Explorar los documents (5 total)

v-teveoc-2019-11-13.jpg
Sòfia, la bodegaira - Tè Vé Òc
Gros, Lise. Metteur en scène ou réalisateur
Emission dau 13 de novembre de 2019

Anam a Caudebronde, dins Aude, a l'escasença de la jornada a l'entorn de la bodega, organizada per l'associacion « Patrimoine, vallées des Cabardès ». La bodega es un instrument emblematic de la Montanha negra, que son nom existis pas en francés. Rescontram la bodegaira Sòfia Jacques-Serano, per una entrevista. La Sòfia, orginària de Belgica, fai tot per transmetre sa passion de la bodega, qu'es una varianta de la cabreta. Nos explica son foncionament e son istòria. Tanben fasèm coneissença ambé quauquei sòcis dau grop de bodegaires. Amb aquò, de tròç dau passa-carrièra que Sòfia e son grop animan per la fèsta.
Un reportatge de Lisa Gròs.
[resumit de Tè Vé Òc]
v-teveoc_2019-11-06.jpg
Trad'Session - Bal Cance & Courtial - Tè Vé Òc
Gros, Lise. Metteur en scène ou réalisateur
Emission dau 6 de novembre de 2019

A Banhòu de Cèse, au nòrd-est de Gard, la sala de musicas de « La Moba », una cooperativa creada en 2017, aculhiguèt una « Trad'Session », organizada per Le Fil Production e lo Label Mektoub. Per aquela serada bolegadissa, es lo grop La Ficelle, acompanhat dau rapaire R Can, que dubriguèron lo balèti, seguits per lo « Bal Cance / Courtial ». Nautrei avèm rescontrat Arnaud Cance e Paulin Courtial, per una entrevista en occitan sus son projècte de cançons a dançar. Profichatz tanben dei polits tròç de concèrt d'aqueu duo a La Moba !

Un reportatge d'Amada Cròs.
[resumit de Tè Vé Òc]
v-teveoc_2019-10-23.jpg
Lo grop Djahlekt - una mosaïca musicala - Tè Vé Òc
Gros, Lise. Metteur en scène ou réalisateur
Emission dau 23 d'octobre de 2019

A Pònt-Sant-Esperit, dins Gard, un grop de musicians de mai d'una generacion jògan de musica reggae « festiu ». Sa particularitat es de faire de compausicions e represas dins tres lengas : l'occitan, lo francés e l'anglés. Vos prepausam una entrevista de John Pradal, lo joine cantaire e autor-compausitor de Djahlekt. Lo grop, que coneissiá ren de la lenga e la cultura d'òc a son començament, es ara implicat dins la promocion d'aquestei. En mai d'aquela entrevista, vos prepausam quauquei tròç dau concèrt, filmat a l'escasença dau "Festi' Rock'Ail" a Piolenc, dins Vauclusa.
Un reportatge d'Amada Cròs.
[resumit de Tè Vé Òc]
v-teveoc_2019-10-16.jpg
Òbra de manescau - Tè Vé Òc
Gros, Lise. Metteur en scène ou réalisateur
Emission dau 16 d'octobre de 2019

Dins aqueste reportatge, vos presentam l'òbra d'un manescau, Sébastien Agullo, que nos fai cabussar dins son mestièr, ambé de demostracions dins lo mas de Théo, a Bèuvesin, ont aviam ja fach una emission. La manescalariá es un mestièr antic que lei òmes n'an totjorn de besonh, subretot ambé l'espandida dei centres equèstres. Descubrètz en detalhs totei leis etapas de son òbra, dau desferratge au riblatge, sus lei pès dau brave Djemello. Amb aquò, Jaumelina, sòcia de Tè Vé Òc, que nos fai mòstra de sa complicitat ambé son chivau.

Un reportatge de Jaumelina Bizet e Amada Cròs.
[resumit de Tè Vé Òc]
vignette_teveoc_11092019.jpg
Estrena a l'Ostal Sirventes - Tè Vé Òc
Gros, Lise. Metteur en scène ou réalisateur
Emission dau 11 de septembre de 2019

Vos menam a Carcassona, dins l'Ostal Sirventes, per vos presentar un reportatge a l'escasença dau « Sirventes d'estiu ». Alan Roch, president de l 'IEO d'Aude e Mirelha Braç organizèron una serada bèla alentorn dau tèma deis arbres. L'estrena èra aquela de la mòstra dei panèus de Gabriel Simonet sus leis arbres, lei plantas, lei bèstias... Un trabalh fin e complet, qu'èra tanben bilingue e fòrça didactic. Mirelha, qu'assegura lo cors d'occitan per adultes, presentèt una lectura a mantunas votz dau libre subrebèu e ben illustrat, L'òme que plantava d'arbres de Joan Giono ». Aquela serada fuguèt conviviala, ben rica e capitada. Per informacion, aquela manifestacion se perlongarà en octòbre 2019 amb lei Companhons de Paratge a l'entorn deis arbres. Un reportatge de Lisa Gròs.

Un reportatge de Lisa Gròs

[resumit de Tè Vé Òc]