Explorar los documents (153 total)

vignette_pastoralavolurs.jpg
CIRDOC - Institut occitan de cultura

PRESENTACION 

La Rampe-TIO interprèta lo tèxte crudèl mas poetic de Max Rouquette, tornant visitant lo genre tradicional de la pastorala.
Un ser de Nadal, un ric païsan e son esposan se planhon de la pigresa dels paures. Dos mendicaires frapan a la pòrta e pervenon a convéncer la femna que son Sant Pancraci e Sant Grabié en mission sus tèrra. Aculhits coma cal, los dos pretenduts sants fisan a lors dos òstes un grand secrèt : un tresaur es escondut jos la tèrra a una lèga del mas.
L’espectacle, en cors de creacion, serà presentat al public al sortir d’una setmana de trabalh.


INFORMACIONS PRACTICAS 

CIRDÒC - Institut occitan de cultura : Béziers, 1 Boulevard Duguesclin


Entrada gratuita sus inscripcion : 

secretariat@oc-cultura.eu / 04.67.11.85.13. 

vignette_literari_pinsaguel.jpg
Médiathèque Salou Casaïs de Pinsaguel
CIRDOC - Institut occitan de cultura
Occitanie Livre et Lecture
Librairie de la Renaissance

PRESENTACION 



Carta blanca a l'autritz Cecila Chapduelh per aquel segond cafè literari a Pinsaguèl. Lecturas, escambis, talhièr practic, seràn al programa d'aquel rendèz-vos familhal.

Per aquela segonda annada, lo cafè literari « Total Festum literari » prepausat pel CIRDOC e la mediatèca Salou Casaïs de Pinsaguèl, dona carta blanca a l'autora Cecila Chapduelh a l'entorn de son recuèlh « Mina de plomb, mina de ren - Mine de plomb, mine de rien ».
L'obratge, paregut en 2023 en cò de las edicions Jorn, dona a ausir lo cant d'una femna liura. Un rdv entre escambis, lecturas mas tanben practicas, puèi que l'artista vos prepausa de vos ensajar al vòstre torn a la mina de plomb.


INFORMACIONS PRACTICAS 

Médiathèque Salou Casaïs - 1 rue du Ruisseau, 31120 Pinsaguel

Entrada gratuita sus inscripcion : 

 mediatheque@mairie-pinsaguel.com /  05.61.76.88.68.

vignette_webinari-barroc.jpg
CIRDOC - Institut occitan de cultura
Rectorat de l'Académie de Montpellier

Per Sylvan Chabaud (Mèstre de Conferéncias en Literatura occitana modèrna e contemporanèa a l’Universitat Paul Valery, laboratòri ReSO) e Florian Bart (responsable del patrimòni escrich al CIRDÒC – Institut occitan de cultura)

Eveniment prepausat en collaboracion per lo Rectorat de l'Acadèmia de Montpelhièr, lo CIRDÒC - Institut occitan de cultura e l'Universitat Paul Valéry

PRESENTACION

Als sègles XVI e XVII, la literatura occitana explòra de vias novèlas dins un periòde istoric trebolat, entre ombras e luses, guèrras de religions e descobèrtas scientificas, vanitats e plasers de viure. L’escrich occitan ven, entre Provença, Lengadòc e Gasconha e jos la pluma d’autors variats, un territòri d’experiéncias poeticas generosas e pivelantas. Aquel webinari vos menarà sus las peadas d’aqueles primièrs escrivans modèrnes.
Concebut pels ensenhaires, aquel temps de formacion es dubèrt a l’ensemble del public.

INFORMACIONS PRACTICAS 

Lo dimars 30 d'abrial de 2024 a 18:00
En linha - Ligam de connexion Zoom sus inscripcion alprèp de prod-edu@oc-cultura.eu e afichat sus aquesta pagina lo 30/04
vignette_ra2023.jpg
CIRDOC - Institut occitan de cultura
Romain Diant - Studio Asensò (graphisme)
Perrine Alsina (trad.)
Sèrgi Javaloyès (trad.)
[ Bilanç de l'annada ]

