Explorar los documents (223 total)

Lenga d'òc : La Setmana Provençala ambé Guilhem Vaton / Tè Vé Òc
Emission dau 8 de novembre de 2018

En Avinhon, la Setmana provençala es organizada per d'associacions divèrsas qu'an per tòca comuna la promocion de la lenga e de la cultura d'òc. Avèm filmat la sortida sus l'iscla de la Bartelaça prepausada per Provença Tèrra d'Òc. Au cap d'aquela animacion, Guilhem Vaton, ancian calandron e ornitològ. Es environat d'un trentenat de personas que lo jovent menèt lo percors, a la recèrca d'aucèus migrators e autrei acostumats de l'iscla. Una polida tantossada que lei locutors e lei non-occitanofònes se mesclèron e seguiguèron ambé plaser lei piadas d'un ornitològ aüros de partejar en lenga nòstra lei noms deis aucèus.
Un reportatge d'Amada Cròs. 

Lo lengatge fiulat d'Aas
Biu, Felip (1973-....)
Lo pichòt vilatge d'Aas, en val d'Aussau a accedit a una cèrta notorietat quand la comunautat scientifica e lo grand public descubriguèron que sos estatjants comunicavan a fòrt granda distància pel mejan de modulacions fiuladas.

Lo dissabte 9 de junh de 2018, dins l'encastre del festenal Tarba en Canta, Felip Biu, doctor en culturas e lengas regionalas de l'Universitat de Pau e dels Países de l'Ador, presentava una conferéncia titolada : « Lengatge fiulat d'Aas » : definicion, originas e renaissença d'aqueste mòde de comunicacion particularament rare que cresiam escantit...

Aquesta foguèt menimosament filmada per ÒCTele qu'a realizat aquesta vidèo.
Lenga d'òc : Una istòria de trins / Tè Vé Òc [emission audiovisuala]
Emission dau de 25 octobre de 2018

S'avètz pancara vist un caminòt parlar de son mestièr en lenga nòstra, siatz tombats sus la bòna emission ! Anèrem a Miramàs rescontrar Gerard Roussel, acompanhat de Reinat Nozéarn. Dins aqueste reportatge, vos presentam l'economia e leis usatges divèrs dau patrimòni ferroviari, amb leis exemples de la gara de Miramàs e dau musèu dau camin de fèrre a Nimes. Seguissètz-nos entre autrei dins lo percors dau depaus de Miramàs, que Gerard nos explica lei mestiers de caminòts e lei foncionaments dei trins a travèrs leis epòcas.
Un reportatge d'Amada Cròs
Lenga d'òc : SILOÉ : associacion graulenca que manten son cap / Tè Vé Òc [emission audiovisuala]
Emission dau 18 de octobre de 2018

Au Grau dau Rei, vilatge de pescaires venguda estacion balneària, avèm rescontrat de sòcis de Siloé. Es una associacion especializada dins la sauvagarda e lo manten dau patrimòni maritime. Prepausa dins seis atalhièrs divèrs chantiers d'insercion e d'accion sociala. Un projècte bèu que dura despuèi 1984. Siloé nos mena amb ela en mar e nos presenta de batèus que faguèron l'objècte de restauracion. De demostracions de manòbras dins un batèu « vela latina » nos permeton de descubrir l'organizacion e la solidaritat d'una chorma investida. Un reportatge d'Amada Cròs. 
Lenga d'òc : Lei Trobadors cantan l'art romanic / Tè Vé Òc [emission audiovisuala]
Emission dau 11 de octobre de 2018

Entre la prima e l'automne, lo Festenau «Les Troubadours chantent l'art roman » se debana cada an despuèi 2006 en region Occitanie e mai en Catalonha. Lo principe es la ligason entre leis edificis religiós e leis artistas que meton a l'onor de musicas de Mediterranèa. E mai se, de còps que i a, coma a Banhòus de Cese dins nòstre reportatge, lei concèrts se pòdon debanar dins de salas modèrnas. D'entrevistas e d'imatges de la serada dau 28 de setembre vos donaràn un apercebut d'aqueu festenau particularament estacat a nòstra cultura.
Un reportatge d'Amada Cròs.
Lenga d'òc : Quanta bèla enterrada ! / Tè Vé Òc [emission audiovisuala]
Emission dau 4 d'octòbre de 2018

