Explorar los documents (315 total)

v-lenga-d-oc-teveoc-20-12-2018.jpg
Lenga d'òc : Contes & Rencontres 2018 / Tè Vé Òc
Emission del 20 de decembre de  2018

Despuèi mai de 30 ans en fin d'automne, lo "Festenau Contes et Rencontres" organiza pendent un mes un molon de manifestacions a l'entorn dei còntes, la literatura, la musica, lo teatre. En brèu, prepausa de rescòntres entre Droma e Vauclusa per partejar d'istòrias ambé lei gents d'aquí. De contaires professionaus e amators, seleccionats per l'associacion organizairitz, van de vilatge en vilatge semenar de mòts, d'imatges, de sòns, per totei lei publics. Se la velhada dins leis ostaus d'a passat temps a desaparegut de nòstrei costumas, lo Festenau ié atribuís de plaças novèlas, populàrias e e diversificadas. E nautrei vos prepausam d'entrevistas dei contaires Joan-Loís Ramel (acompanhat de sa femna Jaumeto) a Vinsòbre e de Florant Mercadier a Pumeiràs, ambé de tròç de seis espectacles qu'acaban la sason 2018.
Un reportatge d'Amada Cròs.
vignette_teveoc_lenga-d-oc_29-11-18.jpg
Emission Lenga d'Òc : Lo moviment dels estudiants « dau Clapàs » festeja sos 20 ans
Gros, Lise (1943-....). Metteur en scène ou réalisateur

Emission dau 29 de novembre de 2018. 

Fai 20 ans que lo Med'òc, associacion d'estudiants occitans, veguèt lo jorn, dins l'Universitat Pau Valèri de Montpellier. De son nom complet « Med'òc dau Clapàs », l'associacion es a l'origina d'un molonàs d'eveniments per los estudiants e non estudiants, per promòure la cultura e la lenga nòstras. « Intelligent e bolegadís » son lei mòts mèstres dau Med'òc.
Vos presentam leis accions e lei caras d'aqueste moviment que festejava sos 20 ans en 2018. 
Un reportatge de Lisa Gròs.

v-teveoc-lenga-d-oc-22-11-2018.jpg
Lenga d'òc : Medelha (espectacle) / Tè Vé Òc
Emission dau 22 de novembre de 2018
La Compagnie « Rêves du 22 Mars » adaptèt « Medelha » en version bilinga, l'òbra teatrala maja de Max Roqueta. Anèrem a Montpelhièr a l'escasença d'una representacion dins lo pargue de la Maison pour tous Mélina Mercouri. Es dins la version sensa musica que vos prepausam de (re)descubrir aquela creacion presentada en mitan urban. Concebuda per èstre jogada a l'exterior, dins lo bruch ambient, aquela adaptacion de la pèça nos es detalhada dins una entrevista ambé Bruno Paternot, comedian e meteire en scena. Una immersion dins una òbra universala e intemporala.
Un reportatge d'Amada Cròs.
vignette-hommage-belmont.jpg
Omenatge a Joan-Pèire Belmon/ Tè Vé Òc
Emission dau 15 de novembre de 2018

A l'escasença de la presentacion dau libre postum de Joan-Pèire Belmon, avèm rescontrat lei responsables d'aqueste projècte emai l'anciana colaboratriz de television dau jornalista, Liza Pannetier. Titolat À la première personne, aquel obratge escrich per Joan-Pèire Belmon raconta son percors d'animator de Radio France Bleue Vaucluse, mai tanben seis diveseis òbras a Vaquí e seis luchas militantas. Un momenton clafit d'emocions que permetèt ai pròches de Joan-Pèire de faire coneissença amb un libre intime e universau. Tanben, nòstra emission omenatge vos fai descubrir la concepcion dau libre paregut en junh de 2018.
Un reportatge de Miquèu Gravier.
v-lenga-d-oc_teveoc-8-novembre-2018.jpg
Lenga d'òc : La Setmana Provençala ambé Guilhem Vaton / Tè Vé Òc
Emission dau 8 de novembre de 2018

En Avinhon, la Setmana provençala es organizada per d'associacions divèrsas qu'an per tòca comuna la promocion de la lenga e de la cultura d'òc. Avèm filmat la sortida sus l'iscla de la Bartelaça prepausada per Provença Tèrra d'Òc. Au cap d'aquela animacion, Guilhem Vaton, ancian calandron e ornitològ. Es environat d'un trentenat de personas que lo jovent menèt lo percors, a la recèrca d'aucèus migrators e autrei acostumats de l'iscla. Una polida tantossada que lei locutors e lei non-occitanofònes se mesclèron e seguiguèron ambé plaser lei piadas d'un ornitològ aüros de partejar en lenga nòstra lei noms deis aucèus.
Un reportatge d'Amada Cròs. 

v-teveoc-lenga-d-oc-25-octobre-2018.jpg
Lenga d'òc : Una istòria de trins / Tè Vé Òc
Emission dau de 25 octobre de 2018

S'avètz pancara vist un caminòt parlar de son mestièr en lenga nòstra, siatz tombats sus la bòna emission ! Anèrem a Miramàs rescontrar Gerard Roussel, acompanhat de Reinat Nozéarn. Dins aqueste reportatge, vos presentam l'economia e leis usatges divèrs dau patrimòni ferroviari, amb leis exemples de la gara de Miramàs e dau musèu dau camin de fèrre a Nimes. Seguissètz-nos entre autrei dins lo percors dau depaus de Miramàs, que Gerard nos explica lei mestiers de caminòts e lei foncionaments dei trins a travèrs leis epòcas.
Un reportatge d'Amada Cròs
v-teveoc-lenga-d-oc-18-octobre-2018.jpg
Lenga d'òc : SILOÉ : associacion graulenca que manten son cap / Tè Vé Òc
Emission dau 18 de octobre de 2018

Au Grau dau Rei, vilatge de pescaires venguda estacion balneària, avèm rescontrat de sòcis de Siloé. Es una associacion especializada dins la sauvagarda e lo manten dau patrimòni maritime. Prepausa dins seis atalhièrs divèrs chantiers d'insercion e d'accion sociala. Un projècte bèu que dura despuèi 1984. Siloé nos mena amb ela en mar e nos presenta de batèus que faguèron l'objècte de restauracion. De demostracions de manòbras dins un batèu « vela latina » nos permeton de descubrir l'organizacion e la solidaritat d'una chorma investida. Un reportatge d'Amada Cròs. 
v-lenga-d-oc_teveoc-11-octobre-2018.jpg
Lenga d'òc : Lei Trobadors cantan l'art romanic / Tè Vé Òc
Emission dau 11 de octobre de 2018

Entre la prima e l'automne, lo Festenau «Les Troubadours chantent l'art roman » se debana cada an despuèi 2006 en region Occitanie e mai en Catalonha. Lo principe es la ligason entre leis edificis religiós e leis artistas que meton a l'onor de musicas de Mediterranèa. E mai se, de còps que i a, coma a Banhòus de Cese dins nòstre reportatge, lei concèrts se pòdon debanar dins de salas modèrnas. D'entrevistas e d'imatges de la serada dau 28 de setembre vos donaràn un apercebut d'aqueu festenau particularament estacat a nòstra cultura.
Un reportatge d'Amada Cròs.
v-lenga-d-oc-teveoc-4-oct-2018.jpg
Lenga d'òc : Quanta bèla enterrada ! / Tè Vé Òc
Emission dau 4 d'octòbre de 2018

En Aumessas, dins lei Cevenas gardesas, de comedians amators presentèron una pèça adaptada dau cònte de Claudi Anselme e Joseta Duplan. E mai, aquestei joguèron au costat de Muriel Martinet e Clara Bertrand. ''Quelle belle enterrada !'' es un espectacle bilingue que d'un subjèct grèu ne'n sortísson de galejadas, de jòcs de mòts e de situacions a de còps dificilas ò amusantas. Vos convidam an' aquela bèla enterrada per faire la coneissença de Rachel e son òme, la pastressa e lo novèu garda-campèstre, dins una revista de Marc Carteyrade. 
v-lenga-d-oc-teveoc-20-sept-2018.jpg
Lenga d'òc : Rescòntres Occitans en Provença 2018 / Tè Vé Òc
Emission dau 20 de setembre de 2018

Lei 40ens Rescòntres en Provença recampèron un centenat d’estagiaris dins 17 talhièrs variats : lenga, istòria, teatre, cant, acordeon, toponimia, medias, environament, cosina, botís e autrei. L’escoleta aculhiguèt d’enfants que crèeron lei personatges dau filmòt inventat « Pèire e son lop ». Venètz au rescòntre deis animators que dònan un bof vertadièr en aquela manifestacion, ponctuada per de seradas bèlas que lo balèti i a tota sa plaça. Trabalh, léser, escambis estrambordants, debats e un anniversari espectaclós. Un temps fòrt e ric per totei. Un reportatge de Lisa Gròs.
 
sus 32