Explorar los documents (14 total)

Lo « hilh de puta » est une histoire signée Jean-Claude Coudouy dans laquelle il met en scène les différentes façons d'exprimer le juron « Hilh de puta » que ce soit lors de l'étonnement, du bonheur ou encore de la colère. « Lo hilh de puta » a été joué pour la première fois en 1970 au Festival de Siros. Jean-Claude Coudouy ne s'expliquait pas le succès de cette histoire humoristique, « peut-être grâce à sa musicalité, l'intonation du “ Hilh de puta ”, une valse à trois temps.

« La plenta de pastor » qu'ei ua canta escriuta per Jean-Claude Coudouy e Georges Sanchette .

Que deu la soa originalitat au tèma tractat, l'exòde rurau, atau com au hèit qu'estó estada creada tà estar cantada en polifonia. Lo grop Los Pagalhós que reprenó la canta suu son album « Los Pagalhós cantan lo Biarn » en 1983. « La plenta deu pastor » que hè partida de las quauquas cantas qui an traucat los arrius e qui son cantadas dinc a las termièras de Garona.

[imatge id=21609]Qu'estó la purmèra canta polifonica de creacion interpretada sus l'empont deu Hestau de la canta bearnesa de Siròs (64) en 1969.


Paraulas :

Aulhers de totas las contradas
Ca vietz audir nostes dolors,
Qu’ei fenit a jamei,
De veder tan d’aulhades
Sus los nostes camins
Tots pingorlats de flors.

Au bèth miei deu primtemps,
Vriuleta berojina
Que deishavas lo loc,
Tau banèth saboròs
Tu qu’ei seras tostem,
Çò qui’m va mancar hèra
Qu’ei lo son tan plasent
Deus charmants tringuerons.

Auprès de tu ma mie,
Que'n plori de tristessa
Sovien'te d'aqueth temps,
Un còp secat l’arrós
Qu’enviavam lo Pigon,
Guardar las aulheretas
E tos dus suu gason,
Cantavam ua cançon.

Adara tot solet,
Capsus de la montanha
Cò qui'm turmenta mes,
Que las nostes amors
Qu’ei de saber que lèu,
Sus aquera pelosa
Non cherirei pas mei,
Los petits anherons.

L'emission quotidiana Miegjornau del 16/06/2016, animada per Marius Blénet foguèt enregistrada lo 14/06/2016 al CIRDÒC. Es entièrament consacrada a la 40^ena edicion de l'Universitat Occitana d'Estiu de Nimes e torna sul programa d'aquesta annada, concebut pel primièr còp en partenariat amb lo CIRDÒC, mas tanben sus l'istòria d'aquel moment d'escambis e de cultura estival.

En 2015, los artistas del Collectiu Còp-Sec se son sasits de l'òbra del poèta Leon Còrdas e se son lançats dins la reedicion de l'òbra poetica de l'autor, e particularament del recuèlh Òbra poetica jos la forma d'un disque presentant l'òbra del poèta e las creacions musicalas que n'a fach l'objècte.
Lo Collectiu Còp-Sec a permés l'escota liura de qualques extraches d'aquel disque : 

- Los Taxis de Barcelona per Grail'Òli
- Lo Darrièr Crostet per Urban Balèti
- Mairana per Marianne Evezard
- Mas mans per Asuèlh

Per ne saber mai sul projècte e lo disque, totas las informacions son sus La Fabrica.

Dins l'encastre de la programmacion literarià del CIRDÒC a l'Estivada 2015 e del Forum euroregional "Patrimòni e creacion" (Euroregion Pirenèus-Mediterranèa), la taula redonda Occitania, Catalonha, Baleares : Itineraris literaris ensajava de questionar las relacions entre las literaturas occitanas e catalanas.

Taula redonda enregistrada lo 25/07/2015 per Ràdio Lenga d'Òc.
Per de rasons de respècte del dreit de la proprietat intellectuala, los extraches cantats per Eric Fraj, son estats copats per la mesa en linha del document.

Segond e darrièr contravent d'una emission al micro-itinerant realizada en 2009 al près d'una quinzena de personas en país Lodévois-Larzac. Cosina e caça son los subjèctes de conversacion d'aquel episòdi.

Per de questions de dreches, los extraches musicals difusats dins aquela emission pòdon pas èsser mes en linha, foguèron doncas retirats de l'enregistrament.

Primièra partida d'une emission realizada al micrò-caminaire en 2009, al près d'una quinzena de personas en país Lodevès-Larzac.

Nos racontan lor vida, a travèrs lor descobèrta de la lenga occitana, los provèrbis, los sovenirs d'escòla, los jòcs, cançons e enfin, lor relacion actuala a la lenga.