http://occitanica.eu/files/original/76684dda083f358d56c60405f9b6de12.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/57e307578eb5c5ebd0b57e640ed8f27c.pdf 8200114ffabbc0fba084a012cae08812 PDF Text Text 43au Anade Heurè de 1939. 8- CLAMS DE DOUCTRINE FELIBRIDYE E FELIBRES Mey e bam e mey qu'abém besougn de sabé causes, permou tout die que s'en y hè de nau, de manière que debién prou mau-aysit de segui lou cours de la bite-bitante. A mens de préne lou partit de demoura-s ignourents. Per aco, que n'y a qui s'en counsolen prou à l'ayse ; e si-n eau créde lous qui estudien l'ana dou mounde, ignourents qu'en y aberé mey que yamey La nouste assouciacioû que s'apère Escole e aquet mout n'a pas besougn d'esplic ; cade anade, de nabèts escouliès que. y arriben enta s'y educa. Certes, que sàben plâ, chic ou mic, ço qùi ey lou Felibridye doun bòlin esta, mes de segu, qu'ous haré gay d'at sabé miélhe. Qu'èm dounc assegurats dous plase en lous ne parla drin. P'ou tour de 1850, per Àbignoû de Proubence, que s'y troubèn quauques gouyats e tabé omis hèyts, aymadous de la parladure anciène, desirous de la counserba, permou qu'à d'aquet moument lous qui coumandaben per Paris, seguin l'idée dous de la Reboulucioû qui boulèn que nou y abousse en France, qu'ue soûle lengue, que s'y hasèn tant qui poudèn ta destrusi ço qui aperaben lous patoès. Aquets omis e gouyats qu'èren au countràri, assegurats que lous patoès ne pourtaben pas nad tort à l'unitat francése, dou punt de biste politique (qui ère. lou soul doun s'interessaben lous dou Goubernament) mes que per ço qui ère dou progrès de l'entelliyence, lou mantién de las parladures de cade proubince qu'ère ue coundicioû màye d'aquet mantién e, per counsequence, dou progrès e de l'eslaryissimén de l'esprit. Ue lengue parlade despuch mile ans per milioûs d'omis, qu'ère lou miélhe dous mouyéns de transmissioû de l'esprit patriau e lou mey naturau d'ue nacioû. Labets, que descidèn de ha ue assouciacioû enta ha counéche d'abord la loue idée e enta la defénde. Que s'amassèn — qu'èren sept — au casterét de Founsegugne, en ço de l'û, lou noutàri Giera — e que foundèn la soucietat. Que l'aperèn lou Felibridye pusqu'abèn dit que s'aperarén felibres. L'û d'aquets, lou mey yoén mes tabé lou mey ardent, Frédéric Mistral, hilh d'û paysâ de Maillane, qu'abè entenut aquet mout en ue bielhe pregàrie. proubençau, dab lou sens de douctou de la ley, reyent; poète, troubadou, barde, que poudè tabé boulé dise tout aco, permou que moûts atau counstituits que-s troben en û sarrot de lengues anciènes de l'Urope. Que-s passabe aco en 1854. . Aquets felibres que-s metoun à escribe countes, poèmis, cansoûs, romans, etc., en proubençau, e que hasoun û armanac, YArmana proubençau, qui ère, en aquet temps, la publicacioû le mey poupuiàri e qui entrabe en toutes las maysoûs de la bile e de la campagne. Qu'enstituèn tabé ue hèste annau, la Sente Estéle, qui anaben cele- �— 114 — bra tantos en û endret, tantos en û aute. La Sente Estéle que s'escadè yuste lou die oun abèn foundat lou Felibridye, lou 22 de may, e permou d'aco que l'abèn prése enta patroune, sinoû, qu'ère estade martirisade à Saintes, oun a lou tahuc. Per las autes Proubinces dou Miey-die, dinqu'aus bords de la Leire (la Loire) que y abè tabé escribâs de lengue mayrane, mes que s'at hasèn cadû per et; qu'èren prou esparriscats tabé e nad n'abè pensât à ha ue assouciacioû. Mes, chic à chic, lous felibres proubençaus que-s hasèn counéche -. Mistral, Roumanille, Aubanel qu'abèn sourtit obres de gran balou doun se parlabe dinqu'à Paris e mey enlà; que-s digoun, labets, de ha ço qui aperarén adare « propagande » e que-s biengoun, en troupe, passeya dinqu'à nouste païs. En 1890, que passèn per Agen, Auch, Tarbe, Pau, Aulouroû, etc., que y abou de bères hèstes, que quilhèn estatues d'anciens poètes de lengue d'oc, qu'esté coum si abèn sounat la « diane ». L'an d'après, en Bigorre e Biarn, que s'y hé û permè essay de groupement. Lous qui, per aci, èren felibres sens d'at sabé, que bouloun ha coum lous Proubençaus e, que y a quarante très ans, en 1898, l'Escole Gastoû Febus, qui coungregabe lous felibres dous païs de l'Adou e dous Gabes, qu'esté foundade. Que-s balhè û Buletî, lous Reclams de Biarn e Gascougne, oun se pot dise qu'an escribut touts lous qui abèn e qui an au co l'amou de la terre mayrane e de la soue lengue. Permou lengue que eau dise e nou pas pritoès au sens franchiman; lou nouste gascou qu'a grammatiques, dicciounàris, recoelhs entaus qui bolen estudia, apregoundi lou soû houns, lou soû enyenie, la soue literature. Ne eau pas créde, permou que la parlam tout die, de que sabém ue lengue; lous lenguistes, lous qui s'oucupen de la science dou lengàdye, qu'asseguren que û candidat tau certificat d'estùdis primaris ne sap pas goàyre mey de dus mile moûts francés sus lous cinquante mile dou lexique. Entau gascoû, qu'ey tout parié: au Dicciounàri de l'Escole Gastoû Febus, qu'en y a sichante mile (60.000) e si dus ou très mile soun de l'usàdye de tout die, ya-s bet que lou qui bòu sabé la lengue gascoune qu'a de que estudia. Lous felibres que-s hèn û debé e û aunou de la parla coum se déu e de nou pas la patoesa. Francés e Gascoû que soun dus; e tout parié que-s troumpe lou franchiman qui rebire moûts francés en gascoû coum lou qui franchimandeye lou gascoû, qui dits chaise au loc de cadière (ou cadèyre), parrain au loc de payrî, digéra au loc de debèrse. La lengue d'oc, per lou hèyt de las poupulacioûs dou Miey-die, qui ne bienèn pas toutes dou medich parsâ, que s'ey repartide en dialectes, mes touts que sortin dou latî; lous poples dou Latium, tout parié, qu'abèn tabé parladures diferentes de la de. Roume e toutû qu'èren de la mediche souque. De miey touts lous dialectes dou Miey-die, lou gascoû qu'ey û dous mey riches e dous mey beroys; qu'en debém esta fièrs e qu'où debém mantiéne en lou soû riche. Aquere qu'ey la sorte dous felibres, à d'aco que s'emplegue despuch quarante très ans l'Escole Gastoû Febus. L. R. �— 115 LOU COURNÉ DOUS POUETES PRAMOU D UE MAYNADE QUI BEDOUY A YOUGA AU " TRINQUET " P'ou trinquet bayounés que-n ba la charmantine e dèche, clare, .sa berou simple ens arraya miey biarnése, miey basque... Are la paume boumbech coum û treyt : ère, detras, bieryinau, bole e puch que-n arrid chens afèyt... O courilhin de cabirole si tournes, dits, d'Esparte antic, yessin de dret de caas gregoye, e d'aquet sègle tilh, atic oun cadu gouyatine choyé abè lous patriaus tesics de bade brinchude maynade, ta ha-y à trucs, ta ha-y à pics, quoan la Ciutat ère assedyade ? Mes, oey, que bau s'esbergina migue, p'ou hum de la Paleste ? Nou-nse tagn mey d'esbagina l'espade e de punta baleste • de da balans au malh-moutou, coum lous Antics, per la Patrie, si-ns encadène l'interiou enemic bienut de Scythie. Toutu la hilhe d'Arroumàs de qui ès, n'a brigue fé delide; e badoun aqueste temsas saubes à nouste souque hide. Ah ! si toutes... Dau ! p-ous frountous, per la Race : qu'aquéste terre de mèstes à case, de prous qu'amuchi bèt-u-die hèrre ! Coum Pénélope lou larè argoeytabe dou rey l'Ithaque entrò la pause doun chiulè l'arc dou soun omi sus la traque �— 116 — dous cascants, Tu, d'u co piadous lou patriau auta be saubes... heu, bedoussem aquet tems dous oun bestides de Mangues raubes las moulhès coum Tu, lous gouyats hesteyarén, rebiscoulade, la Terre dous payrans sagrats oun la Loube s'ère eslasade. Auts cops, Aquiles qu'esleyou entre bibe hère mes coarre, e bibe poc, mes en aunou, aqueste dusau hat... las ! are riales qu'èts atau ! You qu'èy met enta Uabicne. 0 yénte lole de tems-en-ça, lou mé alet qu'ey court, e mourte ma halhole. ESPIC DE MOÛTS : La Palèste, la Palestre; malh-moutou, bélier pour battre les murailles; baleste, arc; Aquiles, Achille, qui suban la Mitoulougie, e boulou ue bite braque mes pléc de glorie meylèu qu'ue loungue bite escure. DIE DTBER EN BAYOUNE Lou Yan de France (embriagat de si medich) qu'arrits e yangle, que hè dou peu d'Eres, boudât au blu sancé d'ale d'aurangle. Que crey tourna saboureya dies pariés en la moundine ciutat, tourna tiéne la ma qui ta bira-s caute plouyine Oey plouye e sou entermesclats (truferie de la mar-grane ) dab teulades que lous aygats hèn mey arrouyes que miugrane. cercabe la mie... Cadét, cadét, ayguétes amiguines : nad arcoulà d'amou nabèt n'encantera las mies nines. ANDRÈU NABETS PIC. COUNFRAYS MM. Dublanc (Docteur), Labrit (Landes). Bertin (Henri), agent d'assurances, 27, rue de Liège, Pau. Laurent (Raymond), boulev. Nord, Beaumont-de-Lomagne (T.-et-G.). Bourdette (abbé J.), proies, au Collège de St-Pé-de-Bigorre (H.-P.). Bayle (Pierre), avenue du Château-d'Este, villa Beau Frêne, Billère par Pau. �MOUNDE E CAUSES DE NOUSTE L'AUSSALÉS FABIEN DE LABORDE (1804-1854) Despuch de 1918, oun cercabem à pausa taus leyidous noustes las cares de quauques eseribâs de Biarn e Gascougne, n'abém pas encoère debisat d'û aussalés qui, au soû tems, abou lou soû lustre, la soue auyou de renoumade, Fabien de Laborde. E aquerò perqué ? Permou que lou tems qu'ey hère brac, e que de la troupe d'idées qui-nse sacadéyen cade maytiade, qu'en demouren poques de las qui yermien e arriben à tira brouts. Permou tabé que n'ey pas aysit, oey lou die, de tourna trouba las obres dous noustes debancès dou sègle XIXau; n'ey pas dat à tout cadû, tapoc, d'entra dens lous libiès dous qui, abans nous auts, e s'èren amigats dou gascoû e soubén, que-nse digoum : Aboussem ue clau de las bounes ta poudé enqueri-ns dous papès qui soubren de Lespy, de Planté e de quauques auts ! E hoùssem prou esbagats ta ha loungues estacioûs à las Biblioutèques d'Auch, de. Pau ou de Bayoune ! N'escadèm yamey qu'ûe prime broucadure de Fabien : Pausotes d'û aussalés (1840) e tout ço qui-n sabèm l'aut die qu'ère ço qui-n abè dit Batcave dens la soue Esquisse d'une Histoire de la Littérature Béarnaise, 1909, e las quauques pèces leyides dens lous recoelh Poésies béarnaises (tirade de 1886). « S'escriboussem au caperâ de Brudyes ? » si-nse digoum. Autalèu dit que pensât, que hourgabem dus moûts de létre, e la respounse clareyante coume l'esperabem que-nse Mené truc sus l'ungle, e atau que bam abé de qué parla c de que espuga. Nou haram que liga d'û hiu de bourre las aboundouses notes qui-nse mande l'abat J.-B. Laborde, sost-capdau de l'Escole, proufessou de biarnés au coulèdye de Nay, editou d'Antoni Mountaut, e autou de hère de nouticies sus lous eseribâs biarnés de las arribères d'Aulouroû e de Pau. « Yan Benedit Fabien de. Laborde, hilh de Yan Yausèp Alexandre de Laborde e de Sophie Manescau Sent-Martî, que badou en 1804, que biscou à Bièle, e qu'y miabe la bite (coum labets at poudèn ha) d'û yentiu qui segnouréye sus las soues terres. Que s'y mouribe de d'ore en 1854; qu'ère labets mayre de Bièle, sendic de la bat d'Aussau e counselhè yenerau de Laruns. « N'abou qu'ûe hilhe, Marie-Adelaïde, maridade en 1854 dab J. Caprais-Cogombles, mes aquet maridàdye n'amiè nade familhe. Lous bés de la maysoû de Laborde, dab lou castèt de Bièle, que passèn taus Cogombles de Brudyes. E oey, qu'ey lou capitàni Cogombles qui-n ey lou mèste. « P'ou pouète Fabien, que-s troubabe petit nebout dou famous banquiè dous tems de Louis XV, Yan-Yausep de Laborde, à qui trenquèn lou cot en 1794. « Qu'ey aquéste qui abè dechat ço de soû à la branque dous �— 118 — Labordes demourats à Bièle, e lou payran de Fabien, qui acquesibe terres beroyes dou parsâ, que-y bastibe lou castèt qui ey encoère de pès. Despuch d'abé-s croumpat la doumenjadure (terre nouble) de Ste Marie de Bièle, qu'entrabe aus Estais de Biarn dens lou cos de la noublésse. » Toustém gabidats p'ou nouste counfray de Febus, qu'apreném que. l'autou de Pausotes d'û aussalés que balhabe en 1851 û segoun hèch de las soues obres. Medich ue tresau edicioû que-s debè entinoa sénse yamey arrecouti. Lespy qu'abè pensât de liga l'obre sancére de Laborde, dab lous inédits coume at abè heyt ta Nabarrot, e au cap dou Dicciounàri biarnés, dens l'index, qu'y podin béde las anounces de l'edicioû de 1886, yesside enço d'Areas. Las prumères esprobes que mèste Laborde a bistes au Libiè municipau de Pau, qu'èren courridyades per Lespy, mes la tirade nou-s debè ha. Doungues, de Fabien de Laborde qu'en counéchen û trentenat de pouesies, debudes aus dus brius d'enspiracioû, dou qui hou escoulir de Despourrî e de Nabarrot. Las qui tiren de Despourrî, parescudes au recoelh de 1840, qu'an lou medich minousè e la mediche flaquère que las dou cansoè de Miramount. Que-y soun coume oubligats lous turméns, las pênes secrètes, la tigrésse, Yesclat de la beulat, lou cruel d'ayma, la bouquine qui marmure, las mourdéntes ardous e autes peguessotes de la mediche hount. A cops, toutû, arrayòus dens las brumes pretenciouses, arragues bounes à èste coelhudes au miey d'ue pièle de mourterius, quauques couplets d'escaduts. Que parlara de la Bite : Amies, la nouste bite, coum l'aijgne que s'en ba; nou lechém ta doumâ oeij, plasé qui s'embite. Gabe baient, que pots coula, toutû coum tu, tout que s'en ba. Apuch Pimàdye, bielh coum lous bielhs camîs, de la bite coumparade, à l'aygue qui bâche, lou Gabe que-s hè béde en boune ore. Dab et qu'èm à nouste en Aussau. Tabé, au miey d'ue pèce « l'Engrate » doun las faderies e lou méchant goust b'escòsen à la ganurre, quauques bèrs coume aquéstes : De toûts lous sàrris, noû-n'ij a nat qn'aije soun èr, sa lestetat; l'arbe lou plus drét, lou mey bèt abét semblen torts auprès d'ère, la plus fine lâ en blangou, céda que deu à ma bergère. Mes aquéres bounes passades nou soun prous ta que Las Pausotes d'û aussalés e sien ue oubréte de counde-ha. Per aco, dens la darrère çansoû, coum se lou pouète, mey hardit, se desliguèsse drin de las �— 119 — minousères despourrinénques, qu'escriu La Bite deu pastou, oun eau recounéche mey d'ourdi, mey d'arsec. Las imàdyes, pas tant coumunasses, que s'en ban mey de seguide, sénse toutû que-y sien adarroun lous sentits d'u franc pouète de la Terre mayrane. Lou Fabien nou-s poudè destaca d'et medich, e òmi de souque ennoublide nou-s debè desbroumba-s en escribe de. qu'ère û cap de la balée, û dous qui pourtaben lebite, e brigue lou pastou qui-s caraue la blouse de couti e seguech, la coude de la troupe, roumadyéye e passeye pechénees e tues, mau-bestit, mau neurit, mau droumit. Toutu, que puyabe d'û soulè dens las soues imitacioûs e qu'abém à mentabe ue yénee cansoû, Lou Départ dou Counscrit, doun eau hanta sustout Fadretie. de l'arrepic beroy amiat toustém : Oun eau, praubét, jou qu'àni càde, en quin pais ? — Jou n'at sèy noû. E au ras d'aquére, qui n'ey pas û cap d'obre, mes qui balhe toutu goust à la léye, qu'y seré Lou Charme, pouesie de nautat dens la nouste literature (lous Reclams que la publicaben en 1923, e qu'ey toustém l'abat Laborde qui la-ns abè mandade. Aquére pouesie que-s deu espia de mey près que d'autes. D'abord qu'ey bestide sus û ritme nabèt (noû bey à qui e pot èste emprountat), qu'ey hourgade dab ûs moûts, ûs termis natres. N'ey qu'u mountagnòu qui-nse pot parla de la daune doun entén la hèrre, l'esclop à truca sus lous peyrats, troussade au soû capuchoû, hade qui-s bòu sarra enta miélhe charma; que eau èste badut e abè biscut acera hore, enter terres e cèu, enta poudé mentabe lou barralh qui dessepare lous èrms dous boscs e e ahourès nou crey, j'abou ni mourtè ni cantoû, ni lapoc pèyre en nat barralh ligade, plouye ni glas nou-t desrouquerén pas. e que eau èste biarnés cap e tout ta gousta l'armounie e la sabou d'aquére pouesie, nabère à las ores de 1850. Hens aquet Charme, qui finéye e souméye, nou troubarem que dise qu'à û parelh de franchimanderies regard e eschebèu, petits plaps qui nou saberén goasta la bère cante. Despuch dou sou prumè recoelh de 1840, l'aussalés nou s'en ey tiengut au briu de las doulénces, que coumpausabe truferies e gauyouseries suban Nabarrot. Que causiram quauques couplets dens lou tistalh. Ue tirade dens la Nouce de Bernât : Sàbi, cousî, jou que-t bouy dise la nouce deu cousî Bernât; que m'y soy sercat ue frise e que m'y soy perdiu, hartat �— 120 — coume û pedoulh, coume û pourcat aquiu, hòu, cousî, de matî que-y coulabe lou bî, etc.. E noustes leyidous, en léye aquére abiade, ya-s broumbaran de la Sartouléte dou mèste arridoundè d'Aulouroû : Coumpays, siam gays, oey qu'ey la hèste de Sent Bertoumiu ! Qu'où pelam tout biu... Nou n'y manquen bersets dous plâ baduts en d'autes pèces : Lou départ ta la casse, lou Lanterniè, Biéus-Artigues, doun mous de Laborde e boulou pla balha-ns ûe coupie, toutû, que-nse estangaram à la coumplénte de l'ours Douminiqu,e e à las Modes d'Aussau cambiades. L'ûe coum l'aute que soun estades poupulàries, e la prumère que semble èste escribude, en manière d'aurost dou défunt pelut e patut qui debèn aucide « à la meterie de l'Estibère, lou 12 de yulh 1848, coume abè mirou 30 ans, regretat de touts lous sous parents, amies e counechénees ». L'ours n'ère pas labets lou heram que lous hilhs de l'Ariège passéyen de bilàdye en bilàdye e hèn dansa, que segnoureyabe dens la mountagne. Aquet Douminique : Que-s passeyabe tranquile peus Moundelhs e Magnabat, per Bieus e Peyrejetât, à l'Espagne qu'abè tabé quauques rentes, drin de hé. Quoan l'at semblabe que-s gahabe cap d'aulhe, de moutoû ou d'agnet. Cassayres renoumiats Sanchéte, Beryè, Jeandot, Bignau, que l'acoudilhaben. Lou cassàyre Loustau, lou tuayre d'ours renoumat en toute la balée : Quilhat que-u bedou tout dret, balsa, ha l'arricouquet, mes, plâ segu de soun arme, au segoun cop l'escadou tout juste darrè deu toussoû. Labéts, l'ours, dab gran furie, dehens deu bosc que cadou e loungtems pernebatou. Que-s mouribe quoan lou die, car que-u troubèn, lou matî, destournat darrè d'û pî. Touts qu'abém leyides : Las modes d'Aussau cambiades dens lous armanacs de Pau, dens las Garbes de nouste literature, quauques-ûs �— 121 — .[n'en sabém l'ayre, e que la cantèm aus tems loegnècs oun cantabem, aquere cansoû au ritme yumplayre oun estiglen, yolhes presibes, lous moûts de case : que hourrupen lou café, las bèsties de courdelhat, Noustes superbes aulhès, abilhats coum lous rouliès, au loc d'esclops qu'an souliès, pantalous coum grenadiès. Que pot èste bantade coume û adichat gauyous de la bat d'Aussau quoan, cade an, per Nouste-Dame d'aoust, se bed lous parious en bestissi naciounau merca lou pas dou brànlou ayreyant e ha claca la sole, adentour de la hount de Laruns, toutû que, sus l'empount pausat sus quoàte barriques, lous tambourînàyres tambourinéyen. Fabien de Laborde, qu'a mey que. Bincents de Bataille (hilh de familhe bouriése) l'ana poupulàri de la léngue, se toutû lous manque, parié, de sabé-s castiga e de cerca l'acabamén de l'art pouetic. Que eau disé-s qu'en aquets tems lous artisâs en bers que boulèn tribalha hort adayse e sénse lou soegn que s'y ey hicat despuch. Mercés au caperâ de Brudyes, que poudoum balha mayes endiques sus la soue souque e pausa-u û drin dens lou soû ayre e lou soû terré de Bièle. Quin disen toutu : « Lou qui n'a drin qu'en bòu drin mey ? » O, que-nse hè dòu de nou segui-u mey que mey dens la soue bite-bitante. Dens û estùdi mey pregoun, dens ue edicioû causide d'aquet Capdau, bouta en plée luts las dues peyrines : Lou Charme e las Modes d'Aussau; e tira de l'oumpriu, s'en y soubren enloc, cartes pourtrèyts, testimònis familhaus. E té, l'aut die, embescat p'ou mandadis de mèste Laborde, qu'escribèm à û bielh amie d'Aulourou, sabé ço qui n'ère dou pouète dens lous papès de Les'py. E oerats ço que Paul Proharam. m'en coundabe : « La petite neboude de Lespy, daune Galtier, qu'a pla boulut presta-m û recoelh oun ey l'obre sancére de Laborde, manuscrit presiu d'ue escriture hort soegnade e dab dessîs à la plume sinnats P. Mieyemarque. Mes nou-y deu abé arré d'inédit en aquet album ». Lou cayè qu'ey doungues en bounes mas ta nou pas esbarri-s. E lhèu, û die, quauqua amourous de la bat d'Aussau, que desnidara d'autes arreliques dou yentiu qui-s passé la soue tère à Bièle e hou l'aymadou de tout ço de case e pouète en léngue soubirane. Qu'ère tabé cassadou e gran cassadou, e ço qui balou mey, òmi serbiciau tau mounde de la Bolée. Nou pas de segu en ço de mayes lirics, mes, taus auts, au cap de cent ans. quau ey l'obre d'esperit qui nou-s trobe curade dou sou medout primaberau ? Mes d'aquéste qu'en demoure u noum qui hou poupulàri e qui-n déu demoura ; dues ou très pèces de las soues (que las abém mentabudes) que dében goarda loungademéns lou sapte e la malencounie dou pouète de Bièle. MIQUÈU DE CAMELAT. �CAUSES D'AUTES COPS EN GASCOUGNO Y A DUS CENTS ANS Que béngui de legi un libe hort curious, « Les Mémoires du Marquis de Franclieu », publicat en 1906 per M. L. de Germon, énde las Archibos Istourics de Gascougno. L'autou d'aquets memòris n'ey pas gascoun de nachenso; basut qu'ey en 1680 à Brie-Comte-Robert, acera horo, per Paris. Touto sa bito qu'ey hèyto de patacs, sustout dab la guerro de suecessioun d'Espagno; qu'ey au seríùci de Felip V, arrè-hilh de Louis XIV, que Franclieu receb la blassaduro au bras dret qu'anguera soegna à las aygos de Barèdje ount rencountrera, à 40 ans, la gouyato qui sera sa moulhè, Damisèlo de Busca, hilho dou segnou de Lascazèros, Hagedet, Hechac e aute.s locs, aus embiroûs de Castetnau-Ribèro-Bacho. Lou qui n'ey estât dinco labets (1720) qu'un courriu e qu'un truco-taulè, que beng amourous d'aquero gouyato de bint ans, e que s'acasis damb ero au castèt de Lascazèros. Pendent binto-cinq ans (dinco à 1745, dato de sa mort) que biura aquiu e, en ensegna la bito e l'ana dou mounde aus sous maynàdyes, qu'escriura ço qu'a hèyt, bist, e pensât, atau tabén que tuera lou temps e, aro que se hè bielh, que tournera biùe sa joenésso emperiglado. Lou libe n'a pas nado pretencioun literàrio; lou marquis que lacho la brido à la plumo d'auco, e que dits las causos atau coumo lou bengon. Pramo d'aco, la souo obro qu'ey de maje interèst, noû pas tant en sa prumèro partido ount coundo la guerro d'Espagno counegudo per alhurs, mès per la secoundo qui, énde nous auts, felibres gascoûs, fidèus à « la remembranço dou passât », da un reclam de la bito per nosto. Qu'ey pramo d'aco que eau ha-lo counégue. Bèleu que-ts agradera de segui lou libe pas à pas e de. biue un pauc la bito dous nobles, de las gens de glèyso e dou puble, dous très Estats de Gascougno, miey sècle à pénos auant la Beboulucioun qui diuè cambia tant de causos e acaba la Centralisacioun. * * La caro dou marquis de, Franclieu qu'ey réde curiouso; en l'estudia qu'aprengueram à counégue la dous nobles de sa generacioun e de soun temps. Qu'èro un ome d'accioun, au mâchant cap, mès abisat coumo pas un, e que n'auè bist de toutos : qu'y besèuo mèy louy e mey cla que lous nobles coumo et. Qu'en judyerats, de segu, à la fin d'aqueste trabalh. « Un gentilatre de proubincio », coumo dits et, après aué courrut las batsarros dou mounde, n'a pas mèy qu'à biue arretirat ser sas terros, à se plagne aquiu de l'abandoun ount l'an dechat, à s'oucupa de sa familho e de soun ben. Enço de Franclieu que y'a prou de que ha. Lou marquis qu'ey cargat de familho : « très drôles e sept drolos, ça dits, urousomén basuts, austant per la liguro que p'ous sentiments e p'ou caractàri » (219) 1. Urous pay ! e cado an, ou �123 — pauc s'en manco, que l'en arribo un ou dus. Ëscoutats aço : Loti 9 de may 1727, sa moulhè qu'a duos bessouos « qui an lou bounur d'esté basudos quauques mes auant Mas Daunos de Franco, bessouos tabén ». Nou se pribo pas, segu, de pensa que hara milhou lou cop après énde s'escaye dab lou Rey. L'an d'après, arrés n'anauo plan : « Qu'estèm grelats à plat, mes aco m'empadyèc pas de ha trabalha à la maysoun e aus casaus, ço qui, dab lou soegn d'aumenta ma familho, s'escajèuo réde plan, puch que, lou 9 de jun 1728, ma hemno me dauo uo auto maynadeto, un mes auant uo de nostos princéssos de Franco ». (205) Qu'aurén dit un Councours, uo fayssoun de Louterio naciounau... e Franclieu que gagnée : lou 4 de setéme 1729, qu'où bay un hilh « lou medich jour, la medicho oro, au medich moument » que lou Dauphin Louis. Qu'èro lou 4 de setéme à 3 oros 30 dou matin. L'orne que n'ey mèy countent que d'uo batalho gagnado e, s'ou cop, que hé un acte sienat « dou curé, dou bicàri generau, dou jùdye reiau » pramo que penso bien « qu'un jour aquet grand prince sera boun end'ou qui a auût lou bounur de base au medich mes, oro e moument qu'et ». E que s'y hiso pramo qu'a legit qu'uo causo atau ey arribado en Perso enta-u hilh d'un oubrè qui debengouc ministre... e un hilh de Franclieu, bertat, qu'ey mèy qu'un hilh d'oubrè. (207) L'acte sienat qu'estouc transmés au ministre de labets énde qu'en debisèsse dab lou Rey ! Lou marquis qu'auè trop espérât... Qu'ey prou fier de sa familhe qu'a hèyt bouta, dens soun saloun « un tablèu pintrat ount souy dab mous très hilhs e un aute ount ey ma moulhè dab sas sept hilhos... en fàci dous tablèus dou Rey e de la Reyno, e atau tout aco se trobo au soun loc ». (219) Mès, que hè en un castet? Coumo a courrut touto sa bito, qu'a sajat d'aué un emplec; n'a pas escajut. Qu'ey un pauc désabusât. Tabén que. hè testo au desobroment : « Quand me besouy, ça dits, chens em'plecs balhats p'ou Rey, que sajèy de m'en proucura per jou mémo: que-m noumèy surintendant de mous bastissis e casaus, countroulàyre generau de mous rebenguts, e goubernadou de mous maynàdyes ». Fayçoun pleo d'esprit de-s benya dou desbroumb. En s'oucupa per et medich de sas terros, tout que ba e la maysoun qu'ey pleo de hruto amassado s'ous aures plan soegnats. (217) Belèu quauque besin qu'ac sabèuo e Franclieu que-s plagn de noû pas poudé demoura tranquile pramo qu'ey hart de besitos qui «. arribon soubent juste au moument de-s bouta à taulo, ço qui oubligo à aué toustemps un grand ourdinàri ». A Lascazèros sount doutze cado jour, e que pot se bouta ches ou sept couberts de mèy : « Qu'èy un grand casau qui me da de cinq à ches entre plats à cado repas e qui neuris touto la maysoun en Coarésme e aus jours magres; qu'ey un grand terrèu énde la casso, mèy de ounze cents caps de pouralhos énde jou, affieudados ser mas terros, bordos e afermos; qu'èy réde de hruto, quauques iranyes ende licous e coufiturosi secos, e réde de bin tâ boun que nou-n beui que d'aquet ». Lou marquis nou diu pas esta mau-agit tengue en orde lou cayè de sus rebenguts. Per aco, qu'ey merbelhousomént aydat per sa hemno �— 124 — qui parech èste uo mastresso dauno, uo menadyèro de prumèro traco : « Ma moulhè que hè de grands neurissàdyes, que tuo sept ou oeyt porcs, uo quaranteo d'aucos, dount las coechos estujados débat la grècho hèn plasé, mémo à Paris » (242). La taulo que pot èste arcoelhento, pramo lous toupîs que soun plés. Atau, bertat, que pot ana; mès que de causos à paga ! « Qu'ey un hàsti de noû poudé semoa or e argent ende paga lou Rèy » (ah! aquets impots !) « e croumpa òli, candèlos, bougios, sau e drap ! » (217). Mès lou maje coupo-cap d'aquet pay de familho qu'èro d'eleua sous dèts maynàdyes. Qu'a hèyt bengue à Lascazèros un preceptou qui nou balè pas ca: « que boutée grosso uo goujo e nou s'oucupèc oayre de moun aynat ». Franclieu qu'auè sos idèos à et : lou latin « n'ey necessàri qu'à gens de glèyso » e om pot nou pas counégue lou latin e este un ome. Per plan ha, qu'auré calut embia l'aynat enta Paris; mès, e l'argent ? Tabén, touto la couado que demourera au castèt, pramo que dens lous coulèdyes dou pays nou s'apreng que lou bici, e, de las pensioûs, las gouyatos que tournon un pauc pègos : « N'èy bist sorte qui nou y auèn après que lous grands ayres dou mounde » (220). Lou marquis que penso toustemps à Paris, que hè tout énde y embia soun hilh : pensats ! qu'ey basut au medich moument que lou Dauphin ! Mès aco nou suféch pas, lou Rey qu'ey sourd, nou y'a arré à hè « quand Diu lou Pay debareré dou Cèu ! » Praube Franclieu ! Labets que-s biro d'un aute coustat e que croumpo uo coumpanio de sourdats au drôle; que l'encosto 22.000 liuros « plan trop, ça dits, énde un praube gentilòme coumo jou ». Qu'où eau se bouta à la misèro énde trouba aquero soumo. « N'èy pas mèy qu'un bayletot, e se-m damoro duos calèchos qu'ey pramo que digun nou las a bouludos croumpa... Que bau en bisito dab buous, ou carrussat per uo bielho cabalo abuglo ou un iriul de bint ans qui a la reo estoursudo ». Las maynados nou porton mèy pelhos de sedo ni souliès fis, mes coutoun e souliès de coé gros « hèyts per un coixrdouniè mau-agit ». E Franclieu qu'anguera mey louy, se eau : sas Damisèlos « que parciràn tira aygo e tira la lèyt à las bacos, coumo Rebecca ». Lou tren de maysoun n'ey pas lou d'autes cops : nou y a mèy qu'uo goujo, e lou pay, encoè gayresc, que penso à sa joenésso hemnassèro : « qu'ey ta beroyo, aquero goujo, que ne bau duos ou très » (233). Aquiu un ome qui sab, au coustat dou mau, trouba lou remèri. Calèuo praco passa lou tems. Dauiis hasèn de boûs repas e nou pensauon qu'à minya : « N'ey pas, ça disè l'un, pramo que la bosto may que se mouris qu'en eau priba de croche ! » Lous nobles, besis de Lascazèros nou diuèn pas poudé estaca lous cans dambe saucisso... e un malur arribat à la pouralhèro qu'èro mey sentit que tout aute Uo dauno de Moundegourat que benguè de pèrde sa so, en medich tems qu'un troupèt de pouloys, crouchits p'ou renard. Un besin, qui nou couneguè que lou prumè malur, que l'en disè sa peno : « M'en parlets pas, ça digouc ero, que m'en a minyat trentodus ! » (239). A d'aquero misèro, Franclieu qu'ey resinnat; qu'ey urous de-s sabe acountenta dou necessàri, e que oardo touto sa fiertat : « un noble, ça dits, qu'a bèt se bese tout espelhandrat deuant un financiè �— 125 — pigalhat d'or e magnifie; qu'a lèu hèyt de tourna au soun prumè estât omis d'aquero traco ». Raço racejo. Noste marquis praco n'ey pas grandous; e que soufris de bése que « y a nobles empertinents » qui-s « permeton de truca lous fourrous pourtayres. de countrentos », Quino bachesso! Ende touts que eau uo justici parièro, enta-us nobles e enta-us pacants. Que caleré que lou Rey hasousso caucoumet énde la noublesso pramo que « la majestat dou trône n'ey grano qu'austant qu'ey entourado d'uo sang qui s'aprocho d'ero » (236). Bertat qu'ey, tabén, que la noublesso nou sab pas méy oarda soun reng ; qu'a renounciat à tout : « n'auém pas, nous auts, gentilatres de proubincio, arrés à aténde enta-us nostes maynadyes ». Franclieu que bouris en enténe aco : « Perqué pas ? La noublesso bertadèrq que bertg de las armos e qu'ey per las armos que. se sustenguera » Aqui perqué a croumpat la Coumpanio au soun hilh. Suban et, la joenésso dous castèts que perd soun tems à s'amusa, à courre las hemnos e lous jocs. Quoant n'y a qui hèn à las cartos tout lou jour ! A Lascazèros n'ey pas parié : « n'entro pas nado, à caso, pramo nou boy pas que mous maynadyes prenguen aquet goust qui a rouynat tant de familhos ». Per d'autes, nou y'a que la casso : « amusoment gracious » segu, imàdye de la guerro. Mes perqué se minya tout l'argent ende aué « tout l'attiralh, bous chibaus plan arnachats ount manco pas un ardilhoun, baylets à troupos e uo muto de diable ? » Tout aco n'ey qu'ourgulh, banitat de gens qui bon téngue un reng chens n'aué lou poudé. Dambe aco, que sount à l'escart dous ahas; Franclieu qu'ac dits aus sous besîs : ets, que creson que repapio, e nou beson pas qu'en hè ço que hèn, que trahisson soun passât e que, pauc à pauc, que dèchon la plaço, qu'alandon las portos à la Reboulucioun qui-us passera s'ou corps. E qu'ey curious de trouba lou medich reclam débat la plumo de Mounluc, un gascoun aqueste, qui escriuè, dus cents ans auant : « La noublesso qu'a hèyt à ero medicho un grand doumàdye en se tengue à l'escart de las cargos dens las bilos, snstout dens lous capdulhs de proubincio ». Aquets dus ornes, sourdats touts dus, qu'y besèuon de cla. Coumo passo-temps, que y auè tabén lous biàdyes. O, de segu, nou hasèuon pas cent lègos per jour. Lou marquis de Lascazèros qu'auè benut chibaus e carretoûs. Ende ana enço dous besîs, n'a mèy qu'un ca carrussat per buous « ço qui ey loung à mouri e destrambio lou laura. Praci que ban dens cas caperats de linços, ser cercles (las aubanècos), e las daunos acarlauados ser un chibau... c que-s trufon de jou pramo nou bouy pas que las mios damisèlos hasquen atau » (252). Quand éro joén, Franclieu qu'aymauo la bilo. Pau que l'a semblât à beroyo e arrisento, arcoelhento sustout e.nd'ou qui sap despensa ». Las hemnes n'y sount pas auriuos, mes « d'ourdinàri n'y sount pas beroyos » (atau). Taplan lou marquis, labets s'ous trente ans, que susteng sa machanto reputacioun. Debengut bielh, que. s'y auejo biste : aquero bito de saloun noû ba pas au soun caractàri de souldat e de paysan. « Las coumbersacioûs nou porton que ser las gens, s'ous mendres detalhs d'uo maladio, chens desbremba uo sacnado, un lauoment e tout ço que s'enseguis, pendent oros de reng, à pre- �— 126 — paus d'un baylet ou d'uo cagnoto » (217). Couin deuè este amusant ende un praube diable qui s'èro bist sacnat ser un camp de batalho ! Nou y auè, labets, à Pau, en 1733, qu'un saloun ount Franclieu se troubauo à l'ayse : enço de dauno de Gassioun « la mey coumplido dâuno qui èy bist ». Mes sustout Pau qu'ey la bilo dous proucès; qu'en tourneram parla. Noste marquis qu'anauo quauque cop en Espagno, ount auè serbit, ende saja de se hè paga p'ou rey; e s'ou camin que tournauo trouba Barèdye, ount auè soegnat sa blassaduro e troubat sa moulhè. Qu'anauo à Mirando e à l'abadio de Berdouos ount èro plan arcoelhut. Un aute jour qu'où trobom à Garasoun « abadio de canounyes reguliès » qui recebèuon dab plasé las gens de passàdye : « que nous dèn uo bouno crampo dab dus lèyts e un prou boun soupa ». La serado qu'estèc gaujouso pramo que saben arrise, mès quand calouc parti « nou desbrembèn pas de présenta lou bassin e qu'y boutèy uo pèço de duos pistolos d'or » (100). Puch qu'auta plan soum entrats dab noste escriuâ dens uo abadio, que. bam poudé parla, à d'arroun, de las gens de Glèyso, taus que nous parechon dens lou libe. (que seguira) ■a M. SAINT-BEZABD, armagnaqués. —^ao- — »• LAS LETRES Cap d'an qu'amie û .sarrot de létres e qu'ey plasé de saboureya-n lous beroys dises e l'amïstat pregoune. U gay qui n'ey pas partadyat, que bau ? Hère chic que bau, tabé aci que b'en boutam ues quoandes, amies leyidous. Autant qu'à nous auts, qu'aquére lecture be pousque regaudi; que-b sien, de taus escriuts, coum las estrées de l'an nabèt. I DE YAN DE MEDEBIELE A SIMIN PALAY Paris, lou 22 dou mes mourt de 1938. Mèste oundrat e amie, Nou sèy se lou dimars sé, 14 d'aquéste mes, las aurélhes e b'an hèyt brounitère, ço qui ey pla segu que-b hasi parla à la nouste darrère Goudale. Mous de Caula, Louis de Latourréte, Yan de Bouzet, Mounguilhot, Labes, Clos e tout lou beroy e brabe mounde qui couneguét despuch bèt tems a miélhe que jou medich que-s soun dats per boucaciou de. s'amassa cop ou gn'aute ta-s plase, ta batala de coumpagnie e hica en aunou l'Escole Gastou-Febus doun abet la cargue. Despuch d'octoubre la reuniou que-s rembiabe toustém ; mes �— 127 — qu'ère entenut qu'à la prumère amassade que. crubarém las coutises dous Reclams de, 39 e qu'en harém mandadis à Tucat. N'ey pas à bous se eau dise si lou nouste Louiset de Latourréte ey ahoegat de la nouste obre e se-s hè gay de s'esta escribut dous prumès escouliès. E jou, lou chètre aussalés, coum perdugot dens la gran Bilasse n'at boulhats pas sabé s'aymi de recouti au Larè de la Goudale, oun me bolen ha drin de place. Toustém que m'y trebuquen enta que-y diguey quauqu'arré : Pensât qu'ey ço qui podi debisa ! Toutû, coum nou bouleri paréche trop bergougnous que m'en tiri plâ ou mau en léye ue pouesie dous mèstes : Nabarrot ou Daugé, Mascaraus ou Bouzet, ou gn'aute de bous medich, coum s'escad quoan m'aubréchi lou me carnet. Aquéste darrè tour, l'escadénce que boulou qu'en hourucan la mie couleccioû de Reclams (despuch de 1922) que m'estanguèssi daban lou boste article : « La Boucacioû de Felibre » dou mes mourt de 1928. Qvie la me coupiabi e plegàbi coum eau, e que las gahàbi ta l'Estanguet de Gady de Brudyes oun èrem, s'ou truc de oeyt ores dou sé, bèt trentenat de Biarnés. Coum de coustume, mous de Caula que-m pegnicabe à l'ore dous brindes, e Louiset de-m crida : Oun as aquet papè ? Qu'où eau léye, Diu biban ! Que leyibi dounc. E, ta-m paga lou tribalh, que passàbi dab lou gradau au miey dous amies, coume à la glèyse l'òmi d'obres. E dous ancièns, e dous nabèts abounats que hàsi boune plégue d'escuts, pusque poudi manda 410 liures au nouste Dinerè... Per Paris qu'abém û ret qui péle, e la neu d'augan nou s'en ba pas auta biste coume ey cadude. Lous passeroûs qu'en soun touts redoulics e qu'en an las plumes herissades. Praubes bestiotes qui uoû-s troben mey à peruca ! E que dise, dou mounde, passeroûs qui per aci e biben toustém dehore ? Ah, d'aquet Paris oun arrecoutéchen lous mey urous, e tabé, aylas ! lous mey misérables. II DE YAN DE GUICHOT A MIQUEU DE CAMELAT Mourlâs, lou 14 dou mes mourt de 38. Amie nouste, Hère d'aygue qu'a courrut débat lou pount dou Luy de France (qu'ey lou nouste besî) despuch la biengude ta YArrayadiu de boste darrère carte. Qu'ey tems d'escusa-m d'abé hort tardaneyat — Siat aumén assegurat que se-m paréchi esmudit n'ey brigue l'endic d'ue eslouchade de la mie, de la nouste amistat. N'ey pas d'aquéres qui s'en ban, s'esbrigalhen à la méndre estirade, au méndre trebuc. Bam ! Quin èt '? Aquére santat e s'ey estrembiade ? Que-m haré gay d'apréne que s'ey tournade atrassa per boste à de bounes, ta s'y manténgue loungademéns. Diu qu'at boulhe atau, e noustes bots dourècs qui-b pregam de coélhe aci, ta l'an qui bié que serén à l'abance coumplits. �— 128 — Arré de nau per nouste arribère. Lou plouyùmi d'augan que sémble boulé-ns estaubia lou tourradis; las habes dou me casalét que soun flères d'amucha-m û pam de came, mes qu'èy pòu de las béde lèu bâcha la cléque, dab quauque tourrade de heurè. Per boste, aumén, p'ous soumats qui bey d'aci 'nia, granes plapades de nèu : Demourat-be au soubac, amie, e nou hassiat peguésse d'estaubia las barroulhes. A maugrat de l'encaride hastiale dous timbres qui-ns embite à moùdera-n l'usàdye, que bouy toutû countinua de m'en ha lous dèts e oeyt sos meylèu que de nou da noubèles aus amies e d'en recébe. Sa-m pa, e serat dou medich abis, e harat coum you ? Boste de co, e siat ploumat ! III DE YAUSÈP LOUBET AU MEDICH Paris, lou 31 dou mes mourt de 1938. Amie, Que-t biéngue. la mie darrère pensade de l'an qui s'escape entad assegura-t de la mie courau e segure moumbrance e t'auheri lous noustes bots amistous ta l'an nabèt. Diu que-t mantiéngue la santat e l'ahide sente dens la Renachénce qui nou esperam en baguenau. Lou numéro dous Reclams que m'arribe yuste à l'ore, balhan û cop de mey la probe de las bertuts de la race pirenénque. Quoan, û per û, lous yournaus de Proubénce e de Lengado s'en ban, lous Reclams que biben e prouspèren « La maire Prouvènço a panca crebado la pèu dou rampèu », toutu lou rampèu de Gastoû-Febus que s'entén loungademéns soulide e goalhard. Aunou ! siats laudats de touts, e seguits, o frays balents, qui sabets demoura horts maugrat dou bielhùmi. Qu'abëm acabades las noustes amassades dous « Amies de la Léngue d'O » per ue serade poulide oun nou mancabem de merca la leçou dou boste exemple e que-t mandi lous coumpliménts d'ue couderilhe d'esbarrits qui sentéchen, lhèu mey que d'auts, la noublésse dou boste prèts-hèyt felibrenc. E aco dit, amie, tout esmabut dou soubeni qui dabes à Bourrilly, boune e urouse anade ! •« —^>Ste- s- Lou Dinerè que ba lèu apresta las quitances de l'anade ta la coutise à recruba per la poste. Esbitat aquets frès qui achiquen la dinerole, deyà prou praube. Mandat-lou las 25 liures de la coutise au coumpte de chèques n° 34.321, Bordeaux, �— 129 — LA BOUNE PARAULE LA LANGUE D'UN PEUPLE, C'EST LUI MÊME Il est un statut plus fort et plus appréciable que les textes de lois. C'est la vie; c'est le droit naturel qui s'attache à la personnalité, à l'intelligence et au libre vouloir de l'homme. Une langue est l'ensemble organisé des vocables propres à un peuple pour exprimer ses idées. Elle lui est d'autant plus naturelle qu'elle dit le mieux sa vie intime et personnelle. Il est des langues en quelque sorte internationales par détermination théorique, par exemple le latin, le français diplomatique, l'anglais commercial, ou peut-être un jour l'espéranto après le volapuk. Mais ce sont là des langues qui risquent grandement d'être artificielles et fixes. La langue vivante, c'est celle du cœur, du foyer, des idiotismes, langue toujours en évolution parce qu'elle vit, et toujours identique à ellemême parce qu'elle se nourrit de son propre fonds. Or, l'une des richesses d'esprit pour un peuple est sa langue, plus précieuse, que ses villes et ses prairies, et non moins à lui; au contraire, encore plus à lui-même, car s'il porte dans ses mains ses trésors ou s'il a sur parchemin les titres de ses propriétés, son parler fleurit sur ses lèvres ,il éclate dans sa voix et dans ses yeux, il est imprimé sur son cerveau, il est incrusté dans son esprit et comme inséré à travers les fibres de son âme. Un peuple a donc sur sa langue un droit de propriété naturelle, je dirai plus, un droit d'identité. La conquête des pays, c'est leur occupation pour en détruire l'autorité civile, non pour en détruire les habitants ni les mutiler ou les déposséder. On ne saurait s'emparer d'un peuple comme d'une, chose ou d'un troupeau; ensuite le traiter en peuple; lui assurer la protection de. sa personne et de tout ce qui s'y attache, liberté, famille, traditions, langage et propriété, dès lors que tout ceci s'emploie au bien majeur de l'Etat reconstitué. Le pouvoir public, qui n'est fait que pour abriter sous sa force et sa sagesse l'évolution des individus et des familles, quand il conquiert ou acquiert de quelque façon de nouveaux domaines, prend ensuite, à son compte de procurer le bonheur de ses peuples nouveaux. Comme un second père, on me permettra cette, comparaison familiale, doit normalement et en quelque mesure se charger de conduire au bien les enfants mineurs de la veuve qu'il épouse, non certes pas en les arrachant de leur foyer ni en les détournant de leur mère, au contraire en les lui rattachant dans toute la mesure compatible avec l'alliance, nouvelle. Ce sont là des règles dfe droit naturel que la philosophie ancienne et le droit des gens ou le droit international eux-mêmes n'ont jamais ouvertement contestées. Les Romains avaient laissé aux Grecs leur langue, ils firent de même à l'égard des Juifs, des Gaulois, des Germains, des Celtes. Le basque, le breton, le provençal furent en France des langues autorisées. L'Angleterre n'extirpa point de la �— 130 — bouche dés vaincus leur idiome dans l'île Maurice, dans l'île de Malte et dans les autres îles conquises de la Méditerranée et des divers océans. Non, quand la langue du peuple vainqueur supplanta celle du vaincu, ce fut ou bien par une violence outrageante du vainqueur qui ne réussit toujours son œuvre qu'à moitié, ou bien par la lâcheté servile du vaincu qui ne mérita point de survivre, ou bien par la supériorité intrinsèque du langage, et souvent il arriva que le. faible l'emporta sur le fort. JEAN-MARIE VILLENEUVE, Canadien français. •s *aST'ga— -s RECLAMS DE PERQUIU Lous 85 ans d'Edouard Bourciez U d'aquéstes dies de yenè, à la soue demoure bourdalése tant ecunegude dous sapients roumanistes de France e de hore-France, mous de Bourciez que celebrabe lou cap d'an dous 85 dab lous soûs hilhs e arrè-hilhs. En tau urouse escadence, l'Escole sancére que mande, au mèste qui, badut à Niort, s'ey dedicat à l'estùdi de la Gascougne, lous soûs bots respectuous de loungue e balerouse bite. Lou teatre nousteYane de Mauco, qui-s pouderé apera Yane la Balente, nou dèche pas de tribalha per èste à la retrèyte ; si nou-nse troumpam, qu'en ey à la soue cheysau pèce de teàtre. U dimenche d'aquéste mes, qu'où n'an yougat dues à Lasseube e aplaudiments nou s'y manca pas, ni coumpliments tapauc. Que la pregam d'agrada lous noustes respectuous e sentits. A trabès Biarn e Gascougne lou teàtre nouste ne chaume ni chaumara d'aquéste carnabal. Qu'an deyà yougat coumedies de Simin Palay à Loubiè-Soubiroû, à Guiche, à Sent Bizents, à Espechède, à Céran d'Armagnac e que s'aprèsten à youga à Sordes, à Peyrehourade, à Mazères, à Guiche, Arette, Herrère, etc. Pot ana, pot ana ! L'Escole Roumane. Mous de Guillaumie qui hasou, l'an passât, b'at sabét, lou soû cours public aus bourdalés sus lou teàtre gascoû, que hè lou d'aquéste an sus l'Escole Roumane, foundade per Prosper Estieu e Antonî Perbosc, touts dus reyents en Lengado. Lous qui an û poste de T. S. F. que pouderan segui aquets cours qui soun trasmetuts lou dilus brèspe à 5 ores e mieye, per Bordeaux-Lafayette; que duren ue ore. �— 131 — Permou de Y. Francés Bladé. Au nouste darrè numéro qu'anounçabem qu'èren en tri de boulé lheba û mounument au sapient istourian e escricat coelhedou de Iradicioûs gascounes acera, s'ous terrés de Leytoure, en biste dous coustalats d'Armagnac. Qu'an hicat de pès û coumitat oun leyim noums de nautat. Mentabém dab lou président mous de Pesquidoux, lous mayouraus dou Felibridye : Daugé, Palay, Lisop, Camelat, de Gascougne e Estieu, Perbosc, Roses de Brousse, de Lengado, etc.. Las souscripcioûs que dében èste d'are enla embiades à MM. Armand Praviel e Paul de Max, carrère Pargaminières, ch. p. 15183, Toulouse. Lous Yoens noustes. Qu'ey ta nous auts gran plasé de ha sabé qu'Antoni de Bastard qu'ey coum goarit dou sou alèp (que saben que s'ère esmanglat dons û pous d'auto, quoan de Bayoune enlà s'apoudyabe ta las lièstes de St Sebé) e qu'où bederam ballèu esberit coume abans dou sou trebuc. — Per Yausèp de Tucat, enmalaudit, e qui abè début decha lous estùdis de dret, bounes noubèles qu'arriben : Que tournaré gaha lous libes. — Teoufile de Caillabère, û an a dens lou abedats de Thorenc dens las Alpes, qu'ey passât ta Bretagne oun lous médyes espèren de sauba-u dou sou malandrè e de tourna-lou sancè. Diu qu'at boulhe ! — Are qu'abém à dise que nou sabém gran chue de Yan d'Escanecrabe heyt presounè p'ous marrouquis de Franco, toutû qui hasè pèche lou sou escabot de crabes sus las costes cantabrics. Lou malurous, perqué nou s'estabe à case, per St-Leoû e Ste-Marie-deGosse ? Andrèu de Sarrail, lou soù amie de bèt tems-a, qu'ey anat ta la soue cabane, croubide de labasses pourgassudes e dens û hourat qu'a poudut desnida lou beroy calam dab louquoau per Paris e dabe noubèles dous tepès de Mountmartre. Atau en places dou sou coumpagnou, à l'oumpre, que-s sayabe d'escribe, que-nse hé lou gay dou sou Passey de Corse, qui, si à Diu plats, sera seguit dens lous Reclams de mars. S'ou Frount de Catalougne. La nabère. tumade dou Franco countre lou frount de Catalougne que-s desplégue aquéstes dies. Quaus gagnaran ? — En tout cap touts que perderan, si poudém dise, pusque d'ue mâ coum de gn'aute semien la roéyne e trénquen las bites. Noguera e Segre lous dus gabes, que soun franquits, mes en léye sus la carte noums d'endrets qui sémblen de case nouste, Benabent, Bilenabe, Gabarre, Betcayre, ToUrnebous, Betpoey, Bellocq, etc.. quoau ey lou hilh d'aquéstes parts de la mountagne qui noû-n seré e.smabut ? Qu'apreném tout escas la cadude. de Barceloune e la hoegude esbariàble d'il pòple de miserius decap à France ! Noû s'acabara doungues yamey aquére patacade entre hilhots de la nouble Espagne ? �— 132 La rebiste mesadière : Calendau. La carèstie de l'empressioû, de mey en mey roeynouse ta las soucietats, que cap-bire las noustes rebistes. Oey lou die, si sémble, la publicacioû literari ou artistic qui n'a pas acampat cinq cents abounats, nou pod que calanqueya e mouri-s : Soûles, las hoélhes de sport e de poulitic que liénen pè. E eau créde, labets, que l'esperit nouste qu'ey estupat à de bounes, e que noû n'y a mey que ta las peléyes, ta las courses e taus cops de pugn ? N'ey pas sénse maye degrèu qui mentaberam la desparescude de Calendau, la rebiste clapassière, lou galup que gabidaben quoàte ans-a lous dus felibres de l'Escole Gastoû Febus, lous mayouraus Lepun Teissier e P. Azema. Mes... nou boulem pas créde que nou toùrni û die à lusi dab û nabèt balans. Bam ! de Toulouse à Nice, en coussiran per Abignou, noû s'y troubarén mey prous d'omis d'eley entad aluga lou ciri de la Rebiscoulade ? Cade an, per Ste Estéle, be s'y escaden tauleyayres per centénes... Nou decharam parti Calendau, nous auts, lous Gascoûs, sénse dise quin ère la bouts de la Patrie, e quin a sabut tiéne per capsus lou drapèu de. la tradicioû mistralénque. Ue serade roumaneAço nou-s passe ne à Bourdèu ne à Toulouse ne à Mountpeliè ne à Marsélhe, qu'èm à Mœnch (Munich) en Alemagne, lou 20 dou mes mourt de 38. Lous escouliès de l'ancien Directou de. l'Enstitut de Léngues roumanes, Vossler (are à la retrèyte), que balhen ue brespade à la soue aunou. Qu'ey mous de Rohlfs, l'amie de l'Escole Gastou Febus, qui ey passât, aquéste abor, titulàri de l'Enstitut. Nou y'èrem pas, ya coumprenets perqué, mes qu'ey ta nous plasé de da la mustre dou prougram de la belhade. L'abiade. qu'ère û salut dou proufessou Rohlfs à Vossler, e puch qu'audiben, de seguide, yocs de musique de Maurice Ravel, ue. cansoû dou troubadou lemousi Bernât de Bentadou « Can vei la lauzeta mover », cansoûs antics francéses, picardes, benicianes, napoulitanes, espagnoles. Tabé ue pouesie de. Verlaine, quauques scènes de l'Illusion comique de Corneille (1636) ; très cos francés e suisses : Le/cycle du vin, Au clair de la lune, e le ranz des vaches; enfingues, la cante biarnése, lou nouste cant naciounau : Aquéres mountines. Au noum de la nouste coum'pagnie amistouse que mandam û gran mercés à mous de Rohlfs per la soue ate.ncioû. Coum nou poudém noumenta lous numerous cantadous, actous e yougadous qui ayudèn à l'esplendou de la Brespade, qu'où pregam de-nse en escusa. En Suisse, Lou nouste. counfray Oberhansli, de l'Unibersitat de Zurich, que s'ey hèyt recébe Douctou es Letres aquéste tour, dab ue thèse sur la Bigne biarnése, estùdi lenguistic e technic tabé. M. Oberhansli qu'abè passât prou de semmanes, dus ans de seguide, aus parsâs de �— 133 — Lembeye en Bic bielh e de Luc e Mounegn, tribalhan dab metode e soegn, que y abè sabut ha bère recorte de moûts e d'endics qui an agradat aus soûs proufessou s, pusque l'an recebut enta que sie proufessou et tabé. Que-s plasou hère en Biarn e, de segu, qu'abém acera û amie qui-ns en hara d'autes. Que boulhe agrada lous noustes coumpliments plâ couraus. A l'aunou, Moussu Larrede, mayre de St Sebé, deyà oficiè dou Mérite agricole, que bién d'esta proumut coumandur. Que s'en reyuim, nous sustout qui goardam lou miélhe soubeni dou soû charmant arcoélh dou més de septéme, e qu'où pregam de boulé recébe lous noustes respectuous coumpliments. — Lou brabe président de, la Goudale, mous de Caula, engeniayre dou Métro de Paris, qu'ey estât, aquéste tour, hèyt chibaliè de la Leyioû d'aunou. N'ey que la yuste recounechence dous balents serbicis renduts, durant loungues anades, à la grane entreprése de la capitale, e Diu sap si y a que ha. Mous de Caula que boulera tabé agrada lous noustes coumpliments e yuntaus dab lous noumbrous qui a deyà recebuts; noû n'y a pas abut de mey couraus que lous qui-u mandam. Gauyous. Aquéste fî de mes, lou nouste amie medocquî, P.-L. Berthaud, û dous miélhes de la yoene « équipe » d'Occitania, qu'a espousat l'ahoegade e balente disedoure Juliette Dissel. Si yamey esprits d'eley e s'assourtin, aci qu'en abém au mens û parelh e la noubèle que sera ta touts plasente à enténe. Aus aymables nòbis que ban noustes bots lous mey ardents. Dôu, Lou nouste boû amie Paul de Poque que bién de pèrde la soue balente e brabe may à Tarbe; qu'abè passât lous 80 ans, mes entaus qui l'aymaben qu'ey toustem trop lèu dé la béde à parti. Que pregam lous qui la plouren de créde que preném plâ part au lou dôu. L. R. .4 — y»gsSg— 1 ■ . »' Lou Diherè que ba lèu apresta las quitances de l'anade ta la coutise à recruba per la poste. Esbitat aquets frès qui achiquen la dinerole, deijà prou praube. Mandat-lou las 25 Hures de la coutise au coumpte de chèques n" 34.321, Bordeaux. �COPS DE CALAM Escusats, madame. Lou Pét de Pericle qu'ère un brabe ômi, court de cames, trouchut, qui dansabe dab ue boutelhe de cinq pintouns s'ou cap chens n'abé coupât jamé nade : bin bersat ne bau pas aygue. Qu'abè ue hemne brabe, fine, qui, s'ère estade bestide à la mode de oey, auré abut èr d'ue dame. Per un cop, la dame dou castèt que trobe lou Pét de Pericle e qu'où dit : « La boste hemne que debè esta beroje à binte-cinq ans. — Madame, n'at sèy pas. — Mes, coan l'abéts espousade... — Escusats, madame, que-n abè binte oeyt ! » * ** Qu'a pensât à jou. Ue hemne béuse qu'abè un hilh dou matin au sé. Arribe la guerre de 1914. Lou hilh que part e qu'è tubat. . En se bése arriba la pénsioun, la « Ah, lou praube ! Ne-m aymabe Mes, au méns, aban de mouri, qu'a : que hasèn à la gnique-gnaque hemne que dit : pas, noû, ne-ns en entenèm pas. pensât à jou ! » * * Plan serbit. « Lou beroy can de casse qu'abéts aqui ! se disèbe, un cop, un brabe ômi en un cassayre qui abè un can gras à plasé. , — Ous sèy soegna, jou, lous cans ? se respoun lou cassedou. — Mes que deut pourta gibiè à darrocs ? — O bé, pus que-b pourtera tan qui boulhits ! — Grans mercés ! Se ne l'abéts pas sounque ent'aco, que crey que serais plan serbit. » * ** Jétats mé-u Ue gouyate de la campagne que s'ère boutade gouje à la bile. Qu'abè escasut ue daune tirade à coate esplingues, à chibau sus la poulitésse. «Janine, s'ou dit la daune, que destaquerats aquésti jilét de moussu. — Jetats mé-u, se dits la gouje qui-s cresè à soue case, e que l'arraperèy. — Mau aprése ! s'ou respoun la daune. Que saberats ne jéti pas sounque aus cans ou aus gats ! » C. DAUGÉ, lanusquet. �— 135 — LAS TRADICIOUS il La Cansoû dous cambiaménts1 Si tu te heys cassiote Au bos en berdeyan, — You t'aymi tan ! — You m'y harey haptchayre : Que-t ourey en haptchan. Si tu t'y heys arrouséte En ques arrousè brilhan, — You t'aymi tan ! — You m'y harey arrousayre : Que-t ourey en arrousan. Les mies ardous, etc. BEPIC Les mies ardous Tan t'aymi you ! Si tu te heys hapchayre Ent' oué en haptchan, — You t'aymi tan ! — You m'y harey erbote Ou prat en berdeyan. Les mies ardous, etc.. Si tu te heys erbote Ou prat en berdeyan — You t'aymi tan ! — You m'a harey dalhayre : Que-t ourey en dalhan. Les mies ardous, etc.. Si tu te heys dalhayre Per m'oué en dalhan — You t'aymi tan ! — M'y harey anyelote A l'arriu coudiquian. Les mies ardous, etc.. Si tu t'y heys anyelote A l'arriu coudiquian — You t'aymi tan ! — You m'y harey pescayre : Que-t ourey en pescan. Les mies ardous, etc.. Si tu t'y heys pescayre Per m'oué en pescan, — You t'aymi tan ! — You m'y harey arrouséte En ques arrousè brilhan. Les mies ardous, etc.. 1. Bède Reclams de yenè. 2. Aurore. Si tu t'y heys arrousayre Per m'oué en arrousan, — You t'aymi tan ! — You m'y harey cantayre A l'église en cantan. Les mies ardous, etc. Si tu t'y heys cantayre A l'église en cantan, — You t'aymi tan ! — You m'y harey caperayre : Que-t ourey en cantan. Les mies ardous, etc. Si tu t'y heys caperayre Per m'oué en cantan — You t'aymi tan ! — You m'y harey estelote Ou cèu en clareyan. Les mies ardous, etc. Si tu t'y heys estelote Ou cèu en clareyan, — You t'aymi tan ! — You m'y harey louan : 2 Qu'irey ou toUn douan. Les mies ardous, etc. Si tu t'y heys louan Pr'ana ou mey douan, — You t'aymi tan ! — You balherey la mie amne à Diu E lou cos ou douan. Les mies ardous Tan t'aymi you ! Amassât à Mayescq, en Marensin, per V. FOIX. �— 136 — GASCOUS PER DEHORE PROUBES D'OR — Dou me tems, si-m dise aquet bielh gascoû, nou sabèn nada coum bous auts. Tout yuste si praticaben « lou brassât » e tabé ço qui aperabem per Bayoune « la glôri ». Qu'èren nadades léntes mes segures, e à you que se-m balou de las counéche, coume anats béde : Qu'èri, labets, acera hore, dens l'Alaska. Sus aquet dise que-ns assedoum, coume èren au celât hens aquére frèsque carrère de Bayoune. Esbagat qui èri, que-m hou plasé dous mayes, de segui aqueth hilh de la nouste race capsus de l'Alaska e d'arrebibe amasse aquéres tempourades de 1898. * * * Arsecat pou desi de ha fourtune, quasi copsec, qu'èri partit coum tandes d'auts ta las Amériques. Acera, hens las soulituts ennebades que-s disè que tout ômi brinchut e baient que poudè amassa-s au crièt aquéres proubes d'or qui mien lou mounde. sancé e... l'aute. Que desbarcàbi à Dawson, e aquiu, coum noû sabi nat mout d'anglés, que m apariàbi dab Canadiâs francés, horts coume càssous, e trebaténts coume esquirôus. Lous très, permè de tira endabans decap au Nord, proubedits qui-ns èrem de harie, de counsèrbes, de saumoû (de saumoû que las coumpagnies yapounéses eniciaben d'espleyta), de pics, de destraus, de ressègues, de padères fî-houradades enta criera las grabes cargades d'or. Que calé proufleyta de l'ibèr ent'ana à de cabéns. Encabestrats coume auyàmis au leuyè trahin, lous très amies qu'èrem ayudats per û câ gros coume û betèt, layràyre e goulut. Que tirèm à petites yournades sus la piste ; nou y'èrem brigue soulets qu'at poudét créde. Cade dus dies qu'engountrabem ço qui-s noumentabe « road-houses » aquéres « maysoûs de camî » qui èren tendes immences oun lous minàyres, harts dou mestiè, tiraben au fi enta espleyta aus praubes luècs prou yanlires enta s'enluserna dab las espérances de gaha la fourtune. Que-s troubabe aquiu de que croche, de qué bébe e medich ues quoandes ausères de passàdye, aurangles cercayres d'û assès enta l'ibèr. N'anét pas créde que tout cadû e boulousse auberga-s en aquets locs ; aquet an, hères que-s debèn pèrde dens las bentorles de. nèu ; au moumént de la hounude de la gran nebade, dens la prime qu'arrecaptèn mey de cinq cents mourts. Quauques mes despuch qu'ous descroubiben s'ou sôu, are libre dou blanc Iinsôu, lous de la poulicie américaine de la casèrne de Dawson. E doungues que s'escourroun lous mes dou ret. Que decidèm d'ana houssilha las grabes mey ensus dous lacs : Immensitats de 200 kms de loungou ; que-y calé naula enta estaubia-s las cames. La prime qu'ère aquiu. Ya passaben p'ou cèu ahoalhs de guits saubàdyes e de perdits Mangues qui griseyaben la loue cande pélhe plumide. Que-s calé amaneya. Quoan s'escadoun au cant dou permè �— 137 — gourg, lous Canadiâs de coupa arbes, e aquet mounde dou Canada, que saberat que soun yent de boys: Que soulen de ha-s segui, oun qu'anin, d'ue ressègue de dus pams. Atau que s'y hèn ta coupa palanques tad adouba barques, naus dab û pau, ta decha-ns flisca p'ou bent. Très semanes de manobre e puch que-y cargabem lou îrahin, lou câ, lous utis e que-nse gahèn à abiroa. Lou goubern de la barre qu'ère tiengut per û Canadiâ. Que saberat que lous lacs acets que soun en couderilhe e que s'y ba d'û à gn'aute per chourres d'aygue « cadudes » oun lou briu danyerous graméye en heroudyes arre.moulîs. Las permères cadudes qu'en anèn prou aysidemén. La mey esquèrre à franqui qu'ey la dou « Uhite horse » ou autademéns dou « chibau blanc ». Aquiu qu'estou gn'aute aha. Que-ns abèn counselhat de louga lou serbici d'Esquimauts, dous qui debaren en tribus dab la prime enta que maréyen ad ayse lous estranyès per aquets escalès gigants d'aygue saubadyibe. U dous canadiâs que-nse assegurè que s'en cargabe e que n'aberèm rèyte de degû. Et, b'abè tilhoulat mantû cop sus lou lac de St Laurens ! Qu'où calou créde e coum lous Esquimauts nou bolen ta pagamén que sacots de harie qu'ère tant d'estaubiat : Que partibem. La cadude que s'amourcè prou deplâ, entre dues parets nègres e gigantes, mes de d'ore qu'arribèm à ue. toursude dou briu de l'aygue e, souptemén, l'andade que franquibe la single dou nabiu e qu'où basé barlinga. Qu'èrem au miey dous arremoulîs e tira-s'en quin ? La nau cargade d'aygue. que barreyabe lous utis, las saques de harie e medich lou praube câ qui-s boutabe à nada. L'û dous Canadiâs nou sabou que crida d'ue bouts fataliste : « Sainte Vierge, protégeznous ! » ; l'aute que-s gahè coum poudou au nabiu, ya de bouqur en bat, e you que tirèy brassades mes noû chénse bébe, mantû cop, hère tasse ou lhèu bèt pintoû au co de l'arremoulî. Qu'èri yoén e qu'èri de Bayoune. Que poudouy touca terre, enfingues, mes nat dous dus amies nou suberbiscou ad aquére hèyte. U dusau cop que-m ligàbi dab amies. Qu'èren parisièns. Amasse que houruquèm û « claim » ; coum touts, quoan l'aboum lutat, qu'en merquèm las fermières dab paus. Sus lou cap de cade pau û papè emparât per ue boèyte de chardines : Aquet escriut b'ère probes de poussessioû ? Mes de laba grabes e sable nègre (permou qu'ey nègre) ta trouba que ? Sounque quauques palhétes d'or, que-m hartè prou lèu e dab quoate ans d'aquére bite que m'en tournàbi decap à l'Adou oun m'estarèy, pénsi, dinque au me darrè cluc... ANDRÈU PIC. �— 138 — LOUS COUNDES GAUYOUS Aluquets, Lucquets : l'Esdejoa de l'àsou Lou mèste de maysoû, brabe ômi drin pendard, luèc coume û pouète, qu'ère toustém lou darrè ta sauta dous jas. Tabé coum de juste, qu'ère au darrè dous auts quoan calé passa-n lou café. Permou que la hémne qu'où hasè fresc, tout matî, e gourmande, que-s serbibe la purmère bole talèu coulade. E puch, suban la nechénce e l'amistat de seguide que l'ayguéte coulou de castagne engourgabe la minute, qu'aperabe la coade : Caterine ! Tiadouréte ! Janbatiste ! Leoû ! e cadû d'abé la soue tasse. Deu lheyt enlà, lou mèste. qu'escoutabe, que sentibe. A force, que s"ayacabe sus la couéte, puch, de la cousine, la hémne e lous maynats qu'audiben ue bouts feniante e. arrauquilhouse, après dus estournuguets e ue chalibade, de crida : Marie-Jane, a esdejoat l'àsou ? E lous besîs, tabé ! U mati, lou bielh Laubiou, sabatè aus pès mougnous mes à l'esprit puntut coum l'alésie e à la loéngue chic empegade, quoan lou bedou sus la pourtalade espia l'estéle e. huma la cigaréte que-u hé û hèp. Moun pouète que s'aprèsse, que-s pause lous bras en crouts, sus la frinèste deu chantiè e qu'escoute : — As prés la goûte, Urbin ? — Ja ! noû eau parla-n à nouste, hôu, dab la daunéte ! — Ah ! Entre, bèn, que t'y bau embita. — Gran mercés; que bau arranja l'aygue de castagne e escalouri-le drin. — Nou-t hè pas de boû café, la Marie-Jane ? — Praubin ! Qu'où balhe à touts, abans jou. A jou noû m'aparech lou qui hè chourre-chourre, mes lou darrè qui hè paf-paf... aquet qu'ey lou me. — Labets, e digou Laubiou, que sèy adare perqué tout matî, rrides : «Marie-Jane ! a esdejoat l'àsou». Bèn, amie, pren t'er gn'aute goutine... gn'aute beyroulot. JAN DE BERELH. �— 139 — LOU TEATRE NOUSTE LOLE Pèce dramatic en très hèytes (1) (seguide) LANUSSE (à Sabî) Béyes de doun partech aquére maynade ! DAUNE DUBOURDiu (arriban) Qu'èts couneguts d'Audeyos, coum m'at coundabets ? Ah, lou Rey s'ey hort, qu'ey bou autant coum brabe, qu'a hèyte pats ou sou hilh. LANUSSE Que l'an dounc hèyte ? Daune, d'aquet bounur ! DAUNE DUBOURDIU Quin bounur ! U die lou sou anyou goardia beroy que. Pamiabe cap au sou nid, à case soue, à Coudures. LANUSSE Diu qu'en sie benedit ! Hèts-me la gracie de-m dise qui èts, la serou, la cousie dou segnou d'Audeyos ? DAUNE DUBOURDIU Bèn, bèn, que badines estranyè ! Se lou courounèu et audibe qu'arcoelheré dab mesprèts toue paraule ! (Que s'en ba en arride, dechan à Lanusse enter dit qui ba au daban de) SABÎ (qui bié dab Lole) Aném-s'en caperâ ! La terre que crème débat lous noustes pès ; qu'èm tradits. (Marti que parech.) LOLE Malaye ! SABI Lou trahidou qu'ey aquiu coum dens la tute ! 1. Béde Reclams despuch Abriu. �— 140 — (abisan-se de Martî qui parle dab Daune Dubourdiu) Diu qu'ey dab nous auts e Diu que-nse gabide, maugrat de Pihèr e de soues puchances ' LANUSSE DAUNE DUBOURDIU (à Marti) Que soun ? Qui-us mande t'aci ? MARTI Que soun de nouste, que soun mountagnòus. LANUSSE (à Daune Dubourdiu) E-b abém enganade ? (croubin la bouts de Lanusse) Daune, que soun d'aquets qui mau-counselhaben à Mounsegnou. MARTI LANUSSE Hòu cassàyre, que mentéches ! Se cOunselha lou hasèm qu'ère pou maye bé de touts ! LOLE (à despart) Yoye d'auts cops, tant mespresade, are qui souy aci be-t troubari douce ! MARTI Qui soun se nou soun ets qui de l'u biladye à l'aut aperan lous paysas, an sounades las campanes ? Qui, senou ets, hén demoure au dragous que lou Rey mandé ? Qu'aloungaben lou massacre, e coum toustem lous misérables qu'at pagaben ! LANUSSE E toustém lou de qui parle que-s deberé cara. SABI Lou trahidou ! (qui bòu sauta sus Sabî) S'èrem capsus, quin cop de bastou n'aures bitare ? MARTI SABÎ (à Daune Dubourdiu) Qu'ey et qui boulou béne lou boste mèste, daune, e que s'y gagnabe lhèu cheys cents Hures. (plouran) Que bouy ana-m'en loegn d'aci ! LOLE �— 141 — MARTI (sautan sus Sabî) Tourne-t dise, s'ès û ômi ! (qui-s boute entermiey) Que b'en prègui ! LANUSSE DAUNE DUBOURDIU Besis, ayude ! Besis, ayude ! LANUSSE (à Daune Dubourdiu) Ayude ? Nou b'en eau nade. DAUNE DUBOURDIU Ah, qu'en tremoùli toute ! Qu'ère ta béne mounsegnou d'Audeyos, barou de Coudures ! LANUSSE Daban Diu qui per la bouts encoère endinne d'û pecadoû, sus l'auta, cade maytiadè debare, qu'en parlarèy ! Daban lou mounde, . daune, que bouy esta lou sou testimòni; nou permeterèy que l'esquissen las léngues : Coum you, qui sab la beutat de la soue amne ? DAUNE DUBOURDIU (à despart) Que-m sémble d'enténe ue bouts counegude ! LANUSSE Daune, que-ns'èm engountrats quoan de cops. (Daune Dubourdiu que s'aprèsse ta l'cscouta.) Qu'ère per aciu capsus sus lous poeys, en termière de Gascougne e d'Espagne, nou s'y passabe goàyre nade mesade que nou biengousse assedé-s au me larè. Doungues qu'estèsse de noeyts coum de dies, b'at sabè Setine la mie goubernante, qu'abè lous ourdis dou ha entra, d'arcoelhé-u. Quoan d'ahutades lou hé seca la pélhe e, coume belhabem, quoan de cops entrabe à case tout doucines e plegabe la came à la nouste taule ! B'ou sabè lou flisquet de la mie porte ! U ore de prousey, ou lhèu dues ores, e l'aube encoè nou hasè capsus las piques aquets bèts bestissis de. coulou d'iranye, que tournabe de parti dab dòus e pênes de nou mey èste en la nouste coumpagnie, tant que tienè dab nous ! Mes oey, se nou débi �— 142 — èste counechut, quoan souy à case soue. (Daune Dubourdiu que hè sinnes : Si, si !) Se l'ingratitut ey per aci semiade, se nou pèsi û dinè ta la soue espouse (Daune Dubourdiu countrariade) e bé, per aquero, Diu laudat que sie, chens mey disé-n que segoutirèy la proube qui s'estacabe à las mies espartégnes. E partim, amies, decap à la mountagne ? lous qui boulhen ana dab you que-m séguésquen. (Que s'en ba ta la porte.) DAUNE DUBOURDIU Perqué nou 'sta-b drin mey ? Ta que parti, mounde ? LANUSSE Nou-ns estém mey ue segounde, ue pause, que n'ayam tournât d'escade-la tranquile e beroye pats qui-s tié p'ou presbitèri. MARTI (arridén à daune Dubourdiu) Dechats lous ha ! DAUNE DUBOURDIU E bous, Marti, neteyats-me la maysoû qui n'a prou de bous ! Que y'entrabet nou sèy quin ! MARTI Ah quio ! Que-m cassats. Nou m'atélen mey dab bous auts ! Que-m benyarey ! Le benyénce qu'ey lou me pâ, pâ trénde à la mie bouque que m'en sadourarèy. DAUNE DUBOURDIU Se-b cararats, are ? Ta qui b'at abets ? Qu'ey ta you ? Ta dehore ? N'èy besougn ni rèyte dou mounde qui biénen en beroys coumpagnous ha-s loue demoure en la mie maysoû. LANUSSE E bous, se-b plats, daune, abisat-be à qui balhats boste counfiénee. SABÎ (à Daune Dubourdiu) Ue daune coum bous, dab bères paraUles que-s dèche troumpa. (Martt que miasse à Sabî.) �— 143 LOLE O terre maladite. ! Yamey noustes pès nou t'aboussen hourade. {Marti miassan encoère à Sabî.) DAUNE DUBOURDIU Cassàyre, qui m'as troumpade, quoan de dies coum me coundabes mensounyes sus mensounyes; Ta dehore ! (Marti que s'en ba Iheban lou pugn.) E nou tournes mey de paréche ! (A Lanusse.) Assedets-be, e parlem are drin adayse. (Que s'assèden fouis.) LANUSSE Daune, gran mercés ! Que-s hasou l'esclaride, Diu que s'a causit lou roumén sus l'ourbade. Are qui touquèm lou lindau de la case oun Audeyos badou, biscou, s'apoudyabe tau serbice dou rey, sounque ue pregàrie ! Daune, au prumè cop qui fourni de la guerre e dous sous trebucs, e sannies, e glòries, parlats-lou drin dou sou caperâ Lanusse; que coumprenera ! (Que s'enténen lous esquirous d'û carroch.) LOLE (que-s Ihèbe e que ba espia dab Sabî) Ya... mounde qui debaren d'û carroch ! SABÎ (à Lanusse) Dab omis armats, e que sémblen cerca. (Brousside, Lole qui s'espante, Daune Dubourdiu turmentade, û sourdat qu'entre.) LANUSSE (au sourdat) La daune dou castèt. (triste) Salut, daune, se souy biengut, que souy mandat p'ou me mèste lou courounèu d'Audeyos. LOU SOURDAT DAUNE DUBOURDIU Tout ço qui toque au courounèu que-m tagn bèt drin e lhèu hère ! �— 144 — (à Daune Dubourdiu en amuchan Lole, Lanusse e Sabî) Qui soun aquéstes ? LOU SOURDAT DAUNE DUBOURDIU Que soun coume de case. LANUSSE Amies dou courounèu. LOU SOURDAT Passan tues e sèrres qu'èy cercat, esdeburat, ta trouba-m biste daban bous, daune ! Mes, are coume parli tous moûts que s'estan dens la mie ganurre. (A Lanusse.) Omi d'adye, qu'en èy ue estrangle, aydats-me. DAUNE DUBOURDIU Tout aco que ba ! N'ayats nade bergougne,. parlats-me dou courounèu e de quoan tourne. LOU SOURDAT (tout dous, tad et medich) Quin tournaré ! (Capbach, esmudit.) DAUNE DUBOURDIU (à LoU) Hé, que y-a ? LOLE (qui a entenut) Mes, quine brume me passe sus lous oelhs, qu'espii e nou bédi qu'ue. negrou qui m'amantoule ! Oun souy ! (Sabî que s'en mie à Lole ta dehore.) LOU SOURDAT (ó despart) Nàni, nou l'y pòdi ha la coumissioû doulénte ! DAUNE DUBOURDIU E doungues, que ! Qu'ey blessât, qu'ey malaut ? (La fi ta ballèu). L'Emprimayre Mèste en pè : E. M. C. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 43, n°05 (Heurè 1939) Alternative Title An alternative name for the resource. The distinction between titles and alternative titles is application-specific. Reclams. - Annada 43, n°05 (Heurèr 1939) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - février 1939 - N°5 (43e Année) Creator An entity primarily responsible for making the resource Pic, André (1910-1958) Camelat, Miquèu de (1871-1962) Saint-Bezard, Marcel Loubet, Joseph (1874-1951) Villeneuve, J.M. Daugé, Césaire (1858-1945) Foix, Vincent (1857-1932) Berelh, Jan de Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1939-02 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2975">http://www.occitanica.eu/omeka/items/show/2975</a> INOC_Y2_17_1939_02 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel