Recèrca

Occitanica > Recèrca
Filtrar
Filtres actifs
Mot-clé : Polin de Pesenàs = Poulain de Pézenas
Sauf
Sous-Menu : Immatériel
sant_blasi.jpg
Fête de la Sant Blasi à Pézenas / Mathias Leclerc
Tipe : Film documentari / Data : 2011
Leclerc, Mathias
Aqueste filme de 8 minutas foguèt realizat per Mathias Leclerc (Gignac : Altaïr Prod) a l'escasença del Carivari de la Sant Blasi menat pel Teatre de las Originas lo 4 de febrièr 2011 dins la vila vièlha de Pesenàs.

Las Temporadas de Pesenàs

La Vila de Pesenàs es venguda un dels luòcs màgers del patrimòni cultural immaterial d'Occitània amb l'inscripcion per l'UNESCO del sieu « animal totemic », « Lo Polin », sus la « Tièra representativa del patrimòni cultural immaterial » al títol dels « Gigants e dracs processionals de Belgica e de França », mas tanben amb sas Temporadas que tornan actualizar las fèstas calendàrias (la Sant Blasi e lo Carnaval a la prima, la Sant Joan d'estiu al solstici, Martor o la fèstas dels mòrts a l'apròcha de l'ivèrn). Menadas fins a 2014 pel Teatre de las Originas, aquestes moments fòrts de cultura immateriala, plaçats jol doble signe de las tradicions imemorialas e dels rituals festius contemporanèus, son ara menats pel Collectiu Temporadas de Pézenas.

La Sant Blasi de Pesenàs ritualiza lo reviscòl de la prima e dobrís lo periòde carnavalesc : « Lo pòple partís desrevelhar los salvatges car es temps de festejar lo reviscòl de la natura... Mas dins quals embassaments de la Tèrra se tròban ? Eles sols pòdon invocar sant Blasi, sant de las bèstias e del buf que, montat a vira-cuol sus son ase, temptarà de recuperar las claus per obrir las pòrtas de la villa al Carnaval. Aquestas claus, son los Capitols que las detenon, los bailejaires dels barris que non vòlon pas veire lo Carnaval davalar per carrièras. Es quand lo pòple aurà reprès prossession de la Ciutat que la Carnavalina poirà envasir e far gisclar aquel buf que fa dreçar lo pel, lo rire e la derision als estatjants a l'apròcha del Carnaval ! » (Argumentari de la Sant Blasi de Pesenàs, Collectiu Temporadas, 2015)

Presentacion de la companhiá

Lo collectiu que constituirà lo Teatre de las Originas nasquèt en 2003, suls bancs de la licéncia professionala « Actors Sud » e regropa de comedians, a l'encòp cercaires e scenografes prepausant d'espectacles de carrièra transdiciplinaris e interactius. Lo collectiu posa dins lo patrimòni cultural immaterial local la matèira d'una creacion novèla que fa resonar luòc, istòria, tradicions e estatjants dins una entrepresa tant artistica coma culturala e sociala.
Mise en ligne : 15/09/2011
DSC04113.JPG
La batejada del Tribus Lupis de Cornonterralh en imatges
Tipe : Film documentari / Data : juillet 2012
L'animal totemic de Cornonterralh, lo Tribus Lupis, foguèt batejat lo 9 de junh de 2012.

Aquela vidèo d'amator dona a veire lo lop de tres caps, que, conta la legenda, castiguèt un senhor que tiranizava los estajants de Cornonterralh. Barrutla per carrièras dins aquel borg d'Erau, acompanhat pels pairins, lo Polin de Pesenàs, lo  Pelican de Puègserguièr e la Confrarià de San Foutin.
Mise en ligne : 28/06/2012
Sant_blasi_1.jpg
La Sant-Blasi : Pesenas, carnaval 2009 / Théâtre des Origines avec Ocdiovisuel
Tipe : Film documentari / Data : 2009
Théâtre des origines
Reportatge vidèo realizat per Ocdiovisuel (Serinhan) sul carivari de la Sant Blasi qu'inaugura lo periòde carnavalenc a Pesenàs.
La fèsta de la Sant Blasi s'inscriu dins las « Temporadas » de Pesenàs, reactivacions artisticas de las fèstas ritualas ligadas als cicles calendaris (Sant Blasi e Carnaval a la prima, Sant Joan d'estiu, Martror a la Totsants, etc.) dins l'encastre d'un projècte de recèrca e transmission del patrimòni cultural immaterial regional.

Las Temporadas foguèron portada pel Théâtre des Origines fins a 2014, puèi pel Collectiu Temporadas.

Al moment del carivari de 2009, Claude Alranq teniá lo ròtle de Sant Blasi, lo sant patron de Pesenàs.
Mise en ligne : 12/09/2011
Sant-blasi2.jpg
Tradition Languedocienne : la Saint Blaise de Pézenas / Olivier Barbel
Tipe : Film documentari / Data : 2007
Barbel, Olivier
Lo filme seguís la procession de Sant Blasi per carrièras dins Pesenàs lo 3 de febrièr de 2007, pendent carnaval.

A Pesenàs en Lengadòc, 40 jorns aprèp Nadal e 40 jorns abans Pascas, lo ritual de Sant Blasi marca la fin de l'ivèrn, festeja lo retorn de la prima e dona lo còp de partença a las fèstas de Carnaval.
Mise en ligne : 12/09/2011
vignette_P7b.jpg
Videoguida : Lo Polin de Pesenàs (en lenga occitana sostitolada francés)
Tipe : Film documentari / Data : 2014

Animal «totemic» de Pesenàs, lo Polin figura dempuèi 2005 al classament del patrimòni oral e immaterial de l’umanitat de l’UNESCO. Aqueste caval de tela e de fusta acompanha lo monde de Pesenàs dins totas lors festivitats.

Aquesta videoguida d'animacion foguèt realizada en 2014 dins l'encastre del projècte e-Anem, finançat pel FEDER en Lengadòc-Rosselhon.

Version occitana sostitolada en francés.

Mise en ligne : 15/10/2014
ronda-gigants-totems.jpg
Lenga d'òc/Lengo d'o : La Ronda Europenca dei Gigants e Totems / Tè Vé Òc
Tipe : Emission TV / Data : 2017-07-20
Tè Vé Òc. Producteur
Emission dau 20 de julhet de 2017

La primièra dimenchada de julhet vei una manifestacion novèla qu'a vocacion a se perennizar. Se tracta d'un acampament deis emblèmas dei comunas concernidas per la cultura totemica. Son de representacions que rebaton l'identitat d'una vila, d'un vilatge. L'enjòc d'aquela partida dau patrimòni culturau immateriau serà au còr de la manifestacion. S'i vei tanben la creacion oficiala de la federacion "Totemic", que permet ai sòcis d'aver una tribuna e una communautat.

Un reportatge d'Amada Cròs.
Mise en ligne : 21/07/2017
vignette_22278.jpg
Videoguida : Lo Polin de Pesenàs (lenga e sostítols en occitan)
Tipe : Film documentari / Data : 2014

Animal «totemic» de Pesenàs, lo Polin figura dempuèi 2005 al classament del patrimòni oral e immaterial de l’umanitat de l’UNESCO. Aqueste caval de tela e de fusta acompanha lo monde de Pesenàs dins totas lors festivitats.

Aquesta videoguida d'animacion foguèt realizada en 2014 dins l'encastre del projècte e-Anem, finançat pel FEDER en Lengadòc-Rosselhon.

Version occitana sostitolada en occitan

Mise en ligne : 01/04/2020
12-poulain-polin-pezenas-pesenas-fl.xml
Lo Polin de Pesenàs / Le Poulain de Pézenas / The Foal Of Pézenas
Tipe : Ressorsa ensenhament / Data : 2017-09
Centre de ressources d’éducation au développement durable (CREDD)
Guillon, Adèle
Passant per Pesenàs, Louis VIII se desconsola d'i dever abandonar son èga malauta...
Retrobatz la legenda de l'animal totemic de Pesenàs  (34) contada en francés, en occitan e en anglés per Adèle Guillon e illustrada per Jane Appleton (fica sortida del bulletin del Centre de ressorsas d'educacion al desvolopament durable de Valhan).


Consultar l'integralitat del numèro sus la Maleta
Mise en ligne : 21/11/2017
pelican-couv-vignette.jpg
La Batejada del Pelican de Puègserguièr : rendut-compte del batisme del Pelican de Puègserguièr
Tipe : Tèxte electronic / Data : 2012
Claude Alranq
Fred Cot
Johan Hannequin, photographe
Lo 19 de mai de 2012, un animal totemic novèl nais dins l'oèst erautés, lo Pelican de Puègserguièr, a l'iniciativa dels Goulamas'K. Aqueste « dorsièr del patrimòni cultural immaterial » tòrna prene los diferents temps de l'eveniment.
Mise en ligne : 06/06/2012