Explorar los documents (701 total)

vignette_LGO-20220928.jpg
Serada occitana - Tè Vé Òc
Gros, Lise. Metteur en scène ou réalisateur

Emission del 28 de setembre de 2022

D'amics occitanistas se rescontran de temps en quora. Cadun mena per bèure e manjar, mas subretot venon per partejar un moment causit en lenga occitana. Aicí escotarètz una peçòta de teatre umoristica e puèi de poesias de Miquèl Decòr plenas de finesa. Aquò dona una serada bèla e simpatica que, en mai d'aquò, fai viure la lenga d'Òc.

[resumit : Tè Vé Òc]

vignette_LGO-20220914.jpg
Enric Maquet, musician - Tè Vé Òc
Carteyrade, Marc. Metteur en scène ou réalisateur
Queyrel, Claudi. Metteur en scène ou réalisateur
Gròs, Lisa. Metteur en scène ou réalisateur

Emission del 14 de setembre de 2022

Enric Maquet

Faretz coneissença amb un musician de tria en escotant aquel reportatge sus Enric Maquet. Dempuèi d'annadas trabalha dins lo pais d'Arles que l'aculhiguèt e sa creacion es rica. A mantuna còrda a son arc de segur e vos en parla aquí en respondent ai questions de Viviano Roux que fa partida de TèVéÒc mas que participèt a d'estagis o de coralas amb Enric e sa còla. Auretz de ligams per escotar sa musica en linha. Bona escota !

[resumit de Tè Vé Òc]

vignette_LGO-20220921.jpg
Lo Museon arlaten, Partida 2 - Tè Vé Òc
Lapierre, Patrick. Metteur en scène ou réalisateur
Lapierre, Michèle. Metteur en scène ou réalisateur
Emission del 21 de setembre de 2022
Segonda partida de la visita dau Museon Arlaten, un reportatge de Miquela e Patric Lapierre.
Dintrarètz aquí dins de membres dau Museon onte podrètz descubrir lei personatges de l'epòca de Mistral. La visita guidada en provençau es fòrça rica. La guida vos parlarà dei costumes, dei biais de viure, dei tradicions. I a dins lo Museon de tresaurs, de mistèris desvelats, e podrètz anar puèi descubrir tot aquò dins lo detalh en Arles.

[resumit de Tè Vé Òc]

Lo Museon Arlaten, Partida 1

vignette_LGO-20220907.jpg
Bèstias d'aicí amb Matieu Irondèla - Tè Vé Òc
Gros, Lise. Metteur en scène ou réalisateur

Emission del 7 de setembre de 2022

Faguèrem conèissença amb lo Matieu Irondèla, coma  musician e creator d'instruments, ara es coma videaste especial que lo presentam.

Amb son filh, Matieu faguèt la captacion d'imatges sus los animaus salvatges en Corbièras. Nos esplica coma aquò nasquèt e coma contunha la descuberta de las bèstias, de jorn e de nuèch. Nos presenta son material e  la mesa en plaça de la pèira de sal que los fai venir davant l'objectiu. Descubrirètz aquels plans amb plasèr.

Un reportatge de Tè Vé Òc.

[resumit de Tè Vé Òc]

vignette_ESC-20190204.jpg
Escrivans : Eric Gonzales
Valentin, Stéphane. Metteur en scène ou réalisateur
Eric Gonzales que legueish un extrèit deu son roman "Arantxa" e nos parla de las suas influéncias com Joan Bodon o Julien de Casabone.

Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Produsida per l'InÒc Aquitània en partenariat dab ÒcTele, que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.

Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras. La prumèra sason qu'ei dedicada aus autors de Navèra Aquitània, un navèth pertrèit estant difusit cad mes.

[resumit : Òctele]
vignette_ESC-20200214.jpg
Escrivans : Remesi Boy
Lavit, Marie. Metteur en scène ou réalisateur
Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.

Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras. Dens aqueste episòdi, Remesi Boy que parla deu collectiu Diu Negre, de la sua purmèra publicacion dab Per Noste (Medisha, Per Noste, 2019), e de las suas mantuas influéncias.

[resumit : Òctele]
vignette_ESC-20200323.jpg
Escrivans : Gilàbert Nariòo
Lavit, Marie. Metteur en scène ou réalisateur
Qu’a passat la soa vita a defénder e a promòver la lenga occitana. Qu’a tribalhat a Per Noste, qu’a participat au tribalh deu diccionari francés-occitan de Gasconha, e a tantas autas òbras importantas per la lenga ! Qu’a escriut tanben. Las prumèras cançons de Los de Nadau qu’ei eth. Qu’a escriut pròsa, poesia, cançons e teatre. Que’n parla.

[resumit : Òctele]
vignette_ESC-20190401.jpg
Escrivans : Joan-Loís Levêque
Valentin, Stéphane. Metteur en scène ou réalisateur
Joan-Loís Levêque nos parla de doas causas. Primièr d’un libròt qu’escriguèt e qu’es un conte que se ditz « La legenda de Castèl-Brun ». Es un conte que lo diable i ven per far paur als petits mas tanben als grands.
En mai d’escriure Joan-Loís Levêque es tanben lo president de Novelum, l’associacion de Peirigòrd qu’edita cada annada dempuèi 50 ans de libres amb tot çò que constituís la cultura occitana del territòri (romans, novèlas, cronicas, contes, ensages, estudis…).
Un trabalh seguit de difusion de la cultura occitana, per l’escriut, mas tanben per l’oral amb de libres sovent acompanhats de CD per far ausir la lenga.

[resumit : Òctele]
vignette_LGO-20220727.jpg
Sextine per lo país d'Òc
Gros, Lise. Metteur en scène ou réalisateur

Emission del 27 de julhet de 2022

Accion menada per l'IEO d'Aude e l'Universitat de Tolosa (professor Jean-François Marcel), aquela Sextina se prepausèt de menar de refleccions sus la poesia d'Òc.

Participèron 6 poètas o autors : Paulina Kamakine, Eliane Pignol, Miquèla Stenta e Eric Fraj, Alan Roch  e Gerard Zuccheto. Didièr Mir fotograf e plastician cubriguèt l'eveniment e seis òbras illustraràn lo libre que sortirà en setembre. Tres autrei professors d'Universitat participèron tanben.

TèVéÒc filmèt l'integralitat de l'accion e aquò servirà puèi ai professors per un trabalh amb seis estudiants.

Un reportatge de Tè Vé Òc.

[resumit de Tè Vé Òc]

vignette_LGO-20220713.jpg
11en festenau Rescontre 2022 - 10 ans de Tè Vé Òc
Gros, Lise. Metteur en scène ou réalisateur

Emission del 13 de julh de 2022

TèVéÒc organizava en 2022 son 11en Festenau RESCONTRE a la mediatèca de Marguerittes  30320 e festejava sei 10 ans. Lo public precejèt fòrça lo programa : clips, filmòts venguts dei quatre cantons d'Occitania.

Un moment fòrt amb l'ajuda de la Comuna de Marguerittes e dau personau de la mediatèca. Aguèrem l'astre d'aculhir una còla dau Sud Oest, amb entre autrei lo president de l'OPLO. Vaquí quauquei moments d'aquel festenau.

Un reportatge de Tè Vé Òc.

[resumit de Tè Vé Òc]

sus 71