Lo pluralisme dels mèdias constituís mai que jamai un enjòc per la democracia, la preservacion de la libertat d'expression e la possibilitat per totes de participar al debat public. A l’escasença dels 5 ans del Jornalet, lo CIRDÒC vos convida lo 16 de junh a una serada d’escambis, mas tanben de fèsta, amb los mèdias occitans.

18h30 - 20h > Debat : quin es lo ròtle dels mèdias occitans dins lo monde d'uèi ?

 
De la WebTv al mèdia participatiu sens doblidar las formas tradicionalas, jos quinas formas l'informacion e lo debat democratic s'exprimisson uèi en occitan ?
Coma cada actor dels mèdias d'informacion en lenga d'òc, concep son ròtle dins lo monde del sègle XXI, e sos apòrts per la compreneson e l'evolucion sociala, politica e culturala d'aquel ?

AmbFerriol Macip (Lo Jornalet), Fanny Lartigot (La Setmana), Marius Blénet (Ràdio Lenga d'Òc Montpelhièr), Guillaume Gratiolet (jornalista ràdio)  e Stéphane Valentin (ÒCtele). 

20h-22h > 5 ans de Jornalet, aquò se festeja !

> Rencontre amb Ferriol Macip seguida d'un Aperitiu musical amb lo grope catalan Ballaveu (http://ballaveu.wixsite.com/ballaveu) :

Dempuèi 5 ans, lo Jornalet, mèdia numeric e collaboratiu occitan, contribuís a la promocion e a la sensibilizacion dels publics al fait occitan.
A l'entorn d'un gòt e en musica (coma se deu per celebrar un anniversari), perseguissètz los escambis a l'entorn de la plaça e de la contribucion dels mèdias occitans a l'escritura de la societat del sègle XXI amb Ferriol Macip del Jornalet.