http://occitanica.eu/files/original/166e189311cdae0554d5ecb26f132673.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/c7a956355307bc5f025a0641dcf19a00.pdf 85e466e5839b7452fb42b18dbc2c3b1e PDF Text Text Setéme de 1936 40a" Anade CAUSES E AUTES SUS LOUS MOUNUMÉNTS NACIOUNAUS Que m'arribe d'ana tau cinéma quoan m'escàdi d'èste hens ue gran bile. Permou aquiu que hèn passa films doucumentaris. Quauques dies-a qu'èri per Toulouse e qu'anèy béde û repourdadye fotografic sus l'Amérique latine. ** Qu'ey merabilhous ço que l'arquitecture e l'urbanisme mouderne an poudut ha hens lou capdulh aryentin : Buenos-Ayres merabelhous; mes quin primitiu, quin primari, quin mendrilhot coura amne : que-m moumbre qu'ue carrère de dèts kilomètres qu'a « trottoers » pabats de dessis à peyrétes qui nou-s semblen yamey lous us aus autes. Lous pabats que soun de pèyre-marme etc... Qu'ey lou trioumfle de l'emprountat. Qu'èm daban mustres d'ue cibilisacioû « fisic », arré mèy... * * Mes lous capdaus intellectuaus ? mes lous pouètes ? mes lous artistes ? mes lous imbentous ? Despuch û sègle e miey que-b demandi quoaus e couneguets ? Nat... tout ço de culturau, tout ço qui hè la bite mench crude au co de l'òmi, aco nou-s trobe en Amérique (medich en Amérique latine !) Lou Ruben Dariu qui hou ue fayçou de gran escribâ de le.ngue castellane americane que hasou espeli lou sou enyèni... en Urope, toc-toucant aus mounuménts, à la yent ouccidentau greco-roumane. * * Lous autes, biam, se-us pouderet coumpta entejmiey lous plafactous de l'umanitat ? Que bedi aciu, û countinént de counsoumacioû, de suberpés ta l'Urope; suberpés de poupulacioû, suberpés de prouduccioû : L'ana dou prougrès mourau que demande aute cause : Se-b arribe de passeya-b hens lou nouste Biarn, per lou nouste Armagnac, à cade pause que trebuquen, lous bostes oelhs, ue paret de glèyse bielhe, û sirmenadye de case en tourtis (las de Goundri dou sègle. XIVau), ue carrère oun l'istori a entralhat leyende (la Tenarèse), û laneplan oun la sang dous ayòus a chisclat (Lanepax : la lane de la pats oun Crassus signabe pargams d'armistici). U sègle en darrè (de chic ou hère), que-b poudets situa hens lou tems. Aquiu que badoun ayòus : aqueste qu'ère paysâ aci ou aquiu, acet qu'ère teulè en-gn-aut loc... etc. Qu'èts tourclat, triquemalhat hens las �moumbrances ; qu'èts ligat : doungues qu'èts sustiengut, emparât. Que y a coumunioû enter bous e la soucie.tat; enter bous e la matèrie. Aquére matèrie, atau, que dèche d'èste sounque passiu ; qu'èts coum û èste dibinau : cade oelhade boste qu'où bouhe la bite... * L'Urope ouccidentau (que disi ouccidentau) qu'éy aco : lou païs oun la matèrie n'ey pas à fèyt la gouye, mes û drin la serou, l'istouriane de l'òmi. En Amérique lous « gahe-cèus » que tournen coumete l'entec, lou pecat de la tour de Babel; aci, lous ayòus noustes qu'an préférât ha parla la pèyre ta fis espirituaus (coum dens las catedraus) e atau l'espaci que permet aus sous eretès de nou pati dou tems... * * * L'espaci doumesticat (la pèyre talhade) que trioumfle dou tems : qu'èy bèt aco ; l'Amérique, que hè peyre « talhucade », nou pas peyre talhade, pèyre immateriau. ANDRÈU PIC. ■g "STuT »• ABIS DE COUNSÉQUENCE Las darrères leys qu'an fourçat lous patrous à aparia lous lous prêts à la nabère situacioû qui-us ey hèyte. Per counsequence, la coutisacioû e l'abounament dous Reclams que seran, aquéste an, de 20 liures (20 francs) enta France e 30 liures (30 francs) entaus counfrays de l'Estranyè. Qu'esperan que touts lous amies de la Cause que-nse demouraran fidèus e que mandaran, coum de coustume, aquéste mandat chèque à nouste dinerè Yan de Tucat, qui-us ne dit û gran mercés d'abance. Lou BURÈU DE L'ESCOLE. LAS TRADICIOUS Causes-biscauses : La Brume. Seréne, beréne, — que. passe pére péne — dab ets boudèts éne gaute — è ras tripes éne haute. (Coelhut à Arrens.) U ausèt qui debare de carrot en carrot e qui nou toque enloc. (Coelhut à Yèdre.) M. C. �LOU COURNÉ DOUS POUETES LA CINQUANTÊE Enta marna, Bèt cop au soum dou poey, chens pòu dou brum qui plane, Lou biadyadou, las de marcha d'u pas hoeytiu, Que s'estanque u moumén enta 'spia lou courtiu D'oun parti miey perdut au bèt houns de la plane. Are arribade à cinquante ans, u poey d'anades, Loegn que-b parech tabé lou brès blanguious de li E lou mas qui lusibe au sourelh dou mayti Tout daurat p'ous hius d'or de cautes arrayades, Que-s perd en u sauney quin lou yoenè 's passabe ! Lèu, prenén l'anet d'or e la pélhe noubiau, Qu'anèt arrecouti en u nabèt courrau Mesclan boste cant yoen à la cansou dou Gabe. Coum la coade d'ausèts autour d'u nid de plume, U 'scabot d'anyelous nou tardèn à sauta — Auta blounds que lou blat, e countents coum pinsâ — P'ou tour de bous, cassan autalèu toute brume. Lous us deya granets, d'autes que s'y hourniben : Are qu'en an crescut coum pousse u bernata... Diu qu'en aperè dus, de d'ore entau cèu cla : Que boulhen empara lous de qui 'ncoère biben. Cinquante ans qu'èt passats au miey de la hourrère Dou mounde oun aus plasés se mesclaben doulous. — Lou pâ blanc tant soubén que-s deu masca dab plous ! — Au boste adye, d'auts cops, que-s prenèn la hoursère, Las maybounes coum bous, e Dou mayti dinque au sé, dab Per u aròu plasént de nins e Quoan coundaben lous hèyts que hialaben là, gauyou escoutades de maynades de quauque bielh paysâ. Dechat u hilh, au noum de touts, may tant aymade, Auheri-b u bouquet qui dou co puye aus pots, U beroy floc d'amou, de souhèyts e de bots : Que pousquiat bibe encoère en loungue tempourade. Dous arrè-petits hilhs, que la troupe leuyère Be sauti sus lous youlhs quoandes e quoandes ans ; E, la proube d'aryént qui ba semia péus blancs, Que-b porti en medich tems bounur e bite bère. E puch —- roumén madu b'apère la segade — Quoan plàsie à Diu d'amia-b au pais dibinau, Que-b dou la pats dou cèu mercés lou gran courau D'ue bite sancére e beroy emplegade. TEOUFILE DE CAILLABERE, �— 356 — YUMPAYRELANUSQUETE i IV Dens lou brès, caperote rose, Hè dodo, lou men berouyin ; Que-t miarèy, lhèu douman matin, A Nouste-Daune de Buglose. Buglose ! Aquiu la Daune Aymade !... Lahore, e bèds aquere hount ? Se t'y hém trempa lou petoun, Nou-n ploùris pas coum bit talhade. ARREPIC V Droutn, droum, Nenoun. Prou qu'ey De gourgueys e d'arrisoulères; [atau Biste, droum, cluque las perpères, Sens souneya hade ou babau. Tiram ! Anam croumpa-t, adare, Ue medalhe d'aryènt blous E hém-la benadi de pous, Pr'aquet bielh prèstre à joene care. II VI Qu'y aniram dab la cabalote De la may-boune de Guiraut E l'esquiroun tintara haut E cabalote trote, trote !... En tournant haram estancade A la hèste de Lanebrás E, sous chibaus de boys, haras, Dab la serou, cinq tours d'abiade VII III Buglose ! Aquiu la Nouste Glôrie, La Bièrye Nouste, are d'or fin E de hangue en sedze cents bint... Mèy tard t'en countarèy l'istòrie. Dou toun brès, caperote rose, Audech-me ! Se m'audech, Nenot, Brabe seras, coum lou hilhot De Nouste-Daune de Buglose ! GUIRAUT DE SEQUEBE, LA lanusquet. ■a ^SSZtfc ' ' '» Liste dous Membres de l'Escole Que publicaram, tau numéro qui arribe, la liste sancére dous counfrays de Gastoû Febus. Que pregam lous doun lou noum e seré mau escriut sus las bandes ou doun l'adresse seré fausse, de manda tout biste las courreccious à mous de Marrimpouey, nouste emprimayre, à Pau. �ARCOELHÉNCES Lou Capdau, enço dous amies de la Goudale, à Paris. Que-s sap que lou nouste Capdau, qui ère estât embitat mantû cop p'ous counfrays de Paris e qui n'abè yamey poudut ha la camade, que poudou per la fî, gaha lou camî de hèr e, lou oéyt dou mes de Garbe, que s'ataulabe en ço de Chouret de Lestele, qui cousine au cant de la Seine, dab ue charmante e gauyouse trouperade d'amies biarnés e gascoûs de la boune ley. Dus dous sous coullègues dou counsistòri felibrenc, lous mayouraus Loubet e Lavaud, que l'abèn hèyt lou plasé de-s sède aus soûs coustats. E digam, tabé, qu'û beroy escabot de daunétes qu'oundraben la tauleyade. La Goudale, que-s sap, qu'aplégue lous Biarnés lous mey esberits de la capitale. Qu'ey Louis de Latourréte qui-n ey lou Capdau d'aunou, e dab û coumpagnou coum aquet, n'ey pas besougn de dise que la soucietat n'ey pas ue d'aquéres counsorces oun se debéyen. Mous de Caula que la préside dab l'ayude de Mous de Mounguilhot e que poudét créde que. nou soun pas tapoc dous plouremicous. N'ey pas poussible de mentabe touts lous qui s'èren atrassats ta l'auherte (u cinquantenat e lhèu mey), digam-ne toutu