Explorar los documents (43 total)

v-lenga-doc-teveoc-6-sept-2018.jpg
La bovina au musèu / Tè Vé Òc
Emission dau 6 de setembre de 2018

Vos prepausam dos agachs sus la Bovina au Musèu d’Istòria e d’Arqueologia Auguste Jacquet, a Bèucaire dins Gard. Cabussatz ambé nautrei dins l'univèrs de la tauromaquia de Camarga. Vos i mostrarèm leis òbras de l’artista pintre Frederic Monnet, afogat de buòus camarguencs e tanben aquelei de Joan-Pèire Ode, afecionat que nos presenta leis arquius de la corsa camarguenca a Bèucaire. Un paralèle bèu entre doas passions, que podètz veire sus plaça au Musèu juscas au 30 de setembre de 2018. Un reportatge de Lisa Gròs e Miquèu Gravier.
v-lenga-d-oc-teveoc-19-juillet-2018.jpg
Lei cagaraulas / Tè Vé Òc
Emission dau 19 de julhet de 2018

Anam en cò d'Adrian Jourdan, que baileja « Lei cagaraulas de la Vaunaja » a Clarensac. Nos i presenta sei produchs dins sa botiga e mai que mai lei coliças de son elevatge, que ten despuèi 2016. Dins aqueste mestièr, s'ocupa de la naissença dei cargaraulas juscas a la liurason dei produchs ai restaurators. Aquò li demanda fòrça investiment, que pendent 4 mes amb la mesa en batariá, es solicitat cada jorns. Vos convidam a conéisser lei metòdes d'elevatge a dimension umana e de comercializacion d'aqueu plat especiau.
Un reportatge de Marc Carteyrade. 

Lenga d'òc : Agach sus Tolosa / Tè Vé Òc
Emission dau 26 de juilhet de 2018

Tè Vé Òc s'es exportada lo temps d'una jornada a Tolosa, e vos liura aquí una emission consacrada a la vila ròsa. Una 1èra partida documentària vos aprendrà mai sus lei particularitats de Tolosa, coma lo « Capitolat » e la naissença dei famós « Jòcs Floraus ». Puèi una 2nd partida vos menarà dins la dinamica occitana tolosana, amb l'exemple de l'Estanquet de « La Portièra », tengut per Remèsi Fermin-Trocha, qu'avèm entrevistat a l'ocasion. Descubrètz Tolosa autrament, sus lo fieu de son occitanitat. Un reportatge d'Amada Cròs. 
v-lenga-d-oc-teveoc-12-juillet.jpg
Lenga d'òc : L'Universitat Occitana d'Estiu de Nimes / Tè Vé Òc
Emission dau 12 de julhet de 2018

L'Universitat Occitana d'Estiu de Nimes es una institucion vertadièra dins lo mitan militant. Festeja sa 42ena edicion, e lo tèma d'aquest an es « Tresaurs populars e universals d'aicí e d'endacòm mai ». Fasèm un torn entre lei manifestacions prepausadas per ne reculhir d'imatges e d'entrevistas per un pichòt rendut-còmpte. Un omenatge es rendut a Jòrgi Gròs, defuntat en febrier passat. Tanben, la joinessa es convidada per lo Cirdoc dins de talhiers consacrats ai joines cercaires occitans.
Un reportatge d'Amada Cròs. 

v-lenga-d-oc-teveoc-5-juillet-2018.jpg
Lenga d'òc : Total Festum 2018 a Sant Privat dei Vièlhs / Tè Vé Òc
Emission dau 5 de julhet de 2018

Per lei 20 ans de « Lenga e Cacalàs », de la « Calandreta de Gardons » e lei 10 ans de la Corala Occitana « Los quinçons » , una jornada de fèsta variada e conviviala. I son programats lo cantaire Patric e lei Lhubac per un concèrt, puèi un balèti amb Garric per lo fuòc de la Sant Joan. Es un moment de rescontre de generacions entre lei calandrons e lei coristas, dins un ambient musicau per contunhar una tradicion mai qu'anciana qu'es lo fuòc de Sant Joan, lo 23 de junh. Un reportatge de Lisa Gròs. 
v-lenga-d-oc-14-juin.jpg
Lenga d'òc : La Sartan, Sason 1 per lei liceans d'Aurenja / Tè Vé Òc
Emission dau 14 de junh de 2018

Cada an, au licèu de l'Arc en Aurenja, d'escolans de 1èra de l'opcion occitan participan a un projècte pedagogic. Bailejats per lei professors de lenga e dança Matieu Poitavin e Elena Berti, presentèron La Sartan, sason 1 en Mai passat. Aquela corta pèça es una adaptacion contemporanèa d'una òbra de l'autor locau Pau Marquion. Descubrètz lei tròç de la comèdia revisitada, entrecopats d'entrevistas dei professors e de liceans. Un reportatge d'Amada Cròs.  
v-lenga-d-Oc-teveoc-7-juin.jpg
Lenga d'òc : Forum Euroregional 2018 / Tè Vé Òc
Emission dau 7 de junh de 2018

Lo 2nd Forum euroregionau, organizat per lo Cirdoc e la region Occitanie, se debanèt en Mai passat au Pònt de Gard. Aquela manifestacion grandassa recampèt leis actors culturaus de divèrsas regions, dei País d'Òc ais Illes Balears. Lo tèma d'aquest an èra « Culturas popularas en dialòg ». Vos presentam la festejada dins una revista amb lei totems e castells, puèi una virada dei talhiers e animacions sus lo site emblematic roman. Un reportatge de Lisa Gròs. 
v-lenga-d-oc-24-mai.jpg
Lenga d'òc : La Crau : un site unenc / Tè Vé Òc
Emission dau 24 de mai de 2018

Passam Ròse per vos menar au còr de Provença, entre Aupilhas, Camarga e Estanh de Berre. La Crau es una plana aluviala cubèrta de codolets laissat per Durança. Es un territòri que sonam cossóls, dau fach de son caractèr estepic, amb una èrba rasa que noirís lei fedas. Una fauna importanta es tanben observada aquí. Dins lo reportatge, descubrissètz l'ecò-musèu de la Crau e leis imatges rodats en exterior d'un espaci fragile que nos fau aparar totjorn mai.
Un reportatge d'Amada Cròs.
v-lenga-d-oc-lens-17-mai.jpg
Lenga d'òc : Lei Lens / Tè Vé Òc
Emission dau 17 de mai de 2018

Lo bòsc dei Lens es un site naturau pròche del vilatge de Montmirat, dins Gard. Aquí, Marc Carteyrade vos presenta lo relarg dau bòsc, sei peirièiras, sa flòra. Descubrissètz lei particularitats d'un site ambé sei baumas e leis òmes dau País qu'i joguèron un ròtle grand. La pèira de Lens fuguèt utilizada per la bastison de mantuns monuments regionaus, e mai l'estatua de la libertat ! Un reportatge de Marc Carteyrade.
v-lenga-d-oc-10-mai-teveoc.jpg
[Lenga d'òc: Passejada literària en Agde 2018] / Tè Vé Òc
Cros, Amy

Emission dau 10 de mai de 2018

La Passejada literària es un eveniment organizat per la Calandreta d'Agde, lo Cirdòc e Lectura & Òc. Met a l'onor lei libres joinessa en occitan. Quinze escriveires i fuguèron convidats per la remesa dau Prèmi Literari Calandreta, que lo laureat es seleccionat per lei Calandrons. En mai d'aquò, d'animacions divèrsas ligadas a la literatura ponctuèron la jornada. Una fèsta literària que permet lei rescontres entre autors e jovents, e subretot una sensibilizacion a la lectura en lenga nòstra.

Un reportatge d'Amada Cròs. 

 

sus 5