Loisa Paulin (1888-1944) nasquèt a Reialmont (Tarn). Son òbra poetica francesa e occitana, recompensada per mantun prèmi literari, es estada saludada per una critica abondosa e elogiosa. La tèsi de Lucie Miklošková (Universitat de Masary, Republica Chèca) analisa las diferentas variacions de l'amor e de la tradicion dins l'òbra poetica de Loïsa Paulin : amor de la natura, amor del país, amor uman, amor de la vida e amor perdut. L'analisi tematica es acompanhada d'un estudi de la versificacion, ancorada dins la tradicion populara tal coma trobadoresca.
