tiraben un pè de porc chens arrise brigue. E qu'at hasè de manière qu'où dechèben ha de tan qui gn'abè ent'arrise. Un cop, qu'abè sabut au Capdelane que hasèn un disna. « Ne souy pas embidat, se-s dit. M'estoune ! Ne j'aberan pas pensât. Aco ne-y hè pas arré; jou que bau pensa-y emper éts. Menine ! se dit à la hemne. — Que bos, Janoun ? — Apreste-m biste camise, gilet e bestoun. Cau qu'angui disna en so de Capdelane. — T'an embitat ? — Nou, ne j'an pas pensât, mes jou que-y pénsi. » Que-s boute pelhe dou dimenche e qu'arribe en so de Capdelane. « Qu'èts aqui, Janoun ? — Aci que souy, brabe mounde. — So qu'ats besouy ? — Que m'an dit qu'abèts hort de frico ; jamé n'at minjerats tout. Labets que souy biénut disna dab bous auts enta-b ha serbici ! » Luné tes. Que j'a lunctes de toute mode e de toute payère : lunétes de court de biste, de bielh, d'aboucat. « Lunetes d'aboucats ? se-m diserats. — O bé ! Escoutats. Un paysan qu'abè anat trouba un aboucat e qu'où dise lou soun aha. Qu'abè bèt que dise e tourna dise, ha-s'y de la lénque, dous �— 522 — pots, dous oelhs e de las mans, l'omi de ley ne besè pas oun l'aha poudè ha cap. « Garçoun, s'ou dit l'aboucat, ne bey pas arré au toun aha. — Coum, ne-y besets pas arré ? — Arré, garçoun, arré. — Là, moussu, hicat pé aquet pa de lunétes », s'ou respoun lou peysan qui-s tire de la potche dus escuts. Labets l'aboucat qu'abè hèyt coum se j'abè bis. La maysoun de l'aboucat, se dit lou paysan de Gascougne, qu'è bastide dab peyres de testut ! C. DAUGÉ. Esgarrapiades, A tout de boû lou Penin que pretén, Ja que cousi de loegn, e hère, à l'aretance Dou défunt Pèy. « Que soy lou mey proche parént, Qu'at proubarèy ! Qu'en soy segu d'abance ! » Si cride. Lou mey proche, seguramén, Qu'en ey e nou mentech pas brique : Lous auts parents que soun en Amérique. * * * « Hè-t'y, gouyat ! Si cridabe u mèste au baylet, Qui n'ère pas lou mey baient dou mounde E qui seguibe l'arreproè : cadû per et. — « Mèste, si-u hè, si b'escoutàbi, en fi de counde, Qu'ey jou qui hari tout... E lous auts, que harén ? — « Que harén ? » — Que harén coum bous : qu'espiarén ». * * * Lou Pèlauquet, tourtimalh de nachénce, Certes, que pren lou sou mau en paciénce — E b'at eau plà ! — « Toutû, qu'ey foutan de calé, Si dit soubén, ha dou tort e séns at boulé ! » * * * Suban lou dit, lou Pifre qu'ey « passât per Nasarèt ». Per u nas, de segu, lou soû qu'ey beroy bèt ! Mes si gran nas, jamey, n'a pas goastat figure, Lou Pifre, quoan auré drin mey d'esprit, segure, Ne-u haré pas dou tort... E qu'ey prou desplasén, Dab û gran nas atau d'abé tant poc de sén. L'AUTE. �HOELHETOU DOUS RECLAMS LOUS TRÈS GOUYATS DE BORDEBIELHE (Seguide e fi) Andréu qu'ère en àdje de-s pourta candidat. N'ère pas arribat ta Bordebielhe enta cap-d'an, coum n'abè la coustume, permou dou ret sustout ; que hasè û ibèr autan crùde que lou de 41 ; hères de malurous qu'èren estais troubats mourts, tourrats au lheyt. Que-s décida toutu de biéne ta bouta quoan sabou la mourt de mous de Jacobi, qui ère counselhè generau dou cantoû de Lesca. Autâ-plâ, lhèu, si-s seré présentât entau remplaça, mes moussu d'Ariste, qui ère lou gendre dou défunt, que décida de decha lou cantoû de Lembeye, qui representabe au counselh