http://occitanica.eu/files/original/1c3e3f2f90d181962eb65b8218916c2f.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 http://occitanica.eu/files/original/63ba75d6dfbdb5c7cdf8d342ef4e08c5.xml d865dae778b967aa11a63fb2a0dcc5d2 http://occitanica.eu/files/original/cf2fbba2ab8bf251ed4dffe6ab8e8ebd.pdf 43cdbe59ab29dc3dc7d5a7219a2e0586 PDF Text Text ESCOLE SASTOU-FEBOS RECLAMS DE BIARN • E GASCOOGNE "'M™ Anade - Nos 7-9 ■ Garbe-Setéme de 1944 \ A V \A\ PAU. " — ■ EMP. DE E. MARHIMPOUET TOEN, PLACE DOU " ^1 1 PALAYS �Plafactous de l'obre. défunts ADRIEN PLANTE, prumè capdau MICHEL-ALBIN BIBAL, YAN-B/CTOR capuau (1896-1912). dounatàri dou Castèt de Maubesi. LALANXE, segretàri en pè dous Reclams (1900-1914f (1919-1923). Membre perpetuau : Cesari DAUGE Lous Reclams que publicaran au numéro d'oetoubre-mes mourt de ig44 Lou soubeni de F. Sarran. Miquèu DE CAMELAT; LOU cournè dous1 pouètes : Simin Andrèu Pic; La Desliurance de Paris, Yan de MOUNGAY ; Permou de las obres de Pey de Garros, Andrèu Pic ; Bite-bitante : Lésés, debertissances e yoyes, Yan. de TUCAT ; Punis de drel biarnés, Yausèp de TUCAT ; Lous Memoris d'û nèn, Tcoufilc de CAIIXABÈBE ; Besiàdyes : Lou bielh payroulet, Zabiè de PUCHEU; Cops de çalam : Isidore Salles, Causotes de n'pusfe,, Yan dous Aumscous, etc. PALAY. Que soubren en£b de Marrimpouey : Quauques exemplaris de Versions gasconnes par S. Lacoste, i5 bures, e lou Prousey d'u biarnés de J.-V. Lalanne, 3o liures. * * * U counfray dous noustes que seré croumpadou de la Garbe de Pouesies (1520-1920) de M. C. Abis do counséquence Lou? Counfrays qui, de yulli iglo au mes d'aoust ig44> se troubaben en debore de la barralhe, e n'an pas poudut. recébe lous Reclams, qu'ous poden acquesi. N'an pus qu'à ha û mandadis de 120 liures,. sie au nouste dinerè : Yan; Tucat à Espoey (B.-P.), ch. p. 'l'i'rgo Toulouse, sie au nouste emprimayre Ugène Marrimpouey yoen, à Pau. e truc sus l'ungle qu'aurai) lous numéros parescuts dens las quoàle anades ; de que eoumpleta la loue couleccioû. EN DIQU ES PAYES Crouniquéte dous Beclams : Lou cèu ey en bies d'esclari-s, Miquèu de CAMELAT Abis de counséquence, Y. de T Lou cournè dous pouètes: MCÎ la hilhe de case, Andrèu Pic; Bielhè, Simin PALAY ; Se l'y disi, LOUP D'ESTREM Punts d'istorie : L'Enstruceioû per nouste, Yan de TUCAT Beclams de perquiu, L. R Punts de dret biarnés: Lou poudé leyislatiu en Biarn, Yausèp de TUCAT Las létres : Yausèp Loubet; Lou soubeni de Yulien Sansou, M. C Lous passeyí : U biàdye d'art per Naples e Sicile au sègle XVIIIau, Andrèu Pic.. Las rebistes : Causotes de nouste, TITOU DE L'AIIITAU Las tradieious : Countre lou sanglout, M. C. ; Ue yunte d'arrepourès, Yan de TUCAT Cops de calam : Au Pesquitou, C 65 66 67 69 73 75 78 83 89 90 DAUGÉ; Au nouste Capdau d'aunou, Lou PESQUITOU Lous memoris d'û esbagat : Crespèts, Yausèp de COUHRIADES La richesse dou praube : Lous noums de persoune, S. P Lous qui s'en ban: Auguste Laborde-Milàa, S. P.-M. C 91 92 g5 96 �48»u Anade Garbe-Setéme de 1944. CROUNIQUETE DOUS RECLAMS Lou cèu ey en bies d'esclari-s ? La bèstie heroudye ey ballèu de patèrnes ?... Nou-ns abusaram à counda lous dòus, las roéynes, las bergougnes, las bachésses de cinq ans de guerre, de quoàte ans d'ouccupacioû. Broumbém-se toutû quin ue troupe d'amies cridaben à las ores de 1936 : « Francés, abisat-be ! », e ço quin-se clamabe Edouard Moulia, à cade cop qui l'engountrabem : « Qu'ous bam abé à Ortès e à Pau ! » Plés de hides n'at) boulèm goàyre créde ! Mey baient, mey numerous e mey hort que nous auts l'enemic qu'ey biengut campa sus l'Adou e sus lou Gabe, e tant que y'ère, que s'en ey puyat sus las termières d'Espa^gne, e cade bilàdye de Gascougne qu'abou lou soû ligot d'alemans armats e cascats qui s'y entenoun ta boeyta las boutigues e lous estallàdyes, ta prené-s lous postes de radio e las machines à escribe, ta desquilhai boutélhes de Yuransoû e de Bourdèu e tad abriga las loues persounes sacrades aus yénees oustaus. N'ey pas sénse ue maye herésse qui-us bedoum à ha passe-carrères en trucan dou taloû e en cantan lous lous ayres acerats. E dab aco, à pauses, qu'èren ta gracious, qu'aymaben de touca-b lou canet, que boulèn batala. Courae at hasoun bàle s'ous yournaus, qu'èren corrects, que-s disèn : camarades. Que sabèn ha-s plâ dab lous paysâs qui-us hourniben de carn, de lèyt, de burre, de roumàdye ; qu'èren tan amistous ta las gouyates... Medich, quauquesûs que cercaben d'apréne la léngue dou bençut e que s'estaben per nouste coum se yamey nou-n deboussen descarra. Biban ! que hasèn bouga lous coumèrees e que tiraben boussétes bourrades de bilhets de mile. Dab ets, ue troupe qu'aboun, sénse passa l'aygue, las Amériques à| case. Bertat que se-b calousse sourti de boste que-b arrestaben à cade cutour, que-b demandaben papès, e lou fusilh parât nou-y badinaben brigue. Que sayaben dous léye, qu'ous biraben, qu'ous sentiben mench-hidècs. Se n'èret pas en règle, que-b demourabet darrè la barralhe, à mench que nou-b paupèssen, nou-h gahèssen, nou-b enterrouguèssen, nou-b despulhèssen e nou-b abladèssen de patacs enta-b amatiga lous nèrbis. O ho, n'èrem pas à nouces dab aquets maheruts, e au ras de la couyounade que-s debirabe lou drame trayie de las poupulacioûs cassades p'ou saubàdye yermanic. Que y'abou de crùdes e esbaryant.s desbelhs. Lous de Tilhouse, lous de Moungalhard, lous de Pouzac,.lous de Bagnères, lous de Pourtèt, lous de Pau e de tandes d'autes locs, qu'aprengoun ço qui-n coste d'abé d'aquets mèstes. La tremoulénte bielhésse, la delicade yoentut que cadèn à pous de mitralhuses. Lous qui n'èren pas penuts en trabès de. las carrères qu'ous embarraben dens las maysoûs boutades à hoec. Per oey, lou lésé que manque ta coélhe endiques sus de taus ourrous e de taus mourtalères, mes, û die, que calera ha lou counde �— 66 — dous noustes martìris ; que mentaberam, labets, dab mey d'atencioû, lous qui èren gahats per susprése e embarcats ta Diu sab oun : Mgnou Theas de Barzû, abésque de Mountaubâ, mous de Trelut, lou mayrei de Tarbe, qui hèu tant d'aunou à la coumpagnie de GastoûFebus, l'û per abé proutestat countre la roéyne d'ue parròpie de las soues, l'aute per noû abé boulut cata daban lou Bencedou, oun soun passats, oun minyen lou pà échue dou desòu e de la rèyte ? Bessè que soun en bile ; bessè que tournaran ! Bessè qu'abans Nadau qu'auram lou gay de béde lous qui quoàte ans a e mey soun horebandits per dera dou Rhî ! Aledém drin adayse. Aquets brabes alemans qui-nse boulèn courridya e goari dous noustes bicis e défauts, que soun toutu dehore de nouste. U cop de mey qu'aboum û segoutit saubadou, lous mascles que-s lhebaben. E, lou Puchant, qui hè bara lous lugrâs capsus dou cèu e gabide lous reyaumes, qu'a boulut decha-ns rebendi. Quoan a bis qu'èrem prou castigats de las noustes houlies, dous noustes desestruguès que-nse mandabe las ayudes pouderouses. Que yetaben armes aus qui per 1940 s'escadoun echényes de hourtalésse. Ballèu ûe brume de balénts que yessiben de las escounetères e lou heram chacat de touts estréms qu'abou las tournes : qu'ère aucigut ou presounè. Aquéste terrible e loungue ahutade e sera la boune ? Poudém créde que lous noustes hilhs e arrè-hilhs nous lous bederan mey bâcha dous lous boscs e de las loues usines dab enyibanes de mourt? Pusqu'abém la sorte de bedé-us dehore (ya que sien encoère endoustats en quoate ou cinq ciutats sus la mar grane, e acera sus las tuques de Vosges) e baleram prou ta goarda d'are enlà lou sòu de la Patrie? Se quio, que calera pèrde lou droumi dous esbagats e dous peressous : Lou qui aurélhes a, qu'entenie ! MIQUÈU DE CAMELAT. Abis de counséquence Lou Dinerè que prègue lous counfrays qui n'an pas encoère pagat la coutise de 1944 d'embia las 40 liures en se serbin dou « chèque postal » liurat per arré eru u burèu de poste, 444-90 Toulouse à l'adresse de M. Jean Tucat à Espoey (B.-P.). Dab trente sos que poudéran embia ço qui boulhen. La recrube per la poste que coste mey de sept liures. Lous qui n'abéran pas pagat l'abounamén dens la quinzéne qui seguech aqueste abis de counséquence que-s podin atende chens nat aute abis à recebe per poste l'enbit, de desboussica quarante-oeyt liures au loc de quarante. Qu'espère qu'où haran beroy arcoelh. Y. de T. �— 67 — LOU COURNÈ DOUS POUETES Mes la hilhe de case. Abor de las piboles dab lous arrous maytiès, mudan en parpalholes las hoelhes, p'ous grabès... Que-b tourneri bahide engountra tout pariés, bilote enter-droumide, bous, prats e bous bignès . Couloumès per la plane atalagan rastoulhs... Aulou puyante, sane, de la gaspe dous troulhs... oustau amie, enfingues, (arcoelhent au sourdot tout beslit de bourlingues, que tourneri trouba-t... Berdurès oun la rute e plau coum û aggat... Pourtaus oun l'ancien cute sedut, au soû passât : mes la hilhe qui bachabe pev débat la à l'ore dous de case lous oelhs lampase peurélhs, la beroye, la prouse, Veslou dou casala, de las parts de Toulouse lous qui èts : oun se-n ana ? ANDRÈU PIC. BIELHÈ Qu'eg triste d'esta bielhs, lous mes brabes amies ! Yoéns, dab lous malandrès que hém à las estorses, Mes bielhs, enta luta que-nse manquen las forces E qu'èm coume débat l'esparbè lous pourics. E dab aco, toutû que tieném à la bile, Quoan tout n'ey que helère e.soufrence e doulou... Quoan, à tout cap, au corn de l'oelh arribe û plou, Ue enlusioû pègue en nouste co perpite Qui-nse hè créde encoère au besougn dou debé Que Diu e-nse merquè quoan se balha l'eslame... Lau flaque de la bouts qui 'nloc mey noû reclame, Lou présent tau coum ey ne-us boulém pas sabé. Que credém que permè d'abanclouna lou mounde Que debém acaba nouste petit prèts-hèyt Quoan lou mounde se trufe plâ d'aquet esplèyt E de ço qui hasoum e tien tant poc de coumpde... Bah ! de tout cap, la bite n'ey qu'û praube counde ! SIMIN PALAY. �— 68 — Se l'y disi. *.. Se l'y disi qu'ey mey beroye que l'esguit dou sou, Que respoun ; chic soy beroye se la iïoeyt noû. Se l'y disi qu'ey mey beroye que flou qui s'aubrech Que respoun : chic soy beroye, flou s'estadech... E coum n'èy mey nad que-dise, lou me co sarrat, arré d'aut n'escribe ne dise, tout pot clabat, yamey, pénsi, nou sera mie qu'ey dit e plâ dit, adiu en pensade mie, tout esmudit. Beroye, quin ès tu beroye, esguit dou me co, flou d'abriu, hade beroye disén nou, coum dises quio. Beroye, quin ès tu beroye esguit dou me co, flou d'abriu, hade beroye, disén noû coum dises quio. Quoan l'y disi que soue care toustém èy au co, Aquiu si-m dits la so care Iheu mey n'ey so. Quoan l'y disi de qu'ey la hade dou me cuyala Yèsus ! si dits, hade per hade lèdes qu'en y-a. Coum lou me boulé tant e boulhe de noû-y mey pensa, tau harèy, boulhe noû boulhe, ne mey l'ayma S'escoutàbi la cansounéte canta soun degrèu, gauseré, ma cansounéte, dise : Dilhèu ! Beroye, quin ès tu beroye esguit dou me co, flou d'abriu, hade beroye, disén noû coum dises quio. Beroye, quin ès tu beroye esguit dou me co, flou d'abriu, hade beroye, disén noû coum dises quio. Maynade bibén de sounsaynes e quoan a pot mut a lou co plé de sounsaynes quin ha gran truc ! E l'amourous, biu d'espérance, demoure plasén, permetude l'espérance sera toustém. Beroye, quin ès tu beroye esguit dou me co, flou d'abriu, hade beroye, disén noû coum dises quio. f LOUP D'ESTRÉM. �— 69 — PUNTS DTSTORIE L'Enstruccioû per nouste Lous istoriâs que soun touts d'arcord ta dise, qu'à l'àdye mieyancè lous paysâs qu'èren chens nade enstruccioû. Lou dénoumbramén de: 1385 que-s hè sabé que nou-y abè labets que cinq coumunes biarnéses qui abèn ue escole : Coarraze, Lacq, Aulouroû, Ortès e Nabarrens. Au coumençamén dou XVTU sègle, lou noumbre qu'abè crescut. Pountac qu'en abè ûe, e Espoey proubablemén tabé puchque û testimiòni au proucès dou segnou d'Espoey countre lous abitans au sudyèc de la dèsme, Yorda de Lucgariè, e digou que en 1547 qu'anabe ta l'escole dou caperà d'Espoey. En 1626, l'escole qu'ey tiengude per û reyént, Bernât d'Estieni, qui figure coum testimòni au proucès dou mounde d'Espoey countre Batsalle qui boulé esta lou lou segnou maugrat oupousicioû. Despuch lous rensegnaméns au sudyec de l'escole que soun mey hournits. En 1639, lou reyént que s'apère Duprat qui abè quoatebints liures de soutade. Qu'ère hère, la coumune nou boulé paga autan. Quel trouba en 1641 û reyent aperat Clos per bint escuts petits. E dinquie à 1793, la pague qu'ey au débat de oeyt pistoles. Bergadan de Beneyac, Doumecq de Lagos que serbéchen per 54 liures à la dusau mieytat dou sègle XVIPU. E coum lou Coumu d'aquet tems ère hère reyterous, Bergadan, que. hè proucès per retardamén dou pagamén. Sou coumpte dou garde-boursiè dou 20 d'aoust 1656, que s'y pot léye : « Per defender au proucès dou reyent Bergada per retardamén dou pagamen è ue pinte de bi per lo far beber, lou tout 46 liures 5 sos quoate ardits ». Nou calé ta esta reyént dens l'ancien tems que l'agradamén dou caperâ, dous yurats e dous deputats. Si counechèn l'omi qui-n boulé esta, que-u prenèn de counfiénce. Sinoû que-u hasèn passa û examen ta sabé si ère capable d'apréne aus maynats à leye e à escribe, à sabé las pregaries de la glèyse e lou catéchisme. Lou reyént que debè ha lou catéchisme à la gleyse tout diménye, canta misse e brèspes e ayuda lou caperâ à toutes las ceremounies. Que-y abè cheys mes per an d'escole, de Sent-Martî, après embobe, à las semialhes dou milhoc, à Sent-Yan au mey tard, très ores lou mati e très ores lou brespe si nou-y abè batioùs, maridàdyes ou; enterramens. E si lou reyent, petit paysâ ou artisâ, yeneralamén hilh de l'endret, ère aucupat à case, gn'aute coum et, douât d'enteliyence nàtre e de drin d'enstruccioû, de boune reputacioû, que-u remplaçabe. Nat mèste d'escole n'a reyenteyat autan de tems à Espoey que Pè Noguez. Que-y badou en 1770 e que-y esté reyént de 1792 à 1842, e segretàri de la coumune en medich tems. Que s'y mouri en 1848. Lou sou escouliàdye que bau d'esta coundat. Lou 16 dou mes mourt de 1792, que s'engadye à ha l'escole dinquie à Sent-Yan de 1793 per 72 liures per an. Lou 3 de noubémbre de 1793 qu'auherech de serbi la coumune coum mèste d'escole dab �— 70 — las cargues acoustumades per cheys mes à parti de Sent-Martî per cent-bint liures. Lou prêts que parech trop empoundat, que l'abache à cent liures e que s'engadye à ha lou catéchisme aus maynats qui nou ban pas ta l'escole abans de la coumença. Que counsentech à ue retiengude de pague si nou hè ço de proumetut. La guerre qu'ey clamade e que-s bàtin à las termières de France. Noguez qu'ey requerit ta-y parti. Grane esmabude au biladye. Lou Counselh que-s reunech de tire e que demande que lou citoyen Noguez, reyent, de l'adye de la requisicioù, que sie dispensât d'esta sourdat. Despuch maynat, que s'ey dat à l'estudi, qu'estruech sichante maynats, que-ui-s hè entra à la cabuchole prencipis nàtres e patriotes, que hè ayma la Reboulucioû. La deliberacioû qu'ey aproubade. Noguez que demoure reyent d'Espoey chens qu'arrès ey boutien drabes. L'ourdounance dou 29 de heurè 1816 que bòu û Brebet de capacital dou tresau degré au mench. Noguez que s'y prépare e qu'ey recebut lou 6 d'aoust 1819. Lou titre qu'assegure de qu'ey estât enlerrougat sus la lecture, l'escriture, lou carcul, sous proucedats dou sou ensegnamén, de qu'a ûe cqunechence sufisente de la Reliyoû, boune bite e bounes abitudes. Mes dab tout aco, que demoure reyent libre dinquiau 20 d'abriu de 1832. Labets lou Counselh que-u noume reyent coumunau dab ue pague de dus cents liures à cargue per et de-s neuri e det-s, loudya. Guizot qu'abè oubtiengut de garanti au Reyént de France û trattamén en mounéde de dus cents liures, qu'esté û tarrible aha hens lou mounde paysâ ! Nou s'en estou pas aquiu. La ley de 1833 qu'ourganisa l'ensegnamén primàri public e lou 30 d'aoust 1833 l'escole primàri coumunale elementàri d'Espoey qu'ey creade. Noguez qu'ey reyent coumunau e qu'a û ayude. Que toquen cadu dus cent liures per an. Qu'an de mey ue soutade mesadièrei de sept sos per maynat pagable per trimestre pous qui escouléyen tout l'an e de quinze sos per mes pous autes. Qu'an 90 escouliès coumprés 24 de familhes praubes qui nou paguen arré. Noguez qu'a 67 ans en 1837. Lou Coumitat d'arroundissemén de Nay doun depén que demande que sie remplaçât. Lou Counselh d'Espoey que s'y oupause e Noguez qu'ey mantiengut. Nou dèche de ha escole que en 1842. Mentre û miey sègle qu'ey estât reyent e segretàri de mairie à Espoey. En y a qui ayen hournit ue ta loungue carrière au medich loc de nachence ? Si n'y a, que soun clas. Desempuch que n'y a abut û qui-y ey demourat 28 ans, gn'aute 24 ans, gn'aute 11 ans... Dinquie 1881, lou reyént qu'ey founciounàri coumunau e noû founciounàri d'Estat. La soue pague que bié de très hounts : 1° retribucioû escoulàri mandade cade an pou Counselh, mench de dèts liures per maynat ; lous praubes nou paguen arré ; 2° empousicioû estraourdenàri (quauques centimes) boutats cade an pou Counselh ; 3° pague de l'Estat : lou coumplemén de las dues hounts, retribucioû e empousicioû ta atégne la soutade dou reyént. �— 71 — Aquéste que gagne 600 liures en 1861, 700 en 1863, 800 en 1864, 1000 en 1876, 1200 en 1879. La ley dou 16 de yulh de 1881 qu'a establit la gratuitat de l'ensegnamén primàri hens las escoles publiques e hèyt disparéche las retribucioûs e las empousicioûs, toute la despense qu'ey à la cargue de l'Estat. Pays de familhe e. Counselhs municipaus qu'an troubat qu'ère plâ. L'escole dous maynats qu'ey mantû cop centenàri. La de las maynades qu'a à pênes cent-tres ans d'adye. Nou datte que de 1841. En 1882, que l'an ayudat ue escole taus maynats de 4 ans à 7 ou 8 e despuch la coumune qu'a dues reyentes. Abans 1881, la reyente qu'ère pagade coum lou reyént au mouyén de la retribucioû escoulàri, de l'empousicioû coumunau e dou coumplemén de l'Estat mes la soue pague qu'ère méndre que la dou reyént. Bèt tems a, la payère qu'ey la mediche. E dous bastiméns escoulàris, parlém-ne drin. Dinquie 1859, noû n'y abè nat de particulièramén atitrat. L'escole que-s hasè en û endret lougat au per an e lous mèstes quef-s loudyaben oun poudèn. La mairie qu'estou aproupiade loungtems ta ha ue place à l'ue de las escoles e enfingues, despuch 1918 soulademéns, escoles e alodyes de mèste e daunes d'escole que soun de û tros. Gran prougrès. Gran prougrès tabé en fèyt de matériau escoulàri. Pourtém-se per la pensade û sarrot d'ans endarrè. Dinquie 1880, lous libes qu'èren riales e chens illustracioûs. Medich la petite geografle qu'ère chens cartes. L'istòrie de France qu'ère sustout coum la geografle ue seguide de fèyts. La gramatique qu'abè chic d'etsercicis. La lecture dou « manuscrit dab cinquante sortes d'éscritures » que descouradyabe las boulentats las miélhes. Que-m broumbi dou nouste countenté quoan lou nouste reyént e-s balha « Le Tour de France par deux enfants » e lous libes dab dessîs e pla emprimats edilats per la maysoû A. Colin de Paris. Aquére reboulucioû hens la librerie classic que coumpte autan taus prougrès en fèyt d'enstruccioû permére que las leys de la IIIau Republique. Aquet souci dou miélhe, toustém dou miélhe, qu'a amiat la badence de mantue obre qui arroundeyen à tout tour de l'escole : Libiè escoulàri, Cours d'adultes, Caisse d'esprà*gn, Musée escoulàri, Caisse de las escoles... Soucietats de toute traque coumpréses las Obres de Mutualitat agricole doun lou reyént, segretàri de mairie, ey û dous mayes gabidàyres. Toutes aqueres creacioûs que dèchen endebina û prougrès en puye de l'enstruccioii. Dém quauques esclarides mey. En hoelhetan papès proubassuts escapats à l'escoube-sòu, que troubam probes dou chic d'enstruccioû ou meylèu de l'ignourence dous tems "bielhs. Numerous soun lous omis qui nou pòdin pousa u sinnet au houns dous berbaus de las amassades dou Coumû, dous actes de batià, de maridàdye, d'enterramén, de coustitucioû de la Garde naciounau, dous actes de noutàris... Sinnes groussès, brigue segus, que mustren plâ que lous qui-eus abèn hèyts nou sabèn .goàyre « escribe ». Hères e hères d'omis nou counechèn goàyre nade ietre e las hemnes qu'èren sourdeys. Dab lou tems, lou mau que �— 72 — s'amatiga. Las estatistiques de 1866 e de 1872 que mèrquen la bâche de l'ignourence e qu'ey dab plasé qui bedém que la nouste coumune que coumpte mench d'ignouréns que hère d'autes dou Biarn. En 1872, 88 % d'omis e 36 % de hemnes que sabin léye e escribe, quoan au département 40 % d'omis e 63 % de hemnes nou sabin. Despuch, en 1912, 1913, 1914 quoan s'aplica la ley de las Retrètes Oubrères e Paysanes, que poudoum coustata que si lous omis baduts entre 1846 e 1857 e sabèn touts sinna, la mieytat de las hemnes au mench nou sabèn. N'esperém pas trouba sous bielhs papès remarques esprimades ni dises sus l'ignourénce de d'aule cops. Que la subiben chens s'en rénde coumpte coum û malaut suporte chens dise chou lou soû mau e noû cred goàyre au remèri. Hères que-s pensaben, coum Voltaire e l'Intendent d'Etigny que l'enstruccioû n'ère pas necessàri aus paysâs. Urousamén touts lous gabidàyres nou pensaben pas atau. Decap à la fi dou darrè sègle, que coundaben que û maynat qu'ère « instruit » quoan se sabè sinna, quoan sabè léye au courre, escribe chens tropes de fautes de grafie e sabè ha l'addicioû, la soustraccioû e la multiplicacioû. Si sabè ha la dibisioû, si sabè sustout trouba l'arradits carrade, si counechè règles de grammatic, fèyts e dates d'istôrie, drin de géographie, si poudè léye lou latî, chens trebucs qu'ère u sapient. Las maynades, abans 1841, nou semble pas de qu'aboussen ue escole. Quausques-ues toutû qu'aprenèn à léye. Mes, hère chic qu'aprenèn à escribe. « Las hemnes n'an pas besougn d'escribe » se disèn adarroun. E la daune que mantiebe la maysoade en û ayre d'ignourence e quauque cop de supersticioû. Coum nou sentibe pas la gran nécessitât de l'enstruccioû, n'embiàbe pas lous maynats ta l'escole ou que-us y embiabe chic, e atau lou tems de l'escouliadye que-s passabe. De hère grans prougrès que soun hèyts. La frequentacioû escoulàri qu'a puyat. Lous parents de oey que bòlin que lous lous maynats qu'ayen lou certificat d'estùdis primàris. Qu'asseguren aquéste moudèste diplôme d'esta l'encause dou boeyt de las campagnes, mes suban ûe enqueste suripuse, si 59 % dous qui an lou certificat an quitat la coumune, 47 % dous qui nou l'an pas que l'an quitade tabé. La semière de l'enstruccioû n'ey dounc pas la màye encause d'aquet mau. N'ayém pas pùu de la ha. Lous plâ baduts e plâ ensegnats que sabin tira partit pou bé de touts de ue boune enstruccioû. Bous counselhs, bous etsemples, bounes coumpagnies que la hèn madura. YAN DE TUCAT. �\ RECLAMS DE PERQUIU Permou dous noustes presounès. Despuch de Garbe, nat pape dous lous n'ey bachat ta Gascougne : Espérem d'en abé quauqu'û abans la sasoû dou glas e dou ret ; empermou que las noustes espérances d'ue fi de guerre tad aquéste abor ya s'en soun enboulades e que-nse bedém encaminats à ço que noû pousquen tourna-nse encoère. Encoère û ibèr ! Lou cinquoau ! E saboussem qu'an de que craca, e que-s troben à l'assès de la mitralhe. Boumbardaméns. Aquéste abouminacioû de guerre qui semie la hàmi, toute ley de soufrénces e la mourt, nou-nse porte cade die que de nabères ourrous. Qu'en ey estât, l'estiu darrè dous amies de Bourdèu, de Toulouse, de Mountpeliè e de Proubence ? Lou Clapas, si-nse aprén nouste amie Loubet, n'ey pas estât estaubiat per las boumbes. Ue, malaye ! qu'a esglachat l'oustau dou proufessou Yan de Bourriez e la soue biblioulèque qu'ey à la perdicioû. Se per bonur la soue familhe ey chens blaus ne macadures, lou mèste qu'ère toucat, maleméns. Que boulhe plâ agrada lous bots qui hèm ta que lèu que goarésque e que-s pùyi chens destrics sus la cadière ensegnadoure. Nouste Capdau d'aunou. En aquéres qu'abém gay de dise que lou pous de mau qui abè esbaryat lou nouste Cesàri Daugé que s'ey amatigat. Que s'en tourne à las soues manobres, à la soue glèyse, aus malauts de Dihort, aus soûs libes e aus soûs amies. Que boulhe doungues créde qu'ue tau noubèle qu'ey arcoelhude dab gran gay p'ous escôuliès de GastoûFebus. E are, que las frescures de Marterou e que las yelades de Nadau qu'où se desbroumben ; qu'où beyam per Pau, e au cap de la nouste troupe, esberidet coume yamey, per Pasques de 1945. De ProubénceCoum pensât, n'abém mey noubèles dous counfrays proubençaus, are sus tout que las Terres de dera dou Rose, soun zone militàrie. Toutû Pey Fountan, qui, l'estiu darrè s'ère biengut endousta dab hémne e maynats à Roudès, que-ns escriu qu'ey en bistes de las' gaha ta case soue de Toulouh. De mey, suban ço qui s'en pot sabé, nat felibre n'abou à pati de las darrères segoutides. Mes, per aco, touts nou troubaran las loues maysoûs sancéres. Quoan ey que Rasou e Caritat, e bouleram plâ lusi gn'aute cop débat lou cèu de la Patrie, enfingues recrubade e desliurade ? De capbat Paris. Noustes fidèus d'acera bach nou mancaben de disé-ns quin las se debiraben aus dies de la Desliurance. Qu'abém balhat oey lous quoate moûts dou mayourau Loubet ; qu'en aboum de Yan de Le- �— 74 — saffre e de. Yan de Moungay. Lesaiïre que-ns assegure que s'at an birat adarroun en aquets dies de pics e de patacs e Yan de Moungay de da-ns quauques soubenis de las yournades d'aoust. Lou 23, die de l'entrade dous sourdats de Leclerc, que toucabe de mâs à sourdats de Tarbe e lendedie que hasè drin de prousey dab û biarnés de Puyo qui abè counegut (quoan èren d'aquéste mounde !) lou reyent J. Gardères e lou caperâ Cambus. Quine gauyou ta l'esbarrit, d'engountra ûe care d'amie dou pèys e de ha drin de prose amasse ! La Termière dou Rhî. L'endabans de las armades decap au Rhi, ategnut ad aquéstes ores que tourne de ha mabe la quesïiou ta boulegade en seguide de la guerre de 14. En aquet perpaus quer-ns agrade de balha quauques arréques dou bèt estudi que Pèyre-Devoluy (lou courounèu Groslong) publicabe dens lous Reclams de yenè 1919 : « Tant que y'abera Tudescs armats en l'arribère esquèrre dou Rhi, lou maufactou que sera dens la nouste maysou, e que calera abisa-s à cade pause, e barra-u las portes, e basti castèts-horts, e roeyna!-s en armaméns. « Pusqu'èm oey Jous bencedous, nou-s pod mey — o yusticie de Diu ! — que trebuquém mey dens l'oustau nouste, coume èrem l'ourçats d'at ha, lou brigand sénse fé ni ley qui s'armabe dou cap aus pès, toustém prèste à gaha-ns de darrè enla e per bâches trahisous. ^ « E n'ey pas en lou horebandin de l'Alsace qui lou hicaram dehore de l'oustau, l'exémple de 1870 qu'amuche qu'enta ûe armade amassade en Palatinat, l'entrade de l'arribère parisiène qu'ey coumplide à miéyes. « Lou gran barat dou Rhi qu'ey en plé necessari à la goarde de las Gaules. Qu'ey tad ères ûe coénte de bite ou de mourt... » Atau que parlaben en 1918 e despuch hère d'esperits d'eley, e malaye, la guerre de 1939 qu'assegurabe de taus dises : Esperém qu'ue leçon sinnade dou sang de tandes hilhs e de las soufréneej e ignouminies qui-ns an crouchits nou sera perdude d'aquéste cop A l'Académie de Bearn. En place dou regretat R.-M. Castaing, l'Académie qu'a elegut nouste sapient counfray, M. lou canounye Bergerou, superiou dou Seminàri de Nay. Que l'auherim, en tau auherte, lous noustes respectuous coumpliments. Noubîàdye. Lous noustes bots de santat e de bounur qu'acoumpagnen lou nouste Andrèu Pic qui s'ey acasit nou y-a goayre dab ue basquéte, Madamisèle Athies d'Itxassou. Nèns escayrits qu'en bieneran e qu'en espeliran, bessè ! E perma que parlaran e bascou e gascou p'ou maye gay dous íìdèus de las Terres pirenénques. L. R. �— 75 — PUNTS DE DRET BIARNÉS Lou poudé leyislatiu en Biarn Qu'aberém boulut parla tout biste de las enstitucioûs yudiciàris en Biarn mes qu'aberém hicat lou car daban dous boéus, coum disen, permou qu'abans de, dise quoaus èren lous ourganismes qui debèn ha aplica lou dret doun abém parlât, que seré bou de sabé d'oun 3ort aquety dret, quoaus soun las enstitucioûs qui èren cargades dou ha bade ou au mench de l'enreyistra, dou da bite ouficiau. La rasoû que pouderé sufise, toutû qu'en y a ue gnaute. Au die de oey, despuch Montesquieu e la Reboulucioû qu'abém à la téme lous; prencipis de la separacioû dous très poudés : leyislatiu, exécutiu e yudiciàri. Cadû d'aquets très poudés, au die de oey, qu'ey exerçât, per mounde despariès, niés, à l'adye mieyancè e dinquie à la Reboulucioû noû-n'ère brigue atau : lou Biscoumte que hasè la ley e qu'ère; tabé yudye e administratou, tout medich, lous ouliciès qui èren cargats dou remplaça. Atau doungues, parla de las enstitucioûs cargades de ha bàde lou dret, qu'ey soubén tabé parla de las enstitucioûs cargades dou ha counéche e de ha-u aplica. Digam abans de touca à d'aquéres enstitucioûs que Léoun Cadier qu'a parlât de l'ùe de las mayes hens û libe entitulat « Les Etats de Béarn depuis leurs origines jusqu'au commencement du seizième siècle ». L. Cadier qu'ère d'ûe familhe abantadyousemén counegude en Biarn e qui s'ey hort enteressade à tout ço qui toque lou nouste pais : lous fidèus dous Reclams que counéchen aquet sinnet. De mey L. Cadier que sourtibe de l'Escole de las Cartes, n'ey pas labéts estounan que, et tabé, que s'y siégue hèyt, dab las soues soulides counechénces, à espéruca lous bielhs papès e à-n tira de soulides escriuts qui serbiran loungtéms de souque à toute obre sus lou nouste Biarn. Aylas ! la mourt que l'a segat tout yoén e qu'a secat ue hount mayemens proumetedoure. Biarn e Gascougne que soun estats lous mayes perdons. Que bam dise en aquéste punt drin de ço qui ey estât dit hens lou sou libe, enta da ue petite luts sus lou nouste pèys aus soûs aymadous dous Reclams e enta poudé persegui mey adayse lous noustes debis. A l'adye mieyancè que y a dues hounts dou dret : l'ue qu'ey la coustume, qu'ey enreyistrade e sancciounade per lous tribunaus, las Cours, coum disèn labéts, e en particuliè prumères la Cour mayour : Faute qu'ey lou boulé dou Biscoumte qui gabide tout e doun lous ourdis hèn la ley. A l'abiade, au countràri de la seguide e sustout dou die de oey, la maye hount qu'ère la coustume. N'ère pas escribude. Enta la counéche, lou yudye que counsultabe la Cour qui siedyabe dab et e qui disé ço qui sabè sus lou cas, quin se reglabe hens lou passât, e que yudyaben de la mediche manière. Coum poudét pensa, aqiiére « coustume » n'ère. goayre assegurade e que debè cambia soubén, suban lous abis balhats. Lou Biscoumte en aqueis tems que s'acountentabe de da à quauques coumunautats ou à de simples particuliès, drets qui hasèn yustemén exeepcioû aus dretsi coustumés. Aquets drets nou balèn que. enta �— 76 — quauques ûs e noû pas enta toutes « las gens de la terre » coum disèn labets. Coum ère excepcioûs, à l'ana yenerau, enta s'en bremba, que las calé nouta per escriut e atau que badèn las Cartes, atau que badoun lous Fors d'Aulouroù, de Mourlâs e de las très bats qui soun excepcioûs, « pribilèdyes, franquesses e. doatius » coum disèn, au dret dou For yenerau, qui et medich, debè esta, excepcioûs aus dréts cousturnès. Mes à petits drins aquères excepcioûs, e en particuliè lou For de Mourlàas, qu'estèn accourdades à ûe grane part de las coumunautats, ço qui hè que, de dret d'excepcioû lou For de Mourlâs que debiengou autan empourtent que lou For yenerau. La counserbacioû e l'aumentacioû d'aquets pribilèdyes, qu'estèn lous coupe-caps dous noustes anciens. Qu'en balheram mustre ballèu. Mes lous cambiaméns nou s'estanguèn aquiu. Lou dret qu'ey coundicioû de l'ourdi souciau, que cambiè dab et. Se hens u estât souciau poc abansat e s'y pod acountenta-s de règles chic numerouses, pas toustém assegurades e qui soun soubén particulières, au countràri, dab û ourdi souciau mey coumplicat, las règles de dret que debiénin mey numerouses, mey yeneraus, qu'an besougn tabé d'esta fixades, assegurades per escriut ; labets, de mey en mey la coustume que lie place à la ley, à la règle de dret qui ey créade per û ourgane souciau qui n'a lou poudé. Lou Biscoumte, qu'ey estât dinquia 1620 lou soul poudé leyislatiu en Biarn. Et soul qu'abè lou dret de coumanda sus las soues terres. Toutû non eau pas créde qu'aye abut lou lésé de coumanda toustém suban lou soul1 plasé. En perméres qu'abè à coumpta dab lous autes segnous dou pèys qui èren quasi autan horts coum et, e sustout feoudau e que las règles de l'ourganisacioû feoudau que redyiben las relacioûs enter segnous e susmetuts. Si lou permé dous debés douS susmetuts ère l'oumàdye e lou serment de fidelitat, lou Biscoumte, dou soû coustat, que yurabe lou permé d'esta « fidèu senhor » quoan prenè lou poudé. Oerats ço qui-n dits l'artigle 2 dou For yenerau : « Prumeramentz es estât establit et autreyat que quant la Senhor entrara en pocesvsion dé la Senhorie de Bearn, que juri aus baroos et à tote la Cort de Bearn que ed los sera fideu senhor e que judyara ab lor dreytureramentz e que ncn los fara prejudici. Et après egs deuen jurar a luy qu'eu seran fidéls e qu'eu thieran per Senhor ». Aquere fourmule de serment que s'eslaryi, e en 1323 lou Segnou que yurabe tabé « que-us tiere fors e costumes » e deus defénde de tort ou de force countre et medich e countre toute aute persoune. Aquiu qu'abém le maye trabe au poudé absoulut dou biscoumte. Beyam are quin yougabe. Supousém que û Biscoumte qu'aye près ue decisioû countràri au soû serment, e en partituliè countràri aus Fors ; lou qui-n recebè doumadye qu'en poudé apera au Segnou et medich e à la soue Cour qui-u debè: defénde « no ab armes mas requerin yudyamen » coum dits l'artigle 36 dou For yenerau. Lou Segnou,e la Cour que debèn yudya suban lou serment qui hasèn, senoû l'adbersàri dou Segnou qu'ère desligat de toute oubligacioû decap a d'et e qu'ère labéts la guerre. Coum be poudél pensa, si lou Segnou ère, de mâchante fé, �— 11 — lou petit n'abè qu'as susraéte. Toutû aquét artigle 36 qu'abou la soue force, oerats quin : la Cour majour, puch au XVau sègle lous Estats de Biarn, countinuacioû de la Cour féoudaû e reuniou de la Cour majour e de la Cour de las coumunoutats, qu'aretèn dous drets de la Cour dou biscoumte : que bouloun que lou biscoumte que hàssie daban ets lou soû serment e que-s susparèn sus aquet artigle 36 enta ha baie las loues « douléences » e ha respecta lous Fors coum en recebèn lou serment. Lous Estats de Biarn n'èren pas ue amassade cargade, coum oey lou die lous Parlaments, de discuti e ha las leys. Successous de la Cour feoudau coum la Cour majour, aquéste qu'abèi prés lous soûs poudés yudiciàris, e ets lous sous autes poudés. La loue force que bienè sustout de ço qu'èren cargats d'acourda e de lheba lous impos entau Biscoumte e que Fat poudèn refusa. Lou Biscoumte qu'abè à respecta lous lous boulés si boulé dinès. Si, en fèyt, ère libre de noû pas tiéne ço de proumetut quoan abè lous dinès, à la demande de mounéde qui seguibe lous Estats que tournaben reclaima e lou Segnou que finibe per da-us rasoû. Lous Estats qu'abèn aretat dous poudés poulitics de la Cour feoudau : en mey dou sermént dou Biscoumte qui recebèn, e permou d'aquero, que noumaben lou tutou dou Biscoumte quoan aquéste ère trop yoen, qu'èren counsurtats sus lou soû maridàdye, sus lous traitais- dab lous pèys estranyès, sua las declaracioûs de guerre ; noû soulemens qu'acourdaben l'impos més encoère qu'èren cargats dou départi e dou percébe ; de mey que surbelhaben e countroulaben la yusticie e l'administracioû. Enta poudé ha aquét counterolle abans d'acourda l'impos que mandaben au segnou ço qu'an aperat û « cahiè de douléences », oun espausaben tout ço qui boulèn qu'estésse courridyat hens la yusticie e l'administracioû « pour plus grande tranquillité, amour et dilection qui sont et doivent être entre le seigneur de Béarn et ses sujets, et, pour dissiper quelques doutes et altercations qui pourraient surgir, et pour assurer l'exécution des Fors, sentences de Cour majour, privilèges, franchises et libertés du pays et les établissements faits par le Seigneur et les trois Etats. »i D'aquére fayçoû lous cahiès de douléences qu'an permetut aus Estats de countribua à la redaccioû dous Establissiments e Ouridounances dous Biscoumtes. Aquiu dessus d'aulhous l'obre dous Estats n'esté que segoundàri permou que lou Biscoumte n'ère tiengut de segui lous lous abis ; per countre qu'estèn lous grans defensous dous Fors, de las coustumes e dous pribilèdyes e nou permeque y estésse toucat. Aquiu l'obre qu'esté de counsequénce, que surbelhèn lous oiiflciès de yusticie e que-s hasèn lou reclam de tout plagn d'illégalitat ou d'enyusticie. L'obre leyislatibe dous Estats noû s'ey hèyte senti qu'au XVIau sègle e hens la permère mieytat dou XVIIau. Lous Establissiments qui soun las decisioûs préses per lou Biscoumte e publicades au soû noum qu'èren soubén hèytes à la seguide de proupousicioûs ou de reclamacioûs dous Estats. Quauque cop medich qu'èren ets quin hasèn la redaccioû. En feyt que-s pod dise que lous Establissiments au XVTaJ sègle qu'èren « las reformes hèytes per lou Soubira, à la �— .78 — demande dous Estais, hens la leyislacioû, l'administracioû e Fana de la yusticie. » Las Ourdounances nou soun que la counsequénce dous Establissiments : qu'èren hèytes enta las esplica e ha-n l'applicacioû. Atau, chens abé nad poudé leyislatiu, lous Estats de Biarn qu'an abut grane enfluénce sus la leyislacioû dou pèys, sie en counserban lous Fors, sie hens la redaccioû dous nabèts Establissiments. Au XVIau sègle, lous reys de Nabarre qu'amendrin la loue enfluénce. Despuch l'unioù dou Biarn à la France qu'aboun à luta countre aus Intendents e sustout countre lou Parlament qui boulé préne lou sou rolle. Maugrat que-s pausèssen toustçm coum lous goardiâs dous Fors, en fèyt l'absoulutisme reyau ne-us decha goàyre que lou dret de paréche... e encoère ! A la Reboulucioû, lous defensous dou noustes Fors que desparescoun dab ets. YAUSÈP DE TUCAT. LAS LÉTRES De Yausèp Loubet au nouste segretari en pè Paris, 28 de Setéme de 1944. v Amie, sàpies qu'èm saubats de las boumbes e de las mitralbuses ! S'abém patit û drin, ou meylèu hère, de las restriccioûs, tout aquero qu'ey chic de cause daban la bergougne perpetuau qui soufribem d'abé à espéra en baganau la despartide de l'enemic. Are, noû soun mey aquiu, e bisque Sénte-Estéle ! Que hàssie que la libertad qui-ns escad dab lou sang d'ue arderouse yoenésse, que-s demoure pure coume ue hount de las toues mountagnes. Quoan de causes debanades en aquéstes cinquoante mesades de misère, e doun hères passaran tau desbroum sénse pourta leçoûs, permou que lous Francés que soun cap-leuyès. Toutû, desliurats qu'èm, e que poudém pensa (ou men nous auts de Paris) qu'abém la sorte enlingues; de lheba la lèste, e qu'en y-a prou ta renabi-nse de bint ans e tourna-nse lou goust de la bite, e lou tesic de hourga cansoûs. Autalèu qui sapiam qu'ous tiren de.France e l'assegurance dou nouste bounur, que-ns y haram de pous ta las obres de rebiscoulade. * * Lou soubeni de Yulien Sansou Ues quoandes létres de las soues Tant per tant ue anade que nouste amie de Boumarchès e partibe taus autes estréms de: la bite. E despuch, drins à drins, à lésé, que tournabem léye lous soûs, estudis sus la Terre e lou Tribalh publicats dens lous Reclams e que passabem ue plégue de las soues létres tout ço qui-nse soubre d'et. Au lendedie de la soue mourt soupte, que digoum quin la soue �desparescude boutabe en gran dòu l'Escole Gastoû-Febus. Oubrès d'aquére ley que soun clas, hère clas. Quoan bienè à l'obre, coum cinquanteyabe, qu'ère deyà 6mi de debis e d'escriuts, mes per crargnénce, per moudestie riàle, noû s'ère yamey hicat endabans. De toustém ença qu'aj^mabe de segui las reunioûs de la paysanalhe e û cop qui abou hèytes counechénces dab lou Cascarot e lou Zabiè Perez de Mirande, et tabé que predicabe en la boune e sabrouse léngue de case. E à cade Cap d'an YArmanac de la Gascougne, qu'ère la soue yoye... Puch, decap à 1935, Andrèu Pic qu'entenè dise que ue pèce de teàtre Las Aijgues de Bloussoû, qui-s yougabe per aquiu, sus lous empounts, qu'ère hort aplaudide, e ballèu que desnidabe l'autou qui s'estuyabe débat lou subernoum dou Hasan. Lous de Gastoû-Febus, gauyous de la recrube, beyat se hasoun amistouse arcoelhénce au nabèt batalhè. Sansou qu'ère lou prumè à s'estouna que la soue debertissance e poudousse plàse coume aco, adarroun ; n'abè, dinque are, boulut parla que tau soû cournè de Plasénce, mes pusque d'are enlà ère audit d'ue numerouse familhe coum se trobe. la de Gastoû-Febus, que-s boutabe à calameya, tout biste, cansoûs, coundes, pouesies d'ue liric delicade e aboundouse. Se noû poudè ana ta Leytoure en 1936, qu'ère de las hèstes de Tarbe e aus prumès encountres, las cares dous counfrays que l'encantaben. Doungues que s'y escadè, capbat Gascougne ue ley de mounde, chens grandousère, qui nou parlaben d'interès aguts ne d'aséde poulitic : Omis arribats de toutes las parts de las credénces, dous mestièsje dous emplecs que s'en abienèn permou de la Patrie ! D'u maye balans que! s'apoudyabe à dabanteya las amassades de truque-tarrocs ; dab Ulysse de Lasserre e Zabiè de Pucheu que s'en entenè ta tratta la questioû paysane. dens lous Reclams e que-ns ère dat d'y léye : Nouste mestiè, lou Larè, la Maysoun, Bertuts de la familhe, lou Pan dous joens menàdges, la Mestrise, etc., sancés e esmabents escriuts d'û Gascoû qui, dou brès enlà, boulegabe la terre dous ancèstres. Counfrays ,amies qui n'about pas ^'agrat d'où counéche, troubat en aquestes cartes las probes segures que Sansou que hou û omi au co pregoun e à l'amne bère. M. C. Boumarchès, 12 de Setéme 1936. Talèu passât lou factur, méntre que seguiui boste letre, nore e hilhote an sabul biste bése ser la « Petite Gironde » lou palmarès de Leytoure. L'aunou d'aqûet prêts arrecaptat p'ou « Pastis bourit » mous a balhat taplan aus ûs e aus auts ue brabe segoutide, e la biélhe mamâ — drin sourde e que-y bé pas oayre — n'ey pas estade la darrère à trouba-s'y soun plasé. E jou, trop esmauut aquiu s'ou cop noû sabi, çaquela, dise ne « tire » ne « pousse » enta-b arremercia d'aco e de tout coum caleré. Be sabets lou prumè arram coum berdéje beroy aus oelhs joens ou bielhs dou qur-u s'amasse ? E dounc, dou téngue e espia-u nou-m biengousse l'idée ourgulhouse de qu'où me meritàui ! Alabets, dechat-lou-me pausa au pè �— 80 — de la boste garbère d'oun dechat caje quauque cabelh enta ajuda-ns à hè maje lou hèch e mes graiide l'espigue, lous oubrerots coum jou que s'encaminen d'û pas brigue assegurat à barrey lous balents onbrès parti ts coum ac boulets : lou hèch sus l'espalle e l'espigue aus dits. La mie recounechénce ba tabé au Capdau e aus dauantejayres de l'Escole que m'an hèyt aquére aunou. Quan se-b aparie, digat-lous at de ma part, b'en prègui. * * * 4 de Setéme 1937. Dab mau de co qu'estouy fourçat de tourna parti diméche brèspe auan la hèste beroye n'es tousse acabade, e sénse gausa trebuca lous us e lous auts end'ana touca-be de man. M'auèuets hèyt encountra lou dissatte sé à Zabiè de Pucheu e dab un amie coume aquet, felibreja qu'ey tout plasé e proufit. Que se-m apariè tabé de hè la counechénee de Courtiade, dou pay Mounaix, de Lasserre-Capdebile, de Pic, dous abats Saint-Bezard e Caritet e atau coumpréni à fèt ço que lou Capdau ayme de dise : Qu'èm de brabe mounde. Que tio ! E nat grandousè, nade pretencioû de hè-s à baie ço de soun, tout proumou de l'Obre, tout enta que l'obre s'esplandisque. Ah, se s'espiauen pertout dab oelhs clas e amistous coume s'espien paysans e moussus, régents e curés à l'amassade dous jocs flouraus, be s'en trouberé mélhou aquéste praube generacioun d'après-guerre que semble aué perdut lou goust de biue. L'idée de Zabiè seré d'abia l'an que beng un trabalh coum qui dirè de douctrine paysante oun s'atelerén quauques hurgue-tarrocs. J'auré de que ha, segu. Mes lou plan ? Calerè lou qui s'en carguèsse estousse tout, sounque mauj-aysit, Saint-Bezard, belèu ? Massartic e Palazo, boun cop de hilat capsus las palouméres de l'Armagnac. Lou 7 d'Octobre 1938. E dounc passa-m que m'a calut de las hèstes de l'Escole, bien dab mau de co, b'asseguri. Qu'esperaui toustem aué un boun jour enta labets, tout truchat qu'estoùssi, mes quan lou hilh e-m bengouc apera decap à las très ores diméche maytin, arré à hè enta sorte de la tute, lou patraquè qu'aouc lou dessus à las embéjes. Que-m counsòli coum pòdi d'aquet auejè en pensa que j'èrets ûe bère troupe à St Sebé e que s'y ey hèyt de beroy e boun trabalh... Qu'èm trop esparricats, tè ! Oey que-m bague d'arroumia tout aco... Mes bau, e mes que m'esrniragle, lou boulé-hè e lou sabé-hè dous mèstes de l'Escole. En aquéste temsade oun touts arpatéjen decap au bilhet de banque, enchantiera un prètsrhèyt d'ideau coum aquet, mantengué-u, hè-u esplandi pendent quarante ans e mes en hurga l'un, en prega l'aute... e que say jou ! pensa-s'en de toutes dauant �— 81 — la dinerole trop soubén eslaussade e bé, la, bien praube d'amne que seré lou qui-s tirèsse pas lou berret quan bous hè camina atau toute la boste bite. M'escuserats de b'at dise en aquéste letrote oun cèrqui à aleuyi-m lou co dou degrèu d'aué pas poudut èste dab bous auts lahore. * * * Lou 4 de may 1940= Plau, plau, Nicoulau, las auélhes au casau, lous moutons à l'arribère, bire, bire cousinère. Atau disèuen lous anciens aus droullots, per nouste, quan plauèue. E dounc oey que s'en aquite. Tabé que proufiti de la pause enta escriùe aus amies, pramou be podets pensa bague pas toustém pr'aci. Que eau hè-s'y touts mes que nou poden, e encoère qu'en demore. Qu'abouy delà-jé noubèles de Saint-Bezard. Qu'en arroumie de toutes, lou praube d'et : « Pr'aci, s'ous bords dou Rhin lou sectou qu'ey estât ahoecat pendén quauques jours e que y'èy biscut urous ; dempey ue semane, arrés : Quin tristè ! Que souy maçoun enta ha ciment, houssàyre ende hè barats... e, lèu, boulentàri dous corps francs pramo que lous nèrbis n'an prou d'èste nèrbis de taupe. Hitler qu'a dit, parech, que decheré pouyri ser pè l'armade francése ; beyram aco ; jou n'ey nade embéje de pouyri ». Trobets pas que beng de louy e que porte louy aquet « beyram aco ! » ? Aquiu lou sourdat. Entaus amies quine fierretat d'où se bése atau e quine pôu tabé d'où se bése à toute ore dauant la mourt abugle... Mes ne-y eau pas pensa ; que lou boun Diu lou bire de tout dangè ! N'auém tant besougn d'un cop la guerre acabade, d'amies, atau, gabidayres e exémples de la joenésse ! Sourdat, segu e crâne sourdat, mes tabé e sertout arbajayre d'amnes. Quantes gn'a, aylas ! de descarreyades. Qu'ac bé e qu'où hè péne : « Que nous arresèrbe la guerre e l'après-guerre, soubén amie, que m'ac demandi e noû m'y hisi oayre pramo que, à moun sens, que mancam trop d'ideau. Coume pouyrén aué boun « moral » quan crésen pas mes en arré ? L'òmi qu'ey ûe bèsti, e 4as bèstis entre ères noû counéguen pas la ley de caritat, de justice, d'amou. La guerre sémble pas aué hèyt brique pensa ; que y-a ue trop espésse couscoulhe de matèri. Belèu, au loung ana, que pod cambia. » E aci lou soun sourrise : « ...ne-m desbrembi pas nat amie pr'aco dens moun soubeni amistous. Entre nous auts, lous Reclams que serbiran toustém de ligue. » E dounc que-b dèchi ser aquet beroy dise qui boute drin de calou au co. Que-b debaneri, are, de ço de men ? Arré que balousse, tè, après aquéste pausote passade dab et. Si, pr'aco : que béngui d'esta papete, un cop de mes, e d'un bèt petit Jacques. Lou géndre qu'où se poudou béngue bése. à Maubourguet en ue permissioun de très jours... �— 82 - Lou 6 de Mars 1941. Que-b tourni las hoélhes baléntes d'Ismaël Girard (sus las termières de la proubincie de Gascougne). Estoussen counegudes e escoutades p'ous capulats qui seran cargats de hè lou trassat dou nouste païs gascoun. Deuém espéra ? M'y hisi pas oayre. Aci, sendicat d'iniciatibe, crampe d'agriculture, crampe dou coumèrce, e que say jou, que bon Toulouse enta capitale. Lhèu, sounque enta la Regioun ecounoumique ? Toutun, nous autes, pr'aci n'auém jariies bist à parti d'acet coustat arré de ço qui benèm : Bin, blat, betèts pouralhe. Decap à Tarbe e Pau, o. E que-y trobom ço que nous manque : Poumes de terre e milhoc. Nous auts, paysans, mantienguedous bertadès — o, per segu — de l'amne e de la Terre gascounes, e seram escoutats ? — Qu'èy embiat lou me Report aquiu-sus... Caleré lous régents s'y pihèssen à de boun. Pr'aci, tè-tè, ne-n besi pas oayres toucats per l'estrambord felibrenc. Qu'an poupat lèyt qui n'ey pas de nouste : Eyts, Escoulas, Tucats n'auém nat dens l'Armagnac. Lhèu, belèu, s'en mustrara quauqu'un, trop bergougnous dinqu'adare. > * * Lou 2 de Noubémbre 1942. Oère-m aci toutun. Mes, ne boulhes pas sabé dens quin estât. Coupe-caps la-un n'atén pas Faute. Qu'ey bèt de s'oucupa dous paysans, qu'ey bèt de boulé serbi e la familhe, e l'endret, e lou païs, mes qu'arribe un moumén quan l'arroussec dous ans es hè de mes en mes pesant, qu'arribe un moumén oun eau arresta-s per forse e dise : N'èy prou. Aquiu qu'en souy. Brégnes acabades, dues, très semanes que passèy à tira lou mounde de pertout. Escriue à l'un, ana bése Faute, tira-s lou berret dauant moussus e madames, tusta à forse portes per trouba debisayres e debisayrots. Ue boune journade que passèm toutun à Plasénce Faute diméche : Misse cantade, recepeioun à la maysoun coumune, etc., e, aco que-t hara plasé, lou sé à la gran reunioun dou teàtre, ser Fempount oun s'y francimandejèc coum se deu, Z. Perez e jou ne manquèm pas l'aucasioun de debisa cadun ue pausote en lengue mayrane. Lous escoutayres ne s'en dechèn pas pèfde nade brie, b'asseguri, e que truquèn las mans, ad arroun. Probe que lou parla de nouste, en ue amassade de mounde de nouste, toque) tout de tire au biu dou co e de la pensade. Coum debisàui lou prumè, quan m'estouy assetut, mous de Castelbajac delegat reyiounau biengut d'Auch et tabé dab Z. Perez que-m digouc à l'aurélhe : « Il faut plaindre les pauvres bougres qui, après ça, vont être obligés de s'exprimer en français ! ». Probe que l'obre nouste pouyré dauneya tant qui bouloussen se lous oubriès, — ou quan seré lous oubrierots — mancauen pas. Las bertuts soubiranes dous mots esquèrs nou s'estarïran pas à la prumère. D'aquéres bertuts enta-n tira partit coum caleré lous bouns oubriès soun clas, trop clas, qu'at sabes coume degun : E forses qui aurén lou « doun » e la « boucacioun » lous bague pas, �— 83 — 15 d'Aoust 1942. Ço de prumè, ue; boune noubèle. Que soy papéte un cop de mes. Atau la segounde doudsene s'abie. Tout que. ba, hilhote e arrè-hilhote que pourtauem à batème diméche darrè à la glèyse de Plasénce. Qu'aouy en darrères la besite de Yan Bourriez, lou proufessou de Mountpeliè, acoumpagnat de sa hémne e de sas dues maynades. Que soun en bacances à Marciac. Que trabalhe — quant pot — proumoU la rèyte dou dequé minja l'auè boutât ser las palhes, que trabalhe à la « geografie » dous parlas de pr'aci, e que m'a demandât d'où balha endiques s'ou parla d'aquéste parsan. Dues brespades qu'estèm, lou paysan e lou sabent à tria lous mots de per tour de nouste. Pauses de las mes plaséntes, n'èy pas besougn de t'ac dise, e pénses bien que debisèm de l'Escole, dous Reclams... E lou praube pay Mounaix ? Qu'ey p'ous darrès Reclams qu'ey sabut la triste noubèle. Qu'a dounc finit de soufri, lou praube d'et, mes be s'en aura bistes ! Que l'aurèy bist p'ou darrè cop, à Pau, l'an passât. Debisèm de bères pauses ser un banc dauan lou Palays de Yustice. E quan se calouc dessepara, toutun que m'ac boulousse pas dise, que coumprengouy que l'adiu dous sous oelhs qu'ère enta mes enlà qu'aquéste terre. Lou boun Diu l'arrecapte dens sa Pats ! JULIEN SANSOUN. LOUS PASSEYS U biàdye d'art per Naples e Sicile au sègle XVIII 417 estampes, 5 grans libias in-folio, 125 bignettes, flouroûs, etc., aquiu ço qui-ns auherech lou biadye au reyaume de Naples e en Sicile de l'abat St Non, l'û dous mayes mounuments qu'aye apitat nat particuliè à la glori dous arts en nat païs. Qu'ey ue yolhe, lou libe aquet, dou sègle 18au francés e lou qui boulhe sabé de l'Italie anciane, que-y deu hourruca. D'aulhoûs, St-Non que-s y roeynabe e lou sou ray tabé enta poudé acaba aquet maye prèts-hèyt. Lou financiè de Laborde e lous capulats acciounàris que dechèn de l'amouneda ; ue courdère d'ans que debou entretiéne û ahoalh d'artistes francés (quàsi touts yessits de l'académie de France en Rolime) qui anaben p'ou pèys arroun ta dessina, lheba plans dab û yoen diploumate per mèste-menoun : Vivant-Denon, lou qui, ans hère despuch, seguibe Bounaparte en Egypte permou dous mounuments. Aquere gauyouse coumpagnie qu'anabe armade e acabalade capbat parsas qui-s poden dise chic couneguts de l'Urope en aquéres ores. Permou, dinque à labets, lou curiousè dous erudits létreherits e artistes noû passabe goayre lou nord de l'Italie e Roume. Us quoandes que bachaben à Naples mes lou Reyaume de las Dues Siciles, cougnit, de bandoulès, chens carrères, chens minyance ayside, qu'ère arrebouhièc ta-us biadyedous ; e toutû, quoandes tesaus �— 84 au celât en aquéres an tics ciutats de la grane Grèce ! Que-y abè mounèdes en abounde de las bielhes e lou prumè bourdilè ou pètterrous, en tout laura, qu'en arrecaptabe. La dusau mieytat dou sègle 18au que cambiabe û drin aquet ana : En 1748 e 1763 que houruquen lou sòu de: Pompeï ; dinque à 1792 que lusiran las publicacioûs perioudics de « l'Academia Hercolamense » assabentan lou mounde dous estudis d'art e d'arqueoulougie. Us dus francés, l'abat Barthélémy e lou coumte de Caylus que s'anaben ha renoumiats en taus recèrcs. Hens û prumè biàdye en 1759, St-Non que-s ère ligat dab û parelh de yoens artistes de la Villa Mancini (l'Académie de France en Roume) : H. Robert e Fragonard, bienuts aquiu en 1754 e 1756. H. Robert aydat p'ou menistre Choiseul qu'abè ue grane culture classic ; en seguin St-Non à Naples que l'enpregountibe (1760) permou que poudou oelha aciu las coulleccioûs dou rey enriquides cade die per lous hourrucs de Pompeï. Lous amies que trebucaben tabé au Coumte de Gazolles, û arqueoulogue francés qui dessoupelibe lou Temple de Pœstum. D'aquére temsade, que bienoun lous numerous dessîs de Robert qui oundraben lou libe de St-Non. Mes lou gros dou tribalh e lou coumentari que-us deberam à la carabane de Vivent-Denon, fourmade en 1778. * * * * Cabauguém doungues dab la trouperade dous Francés ; que-s soulen ha dabanteya p'ous « ciceroni » ; las bèstis que soun de praube traque e lou canalhè de las biles oun passen que hè û loung seguissi en mendicà e infamia. N'abèn arré de miélhe à ha e que-s an arrecaptat « en discuti dous noustes interès dab lous lougayres de chibaus. » Quoan an caininat ores e ores, en biéne en bistes d'û biladye, que eau mandà û serbidou en dabans ; deya lou mounde abertit e lous permès antiquàris que biènen au rencountre ; aus estranyès que dan per alodye û castèt desateytat e en roeynes, urous encoè si, coum à Brindes, n'an pas mancat ahount-s en lous mouras permou de l'escu. La boune sorte qu'abè amiat û òmi dab tèdes alucades ta-us bira la coente. Lous syndics dous biladyes e bilotes ne soun pas toustem arcoelhénts tapoc ; à Soletta que calou ha paréche letres de credénei dou goubèrn « chens laquoau precaucioû estoussem segus de droumi chens soupa au miey dou patus. » : qu'aboun û simple palhat e prestat de maie gane per mounyes capucins. U gnaute cop, qu'èren à Otrante, lou bayle dou loc, per countre, que-us hasou aumenance; bertat qu'et ère prou sapient e apouticàri : « Que-nse cité tirades grecques e, dab aco, qu'acibadè et medich lous noustes chibaus. » Lous capdulhs prou counsequénts qu'an û agent dou Counsulat de France : touts que s'y hèn labels : « la may de familhe que-s gahe à la cousine e lous talents de la maysoù que s'engragnen à plàse-ns. » Quoan s'escad û die de marcat « la hourrère que hè la sègue enta arcoelhe-ns ». Mes p'ous bilàdyes hère apartats coum Nicolosimi, lou mounde que s'escoun e las hémnes nou-s bolen mustra sounque per las hièstres : « Que-n bienoun per maye fermance à amia-s'en �— 85 — dab ères lou caperâ de l'endret. » Lou bilàdye de Tarsia qu'ère desproubedit à nou poude auheri ta la noeyt « sounque ues chastes roeynades, parets alandades de touts estréms e qui sustienèn û tèyt arrout, û coulidor despasimentat p'ous tessoûs : dab aquero, la "cousine yuste réde oun noû troubèm qu'û ca magre e û gat mey magre si-s pot, qu'ue rèyte coumune hasè coumpays. » Que passèn la noeyt enroupats dens lou màntou. E toutu la yoye dou biàdye que.daunéye subretout quoan om parbién en nat d'aquets locs istourics oun calera tribalha e dessina dus ou très dies. Describem, si}-b agrade, la yénce grabadure de Desprez : La carabane au Temple de Metaponte ; au permè plan lous noustes amies qu'installen taules e sèlis ; dus cabalès enderrerits qu'an arrecoutit ; loungs fesilhs, camise desbalganade ; en terre escales e pics ; baylets que capsen las aubardes e las sères ; u barricot qu'ey abrouquetat enta rafresqui-s. Au dusau plan arquitèctes emparais dou sou per Ue grane oumbrèlle que. coumpten lous utis ; au tresau, en fi, la ténde qu'ey haussade ; que toque la coulounade antic, la nouble coulounade dab escales e courdàmis gahats à las frises : deya dus paysas mau ensunats que hèn courre aci-haut lou riban mesurayre ; l'arberalhe qu'a embadit las henèrcles de la bas tisse mes dens lou cèu cla aquére halhe de mates e yèrbes, quasi immetariaus, qu'estalhanden û tems qui crederén eternau. De quoan en quoan lous artistes qu'an bertadès trebulòssis : que cerquèn en de balles l'anfic Pandosia oun Pyrrhus liurabe batalhe aus Roumâs ; à Rocca Impériale lous estadyans qu'ous arcoelhoun dab la pique débat lou nas ; à Castel Rossetto, bielh castèt mountagnòu, nou troubèn sounqu'û omi encargat de touca û dret de peàdye ; quoan bouloun cerca lou tras de Sybaris, bile mourte, que-us calou anoeyta hens ue « bufflerie » chens trebuca arré. En Cariati, bile barrade permou dous Barbaresques, degû nou boulou da-us l'alodye ; mes en Calabre, au castèt de Melissa, lou prince de Strongoli que s'y hasou « en leyau castelà qui arcoelh à chibaliès ». Ço de sourdeys qu'ous s'escadou à Condoyana oun nat biadyadou nou gausabe plega la came : « La nouste arribade que hasou ue terrible sensacioû ; toutes las hémnes s'embarraben à case oun se barroulhaben. Lou praube dou syndic que-nse recebou, résignât coum à x\ flèu dou cèu. » Lous de Marina de Bova, parié, qu-ous hasoun arcoelhénce e ta trouba lou castèt dou coumte Poglietti que-s. perdoun en la campagne ; mes a trabès l'escu ûe luts que parechou : qu'ère ue borde « plée de yens mine-bache, armats de coutèts e fesilhs dab touts û ayre de maie umou. » Mes coum « dab resoulucioû, fermetat e aunestetat » tout que-s pedasse, que poudoun soupa en acountenta-s de caulets, pâ e binagre. En lou medich parsa que courrè ue mâchante raquère ; per precaucioû sanitari qu'ous counsignèn à Tropea hens ue grosse tour oun ta passa lou tems, hasoun signes à las hemnes dab lous dits, <-< puch en Italie que saben tout dise dab aquet miey ». Boutém que lous artistes ayen parbienut au tèrmi de l'estape, e minyat e bebut : si ban drouini ? pas toustems ; lous lheyts de Torre Sant Antonio qu'èren empvidemiats de pus ; que calou yase-s en ue capère ; à Torre d'Ibannibale la pouralhe ayoucade hens la mediche crampe. �— 86 — « Qu'entretienou toute la noeyt ue courrespoundenci dab autes garies qui èren à û quoart de lègue. » Quoan lous paysâs s'abien decap ad'ets per curiousè, la mousilhe qu'ey mey segure : qu'at hiquen tout à countribucioû ; medich à Troja en la Poulhe « toute la besiau que s'arrecaptè quoan debarèm de chibau e assisté per force aui nouste desboutat ». * * Oerat lous Francés establits per quauques dies ou quauques ores en û ayraut ; qu'ey ço qui poden apréne dou poble oun biben ? Mes hère ; e, prumè, la bite coullectiu dens las hèstes, dens lous sentouràdyes, dens lous marcats. Lou dessinatou Berteaux que-ns a dechat sus las portes de Brindes û group de youguedous de quilhes : nau quilhes coum en Gascougne e lou bòlou parié. A la Rocella, qu'ey Desprez qui calaméye ue hèste rustic ; au prumè plan, à dréte oerat ue courdère de pè-terrous dabanteyats per cabaliès dab flahutes e bouhes ; per esquèrre, ue peléye de dus trachamans coutèt au pugn : l'û que pare lous cops dab la cape tourclade s'ou bras. Au dusau plan û estanguet de taulès dab dansedous : granes capes, plumes de hasâ au capèt ; Pous arrè-plans, en fi, acera, bilàdyes mountagnòus horebanits en ù loegntâ mouth, sus las serres séques. Boulets bede, are, lous Siciliâs en la deboucioû ? Hubert Robert qu'a pintrat lous, beuraymès à Naples per Nadau. Que musiquéyen dab flahutes e bouhes dabans ue imàdye de la « Madona » e parié dabans û sant, si s'escad : Chastelet qu'ous amuche atau sus la place de Tibère à Pouzzoles. Duplessis-Berteaux que s'agradè de î'entrade d'ue glèyse, û die de hèste annau. Bé-n y a tapisseries e blasoûs ! Aci ûs mounyes dab la biasse ; sentourès dab lou tôtchou, las couscoulhes e la cuyete ; aquiu saumes dab granes aubardes, marchands de sabatoûs e espartégnes ; û àsou cargat de cuyes que s'espatèrne ; û cridassè que bén estatues dou sant e touts que-u baden. Lou medich artiste qu'a hèyt encoè lou marcadau de Trani dab lous soûs dansaj-res paysâs, lou caperà amantoulat e las hémnes dab capules parières à las d'Armagnac. Aquets pique-talos d'aulhous noû tribalhen goayre ; hens « la biste de la solfatare de Pouzzoles » om bed plâ ue hémne dou pople, hourcère aus dits ; mes Châtelet que boute dabans «.. San Vitale » dou Pausilip ûs youguedous de dats dab paysâs esbagats e saumes qui-n ban à pous de barroutades ; aus « Bagns de Neroû » H. Robert qu'abè apielourtat û sarrot de droumidous e Berteaux en « las roéynes de l'antic anfiteatre de Capoue » que pintre au miey de las coulounes'estrouncades ue bertadière péléye de tacagns dab lou capèt puntut à la manère de Calot ; brabe yent d'aulhoûs mes dab la sang caute ; e fanatics. Enta plase-us, lous artistes qu'anaben tau « monte San Angelo »> noû loegn de Monfredonia, en û sentouràdye hère courrut : « Que bédouy, qu'admirèy, que poutouèy tout ço que. bouloun ha-m puna e merbelhà » e dits Vivant-Denon. Abans de decha lou pople que eau dise dus moûts dous guides ou « ciceroni » ; lou bou tribalh n'ey pas toustems aysit ; au Besubi �— 87 — « que ban en dabans de bous e que-b carrussen dinque au cap en hè-b gaha ue courréye de là quoan se cinten lou cors ». A l'espelugue dou Can, que soun û sarrot enta expérimenta dab la tède de rousie e arrata-s us souricots. Que soun recrubats subre-tout enter lous « lazzaroni », yent qui cèrque, coum maye bé de la bite, lou lésé. Ta que sudà, ta que oubra ? A la loue darrère ore, suban la coustume siciliane, que-s troubara, segu, ûe counfrarie, ue « hadèrne » ta pourta-us au segrat, care descoubèrte, e caperats d'û linçòu. Permou si n'aymaben pas lou tribalh, qu'aymaben la reliyou e quoan la sang presade de mounsegnou sentf-Yenè nou boulé bade liquid entèr las mâs de l'abesque, be-n largaben crits e biahores maugrat l'ayre escandalisat dous trénte canounyes [bestits de bioulet e la mitre en cap, ço qui ey û pribilèdye especiau à la bile de Naples]. * * * En France, au sègle 18au, que y abè ue classe mieyère ; à Naples, yuste nade, hore ûs-quoandes marchans, e lous bach emplegats dou goubern. La glèyse qu'ère hère pouderouse : mes las coumunautats de mounyes qu'abèn fourtunes e de-qués hort despariès. A Strongoli, dits Vivanti-Denon, lous Capuchîs qu'èren tant praubes que hasèn houne las medalhes antics enta préne-n l'or. Qu'en y abè de sapiénts : lou P. Antonio Piaggi qu'abè dechifrat lous manuscrits dab ue enyibane de la soue imbencioû. Letre-herits célèbres qu'oundraben la coumunautat dous Camaldules ; de quoan en quoan l'amou de la sciénci qu'ous hasè pegueya e û canounye gran numismate, A. Gerace, qu'abè neteyat las soues medalhes : « en las roubi qu'ous abè enlhebat, aquet bernis oundrable, aquére gréhe tant care aus amatous ». A Reggio que bibè ù caperâ illustre, lou canounye Morezzano, « ômi instrusit de las antiquitats dou pèys ». Que counsurtèn las soues notes. La noublésse que-s tienè quasi toustems en Naples. Lous yentius que dechaben à mèsles-bayléts la direccioû dous immenses bés. Hères qu'abèn en prôpi lou sèti, badut èrm, de ciutats desparescudes ; Sybaris qu'ère dou duc de Corigliano e de quoan en quoan, en laurâ, lous paysâs que dessoupeliben marmes, estatues, atrunes antics. Que y' abè subretout bufles e chibaus en libertat, pastoureyats per cabaliès febrous qui gahaben las bèsties : « au fourçat coum ta-us cèrbis ». — « La maye part d'aquet reyaume qu'ey lause e coum incounegude » si escribè Vivant-Denon. * ** , Lause e incounegude aquere terre : lhèu quio e toutû encantadoure. Quoan la memòri dous noustes biadyedous hasè arrè-pè bé tournabe gaudi la bielhe e nouble bie Appiane. bourdade de roéynes e de tahucs pèyre-picats ; en Fondi qu'èren estats lous gourgs Pountis e la douane poc chauchéte dou Rey Bourboû ; puch Minturne e Capoue, lous paysâs sus la carrère qui yoguen atau, s'ou pic, enta-us moussus francés « ue eglogue de 60 couplets » ; e lou Besubi en fî, sus ù houns de cèu blu dab ue courtie de hum leuyè ; Naples, lou �— 88 — capdulh, Naples bastide de « mattoni ■» qui soun barroûs pausats en lausenye : las maysoûs caperades de terrasses de pouzzolane, pèyre qui bad mey tilhe quoan ey mouthe ; aciu, s'ou cop, l'arqueoulogue e l'artiste que-s troben à loue ; ue briaguère que s'apoudère de l'inteliyence : oun da ? Que eau besita Pompeï e Herculanum ; oelha'-us loungues ores ; bediam sinoû aquéste dessî dou pintre Després : dus amatous qu'en ban per ue carrère yuste dessoupelide, enter ue coulounade armouniouse ; dus sourdats dab ù labrit que hèn boune goarde au miey dous tesaus rebiscoulats ; P>erthault tabé que-ns campe û dessinatou assedut, goeytat indiferentemént, per û militari qui-s debertech à hè pourta las armes a û cagnot proubedit d'ue pipe. Oerat, débat lou crayoû de Dumoulin, lou desgadyemént dou quartiè dous Legiounàris : ûs arquitectes que mesuren ; ûs « ciceronis » que hèn baie bèt esplic ta-us besitayres ; mes en û corn de l'imàdye ù estranyè indelicati qu'ey horebanit à cops de crosse. La pouesie la mey haute qu'echague de la biste dou Temple de Serapis per H. Robert : escalès de oey lou die estacats à la roéyne ; portes desbarroulhades, balcoû en « symbiose » sus las parets antics e la harde d'uQ bugade qui séque esplingade per ue liémne dou pople seguide de la maynade. E b'a calut ana à Pouzzoles, à la Solfatare, à las Escoles de Beryéli (qui soun lou haut de Monte-Piano), à la cabe ou espelugue de Pizzafalcone reserbade aus courdiès chense mentabe lous Toumbèus besîs e frays de Sannazar e de Beryeli. Mey qu'aqueres nautats classics, ço qui nou yessira de la cabole que seran las cabaugades loungues per parbiéne à-u petit port de la coste tout ensablât e bagnat de luts : coum Brindes, bèt-tems-a glourious e qui; s'oundre d'ûe maysoû de Ciceroû chic ou hère autentic e d'û marcat d'antiqualhes ; ou lou port de Tropea : ûs pesquedous que hiquen lou péch en la sau ; que soun couhats dou bounet dab plume à la fayçou latie ; e aciu, en retrèyt, l'artiste qu'a boutât sus û tue loegntâ la bile cintade de dentelhs. Cade parsà, cade ayraut qu'a la soue leyénde ; à Canossa que nouménten (per qué ?) l'arc de trioumfe de T. Varon ; que-y credèn û thesau e qu'esté espansat p'ous hourucàyres ; à Benebént, sus l'arriu Sebeto, lou moulî qu'ey de cap à pè coustruisit d'inscripcioûs antics e d'autâs ; l'agrùpi dous chibaus qu'ère û tahuc roumà hère bèt ; toc toucant Canossa, hens lous bladas, anat béde ue caperote chètre bastide de marmes antics : qu'y droum, dits-om, lou prous Boemond, lou de la canté* de Torquato Tasso. E l'aygue-segnè de la glèyse de Miletta : qu'ey ue couloune miliàri sus lou lindau d'ûe borde ; à Strongoli, qu'abet ue inscripeiou grecque e atau adarroun, de touts; estrems, en touts parsàs. * Leyidou amie, lou qui tién aquéste calam qu'a bist, et tabé, aquet païs merabilhous. Mes que l'agrade de-b abé dat gabidayres mey counsequents enta-u mustra-n las berous. E Diu boulhi, enta claba, queb ayen-encantat autant coum à d'et. ANDRÊU PIC. �LAS REBÍSTES Causotes de nouste(1) Moussu lou Meste d'ahas de « l'Eslambréc », Qu'abi plâ résou de pensa que n'èt pas u abusée © que lous ahas dab bous que soun réglais en u santi-patre. Truc sus l'ungle, la respounse que da la mâ à la demande. L'eslambréc n'a pas fénit de lusi que lou pét de tounèrre que seguech. Nou s'apère pas aco esta loung coum la hami deu mes de May. Alabets qu'éy ue cause plâ entenude. Lou parla biarnés n'éy pas espudit e lou qui aye hami de batala que pod ha batalères. Tant mielhe. Lou qui aye lengue, lengue d'aucat ou lengue de quatourze, n'a pas qu'à s'en serbi. Mes que m'arribe gnaute miscap. Qu'éy û besi, û esbagat, qui bién souben ta la bile oun hè proubisious de noubèles, de las qui soun bertatsi e quauquecop de las qui nou soun que bertats de renard. Aquet bési que m'a dit atau : « Qu'éy entenut dise que ta poude escribe hens las gazétes, que eau abé ue carte de yournaliste. » Ue carte ! Nou séri brigue estounat si aco ère bertat. Au téms oun bibém, nou s'y pod atrassa arré chens abé ue carte ou u tiquet. Autescops, nou s'y parlabe de prene ue carte que ta puya su-ou cami de hè, mes, bidare, nou poudét pas hica lou nas dehore chens carreya au pouchic û sarrot de cartes. Tau pâ, tau bî, tau café (quoan n'y a !), tau sucre (que n'èy pergut lou gous !), ta touca û oéu de quoan en quoan, tau toubac, e lou restan, que eau la carte ou lou tiquet. Paga, prega, ploura, ha pots au marchan, tout aco en-de-balles ! Si n'as pas lou papérou, que podes tuta. U ramusclét, û hè-te-m'en-là, e passa biste. ta dehore. Que eau tabé ue carte ta touca ue yuntote de sau. En eau tabé tau pébe ? Nou m'en souy pas enquérit. Qu'abi û beroy tourné de pipèrs e deus qui abèn qualitat, que t'en respouni. Debria ! Qu'aberén heyt estournuga û Bascou ! Qu'èy amassât ue bère corde de téques plâ rouyes, que las èy heytes séca, que las èy mouludes beroy fî, e bidare qu'èy ue proubisiou d'adoubalhes per quauques mesades, si au mens nou se m'y hique pas lou bèrmi ou lou cussou. Cartes e tiquets ! Atau qu'èy la mode de oéy, e nou bague pas de dise : « Que-m trufi de la mode ». Que la eau segui ou quita lou pèis. Mes ta quita lou pèis que eau tabé û hèch de cartes e de paperous. E puch, tè, qui sab, dilhèu au pèis estranyè trouberém sourdéys que per nouste. Cranc de cartes ! Si, au loc d'esta u troussot de papè, èren coustétes de porc, Biban ! Sounque de-y pensa, lous darrès cachaus qui-m soubren que s'en arriden de plasé. Que sèy que-y a ue clau qui pod serbi en place de toutes las cartes e de touts lous tiquets. Aquere clau qu'a la bertut d'ourbi touts lous magasis, touts lous cabinets, toutes las tirétes ; aquére clau que hè lusi l'oelh deu marchan e que-u hique u arrisoulet charman su-ous pots. Mes aquére clau embrouchide que la eau abé e n'éy pas dat à �— 90 — tout lou mounde de la poude arrapa. Que m'apèri Titou, Moussu, mes que-m pouderi apera Yan de la Rèyte e qu'èy ue granei parentat de cousiots qui s'apèren coum you. E ta feni, Moussu, que-b bouy dise que si per cas e eau ue carte ta poude desglara patricoles hens lous yournals que harèy ço qui calhe, que-m hiquerèy au plèc. Adichat e hèt beroy. TITOU DE L'AHITAU. (1) U nabèt yournau qu'a espelit en bile de Pau, l'Eclair : qu'en tirani aquéste Ietre esberide. LAS TRADICIOUS COUNTRE LOU SANGLOUT Sanglot, mingot — passe et arriu e coupe-t et cot. Coelhut à Moungalhard (Bigorre). M. C. * U YUNTE D'ARREPOURÈS SUS LOU TEMS E LAS RECORTES Sent Medard esclarit — que hè lou soulè garnit (8 de yulh). — L'aygat de Sent Barnabè — si nou ey daban qu'ey darrè (11 de yulh). — Bèt tems per Sent Yan — hort de blat augan (24 de yulh). — Sent Pè dab Sent Pau plouricous — trente dies danyerous.. — Auràdye de Sent Tranquile — nou dèche lou paysâ tranquile — mes si anabe trop dura — que-u haré bèt drin crida (6 de garbe). — De l'arrous de Sent Sabî ■«— toute l'aygue que debién bî (12 de garbe). — Ta sente Marguerite — grane plouye qu'ey maladite (20 de garbe). — Nou-t plagnes si lou sourelh pique — lou die de Sent Menique (4 d'aoust). — Si plau ta Sent Lauréns — la plouye qu'ey encoère à tems (10 d'aoust). — Plouye de Sent Miquèu chens perigle — l'ibèr sera pas tarrible (29 de setéme). — Semie roumén per Sent Francés — se bos que lou grâ qu'aye pés (10 d'octoubre) mes despuch Sente Caterine, lou roumén qu'ey roumendine (25 noubémbre). — Que bau plâ chic lou lauradou — si noû pot abé l'estrée lou die de Marterou (1 de noubémbre). — Passât Marteroû — la plouye darrè-u bruchoû. — A Toutsants — brumou p'ous cams. — Ta Sent Sadournî, la néu en camî (29 de noubémbre). — Si l'ibèr nou-s troumpe de camî — qu'arribe ta Sent Marti (11 de noubémbre). — Si l'ibèr n'ey pas pressât, à Sent Antoni tout yuste s'ey arribat (30 de noubémbre). Coelhuts per YAN DE TUCAT, �COPS DE CALAM Au Pesquitou Qui-m hè demanda libres dous mens ente goari. Ah ! praube Pesquitou, que-t am sabut malau Tu hort coum lou bielh pount acabaliat s'ou Gabe Qui bo bibe belhèu mey que nou pas lou nau Qui l'an boutât s'ou nas mounde dous qui ous bagabe. Sabes, que hès besouy. Qu'as toustem boun cachau, Boun calam, lenque boune e gayhasente e brabe, E, chens tu, Betharram brameré coum un brau : « Oun am lou Pesquitou qui ta plasén cantabe ? » Pousqui bé la santat ha bère pelhe nabe. Pousqui per dessus tu d'are en là santat plabe Coum l'aygue qui débat lou poun se-n tourne aygat. Aném, en aquet mau malaudit qui-t esprabe, Pousqui lou medje adret — que-n lou saberam grat — En un birat de man bouta la boune trabe ! Dihort, lou nau de noubémbre de 1940. C. - DAUGÉ, lamisquet. * ** Au nouste Capdau d'aunoU Lou .praube Pesquitou, bouhe-brac, estarit, Doun lou cô, tout l'estiu, malamén flaqueyabe, E qui, mant'ue noeyt, esmabut, sauneyabe La mourt proche, que-s trobe, are, à mieyes goarit. Tau coum lou cèu après l'ouràdye e s'en arrit, Et qui, de nou poude ha cames, s'abeyabe, Lous très mes oun lou mau hastiau lou mestreyabe... . Tau, saubat de l'aygat, û pechot esberit. Bèn, praube Pesquitou, force qu'ey de que bibes Enta saboureya tandes de beroys libes Qui t'a mandats lou gran escribâ de Duhort ; Mile e mile mercés, trop aymable Canounye ! Ue pregàrie en sus e boste petit, mounye Mey que lou nau, coum lou bielh pount que sera hort ! 13 de noubémbre de 1940. Lou PESQUITOU. (i Lou pay P. MOUNAIX). �— 92 — LOUS MEMORIS D'U ESBAGAT CRESPÈTS Lous crespèts de mamâ ! Touts lous qui l'an counegude, que-b diseran que-us escadè numéro û ! Enloe, nou s'en y bedè de tant bèts, de tant fis, de tan boeyts ! Si-u demandaben quin hasè, que pausabe d'abord ûe questioû : « Quoan be pesabe lou porc, augan ? e aus qui respounèn : mey de quoate quintaus ! que disè : Bous, que poudet saya ! qu'abet grèche de soubres... Lous crespèts qu'en soun hère gourmans. ! e labets que, descusmerabe lou soû secret : Boutât, en ue grane casserole, dus grans beyres d'aygue, mieye liure de bùrri, ûe pugnerete de sau, e si-n'abet ue pèt de citrou... Hèt bouri û moument... La casserole, hore dou hoec, sourtit-ne lou citrou e yetat-yi, toute en ù cop, ue liure de harie... Mesclat biste dab l'espléne... tournât sou hoec e tourneyat coum si hasèt broyé... que sie prou espésse !... E adare, atencioû !... Boeytat la casserole en ue gran tarrisse — la dou sang de la pelère ! — e cracat sus la paste, cheys oeus !... oh !... pas amasse, mes l'û au darrè de Faute, en tourneyan cade cop, dinquio que la paste e s'aye plâ bebut Foéu !... E countinuat à tourneya ! E hort ! n'ayat pas pòu de-b desmanya !... Qu'ey l'espléne qui hè lous bèts crespèts !... Tribalhat la paste bère pause : Traucat-la dinque au houns, arrebirat-la de débat à capsus, hèfr-yi relhes pregoundes e hicat-lou, cent cops, las tripes en Fèr... Si-b hè mau lou pugnet, cambial de mâ, mes noû-b estanguet pas de tourneya ! Lous boulanyès qu'apèren aco : « Soufla » la paste. Ets, que la gahen à brasse, que la suslhèben tant haut qui poden, e que la tournen decha cade en Fesplatissan... Ah ! n'ey pas û mestiè de feniant ni de flac !... Que-us abet entenuts mant'û cop, souladya-s d'û esmerroc de taure : Ah '!.., Rra !... en se bouchan dou bras la sudoû qui riuleye per la figure !... Atau, la paste que bad douce, leuyère e que s'emplie d'ayre... aquet ayre, à la caloû dou hour, que s'enle, que hè bouhigues e qu'ey aco qui hè lheba lou pà ! Abet coumprés ? E dounc, que eau, dab l'espléne bouha la paste dous crespèts... Quoan be parech prou douce, la paste, e quoan be hè prou de mau lou bras de tourneya, estangat-be !... Apressat la tarrisse dou corn dou hoec, amantaWa dab ue couberte e dechat-la repausa, dues ou très ores ! Bous, adare, que bat prépara lou hoec : U boû soubrasat de bourroulhes ou d'esterucs, e, à pourtade de la mâ, ue pièle de busquets, ta ha chens brigue de hum, hoec biu ou hoec dous ! Qu'abet ue gran padéne, larye e pregoune coum û segounè ?... Assedet-la de plâ sus là gouye e... hèt biéne toutes las toupies dôu grecli chens carn !... E labets, chens coumpta, à gahades, boutât à la padéne aqueres bères boles blangues de grech qui ban houne �— 93 — drin à drins... e quoan y a quoate ou cinq trabès de dits de grèch dechat-lou cauha — hoec miey biu ! — dinquiò que coumence â huma... Labets, dab ue culhère passade au grèch caut, gahat û troussot de paste — couru u oéu de garie — dab lou dit, hèt-ne ue bole e ahoucat-la tout doucetes, hens la grèche bouriénte... Suban la padéne, boutat-yi atau cheys, oeyt ou dets boles de paste, beroy redoundes. Que s'en ban d'abord tau houns, coum calhaus negats, mes — drin de hoec biu ! — e las couquétes que-s desgahen, que puyen coum si boulèn préne l'èr, que-s passeyen sou grèch qui charlite e de quoan en quoan, toutes souletes, que hèn lou culhebet en b'amuchan lou coustat de débat, deya beroy rous... Adare, hoec dous ! lous crespèts que ban cose à plasé, escarcagna-s coûm si s'en arridèn, esla-s coum si-us bouhaben, culhebeta quoan lous plats, dansa lou quadrilh ou ha à la tume dab lous mey bèts, coum si èren yelous lous ûs dous autes... E quoan soun beroy coeyts, quoan soun à touca, dab ue hourquete de hèr, que-us tirât l'û après Faute de la padéne sus û plat e ta feni — la maynade que s'en cargara — û arrous de cassounade... Bous que tournât atisa lou hoec e putsa à la tarrisse, e à force de tisouqueya, qu'aberat la care autan usclade que lous crespèts qui, saupoudrais de blanc, aténden lous gourmans !... Oh ! pas aquets gouludas qui-us gnaquen à plée gaute... (si s'escauten lou palada, qu'ey pla hèyt !), mes lous fis gourmans qui prénen lou lou plasé au pos : aquets, qu'aubréchen lou crespèt d'ue mâ carignouse, que humen d'u nas respectuous la fine aulou. qui flayre dou bénte hoeyt e que-u minyen à plasé dab toute la bouque, en l'arrousan, si-s pot, d'û béyre de bî dou blanc, per tant boû qui sie, e quoan seré de Yuransoû ! * * * Oey, à you, lous crespèts que m'agraden meylèu rets que cauts : qu»-us tròbi mey sabrous, mes quoan èri chin, nou-m bedi pas dies de-y tasta e à truques de-m brusla, qu'en bouli de la permére padenade. U cop, toutû, que-m brembe, noû m'apari de gousta ni lous rous clas de la permére, ni lous founsats de la darrère. Qu'abi, labets, coum coumpagnoû û noumat Batistoû, oey défunt dab lou Boun Diu sie ! — que m'aberé hèyt bade crabe !... mey gran e mey goalhard que you, que-u cragni bèt drin : qu'abè ue fayçou dej-b despilla, ûe gahade au cot e ûe camaligue e qu'èret de patèrnes... biste hèyt e plâ foutut, coum disè et, en'se trufan de you, mes à l'escole qu'ère tant brabe !... que-m proutedyabe medich si calè... qu'ey bertat qu'enper, que-u dechàbi coiipia lous debés... Doungues, aquet dimars de Carnabal, mamâ qu'anabe ha crespèts tout lou brèspe, mes qu'en ère encoè à-us empasta e you, que-m perdi las paciénces !... U cop de siulét, dehore ? Batistoû que m'apère ! Que m'escàpi chens esta bist e lou galhabèrrou que se m'en amie ta loû... aquiu, las soues sos, dues gouyates hardides e trufandères, que-nse bouloun masca à touts dus... en nòbis ! A Batistoû, lou nòbi, que l'acatralhèn d'ue chenilhe esquissade �— 94 — e d'û chapèu escloucassat, qui debèn sourti tout dret de la bardebielhe ! A you, la nòbie, que m'arroupèn dab û coutilhoû e û chale qui èren estats blancs... autescops ! La care escounude pous moucadés, au bras, séngles tisteroûs, que-nse digoun : Anat ha lou tour dou biladye, anat ! e biam qui n'amassara lou mey ! » E que partira en clouchet, requinquilhats coum û pa d'esbaryepigues, touts fiers de ha chiscla de pòu la maynadalhe qui-ns seguibe, e que cantabem tan hort qui poudèm : Adia, praube, praube. praube, Adiu, praube Carnabal ! Tu t'en bas e you demoùri E adiu, praube Carnabal ! Chens nade bergougne — d'esta mascats que da couradye ! —• qu'entrabem per las maysoûs de capsus !... (à las de capbat, de cap à nouste, n'ey calé pas pensa ! si m'abè bist, mamâ, quine manu dilhade de laie fine !). —En han la bouts- agude que disèm : Adichat touts e la coumpanie ! e que dansabem la polka en segoutin lous tisteroûs ! Quàsi pertout, que-nse daben quauqu'arré : aci, ue tripe, aquiu dus oéus, acera, û tros de pâ !... a las aubèryes — e Diu sab si n'y abè per nouste ! — qu'ère lou mey tarrible ta you, que calé engouli béyres de bi ! •Quoan tournèm enço de Batistoû, lous tistèts beroy garnits, las gouyates que boulèn partadya ! Partadya, segnou ? Pénsi que l'aberé hèyt gay, à| mamâ, que-u pourtèssi ço qui m'abi amassât coum û praube mendicant !... Qu'at dechèy tout aquiu, oéus, tripes e hardes e que m'en tournèy ta case, la came flaque, l'estoumac aus pots, lou cap drin barriat e la pòu d'esta cridat, ! à la cousine, mamâ, rouye coum Ions carboûs dou hoec, qu'atisabe encoère !... qu'arrecoutibi prou lèu ! â la padéne, lous crespèts que pinnaben coum beterots per la prade e la tarrisse qu'ère encoère mieytat plée... — Oun ères, baganaut ? si-m hé mamà... Ça-y te cauha, ça-y ! qu'as Fer tout tourrat ! En m'apressan dou hoec, que debouy trebuca nou sèy oun, e que-b càdi tout assegut au bèt miey de la tarrisse, sus la paste dous crespèts !... — D'aqueste pipaut ! si crida mamâ, en me sourtin dou clot, las causses plées de paste, que-t meritarés de ha û tour à la padéne, machan crespèt !... mes... d'oun biénes ? Be pudes hère lou bî ! Qui t'a hèyt bébe ? Ue maynadete besie qui abè seguit la mie carnabalade, que preiigou beroy plasé de la rensegna... N'abè pas acabat, qu'abi deya recebut û bèt pa de couhats ! — Haut. ! ibrougne ! tire-t lous panteloûs e au lheyt ! Tout en plouremiqueyan, que m'en anèy couca. Lèu que-m gahabe u soumelh plé d'estrèytes : que-m bedi, hens la padéne, sauta, culhebeta dab lous crespèts ! YAUSÈP DE COURBIADES. �LA RICHESSE DOU PRAUBE LOUS NOUMS DE PERSOUNES Aus Rcclams de 1940 (May e seguide) que-ns oucupèm de sabé d'oun bienèn. lous noums pròpis de persoune, ço qui apèren noum de familhe e que bedoun que tiraben de l'endret oun ère apitade l'abitacioû, de la pousicioû, de l'ana dous défauts de la persoune, etc. Gnaute souque prou curiouse e qui nou s'esplique pas autan aysidemén, qu'ey la dous arbes, de las plantes. Quin a poudut biéne à l'idée de noumenta û; òmi Càssou, Perè, Castagn, etc. ? Nou crey pas que M. Dauzat, en soun sapient tribalh Les noms de personne (qui n'èy pas débat la ma) a-t àye dit. Tant-y-a, en aténde que d'autes, mey letre^herits, e-ns at diguen, aci que dam ue triène de noums d'aquere ley curiouse ; qu'ous balham dab las dues fayçous, quoan s'escat, gascoune .e francése ; aqueste, de segu, qu'ey lou hèyt de l'escribâ de l'Estat cibil quoan ère û franciman e qui-s boulé méte « à la page » coum disen à Paris. S. P. Aberâ, aberagnè, aberoû, auerâ, aura (noisetier), aberède, aueréde (noiseraie) == Averan, Daveran, Laberou, Daveréde, Averéde, Laura, Lauranet. Abét (sapin) = Labét, Labeda, Lavedan. Abetoure (bouleau) = Labetoure. Arroume, arroumec, roumègue (ronce) == Larroume, Larroumet, Romme, Roumega. Aubà (saule blanc) — Dauba. Aumet, oum, aloum (ormeau) =Laumet, Loum, Laloum, Deloume. Baste (ajonc) = Baste, Labaste. Bèrn (aulne) = Bernata, Bernet, Dubernet, Lavergne. Bigne (vigne, taillis) = Vigne, Lavigne, Bignau, Vignau, Duvignau, Vignalou, Bignèc. Bouch (buis) = Bouix, Labouche, Duboux. Brane (bruyère) = Brana, Branet. Broc (aubépine, prunelier) = Broc, Dubroc, Pébroc, Dubroca. Carp, càrpou (érable) = Ducarp, Carpo. Casse, càssou, cassie, cassière, cassagnère (chêne) == Touts aquets noums que soun n. de p. Que s'y troben encoère : Ducasse, Lascassies, Lacassagne, Cassoùrat, Cassouret, Pècassou, etc. Castagn, castay, castagne, castagnet (châtaignier) = Castan, Castaing, Ducastain, Castay, Castagné, Castagnet, Castagnous. Cerise, ceriè (cerisier) = Cerisé, Ducérier^ Laceriése. Es pi, espine, es pic (aubépine) — Lespy, Espine, Lespine, Espic. Eyre, Gèyre (lierre) = Eyre, Dèyre, Gèyre, Lagèyre. Garric (chêne jeune) = Garric, Lagarrigue. Hau, hay (hêtre) = Hau, Louhau, Hagét, Hayet, Lahaye, Faget, Lafage, Lafagette. Hiç/uè (figuier) = Higuè, Higuère, Figuès, Higarou, Figarol. �— 96 — Herèchou, hrèchou (frêne) = Frechet, Fréchéde, Freixe, Ftéchou, Dufréchou, Lefrèche. Junc (jonc) — Junca, Junquet, Juncalas. Mesplè (néflier) = Mesplé, Mespléde. Pî, pin (pin) = Pii, Py, Dupin, Despins. Perè (poirier) = Péré, Dupéré, Pérès. Poumè (pommier) = Pomè, Pomès, Poumiès, Maupomé, Poume. Pruè (prunier) = Pruè, Pruède, Prunier, Làprue, Laprune. Rèche, v. herèchou = Rechéde, Lerèche. Sahuc, saut, sahuquè, chauquè (sureau) = Sahuc, Sahut, Saiit. Saligue, saliguè, saus (saule) = Saliguè, Saux. Tauzt (chêne blanc) = Tauzin, Tauzia, Dutausiet. Telh, tilh (tilleul) = Teilh, Dutelh, Dutilh. Toujague, tuyague (ajonc) = Tauyaga, Tujague, Touya. Tremoulè (tremble) = Tremoul, Tremoulet. * , «f LOUS QUI S'EN BAN Auguste Laborde-Milàà Que s'en ey anat tabé — à Tours oun s'ère début ayerga despuch la guerre — aquet amie, dous prumès bienguts à l'Escole GastoûFebus. Qu'ère de Pau, d'û pay yessit d'Isèste en bat d'Aussau. U cop qui abou tirât lou Baccalauréat que partibe ta Bourdèu, oun escouliè de Bourciez destacabe la licence en létres. Coum trebucabe à l'agregacioû, que halabe ta Paris oun debè, coum proufessou libre, ensegna l'espaci de quarante ans. En dehore de la manobre de cade die qu'ère òmi à poudé ba. libes de critic : Lou soù Fontenelle, lou soû Emile Montegut qu'èrei premiats per l'Académie francése. Patriote biarnés, que seguibe dab aco la nouste obre coum s'èr' la soue. Qu'ère de las hèstes de Biàrris en 1898, dou Mount en 1906 En 1909, qu'a escriut ue beroye birade enta Case de Simin Palay. Dous noustes, qui coussiraben per Paris, qu'en hasè tout bisle lous soûs amies ; qu'ous ayudabe de ço qui poudè, qu'ous passeyabe capbat las merabilhes de la capitale. Aylas ! que y-a mey de dèts ans, copsec que debienè abugle, e toutû, be calé bibe, e ensegna e ha-s'y encoère ? E, en aquéres, gn'aute guerre que hounibe. Labets, n'abou mey d'aute tesic que de hoéye las alertes, lous boumbardeméns e la hàmi. Mes à Tours medich oun s'arrecaptabe, lou cèu que s'emperiglabe ; e û sé qui ère début bâcha ta las abrigues de terre e de ciment, la mourt saubadoure qu'où se biengou coélhe tout dous. A la soue daune, are esbrangade, à la soue so, daune Vignau-Lous, qu'auherim lous noustes sentiméns de dòu. S. P.-M. C. L'Emprimayre mèste en pè : UGÊNE MARRIMPOUEY. Mars 1945, — Dépôt légal 1" trimestre. — N° 7, — C. O. L. 31.2138, �Libes à lcye Bendables enço de E. MARRIMPOUEY YOEN, Place dou Palays, à Pau. C. Ch. P. Bordeaux 304.58. PRIX En vente dans nos bureaux Recueil de Versions Gasconnes, par Sylvain LACOSTE ... Esprabes d'Amou, rouman de Y. CASEBOUNE Garbes de Proses (1775-1930), coelhut per M. CAMELAT. L'Espigue aus dits, pouésies, de M. CAMELAT Lou Piu-Piu de la mie flahute, cansous, de M. CAMELAT. . Escantilhs Nabets, pouésies, de ZABIÉ DE PUCHEU Hoelhes e ■Flous, pouésies, dou Majourau Abat C. DAUGÉ. Flocs e Brocs, pouésies, dou Pay P. MOUNAIX U Floc de Pouésies, de J.-B. BÉGARIE Lou Prousey d'u Biarnés, countes, de J.-V. LALANNE. . Du Gascon au Latin, de J. BOUZET et Th. LALANNE Peyou de Mourle, drame en très heytes, de J. BOUZET. . Cansous Biarnése, de DESPOURRINS Dictionnaire du Béarnais et du Gascon modernes, par S. PALAY, 2 vol. format 16x25 de 600 pages Coundes et Debisets, per Sylvain LACOSTE 15 12 18 18 15 15 30 15 12 30 15 12 20 Franco poste 18 14 20 20 16 17 34 17 14 34 17 13 22 250 270 17 15 40 » » » 20 » » » » » » 20 70 » » N.-B. — Tout autou qui bòu û counte-rendut aus Reclams que déu manda dus libis au Présidén de l'Escole, l'û ta l'escribâ dou counterendut, faute ta-u libiè de Maubezi. Biarnés e Gascoûs au mens lous qui at poudét ha, croumpat, tant qui n'y demoure, lou Dictionnaire du Béarnais et du Gascon modernes de SIMIN PALAY obre de counsequénce, dab luus sous 60.000 moûts de touts lous parlas dous païs dous Gabes e de PAdou, e doun la permére tiiade s'acabe. Quoan nou n'y àye mey, que-b hara dòu de nou pas l'abé croumpat per temps. Escribét à l'autou, à Gelos-Pau ou à l'emprimàyre dous Reclams. L uubràdye nou coste que 250 liures (250 fr.) (e 20 fr. tau port) ; yamey u tau tribalh aban la guerre nou-s benou autant à boû marcat. Histoire de Gascogne et de Béarn Par Paul COURTEAULT. Paris, Boivin et Cie, 1938, in-12, VII 364 p., 36 liures ; per la poste 42 liures- Précis d'Histoire du Béarn Par J.-B. Laborde, \941, in-12, 378 p., 40 liures, Lescher-Moutoué, à Pau. �Obres dou Ivíiqueu de CAMELAT, en bénde enço de i:autou, Arrens (fl.-P.) L'ESPIGUE AUS DITS, pouésies, 1934. BITE-BITANTE, cops de Calam, 1937. GARBE BE PROSES (escantilhs de 27 Autous bius e mourts) 1933. Cadu, 18 liures. ■—o— Lous classics noustes : LABA1G-LANGLADE, obres causides. GASTOU-FEBUS, pèce dramatic en 3 heytes. LOLE, pèce dramatic en 3 hèytes. Cadu, 8 liures. ABIS DE COUNSEQUENCE Lous Reclams de Biarn e Gascougne, rebiste de F « Escole GastouFebus, soueietat d'Educaciou poupulàri», que paréchen cade dus més e que costen 40 liures ta France, 60 liures ta l'Estranyè. Noustes amies que soun pregats d'escribe-s per abounaméns d'aunou de 50 liures ou mey se bolen. L'abounamén à bile qu'ey de cheys cents liures. Lous abounaméns que partéchen dou V de yenè de cade anade. Lou Capdau Simin Palay que demoure à Gelos-Pau, Bolée Urouse n° 17, Lous coullabouradous dous «Reclams » que soun pregats : 1" d'escribe en létres mayes e pla moullades sus u soulet coustat de la hoelhe ; 2° de manda las coupies au segretàri, M. Camelat, à Arrens (H.-P.). Que eau embia lous dinès, abounaments, coutises, sounque au dinerè en pè : Mous Yan Tucat, à Espoey (B.-P.). Serbi-s dou « chèque postal » n° 444-90 Toulouse ; dab u timbre de 30 sos que pouderan embia ço qui boulhen. Dise ta quine anade paguen. Nou pas desbroumba-s de balha l'adresse, e de mentabe au dinerè lous cambiaméns d'adresse. SALIES -DE-BÉARN (Basses - Pyrénées) Amies e Amîgues, rnaumiats per lou malandrè : Salies de-Béarn n'ey pas tant sulemén lou peïs charmante agradiu qui a bis bade Bergeras é Al-Cartero, Perbos e lou Gurmeth Saliè, Charpie é Chuquette, qu'ey tabé lou peïs benedit oun la boune hade de Gastou-Febus, lou nouste mèste en pè, ou hé paha lou sangla per l'estrém dou Bayaa ; aqueste trobe qu'es dé, desempuch, la sau chets parière ta ba lou yambou de Bayoune pou peïs de Biarn é Gascougne. Aquére hade, aperade la Mudi à Salies, que dé tabé au Bayaa lou poudé de goari u hardèu de malandrès qui afflaquéchen lou mounde: hembles é maynàtyes sustout qu'y troben ue santat rebiscoulade : a las daunes que da la hourtalesse ta poudé ha maynàtyes é goari-les dou (laqué quoan en an abut trop ; aus nins que goarech plagues, que da nèrbis é lou courrassou é qu'en hè gouyats goarruds é brinchuds coum lous piquetalos Salies. Lou nouste gran Biarnés, défunt més toustém maye Proufessou Paul Reclus que disè aus sous escouliès : « Aban d'ourbi lou béntí « d'ue embie ou de coupa ue came, lou inidye que déuré toustem « embia la malaude ta Salies qui ey la « Reyne de las aygues salades » « dou mounde sancé ». Oey médich, escribet au « Coamitat d'Initiative de Salies-deBéarn » é per retour qup-b embiera lous lîbis oun st-ran toutes \»t � http://occitanica.eu/files/original/7f13972c50474f6f97830b9ff7223443.jpg 35432f09a6cce527be1257d5e402c204 http://occitanica.eu/files/original/e23e468be35904967236226903294d7f.jpg 3fa7a753ac0f1cbf860bfd23436e216b http://occitanica.eu/files/original/a916faf9e26954a69449d421e363ec09.jpg da37e34a74a87590d392a906a8b3dc18 http://occitanica.eu/files/original/589d5ae578c5132a10c821b959f4575e.jpg 6b6fc8fa4ab467fe58f6d064fb40f7fa http://occitanica.eu/files/original/983b62a9d2863bbc51fb1219e53a536c.jpg 2a15773ebdcf2eeecb382c80cef13bd1 http://occitanica.eu/files/original/226e5441490ffdd26a9510e55d70f265.jpg 9bde5e1b3bfa1eaea98364a9e1edbfe7 http://occitanica.eu/files/original/cc1ababf017bbe44effe771090c2e836.jpg 9bb065e7f24fc2e3bd18572860b9a6e0 http://occitanica.eu/files/original/238351a2368ea88dc5268ca4d1ee1c44.jpg 7c8f4f08b44420a45afc0c1a15256f61 http://occitanica.eu/files/original/cf1d3758f6ace13c7d0f68cce17850e8.jpg 5ce4cc92f1e01851985e2ffeba899240 http://occitanica.eu/files/original/b1a589d8b6638f794fd8a21d425c2d38.jpg e19cca5e6cb2286c9f58ea8ef360ee6c http://occitanica.eu/files/original/0b8d358e20b9ce49784613a39cdbdc93.jpg c04f65708bc371683bb622a469de20c6 http://occitanica.eu/files/original/77a70dbddbeff70e9bed38d51b515604.jpg 9401f07169211fe2b8a380ba31cb882c http://occitanica.eu/files/original/b1c7a74926290b344bfab3bfb289195c.jpg 617a4055a7b97364248d149f61e8416b http://occitanica.eu/files/original/6beed3c44d9a504399434dc62acd086f.jpg 1ea9db15306c34bb9c7de75223f9ffe1 http://occitanica.eu/files/original/90a22ed38a25ad34bae3c54ba543d157.jpg eaaf4760b150b3459c8ac4c382fd783e http://occitanica.eu/files/original/4db6b8abaa0a2199a5c6a58b70504341.jpg 083e51e1edbfa979fde828acb591817f http://occitanica.eu/files/original/cfd5a016e4edfbc57bc2563ebf076b9c.jpg 61b22fa4e55b1d686adfb801d9f4975a http://occitanica.eu/files/original/5cad4d64df2a5c3827f6df4f21517a02.jpg 66b844965a7fe29371aa5214bf1d1dc0 http://occitanica.eu/files/original/181307eff1181933fb48907186f30915.jpg c52d7097bf82524bb073d7676eec312d http://occitanica.eu/files/original/3c32377adedd31caf62d52108af2192e.jpg cc6e5727453c00e8b67fb332c254c234 http://occitanica.eu/files/original/e9e0dffd8225f01d76aee4d647680abd.jpg a35018bbffba49678d49a997461d5021 http://occitanica.eu/files/original/b6d159480e829d0e60565cac300ba0d0.jpg 0b39607c11f5bf04c68d1b568492bc7d http://occitanica.eu/files/original/31185dbfaf706abb70b1ebb45a0dfac5.jpg 01b0a5ba79f3e17495e92634c1527fcd http://occitanica.eu/files/original/09710645c5a6377f5cc378b1f32f4ef7.jpg cb9fb7378f9dc95879c4557a5c1f9af3 http://occitanica.eu/files/original/ca7cbe06a6d0b35f5c8a117f7a25ceed.jpg d5faa5d78a404b8edb00d28cc7eb6bef http://occitanica.eu/files/original/04b0c78e905f1734b42c6d8191f4b177.jpg e64aeb28343f9bc1e71e08d931896f82 http://occitanica.eu/files/original/b3e90465e6cdc83598f1fc8bdffacf74.jpg 37bc37f091dfecb9fa8ff3b25068fc83 http://occitanica.eu/files/original/4054651e95870f7fee74b482f7f0cbd7.jpg 2bf6dc8a30ef1af1a8f1d9ebb126bcd8 http://occitanica.eu/files/original/72c81c4b0ae2d7294afcafb0373dfb4a.jpg 77ff6ace342df24a6d8115d5423a3cac http://occitanica.eu/files/original/a767169acf0d215f9f2b86a9139023ce.jpg c2675f7d7261e656646b1caa68196b78 http://occitanica.eu/files/original/96da2c5b0d57122183eba587cf374b08.jpg c790a46661068a93bce8c05766a8b2e5 http://occitanica.eu/files/original/d93395e04e76bb618a465ae78cfef477.jpg 0a568d15a4c27ef522d3ac0fbc1206b9 http://occitanica.eu/files/original/686371b114759e6200a482700819ab29.jpg 123add5dcc60396862f2d2e811cf8af2 http://occitanica.eu/files/original/a7ff0489fa08a8ef2f5dcc782e05c181.jpg 07a94228cd4ea21d637544b85ab9ec0f http://occitanica.eu/files/original/db240ae67691cec088cfe380e44d722d.jpg bab3cf5253606741d87e5a13c42f1f36 http://occitanica.eu/files/original/f730f11b97de8ac40f86186534835f77.jpg 10788a46dfe38d4c3d47582064220ca3 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 48, n°07-09 (Garbe-Setéme 1944) Alternative Title An alternative name for the resource. The distinction between titles and alternative titles is application-specific. Reclams. - Annada 48, n°07-09 (Garba-Seteme 1944) Subject The topic of the resource Occitan (langue) -- Périodiques Littérature occitane -- Périodiques Gascon (dialecte) -- Périodiques Littérature gasconne -- Périodiques Description An account of the resource Reclams. - juillet-septembre 1944 - N°7-9 (48e Année) Creator An entity primarily responsible for making the resource Camelat, Miquèu de (1871-1962) Palay, Simin (1874-1965) Pic, Andreu (1910-1958) Loup d'estrem Tucat, Jean (1870-1961) Titou de l' ahitau Daugé, césaire (1858-1945) Lou pesquitou Courriades, J. Marrimpouey, Ugène Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><br />&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1944 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (36 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context http://www.occitanica.eu/omeka/items/show/3015 INOC_Y2_19_1944_07-09 License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Béarn Gascogne Reclams Revue