Explorar los documents (1974 total)

Per lou trauc de ma lanterno !... / Alfred Gibaudan [libre]
Gibaudan, Alfred (1873-1918)

Jean Baptiste Alfred Gibaudan nasquèt a Càsols de Besièrs lo 29 d'agost de 1873.
Filh de Louise Gibaudan, espós de Françoise Julie Laget, èra clerc d'uissièr, felibre e publicista. Cap redactor de La Lanterne biterroise (1912-1913), collaborèt a La Campana de Magalouna, revista occitana lengadociana que publiquèt en 1927 lo primièr tèxte de Max Roqueta.
Alfred Gibaudan foguèt mobilizat coma Caporal al 96en regiment d'infantariá. Moriguèt pendent la Primièra Guèrra Mondiala lo 8 de març de 1918, a Besièrs, victima d'una bronquitis gripala contractada en servici. Aviá 44 ans.
Dins son recuèlh, Alfred Gibaudan, enfant del país, liura amb malícia e amusament un tablèu saborós de las costumas lengadocianas.

Jòrgi Gròs : lo dich e l'escrich [mòstra]
Dazas, Sylvie
Gros, Lise
Gros-Aiguillera, Martine

Aquela exposicion propausa un agach complèt sus los diferents aspèctes de la vida e de l’òbra de Jòrgi Gròs. Es construcha a l’entorn dels quatre axes principals qu’an marcat son percors : lo trabalh a l’entorn de la pedagogia Freinet, l’accion militanta ocitanista ancorada dins lo territòri nimesenc e l’òbra d’escriveire occitan, marcada a l’encòp per lo biais del romancièr e lo del contaire.

Lenga d'òc/Lengo d'o : Omenatge a Jòrgi Gròs / Tè Vé Òc [émission audiovisuelle]
Gros, Lise
TéVéÒc
Emission especiala dau 23 de març de 2018

Jòrgi Gròs, lo Nimesenc que menèt fòrça a l'occitanisme, nos a quitats en febrièr passat. Aquela emission es un omenatge au pedagòg, escrivan, contaire e militant occitan. Un òme que laissa de traças multiplas a un molon d'amics esmoguts e reconeissents. Veirètz d'arquius que mòstran son implicacion e son impact dins lo militantisme occitan. Es per aquò que de son vivent una Calandreta dubriguèt e prenguèt son nom a Nimes. Jòrgi Gròs toquèt mai d'una generacion, dins l'ensenhament tant coma a la retirada.
Un retrach per Lisa Gròs.

Lenga d'òc/Lengo d'o : Marcèu Piazza, retrach d'òme d'òc / Tè Vé Òc [Émission audiovisuelle]
Tè Vé Òc. Producteur
Emission dau 16 de març de 2018

Discret, fòrça umil e generós, Marcèu Piazza resta a Sant Genièis de Malgoirès, dins Gard. Aquel òme autodidacte ausiguèt la lenga dins lo lengadocian de sa familha e apren despuèi d'annada lo provençau de son canton. Marcèu es un manuau, e de sei mans crea un molon d'òbras : dessenhs, pinturas, esculturas sus pèira, pirogravadura... Un artista dins l'ombra que metèm en lume aquí dins un retrach colorat, a l'imatge deis ilustracions que fai per acompanhar sei pichòtas istòrias. Cabussatz dins l'univèrs de Marcèu, amb sa femna Monica coma primièr sosten.
Un retrach per Lisa Gròs.
Lenga d'òc/Lengo d'o : Josiana Ubaud, retrach de femna d'òc / Tè Vé Òc [Émission audiovisuelle]
Tè Vé Òc. Producteur
Emission dau 9 de març de 2018

Nòstra emission sus Josiana Ubaud vos prepausa un retrach de l'autora de Des arbres et des hommes e dau Diccionari ortografic de l'occitan, entre autrei. De formacion scientifica, militanta feminista, aquela Marselhesa d'origina ten una òbra diversificada e consequenta a son actiu. La part màger deis occitanistas coneisson pron l'implicacion e la rigor de Josiana Ubaud, una especialista dei plantas e de la lenga d'òc, nos partejant aquí son saber ric que publica tanben sus son blòg.
Un retrach per Amada Cròs.
Lenga d'òc/Lengo d'o : Rachel Cabane, obrièra feminista / Tè Vé Òc [Émission audiovisuelle]
Tè Vé Òc. Producteur
Emission dau 23 de febrièr de 2018

Nativa de Gard, Rachel Cabane èra una militanta sindicalista de la seda cigalèsa a la debuta dau sègle XX. Fondèt lo Sindicat dei Fialairas Cigalèsas, e joguèt un ròtle grand dins sa defensa. Militanta coratjosa, fuguèt puèi onorada per lo ministre de l'Igièna e de la Prevencion sociala en 1920. Vos menarèm au Musèu de la Seda, a Sant Ipolit dau Fòrt, onte una escòla pòrta lo nom de Rachel Cabane despuèi fin de 2017.
Un reportatge de Marc Carteyrade.
Félix Castan et Montauban / Roland Garrigues
Garrigues, Roland
Comunicacion de Roland Garrigues dins l'encastre de la jornada d'estudis « Autour de Félix Castan » organizada per l'equipa de recèrcas LLACS (EA 4582, Universitat Paul-Valéry, Montpelhièr) e lo CIRDÒC lo 05 de mai de 2017.
Erau dins las annadas 1950 : Tesan de Besièrs / Michel Cans [imatges animats]
Cans, Michel

Aqueste film negre e blanc mut realizat per Michel Cans a Tesan de Besièrs (Erau) se dubrís sus d'imatges de l'escòla Louis Prunet flame nòva. Es doncas pas anterior a 1955, annada de l'inauguracion d'aquesta escòla.

Aprèp la visita de l'escòla, plaça a la sortida dels escolans puèi a una sortida de glèisa. Aprèp de scènas per carrièra (pasants, taulièrs de peisses, una femna que mena una carreta) se ve la venda dels Bleuets, apausats a las botonièras, puèi un desfilat d'ancians combatents acompanhats per la fanfara, e enfin una ceremonia del sovenir al monument als mòrts amb lo depaus d'una garba.

Max Allier, a la raja dau temps / Marie-Jeanne Verny
Verny, Marie-Jeanne
Comunicacion de Maria-Joana Verny dins l'encastre de la  jornada d'estudis ReDoc-LLACS : La colleccion « Messatges » de l'IEO 1945-1960, Montpelhièr, 27 de genièr de 2018.
Erau dins las annadas 1950 : Besièrs jos la nèu / Michel Cans [imatges animats]
Cans, Michel

Aqueste film negre e blanc mut seguís las activitats d'un drollet filmat pendent de periòdes diferents : aprèp de sequéncias que mòstran de jòcs de defòra (jòc de bala, veitureta a pedalas...), se retrobam plonjats, a sa seguida, dins las carrièras vengudas pistas d'esquí d'una Besièrs  embelinada per una nevada. Enfin, los darrièrs imatges mòstran l'enfant que fa vespralhon dedins.

sus 198