Explorar los documents (163 total)

v-lenga-d-oc_teveoc_13-decembre-2018.jpg
Lenga d'òc : Au Palais dau Rore / Tè Vé Òc
Emission dau 13 de decembre de 2018

En Avinhon, pròche la Plaça dau relòtge, lo Palais dau Rore es un ostau de familha. Abitat pendent de sègles per la familha de Baroncelli-Javon, originària d'Itàlia, lo bastiment es un vertadier espaci de cultura e de sabers. Empregnat per l'Istòria de grands defensors de la cultura d'Òc entre autrei, l'ostau escapèt de pauc a la roïna au sègle XX. Es subretot Joana de Flandreysy, amiga dau Marqués Folco de Baroncelli, que va ié donar un vam novèu fins qu'a sa mòrt. Luòc de rescòntres entre lei felibres, nòbles e artistas, lo Palais dau Rore es ara un musèu dubert en totei. La vila entreprenguèt recentament una restauracion monumentala pendent de mes, per rendre au Rore son esclat d'a passat temps. Descubrètz l'èime d'aqueu luòc tant particular.
Un reportatge d'Amada Cròs.

v-lenga-d-oc_teveoc-8-novembre-2018.jpg
Lenga d'òc : La Setmana Provençala ambé Guilhem Vaton / Tè Vé Òc
Emission dau 8 de novembre de 2018

En Avinhon, la Setmana provençala es organizada per d'associacions divèrsas qu'an per tòca comuna la promocion de la lenga e de la cultura d'òc. Avèm filmat la sortida sus l'iscla de la Bartelaça prepausada per Provença Tèrra d'Òc. Au cap d'aquela animacion, Guilhem Vaton, ancian calandron e ornitològ. Es environat d'un trentenat de personas que lo jovent menèt lo percors, a la recèrca d'aucèus migrators e autrei acostumats de l'iscla. Una polida tantossada que lei locutors e lei non-occitanofònes se mesclèron e seguiguèron ambé plaser lei piadas d'un ornitològ aüros de partejar en lenga nòstra lei noms deis aucèus.
Un reportatge d'Amada Cròs. 

v-lenga-d-oc-14-juin.jpg
Lenga d'òc : La Sartan, Sason 1 per lei liceans d'Aurenja / Tè Vé Òc
Emission dau 14 de junh de 2018

Cada an, au licèu de l'Arc en Aurenja, d'escolans de 1èra de l'opcion occitan participan a un projècte pedagogic. Bailejats per lei professors de lenga e dança Matieu Poitavin e Elena Berti, presentèron La Sartan, sason 1 en Mai passat. Aquela corta pèça es una adaptacion contemporanèa d'una òbra de l'autor locau Pau Marquion. Descubrètz lei tròç de la comèdia revisitada, entrecopats d'entrevistas dei professors e de liceans. Un reportatge d'Amada Cròs.  
Vignette Lenga d'Oc 29 mars.jpg
Lenga d'òc/Lengo d'o : Lo Carnaval Occitan de Montpelhièr / Tè Vé Òc
Cros, Amy
Tè Vé Òc
Emission dau 30 de març de 2018

Entre lo fum d'eveniments carnavalencs, nòstra còla causís de vos presentar lo "Carnavau occitan de Montpelhièr o la fèsta dau monde a l'envèrs". La manifestacion es organizada per lo collectiu INTER'CAL, que recampa tres calandretas e la ciutat escolària Leon Cordas. Implica entre autrei un molonàs de calandrons e d'artistas, amb una preparacion de sièis mes en amont. Au còr de Montpelhièr sòna lo còr d'un passa-carrièira qu'interagís amb lei passejaires. Una tantossada colorada e brusenta que nos met sus lo camin de la prima.
Un reportatge d'Amada Cròs. 
jorgi-gros-omenatge-enfancia.jpg
Lenga d'òc/Lengo d'o : Omenatge a Jòrgi Gròs / Tè Vé Òc
Gros, Lise
TéVéÒc
Emission especiala dau 23 de març de 2018

Jòrgi Gròs, lo Nimesenc que menèt fòrça a l'occitanisme, nos a quitats en febrièr passat. Aquela emission es un omenatge au pedagòg, escrivan, contaire e militant occitan. Un òme que laissa de traças multiplas a un molon d'amics esmoguts e reconeissents. Veirètz d'arquius que mòstran son implicacion e son impact dins lo militantisme occitan. Es per aquò que de son vivent una Calandreta dubriguèt e prenguèt son nom a Nimes. Jòrgi Gròs toquèt mai d'una generacion, dins l'ensenhament tant coma a la retirada.
Un retrach per Lisa Gròs.

marcel-piazza.jpg
Lenga d'òc/Lengo d'o : Marcèu Piazza, retrach d'òme d'òc / Tè Vé Òc
Tè Vé Òc. Producteur
Emission dau 16 de març de 2018

Discret, fòrça umil e generós, Marcèu Piazza resta a Sant Genièis de Malgoirès, dins Gard. Aquel òme autodidacte ausiguèt la lenga dins lo lengadocian de sa familha e apren despuèi d'annada lo provençau de son canton. Marcèu es un manuau, e de sei mans crea un molon d'òbras : dessenhs, pinturas, esculturas sus pèira, pirogravadura... Un artista dins l'ombra que metèm en lume aquí dins un retrach colorat, a l'imatge deis ilustracions que fai per acompanhar sei pichòtas istòrias. Cabussatz dins l'univèrs de Marcèu, amb sa femna Monica coma primièr sosten.
Un retrach per Lisa Gròs.
josiana-ubaud.jpg
Lenga d'òc/Lengo d'o : Josiana Ubaud, retrach de femna d'òc / Tè Vé Òc
Tè Vé Òc. Producteur
Emission dau 9 de març de 2018

Nòstra emission sus Josiana Ubaud vos prepausa un retrach de l'autora de Des arbres et des hommes e dau Diccionari ortografic de l'occitan, entre autrei. De formacion scientifica, militanta feminista, aquela Marselhesa d'origina ten una òbra diversificada e consequenta a son actiu. La part màger deis occitanistas coneisson pron l'implicacion e la rigor de Josiana Ubaud, una especialista dei plantas e de la lenga d'òc, nos partejant aquí son saber ric que publica tanben sus son blòg.
Un retrach per Amada Cròs.
sant-gervasi-2018.jpg
Lenga d'òc/Lengo d'o : Festenau de vidèo e cinèma Rescontre 2018 / Tè Vé Òc
Tè Vé Òc. Producteur
Emission dau 16 de febrièr de 2018

La 8cha edicion dau Festenau se debana aqueste còp dins la Mediatèca de Marguerittes, pròche Sant Gervasi ont la manifestacion nasquèt. Lo festenau presenta una seria de filmòts realizats per d'amators e de còps que i a de professionaus. I trobam una majoritat d'òbras en occitan e/ò sus la cultura d'aquí. Dubert en totei e a gràtis, l'eveniment s'espandís sus una tantossada cada an en febrièr.
Un reportatge d'Amada Cròs.
vida-de-genier.jpg
Lenga d'òc/Lengo d'o : La vida occitana en genièr / Tè Vé Òc
Tè Vé Òc. Producteur
Emission dau 2 de febrièr de 2018

Après lei fèstas de fin d'annada, a despart dei betlèms, pastoralas e autrei fèstas dei Reis, leis activitats occitanas existisson tanben en genièr, au còr de l'ivèrn. Es ambé pas mens de 4 reportatges que vos presentam una idèia de çò que se fai en debuta d'annada, a l'entorn de la lenga e la cultura d'òc : cafè provençau a z'Ais (13), projècte pedagogic en collègi a Lunèu (34), Trad'Hivernalas a Somèire (30), e Dictada occitana an' Aurenja (84).
Un reportatge d'Amada Cròs.
arca-theo-lenga-d-oc.jpg
Lenga d'òc/Lengo d'o : L'Arca de Théo / Tè Vé Òc
Tè Vé Òc. Producteur
Emission dau 26 de genièr de 2018

A Bèuvesin (30), Théo Tauleigne garda e dressa lei chivaus que suenha dins son mas. Tota mena de bèstias i vivon dins un grand respièch e lo socit de la libertat.
sus 17