Paregut dins un numero de la revista Pôle Sud - Revue de science politique de l'Europe méridionale (n°20, 2004) consacrat als partits regionalistas e nacionalistas, aquel article de Fabien Nicolas, secretari general del Comitat Jean Jaurès e doctor en sciéncia politica a l’universitat Montpelhièr 1, analiza al travèrs de l’istòria recenta del Partit occitan (PÒC) fondat en 1987, la particularitat de la situacion politica occitanista : de moviments socials e culturals ancians e sovent fòrts e una abséncia d’identitat politica partisana establida e durabla a l’entorn de l’idèia occitanista a la diferéncia de las autras « periferias ». Avant de liurar una analisi del PÒC al travèrs d’una seria d’entretens e un trabalh suls escriches del jove partit occitan, torna fòrt amont sus la situacion de l’espaci occitan, sas caracteristicas especificas a rapòrt als autres espacis de reivindicacion regionalistas o autonomistas.
