http://occitanica.eu/files/original/5de3763dd03b193933857763db8c17e2.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/3341038e8ab6ad60d9d86bfa114a1b60.pdf 7a8782b3bc06d5165d38a7c6285c361c PDF Text Text ESCCLE SASTOC-FEBOS DE BIARN E GASCOUGNE �Plafactous de l'obre. défunts prumè capdau (1896-1912). dounatàri dou Castèt de Maubesi. LALANNE, segretàri en pè dous Reclams ADRIEN PLANTE, MICHEL-ALBIN BIBAL, YAN-BICTOR capaau (1900-1914? (1919-1923). Membre perpétuai! : Césari DAUGÉ. Abis dou Dinerè Quauques abounats qu'an pla boulut embia-ns la coutise de l'anade 1940-41 : Qu'ous ne mandam gran mercés, que-ns estaubien tems e dinès. Toutu qu'en demouren hères qui n'en pas pagat e coume, en l'ore, las barralhes e soun aubrides taus mandaâis d'aryént, que serém recounechents aus abounats qui receberan aquéste numéro, de-ns embia las 30 liures. Ya saben que touts lous numéros de manque aus noustes amies de la « zone oucupade » qu'ous seran serbits autalèu qui-s pousque. Y. TUCAT, dinerè à Espoey (B -P.), ch. p. 444.90, Toulouse. Lous Reclams que publicaran au numéro de Setéme-Octoubre Crouniquète dous Reclams : Brounitères, M. C. ; Lou Courné dous pouètes : Serbi, Yan de GUICHOT ; Garbe dous Troubadous : Pèyre Bidau « Drogoman senher » ; Mounde et causes de nouste : Adentour de la Literature bayounése, Andrèu Pic ; Lou Poulet de Soubère, C. LAFFARGUE ; La Richesse dou praube : Las Mesures antics en Gascougne, A. P. ; La Terre e lou Tribalh : La Daune : Yulien SANSOUN ; Lou Carnet d'u Paysâ (seguide), Zabiè de PUCHEU, etc., etc. * ** U counfray que beneré : Lou Trésor dou Felibrige, de F. Mistral nabère ediciou in-folio ; Histoire du Béarn de Marca, ediciou princeps de 1640 (Paris) ; que poden sscribe au nouste segretàri en pè qui balhara lou prêts e las endiques. U counfray dous noustes que seré croumpadou de la Garbe de Pouesies (1520-1920) de M. C. * * * Qu'an parescut : I. L'Etymologie par le Provençal à l'Ecole Primaire. — II. Chansons provençales commentées p. Marius Jouveau. Editious du Porto-Aigo, Aix-en-Provence, cadu 3 liures. Chansons populaires de la Gascogne avec airs notés, choisies par Gaston Guillaumie, 1 v. in-4°. Eu vente chez Mêle Theat, librairie pyrénéiste, Argelès-Gazost. Prix : 15 francs. ENDIQUES Abis de counsequénee, L. R • Lou Debis dou Dinerè, Yan de TUCAT Lou Cournè dous Pouètes : Sauney beroy, Zabiè de PUCHEU Oubrètes desbroumbades : A l'aunou de la Gascougne, Louis BAROU ; Allegourie, Autou anounim Crouniquète dous Reclams : Sus la counechénee de la Literature gascoune, Miquèu de CAMELAT '. Lous Debis : Parlamén hèyt au Teàtre de Marciac, G. LAFFARGUE. . Mounde e causes de nouste : Lou pouète armagnaqués Louis Barou, M. C... Reclams de perquiu, L. R • La Richésse dou praube, S. P ■ Las Tradicious : Erbes ta goari, C. DAUGÉ Capbat las carreres : Ue desheyte de Marcat, Caddèt de GABISO Las Létres : Marcel Saint-Bezard, Yan-Louis Cantet Lous qui s'en ban : Louis Bechet, M. C • Mounde e causes de l'aute guerre : Lou Carnet d'u Paysâ, la Marne, Zabiè de PUCHEU PATES 97 97 100 100 102 105 113 116 119 120 122 122 124 125 �45»u Anade Garbe-Aoust de 1941. ABIS DE COUNSEQUÉNCE Lou Counselh de l'Escole, amassât la Pentacouste, que decidabe de ha gn'aute reùnioû abans l'ibèr ; lous noustes amies que soun dounc pregats de Mène ta Pau, aquéste dimèrs Ie d'octoubre : Dens las dèts ores de la maytiade que-nse tfoubaram de coumpagnie, enço dou nouste Emprimayre Marrimpouey. Que-y siam hères, la came leuyère e l'oelh escarrabelhat l L. R. LOU DEBIS DOU DINERÈ En tems ourdenàri, après la Hèste annau de l'Escole, à la fî de l'estiu, que-s clabe lou coumpte dinerè de l'anade partide dou prumè d'octoubre. Que seré doungues, si èrem derfs ue passade de las bounes, las recrubes e las despénses de 1940-1941 qui aberém à mentabe adare. Mes, qu'èm loegn d'at poudé ha. La turménte, e puch la deshèyte de yulh 1940, que-ns an oubligats d'estanga-ns. Despuch, nou parechèn que quoate numéros de Reclams, sounque. L'anade 1939-1940 que s'ey atau perloungueyade dinque à cap d'an de 1941, e l'anade financière d'augan que partech d'aquet die. Doungues, noû balharam que lou coumpte rendut de 1939-1940. RECEBUT Soubres de l'an d'abans (titres en sus) 359 coutises Coupous de rénte Interès dou liberet de Caisse d'Espragn... Doû dou Felibridye Bénde de Reclams Amasse 8.371 9.771 116 250 100 24 05 10 » 20 » » 18.612 35 �—m PAGAT A l'emprimerie Afranquimén de las recrubes 10.403 45 561 60 Amasse 10.965 05 Soubres ta l'anade 1941 7.647 30 Aquéres courtes endiques que bolen quauques esplics. N'ey pas sénse crèbe-co qui bedém la resèrbe bâcha de 923,75. Qu'en ey l'encause sustout lou noumbre de las coutises pagades — 112 de mench — e 112 qu'ey û chifre de nautat en fèyt d'abounaméns. E toutû n'ey pas brigue lou sinne que l'obre qu'ey prèste à mouri-s. Lou medich noumbre d'exemplàris de Reclams que yessiben de l'emprimerie, qu'arrecoutiben à la loue adrésse, que mandaben aus quoàte cournès dou mounde la lengue, l'esperit, lou soubeni de Case. Las despénses de l'Escole que-s troubaben parières, mes las recrubes hort que debaraben. Nou parli pas dous âbounaméns qui an mancat permou dous counfrays doun la candéle de bite s'estupabe, ne de las demissioûs, urouseméns chic numerouses, mes de las dous moubilisats. Aquestes qu'at abèn dechat tout : Familhe, oustau, ahas, tribalh, ta courre au serbice de la Patrie. Be houre estât lè de noustes parts d'ous embia lou paperot de la recrube ! Trop countents qu'èrem doUs poudé ha parbié aquet ligàmi enter lous hilhs d'ue May mediche qui soun lous Reclams ! Ne crediat pas toutû qu'adarroun lous moubilisats n'an pas pagat. Nàni, qu'en y'abou qui coutisaben coum de coustume. E medich dab suberpés. De mey, coum las anades passades, û bentoulef de yenerousitat qu'a bouhat sus l'Escole e qu'abém recebut mantue coutise soubrancère. D'aulhous, yamey, medich aus tems urous de la Pats, lou courriè de cade die nou-nse pourtabe autandes de paraules d'ahide, ue troupe que s'acababen per aquéste plagn : Que soufréchi maỳeméns de noû poudé leyi la rebiste ; goardats-la-me sustout. Si y'ère estât lou balans de las hèstes, quoan d'actes aboun- �— 99 — dous e s'aberén abantadyat la dinerole, quoan de nabères cou* tises se serén escribudes ! Aquestes mâchantes ores que passaran, e que receberam las coutises dous moubilisats, dous presounès tournais arrecapta-s despuch lous tems mauhasècs qui noû saben que ha roeynes e dòus e qu'amourti la yoye e l'esperit. Dab aco, l'anade 1941-1942 e s'anounce boune ? Qu'at souheytarém, mes au die de oey n'ey pas encoère permetut d'at espéra. Nouste soucietat qu'ey ue de las qui patéchin lou mey dou partadye de la France en dus tros. La mieytat au mench dous noustes counfrays que soun en terres oucupades ; despuch û an-a n'an pas bis lous Reclams. Si à parié die de 1940 la dinerole abè recebut 359 coutises, en 1941 nou-n aboum que 43. Lou dinerè nou pot resounablamén demanda la pague de l'abounamén à ue rebiste qui nou esté recebude ou medich recebude quoan se pot. Labets, que eau ha ? Prega lous noustes counfrays de coutisa au lou grat, chens nat aute abis, e recébe ço d'embiat, paga dab lous dequés de l'Escole, resèrbes coumpréses, ço de début e aténde la fi de la demarcacioû, la tournade dous presounès ta poudé gaha l'ana d'abans 1940 ? Qu'at boulerém plâ, mes nou poudém ; la fi de tout aço nou s'anounce pas ta l'abor qui bién. Labéts que bam hica en recrubes lous abounaméns de la « zone libre », e que coundam que noustes counfrays que haran boune care au mandat de 35 liures ta 1941 (5 liures de frès). Amies, la coutise ad aquet prêts que sémble de gran payère e toutû noû poudera croubi las despénses. Lou boste beroy mandadis qu'ayudara l'Escole a goarda-s ue pére ta la set. E coum lou tems oun la set e la hàmi, miassantes, n'ey pas prèst à s'acaba, aquet dinè que sera saubadou. YAN DE TUCAT. Andréu Baudorre qu'ey mourt Lou gayman pouète de las Cantes paysanes que s'ey dechat mouri aquéste tour. Qu'èm prés de court enta-n parla coum se déu en aquéste numéro, mes noû tardaram dou rénde lou début. Entertan, que pregam daune Enriette Baudorre e toute la familhe de créde au nouste dòu pregoun. L. R. �LOU COURNÈ DOUS POUETES Sauney beroy Dens la tute que-m soy adroumit, que-m bagabe ; Lous amies, ras de you, qu'an fignoulat anets, Qu'a passât hort d'obus mey pressais que rouquets, U Morane, tabé, si m'an dit qu'arrounabe, N'èy entenut arré de tout ço qui-s passabe, Noû, mes qu'èy sauneyat que darrè lous pourtets De l'ort toû, s'ou lila que coupàbi broustets E lou perhum dous flocs, bèn, quin m'embriagabe ! E tu qui-m bedès ha, brigue noû m'as cridat, Dab lou darrè pugnat, û poutou que m'as dat, Quoan me soy desbelhat, de ma praube coelhude. Débat terre estuyat, n'èri mey qu-ú bouhoû ! Aylas ! qu'en abi hèyt dou lila, dou poutoû ? Bessè b'ous m'embiaras quoan sie ore biengude ? Abriu 1915. ZABIÈ DE PUCHEU. OUBRÉTES DESBROUMBADES A L'AUNOU DE LA GASCOUGNE Muse, aco mous es bergougne E mous deurém accusa Quan n'auém, de loungtems ença, Cantat l'aunou de la Gascougne. Que las beutats mes estimades De soun sé prénen nouyritut, E que la gràcie e la bertut Per tout jamès s'y soun loutjades. Despleguém sa glòrie sus taule E que, per dret, mous sié permès De la banta tout à jamès Ento que perdam la paraule... Nostes tucos, nostes ribères Soun terres de proumissioun E Cerès mous hé pensioun De sas coelhétes las mes bères. Encoère que ta bère race Déus òmes que néchen aquiu, Mérite que quauque gran Diu Béngue deu cèu préne ma place. Toute sorte de frut s'y trobe : Nat arbe nou mous pot troumpa, • Ço que lous autes ban croumpa, Aci sens argent se retrobe... Sens menti, jou pòdi susténgue Au dise de bèt arramat, Que countre aquet noble climat Toute la terre n'a que téngue. Lou cristalh de nostes hountétes Casse las plus hortes calous, Lou printems courounat de flous S'y beng refresca las gautétes. �101 Flourich, benaside Gascougne, Teng-te toustém en boun estât Ma man, per traça ta beutat, Sera tout jamès en besougne. Lou Soussoun, lou Touch, la Gimoue E lou Gaue de Pouyloubrin Au Tage, à la Dourdougne, au Rhin En pauc de tems haran la moue. Las terres seran renoumades, De tu parlaran en tout loc ; E tu t'en pourtaras lou floc Dessus las isles fourtunades, Lèche-m hè, terre de plasénce, Lèche-te-m neyt e jour canta, L'aunou qui-m reste de-t banta Me serbira de recoumpénse. L'Adour pouyra mes que la Saoune, L'Arrats hara trebuca l'Ers ; L'Arros, la Baïse e lou Gers Se trufaran de la Garoune. Louis BAROU. (1612-1663). * * II Mous Yan Labrit qu'a publicat en 1939 « Les Gramont souverains de Bidache et l'histoire du droit >. Librairie L. Rodstein, 17, rue Cujas, Paris (Ve), 1939. Aquet libe qu'ey essenciau enta sabé quaucarré sus las libertats proubincieus d'abans la reboulucioû. Lous istourians qu'où suspesaran ; sounque-e-y pescaran ue pèce biarnese d'autou anounim escnbude en 1788 en aumenance aus hilhs de Gramount arcoelhuts en Pau. Qu'èren bienuts de Paris en-la enta pernabi la poupularitat de Louis XVI hort esbrequerade per impousicious nabes. Lou duc de Gramount medich qu'abè gourgueyat atau las soues permè" res paraules « Comme vous, messieurs, je suis Béarnais ; comme à vous, nos privilèges me sont précieux... » E que l'abèn héyt las tournes dab aquéste pèce, plâ dens lou goust dou tems : Deu parterre biarnés las nau miscayroulettes, Despuch lou més de may abèn quitat lou soum ; Deus gentius jardinets las diberses flourettes Qu'abén pergut l'aulou, lour esclat, lour renoum. Eres qu'èren en dôu, la terre que languibe, Lou briulou printaniè qu'ère desencourdat, Tout que-y parechè mourt : nat boutou nou yessibe, Lou parterre enredit que semblabe encetat. Per bounur û Gramount qu'ey labets arribat, La yoye e lou plasé qu'animen soun bisadye ; Soun fray caddet coum et qu'ey escarrabelhat, Que parechin touts dus amies deu badinadye. En lous bedén, las flous deu parterre incantat Qu'an représ, autalèu, lour baume e lour esclat. Labets lous musiciâs qu'an destacat lours léngues. Deya despuch loungtems placades au palat, Nou fourniben pas plus ni cansous ni haréngues ; Mes Guiche qu'ey biengut : que sera lèu cantat, Deus briulous ranimais que ban tene las cordes. Lous Faunes, lous Sylbâs amassais dens las bordes, Dab Suzette e Liris dansaràn à lour soun ; E puch que trinqueram à l'aunou de Gramount. (Autou anounim. — 1788.) A. P. �— 102 — CROUNIQUÈTE DOUS RECLAMS SUS LA COUNECHÉNCE DE LA LITERATURE GASCOUNE • Pèy Devoluy, à las darreries, qu'abè coustume de dise que lou Felibridye dens la soue douctrine e l'estenude de la soue literature n'ère que l'aha d'u doudsenat d'omis e que l'ignourénce de la troupe dous qui-s bantaben d'èste felibres qu'ère sénse fi ne counde. Boutém que l'ancièn capouliè, quoan debisabe atau, qu'ère dens ue mâchante lue e que nou parlabe en toute assegurance e bertat. Lous prencipis d'ue douctrine nabère, reliyouse, poulitiç ou souciau, d'aulhous, de toustém ença, noû soun goayre que dens la memòrie de quauques-us ; enta que la remudance e s'apoùdyi, qu'ey prou dou balans d'û escabot, las hourrères que seguiran de coumpagnie : « Quoan lou Crist e partibe à la counquiste de las amnes, si disè F. Mistrau, n'abou en prumères ta serbi-u que doudse pescàyres, doudse apòstous ; e n'èrem que sèpf brabes gouyats qui pausèm las soles dou Felibridye en 1854 ». Se lou Hilh de Marie, ta touca lou co dous yudius e doua yentius, nou destecabe que paraboles, lous felibres, tad ametcha lou nouste pople, que coumençaben de balha-u istòries e couyounades. De quoan en quoan que s'ahasardiben à y hourni senténcies d'ue douctrine d'amistat e de pats ; que l'esclariben dens lous libes, dens lous yournaus en léngue mayrane. Mes que eau coumbiéne que hère pocs de disciples qu' an coumprés ço qui n'ère, e qu'en y-a mey chic encoère dous qui bouloun assabenta-s, mounta-s û libiè, estudia noustes quoàte sègles de literature, medich apréne à segui lous qui oey-lou-die, mèstes dou calam, e s'y hasoun d'ue fayssou meritòri. Quoandes an bistes las Eglogues de Garros, ou lous Psalmes d'Arnaud de Salettes, cantades las cansoûs de Despourrî ou de Nabarrot, passades dab soegn las fables de Lacountre, lous soubenis d'Isidore Salles ? Tout cadû qu'entenou à parla de Yansemî ; oun soun lous soûs leyidous amistous e ferberous ? Digam que y-a ue escuse ad aquére poque de counechénee : Tropes d'aquéres obres qui deberén neuri lou nouste esperit noû-s troben mey ; qu'ey per escadénee, coume per û miracle, que hère de payes an suberbiscut à las esquissades dou tems desbroumbadou. Hères noû soun counegudes que per û ou dus �exemplàris. Per bounur que badoun en Gascougne quauques hilhots d'eley qui-s hasoun û gay de sauba de taus escriuts, aunou, richesse de la Patrie. Medich, qu'ous tiraben à luts. S'èm û armandat de curious d'abé quauque counechénce de Garros (be-b pensats plà que n'aboum pas lésé d'ana-ns assède e de mousca dens la Biblioutèque Mazarine oun s'estuye û exemplàri) qu'ey permou que lou leytourés Durrius qu'en hasou, en 1895, ue tirade de 100 libes sounque ; s'abém poudut sabé ço qui n'ère de Larade, qu'at debém au barou de Lassus qui goarde au sou castèt de Mountreyau, tabé û soul exemplàri tournât d'edita en 1932 per Bernât de Sarrieu e Ramoun Lisop ; se las cansoûs de Despourri, soun biengudes dinque à nous auts, qu'ey permou que l'emprimàyre Vignancour que las coelhè en 1820 e qu'en hasou, despuch, dues ou très sdicioûs. Atau l'abat Foix que publicabe en 1891 las fables bayounéses de 1776 ; l'abat Quidarré que-nse dabe, en 1911, û Bincénts de Bataille ; lou proufessou Henri Gavel que hasè en 1926 ue segounde empressioû de Larrebat, e, nou y-a goayre, l'abat Daugé que ligabe l'édiciou coumplide d'Isidore Salles. E espiats, que eau desbroumba-n d'aquets balents qui an boulut counserba lou nouste bé. Noumentém-ne quauques auts ya que noû pousquiam ha û embentàri dens aquéstes dites sarrades. Mes, que-ns agrade de recounéche que se gràcis au Dou Meillou e dàbem en 1924 las obres causides de Nabarrot (couleciou dou Libe Ouccita), qu'at debem encoère e sustout à Vastin Lespy qui amassabe lous hoelhots perdedis e esparricats dou cansoè goalhard en 1868 e 1890, coum abè, tout parié, boutât en létres de moulle las Pastourales de Foundebile en 1881 e 1885. Se Narcisse Laborde a bis las soues yénees trobes dens lous Reclams, qu'ey permou que las coupiabem adayse dens la Rebiste gascoune de Paul Labrouche e s'en y hournibem d'inédites, e de toute berou (coume : « Au reberén pastou PoUn ») qu'ey lou brabe ortesièn Moulia ; qui-nse hidabe û petit cayè hourucat dens las paperalhes de la soue emprimerie. De quoan d'autes ey debude la parescude en û amie, en û tagnent (Lous nebouts de Hourcadut be publicaben las létres de' l'ouncou ?) Benaye ! doungues aus brabes editous défunts ou plés de bite. Mes touts aquets libes, û cop publicats, que sien d'autous antics ou d'autous nabèts, noû escaden que chic de croumpadous e quàsi nat leyidou. Que-m diserats : « Aquero, quasi toustém que soun bèrs, s'ous amuchaben prose, e prose ayside e sabourouse, �— 104 — v que bederén quin s'y gahen». Malaye ! qu'en ey de la prose coum de la pouesie : Yulien de Caseboune e Simin Palay qu'an hèyt lusi séngles roumans qui, sénse bantorles, e passen en interès e en sabou bère pourcioû dous qui soun laudats e clarounats per la cretic franchimande. D'Esprabes d'amou, e dous Très gouyats de Bordebiélhe, quoandes s'en benoun ? D'aco, e eau estounà-s'en en plé ? Noû. La nouste léngue coum las autes, coum lou Francés, l'Espagnòu, l'Italien, escribude, nou pot èste goustade que dous qui-n saben de létre. Que eau abé l'arsec de la lecture, e oey lou die quau cèrque lou lésé d'esta-s daban u libe ? Parla, audi n'ey pas leyi. Entad'apréne à leyi qu'a calut hourni û tribalh peniu. Aus leyidous de las noustes obres, e perma, ya n'y a toutu beroy escabot, qu'ous arribe ço qui arribè dous escoutayres dou Yansemî, ouratou de prumère. Sounque de paréche sus l'empount, que plouraben coum la bit talhade ou que s'esmeligaben d'arride, l'estrambord que puyabe dinque aus trabatèts, mes se boulèn cruba gn'aute gauyou per la lecture de Las Papilhotes, adiu te die ! nou-y bedèn sounque brumes. Per ue hèste annau, quoan Palay debise, quoan Clotilde de Lamazou cante, lou mounde tout parié qu'en soun esmiraglats : « Qu'ey aco ? si hèn, aco que-m plats, aco n'at èy bist enloc mey. Be s'en ban coume frays, caperas, reyents, mounde de toute traque, au loc de discuti e de peleya-s ? » Se nou calousse desboussica quauques escuts que-s boutarén ad arroun de l'Escole, mes lendedie, hicats-lous s'ous oelhs lou texte dou discours ou la cante dab musique noutade, ue troupe nou saberan qu'espia e que ha la moune. Qu'ey l'aprentissàdye qui-us manque. N'abém pas à desbroumba-ns que se-nse plagném de nou poudé tasta lou gascoû, truc sus l'ungle, sus lou libe ou la rebiste, despuch qui hasoum camétes, mèstes ensegnats que s'y esdeburaben à ha-ns aparia sillabes, escribe, esplica lou francés. Qu'en eau hum de candéle, e crouchides, e badalhòus, e debés courridyats, anades e anades, abans de sabé-s tira lou chue d'ue fable de Lafountaine, ou d'ue coumedie de Meulière ! E que boulerém que p'ou prumè cop qui l'espiam, û escriut gascoû que-nse balhèsse goust e que-ns entrèsse dens la cabosse ! Moussu qui hèts Pestifagnous, e nou troubats ço qui hèm au boste grat (ou que-b paréchen noustes arréques, hèytes ta la maynadère ou que-b sémblen trop sapiéntes) que-b pregarém de pesa drin ço qui n'ey. N'ey pas de las aysides la nouste toque: �— ió5 — Pesca leyidous, troub'a croumpadous que hou toutû cinquante ans-a la nouste coénte maye. E s'en y daram yamey ? Lhèu ! Dens la pregoundou dou nouste desbroum, dens lou chic de counechénce de ço qui hou la bite dous noustes pays e dou lustre, de las glòries doun èm eretès, û lugrâ qu'estigle capsus dou cèu nouste. Nou perdiam la hidance. Are mey que yamey, pusque lous mèstes gabidayres de la R. N. e proumetoun la loue horte ayude. U petit escabot que poden trufà-s'en, qu'èrem toutû, nous auts, dens lou terre-plé de la bertat, e dab Mistrau, hère abans que lou Manescau nou-s clamèsse lou soû disciple. L'embit qui-s hè bitare aus Francés per cade debis (e yé encoère en Ays de Proubence) qu'ey û ourdi, e criminaus que seran lous qui noû lou seguésquen. Nautat, qui noû gausabem mey espéra ! lou gascoû que ba esta en aunou dens las Escoles coum lou mounument natre de l'esperit de nouste Race. Ballèu qu'escaderam, tandes qui-n boulham, leyidous dens las noustes yoentuts renabides. Nous auts, lous ancièns, oun seram à las ores de sega ! Aco ray ! pusque lou roumén qui yetabem e deu èste la neuritut, la hourtalésse d'û Pople sancè. MIQUÈU DE CAMELAT. LOUS DEBIS Parlamén hèyt au Teàtre de Marciac lou 2 5 de may ende la Hèste de las marnas. Brabes gens e amies, Que benguém de bése quaucoumet de ta beroy dat aquére poulide joenésse, qu'èy un pauc de bergougne de-ts béngue mucha lou pourtrèt e ha enténe la bouts d'un praube bielhot. Mé que m'èy tirât la bèste e que harèy tout ço qui pousqui. Que m'ats escoutats tant a-darroun aquéste matin à la glèyse, que meritets, se-m sémble, que-ts coundi ue faribole. Quan èri encoère gouyatot, — que j'a bèt téms d'aco, n'èri pa ta cap-pelat coum adare, — que j'auè.à Moulazun, en Armagnac, un brabe omi qui s'aperaue Poundarrè, e u gn'aute que s'aperaue Pouchiu : touts dus que soun defuns, que lou boun Diu s'ous saubi dat et, coum disen lous Espagnòs. �— 106 — Lou Pouchiu qu'ère gourman coum ue padéne. Qu'aymaue las coéches d'auque, aco n'éy pa un pecat, e que troubaue que la Marcéte, sa hémne, ne tiraue pa prou soubén lou toupin dou gabinét. Ue tantoussade qui la Marcéte ère anade croumpa-s un parénh de bas e de cameligues au marcat de Mounguilhém, lou Pouchiu que-s gahèc la gahe e lou gahoun, tirée la maje coéche d'auque dou toupin, la boutée au padenot ser un petit hoéc de charmén, e que la hasè tharrilha beroy : lou herum qu'où gratulhaue las narics e a-deja que s'en lecaue lous pots, quan quauque-d'un truquée au frinestot. Qu'ère lou Poundarrè qui benguè, sens at sabé, destraubia-u la gourmandère. Ende s'ou tira de deuan, e qu'où pressaue, pramou que s'auè boutât la coéche d'auque à la podye, e la grèche qu'où goutejaue capbat las culotes, lou Pouchiu qu'où disouc, coum se hè : —■ Bouléts béue, Poundarrè ? — Ta-plan ! se disouc et. Un bèt lampat e que-s sietouc. — Bouléts tourna béue, Poundarrè ? — Ta-plan ! lou bin qu'éy boun engoan... Un béyre plén... e que-s tournaue siète. — A la fin, qu'èts un hastious, e que-ts en eau tourna enta boste... ■ • *• Ë bé, que souy un paue coum lou defun Poundarrè. Que m'an dit : — « Bouleréts pa dise quauques moûts à las brabes géns de Marciac ? — Ta-plan, e dat plasé. — Bouleréts pa tourna arrepica ? — Se eau !... l'arrepic sera belèu méy beroy que la cansoun. — A la fin, qu'èts un hastious ! » se-m pouyréts dise touts... Que crési que s'èri au boste loc e place, que penseri coum aço : « N'a pa dounc afenit de-ns ahurbi ? e ne-ns a pa prou auejats aquéste matin à la gléyse, dat sa batalère ? » Qu'at pensi jou tabé, e se bous auts n'at disets pa pramou qu'èts trop aunèstes, jou qu'at disi coum at pensi. Ende bien dise, oarats coum s'e passât. Oh ! n'ère pa l'embéje qui-m mancaue de tourna debisouteja : mé toutun que coumprenèy que ne eau pa esta carguiu, e que hasèy dou deficile. Mé �— 107 qu'ats aci un brabe omi de curé que haré un boun aboucat : que s'at bire, que s'at tourne, que s'at capse à la soue idée, e, à la fin finale, que eau ha coum at bo et ; qu'a un arrise ta beroy, un parla tan amistous, e qu'ey un amie de ta boun courau que, per jou, ne l'èy pa jamé sabut dise que nou, e dounc que m'èy dechat tourna bouta lou cabéstre. Ço qui m'echénte, qu'ey de nou p'aué en-plén lou même parla qui bous auts. Que souy dou ras de la gran'lane, d'oun canten : « A Granade, n'y a nau pins, boli béde, boli ana... » Que parli dounc métat-lanusquét : n'at disi pa per bergougne ; tout lou countre, que-n souy fièr, e ne counégui pa ser tèrre après Marciac, bien entenut, — un mey beroy endrét que la countrade d'Armagnac oun souy basut : aquiu, qu'èy poupat en gascoun, aquiu que souy bengut gran ; aquiu que soun lous morts qui m'an hèyt ço qui souy, e cade cop qui pénsi à d'ets, qu'èy quaucoum qui-m pataquéje e qui s'estremouleys dén l'estoumac, coum tsé hé, que crési, à bous auts tabé. Cadun qu'ey fièr de ço de soun, e qu'ayme de fiouca las crouts dous cementèris, mey encoère de las flous dou soubeni que de las flous dous casaus. •** E labets dounc, pusque eau tourna abia las moules dou moulin ende plea lou sacot, austoumén dit ende bouta un perlounquét à la batalère de queste matin ser ço de même, oarats ço qui-ts bau dise aquéste tantos : — Que ço qui ey aquére hémne tan aymade qui apèrem la marna ? — Que ço qui-ns a ensegnat ? — Que ço qui-u deuém ? Las arrodes que bireran méy à l'ayse adare, pramou que, desempus aquéste matin, qu'èy boutât oli à las canères. * Ço qui ey la marna ? Ço de prumè, ue hémne ; mé pa ue hémne coum las autes. Ue hémne. S'ère pa arré qu'aco, que seré adeja quaucoum de gran. Desempus qui Nouste-Ségne bengouc ser tèrre, que tournée aué sas létres de noublésse, coum au prumè début, auan lou machan aha d'aquére foutriquéte de poume. Hémnes, que-n eau. Pramou la hémne qu'ey la coumpanie de �— 108 — Pomi ; pa selamén, coum disè un esgraupiat, ende ha la bugade, apedassa lous debas, oulia las casseroles e sala lou pourquét ; mé pramou que boute orde au tinèu, que hé luts d'oun passe, que jeté à l'esperrèc un array de sourénh. La boune daune que hè lou boun oustau, e se ne j'ère pa, coum dit l'arreproè, j'a bère pause que ne j'auré pa mey un téu ser la maysoun. E toutun, se n'ère pas qu'aco, ne seré pa prou. Hémnes, que n'y a de toutes ; aumén en Armagnac, que n'y a quauque d'ue à treuès las autes, que s'eriche las plumes coum la pouralhe esmalide, que s'esbijarre, que s'arregagne de-cap aus omis coum s'ous boulé gnaca ; que n'y a de trufandères, d'escarniales, e tabé de batalayres ; en dabuns endréts, dues hémnes e un aucat que tengueren tout un marcat, talemén tan qu'an la prusère au cap de la lénque !... Mé quan aquére hémne, sii coum sii, joéne ou biélhe, riche ou praube, beroye ou lèse, s'apère la marna, que porte sou cap ue couroune, e sér la couroune ue lustrou qui-ns hè bâcha lous oenhs, e deuan ère que s'y eau tira lou capèt. Qu'ey d'ère que lou boun Diu s'ey boulut serbi ende-ns balha lou cors oun et boutée ue amne ; qu'ey ère qui porte e qui transmét, d'un cap de mounde à l'aut la bite de las géns. Talèu basuts, auan d'esta basuts, lous maynadyes que soun, ende la may, la maje de las coéntes ; qu'ous neuréys de la soue sang auan d'ous neuri de la soue lèyt ; e quan de cops, de jour e de neyt, s'abache sou brès end'ous poutoueya, en d'escouta se bouhen à l'ayse, ende jumpla-us en tout canta ue cansoun douce coume mèu. Dou brès à la eugnère, qu'ayme de-s miralha déns lous oénhs esberits e arriséns dou nenoun. Toustém trilhante, jamé ne s'estaréys. Aquét petit boussoun que se-n haré la maure, qu'où houreré lous dits dous pès, saberé pa dise : Ay ! Ne biu pa sounque end'et, ne pense pa qu'à-d'et. Lou sé, de tard, tout ço d'aut dén la maysoun que droum desempus bère pause, ère que bélhe dinque à que lou souménh que l'a lou dessus, en d'escouta lou. méndre toussiglét e ha lou trique-traque qui eau debana quan lous drôles soun petits. E quan soun grans, toustém la may qu'ous espie dou même oénh amistous e carignous, que countinue d'ous grasi e d'ous da tout ço qui a ; qu'ous counsole dén las pênes, e s'an quauque secrét, que l'y ban estuya au tutoun de l'aurélhe. Ende la may, un hin, quitemén s'ey péu blanc, bielhot deja e gran-pay au soun tour, que damore toutun «lou petit», «lou drôle », lou maynadye ». E lou hin ne-s cré pa bienh tan qu'a �— 109 — encoè sa may, e dinque à que la jitat un pugnadot de tèrre sou trauhuc debarat dén lou clot. Labéts, tout que cambie. E s'arribe quauque cop, per malur, que la may ou lou hin, esbarrits pous machans camins dou bici, aùjin hèyt quaucoum de mau, que n'auran, per segu, lou cô doulén e lous oénhs engourgats, me que-s perdouneran l'un à l'aut. « Que bos dounc ha » ? se dira ère, « après tout qu'ey lou mén hin » ; — « Après tout, se dira et, qu'ey la mie may, ne la podi pa denega ». E aquét mout de marna qu'ey talemén au mey pregoun de nous auts que remounte dou houns de la memori au moumén dou danyè, e qu'escalouréys lous pots e lou çô dou sourdat dén la trencade, dou blessât per la mitralhe, dou malau à l'agounie. Nani, nani, la may n'ey pa ue hémne coum las autes,. e que porte ue couroune que arré ne pot blasi. i * 1 * * Ço qu'enségne la marna. Espiats lou téms qui-ns eau end'apréne quaucoum. Qu'éy plan bertat que podem ha dous fièrs, e que déuem arremercia lou boun Diu, pramou que-ns a balhat ço que n'a pa balhat aus animauts : Penteliyénce e la libertat ; l'enteliyénce de tira partit de toute cause, e la libertat de ha dou bén, e tabé de ha dou mau. Que m'ayderats à dise que dabuns cops que-n hèm usàdye bien bestiemén. Mé aco qu'ey u gn'aute coénte, e n'ey pa la faute dou boun Diu qui-ns auè boutats bien au-dessus de las bèstis. Quan soum petits, que soum toustém lous mey pècs, lous mey patchocs e lous mey palandrans dous auyàmis. Ta-lèu qui lou pourét a hèyt crasca lou crès, que-s boute à ha piu-piu, e que hè au mey courre dat lous souns frayroulots ende s'ana bouta débat l'aie de la clouque qui clouqueréje end'apera la clouquerade. Lou guit s'en ba garguiteja e thucà lous thaparots d'aygue ende-s glapa las lodyes. L'asirot que hè dus péts e très arreguisnets den l'escuderie. Lou betèt que saute dén lou parc e que-s pihe au braguè, en remuda la coue. L'agnèt que ' behère, lou pourin que henilhe, e quitemén la pus, se m'an dit, que sab enhica lou soun pinthoun ser las matèques de car frésque e sauturleja de l'ue à l'aute ende s'embeueda de la sang toute caute. Lou parboulet qui beng de base ne sab pa ne poupa, ne espia, ne debisa, ne tengue-s drét, ne marcha. Ne sab pa sounque ploura : e qu'où eau decha ha, pramou aco que l'aubre las �— 110 — canères, e qu'où prépare la bouts ende mey tard, se dise lou Poulet de Soubère, au mén se déu esta aboucat ou curè. Mé lou boun Diu que l'a boutât, au coustat d'et, sa may qui, tchic à tchic, l'at ensegnera tout, à-plasé, dat percauciôun e dat paciénce. Ço de prumè, qu'où bire lou cap enta la luts, e qu'où muche ço de beroy, tout ço qui s'esplandéys au sourénh dou boun Diu. Qu'aroèyte lou prumè arrisoulét qui s'ou despleguera ser las machères e den lous oelhots ende-y trouba la prumère recoumpénse de sas pênes. Que debise dat et coum dat ue gran persoune, e qu'où mégne, en j'y bouta prou de téms, à esplica lous prumès moûts: « pa-pa... ma...ma... » dinque'à qu'at sab dise tout ; que l'aprén à marcha drét ser las soues camotes, e un jour benguera banlèu que courrera mey qu'ère : aquet petit eschimi que se l'escapera, sertout se bo balha-u un couhàt, e qu'at eau ha quauque cop... Aco, que seré toutun pauc de cause. Ta-lèu qui pot coumpréne, que-n l'enségne de mey beroy. . Jou, que-m rapelerey toustém que la mégne défunte may, — cade cop qui ey pensi, lou cô se-m barre — que-m hasè joégne las manotes, e que-m hasè répéta mout per mout, après ère : « O Marie, conçue sans péché, priez pour nous qui avons recours à vous... » ou aço : « Où est le petit Jésus ? — Dans mon cœur. — Qui l'y a mis ? — la grâce. — Qui l'en a ôté ? — le péché. — va, va, maudit péché... » e que hasèm touts dus lou signe dat la man ende ha huje lou machan esprit... «Reviens, reviens, petit Jésus, je ne pécherai plus ! » Aco, n'es pot pa desbroumba ! La may qui coumprén lou soun deué, que muche aus souns maynadyes lous sendès qui eau segui. Escoute, petit, se dit ère, que eau esta aunèste e franc ; ne duperas pa jamé digun ; ne soun pa riches, me la nouste fourtune qu'ey de poudé passa pertout, espia de drét, sens embeja ne préne ço dous auts. Escoute, petit, que eau esta balént : que-s eau gagna lou pan qui minyem ; lou feniantè n'a pas jamé encoungriat que misère e desaunou. Quan te calhi trabalha, t'y portis pa flaugnac, e se-t eau tira la guignorre, qu'at haras mey que méns en tout canta. Escoute, petit, que eau esta serbiciau ; qu'espieras mey soubén au débat de tu que au-dessus, ende pourta ajude au qui n'auji besouy. Se-t hèn dou mau, ne héssis pa la moune e tourne lou bén pou mau. Escoute, petit, qu'aymeras la familhe oun as prés las arrasics, lou bitadye oun ès basut, lou cluchè oun las campanes tranguèn �r-. 111 ^ lou toun batiò e la toue prumère coumunioun ; qu'aymeras la France e soun drapèu qui adare, un tchic pertout, esparbalhe sas coulous. Escoute, petit, qu'aymeras lou boun Diu au dessus de tout, lou boun Diu qui a hèyt tout ço de bèt, tout ço de boun, tout ço de gran, au cèu, ser tèrre e den la ma : qu*ey lou Mèste de tout, que-n lou eau recounégue. Qu'aymeras Nouste-Ségne, lou Hin de Diu, qui bengouc enter nous auts ende tourna aluca la luts de la bertat, lou hoéc de la caritat qui s'anàuen escanti, e qui boulouc, en tout soufri e mouri ser ue Crouts, tourna-ns aubri lou cèu que lou pecat auè barrât. Escoute, petit, que haras ta pregàri, matin e sé ; qu'angueras à la messe lou diméche, qu'escouteras lous coumandeméns de Diu e de la gleyse, pramou que per nous auts que soun ta tchic de cause e que birem à tout bént coum un brincot de canauère. Urous, très cops urous, lous méns amies, lou qui aouc, en tout parti dén la bite, ue boune e sénte may. Au cô dou maye baganaut, que n'y damore quaucoumét, e, de d'ore ou de tard, aco que fenéys per lugreja coum un lugran qui-s capère dabuns cops d'ue gran crumalère, mé qui tourne esclayra e lusi, quan lou cèu s'esclareys. Que crési que seré lou moumén de barra lou cous, coum disen lous mouliès. E toutun, ne bouleri pa feni la moulénde, séns-y "bouta très ou quoate grouns de mey. Que bau ha bira biste ende que digun n'auji lou téms de ha un droumilhoun. Mé que-m sémble que lou mén déplie ne seré pa coumplèt, se ne disèy pa que lou boun Diu que-ns hè un deué, e lou cô un besouy, d'ayma, de respecta, e d'ayda tan que-s pot las noustes mays. Ende bien dise, tout aco s'en tourne au même, e que-ts hari afroun, per se'gu, se j'anaui ênsista. Ayma e respecta la marna, que bo dise que eau sabé- recounégue ço qu'a hèyt ende nous auts, e n'at recounegueram pu jamé, prou. Que eau segui lous souns exémples, se s'at mérite ; que la eau crése quan coumande, e pourta-u ayude quan ey aturrade pour cope-caps e pou bielhè. Lou Manescau Pétain qui-ns a tirats de hountes quan èrem au maje cru dou malur e qui parle toustém coum un pay, que-ns at arrecoumande à touts au jour de oey qui a boulut �— 112 — qu'aperèssin «la Hèste de las Mays». A bous auts, lous mey joéns, que-ts at hè dise per la bouts dous bostes reyéns e de las bostes reyéntes, e tabé per paperoles, estacades sous murs, qui dat granes létres de mogle ets disen quaucoumet coum aço : Maynadye, que-t calera rapela toustém ço qui déues à ta may. Que t'esmagineras la susprése qui mey ou pouyra ha plasé. Qu'amasseras quauques flous, flous de lane, flous dous cams, flous dou casau : que t'en haras un bouquét, e que l'y balheras en tout embiroa lous touns bras à l'entour dou soun cot. A l'escole, que haras tout ço qui pousquis end'aué de bounes notes sou cahiè, qu'apreneras tabé quauques bèrs end'ous y recita : Mama, qu'ey ende bous !... Dat lous touns frays e dat las toues sos, ne j'auji pa jamé ne disputes ne patacs : qu'où saberé trop de mau. Que l'ayderas à ha las causilhotes dou menadye, l'arrise sous pots ; séns aténde que-t coumahdi, que Tangueras ha las coumissiouns, plea la bane à la hount, tira lou bin au thay, cerca lou pan au boulanyè, au mén se n'a. Tout aco qu'a l'èr d'està petit : de-cap en ue may, que s'agrandeys, que s'estire, que s'eslounque e qu'où boute dén lou cô ue mesure arrasère de plasé e de bounur. * ** Adare, ende feni, maynadyes e maynades, escoutats encoère aço: Qu'aymi de crése que, grâcis à Diu, qu'ats touts aci la boste may : 19 pousquits bé counserba loungtéms. Mé que bouleri qu'aoussits mau de cô en pensa aus qui Tan deja au cernentèri : sertout se soun petits, que soun lous mey à plagne. N'èy pa parlât que de la may : mé, dén la familhe, que j'a tabé lou pay : ne sera pa jalous de ço qui èy dit, mé à-d'ét tabé qu'où eau ayma, qu'où eau respecta, e qu'où eau crése. Que-ts èy muchat aquéste matin, ou que m'en souy sajat, lou mey beroy modèle de la familhe, dén lou biladye de Nazarèt. En-s poudè dounc balha lou boun Diu un exémple mey bèt que lou de quére May ta pietadoure, la Sénte Bièrye, e dou soun Hin, Jésus Nouste-Ségne ? Se bom lous uns e lous auts apregounti noustes deués, biram lou cap ser ets : que soum solides de-n tira las leçouns qui tourneran reha las familhes francéses, pou trabanh e dén Taunou. C. LAFFARGUE. armagnaqués. �— 113 — MOUNDE E CAUSES DE NOUSTE Lou Pouète armagnaqués Louis BAROU Tout ço qui-n saboum, qu'at escadèm dens lous estùdis de Léonce Couture e de Michelet. Despuch abriu de 1857, Couture qu'en debisabe dens la Revue d'Aquitaine e Michelet que goardabe tad et uesquoandes payes (de 225 à 269) dens lou sou libe Poètes gascons du Gers, publicat en 1904. Barou (1612-1663) que bibè en medich tems que Dastros (1594-1648) e que debè toutu èste hort despariè coume enspiracioû e coum léngue dou gauyous caperâ cantayre dou bou bî, qui hou lou soû amie. Que debè tabé liga-s d'amistat dab Pèy de Goudoulî, labets dens la soue clareyante renoumade. Quoan aquéste e dabe ue Flouréto noubèlo, au soû Ramelet moundi, lou yoén armagnaqués, escouliè dous quinze ans, qu'où mandabe aquéste cheysé qui-b a ue maye flayre lengadouciane meylèu que gascoune : En tout qu'on prése per aci la Girouflado, lou Souci, l'Englantino, dan la Biuleto, nou se gauson pas esplandi dumpey qu'el Ramelet moundi a crescut d'uno autro floureto. Lou gouyat qu'ère de familhe bouryése, lou soû pay, aboucat au Parlamént de Toulouse, yudye dens las Terres d'Astarac, qu'où dechè segui lous soûs goust ta la pouesie, e d'abiade qu'où bedém escribasseya en francés. Que-s coèlh très flous au casau de Daune Cleménce e qu'où bàlen d'èste mèste en yocs flouraus. En 1633 qu'entre coum reyent au coulèdye de Lesquille, mes en 1641 n'ère mey à Toulouse, l'amistat qui abè toustém ensegnade ta las causes dou soû larè, e la malaudie dou soû pay qui-s mouribe yoén, qu'où tournaben tau cèu de Pouyloubrin. Dens lous soûs memòris, D'Aignan d'Orbessan (citât per Couture) que parle de la demourance de Barou coum d'û bèt oustau oun arcoelhè mounde de la haute, l'abésque d'Ayre, lou président Berthier. Qu'auré ligat en û in-4° coupie de las soues oubrétes, mes à maugrat recérques, û tau libe noû s'ey yamey troubat. Oey lou die qu'ey las soues pèces en gascoû qui-s poden ençoère mentabe^ de cla en cla qu'y flambouréye l'aram poue- �tic. Lou counde qu'en ey prou brac, ya qu'ayam aquiu sudyècs trattats dab hort d'aloungues : Lou Printems (doun la fî manque), très odes: A la Gascougne, à l'aunou de Pouyloubrin (204 b.), sus la mourt de Gouloulî (80 b.) ; enfingues û pouèmi : YErmite amourous (180 b.), ue couyounade estirassade : Lou toumbèu de Beaulieu (240 b.), e quauques epigrammes. Barou qu'ey d'û tems oun la pouesie n'ey pas mey la daune caste e presibe doun parle Cervantès ; qu'ey la mustre dous dius e dibesses de l'Olympe, lou minousè de rédes coumparès, la mesclagne de las puntes d'esperit ; n'a pas lou hilh de Pouyloubrin aquere bounoumie qui plats tant dens lou caperâ de Sent-Cla, ne tapoc ûs patacs dou co qui sauben à trabès dous sègles las méndres coumpousicious, sounque lhèu dens l'ode à Goudoulî ; qu'ey aquére pèce qui hicarém au cap se calousse causi dens l'obre soue, l'estrofe, de quoan en quoan, que y'alatéye, e mèste Couture qu'a resoû de dise que se lou moundi poudou audi la claretat d'aquéres arrnounies que s'en regaudibe dens la proube de la soue hosse escure, et lou... mèste deu mestiè tant qu'orne ac pot èste ! L'Ode à l'aunou de Pouyloubrin qu'ey sénse eslans lirics e noû puye qu'à miéye coste, ya que s'y troben troussets coum aquéste : En l'arribère la mes grasse, un tant boun pasteng noû s'amasse coum lou qui crech en noustes prats, tant que lou Gers mous abesie e hè seca de jelousie lou Sousoun, la Lause e l'Arrats. Las ragues, las rouges malhoques bermelhéjen à bères troques tant sus la plane que suou roc, e lou jus de lur ambrousie, mes dous que lou mèu, rassasie lous majouraus deu noste loc. Dens l'ode à la Gascougne que y-a de praubes yocs d'esperit ; nou-n haram nat aut counde, pusque la publicam ; dens YErmite amourous noû saberém pesca dèts bers de seguide qui sien echényes de taus moumbrances are pla rédes e pla mourtes. Dens lou Toumbèu de Beaulieu (û hilh de quauque, û hartère) Barou que s'eslurrara mey à de capbat dens l'estil burlesc �— 115 — e la couyounade boufoune ; 240 bers de rimatòris, doun aço e deu suberbibe : A mort campanetos, à mort ! patic-patac, toutes d'accord per la plane ; que boste sounayre de soun batalh nou béngue flac, e d'un brut qu'espauénte l'ayre barrats la bouque à Cardeillac. Qu'ey aquet Cardeillac ? La maye campane de Toulouse balhade per l'archebésque Yan de Cardeillac en 1380. Dab û passadye imitât d'Ouraci, l'Ode à Caliste, qui publica" bem dens lous Reclams, e ue epigrame soubén emprimade oun segoutech las plumes à quauque mechan pouète : A la hountéte de Pégase tu-t bantes de t'esta bagnat, dequiau houns jou crey qu'es anat car la rime sent à la base, qu'en aberam acabat dab Barou. Om que bed que lou hèch qu'ey leuyè e hort mesclat de yèrbes endrougades. Tau coume ey, dens la soue coste broustassère qu'amuche quauques flous, que hè lusi quauques perles. N'ey pas que nou siam medich esmabuts cPescade dens lou soû debis qui parech d'enspiracioû francése d'aquets moûts natres de souque naciounau : esplandi, tinda, arribère, clarin, tap, poumpous, mascadure, muralhes arroutes, majourau, etc., e desparescuts lhèu en bâche Gascougne. O, qu'en eau coumbiéne, que hou au soû tems la bouts de la Terre beroye e que deu este counegut quoan nou aberé escriut que la soue Ode à la Gascougne, biélhe de très sègles. Que dara bounes probes que n'ey pas de oey que lous hilhots de la Patrie ne debisen e, perma ! medich dens ue tempourade oun la pouesie ère coume ennublade, lou pouète d'Astarac, bantan lou soû sòu, que s'en debè tira à la soue aunou e à la nouste. Lous qui soun anats ta Pouyloubrin qu'où disen apourat sus û tucòu enter las bats dou Gers e de l'Arrats. Dou soum, la biste que s'en da d'û estrém sus lous coustalats bouscassuts e de l'aute sus la dentèle garrouquénte de las mountagnes embluides. La demoure soue qu'ère de pès en 1904, suban Michelet e que s'aperabe Lou Garousset. Perqué nou seré, d'are enlà coum d'autes nids, Mouncade, Mirarhoun, Passama, Furé, loc de beuraymadye ? M. C. �— 116 — RECLAMS DE PERQU1U Lou Teàtre nouste. Tout aquéste an, la nouste yoenésse que tribalhe entaus praubes presounès qui patéchen en Alemagne e ta trouba dinès, arré de miélhe que las pastourales. Qu'en an dat e que s'en da en hère d'endrets oun nou abèn pas yamey sayat de basti û empount de teàtre. De tantes qui soun, n'ey pas poussible dous mentabe ; digam toutû, au hasard de la memòri, de qu'an yougat à Aubertî, Lou bilhet de permissioû e à Nabarrens, Lou bounur qu'ey à case, de Yane de Mauco ; à Gabarnie, Griset nouste de M. Camelat ; à Thermes de Magnoac, Pansard e Lamagrère de P. Abbadie e La Bugade ; à Pau, Lou Franchiman de Palay e d'autes coumedies dou medich : Cadichoun e Caddetoû, Lou marcat de la trouye, La reyente mancade,. etc., à Hayetaubî, Marsac, Tillac, Toustat, Andougns, etc. Lou Bartè, qu'at abém dit, que s'ey tabé anat passeya en ues quoandes coumunes de Biarn e de Gascougne. A Espoey, qu'a calut youga dus cops Caddetoû. Pertout, si-ns escriben, autous e actous qu'an hèyt flôri e lous noustes presounès, mercès à touts, qu'aberan abut quauque soulas dab lous « colis » qui aberan recebut de case. A perpaus dous Noums de persoune. Sus l'article parescut aus Reclams de may-yulh, Antoni de Bastard que-nse mande aquéste note : « Dominique de Bastard, badut en 1724, qu'estou, en 1748, Gran Mèstre de las aygues e dous boscs en Guyenne e tabé en Biarn ; qu'abou la cargue dinqu'à la fî dou Reyime en 1790. En gran-mercés dous soûs serbicis, lou rey Louis XVI, sus decisioû dou Counselh d'Estat, qu'ourdounè que lous boscs d'Estat, lous de Larroun e de Barralh, à dues lègues de Pau, e serén mentabuts, d'are-ença, Bosc de Bastard ; e aco qu'estou hèyt lou prumè dou mes mourt de l'an 1778 ». Fédéralisme e Goubérn. Quoan dens lous tems d'autes cops e gausabem hica endabans lou mout de Fédéralisme qu'èrem d'abounde trattats de machans sudyècs, de séparatistes prèstes à darrouca Daune Republique. Mes, dens la maye deshèyte, qu'en èm à créde que la douctrine hounide que sera la branque qui saube lou negat. E n'ey pas u tau ou u tau qui-n debise, mes lou Cap d'Estat. E y-a �— 117 — deu èste auta bou patriote que lous pelousars qui hasèn la ley... Coum aubribe la prumère amassade dou Counselh naciounau que digou : « La source de l'autorité... vous la trouverez dans la famille, dans la commune qui est une fédération de familles, dans les métiers, dans les professions organisées, dans les pays fédérés en provinces qui ont marqué l'esprit français d'une empreinte indélébile, au point que chacun se vante d'être de celle-ci et non de celle-là »... U parlamén coume en dabe Mistrau, e au darrè d'et Devoluy, Jouveau, Carie Brun, Palay e tandes auts : Quau felibre nou-n seré acounourtat, quau nou seré segu que la Rebiscoulade qu'ey en b'ounes bies ? L'Espausiciou d'Auch- La Soucietat arqueouloujic dou Gers, sus lous embits de Mous de Bregail, que bien d'entinoa ue Espausiciou d'Art gascou, qui-s tienera en Auch aquéste mes de setéme. Que-s hara sustout dab la coullabouraciou de l'Ensegnamén ouficiau e de l'Ensegnamén libre ; proufessous e reyénts que y'èren coumbidats per l'enspectou d'académie Boissas. Lous tems que soun escus, lou sòu que tremoule. Toutu l'Escole Gastou-Febus que-s deu ad ère mediche d'en esta. Que pregam doungues noustes counfrays, besis d'Auch, de s'en enténe dab lous membres dou Coumitat oun leyim dab gauyou lou noum dou nouste amie lou pintre Lacoste, e d'ayuda de ço qui pousquen ad aquére manifestaciou. Lou canoUnye Laffargue, counselhè de Gastou-Febus, superiou dou Petit Seminari, que-y représentera la nouste coumpagnie. L'ensegnamén de l'abiéne. Quau sera e quin sera ? Lou mayourau Salvat, proufessou de Léngues roumanes à l'Enstitut Catoulic de Toulouse, en octoubre darrè, qu'en abou u loung prousey dab lou ministre de labets, Ripert. Aquéste, en fî de coundes, qu'où declarabe : « Il ne semble pas possible encore d'enseigner les dialectes7 dans les écoles primaires. Je crois que la réforme doit venir d'en-haut. Nous ferons la réforme dans l'enseignement supérieur lui-même. Pourquoi n'envisagerions-nous pas l'institution, à la licence ès-lettres, d'un certificat de langue provençale, occitane si vous aimez mieux ? Et nous aurons alors des licenciés �- 118 — de langue d'Oc dotés d'une culture classique complète. Au collèges lycée, ces jeunes professeurs pourront enseigner la langue d'Oc, et nous étudierons alors les possibilités d'une interrogation de langue d'Oc au baccalauréat. Les élèves-maîtres de nos Ecoles Normales devront d'ailleurs se présenter au baccalauréat. Et ils seront prêts à enseigner la langue d'Oc à l'Ecole primaire ! » Aus Reclams bèt tems-a, n'abem pas" dit aute cause. Nou sufech qu'u decrèt ou ue circularie e coumanden l'ensegnamén (qu'en aboun tandes e de toutes las coulous ! » mes dens la fourmaciou d'u cos numerous de mèstes. Escouliès, nou mancaran yamey. Mes, encoère u cop, qu'ey necessari tabé que l'ensegnance qu'arrecoutésque à quauqu'arré. Messius lous Leyislatous, se dechats la nouste Lengue hore de l'Escole, se nou la boulets que coume matériau d'ayude, e nou coum mestiou prencipau, se la coulloucats au cournè de l'escoube-sòu, quau ey lou mèste qui-n boulera ? Tournats-lou lou lustre qui l'ey début, estudiats-la sus lou medich pè que lou Francés, coume ue léngue naciounau, mèstes e escouliès que-b seguiran. Nou poudets ha de mench, bous auts qui-b bantats, à cade pause, d'èste lous disciples dou Pay de Malhane. A perpaus d'u dise de F. Mistrau. Carie Maurras dens la Revue Universelle, numéro de yulh, qu'escriu ue pensade que lou Mèste lou largabe en 1913, coum l'abè anat coussira : « Ecoutez, on m'apprendrait que, là-bas, au bagne, à Toulon, il y avait un voleur, oui un voleur, même un assassin, qui fasse de beau vers provençaux, eh bien ! j'irais le voir ce voleur, cet assassin, j'écouterais ces poèmes, et s'ils étaient bons, moi je l'embrasserais cet homme ! » Per nous auts, lous de Gastou-Febus, coum s'escadèm ue doudséne, lou dilus de Pentacouste de 1901, à Pau, e hasèm l'aròu adentour de Mistrau, que l'audibem deya dise-ns aquéste qui ey dou medich brouquet : « You qu'aymi mey û galeriâ, u mâchant sudyèc qui trobe quauqu'arré de nau (ou beroys bèrs ou remèri à ue soufrénce) qu'u bouriés pansourrut qui s'arpaste de las réndes qui l'an gagnades ». Que poden léye aco dens nouste article : Adentour de F. Mistrau, Reclams de 1934, paye 508. �— 119 — Counferénces. Nou poudém mentabe que poques batalères hèytes aquéste tour capbat Toulouse e Mountpeliè. Segnalém tant per tant la qui hasè Mous de Lizop à la Facultat de lètres moundine sus Mistrau aquéste mes de heurè. A l'Institut catoulic, l'abat Salvat que dabe quoàte leçous sus lou pay de Malhane ; enfingues, au Clapas, Yan Bourciez, proufessou de Léngues roumanes, que debisabe de las gouyates dou Mieydie, de Gyptis à Mirèio, en coussiran per Laure de Pétrarque e Zani d'Aubanèu. Lou mayourau Azema qu'a hèyt tabé cheys leçous sus la Literature d'O à Mountpeliè de 1600 à 1850. E à Pau, si-m diserats ? E bé, dens nouste capdulh de proubincie, per ue troupe de rasous trop loungues à desglara, nou bedém pas que s'y pousque per encoère larga taus debisères sus la litérature nouste. L. R. LA RICHESSE DOU PRAUBE Lous noums esquèrs de persoune Batbie, Batbies. — Mout coumpousat de bat (vallée) e bit (voie) qni seré, lhèu, estât dat à ue bat qui ère en medich temps û camî principau. Basiét. — Que pot abé à la souque base ou basî. Baucouy, Baucouyè. — Mout coumpousat de bau qui bòu dise roc de mountagne, malh, e de couy (chauve), û roc nud. Bayac, Baylac. — Atau que s'apère ue loungue, soulide e souple esparre (gaule) ; en certéns endrets, qu'ey lou noum de la pèrche dou car. U baylac, ya que lou tèrmi ne sie pas mey emplegat ta d'aco, qu'ey ue plantagne d'esparres, aperat tabé esparroa. Cf. Barinque. En daubûs reyistres, lou scribe franciman qu'a escriut Beillace Beylac, suban la soue manière de grafia... e d'enténe. A Paris, Bayle que-s dits Bêle. Berrelh, Berreys. — La dusau forme d'escriture qu'ey, proubable, ue desfourmacioû per l'aurelhe de la permère, laquoau pouderé esta tabé la desfourmacioû de berégn (vignoble) terre de, berégne. A Faute cap de las Pirenées, û berrelh qu'ey ue plantagne d'olibès. Aquetnoum de persoune e bieneré dou Rousselhoû? Que courrespounderé aus noums de Bergez, Duverger. (que seguira) S. P. NOTE. escus. — Que daram, à la fî d'aqueste tribalhot lous noums qui-nse demouren �— îàô — LAS TRADICIOUS ERBES DE HA GOARI SABUC (sahuc, saiic), sureau. Ha tisane e dab l'aygue laba-s'en loùs oelhs quoan hèn mau. La dusau pèt dou sabuc, en tisane que purgue. AURÉLHE DE CRABE, plantain. La hoélhe en tisane qu'apatse lou mau dous oelhs. GENÈBRE, ABET, genièvre. Bouta au seregn lous grans de genèbre e ha-n préne très matins e très grans per matin, aban km sou lhebat, que cope la frèbe quarte ou tierce. SACRÉ, verveine. La tisane que hè debèrse. CASSE, CASSOU, chêne. La prumère pèt de casse, la qui toque au boy u cop la pèt groussière tirade que goarech la frèbe. GATEPUCHE, ricin. Quoan las gragnes soun madures que las minj en coum lous aurans. Que purguen. Que biren l'estoumac e que bouten chens pous. GAHECS, bardane. Ha bouri la came e bébe countre au rume. ESCAPILLÈRE, capillaire. Tabé en tisane countre au rume. HEUS, HEUGUÈRE, fougère. Hacha-le e ha-le flamba à Poli bourént e ha-n un cataplasme s'ou cindre (zona) atau que-s goarech. Ha-n préne lou jus de Parrasic plan labade, arrasclade, aus maynadyes countre lous bèrmis. PLANTE GRASSE (toute brocs s'ous téules). Que hè barra lous pics. Mes d'aquére plante nou s'en trobe juste mey. BIULÉTE DE CAM, violette des bois. Ha seca la flou e ha-n tisane. Que balhe hourtalésse à l'estoumac. FLOT; DE LA SÉNTE-BIÈRYE, millepertuis. Ha trempa à founs la flou dehens Poli, que goaréch mey que nat remèri plagues e blassadures perbielhes e mâchantes que sien. Coum tisane que goarech la flus de sang, sustout la dous maynadjes. AUCHÉN, BARBOULÈRE, absinthe. Que tube lous bermis. Pené-u au cot dous maynadyes. Hacha-le, tira-n lou jus e ha-n préne quauque goûte dab un petit culhè. MENDRAS, MANDRAS, menthe. Countre la frèbe, ana saluda lou malau, aban lou sou lhebat en dise : Adiu, mendras — jou qu'ey la frèbe, tu ne las ; — que-t dan pan, que-t dan san, — que-t dan la frèbe e que m'en bau. Qu'où jéte pan e sau e que s'en tourne à case en passa per ue porte per oun n'ère pas sourtit. �— 121 — FENOULH, fenouil. Qu'arrèste lou diable n'entri pas. Qu'où bouten lou matin de Sent Joan, aban lou sou lhebat, à las henèrcles de las maysouns, de las bordes, aus traucs de las sarralhes. Que s'en boute à las crouts de Sent Joan qui pénen à las portes. Lous qui-s crésen ensourcierits, lou matin de quère hèste qu'an a minja aban lou sou lhebat, ue mouléte dab fenoulh. ALH, AGN, ail. SEBE, OUGNOU, oignon. Mesclats dab souje qu'en hèn cataplasmes countre lous hics. Ue corde d'alh au cot dous maynadjes qu'ey countre la bermière. ■f> GÈYRE de terre, GÈDRE, lierre terrestre. Tira-n lou jus e bebé-n, ne tournen pas toussi, per biélhe e pregounte que sie la tous. ROUMANIN, romarin ; SABI, sauge ; MAUBE, mauve ; CENISSOUN, séneçon ; ARRAGUÈ SAUBADJE, fraisier sauvage ; OURTIGUE LOUNQUE, ortie blanche ; ESLOUS DE SABUC, fleurs de sureau. Ha cose tout amasse e ha-n cataplasmes countre lou mau de cachaus,, lous eslourouncs. CAULET, chou, hoélhes de caulet sus ue plague que la hèn seca. PABOT, pavot. Enta goari lou mau de cachaus dab fluxioun ha brusla gragnes de pabot sus la pale dou hoec e abala lou hum. Arroun aco, abala la humade d'aygue bourrénte boutade en ue terrich ; troussa-s lou cap enta nou pas decha pèrde brigue de hum. L'escoupit qui s'en ba sus l'aygue bourénte, que hè segui lous bèrmis qui s'arrougagnen la dent cariade e balhen lou mau de cachaus. CLARIANE, chelidoine. Bouta-n à la bouque d'un boéu ou d'ue baque entreflats (météorisés) e ha-us y abala. Que-s desénflen e que soun saubats. La tisane qu'amendrech lou diabète. ' BERBÉNE, verveine. Ha-n minja aus aucats ; qu'ous purgue. OURTIGUE, ortie. Que-n balhen hachades aus petits pouloys dinque qu'an tirât lou rouje. PEYRESSILH, persil. Escoutats aço : Enta que gàhi que eau planta-u en arrise. Hacha-u e bouta-u s'ou houns dou bénte que hè picha. ARREGAGNOUS, ARREGAGNETS, ARROUGAGNETS, fausse oseille. La tisane de quére arrasic que foéte lou sang. G. DAUGÉ, lanusquet. �— 122 — LAS LETRES De Marcel de Saint-Bezard au nouste Segretari en pè 13 de yulh de 1941. Ya débets pensa-b, que d'èste doegn nou m'empêche de sauneya dous amies e de nouste bère proubincie qui cèrqui a ha ayma. Nou y-a goayre que hasi ue Counferénee sus la Gascogne. La bite per aci qu'ey toustém la mediche e brumouse coum lou tems, toutu que hey ço qui pouch la tribalha chens cès, qu'en souy dab lou grec, lou lati, lou francés, l'aleman e à bèts cops lou gascou. Mes be-m trobi doungues soulet ; quoan ey qui aço s'acabera ? A l'entan, que-m enciti à demoura caperâ e tabé y yénee amie dous bostes ». * * De Yan Louis Cantet au medich.15 de garbe de-1941. Brabe amie, y-a debéts sabé que s'èy dechades las létres loungtems-a, noû soy sensé escuses, e espiats tout ço qui pouch escribe aquéste cop, goarda-b anoeyt û bou testimòni dou me soubeni e de la mie amistat segure. Que pensisoubén à bous e aus amies Febusièns dab l'ahide que de tout ço qui s'ey passât, e lhèu se passara encoère, ue cause qu'en suberbibera : la tasque. Que crey qu'aquéste ahutade que y-a ta la nouste cause au mench proumesses : Que las haram baie ! Santat ayat ! Lou boste... CAPBAT LAS CARRERES UE DESHEYTE DE MARCAT Que m'en tournàbi dou marcat après ue yournade de hourrère, lou bielh car que s'empliabe de cares lasses de paysâs e de piéles de sacs e de tistalhs. N'ère pas encoère lou tems de las « restriccious » e dous tiquéts de misère, tabé las cousinères de la bile, gourmandes coum padénes, qu'abèn lheyut ço de yénee e dechat de coustat, dab mounes de mesprèts, las pères agrès e lous mounyous cussoats. Lous agnets belayres e entecats, lous pourets qui n'abèn que plumes e cames, en tournan-s'en ta case, puyan la coste que hasèn musique mey que lous beriacs ; lou car que brounibe coume û echàmi d'abélhes en tems de periglade. �— 123 — Qu'abi daban you, asseduts sus u sàquet de sau, û parelh d'aulhès drin escauhats per tout lou bî de la yournade. Que discutiben en hasâs esmalits : Las baques qu'èren à da, las aulhes nou-s benèn, e lous maquignoûs, mey empertinents que yamey, que-s trufaben dous praubes truque-tarrocs : — As-lou benut, hòu ? tu, Minique, lou betèt de cheys semanes, ca-u disè Bernatou ? — Nou m'en parles, bèn ! Benut que l'èy, mes à carn de câ. Aquets bouchés que serén touts à escana ; coume layroûs en hèyre que s'en enténen, e à très que s'y soun hèyts à marcadeya-u-me e à tira-u-me per arré, quoan m'an abut prou embrouchoat. E tu, quin marcat ? — You ? Ah, qu'èy hèyt marcat se s'en pot apera ! La daune que ba esta métche anoeyt, e que m'en bau poudé ana droumi au yas dou palhè se bouy la pats. Que sàbes quin ey brabe la mie barbude e que-t podes pensa quin serèy pla arcoelhut. Qu'abi dus roumàdyes e quins roumàdyes ! Hèyts de leyt pouy ride e de co eslourit, e boûs enta ha creba û câ. Que m'en y souy dat à ha-u-me croumpa à ue biélhe torte qui, proubable, nou abè minyat de oeyt dies, permou qu'abè la care loungue e séque d'û chibau de cirque. Mes l'aute, qu'où m'en tourni e nou sabi que ha-n, permou que la mie hémne qu'ey prou pousoû sénse minya-n d'aquet. — Bam-lou ! — Tè. Tu qui as tirât sos, qu'où me pouderés lhèu croumpa. — U roumàdye pouyrit ? Qu'èy lou ganitèt mey fî que nou crédes. Bam, toutu. — Taste-u, qu'ey medich pla beroy, eh ? e boû ? — Mes, be m'as dit qu'ère hèyt de lèyt pouyride e de co eslourit ? — Bos-te cara ! La lèyt qu'ère dilhèu drin passade, mes la cabe que l'a arrenyat e qu'ey are û boucî extra. — Que-m sémble de que put drin hort e la toue cabe qu'ey au ras de la yasse dou bouc. — Noû, qu'ey lou perfum dou roumàdye, lou faboegn. U boû roumàdye, ta èste boû, que deu senti hort, senou nou masque pâ. E puch, noû bédés quin ey beroy troussât, la péle fine coum la pèt de gouyate, e-trénde débat lou dit pos, e gras. Toque-u, tè ! Moussu mayre nou-n minye pas que d'aquets e sabes quin a la bouque gourmande. Que dits que, soul, lou me roumàdye que da goust à la ganurre quoan passe. — E quoan ne bos d'aquet tros de mique ? �— 124 — — Que m'en as à da dèts Hures, permou qu'ey bou. — Dèts liures ? Qu'ès hòu. Qu'ey auta leuyè qu'ue murguéte. — Leuyè ! Suspése-u drin ! Que pèse mey de dus kilos. Que m'en daben dèts liures e miéye adès, e dèts liures qu'ey û prêts d'àmic. E puch qu'ey boû. — Per oeyt liures qu'où te préni e encoère dab mau de cô. — Noû, noû, dèts ! Ne û ardit de mey, gouste-u senoû qu'en a sapte, eh ? — Dèts liures ! Dèts liures ! Dèts liures ! Tè, lou car que s'estangue. Sabi paga-n û pintou enço de Poupebî. Que bederas quin après û bourrât de bi blanc, ey bou lou roumàdye. En yemican, en s'ayumpan, en escrasan pitou-pàtou lous tistalhs, que gahen touts dus ta l'aubèrye. Bernatou qu'a lou roumàdye. Nou sey ço qui hén deguéns ne quoandes ne bében. Coume lou car tute ta tourna parti, que soun aquiu mey escauhats e lou nas rouy, e la léngue empastade. — Ya, ça hè Minique, en se dechan cade coume û soue sus lou sac de sau. Quin marcat ! Que-m ba passa la hémne ! Nau liurés e û pintou de bî, be se-m tourne ca lou roumàdye de lèyt pouyride e de co eslourit ! couquî de Bernatou ! — 0, si hè aquéste, mes qu'ey boû ! mes qu'ey bèt drin boû ! CADDÈT DE GABISO. LOUS QUI S'EN BAN Louis Béchet Nou dechém passa la mâchante noubèle : Ue crude malaudie qu'où sarrabe, que l'estacabe bèt tems-a ; Que poudoure bibe senou encoère pusque la soue badénee ey de 1873. Qu'ère sustout òmi d'acciou, counferenciè d'eley, e de Vaurias e de Veisoun, oun a hèyt demourance loungtems, que l'agradabe d'apoudya-s lous diményes e de debisa dous daufhiéns Grivel, Almoric, etc. Qu'abè medich escribut taus Reclams*ues payes sus l'abat Pascau, l'autou de las Fatourguetos. Qu'où debém u beroy libe Tout en beilejant, esclaride amistouse sus las ores de la soue yoentut. Bint ans-a que gabidabe l'armanac Lou Bartavèu e que-s parech que sus lou sou lhèyt de mourt, que s'en amaneyabe de coupia la mestiou de l'armanac de 1942. Aco que soun endiques sus lou felibre ; mes l'ômi, quin ère bou, brabe, serbiciau ! Quoan de cops nou-ns ère degrèu de sabé-u tant enla, à �— 125 — Faute cap de la Terre d'O. Ue care, ue boulentat parières, quine ayude, se housse gascou ! La soue desparescude que sera sentide mayeméns p'ous sous counfrays de Proubénce e tabé p1ous capdaus noustes Daugé, Palay : Qu'èm de co dab ets hens aquéste passade doulénte. M. C. MOUNDE E CAUSES DE L'AUTE GUERRE LOU CARNET D'U PAYSA (seguide) La Marne 6 setéme. — Sus toute la regue, per tant de bire-plecs qui hasque, Ious noustes que debin ha arrepè. Aus qui, yé encoère, ens atulàben, oey qu'amucham lous cachaus; haut adare sounque endabans ! E que caminam ; coum lous chibaus qui-s sentéchin ue mâ segure au cap de las guides, nous auts qu'abem retroubat la hide dens la bictorie. Espouderats qu'èm, e las cames, aflaquides deya dab lous béntes de hàmi qui-s bedém, n'an ta da-s u ressort que l'idée de qu'abançam. A cade pas qui hèm qu'ey u tros de terre aymade qui tournam repréne à l'embadidou. Mes oun ey dounc l'enemic? qu'abançam toustem e nat brut de canou n'arribe entaquio nous. Aço que ba, si dure quauques dies atau que bam segui-u enta lou. Mes toustem qu'abém hami e nou cracam que poumes crudes. Que-m èy troubat u croustet de pâ. Coum u câ que-m y soy yetat. Be-n y a us quoandes toutu qui l'an bist ? Mes be eau créde que soun estats mey desincous que you. Que l'ey curât à tout tour e que-m ey empassat lou mous qui demourabe. Qu'èm très à ha colhe amasse, cadu qu'arrape ço qui pod capbat lou die, puch à cadude de noeyt que hèm gaholhe de ço quiabém. Oey qu'ey hèste. L'u qu'a poudut cot-torse u poulet, lous auts qu'abem desarrigat poumes de terre. Yuste sus l'estrem dou cami qu'ard encoère u hoec e, hens ue maysoete abandounade que-nse gaham u herrat. Dab aco qu'èm saubats. Penut au cap d'ue barre lou piquentèrre que birouleye sus l'eslame e quoan couménee à cose que-y yetam sau dessus. De sau nou mancam pas, cadu que-n porte u cournet dens la musete. Dens lou herrat las patates que charliten, que soun coeytes. Qu'at crederat si boulet, mes qu'ey bertat : à très que s'at abem tout minyat en u birat de oelh. Yamey. que-b asseguri, n'èy hèyt u disna parié. Qu'abèm lechat abança la coumpanie mes ballèu, sadouts, que �— 126 — retroubam lous coumpagnous e que bebem amasses lou café en goardan-se pla de parla de la nouste hártère. Qu'èm au 8 de setéme, puch au 9, e toustem qu'abançam chens entene batsarre. Dens lous biladyes la yent esbariade l'aute die, que regabe couradye e que-ns salude gauyousamens. Que plau mes que marcham toustem. A Château-Thierry qui trencam que guigni de cade estrem, la bile qu'ey estade pilhade, en-ça, enla, que-n bedem las probes. E tout loung dou canau, de l'aute ribe, dens l'usine Couesnon oun se hèn lous enstrumens de musique, tout qu'ey mut : Praube musique bertadère oun ès, lous bruglets dous canous soûls bidare qu'an dret de ha-s audi ! Té! que passam au pè de l'estatue de Lafontaine, aquet qui-ns abè tant pla yudyats e pintrats débat de la pèt de las besties. 0, pourtayres de biasse, lou co souben plé de machantè taus soun encoère lous omis, lous praubes omis. Mey loegn, à l'entrade d'u biladye que bedem ue taule parade sus l'estrem de la bie, lous alemans qu'an début hoeye abans la fi de la riòle. — « Qu'èren aquiu yé sé, si-ns disin lous de l'endret ». E toustém de plabe : qu'èm choups dinquio la pèt. Lou mounde que s'estounen hère quoan lous demandam oun èm e que-us disin que lous alemans, chens enqueri-s, que sabèn oun anàben, oun èren pertout l'oun passaben. Qu'arrecoutim à Courville. Aci qu'encountri lou fray, que bien d'esta noumat capourau. Tant mielhe, que bam arrousa lous galous qui nou-s a poudut encoère couse. Que s'escat plâ, qu'ey u pâ sancé balhat à l'escounut per u amie dou rabitalhamen, et qu'a u lapi roustit. B'èm urous de poude, u cop de mey mata-s la hàmi amasse e quin bounur de batala dous de case ! Aylas, que eau separa-s mes, abans, que-s partadyam la nouste fourtune. N'a pas mey nat so, sounque de que huma, you qu'èy mousilhe encoère mes brique de toubac. Adiu bèn, ta gn'aute cop. Que passam à Beaurieux, lou canou que brugle chens cè*s. S'ous estrems de la carrère que-s bedin pièles de doulhes d'obus tirats p'ous noustes. Lous alemans n'an pas l'ayre d'escapa-s coum dinqu'adare. N'èm pas loegn de la hèste. Tout lou die qu'abem caminat; la noeyt que bien e n'èm pas encoère au punt oun se demouren. L'oelh miey ubèrt que campam au Mouli-Rouye. A la punte dou die la fusilhade que-ns hè estreyta. Biahore ! si criden. E que-nse mien a Pontabèrt oun, hens u cam de blets, se poustam en tiralhurs. Balléu qu'ey hens u castèt qui-ns aucupen à hourada lous murrets ta poude tira per aquets buyaus. Cap au sé, talèu la soupe empassade, que regaham lou cami. �Craonnelle trencat, que puyam sou plané d'Oulches. Adare qu'ey la noeyt escure, que plau, lou bent que bouhe tau diable, miude e sarrade la plouye que-ns flingue la care. Apuch ue loungue camade toute de paupeyades, sus l'estrem d'u camiot de terre que bedem ue rengle de plaps negrous. Ço qui soun aqueres oumbres coucades ? De bouque en bouque que-ns arribe l'esplic. Qu'ey ue secciou dou 34au qui-s repause estenude per terre, cade òmi que-s ey munit d'u mantou e que-s aprigue dou mielhe qui pod. Arribats aquiu dus dies-a, que-s soun pataqueyats. Adare que sabém, que coumpreném ounbam, d'aulhous que-ns at disin labets : que relhebam u batalhou dou 49au. Deya lous noustes oelhs que-s hên à l'escu, sus nouste cami que troubam mitralhuses alemandes despatracades per l'artilherie nouste, fusilhs abandounats. De mey loegn, pourtats p'ou bent e mesclats aus sous siulets que-ns arriben lous plagns dous alebats. Sus aquet heroudye cam batalhè que seguim abuglamens lous gradats ; oun anirém soûls per aquet escu ? Quoan de tems n'a calut abans de poude atégne lous qui cercam? Que-y èm toutu. Autalèu que preném la place dous qui soun countents de s'en ana ; tout loung d'ue trencadote, coucats sus u palliât de cames de habe, que passam la noeyt à goeyta cadu soun tour. Nou pouch cluca l'oelh à maugrat siéngui arreberat. , E la plouye, la maladite plouye que cad toustem. urousamens despuch quauques dies qu'arroussegui u gran sacot de tele e que pouch apriga-m u drin. Lous mes oelhs que hounilhen la negrou. De pertout, esbarians qu'arriben lous plagns estoufats dous praubots qui sentechin la mourt estregne-us de mey en mey hort. Que-n èy lou cô esglasiat. Be-m trigue, moun Diu, de rebede lou die ! Biengue ço qui biengue nou sera tant triste qu'aqueste noeyt oun me sentéchi pergut dens nou sèy quin endret. Las courties de l'escu que-s esquissen, en-ça enla que pouch destaca plaps negrous dou sòu. Que debin esta lous mourts d'à tout tour. A ue bintene de pas, daban nous que soun estenuts dus alemans. Qu'a calut lou die ta que sapiam qu'èren aquiu claberats sus place; de toute la noeyt aquets alebats n'an lechat' escapa lou mendie plagnet qui-us aberé pouduts ha aucide. Dab u camarade brancardiè qu'aproucham d'ets ta balha-us soegns. Que coumenci lou mé nabèt mestiè. N'èy pas pòu adare, que-m sémble qu'aci, lou boun Diu que-m goardara de mau si hèy lou nié debé. Lous dus alemans qu'an deya lou pensamen hèyt. Que-nse hèn coumprene qu'an set e hàmi. L'u qu'a la coéche e �— 128 lou bras coupats, qu'où dam de que bebe mes à l'aute qui a lou cofre traucat n'ou balham que de que mulha-s lous pots. Que-nse hèn poutous'à las mas en dise : Kamarade, ospital ! Ta pourta-us que-ns manque lou brancard, que boy cerca-u à l'ambulance qui deu esta au biladye. Mes, tant qui soy debarat ta Craonelle, l'enemic que s'ey yetat sus lous noustes, la mitralhe que cad pertout. Qu'èm ras de la tour de Vauclerc, adare toute traucade p'ous obus. A tout tour nou s'y bet que cadabres à pièles. Lous alemans e s'y èren atrassats ta bouta-s à l'acès? N'at sèy. B'ey esbariable, moun Diu, aqueste mesclagne de membres en chiquetes! Deguens, soûls dus bius, qui de toute la noeyt n'an arrestat de crida. U sourdat e u auficiè. Aqueste en u francés natre que-ns demande de pourta-u à l'espitau, que pagara co qui calhe. Nou ppudém nou, bacha-us tau biladye. Lou 75 qu'a hèyt aci tribalh mirabilhous e que m'en esgaudechi puch y-a qu'adare que eau tua ta nou pas esta auciguts. Mes que s'en ba l'ore de hoéye aquestes murrets tremoulans. L'enemic qu'ayuste la tour, ballèu aci nou-y abera qu'ue pièle de carns e de calhaus. Arrestades p'ous numerous trebucs dous camis, noustes bateries n'an poudut arriba prou lèu. Adare, talèu poustades, que debin hoeye de tant lous auts arrebàtin lou loc. E nous auts, en retreye-s à drinous que bedem palhats de mourts ^alemans, pertout que-n y a dous qui nou boudyen mey e tabé dous alebats qui daban lous francés tremoùlen de pòu d'esta acabats. Que sayamde s'en amia quauqu'u. E qu'arribam à la ligne aucupade yé p'ou 34au. Qu'an tirât hère aquets balents mes que coumptam aquiu ue sichantene de mourts dous noustes. Praubots, dinquio qui ue baie ey biengude trauca-us lou cap e estanga la loue ardou, qu'an tirât cops de fusilh. Nou-y a qu'à béde lou pialot de doulhes qui parech ras de cadu. Qu'èm esmudits à la biste de tandes d'auciguts. Au coustat dous mourts, e si eau, boutan-lous drin enla, que-s ayerg'am e qu'atendem de pè-rem. E dou cèu qui semble per toustem crebat, la plouye chens cès que cad. Nous auts que preném pè dens aquéste parsâ. {que seguira) ZABIÈ DE PUCHEU. L'Emprimayre Mèste en pè : E. MARRIMPOUEY. �Libes à léye Bendables enço de E. MARRIMPOUEY YOEN, Place dou Palays, à Pau. C. Ch. P. Bordeaux 304.58. Pouesie e Prousey Beline, (3e tirade) de Miquèu CAMELAT Lou Prousèy d'u Biarnés, pèr J.-V. LALANNE, préface de Louis BATCAVE E Flocs de pouésies de J.-B. BÉGARIE (2 éditiou) Ue Caraade en Italie (prose), de G. DAUGÉ Capbat Nouste, poésies e countes de F. MASCARAUX Coundes gauyous de nouste, de P. ABADIE Las Pregàries e las Gracies, de Simin PALAY Floc de Gasconha, poésies de A. GAMBOS, dab grabadures e musique .... Esprabes d'Amou, rouman, de J. CASEBONNE Cantes en musique Cansous trufandères (La bielhe d'Autour ou, Tant qui haram atau e 15 autes cansous) dab musique. Bslous d'Aussau, perj. G^SASSUS, de Bilhères, recoélh de dèts cantes dab la musique e l'acoumpagnamén Cantes de noste. Recuelh de doutze cantes gasconnes de las Landes, dab musique, acoumpagnamen, è traducion en francés per Loys LABEQUE et l'Abbé MOHEU N.-B. — Tout autou qui bòu û counte-rendut aus Reclams que déu manda dus libis au Présidén de l'Escole, l'û ta l'escribâ dou counterendut, l'aute ta-u libiè de Maubezî. Biarnés e Gascoûs «u mens lous qui at poudét ha, croumpat, tant qui n'y demoure, lou Dictionnaire du Béarnais et du Gascon modernes de SIMIN PALAY obre de counsequénce, dab lous sous 60.000 moûts de touts lous parlas dous païs dous Gabes e de l'Adou, e doun la permère tirade s'acabe. Quoan nou n'y àye mey, que-b hara dòu de nou pas l'abé croumpat per temps. Escribét à l'autou, à Gelos-Pau ou à Pemprimàyre dous Reclams. L uubràdye mou coste que quinze pistoles e mieye (150 fr.) papè (è 10 fr. tau port) ; yamey u tau tribalh aban la guerre nou-s benou autant à boû marcat. Du Latin au Gascon par J. BOUZET et Th. LALANNE, préface de Léon Bérard. •— Librairie Benésse, Saint-Vincent-de-Paul (Landes), 15 francs. Histoire de Gascogne et de Béarn Par Paul COURTEAULT. Paris, Boivin et Cie, 36 liures ; per la poste 42 Hures. 1938, in-12, VII 364 p., �Obres dou Miquèu de CAMELAT, en bende enço de rautou, Arrens (H.-P.)< L'ESPIGUE AUS DITS, pouesies, 1934. BITE-BITANTE, cops de Calam, 1937. GARBE DE PROSES (escantilhs de 27 Autous bius e mourts) 1933. Cadu, 12 liures. —o— Lous classics noustes : LABAIG-LANGLADE, obres causides. GASTOU-FEBUS, pèce dramatic en 3 hèytes. LOLE, pèce dramatic en 3 hèytes. Cadu 4 liures. ABIS DE COUNSEQUENCE Lous Reclams de Biarn e Gascougne, rebiste de 1' « Escole GastouFebus, soucietat d'Educaciou poupulàri», que paréchen cade dus més e que costen 30 liures ta France, 40 liures ta l'Estranyè. Noustes amies que soun pregats d'escribe-s per abounaméns d'aunou de 50 liures ou mey se bolen. L'abounamèn à bile qu'ey de cheys cents liures. Lous abounaméns que partéchen dou 1" de yenè de cade anade. Lou Capdau Simin Palay que demoure à Gelos-Pau, Balée Urouse n° 17, Lous coullabouradous dous «Reclams » que soun pregats : 1° d'escribe en létres mayes e pla moullades sus u soulet coustat de la hoelhe ; 2° de manda las coupies au segretàri, M. Camelat, à Arrens (H.-P.). Que eau embia lous dinès, abounaments, coutises, sounque au dinerè en pè : Mous Yan Tucat, à Espoey (B.-P.). Serbi-s dou « chèque postal » n' 444-90 Toulouse ; dab u timbre de 20 sos que pouderan embia ço qui boulhen. Dise ta quine anade paguen. Nou pas desbroumba-s de balha l'adresse, e de mentabe au dinerè lous cambiaméns d'adresse. SALIES-DE-BÉARN (Basses - Pyrénées) Amies e Amigues, maumiats per lou malandrè : Salies-de-Béarn n'ey pas tant sulemén lou peïs charmante agradiu qui a bis bade Bergeras é Al-Cartero, Perbos e lou Gurmeth Saliè, Charpie é Chuquette, qu'ey tabé lou peïs benedit oun la boune hade de Gastou-Febus, lou nouste mèste en pè, ou hé gaha lou sangla per l'estrém dou Bayaa ; aqueste trobe qu'es dé, desempuch, la sau chets parière ta ba lou yambou de Bayoune pou peïs de Biarn é Gascougne. Aquére hade, aperade la Mudî à Salies, que dé tabé au Bayaa lou poudé de goari u hardèu de malandrès qui afflaquéchen lou mounde: hembles é maynàtyes suslout qu'y troben ue santat rebiscoulade : a las daunes que da la hourtalesse ta poudé ha maynàtyes é goari-les dou flaquè quoan en an abut trop ; aus nins que goarech plagues, que da nèrbîs é lou courras30u é qu'en hè gouyats goarruds é brin chuds coum lous piquetalos Salies. Lou nouste gran Biarnés, défunt més toustám maye Proufessou Paul Reclus que disè aus sous escouliès : « Aban d'ourbi lou bénte « d'ue embïe ou de coupa ue came, lou mèdye que déuré toustem « embia la malaude ta Salies qui ey la « Reyne de las aygues salades » « dou mounde sancé ». Oey médich, escribet au « Coumitat d'Initiative de Salies-deBéarn » é per retour que-b embiera lous lîbis oun spran toutes la» Indiqua* � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 45, n°07-08 (Garbe-Aoust 1941) Alternative Title An alternative name for the resource. The distinction between titles and alternative titles is application-specific. Reclams. - Annada 45, n°07-08 (Garba-Aost 1941) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - juillet - aout 1941 - N°7-8 (45e Année) Creator An entity primarily responsible for making the resource Tucat, Yan de Pucheu, Zarbiè de Barou, Louis (1612-1663) Camelat, Miquèu de (1871-1962) Laffargue, Célestin (1879-1946) Palay, Simin (1874-1965) Daugé, Césaire (1858-1945) Caddet de Gabiso Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1941-07 1941-08 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (36 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/3001">http://www.occitanica.eu/omeka/items/show/3001</a> INOC_Y2_18_1941_07-08 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel