Explorar los documents (5 total)

Emission realizada al CIRDÒC - Institut Occitan de Cultura a l'escasença de la serada d'envernissatge de l'exposicion « Jòga ! L'invencion d'un teatre popular contemporanèu ».
Lo subjècte es l'evolucion del teatre occitan, dempuèi los movements politics de 1968, fins a la primièra decada del segond millenari.
Coma aquel teatre popular e de contracultura foguèt fòrça portat per de femnas aquela serada lor balha una ampla plaça.

L'emission se compausa d'entrevistas e de captacions d'intervenent-a-s : presentacion de la tematica pel director del CIRDÒC - Institut Occitan de Cultura, Benjamin Assié ; extraches d'espectacles e entrevistas amb comedianas e comedian : "Sason de femnas" d'Anne Clément e la Cie Gargamela-teatre ; "Tiens bon : un demi-siècle de spectacles au pays" de Claude Alranq ; Isabelle François de la Cie La Serpeja TIO ; "Voses de femnas" de Myriam François e l'Art Cie ; "Martror, la festa dels mòrts" per Perrine Alranq e Marie Gaspa del Teatre de las Originas a Pezenas ; Danièla Julien, escrivana ; Joan-Claudi Forêt, professor de letras al departament occitan de l'universitat Pau Valéry de Montpelhièr.

Per de questions de dreches, los extrachs musicals difusats dins l'emission podon pas èsser mes en linha, foguèron doncas talhats de l'enregistrament.

Emission realizada a l'escasença de la presentacion publica, a la librària Sauramps de Montpelhièr, d'una antologia de la poesia occitana contemporanèa, pareguda dins lo suplement annadièr de la revista Triages, en 2010.

Es compausada d'entretens e de captacions dels autors, aital coma de lecturas de lors poèmas : James Sacrat, responsable de la parucion d'una antologia de la poesia occitana dins la revista Triage ; Jean-Claude Forêt, per las edicions Jorn ; Rotland Pecot, escrivan e poèta ; Joan-Frederic Brun, escrivan e poèta ; Aurelià Lassaca, poetessa ; Adelina Yzac, poetessa.

Per de questions de dreches, los extrachs musicals difusats dins l'emission podon pas èsser mes en linha, foguèron doncas talhats de l'enregistrament.

Emission realizada al collòqui Robert Lafont, La nauta consciéncia d'una istòria, organizat per Gardarem la tèrra, que se debanèt los 26 e 27 de setembre de 2009 a Nimes. Mantun professors, istorians e coneisseires rendon omenatge e tornan sul percors e las idèas de Robert Lafont.

Per de questions de dreches, los extrachs musicals difusats dins l'emission podon pas èsser mes en linha, foguèron doncas talhats de l'enregistrament.