http://occitanica.eu/files/original/7f9681540cc662314bb35a815b0e85c7.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/a3f5ec4ca51c4acce99873298eee85d3.pdf 4e08ad1838cbe4e4b8f685ad4c22199b PDF Text Text Abriu de 1939 43a" Anade —»■ SES** L'AMASSADE DE PASQUES Lous mémbres dou Burèu, lous counselhès de YEscole GastoûFebus, que soun pregats de biéne ta Pau lou dimèrs pascau, 12 d'aquéste mes d'abriu sus las dèts dou matî, à la Maysoû daurade, carrère Latapie. OURDI DOU DIE 1° Las hèstes d'Ortès. 2" Lous coumptes dou dinerè; lous Reclams. 3° Ue nouminacioû au Counselh. ' D'autes ahas de toute ley. Dab las Daunes : O. Coustet, M. Longue, Elise Tonnet e nouste reyne Clotilde de Lamazou, lou Counselh qu'ey coumpousat de MM. l'abat Badiolle, de Bastard, A. Baudorre, E. Bourciez, L. Bourdette, Y. Bouzet, G. Cadier, M. Camelat, Y. Caseboune, A. Claverie, abat Costedoat, P. Courteault, abat Daugé, G. Destriau, B. Escoula, J. Eyt, P. Fauqué, Y. Hustach, abat J.-B. Laborde, P. Laborde-Barbanégre, A. Lacaze, abat Laffargue, P. Lamazou-Betbeder, E. Larroque, A. Lasserre-Capdebile, L. Latourette, E. Marrimpouey, Y. Maupoumè, abat L. Médan, E. Moulia, abat P. Mounaix, abat Paillé, S. Palay, A. Pic, C. Pomès, X. Pucheu, abat M. Saint-Bezard, Y. Sansou, H. Sequè, Y. Tucat. Lous counfrays esbagats, ou besîs de Pau, que soun coumbidats tabé à l'amassade amistouse, e lous mémbres dou Counselh qui, per ue ou per gn'aute rasoû, noû pouderén trouba-s'y, que soun pregats d'en aberti lou segretàri en pè; que pòden, coum de coustume, passa per létre lous lous poudés en û counfray. Lou Capdau : S. PALAY. ■a ^ata^ —»■ CLAMS DE DOUCTRINE AUTOUR D'UE ESBRUHIDE il • Lou début de la courrespoundence de M. Louis Bayle, Proubençau. dab Josep Sol, Catalâ, que situe, coum disen daubûs, la pousicioû dou rencurayre. Beyat aço : Rabat, le 17 juillet 1938. Mon cher ami, Si j'ai longtemps regretté que les conditions de la vie m'aient éloigné de la Provence, et aient réduit à de simples manifestations littéraires mon activité félibréenne, je me félicite aujourd'hui d'un éloignement auquel je dois le goût de la méditation, et le sens du relatif. �— 178 — Plusieurs voyages à l'étranger ont d'autre part contribué, en me donnant par-delà les livres la notion du monde réel, à modifier mes conceptions sentimentales de la patrie, de la tradition, de la race. Ainsi s'explique, mon cher Joseph Sol, — et vous l'avez compris depuis longtemps — mon changement d'attidude à l'égard du Félibrige, car toutes les idées de patrie et de tradition, le germe même des nationalismes et des racismes, nous les trouvons dans le Félibrige provençal. Sans doute le Félibrige est-il plus une académie littéraire qu'un parti -politique; mais c'est vers l'action politique que tend son activité littéraire; et cette tendance est logique. Fondé pour conserver au peuple du. Midi sa langue, ses usages, son caractère, le Félibrige devait non seulement prendre position contre les faits et les idées qui, n'étant pas spécifiquement méridionaux, risquaient de faire perdre a'u peuple le sentiment de son originalité, mais développer ce sentiment, en utilisant pour cette tin les faits historiques les plus anciens et les plus oubliés, en ressuscitant au besoin les vieilles querelles, en faisant intervenir la question de race, en insistant sur tout ce qui sépare et jamais sur ce qui unit. Toute l'attitude du Félibrige est négative, sa méfiance à l'égard de toute nouveauté, ses efforts pour prolonger dans le présent un passé aboli. M. Bayle qu'ey yoén e la yoenésse ne doutte pas d'arré, sustout de ço qui-u manque à sabé : n'a pas abut lou temps d'apréne, que-s bét de tire quoan déclare que las idées dous naciounalismes e dous racismes que soun sourtides dou bénte dou Felibridye. Qui aberé credut dinqu'are que Hittler e Mussolini qu'èren lous eslhèbes de Mistral ? Ayma d'abord la case, lou bilàdye nadau, la terre dous ayòus, la patrie n'a yamey empachat d'ayma la nacioû, balent-à-dise touts lous tagnents coungregats capbat lou temps enta la goarde eficàci d'ù sòu doun se tire, per lou tribalh de las màs, lou matériau de la bite-bitante : que s'apère l'unioû tout court aco, e aquet naciounalisme, pusque de naciounalisme ey questioû, que tire la soue leyitiniitat de la ley mediche de bibe. Ne miasse arrés en dehore dou parsâ, per esloegnats qui sien de race, de lengue, d'idée, lous omis de las autes terres, qui soun à lou per dret recounegut; noû demande que lou respect de ço de cadû qui hou aquesit per lou tribalh e l'ourdi; en yusticie coum en dret, aquet respect que l'ey début; qui pot trouba labets à redise à la soue pretencioû ? Perqué nou caleré pas mantiéne las tradicioûs badudes ou enbeudades sus aquere idée foundamentau, coum at hè lou Felibridye ? E lou racisme ?... M. Bayle que bòu, de segu, parla dou racisme tau coum l'enténen lous alemands, mes aquet qu'ey entecat per la politique de partit e noû y a yamey abut arré de parie dens la pensade felibrenque : aquere pensade, lou biologue que. la deflnech coum aço : « La race que représente lous raports de la créature dab la nature, la terre, enter las persounes assemblades en groupements à qui ue loungue bite à masse a balhat semblances de corps e d'esprit, ue manière coumune de councébe e de bédé las causes. » Si lous omis d'ue. race estimen que las qualitats hourgades chic à chic per l'enyenie dous dabancès se dében counserba e mantiéne à maugrat dous cambiaments qui lou temps porte à l'ana dou mounde, e qui n'an pas encoère hèyt las soues probes, denega toute balou �— 179 — à l'esperience dous sècles e renega lou passât permou qu'ey lou passât, que seré houlie; y'abém bist e y-a bedém ço qui an proudusit de misères e de malurs las esperiences dou marxisme e dou coumunisme qui an, coum se dits : coupât lous pounts. Mes qu'ey faus de preténde coum M. Bayle que « toute l'attitude du Félibrige est négative », de parla de « méfiance à l'égard de toute nouveauté ». Que disen plâ que lou francés qu'ey la lengue la mey « précise » dou mounde, que-s pot, mes aco que déu baie entaus qui s'en saben serbi. Qu'ey ço qui bòu dise M. Bayle dab « attitude négative » ? Si s'en eau tiéne au coumplement de la proupousicioû « ennemi de toute nouveauté », que demandam qu'en balhe las probes; mes ne-n troubara pas. E que s'engane dinqu'à l'enyusticie quoan hournéch : Le Félibrige... à la notion d'unité a substitué celle de la pluralité (?), à l'écoulement il oppose l'immobilité; et le passé et le présent, loin de se fondre et de s'achever, sans cesse, l'un dans l'autre, sont, pour lui, deux aspects très différents de la durée, deux mondes étrangers dont il faut protéger l'un contre les menaces de l'autre. Tout aco n'ey pas serious. Que soun esbruhides, sang-boutits de gouyat, lhèu decebut de ço qui nou l'aboussen pas seguit quoan s'enbalabe s'ou prat batalhè. Mes, M. Bayle que passe la mesure quoan apèce à la soue mercuriale apreciacioûs autant fausses qu'aquestes : Replié sur lui-même, sans désir de conquête et de gain, il est, si l'on veut, l'expression élevée d'un égoïsme sentimental, la forme lyrique d'une philosophie bourgeoise... et qui, en fin de compte, fait de ce'ux qui la suivent, des déracinés dans un monde dont ils (lous felibres) ont perdu le rythme. Que sabém ço qui bôu dise « bourgeois » enta d'aubûs e « déraciné » tabé; si credèm que M. Bayle qu'ous a boulut da lou sens empertinent, ensultant qui pòden coumpourta, qu'où replicarém de gnaute mode e sus gnaute toû; coum la pe.leye n'ey pas dou nouste goust, qu'aymam miélhe noû balha à d'aquets tèrmis que lou sens « bourgeois » qui, en francés, ey tabé eschénye de maliboulence. Ne y a pas û escouliè de Gastoû Febus qui nou porte en et lou desi de tira en daban, de countinua la tradicioû patriau; arrés à nouste ne couhoun felibridye e estangnacioû e boulé ha créde à û estranyè que lou felibre francés qu'ey û reacciounàri fourcenat dab ue afirmacioû countràri à la bertat n'ey pas d'û aunèste òmi. Lous Primadiès que-ns an dit : d'abord, saubat la lengue mayrane, espugat-la, espurat-la, rehourgat-la, tournat-la à la soue dignetat permère : aco hèyt, tout ço qui hè besougn enta coumpli l'obre qu'en sourtira à soun ore. Qu'ey à d'aquet prèts-hèyt qui-ns èm atelats e en-l'ore, la lengue d'oc qu'ey en ascencioû, arrés n'at pot denega sens menti; que-s parle e que s'escriu miélhe que y a très cents ans; lous qui seguéchen l'accioû felibrenque de mey près que M. Bayle qu'at atèsten en France e à l'estranyè. Noû la dèchen que lous ignourents mens que primàris. �— 180 — Lous franchimans que disen : « Les voyages forment la jeunesse » ; M. Bayle, si-nse dits, qu'a hère biadyat, mes qu'aparech prou plà, sens nad partit-prés, qu'à d'et lous biàdyes que l'an desfourmat au mens la biste. E labets, que diseram à M. Bayle, en francés cla, ta que noû s'y troumpe : Trêve de raisons philosophiques et de verbalisme nuageux. Dites-nous, vous plaçant sur le plan de l'action pratique, des faits d'espèce, ce que vous exigeriez du Félibrige. Puisque c'est vers l'action politique, ditesvous, que tend son action littéraire et que vous trouvez cette tendance logique, quels sont les actes que vous préconiseriez et les moyens d'application possibles pour atteindre le but assigné par ses fondateurs ? Critica qu'ey à la pourtade dou permè biengut, mes lou critic counscient que déu sabé ço qui aberé hèyt à la place dou qui trobe en défaut, blasme e coundamne. ** La letre n" 2 de M. Bayle qu'ey estounante d'abuglè e om que-s pot demanda si parle à de bounes. Que serém mey lèu pourtats à créde qu'a boulut simplamén ha coum lou pescadou despieytat de noû pas abé gahat arré e qui tire cops de calhau sus las lignes dou qui gahe pechs. En aquere paye dounc, M. Bayle qu'assegure que lou crit dou Felibridye : Mantienerèy ! — formule impérative et absolue, si dit, — qu'enterdech à tout felibre l'esprit critique; ço qui-ns demande, qu'ey la fé, arré mey e que déu sufi. « Il ne s'agit pas de porter des jugements sur l'esprit du passé mais de croire — quauqu'arré coum lou perinde ac cadaver — de croire qu'en ce passé s'enferme intégralement l'idéal humain le plus parfait ». Mes labets, quin se hè que û Felis Gras sie estât Capouliè dou Felibridye, et qui ère û « rouge. » coum n'èren tabé Zabiè de Ricard, Fourès, coum ne soun tant d'autes qui n'èy pas à mentabe pusque soun Mus e autan rebouluciounàris coum yamey lous de 1789 ? Enta mucha quin la passioû, ou tout aute cause, pot ha dise peguésses, que boulém cita la fî d'aquere espistole : Soumission à une loi tyrannique, renoncement aux joies de la découverte, voilà les règles de la vie et la morale du Félibrige; nostalgie d'un monde perdu, hantise de la décadence, crainte inhibitive de l'avenir, voilà les sentiments qui l'inspirent. Au darrè d'aco, que pouderén tira l'escale, bertat ? : * ** A las letres III e IV, que bau miélhe noû pas arresta-s'y, que seré perde temps enta d'arré. Qu'y béden que M. Bayle qu'ey l'enbentàyre d'ue tourroumbiole filosofîco-politique, mes ne crey pas, coum parlen aus garàdyes, que sie encoère au punt, si yamey y déu esta, permou qu'autâ lèu partide, que saute hore dou caminau e que s'engrabe aus camps de l'estrém. D'aquiu, lou « chaufur » que hè brouni ue houne e que tire quauques calhau s, mes n'escad persoune e las pèyres que-s pèrden. �Si dounc M. Bayle a û entenut, ue councebcioû de la patrie, de la nacioû, dou patriotisme, dou naciounalisme, de l'internaciounalisme e dou restan e si, d'après et, lou Felibridye en a de diferents qui ne plasen pas au nouste letràyre, aco noû pot tira goàyre à counsequence, permou las idées de M. Bayle ne crey pas que haran cambia l'ana dou mounde. Lou mounde qu'a lhèu tort ?... Ço qui-u hè péne tabé, qu'ey de béde « cette opposition systématique du Nord et de la Latinité; je retrouve (là) la marque d'un funeste esprit de croisade, la trahison de l'intelligence. » Aqueres paraules qu'an début estouna bèt drin lous qui counéguen lou sirbente titulat La Cavalo dou felibre Louis Bayle. Au temps oun l'escribè, lou Nord n'abè pas ue trop boune place en soun co, e lous qui-s plagnèn de mâchants trattaments, qu'ous dabe rasoû. Mes, oey... Nou y a pas que las hemnes qui sien de Sente Cambiadére. M. Bayle que déu sabé, per segu, lou dise : Cet animal n'est pas méchant : Quand on l'attaque il se défend. Que s'y pot retiéne toutû que quauques machancetats que soun semiades, à trabès d'aqueres rayes bouharoques, à l'adresse de diferentes persounes, mes aco qu'ey de gnaute bord : lous atacats que soun en estât de respoune si bòlen. ** Dab las letres V e VI que tournam touca de pès à terre. Escoutat lou début : Malgré sa prétention de représenter le peuple, le Félibrige n'est pas un mouvement populaire. L'église et la bourgeoisie lui sont beaucoup plus favorables que l'usine et la terre... C'est dans l'indifférence qu'il s'agite et son action même en faveur de la langue est sans effet... L'emploi du français se généralise et les félibres eux mêmes, pour la plupart, ne parlent guère en dehors de leurs réunions et de leurs banquets, une langue pourtant belle, que l'indigence de leurs créations achève de discréditer Noû y aberé pas dounc que lous bouryés, lou mounde drin hupats ta s'oucûpa dou Felibridye ? Toutû, M. Bayle, quoan ère en Proubence, e qu'en ey parié hens toute la terre d'oc, que s'ey poudut apercébe d'ue cause : cade cop qui-n a l'auhèrte, sie hèstes felibrenques, sie teàtre nouste, coum si dou houns de la race e-u puyabe au co û reboulum de sang, lou pople que-s lhèbe e qu'arribe à hioles; en nade aute oucasioû noû s'y bet ue yoye, û estrambord pariés. Qu'ey û cas de gran estounament entaus estranyès e tout medich enta hère de persounes dous païs. Que caleré que M. Bayle que-s metousse d'acord dab et-medich : tabé si nou y a que « l'église et la bourgeoisie » à ha felibridye, quin pot dise, drin mey loegn : « en Provence, tout le monde s'improvise écrivain ». E seré, per escas, que lous paysâs e lous oubrès de l'usine ne harén pas partide dou mounde ? Car la littérature provençale est pauvre, mon cher ami, nullement comparable à votre littérature catalane.., Peu de choses valent la peine �— 182 — d'être lues. La quantité d'ouvrages exécrables est inimaginable. Ce n'est pas pour rien que l'on dit : Le métier des lettres. Or, en Provence, tout le monde s'improvise écrivain. Cela nous vaut une littérature d'illettrés. Noû sèy pas si yamey M. Bayle e s'ey pourtat candidat en ue. eleccioû politique, mes ço doun soy segu, qu'a prou beroy ço qui apèren « l'esprit de réunion publique ». Qu'ère lou pay Cassagnac, si crey, qui disè: « Le peuple ne demande pas de preuves; il ne lui faut que - des affirmations ». Mes aci n'èm pas en coungrès electourau. Bielh routiè de la politique, maneyàyre pougnut de la paste poupulàri, Paul de Cassagnac que sabè que lou pople ne discute pas ue afirmacioû sus las questioûs oun n'ey pas coumpetent. Parlât de planta, de semia dab û paysâ, aquiu que-b redressara si-b troumpat, mes si-u parlât d'educacioû, de sociologie, de causes qui ne l'estoun yamey familières, qu'où troubarat dispousat à créde toid. Lous franchimans que l'an dit : « Parler patois n'est pas distingué », n'a pas discutât, qu'at a credut, coum a credut l'òmi de la campagne enferiou au de la bile e, mey haut plaçât que lou paysâ qui tire lou hems dou bestia, lou baylét de crampe qui boeyte lou piche-pot de madame. En cade coumune que. s'y a troubat ue bouts au mens, si noû dues entau dise, d'autouritat, que soûle la lengue francése que l'ère utile; qu'at a credut d'autan mey que la bile qu'où tentabe e qu'enta s'y ha place qu'où calé sabé parla coum lous moussus. Lou counselh que cadè en aurelhes d'autant mey dispousades à l'escouta que la bite qu'ère misérable à la campagne e en û tau punt que nad n'auré gausat oupousa-s au desi dou qui s'en boulé ana, permou que sabè que nou seré yamey piri aulhou. E-nse bouleré dise, M. Bayle, a qui ère la faute de Testât d'aquere enyuste misère dous paysâs e qui a prouboucat la hoèyte dous campagnards de cap à las biles, hoèyte qui enquiète tant, adare, lous qui an lou souci de l'abiéne dou païs ? Boutém, si pot esta enboucat à la loue descargue, que. lous mâchants counselhàyres de labets n'abèn bist que la materialitat dou fèyt; de la 'spiritualitat ne-n abèn pas lhèu même abut lou soupçoû. E quin l'aberén abut ? N'èren pas goàyre mey enstruits que lous doun èren cargats de ha l'educacioû; ne-s poudèn pas doutta dou mau qui anaben semia (e quin s'anabe esténe) en amourti chic à chic lou hoec doun biu l'amne paysane e doun tire toutes las soues bertuts. Qui-us aberé pouduts countre-bàte ?... Hè ! lous felibres, per segu. M. Bayle ne-s yene pas de dise qu'abém proubat la nouste encapacitat en aquet aha coum en d'autes pusque n'abém pas empachat lou mau d'aumenta. Mes, oun èren lous felibres que. y a cent ans e mey, quoan la manobre countre l'esprit paysâ prenoû lou gran balans, — permou qu'abè coumençat permè — oun èren lous felibres ? Qu'ey lou moument de rebremba la respounse de l'agnet à la fable de La Fontaine : Comment l'aurais-je fait, si je n'étais pas né ? Quoan y a abut felibres — e qu'a calut prou de temps entaus amassa — lou màye mau qu'ère hèyt, e coum Testât dou paysâ countinuabe d'esta misérable, que lous felibres n'èren pas en mesure de �— 183 — l'amielhura — quin aberén poudut ? — que-s soun débuts countenta d'ue accioû mourale. Mes tout òmi drin entenut que sap que de mouralisa, d'en apera aus sentiments, de touca lou co en medich temps que l'entelliyence, si, d'abord, ey û mestié qui n'atire goayre lous oubrès gratuits, n'ey pas tapoc ue cause qui ayech de tire sus la masse; e d'aute part, û cours de mourale que toucara poc lou mourt-de-hàmi... Qui mey, l'accioû dou Felibridye qu'a toustém conntre ère ue ourganisacioû pagade, officielle dab û ministre en cap e doun la fî cercade ey la centralisacioû dou poudé coumandant per l'unifourmisacioû de l'esprit dou pople. De quin bord, M. Bayle, ey la « trahisoû de l'entelliyence » ? E quin aperat aquet tribalh quoan se hè en d'autes païs que la France ? E permetét-me de-b dise que hèt encoère l'ouratou de reùnioû publique quoan essayât de ridiculisa lous qui n'accepten pas de-s couca débat lou roullèu unitàri e quoan parlât de « tartarinades ». Ne soun pas arguments d'aquere qualitat qui haran dise aus omis abertits e de boû sens de qu'abét rasoû. U pòple qui n'ey pas mey libre coum n'ey estât, qui bòlen, de force e dab mouyéns mascats « hypocrites », ha entra hens û moulle qui n'ey pas boû ta d'et, si-n ey ta d'autes, b'ey en dret, per segu, de reclama dous mèstes qui-s preténden champioûs de la libertat, que-u tournen ço qui l'an counfîscat e que-u dèchen ço qui-u demoure, quoan se pretextara que tous lous Francés que dében èste pariés ? E noû s'ayech pas soulamén de la libertat de-s gouberna lou de-qué patriau, mes tabé de la libertat de pensa e de s'esprima. « ...L'emploi! du français se généralise et les félibres eux-mêmes, pour la plupart, ne parlent guère, en dehors de leurs banquets, une langue pourtant belle...» Aco, M. Bayle qu'at pot lhèu dise miélhe que tout aute; qu'ey malurousamén bertat que trops de felibres — ou qui s'en disen e qui passen per n'esta — ne coumprénen pas que dan lou mey mâchant exémple quoan clamen au pople, en francés : « Conservons nos patois ! Parlons patois comme nos pères ! etc.. » Lous felibres bertadès que bouréchen en lous enténe e M. Bayle que pot èste assegurat qu'aquets franchimans nou soun que lous amaturs, dount me plagnébi en coumença e qui-s hèn trufa d'ets p'ous omis de boû sens. Quauques moûts encoère enta fini dab aqueste loungue patricole, qui èy toutû sayat de ha tant braque qui èy poudut ; mes que eau sabé que las letres de M. Bayle qu'empleguen cheys ou sept coulones de Marsyas e nou-n abém toucat que lou prencipau. Aci dounc lou darrè troussét doun e-ns oucuparam : ...En Provence tout le monde s'improvise écrivain... Cela nous vaut littérature d'illettrés. Aço n'empache pas M. Bayle de dise au darrè : « De tous les maux dont souffre la littérature provençale, la rhétorique n'est sûrement pas le moindre ». Toutû, que-m semble que la rhétorique n'ey pas aha d'illetrats; d'autant que lous qui Pempleguen, que ressort de ço qui seguech, que paréchen abé-la estudiade pusque hournech : « rhétorique primaire, pire que l'ignorance. » �— 184 — Que poudera sembla pretencioûs de las parts de gnaute escribâ d'oc de sustiéne que la nouste letradure, si n'ey pas superioure à toute aute, n'ey pas toutû tapoc au débat. Mes quoan M. Bayle assegure que « la quantité d'ouvrages exécrables est inimaginable », que ba « un peu fort », coum disen à Paris. En fèyt, en realitat, la quantitat n'ey malurousamén pas grane ni dous boûs ni dous mâchants oubràdyes, mes be s'esplique per la courte période de temps escourrude despuch l'abiade de la nouste renachence; e qu'ey ha-s béde ou hère délicat e dificile, ou lhèu passiounat ou encoère qu'om ne s'y counech pas goayre, d'arrami que la pièle de « l'exécrable » que passe l'imaginacioû. Toutes proupourcioûs goardades en ço qui ey dou noumbre dous escriuts publicats, dous libes prencipaumén, lous de lengue d'oc que sustiénen la coumparesoû dab lous de lengue francése, catalane ou aute. M. Bayle que s'ey poudut ha préne per hère assabentat p'ou soû courrespoundent català Josep Sol, mes d'aqueste part de la terre d'oc, om qu'ey en dret de-s demanda si M. Bayle a leyit tant qu'aco de libes'de nouste enta poudé parla-n atau; ou labets, qu'aberé abut la male-escadence de noû-n counégue que lous mey praubes... — Bhétorique primaire, si dits en ha lou mus. Que pot assegura-s toutû que y a de boûs escribâs en Occitanie, omis de. talent, de sabé e de counscience e qui, sens pratica lou mestié de las letres, tiénen prou plâ lou calam e saben dise claramén e dab art ço qui pensen. Lou charroû, lou mitroû, l'aulhè qui rimen cansoûs de la loue ley entau plasé dous de la loue payère, s'y apliquen dab simplicitat e dab goust, s'esmeren ta ha tribalh poulit dab lou lou petit mouyén, que soun autan estimables que lou douctou en letres ou l'academicià qui hèn bèrs ets tabé, mes sounque enta ue « classe » estrete e qui denegue auta-plâ aus primàris lou dret de coumpréne ou tout au mens la facultat. E lou primàri, sie dit en passant, n'y perd pas toustém, au loc que-s plats dab lous soûs. Soucialamén parlan, dou poète-oubrè, lhèu drin mau-abille sus la rhétorique, mes magarnit de boû sens e de goust franc, qui eslhèbe toutû l'amne dous qui l'escouten, e dou poète-lauréat, ouficialamén counsacrat, quoau ey lou qui hè la besougne la mey utile ? Que y a gradés à la maysoû d'Esprit e lous petits coum lous grans que y an la loue place. Si-n y a mey au Felibridye dous simples que dous coumplicats ne tròbi pas, au countre de M. Bayle, que s'en càlie plagne. Libre à d'et de yudya que lous qui an ue reputacioû noû la meriten pas; que s'ey susmetut au yudyamén dou public et tabé, pusqu'a hèyt e publicat û libe : en an parlât plâ ou mau lous critics ?... N'at sèy pas e n'èy pas besougn d'at sabé. Mes que gausi créde que nou troubara pas estounant qu'où yudyen, coum et hè, en toute libertat e franquése. SIMIN PALAY. �— 185 — LOU COURNÈ DOUS POUETES " Près dou Gabe " En memòri de J.-V. LALANNE. Lou qui n'a bist la hole aygue dou Gabe Ne sab, sustout se plau, Ere, en estiu bagnedoure tant brabe, En ibèrn ço que bau. Que cure, que desprigue, Qu'arroumègue e darrigue, Tustèm qu'es à l'obre dou mau. Ta dise aco, l'ancien mèste d'escole Dou houns de Lahountan, Que l'y sabè coum adare aygue hole E credém qu'ère aman; Noeyt e your se graméye Ta beysa la maréye Biste, que passe, chèts estanc. E, qui sab dounc, de lahore à Bidache, Se ne s'ère abisat D'enténe encoère un Gabe qui pasnache Coum bahurlè pressât ? Pensan à las oumprières D'Abet, dous Glès, tant bères, Bibén s'ou miralh dou passât. Dab souns escriuts pleys de bite amistouse Lalanne que-s soubién, Après lou Gabe estiman la Bidouse Que-s béth encoère yoén; D'abiade felibrénque Nade esprabe n'ou trénque, Hardit, l'Escole qu'où sustién. Mé lou bènt nègue, estup d'aquére eslame, Qu'où bisite e n'en sourt, Que la Bidouse ent'au Gabe qui brame Anounsèbe la mourt : Houlas !... escoute !... arrèste !... Dab you, ploure lou mèste !... Arrèy : lou Gabe qu'ère eschourd... E que parti la man escribadoure, Hens las brumes dou més, Dou més de dô ta l'Escole qui ploure L'omi brabe e courtés, Qué de maye ou de yènse : Gauyou ? tribalh ? paciènse ? Eslou de souns coundes Biarnés ? P. TASTET, chaloussés. �— 186 — U Yentiu Permou dous 80 d'Augustoû de LACAZE. Amie, qu'a bères lues que, dechan lou tou brès, gouyat sarcit d'ahides, triman chens fi ne ces, Capbat de quoandes moundes e quoandes cèus anès. Leyau que t'amuchabes, si sémble sensé presse, e tant per tant en cèrques d'à drin mey de tendresse, urous, se, d'escadénee, dou toû Biarn es parlèsse. Tournan de passa l'aygue, n'as lésé que d'esta bressat per l'armounie de case, d'escouta las brounides dous Gabes e dou nouste parla. U encantamén lègre, que-t gahe, e hort que-t dure. Que-s pot que nouste Terre nou sie en la reyture, que benaureméns plàsie la nouste parladure ? Aquero, tout doucines, amie, que t'at digous, e ballèu que largabes arrepics e cansous; coum d'auts que boules èste dous rebiscouladous. Fidèu, que dès l'ayude ta l'obre chens parie : Que, yence dens lous yences hilhots de la Patrie, loungtems que dabantéycs dens la clarou dou die ! (abriu de 1939) M. C. Qu'ey û petit Briuloû Qu'ey û petit briuloû qui n'a pas qu'ue corde; Las qui-u manquen, en nad marchand nou-n èy troubat; Aquére que s'y 'sta, lhèu, per miséricorde, Permou quin cantaré, sinoû, per-ci cap-bat ? L'amne d'aquét briuloû qu'ey mendrote e caytibe; Toutû, quoand l'archét la desbelhe, tant qui pot Que s'enayre, e que cante, l'utis ! Mes, praubot, Quin ey las quoan au cap dou sou bercéi arribe ! E puch, tapoc, ne-n sap pas goàyres de bercéts... Lou soû co maynadiu que-s desglare à trousséts : Que soun lous medichs rabalays, sus petits àyres... Mes, autâ-plâ que s'en enteném et e you : Ores de languimént ou mouménts de gauyou, Lou briuloû que suféch aus mes perpits cantàyres. (1902) SIMIN PALAY. �— 187 — .a — —gsaa^ -■ — »■ MOUNDE E CAUSES DE NOUSTE DAB J. V. LALANNE, PER PASQUES de igo5 e de 1908 Que-ns èrem engountrats dab lou mèste-escribâ dous Countes biarnés, lou beroy libe tout cougnit de sabe poupulàrie en 1896, puch en 1897, sus l'escadénce de l'abiade de l'Escole. A las hèstes de Biàrris, en 1898, qu'èrem coulloucats à l'Oustau de France, en ço de Sassissoû de Luz; lou brèspe, û cop atelats à prouseya, nou-nse saboum de bères pauses ana droumi : Batale que batalaras ! Que m'aprenè quin, badut à Lago, se neuribe à Baylocq enço de la soue mayrane. « A Baylocq qu'ey lous mes soubenis, toute la gauyou, tout lou me co » si-m disè. Passât per l'Escole nourmale de Lesca, reyént en ue troupe d'endrets, que. s'ère maridat e dous cheys maynats qui abou nou ne demouraben que dus. Béudou, que-s tournabe d'acasi, e are, dens ûe pousiciou amielhurade, noû boulé mey tribalha que ta l'esplandide de dues Escoles, la de Bidache, doun ère directou, e la de Gastoû-Febus doun hasèm las bâties daban la mar de Gascougne. Dus ou très ans despuch, coum P. Lafore, nouste segretàri, s'en anabe noutàri ta Saubeterre, lous qui de chic ou de hère abèn lou goubern, e mayemén lou Doctou Despagnet, que. proupousaben au Capdau Planté de préne-s coume ayude dens la redaccioû dous Reclams, lou reyent de Bidache. E aquero que debè camina û tems, ya que labets coum bitare lou mounde e semblèsse birat de pilles. Permou n'ey pas à dise, que tout qu'anésse dens la nouste Republique de 1900, sénse desaguis e à las merabilhes. Hères d'aquets gascoûs, ligats per la loue amou de la léngue mayrane, be pataqueyaben dens la bite-bitante l'û ta dréte e l'aute ta esquèrre ? Oey, per deguéns, b'èm encoère à mespresa-nse, à esquissa-nse, , mes, en b'at pregan, oun n'èrem quauque cop dab las peléyes qui-s debiraben en France, l'ue au darrè de l'aute : L'aha Dreyfus, la separacioû de la Glèyse e de l'Estat, la casse dous reliyous. Medich, la male-bénde dou bî en 1907, be hicabe en susmaute lous bignès de Lengado, toutu que Ferroul encitabe las municipalitats à la desmissioû e que lou Clemenceau moubilisabe très cos d'armade. B'en y'aberé à dise sus aquéres temsades ! Se bitare èm part-birats per la bâche de la nouste mounède e las brounitères d'Hitler e de Mussolini, credéts-m'en, d'autes erums y-a s'amassaben sus lou pount de Kehl quoan lou Guilhèm de Prusse caressabe la, soue espade fresc esmoulude, e passeyabe lou soû plumach à Tanger, à Bisance e à Yerusalèm. Toutû, dens aquéres cragnénces e dens aquets batahòris, lous amies nabèts nou-s desseparaben permou qu'aquets dies de Biàrris e dens las reunioûs de Dacs, de Bagnères, de Pau, la bertut d'amistat que sufibe entad apatsa lous maus e pedassa lous echebucs. �— 188 — Qu'ère entenut qu'à la prumère escadénce Lalanne que puyaré tad Arrens. E atau qu'où bedèm càpsus per Pasques de 1905. A quin tribalh las emplegarém las yournadotes ? Omi d'ourdi, l'amie me que-m escribè : « Coussire-m à Aryelès, e d'aquiu enhore que haram ûe partide gaymante, que puyaram en seguin l'aygue qui deu abesia lou caminau; que batalaram tant qui-s hàssie gay dab, coum testimòni, las obres dou Creatou tant bères en boste parsâ, e que heram ço qui pousquiam ta pourta ue doudséne de troéytes à la cousinère. Ne bouy pas pèrde û die chens me plâ deberti. » O bé, lou gran pescàyre que credè que lou Gabe nouste (coum la soue Nibe e lou soû Lihoury), qu'ère û plasént e droumilhous coumpagnoû qui-s dèche apressa de las soues cantères ; que-s pensabe, autaplâ, qu'en abriu, la mountagne coume ue nòbie de plane, que-s couroune de garlandes de flous besiades. Que poudou ha counechénees dab û Gabe enlat e heroudye, e senti lou bént gnaquent qui debarabe dous soums ennebassits encoère. Se hém la partide de pésque nou debè esta brigue aboundouse à maugrat qu'abousse pourtat ue bère mustre d'anquédes, de bèrmis, de mousques, e que Silbâ de Lacoste, l'ancien reyént, qui labets ère bouché à Pau, e l'abousse munit d'ue sacole d'asticots doun la troéyte ey goulude. Nou-m broumbi mey se tirabem plans sus l'abiéne de l'Escole. N'ey que per Pasques de 1908 qui-u hasi las tournes à Bidache. E que m'èy escribut dens la memòrie la mie gauyou à la bachade de l'arribère nayése. Despuch Coarrase, l'ayre be s'ère atebit e espian d'û coustat lous pics bestits de blanc, e de l'aut lous segassas en flourade e lous tues hoelhits e berdous de touts lous berds, anan de la pallou dou rèchou à la negrou de la yèyre, aus bouhets de la cabale nègre, que-m bedi passa daban lou castèt de Pau, la tour de Mouncade e lou Pount bielh d'Ortès. E d'aquets casaus ! En mountagne, qu'èren malauts de l'ibèr, mes qu'ous abi aus mes oelhs estounats deya plantais, dab en subermesure la gràcie dibinau de l'eslou de la pességue ! Lou me amie que m'atendè à Peyrehourade, e en camî que-m dabe endiques sus aquet pais mey riche que las noustes pechénees e lous noustes pedas de terre garroucude. Que m'amuchabe la Bidouze, grane aygue. plaserouse e pregoune, oun pésquen lou saumoû, oun s'esliupen lous chalans cargats de pèyres e tabé lou bachèt qui pourtabe mounde dinque à Bayoune. S'ou tue, Bidache que hasè care arcoelhénte dab lous soûs oustaus à frinéstes de pèyre picade e las soues carrères pròpis coume û ardit dous naus. U ancièn escouliè de Lalanne, nouste yoen counfray de Loubieng, J. Gardère, que-nse pintrabe û cop lou soû mèste, aus soûs trénte ans, beroy garçou, abiat e emparaulat; à d'aqueres ores qui l'èy counegut, que tirabe sus lous cinquante. Mouret encoère, ya que bèt hiu d'aryent e s'y mesclèsse, qu'abè pla l'ana d'û reyént. (Lou mestiè que destinte toustém sus Pòmi). Qu'en anabe d'ue allure desliberade, lou cap quilhat sus las espalles, û tech meylèu làrye e drin endabans s'ous oelhs. E aquéstes, lusénts, que b'en mandaben es- �— 189 — purnes coume. noû s'en béden goayres. Lou soû batalh qu'ère tringlant e sentencious, hournit quoan ère dab lous soûs amies de dises e d'arrepourès doun ère loungademén coelhedou e amourous. E dab aquero dens lous sous dises oundrat d'ue flnésse que tout hilh dou Biarn es coelh dens lous panets. Tout d'û plec, nou echemiabe adarroun la soue estregnude de mâs ne tapoc las soues ahides, mes qu'ère fidèu, e coum me disè u cop : « Quoan la dau, la mie amistat, qu'ey per toustém ». Se-ns ère permetut de presenta-u dens las soues credénees reliyouses ou poulitics, que mercarém que dab omis dou miey e de dréte, crestiâs dous qui ban ta la glèyse ou soun de glèyse, Planté, Palay, Labaig, et que representabe, dab lou Doctou Dejeanne e Albert Darclanne l'esperit laïc, lou rouye si boulets. E quoan û coullabouradou dous Reclams e parechè sauta las barralhes, e abentura-s dens lous parsâs bedats, que-s sentibe biste coum chacat : Ah, b'en abém entenudes ramouncines ! D'aulhous la bite qu'ère ayside dab aquet counfray qui sabè pratica la toulérence necessàri entre mounde bienguts de toutes las parts de la reliyoû e de la pouliticassérie. Qu'ey et qui, à las hèstes d'Aryelès, entermiey de quauques discours francés e brindabe en biarnés à la Toulerénce, daune tâ riàle, e chic counegude, medich dens û païs libre coum la France. Mes à case soue, de que parlabem dab Lalanne ? E de la nouste obre, e dous dous noustes amies, dous qui, per labets, e dabanteyaben : P.-D. Lafore, lou beroy ortesièn, tant ahoegat en prumères, e qui chic à chic se destacabe dou tribalh de Gastoû-Febus ; Simin Palay, deyà recounegut coum nouste yénee pouète liric e dab aco autou dramatic e counferenciè balerous; Albert Darclanne lou chaloussés luèc doun Lalanne aymabe à lauda (e n'èy yamey sabut perqué) lous bèrs toursuts, escus e qui nou poudèn èste espiats que per omis madus; Cesàri Daugé, dab qui hem ligàmis à Biàrris medich, cabos gourgueyan d'esperit e à qui nade coénte nou hasè cargue; Augustou de Lacaze, lou counfray qui yamey nou-s hicabe endabans, ya que touts e cerquèssem la soue coumpagnie. Aquets quoàte ou cinq, ya hasèn, suban lou nouste amie de Bidache, ue petite Escole dens la grane. Nou s'estounen se nou boutam sus la listre : L'abat Laborde qui, en l'ore, abè prou que has au coulèdye d'Aulouroû, puch à la parròpi de St Yaques de Pau, lou Doctou Lacoarret e l'abat Sarran, toustém drin loegnècs, e lous dus nayés, Carribe e Cantoû, qui tant per tant e bienèn de liga-s au nouste escabot. En passeyade dens las carrères de Bidache, ou lou sé en belhade au ras dou larè, toutû que lou hilhot Henric e-s hasè lous debés e que daune Lalanne seguibe amistouseméns lou nouste prousey que tirabem plans. Qu'où disi « Las hèstes de 1901 à Pau que-ns abèn empliats d'allegrie, e encoère mey d'ahides, d'espérances : que credoum la partide gagnade. La lengue dous ayòus que debé, truc sus l'ungle, este parière au Francés e ensegnade dens las Escoles (dens ûe amassade soulemniau, au Castèt dou Nouste Henric, b'en abèn prouclamat �— 190 — las bertuts, e aquero daban lou Pay de Malhane ?) mes û cop lous Proubençaus e lous Lengadouciâs tournats ta loue, e lous hoecs estupats, e lous boums apatsats, la bite ourdenàrie que-s perseguibe. Arré n'a boudyat. Mous de Bibal que-ns a plâ balhat lou castèt de Maubesî, e qu'en hasèm l'estrée, mes las noustes yoentuts nou-y soun, per aquero, biengudes. Oère que eau èste de pa à pa dab nous medichs. Que bantam la léngue, que predicam mes noû la parlam pas prou. Perqué nou s'esplandiré sus las 16 payes dous Reclams ? — Nou, amie, si-m hasè Lalanne, hère dous noustes mantienedous, mounde de la bouryesie e de l'ensegnamént, que serén countre; s'aymen lou biarnés noû lou parlen mey adayse. E crédes que-t ban léye adarroun lou bigourdà, lou lanusquet e l'armagnaqués, permou b'en y eau hica de touts ? Bèn, drin de lengue mayrane, o, mes sounque taus coundes, ta las cansoûs, ta las couyounades. A gascouneya, en tout e pertout, que harém espudi la nouste obre. — E de la nouste debise « Aném decap au pople ! » qu'en hès labets ? s'ou coupàbi. — Q, aném tau pople. Mes, aquiu dessus qu'èy ue idée. Que la tournéyi loungtems-a. Que bouy, s'èts usquoandes à m'ayuda, ha pareche cade semane dens û quoutidian de Bourdèu, ûe paye, nou pas de Létres coum lou Patriote de Pau, mes de toute ley d'escriuts. E seras countént ? Entad aquero que caleré acanipa mey de counfrays d'esquèrre qui, dinque adare, e soun û sarrot à ha boutée. Que bouleri mey de recrubes bermélhes. Qu'ey û crèbe-co ta you, de béde que n'abém goayre dab nous que mounde dou countre-partit... O, mic, qu'at boulhes ou noû, qu'ey atau ; e dou camî dount ban las causes, n'ey pas dab ue coumpagnie, atau ligade, qui haram dauneya la léngue dens las Escoles nourmales e lous Lycées dou goubern. E coum me caràbi, Lalanne que-m hasè : — You que t'èy dite la mie pensade toute crude, bam, tu, que dises. E you de tourna-u labets : — Pusque nou bos lous Reclams gascoûs d'û cap à Faut, hem espeli û yournau poupulàri. La rebiste mesadière que. toucaré lous lelrats e la hoélhe de cade semane que pourtaré noubèles e coundes e peguésses, tad arride enço dous paysâs. Que-s beneré û so. E, atau, qu'ey nous auts medichs qui ensegnarém aus pè-terrous ço qui dében sabé dous lous ayòus e de la terre qui houren e coutiben. — Ya ! ya ! si-m hasè lou me amie, e troubaras prou de calams ta garni las quoàte hoelhes en ue semane ? Bèn ! aquet yournalet que-t coustara 35 Mures e mieye lous 500 exemplàris, qu'at sèy, mes qui s'y abounara ?... » E bedéts s'èrem d'accord lous dus coumpagnoûs yuntats aquets dies à Bidache ? Que boulèm, de segu, lou saubamén de la Léngue e per ère l'illustraciou de la Patrie, mes coum n'arribe aus médyes qui medechinen û malaut désespérât, cadû que proupousabe lou sou remèri... Toutû, abans de m'apoudya ta case, que decidabem de plouma �— 191 — lou Dicciounàri de la Léngue e de ha lusi ue listre de moûts sus lous Beclams. La létre A que-y parescou. Mes lou recerc n'abou pas d'autes seguides, l'empressioû dou questiounàri qu'ère per trop carestiouse. Qu'en calé deya tropes pièles de. mounècous ta ha-s emprima ! Nou-ns esteneram mey sus las noustes batalères d'aquets dies. U inalur, sus louquoau ère.m loegn de pensa, que s'abatou sus lou larè de Lalanne. Capbat l'estiu, qu'où se mouribe, à Rio-de-Janeiro, lou sou aynat, ballèu mèste d'ûe gran maysoù, e quoân bienè de marida-s. Lou cop qu'ère trop esbariàble. Lou pay qui « n'abè mey de lèrmes enta ploura » que dabe la soue desmetude de segretàri en pè, e nou-s debè tourna gaha l'estébe qu'en 1912, à la desparescude de Adrien Planté, quoan mous de Batcave ère noumat Capdau. Quauque-ùs dous noustes counfrays, nabèts dens l'obre, qu'aymaran d'apréne que lou yournalet doun batalabem en abriu de 1908, qu'espelibe en yenè de 1910, qu'ère la Bouts de la Terre qui partibe d'ue case d'edicioû aute que la dous Reclams : Que debè pè-rema dinque à la guerre de 14. Se Lalanne n'abè pas poudut biarnesa dens ù yournau de Bourdèu, l'Indépendant de Pau que l'aubribe las soues coulounes, e qu'y debèm béde lous sinnets de P. Lafore, J.-V. Lalanne, Dou Lacoarret, L. Batcave, J. Eyt, A. Baudorre, A. Lacaze, etc.. Se Lalanne n'abou pas lésé de ha entra la léngue dens las Escoles prumères per la gran pourtalade, n'ère pas òmi à desdise-s e à floueha. Qu'ey gràcis ad et qui en 1920 e hasèm l'estrée de las Counferénces de Lengue e d'Historié à la Nourmale de Lesca, mantiengudes despuch per Tucat e per Palay. Dens las discutides sus l'emplec dou francés e dou gascoû cabens dous Reclams, cadû, en 1908, que s'en tienè à la soue idée, mes dab las anades la questioû que-s reglabe per ère mediche quoan Lalanne passabe Capdau en 1918 e que-m boutaben segretàri en pè : « Are, si m'escribè lou me amie, que bas poudé hourga la rebiste à la toue mode ! ». P'ou Dicciounàri, om que sab que debè èste. benauremens réalisât en 1934 per S. Palay. Aus trente ans, quàsi die per die, de las noustes bistes, de las noustes batalères de Bidache, que-ns a semblât qu'ère boû de las broumba, de yeta û cop d'oelh sus l'obre dens aquets tems deyà loegnècs, e de debisa d'usquoandes amies qui èren adentour dou Capdau Planté. Digam, û cop de mey, que se la candéle s'ey tiengude bibe e lugarneyante, se caminabem tout dous, trop dous, lhèu, enta hères, nou-ns esbarribem toutû de la nouste bie. Aquero permou que nou-s trencaben yamey lous ligàmis tescuts à Biàrris en 1898, sus l'escadénee dou nouste prumè hestau. MIQUÈU DE CAMELAT. �— 192 — LA TERRE E LOU TRIBALH LOU NOUSTE MESTIÉ Lou nouste mestié n'ey pas un mestié coum gn'aute. Haures, gendarmes ou quan seré ingeniurs aco s'aprén. D'esta paysan s'aprén pas : que-n eau baje. Que eau enmayri-s de la Terro de petit en-là. Que eau hè courre las camotes en acoussa lou heramey e crida : « biro, labric, biro ! » auan, bien auan d'estudia p'ous libes de las escolos... Que eau hè saba la pèt d'un aubà enta s'en hè uo turlo, arpitoa ser uo cassoulato enta-y gaha uo nisado de pigats, couteleja uo branco de sahuc e dab un tros de cabilho e dus boussèts d'estoupo fabrica-s un pétard mes agradiu que nat amusatòri de fer-blanc pintrat... Que eau segui pay e may capbat arregats, soucs e nays; bourrilha-s ser las patocos audourencos; bèue à pot en uo semau encantado, pichanto de moust, au bregnadè; brespejà débat un càssou e pinta à galet à la picharro; arruca-s darrè uo sègo tant que duro la marsoulado; chaupina p'ous arrius, barlaca-s de hango, arroumega-s, espelagassa-s lous calhiuas en courre pè-descaus à trauès lous barèyts, perica Farrasim, segouti l'aueragnèro, destuta lou grilhoun en lou gratulha dab un brinquet d'erbo — e bouta-u-se au berret, o bé au berret oun cricritejera douçomén, lou sé, au ras dou maynat saunejayre de prats, de bruchots, de coustoèros... * * * Dinqu'au tems — qui n'arribera pas douman-passat, proubable — cun l'ome aura troubat lou mouyèn de s'assegura la bito sénse minja ni béue, lou mestié « d'en hè béngue » qu'aura sa plaço au mounde prumè que touts lous auts. Lou graè, lou chay, l'establado b'estèn las prumèros empares de la cibilisacioun nousto ? Lous autes mestiés ne poudoun oayre embenta-s e perfecciouna-s dinqu'au jour oun lou dequé biue dou lendouman estouc assegurat. D'aquiu ença, que-s poudouc hè escambis enter lous ornes, l'alôdye, lou bestissi amelhoura-s, lous arts, las embenciouns prougressa drin à drin e Testât de quiti-saubadjùmi muda-s en estât de soucietat. Lou prumè qui sabouc esparrica quaucos juntos de blat saubadje en uo clarèjo d'ahourèst bareytado per las tralhos dou heramey, entoura lou campichot d'uo bouno barralho, espourroulha-n1 lous cabelhs à grans pugnats e dab soén, l'estiu bengut, en anfin apiela-n lou gran en un cantoun de la cabanoto ou de l'espelugo — aquet 1. Espourroulha : gaha a pugnats lou cabelh (la pourrolho) c estira ensus enta-n darriga lou gran. �n'estèc pas mes un « de pertout » un bagamoun, qu'auoc un « à souo », un larè. La f'amilho atau enhicado au sôu, la coundicioun de la hemno s'en troubèc de segu réde cambiado. Las souos qualitats de finésso, de goust dou bèt, de l'ourdounat — e tant d'autos — que poudoun espambouli-s beroy au miey de l'enclaus semiat, oun aydauo, adaro, l'ome dou maytin au sé au loc de l'aténde, cragntiuo au houns de la cahuto, à tourna de la casso... quan tournauo. B'ey ero que sabouc amecha lou heramey, enibriula lou deguens, cousina lou deque-minja dab estaubianço e goust, e saja-s de tira partit de la lan e dou hiu enta remplaça lou hardadje groussiè de pèts de bestia. Perqué, dens aquets demeys, lous sentiments familiaus ne-s seren pas afinats tabé ? Qui pot sabe la situacioun dous bielhs, dous malaus, auan l'abounde dous enfruts, auan la terro coultibado?... Lous horts auèn pietat dous fébles, mémo d'ous qui lous tagnèuon de tout proche ? Digun n'ac sabera james. Toutu que-s eau dise aço : quan quaucoum hè pas rèyto, costo pas astan d'en da, l'abitudo s'en pren, la ley de. soulidaritat limano, adroumido per la nécessitât, e-s dechido, rebiscolo quan huch de la pensado la pôu dou ganisè; e labets que-s pot supousa que lou deué de secouri lous parents, d'ayda lous malurous, ne poudouc qu'enhourti-s e trasméte-s de generacioun en generacioun asta-lèu las familhos arramados, ancrados au soi p'ou mestié bitalè, majourau : lou mestié paysan. Tout proufit, dounc, entau larè. Bejam enta la soucietat. Dou besinadje de larès assoulidats au miey dous cams qui cadun e-s trabalhauo, qu'en sourtic, fourçadamén, leys nauèros. Calouc merca las termièros; recounéche lou dret de cadun; enténe-s'en dous escàmbis de heramey, de plantoun, de gran de séme; uni-s, amassa-s per countrado e dounc parla la mémo lenguo; créa un céntre, un cam coumun autour de que e-s bastic la prumèro bilo; causi-s belèu un cap, un rey, un counselh — à mens que lou mes hort... E defende-s : « qui a terros a guerros », be dits l'arreprouè. Lou besougn qu'aydèc l'un e l'aute à préne counscienço de ço que l'intérêt de cadun e-s counfounderé d'aro-en-là dab l'intérêt de touts : un pople, uo raço que bajèuo. Dens las temsados de prousperitat e d'abounde deouc praba, esténe-s ; au tems dous flèus — de las « bacos magros » — sounque estousse proumou de bajenços trop numerousos, l'emigracioun, î'ecbamiado coumensèc. Partiscoun lous joens, lous caddèts, à grans brulhs. S'en amièn bestia, que-s carguèn de gragnos, de pourbagnos, d'utissots. E oerats lous noustes aujols, après lous adichats aus parents, aus amies, à la terro-may, oerat-lous partits decap ença sénse pou d'arré ni de l'abéngue, segus qu'èron de sabe un mestié qui-us hourniré toustém lou deque-biue à-oun que s'estanquèssen. D'oun benguèuon lous qui s'agradèn dou parsan aqueste, encerclât per la mountagno pyrenenco, la mar grano e la Garouno ? L'istorio james n'ac pouyra dise. Au briu dous ans, dous sècles, qu'en �— 194 — demourèc qu'en demoro de la caus d'oun soun sourtits ? Quauque mot esquèr belèu, quauque trèyt dou caractàri gascoun, me tout lou resto en nous-auts que s'ey transfourmat : la terro neuridouro — per quinos leys misteriousos, digun sampa ne sabera pas descoubri-c jamés — la terro que balho au cors e à l'amno dou qui la trabalho drin d'ero touto, coum se boulèuo bouta-u en armounio dab soun esta eternau. E perqué noû ? La scienço, qui sab hère de causos, qu'estudio las « radiaciouns », las arrajados. Que-s parech qu'en sort de touto counsio — de pertout. Dou sourelh, de la luo (que. tio : lous paysans luatès s'en soun apercebuts de bèt-tems-a) e tabé dou parsan. Aquestos, per tan incounegudos e escounudos sien, qu'atégnen, que fayçounon tout ço que biu dens sous arrays, e dounc l'ome tabé. Qu'en porto las mèrcos. La countrado que hè la raço; de tiro, nou disi; me à louy ana, à cop segu. Aquero raço d'un cop aclimatado atau que-s mantén natro p'ou paysan. La bilo n'ey que mescladje, abarrejadis. Lous mestiès d'usino, de burèu, de taulè, soun mestiès qui demandon soubén, bé, lor pien rendoment d'uo facultat de l'ome, me d'uo soulo sounque — ou prèsque — e d'un ome soul : la machino, lous règloments, lous besougns de la clientèlo qu'en goubèrnon, qu'en « determinon » e qu'en susténguen lou poudè pratique e limitât. Lou mestié nouste qu'ey tout diferent. Que demando, et, l'emplec de toutos noustos facultats. D'un ome, d'uo bito, ne n'a pas prou : qu'où eau la familho entièro, generacioun après generacioun. L'ome aci coumando pas à la machino, qu'ey Diu que coumando; qu'ey las sasouns, lou teins, lou terràdje — e dounc l'endret. L'utis e l'oubrè, l'ome e lous cams, la familho e la terro ne hèn pas qu'un. Lou proufit ? mendrilhot toustém e loung à béngue. Lous plasés ? à la payèro dous trabalhs en orde, dou heramey en estât, dous enfruts de beroyo bengudo, de la familho rajento e en boun accord. Petits proufits. Petits plasés. Bitoto magro. Mestié rude. Me toutû — e qu'ey la nousto fieretat — mestié estaubiàyre, counserbadou, hourgàyre de l'engenie coumun à la raço, de l'engenie qui resplandech un jour en un Gastoun Febus, un St Bincens de Paul, un d'Artagnan, un Foch. Mestié glourious — e mespresat, Diu sap ! « Que-y eau este bajnts », ça disèuo la mio praubo mameto. E dounc, lous qui y « soun bajuts » e qui y mouriran, s'a Diu plats, que sajeran, suban l'embit de Ulysse. Lasserre-Capdeville, que sajeran trèyto per trèyto e drin balistro-balastro — aco ray — de mustra la coundicioun, Testa d'adaro dou paysan, dens soun trabalh, soun larè, sa religioun, sa patrie, etc., e ço que caleré counserba-y e ço que caleré — de tris ou de tras — que s'y cambièsse. YULIEN SANSOU. armagnaqués. NABETH COUNFRAY r M. Girard (D Ismaël), 128, avenue Crampel, Toulouse. �CAUSES D'AUTES COPS Relacioû de las aunous funeràris de Yan IV, coumte d'Armagnac (146°) Qu'eij Oddou de Blagnac noutari en Auch, qui-n hasou lou rendut euficiau en latî. Boulhin doungues, lous oundrats leijidous dous Reclams, agrada la birade qui-n hèij enta béde lou berog mounde qui èren lous noustes dabantès. Lou rendut que couménce per counsideracioûs generaus coum at boulé l'usance, Qu'èm loegn dou sequè, de l'abstrèyt pedoulhous dous actes ouficiaus mouderns, coum at anat béde. De tems-en-ça, empermou de la memòri flaque dous omis, cutaben la yustici e lou dret sens, que ço qui déu èste moumbrat de toustems à yamey e sie mentabut en actes autentics : Atau, enta que-s moumbrin lous présents e abienedous ciutadâs d'Auch, quin las aunous funeràris e lou dòu s'enseguin e se mien quoan desanabe d'aquéste sègle lou nouste soubirâ, mounségne d'Armagnac : Sàpien touts que l'an de Diu 1450 e lou dissapte 5 de noubémbre, l'illustrissim prince e nouste segnou lou Coumte d'Armagnac, Fezensac, Roudès, l'Ilhe, Aure, Magnoac, mounts-deu-Roergue à-d'entour de sèt ores se mouribe en l'Ilhe-Yourdà (e poùsquie la soue amne e dous noustes, pats celestiau gaudi !). Are, Venumeracioû dous soûs eretès e tagnents, dab ue precisioû de noutàri : . . .que d'Et soubraben dus hilhs En-Yoan primoyenit e bescoumte de Loumagne; En Caries e très hilhes, Tue maridade au duc d'Alansoù, la dusau au prince d'Aurenye; Faute maridadere n'estén toutû d'àdye. E lou dit an e, temsade lou dit moussegne bescoumte de Loumagne qu'ère ausent e hore de la terre enta quoate ans permou soulè ha estanci e demoure prop lou nouste ségne Rey de France. Mes, à taus ores, En Caries e la soue serou qu'estaben en l'Ilhe quoan la mourt lou heri. Ço que hasèn lous capulats de la ciutat d'Auch : e quoaus èren aquets ayous : E doungues, quoan saboun qu'ère desanat lou nouste Coumte e Segnou, labets, lou dimenye mey prousmà, prou de mayti, Benerables e Discrètes persounes En Yoan de Berri licenciât en leys; mèste Doat de Mounloung, noutàri; B. d'Antioque; A. d'Anglade; Yoan d'Anestes; A. d'Aurelhanet; Y. de Mounbile (aci à blanc, û boegt) e lous còssous annaus de la ciutat d'Auch, bestits de harde, niantes e capayroûs nègres, amasse, dab gran cop de mounde oundrat de la bile, tabé bestits de harde, mantoûs e capayroûs nègres, lou poble �— 196 — tout, ou yuste tout, de la dite ciutat que s'arrecaptèn en la maysoû coumune; û cop touts arrecaptats, que hasoun pourta daban d'ets per û cert còssou, ù penouncèu à las armes d'Armagnac ço qu'ey à sabé û lioû pintrat, e ue banère encrespade de laquoau l'aste ère birade nas à terre; de mendre la yent auroustabe en clamous e plagns mayes, disent : Mousségne ! ay ! mousségne ! ay, en s'apoudya decap au castèt coumtau de la mediche ciutat. Quoan y estén, que rencountraben à mousségnes Benerables e Prousòmis Arnaut de Sabatè, licenciât en leys, de Fezensac Baïse-part-deçà; Yoan de Manses, licenciât en Décrets, yudye de Fezensaguet; Yoan de Marti, licenciât en leys; mèste Pey Frise, bacheliè en décrets e tropes autes bouryés d'aqueste ciutat, bestits de harde, mantou e capayroû à manière dous còssous, chens coumpta autandes hemnes de las prouses atau medich pelhades. Lou seguissi que ba fourma-s e tira en daban : E quoan se houn encountrats e amassais, touts que-s yessin dou suberdit castèt, decap au camî-dret, tant omis que hémnes e maynàdyes, en plagne-s e dòle-s chens cès, atau : Ay ! mousségne; mousségne, ay ! — Que debarèn en dabans e coum at soulen las proucessioûs, que dén lou tourn de bile; e méntre las clamous hasèn rampèu, suban l'usance que biengoun en la glèyse de Sante-Marie, oun lous ségnes canounyes digoun ue misse de Requiem subersoulèmne e dab granes aunous que lous medich côssous mandèn canta; e la misse aquere dab las aunous houn audides p'ous ciutadâs e pous côssous. Apuch que se-n tournèn au dit castèt en clama sémpre e chens cès : « mousségne ! ay — mousségne ! ay » e que s'apartèn. Parieremén e atau coum dessus dit, qu'estou hèyt lous dus dies qui s'enseguin sien lou dilùs e dimars : aquets dus dies, de mentre n'èren acabades e clabades las aunous, las portes de la bile e las boutigues que damourèn curousamén barrades. Tout aquerò que hou coumplit bounemén e dab autan de pla-boulénci de co coum de doulou. E oerat, are, la curiouse e arquaic fourmule acabadere dou bielh redactou : D'aquéres ceremònis chens parières, be dau you fé e testimòni : Oddoun de Blagnac, clergue, noutàri public per l'autouritat imperiau, ayén noutades per aqueste maysoû coumune e escribudes las ceremonis enta-us abienedous e m'estén subscriut e sinnat dou mé autentic segnau qui ey aqueste. ODDO. (Birat per ANDRÈU PIC) — NOTE. Hens lou texte latî (qui ey au tome I dous Comptes consulaires de Riscle publiés par P. Parfouru : pages 53-54) lou clerc qu'abè dechat en gascou au miey dou texte latî lous aurosts dou poble : « ...tam homines quam feminae... plangendo, dolendo, sepe premissa abiba : Aye ! Mossenhe ! Mossenhe, aye ! » A. P, �— 197 — LOUS DEBIS Batalère de 1" Esbagat " au banquet deus Courrespoundéns déu " Patriote Messius, Quoan èy recebut l'embit ta biéne plega la came débat la taule d'aqueste banquet, en ourbin la letre, que-m disi enter you medich : « Que y a de troussât hens aqueste paperou ? Ey ue note à paga , Ey la bilhéte déu perceptou ? » Au die de oey, quoan lou factur bién truca à la porte, lou papè qui sort de la soue sacote qu'ey ta-b demanda quauqu'arré mey soubén que ta b'en pourta. Aqueste cop, lou papè nou parlabe pas de préne, mes de balha. E l'embit qu'ère charman : « Que seram hère urous, si poudét biéne. » Aco que. s'aperabe debisa beroy. Qu'ey per segu, mey plasé de-b trebuca dab lou qui b'embite que dab lou qui-b esbite, dab lou qui se-b bire de cap que dab lou qui se-b bire de... trabès. Noû pas respoune per û quio que seré ha al'roun aus embitayres. E puch, demandat au gat si bòu leyt ? Autalèu qui l'aperat ou qui-u tenét la chanche, que. hè : gnau ! E hère de mounde tabé, chens esta gats, que hèn : gnau ! Qu'èm à la sesou deus péle-porcs e tabé déu Carnabal. Que déu esta ta hesteya l'û ou l'aute qui s'an embitats. Tau pèle-porc, pas toutu dilhèu ! Aqueste mounde de la bile, nou sàben pas ço qui ey que la pelère e, si at an sabut, que s'at an desbroumbat. Per aco, per esta de la bile, que saben que. lou porc — nou s'apère pas qu'atau — en aqueste sesou, que-s hè respecta pertout e û bèt porc n'a yamey dat hounte au de. qui a la chance de l'abé, que sie bouryés ou que sie paysâ. Mes ta ha û pèle-porc, que suféch d'esta quoate ou cinq, û au cap de cade came e gnaute ta trauca lou goula dab la ganibéte, dab ue cousinère tabé ta arpara hens û tarris lou sang qui chourre. Que serém estais trops aci ta ha au péle, que s'y serém trebucats, ou qu'aberé calut û porc gran coum û boéu. A Marselhe, que se n'y trobe dilhèu d'aquets. Mes, à Pau, nou-n counéchen pas d'aquére ley; si n'y a abut, l'espèce qu'ey perdude. Si n'ey pas tau péle-porc qui èm estais embitats, qu'ey dilhèu ta ha Carnabal. Lou Carnabal, aco qu'ey counegut pertout, per las biles autan plâ que per las campagnes, dab ue diference toutu. Per las campagnes, que canten encoère, en û cor ou gnaute, las cantes bielhes de Carnabal. Las biles que las s'an desbroumbades; qu'an gahat lou parlâ fî de Paris. A la campagne dounc, om qu'entén per ci ou per quiu aqueste bercetot : Carnabal qu'ey û brabe àmi, Mes qu'eij û drinou gourman : Que s'a mingat toutes las poures, N'a lechat que lou hasâ. �— 198 — Lou Carnabal de la bile, si nou sab pas mey la cante, que sab toutu craca las poures e, ta s'embita oéy, que n'a pélat ues-quoandes. E dilhèu, n'a pas lechat tapoc lou hasâ; que crey que l'y a hèyt passa tabé. E si per cas, lou hasâ ey encoère biu, n'an pas qu'à-nse tourna embita, lou die oun lou boulhen hica au pau, mes nou calera pas aiénde trop permou aquet auyami que bad tilhous e que hè û machan roustit quoan a la cléque trop hèyte e quoan ey double espéroat. Que créy que, per la pause, si ère la mode de canta, lou bercet de las nouces nou seré pas brigue mensounyè. Que pouderém dise chens menti : Las cousinères que s'an pourtat De boû boulhoû, de boû Sourit; Nou-y mancabe pas qu'apetit, E apetit que-y a, que-y a. Si-m permetét de ha û souhèt, que-b diserèy : aqueste Carnabal tan plâ coumençat, qu'aye seguissi e qu'ayats touts lou plasé de l'acaba, ta la quinzéne, en be beden daban ue tarrisse de crespèts, rous coum l'or, cournuts coum caps de crabe, moustifluts coum ue cuye meloau ! Nou sien pas coum lous deu Mimi de l'istoère bielhe. Lou Mimi de l'Espitau n'ère pas yamey estât hère fourtunat e que s'aperabe et-medich Mimisère. Mes, l'arrepoè que dits que tout esclop que trobe ue gansole e permou d'aco, per segu que trouba ue hemne e que-s marida... La hàmi dab la sét. Lou praubas, sourtit de i'espitau, puch baylét toute la bite, nou counechè goayre ni las bouniqueries ni lous gourmandès e qu'at crederat si boulét, n'abè pas yamey goustat û crespèt. Per aco, qu'abè poudut béde mant'u cop quauque bouque fine Jeca-s'en lous pots e que s'abè pensât : « Que déu esta ue cause bèt drin boune, lous crespèts ! » U brèspe de Carnabal, que dits à la hemnote : — Si-m hasès quoate crespèts ? — Hé, amie, si-u respoun ère, que caleré harie de roumén e noû n'abém pas que de milh... — E bé, hè dab ço qui as. — Plâ, mes n'èy pas ni cassounade, ni grèche, ni òli... Aygue de la hount tout escas. — E dounc, hè dab aygue... E tout en lous minyan, lou Mimi que hasè : « Noû coumpréni pas perqué lou mounde hèn tan de cas d'ue cause coum aqueste, qui n'a ni goust ni sabou... » Que souhèti que lous de la boste cousinère que sien mey plâ adoubats. E ta acaba, que bouy cambia de brouquét. Sinoû, que diserét que nou sèy parla que de la gaute e déu gourmandè. Que souy biengut oéy t'aci dab û coumpagnoû. Nou souy pas coum lou Peyroutoû de la cante bielhe : Lou Peyroutoû s'en ba ta la casse, Tout soulèt, chens coumpagnoû. �— 199 — You que m'agrade de-m ha segui û coumpagnoû. U embitat qu'en pod embita gnaute e quoan n'y a ta dus que n'y a ta très ! Atau que disen, mes aquets dises que balen ço qui balen. Quoan n'y a ta dus que n'y a ta très ! Oh ! oh ! candéle ! si hasè l'aute. Lou me coumpagnoû n'a pas abut besougn de candéle, ni de frico. Qu'ey bergougnous, qu'a pòu de-s ha trop endaban, qu'a pou que-s trufen d'eth. Que l'an dit us-quoans cops : hè-t'en darrè, qu'ès mau bestit, mau caussat, mau pentiat, qu'as pedas à las culotes, que pudes au héms ! Alabets, que-s mensiide e qu'ey pauruc. Que cragn toustem de recébe quauque escarni. Aquet coumpagnoû qu'ey lou parla biarnés, lou parla de las noustes mayries. Lou parla deus truque-tarrocs, deus pique-talos. E lous pique-talos tabé que Fespudéchen, que l'embien en mant'û endrét û hète-m'en-là. Que troubam hourats d'ahitau oun s'y entén parla francés coum à Paris. Coum à Paris, per aco, qu'ey per dise, permou que lou praube francés tabé qu'a, per aquiu, las culotes drin esperracades. E dounc, qu'ey aquet coumpagnoû, aquet bergougnous, qui-m cargue de-b da û gran mercés de l'abé escoutat. Si n'ey pas distingat, qu'ey toutû eretè de boune maysoû, autant coum qui que sie, e que pod paréche. Ta claba lou debis, que-b dits e you que-b disi dab eth : « A la boste, e dab santat que s'y pousquiam tourna ! » L'ESBAGAT. .g SKSP ;»■■ RECLAMS DE PERQUIU Lou teâtre nouste. La sasoû de Carnabal qu'ey proupici tau teàtre; las belhades qu'an permetut d'apréne lous rolles e que y a tabé drin de lésé taus tribalhs de dehore. Permou d'aco, que-s dan pastourales drin pertout. Qu'an yougat coumedies dou capdau à Ceran dou Gers, à Campagne d'Armagnac, à Lagor, Aressy, Rountignoû, Salies, l'Espitau d'Ourioû, Boelh-Boelho, Carresse, St-Martî-de-Hinx e qui sap mey. A Plasence, qu'an tournât da Las Aygues de Bloussoû, dou counfray Samsoû. Pertout, lous reclams qui-ns en arriben que disen que lou mounde que s'y soun hère plasuts. Qui s'en pouderé estouna ? La proupagande. Aquéste tour, lou capdau qu'a pourtat la boune paraule felibrenque en très ou quoate parsâs de Biarn e de Gascougne; à Mazères e à Gelos, que parlé dous debés de la yoénésse enbers la tradicioû; à Plasence de Ribère bâche, que debisa dus cops : lou permè, que digou ço qui ère lou Felibridye e perqué ère debiengut felibre, lou dusau, que parla de YEscole Gastoû Febus e dous escribâs gascoûs �— 200 dou Gers, subertout dous qui èren bienguts à l'Escole aus permès ans de l'abiade : lou Cascarot, Mgnou Cezerac, lous abats Tallez e Laclabère. Aplaudiments ne-u manquèn pas. — A Tarbe, û groupament de yoéns, qui-s yuntarén à l'Escole Gastoû Febus, que seré en fourmacioù; que soun lous amies Poques e Destarac qui s'en oucupen. Carnabal à Laruns Noustes ancièns que-s broumben encoère de las cansoûs e regaudissances qui-s hasèn au capdulh d'Aussau p'ou carnabal. Augan qu'ey tout û pople en yoye qui, de las quoàte marques de Laruns e de cade carrère, arrecoutibe. sus la place (oun ey la hount cantade per Nabarrot). Lous ayres de cansoûs que retreniben, e tout aquet mounde que dansaben lou brànlou. Tout parié qu'à Salies e autes locs oun, û cop per an, e goarden û die ta la hèste de case (la nouste hèste) que Laruns e s'y tourni d'are enlà per carnabal e per Nouste Dame d'aoust. — A Pau tabé, qu'an hèyt Nouste Hèste, creade p'ou regretat Alfounse Meilloû. Lou Cèu de Pau, lous Esquiròus, de Baigts, VEscabol Aussalés de Bièlle qu'y hén mirande dab las loues cantes e danses; puch que s'y youga ue beroye coumedie de Paul de Lagor, oun lou nouste counfray, Caddetou de Mazéres, mia lou yoc coum û diable dab lous coumpagnoûs dou Cèu de Pau. Mous de Ritter qu'abè hèyt l'entrade dab û crâne debis sus lou Biarn e las soues berous. En acaba que digou à las daunes, doun quauques ues abèn rebestit lou proupiau nouste : « Perqué, au mens enta las grans hèstes, ne-u reprenerét pas aquet bestissi tant élégant e qui-b ba tant plâ ? » Hè ! perqué noû ? Que sufiré que quauques ues que coumencèssin. Enço dous Àmics de la « Goudale » à Paris. Qu'ère dit que. la darrère belhade de heurè que la harén à l'aunou de « Las Brouches », lou nabèt libe de l'abat J.-B. Laborde. Ue boune ore d'arrelodye, Yan de Bouzet e Yan de Medebièle que leyiben lous tros lous mey escricats dou libe; nou poudèn miélhe presenta-u à l'agrat de touts. Dies abans, tabé, que hesteyaben la crouts de chibaliè qui ère anade oundra la poulacre de Mous de Caula, capdau de la Goudale. Qu'ey lou Louiset qui, chens fayçou, l'at esplingabe en lou dise : « Amie Caula, prengats-be la crouts qui-b auherim de tout co, dab l'assegurance que la hasoum benedise per Croharé, lou curé de Bidère. » Patacs de. mâ qu'arcoelhoun aquet bèt debis e, en pagues, Mous de Caula qu'abou à dise lou famous predic dou défunt caperâ. Qu'où hasèn puch rampèu Sarremia dab « Beroye flou » e Yan de Bouzet dab lou « Moussu de l'Embarre ». �— 201 — Lous amies noustes, catalàs. Mous de Maseras, l'û dous amies qui èren à la Sainte Estéle de Pau en 1931 e y répresentaben la Catalougne que bien d'escribe au Capdau. Coussirat per û pople en hoèyte l'aute inesade qu'a arrecoutit à Toulouse, en ahides de s'en tourna ta case ballèu. Que da noubèles dou beroy pouète Guasch, qui deu èste à Barceloune, e de pès. Mes, de mous de Bulart e Bialp nou saben arré despuch las susmautes dous prumès mes de 1936. Catalougne, trop arcoelhénte, que dechè entra à soue la magagne de tout péu cassade dus ans a d'ûe proubincie à gn'aute : Are qu'at pague. Lous mâchants dies escourruts, lous soûs hilhs aymadous que la rebiscoularan. Yocs flouraus d'Aquitàni. Aquets yocs, qui coumporten de beroys prêts, que soun uberts à touts lous noustes parlas; lous poètes dounc qu'y pouderan manda û pouëmi de 100 bèrs au mey, à mous de Lajoinie, 51 bis, allées Damour à Bourdèu; coum toustém, lous mandadis ne deberan pas esta signats mes pourta ue debise reprouduside en û plec cachetât. Qu'aberan à esta inédits. Tout aute rensegnament que sera dat per M. Lajoinie à qui l'escribera dab û timbre enta la respounse. Lou riban briulét. Nouste counfray, mèste Louit, qui mie coum sabét, lous Troubadous de Tarbe, e qui, dempuch tant d'anades, tribalhe enta la musique dou pople, qu'ey estât decourat de. las paumes académiques à la darrère proumoucioû de l'Instruccioû Publique. Que-s pot dise qu'ey û riban plâ plaçât e qu'où ne hèm, couralamén, lous noustes coumpliments. Dòus. La mourt ne s'estangue pas. Que bieném de perds û boû counfray, û boû felibre, Artur Cambos, de Mountreyau, defuntat à 76 ans, après ue courte malaudie. Que l'abèm bist l'an passât e qu'ère encoère plé d'arsec; qu'escribouteyabe toustém, si-nse disè, mes nou boulé pas mey publica; à la soue idée, qu'at abè boutât tout au soû beroy libe Flocs de Gascougne. Que-u hasè gay de biéne ta las noustes hèstes annaus; que l'abém bist à Bagnéres e Maubesî, à Nogaro, etc. Touts lous qui l'an counegut, que goardaran d'Artur Cambos la membrance d'û òmi charmant e d'û aymable poète. — L'amie Destarac de Tarbe que bién d'esta toucat per û dòu crude : qu'a perdut lou soû pay aquéste tour. Que pregam las familhes dous défunts de créde que preném ue grane part à la loue péne. L, R. �LAS TRADICIOUS La Cansoû dous Cambiaméns III Si tu te hès poumete En d'equét poumè blanc — You t'aymi tan ! — You m'y harey auseroun Per t'ana à l'entour. BEPIC Mas ardous Tan t'aymi you. Si tu te hès auseroun Per m'ana à l'entour — Tan t'aymi you ! — You m'y harey erbéte Ou prat en berdeyan. Mas ardous, etc.. Si tu te hès erbéte Ou prat en berdeyan — Tan t'aymi you ! — You me harey dalhayre, Que-t aurey en dalhan. Mas ardous, etc... Si tu te hès dalhayre Per m'abé en dalhan — Tan t'aymi you ! — You me harey cassoure Où bos en berdeyan. Mas ardous, etc.. Si tu te hès cassoure Où bos en berdeyan — Tan t'aymi you ! — You me harey picayre, Que-t aurey en pican. Mas ardous, etc.. Si tu te hès picayre Per m'abé en pican — Tan t'aymi you ! — You me harey anyèle En d'ecét arriu gran. Mas ardous, etc.. Si tu te hès anyèle En d'ecét arriu gran — You t'aymi tan ! — You mé harey pescayre, Que-t aurey en pescan. Mas ardous, etc.. Si tu te hès pescayre Per m'abé en pescan — You t'aymi tan ! — You me harey imadye, A l'auta de Sent Yan. Mas ardous, etc.. Si tu te hès imadye A l'auta de Sent Yan. — You t'aymi tan ! — You me harey caperan, T'aurey en counfessan. Mas ardous, etc.. Si tu te hès caperan Per m'abé en counfessan — You t'aymi tan ! — You qu'offri l'amne à Diu, Lou co à l'endeban. REPIC Mas ardous Tan t'aymi you ! Amassât à Mngroun (Chalosse), per V. FOIX. �— 203 — BITE-BITANTE MÈU QUI-S TOURNE HÈU (seguide e fi) Sent Yausèp qu'ère passât e las campanes de Pasques, en arrepics gauyous, qu'abèn tringuereyade la prime. Courtes que-s hasèn las belhades e que-s tournaben abia lous tribalhs dous cams e dous prats. Tabé, lou pastouris n'ère mey per las bordes dou bilàdye; per ue rasoû ou per gn'aute, las demourances dou Zidore -enço de la Margoutoû que-s hasèn mey clares : Toute cause per fis que bién à lassa e noû s'y parlabe tant dou maridàdye. Ballèu, lou pretendut que-s dechabe d'èste baylet e que-s lougabe ue crampe, coume se poudousse bibe de réndes. Qu'ey labets que las léngues e s'apoudyaben : Pusque s'en anabe de ço dou mèste, ey que l'aboussen hicat dehore; ey qu'atendousse aquére place qui l'ère proumetude ? En tout cap, noû yessibe qu'à cops sabuts, que batalabe chic dab lous sous nabèts besîs, e yamey de ço qui boulé ha. Toutû que s'abisaben que, soubén, la Yanote troussade dens lou sou capulet, que s'en anabe da per aquiu tours e birades, e quoan arrés, si-u semblabe, nou la bedèn, qu'entrabe de hic enço dou Zidore. E las coumays, d'ue frinèste à Faute, de disé-s, trufandères : « Qu'abera ue plape dens l'oelh, la nouste crabe ! » De segu que s'at abèn ta Margoutoû qui mey que mey ère, coabe lous tisoûs e s'estuyabe. May e yulh que-s passèn atau. E qu'èrem à la brèspe de Sent Pè. . Coume la semane e hou ensourelhade, tout cadû qu'abè poudut plega lous prumés hés e coumbida lous parents ta la hèste. Gran hourrère que y'abou ta la misse e tant per tant ère dite, lou bal que s'aubribe, e û cop disnat, que y'anabem dab lous amies. Que crey que-nse desbroumbèssem de coussira la mây e la hilhe qui, tems-a e s'abèn perdut las idées d'amucha-s, d'arride e de dansa. Qu'arribèm au cap de la yournade, e que-ns èrem coucades prou tardotes quoan, tout dous, e truquèn à la porte dou coulidor. E ue bouts doulénte, que-s hè audi : « Marie ? lhèbe-t, bengats lèu, que-b abém besougn de prèsse ' » Qu'ère la Yanote ! Que-nse bestibem au mey leuyè, d'ahute que puyabem ta dessus, e sénse que nou-ns en digoussen nade, qu'abèm coumprés. Mamà que s'apoudyabe ta ço dou Zidore, e you que gahàbi las à quoàte ta ço de la mayroulère. Aquéste e you qu'èrem au hèyt per punt. Quauques crits, quauques espremudes, lou nèn qu'ère au brès. U mascle dous soulides ! Sourtit de Fembarre, que-s hasè enténe ; qu'abè coussirade deyà la bouts natre dou soû pay. Per fis, û cop qui l'aboum prou atendude e esperade, mamâ qu'arrecoutibe souléte. Quoan se hou drin pausade dou soû passey, que hé : « Amigues, enço dou Zidore qu'èy troubat la candéle alugade; que y deu èste �— 204 — per aquiu, mes qu'èy abut bèt que truca portes e countrebents, e apera-u nou-n tiràbi nade respounse. Coume e-ns espiabem sénse mauta, la héde que digou : « Anats, decap au maytî que bienera, ya ! » Pauses e pauses que belhèm, de ço qui saboum qu'ayudèm la mayroulère au ras de la may nabère e dou nabèt yenut. Coume l'aube ensafranade e toucabe las bitres, que coumensàbi, you, d'abé lous oelhs pesants, toutû que las hémnes batalaben. Mes qu'abi pênes à segui lous dises de mamà e de Yanote hort atelades. Que m'èri debude pèrde en sauneys e que bedi autour de you, ahoalhs d'ànyous en alétes Manques qui hasèn seguissi à û maynat qui batisaben : Lou ca'perâ, dab dus clercs, payrî, mayrie qu'èren aquiu daban you, à la hount batiadère e lou grâ de sau boutât sous poutins dou nenè qu'où hasou ploura. Ço qui bam cerca, toutû ! Quoan me desbelhèy, la Yanote qu'ère au ras dou brès e que l'espiabe esmudide, Mamâ qu'où hé : — Que bos, en aquéres bignes, nou y-a d'aute frut ! — Aco qu'ère proumetut ta nous, si disè Yanote dab û souspit. — Mes, si tournabe mamâ, be-m disès l'aute cop, qu'ère û sapiént, qu'abè seguides dèts ans las escoles e que s'esperabe d'èste noumat counteroulur ou recebur dab û hort trattament ? E n'abè mey à ha qu'assedé-s darrè û frinestot e tiéne la hémne beroy besiade. — O ho, ya s'en bantabe, digou Yanote, mes à l'entan que-ns a dechat aquesté eretè... Au men, are, que bam abé drin de manobre. — O ho, si hey you, que-ns abem gagnât oey lou yournau de boune ore, pusque-ns abém ya coelhut û sourdat : Se-ns anèssem droumi ? Yanote qu'alugabe la candéle de rousie ta segui-ns p'ous escalès e que-s tienè aquiu à miéye crampe, mes la mie may noû-s desgahabe de la cadière; que. coumprenouy lèu qu'en abè sus l'estoumac, la nouste hémne, e qu'où dabe hort coumbat d'at arroude. A plaserines que-s lhebabe toutu, que s'apressabe dou lheyt de la hede, qu'en destecabe quoate de las bèrdes e de las séques : — Toutû, Margoutoû, si hasè, n'aberén pas credut parière cause de las toues parts ! Tu, beroye maynade, dab ue care hèyte enta espia, e aprése à tout tribalh per la toue may, boulé d'û baylét, d'û oumiot parié ! Beroys parlas, o, e bères proumésses, qu'en debous abé d'aquet galapiat chens mestié e qui noû bau que ta paysanteya e encoère ! au prumè die qui sies dab et, se-t bòu ? que calera que s'en àni craca calhaus p'ous bords dous camîs. Per lè qui housse aquet esgripi, au men qu'abousse dequé ta bouta-b lou cap à Tassés ! Mes, noû t'a ne case ne borde, ne û cournichot de baque, arré que las lanes à courre e lou gabe à pesca ! Ad aquet loung debis, Yanote que trepabe, e you mediche qu'en èri bergougnouse per la mie amigue de toustém. Qu'abi bèt estira mamâ p'ou capèt ta la ha parti, mes la manière de la ha cara, quoan la léngue lou prudibe ! — Escoutats, si digou labets Margoutoû, nou mespresets, Marie, lou me Zidore; s'ou bedèts dab lous mes oelhs !... Noû, noû trigara de biéne, �— 205 — * * * L'ahide qu'ey boune neurissère. Mes noû crey pas que parescousse mey, lou gus ! En tout cap, yamey las dues besies nou s'en bantèn de l'abé tournât béde despuch la noeyt ta coentade. Que digoun que ta mielhe troumpa lous qui-u cerquèssen, qu'abè dechat au miey de la soue crampe ue candéle alugade. Que debè èste hort loegn de la nouste. hangue quoan la luts s'amourtibe, e despuch, ne lous besis ne lous couneguts nou saboun dise oun las abè gahades, ne ta quin païs. Lou nèn, toutû, que boulé bibe, que poupabe la soue may e à bères oelhs-bistes que prabè. Qu'où hén pourta la raubéte puch lou panteloû. Qu'anè ta ço de Moussu-ou Reyént, mes sus lous oeyt ans dou hilhot quoan tant per tant ère d'escapse, lou dòu que-s hicabe dens la maysoû. Yanote, la mayrane, que-s mouribe e que eau créde que la desparescude d'ue hémne autâ gauyouse, qui noû parabe de s'en amaneya tad atrassa dequé, ya boutabe coume ue negrou p'ou miey de las praubes parets de la praube alòdye. D'abé à parti en yournade, d'abé à counda tad ère e tau hilhot, la Margoutoû que perdou la tranquilitat e l'arrise. Ah ! lou neurigat chic atendut, nou bibè pas de regardèus, e nou-s countentabe d'espia : qu'où ne calé dens l'escudèle mey d'û cop per die. Nous-auts qui l'abèm biste la Margoutoû, dab s'ous pots badinaries e se eau truferies (las bounes pauses esbagades quoan s'assedèm daban case ta talha, dab la léngue, beroys abilhès aus qui passaben!) que l'aboum deguéns de la soue crampe d'û cap à Faut de las yournades, à porte barrade, e, se per cas e yessibe ta quauque coumissioû, que soulè d'èste mude e escure. A plàgne qu'ère ! Manière de balha-u drin de yoye, que la preguèssem de s'en biéne belha coume au tems d'auts cops, nou-nse respounè ne quio ne noû. Medich, ço de mey estranye, que semblabe que lou hilh, en bade gran, qu'où debiengousse ue cargue. Talèu dens aqueste mounde, qu'en y-a atau qui soun mau arcoelhuts, e qu'ey coume û hat, û machan sort; tant qui biben que soun de soubres. Que biscou toutû e que s'estirabe : Maie yèrbe nou pot péri. Mes que-s bedè peleyat, trucat par ue may que las ores embinagraben. Coume anabe ta l'escole lous camarades nou l'aperaben yamey Yausepou, lou soû noum recebut à la hount batiadére, mes Zidore, coum lou soû pay. E lou subernoum que passabe per coustume, tant que-ns y abèm à abisa nous-auti quoan parlabem d'et dab la soue may. Mau ensunade, hechugue, aquéste nou s'estabe de rudeya-u. U cop, daban nouste, oun s'amassaben ta youga caniques ou pelotes lous sacripants dou bilàdye, qu'entenè à crida : Zidore ! Zidore ! tau soû maynat. Au loc de passa per dessus, e decha-s'en boula las paraules afrountibes, que debarè, copsec, e chens pietat, daban tout cadû, que l'acoussabe : « E que t'y tournes dab lou canalhè aquet ! » si cridabe en lou pataqueyan p'ous escalès enhore. Qu'en poudè lou chin ? Soubén mamâ e you que l'at bantabem • En bertat, qu'ère pla nascut, saye e soegnous taus soûs libes ou cayès, ta la soue pélhe. Yamey nou s'arroussegabe e noû s'entenè �— 206 — goàyre, ya que sa may lou hèsse : « E sàpies marcha mey dous ! Noû sabes ço qui-t costen las atrunes ? » Lous coumpliménts qui-u ne poudèm ha, la Margoutoû qu'ous prenè coume chaires. Ah ! noû lou goastabe, e se per cas anèsse tau marcat, noû bin yamey qu'où pourtésse la coque. Mes quine herou quoan l'abè à besti, quoan l'abè à caussa. U parelh de caussures, qu'où hasèn dus ou très ans, e qu'où hé toutû carreya la mediche bèste en toute sasoû despuch l'an de la coumunioû dinque lou mandabe en aprentissàdye. Que eau créde qu'où hasè hountes e puchéu quoan, per bère hèste, e puyabe toutû, ta passa û die. ou dus (per labets, nou s'y parlabe de semanes e semanes de bacances) noû lou se bedè yamey prou biste dehore. Aquiu dessus, qu'aboum la guerre. Lou Yausepoû coum tandes d'autes à las prumeries d'aoust, be s'en anè cantan, pegueyan, dab lous coumpagnoûs qui s'enhouliaben. La Margoutoû qu'où boulou segui û tros capbat dou caminau, serée, sénse û plou. E et, maynat, de ha-nse oèstous e adichats coume èrem sus las portes de case, e de-nse manda poutoûs : « De toutes aquéres, quau ey la mie ? si hasè. Que bouy la yénee ? Aném, quau se décide à passeya dab you ta Berlin, Lou Yausepoû que tourne ta Nadau dab las aurélhes dou Guilhèm de Prusse dens la muséte ! » Noû dabe yamey noubèles. Mourt que s'ère, de segu, aus tourroums-bourroums de Belgique e de Champagne, mes quin e quoan ? Nou at poudoum sabé. Que bouléts, qu'ey triste à dise e noû hè pas aunou à la ley dous omis, capbat d'aquéste terre, lou qui n'ey pas d'arrés n'ey arré. Despuch d'abé hèyt escribe per ue troupe de mâs e hort atendut, la may que fenibe per tira ue pensioû. Au men, si-nse disèm, qu'où balhen de que ha bouri lou toupî. Las pats dades, coum se daune Mourt n'abousse yamey dalhat lou camp dous bius, lou mounde qu'èren gahats de toutes las houlies. Nous-auts, lous qui coumençabem de puya, nou-nse recounechèm mey dab la hourre dous ûs e dous auts qui nou s'agradaben que de courre lous marcats e de bagamoundeya. En tout cap, lous qui s'abèn echemiats lous os p'ous parsâs estremats, que poudèn droumi adayse, lous qui demouraben ya s'at debiraben plâ, e si sémble cougnits de bounurs e de hartères. Yamey lous boussicots noû s'èren enlats de tandes de papès, yamey n'abèn adarroun despenut e sénse pòu dou l'endedie. Mey d'û, dous qui tiraben la guignorre, gahats p'ou cop de hialat, à pataqueya sus touts lous Frounts, que s'y abèn gagnais nou sèy quoan de galoûs sus la manye. D'autes, prou aban-hèyts, à qui n'abourets pas prestats dus escuts, e qui nou boulourets enta hemeya-b la parguie, û cop las prumères segoutides passades, que s'èren assoubacats per endarrè e, à l'endoste, qu'abèn croumpat, qu'abèn benut e arresterats louis d'ors. Malaye ! trop lèu que trucabe la campane de l'armistice. Qu'anè doungues lou dise que lou Zidore (noû pas lou hilh, nàni, lou pay) qu'abè sabut bregna tant qui lous pèpis se hasèn trauca la basane. Medich, es poudè aco ? Qu'où bedèn à passa coum lou pet de perigle, en coumpagnie de quauques dounsèles dens ue auto estiglante, de Cautarés à Pau e de Lourde à Gabarnie. Que-s digou, des- �— 207 — puch, que castereyabe e que s'ère acoumsiat dab ue madame à chapèu, noû yessiben que dab û chauf ur à bèste galounade e que y'abè mounardots dens la boeture. La madame que l'aperabe : Chéri ! ou senoû, Mon p'tit loup, e que hasèn, Mimi, aus lous crepauts. Quin se debiren las causes ! Las mountagnes nou-s boudyen, mes lou mounde que rolle. U brèspe de diménye estibenc, coum prenèm la frésque daban case, que sayabem d'allegreya la nouste besie. A force de pregàries, que l'abèm poudude ha esta dab nous coume au tems beroy e esbagat. Tout d'û cop ue auto de brouni; que bouhe, que s'estangue. Mudade per û soupte balans, la Margoutoû que-s lhèbe, palle e sang glaçade que-nse dèche, e de courre ta la soue crampe de dessus. E de l'auto merabilhouse, qu'ey ço qui-n debare ? Qu'où recounegouy prou lèu, mes tant n'èri susprése noû digouy chape. Mamà, doun la biste e s'ey hort amendride, que-m hasè : Que soun aquets anglés ? Qu'où coumprengou à la bouts, lou moussu ne petit ne gran, mes sancé, goalhard, poumpous, lou Zidore, que ! Be î'abè hèyt plasé de cambia de chamarre e au countre de d'auts, toustém reyterous e pelats, b'abè sabut engrecha-s à la guerre ! Que-ns espiè dues segoundes coume countrariat, bessè de ço que lou chaufur l'abè plantât aquiu, daban nouste. Coume s'ère escadut au ras de la mie may, qu'estirè la mâ, ue mà d'òmi besiat, moufle coum be lours e Manque coum lèyt. « Tè ! si hé la nouste hémne, e qu'ès tu ? E bos entra drin ?» — « Pas le temps ! » si coupé tout sec, e deyà qu'ère tournât de puya en boeture. E coum hasè : « Filez ! » au counductou, qu'entenèm, s'ou cop, la frinèste de dessus qui-s barrabe dab û gran truc. La mécanique hicade en marche, copsec, que birouleyabe tout doucines e la daune qui ère deguens que gourgueyabe : « Mais, dis, c'est gentil ton patelin. » E l'auto qui n'abè arré mey à da-nse, qu'esparricabe ue brumère de petrol qui embouhemiabè la carrère per bères pauses. * * D'aquet engountre nou-n debisèm yamey dab la Margoutoû. D'aulhous, noû hasè mey boû de s'en apressa; nou sabè mey que repous e gnargues. Ta dise quin s'ère hèyte, n'èy qu'à counda-b aquéste aute. Qu'a dus ou très ans, qu'èren à case, noû pas mey lous cousiots, are maridats e amaynadats, mes las loues familhotes, escouliès en bacances. De ha crespèts, la mode qu'ère passade : Que eau hort de tems e l'estiu, per Sent Pè, n'ey brigue plasént de cauha-s. Qu'alugabem meylèu lou hour e que prestibem tourtes, tandes e tandes, coeytes e arrecades sus la taule : « Mamâ, si digouy, sénse pensa mey ço qu'aquet die de gauyou e poudè broumba de doulourous à la biate, mamâ, bos qu'où causésqui ue tourte ? De segu nou s'en a hèyte nade e qu'où hara gay. — Hilhe, e la te ba boulé ? Ya sabes que n'ey pas mey de. plèti ? Mes pusque t'a grade, bèn, bèn ! Mes, abans, amuche-m aquero, que sie ou men présentable. S'ous oelhs de la mie may, qui balhe ourdis en toute cause, que pausàbi la tourte sus ue téle blanque de lî qui abi broudade dab « jours » e bourdade d'ue dentèle d'oun m'abi tirât la mustre sus û �— 208 — catalogue de Paris. Que b'at prouméli, qu'èri bèt drin counténte dou me présent, quoan puyàbi lous escales. Que trùqui : « Qu'ès deguéns ? » s'ou hèy. Arré. Que m'y tourni e : « Margoutoû ? que souy you, qu'ey besougn de.tu ? » Arré tapoc. Que-m biràbi ta m'en tourna dab la tourte aus dits, quoan d'û sacat la porte e s'alande. Qu'en parech û cap espeluchat, l'oelh mâchant, las machères arrounsilhades e de coulou terrouse. Que-m dits : « Que bos ? — Migue, s'ou hèy estounade, qu'èm besies, coum hourneyabem tourtes, mamâ que m'a dit : « Que bouy que Margoutoû que las tàsti. » Sénse estira la ma ta la se préne, ère d'ue bouts amarouse : « Qu'at sèy, ya, que bous auts qu'èts de hèstes, que b'èy entenuts, mes de tourtes you per oey nou n'ey quehas, goarde-t aquére ta gn'aut qui aye prou de hàmi, e nou t'abiéngue mey de biéne-m houra lou lindau de la porte; per tau die, que bouy que-m déchets dab las mies pensades !... » La mèu de d'autes cops que s'ère debirade hèu. M. C. ■a- —atfig»— » COPS DE CALAM Arreprouès. A quinze ans, la gouyate qu'arrid; A bint que pot prene-s lou qui s'a causit; A bint e. cinq, que s'en acoumode ; A trente, que passe de mode; e mey tard, praubéte, que prén ço qui bién. * * * En Biarn, au mens d'auts cops, qu'ère de mode, Plâs que la troubaben coumode, Quoan û gouyat abè guignât û boû partit, Si ne-s troubabe pas de tout tras prou hardit, d'embia de-cap la béude, ou la maynade, U camarade beroy emparaulit, charmant, aco be-s dit, qui-s cargabe de prépara l'entrade. Qu'ey atau qui Pierrou manda lou Yacoulét decap ue eretère de l'endrét. E bediat si la courbade esté pla hèyte, Yacoulét, qui d'ue moulhè 's troubabe en rèyte, Que hasou la coumissioû... ta d'et. Tabé, quoan lou Pierrou s'escadou gnaute auherte, Mey lèu que de boulé que, permè d'abança-s, La porte se troubèsse ouberte, que décida de s'ana régla, soul lous ahas. Noû-n esté pas, aqueste cop, de perte, la drolle que-s decha passa l'anét au dit. Atau que s'escadou l'arreprouè qui dit : Lou qui s'at hè, qu'ey segu d'esta serbit. L'Emprimayre Mèste en pè : E. L'AUTE. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 43, n°07 (Abriu 1939) Alternative Title An alternative name for the resource. The distinction between titles and alternative titles is application-specific. Reclams. - Annada 43, n°07 (Abriu 1939) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - avril 1939 - N°7 (43e Année) Creator An entity primarily responsible for making the resource Palay, Simin (1874-1965) Camelat, Miquèu de (1871-1962) Sansou, Y. Pic, André (1910-1958) Foix, Vincent (1857-1932) L'aute Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1939-04 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2978">http://www.occitanica.eu/omeka/items/show/2978</a> INOC_Y2_17_1939_04 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel