L'amic Claudi MARTI, que las sieunas nombrosas activitats (subretot l'escritura) an tengut luènh de la scèna dempuèi qualque temps, nos fa lo plaser e l'amistat de venir en çò de nosautres lo 4 de novembre, un divendres de ser.
Dins la vesperada, Claudi dèu rencontrar los ensenhaires e los pichòts de l'escòla mairala de St Ipolit del Fòrt. Cal pas doblidar que MARTI foguèt, tanben, mèstre d'escòla tota sa vida professionala.
Lo ser, dins la granda sala del "Mas de la Bauma" aurà los quatre pès blancs per nos tornar faire viure les rics moments de sa longa carrièra. Moments pròches o mai lùenhs.

De segur que cadun tornarà trobar, pendent aquel eveniment particular, de talhons d'engatjament, de poësia e d'umanisme que caracterizan MARTI dempùei sos debuts dins la cançon d'Oc. Un òme dardalhat de generositat e de toleréncia.
Per aquesta ocasion unica, Claudi serà acompanhat per sos complices de longa data : Péire PEYRAS e Gérard PANSANEL, doas "ponchuras" del Jazz national e international, plan coneguts dels coneisseires.

Un spectacle dubèrt a totes : fans, amorós de nòstra lenga d'òc o curiós ordinaris. Cadun se farà lo bonur de lo pas mancar.

Billetterie : en préventes 10€ ou sur place 12€.
Commandez vos places ici ​https://www.lepotcommun.fr/billet/npn04xsg
(Les préventes sont désormais disponibles via cet onglet. Dépêchez-vous, il n'y en aura pas pour tout le monde ! Et vous serez ravis d'apprendre que les préventes vous permettront d'éviter la file d'attente !)