Explorar los documents (75 total)

Lous Vus, Satire II de Perse traduit par Saint-Just Molinier

Perse (0034-0062)

Revirada "en dialècte clarmontés" (occitan lengadocian de Clarmont d'Eraut) de la Satira II del poèta latin Aules Persius Flaccus (sègle I ap.JC) dich Perse, òbra d'inspiracion estoïciana que s'ataca a la faussa devocion.

La question de l'u roman d'Émile Négrin

Négrin, Emile (1833-1878)

Article de fonologia occitana del felibre canés Emile Negrin (1823-1878) en parlar occitan niçart, sus los diferents trachaments de la U latina en occitan.

Marius de Victor Lieutaud

Lieutaud, Victor (1844-1926)

Poèma epic en occitan provençal de Victòr Lieutaud (1844-1926) d'Apt, propausant una vision idealizada de la batèsta d'Ais en 102 av. JC, que vegèt lo cònsol roman Caïus Marius espotir los Teutons mai los Ambrons pervinguts fins a Provença. L'oposicion entre lo nòrd germanic, barbare e violent, e lo Mieijorn latin rafinat es ben-de-verai de religar amb la germanofobia ambienta del temps, consequéncia dels escacs franceses pendent la guèrra de 1870 emai de l'esperit de revenge que se'n seguiguèt.

Lou Buou de la Festo de Dieu à Marsilho de Maurel

Maurel, Antoine (1815-1897)

Monografia del felibre marsilhés Antòni Maurel (1815-1897), autor dramatic emai poèta, membre de mantuna societat de secors mutual de las Bocas-de-Ròse. S'agís d'una presentacion de la plaça emai del ròtle del buèu dins las celebracions de la Fèsta-Dieu a Marsilha dempuei lo sègle XVI fins a 1852, data de la fin de l'organizacion de la fèsta dins la ciutat foceana.

La Cour d’Amour d'Estève Gleizos

Gleizos, Estève (1835-1892)

Aquel tèxte es una evocacion poetica del debanament d'una cort d'amor. Es l'òbra del poèta erautés Estève Gleisas, d'Asilhanet, au bòrd de Menèrba. La cort d'amor es un element important de l'univèrs dels trobadors occitans de l'Atge Mejan, qu'a difusat jusc al maine d'Òil. Èl s'agís d'un simulacre de procès au cors del qual las dònas jutjan los comportaments dels chivalièrs, per fin de saber si se son o non condusits segond las règlas de la fin'amor tal coma las definiguèron los trobadors occitans. De contèstas vertadièras sul "drech" amorós ligat ad aquel còdi se fan, a façon de plaidariás juridicas dins un procès.
Dins aquel tèxte, de personages tal que lo trobador tolosan Pèire Vidal (1175-ap.1205) o Berenguèr de Palou (sègle XII), d'Elna en Rossilhon, primièr trobador catalan conegut, son per exemple citats.
Lo felibrige, al sègle XIX, tesicós de renosar amb una practica literària occitana apasturada del prestigi dels trobadors - que tornan alavetz descobrir - a restablit las cors d'amor, a l'ocasion de las felibradas, las fèstas felibrencas.

Petrarco is Alsacien-Lorrain

Aquel tèxte, anonim, es una version poetica de la vida de Pétrarque (1304-1374), poèta italian de l'Edat Mejana que son òbra es marcada per l'importància del sentiment d'unitat italiana. Lo tèxte compren tanben d'adaptacions de vèrses del poèta italian en occitan.

L'autor utiliza la tematica de l'unitat italiana desvolopada per Pétrarque per la transpausar a la França qu'aviá perdut l'Alsàcia e la Lorena qualques temps abans la redaccion del tèxte (lo tèxte es pas datat).

La Poù de Pierre de Jicon

Jicon, Pierre de

Aquel tèxte conta lo rencontre entre Jean Lafare, personatge convalescent d'un mal que l'aviá tustat l'estiu precedent e Mèstre Vincent que li indica de precèptes de vidas que lo podrián garir de sos mals.
La prescripcion de Mèstre Vincent consistís en una vida simpla e onèsta basada sus l'amor de Dieu, de sa Patria e del Felibritge e sus una probitat permanenta, de tal biais qu'auriá pas a aver paur de la mòrt.

Belaud de La Belaudiero de Marius Bourrelly

Bourrelly, Marius (1820-1896)

Aquel tèxte es una version poetica de la vida de Louis Bellaud de la Bellaudière (1533?-1588) redigida per Marius Bourelly (1820-1896) dins l'encastre del concors filologic e literària de la Revue des langues romanes.

Lo tèxte es construch en sieis grandas partidas, dempuèi la naissença de Louis Bellaud fins al jutjament de sa vida e de son òbra que susven aprèp sa mòrt.

Louis Bellaud es un poèta provençal mai que mai conegut per aver passat dètz-e-nòu meses en preson per des rasons dobtosas e durant los quals compausèt son primièr recuèlh de sonets, « Obros et Rimos », celèbre per son erotisme bastit sus la basa d'originalas metafòras culinàrias.
Aquel recuèlh publicat aprèp sa mòrt coneisserà una popularitat importanta jos lo règne efemèr de Charles de Casaulx, ligor catolic qu'aviá pres lo contraròtle de la vila de Marselha entre 1591 e 1596.

Counté de Léopold Vaur

Vaur, Léopold (18..-18..?)

Aquel tèxte es un conte escarniu en occitan lengadocian que parla d'un curat enganat per sos parroquians, que fenís per préner a lor pròpre jòc. Poèta erautés pauc conegut per alhors, Leopòld Viaut seriá nascut a l'entorn de 1848, d'aprèp las informacions que nos son pervingudas sus èl. Sembla èstre originari del canton de Ginhac, estant signalat per sa preséncia sus las comunas de Campanhan, Paulhan e Sant Bausèli de la Seuva.

Countémplaetioun dé Mille su séptanto-ciu de Marius Mille

Mille, Marius (18..-1...)

Conegut mai que mai pr'aquela òbra en occitan provençal (varianta rodanenca), lo felibre Marius Mille celèbra dins aquel poèma los evenements de l'annada 1875, en particular lo concors literari de la Societat per l'estudi de las lengas romanicas organizat en març.