Explorar los documents (315 total)

Emission dau 31 de març de 2017

Vos prepausam una emission sus la biodiversitat en mitan amenatjat per l'òme. Mai particularament centrat sus lei aucèus, nòstre reportatge vos mena dins lo pargue ornitologic dau Pont de Gau e dins la Resèrva naturala dau Scamandre. Una pausa en Camarga per conéisser e comprene coma l'uman s'es emparat de la tèrra, per mièlhs la metre au servici de la Natura.

Emission dau 23 de setèmbre de 2016

Les Diables de la Garrigue son un grop de musicians intergeneracionau resumit per de rescontres uros, d'inspiracions justas e una performança transcendenta. Per aquelei musicians, un espectacle dei Diables de la garrigue es una convidacion a se leissar portar per la transa. Dins aqueste reportatge, descubrètz la « transa'n'dança » au biais dei Diables de la garrigue.

Emission dau 9 de setèmbre de 2016

Un eveniment coma lo Forum Eurò-Regionau, podiam pas lo mancar ! Es a Castèlnòu d'Arri que vos menam per una pichòta virada dins aquela manifestacion de 3 jorns.

Au programa, presentacion dau Forum ambé lo director dau CIRDÒC Benjamin Assié, teatre, musica e questionament a l'entorn de la promièra edicion dau Forum e de son endevenir.

Crosament entre leis lengas e lei culturas, lo Forum a per objectiu de faire se rescontrar dei politicas culturalas e favorizar leis escambis entre Occitània, Catalunha e leis Illas balearas. Entitat complèxa que n'es qu'à son fondament, lo Forum poncha de volontats comunas d'avançar ensems, dins un ideau d'universalitat e de dubertura. Aquest an, la plaça èra facha au patrimòni e a la creacion. Un tèma qu'a pas mancat de faire viure lei debats e dinamizar lei rescontres.

La còla de TèVéÒc.

Emission dau 2 de setembre de 2016

La còla es anada cubrir la finala deis "Cafès Òc" lo 8 de a Somèires (30), dins l'encastre dau Total Festum. Sarètz en compania de l'elegit regionau  Patric Roux, de l'organizator Denis Galvier, de Claudi Pisanecchi (Cabr'e'Can), Maria Jo Dory (Cafè occitan de Pinhan) e Domenge Caucat (Cafè occitan d'Argelièrs). Lo reportatge poncha la dinamica d'una iniciativa coma aquesta, lei "Cafès Òc" aguent una part significativa dins la ligason entre la cultura e la lenga d'òc. Èron sièis estructuras de "Cafè Òc" dins la region a s'acampar per festejar la fin de la sason, sus una nòta musicala.

Ambé lei grops Les Cigales, Lo Cocut, Cabr'e'Can et lei contairas Anèta Clément, Millie Dolan, Lisa Gròs.

Emission del 17 de junh de 2016

En mai de 2016 se debanèron los 20^ens rescontres de la cançon occitana organizats per lo Buòu, lo Cercle occitan de Mesa (34).
Un reportatge d'Amy Cròs.

Emission del 10/06/2016

Demonstracion en còsta de mòtos de competicion de las annadas 1920 a las annadas 1970.

Amb la preséncia del Rodesian Jim Redman, 6 còps campion del monde.

Imatges e realisacion : Miquèu Gravier

Emission dau 03/06/2016

Claudi Jean frequentèt lo talhièr d’occitan per adultes de la MARPOC a Nimes pendent un vintenat d’annadas. I retrobèt sa lenga : lo provençau nimesenc. Après Le Paradis des trains perdus,  presenta son segond libre, Les Murmures du vent, 10 nouvelas bilingüas, occitan /francés.

Emission del 27/05/2016

Visita de l'exposicion de fòtos de Georges Souche a l'entorn de l'òbra de Max Rouquette a la mediatèca André Malraux de Besièrs, amb la participacion del CIRDÒC, acompanhada de libres, fòtos, letras, manuscrits e dessenhs de Max Roqueta.

Amb la participacion de Marion Ficat, responsabla del pòl patrimòni al CIRDÒC, e de Naoko Sano, professora a l'universitat municipala de Nagoya (Japon).

Presentacion : Lisa Gròs
Imatges e realisacion : Miquèu Gravier

Emission dau 20 de mai de 2016

Au castèu de la Roseraie, a Carpentras, un estage de cant polifonic occitan. Ai costats de Danièla Franzin, de femnas s'espròvan dins lo cant ambé la lenga d'Òc coma clau de l'encantament. Un reportatge que s'agacha ambé l'aurilha, realizat per Amada Cròs.