quauques-ûs : M. lou douctou Destandau, président dou Réveil Basco-Béarnais, lous proufessous Bouzet e Labes, lou coumpousitou Gastoû Mirât, lous cantadous Sarramia e Santé, lou Coumandant Cabalhès, Zabiè de Puchéu e Courtiade, lauréats dous noustes Yocs flouraus, Médevielle, Guinchan d'Igoun e Luc d'Azû, e quoandes encoère, touts leyidous fidèus dous Reclams. Qu'esté Mous de Caula qui saluda lou permè lou Capdau. Que manéye lou biarnés coum û mèste e que poudét créde que trente ans de Paris noù l'at an pas brique goastat : qu'en a goardat l'ana esberit e lous moûts sancès coum si n'abè yamey quitat lou parsâ nadau. Fier exémple ! Au darrè dou président, Louis de Latourréte que debisa coum aço : Debis de Latourréte. « Mèste Capdau, lou me amie, « Lou me adye e tabé Fadye de la nouste amistat — aquéste que coundera quarante ans enta l'abor qui bién — que-m balen anoeyt la grane aunou e lou plasé bèt drin esmabut de-b arremercia de la boste biengude au miey de nous auts e de-b arcoélhe au noum dous bostes amies e oundradous de la Goudale. « Oundradous de boune ley, que b'at pouch assegura. Pramou n em pas aci, Biarnés desarrigats qui nou-s moumbren sounque d'esta baduts en Biarn e qui nou s'apléguen que coum labadens de �— 358 — las escoles. Qu'èm nous, Biarnés toustém, cap e tout, qui goardam biu e ahoegat, per Paris, l'amou de case, l'amou de l'istori e de la letradure dou pèys. « Atau dounc que sabem touts aci quin gran pouète èt bous. « Que. l'èt, en prumères, per dret d'eretàdye. Per auta loegn qui puyin capsus dou passât, mey d'u sègle enla, que s'y troben Palays, lous bostes payrans, qui s'esprimentèn à calameya en biarnés. Que coumpousaben pastourales e asoades de las peludes, que hasèn peta d'arride lou bénte dous paysàs dou Mountanerés e dou parsâ de Bic. Lou boste pay, et, qu'estou Yan Palay, l'u dous mayes oubrès de la pouesie natremén biarnése. Ah ! lou coumpay estiglant, aquet boû e fi countayre de las hèytes de Casaussus e dou curé de Serou, de la Ribote à bou counde, de l'Aboucat e dou Paysâ"! De taus persounadyes que soun e que demoureran las mounaques soubiranes de la nouste coumedie proubinciau. Qu'èm urous de tira lou bounet à d'aquet beroy òmi e d'at ha deban lou sou hilh qui a sabut ha balé tant depla lou noum e lou renoum de la familhe. « U gran pouète qu'èt estât bous, hens touts lous recoelhs oun abet cantat, desempuch l'adye de sédze ans, la berou dou nouste cèu e de noustes maynades, la hourtalésse e la balentisse dous noustes piquetalos, las biélhes causes e las ores de case e dou larè, la pietat de noustes amnes paysanes e de noustes beuramadyes. « Parié, sinou maye encoère, que b'amucharat douma hens aquet libe «Au bent qui passe » qui ba courouna mes nou pas acaba lou mounumént dou boste. estrambord. Ah ! quin se trigue de l'aleda, aquet bent de Biarn, bent de la ma e de la mountagne, escalourit p'ou nouste sourelh mes fresquet de la nèu dous soums ! Aquet bent qui carréye hens la soue bouhade l'aulou embriagante de las noustes prades e de las noustes bignes, e l'aram dou nouste sòu ! Aquet bent oun brounéchen lou bribey dous noustes arrius, las espatracades de la nouste gauyou, lou ta-lan de noustes campanès, las cantes dou Cyprien e dou Zabiè, tout aco dab lou brut batalhè e lous clams de bictori dous Caddèts de Gascougne. « Mes, qu'ey ço qui hèy you de-b boulé aunoura, you praube auserilhot escapat despuch ta loungtems dous touyas dou Pount-Loung ? U-gn'aute bouts autademén haute e dinne que coumplibe yé lou boste laudemén. Qu'ey, aquére, la bouts dou boste fray d'enyenie, de tribalh e de glori. Nou-m perdouneret pas, qu'at sèy, de nou pas lou noumenta au ras de bous, hens aquéste serade. Qu'ey Miquèu de Camelat qui escribè sus bous au darrè numéro dous Reclams : « Aquére pouesie hourneyade dab ue mestiou de case, dab moûts dou batalis de tout die, dab imàdyes oun se pintre la bite ourdenàrie, tribalhadoure ou abusèque dous cams, dous coustalats qui s'arrayen au sourelh biarnés... Aquére paraule segnouriau, illuminade d'espurnes yessides dou cerbèt coum dou co de l'artiste. » La mediche pouesie ta biarnésemén sancère, que l'encountram hens las bostes obres de prose. Hens lous bostes roumans qui-ns esmiraglen dous tablèus de la bite plasénte en Biarn, au loung dou sègle darrè. Hens l'ahoalh de debis e de cops de calam oun b'èt impausat coume apôstou de la fé felibrénque, e l'u dous counquis- �— 359 — tadous de prumère régue enta l'Escole Gastou Febus, enta la rebiscoulade gascoune. « Nou-b èt pas toutu estangat sounque à ha pataca lou co de la yent. Arré-hilh dous de Palay qui hasoun ta beroy esla las mèusses dou inounde, qu'abet boulut esta tabé u mèste dou tiàtre. Que b'y èt, qu'at poudém dise, escadut coum nat aute. Las bostes coumedies que semien la gaudissance desboutoade capbat Biarn e Gascougne. Autant coum arride d'aulhous, qu'abet hèyt ploura e pensa lous qui-b audiben. E au miey de quines aplaudides ! Lou boste Franchiman, desempuch trénte-oeyt ans, que noumbre mey de representacious que nou pas oubradye qui sie dous autous de Paris. « Si abet, coum aco, lou seguissi dous aletrats e dou pople, qu'ey pramou que la boste. léngue, ayside e clare, à maugrat que castigade e sapiénte, que plats à touts. A touts, lou sou cant qu'ey u encantamén. Quin ne pouderé ana d'aute manière ? La nouste léngue que la counechet, bous, coum lou paybou dou Caddetou, que l'abet tant aymade, tant baylade, tant estudiade ! Mantues de las bostes anades qu'estoun dedicades à coèlhe chens cès la garbe dous sous moûts, lous dou biladye e lous de la bile, lous dous libes e lous dous mestiés, lous dou passât e lous de oey lou die. Que-ns abet crubat e arrecaptat lou merabilhous tesau : e. aquet tesau que-nse l'abet alargat dab aquet dicciounari qui mantienera eternau lou nouste parla. « Simin Palay, que-b saludam coume ey début à u Biarnés de la boste souque e de la boste ley. Qu'èt u d'aquets omis riales qui poden espia dab fiertat la bie dréte de la loue bite, en darrè, autâplâ coume en daban. Darrè, que y-a lou bèt pielot de bostes caps-d'obre, de las bostes hèytes de Caddèt e de Capdau. Daban que s'esclarech la glori meritade... sus aquet cami floucat de liloyes e de laurès, la Goudale, hilhole chine de l'Escole Gastou Febus, qu'ey urouse de pausa anoeyt lou sou arram d'amistat e d'aumenance. » Louis DE LATOURRETE. * * En segui, Yan de Bouzet, lou gaymant poète de Pountac, que leyi aquéste amistouse epistole : AU MESTE PALAY Qu'abet parlât bèt cop dous praubes esbarrits qui, loegn dous coustalats e de las bats tranquiles, arrousséguen capsus dou pabat de las biles, lou desoulè dous lous cos arrencurits. La pèyre e lou ciment de pertout qu'ous estrégnen e qu'escounen la praube terre e la berdou ; lou sequè qu'estarech las amnes oun s'estégnen la bouts dou pèys e lou soubié counsouladou. Nous tabé que l'aboum aquére malaudie e cadu que-n soufribe à despart dinque au die oun, boutan-se à la boste escole, ens amassèm enta tourna 'ntre nous u drinot ha rebibç �— 360 — lou parla, las cansous, lous countes qui sabèm ; tout ço de bèt, tout ço de bou qui-nse dechèm adroumi tout au houns de l'amne desmoumbribe. E tout cadu boutan en coumu qu'abém recounstituit arroun lou richè 'sparricat de la terre toutes les flous e las gauyous la sou' part de la Goudale nadale, dou nouste Biarn. N'èm pas mey Franchimans, mes Biarnés de la souque ; qu'abém tournât gaha l'arradits, e dab aco que-nse flourech la léngue mayrane en la bouque e l'amou de la nouste Terre dens lou co. Qu'ët dounc lou pla-biengut, bous lou bèt musicàyre qui hèt puya la nouste léngue tau mey haut, lou gran poète de Case, l'apòstou e predicàyre capbat nouste de la Croutsade de Mistrau. Cregat de qu'èt à boste en aquéste amassade, Mèste Palay, qu'abet pourtat dab bous, dens lou hum de Paris, ue frésque alenade d'arams de la mountagne e d'ayre blous. E que lou Diu dou cèu loungademén encoère, e-b dèche persegui la boste obre tant bère tau màye bé dou Biarn e dous sous aymadous ! YAN DE BOUZET. * * D'aquets bersets ta beroys lous oelhs que s'engourgoussiben ! Puch, qu'esté lou tour dou Mayourau Loubet ,qui-s plasou à dise quin ère amirade per touts lous felibres « de la bono » l'obre de l'Escole Gastou Febus. Quarante ans de tribalh seguit e perseguit dab amou e fé per Planté, Lalanne, Batcave, Camelat e Palay, ayudats per centenats de balents, qu'an ploumat aquere obre e tout ço qui-n a yessit de. libes de toute payère qu'a plaçât la letradure de Biarn e Gascougne sus lou medich pè de toutes las autes. Abiade prou de tard despuch la renachence proubençau, la Gastoû Febus qu'a sabut ha camades doubles, e lous qui la gabiden qu'an lou dret d'en esta countents. Loubet que-s plats tabé à lauda l'obre de teàtre poupulàri entinoade p'ou Capdau dab aquet Franchiman qui, despuch 1898, cour lègremén lou païs e qui ey estât représentât mile cops despuch Aussau dinqu'à las Lanes de Bourdèu. Quin tribalh pregoun nou hè pas aquet teàtre, coum tabé las Batalères dou « Patriote de Pau » qui, toute semmane, e porten la boune paraule en cade maysoû, dinqu'au houns dous bourdalats lous mey estremats ! Dab Loubet que s'en reyuech, tabé, lou Mayourau perigourdî Lavaud, sapiént coumentadou dous Troubadous e que dits quin ey urous de pourta lou salut dou soû païs aus Biarnés e de dise en quine estime e tién lous sous counfrays Camelat e Palay. �— 361 — Dab moussu lou proufessou Labes, qu'enteném û debis goustous sus l'antiquitat e lou lustre de la nouste léngue; quoan nou seré que permou d'aco, que-s meritaré respect e fidelitat, mes de quin serbici nou pouderé esta per las escoles e p'ous coulèdyes si s'en sabèn se.rbi ! Coum touts lous felibres, nou coumprén pas que lous capmèstes de l'Unibersitat s'encabourréyen à noû pas boulé qu'en sie soulamén parlât aus Counselhs proufessouraus. Mes, noû eau pas pèrde couràdye e que feniram per gagna la partide pusqu'abém la rasoû ta nous. N'ey pas besougn de dise que touts aquets crânes debis que soun aplaudits de. l'û cap à Faute de la gran taule. Coum béden, en ço dous amies de la Goudale nou counéchen ne lous debis franchimans ne las patricoles boéytes. Lou Presidént que da la paraule au nouste Capdau. Bèt drin esmabut eu coumença, que dits lou soû mercés courau aus qui an brembat lou soubeni dou soû pay, lou tant fi coundayre de las hèytes dou Curé de Seroû e de Casaussus. Si a sabut enténe de d'ore la gauyouse musique dou parla biarnés, qu'ey au soû pay e à la soue may, rude paysane, mes dab toutes las qualitats de la race, qui at déu d'abord, mes tabé à la terre horte e proudigue oun abou la chance, urouse de bàde. De ço qui digou Simin Palay apuch, tirém aquéstes passàdyes : « Qu'èm urous, au païs, quoan leyim en quauque gazéte, qu'û troupèt de Biarnés, de Gascoûs, de Proubençaus que-s soun atrassats autour d'ue taule, en quauque loc d'aqueste bilasse, enta retrouba drin de la douce auyou de case... « La pensade felibrenque qu'amasse en ue. familhe mediche touts lous hilhs de las terres d'oc e ya qui sapiam que lou hat, lou destî d'ue familhe qu'ey d'esta, lou mey soubén, esparricade, aquet sort, qu'où redressam tant qui poudém, permou, toutu, qu'ey û besougn de-s retrouba de temps en temps capbat la bite. Qu'ey la nouste manière de proutesta countre lou méchant hat. « Lous Gascoûs que sount toustém estats de grans courriès; que s'en y a toustém troubat — e que s'en y trobe — en toutes las parts de la grane terre. Mes, si pertout e praben, per esta de boune gragne, coum disè lou Nouste Enric, Gascoûs que-s demouren. De segu, quauques-ûs que fenéche.n per se destaca de la terre mayrane, mes aquets que soun sustout à plàgne. « Ne seran pas yamey d'enloc e yamey noû coumpensaran per d'autes las bertuts de la race e dou sang qui renéguen. Tout lou countre, lous qui las counserben, aquéres bertuts, aquéres qualitats, que s'aunouren e qu'aunouren la patrie e la nacioû oun se sount establits. Frays e. patries dous princes à la mâ ubèrte, la mâ qui s'auherech à touts, sus la place reyau de Pau la beroye, qu'abém tabé lou cô yenerous d'aquet rey qui-u balhabe tant à l'ayse à touts e... à toutes... « Mes sustout, bous-auts, enta-b sauba dou destacament desoulàyre e qui estarech lous cos, qu'abét la lengue mayrane, force e �l'ourtune dous ecsilats e dous hore-bandits. Arré n'estaque à la patrie coum ère e qu'ey lou mey plasent dous ligadés. « Aquets moûts beroys e encantàyres que porten en ets tout ço de nouste : lou cèu de Pau e las mountines qui-u hèn poutous; las arribères berdoulibes e las lanes rousses, refresquides p'ous Gabes e las arrius aus noums tant dous, las Adous e las Baises, las Ousses e lous Luys, noums clareyants coum las loues aygues; las costes daurades d'oun chourraran lous bis qui cauhen lous cos e... las aurelhes. « Aquestes amassades, ta bous auts, que soun û retour au pèys de. Biarn, quauqu'arré coum, d'auts cops, l'estanguet sus la place, au sourtit de la misse cantade, à Foumbre dous arbes qui goarden lou petit cemitèri oun droumen lous qui-nse dén la bite e qui tribalhèn ta la-nse ha mey douce... « D'aquéste arcoèlh tant amistous, amies, que. goardarèy toustém au co la gaymante membrance, mes, que-b demandi de noû pas me préne que poc, hère poc dous coumpliments qui m'abét hèyt. Tout ço qui soy, qu'at débi à la terre e aus mourts de nouste : tringuém dounc à la glòrie de la patrie, à la noble terre de Biarn, e loungadamén ! » Quoan la brounitère dous patacs de mâ s'estè apatsade, touts que-s lhèben e qu'entounen la cante de Febus « Aquéres mountines ». Puch qu'esté lou tour de las debertissances : Zabiè de Pucheu que-nse digou : Ene cujgue que soun ! Sarramia que cantè Bèt cèu de Pau; Santé ue pastourèle de Despourrî; Mous de Perroy, û yoen cebenòu, dab lou Cant de la Coupe, gahat à l'arrepic per touts, que clabèn aquére tant amistouse serade. Qu'ère miéye-noeyt, trucade de bères pauses e. las carrères d'acera bach que soun loungues e lous bourdalats esbarrits; à touts qu'ous hasè dòu de s'abé à dessepara : La Soucietat dous amies de la Goudale b'ey û tros de Biarn blous dens lou gran Paris ? Mes, bère troupe dous que y'èren que-s tournaran béde à Leytoure e. puch qu'ey seran mey numerous au tourne-yournau en octoubre. L'ESCRIBA « gsaas DE SERBICI. = ». NABETHS COUNFRAYS Mlle Mengelatte (M.), institutrice à Cambron par Vervins (Aisne). MM. Guichainans (Docteur), Arzacq (Basses-Pyrénées). Lacourrège (abbé), doyen d'Arzacq. Candau (abbé P.), vicaire à Arzacq (Basses-Pyrénées). Soutou (Léon), Radio-Lux, 3, rue Bordenave-d'Abère, Pau. Mirât (Paul), maire, Meillon par Assat (Basses-Pyrénées). �— 363 — MOUNDE E CAUSES DE NOUSTË CALAMS NABÉTS : ZABIE DE PUCHEU Hilh d'û paysa de l'arribère nayése, lou cinquoau d'ue frayrie de dèts, badut en 1889, lou Zabiè qu'anabe dinque aus doudse ans ta l'escole dou reyént. Despuch, dinque au sort, qu'ey demourat à case tribalhouteyan coum l'û d'aquets caddèts qui cansouneyabe : Autes cops, en cade oustau, Diu me dau ! Bielhs ouncous que s'y coumptabe, Bonnes biates, horts gouyats, Touts deboats Au taré qui-us recaptabe. Qu'a seguit doungues, dinque à bint ans, lous escalerots dou mestiè de paysâ, qu'ey estât boè, qu'a laurat e hèytes las semiades dou roumén e dou milhoc, qu'a sudat à las batères e que hou d'esperouquères, de. hèstes e de cantaroles. Gouyat, que s'a recounegut û goust ta la musique, mes quin talaya d'abiade lou tribalh dou pèterrous e aquet tèmou d'artiste ? Toutu, bèt-die que la musique dou 12au Reyimént de Tarbe e passabe s'ou camî de Beneyac, tant n'ère segoutit, que-s yurè d'estudia, e de ha û musicayre. Qu'abè 17 ans; qu'ère loegn de poudé coume aquero entra dens ue musique militàrie, mes lou qui bòu que pot; que-s tirabe la bergougne de dessus e, gràcis à û amie, Capdeboscq, lou cap-de-musique de Nay, qu'où dabe quauques leçous. E lou gran die dou tiràdye que s'amiabe. Coume ère de chètre courpourénee (noû hasè que 46 kilos ') b'ère de cràgne qu'où dechèssen ! Mes tant pleyteyabe au ras dou « major », qu'où disèn pròpi tau serbice, e lou sou sauney de la yoentut que-s coumplibe pusque, coulloucat dens la musique dou reyimént, qu'y yougabe de l'auboy. Quoan lous càscous de la Yermanie patacassère entraben en Belgique e en Lourrène, que hé coum lous auts, qui pïantèn lous hourcats ta gaha lous fesilhs, en oubrè escounut e pugnastre de la doulourouse Bictòrie. Que l'y esbrigalhaben las cames, e tournât tau beroy cèu, nou sabè goàyre à que da-s, pusque nou poudè mey houdilha terre. Que busouqueya per aquiu ? La musique, medich la dous cors de casse, n'a yamey neurit, e lous essays que lou sou fray e hé d'ue courale nou arribaben à tiéne pè loungs dies. Pensât, en û Bourdères ! �— 364 — Mes, aci, que eau benedise l'obre. soubén bouharoque dous bâtalurs dou Palays Bourbou. Esmabuts de ço que tandes alebats ou malaudious de la guerre nou poudèn mey gaha-s la cabésse ou la dalhe, que goardaben tad ets emplecs mey dous, e atau, l'escouliè