L'IEO Cantal vos propausa de tornar descobrir lo centre ancian d'Orlhac al cors d'una passejada contada nocturna lo dissabte 7 d'octòbre que ven. Prepausada dins l'encastre de la fèsta del Salèrn e la fièra de la Sant Geraud, en partenariat amb la vila d'Orlhac e l'ofici de torisme del País d'Orlhac, aquela passejada contada bilingüa francés-occitan reünirà Didier Huguet e Jean-Claude Rocher. Lo duò nos desvelarà d'unes pans malconeguts del patrimòni d'Orlhac en sons e lums, illustrats per de cants e melodias eissidas del patrimòni musical d'Orlhac (cant dels romieus, borrèia a dos temps d'un manuscrit de 1787...).
Sus l'itinerari, un moment privilegiat dins l'abadiá Sant-Geraud ont se mesclaràn pel primièr còp en aquel luòc, calligrafia en lum, contes e legendas. Un viatge pel plaser dels uèlhs e de las aurelhas.
Despart a 19:30 del castèl Sant Estève, durada 1h30.
Inscripcions e entresenhas alprèp de l'Ofici del Torisme del País d'Orlhac (04 71 48 46 58).
5€ a la reservacion, tornats al despart de la passejada. Una naveta serà disponibla pel retorn vèrs lo castèl de Sant-Estève.
Contactez nous a propos de cette page