Explorar los documents (31 total)
Lenga d'òc : Setmana Occitana dins Gard 2019 / Tè Vé Òc
Emission del 11 de avril del 2019
La Marpoc e l'IEO 30 organizan cada mes de març una « Setmana occitana ». Son adonc programadas d'animacions ligadas a la lenga e la cultura nòstras, coma la literatura orala e escricha, la musica, lei jòcs... Nautrei avèm causit de vos prepausar la jornada « teatre amator » a Venòbre, onte joguèron lei comedians adults, puèi leis enfants. Aquelei presentèron la restitucion d'un talhièr teatre seguit pendent lei vacanças escolàrias. E dins una segonda partida, vos menam au locau de la Marpoc, per la presentacion dau libre de Deidier Leclerc « La Bèstia dau Coàr », acompanhada d'una mòstra de sei fotòs e d'una lectura musicala. Un reportatge d'Amada Cròs .
La Marpoc e l'IEO 30 organizan cada mes de març una « Setmana occitana ». Son adonc programadas d'animacions ligadas a la lenga e la cultura nòstras, coma la literatura orala e escricha, la musica, lei jòcs... Nautrei avèm causit de vos prepausar la jornada « teatre amator » a Venòbre, onte joguèron lei comedians adults, puèi leis enfants. Aquelei presentèron la restitucion d'un talhièr teatre seguit pendent lei vacanças escolàrias. E dins una segonda partida, vos menam au locau de la Marpoc, per la presentacion dau libre de Deidier Leclerc « La Bèstia dau Coàr », acompanhada d'una mòstra de sei fotòs e d'una lectura musicala. Un reportatge d'Amada Cròs .
Lenga d'òc : Omenatge a la manadièra Fanfonne Guillierme / Tè Vé Òc
Emission del 4 de avril del 2019
Coma cada an, lo vilatge d'Aimargue organiza lo primièr dissabte de març una jornada en omenatge a Fanfonne Guillierme. Aquela manadièra defuntada i a trenta ans es au centre d'una fèsta dedicada ai « gents de bovina », ela que s'es tant implicada dins la tradicion gardiana. La manifestacion de 2019 marquèt lei 30 ans de la desparicion d'aquela femna coratjosa, un exemple per totei, lei femnas entre autrei. E per vautrei, n'avèm profichat per entrevistar Robert Faure, Crestian Espelly e Andrieu Mégias. En mai d'aquò, veirètz un apercebut deis animacions d'aqueu jorn : benediccion dei chivaus, abrivada, rossataia e corsa camarguenca dins l'arena d'Aimargue. Un reportatge de Lisa Gròs.
Coma cada an, lo vilatge d'Aimargue organiza lo primièr dissabte de març una jornada en omenatge a Fanfonne Guillierme. Aquela manadièra defuntada i a trenta ans es au centre d'una fèsta dedicada ai « gents de bovina », ela que s'es tant implicada dins la tradicion gardiana. La manifestacion de 2019 marquèt lei 30 ans de la desparicion d'aquela femna coratjosa, un exemple per totei, lei femnas entre autrei. E per vautrei, n'avèm profichat per entrevistar Robert Faure, Crestian Espelly e Andrieu Mégias. En mai d'aquò, veirètz un apercebut deis animacions d'aqueu jorn : benediccion dei chivaus, abrivada, rossataia e corsa camarguenca dins l'arena d'Aimargue. Un reportatge de Lisa Gròs.
Lo Bal en l'èr #3 a Nimes / Tè Vé Òc
Emission del 28 de març del 2019
Le Fil Production organiza un molon de concèrts e atalhièrs a l'entorn dei musicas dichas « trad ». Tè Vé Òc aguèt ja l'opportunitat de curbir quauquei seradas. Aqueste còp, vos prepausam un novèu reportatge rodat a la Scena de Musicas Actualas Paloma, a Nimes, per la tresenca edicion dau « Bal en l'èr », ambé tres concèrts. Veirètz d'entrevistas dei grops San Salvador, còr polifonic originari de Corresa, e La Base Duo, venguts de Gasconha. Nos parlaràn de son punt de vista sus l'evolucion de la musica trad e son adaptacion ais espacis divèrs, coma aquela de la SMAC Paloma. Lo tot, ambé de tròç dei concèrts !
Un reportatge de Patric e Miquèla Lapierre.
Le Fil Production organiza un molon de concèrts e atalhièrs a l'entorn dei musicas dichas « trad ». Tè Vé Òc aguèt ja l'opportunitat de curbir quauquei seradas. Aqueste còp, vos prepausam un novèu reportatge rodat a la Scena de Musicas Actualas Paloma, a Nimes, per la tresenca edicion dau « Bal en l'èr », ambé tres concèrts. Veirètz d'entrevistas dei grops San Salvador, còr polifonic originari de Corresa, e La Base Duo, venguts de Gasconha. Nos parlaràn de son punt de vista sus l'evolucion de la musica trad e son adaptacion ais espacis divèrs, coma aquela de la SMAC Paloma. Lo tot, ambé de tròç dei concèrts !
Un reportatge de Patric e Miquèla Lapierre.
Lenga d'òc : 1907 e Leon Còrdas per Magalí Jarque-Còrdas / Tè Vé Òc
Emission del 21 de març del 2019
Lo manescrich inedit de Leon Còrdas, autor occitan defuntat en 1987, fuguèt mes en lume per sa filha Magalí, au moment que l'artista Crestian Salès cercava d'editar un obratge sus 1907. Avèm profichat d'una conferéncia-projeccion de Magalí Jarque-Còrdas a l'Ostau de la Garriga de Margarida, per una entrevista aprefondida. Aqueu rescòntre permetèt de presentar l'istoric de la crisi dei viticultors que veguèt lo jorn a quauquei quilomètres d'onte nasquèt Leon Còrdas. Lo rescòntre fuguèt tanben una opportunitat de parlar dau libre 1907, la route des gueux, un roman escrich en francés, e inicialament previst per un film.
Un reportatge d'Amada Cròs.
Lo manescrich inedit de Leon Còrdas, autor occitan defuntat en 1987, fuguèt mes en lume per sa filha Magalí, au moment que l'artista Crestian Salès cercava d'editar un obratge sus 1907. Avèm profichat d'una conferéncia-projeccion de Magalí Jarque-Còrdas a l'Ostau de la Garriga de Margarida, per una entrevista aprefondida. Aqueu rescòntre permetèt de presentar l'istoric de la crisi dei viticultors que veguèt lo jorn a quauquei quilomètres d'onte nasquèt Leon Còrdas. Lo rescòntre fuguèt tanben una opportunitat de parlar dau libre 1907, la route des gueux, un roman escrich en francés, e inicialament previst per un film.
Un reportatge d'Amada Cròs.
Lenga d'òc : Terralhas a Sant Joan de Fòrcs / Tè Vé Òc
Emission del 14 de març del 2019
Direccion Sant-Joan de Fòrcs, un vilatge d'Eraut pròche Sant Guilhem del Desèrt. Sabiatz qu'aquel endrech reviscolèt recentament una tradicion vièlha de la terralha ? Nòstra còla anèt au rescòntre de Claudi Destand. Es eu que participèt, entre autrei, a la revalorizacion dau trabalh de l'argela, e contribuèt a la creacion dau musèu Argileum. Aqueste presenta la colleccion municipala de terralhas subrebèlas e tanben l'istoric, leis espleits, la fabricacion e la coisson dins çò qu'èra un talhièr de terralhièr. Tanben, descubrètz l'òbra d'Isabèla Duisit, que fabrica d'olhats. Un mercat grandàs dei terralhièrs s'i fai cada an dins lo vilatge au mes d'avost.
Un reportatge de Marc Carteyrade.
Direccion Sant-Joan de Fòrcs, un vilatge d'Eraut pròche Sant Guilhem del Desèrt. Sabiatz qu'aquel endrech reviscolèt recentament una tradicion vièlha de la terralha ? Nòstra còla anèt au rescòntre de Claudi Destand. Es eu que participèt, entre autrei, a la revalorizacion dau trabalh de l'argela, e contribuèt a la creacion dau musèu Argileum. Aqueste presenta la colleccion municipala de terralhas subrebèlas e tanben l'istoric, leis espleits, la fabricacion e la coisson dins çò qu'èra un talhièr de terralhièr. Tanben, descubrètz l'òbra d'Isabèla Duisit, que fabrica d'olhats. Un mercat grandàs dei terralhièrs s'i fai cada an dins lo vilatge au mes d'avost.
Un reportatge de Marc Carteyrade.
Lenga d'òc : Claus sens Clau ambé Rodin Kaufmann / Tè Vé Òc
Emission del 7 de març del 2019
Lo poèta e artista pluri-disciplinari Rodin Kaufmann realizèt l'installacion « Clau sens Clau », comandada per lo Cirdòc. Lo licèu de l'Arc en Aurenja beneficièt d'un projècte pedagogic fondat sus aquela installacion. Vos prepausam una entrevista de l'artista, subretot a l'entorn d'aquela experiéncia ambé lei liceans. D'escolans de la classa de provençau de Matieu Peitavin participèron au projècte, e l'installacion fuguèt presentada oficialament lo 1er de febrièr au public. Lo monde posquèt descurbir un trabalh artistica tant sonòr coma visuau, dins un espaci que recampava una mòstra e una projeccion vidèo despuèi una mala. Un reportatge d'Amada Cròs.
Lo poèta e artista pluri-disciplinari Rodin Kaufmann realizèt l'installacion « Clau sens Clau », comandada per lo Cirdòc. Lo licèu de l'Arc en Aurenja beneficièt d'un projècte pedagogic fondat sus aquela installacion. Vos prepausam una entrevista de l'artista, subretot a l'entorn d'aquela experiéncia ambé lei liceans. D'escolans de la classa de provençau de Matieu Peitavin participèron au projècte, e l'installacion fuguèt presentada oficialament lo 1er de febrièr au public. Lo monde posquèt descurbir un trabalh artistica tant sonòr coma visuau, dins un espaci que recampava una mòstra e una projeccion vidèo despuèi una mala. Un reportatge d'Amada Cròs.
Lenga d'òc : Lei Fadariás d'Anhana 2018 / Tè Vé Òc
Émission du 27 décembre 2018
À Aniane, à une trentaine de kilomètres de Montpellier, les Fééries de Noël d'Aniane proposent six semaines de manifestations magiques, comme la crèche grandeur nature la plus importante de France, le marché, des spectacles divers, et surtout de quoi rêver en famille avec des temps forts. Les Fééries sont le résultat d'une oeuvre collaborative pour redynamiser ce village et en faire une place forte des événements de Noël. Notre reporter Marc est allé filmer la préparation du festival, avec l'installation de la crèche géante. De quoi voir toute l'importance de l'organisation d'un tel programme. Les Fééries en sont déjà à leur neuvième édition et le nombre de visiteurs qui viennent chaque année montre à quel point elles ont relevé le défi. Avec pour devise la magie, dans une invitation à l'imaginaire.
Un reportage de Marc Carteyrade.
Lenga d'òc : Contes & Rencontres 2018 / Tè Vé Òc
Emission del 20 de decembre de 2018
Despuèi mai de 30 ans en fin d'automne, lo "Festenau Contes et Rencontres" organiza pendent un mes un molon de manifestacions a l'entorn dei còntes, la literatura, la musica, lo teatre. En brèu, prepausa de rescòntres entre Droma e Vauclusa per partejar d'istòrias ambé lei gents d'aquí. De contaires professionaus e amators, seleccionats per l'associacion organizairitz, van de vilatge en vilatge semenar de mòts, d'imatges, de sòns, per totei lei publics. Se la velhada dins leis ostaus d'a passat temps a desaparegut de nòstrei costumas, lo Festenau ié atribuís de plaças novèlas, populàrias e e diversificadas. E nautrei vos prepausam d'entrevistas dei contaires Joan-Loís Ramel (acompanhat de sa femna Jaumeto) a Vinsòbre e de Florant Mercadier a Pumeiràs, ambé de tròç de seis espectacles qu'acaban la sason 2018.
Un reportatge d'Amada Cròs.
Un reportatge d'Amada Cròs.
Lenga d'òc : Au Palais dau Rore / Tè Vé Òc
Emission dau 13 de decembre de 2018
En Avinhon, pròche la Plaça dau relòtge, lo Palais dau Rore es un ostau de familha. Abitat pendent de sègles per la familha de Baroncelli-Javon, originària d'Itàlia, lo bastiment es un vertadier espaci de cultura e de sabers. Empregnat per l'Istòria de grands defensors de la cultura d'Òc entre autrei, l'ostau escapèt de pauc a la roïna au sègle XX. Es subretot Joana de Flandreysy, amiga dau Marqués Folco de Baroncelli, que va ié donar un vam novèu fins qu'a sa mòrt. Luòc de rescòntres entre lei felibres, nòbles e artistas, lo Palais dau Rore es ara un musèu dubert en totei. La vila entreprenguèt recentament una restauracion monumentala pendent de mes, per rendre au Rore son esclat d'a passat temps. Descubrètz l'èime d'aqueu luòc tant particular.
Un reportatge d'Amada Cròs.
En Avinhon, pròche la Plaça dau relòtge, lo Palais dau Rore es un ostau de familha. Abitat pendent de sègles per la familha de Baroncelli-Javon, originària d'Itàlia, lo bastiment es un vertadier espaci de cultura e de sabers. Empregnat per l'Istòria de grands defensors de la cultura d'Òc entre autrei, l'ostau escapèt de pauc a la roïna au sègle XX. Es subretot Joana de Flandreysy, amiga dau Marqués Folco de Baroncelli, que va ié donar un vam novèu fins qu'a sa mòrt. Luòc de rescòntres entre lei felibres, nòbles e artistas, lo Palais dau Rore es ara un musèu dubert en totei. La vila entreprenguèt recentament una restauracion monumentala pendent de mes, per rendre au Rore son esclat d'a passat temps. Descubrètz l'èime d'aqueu luòc tant particular.
Un reportatge d'Amada Cròs.
Lenga d'òc : Momus au CIRDÒC / Tè Vé Òc
Emission dau 6de decembre de 2018
Vos menam a la tantossada festiva organizada au CIRDÒC lo 12 d'octòbre, dins l'encastre dau festenau «Promenade entre Languedoc et Provence au XVe siècle ». Descubrètz la mòstra"Lo Rei Renat, prince deis arts en Provença" presentada per Benjamin Assié, lo director dau CIRDÒC. Aquesta es seguida per una conferéncia musicala d'Enric Maquet e Benjamin Mélia, sota la fòrma dau projècte « Momus ». Vos convida d'escotar de musicas eissudas dau repertòri tradicionau provençau, coma la Tarasca, la Fèsta Dieu de z'Ais, e lei cançons dau Carrateiron. Una cabussada culturala vertadièra dins lei sègles 15 e 16 au còr de Provença, ambé leis instruments que ié son restacats : lo galobet-tamborin, lo fifre, la vièla d'arquet...
Un reportatge de Lisa Gròs.
Un reportatge de Lisa Gròs.