A Sant-Ferreòl, la vida se perseguís sul chantièr.
Emission del 19 de novembre de 2019
Avèm profichat dei Rescòntres Occitans en Provença de l'estiu 2019, per vos concebre un reportatge sus lo patrimòni aupenc. N'aprendrètz mai sus la geologia deis Aups ambé l'especialista Joan-Claude Hippolyte-Piole, qu'avèm filmat a l'escasença dei sortidas de l'atalhier «patrimòni». Puèi, dins una entrevista amb Eliana Tourtet, jornalista e animatritz dau meme atalhier, descubrirètz l'unitat dins la diversitat dei païsatges aut-aupencs. Enfin, un testimoniatge de tria de Rogier Cézanne, un estajant dei Cròtas (comuna venguda «Les Crots»), sus l'abadiá de Boscodon, pròcha lo lac de Serre-Ponchaire, qu'eu participèt a sa valorizacion tre la fin deis annadas 60.
Un reportatge d'Amada Cròs.
[resumit de Tè Vé Òc]
Emission del 26 de novembre de 2019
Vos convidam a la descuberta dei sièis salas dau Musèu de Marcelhargue, dins Erau. Podrètz i descubrir una personalitat : Louis Uni, un carrièr que fuguèt l'òme mai fòrt dau monde. Una sala es consacrada a la bovina, una autra ai tradicions localas, ai vestits e objèctes dau sègle 19. La viticultura i a tanben sa plaça que la cava creada en 1910 èra la mai granda de Lengadòc .
Un reportatge de Miquèu Gravier e Jaumelina Bizet.
[resumit de Tè Vé Òc]
Emission del 4 de decembre de 2019
Un rescontre particular amb un musician qu'a la particularitat de crear seis instruments e sei musicas. En Carcassés descubrirètz Matièu Irondèla, un afogat que joga sonca sei creacions sus od, guitara, citara, flaütas, totei son electrics e religats a una boita "magica" plena de pedalas que fan entendre una musica de tria. Ausirètz de tròçs d'aquelei musicas bèlas.
Un reportatge de Lisa Gròs.
[resumit de Tè Vé Òc]
Emission del 11 de decembre de 2019
A l'ora dei fèstas de fin d'annada, vos prepausam una emission sus la chocolatariá Chaloin, qu'avèm profichat de la jornada pòrtas dubèrtas per filmar. Situada a Pumeiràs, en Vauclusa, l'entrepresa se compausa d'una fabrica artesanala e d'una botiga. Marc Chaloin nos mena dins son laboratòri per de demostracions de cada estapa de la concepcion de lipetariás. E amb aquò, una entrevista dau joine chocolatier, eiretièr d'un saupre-faire e d'una passion transmés en familha.
Un reportatge d'Amada Cròs
[resumit de Tè Vé Òc]
Joan partís a la cèrca del micà pel Sénher de Sant-Ferreòl.
Joan e son paire rejuntan Sant-Ferreòl per participar a la construccion de la Resèrva.
Lo brigadièr Bernèda concluís un acòrdí amb lo paire de Joan Pigassa.
Amb lo retorn del bèl temps, un avís novèl d’engatjament ven anonciar la seguida del chantièr.
Joan Pigassa a rejunt los bancs de l’escòla per s’iniciar a l’art de la lectura.