http://occitanica.eu/files/original/a1b07170d2f4933c3f461a958a7892cc.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/458103cbeae987a80c36b18934a2b095.pdf 9e5c8c58aaac70f010ebbdcb65b5398b PDF Text Text 4&iu Anadë Yulh de 193$ ■«g L/AMASSADE DE PASQUES Lou darrè cop qui-ns encaminabem de Tarbe à Pau, qu'ère per û maytiau d'aoust, e au lendedie de las hèstes Tarbcses. Per escadénce, dens la coumpagnie dou praube Manuel de Laborde-Barbanégre, e coume espiabem à cops de las parts de débat lous coustalats, e de la raâ de dessus la bat de l'Ousse, puch lous poeys agusats caperats dou berret blanc, lou maynat que-m coundabe quin bienè de pleyteya daban lou Tribunau. Qu'abè gagnât la partide. Gauyous qu'ère de la soue yournade coum pensât. E, de seguide, ya parlabem dous Reclams de 1938 e dous estùdis sus lou Dret antic Biafnés qui-ns anabe escribe... Aylas ! E n'ey pas sénse ue languitut pregoune qui, au cap de oeyt mesades, tournàbi ha lou medich camî, lou co negat dens las doulénces d'augan e, toutû, plé de hidances que la terre sacrade que. s'en neurira encoère, sourdats, dous boûs e dous balénts. Las amassades pascoaus que coussiren mey que mey de fidèus. Brigue lou tourroum-bourroum de las hèstes annaus, arré que, à la yesside de l'ibèr, lous Febusiens reiinits dens ue auyou amistouse. Que-nse troubam à la Mayscû daurade : Lou capdau d'aunou, Daugé; lou capdau S. Palay; lou dinerè Tucat. Tabé las daunes Olympe Coustet e Elise Tonnet, nouste. reyne Clotilde de Lamazou e la soue serou Marie, Madaraisèle Berot, etc.. Noumenta de seguide l'oundrade reunioû, e quin ? Las Lanes que-ns abèn embiat lou pouète Guiraut de la Sequère; l'Armagnac, l'abat Dastarac; de Bayoune enlà qu'ère puyat Yan d'Escanecrabe; de l'arribère d'Aulouroû, l'abat Badiolle e Yulien de Caseboune; de Saubeterre e d'Ortès, mous de Claberie e la soue daune, Edouard Moulia; de Baigts (la mey biarnése ciutat de Biarn) que y'èren coum touts ans Balagué e A. Lasserre-Capdebile (lou pay) ; de Mourlâs, lou degâ, lou douctou Menjot que Yan de Guichot ens abè amiats; de Pau e dous besiàdyes, mous de Laborde-Barbanégre, J. Eyt, LoussalezArtets, Cyprien Pomès e quauques auts. D'abiade lou Capdau que ley las cartes dous counfrays que la malaudie ou lous coumbats de la bite nou dechèn parti : lou sostcapdau Laborde qu'a û entèrrou oey medich, Augustou de Lacaze e J. Gardère que soun marfandits de la frescure doun patim, lou pay Mounaix que. predique sus l'arribère garounése, Yan de Hustach que passara las bacances meylèu, sus la coustère de Touloun. Ne Pic ne Saint-Bezard ne-y seran, tant ey mau-aysit l'ouràri dous camîs de hèr d'Armagnac. E lous Parisiens ? E bé, nou-s soun �— 234 houdyats tapoc, e Pasques noû hasè bâcha ta Pau, ne Yan de. Bouzet, ne Zabiè de Puchéu, ne Louis de Latourréte, ne Yan de Moungay. * * * Lou Capdau que parle d'abord de las hèstes de St-Sebé : Lou Debis dou CapdauAmies counfrays, Permè d'ana béde las autouritats de St-Sebé, lou mes darrè, qu'abouy la curiousetat de reléye aus Reclams de 1902 lou counderendut de l'amassade dou 21 d'aoust d'aquére anade, la cheysau de l'Escole Gastoù-Febus. Qu'en estey û drin estoumagat : touts lous discours e debis qu'estén hèyts en francés e que s'y bedou aquere cause « paradoxale », ta-m serbi d'û tèrmi grec : mounde dous miélhe entenciounats qui bienèn dise aus qui abèn coumbidats à la hèste que calé parla gascoû pertout e toustém, mes qui-us at disèn en francés ! Si lous qui-us escoutaben e pensèn à d'aquére manière de s'y préne enta prouba la balou de Fentreprése, qu'èy l'aubùri que s'en pensèn de toutes; per you, que sèy plâ que si m'èri troubat aquiu, que m'aberé hèyt trepilha, mes, lhèu, qu'aberi pensât au dise, trufandè dou petit mounde e qui atribue à nou sèy quin predicàyre : « Hèt ço qui die e noû pas coum hèy ». Mistral, quoan lou demandaben ço qui pensabe dous felibres qui, per Proubence, hasèn tout parié, que respounè tranquilamén : « Lou diable porto pèiro », ço qui bòu dise que, toutû, aquets franchimans que hasèn counégue lou felibridye e, auta-plâ, lou mounument qu'abè besougn de touts lous oubrès, per tant mau-adrets qui houssen. Oerat lou pount d'Orthez : qu'ey lou diable qui l'a bastit; à la bertat, qu'y manque per débat quauques pèyres — mous de Planté que-m abè dit qu'abè hèyt pourta nou sèy quoan de bros de matériau ta saya de garni lou heurat demourat à la counstruccioû — mes toutû lou pount que tién e que hé serbicis. Urousamén, lous qui escoutaben lous capulats à St-Sebé n'èren pas mounde dou coumû : touts omis de payère, munits d'ue haute enstruccioû, ne y espiabem pas de tant près. Que-m soy dit, tabé, que si y abc abut yent dou petit pàple, coum disè û brabe ortesièn qui-s presentabe à las eleccioùs e qui boulé pesca lou titre, de députât dou petit phple, lou mey noumbrous, ya ba de si, n'aberén pas prés la cause autan mau que you. Qu'an à l'idée, lous noustes paysâs, e despuch loung temps, que lou francés qu'ey la lengue dous moussus — e be sabét que d'Andichoù, l'autou dous noustes Noèls, que hc parla lous anyous e lou gran mounde dou cèu e de la terre dit'erentamén que lous pastous e las pastourèles ? — Or, lous debisàyres de St-Sebé qu'èren touts de moussus; arrés dounc nou s'estounè que parlèssen en francés e tout que-s passa plâ. Per aco, noû sèy pas si lou nouste Camelat, qui y ère, e trouba la cause dou soû goust : que créderi mey lèu que noû. You, ne y èri pas poudut ana, sinoû, que serém estais dus au mens à pensa parié. Que eau dise tabé qu'en èrem aus permès temps de la nouste �- 235 — Escole e si l'esprit de l'obre qui s'abiabe ère au co de touts lous counfrays, que-m pénsi que la manière de l'esplandi que demourabe... escoulàri, au sens qui da lou pòple au mout escole. Qu'èy soubén escriut e n'èy pas cambiat d'abis, qu'aquet mout, dat per lous primadiès à las noustes assouciacioûs, ne dits pas au moundot ço qui deberé dise. Enta d'et, ue escole qu'ey e demoure û endret oun y a reyents e escouliès, ço qui rebién à dise mèstes e eslhèbes : d'ue. part, lou qui ey enstruit e qui amuche, de l'aute lous ignourents e qui an à créde. N'èy pas besougn de préme sus lou sentiment qui debire d'aquére idée. Certes, ne pensam pas mey coume quoan èren drolles, que l'escole qu'ey û endret prou desagradable, mes, té que demoure toustém quauque arrè-co d'aquet passàdye, oun moussu reyent n'abè pas toustém la manéte douce coum belours. Diu mercés ! qu'en y a tabé de prou moudèstes enta-s dise que lous omis, per û coustat ou per gnaute, que demouren escouliès toute la bite, mes, qu'en èy pòu, la moudestie n'ey pas lou fèyt dou gran noumbre. Be sabét l'arreprouè : cade crapaut que bon ha soun saut ? Arré nou dits que si poudèm léye hens la cerbèle d'û crapaut ne-y troubarém pas l'idée que la bestiote que-s pren per l'obre la mey coumplide de la creacioû. Enta-n tourna à l'amassade de St-Sebé, digam, si eau ue escuse aus debisàyres, que ne couneguèn que la metode d'ensegnamén escoulàri emplegade enta las lengues estranyères : aus coulèdyes, qu'ey en parla francés qui lou proufessou aprén lou latî, l'anglés ou l'espagnol : atau qu'at entenèn, de segu, lous noustes debanciès. A cade temps las soues modes. Adare, qu'empleguen ço qui apèren la metode « directe ». Per nous, lous qui èrem yoéns qu'a quarante ans, Diu sap si abém cridat countre ço qui n'abèm pas pòu d'apera û crimi de lèsefelibridye. La rasoû, lou sens dret de las causes b'aberén début ha coumpréne aus gabidàyres de labets quin se metèn en countradiccîoû dab lous lous prouclams, mes, las noustes... rantoynes nou parbienèn qu'à ha-us enmali. Qu'ey soubén atau qui-s passe quoan noû y a pas nad countredit poussible. E toutû, touts que sabèn parla biarnés ou gascoû; que l'escribèn hère beroy, au mens per la maye part d'enter ets... Amies, aço que probe û cop de mey que l'esprit dous omis qu'ey plé de countradiccioûs e que ne-s eau pas estouna d'arré. Mes, que y a exémples entaus qui tribalhen à l'obre doun èm lous serbidous; qu'ey per l'accioû la mey simple e dounc la mey sensiade qui tant de poples e-s soun lous ûs mantienguts, lous auts relhebats e liberats : per la lengue parlade tout die e chens cès, en toute auhèrte, daban tout lou mounde, toustém permère, toustém à l'aunou. Si abém la fé — e que l'abém — si credém à las bertuts de la race e qu'ayam lou boulé ferme de las mantiéne e de las ha esplandi, si èm fiers de ço de nouste, que eau que preniam fièramén la lengue mayrane coum û drapèu qui simboulise la patrie e aquet drapèu, n'ou se eau pas yamey hica hens la poche ! Quoan pàssi sus la carrère. e qui enténi quauqu'û qui-m counech dise au sou coumpagnoû : « aquet qu'ey û felibre », que b'at die �— 236 — francamén, que-m hè plasé autan qui m'en pouderé ha lou coumpliment lou mey presat. Enta d'et, per segu, quoan nou sabera pas dou tout au tout ço qui bòu dise lou mout de felibre, que coumprén tcutû que represénti ue idée doun la lengue mayrane ey lou foundamént e qu'ey ço qui eau. Dab aco, toutes las espérances que soun permetudes : à nous de ha lou poussible enta que-s realisen. » Lous dus capdaus Daugé e Palay que soun anats ta Sent-Sebé e qu'an hèyt coumbienguts dab las autouritats : Que y'anirém tau prumè diménye de setéme. E aquiu sus, mous de Palay que balhe la paraule au dinerè. Aquéste que toque lou pous de la Dinerole ta 1937-1938 : « Que receboum 9.593 1. 85 e que pagabem dinque are 5.608 1. 55 doungues que y-a en bousse 3.985 1. 20, mes ta paga lous dus trimèstes d'abriu à setéme (6 nos dous Reclams) que caleré, à 3.204 1. o5 cadû, 6.408 1. 10. Que-nse manquen 2.422 1. 80. E bedéts quin lous darrès prêts d'emprimerie e despatraquen la nouste. dinerole ? Urousemén qu'abém roumén dens las arques tad acaba l'anade 1938 e abia 1939. Mes, abisém-se que ta l'an qui bién, que calera nou mey 9.299 1. 80, mes 11. 707 1. 