fabrica
Agenda
: Tota la creacion occitana
fabrica
L’occitan dans les tranchées. Aquel recuèlh, a partir de diferents documents, evòca la plaça de la lenga occitana o lenga d'òc dins la vida de cada jorn de la Primièra Guèrra mondiala. Per que lo subjècte nos pareissiá mai original, e mai occultat. Mas solide, l’occitan dins las trencadas es primièr lo combatent vengut dels quatre cantons d’Occitania, de Bordèu a Niça, de Pau a Lemòtges, de Narbona a Clarmont d’Auvernha. Pas totjorn plan aculhit, per còps difamat – se remembrar l’afar del 15en còs – a pas mens sofert e foguèt tant meritant dins los moments dificils. Aquelas qualques paginas li son dedicadas.
Quand lo sergent Louis Bonfils partís a la guèrra lo 14 d'agost de 1914, es un felibre que pòrte la contribucion del Miègjorn al combat de la granda França.
Las letras que manda a son complice Pierre Azéma son un escambi entre dos escrivans. Sont tanben de letras militantas. Primièr, e aquò's un fach unic demèst totas las correspondéncias de peluts conegudas a l'ora d'ara, per çò que son escrichas en occitan. Puèi per çò que testimònian d’un combat acarnassit per defendre la reputacion dels Miègjornals rudament atacada per los civils e los soldats de Nòrd de França. Aquela lucha per l’onor del Miègjorn conduirà Louis Bonfils fins al conselh de guèrra tengut sus lo front, ont serà aquitat, emai felicitat. Quand lo capitani Louis Bonfils es tuat a la guèrra, lo 11 de junh de 1918, a cèrtas remportat qualques bèlas victòrias, militaras contra los Alemands, moralas contra los Franceses de Nòrd, mas la guèrra que sembla ocupar d'un biais recurrent Nòrd e Sud es luènh d’èsser acabada.
L’edicion d'aquela correspondéncia excepcionala, entrepresa tre 1918, a degut esperar un sègle per véser lo jorn.
Lo Felibre F. Pouzol foguèt tuat sus lo front en setembre de 1918. Militant per l’ensenhament del provençal, sas òbras èran estadas publicadas en 1921. Uèi pareis una novèla edicion largament completada amb comentaris e analisis per diferents autors.
CREDDO, 12 Av. A. Chabaud - 13690 Graveson
Contactez nous a propos de cette page