dou certificat d'estùdis que troubabe lou sou gagne pâ dens las Postes. E, coum hère d'auts sourdats, qui dens la maie tempourade aboun ue mayrie, que. s'acasibe dab la soue. Mes, d'aquiu, qu'ère oubligat de horenida, de s'en ana loegn de la biste dou màntoa berd ou blanc de las piques eslénques ; èmi hèyt, qu'où calou dessepara-s de pay, may e. frayrots, dous amies, dou mayram. Hore dou païs nou-s digoure mey de ço de Puchéu, d'aquet endret que lou sou pay abè hèyt praba de dèts à dèts-e-hoeyt ectares, prats adaygables, e cams au ras dou caminau de Lourde à Pau, castagnères, touyas, etc. Acera hore capbat France, nou trigaben de boulega-u débat lou berrét las hèytes de quoan ère yoen. E quin ha autademéns que pensa soubén, à cade pause pensa, coum disè Miquèu de Cervantès, l'aute cop, « au brabe arrepaus, à la pats dou biladye, à l'agradamén dou campèstre, à la serenitat dou cèu, au marmoulh de las hounts, à la quietut de l'esperit », qui abou e qui n'abè pas mey. E, coum s'apoudyabe paysâ, que-s desbelhabe pouète. Aquero, sustout, permou que dens ue de las soues camades à la Terre benedite, qu'abè hèytes batalères de las loungues dab lou sou oundrat besî e lou sou amie de toustém, lou pay Mounaix. Que Famuchabe ue couyounade en bers qui bienè de rima e aquéste. de da-u : Flocs e brocs. Lou recoèlh nabèt badut, que debienè lou catéchisme de l'esbarrit dens las brumères de Creil sus Marne. Qu'abou, de segu, de maynat enlà, la rèume de léye; roumantics e classics francés, qu'ous chourrupabe à d'arroun, e bedén la soue hamière, lou reyént de Bourdères qu'où ne prestabe de toute ley. Qu'atracabe labets cansoûs, en francés, e coum Faute gouyatère que basé brouni La haut sus las mountagnes, e Bèt cèu de Pau, mes b'ère loegn de créde-s qeu s'y poudousse escribe en léngue de l'arribère nayése tant beroyes causes e de. las ha passa per la létre de moulle ! Ue bite incounegude oun l'esperit sou e debè gagna e alanda-s que s'aubribe tad et. Urous e, fièr d'abé troubat ço qui-u mancabe despuch dies sénse sabé ço qu'ère. Qu'abè besougn de dise ço qui-u bouribe, ço qui-u batanabe deguéns : En francés, nou s'y poudè gaha per nou sabé-u prou, qu'ey doungues en biarnés qui at disè, pusque s'at pensabe en biarnés. Que-s boutabe à calameya e aus sous escriuts prumès, nous-auts de dise : Mes, b'abém aquiu gn'aute Baudorre ! Medich parla ou quàsi, Sent-Haus e Bourdères nou dében èste à goayre de lègues e �— 365 — Pucheu coum Fautou de Cantes paysanes, qu'amuchabe tout parié la plasénce liric, lou berset délicat, e d'aquets imàdyes qui nou poden yessi que de la bouque d'û tribalhadou. Nat dous qui-s banten d'èste hourucayres de libes nou las troubarén. Pucheu que-b a Foelh amistous enta ço qui ey autour dou larè, que-b a Fourgulh dou bé de familhe : Ne amous riàles ne hèytes estoumagantes ne couyounades peberudes, mes la cansoû, à cops triste, à cops escarrabelhade, de la bite de tout die. Qu'ey PUS Yocs flouraus de 1900 que Baudorre e presentabe lous Sendès dous Escouliès; qu'ey en 1933 que Pucheu ategnè lou tucòu de la soue enspiracioû dab lou Poutoû. Be l'abets leyide ? Mieydie qu'a trucat, la garbure que hume sus la taule e la mayrane nou s'atrasse. Oun ey ? Enço de quauque besi ? Ya que malaute, esbouhade, qu'ey à courre p'ou casau, e deguéns case, qu'en an tad ère, que la criden e, ya que sourde, qu'a entenude la sounsayne; chens mauta que s'en ba tau s'ou corn de taule. U hilh de repica : Nou hèt qu'à boste cap e puch qu'en eau pati. Audin aquéres rasous, lou nèn lou goastat de mayboune, que dèche cade la culhére, que-s lhèbe de la soue cadieréte e d'u saut qu'ey dens la haute de l'ayole : Nou bouy pas que toustém e cridet à mag-grane ! Si dits, e coum touts, à d'aquet dise, esmabuts, bachen lou cap : Nou s'en'tén qu'û poutou per lou deguéns qui-s care. Que debè cop sus cop escribe gn'aute cante de bère nautat, YEsquire, qui publicabem l'an darrè. Amies leyidous, ya b'en broumbats tabé d'aquére, mes dats-me l'agrat de counda-la-be encoère : Lou pay de Pucheu, labets maynat e baquè, de loungtems en-çà que sauneyabe d'û beroy metalou, qui, penut au cot d'û braulet, e desbelharé lou besiàdye, tringuereyant, ta-lan, ta-lan, tout lou die capbat de las pechénees. Mes toustém lous quarante sos qui calé ta croumpa-u qu'èren de manques. U die toutu, coume anabe labets sus lous trédse ans, qu'ous abou au pouchic, e dou marcat de Tarbe enla, que s'en pourtabe. la tringole aus soûs d'aryént. L'òmi qu'abou lésé de bade gran, de marida-s, d'abé familhe, û quarantenat d'ans, la metale que sounabe. Aylas ! la guerre que bienè destroubla tribalhs e amistats, lous hilhs qu'aboun à parti, e lou pay crouchit, qu'ère soulet d'òmi, echénye de la hourtalésse d'auts cops. Lous de l'endarrè : A l'arbc cadut tout cadu que s'y hè estères, qu'où pechèn las semiades, qu'où yougaben tours de mâchant besî, e ue mâ embeyouse e criminau qu'où boutabe la borde à hoec. �— 366 — L'Esquire qu'ère per deguéns; que debou èste yetade dab lous brasius e lous mourterius. Lou pay que s'en troubabe gn'aute, mes, ya : Se Vante ère Vausèt, aquéste charriscaube yamey nou sabou ha bade lou gauyousè. Acabades las patacades, be deboun tourna las causes en ourdi; lou bielh dab lou yéndre qu'èren dou marcat de Tarbe, esprès ta croumpa l'esquire qui abousse lou tringlet de la défunte : A cerca hort que la trebucaben; dab drin de dòu que pounoun trénte liures — papè. — E, aylas, enso de Puchéu, à bint mes d'aquiu, entau payran, « la mourt que soabe à gran batalh ». Adentour dou Poutou e de YEsquire, Puchéu que hourgabe mantue bariaciou : Lou Nid, Très amies, Soubenis clas, Lous esclops dou me pay, qui sémblen lous arrepics d'u medich pouèmi. Nou-n podi debisa de oey, ne tapoc d'autes pèces dou recoelh oun parech lou coumpousitou, lou musicàyre qui payerabe cansous : Las Arcarderes, lous Caddèts, Mounyéte e milhoc, etc. De mey qu'y serén d'autes bées oun s'amuche l'ahoegat dou Partit paysà (Geourgics de 1934), dues pèces à la memorie de Begarie e de Cantoû, qui n'abè pas couneguts, ou encoère las estrofes entau sou maynat. Mes, que m'en disets, mèstes de la nouste cretic ? bous, lou sou gabidàyre, Pay Mounaix; bous, J.-B. Laborde, qui èts à la demoure dous bersets yumpants e de la prose tilhouse ; tu, Andrèu Pic, lou dourèc leyidou dous Escantilhs nabèts e troubam en loc autande de sabou e de plenitut de pouesie coum dens lou Poutoû, coum dens YEsquire, e d'autes de la mediche hournade qui seran l'aunou de Pucheu e û drin tabé lou nouste ? Sénse at sabé que s'encaminabe sus la bie qu'an mercade lous aynats. Au sou tour que sera seguit d'u ahoalh d'escouliès. Medich, aquéstes ans, que s'essayabe à la prose, l'utis mey balént e que-s pod dise, necessari. E pla que hé, pusque sabè balha-ns tablèus escaduts de la bite-bitante en seguide dous noubelistes gascoûs qui hèn deya boune couderilhe. Sus aquére obre qui-s bastech, e doun nou debisaram de oey, que calera toutu que-ns y esteniam quoan se publiqui aci medich lou rouman, are s'ou telè, Yan de Bourda. Anats-b'en doungues, Escantilhs nabèts, flocs besiats de la Renachénee nouste, e ta nous auts l'assegurance que l'arbe qui plantabem en 1896 noû ba seca-s d'aquéste pause; anats amucha quin û gouyat de case, yougan dou sou auboy bucoulic, autapla que lous mayouraus dg la literature d'oun se boulhe, e pod lheba-s per dessus de la hourrère e ha esplandi lous sous ayres cargats d'ue noublésse doulénte ou gauyousè capbat Biarn e Gascougne. MIQUÈU DE CAMELAT. �CAUSES D'AUTES COPS U gran proucès au sègle XVIIau Lous d'Espoey nou bôlin pas esta benuts. (Seguide e fi) Lous sendics que decidèn cop sec de demanda enfourmacioû au Parlamén de Pau ta abé libertat e seguretat en saubegarde, ta défende aus segnous de Batsale e d'Arriupeyrous d'ous ha mau coundamna-us à mile liures de doumadyes e interès. Lous aboucats, segnous d'Aryelos e de. Liuroû, que pourtèn la requèste à Pau. Lou Parlamén que coumetou lou Counselhè Mous de Brosser ta ha infourmacioû tendén à ha dret à la saubegarde requeride. Dus dies après, lou 14, qu'ère à Espoey, maysou de. Curta. Qu'entenou lous temoégns, sermén prestat : Lous cheys sendics d'abord, puch Bernât de Barrère de Lucgariè, Mous Arnaud dou Càssou, rectou de Liuroû, Bernât d'Estièni, reyent d'Espoey, Simoun de France, de Yer, Bernât dou Cambayou e Peyroutin de Laban, d'Espoey, preséns au destrouble, en tout doutze. Touts qu'assegurèn que s'ère passât coum ey estât dit. Lous sendics que declarèn nou boulé ha enténe mey de temoégns e lou yudye coumissàri que hé report. Hourgan lou hèr tant qui ère caut, lou medich die, l'amassade de touts lous abitans que descidabe, per mâ de noutàri, de ha segnefia au segnou de Batsalle qu'entenèn esta boutats en prouteccioû e saubegarde dou Re.y e de la Cour dou Parlamén de Pau, toute la coumune e cade abitant en particuliè e persegui la reboucacioû de l'escàmbi. Lou quoate d'abriu, lou Parlamén après report dou segnou de Pont, counselhè, que defendou à toutes partides de mauha, de maudise e de pourta armes à las amassades à péne de quoate mile liures d'amende e mey si lou cas s'at coumpourtabe. Lous despéns que seran arrestats en fi de proucès. Aquéste que-s persegui. Que coustabe mounéde e lou cofre dou coumu qu'ère boeyt. Ta-y para, que s'y emprounte doutze cens liures tournéses, lou 5 d'abriu de 1626, à Noble Dàbid de Salies, proucurayre yenerau au Parlamén de Pau. Labets que s'y pot ana ta Pau parla aboucats e proucururs, da espècis aus grate-pargàmis e plâ minya e bébe à l'oustau arcoelhént de Layous. E que n'y a tandes e tandes qui bolin ha la camade. Audit la note : Rolle de la despense fèyte en moun oustau pous segnous de, Narcastet, de Liuroû, per lous sendics è gardes d'Espoey à audes. Pérmèràmen biengoun lous segnous de Narcastet, de Liuroû, lous sendics de Curta, Troguet, Abadie, Tapie, Bignes, Pomès, Hartoat, lous gardes à audes, en tout au noumbre de trente è touts amasse �— 368 — demourèn très jours è lous segnous de Narcastet, de Liurou, lous sendics de Curta, Abadie, Troguet è Hartoat y demourèn cheis jours, s'en tournèn lou 10 de yulh de 1626 è me debin per la despense cen liures ramiades à 92 l. Plus biengoun à moun oustau lous segnous de Narcastet, de lAurou, lous sendics de Curta, Troguet, Abadie, Tapie, Bignes, Pourès, Hartoat, la garde à audes en tout au nombre de bint-quoate, eg demourèn très jours, s'en tournèn lou 20 yulh 1626, mounte la despense sètante-oeyt liures, ci, 78 1. Plus biengoun à moun oustau lous segnous de Nascastet, de Liurou, lous sendics de Curta, Troguet, Abadie, Tapie, Bignes, Pomès, Hartoat, è audes en tout au noumbre de trente-cheis, dou 17 au 29 d'aoust 1626, mounte la despense à dus cens liures, ci, 200 l. En présence de jou jus signât Jan de Guarot hoste de Pau ey recounègut abé près de las mas de M. Francès d'Abadie sendic dous abitans d'Espoey très cens sètante dues liures, ci, 372 L, détalhades en lou prèsen rolle de lasquoalles tan lou dit M. d'Abadie que tout lous abans noumats en demouran per aquitats. Feyt à Pau lou 30 d'aoust 1626. DE LAYOUS. Aquere note n'ère pas soûle. Lous despéns que s'èren tant enpoundats que las doutze cents liures emprountades en abriu qu'èren echugades en aoust. Que calé ha ? — Paga ! — E quin ? Emprounte, Coumune ? Lous escuts qu'an gran balou e lous clas prestadous que soun prudéns. Que bòlin force garantides. Que s'en parla en ue araassade. Lou noutàri que-y ère. Qu'en sabè de létre, que counechè lous riches, qu'apatsabe las cragnénces e que ligabe plà lous debitous. Qu'escribou : Lou proucès qu'ey perseguit. Quoate sendics que soun noumats. Que causiran experts ta esgalisa las despenses. Que s'y emprountara ço qui eau. Lou Coumû e cade abitant en particuliè qu'oubligaran lous lous bés ta garanti lous emprounts. Atau qu'en ère yurat au Diu bibent, per daban quoate temoégns estranyès à la parròpie. E que signaben lous qui saboun. U manant que déclare que, maugrat que présent, n'aprobe e ne bòu ni n'entén hica-s en nade despense. Ta coupa las riòles aus despens dou Coumû, lous sendics que delegan à rasoû de quoate liures per die Noble Théophile de Narcastet, de la doumenyadure de Troguet d'Espoey, ta-s demoura à Pau dinquie la fi dou proucès. En bedén lous d'Espoey auta ahoegats que yamey, Noble Dàbid de Batsalle que cèrque cameligues. Qu'en a sustout countre Francés d'Abadie qui-u hè rampèu à l'amassade oun hén batsarre. Munit de ue certificacioû dous sous yurats d'Espoey dou 24 de yulh 1627, lou segnou que récuse Francés coum nou poudén esta partide au proucès. Qu'ey, dits lou papè, û hilh caddèt dou segnou Joan d'Abadie de Liuroù e de Hourcqs, qu'abite la myasoû abaciale de Liurou e ço qui poussède à Espoey, �— 369 — que relhèbe de la segnourie de Batsale, ancienamén d'Aberat puch d'Abère. Francés que-y riposte per û certificat dou 26 de yulh 1627 d'abitans d'Espoey, recebut pou noutàri d'Arribère-Ousse. Si ey mèste à Espoey de maysoû e terre relheban de la segnourie de Batsale, qu'ey administratou dous bés de la soue permère moulhè, hilhe de Bignes, d'Espoey, de la directe dou Bey e pot, en counsequénce, esta partide au proucès. Lou segnou Batsale qu'agulhoue lous sous yurats e hères d'abitans qui demanden la cassacioû dou sendicat e pleyteyan countre aus dus sendics lous mey en biste : Francés d'Abadie e Joan de Curta. Que biénin d'emprounta si disin, au noum dou Coumû, cheys cents liures de mey e soun au cas d'en enprounta encoère. Qu'an hèyt créde, ta poudé trouba escuts, qu'èren estats coundamnats aus despéns dou proucès, ço qui ey faus. Que l'aha que-s restrégne enter lou segnou de Batsale e Francés d'Abadie e que lou Coumû nou-y sie mesclat ! En aquéres, lou 28 d'aoust 1627, lou Parlamén que da lou sou Arrest. Counsidéran, se dits, que l'escambi eu reguliè, que tous abitans de Clerguet demandan que sie mantiengut, Per esgard à las òfres heytes pous d'Espoey, la Cour que permet aus d'Espoey, sousmés dou Rey abans l'escambi, de-s remete en la juridiccioû è segnourie dou Rey. Que pagaran dens lous oeyt dies au segnou de Batsalle lous despéns per et heyts ta persegui lou dit escàmbi, suban note balhade au plus lèu. La Cour déclare lou dit countrat d'escambi nul è nou adbiengut è que remet toutes las causes en l'estat oun èran. La Cour que descargue lou segnou de Batsalle, si a-t trobe boû, de très liures de fiu qui pagabe per la dèsme de Clerguet è lou tourne lou prêts de l'estimacioû de la segnourie de Clerguet qui demourara au Rey. En plus, la Cour coundànne lous d'Espoey aus despens sounque sus la proucèdure criminale qui sera per mieytat enter las partides. L'aha qu'ère dounc réglât. A l'agrat dous pleyteyayres ? O e nou coum at bedét e b'at poudet pensa. Toutu, per fis las malicies que s'ataysèn e Mous de Batsale, mantu cop, que presta mounéde aus sous anciens adbersàris dens lou besougn. Mes, paga que calé e lous téms qu'èren bèt drin dus. La Guerre de Trente ans que-s hasè senti au nouste pèys, besî de l'Espagne; la misère qu'arriba. Que calou apatsa las hamières, paga la talhe p'ous qui nou poudèn ta nou pas esta enhastiats p'ous qui nou poudèn ta nou pas esta enhastiats p'ous garnissàris. Quin tira-s'en ? En benén terres dou Coumû ? Nou-y abè croumpadous per ne poudé paga. Touts lous paysâs qu'èren endeutats. Nou-y abè goayre que lous mèstes de castèts, lous grans marchans, lous fermiès de drets segnouriaus qui abèn escuts e prestaben per actes soubén à réméré. �— 370 — Aus qui n'abèn de que respoune, l'usuriè be-us hasè suda la capéte ! E lous Coumptes dou proucès n'èren reglats : Lou qui n'a pas dinès n'ey pas pressât de ha réglamén. Que s'en passa dounc ans e ans en ne parlan. Enfingues, en 1640, trètze ans après lou yudyamén, lous sendics que soun coundannats à rénde coumpte e û arbitre que deu esta noumat ta da situacioû. Aquet arbitre qu'ey Mous Isaac d'Abadie, segnou de Liuroû e de Hourcqs, Counselhè dou Rey. Que ba audi partides, espuga lous coumptes d'emprounts e d'administracioû. Proumesse qu'ey hèyte d'aprouba, lauda e ratifia tout ço qui aye ourdounat e yudyat chens engadyamén. Lou coumproumis qu'ey escriut per mâ de noutàri lou 26 de garbe 1640 e lou Parlamén que l'aprobe lou 21 d'aoust d'après. Luts qu'ey hèyte en û an en tant de coumptes escuragnous e lou Coumû que décide, ta paga lous mey pressats, d'emprounta, lou 18 de setéme de 1641, quoate mile nau cents quatourze liures au dinè doutze (8,33 %) en engadyan lous bés dou Coumû e lous de cade abitant. Lous déutes que soun de lèdes bèsties, sustout au téms dou mauana. Lous ayòus qu'at esprabèn. Qu'en parlaram gn'aute ore. Praubes payrans necerous ! Be b'en abèt dounc bist e b'abèt dounc abut à carcula ta mantiéne lou boste ana e ta mau-bibe en téms hechucs e ingrats ! Si nou counechèt ni lou b a ba ni las letres de moulle, n'èret pas toutu auta endarrerits coum at disin soubén. Ue luts que yessibe à perpaus de débat bostes couhétes e û noble cô que tictaqueyabe à l'endost de bostes chamarres. De pay en hilh, que-b trasmetèt l'istorie de l'endret e qu'abèt idée dou mielhurè. Lous Fors e las coustumes qu'èren la boste garantide. Que-us sabout, à l'aucasioû, ha respecta p'ous Puchants de l'ore. Si abèt à minya chou quoan la segoutide ère trop horte. e lou pés esbariatiu, dens lou téms, que-b sabout ha baie dret. Qu'abèt relacioûs dab lous Grans, Nou-n poudè esta qu'atau, qu'abèt partide ligade. A las ores maies, lou de qui n'a qu'en a à fourni e lou petit qu'a à truca à la porte dou bouryés ou dou castelà. Si, coum oey lou die, e tirabet de soubres la lèyt de la baque dou Coumû dinquie à l'eschourluta, per fî que se-b tournabe ta dessus e qu'abèt à ha peniténce. Si abèt quauques plaps, qu'abèt tabé las grans qualitats d'esta balents e couradyoûs. La désespérance nou-b counechè; de tiéne toustem pè, qu'ey cause saubadoure. Paysâs, artisàs, bouryés de d'autes cops, tribalhadous de mâ e tribalhadous de cap, touts estacats à la Terre ' mayrane, la boste istòrie que mérite d'esta mentabude : que-b abét pla gagnât û soubeni ! YAN DE TUCAT. �— 371 — LAS REBISTES Ha coum lou marchait courtes, Croumpa à quoate e bcne à très. Amie Talhur, Que-s parech que lous ahas n'anaben pas coum calé, mes que ban ana, ou hère à dise. Lou Goube.rnamén que bòu que la mounéde que sie aboundouse e que tout lou mounde que croumpe, suban lous besougns e tabé chens nat besougn. Dab chic de sos, cadu que poudera abé hère de pecetes. Si s'y croumpe hère, lou marchan qu'abera la tiréte garnide, lou paysâ qu'abera bilhets à toutes las poches. Lou coumerce, lous ahas, tout qu'anera en pét de diable e lous mey mourts de hami qu'abe.ran hartère dinquio la nine deus oelhs. Lou Goubernamén que ba ha coum lou marchan courtes : croumpa à quoate e bene à très. Que ba croumpa lou bi, lou roumén, au prêts de hausse lou mey abantadyous tau benedou e qu'at ba tourna céda au counsoumatou à u prêts resounable, lou mey bach. Quoan om hè negoci dab ardits d'emprount ta que ha lou pichecourdetes ? Tout aco que s'ey dit, tout aco qu'ey escribut sus lou papè, tout aco que déu arriba e, si n'arribe pas tè, que bos, que haram coum abém heyt dinquio bidare, prene pacience e minya de ço qu'ayam. Nou credies pas que-t bouy esclari touts aquets abus. Diu mercés que-y a medecis qui saben remèri ta goari la « crise économique », e, si arribe la crebère, que sera dilhèu permou d'abé abalat trop de remèris. Mes que-t bouy counda l'aha d'u quauqu'u qui s'ère heyt marchan d'escuts à bou compte e qui, dab yupitèri abè heyt marcha lou sou coumerce. L'istoerote aquere que l'èy troubade hens u bielh armanac oun l'abè coundade lou nouste amie, oéy défunt, lou Cascarot. Lou Bidalhè de Bilefranque, à truques de courre hères e marcats, que s'abè estaubiat quauques sourilhots e que.-s boulou establi à la bile marchan de burre, harie e oéus, tout ço qui eau enta ha coques e pastis, Que louguè u tros de rnagasi à la grane carrère e qu'atendou las pratiques. Las pratiques n'arribèn pas e toutu lou mounde qu'èren prou gourmans. Lou burre ? que disèn que-u pintrabe dab salouperies de pintrure. La harie ? Qu'asseguraben que-y mesclabe piastre. Lous oéus ? Lou qui-n croumpesse qu'ère segu de-y trouba lou pouret dehens. Tout aco que duré dus mes, mes nou poudè pas mey dura. U sé, lou Bidalhè que digou à la soue hémne : — Tout aco, bedes, que bié de la mensfidence deu mounde. Douma, dissatte, que bouy essaya de bene escuts. — Escuts ?... — O, escuts, à 7 liures e 15 sos lou pa, e que bederas que nou m'en croumperan pas nat. La hemne deu Bidalhè que cregou que lou sou òmi qu'ère badut pèc. �^rri 372 — Lou lendedie, au mati, lou Bidalhè que ba coumanda lou tambour de. bile : « Ra ta plan, plan, plan ! Lou Bidalhè que hè sabé que bòu barra la boutigue e quita la bile douma passât. Mes, coum nou s'en bòu pas ana dab ue trop grane cargue de bagadyes aqueste brèspe que benera, daban la soue porte, despuch quoate ores, dus sacs d'escuts qui-u génen, e que-us léchera à 7 liures e 15 sos lous dus. A l'entrade de la noeyt, que eau que sie tout benut. » A quoate ores mens lou quart, lou Bidalhè qu'ère assedut sus l'entrade deu sou magasi, darrè ue taule oun abè arruat lous escuts à pielotes d'ue. doutzéne cadue. Suòu truc de quoate ores, toute la bile que badabe daban la banque deu Bidalhè. — A 7 liures e 15 sos lous dus escuts de 5 liures ! Si cridè lou marchan. Arrés que nou croumpabe. — Per segu qu'ey badut pèc, si hasè l'u. — Bàlen pas arré, si hasè l'aute. — Per segu, que soun faus. — Que deben esta de ploum. De qui n'y abè que-us suspesaben. D'autes que-us hasèn tringla l'u countre l'aute. Que n'y abou u qui ourbi lou coutèt, que hasou ue raye sus l'escut dab la punte e que tourné pausa la pèce sus la taule dab u ayre de mesprèts. — A 7 liures e 15 sos lous dus escuts ! si bramabe toustem lou marchan. Mes que poudè crida e arrecrida. A la noeyt barrade, nou n'abè pas benut nat. Toutu, lou campanè qui passabe t'ana souna l'Anyelus que s'arrestè, que chausi penden u moumén e que-s hasardé à-n croumpa dus per 7 liures e mieye. Autalèu qui abou trucat las campanes, que courrou ta ço d'u bijoutiè pui pesé lous escuts e qui-u digou qu'èren deus bous e d'aryént franc. Lou sounadou qu'at dits pertout. Lou mounde que courren ta la boutigue deu Bidalhè. Trop tard. Lou marchan d'escuts qu'abè sarrat la banque. Mes burre, oéus, harie, lou mounde nou-y lechén pas arré. Touts que boulèn croumpa. E despuch, nou manqué pas de pratiques. Touts que disèn : — Nou-s pod pas denega. Pècs e fichuts pècs qu'estém, l'aute dissatte, de nou pas croumpa marchandise de la boune e à boU coumpte. Permou, qu'en eau coumbiene, ço qui bén lou Bidalhè qu'at bén deu bou. Si lou Goubernamén, en han lou marchan de bilhets à bou coumpte, coum lou Bidalhè abè heyt lou marchan d'escuts, poudè hica au toupî deu mounde que lou sou coumerce n'ey pas nade couyounade e que ço qui proumet n'ey pas ue bouhigue de hum, auta plâ que courrerén ta la soue boutigue e ta toutes las boutigues. Nou-y aberé mey ni reyte ni carestie. Tout qu'aneré en pét de diable : aryén, paraules e pots au marchan. Adiu, amie, e goarde-t de mau. (Le Patriote des Pyrénées.) L'ESBAGAT. �RECLAMS DE PERQUIU Lou Teàtre nousteLou ounze de Yulh que hasèn à Plasénce dou Gers l'estrée dou Pastis-bourit, la coumedie trebaténte de J. Samsou. Om que-s broumbe lhèu que publicabem au darrè numéro nouste, Ende ero. Que boulèm atau, que lous Reclams e houssen u drin de la hèste. Ya eau dise, que la pèce que s'at birabe d'aulhous, miade dab u bèt balans per actous qui-s troubaben hort adayse sus l'empount : La scène de la yumplayre, si-ns an dit, qu'estou réde aplaudide. Coumpliments aus yoens actous e tabé au nouste counfray qui bederam à Leytoure : Qu'ey sus la boune bie, hardit ! loungademéns qu'y pousque camina. Cansoûs de case. Lou Simin, qui estibe coum touts ans per Bagnères, qu'a debisat au teàtre, à la demande de la Soucietat Ramoun, de las cantes noustes. Lou beroy escabot cantàyre « Lou Cèu de Pau » qu'ère arribat esprès ta l'y tiéne de tole. La gran sale qu'ère plée e, n'ey pas besougn de dise que y abou patacs de mâ de l'u cap à l'aute de la belhade. Lou councours de PredicsQue tournam broumba aus lebites dous grans seminaris de Auch, Bayoune, Tarbe. e Dacs, que l'Escole Gastou Febus qu'abie u councours de predics. Dus sudyècs d'impausats : 1° Nadau ; 2° La Parabole dou brabe Pastou. Que lous yoens amies de la léngue mayrane, qui an tad aquero dinque à la fi de setéme, que-nse hàssien tribalh dou yénee. Manda las coupies, d'aci au permè d'octoubre, au nouste segretari en pè, M. Camelat, à Arrens (H.-P.). Per mou de Yaques Casassus. Quau seré lou counfray qui nou-s soubieneré de la care tant arcoelhénte, tant amistouse de l'aussalés qui-nse dabanteyabe, à las hèstes mayes de Maubourguet, Ortès, Ayre, Peyrehourade e Pau ? Ya coundabem à la soue desparescude, qu'u amie dous sous que-nse diséré ballèu quin hou estacat à la soue. Terre mayrane e, à cops tabé, pouète. N'ey pas endeballes qui at esperabem. Coume èrem en tri d'espuga aquéste numéro, Mous d'Eyt, et tabé aussalés de la boune ley, que-nse mandabe quauques payes sus lou défunt porte-banère. Ta ballèu doungues lou plasé de publica-u e, per la mediche escadénee bersets inédits encoère. �— 374 — Permou de Catalougne. Dens aquestes dies plabiscous de la l'î de Garbe, l'Espagne, de l'û cap à l'aute, qu'ey à hoec e à sang. Aragoû e Catalougne, terres de balentise qui, dens lous tems e bedèn à lheba-s lous hilhs mesclats aus de Gascougne au countre dous Moùrous, que soun en heroudye peléye. Que s'en debirara ? Aylas ! Pièles de mourts e hère de roèynes. Tabé, doulénts de ço que las noubèles anouncen cade die, que mandam aus noustes frays de l'aute estrém de la mountagne lous noustes bots qui nou-s troben que dens û soulet mout. De toute la force de la nouste amne qu'ous cridam : Pats ! Lou passey d'Andrèu Pic capbat Italie. De.spuch que nouste capdau d'aunou, e hasè la soue camade p'ou Belle Paése, nou s'ère dit que nat Febusien s'y housse anat passeya. Qu'ey nouste amie de Goundrî qui s'en y ey anat ha û tournot, noû pas en touriste, passeyàyre ou en roumiu coum Daugé, mes coume anounciadou de l'obre gascoune, demiade, que hara ballèu cinquante ans, pous de YEscole Gastoû-Febus. Lou gouyat, qui debise la lengue de Pétrarque e de Fogazzaro, que deu ha estangues dens ues quoandes ciutats, Firénze, Roume e Napoli, oun parlara sus lous escribas noustes. Ya eau dise que las counferénees aquéres, que poudoun èste adoubades gràcis à las endiques de Marius Jouveau, capouliè dou Felibridye, e las ayudes frayraus d'û amie italien de las Létres d'O, lou proufessou Mario Chini. Mes que tournaram counda la hèyte ballèu. Lou charmatori dou gascoû. Qu'acabaram aquestes Reclams de setéme per û dise qui-us a prou esmabuts ; qu'ey lou Samsou de Boumarchès qui lou-nse counde e qu'où be serbiram tout caut : « U dous mes amies de yoentut, si-nse dits, partit ta las Amériques e maridat acera dab ue Belge (e qui biengou bàte-s taus trucs de 1914, s'ou frount francés) que demandabe û cop à û coumpagnoû de Gascougne, sourdat coume et, après loungues pauses oun debisaben dou païs : « Ecoute, je voudrais te demander quelque chose qui me ferait bien plaisir, parle-moi un peu patois. » E lous oelhs qu'où se gouhin, si-s parech, aus prumès moûts de la léngue nouste qui s'abè quasi desbroumbade. GauyousNouste amie Yan Guichot de Sent-Haus, que bién de s'arrapa û dusau prêts (e 250 liures, tins-tins), per la soue cansoû : Beroyes Pirenées au councours de La Bonne Chanson : Que ba miélhe que plâ. E are que lous bèrs e soun estats causits ta èste hicats en musique, que s'en esdebùrin per aquiu ta que nouste balént counfray ens at cànti à Leytoure. L. R. �— 375 — B1TE BITANTE La Gracie de Diu Qu'abém dechat l'aute cop à Louiset de las Tourtères, baylet per bite e per mourt enço de Francés de las Ucholes, sénse dise goayre per quine escadénce s'en ère début ana de ço dou sou prumè mèste, sabets, lou cousi riche, e qui tant beroy predicabe u die de péle-porc. Aquére que s'at bau de que la be coundi. Doungues, qu'ère dens las anades d'abans la guerre, oun lous paysâs munits d'u petit capitau à la rénde e poudèn bibe adayse, ha dous bouriés, hica lous hilhs à las escoles, segui marcats e. hèyres e passa-las-se chens trebucades. Mous de Hourcade — atau que s'aperabe lou cousi de Francés de las Ucholes — que perseguibe lous die.s plaserous, e neurit atau dab poc tribalh e quauques embits e amassades de parénts, ya credè que lou bèt tems nou s'acabaré. Permou d'aquero, medich à las ores d'estiba ou de sega, nou-s manquère ne u biadye ne ue casse. Qu'èrem per Garbe, e aquet die, die d'u sourelh plouman e hissant, Louiset e dus lougats que s'abèn ayassat u parelh de yournades de hourmén. Enta la daune, qui hasè la pause débat las oumprères dou beriè, Louiset que y'anabe : — Daune, lou roumén qu'ey segat, e credéts que seré prou sec ta passa-u per la batuse. abans lou bfèspe ? E la daune de respoune : — Que t'en a dit lou mèste,abans de parti ? — Yuste arré, tè, que m'a dit. — E doungues ya sabes quines idées a, e se lou roumén ey batedé, prén-te mounde, porte-u à la batuse. — E se plau, daune ? Lou sou que m'a l'ayre enquietot e l'ausèt de la plouye que piule. — E bé, que l'entrarats à la borde. E, sus aquets ourdis, lous segayres e autandes de ligadoures, u cop disnats qu'èren au plané. U cam founsiè bèt à l'arrayòu, oun de toustém ensa lou grâ e tournabe sac per miéye e yessibe dab palhe hournide, cabelhs beroy arrecats e poques pourgues : Per ço qui ey de las plouyes de Pentacouste e dous arrous de Sent Yoan qu'abè prou horte la came ta s'en trufa. Que hasèn garbes sénse trop coenta-s quoan Louiset, espian lou cèu, e digou : — Ya ! Nou bam poudé brespalha, oerats lous Espagnòus qui couméncen d'embia-ns flocs de brume. E bedéts acéré ? N'ey encoère que drin de lâ cardade, mes que-s pouderé que prabèsse e qu'amièsse abans quoate ores plouye ou grêle. — Bessè que nou, qu'acabaram abans, e digou l'u dous omis. — Liguém biste, sénse parla, e hasèn las hémnes. �— 376 — Mes touts de planta-s e d'espia lou cèu qui-s pouplabe d'autes brunis e s'ennegribe. E ballèu qu'èren cabaliès qui s'en anaben à galops, coum se bachèssen de las piques, toutu que las bouhades d'u ayre fresquet debaraben sus la lane. — Le periglade que ba peta ! si hé Louiset, nou s'at bau de decha nega tout lou cam de hourmén, saubém quauques hèchs. E las ligayres e lous segayres de s'y ha de pous, e de carga la carréte : — Balhats-m'en à you ! si cridabe lou qui ère puyat dessus, e qui apielabe las garbes, beroy l'ue sus Faute, enta partadya lou pés. Tant per tant s'en abèn la carretade sarcide, quoan bin à lusi lou mèste, tournan de la casse, en pantalous courts, guetrat e cintat, e lou fusilh en bandoulière. — Oère, moussu, s'esta pla p'ou miey de las lanes à segui las calles, e hasè l'u dous lougats. — Perma ! qu'a miey-mèste en Louiset e per et que coumande tout en da tribalh e manobre, si tournabe gn'aut prou hort ta èste audit dou baylet. E aquéste, lheban lou cap, qu'ous tirabe ue oelhade qui n'ère pas de las amistouses, toutu que lou mèste, arribat are au cournè dou cam, e doun la bouts asprude e-s sentibe dou machan tems, lous digou : — Que hèts aquiu, bam ? — Que hèm ço qui mey e prèsse e tournabe lou Louiset, parlan per touts. — Nou poudèts aténde de sega lou hourmén ? Ya sabès que oey mayti la plouye que miassabe, toutu n'ère pas trop madu e nou riscabe de desgragna-s. E coum chacat d'ue agulhade, Fòïni que-s bachabe drin, que-s gahabe entre lous dits, dus ou très cabelhs, qu'ous toursè dinque à ha-n espréme la gragne qui cadè per terre, e enhastiat, haussan las cspalles : — Que y'abè lésé, ya de sega. — E o, que poudèm aténde, mèste, mes be sabets que-b agrade de coupa lou hourmén prou trénde dens l'espigue, ta decha-u à cops madura dens la borde ? E puch, en bertat, lou die que s'anounçabe tant cla ! Ad aquero l'aut nou tournabe arré, dab lou pè, que s'y hasè coum se boulousse et tabé amassa garbes, e giugnan-lou drin, per débat las aies dou sou berret, Louiset que perseguibe : — E puch, u debi nou seré ca, se lous paysàs lou poudoussen counsurta cade die qui s'en ban de case dab la dalhe ou l'arrestèt s'ou cot. Ta franc dise, la plouye n'a miassat qu'à las ores de brespalha, e autalèu coum an parescut lous brums que-ns abém dit : Prou de roumén de coupât, hiquém-se à liga. E ya bedets qu'atau la maye partide dou cam que sera entrade. Saubém-ne quauques hèchs ! Dau ! �— 377 — — O ho, Louiset, predica que hès e qu'èy deya las prumères goûtes d'aygue s'ou chapèu. Lou baylet, dinque adare, n'abè pas boulut dise quin ère anat demanda ourdis à la daune, mes espian quin s'at prenè lou mèste à l'arrebouhi, qu'où te hasè : — D'aulhous nou hém que ço que Madame a coumandat. — E que t'a poudut dise la daune, e digou hechuc, lou mèste ? — Qu'a dit ya : Nou bòu plabe de oey mes se plau, entre ço qui pousques. E tribalh que y-a,e se-nse e boulets balha boste ayude gahats-be u arrestèt. Sus aquet embit dou Louiset, lou mèste de Hourcade, sénse ha coumpréne arré, à grans pas que s'anabe arrecapta lou fusilh débat u arbe e que-s boutabe à carga coum lous coumpagnous : — Nou minye, et tabé, coum lous auts ? se hasè, trufandè, e à miéye bouts u lougat. La cargue ligade, Louiset que-s gahabe au cabéstre de la cabale : — Mèste, s'èrets estât per case, qu'aberets lhèu balhats d'autes ourdis, permou, oerats, quoan lou baylet estaque l'asou oun lou mèste at bòu, se l'asou se coupe l'esquie nou y-a arré de dit. — O, ho, Louisét, parle, tu que sabes, si-u tournabe Mous de Hourcade en l'espian parti dou cam enla. La carréte cargade, qu'en anaben de prèsse, quoan drin enla èren estangats per u barat pregoun qui d'ourdenari e garniben de trouncs d'arbe, e de tasques ta que las arrodes ne houssen pas segoutides. — Anèssem coélhe quauques pèces à la borde e cridè Louiset, débat lous prumès trucs de la grelade qui hounibe, senou que-ns engourgam. — Que, se. digou lou mèste, doun lou toupi de malicie e bouribe, nou abém aquiu de que garni lou barat ? Dau ! apourtats m'aci quauques garbes de palhe. E touts, touts sounque Louiset, medich lou mèste de Hourcade, que-s gahaben à yeta garbes ta que lou carret anan dessus e passèsse de lis. — Nou t'y hès drin tu tabé, si digou lou mèste au baylet ! — You ? que yetari las garbes dab lou roumén madu sus la hangue d'u barat; qu'at sèy que souy baylet, nou toutu lhèu tad aquets tribalhs. — Pause-t labets, si tournabe Hourcade, en yetan garbes dab encoère mey de prèsse. E de sauta au cabéstre de l'alesane. — Dèche-m ha, doungues, si cridabe au baylet. — Que y'abou lute enter lous dus omis. L'u de crida : I ! Haut ! bén ! à la cabale. Bain se sera lou dit que nou souy mey mèste dou cam, dou roumén e dou bestia ! L'aut : Cho ! alesane ! cho ! nou bas toutu boulé escrasa la boune recorte ! La bèstie, qui abèn toustém douceyade e qui seguibe au baylet coume u agnet, que debè pleyteya dens la soue idée, à quoau debè créde, quoan moussu, enherousquit, de toute la soue force l'estacabe �p — 378 — u cop de pè qui la hé tremi e parti aus à galops. Que-s troulhaben ya, sénse bergougne, lous cabelhs d'or coum se d'arré nou ère, e, d'u bèt eslans, la cabale, lou mèste, la carréte suber-cargade, que sautaben lou barat. Que desatelaben permou que la plouye mesclade de grelots grans coum aragnous que hounibe. Nou s'at balè mey de persegui lou tribalh. La malure dous cèus que-s debè toutu escourre d'abiade : Plouye de periglade, biste passade. Sus la bat, la negrou qu'ère seguide d'ue blangou qui bachabe de las piques; u blu clareyant e propi, u blu biryinau que tournabe à lusi capsus de las nubles. Mes la malure qui coabe deguéns dous dus qu'abè mey d'arradits Coum lou sé, èren enço de Hourcade, abans d'ana-s droumi, Louiset carreyan lou sou mau de co, qu'ère anat tau barat, espia loungademéns lous hèchs de garbes, are pipautes de l'aygue terrouse e de las mâchantes yèrbes qui las abèn engourgades : Toutu ! si-s disè, se s'at bau de semia, de créde à la bertut dous soucs, à la brabou de la plouye miudénte e de l'array madurayre ! Dab la hourque e la pale que sayabe de muda tout aquet palhussè. Lous bras qu'où ne cadèn coume abè pênes à balha passadye au briu de las aygues. A case, que s'abou dus gnacs dab lou mèste. Si l'arrougagnabe aquéste : — De que t'as à plagen ? N'ey pas de bounes espalles ta supourta de pèrde quauques garbes de palhe ? N'ey pas you qui m'at pagui, en fi de coundes; e se n'ès pas countént, sabs ?... » Louiset, qui nou s'atendè à d'aquére, au cap de bint ans e mey qui hasè lou mèste-baylet enço de Hourcade, qu'en hou cop sec estoumagat. Nou sabou que dise : — S'ey atau, n'èy pas mey de coéntes per boste ; que calera que m'en ani ! Las paraules mau-badudes qu'èren largades; dus caps atau nou harén yamey arrè-pè... Abans de cerca-s lou soubac de. gn'aute larè, Louiset de las Tourtères que-s dabe u tour, p'ous besiadyes de la maysou d'oun l'ère degrèu de darriga-s e oun bèt tems-a coundabe d'esbielha-s, dinque que la candéle e s'estupèsse. Coum hòu, que tourné s'ou lindau de la maysou, e sénse s'abisa s'ou bedèn ne se l'audiben, qu'ous y clamabe tant horte qui poudè : — Qu'ey d'u brabe mèste, d'u cap ploumat, de goasta coume aquero lous brassats de garbes cargades de roumen madu e de soustra dens la hangue la gracie de Diu ? M. C. �LAS CANSOUS NOUSTES LOU MILHOL CA *3N^ 0-*~ de -rou-ii-no de « ■^™ (rc •undè u) w -*>——— 4-^ floun- cla(.Joun-dè-no . il es-ci ap ■0 leste e rn bi-ro, lou . aelb cla, Mi- /hou cjuejo r'rl au mi-lhou-ca, 5<ju-to h TV »— r—i— S«au-to, bî-ro/ Sau-to, tira au mi-lfiou- ca . Beroujino de Mouncla, doundèno, l'esclop lèste e lou oelh cla, milhouquéjo au milhouca. « Moussurot, tirats en-là, doundèno, « Milhouca n'ey pas bladà « ni ayma galanteja... Moussurot bén à passa, doundèno : « Diu ! b'ey bèt aquet bladà ! « Beroujino-m bos ayma ? « Lou mén pay ba arriba, doundèno, « dab un mesplè à la ma, « lous tachoûs que bén bira. « Biste, b'en pòdets tourna, doundèno, « louy d'aquéste milhouca « au païs d'ous pegulhas ! » Sauto biro, sauto biro, Sauto biro au milhouca. J. SAMSOU, armagnaqués. �— 380 — COPS DE CALAM Au judje de pats. Un arroumère qui-n boulé en un besin que l'abè citât. « Moussu, lou can dou besin que-m a escanat dues auques e que las bouy pagades. — Qui at a bis ? — Jou, moussu. — E coan a d'eco ? — Dus ans, moussu. — Dus ans ? E qu'és adare qui plagnéts ? — Moussu, que plagni pramou qu'é la be.rtat. — Si ère la bertat, enta qué atende dus ans ? — Pramou que-m a heyt plasé atau, moussu. — E coan balèn aqueres auques ? — Binte-cinq sos cad'ue. — E quin adje abèn ? — Ue semane, moussu. — Més n'èren pas auques. Qu'èren aucatots tant per tant becats de l'oeu ? — Auques ou aucatots, qu'ous bouy pagats. — So qu'ats à dise ? se dit lou judje au besin. — Moussu, qu'èy un can, mes n'é pas sounque adare qui apreni lou doumau qui a poudut ha. — E labets ? — Moussu, aquet omi n'a pas nat temouegn. Lou can ne saberé pas parla enta dise s'ère bertat ou nou. Labets que balhi lou sermen coum qué aquet omi dit la bertat. — Entenets, bous, l'omi ? Hets sermen que disets la bertat. » Moun omi, rouje coum un pimen de semence, que-s boute à dise n'ère pas à ét à ha sermen, e patati e patata. Toutun per la fin, nou pas chens arrougagna l'os, l'arroumère que lhèbe la man. « So qu'ats à dise ? se dit lou judje au besin. — Moussu, sounque asso : que l'ats dit de lheba la man, qu'at a heyt. Se l'abèts dit de îheba lou pè, ta plan tabé, bissè, qu'at auré heyt. » Touts d'arrise, judje e tout, coum p'at poudets pensa, e l'arroumère qui abè lhebat la man, que lhebec lou pè enta se-n pourta, dab l'arris dou can aus pots, lous cinquante sos. N'é pas fin mourt. Médecins e caperans que se-n bésen de toutes abescops dab lous praubes malaus. N'a pas bère. pause d'eco, à dues ores de neyt, que trucaben en so d'un médecin d'Ayre. Lou qui-s lhèbe e demande : « Qui és aqui ? �— 381 — — Jou, moussu, se respoun ue bouts d'omi. Que-b biéni coelhe enta un malau qui se-n passe. — Ey dounc ta mau qu'aco enta parti en aqueste ore ? — Là, moussu, coan souy partit, qu'ère juste mourt; qu'é belhéu mourt adare. — Eh, praube omi, s'é mourt, enta que bouléts que j'àni ? — Bienéts toutun, moussu. N'é pas fin mourt ! » Lou médecin que pou je. sus la carriole qui ou bienè coelhe : que hasèbe ue neyt à talhuca dab un coutèt e lou malau qu'ère à cheys ou sèt kilomètres. En arriba, que tròbe l'omi mourt. « E dounc, adare ? se dit lou médecin. — Adare, moussu, ne j'a pas à dise, qu'é fin mourt ». E lou médecin que se-n ère tournât sus la carriole, dab arré de heyt sounque un biadje de mey ue neyt oun hasèbe escurade coum à la gaute dou loup. C. DAUGÉ. lanusquet. LOUS LIBES A perpaus de Le Gascon per G. ROHLFS. Que-nse troumpabem quoan disèm dens lou nouste rendut dous Reclams de Yulh, que mous de R. e hasè dou mout anèsque, u eraprount dou bàscou. Suban létre qui a pla boulut escribé-ns : « A la page 30 je parle seulement de nesco dans le sens de jeune fille, me demandant si le mot basque ne serait pas emprunté au gascon anésque (jeune brebis) ce qui me semble peu probable, donc il y a deux mots bien distingués : 1) nesco (jeune fille) : basque neska (jeune fille). 2) anesco (jeune brebis) qui vient du latin annisca (agneau d'un an). Que-ns enganabem doungues ! mes nou-ns en coste brigue d'at recounéche. M. C. L'Emprimayfe Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 40, n°12 (Setéme 1936) Alternative Title An alternative name for the resource. The distinction between titles and alternative titles is application-specific. Reclams. - Annada 40, n°12 (Seteme 1936) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - septembre 1936 - N°12 (40e Année) Creator An entity primarily responsible for making the resource Pic, André (1910-1958) Lou bureu de l'escole Camelat, Miquèu de (1871-1962) Caillabère, Teofile de Sequere, Guiraut de la Latourrete, Louis de Bouzet, Yan de L'escriba de Serbici Tucat, Yan de L'esbagat Samsou, J. Daugé, Césaire (1858-1945) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1936-09 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (29 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2943">http://www.occitanica.eu/omeka/items/show/2943</a> INOC_Y2_16_1936_09 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel