Explorar los documents (315 total)

L'associacion Le Fil Production recampa d'artistas occitans sus l'empont de la SMAC Paloma pel segond còp. Aquel reportatge vos revela lo foncionament d'una "Trad'Session" e son desvolopament. Un eveniment que tend a se perennizar.

Per une "Velhada contes" a l’Agora de Nimes, Claudina Paul-Gros encanta los estagiaris del grop Lo Temps dau Costum. Venguts a la rencontre de la romanitat, fan amb la contaira un grand viatge dins lo temps. Un reportagte de Lisa Gròs produsit per Tè Vé Òc.

Miquèu Gravier no mena al Cafè Òc de Pompinhan. Coma cada primièr dimècres dau mes, lo Bar dei Colonas ven un luòc de rescontre e d’escambis en occitan alentorn d’un tèma. Aqueste còp, un bon repais per començar la serada, puèi es la presentacion de l’associacion Tè Vé Òc e de sei produccions a travèrs la descubèrta de son site. Una projeccion de corts-metratges es seguida e entrecopada de contes, de cants e d’entrevues.

A Castèu Nòu de Gadanha, Amy Cros es anada rencontrar los animators e estagiaris d'una manifestacion immersiva e festiva en provençal. Organizat per "Provençau Lengo Vivo", aquel estagi revela un estrambòrd autentic per la lenga. La devisa de l'associacion ? "La figuiero e l'oulivié, moron pas sènso eiretié !"

Aquel numèro novèl de Lenga d'òc/Lengo d'oc propausat per TèVéÒc foguèt estat difusit lo 8 d'abril  de 2016.

La vila d’Aigas Mòrtas ten un  ric patrimòni arquitecturau. Renomada per sei barris, sei salins e son canau, es tanben coneguda per una especialitat gastronomica : la fogaça d’Aigas Mòrtas. Un rescontre amb lo fornièr-pastissièr Laurenç Poitavin vos farà descubrir leis especialitats localas.

Aquela emission del 1er d'abril de 2016 tracta de la preséncia multi-milenària dau buòu en país mediterranèus.
Es una frisa de l'Antiquitat juscas a uèi consacrada a aquela bèstia sauvatja e mitica, que l'òme a totjorn afrontada, primièr per se'n noirir, puèi per jogar amb ela. Despuèi totjorn, tocar lo buòu es se'n apropriar la fòrça. Dins aqueste documentari, Glaudi Queyrel vos raconta una pratica, una tradicion miègjornala a l'entorn de la relacion particulara entre òme e buòu sauvatge.

Aquel numèro novèl de Lenga d'òc/Lengo d'oc propausat per  Amada Cros per TèVéÒc foguèt estat difusit lo 25 de març de 2016.

Sul camin d'un vent unenc a Niom (Droma), seguissèm una istòria, un fenomèn, un trach d'identitat. Segon la legenda locala, devèm la preséncia del vent lo « Pontiàs » a un miracle atribui atribuït a Sant Cesari al sègle VI.

Aquel numèro novèl de Lenga d'òc/Lengo d'oc propausat per TèVéÒc foguèt difusit lo 18 de març de 2016.

Lo Mas de la Cure, proprietat del Conservatòri del litoral, aculhiguèt del 19 al 20 de febrièr de 2016 lo 15en Salon del Caval de la raça de Camarga. Presentacions, espròvas e concorses recampèron un public bèl a l'entorn de las carrièras. De nombroses taulièrs d'artistas e d'artesans demonstrèron la fòrça de l'economia organizada a l'entorn del caval de Camarga. Una capitada ! 

Una visita de tria per aquel numèro del 11 de març de 2016 : lo castèl de Castille a Argilliers (30). Aquel edifici deu son nom de « castèl de las mila colomnas » e sa configuracion actuala a Gabriel de Froment, que n'èra proprietari al sègle XVIII. Lo critic e colleccionaire d'art Douglas Cooper, que lo crompa dins las annadas 1950, li balha son aspècte vertadièrament unenc : i aculhís Cocteau, Gris, Léger, de Staël, Luis Miguel Dominguin e ne fa lo refugi del cubisme. Picasso realiza sus las parets del castèl cinc frescas classadas monuments istorics.

 

Una emission de Miquèl Gravièr amb d'intervencions de Daniel Roux, Coleta Fraisse-Grousset e Claude Fraisse.

La garriga cobrís 400 000 ectaras en Provença e Lengadòc ; la garriga nimesenca ne fa 10 000. Dins aquela emission del 4 de març de 2016, Lisa Gròs vos mena passejar dins aquel ecostistèma ric de tresaurs naturals tal coma bastits.