55, e nou toucaram proubable que 9.500 liures. Que eau ha en tau escadénee ? Si-nse sémble amendri las payes dous Reclams ou puya la coutise ta 25 liures ? Mes, s'abracam la rebiste... l'obre qui decad que court à la mourt e la nouste obre qu'ey trop bère, trop bibe ta qu'aye mustre. de deli-s. Coumptém sus 450 coutises, à 25 liures que balharén 11.250 liures, soume encoère trop bâche, pusque lous 11 numéros e coustaran en 1939 : 12.350 liures. E eau labets préne sus lous dinès qui abém d'abance ou créa d'autes rebienguts ? » Sus l'embit dou Capdau lous mémbres dou Counselh que disen cadû ço qui s'en pénsen. Que-s mesclen à la discutide : C. Daugé, J. Eyt, A. Claberie, Y. Caseboune. Per fis, que deciden de. bouta d'are enla l'abounamén dous Reclams à 25 liures ta France e 35 ta l'estranyè, e. de nou publica mey que dèts numéros de 32 payes : « Ya eau espéra, si dits lou Capdau, dens la fé dous noustes counfrays; nou bouleran, per cinq liures de plus, abandouna ue obre qui aymen e qui an mantiengude dinque. à bitare. Que hèm gn'aute aperè aus qui noumentaram membres d'aunou e qui counsentirén ue coutise annau de 50 liures. » * * * — Que eau nouma dus membres au Counselh. Lou Capdau qu'en hè l'anounce. Lous dóus de l'Escole. Amies Counfrays, si dits, toutû quoan y abera prou de temps, be-b soubienét qu'à l'escole que-ns abèn après que lous ancièns que partadyaben lou temps en périodes funestes e proupicis qui, de toute manière, suban la marche rigourouse dous astres, e debèn arriba; countre ço qui aperaben la fatalitat noû y abè qu'û partit à préne : bâcha lou cap e decha passa. La science n'a pas encoère esplicat la bite e n'èm pas mey aban- �— 237 — çats aquiu sus que lous permès omis : bounurs e malurs qu'arriben au tour e si daubûs e sustiénen qu'abém en ma lou nouste destî, au mens per ue part, qu'èm toustém autan mau-abilles à-u coundusi. La fatalitat qu'a goardat lou soû pribilèdye. Despuch la darrère amassade pascoau que sabét, amies, quin FEscole nouste ey estade toucade : Paul Sabathè, Yan dou Gouf, Emmanuel Laborde-Barbanégre, lou douctou Dolèris, ta nou mentabe qu'aquets quoàte felibres d'eley, que soun mourts. Que eau tourna dinqu'à 1912, qui s'enpourta Adrien Planté, P. D. Lafore e lïenric de Pellissou à d'arroun enta béde ue anade autan crude qu'aqueste enta nous. Quoan l'àdye ey aquiu, que disém coum enta-nse counsoula : qu'abè hèyt lou soû tour; mes quoan bédém û gouyat coum Emmanuel Laborde dalhat coum ue èrbe en sa flou, quin nou pas senti mey crudamén la herou de la fatalitat ! Certes, lou crestiâ, en counsidera la bite coum û passàdye d'û mounde ta gnaute, que-s reprén, mes qu'èm toutû de carn e d'os; qu'abém û co dount n'èm mèstes qu'à mieyes e la doulou n'estaubie pas à d'arrés. Haussém toutxi nouste amne en accepta couradyousamén lous cops dou sort. Lou debé que coumande de ha pè-rem en espéra. Lous qui soun partits qu'an tribalhat enta l'abiéne de touts mey qu'entau lou pròpi; seguim la leçoû d'aquets balents e Febus aban ! Que lous qui-us an perduts e doun la case ey tant boeyte d'aquére despartide, que sàpien que la loue, péne qu'ey tabé la nouste. Mes, de segu, la sente dou Felibridye, la douce Estéle qu'ous abera bouluts arcoèlhe acera, permou que houn de boûs e leyans serbidous de l'Idée e de la Patrie ! S. P. * Que passam labets au n° 3 de l'ourdi dou die : Dues nouminacioûs au Counselh, e nouminacioû dou sost-capdau d'Armagnac. En places dou reyent Y. Duboscq, lanusquet, qu'aberam à mous de Sequé pouète, e sourdat de la gran guerre; au loc de Paul Sabathè armagnaqués, Yulien de Sansoû, ancien sourdat et tabé, òmi d'obres, autou dramatic e debisàyre dens las amassades de paysâs. Lou Bnrèu d'Armagnac que seré coustituit coume aço : Sost-capdau, Sansoû; dab l'agrat d'Andrèu Pic, segretàri, l'abat Marcel SaintBezard, proufessou de gascoû au coulèdye de Gimount, e yénce coullabouradou dous Reclams. — Lou Capdau que demande au Counselh de merca lou soû grat au baient proufessou Guillaumie, de la Facultat de Letres de Bourdèu permou dou soû cours public de l'ibèr sus lou teàtre nouste, e dou ne manda coumpliments. Lou bot qu'ey aclamat d'abiade. Dus ou très autes ahas qu'apèren encoère l'atencioû dou Counselh de Febus. Noû haram que noumenta-us en brac : 1" Lou Capdau que da counechénces de l'embit que lou Président de VEscole déres Pirenées, mous de Lizop, e hè d'ana ta Fouch per Pentacouste sus l'escadénce de la Ste. Estéle de 1938. Que-y seran de tout lou Mieydie, �— 238 — e qu'abém hides que s'y troubaran ù beroy escabot de biarnés e gascons; 2° Coum FEscole n'a pas nat porte-banère, despuch la desparescude de l'aussalés Yaques de Casassus, lou Capdau que prepause à mous Yan de Guichot, omi de boune care e bèt drin plâ plantât : Que hara depla au capdaban dous noustes courtèdyes; 3° Lou Capdau que tourne parla au Counselh dous Psaumes de Salette doun lous dus prumès libes, débat lou titre de « U Flouquetot », èren estats publicats que y a dies per l'abat Bidache. Lou pastou Cadier, mémbre dou Counselh de l'Escole, que bién de prépara lou tresau libe d'aquére obre antic, e que dara à l'emprimàyre û texte courridyat sus las edicioíìs qui nou-s troben mey qu'à Loundres e à Paris : Quoari tout sie preste, qu'aubriram ûe souscripcioû dens lous Reclams. Lou Counselh, sus la demande de mous de Claverie, que mande au pastou Cadier lous sous còumpliments per l'urouse acabade d'aquet tribalh. Mieydie que truque. Ores qu'ey de plega la came. A tout loung de l'arrecapte, brindes e cantes que-s hèu audi. Guichot de dise la soue Fable de la Graulhe e dou Boéu, Clotilde de Lamazou de canta, dab Marcèle Berot : Quoan lou rey parti de France, e J. Eyt despuch d'abé hèyt brouni : Aussau jou m'en y bmi ! Aussau mas amour êtes, de dise aquéste hère pouesie : L'ESTELE DE FEBUS Aus counfrays e amies, M. CAMELAT I Estéle de Febus, gabide ma pensade, Escauhe m oun esprit de ta tèbe alenade, Bouhe en moun cô lou hoec sacrât de l'estrambord E moun amne, en rabian, clamara soun trasport ! Bère estéle esmiragglante, Deley ta bue ahoeganle Sus nouste fé tremoulante ! II Reyne dou joy prousey, Muse deus bèyts cantàyros Houn e puts aboundous taus gaybasents parlàyres, Qu'ès lou drapèu d'amou, de pats, de libertat Deus aymadous de fé, d'ideau, de beutat. Bère estéle esmiragglante,.,. III Simbèu deu gay-sabé, deu desbrouni saubadoure, Qu'as abitat l'esbruse e la gent çae saboure, Mercés à tu, lou frul madu deus tems passât, Simple mes gran d'aunou, trop soubén mospresat. Bère estéle esmiragglante,... e S. PALAY. �— 239 — IV Mercés à tu, lou bielhè defun, de brounsido, S'ey desbelhat, au permé hèp, ta ha seguide : Nouste loéngue au descrit qu'a tramât chens fayçous, Countes e istoerots, rebalays e cansous. Bère estéle esmiragglante, Deley ta bue ahoegante Sus nouste fé tremoulante ! V Tabé, que treslusech, renabide e gauyouse, Capbat noustes parsâs, coum noubiete amistouse : Qu'a desnidat e segoutit lous bielhs pargams, Ta-us deschuca à tout bent, lous arams. Bère estéle esmiragglante,... VI De Marseille à Toulouse c Bourdèu clacasséye, Mes aus tues de Febus, mey qu'enloc, que daunéye, Nouste loéngue mayrane, entau gay coum tau dôu : En tout larè s'assèd, chens bergougne ni pòu. Bère estéle esmiragglante,... VII Estéle de lambrou, may de la Renachénce, Per Gascougne e per Biarn, nouste recounechénce Cantara las bertuts de toun bèt ideau. Au clam : « Febus aban ! » entau but eternau ! Bère estéle esmiragglante, Deley ta bue ahoegante Sus nouste fé tremoulante ! J. EYT. * * * Gn'aute tringadote... Tout dous, qu'èm à las quoàte e que eau apoudya-s ta la gare. Aquiu, engountre nabèt de Pierrine (l'abat Badiolle, lou toustém yoen caperâ d'Agnos) e de ha drin de prousey amasses. Lou darrè cop qui-ns èm bis qu'ère en 1925 e l'aute ahutade ta quoan sera ? Brrr ! Be soun echugues e rédes las bouhades d'abriu ! L'arribère n'a pas la raube primaberau dous autes ans, la yèrbe qu'en ey braque, las sègues toutes séques, mes p'ous casaus toutû, se la flou trénde e suau de la pességue ey cadude, que s'y amuchen dens la loue blangou noubiau lous poumès, lous perès, lous coudougnès, lous ceriesès, lous flocs de lilas dens la loue coulou d'abésque. E acera hore, tabé, qu'ey la mountagne dens la soue glòrie de néu immaculade e d'arroques blues... — MIQUÈU DE CAMELAT. �— 240 MOUNDE ET CAUSES D'ESPAGNE LA HOÉYTE DOUS ARAGOUNÉS Qu'ère per l'estiu de 1935, darrè las pênes de Gabarnie, dens la cabane dou lac dou Mount-Perdut. Très catalâs, û hilh d'endustriau, ù apouticàyre de Barceloune, û médye de Sabadell, touts très au débat de la trenténe, secs, decidats. E de batala dab nous-auts, sénse nade mèque. U escabot de boys-scouts de Saragosse qu'arriben, horts, grans de traque, camatuts. Dab aquéstes, lous catalâs que-s counténten d'û salut : Aquets aragounés qu'ous soun mey estranyès que nous-auts. Lou barrancoAe la Noguera, ya que prou estret, que sépare la Catalougne de las autes proubincies d'Espagne coum la grane mar e sépare l'Urope de las Amériques, e noû bolen saya ne de-s parla ne de s'en enténe. Cadû qu'y bòu ana suban la soue idée. — Qu'abém, si-nsé hèn lous catalâs, lous noustes sapiénts, lous noustes omis poulitics, lou nouste « Centre excursiouniste de Catalunya », lou nouste teàtre, lous noustes libes, pouesies e roumans. Nou croumpam arré à Madrid; n'abém pas besougn de Madrid. — Mes entaus escàmbis, toutû, entau coumèrce, noû lous benêts hèrs tribalhats e techedures ? — N'ey pas ue questioû d'interès ta nous, mes ue questioû de sentimént. Aquets ahas d'amistat ou de hayne que mien soubén hort loegn. Broumbém-se de la heroudye batalhe seculàri dous Anglés e dous lrlandés. Au mes de garbe de 36, qu'èrem encoère en Espagne, mes en Catalougne aquéste cop, de l'aute coustat de la bat d'Aran, au lac de San-Moricio. Nat aragounés per aci, sounque catalâs e francés campats, estiban, adentour de las téndes. Lous catalâs que s'atrouperaben per très, per quoàte; que discutiben aganits, mes à bouts bâche. Noû semblaben espia-s brigue, de las pênes dous Encantados. Ya sabèn deyà que Calvo Sotello qu'ère aucigut e Madrid e l'Espagne au punt d'eslama-s. Quoandes de cops èy pensât ad aquets catalâs, au lou sort, pendén aquéstes dus ans de mâchants sauneys taus qui aymen la nouste besie l'Iberie. Si l'Espagne e patech, lous qui deguéns Barceloune e-s serbéchen de las mitralhétes e de las boumbes, be-y soun per hère ? * * Aquéste mes d'abriu, per las arribes de la Cinca, catalâs e aragounés que hoéyen, mesclats per la misère e la deshèyte, decap aus ports d'Aure. Caytius, oelhs cremats de frèbe e de sourelh que puyen las nebères dou Port Bielh e de la Gela decaj) à Aragnouet, omis barbuts dab saques sus l'esquie, hémnes espeluchades arroussegan maynats qui nou-n poden mey; ya diserén troupèts d'esclaus, se cey lou die n'y abousse encoère. E, en bertat, e soun goayre mey �— 241 — libres que lous malurous qui miaben aus marcats d'esclabes, d'autes cops ? Soûles, las gouyates, trop arridéntes, que pénsen à s'atraca, à s'afèyta e à bibe. N'ey pas aysit dous ha parla. Pòu d'èste audits dous miliciâs qui lous acoussen ? Mes, tabé, rèyte de force, esbaryamén de ço qui lous arribe, nou dében mey pensa à d'arré, medich à l'estenude dou lou malur. Lous prumès qu'arrecoutéchen d'Ansia e de. mey bach. Quauquesùs que-s bouten à lheba û pugn dret : que créden dé-nse ha plasé. Brabe e praube mounde, de segu. Mes enter lous miliciâs qui lous gabiden, ou lous miliciâs alebats, blessats, que y-a quauques cabelhs poc agradius à espia, de l'abis de tout lou mounde. — Segu, que eau hoéye, si-m dits aquéste qui ey dab la soue gouyate, après abé goardat d'û estrém e de gn'aute, qu'arrés nou l'audibe. Lous miliciâs que-ns an tirats de case, que-ns an poussats dehore e puch que bim à crema las maysoûs. Lou bilàdye d'Ansia qu'ère, à hoec. En Arrèu, qu'ey yuste oey la hèj're dous Arrams. Que soun aquiu ûe troupe sus lou pount de la Nèste, demouran lou tri qui-us s'emporte, noû sàben t'oun. Que s'estounen de béde lous' francés ana-n tranquiles à las loues coéntes, e las hémnes enhestides croumpa arrams ta la proucessioû dou diménye. Mes, per Aragnouet, qu'en bachen toustém. Que s'amassen daban la glèyse, demouran lous autobus qui lous porten ta Arrèu. Ue auto qu'arribe. Qu'ey Mounsegnou l'abésque de Lourde arcoelhut p'ou sost-préfet de Bagnères. — El obispo ! si hèn tout dous, el obispo ! Que. tiri drin de coustat l'û d'aquets; qu'ey sus l'àdye, lhèu que parlara. Nou-y coumprén arré mey, si-m dits, en béde la glèyse sancére, las crouts toutes drétes au cemitèri, e p'ous camîs hère de capèrâs e medich 1' « obispo ». — Mas el gobiemo es rojo en Francia tambien, y Frente popular ? Praube mounde ta qui lou goubèrn ey tout ! L'Espagne que poudè cambia de mèstes, mes de reyime, cap. A nouste lou goubernamént qu'ey quauqu'arré quoan semie dinès, mes quoan bòu coumanda causes e autes, que s'y déu abisa : Lou Francés qu'ey badut òmi libre. — En France, si hèy à l'aragounés, lou gobiemo n'ey pas tout, ya s'en manque e quoan lhèbe lou pugn, bère troupe de. Francés que l'abachen. Mes d'aquére paraule, lou me aragounés nou sémble tira-n nade luts : nou coumprén pas. Gn'aute que s'ey assoubacat aci. Qu'ey de Bielsa. Que-m amuche lous quauques bilhets de la Banque d'Espagne d'abans la guerre : — Dab aço au fausset, si-m hè, qu'èy droumit mey de noeyts dehore qu'à case. Se lous miliciâs at aboussen sabut, que seri dens Faute mounde. Adare nou-m soubre arré mey, e encoère à ue coundicioû : que caleré que lou goubern de Franco e digousse boûs lous anciens bilhets. Que preténden que si. Que erey que la mie maysoû �242 qu'ey encoère de pès, permou que serbech d'alòdye aus ouficiès, mes proubable, s'an à hoéye daban lous naciounalistes, que-y hiqueran lou hoec, ta noû pas decha ròpie darrè d'ets. Abans de parti que hicàbi dehore de las bordes lou me cabau d'aulhes e de baques, mes à you que m'en coustabe de darriga-m de débat lou me teyt. Mes lous miliciâs que m'an amuchat lou fusilh. Lou me hilh qu'ey à la "guerre, la mie nore nou sèy oun, e nou aténdi arré de la bite ne de la mie terre !... Guerre haynouse ! qui darrigue yent e bestia de las maysoûs, e noû lous dèche mey mouri-s oun ets at boulerén ! ADOLPHE ■il D'ABADIE. ^jZlí^ S- MOUNDE E CAUSES DE NOUSTE CALAMS NABÈTS : LOUIS BOURDÉTE Se mèste Lacoarret ère d'aquéste mounde (e que-s pouderé, pusque badut en 1861, e seré are mey yoen de dus ou très ans que nouste Lacaze e nouste Daugé), se bibè doungues, be seguiré countént l'obre d'û gouyat qui, au soû exemple, e manéye û calam esberit. Be l'anère de léye au cap dous sous prumès bers la dedicàci : « Permou d'Al-Cartero », testimòni d'admiracioû entad et, lou maye hilhot de Salies ? E-y recounecheré las soues manières de dise, la soue léngue nalre ? Lhèu dens las oubrétes oun lou disciple e s'essayabe à canta sus las régues curades p'ou pouète de P'ou Bilàdye. Boûs tribalhs que la yurade de Febus e medalhabe, mes qui toutû n'èren que d'û cscouliè. L'ana d'aquets brabes bersets que-s debè cambia p'ous yocs de Saubeterre de 1935 oun abém l'agrat de recébe ue pouesie qui n'ère pas de la mediche prestide : l'esmabénte pintrure d'ue escole d'Alyerie; lou pourtrèyt dous neurigats legagnous, bestits de bourlingues e dab qui pus, lènis e pedoulhs e soun de bqune souque; la hèyte dous mounards à qui dab amou lou reyént e hè aparia lous moûts de la léngue de France. Tribalh peniu mes agradable quoan lou mien dab amou, permou que soun aquero gragnes e seménces 1 d'abiéne. ■ Qu'en hou ue noubeletat, aquére pèçote d'û trentenat d'arréques, e quoan nouste Capdau la digou, l'oundrade coumpagnie qu'aplaudibe à grans trucs de mà. Daban aquets reclams poumpous, Bourdéte e s'anabe hourni aus tusmerous mesuràyres de rimes, ue de las plagues dou Felibridye ? Este pouète, e sounque pouèle, b ey l'idée clâreýàhte ou escounude, lou malaudè dous qui sarren oey lou die û calam '? Mes, coum sàben, la pouesie n'ey pas mestioù ourdenàrie e coumune, qu'en ey d'ère (Cerbantès qu'at a dit l'aute cop) couine de la peyrine aus mile hoecs, coume de l'esplingue. de metau fî « que la daune de case �— 243 — n'amuche pas à tout lou mounde e cade die, mes quoan at eau, quoan ey hort besougn. » Quoan sinnabe « Maynàdyes », lou nouste Saliè, reyént en Alyerie despuch quauques ans, qu'ère deya l'autou d'usquoandes tablèus oun lou soû calam e hasè baie la terre qui hourabe, lou pòple dous mourons dab qui bibè e foursademéns e debisabe. D'aquet tribalh nabèt dens la nouste literature, nou-nse saberém esta de lauda-n Louis de Bourdéte, d'autant qu'où poudém hica atau sus la listre encoère braque dous prousadous. O, coume at sàben, qu'ey la prose qui-nse hè mayeméns rèyte, e toutû, b'ey la prose qui sera toustém agradade per l'escabot dous amies de Febus ? Aquére nécessitât de la prose, que l'abém mantu cop segoutide, mes n'ey yamey de soubres de clama bertats d'aquéres e Faut die qu'abém plasé d'espia dens ue de las soues létres, quin Augustou de Lacaze e-s bantabe la prose d'ue fayçoû delicade e. agude : Se la pouesie ey lou bestissi de Fesperit proubedit d'ales (si-ns escribè) e qui coum l'ausèt bole per Fayre e perseguech per acera haut la mousque blue, lou prousey, et, qu'en ba dab la chamarre e la camisole de tout die. Qu'ey lou boéu qui laure, qui aparie lou sòu enta la semialhe d'abor, qu'ey Fòmi qui sègue ou qui bat lou cabelh ta-n tira lou grâ. E lou soû meriti n'ey pas méndre per aco. Lou prousey qu'ey la bite-bitante oun y-a dòus e gauyous, mouménts d'ahide. e de paus. La coulou dou tems, lou pèys, Fesperit de la race que s'y miralhen. Qu'ey lou prousey quin-se da la sciénee e lou sabé-ha, qu'ey lou parla dou paysâ, dou mestierau, de l'artisâ qui manéye. l'utis enta bibe dou soû tribalh, qu'ey tabé l'atrune dou sapiént qui estudie, qui houruque lou sôu ta-u demanda esplics dou passât ou dou présent : Larroque, Lalanne, Mascaraus qu'en an dat escantilhs qui demouraran. Dab aquets noums, ya s'en pouderén de segu mentàbe d'autes, e nouste amie Lacaze qu'ous counech auta-plâ que nous-auts : Medich las descripcioûs de la Bite arabe per Bourdéte que dében èste coundades dens lous yénees talhucs de la nouste prose. Estamguém-se daban aquéres télés qui oundren mantue paye dous Reclams de 1932 à 1937. En prumères que hou Lou Rahmadan, lou coarésme dous Moùrous : bint-e-oeyt dies, doudze ores de seguide, noû tastaran ûe brigalhe ne noû beberan nat chourrup d'aygue. Mes, droumi que haran. « En han û bèc, ne sénten pas la hàmi; troussats hens lou burnous de la, lous souliès enta couthine e lou turban abachat s'ous oelhs, qu'arrounquen, ayacats débat lous embancs plés de frescure. » Gn'aut cop que sera Bou-Saàda, lou bilàdye courounat p'ou castèthort bastit per Faidherbe, e d'oun espien tandes casaus; Bou-Saàda « paradis terrèstre. Lous palmiès à milès e milès qui mérquen lou cèu d'ue beroye dentèle, e. quoan lous noumades dou Sud e béden balanqueya lous plumachs gay-hasénts, que-s desbroumben fatigue, set, hàmi e calou. L'ore de la fi de las misèris qui da, lou loc tant espérât qu'ey tout près... e l'oumpre arcoelhénte, e l'aygue saubadoure ». Gn'aut die, Bourdéte que-nse pintrara lou marcat de Bou-Saàda, tandes de cops passeyat. B'en y-a dounc mounde e bestià ! Oerats �— 244 — aquéste arabe « puyat deçà, enlà sus û asoulot gris tant chicoy, qu'à cade ensacade lous pès de l'è-mi que réguen la proube. Die de raarcat qu'ey die de hèste; pendént ores e ores, troupèts, cabaliès que reboquen decap à la bile. » Entrém à la place dou bestiâ « moutous estacats p'ous corns, cap e cap, crabes arrebouhièques aus oelhs hòus, .àsous qui saunéyen lou cap bachat hens lou hems, chamèus aclepats e lous oelhs mourts plés de resignacioû, la pouralhe trabade, lou i'rater qui tribalhe dehore, lou marchand qui apère las pratiques... E per dessus qu'ey lou nubladye de las mousques bérdes, blues ou pingalhades, las granes e las thicoyes e lous mousquilhs. ' » Nou bam poudé segui l'escribâ, artiste escricat, dens la soue dèscripcioû dou miràdye, l'û dous boucis lous mey encoulourits de la nouste prose, ne dens las payes trebaténtes oun dits la casse à las gazèles (lous sàrri d'Algérie) e oun amuche lou bouc blessât qui-s léque las plagues, e, estabanit, cad sus las arroques calouréntes. Qu'abém à tira mey à las embraques dens las noustes illustres. Coum s'en abisèn, Bourdéte qu'a oelhs e que sab béde, que sab tabé ayumpa, perloungueya lou balans de la soue frase, trouba sénse pênes lous moûts qui pintren aquéres causes ta desparières dous parsàs de las arribères noustes. Lhèu e caleré hourni que lou calam yuste, franc e eslamat, que s'atrasse bère. courdiole de tèrmis esquèrs e saliès e qui estounen, permou que las noustes aurélhes nou oun pas hèytes à-us audi,, mes arrés n'aberé lou courau de crida-n l'escribâ, en l'ore oun nouste prose e-s cèrque e. s'en da ençà e enlà dens lou soû prèts-hèyt de ha senti ço qui n'ey de la nouste terre, ço qui sabém de l'amne dous soûs hilhs qui la muden e la tribalhen. Bourdéte, qui per û doudsenat d'ans noû quitabe Bou-Saàda qu'à las bacances estibénques, que passabe en darrères ta Cherchell en Kabylie, coum directou d'Escole e, autalèu dens aquére ciutat antic, qu'ère atelàt p'ous soubenis dous counquistadous de Roume : Reliques en gran abounde que sorten toustém de cabéns la terre cremade. Que-ns at coundabe noû y'a goàyre : « Que souy cadut dens ù parsa au passât glourious. Cherchell qu'estoii, au prumè sègle, lou capdulh de. la Mauritanie, proubincie qui cathabe débat l'espade de Roume. Que counechou ad aquets tems ue esplendou chens parière. Las soubres dous mounuments que-s trebuquen à cade. pas. Nou y-a qu'à hode û drin tad abé tros e troussicots de marines, piéles de galabîs de Cartaye ou de Roume, pialas ayacats, enscripcioûs, mosaïques, pèyres d'aqueducs, de bagns, etc.. Ues troupes d'arqueoulogues qu'an, despuch dies-a, esperucat tout aquet richè artistic e istouric. Mes qu'y demoure toustém quauque corn desbroumbat, quauque pèyre mau-espiade, quauque esbounit mauhourucat. » Ey estounable se daban lous testimònis aquets e s'escadera, segoutit e co-mabut ? Be-s trobe aquiu à pè d'obre ta coélhe lous materiaus d'û libe oun estudiaré dab tout ço qui s'ey descroubit dens lous barats de Cherchell, ço qui-n ère de la bite d'auts cops. Que-y cerquèsse l'òmi à trabès lous soûs besougns, lous soûs tesics, lous soûs ideaus, permou �— 245 que dens lous destroubles, las mudances e la loungou dous sègles apielats, lou mounde n'ey pas autâ mabedis coume at sémble, e, de pay en hilh, l'òmi que-s demoure l'òmi. E o, qu'ey ço que y-a débat lou burnous de l'arabe, à que saunéyen lous soûs caïds e capdaus ? Qu'en ey d'aquéres hémnes, û bestià qui oubliguen à carga-s de toute la manobre de case e dous cams ? Esperém doungues qu'û die Bourdéte qui-nse pintrabe. lous lous yèstes, las loues coustumes, l'endret oun biben que-nse disera meylèu û drin de ço qui-s pénse.n e qu'ous hara parla. Ha debisa lou pay, la may, l'ayòu, la familhe, lou besiàdye en amistat ou en guerre, b'ey l'art soubirâ ? Aquet libe que sera lou prumè de la nouste literature exotic. Per abia-s en û tribalh d'aquets, Bourdéte nou-s desbroumbara lou sòu saliè. Se oeyt mes de l'anade, d'octoubre à Yulh, a lou lésé d'enterrouga la calhabère de. Cherchell, per quoàte autes que passe la mar blue, e que bién fresqueya-s, pausa-s au ras de la praube mude, coum aperaben, noustes ancièns, la hount creadoure de. santat entaus marfandits qui s'y bagnen. Audin lou briu de l'aygue salutàri — d'oun ey part-prenént, co-prouprietàri coum ne hou Lacoarret — que boulhe plâ ana-n de pous ta ha-nse counéche lou mounde e las causes d'Afrique. Ya sera encoère e toustém serbi la patrie biarnése. M.iQUÈu DE CAMELAT. CAUSES ET AUTES A PERPAUS D'U MOURT Qu'abet leyit coum you l'escribâ italièn D'Annunzio; qu'ère, û gran tribalhadoû de la forme dous sous escriuts. Que cragnè l'estil flouch, qu'espugabe curiousemén ço qui hasè; abans de hica de pès ù sudyèc qu'ensacabe û sarrot d'endiques, hourucan libes e libes. Aquero que-m hè pensa... En la literature d'O, qu'en abém abut de taus, mes lou permè d'Ets que seré Mistrau; quoan escribè las soues hèytes, que tribalhabe bertadèreméns coume û mounye benedictî : nat mout, nade idée de las soues n'èren balanceyades à la bambole. Quoan hourguè lou Pouèmi dou Rose, que-s bouté à prouseya lous darrès mareyants qui abèn counegut lou tribalh de galups dou flùbi; qu'ous curabe, si-s pod dise, lou cabos dous tèrmis nautics, de las usances, de las tradicioûs de marinès, tout que hou mercat; tout tèrmi, toute birade grammaticau de Mistrau que soun de la souque; qu'arcastabe lou gallicisme coume la may espedoulhe lou cap dous maynàdyes; mes tout aco dab ue ayside soubirane, dab hiéstres à gran alande sus l'aure frésque dou dehore, de la bitebitante. Permou que la literature d'O b'en abou d'aquets puristes, létreherits presounès dous moûts esquèrs coum lou cardî gahat à la pégue. Qu'ey delicade la questioû aquére ! Entaus de Gascougne �— 246 — qu'ey prou ayside, gràcis à Testât quasi perfèyt de counserbacioû de la mourfoulouyie. e sintaxe biarnése. Béde, senoû, la reyau graminatic de Lespy. E toutû (ta noû batala que dous mourts) qu'en aboum, dous Pirenèus dinque Garoune, qui escriboun û gascoû flouch e tau que diserén qu'abèn perdut counciénce de la loue souque latine : Isidore Salles que hourgabe gascoû dab tennis parisiens qui coudiqueyaben "en terminesoû gascoune. Cassaigneau e Gassiat, e d'auts, parié. U Sarran, û Sabathè, û Tallez qu'èren atics. U Lalanne qu'en ère lhèu trop e Lacoarret tabé ! Dous bius, qu'en sabém doun lou malaudè de la forme ey bertadèreméns nouble mes qui pribe la race d'û sarrot d'obres. Qu'abém dues Belines, dus Gastoû Febus; û Sarrail qu'à, coum d'auts, aquére coénte sacrade e que s'en dèche adroumi lou calam. Per Pucheu, que l'aboû, mes que sémble goàris'en. Tant miélhe ! Lou deleret, lou mau aquet de l'òmi dabans la soue creacióû que hou subertout la caracteristic de l'art mieyterrà ou dous soûs tagnénts. Dinque are, si-m sémble, qu'an classificat per trop en Urope, lous artistes en escoles roumantics, classics, parnassiâs, simboulics e atau... Que-s eau abisa, que seré mey aysit d'enrega-us suban la loue « forme » e atau que pouderén miélhe discuti sus lou founs, sustout en pouesie. Enta esta-s'en dens las Létres d'O, l'escribâ Bounaparte-Wyse, roumantic de pensamén, qu'ey û gran classic en ço qui toque à la forme. Parié qu'en ey d'Aubanèu. Aquére coénte qu'ous bién despuch la loue badénee, si crey. Beyat quin lou paysàdye dous cantès de la mar blue ey pourgat; espiat las a'itigues de Proubénce, lou j)è dou cèu dous Baus enlà, e l'oelhade ([ui s'en ba dou tue d'Abignoû (desj)uch N.-D. dou Dom) sus lou Rose e à Bilenabe. Que soun aquero tues de la Touscane qui-nse biénen oundra la ni ne de l'oelh : U cèu blu, usquoandes pis maritîms arrengats coume ûe halhe immateriau, tout aquero cme-b hè sauneya de simplésse e de perfeccioû. D'aulhous, û desespér qu'en pod yessi. Lous dessîs dou Poussin, dou Lorrain e de Henric Robert que harén coumpréne ço qui die. Lou lati qu'à la set de l'essenciau e que tribalhe ta horebandi lous afiquèts. Enta coumpréne la parentèle dou paysàdye mieyterrà, aquets encits de las oumprères màgres, mes yumpantes coume estrofes, anat béde au Loubre lous tablèus dou Lorrain. Qu'ère û nourdesc mes que-s passabe la bite dens lou Mieydie e que mouribe à Roume. La luts d'acera que. hou toute la pouetique e la filousoufie dou soû art. Qu'en soufri mantû cop, permoû que la luts, s'encante l'artiste qu'où hè abisa de las manques tagnéntes à la creacioû ideau. L'artiste mieyterrà que patech dounc. E Lorrain e Poussin que tournaben alissa û sarrot de cops ço de hèyt, de l'esguit de l'aube au sourelh-couc qu'èren à l'arcous de la ligne hoeytibe, aquére ligne « poussible » qui enreguèsse l'amne de. las causes besibles enlà decap à l'Unibèrs superioû. L'artiste, proubedit à béts cops d'ue aryéle trop riche que tremoule en la presti. Leopardi, quoan escribè, qu'ère gahat quàsi d'ue estrèyte, à force de boulé hourga e brac e significatiu. Que, coumparabe lou soû �247 — calam aus ûtis de l'art (gli strumenti dell arte) mes û cop, à miéyes enta trufa-s dous grate-papès qui an la prudère de calameya, à miéyes enta-s plagne. de la houlie qui créste l'obre en bies de lusi (per boulé ha trop deplâ) doungues que hasè atau debisa la Muse e l'escribâ : — Muse, oun ey la lime ? — La Dibésse de-m dise : La lime qu'ey desruide, doungues hassiam sênse... — E you labets : Mes nou-t trigue d'en tourna hourga ? — - E la muse de-m ha : Qu'at caleré, mes lou tems que hè rèyte. Counégue la mestioû, causi enta créa, arrecaptá prou de ço qui hé besougn enta proufieyta dou tems, e amaynada l'obre, aquiu qu'ey lou proublème. Noû goadagna-s û trésor chens n'abé l'emplec, noû boulé hens las arques sounque quatruples d'or e oelhs de hàrri. Oère, qu'ey lou prougram de Lafontaine qui dise : « Les délicats sont malheureux ». L'escribâ d'ue léngue coutibade adarroun bèt tems-a, d'ue léngue ouficiau, coum lou francés, que pot tribalha sounque permou de la beutat e de la glòri, méntre que, nous-auts, lous d'Oc, abém à cerca en û cop la beutat e lou mantienemén de la léngue mayrane arrougagnade cade die mey. Que deberém èste engalinàyres e ensegnadous. Que-iise eau lèu ue forme chens plaps. Lou houns, enço de nouste que depén mey qu'enloc de la forme bère. Lou saye e sapiént Rounjat be debisabe « de l'enquête familière e méthodique... dans les ouvrages des devanciers et surtout auprès des laboureurs, des pâtres, des marins, des artisans ». Tabé de Mistrau que digou : « S'il est archaïque, ce n'est nullement comme un antiquaire qui prétend faire revivre des mots, des formes et des constructions abolis, c'est comme un amateur jaloux de conserver ce que le présent a d'ancien mais de vivant encore. » A la léngue d'O, tout que hè la countrecarre, lous poudés ouficiaus, l'abandoû dou tribalh paysâ, lous yournaus de mey en mey leyits, lou purisme dous qui la manéyen ou mey soubén l'ignourénce patoesàyre. Au tems dous Troubadous, dabantès noustes, que hourguèn pachères hortes au briu pouetic. Que s'èren abisats agudeméns que la beroû qu'ey hilhe de l'art e que ço de destrabat que déu deli-s hèrebiste. De boulé da leys sarràdes au Parnasse, enfingues, que cadoun dens l'artificiau, mes medich Fartificiau aquet (quoan sera estèrle) qu'ey hilh de Pallas e qu'à lou soû ana grandous à yamey. Coum d'Annunzio, û Rimbaut de Bacqueyras que sabou trop deplâ lou mestiè. Coume at disè Jeanroy : « Ce n'est plus avec des pommes ou des couteaux, c'est avec des rimes que nous le voyons jongler. » Siam doungues sayes en ha rampèu aus dabantès de nouste léngue. Que la nouste muse e sàpie besti-s, se eau, oey dab séde, doumâ dab rase. Sénse yamey mentabe quoan oubram permou de la tasque (coum disè Bernât de Rentadou de la soue aymade) : La pena e la dolor que-u trac e-l martire. La péne, la doulou doun soufrim, e lou martiri. ANDRÈU PIC. �LAS TRADICIOUS Dises de maynat : Encantacious A ue crabe : A) — E lha ! gayoû ! — Et loup que-t bo ! — Se t'atrape, que se-t claque — se t'atégn, que se.-t prén. (Coelhut à Galhagos.) B) — Crabe, couve nou bo 't loup — se l'ategn, que la se coub — se l'atrape, que la se claque — e, senoû, que la s'en passe ! (Coelhut à Arrens.) Au coucut : A) — Coucut, merlut ! — que cour ère estrade, — marie-pelade — tire-hore pelerî ! (Coelhut à Arrens.) B) — Coucut, ount ès bayut ? — En bosc de Luc. — Ount ès batiat ? — En bosc de Ciutat. — Ount ès arrepignat ? — En bosc d'Aurignac. (Coelhut à Aurignac près de Bagnères.) M. C. ■a = ' ■ D- RECLAMS DE PERQUIU A la Nourmale de Lesca. Qu'ey sus la « Bite souciau dous paysàs e mestieraus en Biarn à la fî dou sègle mieyè » que Yan de Tucat e hc la soue counferénce lou didyaus 7 d'abriu. Nou poudém balha bitare qu'ue braque endique sus aquet sapient estùdi : cop d'oelh sus l'ana dous noustes tribalhadous (poupulacioû, bilàdyes, ciutats e camîs; lou soubirâ, lous nobles, la coumune, la léngue, la mounéde, lou menut pòple; la prouprietat, lou tribalh, etc., etc.), que caleré û libe ta da luts sus û tau sudyèc. Digam que lous eslhèbes-mèstes que seguiben dab talent lou parlament de Tucat e que lou directou, mous d'Etchart, tant arcoelhént à tout ço qui toque la patrie biarnése, qu'en coumplimentabe lou disedou en lou remercia e lous aplaudiments dous auditous qu'où hcn rampèu coum se debè. A Baigts Quoan s'y gahen, n'ey pas à miéyes, noustes amies de Baigts ! Lou 24 d'abriu, lou patrounàdye de las gouyates que hasè hèsteannau dab û prougram dous mey lusénts : cos, cantes, roundèus e branlous; dues pèces de teàtre, lou Pretendut de Flourinéte e lou Poulet de la Reyne Yane. E tout aquero, en biarnés d'û cap à Faut ! Osco ! coum disen en Proubence. �— 249 — Aperet aus Gascoûs. Sus Fescadénce d'û pelerinàdye dous omis d'Armagnac à Lourde (18 d'abriu), lou nabèt sost-capdau Yulien de Sansoû, que hé û debis au Cinéma Yane-d'Arc oun û milè de gascoûs èren ta l'escouta. L'abounde de la mestioû que-nse empêche de publica oey aquet tros sancé de prose; qu'où leyiran doungues taus Reclams de garbe. Enço dous amies de la Goudale Coume at digoum, la Soucietat aquére qu'a tournât abita lou soû larè. Noustes amies que. s'amassen, are, lou dissatte sé au Dremher, s'ou cournè de las carrères Victoria e St-Denis. Que preparen, perînou de las hèstes de Scèus en yulh, dab lous « Amies de la Léngue d:0 » quauqu'arré de nau e de bèt. Que lous qui-n bolen èste, que lous qui noû saben encoère ço qu'ey ue amassade de hilhs dou Mieydie que-s hàssien escribe e.nço de mous de Caula, 3, carrère Gaussée, à Paris XIIe. Enço dous amies de la Léngue d'O Cade dibés à sé, s'ou pic de las nau ores, que-s troben au Café Voltaire. Aquéste 10 de yulh, R. Roux qu'y debisara de. quauques létres de P. Devoluy; lou 17, lou mayourau Y. Loubet que hara û debis sus la pouesie nouste; lou 24, gn'aute sus lous libes nabèts de la nouste Renachénce. Dôu. Lou nouste counfray Baradat, proufessou au lycée de Casablanca, que bién d'abé lou malur de perde la soue brabe e balente may. La poupulacioû de Mourlas qu'où hé aunous dignes de la soue bite exemplàri. Que pregam lou nouste. amie de créde que preném gran part à la soue doulou, aumentade per l'impoussibilitat oun se trouba d'afranqui dou Maroc ta France enta segui la défunte dinqu'à la darrère estangue. L. R. .„ — gï&gg ». LAS LETRES PENSADES D'AQUÉSTES ORES Scèus, aquéste 20 d'abriu 1938. Brabe amie, Hens aquéste diménye d'^rrams, que m'arràpi, ion me calam enta escribe-t; qu'èy ue grane hoélhe de papè qui bouy garni. D'aulhòus, ya que-m préngui meylèu, à bèts cops ue cartote; que sabes que las mies pensades e s'en ban decap à case de l'amie d'Arrens, mes, tems-a, que sénti ue langou e ue lassère qui trop soubén noû pòdi bénee, Praube ! que débes èste coume you, e lhèu mey que you (permou que, se-n eau créde las gasétes, que bedéts à passa per las bats de Bigorre lous nialurous d'Espagne e de Catalougne) e que debéts èste macats e sarcits dou mail de co que la guerre e balhe à tout òmi de dret-sens. Ah ! noû �n'y debè mey abé de trucs e d'abouminacioûs enter frays despuch de la darrère, coum disèn lous bourràyres de cabos de que y-a bint ans ! E qu'y tournam esta ! Que seré miracle qu'en escapèssem. Nou trobes qu'aquero qu'ey à désespéra de tout, e de l'ômi medich, de i'òmi créature de Diu ? E que poudém ha deguéns aquére mar de misère e de peguè qui puye de pertout, e oun las praubes naus de las noustes maysoûs e risquen d'èste à la perdicioû, oun, per tant que siam gahats en nous l'amou dou bèt e l'espérance dens l'abiéne, qu'ey dab û frémit de desgoust qui-ns en bam à paupes ? Dens lou me casala de Scèus, au miey dous arbes pigalhats de toutes las flous de la prime, que m'ey ue désespérance qui-m coupe lou balans d'escribe. U dehore tant esplendént e arridént e tous émis tant malestrucs ! La pouliticasserie qu'à tout empousoat dens la bite de bitare e aquet pousoû qu'à gagnât adentour de las ciutals d'usines oun de chauma ey û brebet glourious, e l'assès de hère de mounde. U Hitler, û Mussolini, û Staline que hèn trembla l'Unibèrs, e ço qui ey sourdeys, que hèn pèrde la tramountane aus caps-mèstes de touts lous pais. E qu'en ey dous noustes gabidàyres e mèstes de France... aylas ! Mes... b'ey defendut de toûca à la poulitic, entre Felibres ?... — Las brespades dous amies de la léngue d'O, que ban toustém e qu'en aboum, en darrères, de gran balou. Ue entinoade per lou boste amie de Febus, Lesaffre. N'ey pas sounque û counferenciè de ley, mes tabé û cantàyre delicious, e qui parlan de las cansoûs d'amou dens lous païs d'O, Rouergue, Lengado, Catalougne e Biarn, e cantan-las, encantè lous qui I'escoutaben. — Qu'aboum, tabé, û proufessou de l'Unibersitat de Bonn, lou douctou Moldenhoer, qui ey estât quoàte ou cinq mesades capbat Paris. Aquet tilologue roumâ, hère sapiént, amie de Voretszch, e si crey lou soû escouliè, que-m biengou béde à Scèus óun m'enterrouguè quoan e quoan sus lou Felibridye. Que hurgabe, ahoegat, dens lou me libiè. De quoan en quoan, qu'aledabe enguichat, esmiraglat quoan de la mie frinèste espiabe lous casaus, lous beriès fiourits de ceriesès, de pesseguès. Lous amies de la léngue d'O, e lous sous très mayouraus : Carie-Brun, Lavand e Loubet, que manden û hèeh de coumpliménts e û frayrau cop de chapèu aus Felibres de la Gastoû-Febus amassais à Pau, per Pasques. Bounes hèstes e de tout co. YAUSÈP LOUBET. •« ^SS^ LAS REBISTES ni Autour dous dises de Semalou (seguide) ParisQuoan cougnam sus Paris, n'ey pas sus la bile-capitau mes sus l'ourgulh, lou hagardè douminatou, las pretencioûs dous qui, perbienguts à gaha ço qui apèren en û certén mounde « les leviers de commande », autant soubén per l'entrigue que per lou meriti, an la pretencioû de dicta d'aquiu enlà la loue ley à toute la France, per- �— 251 — mou, si disen, que soun ets, ets soûls qui saben ço qui eau ha, e quin se déu ha pusque soun à Paris. Aquets perbienguts ne soun pas — ou qu'ey reàle — de souque, de ley parisiane : estéssen soulamén de souque francése !... Que sabém, nous-auts qui demouram « atetouni sus la patrio », ço qui debiénen lous omis û cop destacats de la souque; qu'en arribe coum dous arbes : que pèrden soubén las qualitats mes que goarden lous défauts de la race. En tout cap, aquets moussus qu'en counserben lou hagarde, la bnnitat e que preténden lous ûs à counstitui ue race, lous auts à plega lou mounde aus lous défauts qui estimen que soun qualitats. L'ourgulh qu'ous a hèyts abùgles ou tout au mens lusques. Que-s sap tabé qu'aquets particuliès que dében prou à la politique dous partits, doun soun estais abilles à-s sabé serbi. Entau bielh journaliste qui soy, politique qu'a gn'aute significacioû que la qui-ns en da Littré e que-m permeterat de noû pas préme mey qu'aco. Mes, que-m coumprenét. Que sabét adare de-cap à qui n'abém quoan parlarh de Paris e qui proutestam countre l'esprit qui s'y ey fourmat, esprit qui gagne lou pòple auta-plâ e qu'ey ço qui-ns atriste; n'ey pas l'esprit francés en tout cap, permou l'esprit francés, lou de nouste, qu'ey d'abord yusticie e libertat, noû pas douminacioû e partit-prés. Que y aye felibres à Paris, tant miélhe ! L'existence, si disè l'aute, que-s probe en bibe; lou felibridye tout medich que probe la soue bite per lous felibres; e si trop d'Ouccitâs per la capitale se desbremben d'oun soun, d'oun arriben e qui-us a hèyts ço qui sount, qu'ey boû qu'ayen au ras omis qui, à l'oucasioû, pousquien ha-us enténe ço qui an à sabé. Toutû coum lous Anglés e bòlen béde lou lou pabilhoû en toutes las parts dou mounde, que seré à souheta que y abousse felibres pertout pun hèn besougn. S. P. •a i. — LOUS COUNDES GAUYOUS LOU BEUSOU ENCOUNSOULABLE La Catoun, per ne pas este goayre mes joéno, soun òrne, quan mouric, en abou plan de péno, — se l'aparenço au men troumpauo pas, — auèuo bien plourat, en touts lous cas. Gn'a daubuns, lou chagrin prou dauit que lous passo, oeyt jours après l'enterroment gn'a pas mes traço, mes lou Maniclo, et, n'èro pas atau e, de segu, l'anauo prou pregoun lou mau; ». �— 252 en lou bésen tristas passeja-s p'ou casau, touts disèuon : « Beséts, toutun, coumo l'aymauo ! » e mantuo à soun òme en exémple ou balhauo : — Ah ! n'ey pas tu qui-m regretarés coumo aco ! ça-u hasèuo; d'alhurs, qu'es un òme sens co. » Cado jour, quan la Bièbo, uo bielho besio, anauo entau casau jerbia ta la cousio, besèuo lou Maniclo en-pensat, lou cap bach, soumbre, coumo premut per lou dòu e l'engoach. A la fin, uo neyt que poudèuo pas dròme, — auè lou co birat — ça dichouc au soun ôme : « Lou Maniclo hè péno à bése : qu'a soucis qu'où se curon; pot pas counsoula-s; l'èy pas bis de ouey, lhèu ey malau; e se-m bos crése, — jou seré pas coumbenable l'angoussi bése, lou mounde pouderé parla, mes tu, douman, y eau ana, qu'ey toun deoué; que soin à man, permès besins. — Boun, boun, j'anerèy, drom tranquilo, •permou crési qu'ey per arré que te hès bilo; lou Maniclo toutjour a hèyt lou maquignoun e jé, deuèuo esta ta la hèyro dou Mount... » Pr'aco, lende-douman (lou besin qu'èro brabe), anèc ta chau Maniclo, à manièro de sabe coumo anauo. Ou troubèc tout retrèyt, tout mounsour, triste coumo un gahus quand bet punta lou jour. — Hè dounc, ba pas ? — Ba pas coum bouleri qu'anèsso. — Cau hèt uo rasóun ! — Hè ! b'ey plan ço que-m prèsso : sàbi pas decida-m... — Si, te cau décida ! — Parlos à l'ayse; !.„ — Eri en trin de calcula — e seré plan bengut qui-m tireré de. péno... — Parlo, biam : lous afas se hèn pas sens parla. — Counéchi, s'ous tepès, uo béuso prou joéno, mes gn'auto, à la Lanusso, e-m heré plan l'ahè... Souy bién embarrassât, sàbi pas qu'èy à hè : da-m un counselh. » Lou besin hasè oelhs coum luos, èro espoutit, sabé pas que respoune. « Hè, tè ! ça-u hesouc, à la fin : pren-los-té toutos duos ! » UN-TAU, armagnuqués. �OUBRÉTES DESBROUMBADES LES DEBISETES DOU PAPOUN A moussu DARTIGUENABE, à Peyrehourade. Amie, que souy me bielh que tu de cinq ou cheys mes e, toutun, Diu me perdouni, que tròbi fort de goust à bibe. Que m'as escriut quoàte padye.s me tristes que dèts yours de plouye, per dise que les cames refusen de-t serbi, que les dents soun usades; que lou cap que-t hèy mau quen boeytes le boutelhe. Tout ço que lou boun Diu a hèyt per la tranquilitat dou mounde qu'e perdut; omis, hémnes, gouyats e gouyatotes que hèn tout de trabès; lou mayre, lous counselhès municipaus ne saben pas ço que cau à le coumune; moussu curé que hèy sermouns qui manquen de cops de flingue; e, tout atristat, tout aflaquit que-m demandes noubèles de la pouletique e que-m prègues de t'escribe souben. Auts cops, n'auri pas leguit aquére letre chens ploura coume le maynade qui a perdut le pampe. Adare, que goayti lous plous au houns dou co per en bessa quoques goûtes, quen souy soulet, e quen lous soubenis de le yoenésse babilhen les pensades de les premères, de les ounèstes, de les tegnères amous. Au loc de-rn ha ploura, le letre que m'a hèyt arride. Que m'as dit tabey, que lous oelhs ne béden goayre cla, e que lou gran caut e lou gran ret, lou bent d'Artous e lou bent d'Aspremount que hèn de tu un abugle coum lou carlègn de mamisèle de Laàs. — Praube mamisèle ! qu'ère bièlhe au tems oun yougabem à le canique, au bartòli, à la pelote, e au saut perilhous. Escoute ! Croumpe à Dacs ou à Bayoune de bounes lunétes : Que pouyras legui ço que t'escriberèy, pramou que sera emprimat coum les pregàris dou libe. de misse, dens un papè qui s'apère : Revue des Rasses-Pijrênèes et des Landes, e qui arribe au pèis chaque mes un cop... Que bau respoune dus mots à ço qui m'as dit : Au sablot, au pè de le coste d'Aspremoun, sus le place dou marcat e de le nabère eglisi; au camin de Counélhe ou d'Orthebièle; souben, en yougan à le barre ou à les escasses, que minyabem esquilhots, poumes berées ou aulans. Les dents que hesèn de tout bères brigalhes. Aulans, poumes, esquilhots qu'arriben tustém; e tustém les dents dous maynàdyes que soun hortes coum lou martèt dou hau. Que sabs qu'à force de canta Nadau pendén cinquante ou sètante ibèrs, lous maynàdyes que pèrden les dents e lous cachaus, e ne poden pas esclacha, ne die pas aulans e esquilhots, mes un boucin de roustit, ou un talhuc de chingarre. Quén lous maynàdyes an cinquante ou sètante ibèrs sus l'esquie que. s'apèren papouns. You, parla poulitique, Yèsus, Pater, Diable ! E per quègne cargue d'àsou ? Que. dàchi ha, que dàchi dise. Dou temps de Louis-Filipe, lou goubernement de Charles X qu'abè l'èrt d'un bielh mandilh; e dou tems dou rey Henric-Quoate, arrés en France e en Nabarre, ne pensabe à le poulitique de Clobis. Si Charlemagne, qui sabè canta �- 254 l'epitre, e qui hesè fort de brut dous Roumains, dous Germains, dóus Loumbars, dous Saxouns e dous Sarrasins, abé rencountrat sus quoque camin lou Buonaparte, que pénsi que lous papouns qu'aurén pregat lou bielh amperur d'ana canta lou Credo à le chapèle reyale, e de de.cha l'espade à le man balente dou petit capoural. Amie Dartiguenabe, lou mounde que bire e que bare, e nade lûnéte d'astrounome n'en pot coumpréne le mécanique. Lou gran mécanicien tustém yoen, e soulet, que sab ço que. cau à le machine e aus omis. De temps en temps que hèy lusi dus ou très idées; lous omis que criden au miracle, e, bèstis, ne disen arrey, chens pensa que lous crits dous omis que. hèn arride lou Pay Eternel. Auts cops, lous meteyès que minyaben biande de béu, poulets, guits dab bère choyne, crème e pastis; que bebèben café e lou cop de croc (l'aygue de bite), à le hèste de le coumune e. à les noces. — Adare, que minyen lou roustit, que hurrupen lou café e les licous touts lous yours de le semane. — Auts cops, lous riches qu'anaben au Mount de Marsan, e quoques marchands de gran qu'anaben à Dacs e Bayoune; très ou quoàte caddèts de hautes maysouns, hilhs de grans moussus, qu'anaben à Paris. Adare, dab lous camins de hè, tout òmi qui a le bourse garnide, que ba pertout, bestit coum le gran yent. Mes lous bèts pelhots ne balhe.n ni lou sabé, ni l'esprit, ni les manières dou bèt mounde, e nat ne-s pot mouca me haut que lou bec dou nas, perdiulet ! Au houns de tout, chacun que-s deu tiéne à le soû place. Tabey, si lous sermouns de moussu Curé ne hén pas autan de mau que cops de flingue, le. brabe yent que recounech le sayésse dou dous parla de l'Ebangile, e le religioun e lous curés que biberan tant que lou mounde sera lou mounde. — M'entens-tu, Dartiguenabe ? Que-t sémble béde fort de chanyeméns en aquést mounde; que-t troumpes, praube papoun ! Lou parla qu'é belhèu me plasént, les gouyates que s'afayten dab mé de goust, lous omis qu'an de me bères culotes, de me bèts chapèus, de me bères botes, e, toutun, per fini, tout que bire au medich tourniquet, tout que danse coum dansuben lous ancièns au soun de la flabute. e dou tambourin. Lou bielh gascoun qu'ère, se crey, me escarrabilhat quèn sautabe en disén : « Hardit, lauyè, chens nat dinè ! » Lous senaturs, lous deputats, lous omis de plume, lous arrauyous dou Café que hèn prou de tapàdye, e n'am pas besougn de les latanis dous papouns. — Biu, tranquile, e au loc de crida e d'arnega, sis boun. Si un papoun n'ère pas boun à d'arrey, ne seré papoun. Que t'escriberèy per racounta les debisétes dou temps de noste yóenesse. Que humeras lou pip, que beberas lou boun bin dou peïs, e anan pas e pas dou coustat dou segrat, chens te pressa, que diseras en espian les estéles : Moun Diu, que-b aymi e que-b admiri ! MARTIN ETCHEVERRY, (dou peïs d'Orthe). (Revue des Basses-Pyrénées et des Landes, ESPLIC : 1883.) Papoun, gran pay. Pampe, poupée. Segral, cemitèri. �- 255 — LOUS MEMORIS D'U PAYSA L'APRENTISSADYE i Coum tout hilh de la tasque, que coumencèy lou mestiè talèu qui, debarat de la brasse, e poudouy arroumera per la cousine e qui-m digoun : « Hè ché ! ad aquere garie aleserade ! Boute-la dehore e barre lou pourtét. » Quoan y abou pouricoûs, non manquèn autalèu d'aberti-m : « Espie-us, mes nou-s toques pas, sinoû la clouque que-t sautaré dessus. » Drin mey granét, estiran las camétes débat lous raubetous, au miey dous frays qui-m daben la mâ, que hasi counechénces dab la borde. Que-m disèn lou noum de cade baque, e, adarroun, que-m balhaben lou darrè beterot badut; ets que s'en prenèn de mey grans. Que. bouribi d'embéye de paupa lou mé cabau mes nou gausàbi : « N'ayes pas pòu si-m hasèn, que pods touca-u n'ey pas mâchant ». Mey hardit labets, qu'où hasi baylines. Chic à chic que-m aguerribi en bedén ha lous autes. Oun abouy hort de pênes à bénce la pòu, qu'esté dab las auques qui, autan granes que you, estiràben lou cot enta-m hissa. N'ère que dab ue late aus dits qui gausàbi aubri lou barreroû e sourti quoan aqueres mâchantes clacassères me gnargaben daban la porte. Ballèu toutû que las anàbi goarda, mes, labets, qu'abi culotes. Dab lou fray, de dus ans mey bielh que you, qu'anàbi lèu ha pèche lou mayram. Qu'aprengouy biste à destaca las baques dou bou coustat ta que nou-m despillèssen en s'abourri cap à la porte, qui guignaben despuch pauses.. Sus las mey brabes cabales que-m apouriquèy de d'ore e que m'en eschoèy bèt sarrot de cops, chens toutû yamey aleba-m. Dab la « Blounde » si, ta ha lou farò, bouli fourça-le à courre quoan ne-u plasè, bentourrude coum ère, b'abè lèu hèyt, sounque d'ue segoutide, d'embia-m'en ta terre ! A bèts cops, qu'abè la malicie de couba-s hens l'aygue e si nou m'en abisàbi prou lèu, que-n èri de. trempa-m las cames. U die, dab ère que-m pensèy nega. Quoan û pechedé ère trop curât que sabè oun n'y abè de miélhe e si boulé, si at abè à la téme, que poudèt estira lou cabéstre, dab lou barrot bira-u lou cap, arré nou l'arrestabe. Aquet cop doungues que-s arrebira souptemens cap à l'Artigote e que trenca lou Lagoegn. En la boulé tourna demia que.-m eslurrèy. Qu'ère après û aygat e lou briu, labets, que se m'en aberé empourtat si n'abi toustem tiengut la corde dou cabéstre. Apuch ue arroussegade de mey de dèts mètres hens l'aygue terrouse, qu'arribèy à l'aute arribe. Tout choup, coum pensât, que m'en tournèy ta case en ploura; las hardes cambiades que calou tourna parti. Zoza, ue gran cabalasse, prime, au trot hère dous, qu'abè, ère, la coustume d'arresta-s cop sec, en plce courrude, ta pèche sus l'estrem �- 256 — dou camî. Uab lou mé pam de camotes, quin boulet que-m agrapèssi ? Coum û crepaut qui arrounçarén, que m'en anàbi tuma lou plcch d'oun sourtibi chic ou hère esgarraspiat. Que m'ey arribat d'amassa-m cops de eu de yoens mulets houlastres e, tabé, de lecha-m bouta lou pè de la cabale sus lou mé caussat sounque d'espartégne. Que pesabe, que-b prouméti, e oeyt dies que l'abi houlat. Tout aco, ta daubus, que soun peguessotes de chic 'interès e toutû qu'ey la puyade d'ous pennés barcalhoûs de. la penibe escale dou mestiè paysà. Tribalh, aci, qu'en y a ta touts. Tau maynat esberit, om que trobe l'aucup suban las soues forces. Dab ue boune paraule d'ahides, û abis ta s'y gaha coum cau, que hèt miey aubrè d'û drolle de sèt ans. A la sesoù de las mounyétes, que-ns y atelèn de d'ore à ha-s segui ue arrue. Bertat, dab Yan-Pèy qui-s boutabe toustem au miey dous dus mey yoens, que-ns ère aysit. Bèt pè qui perucabe ençà, enlà, e l'endarrerit que tournabe gaha lou broulh. Ah ! lou brabe amie, b'ou ne debém hère ! Mes, sabet quoan ey qui l'aprentis-paysâ e balhe las probes dou sou gous e de la soue boulentat ? Lou die oun, dab l'ayude d'û mey chin qu'et, ey capable de-s yugne û parelh. Si èri pintre, lou permé tnblèu qui-m tentaré que seré aquet : dus maynadots aucupats à yugne û bèt pâ de boéus. Que m'y bey encoère. Lous qui abèm, quoan m'y boulouy saya, qu'èren brabes; tant per tant s'arribàbi à destaca-us; lou fray que tienè lou yû., D'ue bouts qui cregouy ha puchante : « Boét débat ! » si-u coumandèy. Poudé merabilhous de la paraule qui hè créde las bèsties, Boét que-s apressa. Dab pênes qu'où hiquèy lou yû s'ou cap en lou coumanda encoère : « Bâche lou cap ! » Si n'abè boulut presta-s'y, yamey n'aberi poudut atégne-y, mes que-m aubedibe, lou gran cournalut. Que passèy la yulhe, à pundetes que sayèy (coum at abi bist ha) d'estrégne mey en périma n dab lou youlh. Yudyat s'ère horte la sarrade ! Arriba que hey à ço qui bouli, e dab l'agulhade qu'aperèy lous dus yigans qui-m seguin coum cagnots. O, tout maynat qu'ey fièr d'aquet tour d'adrésse, mes be debinat la yoye qui bagne lou co dou pay quoan bed lou soû hilh capable, adare, d'estaubia-u drin d'aquet temps tant precious l'estiu. N'ey pas mey au chin qui parle, mes au gouyatot quoan lou dits : « Bè jligne; atéle lou car en t'abisa de ha-t estripa lous dits à l'armialade, e tourne talèu qui pousques. » Lendedie, aquet permé tour de force qu'ey countat aus amies de l'escole e la cause qu'ey drinot bouhade. N'ère pas en francés, que-b proumeti, qui nous-auts parlabem de tout aco. Quin sapte. aberé abut, que-b at demàndi ? Hens l'escole e quoan, au quart d'ore, lou reyent, escoutabe que franchimandeyabem, mes après que poudè tuta lou reyent. Abet yamey sabut ha à las garoles en francés ? Pas nous aùtis. Talèu passât lou soulhet e hore dous oelhs dou reyent, lous ûs, pressats qui èren de tourna ta case, que gahaben lous à-quoate e �— 257 — sus la carrere esclops e galoches que trucaben en broulh. D'autes, lous engourrinits au yoc, que tiraben las garoles dou poutchoû e, tout loung dou camî, dab force bire-plecs, que grabasseyaben de dus en dus. De loegn qu'ous entenet crida : — « Mâ terre ! — « Fenses ! — « Que-m chicanes, pipaut, qu'abi dit : ma haute abans tu ! — « Que n'as mentit ! — « E tu que n'as arrepoutit ! » Mes nou s'arrestàbem de youga, aquere atrapade que-s esbanibe daban la pousicioû nabère dous boulars qui-us prenè toute l'atencioû. Qu'èri d'ous qui s'en tournaben biste ta case; qu'abi las cabales qui-m demouraben t'ana pèche. La yesside de. l'escole qu'ey hère diferente dou sourtit de la misse. Ad aquéste, que y a mey de mounde mes que soun pausats, medich lous maynats quoan soun endimenyats, la pòu de càde ou lhèu la yene (que semblen empesats) qu'en ban à plasé. L'escole acabade, coum lous ausèts qui pòdin hoéye de la cuyole, qu'an besougn de desbate-s, de crida lou bounur de la libertat retroubade. Ah ! b'en hasèm hourbàri labets aquets arramats de. drolles ! E à cade endret qu'ère la mediche cause. Au « capbat » (lou nouste cournè de bilàdye) que s'y coumptabem sichante maynats en dèts maysoûs. De la mie anade qu'èrem trétze : très maynades e dèts couscrits; lou piloy de labets, chin qu'ey demourat, ne-u cerquét pas loégn. Plée de bite, aquere yoenésse que hasè retreni las carrères e per case, plâ soubén, las grans persounes nou-s entenèn à debisa de tant hort qui nous auts clacasseyabem. Mamâ-Marie, nouste brabe maygrane, que hasè labets : — Mes, be semble lou marcat de. Gàrris ! *. Mamâ que poudè plâ dise : « Aquéstes diablots, noû y a pas manière dou-s tiéne. E-b boulét cara ! » Ya ! que crey qu'ère, piri. ;— « Diable de corde de lâ, si-u disè quauque cop papa, nou t'y sitbs pas préne, qu'ous das toustém lét. » Per bounur, quoan pay lusibe, sounque en ha : « Hum ! hum ! » tout que-s carabe. Brigue n'abè besougn de. crida. « Ah ! si hasè labets Yan-Pèy, quoan lou gat parech lous arrats nou mien pas gran tri. » B'ey necessàri que hens û menàdye que-n y aye û de capable de ha-s escouta s'ou pic. « Qu'en cau û de machan per maysoû, si disè pay, autan bau que siéngui you ! » Mâchant n'ère brique, praube òmi, mes ta nous auts maynats qu'ère sebère e qu'a hèyt lou nouste bounur en han-se counéche lou « tira dret ». N'ère pas, enter parents e la familhe, lou medich ana qu'au die de 1. A Gàrris s'encountraben Bàscous, Espagnoùs e Biarnés, chens toustém se coumpréne, per tant qui cridèssin. �oey. Nou s'y tuteyabe en camarades. Toutû sarrade, la bride, per tàdyes de Teducacioû sabé coumanda. pas, n'èrem pas coum bidare à parla-s quasi si, touts yoens, abém sentit, lhèu drin trop la mie part, quin èy recounegut lous abanpatriarcau : Apréne ad aubedi ta mey tard II Quoan, à bouque de noeyts, en ço dous petits paysâs lou mayram ère recattat, à nouste qu'ère loegn d'esta-n parié. Lous omis que demouraben au tribalh tant qui s'y bedèn e qu'ère toustém dab la candéle, despuch la mourt dou payran, qui-s hasèn lous palhats, qui poupaben lous betèts, e qui-s tirabe la lèyt. Lou soupa que-s hasè tabé entertan qui lous omis, per la borde, anaben e tournaben dab ue triste luts. Soubén, l'aygue ta ha la broyé qu'ère sus bouri quoan aquéstes entraben à la cousine. Labéts, sabét ço qui hasè lou baient Yan-Pèy ? Que s'y gahabe, chens qu'arrés Fat digousse, que-s mudabe en cousinè. Bertat que l'agradabe lou broye-poutàdye, aquéste ret sus la paste caute, que hesteyabe. E dab la mâ dréte quin la maneyabe aquére espléne, tant qui l'aute lechabe cade la harie à drinous, enter lous dits ! Noû-y abè pas coumptès quoan et tourneyabe la mestioû ! La hourquete enter las cames ta tiéne lou caudè, que-s roustibe, lou praube, taquio qui dou tour de la tesure se desgahabe l'aulourénde broyé. Mes, tout en serbin-se gn'aut escautou, la maysoade noû mancabe de ha-u-ne coumpliments. Quin plat de tentacioû ! Escantoade dab ue sauce de toumate e cot d'auque — dab ue lecade de moustarde d'arrasims de case e tripe — dab ençoère ue d'aqueres sauces doun mamâ abè lou sabéha. Que-m soubién que la Marquise (ue besie qui-b harèy counéche) qu'où disè : « Marie, mes quin hès ? Dab que que sie, taplâ d'ue espartégne que ligarés ue sauce ! » Té ! que-m gahe talent de tout aco sounque en ne parla, bidare qui, ta you, aquet plat ey auta riale coum las Pasques. Après soupa lous dus bayléts que desglaraben ue bascoye de milhoc dab la mâ tant qui lou grâ n'ère prou sec ta passa-u p'ou desglaradé. Qu'ère lhèu aburiu tad ets, mes ta nous-auts, quine hèste ! Dab lous cabelhs boeyts que hasèrn castèts, parguies, murrets. Que m'en traficàbi baques piguétes en lous usclan à plaps; puch, s'èren beterères, que coupàbi lou cap prim ta ha-n lou beteroû. B'en miàbi coumbat ! Qu'èri lou mey tresbits de la coade, mes papa, en aquet moument, segut au soû corn de larè, chucan ue cigaréte, que-nse lechabe deberti au nouste grat. Qu'où debè ha gay de-nse béde aparelha cabelhs de mediche loungou, d'espessou parière, puch d'apita-us en lous countraria ta tiéne l'aploum. Quin plasé s'arribabem à quilha-s ue tour ballèu autan haute que nous ! Quoan l'û dous mes frays, esprès ta ha-m esmali, me despillabe lou castèt, praubets, quin beré noû yetàbi ! Touts lous noums qui credi lous mey lès qu'ous escoupibi au despieytous : àsou, bourricou, e atau. En letanie qu'où regahàbi taquio qui papa coupabe sec lou me chourrot, mâchant en miassan de-ns embia tau lheyt. �— 259 — D'aquere cousine, d'aquet tour de larè labets, ue clouque noû s'y aberé troubat lous soûs pourics. Puch la bachère hèyte e recattade per las mamâs, la tiste acabade, tout qu'ère amassât, e nous que debèm desfouralha tau droumidé. N'aberé pas calut dise : « Que bouy demoura drin mey ! » Nàni, après abé dit l'adichats à touts lous grans, l'eschàmi que boeytabe la borgue. (Que seguira.) ZABIÈ DE PUCHEU. •s ■ gjrffl^ »• LOUS LIBES TRIBALHS D'ALEMAGNE Estùdis hambourýès sus l'àna e la culture dous Poples roumâs : La case e la casalère dens las Pirenées francéses per HANS YOAQUÎ-BRELIE, 1937. Que-s bén enço de Paul Evert Verlag, Hamburg II (Alemagne), 6 marks e miey. ABANS-PREPAUS Lou tribalh aquéste qu'ey ue houmidure à la counechénce de las maysoûs, e ço qui an au ras dens las Pirenées francéses. Qu'èy eoumençat las mies enquèstes à la prime de 1833 ; que m'en souy tiengut à la case, borde, hournère, pouralhères ë autes bastisses, dab lous mobles qui-ey soun deguéns. Noû pàrli brigue de las bastisses nabères. La mestioû mie, que l'èy amassade de las bats d'Aspe e d'Aussau dinque au Louroun. De taus estùdis, de segu, noû pòden èste coumplides, e ço qui-n disi n'a qu'ue idée : ayuda à la counechénce de las coustumes, de la bite-bitante e de la léngue naturau d'aquets pèys; que pouderan èste bounes enta-us estùdis mey pregouns dens l'abiéne. Pocs de libes que m'an ayudat dens lou me prèts-hèyt. Que s'y pot endica ue obre prou esténude de Cavaillès « La vie pastorale ». Que troubaran tabé dens « Une vallée pyrénéenne, la vallée d'Ossau », per F. Butel, causes presibes e de counde-ha. La thèse de Madamisèle Paret que-nse balhè hort d'endiques sus lous utis e tout ço qui toque à la maysoû e au moble en Arrens. Rondou qu'a dat tabé hort de causes sus la Case dens la Barèdye. Enfingues lou tribalh de Schmitt, qui parescoû dou tems oun adoubàbi lou me, qu'ey tout plé de coumparès e d'endiques nabères. En Fore, qu'espelibe lou dicciounàri de Simin Palay, oun èri uroûs d'escade hère de las mies troubadures lenguistics, e de poudé, gràcis à d'aquet oubradye counsequént, esclari mey d'û punt dous qui toucaben aus ûtis serbin à case. De mey, coume abiàbi l'empressioû dou me tribalh, que lusibe la bère obre dou proufessoû Krùgcr sus la Bigorre. Nou n'èy poudut tira proufieyt que hère chic, e mantû dous punts estudiats e esperucats que soun mey plâ hicats à luts per ue espousicioû mey esténude. Hens lou me libe, qu'èy establit sustout coumparès au punt de biste lenguistic entre lous dialectes besîs de cade parsâ e qu'en èy dat hort de moûts e tèrmis quoan semblable necessàri aus mes leyidous. Que-m caleré tabé parla dous tribalhs de Chatilard sus las bats de l'Arjège e de Bergmann sus lou Haut-Aragoû e la Nabarre. Que débi de poudé publica lou me libe au me oundrat mèste, lou proufessoû F. Krùger, qui m'a toustém aydat dous soûs counselhs e à qui bouy dise, aci, la mie sancére reeounechénce. Que débi tabé hort au proufessoû G. Thilenius, directoû dou Musée de sciénces poupulàris à Hambourg, sustout de las bistes d'ûtis e de courraus qui bàlhi au cap de la mie estùdi. En acaba, que bouy dise û gran mereés au mounde dou Mieydie de France qui m'an aysideméns hicat en camî ta la recrube dous moûts e lou lou sens. Mercés mayes à M. Rondou de Yèdre e à M. Camelat d'Arrens qui m'an loungademéns ayudat. (Birade dou Pay Ecker). HANS YOACQUI-BRELIE. �LOU TEATRE NOUSTE LOLE Pèce dramatic en très hèytes (1) (seguide) AUDEYOS Pausa-s entan que, dou rey, lous mandatàris venéguen la loue paraule ? S'èy l'amne d'û esclabe, nou bouy que crouchi-m la teste; souy òmi e gascoû, que tournarèy paréche. SÀBI (encantat) Se la sau taus aulhès n'ey mey à boû counde, lou qui-ns pane la sau, be-ns pane la bite ? AUDEYOS Qui bòu coume labets aliQega la lute, tiéne lou caminau, tiéne la saligue, èste pertout en û cop, e quauque. die bouni s'ous gabelous qui, 'sbariats, s'escapen, tira sus lou cap, permou se cad lou mèste l'aròu dous sourdats que muséye la proube, e, mouri se cau, mouri d'û cop d'espade, d'ue arquebusade perdude e qui-b boute dens û barat, dab ue amne qui s'embole. (Touts que l'espien esmiraglats, sounque Lole qui tristéye.) Mes d'abord, bâcha tau beroy pèys de Lanes, prou lèu espia la case qui puntéye, acera, s'ou tue, qui coumande à Coudures : Lanusse, e bous, Agaus, quoan m'y bienéts béde ? (Ï ÁGAUS Audeyos, sounqu'û mout; you nou sèy gran cause de ço qui capbat de boste se manéye.. N'èy yamey hèyt nat biàdye que dinque à Lourde mes, toutû, las noubèles qui-nse puyaben de la plane, qué-nse dan poques ahides. • AUDE\OS Nou m'at digats pas i Qu'en coumbiéni d'aquéres. L'en èy medich à nouste, amies, parentèles qui nou harén û pas ta la mie ayude ! Mes, d'aquet lachè qu'en tiri hourtalésse. 1. Béde Reclams d'abriu e de may. �— 261 Se. yamey bachats ta case, qu'at espèri, se boulets capbat nouste abé l'arcoelhénce coumplide e boune, n'at digats pas, oh ! nàni, que-m déts ayude per aci capsus. A nouste n'en soun mey taus patacs ne ta ha la lute ! AGAUS O, touts qu'en an prou ! Nou n'y-a mey dous qui bolen bibe dab la pòu de cade die; cragne à cade moumén d'abé la case plée de sourdats, e bouléns ou noû, miats à force dens û houns de presoû, medich en galères, ou penuts, coum s'ey bis, à û arbe. Mounde, oeyt ans de guerre qu'ey loung, e lous qui cèrquen de s'y ha, que soun toustém petite troupe ! LAN us SE Lous sourdats de Yedeoû n'èren pas goàyres, toutû qu'entrèn en terre de Palestine. Nou y-a noumbre de gouyats qui, oey, saunéyen d'apoudya-s per oun calhe, en l'ore qui-s boulhe ? (Laie que hè sinnes dab lou cap de si, si, si.) E noû pleytéyen pas aquets ! noû mesuren à la cane, au pam la loue balentie, que-s dan dou mey pregoun de la loue amne. Audeyos, b'ès dab you ? AUDEYOS Caperâ, se n'èri pas dab bous, dab qui seri ? LAN US SE Qu'en arribaben ■ yé medich. AGAUS E qu'ous digouts ? LANUSSE Drin de paciénce ! Lou Diu de pats qu'ey lou prumè, qu'ey lou mèste e dou nouste. rey qu'esclarira la bie. AGAUS (qui-s Ihèbe ta parti) Lou nouste rey, daban lou soû noum que-m tiri lou berret ! (Que-s da û tour.) Qui nou bôu que la bertat puyi dinque à d'et, cabens dous brunis de la mensounye. �LANUSSE (qui seguech à Agaus) La bertat de Diu deu lusi sus las brumes, sus l'iniquitat dou mounde desbroumbàyre ! (Agaus, Lanusse, Sabî que s'en ban. Audeyos que-s demoure dab Lole.) AUUEYOS (qui-s bire drin) Lole, despuch l'aut cop quin ès tu badude ! Noû cantarém mey, bertat, daban l'eslame dou hoec ? Nène, labets, oey gouyatc bère ! Quoan se. bederam ? LOLE Quoan b'en bats ? AUDEYOS N'at sèy goàyre ! (Que partcch espian toustém à Lole.) LOLE (soûle, Sabi que tourne sus lou lindau) Quin boeyt que s'ey hèyt p'ou tour d'aci ! La crampe b'ère dounc plée e beroye quoan eyèret, Audeyos, segnou de Coudures ! E, are,... (Que s'abise de Sabî.) E Sabî qu'ey aquiu ? Be-m souy you troumpade adès, quoan au cant de l'aygue au disi : Biénes, ballèu ta nouste ? Qu'en cantaram mey d'ue d'aquéstes yumpantes, e qui tant agraden au caperâ. SABI (que s'abance gauyous) Tè, b'èm amasse ! LOLE (countrariade) Nou-m bague, bèn, bitare... que-m cau gaha la hourcère. Be tournaras de préne lou hiu, beroye ? LOLE Se sabès quin tata Setine me crrde quoan nou hiéli ! SABI (à des part) Qu'ey ço qui a ? (haut) : Lole ! LOLE Nou-m bague ! SABI (qui Vamuche n pa d'esclops) Bo ! que bôu ha fayssous la nouste gouyate. �263 — LOLE Paciénce de Diu ! SABI Tè, lou pa d'escloupétes ! LOLE Ta you ? SABI E dounc ta qui ? (qui las se saye) O ! quoan las m'as hèytes ? Tata que disè que noû m'en harés d'autes ! (Que s'enténen bouts.) Que.-ns escouten ! Tourne ballèu, quoan touts sien partits. Bè-t'en ! (Coum SaM partibe, Setine qu'où tourne ha entra.) LOLE SETINE Qu'ey dounc ço qui-t hè bergougne, nebout ? Qu'as place, aci. Tant que la Setine sie au corn dou hoec, tu que y'as la cadièrc, qu'ès à case. SABI Lole que disè... SETINE Que, Lole ! LOLE E bé, o tata, qu'abi pòu qu'où troubèsse encoère aquiu lou caperâ ! SETINE E nou sabes qu'adès lou caperâ que l'a hèyt assède ? (Segoutin-la p'ou bras.) Qu'abès deya dit au cassàyre de biéne ? A Marti, o, ho, ho ! You que las te cràqui, las bertats, s'ou nas, se lou nebout nou gause. (seriouse) Nàni, tata, que-b troumpats beroy. LOLE SETINE Que-m troumpi, que bos apréne à tribalha nouste biélhe ? Oère-u à Marti. �— 264 — LOLE Quin hè oelhs de malicie ! Qu'èy pòu ! Mes quin ey entrât au presbitèri ? MARTI Adichats, daunétes, be crey que s'estuye per aci lou segnou qui cèrqui e noû tròbi, mounSégne d'Audeyos ? B'ey biengut ? Que tourni dou segui p'ous passades de la mountagne. SETINE Ta qu'où boulès ? LOLE (estoumagade) Be courren lèu las noubèles ! MARTI Qu'èm coumpay e coumpagnoû, sabets ! Que digue ço qui-s boulhe, sénse you nou s'en tirabe ! SETINE Oère aco ! Mes en miéye ore d'arrelòdye noû t'a mentabut. MARTI Qui m'en bòu ha lou countre ! SETINE Omi, assegure-t ! MARTI Que y-a mey de très dies qui s'en anam per aquiu d'û bosc à gn'aute. N'ère pas aysit, noû, brigue, lou passàdye que semblabe, tè, que cent oelhs e-ns espiaben, mes quoan Marti s'en cargue, que poden èste cent ou dus cents sourdats darrè de las sègues, e cent dragoûs en plane ! S'y bau, que saubi lou qui s'ey hidat dens las mies adrésses. E que s'at bau ! Hèts serbici à la noublésse, lou besougn partit, nou-b counech mey ! SABI Qu'à l'ayre d'û brabe gouyat; que m'a toucat manéte. (Que seguira.) M. C. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 42, n°09 (Yulh 1938) Alternative Title An alternative name for the resource. The distinction between titles and alternative titles is application-specific. Reclams. - Annada 42, n°09 (Junh 1938) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - juin 1938 - N°9 (42e Année) Creator An entity primarily responsible for making the resource Camelat, Miquèu de (1871-1962) Arabie, Adolphe Pic, André (1910-1958) Loubet, Joseph (1874-1951) Palay, Simin (1874-1965) Un-tau Etcheverry, Martin (1814-1895) Pucheu, Zarbié de Hoacqui-Brelie, Hans Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1938-06 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2968">http://www.occitanica.eu/omeka/items/show/2968</a> INOC_Y2_17_1938_06 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel