http://occitanica.eu/files/original/99d4a4d47c1f7e6573a5cb0152574cac.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/8f1c8182f66b037f592f94eb647537b0.pdf 9ada778f8633dcb710d894ad975a91cb PDF Text Text Yulh de 1939 43»u Anade CLAMS DE DOUCTRINE PERMOU DE L'OBRE NOUSTE Qu'èm cinq cents à l'Escole, mes, despuch qui esté foundade, milès d'autes qu'y sount passais, qu'an leyit lous Reclams lous ûs û an ou dus, lous auts mey loungtemps puch qu'ous an dechats; que-s pouderé pensa que noû sount pas estais « toucats par la gracie ». L'Escole que coungréye ue soucietat d'eley, ço qui en francés apèren l'élite; or que. sabém que dens la hourrère dou mounde qu'ey la mey petite part de l'umanitat; quoan quauques sauneyayres prouclamen que touts lous omis que nàchen pariés, que disen ue peguésse, ue faussetat; si soun de boune fé, que-s pot assegura que parlen per ignourence : noû y a pas sus la terre dus omis pariés. Que eau dounc dise que y a mantue ley d'omis : lous nèseis, lous lòcous dount l'esprit, barrât despuch qui an bist lou die, noû s'aubrira yamey, per tant qui s'y hàssin lous qui essayaran dous at esclayra per l'educacioû, l'enstruccioû, la pratique de la bite-bitante. Lous mieyès, qui pouderan apréne mey que lous auts, mes dount l'entelliyence premude e-us retienera sus û plaça toustém estret, per enstruits qui sien. Permou d'abé ue bouile memòrie, de retiène lous moûts qui enténen ou leyéchen que pouderan sabé hère de causes, mes que demouraran « de sapients couyoûs », suban lou dise plâ troubat d'û felibre d'esprit. E enfingues, que y ey la ley dous omis d'eley, sapients ou noû mes de grane entelliyence e qui sount capables de deléye, de coumpréne, tout ou partide de ço qui enténen, leyéchen ou béden. Toutû la Nature que s'ey plasude à ha tabé ue ley d'omis entermiey las autes : que soun lous qui soun pourtats per ue sorte de doû à ha ue cause, hère plâ : pintrure, esculpture, musique, etc., mes qui demouren soubén mau-adrets, e quoan sera estros en tout aute cause. A la bertat, si an l'adretie e l'atinoû necessàris au mestiè qui hèn, l'enyenie qu'ous manque, e per tant qui-us apèren artistes, noû seran yamey que de boûs oubrès. L'obre de l'artiste d'enyenie, lou qui disen enspirat, coum si recebè la luts de Diu tout de dret, aquere obre que passara toustém la de l'aute : l'ue que durara, l'aute noû. En art e en science, lou poète, l'òmi qui hè bèrs — permou que poésie que s'en y pot trouba pertout, en musique coum en pintrure ou esculpture — qu'oucupe ue place à despart. Si n'ey pas enstruit, sapient, qu'a, ta-y supli, coum û sens de debinacioû qui-u dara luts sus mile causes qui sentira respoune en et-medich e, per lou �— 242 — rnouyén dou bers, qu'establira coum qui diseré ue coumunicacioû, ù pount enter et e d'autes omis qui-u coumpreneran e dount sera coum û reyent d'escole. ** Ço qui biéni de dise n'ey pas nabèt, plâ s'en manque, mes qu'at èy boulut râpera ta m'esplica mey à l'ayse e au mey court sus quauque questioû pousade à perpaus de Mistral e dou Felibridye. Qu'ey tout û mounde lou Felibridye e la maye partide dous qui s'en soun oucupats à diferents punts de biste, n'an pas trop l'ayre d'at soupçouna; que-s pot dise medich que noû y an bist e noû-y béden qu'ue amassade de cansoès e meylèu de rimalhàyres auserès ou pescàyres de lue. A la bertat, Mistral, dount noû pòden countesta l'enyenie, qu'ous yéne plâ drin, mes que s'en tiren en déclara que « Mistral qu'ey ue exepcioû ». L'escuse aquere qu'ey à la pourtade dou méndre critic. Lou poète qu'ey û artiste e tout artiste que cèrque la bertat enta la ha sabé per l'obre qui s'abera imayinade; atau tabé lou poèteartiste que parle au noum de touts e qu'ayude lou troupèt à councébe e à coumprène la bertat qui, enta d'aquére masse, ey esparricade coum lous milès de graynoûs de proube qui-s bèden à dansa hens û array de sourelh quoan trabèrsë l'oumbre. Permou d'aquero qu'an poudut dise dab rasoû que lou poète — lou gran, coume d'entenut — qu'ey û gabidayre dou mounde. Mistral que counfirmara aquére senténcie. Si tant d'omis de la patrie d'oc, lous felibres, n'at abèn pas coumprés atau ou sounque d'abé^n l'aubùri, la presciéncie, lou Felibridye nou seré pas debiengut la force qui ey. Daubûs que troubaran qu'ey toutû mendrote, mes Paris nou s'ey pas hèyt en û die. E aci que ba poudé serbi ço qui esplicàbi en coumença. Toute reboulucioû naciounau qu'ey preparade per û petit escabot d'omis de cap; enta l'abia que calera esta en mey gran noumbre : en û arrelòdye nou y a qu'û ressort, mes qu'y eau hort de pibots e d'arroudéts, dounc, lous preparàyres qu'aberan à hort pè-rema enta s'atrassa coumpagnoûs; que ba de si que. noû y abera taus segui que lous qui aberan sabut coumprène l'idée e bist las counsequences à-n tira, ço qui supause û temps d'iniciacioû qui pot esta prou loung. (En Catalougne qu'a durât quàsi cent ans). Ya ba de si que la troupe nou demoure pas estable : lous ûs que s'en ban e d'autes nou-s boudyen; usquoandes que créden de s'esta horabiats ou enganats; n'ey pas ço qui-s pensaben. D'autes que troben que las causes ne ban pas prou biste. D'autes que pèrden l'esperence, mes d'aulhous qu'en arribe de nabèts qui tournen garni lous rengs... Or, lou Felibridye qu'ey û pous rebouluciounàri. Atau que l'abèn coumprés, ta noû mentabe. que défunts, lou Ca'pouliè Devoluy, lou bayle Ronjat, Adrien Planté, Yan dou Bousquet e hère d'autes; e �— 243 — qu'ey utile de dise tabé que, dou punt de biste francés, qu'apartienèn à partits politics prou diferents coum à reliyioûs diferéntes, ço qui probe que lou Felibridye qu'ey ue idée plâ particulàrie. Tout aco qu'esplique si-m semble la bite de la nouste Escole. Que m'a parescut boû d'at dise, sustout entaus qui ne s'y bedèn pas luts. Pacience e Febus aban ! SIMIN PALAY. ■«= gESgg GARBE DOUS TROUBADOUS Gaucelm Faidit (Fî dou sègle XIIau e prumeries dou XIIIau) Canzo : Del grau golfe de mar. Dou gran goure de la mar, dous abeyès dou port e dou danyerous fare, que souy, Diu mercés, hore. Ya pouch dise e counda mantues malanances qu'y soufribi, e loungs turménts, pusque à Diu plats de tourna-m'en per Lemoust dab co gaudént doun, triste, e hey mudance. Qu'y souy en assegurance, mercés à Diu qui-n hou counsént ! A Diu bouy gramercia, pusque-m bou sâ e hort tau me pais tourna, oun bau mey petit ort qu'en d'auts terres esta riche, en bère aboundance, que soul lou bèt agradamén, lou nouble ana, lous moûts plasénts de nouste daune, e lous presénts d'amourouse amistance, e la douce semblance bau riches locs terre-tienénts. Are, y a pouch canta, pusque bey gays e yocs; ya pouch galanteya en pats dens boste cour; ». �— 244 — las hountàs, l'arriu cla que-m balhen allegrance, prats e beryès que-m soun plasénts, are noû cràgni mars ni bents, garbîs, mistraus e pounénts; la nau noû se-m balance, e noû-m balhen mey àncies las galères sus you courrén. Lou qui, ta Diu gagna, soufrech tant e tant hort, se-s bòu l'amne sauba qu'ey en dret noû en tort, mes lou qui ta rauba, e per maie acourdance, sus la mar tandes de maus prén, en poc d'ores qu'où bié soubén coum cred puya, d'ana, cadén, e chens mey d'espérance, d'abiade qu'ai eslance l'amne e lou cos, l'or e l'aryént. (Birade de M. C). LOU COURNÈ DOUS POUETES Bouque de noeyts à Bayoune Que cad lou tendre sé; U roussignòu canturle; La militari turle qu'esquisse lou seré. Qu'ey l'ore doun Voustau abcye la maynade; In pause doun l'aymade espère s'ou lindau, S'ou Castèt-Nau Nat pélh p'ou cèu oun ya s'esmàben lous Tres-hustéts e brùguen en bèt cluca-se l'oelh... espère en pè-rema... (En de balles, bèt àdye passes !)... Loegn, la gran ma s'audech : qu'ey mareàdye. ANDRÈU PIC. Castèt-nau : Aquiu que soun are las casernes d'infanterie. �— 245 — D'û dalhayre à l'aute De la bèlhe arribat, estenut que-m troubàbi Sus û Iheyt d'espitau; esbrigalhat, doulént, Ta daubus parechi n'abé que chic de bàbi, N'èri mey qu'û pelut, abladat, tremoulént. Cluca l'oelh nou poudi; lou brtit de la herrulhe Que Venteni d'encoè, puch, qu'abi pertout mau... Quin birabe à plasé, de las ores, Vagulhe ! Qu'aperàbi la luts, l'aube d'u die nau. Toutû, sus lou matî qu'abi drin d'ataysade E que hey petit soum. Qu'ey ço qui-m desbelha ? N'at debinaret pas ! Qu'entenouy l'agusade D'où dragoû d'û paysâ s'aprestan à dalha. Noû poudouy pas boudya-m toutû, carns esmapades, Lou mè cô que-b embia, labets, chiflat mey hort; Sang de hilh dou terré dens you b'cn hés trepades Aquet matî de yulh oun birabe moun sort ! O tu cop d'ahieloû, quin plasé de-t enténe ! Baume que barreyès s'ou mé cos tout sangnous, Dou mau que-m desbroumbèy drin dab tu la cadéne E que senti tabé lous mes oelhs plourinous. N'èri pas mey au ras de l'aute segadoure, Aci qu'ère la pats, lou bounur dou tribalh Qui serbech enta bibe, e la mourt tradidoure Nou la semiabe pas lou qui tienè lou dalh. N'as pas yamey sabut, brabe òmi qui dalhabes, Au pè de l'espitau, yèrbe tendre ou lastoûs, Qu'à quauques pas de tu, tout cop, quoan ahielabes, U praube eschamanglat que t'auré hèyt poutoûs. ZABIÈ DE PUCHEU. NOGENT, lou 20 de may de 1938. �MOUNDE E CAUSES DE NOUSTE DANIEL LAFORE (1843-1914) Pusque tournam ta Ortès à la bachade de l'estiu, ya caleré, encoère û cop, debisa d'ûsquoandes beroys omis, escribâs d'eley qui dens û espàci d'anades, sus las fis de l'aute sègle, e-s hasoun baie coum mèstes de la léngue : Hourcadut, Nostradamus, Yan dou Bousquet, b'estuyaben dens aquets subernoums de trilhants oubrès de nouste literature, e, per ue escadénce familhau, be-s troubaben èste très cousiots qui, autademéns, se disèn : Ugène Larroque, Daniel e Pierre Lafore ? Cadû qu'aboun lou soû, ana, cadû, lous sous goust e sentits, mes touts que-s countentaben parièremén de n'èste audits que dens lou lou aròu de Pau à Saubeterre. Drin en darrères, ta la poussade de 90, gahat per l'estrambord qui per labets segouti la Gascougne, mous Adrien de Planté que s'y hicabe, ya que coum saben noû reguèsse, pusque dou partit de dréte, dab aquets omis d'esquèrre. Mes, et, auloc de s'esta casaliquè per Ortès qu'anabe passeya-s d'û cap à l'aut dou Mieydie, de Biàrris à Toulouse, e dinque en Arle e en Abignoû, la soue boune care de Biarnés e lou charmatòri de la soue paraule ! Toutû, coume escribâ, lou mey counegut qu'ère Daniel Lafore. Qu'abém dit perqué aulhous, en d'autes payes dous Reclams. Broumbém-se qu'ère lou gouyat coumû qui n'abè arré dou moussu presat, empesât e plâ de case; qu'anabe à pè coum tout cadû, e qu'où trebucaben capbat las carrères, p'ous marcats, munit d'û berret à haute cucole e d'ue barbe de las bères. Prumè, e quàsi soul redactou dou Démocrate Libéral, que s'arrenyabe ta enterlarda lous soûs articles franchimans de tirades biarnéses, e per cade numéro que-y hournibe istòries qui aperaben l'arride desboutoat e qui hasèn lou tour dé l'arribère. Nou calé brigue tribalha de cap ta las coumprène; qu'èren coundilhots e coundilhas passats dinque à labets de bouque en bouque. Picot, Hatoulet e Peyret qu'en abèn rimats quauques ûs, mes noû s'èren abisats de serbi-us en prose de tout die. Coum lusiben s'ou « Timocrate » cade semane, lous leyidous qu'arribèn à broulhs. Lous bantayres tabé. Paul Labrouche, lou bayounés qui, de Paris aban, en 1887, largabe la Rebiste Gascoune, e abè poudut ha ccunéche Narcisse Laborde e Isidore Salles, que s'agradabe dou trufandè ortesièn, e que-y hasè passa û trentenat dous soûs dises gauyous. Que l'enténi counda-m, û cop, quin las arridères dou Nostradamus lou parechèn obre de nautat. E, coum per labets n'abi espiat encoère nade arrèque de Lalanne ou de Larroque, que boulets qu'où respounoùssi ? Qu'èri mey adayse dab gn'aute dous sous admiratous, dab Yan Passy, l'autou de l'Origine des Ossalois qui abi escadut decap à 1890 sus la mie bie d'aymadou dou gascoû. Fidèu leyidou dou yournalet de Lafore, que s'abè ligat û cayè à'Istouères biarnéses doun tienè gran coumpte. Que-m souy toustém estounat dou gay qui-n �— 247 — amuchabe, et parisièn, òmi de pés, raistic autaplâ. Quin se poudè plàse ad aquéres peguessotes de bèt-noû-arré. Per segu, l'encause qu'en ère dens la gauyou qui s'en esplandibe. Lous caps lous mey serious qu'an besougn de pausa-s e de deberti-s. Ta gn'aut biarnés, ta L. Batcabe, l'amistat que-s coumbertibe en adouracioû. Sus tout ço qui, toucabe au Biarn d'auts cops b'ère doungues herrat. Entad et, lou mendre doucument qu'abè horte balou, e lou mey chètre paperot qui parlabe d'Ortès, aquet qu'ère sacrât. Lous caps baduts enter lou Pount bielh e lou Pount nau, ou pous besiàdyes qu'aboun en Batcabe lou màye cercàyre e hourucàyre qui sie, e Nostradamus qu'ère yudyat escribà chens parié, mèste enter lous mèstes. Aquiu sus b'abcm descambiat laudous e cretics, quoan per cas debisabem dou mounde nouste. E n'èrem pas brigue dou medich abis quoan lou sapient counfray e puyabe lous ortesièns dinque aus trabatèts, e n'abachabe, p'ou medich camî, dous qui mestreyaben dens nouste literature; Qu'y hém mey d'ûe lute e d'ue Prusse à perpaus de Labaig-Langlade e de Palay : Lou prumè, au dise de Batcabe, que s'enganè quoan trattè sudyècs pouderous : Diu, La Bite, ta qui la lengue mayrane n'ère pas hèyte, e l'aut, badut en Mountanerés, qu'amiabe au biarnés moûts qui n'èren pas de la boune souque. Toustém l'idée d'Ortès, Ortès prencipe e fi de toute cause ! Mes be-b pensats que reguinnàbi ad aquéres oupinioûs sarrades, e qu'où hasi : Nou denégui lou tringuereyant esperit de Daniel Lafore, qui n'ey pas adarroun dous mey fis, mes nou hicari ta capsus aquets debisòris de péle-porc, aquéres hèytes macarounics, qui semblen tirades dou medich barricot que lou sermoû dou curé de Bidère ! Que sien, de rasou daban ûe boutélhe de manseng, o, mes yamey nou passaran que coume couyounades, e dab couyounades nou poden toutû founda ûe Literature. » 1 Qu'ey sabut quin ey mau-aysit de payera l'obre dous bius, sustout se soun dous qui, en dehore de ço qui escriben, e poden craneya sus lous empounts e coélhe-s lous trucs de mâs de la hourrère. Quoan au soû tems, e hesteyaben Nostradamus, qu'ey hou lou yence numéro. E. Larroque qu'où pintre beroy dens ue létre dou 30 de yulh 1883, die oun hé marmande à la counference poulitico-caritadouse balhade per û Moussu E., au proufieyt dous negats de Capbretou. Espiats, senou : « Ue bielhe counechénce, Moussu Nostradamus, hère beroy encheitilhat, que y'ey biencut tabey, lou co tout esmabut, ta las béudes e taus ourfelîs de Capbretoû. Que y'a hèyt la nautat de la flou de las soues pouesies biarnéses : La Louterie e la Taule dous Pouralhès de Biàrris qui soun estades desquilhades dab la gràci e l'esprit qui touts councchen ad aqueth Biarnés de. tant goalharde umou. « Qu'y èts estats mentabuts touts, bagans de la Chalosse, dou Biarn e dou Bascoat qui bats, per la fi de setéme, trempa-b e coélhe bigou dehéns la grane cube, dinque û Moussu decourat d'Espagne ! « Si lou co de Moussu Nostradamus noû l'a pas hèyt tic-tac de f. Au dise d'amies qui l'an ])lâ counegut e praticat, Batcave que seré estât coum qui diseré boussat la la poésie : noû la coumprenè e que yudyabe lous bèrs coum si èren prose. �— 248 — plasé en aquére beroye serade, que eau que l'aye du coume û calhau. Que-s soubienera, bahide, toute la soue bite de l'arcoelhénce qui l'ey estade hèyte. Toutes las aulhéres qu'escoutaben toutes las mâs que trucaben, touts lous pès que trepaben; n'a pas coelhut que flous... » Lou Moussu decourat d'Espagne qu'ère, coum saben, mous Adrien Planté..... Au darrè de taus oumenances n'abè pas que plagne-s, lou nouste trufandè, proufète au soû païs e estimât autou de gran payère p'ous soûs tagnénts. Medich Pierre Lafore (qui, à las ores de 1896, s'y hasè dab nous auts ta quilha l'Escole Ga&tou-Febus) be disè autaplâ qu'et n'ère qu'û mousquilh au ras dou Daniel, û mèrlou de la bère ley? Per aco nou-y hicaben pas touts adarroun lou medich arséc ta banta la glòrie ourtesiène. E Lalanne, se recounechè lou sou mèste dens Larroque, e coum lou creadou de la prose biarnése, nou mentabè yamey l'aut cousiot dab paraules coumplimentàyres. Enter ets, que y'abè oupousicioû de counsequénee. Coundàyres touts dus, nou gahaben parié la coénte ou la foutèse. Abans de la se tira dous dits, Lalanne que s'y essayabe à mey d'ue ahutade, que suspesabe lous moûts, que ploumabe la frase, que-s plasè d'oundra lou soû debis de quauques tèrmis ancièns, de quauques arrepourès de may-boune; au countre, Daniel Lafore tribalhadou aysit, enter dus pintoûs, que dechabe ana-n lou calam au triquetraque, e se à cops ne sourtiben belugues d'esperit, à d'auts lou dise tescut de yocs de moûts e de calembours, que patasseyabe. Per ço qui n'ey de l'idée de Planté, autant bau que la-nse carém. Nou s'y pot demanda d'èste yustes, de mesura-s per ço qui toutû e balen, à bèt parelh d'omis qui dens ue mediche ciutat e hèn poulitic e soun separats per las credences reliyouses, per grades e barcalhoûs souciaus. Tems, b'en eau enta que s'apatsen las peléyes, carboûs rouys, qui humen loungues anades dens la brase qui semblaré mourte ! En 1921, Planté, Larroque, e lous dus Lafores, partits aylas ! enta d'auts païs, Lalanne qui s'entrigabe de l'adoubemén de las hèstes, b'ère mau-arcoelhut : « Se sabousses, si-m coundabe, ço qui m'en a calut escouta, de grises e d'amares, quoan èy dit que boulèm, dens ue mediche yournade, ha aunou aus quoàte hilhs d'Ortès ! » Seguraméns, en tant que mèste escribâ, lou mey endabans que demoure Ugène Larroque. Ya que-s sequèssen hort de. branques, la caus de l'arbe qu'ey sancére permou qu'au miey de sudyècs passadis, e qui nou hèn qu'ue sasoû d'elecioûs, qu'a d'ue faysoû soubirane parlât de causes qui duren : Lou peguè de las modes, la bertut de las coustumes antics, l'enlusioû dou prougrès, la noublésse de la familhe, la berou de las yoentuts. Au ras d'et, dens ue note liric e doulénte, que seré Pierre Lafore doun las poques payes soun coume acabades e goardaran la loue natre sabou. Lou Daniel nou bieneré qu'au darrè, e à tourna-u léye, que serém plâ d'accord dab l'idée qui s'en hasè Lalanne, medich dab ço qui-n digoun, adentour de las hèstes de 1921, noustes yénees cretics, J.-B. Laborde e S. Palay : Se �— 249 — la mestiou ne parech praube bitare (touts aquets coundes cinquante ans-a qu'emplien lous armanacs) e se y-a dens l'aboundouse messibe hort de cabelhs dous cussoats, que poden toustém mentabe quauques oubrétes, lou rimatòri La Louterie, e, en prose, la Létre escribude sus lou biàdye dous Felibres en 1890. Coum mustres d'aquet esperit escarrabelhat e leuyè qui d'auts cops hé trebate las amassades que daram û tros de la Taule dous pouralhès qui oey lou die nou s'emprime soubén, e doun quauques esbruses plaseran encoère. MIQUÈU DE CAMELAT. « — 8. LOUS DEBIS Brinde pourtat à l'Amassade annan dou Sendicat dous paysâs de Baches-Pirenées, p'ou Sost-President, lou 19 de heure de 1939, à Pau. Messius tant qui siats, Mèstes, bourdès ou baylets, Quoan, aquéste matî, lou mey amie (e lou boste) mous de Lestapis, e m'a pregat de-b dise quauques moûts arroun lou banquet, que-m souy troubat esbahit. Pensât dounc, touts ans, en parié die, que bieni ta Pau dab gran plasé ta touca la mâ aus meys amies paysâs e tabey escouta de bounes e sanes paraules. Mes, parla yoU medich ? En y pensan, lou cap que se-m ey hicat à bouri coume û toupî de castagnes, quauqu'arrey que m'a passât enter pèth e carn e encoère « tel que vous me voyez » coum disè lou défunt curé de Bideren, qu'en p... ernebàti de pòu. E labets, hens û cout, que m'èy escapat quauques idéyes sus aquéste paperot. N'ey pas, de segu, que manquin lous sudyècs. De la Terre, que y-a toustém mouyèn d'en parla. De thiquet ença, qu'ère lou mey amie Lescastereyres qui s'en carcabe e qu'at hesè de plâ. Mes augan que m'a dit de l'escusa e que-b plàgni, permou que nou bat pas gagna au cambiemént. N'en lou eau pas boulé per aco. Qu'ey arroussegat de coéntes, e se ne-b parle pas de oey, qu'ey pramou que bién de-s marida, n'a pas goayre, dab ue bère gouyatë biarnése, toute parière à gn'aute doun û bielh medecî dous meys amies me disè en la bedén passa : « Biban ! la bère meyt ta presti gouyatots ! » Ej se-b pàrli de maynàdyes, qu'ey pramou qu'en abém besougn mey que yamey en France, moussu Laniè que s'at disè endore, e ne eau pas abé pòu de crida qu'ey sustout la campagne qui aproubagne la nacioû. Darrèreméns, dens û coumici de Biarn, que bi sus ù bèth taulè oun y'abè de tout ço que s'y pot lheba dens ûe terre : Milhoc, roumén, cuyes, habes, blétes e au bèt miey û poupoû de quoàte pams, mes... qu'ère de porcelaine. Que tienè û gran escriut : « Aux produits de la Ferme ». Que caleré que lous noustes demenans de Paris que-s pensèssen drin que. lou canalhè qu'ey, abans lou bestia e lou roumén, û frut de la campagne ! �— 250 — Ë pramou d'aco, figura-s que se lou « domaine-retraite » (que las méchantes léngues apèren ue councessioû de cemitèri) ey ue boune cause taus bielhots drin gourpits per la bite, lou peïs qu'auré mey besougn encoère dou « bé-maridàyre » qui deré aus yoens campagnards de que s'amassa e que ha ue familhe. Se lous retretats e soun urous d'ana planta cauléts au bilàdye, lous yoéns nòbis d'aquets bilàdyes qu'an û ourdi de cauléts hère abantadyous, se l'arrousen coum eau, de quoan en quoan; û beth matî, que s'y trobe au pè û gouyatot plé de bite. O, per segu, touts lous nèns ne baden pas dens û caulet e que y'a parents riches qu'ous hèn arriba de Paris, dou Boû-Marcat ou dou Primtéms, mes lou port qu'ey hère ca, e quauque cop, que-s pèrden en camî. Tant y-a que lous qui baden à la campagne que soun hère mey bitècs e que-y praben coum lèyt à la cautère. Que m'escuserat s'èy tant parlât de maynàdyes, qu'ey pramou que soun ta mey tard ue proumésse de tribalh, chets lou quau nou y-a pas manière de ha arré deplà ou qui dùri. Toutes las bères causes qui abém encoère en France que soun debudes au tribalh. Que-m souy dechat dise que, per lou tems de la bielhe Republique de Roume, û paysâ qu'estou maucutat de sourcierùmi, pramou que las soues recortes qu'èren hère bères entertant que las dous sous besîs n'abèn que branes e héus p'ous cams. Arroussegat deban lou Tribunau de labéts, que-s hica à crida : « Veneficia mea hoec sunt ! » ço qui bòu dise « Aciu qu'abet lous dus brouchs qui m'ayuden e hèn praba la mie terre ! ». Entertant que lhebabe hort capsus lous dus bras, lou dret e lou guèuch. E qu'estou libérât e arremerciat per la letçoû. Bouts auts, lous meys amies, n'abét pas besougn d'ensegna4e, pramou que sabét ço qui debém au tribalh e ne l'abét yamey abandounat, coum abét tabey toustém esparagnat e que balhat aquiu à la Nacioû sancére û gran exemple. Que s'espien ta la Terre lous qui prénen ço de toucat per ço de gagnât, qui prénen l'aucupacioû per lou tribalh, las paraules pègues per pensades pregounes. Que sabém plâ touts, aciu, que lous noustes demenans que pèrden tabey lou lou tems ta essaya de plegna la barrique dou boudyet tant que lou trauc dou brouquet e sie mey gran que la bounde. Se la France e bòu damoura la France, que déut ha coum lous soûs paysâs : Tribalha, espargna, e, atau, qu'auram l'abounde e la pats. Lou proufessou Edouard Branly qu'at a dit : « La paix se gagne comme la guerre et sa seule arme est le travail. En détourner un peuple, c'est le désarmer et le préparer à la servitude ». Que countuneram dounc de tribalha mes, tabey, de reclama touts lous noustes drets de tribalhadous per lous noustes sendicats e per reûnioûs coum la de oey, tant plâ escadude. Enta clabera, que bébi très bourrats : U à la santat de moussu Laniè e dou sou sendicat de fabricants de roumén; lou segoun à la santat dou nouste président de Lestapis, de tau fayçoû qu'en pousqui damoura quarante ans encoère, e lou darrè ta que lous paysâs de Biarn e de France e sien toustém « goarruts e brinchuts ». ULYSSE LASSERRE-CAPDEBILE. �LA TERRE E LOU TRIBALH LOU LARÈ L'« endret », en parla de nousto, n'ey pas soulamén lou gran parsan regiounau : Biarn, Lanes, Armagnac, etc., me tabé lou biladje e sertout l'ensemble de las terros e de las bastissos oun biu uo familho de paysans. Que diseran d'uo noubieto : « Que s'en ba en un bèt endret. » En debisa, aci, dou paysantè, ne bam pas sajà de hè la trio; proumou au jour de oey — e de mes en mes — bourgés, grans prouprietàris ou petits, e quan seré bourdalès, touts que s'esbitasson au plus près parèlh. De sabé hè-s ana lou ben, de trabalha hort, e d'estaubia réde que. coumpto bèt cop mes entau proufit, entau rebengut que las estenudos d'oun pagon impôts. Un baylet medich (aumens per nousto) partit de petit enlà en de bounos plaços oun s'ey après à trabalha e à biue, sounque e-s tengousse pas lou qui eau, bien reàle qu'ey se nou trobo pas à l'ayse à s'acasi pr'aqui p'ou tour dab quauquo eretèro. E bielhs bourdalès s'en bé pas tapoc oayres; qu'arribon tard ou d'oro à bouta-s à souo en se croumpa un endretot e, d'aubus cops, la bordo. Atau d'un larè à l'aute las diferéneios dou trin de bito-bitanto semblon à penos mercados; l'escarradé qu'ey passât ser ço qu'aperauon bèt-tems-a lous « grans » e lous « petits ». Coum s'ey hèyt aquet cambiamént ? Mau-aysit que seré d'en tira au cla lou coumpte. Dechém de mes sabents que nous auts enchantiera-s ser aquet sudyèt. Aço qu'aparech toutû : lous proufits dou trabalh e dou sabé-hè que-s soun aumentats entertan que s'amendrioun la balou e lou rebengut dou founds. E dounc, se. cado larè a soun humet, cado oustalet soun bisadje, cado familho sas abitudos de biue e de pensa, prou de causos que demoron coumunos au paysantè dou païs gascoun enta que s'en pousque parla coum s'èro censat de mémo traco e, enta tout dise, à uo. * ** De cado endret, sie gran ben, beot ou bordo, lou larè que-n ey coum lou co. Lous ancièns ne s'y troumpauon pas quan coumptauon per « hoecs » e. noû pas per « abitants ». Pertout oun drin de hum s'escapo d'un teyt, p'ou biladje, p'ou parcadje, ou â l'escart au miey dous cams, uo familho paysano biu à la celo. Celo dou mâchant tems. L'estiu, b'ey fresco l'oumpro dou deguens, e be rebiscolo, lou cop de la goudalo... Lous sés d'iuèr, b'ey dounc claro la luts de la cousino, b'ey dous lou hoec de la là quan, lou heramey soegnat, lous palhats hèyts, e-s tiron lous esclops darrè la porto — en barra coum disert lou bent dehoro — s'eschugon las mans au cabessau e ban sète-s à d'arroun, petits e grans, darrè la taulo oun humo la gran salèro de soupos !... �— 252 — Aquiu, cadun dits ço que sab e ço que penso, nat brut estrangè ne descarreyo oayre lou debis. Lou «journal» ! En forço endrets lou recében pas sounque lou diméche; e postes de T. S. F. à penos se gn-a un toutos las cinquanto maysouns. S'y debiso de las causotos de tout ana e de toustém : Lou trabalh, lou heramey, lous aherots... Coum testimònis dou passât, la huserèro, lou clau dou carelh, la penjadero de hèr à desnouserades, oun cramauo en escoupi la candelo de rousèo, ténguen boun encoèro, nègres de soujo, débat lou mantèt... Me, s'y enténen pas mes lous coundes e lous counderilhots encantadous, mirgalhats de herous e d'arrisoulèros. Qui sab ? l'electricitat qu'a belèu hèyt estuja-s brouchos e pousoèros ?... E lou rey Artus ne-s soucio pas mes de pè-junta capbat l'escurado bluo proumou de trebuca-s dab quauque « avioun »... Oun sount tabé lou trico-traco de la bareyto, e la carrinquèro dou debanadé, e lou brut dou husèt houlét qui sauteriquejauo deguens lou crièt de la gusmeràyro ?... De tout aco, en droumbelho au cournè, Fancièn s'en brembo e un sourise de joenesso qu'où tourno s'ous pots engarransits... « De que arriséts, papéto ? » E lou charmatòri dou passât s'esparbolo au soun de la petito bouts esberido oun canto, et, tout lou charmatè-ri de l'abéngue. Lou tems que cour... Las causos cambion. L'amno paysano, ero, cambio pas. Se d'aubûs cops semblo drin enjarrido p'ous trabalhs, per las coéntos de dehoro, à la calou dou larè que-s tourno esparbalha coumo uo flou. Enta tout dise, trabalh e larè, aci, hèn pas qu'un. O bé. Per las bilos, à maugrat cauhadés bernissats, lou « lodjament » qu'audourejo la susoumbro. La diferenço de las aucupaçiouns ne pot qu'enjendra-y la diferenço de las pensados. Trop soubén cugnèros e sètis dous bielhs qu'y hèn puchéu... Aci, auloc d'aquet « lodjament » fret e sensé amno — tout lusent e tapissât de barioulèros que sie — aci lou nouste larè mémo ahumat que resplandech. Las causos que-y soun drin de nous auts ou dous noustes ancièns. Lous saumès, las pèyros, qu'ous tirèn dou bosc, de la peyrèro, lous aujols qui bastîn quan y a ? Lou pan, lou bin, e tout ço de la taulo, qu'a goust de nousto, bertat, e coum un perhum de l'amistat qui ligo la terro au paysan. Lous sètis, la tauleto oun luséchen lous cautès de couyre, las praubos causotos de tout lou deguens — d'abuos bielhos à ne sabe pas quan j'a que serbichen — tout aco, qu'a un ayre de familho, de familho qui duro e, s'a Diu plats, durera. Lou hoec, qu'ey lou càrpou, lou tauzin ou la bèrno dou bouscarot ou de la cantèro, asclats e boutats en pièlo à l'échut, l'iuèr passât; qu'ey lous echarments ligats en gauèros per las hemnos, e tabé las bits dou bielh berge darrigat. Lous ancièns e las mametos s'y escaralhon. Ne-y hèn pas puchéu au tour. Lous brès tapoc. A l'aubo, lou mes maytiè que Falugo. Ne s'amourtira pas de tout �— 253 — lou jour sounque au gran coumbat de l'estiu quan seguèros e hejèros hèn claua la porto touto la brespado. Landrès, cauho-panso e cramalh b'en saben, s'ac sabèuon dise !... Au briu dous jours e de las anados, s'y soun cauhats — e d'aubûs cops à d'arroun l'un de l'aute — lous prumès panèts e las darrèros tisanos... En soujo ou braso quaucoum que-y demoro de las trouncos de Nadau defuntos, dous hoecs batalhès de las noços, de las lamurados de laurès dArrams quan un mâchant perigle miassauo, e que say jou encoèro ?... Atau, cado sé, e coum qui diseré de toustém enlà, l'ore de cluca lou hoec, la luts e lous oelhs arribado, un tour hèyt per las establos enta bése se tout èro en orde e tranquile, lou cledoun flisquetat, la porto barrado, lou bent que pot bouha dehoro la nèu caje à bourroulhs la ploujo chourra p'ous goûtés : un larè paysan que ba soumelha, dinqu'à l'aubo, à l'échut, à la celo, en pats. Celo dou mâchant tems, dounc. Me tabé celo de tant de brius mauhasents qui, au jour de oey, fausson lou dret-sens dou mounde, empousouon las idèos e hèn, çaquelà, descarreyats e malurous. Mâchants exémples; besinàdjes dount se pot pas tira arré de boun; « bistros », « dancins », e lou resto; teatres e cinémas à hoec de sau qui destracon lou goust, troublon lous sens, barlacon las councienços; empounts oun se debito embejo, hayno e rebolto à grans chalhiuados, e oun se parlo pas soubén ni d'aunou, ni de trabalh ni de deué... Coum eau que lou larè de bilo demore sancé au miey de tout aco ? La pretencioun n'èy pas (e m'en saberé mau quauqu'un poudousse pensa-c) de dise que lous noustes soun ensényes à fèyt de l'entec mourau arrougagnayre de la soucietat d'adaro. Bicis, défauts, feblesses, sie d'oun boulhe, n'y a pertout : l'umanitat s'ac porto dab ero; me, coum touts lous flèus, qu'alatan mes à maie ayse aci, louy de la hourrèro; e. de-s téngue lous qui eau ne demando pas à cadun trop de penos, trop de sacrificis, quan la familho e-s trobo à uo de lountems-a, amantado dens sas tradiciouns, counserbadouro de souns dequés, dous mouraus coum dous auts. Atau dous noustes larès. * ** Ressourços d'aquet orde, asselados débat lous teyts de las bordos e dous oustalets, be seré dounc pecat de las se decha desana, de las se decha pèrde ! E toutû !... An sajat, à de boun, de las ayda à s'esplandi coum seré besougn, au maje proufit de la Patrio e dou mounde ? An sajat, à de boun, de las empatcha de s'amourti aqueros estelotes dous cams : lous « hoecs » paysans ? Gràcios à Diu, de larès gascouns, de larès francés sancés que-n demoro prous encoèro enta que s'estarisque pas la hount d'oun lou païs a toustém tirât sas reserbos de forços arrebiscoulayros. Toutû, lous mélhous, lous mes couradjous bénguen inquièts dauan l'enseguritat de l'abéngue. Seré tems, réde tems, de s'en abisa e de-y da orde. Lou « prougrès » ? tant que houlhat. Trabalh méndre, aysenço majo ? O, I �d'acords. Me « biue » be passo auant « biue à l'ayse » praco ! Ey lou « prougrès » de decha-s mouri, ey lou « prougrès » de de<îha-s escanti l'eslamo de la raço ? Àquiu qu'en èm. A pous de mecanicos, d'idèos e de sistèmis, la soucietat à bets cops qu'arrepepio. Tout que tourno en plaço quan la terro mayrano, la terro, gabidayro eternau de l'orne, tourno empausa sa ley. Que calera crida-c prou hort enta qu'aquero bertat e-s pauhique cabens dens touts lous caps. Proumou, sie qui boulhe, que-s cargue un jour de bouta en estât, en orde, en aunou, lou ben naciounau nouste en trin de cayje en bousiguos, aquet qu'aura d'abord à tira tout lou partit poussible de l'abounde pouderous de bito, de boun sens, de trabalh e dounc de prousperitat, que répresento débat lou cèu merabelhous de nousto lou méndre teulat paysan qui humo. Aquiu e aquiu soul lou secret de Paploum souciau d'un pople, de la souo forço, dou soun bounur. Sénse aco, garo à l'eschourroulhado ! JULIEN •« SANSOU, armagnaqués. ^yg^ =====^^== »• BR1GALHES D'ISTORIE Gastou-Febus e Caries VI En 1389 Caries VI, rey de France, qu'anabe ha besite au Pape Clément lou septau, en Abignoû. Apuch que passabe p'ou Lengadoc e lou nouste Gastoû Febus qu'où trebucabe en Toulouse oun lou hasè aumenance de las terres soues hore dou Pèys de Biarn qui pretendè tiéne en « soubiranitat ». Que leyim hens l'obre dou bielh istouriâ S. Dupleix, counselhè dou Rey hens lou counselh d'Estat e istouriografe de France, (qu'ère badut au castèt de Courrensan, toque-toucant Goundrî, doungues armagnaqués) aquéste hèyte dou segnou de Biarn : « Le roy estant arrivé à Toulouse, eut advis que le Comte de Foix estoit à quatorze lieues de là, en sa ville de Mazères : vers lequel il despecha le Mareschal de Sancerre et le sieur de la Rivière pour le semondre à le venir voir à Toulouse, autrement que Sa Majesté l'iroit voir en ses terres. Le Comte qui estoit très prudent, prit cette courtoisie du Roy, pour un honneste commandement, et l'alla trouver aussitôt, accompâgné de six cents chevaux, tous à ses despens. Juvenal des Ursins remarque comme le Comte envoia devant au Roy cent bœufs gras et des moutons sans nombre et douze destriers très beaux lesquels comme aussi les bœufs avoient des sonnettes d'argent au col : et que ceux qui les conduisoient, estoient vestus en vachers et bouviers, quoy qu'ils fussent gentilhommes de très bonne maison. De quoy le Roy, et les autres François rioient, disans les uns aux autres « quels vachers et bouviers et quels pages voilà ». L. R. �RECLAMS DE PERQUIU A la Nourmale de Lesca. Aquéste didyaus, 27 d'abriu, Mous de Tucat que hé la soue Counferénce. Ue ore e miéye que parlabe daban lou directou de l'Escole, Mous d'Etchart, e lous eslhèbes-mèstes, dous camîs e caminaus de Biarn. Aus tems antics oun aboùn lous sendès, las bies roumanes, lous camîs roumius (de pelerîs) lous peàdyes e autes trabes hicades à la circulacioû; aus tems moudernes, lous prumès caminaus dou sègle XVIIIau (manobres e biàdyes) las leys nabères de 1836, lous camîs de hèr, 1842; e are lous regleménts ta biciclétes e autos. N'abém pas besougn de dise que lou debis qu'ère seguit chens pênes d'û cap à l'aut, e que lous doucuménts inédits que Tucat leyibe que plasoun hère, hère. Du Gascon au Latin. Lous escouliès de Febus que saberah grat au roumaniste René Lavaud d'abé boulut parla dou sapient libe de Y. Bouzet e Th. Lalanne dens la rebiste Lo Gai Saber de Toulouse (abriu de 1939). Que-y hé balé la sapiénce abisade, lou choès dous exémples e lou beroy emplec de la mestiou : « L'écolier, le lecteur, guidés comme par la main et dans une intuition immédiate, fait lettre par lettre, le travail d'analyse, passage de la forme latine — ou celui de la synthèse — passage inverse de la cause, (forme latine) à son effet (gascon... » Per escadénce René Lavaud qu'assegure noû pas abé troubat au Dicciounàri de Palay lou mout de pcrrema (de pede-remare, freiner du pied). Si, mèste, que l'y abém au Tome II, paye 338, couloune dusau, oun s'escriu : pè-rema. Permou de la Biblioutèque municipau de Mountpeliè. Lou mayourau P. Azema, qui-s trobe èste adjoén au Mayre de la ciutat unibersitàri, qu'aymaré de merca lou soû passadye à la Maysoû coumune en alargan la couleccioù dous Libes d'O, qui s'y escaden. Que prègue lous amies qui ayen en double obres de quine ley que sie, e de quin parla, d'où ha mandadis à la Bibliothèque municipale, boulevard Sarrail, à Mountpeliè. Lous libes gascoûs, nou s'y enhournaran ta demoura-y incouneguts. Lous roumanistes Yan Bourciez e Yan Amade, proufessous à la Facultat de Létres, que seran aquiu enta balha endiques aus yoens estudiants aymadous de la nouste parladure. �— 256 — Per ourdis dou Caudillo. Qu'abets début léye hens lous yournaus qu'autalèu entrât à Barceloune lou mèste de l'Espagne, lou yenerau Franco, que horebandibe de l'Ensegnance naciounau, la léngue catalane. N'ey pas lou prumè cop qu'û tau eschebruc s'en bien ha la countrecarre à l'obre dous noustes amies de Catalougne mes coum at hén à las ores oun Primo de Rivera hasè dou Dictatou que s'at biraran encoère, e que s'en debisara de la loue Lengoa materna... toutu que nous auts, yemidous e suplicants, que demouraram dab paciénse (mes, si disen, Pacience que-s dechè brusla la moulhè !) que lous qui reyenten per Paris e boulhen pla decha û cournilhot dens l'Ensegnamén francés permou de la nouste Léngue d'O. Lous NoustesYan de Guichot que dèche lou bielh Mourlâs ta s'en biéne dens la ciutat dou nouste Henric oun se hè basti ûe demoure qui s'aperara coum l'aute YArrayadiu. Loungademéns doungues gauyou e santat dens lou nidau nabèt. — Goarit, ou quasi, Teoufile de Caillabère que quite lou pais bretou e que s'en tourne taus abedats de Thorenc, aleda l'ayre sanitous e tèbe de las Aupes niçardes. Que lèu qu'où pousquiam béde per aci ença ! — E lou Zabiè de Puchéu ? Et qu'abandoune, bessè sénse degrèu, las brumes de Creil e que bâche ta Bayoune. Que l'y aténden. Puchéu, Pic e Sarrail que-y haran très ta poudé, à bèts cops, ana coenteya dab Augustou de Lacaze. e lheba la banère de Febus sus las termières dou Biarn e dou Bascoat. L. R. ■i ^saá^ ■ s- LAS REBISTES Camisoles e Capulets Respounse au Talhur de Pau, Que la me das drin horte, amie ! Nou sèy si as maysoûs à quoate soulès per Pau, mes se-t gagnes tout die qui lou boun Diu hè 50 ou 70 liures, praube caddèt, qu'as de que unda-t lou passadé deu cot ! E quoan me ba cousta, labets, la mie camisole ? Escoute, Talhur, que bouy ha ahas dab tu, mes que bam marcandeya drin : quoan ne tires ? You, que-t dari dèts liures per die e plâ neurit; que seras coum de case, que-t tiraras soupes deu medich toupi e ço qui s'escàdie ad arroun. E-t ba ? Ah ! praubot, s'abès entenut la qui daunèye per nouste quoan l'èy legut la toue letre ' Que-m digou de tout, que-m aperè de tout, sounque de beroy ! Nou sèy se la toue daune e-t hè yamey û tau �— 257 — tapàdye per boste, mes, oère, urousamén qu'èm loégn de besîs, qu'aberi abut hountes s'at abèn entenut. Aco que-m broumbe la hèyte de Yantet de Béusenas. Qu'ère û plâ brabe è-mi, Yantet, qu'ère de coumpanie, mes n'ère pas toustém et qui tienè l'agulhade à case, qu'abè ue hémne, ne-t disi qu'aco. U die de marcat de Mourlàs, que partin touts dus, e cadû que s'en ana taus sous ahas: ère ta la place de la pouralhe, et decap au bestia; que hasè machan aquet brèspe, û die entounerrat, û caumas coum ne hè au més d'aoust. Lou nouste oumiot qu'arrecouti en ue aubèrye e que-s fresqueyè beroy la ganurre dab lous coumpays. Sus las cinq ores, que troubè la daune; la hemnote n'ère pas amistouse, qu'abè benut lous pourets à boû coumpte e dat lous oéus per arré. Kôle de malicie, de béde Yantet drin escauhat, que-u t'anabe chapitra coum eau, més Yantet que bedou lèu de que tout l'auràdye n'ère pas pou cèu, e, tout dous, que-u te dits à l'aurelhe : — Care-t, amigue, que t'en prègui ! Pas aci, que t'enténen trop de mounde e que diserén de que-s peleyam. — Que-m bau cara, se digou ère, esmaliciade, que-m bau cara, més arribém à càse ! , Nou sèy quin s'at birè à case, ne-m at a yamey boulut dise, toutu que-m pénsi de que debou esta à lou coum ey estât à nouste. L'aute semmane que legouy à Mariote, la patricole de l'Esbagat, més, l'àsou-foute, se l'at legouy toute sancère. Aquét trufandèc que coumense deyà d'enguisca lou mounde decap à you. E perqué e-s trufarén de you per las carrères de Pau. Coum at dises de plâ : « Tous les hommes sont égaux en droits ! » atau qu'at enténi, e se y a nat cap de hòu qui-s boulhe trufa de you, que seram dus ! Quoan tirèy au sort, qu'èri lou méy hort deu bilàdye au bire-pugn e à las estorses. Se las noustes mamisèles an dechat lou capulet de case enta-s hica sou cap ue tiste de ha coua clouques ou û sietou en trubès, tan pis per ères : autes cops, nou hasèn carnabal que û cop per an, adare que bos : que-u bedém tout die. You, e bédés, que souy mouliè, e que-n demouri. Se-m bestibi coum û moussu, ne-m prenerén pas per û aboucat. N'èy nade bergougne de dise ço qui souy. Per aco, oéy lou die, be-n y a chics qui gausen dise lou lou mestiè. Que bedém lous gouyatots de per nouste, qui an hountes d'esta paysâs, mes, au doubleban ! û paysâ que bau autan coum û moussu, e soubentetes mey. Que lous autes que hàssien ço qui boulhen, you que souy biarnés, e urous de-n esta ; sé-us agrade de segui las modes de Paris, qu'at bouy tabé, més you que-m demouri dab las modes de nouste. E qui sab ? lhèu û die que tournarèy esta à la mode. Que sera prou de que quauque mèste talhur de Paris que s'y hique, ta que touts lous capulats de France que porten la camisole; qu'èy entenut à dise de qu'aqueste ibèr, per Paris, las gouyates qu'abèn, ta-s bira de la plouye û capulet. Ta l'estiu lous omis qu'aberan lhèu la camisole. Que-t bas labéts poudé gagna ue beroye pièle de sos ! Au daban, hè-t ha ue boune mouléte de lardous ta Pasques, e sies hardit. (Le Patriote des Pyrénées), Lou MOUUÈ D'ESCOUTEPLOUYE. �— 258 — MOUNDE E CAUSES D'ALGERIE AU PEÏS KABYLE Las coustumes e las credénces. Qu'y a de segu, per nouste, à maugrat l'enstruccioû e l'educacioû de oey lou die, credénces e supersticioûs qui ne soun pas aysides à desarriga, mes n'ey pas poussible de-s ha ue idée de tout ço que poden assouma las hémbles kabyles qui biben chens nade counechénce dou mounde. Que bau essaya de-b counda quauques istòries recoelhudes pou tems oun èri hens l'Atlas saubàdye e oun èy biscut l'estranye bite d'aqueths rudes mountagnòus. Toute hémble maridade que deu abé û maynàdye au-mey biste. Lou Kabyle ne bòu pas d'ûe moulhè mane. e qu'aura lèu hèyt de rembia-lé de case e de cerca-s ue gn'aute espouse. La praube que s'en ba prega hens quauque endret sacrât; que-s hique, à mode d'escapulàri, ûe « amulette » de coey : û brèu, coum disen à nouste. Dab aquero qu'ey segure d'esta escoutade. Enta abè û hilh que s'en anera au bord de la ma. A l'estuyò darrè las arroques, dab très bagns qu'en a prou enta abé ço qui demande. E quoan lou nenè ey badud, qu'ey aquiu que s'y eau abisa. U cap trop plâ labat, pelhotes trop fines ou trop plâ arranyades : autan de causes qui apèren lou tarrible « mâchant oelh ». Dechamlou dounc hens la chirpe e hens lou cascantè. Se lou maynàdye ey malau, qu'apèren lou taleb (lou qui sab léye e escribe lou Coran) qu'escane û hasâ blanc e que crube cinq pistoles. Lou malau que pot mouri, més lou debé qu'ey hèyt e à la prumère escadénee s'y tourneran. L'òli que goarech lous oelhs malaus. La hemse de baque que barre toutes las plagues. N'y a pas arrey coum û herrup de petrol enta acassa las couliques las mey tilhudes. Escoutats aço : Lou pega sus l'espalle, dues hémbles que debaren lou caminot peyrassut qué mie enta la hount : — Fatima ! Que crey que lou marit que-m ba ballèu decha ! — Ne n'ès pas segure. ! Que t'at sémble ! — O ba ! la besie que m'a dit que la may qu'où cercabe ue gnaute gouyate. — Que eau au mey biste essaya lou cô, se bouhe l'aute. — Ne-m dits pas mey arrey, qu'ey arrebougnèc, que-m hé lou mus, e au mendre mout qu'y cad mousène. — Lou cô !... que-t die ! Lou cô ! Qu'ey dounc aqueth cô que las hémbles kabyles mentaben enter pots coum ue paraule misteriouse e tarrible ? Qu'ey lou cô d'û asou : nade drogue n'a autan de bertut. Dues bièques qu'an ourbit lou poutralh d'u bourricot tout biu. �— 259 — Lous dits qu'an herucat hens Sa carn caute e las mas plégnes de sang qu'an desarrigat lou cô de la bestiote. Qu'où hiquen au saledé, apuch qu'où hèn seca au gran sou. Quoan sie tilhut e sec coum l'estère, qu'où hacharan e qu'où mouleran coum pèbe ou cafè. E que-s ben plâ aquére proube merabilhouse : entio cinquante liures la culherade. Mesclade au fricot que rend L'òmi qui l'abale chens nade boulentat, que-s dèche demia per la persoune qui l'entertiey. Ne sab pas mey ço qui s'a op de ha. Qu'ey ue guerre mude enter las dues hémbles. La may qu'en lou da, d'aquère poutingue dou diable, quoan l'embite à minya lou couscous. La hémble dou sou coustat qu'aumente la racioû. La mey paciente, e la mey riche, qu'aura lou dessus. Lous Kabyles dou Djurjura que soun soulides dou poudé d'aquére drogue. Que-b en amucheran quauques-ûs qui, au lou dise, an esprabat la soue bertut. De pot à aurélhe, que-b amucheran las bielhes choèques qui an débath lou harpilh û sacoutot de coey pley de proube de cô d'àsou. E que-b pouch assegura que ne s'y hiden pas. Que y a tabey û couscous, û couscous tant riale e tant bantat, que couste encoère mey ca que lou cô d'àsou : U bilhetot de cent liures la culherade. N'y gouste pas qui bo ! Escoutats ! Lous pics aguts de la mountagne que s'estuyen hens las nubles. La lue qu'ey escounude e las estéles ne lugarnéyen pas hens lou cèu nègre. Tout près, lou bilàdye kabyle que droum. Tout doy, si, de cla en cla, lous gnaulets dous cas esquissen la noeyt. Qué soun beroys lous sés d'estiu au pè dou Djurjura ! Té ! Hens l'escurade la luts d'ue candéle que balanqueye. A coustat dues oumpres que tremblen estirades per l'eslame qui danse. L'ue qu'à lous bras lhebats, l'aute que semble, enter pots, desquilha ue pregarie. Esmudit de susprése daban ûe tau apparicioû, û biadyedou qui a pelouqueyat capbath lous camîs qué s'arreste, lou bouhét coupât. Mes que s'arregahe, que plégue l'esquie enta gaha-s u arrebot e, cop-sec, que l'arrounse. Qu'enten l'estrapasséye d'ue courrude e que-s hique s'ous soûs tras. Que gahen las estrembiades. û galère nègre e estrète, e ûe porte que claque e que-s barre cop-sec. Trop tard ! Oun èren dounc aqueres hémbles ? — Hens û cemitèri. — E que hesèn aquiu à d'aquere ore ? Sus ue hosse tout qu'ey damourat abandounat : la « guesha », gran plat de boy, lou témbe d'alfa, tout l'atiralh... — Enta prépara lou couscous ? — Qu'at abets dit : lou famous « couscous de cemitèri ». Que counechi ûe bielhe, toute crouchide e frounside coum ue poume d'ibèr; que tourtéye capbath lous bioths e que-s plégue sus û bastoû d'oulibè. Qu'ère cadude per ue d'aquères noeytades chens cla de lue quoan hesè lou soû curious tribalh. �— 260 — Qu'a û beroy cabau, aquére lède brouche. Qu'en a benut quauque brigalhe, d'aqueth couscous que las pratiques e croumpaben à hoec d'aryent ! Ne l'apèren pas mey que la « hemble au couscous ». Qu'ey dit endore que cade hemble que boulé abé maynàdyes. Sus û penént dou Djurjura aperat pous Kabyles lous « mounts eternaus » que béden, au miey dous oulibès d'aryent, lou teyt redoun de la « kouba » d'u marabout. Qu'ère saye e sapiént e hort entenut erstaus miragles. Lou poble que l'importuna au punt qu'û bèth die que hala de cap à La Mecque e que s'y debou agrada puch que ne tourna pas mey debath lou cèu d'Afrique. Arrés de segu, ne pouyré da lou mendre esplic sus la bite d'aqueth ermite, e ne-u counechen pas que per lous récits coundats de pay à hilh : mes la leyénde qu'ey beroye. Las hémbles qu'atenden toustem lou soû retour e que ban soubén à la maysouéte sanctifiade enta demanda ayude. A la fî dou pelerinàdye, que s'emporten û pugn d'aquére terre benedide, qui estou hourade pous pès dou marabout. Que eau toutû coumbiéne qu'aqueth talisman que troumpe plâ soubén. Que ban, labets trouba quauque bielhe matroune qui counech plâ lou soû aha e que s'apercéu que la hemble que porte û nenè qui droum. Qu'ey lou « bou mergoud », l'adroumit. Que-s desbelhera quoan boulhe, hens quauques dies ou quauques anades; n'y a pas qu'à atende l'acouchement. En cas de diborce, la hémble qui a le « bou-mergoud » ne-s pot pas tourna marida aban cinq ans. E se lou mounard es desbélhe hens aquere temsade l'ancien marit que sou recounech. En 1920, ue daune kabyle que cad béude. Que y'abè bey e mounéde. Lous cams qu'èren grassits e l'òli aboundouse. Que pourtabe û «bou-mergoud ». Més lou maynadot que hesè û beroy bec, que eau créde, pusque au cap dous cinq ans n'ère pas encoère desbelhat. Lous parents dou défunt que bouloun, à la fi, partadya l'eretàdye. Mes la « djemma » 1 dou biladye, de segu plâ pagade, que déclara que calé aténde û drinot mey, pramou qu'aqueth cranc de bou-mergoud qu'abè toustem la droumilhère. Qu'abou pla resoû, pramou que-s desbelha drin mench d'û an après e qu'ey adare û paysâ dous mey coussuts dou Djurjura. Lous « djenouns » ne soun pas estranyès à d'aqueres benalèyes. Lous « djenouns » qu'an ue grane place hens la bite misteriouse de l'Islam. Aqueths diablots que. soun pertout, mes sustout hens la brase, la sang, las aygues mourtes e las maysoûs abandounades. Ne-s dèchen pas yamey béde per ûe bande de persounes qui caminen amasses, mes que poden esta a'percebuts per ûe persoune soulète. Enta acassa-us que eau dise d'ue bouhade « Au noum de Diu boû e misericordious ! ». Que soun de mâchant péu aqueths auyamis e que hèn soubén de lè tribalh. 1. Assemblade dous bielhs. �— 261 — Touts que s'y abisen e que, prénen û hardèu de precaucioûs : paladas de moutoûs ou de boucs hens lous casaus, corns de baques plantais hens la muralhe, etc.. La may qui a deya perdut û gouyatot ne dera pas yamey lou noum dou mourt au darrè badut : aqueth noum qu'ey perseguit pous djenouns. Que-n causira dus autes que la mourt e semble mespresa : Laïfa (dou berbe proutedya) e Akli (lou nègre). D'alhous, quoan û maynàdye ey pla malau, n'y a pas qu'à chanya lou soû noum e lous djenouns, touts cap-birats, ne poden pas mey trouba lou qui an coundamnat. La goarisoû qu'ey labets segure. Hens toute l'Afrique dou Nord e sustout hens la Kabylie, la badude d'û gouyatot qu'ey enta touts û gran bounur. La biencude d'ûe maynade qu'ey recebude chens nade yoye e tabey dab drin de despieyt. Quoan demandais à û pay quoan a de familhe, ne noumera pas que lous hilhs e toute hemble qui n'a abut, que-s hique sus la teste ue groussère rosace d'aryent : lou « thabezint ». Aqueste pregàrie qu'a hens quauques tribus dou parsà de TiziOuzou : « Moun Diu, que-b demandam santat, abounde e hilhs; acasse lou mau, lou praubè e las hilhes ». Autalèu lou nèn badut, qu'où fréten dou cap aus pès dab alh esclathat. La may qu'où da la poupe autan de tems qui pot. La lèyt n'ey pas soulemen la neuritud, qu'a tabey hère de bertuts e que proutèdye lou chin d'û hardèu dé mau. Quauques goûtes barreyades sou sòu de la crampe qu'acassen touts lous esprits mauboulents. Pramou que lou machan oelh qu'ey tarrible ; qu'en èy parlât e toutû que m'y tourni. U arreprouè kabyle que dits : « Hens tout cemitèri la mieytat dous mourts, pou mench, qu'ey aquiu per l'efèyt dou mâchant oelh ». Qu'ey la cause dou malandrè dous petits. Qu'ey yetat per las brouches, las hades, las lèdes bièques e tabey las hémbles mânes, arrauyouses de ne pas abè maynàdyes e qui-s bényen sous auts. Quoan de remèris ! Ue bielhe que pren très brassades de iicèle. Que. la passe sept cops autour dou cap dou neuris. Se trobe, après, que la ficelé e s'ey accourside, lou mâchant oelh qu'ey partit. Si la loungou ey la mediche, n'y a pas qu'à tourna-s'y. Las hémbles que cousen hens ue amuléte de coey, ue clau de b_èr, ue dent de câ, ue cascoulhe de ma, û cap de « caméléon » (aquère grane chichangléte qui chanye de coulous) e mile armanigles las mey estounantes. Louis DE BOURDÉTE. {que seguira) saliè de Salies. �BIRADES LA LEYÉNDE DE CENEBRÛ ABIADE. En 1890, E. Barckausen, Proufessou de la Facultat de Drét de Bourdèus, qu'emprimabe lou texte de las antics Coustumes gascounes d'aquere bile, counserbades en pargamîs de la mieytat dusau dou règne de Ricard II d'Angleterre. Mesclat ère à d'aqueres coustumes û prou loung texte- de latî mieyancè counegut dab lou titre d'« Istori de Cenebrû » (payes 385 à 394). Tau istori qu'a dues parts : la permère que tagn à la souque leyendàri de la bile de Bourdèus; que counde la bile que hou foundade per lous emperayres arroumâs Titus e Bespasiâ; que-y hournech l'establimént dou Cristianisme, gràcis à Valeria, la qui abè espousat lou hilh de l'emperayre de Roume. Aquéste permère partide qu'ère chens interès enta la tradicioû épie de la Gascougne. Noun- diseram parié de la dusau qui tracte de l'àdye mieyancè nouste. * * * Lou persounàdye principau qu'en ey û chibaliè : Cenebrû, yessit de la souque d'û tau Cenebrû, lou permè dou noum e hilh leyendàri de Titus. Istouriquemént Barckausen noû da nade esclaride sus aquet goarrè. Lous noustes recères que-nse perméten de ha-u bibe à l'entour de 1175; empermou hens û libe de l'erudit Sent-Jours publicat en 1914 : « Soulac, d'après textes et preuves » (Bordeaux, librairie Mounastre e Picamilh) qu'ey questioû d'ûe ramouncine dou pape Clément III en countre Cenebrû de Lesparre à prepaus de las usurpacioûs sus la glèyse de Soulac, usurpacioûs naturaus permou que la pròpi moulhè de Cenebrû qu'abè foundat aquére glèyse, coum at probe lou texte lati qui abem birat. Hens lou medich texte, l'autou anounim que dits que Cenebrû qu'abè û fray, Gaufre, abésque de Bourdèus; Aquet persounàdye que bibè à l'entour de 1155, puch hens « L'Histoire du Grand prieuré de Toulouse de l'Ordre de Malte. Paris 1888 » (per A. du Bourg) que poudém léye û doucument oun mentaben û tau G. de Marcha qui hè dounacioû de Benoun à l'ourdi de Sent Yoan de Yerusalem en datte aquere dounacioû de l'episcoupat de Gaufre, ray de Cenebrû : « Galfredo archipiscopo Burdigalensem ecclesiam gubernante ». * * * Las leçoûs dou texte mieyancè que soun dues ; que las abem acoumparades curousemén; enta la birade, qu'abém causit lou biarnés classic, mes en respecta lou texte lati dinque ta. ço de las repeticioûs e de las male.struguésses dou bielh clerc qui escribou �- 263 — l'ìstori. Nou triguèm yamey d'emplega mouts gascoûs arcaïcs quoan lou parla dou die ère echénye de ço qui-us ère ops e per exémple ta bira lous noums de las armes. A la fî dou nouste tribalh ues notes que daran las referéncis e lous textes gascoûs antics oun pescabem aquets mouts. A. P. ISTORI DE CENEBRÛ DE LESPARRE ... E puch, bèt tems-a, quoan ya la fé crestiane esté arrasigade per tout lou moun pous miragles dous sants (miragles adarroun e de miroû); quoan dous arrèpapoùs e s'ère délit lou soubiène, û tau coumte de Medoc que y'abou, noumentat Cenebrû, qui abè dus frays, Pounce e Foulques e ûe serou. E qu'abè per moulhè la hilhe dou coumte de la Marque, mes hilhs ets nou-n abèn. E coum Et ère goarrè dous mey tilhuts, coum, ta ço qui ère de peleys d'armes noû troubabe lou parié, hens l'eslou dous sous 33 ans, ou per aquiu, que sabou las goèrres countinuaus que lous Sarrasis mabèn èn Terre Santé aus poples crestias. Hican ourdi hens la terre soue, que la dechè à cure de Sanche lou soû fray e que s'apleguè en bie de Yerusalèm. Mes de tire, la soue espouse, ya fréule, permou de las andades encitouses de la mar, grèument que malaudeyè; e puch, en cinq dies que-s mouri; au cos d'Ere que hasoun aunous. Apuch, que-y abou peley enter Crestias e Sarrasis lou die de l'Assoumpcioû de la Glouriouse Beryine, toc-toucant à Danatan. E coum dous dus estréms e s'ensegui û mourtalissi chens parié, lou Capdau Cenebrû, dab ûs quoandes Crestiâs, qu'abou lou dessus e tant de trioumfle que yuste nustems nat òmi n'abè hèyt tau balentise e noû s'abè curât tau bictori coum aquéste Cenebrû. Lèu, à sabudes de la hourtalesse e de la famé d'aquet Cenebrû, lou Saudan de Babiloune, quin abé-u e gaha-u, cutè; que-s pousè de tradi-u; que sinnè û an de iriubes dab lous Crestiâs; arreglat aquero„ lou Capdau Cenebrû dab lous soûs qu'anaben hésita lou subersant Segrat de Nouste Segne e coum s'aplegaben decap à la Capère de la Glouriouse may dou Crist sus lou camî, lous Sarrasis qu'où cnptibèn e présentât hou au Saudan dab argaudénci maye. Lèu, lou medich Saudan que l'arcoelhou drèyturousamén dab misericôrdi e goy e de tiené-u hore de carces, de l'ataula dab lous soûs pròpis hilhs e de ha-u serbi dab bestissis e semits 1 reyaus. Bèt die toutu, lou Saudan boulén payera la hourtalesse de Cenebrû 1. Semits : « inductus regaliter purpuris e scmitis », que eau sabé qu'aquets « semits » qu'èren ue estofe de l'adye mieyancè : Joinville que dits de St-Louis « Le roy vesti les robes que le Soudan li auet fait bailler... qui étoit le samtst noir forré de yair et de gris! » Bertran de Boris hens ue pouesie de las soues (Edicioû A. Thomas, p. 5) que dits atau : E que samit e cisclato E sendat no-y sian romput. �— 264 — e-u mandé si bouloure anà en campau encountre û yentiû noumentat Enèe : en toute la terre dou Saudan nou-n-y-abè mey yence. Cenebrû be-u hournî : « Bèt drin m'agrade ». Arroun, lou Saudan que mandé aus sous fibatès en Egipte touts princes e baroûs dous soûs que s'y amassèssen, apuch, yessin de taule, lou Saudan qu'aparelhè pouderousemén à Cenebrû qui hère aymabe e que lou dè û arroussi dous mey noubles. Sus aquéres, Enèe, hèyt à las armes e à goerreya, de tire que s'armabe hortemént e qu'abè enta cabalga parié arroussi. Ballèu lou Saudan que hasou ana lous troumpedous ta huca aus qui s'agraden de tau espectagle; mes, entertant, Cenebrû que sayabe l'arroussî hens lou placera. E doungues, en ahoalh de yuste cent mile cabalès, à despart dous estragns e de las hémnes, lou pople. qu'arrecoutî e que-s fourmè û plaça e que s'ourdounè lou mounde enta que touts e poudoussen bede-y; la Saudanésse dab la hilhe unie, sus û empount d'aryént qu'estaben endiamentades entrambes de yolhes e de pèyres presades. Que-s hasou û caramén maye : cop-sec, Enèe que coumencè à desbouca brams e crits e biahore; mes, Cenebrû, au countre dab bouts quasi ploumade e tanticant lou bi, dab grans balans que s'apressaue d'Enèe. Que gahèn las tàryes, qu'ayustèn las astes, dou cabilha qu'esperouèn lous arroussîs e que-s cerquèn tant orrement que Cenebrû tuman Enée e-n trenquè en dus tros l'escut e lou peytrau e. las singles de la sère; e l'arsoû medich que hou rout; e dab l'aste que l'alanceyabe lou las dret dou pieyts : Que cadou Enée au pè de l'arroussî tout abladat dou cop. Cenebrû que debara de tire, e de gaha-s Enée p'ou camot e coum û porc lous oelhs birats au cèu de hica-u lou cap enter las coéches, de carga-u-se. goalhardement sou coth e, atau, tèste quilhat, de tourna-s ensera, roundeyan acabalat per très cops la carrère. Apuch Cenebrû que debarabe e que boutabe, au pause-l'y-dous, Enée sou sôu. De s'at bédé b'en èren esmiraglats lous Infidèus e dab grane mirou be s'aplegaben à case loue, mes Enée qu'ère pourtat à l'oustau soû, e plà sanat tau sou mielhurè. Cenebrû que badou apuch hère lou soû amie. De labets enla, la hilhe dou Saudan qu'aymè soubrademén au tant nouble Cenebrû e de tire que. perpensabe quin poudoure adayse goadagna-u. Que s'escourrou lou tems; lou Saudan que sayè de mobe au Capdau Cenebrû ta que publiquement prenousse lou rit e la ley dous Pagâs e que-n balhè per rasoû que lou Rey de Bourdèu, auyòu dous sous, qu'ère de la souque de Bespasiâ 1; l'emperadou pagâ; que proumetè au medich Cenebrû mantues biles e ciutats d'Egypte e da-u per moulhè la soue hilhe unie si crede bouloure las soues pa- 1. Bespasiâ l'emperadou : « cum predecessor suus, rex Burdegale qui di (sic) ginere (sic) descendit Vespasiani imperatoris gentilis fuisset » — Bede ta-daquerô lous esplics de la nouste introducciou. �— 265 — raules. Cenebrû dab forces lagrémes que-u hournibe que respounoure l'endouma. Per taus lagrémes b'en plourè lou Saudan, mes, à mieye noeyt, coum Cenebrû enterdroumibe, que l'apari la plâ aymade may de Yèsus-Crist e ta counsoula-u que-u digou : « Lou mé, n'anis mey arcasta la Léy dou mé hilh Yèsus-Crist; qu'ès caytiu permou dou sou aunou. Dab l'ayude dou me hilh que-t harèy libre. E toutu hens aqueste bite qu'as à pati trebulossis. » Ad-aquets dises, Cenebrû, desbelhat, qu'estou drin estramoulit permou de la besioû e rebelacioû de la Bentissim may dou Crist, e plé d'ûe yoye subergrane; l'endouma, atrebit e arridént que-s lhebè e que-n anè dabans lou Saudan ta respoune : « Ségne, à las auherénces qui-m hasèt yé, you, dab assegurance que-b disi que quoan e-m darets tout, dou Daban dinque au Darrè 1 nou dechari ni negari la Fé e la Ley dou Crist recebude.s p'ou Batiòu. » Ad aquets moûts, de dole-s lou Saudan, de coumplagne-s e, cercan quin bira-u l'idée, de s'abisa que si Et la soue hilhe Fenice parlèssen amasse que-s pleguère adayse. Doungues lou Saudan, de tire que besitè à la hilhe soue Fenice; qu'où mandé dab fermance enta que per paraulines e amourines e birèsse à Cenebrû taus sarrasis, mes, Fenice qui de toute l'amne e boulé bade crestiane e qui aymabe de tout co au dit Cenebrû, qu'abou susmaute d'allegrie permou que sahè û drin lou parlâ galés gracis à dues Proubençales 2 caytibes qui abé ta gouyes. Lou Saudan, doungues, que boulou e mandé que Cenebrû besitesse la hilhe dus ou très cops per semmane ou mey si l'agradèsse e que-s prouseyèssen dab aqueres gouyes pusque sabèn la loue lengue. Doungues, enginat aco per la dibinau Proubidénci, bèt die oun entrèn la beyilhe dou Biat sant Miquèu e aquiu medich be-us hasoun gran arcoelh e aunou. E mes, l'endouma, que perpourtèn a Cenebrû lous sous rays cutaben d'aucide-u; que Ponce amoulherat dab la hilhe dou coumte de Peyrigord qu'abè abut l'Entrambes-mars en leyitime dab la hilhe; que Foulques abè recebut de hémne la hilhe dou coumte de Blaye e s'ère debirat segnou de la marque de méntre Ponce que segnoureyabe toutes las terres autes. (que seguira) ANDRÈU PIC. 1. Dou daban entro-u Darrè : dits lou texte mieyancè : « quidquid est ab oriente usque in occidentem. » 2. Proubençales... dits lou texte lati:... «quia lingagium gallicum aliquantulum suebat et duc ancille Provinciales captive in ejus servicio morabantur... » �— 266 BESIADYES YAUSÈP DE MOURETE Nou sèy si, coum disin lous esperits horts, ey la sorte qui ayence las causes, hè rencountra lou mounde qui pénsen au plus près e aparie las loues amnes. A nouste, en tout cas, las escadénces n'èren pas riàles; tout que semblabe hèyt ta pourta-y mey de. yoye : L'anade qui lou fray tourna dou coulèdye qu'abèm coum dusau baylét à Yausèp de Mourete, qui-b èy deya noumentat. Que l'aperaben tabé Cantoù, mes noû sèy perqué : quauque reclam de familhe, per segu. ** Qu'ère bielh garçoù, dab toustem quauque parrat p'ou cap. Las causes qui anounciabe qu'où hasèn préne per û destimbourlat e toutû bère troupe de las qui disè que. soun arribades : « Lous omis que boularan » si hasè. Qu'abè medich pensât à ha-s û pa d'ales : N'abou pas lou bounur de béde Whrigt boulan à Pau, que-s mouri dus ans permè. — « Soubién-te, de qu'arribara û die oun lous mèstes se boutaran de youlhs daban lous baylets; o, de youlhs, medich sus ûe hémse de baque ! » A pay qui tuteyabe (qu'ère dou bilàdye e dou sou triène) que l'at gausabe dise atau, chens nad machantè, Papa que s'en arridè e nous-auts parié. Toutû, aquiu tabé b'ère proufète. Cantoû ? Si las causes nou-n soun arribades à tau punt, si lous mèstes nou soun debarats dinquio aquet barcalhoû, b'an soubén, despuch anades, début cata, ha passe-cots, barra oelhs e aurelhes sus yèstes e paraulis qui autes cops aberén birat la sang dou qui pagabe ! En perseguin quauque idée nabère, Yausèp qu'ère lou mey brabe dous omis. A maugrat n'aboussen pas soubén la mediche fayssoû de coumpréne, et e Yan Pèy, que s'en abienèn toutû hère plâ taus tribalhs. Dab et n'abèt pas lou tems d'abeya-b; qu'aymabe à counda las hèytes qui l'èren arribades, sustout las de Paris, oun ère estât. Que las bouhabe drin e qu'arridè per abance; sounque dou bede labels, qu'arridèt tabé. * ** La qui-ns agradabe plâ e qui-u demandabem bèt cop à maugrat la saboùssem coum et, qu'ère aqueste : A sétze ans dounc, Yausèp, deyà hort gouyat, n'abè besougn que tribalh e hartère. A loue, yusteméns, n'abèn goayre de que countenta-u sus aquets dus ahas. Labéts qu'où n'embièn ta Paris. Aquiu qu'abou la chance de trouba la place qui-u coumbienè; que poudè �— 267 — arroude e emplia-s lous budèts. E que minyabe, que minyabe tant pH que la cousinère, qui s'en abisa de tire, n'abou arré mey pressât que d'at dise aus auts bayléts. Touts qu'en arrigoun e lèu lou mèste qu'at sabou. O, lou mèste, û d'aquets falsurs qui-s crédin de gn'aute miade que lous qui debaren tout dret de la proubince, que boulou trufa-s et tabé dou bràbe Mourete. U die, cap à las oeyt ores qu'où hé apera. — « Yausèp, que-b bat ha pròpi e puch que-m seguirat en bile. » — « O Moussu, si respoun tout bergougnous, e que-s ana bouta ço qui abè de mey fresc. » Talèu prèst, que sourtin lous dus. Toute la matiade que-s passeyèn; Yausèp, estounat d'esta pagat tad aquet tribalh que seguibe chens mouta. Oun anaben "? N'at sabè brigue lou gouyat. D'ue soûle cause que-s abisabe : mieydie qu'ère souat e noû tournaben pas ta case. L'esdeyoa dou matî qu'ère debergut despuch pauses e lous budèts qu'où tambourreyaben. Que perseguiben lou passey mes b'espiabe chic las berous dous estrems, l'aprentis parisiâ ! Toutû, cap à l'ue. ore, lou Mèste qu'entra hens û « restaurant » clous bèt drin coussuts dab Yausèp toustem aus soûs taloûs. Lou mèste que-s segou e qu'où hé sinnes de ha parié bis à bis d'et. Esmiragglat per las « glaces » qui lous soûs oelhs encountràben pertout oun se pausaben; au miey de mounde pla metuts, b'ère yenat, lou praubas, nou sabè quin se ha mey petit. D'û cop d'oelh lou Mèste que causi sou papè lous bouniquès dou die. La coumande hèyte; autalèu qu'ous pourtèn sus la taule quoate ou cinq tourcletes de bùrri (tout amicoulat qu'en y abè yust coum û abera) e quauques roundèles de pus mey primes que galabîs. Aquiu qu'èren lous abusées. Boû qu'ère per aco, que s'y aberé poudut minya pâ, mes lou diable, la mode qu'ère, aci de noû-n serbi ta cadu que dus talhucs tant per tant drin mayes que lous de pâ de misse per nouste. Lou patroû qu'où chaspabe à plaserines, Yausèp que sayabe de. ha coum et ta noû dau hountes, mes talèu enter las dents, lou guisè qu'où s'at aperabe tout en û cop. Coum lou Mèste abè lou tros quasi sancé, lou baylet nou gausa préne-s'en gn'aute talhuc. La seguide qu'esté û saloupè de « homard » oun nou-y a que dequé chuca. Si-s abè poudut mourfi û bèt quilhou de pâ, qu'aberé lhèu anat, soulamens, atau, lou gouyat que-s sentibe lou medich boeyt à l'estoumac. Moussu qu'ère arridént, que-s debertibe. Lou plat qui parescou après, que hé aubri l'oelh au praube ahamiat. Sabet qu'ère ? U poulét. Que baleré miélhe dise û pouricot, permou n'ère pas maye qu'û piyoû. De très cops de coutèt lou patroû que desgahe las coeches e lou cot. Que-s serbéch ue coeche e que passe lou plat à Yausèp. Aqueste tout esquèyt, qu'a las mâs qui-u tremoulen. Lou sou pugnet de �— 268 — goarrut que semble noû pas poude tiéne lou, platot. Que-s hè cade la coechote qui demoure mes, d'encandat qui ère lou plat, tout ço d'aute que s'eslurre ta hens la soue siéte. — Escusat, Moussu, si dits, que soy hère estros, perdounat-me. Lou mèste que debou créde qu'abè hèyt per esprès : « Ça va ! si dits, mangez... Mais vous n'êtes pas gascon pour rien. » Aquiu que biéni de b'en counda ue, passém ta gn'aute. * * Si aymabe la couyounade Yausèp, la musique tabé qu'où passiounabe. Qu'abè troubat lou couràdye, aus 35 ans, d'ana tout l'ibèr, apréne las notes à Beneyac. Puch, quoan biengou louga-s à nouste que-s croumpabe û briuloû. Lou praube, dab lous sous ditas brigue desligats, be l'ère du de ha-us sauteriqueya sus las cordes ! B'ère chic hèyt tad aco ! Boune. idée qu'abè e la noeyt y'en debè sauneya, permou que tout lou die nou pensabe qu'au soû utis. Quoan de cops, en parti tau tribalh, debandeyan lou bestia, se desbroumbabe d'apera lous boéus. Que caminabe atau ue doutzene de pas, puch, n'entenen pas lou brut de las arrodes que-s arrebirabe e que-s bedè soul. — « Marti ! Boét ! si hasè labets, e taplâ qu'ère hougnat û moument après. Oucupat qui ère à ha marcha lous dits l'û arroun Faute, lou bras tenut coum si tienè lou briuloû, que-s arrestabe cop sec e lou mus dous boéus ou lou tumoû dou car qu'où tiraben dou rèbe musicau qui hasè. Urous qu'ère à nouste de poudé, dab lou fray, batala de musique, bate la mesure e souilla. Ta canta, qu'abè la bouts sourde e bèt cop que desicarratabe dou toun; labets, discute, lous dus musicayres que boulèn abé resoû, Papa, ta coupa lou diferent qu'ous n'embiabe lou sé ta l'armoniom qui bienèn de croumpa. — « Aquet, si-us disè, qu'ey lou boû yudye, touca-t l'oun eau, que parlara yuste ». Nous auts, lous mey yoéns, que brullàbem d'embeye d'apréne la musique ta poudé dise nouste mout. Que sabi deyà per co las notes de « Bèt cèu de Pau » sounque de las entene mourgagna per Yausèp. Au bilàdye, daubûs que-s trufaben d'aquet gran maynat e toutû tout lou mounde que l'aymabe permou qu'ère aunèste sus toute cause; n'abè yamey escandalisat ad arrés. Arride que poudèn dou gouyat, et, nou s'en dabe, que bibè mey capsus que lous pècs qui-u gnargàben. (que seguira) ZABIÈ DE PUCHEU. �— 269 — COPS DE CALAM Que coslen ca. Lou pay, qui s'abè boutât lou maynadje én ue grane escole ent'ou ha préne diplômes qu'aubre ue létre : qu'ère la note dou dinerè. Eschéndat p'ou chifre que dit au hilh : « Jamé n'auri crésut las toues estùdis que coustèssén tan qu'aco. — E dounc, papa, que souy encoè un dous qui estùdien lou inéns ! » Que-m bats cridaAu dessert lou maynadje que boute la man én aban e la tourne tira én bet ploura. « So qu'as à ploura coum aco ? s'ou dit la may. « Que plouri pramou que-m bats crida se-m preni lou mey bet tros ! » Un sarrepiastres. « Moun Diu, moussu, coum èy dounc jou poudut passa très semanes chens minja enta dise arré ? se dit un sarrepiastres au médecin. — La frèbe que néurech, s'ou dit lou medje. — Bertat, moussu ? — Coum pe disi. — Moun Diu, moussu, ne me la pouyréts pas passa à la gouje e au baylet qui se-m minjen tout biu ? Dab un pa de culotes. Un moumén dat, dou peys basque aban que partiben én Amérique coum qui ba ha un tour au marcat de Nabarréns ou de Bayoune, e que tournaben sarcits de louis d'ors. Un dequets, tournât dab la bousse mey que redoune, que disèbe én un qui n'ère pas pec, mes qui s'ère demourat à case e bibè aunestemén en so que pay e may l'abèri dechat : « Sàbes, que souy anat én Amérique. ? — Aco be sèy. — E dounc, én arriba-y n'abèy pas sounque un pa de culotes. — E lhèu urous de las abé ! — O, urous. E que souy tournât dab miliouns. — Dab miliouns ? — Dab miliouns, so que s'apère miliouns ! — Praube de tu ! E que boulès ha de tan de pas de culotes ? » �— 270 — La pregàri dou renart. Coumpay renart qu'ère arribat en un eyriau oun èren ue troupe de garies dab lou hasan. « Aci qu'èy lou meng soupa, se dit. Mes que-m an ensegnat prumè de soupa que calé ha la pregàri : hèm lé ». E coumpay renard de bâcha lous oelhs ente nou pas abé distracciouns, coum se hè coan bòlen ha plan las causes qui an à ha. Entertan lou sou que bachabe, las garies, qui n'aténden pas l'escurade, de se-n ana toutes l'ue au darrè de Faute au pourè. Pregàri acabade, coumpay renart que tourne lheba lous oelhs : ne-s pas mey ne garies ne hasan, tout que s'ère apourat. « Gn'aut cop, se dit labets, que-m gaherey lou soupa prumè de prega ! » E de fèt, la pregàri que-s hè coan an lou frico sus la taule. Pourta souliès. En ue parròpi de la Lane moussu curé qu'abè heyt biéne un predicadou qui hasè predics tirats au courdet. E lous predics qu'èren heyts en francés. Lou predicadou que pouye en cadeyre, lou bestoun aperat camalh sus las espanles, e, parle qui parle, que hè un predic coum s'ère estât en ue de las mey granes gleyses de Paris. En bet sourti, moussu curé qu'abise ue brabe hemne, entellijénte e qui poudé dise un abis. « E dounc, s'ou dit, ats entenut un bet predic toutare ? — Moussu curé, que bouléts que-b disi. Sermouns atau, ent'ous coumpréne que caleré pourta souliès ! » Si ou sec. Sus un poun loung, loung, loung, passabe ue carréte qui pourtabe un omi e ue hemne. Au brut qui hasèn lous pès s'ou poun qui sounabe coum un tambour, lou chibau s'échénte e gahe « lou mor nus déns. » « Pregats Diu, pregats Diu ! » se dit l'omi à la hemne tan qui lou chibau échéntat passabe lou poun aus coate pès. Un cop lou poun passât mens de ha trebuc : « Ats doun pregat ? se dit l'omi à la hemne. — Moun Diu de jou, s'èy pregat ! — E so que disèts au boun Diu ? — Moun Diu, mielhe mouri s'ou sec ! » C. DAUGÉ, lanusquet. �OUBRÉTES DESBROUMBADES LA TAULE DOUS POURALHÉS Biàrris, à la fi de la sesoû. Moussu, Que-b diserèy que-m porti hère plâ, E que souy debarat enço de Tucoula. Lou lheyt qu'ey hère moufle e ne y-a pas minyance : You, de qúeths auyamiots, n'èy pas nade payrance. De fort boune catabe à tout répèch que y a : Boune sauce e bourit que poden hort minya. Ço de gran qu'y debare : Eretès de Salies, E perruquiès de Pau, madames de Pardies, Ussiès de la Chalosse, u moussu dou Bascoat Qui drin a estudiat ta ha gran aboucat. Touts lous tanurs d'Orthès, dehét de caminàyres. Lou Maransî, moussu, fournech hère de màyres. Nay, marchans de berrets, Saubaterre rentiès; Hayet dus tiralhurs, Lesca très pourcatès; A la taule, seguts, be s'y troubam doun hères ! Dou reyimént de Pau qu'abém la cantinière E, n'at crederét pas, que y-a, Moussu, tabey U moussu députât qui biadye per arrey. Pensat-be drin labets se à d'aquére taule Y'a mey d'û bahurlè qui porte la paraule ! — Messius, à Poumares, que m'at escriu le so, La doudzéne. de oéus que-s bén bint-e-un so ! Sus lou marcat d'Orthès, qu'es ta balha le frèbe, Cheys pecétes que eau enta gaha le lèbe. » U Saliè labets dits : — « Orthès... qu'ey û hourat E ne bey pas perqué l'y dèchen lou marcat ! A Salies, me.ssius, hèn la miélhe mesture; Qu'aberam Mounsegnur e la Sous-Prefecture \ » — Bam, chiule drin ta bédé, enter you que-m pensèy Lous Saliès soun goalhards, ne digouy pas arrey. Coum se lou diye oubrè se pourtabe en carosse, Dab û fratèr de Pau û moussu de Chalosse, Qui tiòu pount de per nouste arribe pè-descaus, Parlabe au plèy dou cap de courses de chibaus : « Romulus parieri countre le bos pourie, Que Bittèr de très pams passera YEgerie. » �— 272 — Lou de Pau que disè : « Moussu Gordon Benêt Sera prumè ministre au prumè cabinet ! Benêt qu'ey hère riche : à la mie madame Qu'a balhat cent escuts per lou touca la came ! Dab Benêt qu'aberam, eth qu'at pod balha soul, Tout ço qui proumetou lou Gustabe de Fould; Touts lous sés qu'aneram enta la coumedie, E, coum lous estranyès, heram hèste tout die. » A la taule, moussu, que y-a bis à bis you, U pelousar qui déu esta neurit de hou. Ta las cartes escarp, à touts lous cops que gagne : Lou moussu qu'ey poulit e decourat d'Espagne; Qu'èy boulut ha dab eth quauques punts d'escartat, Ne sèy pas quin s'ey hèyt, que m'a lèu arraspat ! Mes, ço qui-m hè plasè, qu'èy, ta besî de dréte, U moussu dab lou péu à la casserouléte. Que debise en francés e que m'a l'èr sapiént : Que m'an assegurat qu'ère û moussu reyént; 1 Qu'en sab de pouletique e lous moûts deficiles. Coum ^e y'ère badut que parle de las biles : « Quel est donc le pays de ce noble étranger, Tout en face de vous ? Pour sûr, il est d'Alger. » M'a demandât tout choaus; que t'ou respouni bite : « Que m'an dit qu'ère û grec, que déu esta d'Egypte. Labets moussu Beyent dèche moussu Ferry, Que-s boute à recita tout lou Lamé-Flury : « Puisque monsieur est grec il est bien de la Grèce Où l'on cuisine à l'huile et non pas à la graisse... » DANIEL LAFOBE. 1. E quau poudè esta aquet reyént ï L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 43, n°09 (Yulh 1939) Alternative Title An alternative name for the resource. The distinction between titles and alternative titles is application-specific. Reclams. - Annada 43, n°09 (Junh 1939) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - juin 1939 - N°9 (43e Année) Creator An entity primarily responsible for making the resource Palay, Simin (1874-1965) Pucheu, Zarbié de Camelat, Miquèu de (1871-1962) Lasserre-Capdebile, Ulysse Sansou, Yulien Lou Mouliè d'Escouteplouye Bourdète, Louis Pic, André (1910-1958) Daugé, Césaire (1858-1945) Lafore, Pierre-Daniel (1863-1942) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1939-06 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2980">http://www.occitanica.eu/omeka/items/show/2980</a> INOC_Y2_17_1939_06 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel