Explorar los documents (31 total)

TèVéÒc. Producteur
Gravier, Michel. Metteur en scène ou réalisateur
Emission dau 17 de febrièr de 2017

Dins lo país d'Usès, la rabassa es una tradicion. Lei mercats de rabassas d'aquí son de mai en mai reconeiguts, e suscitan un interès totjorn mai grand. Nòstra còla seguissèt per vos Alan Prat, un rabassaire professionau, en companhiá de sa fidèla china. Veirètz la recòlta de rabassas en alternança amb d'entrevistas.
TèVéÒc. Producteur
Cros, Amy. Metteur en scène ou réalisateur
Emission dau 10 de febrièr de 2017

Metre en avans la lenga e la cultura d'òc es la linha directritz dau Festenau de vidèo amator Rescontre. Aquesta manifestacion presentèt de corts-metratges de totas menas, e se debanèt a Sant-Gervasi, dins Gard. Lei videastas amators an aquí una veirina anuala.
Rescontre festejèt sa 7ena edicion amb d'òbras divèrsas, pròva qu'existís una espèra a l'entorn de la vidèo amator. Vos prepausam dins aquesta emission una revista de l'edicion 2017, qu'avèm orientada sus la creacion e la transmission.

TèVéÒc. Producteur
Cros, Amy. Metteur en scène ou réalisateur
Emission dau 3 de febrièr de 2017

Arribam sus la fin dei fèstas calendalas, amb lei belems que son una vertadièra tradicion de Provença, au costat dei pastoralas. Reportatge au Salon dei Santonièrs, en Arles. Aquí, amators e professionaus s'acampan per partejar una passion comuna d'aquest' art populari : lei santons.
Realizacion : Amy Cros
Gros, Lise. Metteur en scène ou réalisateur
TèVéÒc. Producteur
Cros, Amys. Metteur en scène ou réalisateur
Emission dau 27 de genièr de 2017

Lei Trad'Hivernales festejèron sa 18enca edicion dau 20 au 22 de genier de 2017.
Concèrts, atalhiers, Cafè Òc, conferéncia, platèu ràdio e taula redonda atrivèron un public qu'iverna pas. Lo tot, mai ò mens estacat a l'occitan que lei Trad meton cada an a l'onor. Dins aqueste reportatge, vos presentam un rendut-còmpte de l'edicion 2017, emb un accent sus la vida mediatica occitana.
Gros, Lise. Metteur en scène ou réalisateur
TèVéÒc. Producteur
Emission dau 20 de genièr de 2017

Leis espòrts regionaus èran presents au Forum Eurò regionau de Castelnaudary aquest'estiu. Aurètz aquí una idèa d'aqueleis espòrts-passions que recampan tant de monde occitans.
Gravier, Michel. Metteur en scène ou réalisateur
Cros, Amado.
TèVéÒc. Producteur
Emission dau 16 de decembre de 2016

Dins aqueste reportatge de Miquèu Gravier, i veirètz la 3ena Trad'Session organizada per Le Fil Production a la SMAC Paloma de Nimes. Aquí, l'emission pòrta sus Polifonic System, amb una entrevista de Manu Théron. I parla dau concèrt qu'es pron orientat sus l'album de venir, en prima de 2017, e que se podriá sonar Totem Sismique.
TèVéÒc. Producteur
Emission dau 31 de març de 2017

Vos prepausam una emission sus la biodiversitat en mitan amenatjat per l'òme. Mai particularament centrat sus lei aucèus, nòstre reportatge vos mena dins lo pargue ornitologic dau Pont de Gau e dins la Resèrva naturala dau Scamandre. Una pausa en Camarga per conéisser e comprene coma l'uman s'es emparat de la tèrra, per mièlhs la metre au servici de la Natura.
TèVéÒc. Producteur
Emission dau 23 de setèmbre de 2016

Les Diables de la Garrigue son un grop de musicians intergeneracionau resumit per de rescontres uros, d'inspiracions justas e una performança transcendenta. Per aquelei musicians, un espectacle dei Diables de la garrigue es una convidacion a se leissar portar per la transa. Dins aqueste reportatge, descubrètz la « transa'n'dança » au biais dei Diables de la garrigue.
TèVéÒc. Producteur
Emission dau 9 de setèmbre de 2016

Un eveniment coma lo Forum Eurò-Regionau, podiam pas lo mancar ! Es a Castèlnòu d'Arri que vos menam per una pichòta virada dins aquela manifestacion de 3 jorns.

Au programa, presentacion dau Forum ambé lo director dau CIRDÒC Benjamin Assié, teatre, musica e questionament a l'entorn de la promièra edicion dau Forum e de son endevenir.

Crosament entre leis lengas e lei culturas, lo Forum a per objectiu de faire se rescontrar dei politicas culturalas e favorizar leis escambis entre Occitània, Catalunha e leis Illas balearas. Entitat complèxa que n'es qu'à son fondament, lo Forum poncha de volontats comunas d'avançar ensems, dins un ideau d'universalitat e de dubertura. Aquest an, la plaça èra facha au patrimòni e a la creacion. Un tèma qu'a pas mancat de faire viure lei debats e dinamizar lei rescontres.


La còla de TèVéÒc.
TèVéÒc. Producteur
Emission dau 2 de setembre de 2016

La còla es anada cubrir la finala deis "Cafès Òc" lo 8 de a Somèires (30), dins l'encastre dau Total Festum. Sarètz en compania de l'elegit regionau  Patric Roux, de l'organizator Denis Galvier, de Claudi Pisanecchi (Cabr'e'Can), Maria Jo Dory (Cafè occitan de Pinhan) e Domenge Caucat (Cafè occitan d'Argelièrs). Lo reportatge poncha la dinamica d'una iniciativa coma aquesta, lei "Cafès Òc" aguent una part significativa dins la ligason entre la cultura e la lenga d'òc. Èron sièis estructuras de "Cafè Òc" dins la region a s'acampar per festejar la fin de la sason, sus una nòta musicala.

Ambé lei grops Les Cigales, Lo Cocut, Cabr'e'Can et lei contairas Anèta Clément, Millie Dolan, Lisa Gròs.
sus 4