fabrica
Lo Mag
: Tota la creacion occitana
fabrica
Per encantar las vòstras seradas de fèsta e mièlhs garnir lo pè del vòstre sap, vos propausam una seconda seleccion dels nòstres còps de còr, musicals, poetics e literaris, una lista enriquida de vòstras idèas per de presents. Esitatz pas a ne far profièchar lo mai de monde gràcias a la seccion « comentaris » o sus nòstra pagina Facebook.
Descobrir nòstra primièra seleccion : Aquí.
1. Fotografias : Aude Maritime, entre Méditerranée et via Domitia, de Gabriel Vitaux. Label Odero. Aprèp L’Eldorad’Òrb en Lengadòc e Paisatges de l’Oèst besierenc, lo fotograf Gabriel Vitaux percor lo litoral audenc e son rèirepaís. Ne revèla la beutat e l’esperit tant particular, entretenguts pels vinhairons, pescaires, salinièrs, ostreïcultors, pilòts de cargo, estatjants d’ièr e d’uèi. Aqueste país es donat a descobrir al mai de monde possible, en quatre lengas, dont l’occitan e lo catalan, lengas dins las quals se dison dempuèi mai de mil ans lo nom dels luòcs, de las causas e dels èssers que l’animan.
Descobrir Aude Maritime sus la Fabrica.
2. Album illustrat : Les Animaux de la fête occitane, tèxtes de Claudi Alranq e illustracions per Vincent Roussillat, Edicions Du Mont." class="fabrica">
2. Album illustrat : Les Animaux de la fête occitane, tèxtes de Claudi Alranq e illustracions per Vincent Roussillat, Edicions Du Mont. Los paisses d’Òc e en particular Lengadòc Naut son rics d’una longa tradicion totemica. D'animals de tela que, presents pendent las fèstas, incarnan l’esperit d’un luòc. Las originas d’aqueles totems son tan diversas coma las legendas que las autentifican, coma Claudi Alranq e Vincent Roussillat vos invitan a lo descobrir.
Ofrir Les Animaux de la fête occitane.
3. Pròsa : L’Astronòm inagotable de Felip Gardy, Colleccion Pròsa occitana, Edicions Trabucaire" class="fabrica">
3. Pròsa : L’Astronòm inagotable de Felip Gardy, Colleccion Pròsa occitana, Edicions Trabucaire Principalament conegut per sa poesia, Felip Gardy es tanben l’autor d’una òbra rica en pròsa, uèi reunida dins L'Astronòm inagotable. Un trentenat de tèxtes, per partida inedits, que nos fan cabussar dins l’univèrs insolit, fantastic, de còps inquietant, mas sovent plen d’umor de l’autor.
Crompar sul site de las edicions Trabucaire.
4. Poesia : A quicòm pròche / À peu de choses près de Frederic Fijac, Edicions Jorn La poesia pòt èsser una responsa a l'enigma de l'enfança. Frederic Fijac medita sus la natura d'un present ont subrenadan coma de « bordufalha » los membres espargits de l'enfant que foguèrem, sensacions persistentas fins a l'obsession o fugidissas coma lo liuç, que remontan del fons del nòstre temps personal.
Veire sul site de las edicions Jorn.
D’edicions novèlas vos convidan a tornar descobrir de classics de la literatura occitana.
Contes dels Balssàs, Collection A tots
Autor de contes nombroses, dont los plan coneguts Contes del Drac, Joan Bodon liura en 1953 un recuèlh personal. 18 contes, totes enrasigats dins la val de Viaur e inspirats a l’autor per sa maire, Albanie Balssa, tanben contaira, e sa familha. Descobrissèm atal, conte aprèp conte, diverses membres de la familha Balssa, per una immersion dins sa genealogia, reala o imaginària,, ont se mesclan los racontes sortits de la tradicion orala locala.
La Grava sul camin - L’Evangèli de Bertomieu (Colleccion A tots)
Publicat pel primièr còp en 1956, La Grava sul camin es inspirat de l’istòria personala de Joan Bodon que foguèt forçat de faire lo servici del trabalh obligatòri (STO) en Silesia de 1943 a 1945.
L’Evangèli de Bertomieu, roman inedit e inacabat, es parierament inspirat d’aquela experiéncia.
Crompar los obratges en linha sul site d'IEO edicions.
Œuvre poétique / Òbra poetica
Aquela edicion novèla de l’òbra poetica de Loisa Paulin, propausada en bilingua, presenta poemas coneguts e inedits, per une redescobèrta de la poetessa de Realmont, recompensada per mai d’un prèmi literari.
Sosc / Rêve
Vent Terral vos propausa una edicion novèla de Sosc, ont los 13 poèmas que compta lo recuèlh son meses en votz per Renat Roquièr, per una escapada poetica portada per la musica dels mots. Edicion bilingua acompanhada d’un CD.
Crompar en linha sul site de las edicions Vent Terral.
6. Cançon : Saique Benlèu, Arnaud Cance, Adreit - Brennus Music Primièr album solo d’Arnaud Cance, Saique benlèu es un sabent mescladís de composicions personalas e d’aires del repertòri tradicional, en francés coma en occitan. Aquel ensemble revisitat es marcat per l’univèrs poetic e faceciós d’Arnaud Cance, que nos emporta per una traversada musicala encantaira dins d’estiles e univèrses multiples.
Per ne saber mai.
Crompar en linha sul site de Découvertes Occitanes.
7. Musica sens frontièras : Medin’Aqui, Cie Guillaume Lopez, C.A.M.O.M." class="fabrica">
7. Musica sens frontièras : Medin’Aqui, Cie Guillaume Lopez, C.A.M.O.M. Embarcatz amb Guilhem Lopez e sos musicians dins un viatge iniciatic per la musica mediterranèa. Un album sens frontièras, jalonat de rescontres amb las musicas catalanas, occitanas, andalosas e maugrabinas.
Per ne saber mai.
Crompar en linha sul site de la librariá Découvertes Occitanes.
8. La tota nòva cançon occitana: Eth Paradís ei en tu, Alidé Sans, Comuna XXI" class="fabrica">
8. La tota nòva cançon occitana: Eth Paradís ei en tu, Alidé Sans, Comuna XXI Primièr album de la cantaira aranesa Alidé Sans, Eth Paradís ei en tu fa part de las revelacions de l’annada 2015. Alternant entre rumba e soul, passant per lo reggae, aquel album nos fa descobrir l’univèrs d’aquela jove cantaira engatjada.
9. Crooner occitan : Jazz manouche occitan, Savignoni Trio e lo Papet, C.A.M.O.M" class="fabrica">
9. Crooner occitan : Jazz manouche occitan, Savignoni Trio e lo Papet, C.A.M.O.M Quand Lo Papet Bernard Cauhapé e lo trio de jazz manoch Savignoni interpretan los grands classics del jazz, liurament revirats per l’escrivan occitan Robèrt Martí, aquò dona un resultat a l’encòp delicat e detonant. Amb una mencion especiala per l’excellent Soi pas qu’un gigolo !
Per ne saber mai.
Crompar en linha en çò d'Auvergne Diffusion.
10. Le sirventés médiéval remis au goût du jour : Chants fougueux des Pays d’Oc / Occitan protest songs, Trio Sirventès, Accords Croisés. Manu Théron, Youssef Hbeish, Grégory Dargent an posat dins las tematicas del sirventés medieval. S’aproprian aquelas melodias e tèxtes originals intemporals, e lor donan una lectura novèla e cotemporanèa en les adaptant a lor univèrs musical, entre influéncias occitanas e orientalas.
" class="fabrica">
Lo tradicional preservatiu s'orna d'occitan per una seria inedita dedicada al Zodiac. A cada signe son dessenh original del caricaturista Boris Lamy, e son anecdòta en occitan. Esperatz pas trop, s'agís d'una edicion limitada propausada solament per aquela fin d'annada.
Lo preservatiu occitan vos espèra plaça del Capitòli a Tolosa, dins l'encastre del mercat de Nadal e carrièra Romiguières, dins la botiga Tlse.
E per crear la tela sonòra de las vòstras seradas de fèstas, la discotecària del CIRDOC vos propausa sos còps de còr :
Au-dessus du Monde - L’Auvergne Imaginée
Cocanha Trio
Quaus de Lanla - Bal à la voix
Musicas Urbanas
Urban Balèti
Massilia
Metal
Sonoloco - Dangerosa
Boisson divine - Enradigats
Contactez nous a propos de cette page