Recèrca

sus 6
Filtrar
Filtres actifs
Auteur : Cros, Amy. Metteur en scène ou réalisateur
Portail : Mediatèca
oci (60)
fre (20)
Tipe : Emission TV / Data : 2016-02-05
La JRI de Lenga d'òc, Amy Cros, es anada al rencontre del public de lasTrad'Hivernales de Someire. Per aquela 17ena edicion, aquatre testimònis nos explican lor interés per aquela manifestacion.
Una emission en musica per un agachnovèl sus las "Trad'".
Mise en ligne : 11/02/2016
Tipe : Emission TV / Data : 2016-02-19
Per aquela 6ena edicion, lo festenal de vidèo amatora "Rescontre" de Sant Gervasi (30) s'enriquís tant per son programa coma per son public. L'imatge i es un vector tecnic de la lenga e de la cultura d'Òc. Un reportatge per descobrir cossí lo fenomèn es percebut pels amators e actors de l'audiovisual.
Mise en ligne : 19/02/2016
Tipe : Emission TV / Data : 2016-03-25
Aquel numèro novèl de Lenga d'òc/Lengo d'oc propausat per  Amada Cros per TèVéÒc foguèt estat difusit lo 25 de març de 2016.
Sul camin d'un vent unenc a Niom (Droma), seguissèm una istòria, un fenomèn, un trach d'identitat. Segon la legenda locala, devèm la preséncia del vent lo « Pontiàs » a un miracle atribui atribuït a Sant Cesari al sègle VI.
Mise en ligne : 25/03/2016
Tipe : Film documentari / Data : 2016-07-07
En 2016, l'Universitat occitana d'Estiu de Nimes festeja sa 40ena edicion. Un retorn en imatges sus aqueles 40 ans de rencontres, aquò lo CIRDÒC vos propausa aquí en collaboracion amb la MARPOC, qu'organiza l'UOE e Tè Vé Òc.

Amb los testimoniatges de Marie-Jeanne Verny, Felip Martel, Marineta Mazoyer, Jòrgi Peladan, Denisa Daniel, Estela Mazodier e Josiana Romero.

Realizacion : Amy Cros / Tè Vé Òc
Mise en ligne : 09/09/2016
Tipe : Emission TV / Data : 2015-10-18
Dins aquel numèro del 18 de novembre de 2015, Lenga d'òc/lengo d'o questiona musicians, cantaires, programators e factors d'instruments sus la plaça de la creacion occitana sus la scèna de las musicas actualas.
Lisa Gròs nos mena a la MiNuit Blanche (« MièjaNuèch Blanca ») d'Usès (30) al rescontre dels artistas de Pife Canto e Calame Alen, qu'interpretan, amb los instruments de Marie Picard e Terraire Nòu, los Quatrins d'Omar Khayyam revirats per Max Rouquette. Claudina Paul buta, ela, la pòrta de la SMAC Paloma, la Scèna de las musicas actualas de Niça Metropòli, que programa, entre autres, D'Aqui Dub e Mauresca.
Mise en ligne : 20/11/2015
Tipe : Emission TV / Data : 2018-04-20
Emission dau 20 de abril de 2018

Maria Picard es musicaira e terralhièra nimesenca. Nos aculhiguèt dins son talhièr ont ensenhèt la fabricacion d'ocarinas en preséncia de doas estagiàrias tanben musicairas. L'enveja de rescontrar de gents et de partejar son saber-faire la menèt d'organizar d'estagis tematics. Una activitat pauc desvolopada aquí e que pasmens pòu aver un interès pedagogic tant coma musicau.
Un reportatge d'Amada Cròs.
Mise en ligne : 27/04/2018
Tipe : Emission TV / Data : 2017-02-09
Emission dau 10 de febrièr de 2017

Metre en avans la lenga e la cultura d'òc es la linha directritz dau Festenau de vidèo amator Rescontre. Aquesta manifestacion presentèt de corts-metratges de totas menas, e se debanèt a Sant-Gervasi, dins Gard. Lei videastas amators an aquí una veirina anuala.
Rescontre festejèt sa 7ena edicion amb d'òbras divèrsas, pròva qu'existís una espèra a l'entorn de la vidèo amator. Vos prepausam dins aquesta emission una revista de l'edicion 2017, qu'avèm orientada sus la creacion e la transmission.

Mise en ligne : 09/02/2017
Tipe : Emission TV / Data : 2017-02-03
Emission dau 3 de febrièr de 2017

Arribam sus la fin dei fèstas calendalas, amb lei belems que son una vertadièra tradicion de Provença, au costat dei pastoralas. Reportatge au Salon dei Santonièrs, en Arles. Aquí, amators e professionaus s'acampan per partejar una passion comuna d'aquest' art populari : lei santons.
Realizacion : Amy Cros
Mise en ligne : 01/02/2017
Tipe : Emission TV / Data : 2020

Emission del 08 de julhet de 2020

Bestionetas : un documentari animalier

Ambé d'imatges personaus e d'arquius d'emissions Lenga d'Òc, Amada Cròs prepausa un documentari animalier especiau « bestionetas ». Veiretz un moment inedit d'una libellula, tot just mudada, qu'es a sortir de son envolòpa (exuvie, en francés) per se secar au solèu. Faretz tanben coneissença ambé divèrsei menas de parpalhons, e cabussaretz dins la fragilitat de l'abelha. Identificacion, comportaments, particularitats, foncions dins nòstra biodiversitat pivelarèla, çò que nos fau faire per leis ajudar... Descubrirètz dins aquela emission fòrça visuala un pichòt monde sota l'uelh esmeravelhat de la camèra.

Un documentari d'Amada Cròs.

[resumit de Tè Vé Òc]

Mise en ligne : 09/07/2020
Tipe : Emission TV / Data : 2021-02-24

Emission del 24 de febrièr de 2021

Bernat Vaton : arquitècte e militant

Anam au rescòntre de Bernat Vaton, figura vauclusenca ben implantada dins lo militantisme occitan. Dins aquesta emission, Bernat e son esposa Annia nos explican son punt de vista sus son mestier d'arquitèctes, puèi Bernat nos parteja sei passions artisticas, e enfin son percors dins l'aprendissatge e la transmession de la lenga d'òc. Fondator de l'associacion Ben lèu e totjorn actiu dins seis engatjaments per la Calandreta d'Aurenja, Bernat evòca sa vision dau militantisme, que fai viure entre autrei per l'emission ràdio « As ben parlat mai de qu'as dich ? » e sei dessinhs umoristics. 

Un retrach per Amada Cròs.

[resumit de Tè Vé Òc]

Bernat soveta vos partejar sa pensada, en mai d'aquesta emission, dins lo tèxte seguent : "Ambé la mondializacion, la comunicacion, lei rets sociaus, lei lengas se delitan e pòdon mai se faire veire dins la vida de totei lei jorns, dins la vida publica e dei gents que son a New-York, au Canadà, ò au Japon pòdon l'entendre e la parlar. Co que fai que lei mèdias francés que fan de discriminacion dei lengas dichas "regionalas" son plus sols per comunicar. Gràcia an' aquela dubertura dei rets sociaus podèm ben lèu sauvar nòstrei lenga e cultura d'Òc. Au mens la sortir de l'oblit, per sauvar nòstra lenga nos fau crear, inventar. Es d'alhors çò que fan ambé Tè Vé Òc ! Una cultura e una lenga qu'inventa pas cabussa e se mòr. Fau pas comptar sus l'estat per sauvar nòstra lenga. Mai fau se batre per l'impausar a l'Estat. Una lenga es un dialècte qu'a una armada !"

Mise en ligne : 27/05/2021
sus 6