En Aumessas, dins lei Cevenas gardesas, de comedians amators presentèron una pèça adaptada dau cònte de Claudi Anselme e Joseta Duplan. E mai, aquestei joguèron au costat de Muriel Martinet e Clara Bertrand. ''Quelle belle enterrada !'' es un espectacle bilingue que d'un subjèct grèu ne'n sortísson de galejadas, de jòcs de mòts e de situacions a de còps dificilas ò amusantas. Vos convidam an' aquela bèla enterrada per faire la coneissença de Rachel e son òme, la pastressa e lo novèu garda-campèstre, dins una revista de Marc Carteyrade. 
Lenga d'òc : Rescòntres Occitans en Provença 2018 / Tè Vé Òc [emission audiovisuala]
Emission dau 20 de setembre de 2018

Lei 40ens Rescòntres en Provença recampèron un centenat d’estagiaris dins 17 talhièrs variats : lenga, istòria, teatre, cant, acordeon, toponimia, medias, environament, cosina, botís e autrei. L’escoleta aculhiguèt d’enfants que crèeron lei personatges dau filmòt inventat « Pèire e son lop ». Venètz au rescòntre deis animators que dònan un bof vertadièr en aquela manifestacion, ponctuada per de seradas bèlas que lo balèti i a tota sa plaça. Trabalh, léser, escambis estrambordants, debats e un anniversari espectaclós. Un temps fòrt e ric per totei. Un reportatge de Lisa Gròs.
 
Lenga d'òc : EBTè ! Creacion de Joan-Francés Tisnèr / Tè Vé Òc [emission audiovisuala]
Emission dau 27 de setembre de 2018

Joan-Francés Tisnèr es un multi-instrumentista pron implantat dins lo mitan musicau occitan (e mai). A l'escasença d'un sejorn
a' Gen, avèm rescontrat Joan-Francés Tisnèr e Francés Dumeaux. Nos parlan de sa darrièra creacion, EBTè ! , un espectacle conceptuau que jòga sus lei sòns, lei mòts, lei bruchs, ambé d'univèrs aluenchats que se son mesclats lo temps d'un balèti. Descubrètz lei sòrgas d'inspiracion e leis imatges deis experimentacions d'un projècte originau, innovant, estonant e estrambordant.
Un reportatge d'Amada Cròs.
Lenga d'òc : Lamas d'Òc : Salon dei cotèus artesanaus / Tè Vé Òc [emission audiovisuala]

Emission dau 13 de setembre de 2018

Aquel estiu se debanèt la 3ena edicion de Lamas d'Òc a Marguerittes, pròche Nimes. Es un Salon dau cotèu iniciat per Mick Gillet, que recampa cada an un molon d'expausants venguts de'n pertot. Dins nòstre reportatge, vos menam dins lei coliças d'un saber-faire, au rescòntre de Mick Gillet, de l'animator fargaire Cristòu Grangé e de coteliers coma Deidier Lascombe e Sebastian Fuster, entre autrei. Una virada brèva mai que vos mostrarà l'èime d'aquela manifestacion particulara, que pas gaire de cotèus se semblan fòrça entre lei estands nombrós.
Un reportatge d'Amada Cròs.

La bovina au musèu / Tè Vé Òc [emission audiovisuala]
Emission dau 6 de setembre de 2018

Vos prepausam dos agachs sus la Bovina au Musèu d’Istòria e d’Arqueologia Auguste Jacquet, a Bèucaire dins Gard. Cabussatz ambé nautrei dins l'univèrs de la tauromaquia de Camarga. Vos i mostrarèm leis òbras de l’artista pintre Frederic Monnet, afogat de buòus camarguencs e tanben aquelei de Joan-Pèire Ode, afecionat que nos presenta leis arquius de la corsa camarguenca a Bèucaire. Un paralèle bèu entre doas passions, que podètz veire sus plaça au Musèu juscas au 30 de setembre de 2018. Un reportatge de Lisa Gròs e Miquèu Gravier.
sus 23