dou département, entau de Lesca. Lous de Bordebielhe qu'èren hère plâ dab lous de Jacobi e madame, coum tabé lous dus frays que demandèn à l'Andréu de nou pas lous ha fâcha. Que l'abejabe drin, per aco, de decha la place à moussu d'Ariste. Entrât au counselh dou département, qu'abè lou permè pas afranquit de cap à la deputacioû ; mes, d'aute part, en se pourta countre, que-s hicabe à l'arrè-péu û sarrot d'omis enfluents dou parsâ. Nou y abè pas qu'û cinquantenat d'electous, qu'ère poc, si boulét, mes qu'ère û apunt de coumpte ha, toutû quoan passère la ley de Duvergier à la Crampe. Qu'at decha dounc per aquet cop, mes nou manca pas d'ana béde à moussu d'Ariste ta que sabousse las soues intencioûs e perqué las abandounabe; atau qu'abè û « prestat » enta las « tournes » à biéne. Moussu d'Ariste que parescou hère countent de la besite e, ta nou pas esta en soubres de poulitésse, qu'où demanda de l'acoumpagna ta quauques endrets doun lous mèstes abèn besougn d'esta drin sermounats. Marcel Barthe, qui abè dit que nou-s presentaré, qu'abè hèyt lou biroulét e que courre la campagne à hoec de chibau ; que parlabe plâ, lou pericle ! e tau tiéne de tole, que calé sabé tourneja la lengue ; Andréu qu'ère plâ l'ómi qui calé ta d'aco, ja que per las idées estésse mey tagnent de Barthe que de las dou sou councurrént, mes lou candidat dous Rouges qu'ère toutû d'û esprit trop estrét enta l'agrada, û sectàri, quàsi, coum diserém adare. Barthe nou poudè senti ni lous nobles ni lous curés, e tout cop qui, en souns pleyteys, abè lou parât ta ha sourti quauque aha dou temps passât qui hicabe en lède pousture û segnou ou û caperâ, nou s'en payrabe pas ; aco, lou caddèt de Bordebielhe qu'at reproubabe, tout aboucat qui housse ; enta d'et, la republique libérale que debè esta large e oubèrte à touts ; lou passât qu'ère lou passât. E puch, qu'èm estats per aci toustém enta l'ourdi e la religioû ; lou Biarnés qu'a trop de sens, qu'ey trop estacat à la familhe e à la terre mayrane enta nou pas sabé que la fé dous ancièns que demoure �— 524 — la mielhe goardiane ta la force de la race e la counserbacioû de la patrie. Moussu Jan, oucupat au sou goubèrn e prés dinqu'au houns dou co per la paternitat — que bienè d'abé ue maynade prou lèu au darrè <lou petit aynat — nou-s dabe pas àncies de las eleccioûs, mes Louis, tout cop qui n'abè lou lésé, que seguibe lou caddèt e moussu d'Ariste ; Andréu n'abè pas, quoan batalabe « en public », û admiratou qui hasousse aurelhes coum lou sou fray e, si l'abèn demandât lou sou abis, que pariari qu'aberé troubat que debisabe miélhe que moussu de Lamartine, doun la Gazette de Paris pourtabe dinqu'à Pau lous bèts discours. Moussu d'Ariste que passa dab cinquante bouts ; Marcel Barthe qu'en atrassa tout escas cheys ou sept. Andréu que s'en tourna ta Toulouse e lou parsâ, û moumentot segoutit per aquére bouharade pourtade per lou bent nabèt, que s'en tourna s'ou prèts-hèyt de la bite-bitante. Mes la tranquilitat nou debè pas dura hère. Acera, per la gran bile de Paris, la reboulucioû que rebouribe en débat. Andréu, tout urous d'abé troubat en Louis û ajude inesperat — aberé jamey credut que s'interessaré à la politique ! — qu'où mandabe toutes semmanes La Gazette