Retorn sus una annada rica en accions culturalas e patrimonialas. 
Fòrt de sos dos labèls, Colleccions d’Excelléncia e Etnopòl, lo CIRDÒC - Institut occitan de cultura contunhèt en 2023 lo desvolopament de son accion dins totes los domenis d’intervencion definits per son projècte scientific, cultural, educatiu e social, e confirmèt son ròtle de menaire en
matèria de cooperacion territoriala per la coordinacion d’operacions patrimonialas, de lectura publica e d’engenheria culturala d’envergadura granda. D’un costat l’engatjament dins
las commemoracions dels centenaris Robèrt Lafont e Bernat Manciet illustrèt la pertinéncia del nivèl interregional dins la co-construccion d’un programa coerent e projectable a l’escala, mai larga, de l’espaci occitan. D’un autre costat, lo succès
del projècte montpelhierenc Martor. L’esprit des lieux, amb la participacion de centenats d’escolans e collegians de la vila, demostrèt la capacitat de l’establiment a renovelar sos formats
a la dimension d’una metropòli.
Enfin, la co-organizacion a Pau de la barradura del programa
europèu LIVHES en preséncia de Tim Curtis, Secretari de la
convencion de l’UNÈSCO per la salvagarda del patrimòni cultural immaterial, testimonièt del nivèl de reconeissença aquesit sul subjècte al près d’institucions prescriptoras.
Lo CIRDÒC - Institut occitan de cultura ne contunha pasmens una politica de site amb la progression de sas cooperacions localas en relacion amb sos dos equipaments, la Mediatèca
a Besièrs e l’Espaci Lecturas e Descobèrtas a Pau. La valorizacion de colleccions occitanas e la promocion
de la lectura publica en lenga s’enriquís d’iniciativas de proximitat, en ligam amb las associacions, institucions e collectivitats, çò que permet a l’encòp d’estructurar los publics e de sosténer los actors culturals. A títol d’exemple, la collaboracion amb los conservatòris de las doas ciutats contribuís a alargar los malhums locals, renovelar las fòrmas de mediacion e inspirar las proposicions d’educacion artistica
e culturala en relacion amb los diferents partenaris academics.

Una annada de tornar descobrir mercés al Rapòrt d'activitat de 2023, disponible aquí.

Creacion visuala Asensò / Romain Diant.
vignette_salinelles_2024.jpg
Association L' Aucèu Libre
Comité des fêtes de Salinelles
CIRDOC - Institut occitan de cultura
Occitanie Livre et Lecture
Los Rencontres de Salinelles de 2024 se desrotlaràn los 24, 25 e 26 de mai dins lo vilatjòt de Salinèlas, prèp de Someire (Gard).
Aculhit per la comuna dins l'irangeria e lo pargue del castèl, aquel eveniment es un temps d'escambi e de descobèrta a l'entorn de la literatura en lenga d'Òc, dins una perspectiva dobèrta e viva, que fa lo ligam entre los tèxtes grands de la tradicion literària d'Òc.  

DIVENDRES 24/05/2024 - cap. St Julien : « Serada medievala » - 20h00

« Cercamon : des textes à la musique »

>  Charrada amb Yves Leclair (traductor e poèta) : autour de la nouvelle traduction des œuvres de Cercamon (Collection Federop, Ed.Pierre Mainard).

> Lecturas d'un poèma de Cercamon : texte original, adaptation en occitan contemporain et traduction française.

> Espectacle musical amb lo duo La Beluga, Céline Mistral e Fred Montels.

DISSABTE 25/05/2024

Matinana, cap. St Julien : « Prosa D'uei : lo teatre occitan » - Lavoir de Salinelles

- 10h00 - Intervencion (conferéncia e discussion) - - Le Théâtre de Béziers (XVIIes.) : Jean-François Courouau (Un. Toulouse Jean-Jaurès) et Bénédicte Louvat (Un. Paris-Sorbonne).

« Batèsta » teatrala : opposant lecteurs et comédiens des différents horizons de l'espace occitan : Jean-François Courouau, Bénédicte Louvat, Véronique Fiol, Jean-Louis Blénet, Hélène Couedellot, Denise Daniel.

- 12h30  Pausa dejunar. Food Trucks


Mòstra e actualitat del libre d'òc

- 14h00 : Mòstra (salle des Maronniers)
Presentacion de l'exposicion Poésie - graphisme, acompanhada de lecturas de Jaume Privat. 

- 15h00 : Actualitat del libre d'òc (sala de l'Orangerie) Animada par Philippe Reig. 


Sièsto pouëtico, Orangerie du château :

- 16h30 :
Lo momenton dels pichons - l'entrevista 
Pels escolans de la Calandreta Aimat Serre (Renat Sette et Jaume Privat) amb doas cançons dels pitchonets de l'escòla d'Aspères

Sortida de residéncia - La miegjornalitat, qu'es aquò ?
Rencontre entre Hortense Raynal e Jaume Privat

- 17h45 : Performança poetica - La Vida fin finala
Renat Sette acompanhat de Gianluca Dessi', canta  18 poèmas de Jean-Yves Royer. 

- 18h30 : Se rencontrar a Salinèla (jos la pergòla)
Moment convivial a l'entorn d'un gòt. 


Serada festiva - Pargue del castèl

-19h00 : Obertura oficiala : en preséncia dels elegits e de las institucions partenàrias. 

- 19H30 : animation de l’espaci editors. Actualitats de l'edicion en lenga d’Òc.

- 20h00 : sala dels castanhièrs (Taula redonda pro ) - Los editors occitans

A partir de 20H15 Repais foods trucks + animacion musicala musica d’Oc (CD)

20h45 - Concèrt Mouss T e lei Jovents

 

PROGRAMA DEl DIMENGE 26 DE MAI

«Debats actuals » - Orangerie du château
La musique d’hier à aujourd’hui : comment la tradition peut nourrir la modernité ?

10h00 : Conferéncia - La musique provençale, entre tradition et modernité : André Gabriel.

11h00 : Intermèdi musical per André Gabriel 

11h45 : Des romantiques aux enfants du folk : comment la création occitane actuelle se nourrit de la musique traditionnelle : Jean-Jacques Casteret (ethnomusicologue, Directeur adjoint du CIRDOC - Institut occitan de cultura).

INFORMACIONS PRATICAS

Durant los dos jorns : Salon del libre d’Òc / Exposicions

Editors, Librariás e Revistas

Credd’O, Édite-moi, Jorn, L’Aucèu libre, Aquò d’Aquí, Revista ÒC, Le Félibrige, Reclams, IEO-IDECO, Espaci Occitan deis Aups

Informacions : T/ 06 84 90 73 92 / 06 23 53 25 32
Facebook : LesRencontresdeSalinelles
edito19.jpg
CIRDOC - Institut occitan de cultura

Per la prima, lo CIRDÒC - Institut occitan de cultura contribuís a dos eveniments bèls per la lenga e la cultura occitanas : Escale à Sète en Lengadòc e La passem en Gasconha. Dins lo quadre del mai important festenal maritim del continent, l'establiment prepausa una residéncia artistica de l’artista Joan Carles Codèrc “In situ in Seta” en partenariat amb l’IFREMER, lo Centre Régional d'Art Contemporain Occitanie/ Pyrénées-Méditerranée, la comuna de Seta, lo Licèu de la Mar e l’Ecole des Beaux arts. La produccion, una carta maritima experimentala, serà presentada a l’escasença de talhièrs participatius dins lo contenedor “IFREMER avec Escale”, al còr del festenal. En mai d’aquò, la senhaletica de l’eveniment serà bilingüa francés / occitan, una primièra ! Una preséncia de la lenga qu’afortirà l’animacion en platèu central de l’artista Isabelle François. Per la Passem e son percors entre las doas regions Occitania e Novèla Aquitania, lo CIRDÒC - institut occitan de cultura acompanharà la corsa amb una caravana especiala, en partenariat amb l’OPLO e lo Congrès. Dins aquel relai popular per la lenga, l’establiment farà descobrir otisses e supòrts per dintrar aisidament dins l’actualitat culturala. Alors metètz los vòstres basquets e venètz còrrer amb nosautres !  

Descobrir la Letra en Òbra 19 - Març de 2024 / Mai de 2024 : AQUI
vignette.jpg
CIRDOC - Institut Occitan de Cultura
Le Laboratoire ITEM de l’UPPA
Direction générale des patrimoines du Ministère de la Culture
Lo Laboratòri ITEM de l’UPPA, lo CIRDOC - Institut Occitan de Cultura e la Direccion generau deus patrimònis deu Ministèri de la Cultura, qu’organizan dias de formacion suu Patrimòni culturau immateriau. Viu e contemporanèu lo Patrimòni Culturau Immateriau (PCI) que tien, segon la convencion de l’UNÈSCO qui l’ei dedicada (2003) : las practicas, representacions, expressions, coneishenças e saber-har – atau com los instruments, objèctes, artefactes e espacis culturaus qui’us son associats - que las comunautats, los grops e, a còps tanben, los individús e reconeishen com hant part deu lor patrimòni culturau. Aqueth patrimòni culturau immateriau, transmetut d’ua generacion tà l’auta, qu’ei tornat crear a contunhar per las comunautats e los grops en foncion deu lor demiei, de la lor interaccion dab la natura e de la lor istòria, e que’us balha un sentiment d’identitat e de continuèr, qui contribueish atau a promòver lo respècte de la diversitat culturau e la creativitat umana.
Deus arcanes de l’UNÈSCO e deu Ministèri de la Cultura dinc a l’enquista de terrenh ; de la redaccion de fichas d’inventari dinc a l’elaboracion d’un dossièr de labellizacion ; de la realizacion d’archius bruts dinc a la lor valorizacion mercés aus apèrs numerics (sites, hialats sociaus) ; aquera formacion qu’abordarà las questions d’inventari e de sauvaguarda deu PCI tant tà çò de la teoria com de la practica. Lo patrimòni culturau immateriau qui apèra ua expertesa partatjada enter practicaires, cercaires e institucions patrimoniaus, aquera co-construccion que s'interrogarà suu PCI e la gestion deus comuns fonsièrs d'un territòri. Salias que vairà alavetz lo terren viu d'experimentacion d'aquera setmana de formacion.

La formacion completa qu'ei reservada prioritàriament aus estudiants de l'UPPA, qu'ei totun possible d'assistir gratuitament a las jornadas deu diluns, dimars matin e dimèrcs matin en presenciau o per visioconferéncia sus inscripcion en seguint aqueth ligam.

Programa :


DILUNS 8 d'ABRIU
Mairie 
Place du Bayaa
64270 Salies-de-Béarn

9h : Arcuelh / Introduccion aus dias
Thierry Cabanne (Maire de Salias de Biarn) ; Alain Latrubesse (President de la Corporacion deus Partprenents de la Hont Salada) ; Patricia Heiniger-Castéret (Co-directora deu Master Patrimònis et Musèus, ITEM EA 3002 – UPPA) ; Jean-Jacques Castéret (Director adjunt CIRDOC - Institut occitan de cultura).


10h - « La Convention de l’UNESCO et le rôle des ONG pour le Patrimoine Culturel Immatériel » 

Laurier Turgeon (Professor d'etnologia e d'istòria, Director deu Laboratòri d'enquèsta etnologica e de multimèdia de l'Universitat Laval, Quebèc) en visioconferéncia.

14h - « Question d’actualité autour de la politique du Patrimoine Culturel Immatériel en France » 

Lily Martinet (Cargada de mission entau patrimòni culturau immateriau, Ministèri de la Cultura)

16h - « Médiation et valorisation numérique du Patrimoine Culturel Immatériel »
Oihana Olazcuaga-Garibal (Responsabla EAC et mediacion numerica, CIRDOC - Institut occitan de cultura) 


20h30 - Projeccion e debat

Filme documentari En commun, la propriété collective à l'épreuve de la modernité de Jean-François Joye e Olivier Chavanon dab la participacion de Bernard Morlaàs (Partprenents, Corporacion dus Partprenents de la Hont Salada).


DIMARS 9 de ABRIU
Le Lodge
Quartier Helios Chemin de Labarthe 
64270 Salies-de-Béarn

9h - « Les communs fonciers et le Patrimoine Culturel Immatériel »

Lily Martinet (Cargada de mission entau patrimòni culturau immateriau, Ministèri de la Cultura)

10h30 - Programa SUDOE LIVHES : « La valorisation du PCI comme vecteur de développement des territoires : présentation du Guide des bonnes pratiques et expériences pilotes »

Jean-Jacques Castéret (Director adjunt – CIRDOC - Institut occitan de cultura)
Marion Llorach (Cargada de mission desvolopament locau – Pòle Metropolitan País de Bearn).

14h - La lectura de paisatge au prisma deu PCI
Reservat aus estudiants de l'UPPA

20h30 - Serada conte 

dab lo contaire Fred Handy

DIMERCS 10 de ABRIU
Le Lodge
Quartier Helios Chemin de Labarthe 
64270 Salies-de-Béarn

9h - « Les communs fonciers, des réponses pertinentes aux problématiques territoriales contemporaines »
Jean-François Joye (Professor de dret public a l'Universitat Savòia Montblanc) en visioconferéncia.

10h30 – Taula redona : « Les communs fonciers »
Dominique Cunchinabe (antropològue, ITEM EA 3002 – UPPA)
Rémy Berdou (Etnològue - Responsable partenariats Etnopòle e accion territoriala Gasconha-Pirenèus, CIRDOC – Institut Occitan de Cultura)
Alain Latrubesse (President de la Corporacion de las Partprenents de la Hont Salada)

14h - Tribalh en talhèrs (reservats aus estudiants de l'UPPA)

Metodologia de l’enquèsta orau : Patricia Heiniger-Casteret (Co-directora deu Master Patrimònis e Musèus, ITEM EA 3002 – UPPA)

Tecnica de la captacion video: Patrick Girard (Pyrène Produccion)
Analisis fotografics : Pierre Coudouy (Fotografe professional).


DIJAUS 11 de ABRIU
(reservat aus estudiants de l'UPPA)

Matiada : tribalhs de terren
Vrèspe : tribalhs deus grops

Tractament e classament de las dadas
Seleccion de las fòtos e d’extrèits sonòrs
Montatges video
Organizacion de las dadas per las ficas d’inventari e las paginas Wikipèdia.

DIVES 12 de ABRIU
(reservat aus estudiants de l'UPPA)

Seguidas deus tribalhs deus grops

Tractament e classament de las dadas (fin)

Redaccion de las fichas d’inventaris
Finalizacion deus apèrs de valorizacion

Restitucion per grop deus tribalhs

Conclusion de la formacion per Patricia Heiniger-Casteret (Co-directora deu Master Patrimònis et Musèus, ITEM EA 3002 – UPPA).

vignette_plumas.jpg
CIRDOC - Institut occitan de cultura

PRESENTACION

Lo CIRDOC vos convida a una novèla serada literària al rencontre de tres  «  plumas » d’ièr e d'uèi. 

Florian Vernet dobrirà lo balèti als costats de Fabienne Vayrette. Tornarem sus son darrièr obratge « Anamorfòsis » (prima de 2024, edicions E... rau !), abans de descobrir la primièra òbra editada per l'autritz de Gers (E víver, abril 2024, Reclams) .
Marie-Jeanne Verny, Silvan Chabaud e Christian Lagarde abordaràn en seguida de concèrt, lo percors literari de Bernard Lesfargues a l'escasença de la parucion d'un numèro inedit de la revista numerica Plumas, dedicada a l'autor en aquela annada de centenari. 

INFORMACIONS PRACTICAS 

Lo 17 de mai a 18h30
CIRDOC - Besièrs : 1 bis Bd Du Guesclin, 34500 Besièrs
Informacions e reservacion (conselhada) : secretariat@oc-cultura.eu / 04.67.11.85.13.

Entrada gratuita.
vignette_programme_1.jpg
CIRDOC - Institut occitan de cultura

Per mancar pas res de sa programacion evenimenciala, lo CIRDOC – Institut occitan de cultura vos propausa un supòrt novèl, son programa trimestrial.

Lo primièr numèro vos propausa de descobrir los eveniments de venir pel site de Besièrs, pel periòde Març/Abril/Mai.

E per mancar pas un dels rdv propausat per l'establiment, pensatz a seguir la nòstra actualitat en linha mercés al nòstre open Agenda : https://openagenda.com/cirdoc

Design imatge de cobèrta : Clémence Estivals / https://clemencestivals.fr/

concorses_2024-1024x505.jpg
CIRDOC - Institut occitan de Cultura

Lo CAÒC organiza lo 5n CONCORS DE RACONTES BRÈUS «ENRIC GARRIGA TRULLOLS» e lo 1èr CONCORS D’ENSAGS E ARTICLES «D’AURA EN AURA».

La matèria e lo genre dels racontes es liure. Los assages o articles, de caractèr non-fictiu, son dobèrts a totas las manifestacions de l’occitanitat. Totas las variantas de lenga occitana son benvengudas.

Se clicatz sul ligam i traparetz las basas dels concorses.

Podètz mandar los escriches en supòrt numeric (per e mail) al mai tard lo 2 d’abril de 2024 a l’adreça seguenta: caoc@caoc.cat

Vos encoratjam a participar! 


Programa del concors.

sus 16