Explorar los documents (858 total)

vignette-calandreta-escola-per-deman.jpg
Calandreta : una escòla per doman (Calandreta : une école pour demain)
Bédel, Amic
Aqueste film realizat per Amic Bedel (Piget Prod.), produsit per la Federacion regionala Calandretas e la Region Miègjorn-Pirenèus, propausa una descobèrta de las escòlas associativas immersivas occitanas, lor pedagogia, lor foncionament, lor ligam amb lo territòri e la cultura e balha la paraula als ensenhaires, parents d'escolans e ancians calandrons.
v-teveoc_lenga-d-oc_2019-04-11.jpg
Lenga d'òc : Setmana Occitana dins Gard 2019 / Tè Vé Òc
Emission del 11 de avril del 2019

La Marpoc e l'IEO 30 organizan cada mes de març una « Setmana occitana ». Son adonc programadas d'animacions ligadas a la lenga e la cultura nòstras, coma la literatura orala e escricha, la musica, lei jòcs... Nautrei avèm causit de vos prepausar la jornada « teatre amator » a Venòbre, onte joguèron lei comedians adults, puèi leis enfants. Aquelei presentèron la restitucion d'un talhièr teatre seguit pendent lei vacanças escolàrias. E dins una segonda partida, vos menam au locau de la Marpoc, per la presentacion dau libre de Deidier Leclerc « La Bèstia dau Coàr », acompanhada d'una mòstra de sei fotòs e d'una lectura musicala. Un reportatge d'Amada Cròs . 
v-teveoc-lenga-d-oc-2019-04-04.jpg
Lenga d'òc : Omenatge a la manadièra Fanfonne Guillierme / Tè Vé Òc
Emission del 4 de avril del 2019

Coma cada an, lo vilatge d'Aimargue organiza lo primièr dissabte de març una jornada en omenatge a Fanfonne Guillierme. Aquela manadièra defuntada i a trenta ans es au centre d'una fèsta dedicada ai « gents de bovina », ela que s'es tant implicada dins la tradicion gardiana. La manifestacion de 2019 marquèt lei 30 ans de la desparicion d'aquela femna coratjosa, un exemple per totei, lei femnas entre autrei. E per vautrei, n'avèm profichat per entrevistar Robert Faure, Crestian Espelly e Andrieu Mégias. En mai d'aquò, veirètz un apercebut deis animacions d'aqueu jorn : benediccion dei chivaus, abrivada, rossataia e corsa camarguenca dins l'arena d'Aimargue. Un reportatge de Lisa Gròs. 
v-lenga-d-oc_teveoc_2019-03-28.jpg
Lo Bal en l'èr #3 a Nimes / Tè Vé Òc
Emission del 28 de març del 2019

Le Fil Production organiza un molon de concèrts e atalhièrs a l'entorn dei musicas dichas « trad ». Tè Vé Òc aguèt ja l'opportunitat de curbir quauquei seradas. Aqueste còp, vos prepausam un novèu reportatge rodat a la Scena de Musicas Actualas Paloma, a Nimes, per la tresenca edicion dau « Bal en l'èr », ambé tres concèrts. Veirètz d'entrevistas dei grops San Salvador, còr polifonic originari de Corresa, e La Base Duo, venguts de Gasconha. Nos parlaràn de son punt de vista sus l'evolucion de la musica trad e son adaptacion ais espacis divèrs, coma aquela de la SMAC Paloma. Lo tot, ambé de tròç dei concèrts !
Un reportatge de Patric e Miquèla Lapierre.


v_teveoc_lenga-d-oc_2019-03-21.jpg
Lenga d'òc : 1907 e Leon Còrdas per Magalí Jarque-Còrdas / Tè Vé Òc
Emission del 21 de març del 2019

Lo manescrich inedit de Leon Còrdas, autor occitan defuntat en 1987, fuguèt mes en lume per sa filha Magalí, au moment que l'artista Crestian Salès cercava d'editar un obratge sus 1907. Avèm profichat d'una conferéncia-projeccion de Magalí Jarque-Còrdas a l'Ostau de la Garriga de Margarida, per una entrevista aprefondida. Aqueu rescòntre permetèt de presentar l'istoric de la crisi dei viticultors que veguèt lo jorn a quauquei quilomètres d'onte nasquèt Leon Còrdas. Lo rescòntre fuguèt tanben una opportunitat de parlar dau libre 1907, la route des gueux, un roman escrich en francés, e inicialament previst per un film.
Un reportatge d'Amada Cròs.
v_teveoc_lenga_d_oc-terralha.jpg
Lenga d'òc : Terralhas a Sant Joan de Fòrcs / Tè Vé Òc
Emission del 14 de març del 2019

Direccion Sant-Joan de Fòrcs, un vilatge d'Eraut pròche Sant Guilhem del Desèrt. Sabiatz qu'aquel endrech reviscolèt recentament una tradicion vièlha de la terralha ? Nòstra còla anèt au rescòntre de Claudi Destand. Es eu que participèt, entre autrei, a la revalorizacion dau trabalh de l'argela, e contribuèt a la creacion dau musèu Argileum. Aqueste presenta la colleccion municipala de terralhas subrebèlas e tanben l'istoric, leis espleits, la fabricacion e la coisson dins çò qu'èra un talhièr de terralhièr. Tanben, descubrètz l'òbra d'Isabèla Duisit, que fabrica d'olhats. Un mercat grandàs dei terralhièrs s'i fai cada an dins lo vilatge au mes d'avost.

Un reportatge de Marc Carteyrade.
v_teveoc_lenga-d-oc_2019-03-07.jpg
Lenga d'òc : Claus sens Clau ambé Rodin Kaufmann / Tè Vé Òc
Emission del 7 de març del 2019

Lo poèta e artista pluri-disciplinari Rodin Kaufmann realizèt l'installacion « Clau sens Clau », comandada per lo Cirdòc. Lo licèu de l'Arc en Aurenja beneficièt d'un projècte pedagogic fondat sus aquela installacion. Vos prepausam una entrevista de l'artista, subretot a l'entorn d'aquela experiéncia ambé lei liceans. D'escolans de la classa de provençau de Matieu Peitavin participèron au projècte, e l'installacion fuguèt presentada oficialament lo 1er de febrièr au public. Lo monde posquèt descurbir un trabalh artistica tant sonòr coma visuau, dins un espaci que recampava una mòstra e una projeccion vidèo despuèi una mala. Un reportatge d'Amada Cròs.
vignette-AQ-2018-26-4_FH000021.jpg
Les coulisses de la Caravane occitane : archives filmées de Jean-Louis Escafit
Escafit, Jean-Louis

Contenu bientôt disponible

La Caravane occitane est une initiative d’un nouveau mouvement, né en 2003 sur le Larzac, sous le mot d’ordre « Gardarèm la Tèrra ! », se rattachant explicitement aux mouvements altermondialistes qui se multiplient dans le monde entier après l’énorme écho médiatique des manifestations contre le Sommet de l’OMC à Seattle en 1999. Quelques mois après la création du mouvement Gardarèm la Tèrra est lancée l’idée d’une Caravane occitane, collectif mobile qui parcourrait l’Occitanie pour aller à la rencontre des habitants au travers de rencontres, débats, concerts, etc.

Jean-Louis Escafit, militant de Gardarèm la Tèrra, a filmé camescope au poing les coulisses des deux éditions de la Caravane Occitane (2004 et 2005). Partis avec un bus de location, les membres de la première édition avaient rallié Montpellier à Nice, en passant par Béziers, Carcassonne, Toulouse, Bordeaux, Lau, Limoges, Aurillac et Gap. La seconde édition mènera les participants jusqu'aux territoires occitans d'Espagne (Val d'Aran) et d'Italie (vallées occitanes du Piémont).
vignette-film-gregoire-andreo.jpg
Los pionièrs de l'escòla occitana a Besièrs
Andreo-Raynaud, Grégoire
Interrogats per lo cercaire Grégoire Andréo-Raynaud dins l'encastre de sa tèsi de doctorat, los artesans majors de l'aventura Calandreta a Besièrs contan las originas de la creacion de la primièra Calandreta besierenca, Los Ametlièrs, en resson amb la primièra escola Calendreta de Pau, creada en 1979.
Amb : Jaumeta Arribaud, Patrici Baccou, Monique Barthès e Patrick Divaret
Imatges d'archius : la Calandreta L'Ametlier, filmada en 1982 per Patrici Baccou e los estudents de cinemà de l'Universitat Pau-Valery Montpelhièr 3.
vignette-ganhaire-escrivans.jpg
Escrivans : Joan Ganhaire
Valentin, Stéphane. Metteur en scène ou réalisateur
Joan Ganhaire que legueish un extrèit de Lo viatge Aquitan, prèmi Jaufre Rudèl 2001. Escrivan màger de la literatura occitana contemporanèa (Lo libre dau reirlutz, Dau vent dins las plumas, Cronicas de Vent-li-Bufa, Sorne transluc), Joan Ganhaire nos liura las suas experiéncas e influéncias. Policièr mes tanben fantastic o de capa e d'espasa, que n'i a per tots los gosts dens la sua òbra !

Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Produsida per l'InÒc Aquitània en partenariat dab ÒcTele, que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.

Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras. La prumèra sason qu'ei dedicada aus autors de Navèra Aquitània, un navèth pertrèit estant difusit cad mes.

[resumit : ÒCtele]
sus 86