e û journalét toulousenc oun escribè de hiéu. Moussu Louis que hasè courre toutes aquéres noubèles; lou diménje, au sourtit de misse, quoan lous omis s'agurgolen enta ha drin de batalère, que desplegabe lou papè emprimat e qu'ous ne hasè sie la lecture, sie l'esplic ; aquets bràbes pique-talos ne coumprenèn pas lhèu lou fi de tout, mes toutû qu'abèn l'aubùri que quauqu'arré de nabèt que-s mitounabe. Acoustumats de toustém ençà d'esta lous qui créden e jamey lous qui coumanden, fayçounats p'ou temps à béde las causes de la mediche manière, ço qui disè la gazéte qu'ous parechè drin en daban-hèyt, à plaps, mes moussu Louis qu'ous at proumetè dab tant d'assegurance, que hères, si quauques-ûs demouraben menshidècs, qu'at prenèn per la bertat toute natre. — Hè ! que-s pouderé plâ que boutèssem û die sénse paga lou cens ! si disèbe, en s'en tourna, lou Janot dou Moulî à l'aynat de Bètbedé, û diménje ; aquére nou seré pas l'aute, tè ! si touts èrem electous ! — Juste au mens que seré, si tournabe lou Bètbedé ; be-ns e counéguen enta paga la dèsme ? — Qu'aperaben encoère atau las empousicioûs. Ço qui debè ha-s qu'arriba. Despuch trop, la brume qu'arremouliabe e que s'amassabe ; nou poudè pas dura sens que hounisse. Lou 25 de heurè de 1848, que saboun à Pau la reboulucioû de Paris, mes la susmaute de la capitale n'abou pas prou de reboum ta respoune dinqu'aci ; que-s pot dise que lou pòple nou s'en apercebou pas qu'à péne. e encoère au cap de prou de temps. Lou prefèt, moussu d'Azevedo, que dé la demissioû, mes coum ère û brabe òmi, que-s demoura toutû à la Préfecture coum l'at demandabe moussu-ou mayre de Pau, qui ère labets M. Manescau. Quoan mous de Noguès, « l'amie dou petit mounde », esté noumat coumissàri dou Goubernament, la trametude dous poudés que-s hé à gran tranlay de pou- �— 525 — litésses ; lou Counselh de bile que bouta ue moucioû de gratitud au Prefèt Azevedo puch, au darrè, que-s déclara ta la republique. Tout aco que-s passa coum se passen lous ahas publics à Pau, la bile sage e poulide qui a lou brut e lou destrouble en hàsti, de manière que lous estrangès nou poudoun pas abisa-s, ta dise, que lou goubèrn de la France qu'abè cambiat de mâs. Beroye race, la nouste, sens bantacioû ! Que pot arriba que que sie, ue reboulucioû tout parié, nou y a pas de que s'en da mey que nou eau e, sustout, nou pas desbroumba las beroyes manières, la poulidésse qui hèn û tros lou charme de la bite : Biarnés, feaus e courtes toustém. A Bordebielhe toutû lous ahas de Paris que hén drin de birebaste. Moussu Louis, ta-lèu qui-us sabou, que parti per la besiau enta ha counégue la cause ; qu'abè lou temps, autâ-plâ, permou de la sasoû e puch, lous pele-porcs qu'où permetèn de trouba lous omis assemblats per las maysoûs. L'aynat de Bètbedé, qui ère tuàyre, qu'anabe drin pertout ; endouctrinat per Louis e sustiengut per lou Janot dou Mouli, que-s cargabe, et tabé, de ha courre las noubèles. U diménje brèspe, à l'aubèrge, que s'y canta la Marselhése ; qu'estroupiaben plâ drin las rimes e lous cantàyres n'arribaben pas tout cop à masse au cap dou bercét — que y abè loungtemps qu'ère defendut de la canta — mes quoan reprenèn Aux armes, citoyens ! labéts, hèy, qu'ous calé enténe. Moussu Jan que prenou la cause mey à pos ; que sabé, per n'abé entenut lou sou paygran à-n parla, e s'ou pay medich, ço qui èren aquets cops de reboulucioû de Paris e ço qui s'en debire ; lous qui las amien qu'an lhèu las miélhes intencioûs dou mounde, qu'en y a qui-s risquen la bite autâ-plâ, mes quasi toustém que soun d'autes qui-us tiren la barre de las mâs e lou bachèt, per la fi, que s'en ba ta d'oun n'ère pas brique estât dit que tiraré. Atau que soun lous omis; lous ûs que segoutéchen lous plèchs e lous auts que s'amassen las amoures. De hèyt, acera, las causes nou s'ahiraben pas atau qu'at bouy ; aquiu, coum pertout, lous boussaloûs que hasèn mey de coumbat que las abelhes nou poudèn ha tribalh ; las eleccioûs proumetudes e atendudes per lou pèys dab tant de hide ne-s decidaben pas e lous electous nou s'esplicaben pas perqué. Lou Mémorial, qui ère passât dou coustat dou goubernamént sens û plec de figure, que pregabe tout die de préne pacience, mes arrougagna que hasè toutû coum lous auts. Ta dise la bertat, lous mey arrougagnàyres n'èren pas lous nabèts electous, bràbe mounde qui sabèn per esperience ço qui ey de calé bibe ; que prenèn tout aco per dessus lou marcat, à mesure ; mes lous candidats, qu'ous calèbe enténe ! Aquets qu'èren pressats de sabé lou fi mout de la cause ! E coum n'abè sourtit per doudzénes, ya-s coumprén que mey anabe e mey qu'aumentabe la brousside. Abertit p'ou sou fray, Andréu que parti de Toulouse ta-s biéne hica s'ous rengs. En préne la poste, que s'encountra per escas dab û moussu de la �— 526 — bère soucietat toulousane, òmi de haute entellîgence e de gran capàdje — qu'at prouba toute la bite — lou coumte de Rességuier, qui ère lou géndre de la marquise d'Anglade de Pau, oun bienè ta passa quauques dies ; que-s boulé, behide, tira de la hourrère electourau toulousenque, permou, de segu, que l'aberén boulut pourta ta députât e nou n'abè pas nade embéje. Tranquile, alertât e sàge, qu'abè sus la politique pouliticante las idées de la maje part dous omis de sens enta qui la cousine electourau nou fiayrabe pas prou boû. En deligence, que eau ha, sinoû debisa ? Andréu e moussu de Rességuier qui s'èren déjà rencountrats ; la soucietat de Toulouse que-s bedè cade semmane en cinq ou cheys saloûs, toustém lous medichs, de manière que tout lou mounde que fenibe per se counégue poc ou hère. Après las poulitésses de coustume, e hèyt lou tour de las noubèles de la bile, be calou plâ debisa de politique ? Lou coumte, que bedè las causes d'ue mey grane hautou que lou nouste Biarnés ; aquéste qu'abè las idées courentes dous pouliticàyres de tout péu e de tout pèys ; lou prencipau, ta d'ets, qu'ey de parbiéne, e dab lous mouyéns doun se serbéchen, qu'arriben soubént lous permés. Lous qui aboun las pensades ahirades entau bé de touts qu'estén toustém ue minouritat permou que, malurousamén, qu'ous manque la manière de s'y sabé préne ta-s ha balé ; ne coumprénen pas que lou pòple que demoure lou pòple, que bouy dise ue masse patchoque qui n'a pas jamey sabut trouba lou temps enta s'afina per l'enstruccioû. L'òmi de plâ-boulé qui saje dou tira d'aquet escu d'esprit, d'aquet amas d'escoubadisses oun a toustém biscut, que risque, hère de nou pas esta coumprés ; labéts, apuch d'abé manejat la mestiou populàri, lous bras qu'où càden e que dit : » Qu'ey tau boste bé qui tribàlhi e n'at sabét ou boulet pas coumpréne, tant pis per bous auts ! Que m'en trùfi ! ». Moussu de Rességuier nou-n ère pas arribat encoère à d'aquére determinacioû désespérante, toutû, en l'ore, que-s bedè que n'abè pas goàyre de couníìence aus qui bienèn de-n manda lou rey ta-s passeja. Qu'ère û d'aquets crestiâs qui, per la pause, segoutits p'ous escriuts e l'accioû de Montalembert, Lacordaire, Salinis, bedèn lou salut de la soucietat sus lou large plan catholique e liberau ; dab aco, qu'abè û talent de paraule doun Andréu ne-s poudè pas payra de subi lou charme, mes qu'ère prou entelligent enta recounégue de que s'ère bèt drin esbarrit hore dous camîs oun l'abèn abiat, despuch maynàdje, ue loungue tradicioû familiau e l'educacioû qui l'abèn hèyt da lous de sa case. Quoan bachèn à la poste de Pau, lou caddèt de Bordebielhe, en sarra la mâ dou coumte de Rességuier qu'où digou e franquemén : « Que serèy l'òmi qui boulét. » * ** La campagne de las eleccioûs que debiengou lèu, coum disen, acharnade ; lous candidats que courrèn coum espatacats à trabès lous cantoûs, en cèrques d'amies entaus lous coumitats e qu'anaben tusta lous electous dinqu'en plé camp, au miey dous tribalhs ; e tout �— 527 — die qu'en sourtibe de nabèts ; coum èren tandes, que fenin per hica lou pèys en susmaute. A Pau, lou coumitat electourau que siedjabe tout lou die à la Hale-nabe e dou matî dinqu'à mieje-noeyt, qu'ère ue proucessioù de cap-bat à cap-sus lous escalès ; cade sé que y abè gran reunioû, la bile qu'en brounibe e nou s'y parlabe que d'eleccioûs despuch la Porte-nabe — oun èren lous mey enradjats — dinqu'à la place Granioun, e autâ-plâ, per la coste de la Hount, toute la petagne que s'en mesclabe. U ahoalh de proupagandistes estrangès, arribats qui sap d'oun e proubedits de mounéde, ne s'y hasèn pas poc enta entertiéne lou coumbat. Lou 6 de mars qu'esté û terrible die. Despuch nau ores dou matî, la hale-nabe que brounibe de mounde coum û abelhè trop cougnit. A miey-die-e-miey, lou mayre, mous de Beguè, que prenou la présidence ; à d'arroun, lous candidats que bienoun ha bàle lous lous meritis, e Diu sap si-n abèn touts, lous us mey que lous auts ! Andréu, dab lou coumte de Rességuier e acoustat dou sou fray Louis, qu'arribèn de cap à las quoàte ores, au miey d'û hourbàri piri que lou d'ue hére. A tout pip-pap, lou qui predicabe à la « tribune » qu'ère tesicat, ahougnat, soubént dab empertinences, à bèts cops dab enfamies ; lou bî qu'abè tribalhat, coum disen, e que-s sentibe que tout aco, sens préme trop, que pouderé fini lé. En cadû dous quoàte corns de la sale, que s'y abè amassât û petit gurgòu de proupagandistes qui arrés ne couneguè sounque despuch lous quoàte dies qui-us rencountraben à tout bire-coudét, qu'èren ets, sustout, qui ahiscaben e hasèn desourdi. Au proufit de qui ? Quoau ère lou qui-us pagabe ? Lous ahas que biraben mau ; Bauvais-Poque, qui abè û prou mâchant peu, qu'ère à la tribune e ne poudè ha-s enténe ; que s'enmalibe e que fenibe per dise machanteries. Lou président, entercalhat de drete, hourrucat à la gauche, estoufat per la hourrère dou mounde, que perdè lou cap ou chic s'en manque. Andréu que-s troubabe acoutat darrè dou burèu dab moussu de Rességuier e que bedèn lou desbord apressa-s coum ue aygue qui a despillat la mue qui la mantienè ; nou y abè qu'ue porte e d'û cop d'oelh, lou coumte qu'abè recounegut que tout aco, per û arré, que poudè debira-s en malur. Bauvais-Poque, espalmounat, que bachabe de la tribune au miey dous crits diferents dous omis de tout partit, mous de Rességuier que puja sus l'empount e, d'û gèste sec, que hé signe de-s cara. Force curiouse qu'ey la d'û òmi qui-s sentech mèste d'et e qui coumande ! Lou gèste que sufi, e aquére hourratère descabestrade que cata dous coum si l'abèn jetât dessus û charmatòri. Lou qui ère à la tribune adare, qu'ère û ouratou de permè ourdi ; autà-lèu qui l'assistance entenou biéne de-cap à d'ère aquéres andades de paraules élégantes e clares, au darrè de la malagagne de Faute parlàyre mau-gracious, que sembla que la gran pats que l'anabe en co-hens ; ballèu lou « bravos » que claquèn, puch que debiengoun tounerre, tant e tant plâ qu'en û moumentot, quoan lou coumte e s'en ana ta boulé sourti, touts que-s prestin entau ha place e, dehore, que-s trouba dab û milè d'omis qui l'aclamaben en �— 528 — l'acoumpagna dinqu'à l'oustau de la marquise d'Anglade ; Andréu nou l'abè pas quitat e qu'esté de la doudzéne de moussus qui entrèn dab et. Mes, dehore, la hourre dous electous que cridabe e que cantabe mey que mey ; dous quoàte corns de la place qu'arribabe mounde e que boulèn enténe encoère à moussu de Rességuier ; que calou que parescousse au balcoû. « Bibe notre député ! » si cridè quauqu'û, e autà-lèu, à centenats las bouts qu'où hén rampèu. Lou coumte, labéts, qu'abou û beroy signe de mercés e, poussan daban d'et Andréu de Bordebielhe, que digou en toulousenc biarnesat : Bostre députât, aci l'abéts ! * * * Lou bòlou qu'ère abourrit e plâ ; dus dies après aquet aha, que y abè encoère gran amassade à la Hale-nabe e Andréu qu'abè décidât de parla ; quoan lou président e-u passa la paraule, quauques amies qui abè sabut esparrica per l'assistance qu'où hén ue manière de petit trioumfe ; per aco, d'û endret de la sale que-s lhebèn ço qui apèren en l'estille de journau, « des murmures désapprobateurs ». Tout de tire, lous joén aboucat que sabou préne lou sou mounde; qu'abè la lengue en punt, que manejabe lou biarnés autâ-plâ que lou francés e qu'ous serbibe à d'arroun dab adrésse, tant y a que nad dous de qui abèn parlât au daban n'abè amassât ue autant bère plegue d'aproubacioûs. Mes aquets « bravos » que debèn prùde à las aurelhes e au nas de quauque aute candidat permou que, dou houns de la sale, que coumencèn d'arriba paraules drin brusques, puch questioûs aspres de-cap à l'ouratou, qui repicabe tout cop dab mey de calou. L'assistance que-s segoutibe; û moument, û d'aquets « agents de propagande » que crida, d'ue bouts embinatade, mes horte toutû : « L'honorable candidat voudrait-il jurer que les opinions qu'il expose sont celles qu'il professait bier ? Quelles sont celles qu'il soutiendra demain ? » Andréu, despuch û moument, que guignabe dou coustat oun lou hasèn brut; coum si la questioû ne l'embarrassabe pas brique, que hé, en s'adressant à l'enterruptou : — Celui qui me pose cette question pourrait-il nous dire où il était il y a six mois ? E aban qui aboussen poudut enténe arré mey, Andréu que crida d'ue bouts tremoulente de coulère : « Il y a six mois, citoyens, cet individu était sur le banc des Assises, au milieu d'une bande de faussaires et d'escrocs et je l'ai sauvé des galères ! » — Tirat-lou dehore ! si crida lou président; « dehore ! dehore ! » si repiqué toute la crampade; mes l'òmi qu'abè gahat lous escalès sens aténde que l'y poussèssen, e qu'où s'en at abè balut d'abé la came lèste. Que eau soubént poc de cause ta ha ue poupularitat, sustout en période d'eleccioûs; en quoàte dies, la dou caddèt de Bordebielhe qu'abè passât, e de quoan, la dous bielhs roussis de la politique. A l'escrutî, qu'esté ellegut en hère boû reng. �— 529 — Qu'atendè la resuite à la Préfecture dab moussu Louis e quauques amies de Lesca e dou bourdalat. Quoan hou segu de la soue eleccioû, qu'esté ue. tempèste de crits e d'aclamacioûs sur la carrère. Acoutat p'ous sous fidèus, seguit per mey de dus cents electous, que parti, quasi bariat per la hèyte e lou pous de frèbe qui-u dabe aquet cop de fourtune. Que s'ère prou retiengut tout au loung de la campagne, mes adare, pusqu'ère arribat à las soues fis, la boussete que poudè alarga-s. Lou courtèdje qui s'ère atrassat au darré dou nabèt députât que seguibe en canta la Marselhése ; Andréu, sens de sabé trop oun anabe, que gaha de-cap au Pount-Nau, ta la place Gramoun, mes n'ère pas û boû endret tau pòple e qu'où poussèn dinqu'à la HautePlante. A la permère aubèrge, que coumanda que mièssen ue barrique de bî au miey de la cour, e la pintère que coumença. Enta ha dou poupulàri, que bebè coum lous auts e que batalabe de hiéu, tant e tant plâ que dou béde atau, moussu Louis, qui-s tienè coum si d'arré nou-n ère, qu'où gaha dab lou mouliè per débat las eschères e qu'où s'en mièn hore de la parquie. Qu'en y abè aquiu dou Haut de Bilhère e de Louns qui abèn seguit; quoan bin lous de Bordebielhe à parti, que sourtin tabé au darrè : autâ-plâ qu'ère l'ore de s'en tourna, si boulèn arriba aban dies à case. L'idée de moussu Louis qu'esté d'abord d'ana hica lou caddèt au lheyt en ço de Biguiè, mes Andréu que pretendou d'ana dise aus de Lesca de qu'ère passât e haut la mâ; qu'où calou decha ha e la troupe que gaha tau corn de la Haute Plante e que prenou lou camî de Guiralh. L'û bitare, l'aute après, cadu qu'arribabe à lou e lou ligot que s'achicabe, nou y èren mey ballèu que lous de Lesca quoan passèn daban lou Bilâ. E l'Andréu que batalabe toustém e que hasè de grans gèstes qui fourçaben lous qui l'acoutaben à-s hica de coustat; l'oumbre dous sous bras que dansabe s'ou camî au cla de la lue coum û parelh d'ales de moulî à bent. Tout d'û cop, d'û petit bousquét de cassoures, û patac sec, dab û eslambrec, que parti; Andréu que hé û crit, û soulét, que lheba encoère lous bras coum si s'ère boulut empara e que cadou à Fendaban, tout dou sou loung, à terre. En béde û oumbre à hùje à trabès lous arbes, moussu Louis que s'ère abourrit de-cap à l'òmi qui s'escapabe; en quoàte sauts que l'abè juntat e gahat au cot dens sa pougne de hèr; Faute que-s boulé sauba, mes labéts las arpes qui-u tienèn que sarrèn mey bort, que poussé û harguilh e lou qui bienè d'assasina Andréu de Bordebielhe que s'aclepa s'ous joulhs, mourt, la barre dou cot crouchide. Louis qu'où recounegou de tire : qu'ère lou faussàri saubat de las galères p'ou soû fray e qui s'ère boulut benja de l'afrount hèyt à la Hale-nabe; n'abè pas goustat loungtemps lou plasé de la soue benjénce. Entertan, lous omis de la coumpagnie qu'abèn essayât de ha retourna F Andréu; ne poudèn pas créde que housse mourt; quoàte que hén ue pourtadére e qu'anèn apera l'ajude en ço dou Bilâ. Aquiu qu'où desbestin ; la baie dou pistoulét qu'abè hèyt û petit hourat darrè l'espalle esquerre e que s'ère, per segu, loudjade au �— 530 — co; lou pous que batè drin encoère, mes las dents qu'èren claberades e que-s bedè qu'ère finit. Lou surién de Lesca e lou curé qu'arribèn quàsi à masse; quoan lou passèn la sounde à la blessadure, Andréu que retourna ; en béde moussu-ou curé, qu'où poudou dise tout escas : « Moun Diu, perdounat-me » ; qu'ous dechèn soûls û drin e quoan Louis e poudou apressa-s dou sou frayrot, qu'abou toutu la force dou sarra la mâ : « Abé tant hèyt enta d'arré », si-u digou d'ue bouts qui s'en anabe; « nou digues pas aço à mamâ. » Lous oelhs qu'où se birèn e que passa coum aco. * ** Quoan ue familhe a hèyt lou sou tour en aquéste mounde, Diu que la dèche acaba. Bordebielhe qu'a seguit la ley. Lou hilh de moussu Jan que cadou glouriousamén, en 1870, à Reischofen, dens la cargue famouse dous cuirassiès, oun ère coum cap de ligne, e qui entrèn au galop dens la glòrie toute bibe. Sou pay ne-u surbiscou pas loungtemps e quoan madamisèle de Bordebielhe se marida, moussu Louis nou boulou pas béde parti lou bé à l'encan; ue malaudie de langou qu'où gaha e que s'amourti coum ue candéle. Madame Marie, coum l'aperèn toustém au castèt, que parti dab la soue hilhe entau pèys de las Lanes, oun lou géndre abè pinadas despuch Labouhèyre dinqu'à la gran mar. Nou la rebedoun pas mey au parsâ. Lou temps que camine biste. Au die de oey, nou y a lhèu que quauques bielhs qui apèren dou sou noum ancièn lou castèt passât en mâs estranges. Sic omnia transeunt, atau tout que passe. SIMIN PALAY. Ft. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 38, n°12 (Setéme 1934) Alternative Title An alternative name for the resource. The distinction between titles and alternative titles is application-specific. Reclams. - Annada 38, n°12 (Seteme 1934) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - septembre 1934 - N°12 (38e Année) Creator An entity primarily responsible for making the resource Escòla Gaston Fèbus Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1934-09 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (44 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2907">http://www.occitanica.eu/omeka/items/show/2907</a> INOC_Y2_15_1934_09 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-23 Contributor An entity responsible for making contributions to the resource Palay, Simin (1874-1965) Doctou Doleris Mistral, Frédéric (1830-1914) Pic, André (1910-1958) Camelat, Miquèu de (1871-1962) Cambus, A. Bladé, Jean-François (1827-1900) Palaa, Ulisse L'aute Marrimpouey, E. Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel