http://occitanica.eu/files/original/23f69896dd7d68af6c662dae71d92b2d.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/d6df63376cbe0b23d9e775faf993553e.pdf 984a829504443a151bd1bd8c028b5b97 PDF Text Text 40»» Anade Octonbre-Noubémbre de 1935 La Hèste Je Saubeterre 24, 25 e 26 d'Aoust ig35 Saubeterre e lou Gabe. LOU DISSATTE Qu'èrem toutû à Saubeterre ! Que digoum hère de cops, aci-medich, quin l'amassade de l'Escole dens aquére ciutat e s'ère debude remanda toustém mey erdà, despuch d'aoust 1914, e quin nou se-ns escadou de-y coussira despuch. Que-nse y encaminabem doungues lou brèspe dou 24 d'aoust, tad aquet endret, bèt p'ou richè dous sous terrés, per la grandou de las soues roéynes e per aquére biste de. plane e de mountagne qui nou pod acoumpara-s qu'à la de Pau. Coume e y arrecoutiben, lou Capdau e lou Segretàri en pè que s'en anaben auheri lous lous saluts à Moussu-ou mayre Minvielle, au pastou Cadier, au degâ Cauhapè (touts dus hilhs d'Aspe) e au nouste amie A. Claverie., mémbre dou Counselh de l'Escole; en coumpagnie de Mous de Larrieu-Barou — qui sera pendén aquets très dies lou �— 4 — mey aymable e serbiciau dous coumpagnoûs, tout en esta dous mey oucupats — que daben û tour capbat carrères e places, manière de béde quin lous Saube.terrès e preparaben l'arcoelhénce aus amies de la Terre mayrane, quin d'ue maysoû à gn'aute e penèn l'endoum dous flocs de berdure, las garlandes de bouch, las banderoles e lous drapèus. Mous de Minvielle, mayre de la bile. Que s'e.scat qu'ey marcat e touts que debisen de la hèste de lendedie. A la bertat, en aquet parsâ tant biarnés, que-s sap qui èm, lous felibres ! Lou capdau que y a biengut batala mant-û cop, qu'y retrobe mey d'û counegut e... que eau ha bère tringadote enta renabi las counecbences. Lou sourelh qu'ey boû, mes que bouhe u diablot de bent de Bayoune qui ne rassegure pas trop s'ou temps dou lendoumà lous qui saben qu'a set, d'ourdenàri. Lou Capdau, per aco, qu'a boune hide en Sente Estéle qui-ns a toustém dechat ha la nouste hèsteannau dehore. Lou tri dou sé qu'amiabe û escabot de counfrays e la Reyne dab la soue serou; la noeyt biengude, la hèste que s'anounçabe p'ou passe-carrère de la fanfare, acoumpagnade dous gouyatots munits de halhes e de lantèrnes. Lou cèu qu'ey cougnit de lugrâs, douma que hara bèt. �— 5 — LOU DIMÉNYE A la Maysoû Coumune. La yournade que sera oucupade e la hèste que coumence de maytî. A nau ores, cinquante couples, bestits à la mode biarnése, que soun daban YOustau de Mous de Minbièle, oun ey la Reyne, entau ha l'arcoelhance. Lou Capdau qu'arribe poc après e lou courtèdye que s'encamine, dabanteyat p'ou Clarî, ta la Maysoû de bile. Moussu lou Mayre, M. Doze, counselhè d'arroundissiment, lous membres dou Counselh, oun se trobe Mous de Berard, ministre de la yustice, que recében la Reyne e lous felibres. Mous de Minbièle, qui a prés lou bestissi dous ancièns, que s'abance, que mie la Reyne au fautulh dou miey e que s'esprime coum aço : m Debis de Moussu-ou Mayre. « Daunes e Mèstes, « Au noum de la nouste ciutat, que souhèyti boune biengude aus mémbres de l'Escole Gastoû-Febus, tant plâ representade per la loue graciouse reyne, Madamisèle Lamazou-Betbeder e p'ou Capdau, lou mèste escribâ Simin Palay. « Moun Diu ! e qu'at sabém, qu'èts estats recebuts aulhou dab mey de grandou, dab mey de richésse : Saubeterre ne pod da que ço qu'a, lou soû site, soun istoère e la boulentat dous soûs abitants de-b esta agradable.s. « Qu'ey thic de cause e qu'ey hère. , « Thic de cause, pramou que-b aurém bouluts croubi de présents, balha hèstes grandouses en boste aunou. « Hère, pramou qu'èm yustemén fie.rs de la nouste bile e de la soue istoère. « Que s'ayissi de Philipe lou Hardit ou de Louis XI, de la reyne Marie de Neubourg ou de la duchésse de Berry, dou Nouste Enric ou dou nouste Léon, à cade corn de carrère que s'oubrech u paye de la petite e de la grane istoère. « Hilhe dous gabes d'Oulouroû e de Mauleoû, de la ribère, Saubeterre qu'a tout bist despuch lous marchans aràbis dinqu'aus pilhards de Northmandie, despuch las leyioûs roumanes de César dinqu'aus souldats de Wellington ! « Touts aquets d'ous temps anciens, coum lous d'adare qui passen aciu, que soun encantats per la gràci de l'endret, la cante dou gabe, lou berouyè de las gouyates. « Quauques-us qu'y soun demourats; que-s soun ourganisats enta-s defénde dous omis e de las bèstis, ue petite ciutat qu'en ey badude qui a biscut mey de mile ans. Hardide qu'ey encoère e las soues bielhes murralhes oun s'abuse l'ahierre, que-b saluden per la mie bouts, bous autes qui tribalhats enta counserba la léngou dous qui las an bastides. « Que b'an touts recounechuts, lous de Bigorre. e de l'Armagnac, lous de Lanes e dou Biarn e que m'an bouhat à l'aurélhe. : « Balhe-us las claus de la bile; que soun de la familhe ». « Amies, dounc, aciu qu'èt coum à boste ». �— 6 — Lou Capdau que respoun. « Moussu-ou Mayre, si dits, que-b sabém hère, de grat, à bous e au Corps de Bile, de l'arcoelh amistous qui-nse hèt à touts. Que sabém qu'abém en bous û amie de tout ço qui-ns e tién au co, û amie dou passât glourious de. la Terre mayrane, qui a sabut enténe e escouta la bouts de las bielhes pèyres, de las murralhes antics de Saubeterre, e qu'abet sabut redise aus bostes coumpatriotes, tau lou maye plasé, ço qui aqueres bouts e-b abèn coundat. Lou boste libe qu'ey ue boune obre. « Permou nous-auts tabé qu'èm d'aquets qui escoutam toutes las bouts de la terre, las qui canten e las qui plouren e, poètes chic ou prou, qu'ous hèm reclam tant qui sabém. « Que soun aquets reclams qui-b pourtam oey, mounde charmant de Saubeterre. Lou felibre qu'ey l'amie fidèu, lou defensou ardent de tout ço qui hè la force espirituau de la Race oun s'empare la force matériau dou pòple, lou mantenidou de la lengue, miralb de l'entelliyence e qu'ey permou d'aco qui an yustemén poudut apera lou sou cap-dabantè, lou gran Mistral, lou Pay de la Patrie. « Fiers de tout ço qui ey nouste, dou Passât e dou Présent, qu'en bam hardits de-cap l'Abiéne, segus qu'en demoura fidèus à la pensade dous payrans que tribalham « per la glòri dou terràyre ». « Qu'èm aci sus ue terre de soubenis pròpis à-ns esmàbe, la terre qui counegou quoan de hèytes de la yèste biarnése e recebou lous darrès suspits de Gastoû Febus, doun pourtam la banère de sang e d'or. Per dus dies aquere banère que ba yumpà-s sus la boste maysoû coumune. Qu'en leyin la flère debise dou gran biscoumte, touts lous cos se sentesquin hardits : Febus aban ! Toque-y si gauses ! » Aquiu sus, que s'en bam esdeyoa daban lou bèt paysàdye quî-s pot countempla de la terrasse dou café de la Tour oun la municipalitat e-ns a embitats. Permou dous défunts noustesDaban la Glèyse antic, s'ou truc de las nau-e-miéye, que soun deya : Nouste Reyne Clotilde de Lamazou, lou Capdau d'aunou C. Daugé, Mous de Laborde-Barbanégre pay e hilh, lou pay Mounaix, Yan de Tucat e lou sou caddèt, J. Eyt, Andrèu Pic, Marcel SaintBezard, Andrèu Sarrail, Antòni de Bastard, Zabiè de Puchéu, etc. lies quoandes daunétes qui hèn la mey bère cour qui sie à nouste reyne. Las paulines : Madamisèle de Laborde dab lou capuchou de las maybounes, Marcelle Berot, Daune Faribault, Madamisèle Lichounet; Daunes Marie Lassus e Marte Galinchené e Madamisèle Bergès, de l'arribère nayése, Daune Coustét, Daune Labarthe e d'autes encoère, que porten lous chales pingourlats, que las loues mayranes abèn pourtats, toute la yoenesse de Saubeterre, lou Rallye Gastou Febus, lous Patrounàdyes, etc. Qu'èm entrats. Tout lou tems de l'oufici, en soubeni dous sourdats auciguts à la guerre, la Schola de Mourlâs, gabidade per l'abat Costedoat, ancien becari de la parròpi, que-s hè audi. A l'Ebanyèli, lou degâ Cauhapè que salude lous amies felibres en léngue mayrane �e Mous de Daugé que hè lou predic, passey esmabént dens las annales de la ciutat horte, dab escapades sus l'obre nouste. Au Temple proutestant, M. lou pastou Cadier, en biarnés, et tabé, que hè û predic de haute, pensade e lous cantadous que hèn enténe dus psalmes d'Arnaud de Saletés. Mercés à Moussu Cadier, lous noustes counfrays qu'aberan aci-hens aquets bèts escantilhs de la nouste poésie antic. Au monument dous Mourts. Dabanteyats per las soucietats, lou Patrounàdye, la Courale, lou Rallye Gastoû-Febus, qu'en bam tau mounumén escultat per Gabard : Daune Clotilde que pause ue garbe de flous qui, tout are l'esté auheride per la municipalitat. Tout que-s care. û moumendet puch que brounéchen lous clarous e lous tabards, que-s hèn audi lou cors dou Rallye, la Courale que cante La Biarnése, de Claberie e la Schola de Mourlâs que hè retreni lou cèu d'û imne pious. Drin de lésé. Per aquiu enlà, quoan e quoan d'amies dab qui ey tant agradiu de batala ue pause ! Lous de Baigts, Balagué, Lasserre-Capdebile qui an dechade la loue hèste de Sent Bertoumiu; Edouard Moulia, L. Bourdette e Poeydomenge, Mous de Labarthe gabidàyre dou Bèt cèu de Pau; Mous de Dupaya, lou mayre de Peyrehourade de 1926; nouste bielh amie — u dous qui aboun ta reyént à J.-V. Lalanne — J. Gardère, are en retrèyte à Puyoò. Aquiu tabé, biengut à la courrude, l'abat Medan qui ère per Bayoune, e L. Destriau, de Bourdèu, qui-s troubabe per Salies. Medich, beroye escadénee ! B'engountrabem tabé à Mous de Prouharam, debarat d'Aulourou, amie e coumpagnoû dous tems mâchants oun èrem à « Paname », estacats à l'ambulance dou Dou Vinas ! Tè ! E b'ey tabé aquiu Mous de Dommergue, l'amie de Febus, l'amie dous Biarnés, biengut tout escas de Beziès... Despuch disna que bacharam tau cant dou Gabe oun y-a courses de canoë; entertan, sus la ribe erbouse, gouyats atrebits, e quoan sera tabé quauque péU gris, que-s debertéchen, au soû dou clari, à dansa Mouchicou, Mounegn e Gibandriè, dab la mey lègre ardou. E, tournan puya, qu'èm au frountoû ta ue partide de pelote, toutû que lous cantàyres de Mourlàs e haran enténe : Aussau, mas amourétes, Aussau, jou m'en y bau ! e û beroy « Salut à la Reyne ». Patacs de mâ, n'ey pas à dise se-n y a ! �— 8 — Au teàtre. Lou bent de Bayoune que s'ère sabut arrebira e lou die qu'ey estât dous mey beroys, mes à la noeyt-hens, lou pic d'Anie qu'en a mandat u d'aquets auràdyes coum ne sàben fabrica lous demouns qui y an lou lòdye. Be sabét lou dise : Au pic d'Anie, de brouches y demouns furie ! E que s'en soun cargats de ha brut e d'oubri las chourrères dou cèu ! Mes aco n'a pas empachat lou mounde de biéne e d'emplea lou pàti coum yamey nou n'ère lhèu estât mey. Au prougram, ta ha maye aunou au nouste Capdau, que y abè très pèces de las soues : La Reyénte mancade, Lou Marcat de la trouye e lou toustém yoén Franchiman, qui-n ba toutû sus lous quarante ans d'àdye, ou poc s'en manque. Qu'ey lou Rallye qui oubrech la hèste, seguit de. la Courale, aplaudits l'û e l'aute d'abiade, puch lou ridèu que-s tourne lheba sus lou décor de La reyénte mancade qui sera yougade per damisèles Marie Dondra, Graciouse Lahitte, Marie Alliez e M. Hourmilouguè, dou Patrounàdye. La pèce n'ey pas de las aysides, qu'ey Mous de Bérard qu'escoutc. ço qui apèren en parla dou mestiè, ue pèce « qui fenéch mau » ; coumençade en arride que s'acabe s'ou tristè e lou ròlle de las actrices enta tiéne lou lou mounde qu'ey hère mau-aysit. Mes que s'en tirèn hère plâ toutes e sustout Marie Dondra qui hou ue Catinoû de permè escantilh. Mes qu'ey lou Marcat de la trouye, yougat per Marie Dondra, Gastellu, Mouchet e Lonnè, qui s'en pourtara lou boû. Aquiu nou eau qu'arride de l'û cap à l'aute. Ya que. la coumedie e-s passéye despuch ballèu dèts ans sus lous empounts de Biarn e de Gascougne, quoan sera dinqu'au houns dou Medoc e dou Perigord, lou sou autou nou la s'abè pas biste encoère daban lous oelhs; enta d'et, coume ta touts nous auts, qu'esté mieye-ore plâ emplegade e ne s'y déu pas encountra hères d'artistes qui yougarén miélhe que lous amatous de Saubeterre. Tabé, Palay ya-us anè coumplimenta quoan lous aplaudiménts s'estén apadsats. E aquére beroye serade que s'acaba dab lou Franchiman oun Gastellu, Lonnè e Mouchet e retroubèn lous brabos de toute l'assistance; yamey nou-n y abou de mey méritais. �— 9 — LOU DILUS A la Toumbe de Pierre-Daniel Lafore* L'û dous foundatous de nouste Escole, hilh d'Ortès, noutàri à Saubeterre, e per fis yùdye de pats à Lago, qu'ey enterrât aci : qu'ère dou nouste debé d'ana-u saluda dens la soue darrère demourance. A maugrat de l'ore maytière e de l'eschalagas de plouye qui houni yuste quoan partim tau cemitèri, que-nse troubèm toutû mey d'ue doudzéne de counfrays daban lou tahut dou nouste brabe e regretat amie; que y èren bienguts tabé, daune Lafore, lou fray dou défunt Jules e la soue neboude Margalide qui plâ bouloun assista dab nous à d'aquére ceremounie, simple coum Daniel la s'aberé souheytade. Palay, en quauques moûts, après abé pousat sus la pèyre mourtau ue garbe de flous, que digou perqué èrem aquiu e quin l'oubrè moudèste e baient qui hou Lafore abè dret à la recounechénce dous Biarnés. Qu'ey bèt drin au sou balans — permou que dab la soue mustre réde qu'abè û co de hoec, — qu'ey au sou arsec qui debén d'abé poudut establi las ploumasoûs de la nouste Escole sus ue terre soulide : qu'ey et qui décida Mous de Planté à préne lou capdaban e, touts dus, que hasoun lous permès tribalhs d'establimén, tribalh toustém aburius e délicats. E ya be.dém, oey, qu'estèn plâ hèyts pusque l'Escole s'en ba sus lous sous quarante ans de bite-bitante. Gràcies sien mandades à Lafore e aus qui oubrèn dab et ! L'abat Sent Bezard que recita u « Pater », la familhe que remercia e que s'en tournèm à las coéntes dou die. La bite qu'ey atau. Lous Yocs flouraus. La sale dou Teàtre qu'abè pênes à càbe lou mounde arribat de Saubeterre e dous parsâs besîs. Au pè de. l'empount, lous dus ministres, L. Berard e Champetier de Ribes, lou mayre de Saubeterre e lous lauréats dous yocs de. oey : Edouard Moulia, L. Bourdéte, Yan Guichot, e per aquiu enlà, quoandes e quoandes lauréats de las anades escourrudes ! Sus l'estrade : La Reyne Clotilde de Lamasou, dab l'ahoalh de las daunétes bestides à l'anciène, lou Capdau d'aunou Cesàri Daugé, lou Capdau S. Palay, lou sost-capdau Laborde-Barbanégre, J. Eyt, mèste en gay-sabé, etc. �— 10 — D'abiade Daune Clotilde qu'entoune Aqtières mountines, e que hè lou sou Debis de la Reyne « Daunes e Mèstes, « Ne bouy pas coumença lou me paraulis chens be dise u gran mercés enta l'arcoelh suberbèt qui abet hèyt aus l'elibres. Saubeterre La Reyne Clotilde. qu'ey ue daune au co yénerous, e urouse qu'ey, Diu sab quin ! la Gastoû Febus, de-s biéne arrebiscoula au boste amistous larè oun luséchen lous arrays de la nouste médiche fé. « A Saubeterre boune terre boune yent. » se dits u yuste arrèpouè. « O quio, boune e beroye terre. ! Dissatte qu'èri toute esmabude daban la douçou dous bostes coustalats aboundous. Dab lou brèspe qui s'acababe, u ayre leuyè que passeyabe lous darrès reclams dou die e, dou cèu, que cadè la grane tranquilitat dous sés biarnés, tèbes e mistérious. L'arcoelhende Saubeterre, coum l'a apérade u escribâ qui counech las causes de nouste, l'arcoelhende Saubeterre, la pla �— 11 — noumentade, que-m parescou dab lou sou gabe bribeyant e acera lous pics blus de las noustes mountagnes, ue reyne de beutat e de pouésie. « Boune. yént, be-n èt bous auts qui èt lous hilhs urous d'aquére terre, hilhs à l'amne haute e au gran co. Yent de la may qui a embiat u dous sous maynats enta ayuda la France e medich gabida sa lengue, chens per aco desmoumbra-s la nouste ! « Tout aci que s'arcoelh e que-s hè hèste : l'allégrie dou mounde, la bouts encantadoure dou gabe e tabé la bielhe tour qui semble arride de yoye en audin lou charmatôri de nouste lengue aymade e l'apatsibe doulénce de las bielhes cantes biarnéses. « Aylas ! las mey bères causes qu'an ue fi ! Ballèu cadu s'en tournara enta sa case. Lhèu enta quauques-us tout que sera fenit quoan lous darrès réclams de la heste s'en anen dab lou bent ! Mes toutu, que gausi créde de que séran mey numérous lous de qui-s soubiéran d aquestes beroys dies e qui passeyaran dab ets ue ahide. pregounde qui arraye au co toustem. Nou caleré pas de qu'estessem per quauques ores units per u medich idéau enta tourna pla lèu ana-n à 1 abandou. Prenet meylèu boste place au coustat de nous auts dens la nouste Escole familhau e touts amasse qu'aberam mey de force enta clama nouste. cante pla haut capsus lous ayres e dise à cadu d'ayma ço qui tant pla an cantat lou pouète : « La nouste lengue qui ey mey douce que nade aute e dab qui-n se yumpè nouste may en la haute ». Que eau que nouste. mediche pensade sie, chens cès, toustém yuntade au trabès de l'espaci per l'array de la fé. Atau la beroye barque dou felibridye sapientamen gabidade per l'estéle à sept branques qu'arribara, à maugrat tout, dinqu'à l'arribe urouse oun pouderan canta, dab lou pay de Malhane : « Vuejo-nous lis esperanço E li raive dou jouvènt, Dou passât la remembranço E la fé dins l'an que vèn » « Febus aban, e bisque Saubeterre ! » Patacs de mâ à tour de bras que saluden aquet beroy e fier debis e tanticam, Simin Palay que-s lhèbe tau sou Debis annau. « Daunes e Mèstes, « Despuch quarante ans, haut ou bach, que courrém lou païs en claman aus Biarnés e aus Gascoûs : Parlât biarnés ! Parlât gascoû ! Parlat-ne tant plâ, tant beroy qui pousquiat ! Mantiengat la lengue dous Anciens, la lengue mayrane, counserbat-le e hicat-le à l'aunou tout cop qui s'escàdie. de la ha enténe, de la ha canta, de la ha brouni ! « Mercés à Diu, lous noustes clams ne-s soun pas esbalausits e �12 — perduts dou tout au tout cap-bat la brume estoufante. Se y a p'ou mounde caps de touts, dous magarnits d'esprit e dous bouharocs, per nouste au mens qu'en y a mey dous plâ ploumats que dous auts : que-ns an escoutats e qu'an coumprés. « Qu'an coumprés que tout òmi que-s déu esprima plâ si-s bòu ha enténe e qu'enta s'esprima claramén, arré nou balè lou parla dou brès, lou qui n'a pas calut apréne en nad libe permou qu'où sabém, ta dise, en bàde, de mesclat qui ey à la lèyt de la mama, au sang trametut per lous ayòus e qui moulle la pensade miélhe que nade aute parladure biengude chic ou hère de hore-mâ. « Aquiu qu'ey lou permè punt de la douctrine dous felibres e qu'ey sus la lengue mayrane qui s'emparara tout ço d'aute. « Per malur, que y a hère d'ignourents : daubus que s'en sàben, mes lou maye noumbre nou s'en cret pas. Dab aquets à qui semble qu'at sàben tout, e qui nou sàben yuste arré, nou y a pas gran cause à ha sinou qu'à s'en arride dou lou peguè ou préne-us en pietat : nou seran pas yamey felibres ! E, d'alhous, que prénen lous felibres per pècs. Pensât dounc ! Aquets felibres que parlen patoès coum lous dou coumû tant qui lous de Paris, lous moussus nou parlen que francés. Que eau esta sapient enta parla francés... E labets, pusque lou qui parle francés qu'ey sapient atau, per l'ouperacioû dou Sent Esprit, que eau parla francés aus maynadots e arré mey. « Si èren sourtits hore dou païs e qu'aboussin sabut enténe lous qui n'an yamey emplegat que lou francés, qu'aberén toutu poudut béde que n'èren pas touts abilles e que s'en y troubabe autant que per sa case dous ignourents — e lhèu mey ! « E si sabèn escouta autour d'ets, à case, ya pouderén abisa-s que soun lous qui parlen lou miélhe « patoès » qui parlen tabé lou miélhe francés. De parla biarnés coum à Sent-Gladie, digat-me s'a empachat Moussu Bérard d'esta noumat à l'Académie, francése ? « De sabé dues lengues qu'ey toustém estât mey que de nou-n sabé qu'ue enta dise ço qui l'om pense e Mountagne de Lahounta, lou qui mentaben s'ous libes Michel Montaigne, gran escribâ francés que dit : « Que le gascon y arrive si le français n'y peut atteindre ! » « Mes, lhèu, dab lou boste esprit « pratique », que-m bat encoère demanda quin beneflei e tirarat de parla biarnés. « Que b'enténi. Qu'èm en û temps oun lou matériau passe permè que tout ço d'aute — e, si dit l'arreprouè, que eau bibe dab lou soû temps — mes sapiat toutu, si lou matériau soul e prime, l'istòrie dou Passât que-ns at amuche, qu'ey la batalhe, la guerre. Or, ta coumbàte dab abantàdye, que eau esta horts e nou pas sounque de corps mes tabé d'esprit : qu'ey l'entelliyence qui gagne las guerres. Si l'òmi a poudut maseda lous animaus, mey goalhards qu'et, toutû, qu'ey permou d'abé lou poudé màye de la rasoû. « Qu'at èy esprabat mantù cop — e qu'at èy coundat tabé — dab lou nouste biarnés, que-m soy poudut tira d'ahas en Espagne, en Pourtugau, en Italie, permou lou nouste parla qu'ey lou fray de Fespagnòu, dou pourtugués, de l'italiâ; dab lou francés soulet n'aberi pas poudut. Brembat-be que y a dus cents milioûs de persounes, en Urope e en Amérique, qui parlen coum nous e nou n'y a pas �— 13 — la mieytat qui parlen francés. Dab la rèume qui abém de biadya, de courre lou mounde, bediat lous serbicis qui-b pot rénde lou « patoès ». « Mes la cause que ba mey enlà, mey pregoun tabé. Que. sabét touts que lou càssou qui a prabat oun l'an semiat, oun ey badut qu'ey mey goalhard que lou qui hou tresplantat. Tout parié l'òmi que sera mey hort à case que hore dou sou païs. « Mes n'ey pas sounque de corps qui sera hort. Au miey dous de la soue race, de la soue ley, tout maynàdye deyà que.-s sentira en familhe; la soue entelliyence que s'y fourmara beroy à plasé au miey de las causes counegudes de toustém en-çà e, per poc qui sie gabidat, coundusit de dret, qu'en sabera lèu hère mey que s'y s'ère troubat tresplantat en terre estrànye; que sera, coum disen, madu de d'ore e prest à apréne lou sou mestié d'ômi. « Qu'en couneguém d'aquets desarrigats ou qui, baduts en ue gran bile oun arrés ne-s counech, quoan seran besis de porte, soun demourats toute la bite coum perduts au miey dou mounde. Quauques-ûs qu'an poudut esta ço qui apèren « de brillants sujets », qu'ous a mancat toutu quauqu'arré ta esta omis coumplits; qu'ous a mancat lou sentiment de la terre mayrane qui n'an pas prou hourade; n'an pieteyat que lou betum dous troutoèrs e lou betum qu'ey ue cause mourte. Qu'ous a mancat la sapiénce de la bite qui-s pren hens la familhe demourade en sa tradicioù; que soun demourats embarrats p'ous coulèdyes d'oun l'auyou familiau ey banide de fèyt e nad libe, per tant qui n'ayen passât, n'ous a poudut balha la force, lou poudé d'umanitat de la case bastide per lou tribalh dous ayòus. « U òmi de nouste, eslhebat suban la coustume de nouste, qui l'a deya deguéns lou sang, qu'ey riche sounque per aco d'ue fourtune dpunt, soubén, nou-s hè pas ue idée. N'èy pas yamey poudut créde que lou Creatou qu'a hèyt aquére merabilhe escricade qui s'apère Fòmi ta que dou sou passàdye sus la terre nou-n demourèsse pas arré. Per brac e moudeste qui sie estât, en plâ ou en mau, en esprit coum en matériau, qu'en soubre toustém chic ou hère; qu'ey de touts aquets drins dechats p'ous mourts de nouste qui tiram proufieyt tout die : qu'ey la nouste fourtune en la bite-bitante. « Touts lous bius, de segu, qu'en pouderan proufieyta, de quine ley qui sien e de quine part dou mounde, mes que y abera ue diferénce, toutû, enter lou bagamoun badut au grat dou hasard en û cournè sens noum, en û lòdye de bile oun sa may ère autan estranyère aus besis que si èren estats à centenats de lègues, ou en û espitau oun abè û numéro au loc dou sou noum de familhe, que y abera diferénces, si die, enter aquet esbarrit e lou qui, badut à la case bastide per lou sou arrè-arrè gran-pay, a crescut e prabat hens l'auyou d'û larè qui bedou toustém Fana reguliè d'û tinèu ploumat e soulidemén sedut, d'ue familhe aunèste e balénte, unide, ligade p'ous sentiments e las bertuts dous bastidous. D'aquets dus omis, l'û que sera toustém — à mens d'u hasard urous — û desegat, û desabiat — e que bedém ço qui debiénen soubén, aquets praubes malurous sens empares ! — mes l'aute, oun que sie, per tant loegn de sa case qui l'aye poussât �— 14 — lou sou destî, qu'abera toustém la maye part d'aquére fourtune amassade per lous de la soue race e counserbade au parsâ d'oun ey sourtit per la balentie e lou dret sens de touts. « Aquére fourtune espirituau, qu'ey ço qui l'at abera goardat lou miélhe ? La lengue, lou parla de tout die. « Lhèu que nou y abèt yamey pensât ? En cas, qu'èm arribats ta d'aci coum anèm, l'an darrè, tau Mount de Marsâ, l'an daban ta Nougaro e atau, despuch quarante ans, per toute la terre de la bielhe Gascougne. « Permou que si y a hèstes coum aqueste, n'anét pas créde qu'ey sounque enta-s deberti... Certes, la gauyou qu'ey boune, la yoye qu'ey sane — e aqueste mey que mey, qui ey de case-hèyt e. qui boute l'esprit en estât de gràcie, si gauseri dise, ta coumpréne la pensade qui-nse mude, mes d'aqueste. hèste, qu'en eau tira tabé ue leçoù pregoune e durable. Lous estranyès qui nou béden que dab lous oelhs dou cap, que troben que tout aço qu'ey leuyè, maynadè, sénse pourtade, sénse but serious, au loc qu'enta nous, felibres, qu'ey lou mouyén de ha miélhe enténe à touts la bouts de la Terre, aquére bouts dount la musique ba dinqu'au houns de l'amne dou qui la sap arcoèlhe. « Parla mayrau, lengue nouste, cansoûs recoelhudes sus lou bent qui passe s'ous camps, s'ous prats, hens lous arbes dous boscs de la plane e de la mountagne, qu'ey per bous qui-nse poudém recounégue e sabé ço qui ey bertadèramén la Patrie ! « Quin beroy coumparé nou hè pas lou gran poète Mistral quoan dits que lou parla mayrau qu'ey lou « hiu qui tién lou nid hens la ramilhe » ! Quoan lous ausèts quiten lou nid, aquet hiu misterious qu'ous estacara toustém à la branque oun lous parents l'abèn penut e ne-s desbroumbaran pas la loue cansoû. Atau l'òmi qui s'en ba de nouste, si bòu retrouba en si-medich la terre nadau, n'abera qu'à-s canta û ayre de case ou recita-s ue patricole anciène ta que. lou miràcle se hàssie. « N'ey pas lou permè cop qui at disi, e ne soy pas estât lou permè, tout que-s tién hens la nature e qu'èm ue brigalhe d'aquet tout : lou cèu e la terre, la familhe e la lengue per laquoau s'esprimen lous pensaments dou nouste esprit, lous sentiments de la nouste amne. « Qu'ey en aquere lengue qui moullam e chens nad tribalh — ou tant poc ! — las idées qui-ns arriben e qu'ey plâ segu que nou las trattaram pas miélhe yamey dab ue lengue aprése aus libes. Que pouderam ha-t, lhèu, auta-plâ, mes, encoère û cop, pas miélhe ! « E puch, que m'adréssi aci aus decendents dous Biarnés qui, de toustém en-ça, n'aboun qu'û desi : demoura libres e independents, e qu'ous disi : Frays e amies, e tienét à la libe/rtat, à l'independénce ou si boulét bené-b la boste qualitat d'omis enta n'esta mey qu'u numéro-matricule coum à las galères ou quoan sera hens certènes usines oun s'y tribalhe, qu'at sabét, à la cadéne, de. tau sorte que l'òmi, aquiu, n'ey qu'ue manière d'utis goàyre diferent d'û martèt ou d'ue clau anglése ? « Si boulet goarda-les aquere libertat, aquere independence, goardat d'abord lou boste parla mayrau : qu'ey la clau qui desligue �— 15 — toutes las drabes. N'èy pas lou lesè de b'en dise mey aci, mes espiat l'Alsace, la Catalougne, l'Irlande, la Poulougne : lous qui-us abèn empausat la loue ley per la force que credèn d'ous tiéne. per yamey, mes lous qui s'èren troubats trop fébles ta résista à las armes de hèr, qu'an sabut counserba la loue lengue mayrane qui goardabe. la loue cousciénce, la loue amne e mey èren premuts e mey que la parlaben : qu'ey ère qui-us a goardats de l'aneantissimént; qu'ey per la lengue qui soun demourats omis, lous membres d'û corps, lous corps d'ue race qui, autant que lous lous mèstes d'û moument, abè dret à la bite suban la manière qui-us plasè. Abbé Césaire Daugé. Edouard Moulia. « Lous Parisièns que soun fièrs d'esta de Paris, lous Bàscous d'esta Bàscous e qu'an rasoû; mes nous-auts tabé que poudém esta fièrs d'esta Biarnés ou Gascoûs, permou lou nouste païs, û dous mey beroys dou mounde, qu'a hèyt bàde e praba omis e hemnes qui-s pòden payera dab lous mey illustres de la terre. Grans sents e fiers souldats, princes d'eley e omis d'Estat, sapients, artistes, escribâs de haute boulade, oubrès e mestie.raus de permère force, aquéste païs, per nou pas esta de grane estenude que tién toutû ue bère place au reyaume de l'entelliye.ncie e qu'ey l'entelliyencie, qu'at bouy redise, qui mie la force de la matière. Aquére place, lous Ancièns que la s'an hèyte dab la loue fidelitat à las bertuts tradiciounaus de la race e qu'ey en ha coum ets qui-nse mantieneram tabé. « Goardém dounc piousamén la lengue dous payrans, floc de la loue pensade e, dab ère, counserbém lou lou esprit d'independéncie, de libertat e de yusticie. Si sabém esta fidèus à d'aquére tradicioû, nad francés de France nou-ns y poudera ha tau serbici de la Patrie ! Febus aban ! » Aquéres nobles paraules dou Capdau que soun saludades d'ue triple salbe d'aplaudiments; coum enta ha rampèu, lou Rallye qu'en da ue trangade, aplaudit, et tabé, aco n'ey pas besougn d'at dise, puch lou Secretàri en pè que da lecture dou �— 16 — Report dous Yocs flouraus de 1935Si lou councours d'augan n'a pas gran endoum, qu'ey toutu pròpi à-nse da plasé : dus nabèts rimàyres que. s'y soun hèyts counégue, e coum y a manque de poètes autant que de ço qui sabét, qu'èm plâ counténts dous poudé saluda : que sien lous plâ bienguts ! Per aco, la permère medalhe, auheride per moussu lou ministre Bérard, que s'en ba de dret ta û counegut, mantu cop deya floucat à nouste, lou Saliè Bourdette, reyent à Bou-Saada, en Afrique, acera liore, qui-ns a mandat ue pèce entitulade Maynàdyes e qui, si hè aunou au poète qui l'a plâ rimade, en hè mey encoère au cô de reyént qui l'a councebude. Que boulhi dounc recébe, mous de Bourdette, lous coumpliments de la yurade dab la medalhe de moussu lou Ministre. A la bertat, lou qui signe Lou Reyot e qui s'ey boulut, aqueste tour, essaya aus yocs poetics de l'Escole, qu'ey û amie de bèt temps a, per yoén qui sie. Deya, quoan ère encoère au coulèdye, que l'abèm entenut, aus parsâs de Chalosse, à ha brouni la boune paraule felibrénque. Fourçat à-s darriga, lou mau e l'amou dou païs que l'an gahat e qu'a calut que cantèsse en gascoû, per dessus lous teyts arrebouhiècs e tristes de la gran bile. U pugnat de cansoûs que-nse soun arribades qui, toutes nou soun pas de mediche payère, mes toutu qu'en y a ue qui-s mérite lou floc; ue segounde médalhe que. ba dounc au gaymant yumpayre dou Nèn, mous de Courtiade, dous Sarrazis en Chalosse. E l'aute boune recrube de l'Escole, que-s prouseyabe p'ous coustalats de Sent Haus, la patrie de Baudorre, au parsâ bignè dou Yurançoû, dies-a, sénse pensa trop à canta en biarnés — permou qu'en francés que cantabe, si-s parech. Puch, bèt die, que hou toucat de la gracie, per segu, de manière que. mous de Guichot que-s bién yunta, oey, à l'escabot gauyous dous lauréats de Gastoû Febus e que s'emporte ue medalhe dab las soues cansous « Lou me bilàdye » e « Lou Grenadiè ». Las portes dou councours qu'èren clabades despuch dies, quoan y biengou tusta û gauyous coumpay de Saubeterre. Coum èm de brabe mounde qui nou bòu ha pênes à d'arrés, qu'abém toutu oubrit au Yan de Sabalot e que l'abèm dat gn'aute medalhe tau sou counde « La Purgue de Yantilhou ». Coum s'y ère prés drin tard, n'a pas abut lou lésé d'alissa la soue istoerote e lous auts que l'an passât daban permou d'aco, mes ta l'aute tour, are qui ey abertit, que s'y sabera préne per temps e que hara miélhe, de segu, permou ne soun pas las qualitats qui-u manquen. E bèt die auta-plâ, qu'aberam à-u dise ço qui diseram oey au nouste ftdèu Yantet d'Orthez : « Amie, très cops à d'arroun qu'èt arribat à la permère place e lou reglame.nt que bòu, adare, que siat noumat mèste. N'abet pas besougn, certes, d'aquet règlement ta que-s saboussi; bèt temps a, lou nouste mounde que b'en an recounegut e la yurade nou hè que « segui » lou yudyement dous qui abet sabut, au tour, ha d'arride dab las bostes coumedies e tabé ploura dab lous bostes récits de la guerre. Amie Moulia, qu'èt dounc d'are enla, dab la boste pèce de tiàtre Yan de Laplane, metut hore-councours, dab lous coumpliments lous mey sentits de la yurade. �— 17 — E aquéstes yocs que-s ban acaba sus ue cause bèt drin inatendude qui n'esperaben pas e qui nou-s bet pas à tout pip-pap. Que bam auheri ue medalhe à ue balente e brabe, gascoune de 80 ans; mes, enta d'ère, l'àdye n'y hè pas arré : que s'a goardat l'esprit e l'ana de la trenténe e qu'ey encoère capable, si-s parech, de dise coundes e de canta cansoûs toute ue belhade d'ibèr. Aquets coundes e aqueres cansoûs — qui nou-s troben pas en nad libe, Marinete dou Soumproun, paysane. à Goundrin d'Armagnac, oun ey badude lou 25 d'abriu 1855, que-us a amassats e ta nou pas que-s perdoussen, qu'ous a hèyts trescribe e n'a pas sabut arré de miélhe que dous balha à l'Escole Gastoû Febus. Aquet poulit yèste, digne d'ue gascoune de la boune ley, que meritabe, bertat, d'esta mentabut e mercat per ue beroye medalhe, auheride per mous de Lissar, senatou de las B.-P., qui s'ey boulut assoucia, en boû bascou qui ey, à l'obre de la nouste renachénce. A l'oucasioû, lous biarnés qu'où saberan paga de tournes. Tout cop qui-n abém lou parât, que decernim û Prêts d'accioû à l'û d'aquets bous oubrès qui tribalhen, sénse per aco ha ni bèrs ni prose, à l'esplandide dou felibridye. Francés de Pitangue — lous de Saubeterre qu'où counéguen que y a dies — qu'ey, despuch anades, û d'aquets ahoegats qui hèn, soûls, mey de tribalh que bint rimàyres, ta ha counégue e coumpréne lou perqué dou nouste prèts-hèyt. Pendent quinze ans, à Bourdèu, oun ère biblioutecàri de las Facultats de Letre.s e Sciences, Mous de Pitangue qu'a coundusit, dab lous estudiants de per aciu, û tribalh de penetracioû qui porte frut, en ha canta, cade cop qui-n abè lou parât, las noustes anciènes cantes, auta-plâ lous nadaus que las bitounguères, Aqueres Mountagnes e lou Peyroutou. Quoan mèste Guillaumie, lou sapient proufessou de la Facultat, hasè lous sous cours publics sus la nouste literature poupulàrie, qu'ey Francés Pitangue qui-us illustrabe en canta et medich sie dab lous sous escouliès. Qu'ey et encoèfe qui ourganisa la belhade biarnése dou Gran Teàtre de Bourdèu entau Coungrès enternaciounau dous roumanistes e qui esmiragla touts lous estranyès. Tout à tras, que tienè lou secrétariat de l'Assouciacioû dous Biarnés de Bourdèu, doun nouste counfray, Mous de Bounecase de Bilhères, ey lou Capdau. Aco be-s meritabe au mens u soubeni recounechent dous felibres ? La medalhe auheride per moussu lou senatou Champetier de Ribes que materialisara, si-s pot atau dise, aquere. probe de grat de las noustes parts. Fidèus à la coustume, lous noustes représentants au Parlament — la maye part, en tout cap — que-s soun bouluts assoucia dab nous ta recoumpensa lous bous tribalhadous de la Renachénce. Noustes mercès respectuous que ban doungues à noustes senatous, MM. Léon Bérard, Champetier, Lissar, à M. Moutet, à M. Samuel de Lestapis, à M. Delom-Sorbé, deputats. De gran co, touts aci, que souhetam que loungtems encoère, coum au counde. dou Caperâ e dou nouste Henric, que s'y pousquin tourna. Lous noustes escribâs que s'y haran au miélhe. ta merita-s las loues yolhes. LOU FÉLIBRE DE SERBICI. �— 18 — Las medalhes que soun destribuides aus balents gagnants au miey dous aplaudiments . Mous de Guichot, aperat sus l'estrade, que cante Lou Retour dou Grenadiè; Mous de Puyo, Roussignoulet qui cantes; la reyne tabé : Au Prat de la Roque, doun cade berset ey tournât de gaha per l'amassade — qu'ey atau que las yoentuts de noustes bilàdyes, e hèn passe-carrère — lou Capdau, en seguide, que ley las dues pouesies courounades oey : Maynadyes de L. Bourdéte e Lou Nèn de J. Courtiade; que tire lous numéros lous mey arridénts dou sou repertòri : La Biélhe d'Aulourou, La hémne arrebouhègue e La Louterie e lou mèste en gay sabé Eyt que-nse hè assista beroy en ue partide de quilhes. Puch, suban la coustume, Cesàri Daugé que debè canta lou Crabe de Mugrou, e que poudets créde que se y'abousse nat arrat dens lous soulès de l'Oustau de bile, lous patacs de ma qu'ous ne cassèren en l'ore. Dens lous entermieys, lou Rallye Gastoû-Febus qu'en dabe d'aquets ayres tristes e doulents, caps d'obre de la nouste tradiciou : Malage quoan te bi, Dus pastous à Voumbréte, Maudit sie Vamou, etc. Mous de Claverie, en gran artiste, que hasè lous solos. De l'abis dous qui s'y enténen, qu'à lous sous yougadous hère en mâ e n'ey pas estounable s'a coelhut laurès e bravos dens las yessides qui hè per delà dous mounts, à Saragosse e à Barceloune. Lou Disna. Qu'ey à l'Oustau de bile qui-s hasè lou disna. Au cap de la sale oundrade de drapèus, de brancàdye e de flocs à las coulous de Gastoû Febus, yaune e. rouye, qu'an parade la taule d'aunou. Que s'y assèden : nouste reyne Clotilde e, à la soue dréte, Léon Bérard, ministre de la yusticie, Marie Lamazou-Betbe.der, lou Capdau Simin Palay, Mous d'Elcock leyidou anglés à la Facultat de létres de Toulouse, lou pastou Cadier; à l'aute mâ de la reyne, Moussu-ou mayre Minvielle, Daune Coustet, lou senatou Champetier de Ribes, Cesàri Daugé. Nou goàyre enla, lous mantienedous de l'obre qui nou pòdi noumenta : qu'èren trops e touts, ue taulade de cent cinquante. Qu'ey lou pastou Cadier qui dits lou Bénédicité, tirât dou recoelh dous Psalmes de Salette, u mounumçnt de nouste léngue mayrane, escriut sus lous ourdis de la Reyne Yane de Labri : Toutas causas attendin après tu, Segnoo, et tu lor balhas viande en lor temps. Quoan tu la lor balhas, eras l'arcoelhin; e quoan tu obris ta maâ eras son rassasiades de beê.s. Segnoo, auquoau consistex la plenitud de toutz beês, volhas entene la benedictioo sus nous tons praubes serbidoos, et nous santificaa los doôs, losquoaus nous recebem de ta largesse, affii que nous en poscam usaa sobrament et parament segon ta bonna volontat : et per aquest moyen te reconnexe noste Pay, et anthoô de touta benignitat, cerca-ns tout-iorn principalamen lo paa spirituau de la Palaura, deuquoau nostes amnas sian enuridas eternallament per Jésus Christ ton filh, noste Segnoo. �— 19 — Lous dou Rallye Gastoû-Febus qu'en daran quoan e quoan d'ayres, entan que la yoentut trebaténte e batalère, oun se hè béde la barbe grise de Laborde-Barbanégre, e mande clams e crits gauyous. Lou qui n'a pas bis û estrambord coume aquet ! Pénsi que lou yoen Elcock, que poudera testimounia, s'ous cantès dou gabe de la Tamise, que nou soun encoère mourmecs capbat nouste e que lous gascoûs de la nabère Gascougne qu'an û batalh dous tringlants. Mes, la Reyne que s'ey lhebade e que dits : « Que toute barbe d'òmi se càre, lou Capdau que ba parla ». Tringade dou Capdau. Apuch abé pourtat la santat de la Reyne e de las daunes e daunetes qui soun l'ournamén e la berou de la tauleyade, Palay que prègue Mous de Minbielle de dise aus sous administrats, qui s'y sount tant hèyts enta ha bère la hèste, lous grans mercés de. l'Escole, e, apuch û soubeni dat à P. D. Lafore, que-s bire de-cap à Mous de. Berard : « Que-nse couneguém bèt tems a, Moussu Bérard ! si-u dits; que hè yuste lous ans, pusqu'ère lou 25 d'aoust 1903, si nou-m troumpi, qui-nse encountrèm p'ou permè cop. Qu'ère en ue felibreyade coum aqueste, en bile d'Aryelès-de-Labedâ... « Au banquet, que parlèn d'abord lous mayouraus, lous dous péus blancs e gris — si-us ne demourabe — puch, lou secretàri Lalanne, mey que mey ahoegat, que-s boute à clama : « Que eau qu'û yoén que pàrli ! Haut ! lous yoéns ! » Que-s parech que bous e you qu'en èrem, per labéts — que-ns a drin passât — mes bous qu'èret lou me caddèt e que-b cedèy lou tour de paraule, dab d'autant mey de plasé que despuch dus dies que m'abèn hèyt débita nou sèy quoan de bercets de toute traque e de toute payère e que troubàbi qu'ère prou. « E n'èy pas besougn de-b dise, messius, que de ço qui Mous de Berard e parlèsse mey lèu que you, arrés nou pensa de s'en plagne, you lou bèt permè. « Que.-ns èt demourat fidèu, qu'èt toustém membre de l'Escole Gastoû Febus, qu'èt demourat fidèu, tabé, à la pensade qui esprimabet au boste discours : « La yoenésse de oey, si disèt, que pense qu'ey dens l'estùdi atenciounade e lou culte pious dou passât qui-s preparen d'abord las obres de l'abiéne : à bous auts, omis d'esperience, que bieném proupousa ia coullabouracioû dou nouste arsec de gouyats. » « U re.ncountre urous que bòu qu'ayat prés la place à l'Académie francése, d'û òmi qui hou tabé l'amie dous felibres e qui pensabe coum bous, lou sou discours de recepeioû b'en da la probe — e dab quine force ! Qu'où harat rampèu quoan sie lou boste tour de parla e aquet die, que b'at proumeti, touts lous amies de la lengue mayrane, penuts au lou poste de T. S. F., que-s regaudiran e que-b aplaudiran. « Qu'ous calera répéta, à d'aquets messius ço qui-nse disèt, �— 20 — aquéste primtemps, à l'Académie de Pau : « qu'ey au Biarn qui débi ço qui èy en you de miélhe », e ya s'abisaran que la grane France nou y a pas perdut arré. « A d'aquére amassade d'Aryelès de 1903, qu'adouptèm û bot qui demandabe, sus la proupousicioû dous inspectous Risson e Bancal, que lous reyents se poudoussen serbi de la nouste lengue à l'escole primàri coum, tabé, qu'aprenoussen la nouste istòrie en me.dich temps que la dous manuels de Paris. « Quoan hout ministre e gran mèste de l'Unibersitat, lou Capdau Lalanne que-b rebremba aquet bot e que sabém que hét ço qui poudout tau ha recébe per lou Counselh superiou de FI. P., mes en aquet Counselh, nou y a que franchimans de Paris qui nou dében pas lhèu sabé qui èm — en tout cap, nou sàben pas hère la « Géographie » pusqu'an aproubat, ta las noustes escoles primàris, û manuel de dus enspectous, oun se pot léye aço : « BASSES-PYRÉNÉES. — Département formé par l'ancienne vicomté de Béarn et la Navarre française. Pays pauvre et couvert de landes incultes, où vit une population clairsemée qui tire sa subsistance surtout de l'élevage ». « Tant-y-a que rembièn lou bot en quauqu'ue d'aqueres coumissioûs qui sount lous ceinitèris dous « mourts qui eau tua » e nou s'en ey mey parlât. « Mes, coum Lalanne ère cap-bourrut nou-b decha pas tranquile e qu'où poudout respoune, apuch abé hèyt segouti lous decrèts e las circulàris dou ministèri : « Que-m soy assegurat au mens d'ue cause : n'ey pas yamey estât defendut de-s serbi dou biarnés à l'escole primàri ni nad règlament nou défend tapoc d'y apréne Fistòrie dou Biarn d'aban la Reboulucioû :or, coum ço qui n'ey pas defendut ey permetut... » « E soulide d'aquere counsulte. dou Capdau dous aboucats qui èt, Lalanne qu'oubtiengou de Mous de Gaillard, Fenspectou d'Académie plâ counegut à Saubeterre, aquets cours libres de l'Escole Normale, oun s'a hèyt, despuch, de prou boû tribalh. « Aco, Moussu lou Ministre, ne s'at desbroumbam pas e que soy urous de b'en dise, encoère û cop, lou grat de l'Escole ». Lou debé hèyt, nouste Capdau qu'abiabe ue d'aquéres batalères de Biarnés coum ne debè ha Yan Palay au temps dou Curé de Seroû e dinqu'à la fî lous esclaquerats d'arride nou s'estanguèn pas. Mous de Bérard que respoun. Au Capdau de Febus, que respoun lou ministre de la Yusticie. Despuch lous prumès moûts, om que bed qu'a dechat à Paris l'òmi ouficiau e dens û biarnés de case-hèyt, autan sabrous e escricat que lou francés dount se sejrbira tout-are que dits : « Lou boste Capdau, messius, que m'esmiragle ! Que déu abé û armanac aus trabateyts dou cap enta-s soubiéne de tant de temps ! Mes la mie amou dou biarnés que datte de mey de lues encoère que la felibreyade d'Aryelès e que-m brémbi que m'en serbibi plâ quoan �— 21 — èri au coulèdye. de Pau ent'apréne lou latî qui chacàbi coum qui diseri touyes e brocs. U die, lou défunt Moussu Pourè d'Arudy que-nse parlabe dous emperurs de Roume — lè mounde ! — e noû sabèm pas tradusi û mout dount Saluste e baptiabe l'û d'aquets coucàrrous. Labets, que-m risquèy : « Monsieur l'abbé, si-u digouy, nous dirions en béarnais, de qu'ère û tumehus ». Mes, Mous de Bérard qu'ey tabé mémbre de l'Académie francése, nou s'at eau pas desbroumba, e que-s ba serbi, adare, de la lengue académique. Après û soubeni esmabut à la memòri de P. D. Lafore, iou soû amie, dount Palay, adès a rapelat l'accioû s'ous yoéns qui èrem quoan bibè, Moussu lou ministre que parle de la part maye prése p'ous grans biarnés à la counstitucioû de la nacioû francése e à la primautat de l'esprit nouste. Bounes pauses, lou gourguey de la bouts, lou balans, lou charmatòri de la frase qué-nse encantaben. L'òmi de ley, lou parlamentàri, l'ouratou qui sab debisa daban quau se boulhe amassade de sapiénts, d'academicièns ou de piquetalos que b'a û aysiè ! Qu'où seguibem, doungues, coume destecade lou sou eslòdye de l'obre dous sègles, de touts aquets qui bastin l'Unitat francése. Mes, que boulets, ya que sie bèt ta nous-auts d'èste de France, disciples de Mistrau, hilhs besiats d'ue Terre besiade qu'abém toutu dòu dous tems oun èrem « mèstes à case ». Que biram soubén la nouste pensade decap aus ayòus qui, à maugrat guèrres, destroubles e hamières se demourèn ço qui èren, e aboun toustém l'ourgulh d'èste biarnés e. gascoûs. Bam, l'arrasclet unitàri e toucassè n'a pas prou passât sus nous ? N'èm pas mounde de capàdye, mounde sàye e nou saberém pensa mey à la'nouste mode ? Si, e l'abiéne qu'ey nouste. E coum Mous de Bérard acabe lou sou discours dens lous patacs de mâ dous sous coumpatriotes, que hasèm lou nouste rèbe — lou rèbe de oey, qui pod èste la bertat de douma. Qui sab, si-nse disèm, �— 22 — se l'aute cop que l'Escole e tourni ta Saubeterre, l'u d'aquéstes gouyats, debiengut et tabé u piala de la Republique, e ministre, coum ne houn Barthou, Champetier e Bérard, nou celebrara la nouste Renachénce e nou boulera dise que. la balentie e la brabou de nouste race immourtau ? N'y seram pas, malaye, mes aco ray ! lous noustes maynats qu'at audiran, e aquére ahide, oey, qué-nse ey ue yoye chens parière. Lous adichats. Que calé decarra, dise û gran mercés au Mayre de Saubeterre, doun lou pourtau s'ère emberouyit de létres flourides oun leyibem : « Bibe la Reyne ! » que calé touca de mâs à quoan d'amies nabèts, aus mémbres dou Coumitat de las hèstes, qui s'y èren hèyts tad aplani lous turouns; à las autouritats cibius e reliyouses qui s'uniben permou de nous-auts, aus gabidàyres de las obres de la parròpie, M. Doze, counselhè d'arroundissiment, M. H. Minbièle, adjoent, Y.-B. Gastellu, qui hou l'animadou de la yoenésse, Albert LarrieuBaroû. qui-s carga de las mayes courbades, M. Gorostys, directou de la musique, Françoès de Lonné, mèste de clique, aus mèstes musicàyres e disedous, au directou dou Rallye Gastoû-Febus, etc., etc., touts lous qui dens las dues yournadotes e bouloun pla ha-ns aunou e arcoelhé-ns en frays. Que calé toutu decha Saubeterre, gaha lou tri de Puyòu, Pau, Lourde. Coentats, s'ous youlhs que calameyabem cartotes entaus amies qui n'abèn pas poudut atrassa-s entau nouste hestau. De countre la tourrasse de sèt soulès oun s'ère aprigat Gastoû Febus, que dabem û loung e amourous cop d'oelh à la biste merabilhouse, e que-nse broumbabem ço que Yan dou Bousquet ens escribè lou 26 de. setéme de 1900, coum lous de Febus e hesteyaben à Bagnères, e coume et bienè de passeya p'ou prumè cop lous adentours d'u gabe mey pregoun que lou de Pau, e d'espia ue mountagne oun bèque lou pic d'Anie : « Que y'a per aquiu u endret doun béden de s'ou cami aban, lou Biarn sancé tio la mountagne; à dréte lou Bascoat yuste dinque à la ma, à gauche yuste lou pèys de Bigorre. « Que hasè bèth : lou cèu tout blu; que. hasè bou, que bouhabe ue petite alenade douce qui brounibe dens lous arbes e baylabe las hoélhes. E pensa-s qu'en aquére pause lous amies de nouste pèis qu'èren amassais ta lauda ço de nouste, tad arrebiscoula, ta sauba se-s pod l'amne de la Patrie... Nou, tè ! que soun pauses qui balen ue bite ! » Que dise au darrè d'aquet prouclam amistous d'u oubrè de l'Escole Gastoû-Febus ? Carém-se sus aquets beroys moûts. E, à l'an qui bién; que seram, si à Diu plats, en Armagnac, Terre dou piquepout e de l'aygue de bie, terre dous mèstes de la pouesie, dou teàtre e dou counde, neurissère de Pey de Garros, de Dastros, de Sarran, de Francés de Lartigue. Qu'y siam en bère e gauyouse troupe ! MIQUÈU DE CAMELAT. �- 23 — LOU COURNÉ DOUS POUETES MAYNADYES Quoan, hens lou cla matiau, e s'orb l'escole Manque, l'eschàmi cridassè dous maynadyots hardits que s'apoudye cap-bat lous camîs emproubits; que sount mey esberits que l'ausèt sus la branque quoan m'embien lou lou salut arridoulént. Que-m souy dounc you mesclat à bous-autes, pihoalhe, ent' ourbi-b lou cerbèth qui, tout doy, e s'argalhe, enta-b ha l'amne drete e lou co gayhasént. A tropadus, toutû, nou-s thepique pas hère d'agasilha tout caut lou minya de l'esprit qui-us sèrbi chens coumpda, tout bourit e roustit, dab ue fé qui nou bad yamey calinquère. — Qu'èts tumehus, coucards, cascans, escuragnous, las « candéles » que-b ban dou nas entio la bouque, pus, Unis e pedoulhs que soun de boune souque, qu'abéts la chirpe aus pots e lous oelhs lagagnous; qu'èts bahurlès, demiats per de mâchantes hades, que-m hèt esganurra tout lou die e, prou lèu, la chalibe se m'ey secade au subercèu, la mâ, soubén, que-m prut de-b da dues bourrades... E toutû, gouyatoûs, maugrat bostes défauts, quin plasé de bedé boste amne qui-s desbelhe ! Amigots, lou mey co que-b da ço qui a de melhe, lou soû amou, blous e sancé, qu'ey ta bous-auts. E que-b pramou pramou pramou àymi, mounards, d'aco b'en eau coumbiéne, se madurat, qu'èts tout doy à l'esguit; que b'at eau mucha tout dou cap dou dit, qu'èts la yoeniut e pramou qu'èts l'abiéne. Louis BOURDÉTE. (Permère medalhe dous Yocs flouraus de 1935.) �LOU NÈN Dehéns, dus crits de thicoy E la may, qui coupe boy Au legnè, lèu de l'enténe, De courre apatsa-u la pêne ! Qu'a hèyt de s'arregoula, S'ou chibau « d'aciu enla », S'ous youlhs de may qu'en ba biste, E qu'arrid coume ue tiste. Lou nèn, à trubès las plous, Bedén la qui bon, urous L'espie e tèn la manine Ta sourti-s de la couthine. Coume ue paume redoun, Qu'a hèyt sauts, lou mèynadyoun : Qu'a ço qu'où eau... Tabey, ère, L'ayaque en la yumpedére. Au brassât, poutiqueyat, Et que cèrque à ha hourat Entad abé, lou mèynàdye, Ço qu'cstuye lou coursàdye. Lou nèn que barre l'oelh biu, De quoan en quoan, tourne ourbi-u, Dab grat decap la neurissi Doun a tant rèyte e serbici. Qu'a hamiote, lou chinot, E que chuque tant que pot, Assedut dehéns la haute, Decap à la poupe caute ! E... puch, coum u roc, que droum; Mes nou eau ha nat reboum... Chens brut... que passe dehore, La may, feni ço d'enlore. R. COURTIADE, lanusquet. (Dusau medalhe dous yocs flouraus de 1935.) g= — LOU NÈN DESBELHAT Lou nenerot que s'ey desbelhat en arride; Que souribe deya, dab lous oelhous ducats, E qu'abè dus cloutéts aus macherous mercats... Beroy nenè /... N'a pas, et, arré qui-u tarride. Qu'a l'amne toute nabe e qu'arrit au sourelh Coum l'ansèt, coum lou parpalhòu, coume la lole, Qu'arrit siaudamén au souney qui l'alole E la douçou d'ayma qu'où yumpè lou soumelh. Ah ! pècs, b'èm nous-auts pècs, quoan sabém que la bite N'ey qu'û saut dou bayóu ta la cache e tant court, Au loc d'arride à tout ço qui biu e perpite, De-ns en ana, lous pots tourcuts, dinqu'à la mourt E de nou pas sabé-t ayma tout, quin que sic, Coum lou nèn qui s'enayre en ha mamous au die ! SIMIN PALAY. �— 25 — LAS LETRES Enta Miquèu de Camelat, à perpaus de la medalhe qui m'ère escayude aus Yocs flouraus d'Aryelès, en 1933. En ma, boste letre-missôri, e, laurerade, en u buyòu, la medalhete de bictòri... Que n'y a prou ta ha baye hòu. Laurès, baran, de la joenésse, arroun dous péus blancs de l'autou, laurès, per ta chic de sabiésse ! Aquet prêts passe ma hautou. De laus n'èy hide ni embéye; lous coumplimens que-m hèn puchéu. Mantu qui lause lausengueye... D'u bantariòu n'èy pas nat peu. Nou boulébi sounque ha tole, que nou souy qu'il bielh escouliè, qui trop soubent pana l'escole e sab hère chic dou mestiè. Toutubét, quin eau que m'at biri ? Poète m'abets courounat... de quin coustat que m'arrebiri, p'ous laurès souy encadenat... Toutu, qu'an presat ma gausiole sus la quiraule e lou lebrè; més qu'ey pòu que la paperole aye pesât mench que l'oubrè. De trobes, cantes, poésie qu'èy bist qu'en hasèbi palhat de toutes leys; més oey lou die, qu'èy lou cap boeyt coum prat dalhat. Aus poètes de prouse tilhe que dits «Gran mercés», lou paysâ; atau hè l'asou qui renilhe, quoant om lou bien drin gratuga. Tira frute nabe e sabrouse d'u bielh trouncas escalancit, qu'ey hère escas; de la bermiouse trouba-n bèt cop, qu'ey mey aysit. Dus cops mercés ! à bous, brabe òmi, Que s'en ban arrise lou mounde e trufa-s'en quauque counfray !... mèste en debis, fièr escribâ, mes per chic qui m'en tengats coumpd« qui sabet, en prous gentilômi, que m'ey de soubres... Aco ray ! ayda lous caytius à praba, Que-b disèts : « En lausa l'aurugue, « Qu'en pot sourti bet parpalhôu ». Crangats l'eschide desastrugue, e que nou-n tiréts qu'u barbôu. A Miquèu qu'en daran la coupe, puchya que m'abets ahilhat. You que souy fier dou pay-de-poupe, que-n siats bous dou neurigat ! Dou DOLERIS. Lou Dinerè que largue u gran mercés aus escouliès qui an deya mandat la coutise ta l'anade qui s'oubrech dab aquéste numéro, pusqu'à l'Escole GastouFebus las causes que-s passen coum à las autes oun lou tribalh reprén lou mes d'Octoubre. JWes, be seré dounc countént si touts lous qui an recebut lou mandat-chèque, à la fî d'aoûst, e l'at rembiaben séns aténde trop ! Qu'ey tant petit tribalh de reméte aquet paperot au factur qui passe... n'ey pas brique necessàri d'ana tau burèu de la poste : lou factur medich que-b dara lou recebut e... que serai tranquile. Aném, pensats-y e hèt beroy ! Y. T, �— 26 — HOURUCADES D'U CURIOUS LOUS ABOUCATS E LAS CIGALES Ta Manuel Laborde-Barbanégre. Que y a bèts dies qui bouli esclari lou perqué d'aquéste coustume armagnaquése. Per quine rasoû lous paysas dous noustes parsas de Goundrî e hiquen pèyres de talh sus lous poumès e sounque sus lous poumès ? Suban lou dise coumû, que-s parech que lou poumè qu'ey estât coundamnat à pourta û pés ta paga la faute que hasou couméte à la nouste may Ebe. U paysa, tabé, que-m disè que las poumes chens aco que. serén bouharoques e bermiouses. Que l'èy credut dab prou d'ayside. * * * Auta-plâ que-m boulouy assabenta û drin mey d'aquéres causes de la respounsabilitat dous « agents frappés d'incapacité intellectuelle ». Qu'èri amiat à léye lou puchant tractât de E. Westermarck lou gran sociologue 1. E leyin quin las cibilisacioûs saubàdye.s e cibilisades e traten lous èstes immateriaus, qu'aprenouy que, en drét antic (hens touts lous pòples) lous arbes, lous animaus, lous utis que houn counsiderats coume bères persounalitats. Medich que-s parech, suban ue tire courdère de « textes » e de fèyts que lous animaus que poudèn passa en yusticie despuch d'abé herit, alebat ou aucigut persounes. Qu'ère coumû en l'Adye mieyancè. Enter autes exemples Westermack que balhe û cas curious d'abusèc d'aquere coustume estenude à touts lous animaus ou barbòus qui an causât û desplasé à las poupulacious. Aco que toque aus proubençaus e qu'ey prou dibertin. Lous amies Tessier e Azéma qu'en pouderan yudya : « Cette manière de faire, e dits Westermarck (balha aboucats ta-us animaus) semble avoir été communément appliquée surtout depuis la fin du xin" siècle jusqu'au xvin". Le dernier exemple que l'on cite pour la France date de 1845. Non seulement les animaux domestiques furent ainsi jugés, mais aussi les animaux sauvages. En 1565, les Arlésiens demandèrent l'expulsion des cigales. Le cas fut évoqué devant le Tribunal de l'officialité et maître Marin désigné comme avocat des insectes. Il défendit ses clients avec beaucoup de zèle. Puisque les accusés, dit-il, avaient été créés, ils avaient le droit de manger ce qui leur était nécessaire. L'avocat de la partie adverse cita le serpent du jardin d'Eden et divers autres animaux nommés dans l'Ecriture sainte, qui avaient encouru des châtiments sévères. Les cigales eûrent le dessous et on leur ordonna de quitter le terri1. E. WESTERMARCK : L'origine et le développement des idées morales; 2 tomes de 728 + 888 pages — page : 262, tome I — (1928. Librairie Payot). Westermarck qu'ey proufessou de sociologie à l'Unibersitat de Londres. Lou soû libe qu'ey ue minère d'endiques sus la cibilisacioû en yenerau e sustout en Urope (ço de l'Antiquitat Latine qu'ey merabilhous). �— 27 — toire avec menace d'anathème du haut de l'autel jusqu'à ce que la dernière d'entre-elles eût obéi à la sentence de l'honorable tribunal ». Westermarck que da u gn'aut exemple : en 1120 que dits qu'u abésque de Laon qu'abè yetat l'escuminye sus las cuques qui curaben lous casaus dou sou diocesi : « on regardait ces malédictions et ces excommunications comme des moyens magiques d'expulsion plutôt que comme des châtiments ». * * * Que-s pot : més l'istòrie de las cigales d'Arle qu'ey beroye. 1565, b'ey loegn aquero ! ! Mistrau qu'ous a tournât l'amou dous proubençaus per sorte... Amie, are nou s'y pleyteye mey que ta las cigales de mayourau dou felibridye... E hères de cops, aquets que soun ahas beroy tesicous, se m'an dit... ANDRÈU PIC. •a "fpaa* LOUS DEBES »■ D'ESCOULIE Birade de las " Geourgics " de Beryéli Haut au trabalh ! e que dous purmès mes de l'anade enla, de bèts braus que manéyen las terres mourudes e que l'estiu poussierut qu'arroustéche de las soues arrayades las tasques estenudes au sourelh. Mes, se la terre n'ey pas mourude que calera cap au mes de setéme, trauessa-la sensé e-y gaha goayre. Atau d'u estrém, la méchante yèrbe nou hara pas mau au blat, e de l'aute la terre magre nou perdera pas et poc de hrescau 1 de que a. Qu'y decharas arrepousa, u an sus dus, lous estouts : Atau la terre que bourira. Autamén que pouderas embòbe d'oun auras amassât aban hort de legumadye de qui lou bent hè soua las téques, e puch la bésse leuyère, e las cames tréndes de l'allias de qui hèn et brut de cassoulates; empourmou que lou lî, la ciuade e lous pabots de qui endrouméchen que cosen e que séquen la terre. Mes quan même lou tribalh que-s poudera hè, u an sus dus, à coundiciou que lou laurayre que boulhe hema hort la terre mourte e esparrica hort de créude aus cams... Atau, en tout chanya lou séme, la terre que s'apose, e sénse esta laurade que balhe toustém quauqu'arré. MARCEL CAZAUX, Escouliè de permère en Garrasoii. 1. Frescure. �— 28 — LA BOUNE PARAULE Que tiram aquéstes quauques regues dou libe dou diploumate espagnòu plâ counegut Salvador de Madariaga, doun lou libe c Anglais, Français, Espagnols » e parescou en 1930 à la N. R. F., escriut en francés per l'autou (e en permou d'aco que decham lou sou prousey dens la tiénse ouriyinau). Decap à la fi dou sou essay lou Madariaga que tratte dou « lengadye », mes, dou punt de biste lenguistic, et, que bôu sabé lou perqué de las causes, que bôu esta psicologue, e nou sabè quin las causes se soun passades. E Madariaga que-s trufe drin d'aquets filologues qui bòlen que lou Castelhâ e lou Francés e sien parlas de la mediche familhe lenguistique. O, se dit, de la mediche familhe que soun, coum arrams mourts d'û trounc latî mourt, mes per segu n'en soun pas se las espiam taus coum soun : lengues bibes. Lou Saubadou de Madariaga que defen atau, sens at decha paréche, l'ouriyinalitat de la soue lengue : mes tout ço que pense dou Castelhâ que-s pot pensa autaplâ de la lengue d'O; despuch bèt tems a que clamam qu'ue lengue n'ey pas u aha de moûts ne de formes, qu'ey permè l'espressiou dou senti dens lou parla. ANTÒNI DE BASTARD. * * * Atau beroy que debise : « Les langues sont les expressions les plus directes des caractères nationaux. Elles constituent la première impression de l'esprit de l'homme sur le monde qui l'entoure. Les mots qu'il imagine afin de décrire les choses et les émotions correspondent aux idées qu'il s'en l'ait; le système qu'il ébauche peu à peu pour utiliser ces mots d'une façon compréhensible est une image directe de la façon dont il pense. Une. grammaire est une philosophie. » Drin mey bach que tourne dise : « Or il est évident que, du point de vue de la psychologie nationale, ce qui importe ce n'est pas la masse philologique héritée peut-être morte, mais les traits que la langue résultante doit à l'action directe du caractère national qui lui donne naissance. Ainsi ce qui est significatif dans les langues que l'on nomme « latines », ce n'est pas ce qu'il y a de commun dans leur grammaire et leur vocabulaire.... mais les différences imposées à l'ancien latin commun par les divers génies nationaux qu'il a eu à exprimer pendant des siècles. » S. DE MADARIAGA (A. F. E., p. 260). �— 29 - RECLAMS DE PERQUIU Lous Mandadis. Hère de counfrays n'èren pouduts encamina-s ta Saubeterre, ligats qui èren per la loungou dou biàdye ou p'ous tribalhs de cade die. Mes, toutu, mey d'u que-nse embiaben lou lou soubeni ahiscat. Mous de Fournier, mayourau tau Felibridye, que-ns escribè : « Membre de l'Escola Gastoû-Febus, e legiguèire des Reclams despèi un trentenat d'annados, retengut à Bagnères-de-Bigorre, sus bords de l'Adour ounte passo, coumo à l'acoustumado, soun assasounat estivenc, s'escuso de noun poudre assita à vostro acampado felibrenco, mando à sous amigasses Simin Palay, Camelat e abat Daugé, amai à toutes sous counfraires de la taulejado, sous souvèts de galoi festenal e brindo — de luens mès de tout cor — à nostro eauso sacrado qu'eles apàrou tant pla ». Mous de Gaula, président de la Goudale, la soucietat ahilhade à l'Escole Gastoû-Febus, qui capbat Paris e hè brouni la léngue dou nouste Henric, que balhabe au Crabè de Mounmartre qui, are, aeuyéle per Bayoune aquéste salut amistous : « Amies, « Que-m seri hèyt u plasé de-b dise ço qu'ey nouste « Goudale » : Ue amassade de biarnés cap e tout, enclabats à Paris, gauyous s'en y a, trufandès à bèts cops, e qui s'an sentit lou besougn de s'amassa cade mes enta parla de Biarn e Gascougne, debisa en nouste léngue inayrane e canta noustes cansous. E s'at eau dise, minya la garbure dab trebucs d'auque sus palhat de cauléts chens esta per aquero hartanès. « Sabet, que. s'èm boutats touts de l'Escole à la « Goudale » e que s'y haram ta cruba d'autes ayudes, que b'en dau l'assegurance. « Qu'èm bèt drin à las admiracious d'abé aquiu Moussu-ou capera Daugé qui, coum you, ey u drin d'Arzacq; qu'y bedém dab plasé lous dus coumpagnous de batalhe Simin Palay e Miquèu Camelat e tabé nouste Louis de Latourréte qui assistabe si disen l'aute cop à l'u prumès batiòus de la Gastoû-Febus. « Doungues adichats, e hèt toustem beroy e noustes coumpliméns à nouste Reyne Clotilde la serou dou Gastou qui coundam dens lous noustes amies. « U sarrot d'amistats e lou degrèu de nou poudé èste dab bous auts ! ». Noustes counfrays, toustém drin marfandits, Paul Sabathé sostcapdau d'Armagnac e lou mèste en gay sabé Augustou de Lacaze, nou s'en poudèn ana dou larè; Cyprien de Pomès tapoc. D'autes amies qu'èren de passey, (Yan de Bouzet acera bach dens las Asturies, Louiset de Latourréte acera hore. en Suisse) e Mous de Medevielle, en terre sénte de Proubénce qui bi Abignou, Arle, Malhane oun abou l'aunou de saluda Daune Mistrau e de pourta-u lous bots de l'Escole Gastoû-Febus, en Aygues-Mourtes oun hasè boune tringlade dab Mèste Nicoulau, lou disedou de gran renoumade. �— 30 — Lou Teàtre nouste. Hèstes qu'en aboum aqueste estiu, e que crey que dens toutes, que s'y hén audi cansous e coundes de nouste. De counde-ha qu'èren las d'Aryelès en Labedâ, las de Talhan en Medoc (oun prediquè l'abat Bergey, oun cantè Bordes de Birou) las de Salies... Drin pertout que yougaben pèces dou Teàtre nouste : A Ortès, Yan de Latuque dou Yantet, à Escos e Moustey, lou Bartè de Cesàri Daugé. E que-s parech que Yan de Laplane, la nabère coumediole dou Yantet, qu'ey partit ta ha boune tourneyade à Naharrens, à Labastide e mey enlà se eau ! E dou capdau, que s'en y dabe drin pertout. Thèses unibersîtàris. Qu'abém dit que Mous de Clavé, escouliè de Gavel, qu'anabe ha ue thèse sus û autou nouste. La soue causide qu'ey hèyte, qu'a s'ou telè û tribalh sus Hourcadut lou mèste letrayre, doun bèts tros e soun classics. Que disera tabé l'enfluénee. qui poudou abé sus quauques biarnés qui abèn leyide la soue obre : J.-V. Lalanne, Daniel Lafore, Pierre-Daniel Lafore. Que-s parech tabé que Mous d'Elcocq, leyidou anglés à la Facultat de Létres de Toulouse, qu'aprèste en l'ore ue thèse sus la founetic dous parlas bascou, cheso, aragounés e gascou. Mes d'aquet parelh d'estùdis qu'en tournaram à debisa. Lous noustes yoens. L'abat Lesbordes, de Baigts, que ba èste embiat despuch cap d'an tau seminàri francés de Roume ta-y acaba lous sous estùdis. Nou credém pas que s'y desbroumbi lou Biarn; om que sab qu'ey estât lauréat dous noustes Yocs, qu'ey deya predicàyre en léngue mayrane; de mey que publicaram lèu dens lous Reclams las soues prumères obres d'escribà biarnés. Bisque la yoentut nouste ! A Bagnères de BigorreAutalèu qui sabou que lou nouste Capdau que s'ère estallat à Bagnères per l'estiu, lou Président de la Soucietat Ramond qu'où demanda de biéne-y debisa. Atau Simin Palay que parla, en yulhet, de las noustes cantes anciènes e en septéme dous arreprouès. Que y abou hère de beroy mounde e las gazétes que-ns an après que s'y èren hère plasuts. Osco ! coum disen lous Proubençaus. Nabèt counserbadou dou Musée d'Auch. Lou pintre Lacoste, lou plâ-factou qui dou sou pincèu de mile coulous illustrabe la sale d'aunou dou Castèt-hort de Maubesi, que dèche la plane garounése e que s'aprèsse de Tarbe e Pau. Qu'où hèn, en û cop, counserbadou dou Musée d'Auch e dinerè de la Soucietat arqueoulougic. Que sie lou pla biengut dens la ciutat dous coustalats qui maduren l'arrasim d'or oun escadera counfrays dous noustes en bèt escabot e lou soubeni, biu encoère, de tandes d'auts aylas ! qui yasen débat la pèyre. E are, are qui ey coume au ras, qu'où beyam à noustes amassades ! �— 31 — L'arcoelhénce au degâ Costedoat. Mous de Costedoat que dèche Mourlàs enta Ortès. Au brespè qui seguibe la ceremounie de l'enstallacioû à la glèyse de St-Pè, û ahoalh de capulats que prenoun la paraule e ta counclùdi lous saluts, nouste counfray Cambus, caperâ de Baigts e proufessou de biarnés au coulèdye de Mouncade, que rapelabe dab hère d'à perpaus quin Gastou VII, biscoumte de Biarn abè pourtat de Mourlàs à Ortès lou capdulh dou sou reyaume. Loungademéns ! Ue obre de Jelyotte. Tout ço qui toque au Biarn qu'ey nouste. e per s'en èste anat ta Paris, lou famous cantadou Jelyotte de Lasseube, nou-n demoure pas mench ue glôrie biarnés.e. Nou desbroumbam pas tapoc qu'a hèyt la musique d'aquére tant beroye cante qui sabém touts : Cessât boste ramàdye Aymàbles auseroûs ! Hè dounc, lou nouste toustém ahoegat escouliè, Mous de Broquès d'Aulouroû, qui abè troubat mentabude ue obre de counsequénce de jelyotte, ue coumedie-ballet titulade Zelisca, yougade à la cour de Louis XV, qu'a birat mouns e mars dinqu'à que la retroubabe; aco qu'en ey ue chance ! E miélhe encoère, ue escoulière nouste, Daune Le Blant, d'Arette, qu'a prés la péne de recoupia toute la particioû à la Bibliothèque Nationale, de. manière que s'y pot espéra de poudé ha enténe aquére obre dou nouste coumpatriote. En mey, mous de Zangroniz, biblioutecàri de la bile de Pau, à la pregàri de Mous de Broquès, qu'a troubat us-quoandes rense.gnaments sus Zelisca e lou Glaneur d'Oulouroû qu'ous a publicats lou 19 de septéme. Reyuim-se d'aquére nautat e coumpliments à touts lous qui l'an tournade à la luts. Lous d'Aulouroû qu'an abut deyà la nautat de quauques beroys passàdyes. U councours d'arreprouès. Hens lou baient yournalet Occitania, Peire Lacas que hè ue proupousicioû qui n'ey pas brigue mau troubade : que bouleré que s'y hasousse councours d'arreprouès nabèts. Nou seré pas dounc lou fèyt d'amassa-n d'ancièns, nàni, mes d'en créa d'autes qui, tout en esta de nouste temps, e balerén toutu ta touts lous temps à biéne, coum aquets doun se dits que sount la sayésse dou mounde, e qui, arribats dou houns dous sècles, an goardat tout lou lou pés de bertat, toute la loue balou d'umanitat. E aquets dises nabèts, si èren plâ escaduts, lançats à d'embat dou pc-ple, que serén counserbats per et e qui bienerén aumenta la nouste fourtune espirituau. O-be-o ! boune idée e qui ne eau pas decha càde à l'aygue. La Marie-Jane s'ou cap. Au numéro dou 19 de setéme, sus la perinère paye d'u yournau bourdalés, que poden béde en imàdye escabot de houngréses dansan dab ue boutélhe s'ou cap. �— 32 — Que y-a de nau dens aquére danse ?... En tout cap qu'ey counegude en Gascougne, e à noustes hèstes d'Ayre en 1922, bertat Daugé ? qu'aboum plasé d'espia quin û paysâ de Suberhagues, au sou de la léngue, e dabe dus ou très cops lou tour de l'empount en dansan dab la Marie-Jane ploumade sus lou sou cabos. U Dicciounari dou parla « Cheso »■ Noustes leyidous que-s broumben lhèu d'u brac estùdi hèyt dens lous Reclams, per Mous de Mendèz-Coarrasa, reyént à Hecho, en Haut-Aragou sus la parladure d'aquét païs, qui-s trobe èste lou gascou antic d'aquéres entremères. E bé doungues nouste amie Mendèz qui bèt tems-a s'abè amassât entad et, û sarrot de moûts e tèrmis « chesos » qu'ey estât cargat « pel Centro de Estudios Historicos de Jaca » d'en ha û libe. La Soucietat que-s cargaré de la publicàcioû d'aquére obre. Aquet recoelh que seré lou coumplemén dou Dicciounari de Palay e dou Dicciounàri de Sarrieu (encoère inédit). Aném, aném, lou gascou n'ey pas mourt, pusque de. toutes mas se lhèben lous oubrès ta la boune messibe. Rebistes « circulantes ». Dus ou tre.s ans a, Daune Ayrix, de l'Escole Gastoû-Febus, qu'a entreprés de ha passa, en lecture, ues-quoandes rebistes de lengue mayrane : Lous Reclams, La Paraula Cristiana e Esplai, la hoélhe illustrade catalane. Drins à drins d'autes rebistes que seran mandades atau. L'abounamén qu'ey de 30 liures, e per toutes las endiques que eau escribe à Daune Marie Ayrix, aus Casses per Soupex (Aude). Mench-hidat-be dous « gendarmes ». Lous noustes amies Reboul e. Ricard de Marsélhe qu'èren en tri de pausa afiches en proubençau oun parlaben de fédéralisme e oun s*abèn desbroumbat de hica lou timbre. U « gendarme » qu'ous y gahabe à d'aquet tribalh e. que hé proucès-berbau : Be calé pla sauba la Republique ? L'aharot biengut en yusticie de pats e pleyteyat per M' Frédéric Mistrau, aboucat en Abignou, n'a pas abut nade seguide. Lous dus maufactous qu'èren acquitats. Benaye sie ! Hèstes de Scèus. Coum cade estiu lous felibres darrigats à Paris que soun anats en beuraymadye tau casalet de Scèus oun soun lous caps de la Renachénee : Nouste amie, lou mayourau Loubet que miabe lou branlou. De mey, dab l'ayude dou Counselh municipau, Y. Loubet, que s'a dit d'abé û Libiè d'O, û larè dens une sale de l'Oustau de bile. Lous autous que soun hère pregats de l'embia las loues obres : Carrère Pasteur, à Scèus. �— 33 — Nouées. Aquéste mes d'aoust, lou ségne Capouliè dou Felibridye. qu'a maridat la soue aynade damisèle Magali Jouveau dab M. Rougiè Chapal. i| Au noum de l'Escole Gastoû-Febus, lou Capdau qu'a mandat ue carte au Capouliè dab lous bots que hèm touts aci tau bounur dous nòbis. Diu qu'ous dàssi pats e maynats ! E que l'amie Jouveau boulhi agrada lous noustes coumpliments couraus. Permou dous noustes DéfuntsLa rebiste Calendau, doun mentabèm mey d'u cop, la bère tiengude e l'endabans qu'a counsacrat lou sou numéro de yulh au soubeni dous sourdats mourts à la guerre. Qu'y soun lous de case nouste e que disém gran mercés aus gabidàyres de ço que-nse y hasèn léye las yénees cantes : Lou Pâ, de Begarie; La Flahute, de Lartigue. Lou Biarnés en RussieU liberàyre de. Moscou que bién de demanda û dicciounàri au nouste Capdau. Qu'abè deya recebut coumandes de las dues Amériques e de. toutes las nacioùs d'Urope, ou poc s'en manque; d'aco noû y abè pas à s'estouna, permou que la maye partide de las granes Unibersitats qu'an cadières de Lengues Roumanes, mes qu'en Russie s'enterèssen aus noustes parlas, aco b'ey prou curious enta qu'estousse dit. Mous de Rahola ministre. Nou credèm pas toutu qu'entre Barceloune e Madrid que s'anaben da las pats autalèu; û catalâ, Mous de Rahola, que passe ministre, ya que mémbre de la Llign regionalista, oun mestéye coum saben lou Cambo, et tabé ministre bère. troupe de cops. Bani are, per quoan de mesades ou de semanes, lou Companys, coundamnat à trénte ans de cuyole, ey tiengut darrè lous barroulhs. Gauyous. Touts aci que-s reyuiran en apréne que Daune Coustet, qui hou la nouste reyne oundrade, qu'a recebut la rouséte briulete de l'I. P. Que boulhi agrada lous noustes respectuous coumpliments e pla couraus. — Mous de Badiolie, proufessou de biarnés au coulèdye d'Aulourou, qu'a acampat ue mencioû au councours de la Soucietat d'Estùdis occitans dab lou sou estùdi : Aussau, la soue istòrie, la soue lengue. — Nouste yoen poucte, Teofile de Caillabère, que s'a arrapat ue prumè yolhe au councours de l'Escole de Guyène de Bourdèu, dab la soue pèce Pèys aymat qui nou bam triga de publica. — Nouste counfray catalâ, René Durand, proufessou au Lycée d'Alger, qu'ey recebut en Garbe ta l'Agregacioû d'Espagnòu. Qu'où ne hèm coumpliméns amistous. �— 34 — — Enço de Lacarrau-Petit, Capdau dous « Dansayres de Baigts » que y-a badut u gouyatot, segoun de la coade. Qu'abém l'ahide que dab lou sou rayot aynat que prenera û die la place dou sou pay e dou sou ouncou ta dansa d'û medich balans lou « Pas d'estiu » e lou « Yan-Petit ». Lous Défunts. U pa de. yoens séminaristes, d'Arête en Baretou, lous abats Houndagnèu e Gaillardou, que s'èren anats bagna dens lou Bert, û d'aquestes prumès dies d'aoust. Talèu dens lou briu, l'abat Houndagnèu qu'ère sasit de ret; maugrat qui-u tirèssen de l'aygue e qui-u soegnèssen nou s'en hé arré, qu'ère mourt. Qu'ère ue espérance : Balént e sapiént que s'ère hèyt counéche p'ous sous predics biarnés au Gran Seminàri de. Bayoune. Diu que Tayi ! — Yan dou Gouf, lou fidèu counfray de Capbretou, qui tire sus lous 82, que bien, malaye ! de pèrde la soue rhoulhè, coumpagnie soue despuch cinquante ans. — Qu'ey dab plâ de péne tabé, qui abém après la mourt dou nouste fidèu escouliè Moussu Paul Forsans, de Lago, fray aynat dou brabe Moussu Yules, mourt que y a quauques més. Que pregam lous Perdénts de créde aus noustes sentiments de dòu pregoun. L. R. NABETHS COUNFRAYS Mlle Minvielle (Nadine), « L'Oustau », à Sauveterre-de-Béarn (B.-P.). MM. Delaygue, inspecteur d'Académie, Tarbes. Larrieu-Baron (Albert), retraité à Sauveterre (B.-P.). Elcock (Wd), 50, boulevard d'Arcole, Toulouse. Buzy-Pucheu (Maurice), à Bordères, par Bénéjacq (B.-P.). Sault, place St-Pierre, Orthez. Minvielle (Henri), adjoint au maire, Sauveterre (B.-P.). Gastellu (Marcelin), à Sauveterre (B.-P.). Prat (Jean), maire à Araux (B.-P.). le R. P. Mirande, Carmel de Bethléem, par Jérusalem (Palestine). Cazaban (Joseph), boulanger à Clarac, par Nay (B.-P.). Puyau (Henri), à Laroin (B.-P.). Courtiade (Bené), 10, rue Jean-Nicot, Paris. Cantet (Abbé), à Sarrancolin (H.-P.). Institut d'Etudes Méridionales de la Faculté des Lettres de Toulouse, rue du Taur, Toulouse. Puyau (Jean), à Laroin (B.-P.). Massartic (Pierre), collège Saint-Caprais, Agen (Lot-et-Garonne). Latapy (Abbé H.), Grand Séminaire, à Bayonne. Crabos (Abbé), Grand Séminaire, à Bayonne. Lesbordes (Abbé A.), Séminaire français, 42. via Santa Chiara, Borne (Italie). Cazebonne (Mlle Germaine), profr à Espiute, par Sauveterre (B.-P.). �— 35 — LAS REBISTES En cèrques dou Bounur Amie Talhur, La toue darrère batalère que m'a balut ue prouseyadote dab lou Yantin de Tirehum. Que la te bau desgumera aci rie per rie. Qu'èm à la sesou de las cerises. Per nouste parsâ, aquére frute qu'ey meylèu qu'arré mey drin riale augan e que eau courre ta trouba u guindoulhè dab u beroy floc de las madures. Dounc, aquestes dies, que hasi coum lous gays, que seguibi ue arribe de plèch ta poude cerisa, si s'escadè. Que cadouy sus Yantin de Tirehum qui s'oumpreyabe débat u nouguè. Qu'abè birat u aròu de hé e que l'espiabe à seca. Lou mey bou e lou mey balén deus heyadous qu'ey lou sourelh e que eau coumbiene qu'aquet oubrè nou s'ey pas hèyt prega augan ta balha ayude au paysâ. Moun Yantin qu'abè ue pausote ta batala e nou manqué pas de tira lou hissou : — E hèt bous tabé coum lou Talhur ? si-m digou. E sercat las oumpres e la frescure ? Per aco, eth qu'a gahat sendès oun se pod bira mey que nous autes las hissades de l'arrayòu. Mountagnes ayreyantes, aygues fresques, oumpres espésses, tout aco, bèt cranc ! qu'ey plasé d'at poude trouba dab calourasses coum las qui abém. — Atau que hè qui pod. — Bertat qu'ey. Aquet diable de Talhur que déu abé coque de la hourneyade au cor deu cabinet e las coentes deu hé, deu milhoc, de las bits, ballèu deu roumén à sega, ne-u deben pas balha hère de coupamens de cap. — Que bos ? Lous talhurs e las cousturères qu'an lou tribalh à l'acès per l'ibèr e à l'oumpre per l'estiu. Que houdyen, que dalhen, mes l'agulhe n'ey pas lou houssé e lous cisèus nou soun pas lou dragou. — Y'at coumpréni, mes toutu, que eau coumbiéne que d'esta au frés qu'ey mey plasén que de-s cose coum chingarres au miey deus prats e d'abé à cade péu la goûte en embourdan lou hé débat las bisquères. — Atau qu'ey la mode. Nou-y a pas u òmi de counten débat la cape deu cèu. Lou qui hè u tribalh, que trobe lou tribalh deu besi mey aysit ou mey abantadyous. Quoan plau, om que bouleré sourelh; quoan lou tenelh de la calou ey trop escousén, om que bouleré plouye. Au més de may, quoan pichabe aygue à cautères, touts que hasèn : nou hara pas yamey estiu. Bidare, touts que plouren; que caleré drin d'aygue. — Per segu, mes ta tout que caleré mesure; lou trop qu'ey trop. — Tout per sesou, gouyat. Que calé plouye ta ha poussa la yerbe; que eau sourelh e deu caut ta la ha seca. Tout que ba plâ si om at bòu ou si om at sab coumpréne. De que-t plagnes ? Qu'as aquiu u cam de roumén hèyt ta espia. Lou milhoc qu'ey rauyous de bade. Aqueste hé qui bas estrussa, qu'ey de prumère qualitat e que-y a abounde... �— 36 — — Abounde ! Abounde ! Que parlât adayse. Quoan n'y aberé mey, que m'at preneri. Coum dits l'arrepouè : E-y a hère d'erbe ? Amasse-la plâ, que n'auras besougn. Nou n'y a pas goayre ? Amasse-la plâ, prou nou n'auras. — Ço qui rebié à dise : t'at ha countén, que caleré parti tau pèis deu countentè, E aquet pèis, qu'ey dilhèu en quauque part, mes, per segu, pas sus la terre. Om que bare, om que tournéye, om que cerque e yamey om n'ey countén deu sort. Coum cante l'aulhè deu bielh Nadau : N'ey pas entaus praubes pastous, Lou sort urous; N'esté yamey nouste partadye Lou sort urous. E bédés ? Tu que trobes lou Talhur urous permou que-s pod ana fresqueya per las aygues de Bagnères ou nou sèy pas d'oun ? E lou praube Talhur que deu ana ta d'aquéres aygues ta s'ana « perbouca lous arnélhs, lou hidye, l'estoumac e tout ço d'aute ». E eth, en gahan ta la mountagne, que-s pense : « B'ey dounc urous lou Yantin qui sude au miey deus cams e qui-s tire atau de dessus las umous, lou sang agre, las raquères qui caden, coum la brume sus las bits, liens lou sang deu qui demoure tout l'an acuchoat, arroumerat coum u gusmèt de hiéu sus ue cadière ». — Oh ! si parlam de. malandrè e de raquères, que siat per dehens ou per dehore, qu'ayat u mestiè qui hè suda ou u mestiè oumpriu, que créy qu'ey perréc cabadére. Nou-y a pas choès. Lou mau qu'arribe parié. Aco qu'ey l'istoère de la lèbe e deu sapou. — Counde-m aquére istoère ? — Nou la sabét pas ? Que. m'estoune. E dounc, la lèbe e lou sapou que-s troubaben amasse au pè d'ue mountagne u matî abans die. — Pariém quauqu'arré, si hè la lèbe. — E que ? si respounou lou sapou. — Qui de tu ou de you sera lou purmè ta béde lou sourelh lheba-s ? — Auta plâ, coum boulhes, si-u hè lou sapou, plé de counfience. Autalèu, la lèbe que gahe lou galop tau bèc de la mountagne, plâ segure que lou sapou nou la poudera pas segui. Au cap d'ue ore, qu'arribe au soum, que-s plante decap au sourelh qui arrayabe e que s'arrebire decap au houns ta béde oun e.y l'aute. Lou sapou, qui n'ou s'ère pas mautat, que parabe la panse decap au sourelh despuch ue ore, lou tems qui abè hicat la lèbe ta-s sourti de l'oumpre de la mountagne. Quoan la lèbe l'aperè ta-u dise que bedè lou sourelh qui-s lhebabe, Faute que-u respounou : — E you que-u béy despuch ue ore qui ès partide. Lou sourelh, quoan tire lou nas, que bad ta touts, taus qui soun arrestats coum taus qui courren. Lou mau qu'ey parié. Qu'arribe tout soulet, taus qui-u cerquen e taus qui l'atenden. Las oumpres que badèn loungues. Yantin que-s lhebè t'ana sarra lou hé. You, que tirèy en daban. Adiu, amie, e sies urous, puchque, ta-n esta, e suféch de. s'en créde. (Le Patriote). • L'ESBAGAT. �CAPBAT L'ARRIBERE LOUS MEMORIS D'U CLERC (Seguide) III L'ibèr que passa. Aci, que b'èy à dise que despuch lou dusau die de. l'an, cade cop que-m èri lhèbat dab degrèu. Que-s parech qu'enta ha-nse puya tau cèu, siengue presénci aus auficis e medich las pregaries, arré nou coumpte s'om at hè per force. Si lou cas ey, que pouch dise qu'èy pergut bèt arramat de gracies dens l'ibèr oun estey serbidou. Lhèu, coum meritis m'en gagnèy toutu quauqu'u en ha la quèste dous souricots chens yamey plàgne-m au Curé, e chens nat cop abraca la passeye maugrat las afrounteries de la gouyatalhe. Be-m ère dû, sinou, de tira-m de débat la prigue enta m'en ana ta dehore oun tourrabe ! Droumi que. hasi coum u tarroc e, dèts cops mey hort lou capera qu'aberé poudut péne-s à la campane, nou l'aberi brigue entenude. Mama, per bounur, qu'ère aquiu ta biéne-m desbelha. « Haut, uiaynat, si-m hasè tout doucetes, en me baylan lous peus, lhèbe-t, misse que soune, qu'ey Fore. » E miey adroumit que-m apelhàbi. Dehore, quoan y hicàbi lou nas, que hasè noeyts escure. Au gran courre, tant qui las cames m'en poudèn da, que hasi la trèyte, pas loungue, urousaméns, de case ta la glèyse. N'èri pas, ta dise, pauruc, mes au méndre brut toutu qu'estreytàbi. Hè ! lous câs regan las murralhes, taplâ qu'aberén poudut esta loups-garous !... Tout eslenat, qu'entràbi hens la capère tant per tant esclayrade per ue ou dues candéles, ço qui la me hasè trouba réde coum lou glas. En abance, nou crey que siey yamey arribat, qu'ère meylèu lou countre, tabé y'enteni : — « Aném, toustém parié ! Bè biste da lous très trucs. » Aquéstes, nou-s daben que quoan lou serbidou ère à pè d'obre. Si, de Fapèu de la misse aus très tranguéts e s'y passabe trop loungue pause, tout lou bilàdye que sabè que-m èri tournât adroumi. U cop, que mandèn ue biate. ta biene-m cerca. B'en estey you counfus ! Per Carnabal, qu'abouy u batiòu, lou soul qui àyi hèyt dens lous nau mes oun estèy serban. D'aquet tems, ye s'en y soabe, batiòus, hère mey qu'au die de oey, mes, brique, chansut, cade cop qu'ère Faute qui ère de senmane. Qu'abouy toutu lou gay de trouba-m à d'aquet e lou payri que hé las causes deplà. �— 38 — Que-m balha dèts sos, e à la hourréte, que yeta tabé bèt pugnat de mounéde, piàlhou per piàlhou, coum se hè, ta ha coume la maynadalhe. Nou riscabe pas d'esta trattat de « payri de crèscous ». You, nou sayèy brique d'amassa encoè tàryes à la hourréte. Qu'èri pròpi, puch n'aymàbi pas lous hougnats; or dounc, que y'abè mey soubén bougnats, cops de pugn, dits esmapats que galabîs arrapats... Lous dies qu'aloungàben; deya, lou mati, mey adayse que-m ayreyàbi, puch, las hèstes qu'arribàben. La permère qui, taus maynats, ey bèt drin de counde-ha, qu'ey la dous Arrams. Aquere que s'en porte la bole, lous drolles qu'an lésé, labéts, de ha lou mey de brut; dounc, que soun lous mey urous. Coum serban, qu'abouy pla lou plasé de passa ta dehore dab Moussu Curé e l'aut serbidou. A trebès las portes barrades, que-nse respounoum dab lous chantres e lou troupèt dous parroupias demourats liens la capère. Au cap d'ue pause, au truc dat p'ou Curé, las portes qu'estoun alandades e la misse lèu que coumença. Mes, be-m hasè dòu aquet die de nou poudé mescla-m à la batsarre de las arrames ! Daubus que-n abèn de granes coum arboulots, e dab quin plasé crouchiben las broustes dous besis ! Nou poudi que drin guigna; countenta que-m debi de l'arrut de las hoélhes qui bienè dou cournè dous drolles. La senmane sénte, toute plée d'auficis qui nou-s hèn qu'u cop dens l'anade que la seguibi, labéts, dab gran plasé. A la misse dou didyaus sant, las campanes, pendén lou cant dou « Gloria », que-nse disèn l'adichat abans d'ana ha u tour per Roume coum at hèn créde aus chins. Ta nous auts, lous serbidous, qu'ère la yoye. Carades las campanes, be calé toutu apera lou mounde à l'ore de l'aufici ? Séngles carrasques aus dits, que gahabem per las carrères dou bilàdye e, cadu de soun coustat, que hasèm bara la manicle en crida : — A l'aufici, à l'aufici ! Drin arraucs, que tournàbem, mes lou mounde que-ns abèn hèyt coumplimens e qu'abèn dit : « Qu'y bam, maynats, qu'y bam ! » E que bienguèn. Lou sacristâ, segut daban ue réngle de luts, lou petit estupadé à la mâ, qu'ère prèst. Talèu la permère yeremiade acabade, qu'estengou la permère candéle. Lous oelhs dous maynats que-s yetèn sus las luts e lou qui las estupabe. La dusau nou 'sté 'stengude qu'au cap d'ue pause e las plouremiquères qu'èren de mey en mey loungues. Tabé, au cap de cinq ou cheys qu'abeyabe. Au libe qui tienè, nou seguibi pas mey, qu'en abi l'arregole e n'èri pas lou soul. Lou chantre, qui s'ère gahat à l'ue. de las mey loungues patricoles, que s'esbarri p'ou miey-loc, lous oelhs qu'où se bouten à ha zitzétes. Coum bedè qu'anabe estroupia lous moûts, que sauta biste ta la darrère arrèque en y hican lou trabadé. La bouts que hè labéts lous arremoulis e arricouquets qui apèren la fi. Estounat, lou Curé, autalèu de lheba lou cap : « Perqué, si-s pensabe, escurte atau lou tros ? » �— 39 — Quoan, l'aufici acabat en demanda l'esplic, lou chantre de respouné-u : « Hèy, Moussu Curé, lous oelhs nou bedèn mey luts, labets, meylèu que de-m arresta cop sec, ço qui aberé hèyt arride lou mounde, que-m soy dit : passém lèu ta la fi, Moussu curé soul que s'en abisara ». Touts qu'en arrigoun, e à maugrat aquere mieytat de yeremiade panade au boun Diu, pénsi que l'aufici qu'esté parié de proufieyt taus parroupiàs. Ço qui-m plasè qu'èren lous cambiaméns d'aquets dies. Lous dibés tout que-s passabe à l'auta de la Bièrye, l'auta-mayou qu'ère despulhat. Lou dissatte, las campanes que tournaben gauyouses, e que hasè gay d'enténe-las. A la hount batiadére, aquet matiau tabé que benadiben l'aygue e la pèyre-ségne boéyte, entertan qui èren de biàdye las campanes (ço qui atrapabe quasi tout lou mounde) que tournabe abé la soue resou de trouba-s à l'entrade. Dehore, benadit tabé qu'ère lou hoec de broustes de laurè de l'an abans. Amassades, aqueres brases que serbiben ta da la Ciér. Lou diménye, Pasques soulèmnes ta las granes persounes e taus maynats lou sudyèc de la debisade sus la mouléte. Au qui mey la bouhèsse. En ço de l'u, qu'ère espésse de quoàte dits, en ço de l'aut qu'ère très moulétes qui abèn hèyt, la permère dab lardous, l'aut dab pus e la darrère. dab frechines. Tantpis si n'ère pas bertat ! que s'èren touts couhessats la belhe e be que calé pla tourna hourneya ! (Que seguira.) ■s ZABIÈ DE PUCHÉU. ^T'ff» MOUNDE E £■ CAUSES DE LENGADO Centenàri de la Soucietat arqueoulougico de Beziès I. — L'ARQUEOULOUGICO E LOUS FELIBRES A Simin Palay. Lou 8, 9 e 10 de mai 1934, la Soucietat arqueoulougico, scientifico c literàrio de Beziès festejèt soun centenàri. Nostre counfraire, lou Majoural Vinas, ancian président d'aquel groupamen, aviò pensât à faire endeveni taulejados, regaudissenços e escourregudos ambé la Santo Estèlo de Clermount-l'Erau; mès, per diferentos rasous, lou proujèt toumbèt dins l'aigo, e, es en même tems que lou Coungrès de la Fédération historique du Languedoc que se debanèt lou prougramo d'aquel centenàri. �— 40 — Ne parlarem per dire — ambé nostres regrets que lous felibres i ajòu pas près uno pus grosso part (que sioguèt pas lour fauto), al coustat des « manteneires » Salvat, Tresserre, Boyer-Montegut, représentant l'Academio des jocs flourals de Toulouso — lou rôle impourtant que nostro Arqueoulougico a jougat dens lou felibrige, sous raports ambé Frédéric Mistral e lou gascou de trio : Vincens de Bataille. * * * Beziès aviò uno academio loucalo à l'epoco del rei Francès P. Ne foundèt uno autro, suvenciounade per Enric IV amb' la creissenço de l'impost sus la sal, en setembre 1599; uno tresenco, al siècle xvmeau, que Mairan n'èro membre e que s'atudèt à la Revouluciu; uno quatrenco, al siècle seguent, ambé Viennet, e Jaques Azaïs... La Soucietat arqueoulougico, scientifico e literàrio, vengudo après, sioguèt creado lou 28 d'óutobre 1834 per ranima dins l'encountrado, per soun esemple e per soun obro, l'estùdi des mounuments d'art e d'istòrio, lous apara contro la destruciu, ne retraire las bèutats, ne recerca las ouriginos, las esplica, e, de mai, acampa toutes lous que poudriòu dintra dins soun gabinet arqueoulougic. Soun burèu, counstituit lou 6 d'abrial de 1835, metèt à sa tèsto, coumo président : Jaques Azaïs, bastouniè de l'ordre des avoucats, que sioguèt l'autou de dous voulûmes de « Verses patoueses » e d'un bèl oubrage sus la fourmaciu e l'espandimen de la parladuro des ornes, entitulat : Dieu, l'homme et la parole. Nostro Soucietat s'oucupèt pas soulamen de counserva e d'acampa las pèiros anticos, de deschifra las vièlhos inscripcius e lous pergamis poulsouses; mès faguèt lèu-lèu quilha dins nostro vilo l'estatùo en brounze de P. P. Riquet, creatou del canal del Mièjour, pèi — e es aqui que ne voulèm veni — decidèt de remetre en glòrio nostro bèlo e sabourouso lengo mairalo, riquesso de nostre sol e de nostro raço. Publiquèt aladounc, dins sous prumiès Buletîns : la Crounico de Mascarò, la Crounico de Mercier e Régis, la Leude mage e menue de Beziès, e, dins la seguido, forço autros crounicos ou chartos en rouman. Soun saberut secretàri, Boudard, faguèt sas troubalhos celèbros sus la lengo iberico e basco. VArqueoulougico paguèt un superbe tribut à la filoulougio e à la letraduro roumano amb' d'obros de touto meno; reeditèt quasi toutes lous libres de nostres ancians escrivans d'oc. Soun secretàri perpétuai, Gabrièl Azaïs, que nous a laissât : Les troubadours de Béziers, Las vesprados de Clairac, Lou reprin e qu'aviò dounat à l'emprimaire lous 30.000 verses del Breviàri d'amor de Maffre Ermengaud, faguèt espeli soun precious Diciounàri des idiomos neoroumans del Mièjour. Va sens dire que toutes lous felibres majourals bezieirencs aro defuntats sioguèrou membres de la Soucietat arqueoulougico, declarado d'utiletat publico despèi lou 14 d'abrial 1874, e qu'i countunièrou poulidamen aquel presf ach : Frédéric Donadieu, l'autou del libre : �Les précurseurs du Felibrige, Junior Sans lou teisseire d'Un moulou de telados, Jan Laurés, lou cantaire del Campèstre. Va sens dire que quasimen toutes lous Majourals e Mèstres en gai-sabé qu'encaro bùfou, sou estats ameses dins aquel group tant afougat per nostro causo, afllhat d'aiours al Felibrige en 1911. Mès ço qu'a ajudat niai que tout nostro lengo e lou Felibrige es lous Jocs tlourals ourganisats cado an per Y Arqueoulougico e que sous preses, counfourmamen à la tradiciu, ne sou distribuas lou bèl jour de l'Ascenciu. Aquelos ajustos literàrios sou doubèrtos à toutes lous pouëtos, valent-à-cîire noun pas soulamen à lous que cantou en francés mès atabé, e despèi 1836, à lous que Dante apelavo lous pouëtos del « parlar materno », as felibres, d'ounte que vèngou. h'Arqueoulougico a d'autant mai de mérite de lous aveire sounats aital à sous councourses qu'à la même epoco l'Academio toulousenco — creado per sèt cantaires de lengo roumano per recoumpensa lous pouëtos de lengo roumano — reservavo toutos sas flous as rimaires francimands, e, qu'en 1872 encaro, malgrat lou fougous sirventes de YAràbi (Albert Arnavielhe) As quaranto manteneires des Jocs flourals de Toulouso, que lou darniè vers de cado estrofo li cridavo : « Oh ! rendès-nous las flous d'isauro », nostres academicians des bords de la Garouno se tancàvou las aurelhos. Lous milhous de nostres mouderne.s troubadous, atirats de toutes lous caires del Mièjour, « dis Aup e Pirenèu », e que sou devenguts de mèstres renoumenats dins lou Felibrige, sou estats courounats per elo. * * * Res d'estounant aladounc que Jaussemi i sioguèsso vengut douna aquelo vèsprado qu'avèm delatado dins lou numéro de Garbe des Reclams e que Frédéric Mistral, l'ilustre paire de Mirèio, aje fach partido de Y Arqueoulougico, e entretengut ambé sous membres de raports entimes. Aqueste assistèt, ambé Roumanilho, l'autou dis Oubreto, à la sesilho soulenno del 5 de mai 1864 ounte se faguèt ausi. La paraulo sioguèt dounado à Frédéric Mistral, plaçât davans lou burèu. Toutes lous èlhs èrou virats dau la bèlo e noblo caro del pouëto prouvençal; toutos las simpatios lou saludàvou. D'uno voués tindanto e espressivo qu'acoumpagnou de gèstes noun mens espressius, Mistral recito soun Odo i troubaire catalan. La pèço es perfetamen causido. L'elevaciu de la pensado, la noublesso e la forço de l'espressiu ne fòu uno trobo vertadieiramen academico. De mai, counveniò pla à-n-uno sesilho arqueoulougico pèi que lou sujèt es près à l'epoco lentano ounte Ramoun IV, comte de Barcelouno, espousèt Doulço, eritieiro del reiaume d'Arles, e juntèt joust sa maternalo douminaciu, lous coumtats de Barcelouno e de Prouvenço. Las prumièiros estrofos nous reportou al siècle xnenc. Lou pouëto i regrèto lou tems urous ounte soun païs aviò sas leis particulièiros, �42 — sas immunitats coumunalos, sa lengo puro de tout mescladis, tout ço que counstituis enfin la naciounalitat. Declamo calourentamen contro la Crousado de Simoun de Mountfort, contro l'envasiu del Mièjour per lou Nord. Mès, tout d'un cop se ravisant, prend de nobles acents per canta l'unioun des Coumtats à la courouno de Franco. « Tout, nous dis, dins l'ordre divin, se fa per lou be de toutes... Quand la mar es furiouso e amaliciado, que lou tems es ourajous, lous pichots barcots vòu mai seguramen navegant en counservage... Car es bon d'èstre noumbre, es bèu de s'apela Lis enfant de la Franco ! e quand avès parla, De veire courre sus li pople, De soulèu en soulèu, l'esperit renadieu E trelusi la man de Dieu De Solferino a Sebastople ! Aquelo pèço sioguèt souvent entrecoupado pes aplaudimens de l'auditòri voulguent prouba al pouëto que coumpreniò pla sa lengo (coussi l'auriò pas coumpreso quand èro tant pla parlado !) e que sentissio touto la bèutat de sas estrofos. A l'odo, Roumanilho faguèt segui lou Conte, amb'uno causido mannado demest sas noumbrousos prouducius; debitèt sa tròbo : « Lou partage » un pichot cap-d'obro dedicat à Jan Reboul, de Nimes, un autre engèni de nostre Mièjour. Mistral, dins uno talo escasenço, recachèt de la part de nostres counciutadans un testimòni de viva amiraciu, talamen que presavo forço nostro vilo. Un esemplàri de Ncrto troubat dins la biblioutèco d'un de nostres counfraires porto, de sa plumo, aquestes verses : Libre, sabe pas per quau siès, Mes vite vai-t'en à Beziès ! En 1904, après las marcos d'estacamen qu'aviò dounados à Y Arqueoulougico — noutadamen à l'oucasiu de la Santo Estèlo de 1902, que se faguèt dins nostro vilo — li adressèt soun retrat gravât per Hébert amb' aquesto flatouso dedicaço : « A la Soucieta arqueoulougico de Beziès qu'avons tòuti dins lou Mièjour acourajè la respelido de nosto lengo mairalo, mis amistanço e bon salut ». Aquel retrat adorno lou sèti de la Soucietat, ambé las tèlos pintrados représentant foundatous ou présidents, e uno gravaduro d'Edouard Marsal, datado del Ie de nouvembre 1886, moustrant Teodoro Aubanèl sus soun lèit de mort. RENAT FOURNIER, lengadoucian, �LOUS LIBES Essai sur les Chants et Danses de la Vallée d Ossau Par RENÉ BREFEIL. Aquet beroy liberet de setante hoelhes que bien de pareche a l'Emprimerie de l'Indépendant de Pau; que l'y traubarats adayse dab cinq pecetotes de bint sos. Moudestamen, l'autou qu'apère aco u Essay. Mes b'es doun lou bèt tribalh de gauyouse balentie, de grane pacience e de boune sapience ! Qu'ey sustout ue obre mantienedoure de bielhes tradicious e de beroyes cantes trop dellechades e desbroumbades peus bielhs, descounegudes ou arrenegades per la joentut, car arrés dinquòu die de oey n'abè hiquat en letres de moulles u tan bèt garbot de bielhes cansous de tout escantilh ; tabé que se-n anaben petit a petit, peramou que nou s'aprenèn que de memòri, per cô ; lous cayerots de l'u e de l'aude qu'es perdèn e nad d'aulhous n'ère coumplit. Dies-a, la joenesse aussalése qu'a dechat la danse au sou de la cante, au sou de la mousque, coum disen. E pourtan qu'ey atau qui s'y apren a plâ merca lous punte-pas, a ha lous agradius triscats de pès, las lurounes camades en ahupan e lous gaymans tours de came deus galants, dab lou bèt sautet deus dus dansadous enterligats e lou bire-coudet de la dansadoure, mâ Ihebade e tiengude peu cabaliè, ta claba lou branlou ! Las engalinantes aubades noeytibes, lous passe-carrères enhouliats de las b.èstes e de las nouces, dab bielhes cansous, langourouses e amistouses, leujères e traydoures, qu'an hèyt place souben tabé a las cantaroles francimandes, biengudes Diu sab d'oun ? e qui n'an ni chue ni sabou ! Lou petit libiot de Mous de Bréfeil que-ns y coumbide, en renabin las bielhes cantes de danses, d'aubades e d'amou, de nouces e de dòu ou d'aurosts, d'istoères e de guerres déu tems passât : que las a coelhudes pour-ci, pour-là, cabbat dous bilajes d'Aussau, en hourucan drin pertout e en se prousejan sustout dab lous payrans, dab u beroy èr de bagamoundè; mes que las a adoubades d'esplics sabourous, suban la coundiciou. Qu'ey hè medich, en passan, u hère plasen e sapien estùdi deus branlous e deus sauts, de la flèute e deu tambouri dous jougayres, acoumparats au chicoten deus Aragounés, à la tchiroula e au soînua deus Bascous. Touts lous Aussalés qu'eu ne saben u gran grat e que-u ne disen u mercés poulit e courtés : lous bielhs, peramou que-us y hè moumbra ço qui anabe mouri chic a chic; lous joens, permou deu plasé qui aberan d'apréne arrèpics plus ou mens endenuts, chens abé lou tesic deus ana hourbilha, ni deus arrècoupia. De segu, n'ey soun pas toutes, noustes bielhes cansous d'Aussau; mes ço qui manque, n'ey pas trop de coumpte-ha. Ta gn'aule cop tout, que demandaram a l'autou de surbelha drin mielhe la grafie e l'emprimerie dous moûts bertadès de cade cansou : que soun per cops desflourades ta quauqu'u qui nou las counech depla d'abance. Ta feni, moussu Brefeil que s'ey plagut a drin debisa de quoate cansoès aussalés e a ha counéche quauques-ues de las loues pouesies. Que soun Fabien de Laborde, de Bielhe., Gastou de Sacaze, de Bagès, Jaques de Casassus, de Bilhères, mourts touts très, e lou. boste serbidou, plé de bite engoère. * * * Robert Bréfeil n'ey pas u Aussalés natre; mes qu'ayme la balée coum u arrèhilh pieytadous : que-u bourech hens las bées drin de sang-biu de Pele-câ ou de Petchoutè d'Arudy, dou coustat de sa may-grane e que j'a tegnences engoère; tabé qu'ey bien touts ans de petit cnla e que s'y ey estacat de tout lou so cô, bourien de joentut e d'amistat blouse. Estudian à la Facultat de Letres de Bourdèu, que-u bedem arriba soubendotes, a cade repaus d'estùdi, dab lou gran berret, la camise de lî, la camisole de lâ ou de couti e la bère cape penende, suban la sasou, �— 44 — Ta mielhe apréne e couneche las modes, lou parla e las cansous, que s'en ba ent' Aas ou ta Biost e que biu dab lous aulhès, de la loue bite de tout die. Hère curious, que-s mescle à toutes las hèstes, à touts lous debis; atau que s'ey hèyt flutàyre e tambourinàyre : tout l'estiu que jogue sus l'empoun, tau so plasé, dab lous jougadous de mestiè, deja madus d'atje e qui se-n ban chic a chic, chens decha nad escouliè ta mantiéne la tradicioû. Bréfeil que-s a hèyt et medich lou beroy tambouri, qui porte dab u gran fierrè, chens nad èr de frounterie e que tien hère pla la so place de flutàyre e de tambouriné, per las hèstes de la Balée, tout l'estiu. * * * Moussu Léon Bérard, u bou Biarnés, si-n y a, que l'a hèyt l'auherence de u poulit abans-dise e d'ue laudouse e gayhasende presentacioù, ta d'aquet permè Essay. Que dits à l'escribâ : « Dès à présent, cher Monsieur, vous vous inscrivez parmi les mainteneurs de nos traditions locales... « Vous avez fort exactement accompli votre dessein dans cet ouvrage de bonne foi, suivant l'expression de Montaigne... « Comme vous en êtes persuadé, l'Ossalois ne s'exprime pas tout entier dans tes chansons, tantôt rudes, tantôt naïvement élégiaques... Les hommes d'Ossau sont dignes du merveilleux pays qu'ils habitent. Il y a plus de ressources dans l'esprit, plus de vaillance dans leur cœur que ne le disent leurs chansons ». E Mous de Bréfeil que clabe et medich lou so tan agradiu libiot dab u hère beroy prousey, tout plé de bous ensegnaments e de pensades sanes, oun flourech l'esprit sensiat e ellamat d'u gran aymadou de la terre e de la loengue mayranes, mes qu'a soegn de-s dise que n'ey pas ue fi, permou qu'ey joen ë ahoegat ta tout ço qui hè la nautat deu beroy pèis deus noustes payrans. « Jeunes gens, qui savez le secret, dépêchez-vous (dépêchons-nous) de recueillir et de défendre ce patrimoine qu'on est en train de gaspiller... « Citadins, laissez la bourrée aux Auvergnats, la branle aux Ossalois, mais gardez vos tangos et vos rumbas, revenez à votre thé, à vos cakes et à vos salons et laissez les paysans rester des paysans; laissez-les écouter cette voix de la terre, que vous ne pourrez jamais entendre, que vous ne pourrez jamais comprendre, ni aimer... « Et vous, jeunes Gascons, jeunes Béarnais, qui aimez vos vieux chants, vos vieilles danses, votre langue si berceuse, aidez-nous, faites tout ce que vous pourrez pour arracher aux mains de ces profanes cette chose sacrée, dont leur ignorance fera un cadavre... « En attendant ces heureux jours, travaillons à mettre en lumière la beauté de notre vieux passé, de nos vieilles traditions, continuons l'oeuvre avec espoir et amour ». * * * L'Essay de Mous de Bréfeil qu'ey dounc u tribalh de boû Felibre; que-n saludam dab grane recounechénee e que-u souhetam boune chance, tout en esperan que nou sera que lialandade d'obres aboundouses, qui nou mancaran d'abé laudacious en crechent. J. EYT. ■a i 1 " " i- Palmarès dous Yocs flouraus de Saubeterre POUESIE Ie Prêts : Medalhe àuheride per Moussu Leou Berard, ministre de la Yusticie, enta Maynàdyes, de L. Bourdéte, de Salies, reyént à Bou-Saada (Algérie). 2a" Prêts : Medalhe àuheride per Mous de Moutet, députât, enta Lou Nèn, de M. Çourtiade aus Sarrasis en Chalosse (Lanes). �— 45 — 3au Prêts : Medalhe àuheride per Mous de Lestapis, députât, enta Lou me Biladye e lou Retour dou Grenadiè, de Yan Guichot de Sent Haus. 4ai1 Prêts : Medalhe àuheride per Mous de Delom-Sorbé, députât, entau counte : Yantilhou, de Yan de Sabalot, de Saubeterre. TEATRE Hore-councours, permou d'abé gagnats très prumès prêts aus noustes yocs, Mous Edouard Moulia, d'Ortès, per la soue coumedie Yan de Laplane. TRAUICIOU Prêts : Medalhe àuheride p'ou D"u Lissar, senatou, enta Daune Marinéte Sompron, de Goundri, p'ou sou recoelh de coundes e de cansous d'Armagnac. PRÊTS D'ACCIOU Medalhe àuheride per Mous de Champetier de Ribes, senatou, enta Mous Francés Pitangue bibioutecàri en pè de l'Unibersitat de Mountpeliè, per la soue ayude de bint ans, sie à Pau, sie à Bourdèu, à l'obre felibrénque. COUNCOURS ESCOULARI A) REBIRADE DE BERYÈLI (Escouilès de 2e e de lr") Prêts ex-aequo : Marcel Cazaux, dou coulèdye de Garrasou; J.-B. Hourcade, dou coulèdye de Nay. Mencious : Louis Garrot, Nay; Louis Malabat, Garrasou. Bous tribalhs de : Andrèu Peyroutet; Francés Pey, Nay; Celestin Dubarry, Francés Casteret, Garrasou. (Escouliès de 3e) Prêts : Louis Labarrère, de Nay. Bous tribalhs de : R. Gantoy, G. Camborde, L. Lacaze, Loustaunau, touts de Nay. B) DISCUTIDE (entre Menicou e Caddetou) Prêts : Andrèu Peyroutet, de Nay. Bous tribalhs de : J.-B. Hourcade e P. Francés, de Sèdze. c) UE CARNABALADE Prêts : Pierre Camborde, de Nay. Bous tribalhs de : J. Coulomme e Loustaunau, Nay. D) ENQUÈSTE GRAMMATICAL! Prêts : Félix Bitaillou, de Nay. Bous tribalhs de : J.-B. Hourcade e P. Francés, de Sèdze (Nay). Lou Capdau : S. PALAY. �- 46 — GASTOU FEBUS Pèce dramatic en très he3^tes e en bèrs (Seguide.) FEBUS U courtèdye de daunes bestides en gran, luséntes de peyrines, cent escudès au mens, oè, que las seguéchen... IBAN Qu'abét l'oelh boû. ARNAUT Que eau enténe ! FEBUS Las daunes à chibau e lous dounzelous qu'ous at mien. (enhastigat) Coumte, nou credéts pas qu'ey lhèu, la humade qui, sous planés, bole de las seminéyes ? IBAN FEBUS (bibeméns) N'ey pas u courtèdye !... E las cansous qui canten, nou las entenéts ? IBAN E quio; dens la carrère, lou canalhè qui-s debertéch, cridasséye, e débat lous sous pès hè lheba la proube... FEBUS (countrariat, que-s ba sède) Ah ! pays d'autes cops, se-b calé tourna bibe e trouba-b dab hilhs à case, oey-lou-die ! IBAN (qui-u bòu ha plasé) Lhèu, per aco, Coumte... FEBUS (qui-s Ihèbe e tourne ta la frinèste) Lhèu ! ta que t'en tires dab u lhèu ? Se-m boulerés toustém apréne de marcha, de coumpda, de pesa, de béde ? (amuchan ta l'enla, dens la plane) Ue daune, qu'at boulhes ou que n'at boulhes, que parech. �— 47 IBAN (qui-s tire de la frinèste) Dab bôstes oelhs, pas dab lous noustes ! FEBUS (gahan Iban per u bras) Çay dab you ! (Iban qu'a hèyt ue estrèyte) Qu'as pòu au tou pay ? Nou m'escoutes ! (sus u toû de countentè) Oey, qu'èm à la yoye ! e oère quin camine bachan dous poeys dinqu'à Mouncade, ue daune de touts lous màyes bés de Diu prebedide ! Nou n'abès entenut parla ? Si... Poussade, beroy hèyte, echemian sus nous ue gràcie !... Enta d'ère la lane que s'ey flouride, lous beryès que-s bestin de frutes; lou Gàbe qu'atayse lou sous brounits. (qu'espie dens lous oelhs à Iban) Quin te demoures aquiu, lous oelhs bachats e la léngue mude quoan, de-cap au castèt la nôbie s'abance ! IBAN Mes, segnou, quoau pod dounc èste aquére daune ? FEBUS La mie ! E qu'en ès aquiu ! E n'at débines ? Mes at pòdes brigue endebina... Qu'ey ère, la lèyt blousse e la mèu de la mie bouque; qu'ey ère qui per tout pèys se mentau bère : qu'ey d'ère qui déu broutoa la nouste race. IBAN (à despart) Houlie ! FEBUS Espie, hilhot. Dens la carribe quoaus soun aquets bros touts oundrats de garlandes ? Lous parelhs, dab cubèrtes blangues coum liris, d'u pas parié s'en ban, fiers de ço qui porten, dous môbles d'aryént fi, de quoandes de yolhes, de sédes e de télés embisaglantes ? N'at bédés pas, qu'ey d'Aragoû qui m'arribe ? Oère la, sus u chibau blanc, l'Encantante, la hade dous mes sauneys. Bèn e cour biste, entén l'anilhét de la soue cabale ! (que partech, décidât) IBAN Dau ! Que-s pot dise que y èm ! (à VArnaut) Seguech lou Coumte, e si sourtibe dou castèt, hè-m u sinne. (que sortin) �— 48 — D'ANTI (entran) Are qu'at eau créde ! Lou coumte qu'acabe de ha deplâ. Que disen qu'ey ue brouche, bachan cade noeyt de la tour la mey haute, qui-u hè bébe las soues licous pouyrides droumin la noeyt au ras d'et, que l'acoumane lou sou mau cousent e la soue houlie. D'auts que s'at an decap Iban... Qu'en eau créde ? Iban que seré lou desestruc qui goaste touts lous ahas dab las soues grandousères. Mey-lèu qu'Iban, ey lou baroû de Coarraze, qui-n lou parlan de Castètbou, l'a birades las idées au Coumte ? Quin se desparle ! A grans sauts que s'en ba, sénse s'at coumpréngue. D'Iban ou de Castètbou quoau sera mèste ? Qui eau créde ?... A l'entan, que criden : « Biahore ! Amassats la Cour Mayou ! » Ue amassade dous baroûs e pot esta lou boû remèdi ta tourna la rasoû dou qui l'a perdude ! Flouréte ?... Ey d'ère qui lou coumte debise ? (à Arnaut, qui tourne) Arnaut, esclaréch-m'aço : acéré hémne que lou coumte espiabe capbat l'arribère, e, suban qui disè, l'ère proumetude e déu esta ballèu la nouste coumtésse; si la counégues ou s'ey u hat ? ARNAUT La daune nou biu, pénsi, que dens la soue cabosse... Mes, oère, nou-auts qu'èm oubligats de bibe au ras d'et, que l'at passam; e d'ana countre nou-nse serbiré d'arré. D'ANTI Ba plâ ! ARNAUT Que trobe.s que ba plâ, lou coumte, quoan amourouséye, quoan cride coum quauque hôu en briaguère ? Nou trobes que tout aço qu'ey hère triste ? Per ma fé ! que perdéts touts la cerimane ! (Que seguira). M. C. L'Emprimayre Mèste en pè : E. MARRIMPOUBY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 40, n°01-02 (Octoubre-Noubémbre 1935) Alternative Title An alternative name for the resource. The distinction between titles and alternative titles is application-specific. Reclams. - Annada 40, n°01-02 (Octobre-Noveme 1935) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - octobre-novembre 1935 - N°1-2 (40e Année) Creator An entity primarily responsible for making the resource Camelat, Miquèu de (1871-1962) Minvielle, P. Lamazou, Clotilde Palay, Simin (1874-1965) Lou Felibre de Serbici Bourdette, Louis Courtiade, R. Doctou Doléris Tucat, Yan de Pic, André (1910-1958) Cazaux, Marcel Madariaga, E. de L'esbagat Pucheu, Zarbié de Fournier, rené (1871-1940) Eyt, Jean (1868-1957) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1935-10 1935-11 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (46 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2929">http://www.occitanica.eu/omeka/items/show/2929</a> INOC_Y2_16_1935_10-11 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel