Explorar los documents (8153 total)

Emission del 25 de març de 2020

Lo vilatge trogloditic de Barri a Bolena

Anam sus leis relèus de Bolena, dins lo massiu onte lei vestitges d'una activitat umana revelan un passat pas tant luenchenc. Lo vilatge trogloditic de Barri èra isolat de la vila e bastit sus la plana dau Barri. Juscas en 1976, un òme viviá en ermita dins una cròta amenatjada sus lo ranc de Cabrièra. Lo vilatge, e mai s'es arroïnat, es defendut per l'associacion Barry Aeria, que perseguís l'òbra de son predecessor « Les amis de Barry », per aparar lo site e preservar un patrimòni a despart dins la region. Avèm rescontrat a la debuta de l'annada de sòcis de Barry Aeria e un sòci de Parlaren à Bouleno, per nos parlar de la construccion e dau biais de viure a Barri.

Un reportatge d'Amada Cròs

[resumit de Tè Vé Òc]

« Organ bilingüe d'accion occitana e de vulgarizacion » l'Almanach occitan publica d'estudis en lenga occitana e en lenga francesa d'autors occitans dels mai bèls. Publica tanben d'òbras ineditas dels escrivans de la renaissença occitana.
Sus la cobèrta de l’almanac de 1927 e 1928, un dessenh de Paul Mesplé representa l’ostal, un dels mai vièlhs de Samatan, que la tota nòva Imprimerie occitane i es installada : « Aquel ostal vièlh qu’ara abriga nòstras esperanças, e que nos va permetre de las realizar, es bastida dins la partida nauta de Samatan, sur las muralhas. N’acceptam lo simbòl e ensajarem de faire d’ela una de las muralhas mai enlairadas d’Occitània. »