Explorar los documents (262 total)

Estudi sus l'edicion en lenga occitana en Aquitània (InÒc, 2013)
Javaloyès, Sèrgi
Albert, Lucia
Aqueste rapòrt publicat en 2013 sus la situacion de l’edicion en lenga occitana en region Aquitània (perimètre de l’anciana region administrativa a 5 despartaments) actualiza l’estudi precedent, fòrça complet, que portava sus L’edicion en lengas de França en Aquitània (ARPEL, 2008).
Aqueste estudi novèl es fondat sus 7 ostals d’edicion (Capòc, Fédérop, Letras d’òc & Camins, Novelum, Per Noste, Reclams, Vistedit) e 2 rets de difusion (IDECO, Cairn-diffusion). Lo rapòrt balha d’elements sus la situacion economica e l’edicion occitana en Aquitània, un estat de la mesa en òbra de las preconizacions establidas dins lo rapòrt de 2008 e ne formula de novèlas.
Diagnostic e preconizacions per l'edicion en occitan e en basc en region Aquitània (ARPEL : 2008)
ARPEL Aquitaine
Aqueste rapòrt publicat en 2008 per l’Agéncia regionala per l’escrit e lo lire en Aquitània (ARPEL) prepausa un diagnostic e de preconizacions nombrosas sus la basa d’un estudi menat en 2007 cap a l’ensemble dels actors de la filièra del libre en occitan e en basc en Aquitània (perimètre de l’anciana region administrativa a 5 despartaments).
L’estudi es bastit sus una cibla de 14 editors (13 situats en Aquitània, 1 en Miègjorn-Pirenèus), 3 difusors, 6 librariás e 5 associacions que representan la filièra regionala del libre en occitan e en basc.
L’estat dels luòcs s'interèssa a l’economia del libre occitanofòn e bascofòn e sus la situacion de sos actors (fòrmas juridicas, chifras d’afars, emplecs, estrategias editorialas e de difusion, ajudas publicas, etc.)
La segonda part establís una tièra de preconizacions en direccion dels poders publics mas abans tot cap als actors de la filièra amb preconizacions nombrosas en matièra de produccion editoriala, comercializacion, promocion e difusion.
Lenga d'òc : Banh de lenga a Sant-Ipolita-dau-Fòrt / Tè Vé Òc
Emission del 28 de febrièr del 2019

Fasèm un torn dau costat dei Cevenas, a Sant-Ipolita-dau-Fòrt, ambé l'activitat prepausada per lo Cafè Occitan de Pompinhan. Lo « banh de lenga" es una jornada d'immersion linguistica per totei nivèus, adults e enfants. Lo principe es de prepausar divèrs atalhièrs ambé d'animators que parlan en lenga nòstra, per acostumats leis aprentís, puèi, quora leis estagiaris lo vòlon, de s'expremir tanben en occitan. Tanben, s'i fai una visita bilinga dau luòc qu'aculhís leis estagiaris, qu'es lo licèu Scholae. De moments per manjar permeton tanben d'escambiar e de galejar que que siágue lo nivèu de cadun. Vos prepausam una revista d'aquela jornada embé d'entrevistas. 
Un reportatge d'Amada Cròs. 
Lieutard, Hervé. Directeur de publication
Publicada dempuèi 1977, Lengas, revista de sociolingüística, constituís, per la regularitat e la composicion de sos numèros pareguts, una font de documentacion e de reflexion irremplaçabla sus las questions que tòcan l’usatge e l’evaluacion sociala de las lengas. A partir d’un cas concrèt, lo de l’occitan, considerat dins sa globalitat geografica e istorica (dempuèi l’Edat Mejana fins a uèi), Lengas a desvolopat una analisi a l’encòp rigorosa e dobèrta a prepaus de las situacions de conflicte lingüistic o de diglossia. S’i tròban tanben d’estudis precises, realizats a partir d’enquèstas de terren o de documents d’archius (imprimits, manuscrits, tesminònis indirèctes o dirèctes de tota mena), d’ensages de sintèsi mai teorics o encara d’apròchis metodologics que mai d’un amb lo temps venguèt « classic ».
Per la diversitat de sos collaborators e la multiplicitat de sos apròchis disciplinaris (de l’istòria a la sociologia e a la sociolingüistica, en passar per l’istòria de las practicas literàrias, la bibliografia e mai la geografia) Lengas ofrís aital un panorama rasonat de çò aquesit per la sociolingüistica dempuèi mai de trenta ans. Se tròban tanben, a costat de bilances que pertòcan d’autras situacions lingüisticas en Euròpa e dins lo mond, un escapolon fòrça larg de documents e d’analisis sus la cultura occitana despuèi l’Edat Mejana fins al jorn de uèi.
Verny, Marie-Jeanne. Directrice de publication
Torreilles, Claire. Directrice de publication
La revista Lenga e País d’òc foguèt publicada al CRDP de Montpelhièr de 1982 a 2012. Revista pedagogica, redigida en occitan mai que mai, representa per los ensenhaires d’occitan de tot l’espaci linguistic un luòc dubèrt de referéncia e de ligason. En 30 ans, l’evolucion de l’estatut de l’ensenhament de l’occitan e donc de las situacions rencontradas foguèron l’escasença, pels ensenhaires, d’inventar de responsas nòvas e originalas, a cada nivèl d’aprendissatge, de la mairala a l’universitat, responsas que meritavan d’èsser expausadas, discutidas, escambiadas. Per aquò, la revista es una aisina didactica indispensabla tant per la preparacion als concors de recrutament coma per la formacion dels mèstres o la reflexion pedagogica personala suls objectius e las ressorças d’una disciplina en plena mudason institucionala.

Cada numèro de Lenga e País d’òc es tradicionalament organizat en 4 rubricas :
« Estudis » presenta d’articles de fons sus la cultura occitana : istòria, civilizacion, lenga e literatura.
« Practicas » recampa d’analisis de practicas e de dorsièrs vertadièrament pedagogics.
« Tèxtes » propausa, en relacion amb lo tèma del numèro, una causida comentada de tèxtes e documents variats e calibrats pels besonhs del cors de lenga.
Enfin, de « Nòtas de lectura » recensan qualquas parucions interessantas.
Tres numèros especials foguèron excepcionalament consacrats a un escrivan occitan : Joan Bodon en 1999 (n°36), Robèrt Lafont en 2011 (n°50-51), Marcela Delpastre en 2012 (n° 52-53).
Lenga d'òc : Leis Ampelofoliás dau Cabardès / Tè Vé Òc
Emission del 21 de febrier del 2019

Vos menam a Mossolens e Vetenac-Cabardès, en País Carcassenc. S'i debanèt en genier lo festenau "Leis Ampelofolià", qu'es un eveniment a l'entorn de la rabassa e dau vin dau terraire. Aquest an, presentèt sa 20ena edicion, ambé de manifestacions divèrsas. Per vautrei, Lisa Gròs a subretot cubert lo talhièr de cosina de Mirelha Braç. Descubrirètz lo menut cosinat en aquela escasença : la brolhada d'uòus a la rabassa, lei tartinas de fetge gras a la rabassa, leis agulhètas de polet a la rabassa raspada, lo fromatge trufat e l'ensalada a l'òli trufada. De qué vos donar ja l'apetís avans de veire nòstra emission, ambé de recetas que podrètz realizar en cò vòstre, tot en lenga nòstra !
Un reportatge de Lisa Gròs. 
Lenga d'òc : L'Espaci Occitan a Draonier (Itàlia) / Tè Vé Òc
Emission del 15 de febrier del 2019

L'Espaci Occitan veguèt lo jorn i a ben lèu 20 ans a Draonier, dins la Val Maira, una dei valadas occitanas d'Itàlia. Avèm rescontrat la Doctoressa Rosella Pellerino, directritz scientifica a l'Espaci Occitan. Aquesta nos i explica lo foncionament dei luòcs, seis activitats, e sei relacions au numeric per mielhs convenir au public. L'Espaci Occitan recampa tres organismes que son l'institut, lo centre de documentacion e lo musèu. Vos presentam un site ric e plurau, acompanhada de tròç rodats au musèu "Sòn de lenga". Una cabussada dins l'òbra multipla de la còla de l'Espaci Occitan, que partiguèt simplament de quauquei documents e libres per arribar a la creacion d'un espaci scientific grand e dinamic. Un reportatge d'Amada Cròs.
Lenga d'òc : Lei 20 ans dei Trad'Hivernales de Somèire / Tè Vé Òc
Emission dau 7 de febrièr de 2019

Aqueleis annadas passadas, Tè Vé Òc vos prepausava cada an un reportatge rodat ai Trad'Hivernalas, una institucion culturala qu'anima lo mes de genièr a Somèire e que siam partenaris. Ges d'excepcion, qu'aquest an avèm un còp de mai cubert lo festenau que sa còla dei Trad'Hivernalas festejèt sa vintena edicion ! Un rescòntre anniversari que recampava un molon d'artistas e d'animacions. Dins nòstra emission, veirètz lei temps fòrts dei Trad'Hivernalas, amb entre autrei Claudi Martí, lo platèu ràdio, lei concèrts nomadas embé Laurenç Cavalié, e subretot la serada d'anniversari qu'èra "Lo Bal dei 20 ans". Amb un molon de musicians convidats sus scena au costat de Coriandre e Garric.
Un reportatge de Miquèu Gravier

Nimes l'occitana vista per d'escrivans, Tè Vé Òc (réal.)
Association Tè Vé Òc
Centre Interrégional de Développement de l'Occitan

De Frederic Mistral a Robèrt Lafont, d'Antòni Bigot a la nòva generacion d'autors occitans (Matthieu Poitavin, Sarà Laurens...), aqueste film  es un convit a percórrer las carrièras e los barris de Nimes, per redescobrir la vila a travèrs los mots dels autors qu'a vists nàisser o s'espandir.
Support[s] et contenus littéraires des productions occitanes contemporaines / Maria-Joana Verny
Verny, Marie-Jeanne
sus 27